Zamir Erkin AGAZADE

Külək (tanka)

noreply@blogger.com (Zamir Erkin Agazade) — Wed, 27 Dec 2023 07:47:00 +0000

Acmışdı külək;

gecə bir dişlək aldı

evin üzündən.

Yerə zəvvar enmişdi -

evimiz Kəbə idi.

Qeyd: O gün külək evimizin şiferini qoparmışdı.

Get, qızım!

noreply@blogger.com (Zamir Erkin Agazade) — Sun, 22 Oct 2023 19:59:00 +0000

Yol görünür?

-get, qızım.

Çox çək-çevir eləmə.

çiçəklərə heyifdir,

“sevmir-sevir” eləmə.

Yol görünür?

-get, qızım.

Durmağın mənası yox,

bir könlü dəfələrlə

qırmağın mənası yox.

Qürur bir dəfə qırılar,

insan bir dəfə vurular,

yorular ürək, yorular..

Yol görünür?

-get, qızım.

Bəxtin ögeyiyəm - əlimi tutmur

noreply@blogger.com (Zamir Erkin Agazade) — Sun, 26 Feb 2023 19:38:00 +0000

Təkcənəm, birdənəm, birim, hardasan?

Bilmirsən, darıxır,

darıxır necə;

darıxır səninçün biri hardasa...

Yaralar incidir, sanki içincə -

göynəyir qəlbimdə yerin, hardasan?

Bəxtin ögeyiyəm - əlimi tutmur,

vüsal çox uzaqdır, dilimə yatmır.

Mən sənə çatmıram, sənə mən çatmır,

yarım qalmışam mən, yarım, hardasan?

Qəlbinin ağrısı nədir, bilmirəm,

Bilirəm:

çətinəm, bir az dərd-sərəm.

Soyutmur ayrılıq, bəlkə öldürə?!

Soyuldum mən səndən, dərim, hardasan?

Saçından ayrılan yol harda bitir?

- gəlim, mən qürursuz – hər şeyə xətir.

Sənə inanırdım, inancım itir,

Başına döndüyüm – pirim, hardasan?

Təkcənəm, birdənəm, birim, hardasan?

02.2023

Uzaqların şeiri

noreply@blogger.com (Zamir Erkin Agazade) — Tue, 29 Nov 2022 20:31:00 +0000

***

Yaxınlığı çoxmu gördün,

uzağımda nə gəzirsən?

adın əzbərdir
dilimdə,

dodağımda,

nə gəzirsən?

Nə gəzirsən yad şəhərdə?

Suyunmu çatmadı sənin,

çörəyinmi yetmədi?

Sevgimmi sənə az gəldi,

ürəyimmi yetmədi?

Nə gəzirsən yad şəhərdə?

Orda havalar zəhərli...

orda altı ay gecədir,

burda altı ay zəhərdi.

Nə gəzirsən yad şəhərdə?

Xırda səsə diksinərdin;

qorxudacaq axı səni,

yad ürəyin tıqqıltısı...

cəhənnəm, göy şaqqıltısı.

Nə gəzirsən?..

Yaxınlığı çoxmu gördün,

uzağımda nə gəzirsən?

adın əzbərdir
dilimdə,

dodağımda,

nə gəzirsən?

Bilsəydi, yazıq ana...

noreply@blogger.com (Zamir Erkin Agazade) — Wed, 14 Sep 2022 19:36:00 +0000

bilsəydi, yazıq ana,

oğlu torpaqçün ölər,

dizi torpaq olanda

o vaxt vurmazdı şillə...

bilsəydi, yazıq ana

öpərdi dizlərindən,

öpərdi gözlərindən,

sarılardı dörd əllə,

o vaxt vurmazdı şillə...

bir oğul gəlir evə:

üzündə barmaq izi,

dizində torpaq izi –

başında isə güllə!

bilsəydi, yazıq ana,

o vaxt vurmazdı şillə...

bilmədi.

14.09.2022

Zamir Erkin

Mövlud kimi...

noreply@blogger.com (Zamir Erkin Agazade) — Sun, 04 Sep 2022 18:51:00 +0000

Mövlud Mövludun xatirəsinə...

üzündəki gülüşlərin

parçalandı göy üzündə –

bulud kimi;

Dedilər ki, yağış olub,

dolu düşüb –

Mövlud kimi...

Ürəyə nə var?

noreply@blogger.com (Zamir Erkin Agazade) — Fri, 04 Mar 2022 19:36:00 +0000

Saçlarının qoxusunu

“küləklərdən al” deyirsən.

Küləyə nə var;

əsib, əsib dayanacaq.

Həyatında qoymağa yer tapmadın,

“ürəyimdə qal” deyirsən.

Ürəyə nə var;

bir gün bezib dayanacaq...

Gəlmir

noreply@blogger.com (Zamir Erkin Agazade) — Tue, 21 Dec 2021 19:34:00 +0000

Gedənləri çox, dünyanın;

Elə gedir, geri gəlmir.

Verən əli yox, dünyanın -

zəri gəlmir, zəri gəlmir.

Biri gələr dediyimin

biri gəlmir, biri gəlmir.

#zamirerkin

"Malumatfurus.org" milyonların əzbərlədiyi sözün əsl müəllifindən yazdı

noreply@blogger.com (Zamir Erkin Agazade) — Sat, 30 Jan 2021 18:34:00 +0000

Bu günlərdə netdə adımla bağlı axtarış verərkən qardaş ölkənin əvvəlcədən heç bir tanışlığım, əlaqəm olmayan saytında rast gəldim. Yenə də məlum “Her Gün Aklımdan Geçiyorsun, İnsan Bir Selam Verir” sözü ilə bağlı... Lakin bu dəfə ərinmədən, bezmədən araşdırıb uğurlu təkzib yazısı hazırlandığının şahidi oldum. Və çox şad oldum ki, kimlərinsə ürəyinə toxuna bilmişəm.

Təşəkkürlər "Malumatfurus" ailesi və yazar Buse Günay!
Sözügedən saytda yazılan məqalə ilə buradan da tanış ola bilərsiniz:

Sözünün Âşık Veysel’e Ait Olduğu İddiası Doğru Değil. Söz, Zamir Erkin’e Ait

Bugün, halk ozanlarımızdan Âşık Veysel’e (25 Ekim 1984 – 21 Mart 1973) yanlışlıkla atfedilen bir diğer sözü inceleyeceğiz.

Facebook, Twitter, Ekşi Sözlük, Tumblr, Pinterest gibi çeşitli platformlarda rastladığımız yanlış atfın, karşılaştıklarını hiç araştırmadan paylaşan kullanıcılar vesilesiyle zamanla daha da yaygınlaştığına şahit oluyoruz:

“Her gün aklımdan geçiyorsun insan bir selam verir” sözünü hatalı şekilde Âşık Veysel’e atfeden paylaşımlar

Fikriyat‘ın Âşık Veysel’e hatalı vecize atfı yaptığı paylaşım

Cumhurbaşkanlığı Millet Kütüphanesi’nin Twitter hesabı da söz konusu dizeleri Âşık Veysel adıyla paylaşmıştı:

Cumhurbaşkanlığı Millet Kütüphanesi’nin Âşık Veysel’e hatalı vecize atfı yaptığı paylaşımı

“Her Gün Aklımdan Geçiyorsun, İnsan Bir Selam Verir” Sözü Âşık Veysel’in Değil

Âşık Veysel’in mısralarını okuyanların kolaylıkla ayrımına varabileceği bir hata…

Bahse konu olan mısralar, Âşık Veysel’in üslubuyla hiçbir bakımdan bağdaşmıyorsa da emin olmak adına ozanın tüm şiirlerinden mürekkep Dostlar Beni Hatırlasın isimli yapıtını taradık ve alıntılanan dizelerin kitapta yer almadığını gördük.

Sözün Âşık Veysel’le anıldığı ilk atfa 2012 yılında rastlıyoruz. Sosyal medya platformlarında 2012 Şubat ayı öncesinde anonim şekilde aktarılan bu ifadenin, anılan aydan itibaren Âşık Veysel’e atfedilmeye başlandığı görülüyor.

Dizelerin asıl sahibini taradığımızda ise karşımıza Zamir Erkin olarak da bilinen Azeri şair Zamir Erkin Agazade çıkıyor.

Zamir Erkin Agazade, kendisine ait internet günlüğünde Âşık Veysel’e ait olduğu iddiasıyla paylaşılan ifadelerin şahsına ait olduğunu beyan etmişti:

Son iki dizesiyle popülerlik kazanan şiirinin tamamı şu şekilde:

Ne ararsın, ne sorarsın,
Zaten tanımazsın beni görsen.
Benim seninle alıp veremediğim yok ama,
Verip alamadığım var;
bi zahmet aklımı geri versen..
…diyorum.
Ve başka bi şey de istemiyorum,
Ne senden, ne hayatdan.
Aşk, mutluluk,
herşey senin olsun..
Şans denilen şeyi de istemiyorum,
O da seni bulsun..
Sana hakkımı yediririm ama
Aklımı yedirmem,
Senin de aklını alırım ve geri vermem.
Biliyor musun, sevgilim,
Benim aklım da senin kalbin gibi;
Birisi gider, birisi gelir,
Her gün aklımdan geçiyorsun,
İnsan bir selam verir..

Kendi yazdığı dizelerin farklı isimlerce anılmasından yakınan şair, Antoloji.com’da yayımladığı şiirinin altına düştüğü notla durumu izah etmiş:

“Şiirde kullanmış olduğum son iki mısra, Facebook sayfalarında ve bu sayfalar aracılığı ile diğer sitelerde haksız olarak başka imza ile kullanılmaktadır. Söz kesinlikle bana aittir. Nette ilk olarak kendi sitemde yayınlamışım. Benden önce kimse yayınlamamıştır.”

Bahse konu olan mısraları daha önce müzisyen Ebru Gündeş’in de Âşık Veysel imzasıyla paylaştığı, şiirin asıl sahibi olan Zamir Erkin’inse duruma itiraz ettiği biliniyor:

“Artık 2 yıldan çok oldu ki, bu sözün bana ait olduğu davasını ediyorum. Çünkü daha önce o söz hiç bir yerde yayımlanmamış, kiminse olduğu söylenilmemişti. Bundan 2 yıl önce ben kendi Facebook sayfamda ve blogumda kendi imzamla paylaşım yaptım. 1 ay sonra emeğe saygısı olmayan sosal medya kullanıcıları tarafından sözümün imzasız ve hatta A.Veysel imzası ile paylaşıldığını gördüm. Ama kendi cephemde yalnız olduğum için hiç biri ile başaramadım. Onlar daha çoktu ve A.Veysel ismi daha ünlüydü. Dizelerin bana ait olduğunu imkansız zannediyorlar. Ama azacık edebiyattan haberi olan, ozanın şiirlerini okuyanlar benim olduğunu kabul ediyorlar. Neyse, bunlara alıştım. Çünkü hepsini sanattan edebiyattan uzak biri olarak kabul ediyorum. Ama bir ülkenin sanatçısı da yapılan yanlışa “alet” ediliyorsa daha ben söyleyecek söz bulamıyorum. Hiç değilse siz yapmayın. Belki de başkası yapsaydı bu kadar umursamazdım ama bu darbe çok ağır oldu. O söz bana ait, inanmayanlar araştırsın. Ebru hanım kimin sözüne bayıldığını bilmeli…”

Zamir Erkin, Facebook hesabı aracılığıyla da şiirin kendisine ait olduğunu dile getirmişti:

Şair, Instagram hesabının biyografi kısmında da kendisini “Her gün aklımdan geçiyorsun, insan bir selam verir.. şiirini yazan ünsüz şair.” olarak niteliyor:

Unutduğun qədər yoxam...

noreply@blogger.com (Zamir Erkin Agazade) — Sat, 23 Dec 2017 17:53:00 +0000

***

-Salam. Necəyəm?

yanğın ortasında buraxılmış körpə kimiyəm –

qundaqda.

Ardından heç vaxt

Günəşin doğmayacağı təpə kimiyəm –

uzaqda...

Ya da lazımsız bir əşya düşün otaqda;

ağlına bir şey gəmir, hə?..

Bax, bax, o mənəm...

Ağlına gəlməyən nə varsa, hamısı mənəm, mən.

Xatırladığın qədər varam,

Unutduğun qədər yoxam.

Günah içindədir

üstüm,

başım,

yaxam...

Mən indi, hamının unutduğu bir ünvanam,

Heç kəsin qapısını döyməyəcəyi bir insanam;

Sol çiynimdəki mələyin sağ əliyəm,

Sağ çiynimdəki mələyin qatiliyəm –

dəliyəm mən, dəliyəm!

Quyuda ipi kəsilmiş peyğəmbər də mənəm,

hamının ümid etdiyi xeyir,

özünə xeyri olmayan nəfər də mənəm,

şər də mənəm.

Əl açılıb dua edilən göy də mənəm,

Üstündə gəzənləri bir gün udan,

içinə qatan yer də mənəm,

Nəyinə lazım, necəyəm?!

Sanki sənin,

onun,

bunun dərdi mənəm.

Hələ də soruşursan necəyəm?

Solum ağrıyır...

noreply@blogger.com (Zamir Erkin Agazade) — Mon, 18 Dec 2017 09:41:00 +0000

***
Təkliyi əynimə elə biçmisən,

çıxarıb bir yana ata bilmirəm.

Ağlımı başımdan almısan deyə

başımı heç nəylə qata bilmirəm.

Əlin əllərimdən süzüldü iptək;

Başını qoyduğun qolum ağrıyır...

Qalmışam mən indi bir quru çöptək –

Sağam,

Bilmirlər ki, solum ağrıyır...

İçimi ovutsam, çölüm incidir,

çölümü unutsam, içim incidir.

Hər gün evə qaçan, yanına gələn

ayağım incidir, qıçım incidir.

Sanki bəxtimizə daş bağlayıblar,

sonra da atıblar kor bir quyuya...

Axı hansı dildə yalvarım ki, mən,

Bir tanrı bəndəsi səsimi duya?

Zamir Erkin

Foto: “Kölgəsi ağaca dırmaşan adam”

noreply@blogger.com (Zamir Erkin Agazade) — Sun, 17 Apr 2016 14:51:00 +0000

Kölgəsi də ağaca dırmaşan adamlar var 😊 #kirmizisakal #redbeard #art #picture #photography #artsy #instaart #beautiful #instagood #creative #photooftheday #artoftheday #love #tweegram #amazing #like4like #look #iphoneonly #aztagram #instacool #instago #all_shots #follow #colorful #style

Zamir Erkin Agazade 🔹 (@zamirerkin) tarafından paylaşılan bir fotoğraf (30 Kas 2015, 05:13 PST)

Skeç: “FırçaBAŞ”

noreply@blogger.com (Zamir Erkin Agazade) — Sun, 17 Apr 2016 14:48:00 +0000

"Fırçabaş". #kirmizisakal #redbeard #art #picture #photography #artsy #instaart #beautiful #instagood #creative #photooftheday #artoftheday #love #tweegram #amazing #like4like #look #iphoneonly #aztagram #instacool #instago #all_shots #follow #colorful #style #illustration #drawing #draw #sketch #pencil

Zamir Erkin Agazade 🔹 (@zamirerkin) tarafından paylaşılan bir fotoğraf (11 Ara 2015, 10:33 PST)

Foto: “Sakit Kür”

noreply@blogger.com (Zamir Erkin Agazade) — Sun, 17 Apr 2016 14:43:00 +0000

Kür... #kür #yevlax #kirmizisakal #redbeard #azerbaijan #picture #photography #beautiful #instagood #creative #photooftheday #tweegram #amazing #like4like #look #iphoneonly #aztagram #instacool #instago #all_shots #follow #colorful

Zamir Erkin Agazade 🔹 (@zamirerkin) tarafından paylaşılan bir fotoğraf (24 Kas 2015, 22:44 PST)

Skeç: “Bax, üzümdə şeir var”

noreply@blogger.com (Zamir Erkin Agazade) — Sun, 17 Apr 2016 14:38:00 +0000

#zamirerkin #textgram #kirmizisakal #şeir #şeirhəryerdə #art #illustration #drawing #draw #picture #photography #artist #sketch #sketchbook #paper #pen #pencil #artsy #instaart #beautiful #instagood #gallery #masterpiece #creative #photooftheday #instaartist #graphic #graphics #artoftheday #ink361

Zamir Erkin Agazade 🔹 (@zamirerkin) tarafından paylaşılan bir fotoğraf (19 Kas 2015, 10:30 PST)

Foto: “Çiçəkli saqqal”

noreply@blogger.com (Zamir Erkin Agazade) — Sun, 17 Apr 2016 14:36:00 +0000

#kirmizisakal #redbeard #art #picture #photography #artsy #instaart #beautiful #instagood #creative #photooftheday #artoftheday #love #tweegram #amazing #like4like #look #iphoneonly #aztagram #instacool #instago #all_shots #follow #colorful #style #ink361

Zamir Erkin Agazade 🔹 (@zamirerkin) tarafından paylaşılan bir fotoğraf (22 Kas 2015, 12:29 PST)

Skeç: “Nənəm”

noreply@blogger.com (Zamir Erkin Agazade) — Sun, 17 Apr 2016 14:33:00 +0000

V.Mustafazadənin şəklini çəkmişdim, nənəm dedi ki, gəl, mənim də şəklimi çək. Oturdum qarşısına və oxşatmağa çalışdım. Rəssamlar üzrlü saysınlar, məndə sadəcə həvəsdir. Bu aralar bikarlıqdan kosmonavtlıqla da maraqlanıram 😉 #zamirerkin #grandma #bestagram #art #illustration #drawing #draw #picture #photography #artist #sketch #kirmizisakal #paper #pen #pencil #artsy #instaart #beautiful #instagood #gallery #masterpiece #creative #photooftheday #instaartist #graphic #graphics #artoftheday

Zamir Erkin Agazade 🔹 (@zamirerkin) tarafından paylaşılan bir fotoğraf (19 Kas 2015, 03:51 PST)

HAMI VİCDAN AXTARIR

noreply@blogger.com (Zamir Erkin Agazade) — Sun, 17 Apr 2016 12:25:00 +0000

Bloqçuluğa marağım 2006/7-dən etibarən başladı. Daha sonra “Azeriblog”un məşhurluq dövründə bir bloq açdım (Ozan poeziya və sənət portalı), lakin orada sadəcə özümün deyil, eyni zamanda digər şairlərin, xaricdə yaşayıb-yazan həmyerlilərimizin e-mailimə göndərdikləri hekayələri dərc edirdim. O vaxtlar ədəbiyyata (xüsusilə, poeziyaya) olan marağım heç nə ilə ölçülə bilməzdi. Şeir növləri, vəzləri – ölçüləri, formaları ilə ciddi şəkildə maraqlanır, çalışırdım ki, hər birində özümü sınayım və edirdim də. Hər gün şeir yazırdım; birini yox, bir neçəsini… Lakin onlardan bəzilərini bloqumda, qardaş ölkənin ədəbiyyat forumlarında paylaşırdım. Aldığım müsbət rəylər məni daha da yazmağa həvəsləndirirdi. Hər iş belə deyilmi?! Azacıq həvəs, ümid – insanın daha çox yaşamağı üçün səbəbdir. Nə isə; sonra o bloq bağlandı (əsgərlikdə oldum, filan). 2011-ci ildə isə öz adımla bloq açdım və domen alaraq (əvvəlcə “com”, sonra “net”), sayt kimi fəaliyyətinə başladım. Şeirlərimi sosial şəbəkədəki dostlarımla bölüşür, onların fikirlərini öyrənirdim. Maraqlı idi. Sonra, maraq itdi. Niyə? Çünki maraqlar böyüdü: həyatımıza girənlər, ağlımıza girənlər çoxaldı. Nələrisə unutmalı oldum, nələrisə artıq önəmsəmədim, işdən yazmağa vaxt tapa bilmədim. Amma sadiq izləyənlərim tez-tez mənə “Zamir, daha yazmırsan” – deyə, gileylənirdi. Yenə də onların içində gileylənənlər var. J Bu, xoşdur. Amma artıq mən o həvəsdə deyiləm – ara-sıra cızma-qaralar edirəm və onları da saxlayıram ki, bir gün kitab çıxarmaq fikrim dəqiqləşsə, orada təqdim edim. Onu da deyim ki, bir neçə il əvvəl yazdığım şeir və düz yazılar var ki, müəllifi olsam da fikir baxımından artıq onları qəbul etmirəm. Belə də olur, yəni J

Sayta baxıram indi; deməli marağımı nə cəlb edib bilirsiniz? Statistikada internet istifadəçilərinin vicdanla bağlı axtarış edərək saytıma təşrif buyurduqlarını görürəm. Vicdanın hamıda olması vacibdir. Və yaxşı ki, axtarırlar.

Bundan sonra isə düşünürəm Instagram-da paylaşdığım əl işlərimi, fotolarımı da burada paylaşım. Şeirlərimlə məni sevənlər üçün əlbəttə ki, şeir də olacaq ;)

Uzun sözün uzunu, sevgi ilə qalın.

Kahraman Tazeoğlu Zamir Erkin'i tebrik etti (DİNLE)

noreply@blogger.com (Zamir Erkin Agazade) — Sun, 12 Apr 2015 18:19:00 +0000

Bu gün Kahraman Tazeoğlu Bakü'deki şiir etkinliğinin sonunda mühabirlerin sorularını cevapladı. Sohbet esnasında bir sözün, şiirin başkasının adına çıkarılmasından da bahsettik. O da bu meseleden yakındı diye bilirim. Daha sonra 'Her gün aklımdan geçiyorsun, insan bir selam verir' dizelerini duydunuz mu dedim. Evet dedi, ama A.Veysel'in olmadığını eminlikle söyledi. Ben ise, o dizeler bana ait söylediğim zaman şaşırdı ve elini bana uzatarak, 'tebrik ederim' dedi. Ve Ezgin KILIÇ kardeşimizin de şiirlerinden birinin Nejat İşler adı ile paylaşıldığını örnek gösterdi. Sonra da bir takım tavsiyelerde bulundu. Kitabını çıkarmadan şiirlerini sayfanda mayfanda yayınlama dedi. Onu İstanbulda da gördüğümü, ama o zaman hanım izleyicilerin kuyruk yapmasından dolayı görüşemediğimizi ve o gün orada konuştuklarını hatırlattım. Sevindi. Buralı mısın dedi. Evet dedim. Çok samimi bir insan. Bu kadar sevilmesinin de sebebi bu olmalı; baksanıza bir kere adam her fotoğrafta gülümsüyor.

Foto: Rövşən Danyeri

Dünyanın küncü yoxdur (AUDİO)

noreply@blogger.com (Zamir Erkin Agazade) — Mon, 26 Jan 2015 14:46:00 +0000

Cığallıq

noreply@blogger.com (Zamir Erkin Agazade) — Wed, 12 Feb 2014 02:27:00 +0000

Nəyə lazımdır təqvim, saat,
sən olmayanda mənimçün durur vaxt.
Təqvimdə yarpaqlar dəyişilmir.
Saatımda əqrəblər fırlanıb təkrar-təkrar eyni nöqtəyə qayıdır.
Ancaq yenə də tanrıya şükür!
sənsiz keçən günlərə görə ona cavab verməyəcəm,
çünki bu ömürdən sayılmır.
Ömür dediyin yaşanaraq keçir,
Mən isə sənsiz yaşamadım ki...

Nə sən cığallıq elə, nə mən, nə də tanrımız;
Yalqızlıq tanrıya məxsusdur,
gəl, biz bir olaq -
tanrı qalsın yalqız...

⊱╮Zamir Erkin Agazade ⊱╮

Dünyanın küncü yoxdur

noreply@blogger.com (Zamir Erkin Agazade) — Tue, 21 Jan 2014 16:40:00 +0000

Dünyanın küncü yoxdur (21.01.2014)

Bilirsən, nə yoxdur, Tanrı?
Dünyanın bir küncü yoxdur -
          qısılıb o küncə ağlayasan;
ağlayasan hönkür-hönkür,
gözlərindən gələ
          sənə olan yaxşılıq, pislik,
nə var içində tökəsən.
Çəkməyə bir şey olmaya,
          içini çəkəsən..

Arınasan dərddən, sərdən,
Yerin cazibə qüvvəsi olmasaydı,
uzaqlaşardıq Yerdən.
Çünki tüpürmək istəyir insan, hərdən
olub-bitənlərə,
qoyub-gedənlərə..
Sonra qorxursan ac-susuz qalıb
tüpürdüyünü yalayasan.

Üz çevirmək istəyərsən,
üzün gəlməz..
Öz içində boğularsan,
səsin gəlməz..
Mahnılarda axtararsan ümidini.
heç biri Ahmet Kaya kimi təsir etməz;
“qafana sıxıb getmək” istəyərsən,
ovutmağa bu da yetməz,
sadəcə çıxıb getmək istəyərsən.

amma bizi yaxşı tanıyır Yaradan;
bizdən əvvəl halımıza o ağlayıb,
cazibəni yaradıb,
          bizi yerə bağlayıb.
Hərəyə bir az ömür sürdürür;
görmədiklərimizi gördürür,
yaşadır... yaşadır...
usandırır,
utandırır öldürür –
          soxur Yerin dibinə!
Heyf ki, cibi yoxdur
          görüm-baxım eyləyək,
          nəsə qoyaq cibinə.
Dünyanın küncü yoxdur,
Neyləyək,
Tanrının cibi yoxdur..

Zamir Erkin Agazade

Payız gəlmədi, ölüm gəldi (ŞEİR)

noreply@blogger.com (Zamir Erkin Agazade) — Sun, 22 Sep 2013 18:18:00 +0000

Yaşadığım müddətdə tanıdığım ən yaxşı insanlardan biri – həkim səriştəsizliyi nəticəsində dünyasını dəyişən Elnarə Tofiqqızının (İmamquliyeva) xatirəsinə ithafən.

22 sentyabr 2013 / 88 saylı marşrutda, işə gedərkən.

Bu fəsil payız gəlmədi –
ölüm gəldi,
ya da ki, ölüm payızdan əvvəl gəldi...

Hə, o, ölümə tələsməzdi,
ölüm tələsdi.
ən çox əzrayılı başa düşmədim;
bu nə qərəzdi??
bəs deyirdilər,
“vaxtsız ölüm gəlməzdi,
filan, zad, şeey..”
ölümü səsləyirəm: “ölüm..! eheeey...!
qapımızı vaxtsız döymə,
heç olmasa körpələri olanlara qıyma,
dəymə...
söymək istəyirəm sənə;
nəyinə söyüm, nəyinə..?”

Bilmirəm...
bilmirəm, bu fəsil niyə belə oldu;
cavan bir ağac qurudu, bir cüt yarpaq soldu...

Yox... Bu fəsil payız gəlmədi –
ölüm gəldi,
ya da ki, ölüm payızdan əvvəl gəldi...

Sən yoxsan; bir mənəm, bir mənəm...

noreply@blogger.com (Zamir Erkin Agazade) — Sun, 15 Sep 2013 21:39:00 +0000

Sənsiz soyuqdur buralar,
burnumun ucu göynəyir.
Sən gəlsən, günəş doğacaq bu şəhərə,
ya da həmişəlik bura köçəcək.
və sən öpsən burnumdan,
göynəmə filan da keçəcək..
Eeehh... birdənəm, birdənəm,
Sən yoxsan -
bir mənəm,
bir mənəm...

Yuxu da uzaq düşüb məndən,
sanki özünlə aparmısan,
ölü kimiyəm..
Qədim misirlilər indi yaşasaydılar və məni görsəydilər,
inan, fikirlərini dəyişərdilər;
mənə deyərdilər – “canlı ölü”.
Eehh...
insanlar danışır, gülür,
mən isə səni düşünürəm.
deməli əskik nəyimsə var
və bunda tanrının günahı yoxdur.
Eeehh... birdənəm, birdənəm,
Sən yoxsan -
bir mənəm,
bir mənəm...

Ayrı-ayrı yastıqlarda qocalacağıq,
yastığımda saçlarının ətri,
yatağında tər qoxum olmayacaq..
...Bu otağın güzgüsü tək məni göstərər,
ağlımdan başqa hər yeri toz basar,
tərliklərin yetim uşaq kimi
qısılıb qalar otağın bir küncündə,
Dolablar özlərini yalnız hiss edər –
geri dönmədikcə onu tərk edən paltarlar..
Eeehh... birdənəm, birdənəm,
Sən yoxsan -
bir mənəm,
bir mənəm...

Qapımı döyən olmur,
hirslənirəm, qışqırıram,
qapımı döyür qonşular,
açıram ; deyirlər: “nə olub,
evdə kim var?”
Deyirəm “bir mənəm, bir mənəm...”
Sonra qapını döyən qonşular
gözlərini mal kimi döyürlər,
soruşurlar:
“Hııy? Necə? Hancarı? Nətəri?”
Onlara başa sala bilmirəm;
O qədər yalnızam ki,
Bir mən də yoxdur məndə məndən içəri...

Zamir Erkin Agazade

Ele avuca sığımıyorsun

noreply@blogger.com (Zamir Erkin Agazade) — Fri, 30 Aug 2013 13:29:00 +0000

Ele avuca sığmıyorsun anladık ;
kalbim de mi sana dar geldi..?

Zamir Erkin Agazade

Zamir Erkin AGAZADE

Külək (tanka)

Get, qızım!

Bəxtin ögeyiyəm - əlimi tutmur

Uzaqların şeiri

Bilsəydi, yazıq ana...

Mövlud kimi...

Ürəyə nə var?

Gəlmir

"Malumatfurus.org" milyonların əzbərlədiyi sözün əsl müəllifindən yazdı

Təşəkkürlər "Malumatfurus" ailesi və yazar Buse Günay!Sözügedən saytda yazılan məqalə ilə buradan da tanış ola bilərsiniz:

Sözünün Âşık Veysel’e Ait Olduğu İddiası Doğru Değil. Söz, Zamir Erkin’e Ait

“Her Gün Aklımdan Geçiyorsun, İnsan Bir Selam Verir” Sözü Âşık Veysel’in Değil

Unutduğun qədər yoxam...

Solum ağrıyır...

Foto: “Kölgəsi ağaca dırmaşan adam”

Skeç: “FırçaBAŞ”

Foto: “Sakit Kür”

Skeç: “Bax, üzümdə şeir var”

Foto: “Çiçəkli saqqal”

Skeç: “Nənəm”

HAMI VİCDAN AXTARIR

Kahraman Tazeoğlu Zamir Erkin'i tebrik etti (DİNLE)

Dünyanın küncü yoxdur (AUDİO)

Cığallıq

Dünyanın küncü yoxdur

Payız gəlmədi, ölüm gəldi (ŞEİR)

Sən yoxsan; bir mənəm, bir mənəm...

Ele avuca sığımıyorsun

Təşəkkürlər "Malumatfurus" ailesi və yazar Buse Günay!
Sözügedən saytda yazılan məqalə ilə buradan da tanış ola bilərsiniz: