www.Zemra.Org

Kënga fituese në Eurovision është e vjedhur?

Zemra — Wed, 30 May 2012 07:48:09 +0000

Nuk është e rrallë dukuria e plagjiaturës në Eurovision. Kësaj radhe për diçka të tillë është akuzuar fituesja nga Suedia, Loreen.

Dëgjuesit e muzikës thonë se kënga “Euphoria” është plagjiat i këngës “Stole My Heart” të grupit “One Direction”.

Megjithatë, suedezja mund të arsyetohet me faktin se është paraqitur para jurisë në Suedi disa ditë para se “One Direction” ta publikonte albumin.

Artikuj të Ngjajshëm

Robert De Niro nderohet nga një kolegj

Zemra — Wed, 30 May 2012 07:40:04 +0000

Legjenda e ekranit, Robert De Niro, ka marrë një doktoratë nderi nga Kolegji Bates në SHBA.

Aktori dhe regjisori e ka marrë doktoratën gjatë ceremonisë së ndarjes së diplomave në Lewiston, ndërsa veç tij nderime të tilla kanë marrë edhe gazetarja Gwen Ifill dhe bilogia Bonnie Bassler.

De Niro, i cili mori doktoratë nderi për art, gjatë fjalës së tij ka bërë shaka me studentët.

“Me gjithë respektin ndaj Gwen Ifill dhe Bonnie Bassler, mendoj se kjo është këshilla më e mirë që do ta merrni sot – bëhuni yje filmi”.

“Ndoshta ju tërheqin karriera të tjera, interesa të tjerë, angazhime të tjera. Ndoshta dëshironi ta ndërroni botën, por ju lus që të hiqni dorë nga këto ide. Kur unë fillova, nuk isha yll filmi dhe situata ishte e keqe. Porsa u bëra yll filmi, gjërat filluan të shkojnë për mrekulli”, ka është tallur aktori.

Artikuj të Ngjajshëm

Sharon Stone është akoma atraktive

Zemra — Wed, 30 May 2012 07:30:24 +0000

Sharon Stone ka xhiruar një video të shkurtë provokuese për një revistë franceze.

Aktorja atraktive në videon për revistën French Revue luan rolin e një grabitëse seksi, ndërsa edhe pse xhirimi është bërë më herët – i është dedikuar dhjetëvjetorit të kësaj reviste.

Ylli i filmave “Basic Instinct” dhe “Casino” është bërë edhe një herë ‘vajzë e keqe’, ndërsa duket mjaft joshëse edhe pse ka 54 vjet.

Së bashku me të në videon pa ngjyra gjendet edhe manekini Anton Rivas.

Artikuj të Ngjajshëm

“SHIK-u i raportonte Thaçit”

Zemra — Wed, 30 May 2012 07:25:59 +0000

Nazim Bllaca sërish ka akuzuar persona kyçë të Partisë Demokratike të Kosovës për përfshirje në krimet që i ka kryer Shërbimi Informativ i Kosovës.

Bllaca gjatë vazhdimit të dëshmisë së tij, të martën në Gjykatën e Qarkut në Prishtinë ka shkuar më larg, duke e përmendur edhe kryeministrin Hashim Thaçi si person të cilit i ka raportuar SHIK-u.

Se Shërbimi Informativ i Kosovës i ka raportuar Hashim Thaçit, Bllaca e ka thënë në pyetjen e mbrojtjes së Fahredin Gashit, avokatit Tahir Rrecaj, i cili mes tjerash e ka pyetur Bllacën për organizimin e SHIK-ut, shërbim në të cilin Bllaca pretendon se ka shërbyer disa vite, njofton “Zëri”.

Për të bëmat në këtë shërbim ai tashmë është dëshmitar bashkëpunues i EULEX-it ndërsa të martën në gjykatë ai ka vazhduar dëshminë e tij kundër të akuzuarve në rastin e koduar si “Bllaca 2”. Në këtë rast të akuzuar për vrasjen e Salih Gashit e për dy vrasje në tentativë janë Sadik Abazi, Fahredin Uka, Shaban Syla, Bekim Syla, Driton Hajdari e Fahredin Gashi.

Bllaca në cilësinë e dëshmitarit bashkëpunues ka thënë se nuk mund të tregojë për organizimin e shërbimit për të cilin ka punuar disa vite, por ka thënë se në atë shërbim, ai vetë e ka pasur pozitën e ekzekutorit të terrenit.

“Drejtoritë dhe organizimin e SHIK-ut nuk mund ta tregoj sepse unë kam qenë ekzekutor i terrenit. Në krye e di që ka qenë Kadri Veseli, Fatmir Xhelili e Ferat Shala. Me këta dy të fundit jam takuar e me Kadriun jo”, ka thënë Bllaca, gjatë seancës së mbajtur nën masa të rrepta të sigurisë në Gjykatën e Qarkut në Prishtinë.

Gjatë kësaj seance Bllaca në një moment ka drejtuar një kërkesë rreth sigurisë së tij në shtëpi, por kryetari i trupit Gjykues i ka thënë se për këtë brengë do të diskutojnë në një seancë të mbyllur.

Pa ia përfillur kërkesën, Bllaca ka vazhduar të përgjigjet në pyetjet e parashtruara nga mbrojtja duke ironizuar herë pas here pyetjet e bëra. Ai nuk ka dashur të përgjigjet dhe mbi rregullat konform të të cilave ka vepruar SHIK-u, derisa ka thënë se nuk ka pasur dijeni ndërsa ka shtuar se mund të flasë vetëm për grupin me të cilin ka punuar ai.

“Për grupin tonë ka qenë që të zgjohemi në mëngjes e ta përcjellim njeriun deri në vrasje”, ka thënë Bllaca.

Duke e kontestuar veprimtarinë e Bllacës në SHIK, mbrojtësi i Fahredin Gashit e ka pyetur Nazim Bllacën edhe për kodin që ai ka mbajtur “Seiko”. Bllaca gjatë kësaj seance nuk ka folur për kode të tjera.

“E di vetëm kodin tim në SHIK të tjerët jo. Unë e di që SHIK-u ka vrarë njerëz në Kosovë”, ka thënë Bllaca.

Artikuj të Ngjajshëm

Ezequiel Lavezzi do te shkojë në PSG

Zemra — Wed, 30 May 2012 07:20:46 +0000

Sulmuesi i Napolit, Ezequiel Lavezzi, ka gjasa më të mëdha që t’i bashkohet Paris Saint-Germainit – ka deklaruar agjenti i FIFA-s, Ernesto Bronzetti.

“Gjasat janë 90 për qind që Lavezzi të transferohet në Paris këtë verë”.

“Edhe pse ka klube tjera të interesuara, madje edhe skuadra kineze, mendoj se PSG do ta fitojë këtë ankand”, ka thënë Bronzetti për Radio Kiss Kiss Napoli.

Artikuj të Ngjajshëm

Lionel Messi: Eliminimi nga Chelsea i padrejtë

Zemra — Wed, 30 May 2012 07:16:34 +0000

Superylli i Barcelonës, Lionel Messi, akoma mendon për eliminimin “e pa drejtë” të skuadrës së tij në gjysmëfinale të Ligës së Kampionëve nga Chelsea.

Edhe pse dominuan në posedimin e topin dhe në zhvillimin e lojës në të dyja ndeshjet, Blaugranët u eliminuan me rezultat të përgjithshëm prej 3-2.

“Nuk e fitova La Ligan dhe Ligën e Kampionëve, mirëpo isha më i zemëruar për Ligën e Kampionëve, sepse ishte e padrejtë; sepse huqa një penalti”.

“Jam shumë i kënaqur me sezonin tim. Por ne ishim të pakënaqur për mosfitimin e Ligës së Kampionëve – ishim shumë afër dhe ishim shumë të zemëruar”.

“Mirëpo, do të luftojmë për më shumë tituj në sezonin e ardhshëm, ndërsa ekipi kombëtar do të përpiqet ta sigurojë një vend në Kampionatin Botëror”, ka thënë argjentinasi në një konferencë për media.

Artikuj të rastit

Seedorf mund të qëndrojë te Milani

Zemra — Wed, 30 May 2012 07:08:52 +0000

Clarence Seedorf nuk e ka mohuar mundësinë që ta vazhdojë karrierën te Milani.

Kontrata e holandezit me Rossonerët skadon gjatë kësaj vere, ndërsa është pritur që ai të transferohet te klubi brazilian, Botafogo.

Megjithatë, lojtari veteran ka thënë se ende është duke i shqyrtuar mundësitë dhe një e tillë është edhe qëndrimi në San Siro.

“Ende nuk kam vendosur për të ardhmen time, por do të vazhdoj të luaj”.

“Ku do të luaj? Nuk kam vendosur ende, por mund të jetë edhe këtu”, ka deklaruar Seedorf për Sky Sport Italia.

Artikuj të Ngjajshëm

Libri që do të zhduke përgjithmonë krishtërimin

Zemra — Sat, 26 May 2012 08:14:25 +0000

Një tekst fetar i shkruar në një libër prej lëkure, i cili daton në shekullin e V, por është zbuluar vetëm 12 vjet më parë, do të shkaktojë zhdukjen e krishtërimit nga faqja e planetit, pretendon Irani.

Libri i gjetur ne renojat antike te Persise ne Iranin e sotem, i shkruar mbi një lëkurë të përpunuar kafshe, tregon se Jesusi nuk u kryqëzua kurrë dhe se ai me fjalët e tij parashikoi ardhjen e Profetit Muhamed në tokë.

Është pikërisht edhe kjo pika kryesore e mosperputhjes midis islamit dhe krishtërimit. Për këta të fundit, Jesusi është biri i vetëm i perëndisë dhe i dërguari i fundit i Zotit në Tokë.

Për muslimanët, Krishti, ose Isai, është një ndër pesë profetët më të rëndësishëm dhe i fundit i dërguar ka qenë Profeti Muhamed, i cili solli edhe Kuranin, që mbetet i pandryshuar deri në ditët e sotme.

Sipas shtypit iranian, libri hedh poshtë pretendimet e të krishterëve, që nuk e njohin Muhamedin dhe tregon përfundimisht, me fjalë të shenjta dhe jo argumente njerëzore, se është islami feja që të gjithë duhet të ndjekin.

I shkruar në sirianik, një dialekt i aramikes, Ungjilli i Barnabës parashikon deri ardhjen e Profetit në Tokë, ndonëse diçka e tillë ndodhi rreth 150-200 vjet më pas (Profeti Muhamed lindi në 570 pas Lindjes së Krishtit dhe ndërroi jetë në 632).

Aktualisht, libri i çmuar është dërguar për studim në Turqi, ku është arritur në përfundimin se ai mund të jetë shkruar nga dora e vetë Barnabës, një pasardhës i Krishtit.

Artikuj të Ngjajshëm

Bleona aktron përkrah Steven Seagal

Zemra — Tue, 22 May 2012 07:50:30 +0000

Bleona Qereti para pak kohesh i ka njoftuar fansat e saj se ka përfunduar xhirimet për një serial televiziv përkrah të famshmit Steven Seagal.

Revista Albaniac raporton se këngëtarja shqiptare do të interpretojë rolin e Lunës, në serialin televiziv “True Justice”, sezoni i dytë i të cilit do fillojë transmetimet në muajin nëntor.

Aktualisht në kanalin me pagesë Reelz, është duke u transmetuar sezoni i parë i këtij seriali, ndërsa seritë gjithashtu po publikohen në DVD me episode si filma të veçantë.

Artikuj të Ngjajshëm

Rihanna feston me Drogban

Zemra — Tue, 22 May 2012 07:43:23 +0000

Këngëtarja më e popullarizuar për momentin, Rihanna, të dielën mbrëma iu është bashkuar Kanye West dhe Jay-Z në një koncert në Londër, ndërsa më pas ka vazhduar festën me lojtarin e Chelseat, Didier Drogba.

Rihanna ka shkruar në profilin e saj në Twitter se është krenare që ka performuar së bashku me dy reperët, ndërsa më pas ka publikuar një fotografi të përbashkët me sulmuesin nga Bregu i Fildishtë, të cilin e kishte takuar pas koncertit në një klub nate.

Në klubin “Boujis” në Kensington, Drogba ka festuar triumfin në Ligën e Kampionëve, ndërsa këngëtarja ka qenë e lumtur që ka mundur të argëtohet me futbollistin.

Veç tij, 24-vjeçarja thuhet të ketë festuar edhe me futbollistin Salomon Kalou, ndërsa tabloidet britanike e kanë këshilluar këngëtaren me fjalët: “Qëndro larg mashkullit të quajtur John Terry!”.