ZERO VACAS

DIGNIDADE

2009-10-16T16:53:00.002+02:00

O 22 de novembro de 1979 La Voz titulaba na súa portada, a cinco columnas, 'Hoy, jornada en defensa de la dignidad nacional de Galicia'. Era a loita contra a 'aldraxe', contra un estatuto de autonomía de segunda, e en defensa dun ...autogoberno real. Este domingo 18 La Voz podería titular o mesmo, pero non o fará. Moito retrocedemos dende a Transición.

ADEUS FEIJOO, A CANCIÓN DO VERÁN

2009-09-08T09:25:00.003+02:00

A organización de A Polo Ghit impediu a participación do tema no concurso porque ao seu xuízo frases como "Rosa Díez, paredón" non son "axeitadas", pero Adeus, Feijoo é claramente a canción do verán.

Feijoo matouse onte no medio de París,
saltou dun sexto piso así coma quen ri.
(...)
E Feijoo onde anda?, Rueda onde anda?
Touriño xa se foi, xa extirpamos o tumor
E o BNG, jajaja, jijiji, jojojo,
Rosa Díez paredón, Rosa Díez paredón
Así de pronto cortan a programación,
Ana 'olleiras' Ibáñez anunciando o notición:
'Feijoo se murió, Feijoo se murió,
falleció el presidente entre las seis y las siete'
(...)
O Faro titula 'Adiós Presidente',
La Voz de Galicia, 'Pachi Presidente',
La Región, máis neutral, 'Se nos va un paisano, uh, llora la gente'
A Cope di que é un atentado,
que había titadín, e un pin de ETA aí ao seu lado
A SER, que cres que di? Non lle tiña ganas ou que? Que é do PP, joder
(...)
Que outro verán morre un mandamais
deixando en bandexa a independencia ourensá?
Paseamos por aí aplastando sinais,
escudos, emblemas e signos oficiais,
queimando DNIs e defacendo manis
de Ourense Bilingüe y su puta madre(...)

Ah, e velaquí o mail que o concurso lle enviou a Emilio José, comunicándolle que non podía participar:

"Ola, Emilio José

Escribímosche para comunicarche que "Adeus, Feijoo" non foi aceptada para participar no A Polo Ghit 2009. No concurso participan ou participaron cancións de crítica e sátira política, pero máis alá do tema da canción, que efectivamente é espiñento, frases como "Rosa Díez paredón" non parecen axeitadas para unha canción que vaia soar na radio pública do país.

Sentímolo moito, esperamos que o comprendas mesmo se non o compartes, e que non deixes de participar nos anos vindeiros

Saúdos"

LOSANTOS CHEGA A GALICIA

2009-09-04T12:05:00.003+02:00

Son coñecidos os problemas que EsRadio, a emisora creada por Federico Jiménez Losantos despois de abandonar a COPE, está tendo para atopar frecuencias polas que difundir a súa mensaxe. Polo de agora só conta con 16 emisoras en todo o Estado, cunha boa cobertura en Madrid, pero moi escasa fóra da capital (aínda que a radio se pode seguir a través da TDT de VeoTV). As vitorias do PP nas eleccións galegas e europeas, e o bo momento de Rajoy por mor da crise económica dificultan a acción dos sectores situados á dereita dos populares (que hai á dereita do PP?).

Os únicos lugares nos que se poderá escoitar EsRadio fóra de Madrid son Canarias e Galicia, con cinco emisoras en cada territorio; no noso país fálase de que as frecuencias poderían ser Onda Local FM en Vigo (106.7), Pontevedra (90.4), Coruña (90.3), Santiago (102.5) e Ferrol (97.3). Losantos non está só nesta aventura, na que o acompañan César Vidal, Luis Herrero, ou os humoristas do 'Grupo Risa'. Nas próximas semanas comezaremos a escoitalo en Galicia: un altofalante para Galicia Bilingüe?

O OUTRO GAIÁS

2009-09-04T11:58:00.003+02:00

Especulación, pago político, investimento de 600 millóns de euros (e subindo), desastre medioambiental, os xornalistas silenciados, accidentes laborais...

(aínda bo é que xa remata a) CAMPAÑA

2009-02-26T13:33:00.004+01:00

É un moi mal sinal cando as mellores entrevistas a políticos publicadas nesta campaña electoral non foron feitas por xornalistas. Non. Trátase dos 'encontros dixitais' publicados por La Opinión, La Voz ou El País; os únicos lugares nos que os candidatos tiveron que responder a preguntas que ían (algo) ao fondo dos temas importantes. Unha radiografía da crise do xornalismos, que se une (e realimenta) a desafección da sociedade coa política e os partidos.

Aí temos, por exemplo, a Xoán Gato, respondendo a preguntas como "Sr Gato..¿No piensa usted que formaciones cómo la suya, formada por desertores y trnasfufas de otros partidos,la mayoría de ellos del PP,lo único que hacen es engañar al electorado,y luego en las urnas sus votos son votos perdidos?" ou "En el supuesto de que consiga Ud. representacion en el Parlamento Gallego, dimitirá o intentara acogerse a su protección si su presunta imputación, retrasada al dia 9 de marzo, le inculpa?".

Ou a Aymerich, que tivo que lidar con cuestións como "Por qué una corriente minoritaria como la UPG impone continuamente su ley y le echa a usted del Consello Nacional siendo en ese momento portavoz no Parlamento Galego? ¿Por qué no dimitió usted en ese momento?".

E de igual xeito as entrevistas reailzadas a Iolanda Díaz, Carlos Negreira ou Mar Barcón resultaron en moitos momentos moito máis interesantes que as realizados polos xornalistas. Cal é o problema? Son os fíos que ligan a medios e partidos os que converten o xornalismo nunha reiteracións de tópicos, nunha cadea de transmisión de estratexias extradirixidas?

BUA, SOL

2009-02-13T15:29:00.001+01:00

CORTÁZAR

2009-02-12T15:52:00.001+01:00

Era feo, pero coñeceu á Maga.

A SÚA LIBERDADE

2009-02-08T16:25:00.001+01:00

UN PARTIDO AO QUE VOTAR

2009-02-08T06:15:00.005+01:00

O Novo Partido Anticapitalista (NPA) naceu hoxe en Francia. Cando aquí?
A alternativa segue sendo socialismo ou barbarie.

UNHA OUTRA CANDELORIA

2009-02-03T18:37:00.006+01:00

CROQUETAS

2009-01-30T20:33:00.003+01:00

Cando paso toda a tarde escribindo sobre Castelao dáme gana de comer croquetas.

ACANTINADO

2009-01-30T10:06:00.002+01:00

Acantinado, Carlos Santiago (Edicións do Trece/ Editorial Danú, 2009)

En xeral, a vida é marabillosa. Diante sempre hai pedra, a pedra dun convento ou dun muro. Vivimos nun lugar. E no lugar hai moita pedra que hai que aproveitar. Non ten sentido facer portas, por exemplo. Se queres saír chega con quitar as pedras por un sitio concreto e logo cando volves, volvelas pór no mesmo sitio. Tamén en xeral, ninguén acredita no amor porque case todos aprendemos abondo da vida. A vida que, por certo, é marabillosa. Tanta pedra, tanto convento, non poden estar aí porque si. Marcha unha moza, entra un mozo. E a única queixa é que se estraguen as flores. As flores aparecen unha vez por ano. Máis ou menos arredor do quince de febreiro, que é o día despois de San Valentín, moi celebrado no noso lugar, porque aquí ninguén acredita no amor. Canta experiencia, canto coñecemento amoreado nas nosas almas. Iso é o que nos fai distintos ou diferentes, que por desgraza, nunca é o mesmo. Pero si, as flores son mimosas aínda podendo ser outras; no monte as flores adoitan ser amarelas, non se sabe por que. É a natureza deste lugar. Pedras diante dos ollos e flores amarelas no monte. Hai que dicir, para non faltar á verdade, que o licor café non é moi bo. Ás veces, si. Pero iso, meu deus, é tan infrecuente! E ademais as mozas falan baixiño para se daren importancia. Tócate o carallo.

(...)

O RÍO

2009-01-30T09:58:00.002+01:00

O Riofero de Xelís de Toro. O río como metáfora, nada novo: camiño, proceso, igual que The Road de Cormac McCarthy. "Para min iso é precisamente o que é a literatura", explica o autor, "tanto ler como escribir é atravesar un río de palabras, e cando chegamos ao outro extremo o ideal é que esteamos nun lugar diferente a onde comezabamos". É dicir, non estar igual que como un saíu da casa.

OUTRO DESASTRE

2009-01-29T10:52:00.006+01:00

Concentración en protesta contra o proxecto de enlace entre a AP-9 en Neda e a AG-64
Sábado 31, ás 17:30 horas na Praza do Concello de Neda

O proxecto de enlace entre a AP9 (Neda) e a autoestrada Ferrol-Vilalba (AG-64) carece de sentido, xa que o concello de Neda, coas infraestruturas que existen na actualidade, está perfectamente conectado coa autoestrada AG-64 (Ferrol-Vilalba) por medio de cando menos estas tres opcións:

* Usando a AP9 dirección Ferrol e desviándose cara ao Polígono do Río do Pozo.
* A estrada AC-641 e a súa continuación na estrada AC-642.
* A través do enlace entre Vilar do Colo e a estrada Cabanas - As Pontes.

A vía rápida proxectada causaría considerables prexuízos no Concello, fraccionando pola metade o seu territorio, e atravesando ao seu paso zonas de interese ambiental, paisaxístico, agrario e forestal. Por unha parte está a afectación ás Fragas do Río Belelle, que fan parte da proposta de ampliación da Rede Natura 2000 presentada pola Xunta de Galicia (non hai que esquecer que se trata dunha das fragas máis importantes da provincia). Por outro lado, afecta tamén ao Lugar de Importancia Comunitaria Río Castro, que xa fai parte desta rede de espazos protexidos.

Estes argumentos son os que decidiron a algunhas entidades ecoloxistas a demandar figuras de protección para os puntos de maior interese ambiental, e ao concello de Neda que axustase as súas previsións de desenvolvemento a estas circunstancias, primando por riba doutras opcións as actividades relacionadas co sector turístico e hosteleiro, así como o mantemento das actividades xa existentes. Este proxecto daría ao traste con estas pretensións.

O interese económico que puidera servir de argumento para levar adiante o proxecto esvaécese totalmente ante os danos económicos que produciría no concello, ao quedar afectadas propiedades de gran valor. Estes efectos negativos veríanse agravados pola alta densidade poboacional dalgunhas zonas atravesadas polo trazado.

Ante estas ameazas, entendemos que non se pode realizar este proxecto sen a máis mínima consideración nin previsión das afeccións que pode causar ao patrimonio do concello.

GALICIA CAMBALACHE

2009-01-28T10:51:00.000+01:00

...y el que no afana es un gil

DIOS SALVE AL CONSELLEIRO

2009-01-26T19:27:00.002+01:00

Que no es un botafumeiro. Aí as veñen as eleccións vascas e galegas. Pensaba poñer o vídeo de Dios salve al lehendakari (que no es un rastafari) para comentar algo de Euskadi, pero esta marabilla do youtube que vin no CCCP é moito mellor se cadra. Siniestro, Poch & friends no Auanbabulubabalambambu de Carlos Tena. Anos oitenta: ombreiras, heroína, Albor, cartaces da Kremlin pegados no Scalextric, nocilla que merendilla. E, en xeral, todo, sobre todo a política, era máis divertido.

XA ABONDA

2009-01-23T12:59:00.004+01:00

Estas son as miñas peticións:
1. Que chegue o venres
2. Que deixe de chover
3. Que creza o pelo para remediar a desfeita de corte que fixen
4. Que chegue a primavera

Cada vez que vexa satisfeitas algunha das tres primeiras condicións, liberarei dous reféns. Cando se cumpra a cuarta, deixarei marchar os reféns todos.

PJ E WILCO

2009-01-22T13:24:00.002+01:00

PJ Harvey (con John Parish). Casa da Música (Porto). 2 de maio

Wilco. Pazo de Congresos (Santiago). 1 de xuño

Primavera

JUNCO Y DIAMANTE

2009-01-22T13:09:00.003+01:00

Junco y Diamante é un proxecto paralelo de David Rodríguez (La Estrella de David, Beef) e Joël Iriarte (Tarántula, Joe Crepúsculo). Veñen de colgar catro cancións no seu myspace. Beef, Tarántula, Joe Crepúsculo (que dende que a Rockdelux o considerou o mellor artista do 2008, enche salas en todo o Estado)..., o mellor do pop español do momento.

A maqueta chámase 'Ses Comarques' e componse de catro cancións con nome de comarca, precisamente: Alt Penedès, Pallars Sobirà, Osona e a estupenda Solsonàs. En fin, produtos caseiros e moñas das noites de Barcelona.

FERRÍN E MARGARITA, 6 E 7

2009-01-20T14:11:00.002+01:00

O 6 de febreiro celebrarase o Acto de Homenaxe Nacional a Xosé Luís Méndez Ferrín, durante unha cea no Pazo Os Escudos (Alcabre-Vigo). A cea comezará ás dez da noite e terá un prezo de 35 euros. Previamente, ás oite da tarde, presentarase no Auditorio do Centro Social Caixanova o libro 'A semente da nación soñada. Homenaxe a X.L. Méndez Ferrín', editado por Sotelo Blanco e Xerais.

O día seguinte, ás doce do mediodía, terá lugar no Paraninfo da Facultade de Xeografía e Historia da USC a cerimonia de ingreso oficial de Margarita Ledo na RAG. Lerá un discurso títulado Do bucle e da fenda. Para un ensaio crítico sobre a cultura galega, mentres que Rosario Alvarez Blanco será a encargada de realizar a réplica.

ÓLIVER LAXE

2009-01-20T10:32:00.003+01:00

As chemineas decidiron escapar (Óliver Laxe, 2006)

Entrevista no Diario Cultural

X.A.M.

2009-01-19T19:16:00.003+01:00

Alonso Montero vén de publicar en Alvarellos a reedición da Encuesta mundial sobre la lengua y la cultura gallegas (Akal, 1974) e en Xerais Letras Galegas. Explicadas (de 1962 a 1980) en Triunfo e noutras revistas de fóra de Galicia. E aínda imos ter máis noticias do profesor este ano.

-¿En que traballa agora?
-En dez libros. Teño escritos neste momento seis ou sete libros que teño que retocar.

SALVAMENTO E SOCORRISMO

2009-01-19T11:57:00.000+01:00

O EXTERMINIO

2009-01-08T19:56:00.005+01:00

Para os equidistantes, os neutrais e os que ollan para outro lado. Fotos do masacre en Gaza.

CONTRA A NORMALIDADE

2009-01-07T23:11:00.001+01:00

(...)

A neurose exprésase nun sentimento de culpabilidade, de insatisfacción por non “ter o que cómpre ter”, por non ser abondo querido por quen seica ten a autoridade, a cultura española (ou a protuguesa, ou a europea). A paranoia amosa os síntomas dunha exacerbada sensibilidade á menor mención das súas carencias.

¿Debería a cultura galega, pola contra, aspirar a ser unha cultura esquizofrénica? Como dicía Gilles Deleuze, “O esquizofrénico mantense no límite do capitalismo: é a súa tendencia desenvolvida, o excedente de produto, o proletario e o anxo exterminador”.

Carlos Lema: 'Patoloxía'