ماوەیەک كۆمپانی نیكۆن كامێرای نوێی خۆی بە ناوی DSLR بە فەرمی خستوەتە بەرچاو. بە پێچەوانەی D700 كە وشانێكی لاوازتر D3 بوو D800 وشانێكی زۆر بە هێزترە لە ئێستایش بە دژی وشانی Canon 5D Mark II كانۆن وەستاوە.

رنگترین تایبەتمەندییەكانی ئەم كامێرایە سێنسۆری FX-format (35.9 x 24) mm گەورەی ٦ر٣٦ مێگا پیكسێلیە كە دەتوانێ پەرگەكانی TIFF بە قەبارەی ٢١٢ مێگابایت دروست بكا، بۆ ئەم كارەیشی پێویستی بە كارتێكی بیرگەی زۆر گەورە هەیە. گۆرانكاریەكانی تری ئەم وشانە لە هەڵسانگاندن لەگەڵ بەD700 وەكوو D4 _ە بۆ وێنە:
ـ سێنسۆری: ٩١٠٠٥ پیكسێلی RGB .
ـ پێشانگەری: ٢ر٣ ئینچی
ـ رێكخەری : ٣ Expeed [دەتوانێ كامێراكە لە ٠/١٢_می چركە هەڵگرسێنێت ]
دەکرێ سنووری ISO ئەم كامێرایە لە 6400 تاکوو 25600 زیاد بکرێ. یەكێك لە تایبەتمەندیەكانی تری ئەم كامێرایە پاڵپشتی لە پۆرتی USB 3.0 كە بۆ یەكەم جار لە كامێراكانی نیكۆندا دەیبینین، ئەمەیش بۆ گواستەوەی پەرگەكانی TIFF زۆر باشە.
بۆ فیلم هەڵگرتنەوە ئەم كامێرایە ئەم تایبەتمەندیانەی هەیە:
ـ رووناكی: ١٠٨٠/٣٠p HD
ـ خێرایی: ٢٤ یان ٣٠ فریم لە چركەیێك
ـ رووناكی: ٧٠٠p HD خێرایی: ٣٠ یان٦٠ فرەیەم لە چركەیەکدا
هەروها بە پەستانكردنەوەی B-Frame دەتوانێت رووناكیێكی H.264 MP4 فیلمەكان هەڵبگرێتەوە. بۆ دەرچوونی فیلمەكەش، بە شیتەڵكردنەوەی (decompress) پەرگەی فیلم بە شێوەی HDMI دەتوانی لە سەر شاشەی مۆنیتۆری كامراكە یان LCD ماڵەوە چاوی لێبكەی.
نرخی كامێرا : تەنیا ٣٠٠٠ دۆلاری ئەمریكی و ٦ ملیۆن تمەنی ئێرانی یە.
چاو لە گالێری وێنەكانی ئەم كامێرایە بكە :سەرچاو: بەستەری گالێری

زانیاری زیاتر

کۆمپانیای سامسۆنگ بۆ ته‌کنه‌لۆژیا، به‌یه‌کێک له‌ هه‌ره‌ گه‌وره‌ترین کۆمپانیاکانی جیهان داده‌نرێت له‌بواری ته‌کنه‌لۆژیادا، لێره‌دا تیشک ده‌خه‌ینه‌ سه‌ر هه‌ندێک له‌ ورده‌کاری و نهێنییه‌کانی ئه‌م کۆمپانیایه‌ له‌سه‌ره‌تای دروستبونیه‌وه‌ تائێستا، له‌گه‌ڵ چه‌ندین زانیاری دیکه‌ که‌ وا له‌سامسۆنگ ده‌کات ببێته‌ ئیمپراتۆری بواری ته‌کنه‌لۆژیا.

• کۆمپانیای سامسۆنگ زیاتر له‌ 344 هه‌زار کارمه‌ندی هه‌یه‌ و ته‌نها له‌ساڵی 2010دا داهاته‌که‌ی 220 ملیار دۆلاری تێپه‌ڕاندوه‌، ‌ئه‌مه‌ش ده‌کاته‌ داهاتی نیشتیمانی هه‌ریه‌که‌ له ‌وڵاتانی قه‌ته‌ر و کوه‌یت و مه‌غریب و عێراق.
• ئه‌گه‌ر بێت و سامسۆنگ وه‌کو وڵاتێک ده‌ستنیشان بکه‌ین ئه‌وا ده‌چێته‌ ریزبه‌ندی 35مین وڵات له‌ڕوی به‌هێزی سیاسه‌تی ئابورییه‌وه‌.

له‌ برنج و شه‌کره‌وه‌ بۆ داهێنانه‌کانی داهاتو:
سه‌ره‌تای دروستبونی سامسۆنگ ده‌گه‌ڕێته‌وه‌ بۆ ساڵی 1938 کاتێک هاوڵاتیه‌ک به‌ناوی (بیونگ شۆل)، فرۆشگای برنج و شه‌کری دانا به‌ناوی (سام-سۆنگ).

سامسۆنگ واتای چی؟
سامسۆنگ واتا (سێ ئه‌ستێره‌که‌)، وه‌کو ئاماژه‌یه‌ بۆ دروشمه‌ سه‌ره‌کییه‌کانی (بیونگ شۆل)، که‌ توانی له‌ر رێگه‌یه‌وه‌ ئه‌و کۆمپانیایه‌ دابمه‌زرینێت و گه‌وره‌ترین ئامانجه‌کانی به‌دی بهێنێت.

دروشمه‌کانی (بیونگ شۆل)
• ده‌بێت گه‌وره‌بیت
• ده‌بێت به‌هێز بیت
• ده‌بێت تاهه‌تا بمێنیت
به‌و سێ دروشمه‌ (بیونگ شۆل)، توانی کۆمپانیایه‌کی وا زه‌به‌لاح له‌بواری ته‌کنه‌لۆژیادا به‌رهه‌م بهێنێت.

سه‌ره‌تای کارکردنی ‌بواری ته‌کنه‌لۆژیا:
سامسۆنگ له‌سه‌ره‌تاوه‌ هه‌ستا به‌ دروستکردنی ته‌له‌فزیۆن و جلشۆر و به‌فرگر، دواتریش له‌رێگه‌ی گرنتیدان به‌ ئامێره‌کانی توانی جیهانی ته‌کنه‌لۆژیا داگیر بکات و ببێته‌ یه‌کێک له‌ سه‌ره‌کیترین به‌کارهێنانه‌کانی هاوڵاتین له‌ئێستادا.

وڵاتێکی بچوک!

سامسۆنگ هیچ باره‌گایه‌کی نیه  له‌کۆریای باشور‌، به‌ڵکو سامسۆنگ 8 شاری کۆریای باشوری به‌ناوه‌وه‌یه‌، به‌ناوی (شاری سامسۆنگی دیجیتاڵ)، که‌ ئه‌و 8 شاره‌ به‌ته‌واوه‌تی له‌لایه‌ن کۆمپانیای سامسۆنگه‌وه‌ کۆنتڕۆڵکراوه‌ و کارمه‌نده‌کانی تێیدا کارده‌که‌ن، له‌گه‌ڵ ئه‌وه‌ی چه‌ندین نه‌خۆشخانه‌ و یاریگا و چیشتخانه‌ی زه‌به‌لاحی تێدایه‌.

هاتوچۆکردنیش له‌نێو ئه‌و شارانه‌دا، وه‌کو رۆشتن وایه‌ به‌ نێو سنوری دو وڵاتدا، به‌و پێیه‌ی سه‌رجه‌م ئه‌و ئۆتۆمبێلانه‌ی له‌شاری سامسۆنگه‌وه‌ ده‌چنه‌ شاره‌کانی دیکه‌ی سامسۆنگ ده‌بێت بپشکنرێت، هاوکات رێگه‌ نادرێت به‌ کارمه‌نده‌کانی ئه‌و کۆمپانیایه‌ مۆبایل و ئامێره‌کانی تایبه‌ت به‌و کۆمپانیایه‌ بهێندریته‌وه‌ ده‌ره‌وه‌ی باڵاخانه‌کان، به‌وپێیه‌ی ده‌چیته‌ هه‌ر کوچه‌ و شوێنێکی ئه‌وشاره‌، ئامێره‌کانی سامسۆنگ بۆ کارمه‌نده‌کان فه‌راهه‌مکراوه‌.

سوپایه‌ک له‌ توێژه‌ران!

کۆمپانیای سامسۆنگ خاوه‌نی زیاتر له‌ 50 هه‌زار توێژه‌ری بواری ته‌کنه‌لۆژیایه‌، ئه‌مه‌ش هاوتای سه‌رجه‌م توێژه‌ره‌کانی وڵاتێکی وه‌ک میسره‌ له‌سه‌رجه‌م کایه‌کاندا، له‌گه‌ڵ ئه‌وه‌ی چوار هێنده‌ی سه‌رجه‌م توێژه‌رانی وڵاتێکی وه‌ک سعود‌یه‌یه‌‌.

ئه‌و توێژه‌رانه‌ له‌ چه‌ند باڵه‌خانه‌یه‌کدا کار ده‌که‌ن که‌له‌ڕوی ئه‌منییه‌وه‌ زۆر پارێزراوه‌ و هه‌ندێک سیستمی ئه‌منی تێدایه‌ که‌ له‌ سیستمه‌ سه‌ربازییه‌کانی وڵاتانی پیشکه‌وتو باڵاتره‌، هه‌ندێک له‌ نهێنییه‌کانی ئه‌و توێژه‌رانه‌، که‌ لایان پارێزراوه‌، نرخه‌که‌ی ملیاره‌ها دۆلاره‌.

 له‌دوای کارکردنیش هاوڕێته‌!
سامسۆنگ ته‌نها له‌کاتی کارکردندا سه‌رقاڵ نیه‌ به‌ کارمه‌نده‌کانیه‌وه‌، به‌ڵکو له‌دوای کاردکردنیش چه‌ندین یه‌که‌ی نیشته‌جێبونی به‌به‌رزترین کوالیتی بۆ دروستکردون‌ له‌سه‌رجه‌م شاره‌کانی کۆریادا، له‌گه‌ڵ دابینکردنی سه‌رجه‌م خزمه‌تگوزارییه‌کان بۆ خۆیان و ئه‌ندامانی خێزانه‌کانیان، وه‌کو دابینکردنی خوێندنگه‌ و ئۆتۆمۆبێل و ده‌یان خزمه‌تگوزارتی هاوچه‌رخی دیکه‌.

داهێنان به‌ یه‌ک کلیک

سوپایه‌ک له‌ توێژه‌ر‌ و کارمه‌ند که‌ ده‌توانن هه‌مو شتێک دروست بکه‌ن که‌ مرۆڤ پێوسیتی پێی هه‌یه‌، داهاتی سامسۆنگ له‌ داهاتی کۆمپانیاکانی نۆکیا و ئه‌پڵ زیاتر و کۆی گشتی داهاتی سامسۆنگ 343 ملیار دۆلار تێپه‌ڕ ده‌کات.

سامسۆنگ ته‌نها TV به‌رهه‌م ناهێنێت!
زۆرێک پێیانوایه‌ کۆمپانیای سامسۆنگ تایبه‌تمه‌نده‌ به به‌رهه‌مهێنانی ته‌له‌فزیۆن و ئامێری مۆبایل، به‌ڵکو له‌ناوخۆی سامسۆنگدا ده‌یان کۆمپانیای گه‌وره‌ هه‌یه‌ له‌وانه‌ش؛

• سامسۆنگ بۆ ئه‌لکترۆنیات
گه‌وره‌ترین کۆمپانیایه‌ بۆ به‌رهه‌مهانێ ته‌کنه‌لۆژیای سه‌رده‌م.

• سامسۆنگ بۆ پیشه‌سازی قورس
دوه‌م گه‌وره‌ترین کۆمپانیای جیهانه‌ بۆ به‌رهه‌مهێنانی که‌شتی.

• سامسۆنگ بۆ ئه‌ندازیاری و سامسۆنگ بۆ C&T
یه‌کێک له‌و دو کۆمپانیایه‌ به‌شداربون له‌ دروستکردنی تاوه‌ری خه‌لیفه‌ له‌ دوبه‌ی، که ‌گه‌وره‌ترین تاوه‌ری جیهانه‌، هاوکات ئه‌و دوکۆمپانیایه‌ له‌ریزبه‌ندی گه‌وره‌ترین کۆمپانیاکانی به‌رهه‌مهێنانی باڵه‌خانه‌دان‌.

• سامسۆنگ بۆ ئۆتۆمبێل
له‌و بواره‌شدا و به‌هۆی توانای زۆری ئه‌و کۆمپانیایه‌، کۆمپانیای رینۆی فه‌ره‌نسی رێژه‌ی 70% پشکه‌کانی ئه‌و کۆمپانیایه‌ی‌ کڕیوه.

• سامسۆنگ بۆ دڵنیایی
کۆمپانیای سامسۆنگ له‌بواری دڵنیایدا له‌پله‌ی 14یه‌م گه‌وره‌ترین کۆمپانیا بورای دڵنیایدا دێت لە جیهاندا.
• سامسۆنگ بۆ ریکلام
هاوکات کۆمپانیای سامسۆنگ له‌بواری ریکلامکردندا له‌ ریزبه‌ندی 19یه‌م گه‌وره‌ترین کۆمپانیای جیهاندایه‌ بۆ ریکلامکردن.

ئه‌وه‌ ئاماژه‌ی پێکرا خه‌رمانێکه‌ له‌کار و چاکاکییه‌کانی هاوڵاتییه‌ک به‌ناوی (بیۆنگ شۆل)، که‌ زۆرن ئه‌وانی نایناسن، به‌ڵام ناوبراو جێ په‌نجه‌ی له‌ سه‌دان ملیۆن ماڵی جیهاندا هه‌یه‌ و خزمه‌تێکی بێوێنه‌ی له‌بواری ته‌کنه‌لۆژیای سه‌رده‌م به‌ مرۆڤایه‌تی کردوه‌.

(بیۆنگ شۆل)

دوای ئه‌وه‌ی چه‌ندین لیکۆڵینه‌وه‌ی پێشو ئاماژه‌یان به‌وه‌کردبو، که‌ ئه‌ندامەکانی له‌شی مرۆڤ له‌ته‌مه‌نی 60 ساڵییه‌وه‌ به‌ره‌و پوکانه‌وه‌ ده‌چێت، به‌ڵام به‌پێی لێکۆڵینه‌وه‌یه‌کی په‌یمانگای پزیشکی نیشتیمانی فه‌ره‌نسا، ئه‌ندامەکانی له‌شی مرۆڤ له‌ته‌مه‌نی 45 ساڵیه‌وه‌ به‌ره‌و پوکانه‌وه‌ ده‌چێت.

له‌و لێکۆڵینه‌وه‌یەدا که‌ 5198 که‌س به‌شدارییان تێداکردوه‌ و ته‌مه‌نیان له‌ نێوان 45 بۆ 70 ساڵیدایه و ماوه‌ی 10 ساڵ له‌ژێر چاودێریدابون‌ ده‌رکه‌وتوه‌، له‌ماوه‌ی ئه‌و 10 ساڵه‌دا ئاستی بیرکردنه‌وه‌ی ئه‌و که‌سانه‌ی ته‌مه‌نیان له‌نێوان 45 بۆ 49ساڵیدایه‌ به‌رێژه‌ی 3.6% دابه‌زیوه‌ و ئه‌وکه‌سانه‌شی ته‌مه‌نیان له‌نێوان 65 بۆ 70 ساڵیدایه‌ به‌رێژه‌ی 9.6 دابه‌زیوه‌.
له‌ناو ئافره‌تانیشدا بۆ به‌شی یه‌که‌م هه‌مان رێژە بوه‌و بۆ به‌شی دوه‌میش که‌ ته‌مه‌نیان له‌نێوان 65 بۆ 70 ساڵیدایه‌ رێژه‌که‌ نزیکه‌ی 7%ه‌.

پرسیاریك کراوبوو له‌ به‌ڕێزیکه‌وه‌ ( بۆچی دوای ئه‌وه‌ی نان ده‌خۆم یه‌کسه‌ر خه‌وم دێت ) واته‌ به‌ مانایه‌کی که‌ له‌دوای نانخواردنێکی زۆر به‌ تایبه‌تی دوای ژمی خواردنی خێرا و ژمی خواردنی قۆرس یه‌کسه‌ر مه‌یلی نووستنم  زیاد ده‌کات

کاتێك گه‌ده‌ به‌تاڵه‌ و خواردنێكی زۆر ده‌خۆرێت و پارۆکان به‌ره‌و گه‌ده‌ ئاڕاسته‌ ده‌کرێت له‌ سۆرینچکه‌وه‌ له‌ خوێن به‌ره‌کانه‌وه‌ خوێنیکی زۆر به‌ره‌و دیواره‌کان گه‌ده‌دا ده‌گۆازنه‌وه‌ بۆ رووبه‌رووبوونه‌و له‌گه‌ڵ ئه‌و بڕه‌ خواردنه‌ که‌  له‌ گه‌ده‌ بوونی هه‌یه‌… خوێن له‌ مێشک ده‌کشێت.. و ترکیز که‌م ده‌بێته‌وه‌ و مرۆڤ خه‌واڵو ده‌کات و خوێن له‌ ماسۆلکه‌کانه‌و ده‌کشێت و مرۆڤ لاواز ده‌بێت

چاره‌سه‌ر: په‌له‌ نه‌کردن له‌ خواردنی ژمی خواردن و به‌ یه‌ك جار هه‌موو ژمی خواردنه‌که‌ نه‌خۆرێت به‌ڵکو به‌ قۆناغ قۆناغ ( خواردنی ژمی سوك – مقبلات – و به‌دوایدا سۆپ و برۆتینه‌کان و له‌کۆتایدا کۆلاو برژاوه‌کان ) ئاڕاسته‌ی گه‌ده‌ بکرێت.

له‌هه‌ندێک زانیاری گشتیه‌وه‌ ده‌ستپێ ده‌که‌ین، قه‌باره‌ی خۆر ملیۆن و نیوێک جار له‌ قه‌باره‌ی زه‌وی گه‌وره‌تره‌، زاناکانیش کونی ره‌شیان (  بلاکهۆڵ ) ( الثقب السوداء)  دۆزیوه‌ته‌وه‌ که‌ قه‌باره‌که‌ی 9.7 ملیار جار گه‌وره‌تره‌ له‌ قه‌باره‌ی خۆر.

زانایانی گه‌ردونناسی زانکۆی (کالیفۆرنیا) دوای نزیکه‌ی 20 ساڵ له‌ لێکۆڵینه‌وه‌، توانیویانه‌ گه‌وره‌ترین (کونی ره‌ش) ( بلاکهۆڵ )له‌ بۆشایی ئاسمان بدۆزنه‌وه،‌ که ‌9.7 ملیار جار گه‌وره‌تره‌ له‌ قه‌باره‌ی خۆر، بۆ ئه‌و دۆزینه‌وه‌یه‌و زانینی قەبارەکەی، زاناکان پشتیان بە وردبینی (هابل) به‌ستوه‌.
جێی ئاماژه‌یه‌ (کونی ره‌ش) توانای هه‌ڵوشینی هه‌مو شتێکی هه‌یه‌ به‌روناکیشه‌وه‌، هه‌روه‌ها ماوه‌ی نێوان زه‌وی و ئەو دەرچەیە، 300 ملیۆن ساڵی روناکییه‌ کە ده‌کاته‌ 9,460,528,400,000 کیلۆمه‌تر.

و زانایانی گه‌ردونناسی بیریان له‌وه‌ کردبووه‌ که‌ ( کونی ڕه‌ش ) یاخود به‌ مانا ئنگلیزیکی ( Black Hole ) به‌کاربهێنن بۆ گواستنه‌وه‌ له‌ نێوان گالیکسیکاندا چونکه‌ خێراییه‌کی زۆری هه‌یه‌ به‌ڵام بۆ ئه‌نجام دانی ئه‌م تێورییه‌ پێویستی به‌ تاقیکردنه‌و و لێکۆلینه‌وه‌ی زۆر ده‌بێت.

له‌م گرته‌ ڤیدیۆیه‌دا هه‌ندێك روونکردنه‌وه‌ی زیاتر له‌سه‌ر ( بلاك هۆڵ ) ببینه‌

www.youtube.com/watch?v=cW7BvabYnn8

پرسیاریکمان له‌به‌ڕێزی که‌وه‌ پێ گه‌شت که‌ ده‌پرسی ئەگەر یەکێک تەرکیزی کەم بێت چی بکات باشە؟ئە خواردنانە کامانەن کە ئەبنە هۆی ئەوەی تەرکیزت باش بێت؟ من  تەرکیزم زۆر کەمە پێم ئەڵێن هەڵبدە تەرکیز لە شتەکان جوان بکە من چۆن هەوڵبدەم چیبکەم باشە،هەندێ جار ئاگام لە قسەی بەرامبەرەکەم نامێنێت بێ ئەوەی خەیالیشم رۆشتبێت

ئه‌و هۆکارانه‌ که‌ کار ده‌که‌نه‌ سه‌ر مێشک و له‌بیرچوونه‌وه‌ی لێ ده‌که‌وێته‌وه‌

• سیستمی ژمی خوارد و جۆری خواردنه‌که‌
• هه‌ندێك خواردن کار ده‌کاته‌ سه‌ر هه‌سته‌وه‌ره‌کان
• که‌می ڤیتامین، به‌ تایبه‌تی ڤیتامینی B12  که‌ په‌یوه‌ندی هه‌یه‌ به‌ کێشه‌کانی له‌بیرچوونه‌وه‌
• که‌می ( سایمین ) که‌ به‌ ڤیتامینی ده‌مار ناسراوه‌. هه‌رچه‌ند ساناییه‌- به‌ڵام له‌م دۆسیه‌یه‌دا په‌یوه‌ندی زۆری هه‌یه‌ به‌ چالاکیکانی مێشکه‌وه‌
• ڕێك نه‌بوونی هرمۆنه‌کان و تێكچوونی ده‌ردانی ڕێژینه‌کان (اضطراب إفراز الغدد،) به‌ تایبه‌تی ده‌ردانی ڕێژینی ده‌رقی و ڕێژینی سه‌ر کۆرچیله‌ و ئه‌و ڕژینانه‌ که‌ له‌گه‌ڵ ڕژینی ده‌رقی دان.
• که‌می ترشی فۆلیك
• که‌می شکر له‌ خوێندا
• دڵه‌ ڕاوکی و فاکته‌ره‌ کۆمه‌ڵایه‌تیکان: شه‌ر و ئاژاو و ده‌نگه‌ ده‌نگی ماڵه‌ و سه‌ر کاره‌که‌ت.
• نه‌خۆشیه‌ ده‌روونی کان: وسوسه‌ و دڵڕه‌قی و الاكتئاب
• زاڵبوونی خه‌وه‌نکان به‌سه‌ر فکردا.
• به‌رزبوونه‌وه‌ی پله‌ی گه‌رمی ئه‌و جێگاییه‌ که‌ زۆربه‌ی کاته‌کانی ڕۆژانه‌ت تێدا به‌سه‌ر ده‌بێت و زۆری شێ …
• جۆری رووناکی و ده‌نگی ئامێره‌کان : تی ڤی و ڕادیۆ و زۆری په‌یوه‌ندیکان( مۆبایل …)

• سه‌ره‌تا ئامۆژگاریت ده‌که‌ین به‌سه‌ردانکردنی تاقیگه‌یه‌کی نه‌خۆشخانه‌ بۆ ئه‌وه‌ی ئه‌و تاقیکردنه‌وانه‌ پێویسته‌ ئه‌نجامی بدێت ( چی خۆین و ڕژینه‌کان و تاقیکردنه‌وه‌ی حساسیت…)
• ڕێکخستنی ژمه‌کانی خواردن
• خواردنی ڤیتامینی B12  بۆ زانیاریت ئه‌م جۆره‌ ڤیتامینه‌ له‌ هه‌ندیك خواردندا بوونی هه‌یه‌ وه‌ك گۆشتی سور و گۆشتی ماسی و مریشک و هێلگه‌ و شیر و پیکهاته‌کانی شیر…..
• خواردنی کاروتین …. که‌ له‌ ( گیزه‌ر…) بوونی هه‌یه‌.
• خواردنی ترشی فۆلیك؛ که‌ له‌ ( سپیناخ و سلمۆن به‌رهه‌مه‌کانی گه‌نمدا بوونی هه‌یه‌)
• خواردنی سایمین B1  و ئۆمیغا.
• ڕیکخستنی کاته‌کانی نووستن: ئه‌گه‌ر بتوانرێت 7 کاتژمێر شه‌وان بنوێت.
• یه‌کێك له‌ فاکته‌ره‌ سه‌ره‌کیکان که‌ به‌شێوازیکی ڕاسته‌وخۆ په‌یوه‌ندی هه‌یه‌ به‌ مێشکه‌وه‌ ئه‌ویش وه‌رزش کردنه‌ ( ڕاکردن… یان له‌ یانه‌ وه‌رزشیه‌کان وه‌رزش بکه‌ێت بۆ چه‌ند کاتژمێریك ) که‌ یارمه‌تی جه‌سته‌ ده‌دات که‌ ڕێژه‌یه‌کی زۆر له‌ ئۆکسجین بکاته‌ مێشك.
• هه‌ڵمژینی بوونی هه‌ندێك له‌ زیته‌ بۆنداره‌کان: وه‌ك زیتی لیمون: که‌ یارمه‌تی ده‌ره‌ له‌ چالاکردنی مێشکدا و زیادکردنی ترکیز
• خوێندنه‌وه‌ی ئه‌و کتێبانه‌ که‌ په‌یوه‌ندی هه‌یه‌ به‌ بواری ( تنمیه‌ بشریه‌ )ه‌وه‌
• بگه‌ڕی به‌دوای کێشه‌کاندا و هه‌وڵی چاره‌سه‌ری بده‌ ( چی کێشه‌ی سۆزداری بێت یاخود ده‌روونی یان کۆمه‌ڵایه‌تی یاخود ماددی… و ئه‌وه‌نده‌ به‌ گه‌وره‌ سه‌یری کێشه‌کان مه‌که‌.
• و ده‌توانی سه‌ردانی دکتۆری ده‌روونی بکه‌ێت بێ هیچ شه‌رمێک بۆ چاره‌سه‌کردنی کێشه‌که‌ت…

به‌گوێره‌ی لێكۆڵینه‌وه‌یه‌ك، ئه‌گه‌ر وزه‌ی خۆر له‌بۆشایی ئاسماندا كۆبكرێته‌وه‌، ئه‌وا له‌ماوه‌ی (30) ساڵدا ده‌بێته‌ سه‌رچاوه‌یه‌كی وزه‌ی باش بۆ گۆی زه‌وی, به‌گوێره‌ی لێكۆڵینه‌وه‌كه‌، كه‌ ئه‌كادیمیای نێوده‌وڵه‌تی بۆ زانسته‌كانی بۆشایی ئاسمان له‌ پاریس ئه‌نجامیداوه‌، دانانی چه‌ندین وێستگه‌ی وزه‌، كه‌ بتوانێت وزه‌ی خۆر كۆبكاته‌وه‌ و ئاراسته‌ی زه‌وی بكات، له‌ڕووی هونه‌رییه‌وه‌

به‌ به‌كارهێنانی چه‌ند ته‌كنۆلۆژیایه‌ك، كه‌ ئێستا له‌ژێر تاقیكردنه‌وه‌دایه‌، ده‌توانرێت ئه‌نجامبدرێت له‌میانه‌ی 10 یان 20 ساڵدا.

جۆن مانكینز، كه‌ له‌ ئاژانسی ناسای ئه‌مریكی بۆ ماوه‌ی 25 ساڵ كاریكردووه‌ و سه‌رۆكی پێشوی یه‌كه‌ی بیرۆكه‌كانی ئه‌و ئاژانسه‌ بووه‌، سه‌رۆكایه‌تی تیمی لێكۆڵینه‌وه‌كه‌ی كردووه‌ و لێكۆڵینه‌وه‌كه‌ی به‌ یه‌كه‌مین هه‌ڵسه‌نگاندنی جیهانی فراوان له‌قه‌ڵه‌مداوه‌ بۆ كۆكردنه‌وه‌ی وزه‌ی خۆر له‌بۆشایی ئاسماندا و ناردنی بۆ بازاڕه‌كانی زه‌وی له‌ڕێگه‌ی چه‌ند وێستگه‌یه‌كی ناردنی بێته‌له‌وه‌.

لێكۆڵینه‌وه‌كه‌ به‌دووریزانیوه‌، كه‌ به‌ ته‌نها كۆمه‌كی كه‌رتی تایبه‌ت بۆ پرۆژه‌كه‌ مه‌به‌سته‌كه‌ بپێكێت، به‌هۆی مه‌ترسییه‌ ئابوورییه‌كانی قۆناغه‌كانی په‌ره‌پێدانی پرۆژه‌كه‌و ئه‌گه‌ره‌كانی دواكه‌وتنییه‌وه‌.

ئه‌وه‌ش روونكراوه‌ته‌وه‌، كه‌ پێویسته‌ حكومه‌ته‌كان و كه‌رتی تایبه‌ت باربوی لێكۆڵینه‌وه‌كان بكه‌ن بۆ دڵنیابوونه‌وه‌ له‌ سووده‌ ئابوورییه‌كانی پرۆژه‌كه‌.

لێكۆڵینه‌وه‌كه‌، كه‌ (284) لاپه‌ڕه‌یه‌، كۆی تێچوونی ته‌واوكردنی پرۆژه‌كه‌ی نه‌خه‌مڵاندووه‌ و به‌گوێره‌ی چه‌ند دامه‌زراوه‌یه‌كی زانستی وزه‌ی خۆری بۆشایی ئاسمان، چاره‌سه‌رێكی درێژخایه‌نه‌، كه‌ ره‌نگه‌ سه‌ركه‌وتووبێـت و هیچ زیانێكی بۆ سه‌ر ژینگه‌ نه‌بێت.
سه‌رچاوه‌: www.aleqt.com

ئاژانسی ناسای ئاسمانی ئه‌مه‌ریکی بڵاویکرده‌وه‌، زاناکانیان توانیویانه‌ له‌رێگه‌ی وردبینی بۆشایی ئاسمانی (کلیبه‌ر)ه‌وه‌ هه‌ساره‌یه‌ک له‌ده‌ره‌وه‌ی کۆمه‌ڵه‌ی خۆر بدۆزنه‌وه‌ که‌ به‌ (دوانه‌ی زه‌وی) ناوبراوه‌، به‌وپێیه‌ی‌ ده‌که‌وێته‌ ناوچه‌یه‌که‌وه‌ که‌ گومانی بونی ئاو و زینده‌وه‌ری لێده‌کرێت.

دۆگلاس هیدگینز، سه‌رۆکی به‌رنامه‌ی (کلیبه‌ر) بۆ دۆزینه‌وه‌ی هه‌ساره‌ رایگه‌یاند: دۆزینه‌وه‌ی ئه‌و هه‌ساره‌یه‌ به‌ گه‌وره‌ترین ده‌ستکه‌وتی ئاژانسی ناسا ده‌دانرێت، که‌ پێشبینی بونی ژیانی له‌سه‌ر ده‌کرێت، به‌وپێیه‌ی‌ هاوشێوه‌ی گۆی زه‌ویه‌و له‌ماوه‌ی 290 رۆژدا خولێک به‌ده‌وری خۆردا ته‌واو ده‌کات.

له‌ مانگی شوباتی رابردودا 54 هه‌ساره‌ دۆزرایه‌وه‌ که‌ پێشبینی ده‌کرا بۆ ژیان گونجاو بێت، به‌ڵام له‌ ئێستادا به‌هێزترین گومان له‌سه‌ر ئه‌م هه‌ساره‌ نوێیه‌یه‌ که‌ به‌ دوانه‌که‌ی زه‌وی ناوبراوه‌.

هه‌روه‌ها ئه‌و هه‌ساره‌ نوێیه‌ که‌ ناوه‌ زانستییه‌که‌ی (کلیبه‌ر بی22)یه‌، پله‌ی گه‌رماکه‌ی هاوشێوه‌ی گۆی زه‌وییه‌.

ئاژانسی ناسا له‌ساڵی 2009دا وردبینی (کلیبه‌ر)ی ره‌وانه‌ی بۆشایی ئاسمان کرد بۆ دۆزینه‌وه‌ی ئه‌و هه‌سارانه‌ی هاوشێوه‌ی زه‌وین و به‌پێی داتاکا، پێشبینی ده‌کرێت گه‌ردون خاوه‌نی 100 هه‌زار ئه‌ستێره‌ی هاوشێوه‌ی خۆر بێت.

به‌ پێی سه‌رچاوه‌ زانستیه‌كان هۆكاری رشتنی فرمێسك له‌ كاتی قاشكردنی‌ پیازدا بۆنه‌كه‌ی نیه‌، به‌ڵكو جۆره‌ گازێكه‌ كه‌ له‌ كاتی وردكردنیدا بڵاوده‌بێته‌وه‌.

لێكۆڵینه‌وه‌كان ده‌ریانخستوه‌ كه‌ پیاز جۆره‌ چه‌وریه‌كی تێدایه‌ و كبریت له‌خۆده‌گرێ، ئه‌وه‌ش هۆكاری بێزاركردنی چاو و لوته‌.
به‌هۆی ئه‌و چه‌وریه‌شه‌وه‌ له‌ كاتی وردكردنی پیازدا جۆره‌ گازێك بڵاوده‌كاته‌وه‌ پێی ده‌وترێ (پڕۆپانسیۆلی ئه‌كسید) و لوت و چاو ده‌وروژێنێ و چالاكیان ده‌كات و فرمێسك به‌ مرۆڤ ده‌ڕێژێ.