ZomiDaily

Kawlgam sungah "Zomi" kici minam ommah hi

zogamdaily@gmail.com (ZomiDaily) — Thu, 31 May 2012 16:16:00 PDT

ZomiDaily :: Zanni in ih zaksa mahbang in Kawlgam sungah "Zomi" cih minam pen aomlua hi a, Kawlgam kumpi te'nzong ong theikhial ahihlam pulak uh cihi. Tuni zingsang nai 10am in Yangon aom ZNC (Zomi National Congress) makaite'n Meeting khat neiding uh a, Party vaitawh kisai Amin, Seal, Dialkhai, cihte ki kupcianna neiding cih kiza hi. ZomiDaily Breaking News :: Zomi mintawh Kawlgam sungah ciaptehna ongki sangta ZomiDaily :: Kawlgam sungah kumpi thuneite'n Zomi min tawh ciaptehna ongpiata, "Zomi" cih minam khatin ongki ciaptehsak leh phalna ki ngahkhin zota cih Zoland Thang tungpan kiza ahih manin lungdamna thuthak kong tangkokhia uhhi. ZomiDaily Zomi khat in ka piang, Zomi khat in ka nungta, Zomi khat in ka si ding hi. Simbeh theihding News & Article >>> Malaysia aom Myanmar Embassy mai ah "ZOMI" te'n Minam minvai lungphona nei Who are the Zomi? ~ CS Dal Who are the Zomi?

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Breaking News :: Zomi mintawh Kawlgam sungah ciaptehna ongki sangta

zogamdaily@gmail.com (ZomiDaily) — Thu, 31 May 2012 06:16:44 PDT

ZomiDaily :: Kawlgam sungah kumpi thuneite'n Zomi min tawh ciaptehna ongpiata, "Zomi" cih minam khatin ongki ciaptehsak leh phalna ki ngahkhin zota cih Zoland Thang tungpan kiza ahih manin lungdamna thuthak kong tangkokhia uhhi. ZomiDaily Zomi khat in ka piang, Zomi khat in ka nungta, Zomi khat in ka si ding hi. Simbeh theihding News & Article >>> Malaysia aom Myanmar Embassy mai ah "ZOMI" te'n Minam minvai lungphona nei Who are the Zomi? ~ CS Dal Who are the Zomi?

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Aung San Suu Kyi Kawlgam pan gampua zinkhia taktakta

zogamdaily@gmail.com (ZomiDaily) — Thu, 31 May 2012 02:29:05 PDT

ZomiDaily :: Kawlgam Pro-democracy Leader Aung San Suy Kyi pen gelnasa aom mahbang in Tuesday nitaklam in Thai Airways tawh Kawlgam pan zinkhia petpetta a, Thai gam ii khuapi Bangkok ah tungta cih kiza hi. Kum 24 sung vilvel ah amasa penpen gampualam azinkhiat masakna hi a, England gamah sangkah in pasal nei a, akhangkhiakhat ahihhang hihtanvei Kawlgam pan gampua zinkhialo in aomciang Zogam mualdawn pan Yangon atungsuk phengphong pawlkhatte tawh kibattuak hiaihuai veve hi. Bangkok ah azin nunung pen 1988 kumpek onghi teitaita a, tuahun laitawh tehkak ciangin Bangkok khuasung zong naki nakkhaih luamahmahta hi. Bangkok World Economic Forum khuazinna vai amansiang ciangin Norway, Switzerland, Britain gamte ahzong June kha laizangpawl in zinkhia kawikawiding cih kiza hi. June 17 niciang in Aung San Suu Kyi asuahpawi Birthday niding hi a, apasal luanghawm kiphumna leh ata pasal nih aomna ahi England gamsung ah Birthday Party bawlding gelnanei cihzong kiza hi. ZomiDaily

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Zomi Hihna Lungphona Tawh Kisai Pahtawina

zogamdaily@gmail.com (Taang Zomi) — Wed, 30 May 2012 14:22:50 PDT

01. “Kawlgam sung-ah Zomi a kici minam, om lo hi,” ci-in, Union Election Commission in a gen ciangin, “Zomi om mah hi,” ci-in, Asia Pacific Zomi Protest Committee makaihna tawh, Kawlgam Palai Zumpi mai-a a lungpho, Australia le Malaysia Zomite k'ong pahtawi hi. 02. Ei le ei “Chin” a kici ngei lo, ei le ei “Zomi” a kicite pen a bulpi-ah Tedim Towsnhip le Tonzang Township-ah kiteeng hi. Tu-in mun tuamtuam-ah zong kiteeng ta hi. Zomite pen ei’ ngeina, ei’ pau, ei’ lai, ei’ ki-ukna tawh a omte ihi hi. 03. Midangte in amau’ lawh nop peuh-un hong lawh ding mah uh hi. Ei zong, Bamar pen “Kawl” i ci-a, Indian pen “ Vaite” or “Kala” ci-in, Chinese pen “Sen” i ci hi. Karen-te bang, “Deekte” i ci hi. Ahi zongin, Bamar-te kiang-ah, “No Bamar hi keiuh teh, Kawl hi zaw uh teh,” i va cih ding hi lo hi. India-te kiang-ah “No pen Vaite or Kala hi zaw uh teh,” i va cih ding, Sente kiang-ah “No pen Sen hi zaw uh teh,” i va cih ding, Karen-tekiang-ah “No pen Deekte hizaw uh teh,” a va cih ding, hi lo hi. Tua mahbangin, min tuamtuam tawh hong lo, hong sam midangte in, “No pen Zomi hi kei uh teh, Chin hi zaw uh teh,” cih ahi zongin. “Nampi hi zaw uh teh,” cih ahi phial zongin, hong cih ding uh, hi lo hi. Minam dangte ei’n i lawhna khat om ta leh, amau le amau a kilawhna uh i zahtaaksak ding ahih mah bangin, ei le ei i kilawhna zong amau hong zahtaaksak ding uh, ahi hi. 04. Zomite pen a mimal-in zong a tawmpeen 500,000 (0.5 million) kival-a, a tam pen 1,500,000 (1.5 million) bang kipha kha ding...

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Zogam Paletwa ah Arakan Libration Party (ALP) Liaison Office deihlohna Seminar kinei

zogamdaily@gmail.com (Hau Thang) — Tue, 29 May 2012 05:24:26 PDT

ZomiDailly :: Zogam Khua pi Paletwa ah Arakan Libration Party (ALP) te in kizopna Liaison Office hon ding vai tawh kipawl in gam pua om Khu/Zomi teng deih loh nathu 26/May ni in akibawl Seminar On setting Liaison Office in Paletwa ah tangko na bawl khia hi. India khuapi Delhi bulphuh Khumi Development Organization (KDO) makai in hong bawl khiat Seminar ah Ei Khu/Zomi te in tangtawng pek pan in iluahsuk pupa mun leh gam Paletwa khuapi huam ah ateeng den inn tek te ih hi hi. Minam leh Ngeina tawh kipawl in Arakan te tawh kibang lo ih hih man in tu in ei khu/Zomi te in Paletwa khuapi ah (ALP) kizopna Liaison office koih ding thu Rakhine uk thunei te tung leh ALP kikal lungtuak thukim na te deihlo ih hihi cih thu KDO Makai pi Mr- Luka in ngen khia hi. Delhi om thei Zomi kipawlna tuamtuam te ahi Zomi National Congress (ZNC), Chin National Front (CNF) ,Chin Community Network ( CCN), Falam Community, Hakha Community, Matu Community, Zotung Community , Chin Refugee Committee pan in Palai mi (50) kihel thei ahihi. ALP Liaison kizopna zum hon ding deihloh na leh lungkim lohna te ahi Signature Campaign hoih tak in bawl in India- Myanmar Ambassy zum ah puak ding ahih na thu Seminar pan thu khentat na nei uh hi. Tua zom ah Zogam Paletwa khua om Khu/Zomi Youth's kipawlna pan in ALP liaison office koih loh na ding Signature Campaign bawl in Kumpi tein Sein tung ah piading cih thu ki thei hi.Delhi om Zomi National Congress ( ZNC) pan Pu Min Thang in State kantan in State dang khat ah...

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Sang ki hongkik tading, Form khatteh 1000, Tedim ah' Application man kibanglo

zogamdaily@gmail.com (Hau Thang) — Mon, 28 May 2012 08:48:37 PDT

ZomiDaily :: 2012-2013 Pilna sin kum Kawlgam bup Sang kihong ta ding ahih man in Sang naupang ten min khumna ding leh akisam tuamtuam teng ki bawl ziahziah tahi. Tedim bang ah From man khempeuh kibang kim a, khat ciang in Kyats 1000 tawh kilei cihi. Tedim Khuapi Sangte bang ah Application te khatciang in 1. Tan5 te mikhat teh kyats 1500, 2. Tan6 te mikhat teh kyats 1600, 3. Tan 7 te mikhat teh Kyats 1700, 4. Tan 8 te mikhat teh Kyats 1800, 5. Tan9 te mi khat teh Kyats 1900, 6. Tan10 te mikhat teh Kyats 2000 cih bang in adawldawl in ki khen in kila hi cihi. Tonzang, Falam , Hakha leh Zogam khanglam te ah thu puakna om nailo hi. Zang gam sung zong sang sia te'n Sem ngei ngai ta,uh aa,ahih hang in sum lak zia kibang lo cih thu om hi. Yangon lam Sangpawl khat bangte ah Amawkna in ki lut sak cih thuging zong om a, Sang pawl khat te leuleu ciang in Kawlsum Kyats 50000/- aneih kei leh Sang lut theilo ding cih na Sangte zong om ki ci hi. Bangbang hi ta se leh Tan lang pan Tan4 ciang Laigelhsa, Laisimbu te kumpi pan akhawn khong in hawm khia ding cih thu omzo hihi. Ahih Zong in Zogam Khuapi te ah tuni ciang ahawm khiat na leh akihawm khiatlohna kuamah zaksak neinailo ahihi.Tua hih man Khua mi Nuleh Pa te'n Ta te sang Laibu vai ding athu cing tak thei tek nuam na pi in kuaman Sia te kidong ngam taktak lo hi cihi. ZomiDaily/HauThang

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Kalaymyo (Kawlpi) ah Tun Twen Company te'n Cement bawlna Factory koihding

zogamdaily@gmail.com (Hau Thang) — Mon, 28 May 2012 08:26:50 PDT

ZomiDaily :: Kalaymyo ah TunTwen Company te in Cement bawlna nasep phualpi Factory khat lamta ding cih khua mite tungpan thu kiza hi. Factory koihna ding pen Indaikyi khua pan tong,Ft 3500 gam latna Thung suang te pian mualpi om na mun hi in Company pan vaipuaknei te, Khawksung lokho nasep zumpi vaipuak nei te leh leitang vai thulian neite leh tua mun om Hausa te tawh amun va en uh a, Nasep na ding mun 2000 val a omna thu mu khia uh hi. Factory bawlna ding mun kim teng pen gammang tuulak leh singkham gam huam sung in huam kha in Eka 1000 pha a, Indaikyi le Indailay khuami te lokho nasem mi 40 neihsa Lo eka 46 zong huam kha ahihi.Hih Thung suang te sem in Company honglut leh bel innteek mun nei pawl khat in nasep neilo in Company sawltak nasem ten lawhcing thei ding ahihi cih tua lai mun om innteek leingak te in ngen khia hi. Myonee Singkung lam thu nei te ngen na ah' U te "aw na leitang neihna tung uhah aman pha Singkung lian ka mu kei uh hi. Factory hong hon leh bel hoih hi. Ahizong in thung pianna Mualpi bei in Singkung Loopaa te cimang ding ahih man in khua hun guah tui hunman in kingah lo ding ahih man in Lokho mi te ading in hamsatna piangthei dinghi cih kim lehpaam kiven hutna lampan thu ging khia hi. Lo nei te ading in Leitang man piak ding thukim na om zo ahih hang in' eka khat ah bang zah pia khia dingcih thu kician diktak ki telnailo ahihi. Kawlgam bup ah Cement bawl Company 21 om in hunbit diktak leh akisam bang in hong bawl khia Comnpany 14bek khuasuak zo...

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Malaysia aom Myanmar Embassy mai ah "ZOMI" te'n Minam minvai lungphona nei

zogamdaily@gmail.com (Hau Thang) — Mon, 28 May 2012 07:44:02 PDT

ZomiDaily :: Myanmar's Union Election Commission te inn lainambat 4/nah wa yah- Ma Pah tah (3), Nimit 2012 / May / 1, ni in ZNC party Upa Pu Kam Gin Thang tungah Party vai thu azaksak kik na anei hi. Tua thu zaksak kik na, thu lu 3 om a, thugual nih nah mun ah Kawlgam sungah Zomi om/omlo akisit diktelna sungah Nidang hun in Minam 135 om a, tutung in kibawlkik na sungah 101 om in tua minam (101) sungah ZOMI omlo hi cih thu kihelsak hi. Hihbang in Kawlgam sung ah Zomi nam omlo hi ci a, Namneu zawh thawh thu tawh lai apiak na thu' Leitung bup pi in aki theihciang in leh hong kizel khiat tak ciang in Zomi nam khempeuh kiLung hi mawh ciat hi. Tua hih man in Asia Pasific Zomi Protest Commitee (APZPC) te in Kawlgam sungah Zomi om mah ung cih lah khiat ding in hong kivai hawm khiahi. Hong vai hawm khiat uh teh Gamkhat bek ah Lungpho na minam Min tangko ding hong hi thei nawn lo a, gam tuamtuam lawh in ZOMI hong minthanghi. Hihbang Zomi Lungpho na ah APZPC Maikai lam lak in Zomi pi hong satso suah tak ciang in Malaysia om Kawlgam Palai phualpi ah Lungphona neih ding thu hong ging khia hi. Tua ahih man in tuni 28/May/2012 ni-in Malaysia om Zomi te (APZPC ) pan in Pu Zo Land Thang leh a nasep pih alawmte makai in Lungpho na Malaysia - Kawlgam Palai Phualpi mai ah kinei cih thu Zomidaily thuthak tangko na hongza sak hi. PU ZO LAND THANG: "Amasa in Kawl kumpi in Kawlgam ah Zomi nam omlo hi cih thu' tuphingphing in hong zak sak tak ciang in tangtawng tuanthu a om khin zo Zomi...

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

CNP pan Palai khat US pai Idea hoih ngetna nei ding

zogamdaily@gmail.com (Hau Thang) — Sat, 26 May 2012 23:50:13 PDT

ZomiDaily :: CNP party pan Thantlang khuapi huam Pyinee Lotdaw Pu Lal Muan Chung hunsawtlo in US pai in US om Zomi te tawh kimuh holimna nei ding geelna nei hi cih KNG ah tangko khia hi." Athupi diak in Zogam ading bang teng sem in Zomi ading bangteng kibawl khia dingcih US om Zomi kipawlna nengneng te tawh holim khawm ding cihi.Pu Lal Muan Chung pen abeisa kumin zong US paikhin zo hi in Zomi pawlkhat te tawh kimuh khopna nei zo ahihi. Tu bel Visa ka ngetlaitak hi. Azenzen in US kitungthei leh CNP party ading in ngaihsutna leh gimna lian Mailam masuan Idea ka ngen dinghi cih thu ngen beh sawn hi. Pu Chung pen CNP party ah sumbawl sumzuak lam vaipuak lian nei ahihi.US pan in zong hongciah kik leh Yangon om Zomi te tawh mailam nasep silbawl zia ding kikupna khat nei sawm US pan Idea angah bangin Zomi te mailam nasepzia ding muhna theihna holimna zong neih sawm ahihi cihi. ZomiDaily/HauThang

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Mipi ading Democracy leh Electric Mei koi masa zaw?

zogamdaily@gmail.com (Hau Thang) — Sat, 26 May 2012 23:48:36 PDT

ZomiDaily :: Prof: Education Magazine 26/May/2012; Hih thutawh kipawl Mandaly ah "Democracy pia nunung, Mei tu mahmah in pia" cih poster anial masa penpen Mipi makai DASSK hi in Hunsau pi la in diktel sutna nei hi. Gam mite Meikisam hi, Tui kisam hi, Khasum lawh cing kisam hi, Nasep neilo kitam hi. Mipi hibang hamsatna in System akikhial hi zo hi. Sumbawl Sumzuakpuah phat ding leh Gam leh nam vai phuah phatding koizaw thu zaw hiam?cih thu omzo a, tua munah aih in athupina tai dikdek in kingen khin zo hi.System laih dingah thukinial na aom loh zenzen hang in Bangci zia in System khelding cih na mun ah thuki nialna adim in om hi. Tu in Yangon Mei 24 daak bit kingah na ding in Ni 5 na ni mipi kiso suah hi. Tua hih man in hih anuai a, liim hong kilak te zui in ngaih sut khop ding thu om hi. Liim khatna (1) Hih liim tawh kizui in sumbawl khantoh zia (Economic Growth) Mipi khuaphawk nunsan zia ( Social Mobiization) leh Gam vai ( State ) kikal khat leh khat kizopzia na mu ding hi. Tua hih teh Gamvai anuai pen ah State capacity Gambup zaitha muan,( Rule of Law )Thukhun diktak hoih thuluan na, Demodracy cih te Gam leh Minam Sum zon ol nun khua lapsang te kizom dimdiam ding ahihi. Liim nih na (2) Hih liim tawh ki zui in State gambup pan in, Economic Growth thapia to a, Tuapan in Mipi nunkhua lapsang khuaphawk sak in Demoracy hong suak khia a, sumzonna lawh cing in Rule of Law phuahphat siam nanam suak hi.Hih liim pen Sente khuanun zia thuneihna tawh...

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Kawl Kumpi Thein Sein ading ngaihsutpia Upa ki phuahpha

zogamdaily@gmail.com (Hau Thang) — Sat, 26 May 2012 23:37:56 PDT

ZomiDaily :: Gamsung mipi deihna bangin makaihzawh nading kumpi Tein Sein in Ngaihsutna pia Upa puahphatna nei a ngaihsutna hoihpi Idea hoih Upa muan seh thak na nei hi cih RFA thuphuan tangko khia hi. Tua te in...... Prof: U Maw Than............... ( Upapi) 1.(a) U Tin Thut Oo........... (Makaipi ) (b)Daw Khin San Yii........ (Makai Huh) 2. U Set Aung.....................(Thu Zeek pi) 3. Dr.Kyan Yin Lyaing..........(Thu Zeek huh) 4. U Tin Maung Than............( Member) 5. U Win Aung................... ( Member) 6. U Hla Maung Shwe...........( Member) 7. Dr. Zaw Oo.......................(Member) 8. U Tye Han Myo Nyian....... (Member) 9. U Ko Ko Kyi.....................(Member) 10.U Taung Tin.....................(Member) 11.U Meo Kyaw....................(Member) 12.Dr. Than Myint Oo............(Member) 13.U Than Lwin....................(Member) 14.U Khin Maung Aye ..........(Member) 15.Prof; U Aung Tun Thet......(Member) Kumpi zumpan thukip puankhiatna aneih nailoh hang in Kumpi ngaihsutna pia anih veibawlna ahihi. Hih Upa te in' Sumzon zia pilciimsiam nanei (Economist) lam ki vate, Thukhun Lawyer lam kiva te , Company nasep lian nei mihau te, Bank lam ah thu vaipuak lian nei te kihel ahihi. ZomiDaily/HauThang

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Thet Mon Myint in Falam khuapi ah Motor leh Solar piakkhiatna nei

zogamdaily@gmail.com (Hau Thang) — Sat, 26 May 2012 03:50:50 PDT

ZomiDaily :: Zomi kineih siam Lia Paal minthang 2010 kum in Academy min phatna angah Lia Mai Zung Zer Mawi (b) Thet Mon Myint in Falam khuapi ading motor 1 leh leh van pawl khat pia cih Falam Watch Group pan ahawm khiat Lamzin thuthang laihawm pan ki tang ko khia hi. Lia Mai Zung Zer Mawi in Falam khuapi Phung yii sang ah azat ding in Landmark 4/B-1422 Khamtung Leeng hoihtak khat pia khia hi. Tua ban ah LaiZo Khawk a akizang ding Solar Mei inn (170) piak khiat na nei hi. Falam khuapi USDP hall lian pi sungah hih piak khiatna bawl uh a, mipi 25 kihel thei cihi. Hih Piakkhiatna mun ah Mai Zung Zer Mawi kihel theilo ahih man in apian na Pa U Myint Oo in piak khiatna nei cihi. U Myint Oo in lungdam koh na tomno khat nei a, Zgam, ZoTui, Zolei kong mang ngilh kei uh hi. Tutung piak khong bawlna pen bang mah acihtak hi peuh mah lo hi. Mailam hun ah hihsang atamzaw kong piak zawh semsem na ding honghan ciam nung. Ka ta Nu Mai Zung Zer Mawi zong amapum pi mahmah hongkihel nuam hi in Vaituamtuam film kilak ding nei ahih man in hong kihel theilo ahihi cihi. Tuin Falam ah zong Tui hamsa nathu za ka hih man un Ka inn kuan un ka na kikumkum uh hi cihi. ZomiDaily/HauThang

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Mei ki ngahlo Hamsatna, Mei ki ngahlua Hamsatna

zogamdaily@gmail.com (Hau Thang) — Sat, 26 May 2012 03:37:18 PDT

ZomiDaily :: Tu sungteng Kawlgam sung ah meikingah lo meihamsa in Khuapi lian tuamtuam te ah Khuaimei de in Lungphona lak in sa ngeingai uh hi. Zogam lam bel kingeina seh ta mai ung ci uh hi.Mei kingah lo ahi man in Khua pi te ah an kihuan theilo in Melhol te in tam man mahmah ci hi. Inn sang dawn om te bang Tui kihup theilo ahih man in Mei kingah loh man in tui dawn ding zong hamsa hi cihi. Tui omlo kisilna ding tui ki cing lo kicil zatmahmah hi. Tua ban ah tuipi pan Piang nek theih an man te ahi Ngasa, Kai kuang, Aisa te kepna ding hamsa mahmah in muatcip in kizang kine kizuak thei lo ding din muntunghi.Adiakdiak in Yangon Khuapi ah setyung leh Nasep na te kisem zom thei khin loban ah Tui sung piang an namte kholna Gamdang puak ding zuak ding kholna te ah US$ 200 Million bang aman ding nek theih an namte ki sumh thei ding din mun ki tung hi ci-in Tuisung an piang lam thuvan U Win Kyaing ngen khiatna MNH pan ki thei khia hi. Yangon khuapi ah avot bawlna setyung 70 om na lak ah 23 bek in semzom thei bek ahih man in nasep nei zom theilo leh Van amuat thei ding tampi te ki om hi cihi. Electic mei zang leng Unit khat ah Kyats 50 bang bek tung hi in tu in Meiset hawl in nasem leng Unit khat ah kyats 300 val bang tung ahihi cihi. Kumpi lam pan in Metset hong vai hawm zenzen sam hang in nasep nading zah in gamsung khuapi te ah dingzo sam lo in, meivak na ciang bek hi sawnsawn hi. Tua hih man in hamsatna tam pi ki phul kha hi. Kawlgam sung pen Meingah lua leuleu leh Inn teng...

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Pi Isabella Zen Za Dim kum (70) in Kawlpi a innpi pan leitung nusia

zogamdaily@gmail.com (Hau Thang) — Sat, 26 May 2012 00:52:43 PDT

Malaysia gam Kuala Lumpur khuapi aom ZCC makai, ZCCM Thuzeekpi & ZomiDaily Team Chief Editor Pa Joseph Mangsen leh USA a om CYA khangno makai sungah asem ngei Pa Thang Lian, Pa Dal Tum, Pa Suan Cin, Pa Sawm Pil, Nu Manno, Nu Lun Cing, Nu Niang Khawm, Lia Haulek te a it mahmah ahi apianna Nu' ei ading in ih Pi Isabella Zen Za Dim Kum (70) in tu zingsang daak 4am hun pawl in akhua atui, U le Nau, abeh leh aphung, alawm leh agual, atu ata teteng lungnuam takin nusia in vantung ih Pa Pasian gamnuam ah hong paisan tahi. Zomi Catholic Community Malaysia member te, ZomiDaily Team member te & Leitung muntuamtuam a om ZomiDaily thuthang hongsimsak Zomi kuamah khempeuh amau tawh kibang in dahpih na ih pulak hi. Zingciang May 27, 2012 nitaklam daak 4pm hun in Kawlpi a inn ah aluanghawm tawh hunnung bawl khawm in vuina kinei dinghi. Malaysia pan in zong tuahun lian mah in ZCCM (Zomi Catholic Community Malaysia) makai in Zomi a omthei hunlem teng in hun kibawl khawm ding hi. Pi Isabella Zen Za Dim in a nusiat lai atate, atute leh adah akap akua makhempeuh heh nemsiam ih Pa Pasian in lungnopna kicing thupha namkim tawh hong phungvuh kimciat tahen. Note tawh akibang in adah khawm, Hau Thang & ZomiDaily Team, ZCCM & laisimteng

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam

Aung San Suu Kyi Bangok zinkhia taktak tading

zogamdaily@gmail.com (ZomiDaily) — Thu, 24 May 2012 23:06:11 PDT

ZomiDaily :: Kawlgam sungah gammakai minthang Aung San Suu Kyi pen maikalciang Thailand vazin khiading hi ci'n NLD Party in zanni in genkhia hi. Aung San Suu Kyi pen Britain gampan in 1988 kumin Kawlgam ongciah hi a, Kawlgam pan azinkhiat lohzawh kum 24 bang hikhinta hi. Tu'n Thailand vahawhleh gamdang azinkhiat cilnazong hipahding hi. Suu Kyi pen Thai gamsung Bangkok khuapi ah akibawlding ahi World Economic Forum (WEF) ah ava kihelding hi a, World Economic Forum ah thugending inzong akiseh ahihi. Hih World Economic Forum ah Kawlgam President Thein Sein zong kihelding cih kiza hi. Aung San Suu Kyi pen nunglam in Kawlgam pan gampua azinkhiat leh Norway gammah sikmasa penpending cih kizaza himah taleh tu'n Thailand ah zinmasading cih NLD Spokesman Nyan Win in kiciantak in genkhia hi. World Economic Forum pen May 31 leh June 01 ni ninih akibawlding hi a, Aung San Suu Kyi zong Monday ni in Bangkok tungpheiding cih kiza hi. Thai gamah Aung San Suu Kyi atunni May 31 nimah in Thai Prime Minister Yingluck Shinawatra tawh kimuhding gelnazong omkhinta cihi. Suu Kyi tawh Prime Minister Yingluck Shinawatra akimuhkhit azingciang President Thein Sein leh PM Yingluck Shinawatra kimu leuleuding cihzong kiza hi. ZomiDaily

Aban nasimbeh nopleh www.zomidaily.com ah nahawh sakve. News & Article adang tampi zong omding hi. Lungdam