தமிழ் செய்திகள்

Bajaj Auto launches Nano car for little Car more than,பஜாஜ் ஆட்டோ நானோவை விட குட்டிக் காரை அறிமுகப்படுத்தியது

2012-01-03T07:19:00.000-08:00

பஜாஜ் ஆட்டோ நானோவை விட குட்டிக் காரை அறிமுகப்படுத்தியது

ஆர்இ-60 என்ற குறியீட்டு பெயரில் அறிமுகம் செய்யப்பட்டுள்ள இந்த குறைந்த விலை காரில் 4 பேர் பயணம் செய்யலாம்.

சோதனை நிலைகளில் லிட்டருக்கு 40 கிமீ மைலேஜ் செல்வதாக பஜாஜ் ஆட்டோ தெரிவித்துள்ளது. இந்த நிலையில், தினசரி பயன்பாட்டின்போது கூட லிட்டருக்கு 35 கிமீ வரை மைலேஜ் தரும் என்று கருதப்படுகிறது.

இந்த காரில் ட்வின் ஸ்பார்க் தொழில்நுட்பம் கொண்ட 200சிசி காரின் பின்புறத்தில் பொருத்தப்பட்டிருக்கிறது. இந்த புதிய குட்டிக் காரில் 44 லிட்டர் கொள்ளளவு கொண்ட டிக்கி மற்றும் இருக்கைகளுக்கு கீழ் 95 லிட்டர் ஸ்டோரேஜ் பகுதியும் இருக்கிறது.

தற்போது உலகின் குறைந்த விலை கார் என்ற பெருமையை பெற்றுள்ள டாடா நானோவை விட இந்த கார் குறைந்த விலை கொண்ட காராக விற்பனைக்கு வரும் என்று கருதப்படுகிறது.

ரினால்ட்-நிசான் கோரினால் இந்த புதிய குட்டிக் கார் தயாரித்து வழங்கப்படும் என்று பஜாஜ் ஆட்டோ தெரிவித்துள்ளது.

இந்த நிலையில், புதிய குட்டிக் கார் ஆட்டோ ரிக்ஷாவுக்கு மாற்றாக விற்பனைக்கு வரும் என்று தெரிகிறது. இந்த புதிய கார் எல்பிஜி வெர்ஷனிலும் கிடைக்கும் என்று தெரிகிறது.

புதிய குட்டிக் கார் ரூ.1.25 லட்சம் விலையில் விற்பனைக்கு வரும் என்று கருதப்படுகிறது. இந்த புதிய குட்டிக் கார் மூலம் 4 சக்கர வாகன தயாரிப்பிலும் பஜாஜ் ஆட்டோ நுழைந்துள்ளது குறிப்பிடத்தக்கது.

Bajaj Auto launches Nano car for little Car more than,பஜாஜ் ஆட்டோ நானோவை விட குட்டிக் காரை அறிமுகப்படுத்தியது

SSLC exam will start from april 4 , புதிய செய்தி ஏப்ரல் 4, 10ம் வகுப்புத் தேர்வு தேர்வுத் துறை அறிவிப்பு

2012-01-03T06:58:00.000-08:00

புதிய செய்தி ஏப்ரல் 4, 10ம் வகுப்புத் தேர்வு தேர்வுத் துறை அறிவிப்பு

ஏப்ரல் மாதம் 4ம் தேதி எஸ்.எஸ்.எல்.சி. தேர்வுகள் துவங்குகிறது என்று பள்ளிக்கல்வி தேர்வுத் துறை அறிவித்துள்ளது.

நடப்பு கல்வியாண்டில் அனைத்துப் பள்ளிகளிலும் சமச்சீர் கல்வி அமல்படுத்துவதில் ஏற்பட்ட குளறுபடிகளால் எஸ்.எஸ்.எல்.சி. தேர்வுகள் தாமதமாக துவங்கும் என்று அறிவிக்கப்பட்டிருந்தது. பாடங்கள் முழுமையாக நடத்தப்படாதது தான் அதற்கு காரணம். வழக்கமாக எஸ்.எஸ்.எல்.சி. பொதுத் தேர்வு மார்ச் மாத இறுதியில் துவங்கும். ஆனால் இந்த ஆண்டு தாமதமாக ஏப்ரல் மாதம் 4ம் தேதி துவங்குகிறது

தேர்வு அட்டவணை விவரம் வருமாறு,

4-4-12 : தமிழ் முதல் தாள்
9-4-12: தமிழ் இரண்டாம் தாள்
11-4-12: ஆங்கிலம் முதல் தாள்
12-4-12: ஆங்கிலம் இரண்டாம் தாள்
16-4-12: கணிதம்
19-4-12: அறிவியல்
23-4-12: சமூக அறிவியல்

இந்த ஆண்டு சுமார் 11 லட்சம் மாணவ, மாணவியர் சமச்சீர் பாடத்திட்டத்தின்படி எஸ்.எஸ்.எல்.சி. தேர்வு எழுதுகின்றனர் என்பது குறிப்பிடத்தக்கது.

SSLC exam will start from april 4 and end on 23rd of the same month in Tamil Nadu

கணவன் கண்ணீர், தொழிலதிபருடன் நடிகை ஓட்டம்

2011-07-29T19:18:00.000-07:00

கேரளாவை சேர்ந்த தொழிலதிபர் ஒருவருடன் தன் மனைவி மீனா ஓடி விட்டதாக அவரது கணவர் போலீசில் கண்ணீர் மல்க புகார் கொடுத்துள்ளார். துணை நடிகையான மீனாவின் கணவர் பெயர் ராஜா. நாகர்கோவிலை சேர்ந்த அவர் சென்னை விமான நிலைய போலீசில் பரபரப்பு புகார் தெரிவித்துள்ளார். அதில், என்னுடைய மனைவி மீனா (27). துணை நடிகை. அவர் கடந்த 24.4.2011 அன்று துபாயில் கலை நிகழ்ச்சிகளில் கலந்து கொள்ள சென்றார். கடந்த 3 மாதங்களாக துபாயில் தங்கியிருந்து கலைநிகழ்ச்சிகளில் பங்கேற்றுவிட்டு, கடந்த 23ம்தேதி துபாயில் இருந்து விமானம் மூலம் பெங்களூரு வந்தார். பின்னர் அங்கிருந்து சென்னைக்கு விமானத்தில் வந்தார். அவரை அழைத்து செல்ல விமான நிலையத்தில் காத்திருந்தேன்.அப்போது என் மனைவியுடன் செல்போனில் பேசியபோது விமான நிலையத்திற்கு வெளியே சிறிது நேரத்தில் வந்து விடுவதாகத் தெரிவித்தார் நீண்ட நேரமாகியும் வரவில்லை. அவளுடன் சென்றவர்கள் வெளியே வந்தனர். அவர்களிடம் எனது மனைவியை பற்றி விசாரித்தபோது அவர் நீண்ட நேரத்திற்கு முன்பே சென்று விட்டதாக தெரிவித்தனர். என் மனைவியை பல இடங்களில் தேடியும் கிடைக்கவில்லை. அவரை கண்டுபிடித்து தருமாறு கேட்டுக் கொள்கிறேன், என்று கூறியுள்ளார்.
இந்த புகார் குறித்து விமான நிலைய போலீசார் வழக்கு பதிவு செய்து விசாரணை நடத்தினார்கள். விசாரணையில் நடிகை மீனாவுக்கும், கேரளாவை சேர்ந்த தொழிலதிபர் ஒருவருக்கும் துபாயில் கலை நிகழ்ச்சியில் பங்கேற்றபோது பழக்கம் ஏற்பட்டதாகவும், அவருடன் சென்றிருக்கலாம் என்பதும் தெரியவந்துள்ளது. மீனாவின் கணவர் ராஜாவுக்கு ஆறுதல் சொல்லி அனுப்பி வைத்த போலீசார், கேரள தொழிலதிபருடன் மீனா சென்றாரா? அல்லது யாராவது அவரை வலுக்கட்டாயமாக கடத்திச் சென்றார்களா என்கிற கோணங்களில் விசாரணை நடத்தி வருகிறார்கள்

தெய்வத் தெய்வதிருமக(ன்)ள் திரை விமர்சனம்

2011-07-15T19:56:00.000-07:00

ஒரு கேரக்டருக்காக தன் உடலையே வருத்தி மாற்றிக்கொள்ளும் பிறவி நடிகன் விக்ரம், மதராசப்பட்டிணம் என்ற வித்தியாசமான படத்தை வழங்கிய இயக்குநர் விஜய் இணைந்து ட்ரெய்லரிலேயே மிரட்டும் படம் என்பதால், நீண்டநாட்களாக ஆவலுடன் எதிர்பார்க்கப்பட்ட படம். நாளை காலை படம் ரிலீஸ்..விமர்சனம் உங்களுக்காக இன்றே ரிலீஸ்..ரிலீஸ்..ரிலீஸ்!

ஊட்டி அருகே ஒரு கிராமத்தில் வாழும் மன வளர்ச்சி குன்றிய விக்ரமிற்கு அழகான பெண் குழந்தை பிறக்கிறது, ஆனால் விக்ரமின் காதலி+மனைவி பிரசவத்தில் இறக்கிறார். மகளின் மேல் தந்தைக்கு உயிர். தந்தை மேல் மகளுக்கு உயிர். அழகான அந்தக் குழந்தைகளின் வாழ்வில் விக்ரமின் பணக்கார மாமனார் குடும்பம் குறுக்கிடுகிறது.

விக்ரமின் குழந்தை இறந்து போன தங்கள் மகளின் நினைவாக வேண்டும் என்று விக்ரமை ஏமாற்றி, பேத்தியை தூக்கிச் செல்கின்றனர். சென்னைத் தெருவில் அனாதையாக விடப்படும் விக்ரமிற்கு உதவ முன்வருகிறார் வக்கீல் அனுஷ்கா. மனவளர்ச்சி குன்றியவரிடம் குழந்தையைக் கொடுக்க முடியாதென விஷயம் கோர்ட்டுக்குப் போகிறது. பாசமுள்ள தந்தையும் மகளும் இணைந்தார்களா என்பதே கதை.

விக்ரமின் நடிப்பில் மற்றொரு மைல்கல் இந்தப் படம். மனவளர்ச்சி குன்றியவராக அவர் காட்டும் மேனரிசங்கள் அற்புதம். ஆறு வயது குழந்தையின் மனநிலை கொண்டவராக வாழ்ந்திருக்கிறார் விக்ரம். விரல்களில் ஆரம்பித்து ஒவ்வொரு நகக்கணுவும் நடிக்கின்றது. எந்த வித ஹீரோயிசமும் செய்யாமல் தெய்வத் திருமகனாக வாழ்ந்திருக்கிறார். குழாயில் ஒழுகும் தண்ணீரைக் கண்டுகொள்ளாமல் ‘நார்மல்’ மக்கள் கடப்பதும், விக்ரம் அதை மூடுவதும் ஒரு நிமிடத்தில் நமக்குள் பல சிந்தனைகளைத் தோற்றுவிக்கும் காட்சி. மனைவி இறந்த செய்தி கேட்டு, அவர் கொடுக்கும் க்ளோசப் எக்ஸ்பிரசன் நம்மையும் கண்கலங்க வைக்கிறது.

தெய்வத் திருமகள் நிலாவாக வரும் குழந்தையும் நல்ல நடிப்பு. ஆனாலும் ஏதோ ஒன்று அதனிடம் மிஸ்ஸிங் தான்.

அருந்ததிக்கு அப்புறம் அனுஷ்காவிற்கு நடிப்பதற்கு வாய்ப்புள்ளபடம். கதையின் முக்கியப் பாத்திரமாக வருகிறார். ’விழிகளில்’ பாடலில் அனுஷ்கா அழகோ அழகு. இந்த அளவிற்கு அவரைக் குளோசப்பில் வேறு யாரும் காட்டியதும் இல்லை. விக்ரமை குழந்தையுடன் சேர்த்து வைக்க அவர் நடத்தும் போராட்டத்திற்கும் படத்தின் ஓட்டத்திற்கும் உறுதுணையாக சந்தானம். வழக்கம்போல் ஒருவரிக் காமெடியால் கலக்குகின்றார். அமலா பாலிற்கு பெரிதாக நடிக்க வாய்ப்பில்லை. காலை-மாலை மட்டுமே யூஸ் ஆகும் ஆவின் பால் ரேஞ்சுக்கே டீல் செய்திருக்கிறார்கள்.

ஊட்டி கதைப்பகுதியில் காமெடிப் பொறுப்பு ஏற்பது எம்.எஸ்.பாஸ்கரும் பாண்டுயும். வழக்கமான பொண்டாட்டி மேல் சந்தேகபப்டும் காமெடி தான் என்றாலும், சீரியசான படத்தில் பெரிய ரிலீஃப் அது தான். வில்லன் வக்கீலாக வரும் நாசர் கம்பீரமாக அந்தப் பாத்திரத்திற்குப் பொருந்திப் போகிறார்.

மனவளர்ச்சி குன்றிய ஹீரோ என்பதைத் தவிர்த்து விட்டுப் பார்த்தால், டிராமா போன்ற கதை தான். அதனாலேயே முதல் பாதியில் கொஞ்ச நேரமும் இடைவேளைக்கு அப்புறம் கொஞ்ச நேரம் சீரியல் போன்று நகர்கிறது. பிறகு மீண்டும் கோர்ட்-சவால் என படம் சூடு பிடிக்கின்றது. டீசண்டான அனுஷ்கா கேரக்டருக்கு டூயட் சாங் போட்டதும் மிகப்பெரிய குறை தான். அது இல்லாமலேயே இந்தப் படத்தை ரசிக்க முடிகின்றது. கிளைமாக்ஸும் செண்டிமெண்ட்டாக இருந்தாலும், அவ்வளவு திருப்தியான முடிவு இல்லை.

ஜி.வி.பிரகாஷின் இசையில் பாப்பா, வெண்ணிலவே பாடல்கள் நன்றாக உள்ளன. கதை சொல்லும் பாடல் கேட்க சுமார் என்றாலும் எடுத்திருக்கும் விதம் குழந்தைகளையும் கவரும். பாட்டி வடி சுட்ட கதையை ராஜா கதியுடன் மிக்ஸ் பண்ணி விக்ரம் சொல்லும் அழகும், கிராஃபிக்ஸ் உதவியுடன் காட்டிய விதமும் அழகு.

கள்ளங்கபடமற்ற அன்பை படம் முழுதும் தெளித்து நம்மைப் பல இடங்களில் கண்கலங்க வைக்கிறார்கள். படத்தின் முக்கிய பலம் வசனங்கள். படம் நெடுகெ மெல்லிய நகைச்சுவை பரவிக்கிடக்கிறது, அதுவே இப்படத்தை ஃபீல் குட் வகையில் சேர்க்கிறது.

நீரவ் ஷாவின் ஒளிப்பதிவு பற்றிச் சொல்லவும் வேண்டுமா? சென்னையைக் கூட(!) அழகாகக் காட்டுகிறார்.

வழக்கமான கதைகளை எடுத்துக் கொள்ளாமல், தொடர்ந்து வித்தியாசமான களத்தில் முயற்சிக்கும் இயக்குநர் விஜய்யைப் பாராட்டலாம். குத்துப்பாட்டு, பஞ்ச் டயலாக், ஃபைட் இல்லாமல் ஒரு படம் பண்ண மிகவும் தைரியம் வேண்டும். அதற்கு வாய்ப்புக் கொடுத்த தயாரிப்பாளர் மோகன் நடராஜனையும் பாராட்டலாம்.

குடும்பத்துடன் தான் படம் பார்ப்பேன் என்று அடம்பிடிப்போருக்கு ரொம்ப நாளைக்கு அப்புறம் ஒரு வாய்ப்பு கிடைத்துள்ளது. விட்டுவிட வேண்டாம்.

ஆபாச தளங்களிலிருந்து உங்கள் கணினியில் தடுக்க எளிய வழி

2011-07-15T19:45:00.000-07:00

இணையத்தில் எவ்வளவுதான் வசதிகள் கிடைத்தாலும் சில வேண்டாத விடயங்களும் இருக்கவே செய்கின்றன. உங்கள் குழந்தைகள் இணையத்தில் அதிக நேரம் செலவிடுபவர்கள் ஆகா இருந்தால் நிச்சயம் தவறான தளங்களை நோக்கி செல்ல கூடும்.
மென்பொருளோ அல்லது இணைய உதவியோ இன்றி மிக இலகுவாக உங்கள் கணினியில் ஆபாச தளங்களை தடுக்க முடியும் .
கீழே நீங்கள் படத்தில் காட்டப்படுள்ள வற்றினை பின்பற்றி செய்யலாம்

1.GO TO Control panel
2.click network and sharing center
3.click on local area connection

click the propeties button

select internet protocol version4 AND CLICK PROPERITES BUTTON

படத்தில் காட்டப்பட்ட இலக்கத்தினை படத்தில் உள்ளது போல் பதிவு செய்து OK பட்டன் கிளிக் செய்து பின்னர் அனைத்தையும் மூடுக.

இப்போது ஆபாச தளங்களை திறந்தால் கீழே உள்ளது போல் தோன்றும்.

இந்த செயல் முறை விண்டோஸ் 7 பயன்படுத்துபவர்களுக்கே பொருந்தும்; விண்டோஸ் ஏனைய பதிப்புகள், மாக் லினக்ஸ் மற்றும் மொபைல் போன்றவற்றில் அபாச தளங்களை தடுக்க வழியினை இந்த தளத்தில் சென்று உங்கள் ஈமெயில் முகவரியினை கொடுத்து தளத்தின் உள்ளே சென்று பெறலாம்.
https://store.opendns.com/familyshield/

கூகுள் + உபயோகிக்க கீபோர்ட் ஷார்ட்கட் கீகள்

2011-07-15T19:27:00.000-07:00

பேஸ்புக்கின் வளர்ச்சியை தடுக்க போட்டியாக கூகுள் ஆரம்பித்துள்ள சமூக இணைய தளம் தான் கூகுள் பிளஸ். தற்போது இணையத்தில் எங்கு பார்த்தாலும் கூகுள் பிளஸ் என்ற குரல் தான் ஒலித்து கொண்டிருக்கிறது. இந்த சமூக இணைய தளத்தில் வசதிகள் ஏராளம். இன்னும் பல வசதிகளை கூகுள் புகுத்தப்பட உள்ளது. இந்த வசதிகளை நாம் ஒவ்வொன்றாக பார்ப்போம் இந்த வரிசையில் இன்று கூகுள்+ சுலபமாக உபயோகிக்க நம்முடைய கீபோர்ட் ஷார்ட்கட் கீகள் என்ன வென்று தெரிந்து கொள்ளலாம்.

KEYBOARD SHORTCUTS	GOOGLE+ EFFECT
@	ஒரு குறிப்பிட்ட நபருக்கு மட்டும் பகிர @சசிகுமார்
q	இரண்டு முறை அழுத்தினால் உங்கள் chat Window தேர்வாகும்.
Space	கூகுள்+ விண்டோவில் கீழே போக
Shift + Space	கூகுள்+ விண்டோவில் மேலே போக
Enter	ஏதாவது ஒரு Stream படிச்சிக்கிட்டு இருக்கும் பொழுது Enter கொடுத்தால் கமென்ட் பகுதி தேர்வாகும்.
Tab + Enter	நீங்க டைப் பண்ண கமென்ட் முடிவுக்கு வரும்.
J	சமீப அப்டேட் Stream அழைத்து செல்லும். திரும்பவும் அழுத்தினால் அடுத்த Stream க்கு அழைத்து செல்லும்.
K	முன்பு பார்த்த Stream க்கு அழைத்து செல்லும்.
* (Bold)	வணக்கம் இப்படி கொடுத்தால் இடையில் உள்ள வார்த்தை வணக்கம்என தெரியும்.
_ (Italic)	_வணக்கம்_ இது போல கொடுத்தால்வணக்கம் என தெரியும்
-	-வணக்கம்- இது போல கொடுத்தால்~~வணக்கம்~~ என வரும்

இனி இந்த கீபோர்ட் சார்ட் கட் கீகளை பயன்படுத்தி கூகுள் பிளசை சுலபமாக பயன்படுத்துவோம்.

நம் கணினியில் கண்களின் பார்வை திறனை இலவசமாக பரிசோதிக்க

2011-07-15T19:25:00.000-07:00

எல்லாவற்றிற்கும் இணையதளங்கள் என்ற காலத்தில் நாம் வாழ்ந்து கொண்டிருக்கிறோம். இணையம் உபயோகிப்பவர்களின் எண்ணிக்கை அபரிமிதமாக வளர்ச்சி அடைவதால் தான் இணைய தளங்கள் புற்றீசல் போல உருவாகின்றன. இன்று சிறிய பிள்ளைகள் முதல் பெரியவர்கள் வரும் பொதுவான பிரச்சினை கண்களின் பார்வை குறைபாடு. முக்கியமாக கணினி உபயோகிப்பவர்களுக்கு இந்த பிரச்சினை உள்ளது. இதனால் நாம் மருத்துவரை அணுகி அதற்க்கான ஆலோசனைகளை கேட்டு அதன்படி கண்ணாடி அணிந்து கொள்கிறோம். நம்முடைய கண்களின் பார்வை திறன் எவ்வாறு உள்ளது என ஆன்லைனில் சுலபமாக மற்றும் இலவசமாகவும் பரிசோதிக்கலாம் என இங்கு பார்க்கலாம்.

கீழே உள்ள வழிமுறைகளை கடைபிடித்து ஆன்லைன் பரி சோதிப்போம் வாருங்கள்.

உங்கள் கணினி திரையின் அளவு 15" 17" 19" இவற்றில் ஏதேனும் ஒரு அளவில் இருக்க வேண்டும்.
உங்கள் கணினியில் Flash Player இன்ஸ்டால் செய்திருக்க வேண்டும்.
அடுத்து இந்த தளத்திற்கு Online Eye test செல்லுங்கள். அந்த தளத்தில் நீங்கள் கடை பிடிக்கவேண்டிய வழிமுறைகள் கொடுக்க பட்டிருக்கும்.
அந்த தளத்தின் கீழ பகுதிக்கு சென்றால் உங்களுக்கு கீழே இருப்பதை போல ஒரு பகுதி தெரியும் அதன் மீது கிளிக் செய்யுங்கள்.

அடுத்து உங்கள் கணினி திரையின் அளவை தேர்வு செய்து கொள்ளுங்கள்.
உங்கள் கணினி திரைக்கும் உங்கள் கண்களுக்கும் 3 அடி இடைவெளி விட்டு அமர்ந்து கொள்ளவும்.
அடுத்து உங்கள் சோதனை ரெடியாகும். உங்களுக்கு வரும் எழுத்துக்களை உங்களால் படிக்க முடிகிறதா என பார்த்து படிக்க முடிந்தால் Next கிளிக் செய்து அனைத்து நிலைகளையும் படித்து விடுங்கள்.
ஒருவேளை உங்களால் ஏதேனும் நிலையில் உள்ள எழுத்துக்களை படிக்க முடியவில்லை என்றால் Stop என்பதை அழுத்தி விடவும் நீங்கள் கண்டிப்பாக மருத்துவரை அணுக வேண்டும்.

இந்த சோதனை 100% துல்லியமானது அல்ல கண்களில் திறனில் ஏதேனும் பிரச்சினை இருப்பது போல உணர்ந்தால் உடனே நீங்கள் மருத்துவரை அணுகுவதே சாலச்சிறந்தது.

கூகுள் பிளஸ் வசதி இன்னும் கிடைக்க வில்லையா? google Plus

2011-07-15T19:19:00.000-07:00

பேஸ்புக் சமூக தளத்திற்கு போட்டியாக கூகுள் அறிமுக படுத்தியுள்ள சமூக இணைய தளம் கூகுள் + ஆகும். இந்த தளத்தை முதலில் பீட்டா நிலையில் அறிமுக படுத்தினார்கள் ஆனால் இந்த தளத்தில் உறுப்பினர் ஆக வாசகர்கள் குவிந்தனர். சர்வர்கள் ஸ்தம்பித்தது. இவ்வளவு பெரிய ஆதரவை சற்றும் எதிர்பார்க்காத கூகுள் தற்காலிகமாக புதிய வாடிக்கையாளர்கள் இணைவதை நிறுத்தினர். விரும்புவர்கள் invite அனுப்பினால் கூகுள் பிறகு அவர்களுக்கு வசதியை தர தீர்மானித்து அதன் படி வசதிகளை ஏற்படுத்தினர்.

அதனால் பல வாசகர்களுக்கு இந்த சேவை இன்னும் கிடைக்காமல் உள்ளது. இதனால் எப்பொழுது இந்த வசதி கிடைக்கும் என பல வாசகர்கள் காத்து கொண்டிருகின்றனர்.

ஆனால் ஏற்கனவே கூகுள் பிளஸ் வசதியை பயன்படுத்துபவர்கள் புதியவர்களுக்கு invite அனுப்பி அதன் மூலம் இனைபவர்களுக்கு இந்த வசதி சுலபமாக கிடைக்கிறது.

இந்த வசதி கிடைக்காதவர்களில் நீங்களும் ஒருவரா? நீங்களும் உடனே அந்த வசதியை அனுபவிக்க வேண்டுமா? உங்களுக்கும் கூகுளின் + அழைப்பு வேண்டுமா கீழே கருத்து(Post Comment) பகுதியில் உங்களுடைய ஜிமெயில் ஐடியை கொடுத்தால் உங்களுக்கு கூகுள் பிளஸ் அழைப்பை அனுப்புகிறேன்.

உங்கள் மெயிலுக்கு அழைப்பு வந்தவுடன் அதில் உள்ள Learn More about Google+ என்ற பட்டனை அழுத்தி கூகுள் + தளத்திற்கு சென்றால் ஒரு சிறிய விண்டோவில் உங்களுக்கான சில தகவல்களை கேட்கும். அதை கொடுத்து கீழே உள்ள Join என்ற பட்டனை அழுத்தினால் போதும் நீங்களும் இந்த வசதியை பயன்படுத்தி கொள்ளலாம்.

இனி நீங்கள் கூகுள் + வசதியை பயன்படுத்தலாம். இது போன்று அனுப்பப்படும் அழைப்புகளில் பெரும்பாலான வர்களுக்கு இந்த வசதி கிடைக்கிறது. இந்த முறையிலும் ஒரு சிலருக்கு இந்த வசதி கிடைப்பதில் கொஞ்சம் கால தாமதம் ஏற்படுகிறது.

உடனடி கூகுள் + வசதி கிடைக்க இமெயில் அனுப்பவும் prithiv26@gmail.com

சிக்கல் நீங்கியது தனுஷூன் வேங்கை படத்திற்கு

2011-06-30T19:17:00.000-07:00

தனுஷூன், "வேங்கை" படத்தின் தலைப்பை தொடர்ந்து பயன்படுத்தலாம் என்று சென்னை ஐகோர்ட் உத்தரவிட்டதையடுத்து, "வேங்கை" படத்திற்கான சிக்கல் தீர்ந்தது. ஹரி இயக்கத்தில், தனுஷ், தமன்னா, ராஜ்கிரண், கஞ்சா கருப்பு ஆகியோர் நடிப்பில் உருவாகியிருக்கும் படம் "வேங்கை". இப்படத்தின் சூட்டிங் எல்லாம் முடிந்து ரிலீஸ் செய்ய ஏற்பாடுகள் நடந்து வரும் நிலையில், "வேங்கை" படத்தின் தலைப்பை பயன்படுத்த கூடாது என்று கலைராஜன் என்பவர் சிலதினங்களுக்கு முன்னர் வழக்கு ஒன்றை தொடர்ந்தார்.
அதில் எங்களது நிறுவனத்தின் சார்பில், "வேங்கை" என்ற படத்தை தயாரிக்கிறோம். இதுதொடர்பாக இப்படத்தின் தலைப்பு ஏற்கனவே பதிவு செய்து வைத்துள்ளோம். அப்படி இருக்கையில், இப்போது தனுஷ், தமன்னா நடிப்பில் "வேங்கை" என்ற படம் உருவாகியுள்ளது. எனவே இந்தபடத்திற்கு தடை விதிக்க வேண்டும் என்று தமது மனுவில் கூறியிருந்தார். இந்தவழக்கை விசாரித்த நீதிபதி, "வேங்கை" படத்தின் தலைப்பை உபயோகப்படுத்த தற்காலிக தடை விதித்து உத்தரவிட்டார்.
இந்நிலையில் இதுதொடர்பான வழக்கு நேற்று விசாரனைக்கு வந்தது. இதனை விசாரித்த நீதிபதிகள், வேங்கை படத்தின் சூட்டிங் எல்லாம் முடிந்து ஆடியோ ரிலீஸ் கூட நடந்துவிட்டது. இனிபோய் படத்தின் தலைப்பை மாற்றுவது என்பது சாத்தியமற்றது. எனவே வேங்கை படத்தின் தலைப்பை தொடரலாம் என்று தீர்ப்பளித்தார். நீதிபதிகளின் உத்தரவையடுத்து வேங்கை படத்திற்கான சிக்கல் தீர்ந்தது. விரைவில் திரைக்கு வர இருக்கிறது.

அதிகம் மொபைலில் பேசினால் மூளை புற்றுநோய் வருமாம்

2011-06-30T19:10:00.000-07:00

மொபைல் போனை அதிகம் பயன்படுத்துவோருக்கு, மூளை புற்றுநோய் வருவதற்கு ஐந்து மடங்கு அதிக வாய்ப்புகள் உள்ளதாக விஞ்ஞானிகள் கண்டுபிடித்துள்ளனர். சுவீடன் நாட்டின் ஓரிப்ரோ மற்றும் யுமியா மருத்துவ பல்கலைக் கழக விஞ்ஞானிகள், மொபைல் போன் அதிகம் பயன்படுத்தும் 1,200 பேரிடம் ஒரு ஆய்வு மேற்கொண்டனர். 97லிருந்து 2003 வரையிலான காலகட்டத்தில் மேற்கொள்ளப்பட்ட இந்த ஆய்வில், அதிகம் மொபைல் போனை பயன்படுத்திய 346 பேர், மூளை புற்றுநோயால் பாதிக்கப்பட்டு இறந்து விட்டனர் என கண்டறிந்துள்ளனர்.

மிதமான முறையில் போனை உபயோகித்தவர்கள் நல்ல நிலையில் தான் உள்ளனர். 10 ஆண்டுகளுக்கு மேல் மொபைல் போனை அதிகம் பயன்படுத்துபவர்களுக்கு மூளை புற்றுநோய் ஏற்படுவதற்கான சாத்தியக்கூறுகள் அதிகம் உள்ளது என, இந்த விஞ்ஞானிகள் தெரிவிக்கின்றனர்.

இளைஞர்கள் தான் அதிகம் மொபைல் போனை பயன்படுத்துகின்றனர். மூளை புற்றுநோயின் அபாயம் குறித்து அவர்களுக்கு விழிப்புணர்வு ஏற்படுத்தப்பட்டு வருகிறது. மொபைல் போனை நேரிடையாக காதில் வைப்பதை விட, "ஹெட் செட், இயர்போன்' மூலம் பயன்படுத்தலாம் அல்லது எஸ்.எம்.எஸ்., மூலம் தகவல்களை பரிமாறிக் கொள்வதால், மூளை புற்றுநோய் அபாயத்திலிருந்து விடுபடலாம் என, இந்த விஞ்ஞானிகள் தெரிவித்துள்ளனர்.

ஏ.டி.எம்.,மில் பணம் ரிசர்வ் வங்கி புது உத்தரவு

2011-06-30T19:04:00.000-07:00

ஏ.டி.எம்., மூலம் பணம் எடுக்கும் போது, பணம் வராமல் தொகை மட்டும் கணக்கில் கழிக்கப்பட்டால், அந்தத் தொகையை, புகார் கொடுத்த ஏழு நாட்களுக்குள் வங்கிகள் சம்பந்தப்பட்ட நபரின் கணக்கிற்கு மாற்றம் செய்ய வேண்டும் என, ரிசர்வ் வங்கி உத்தரவிட்டுள்ளது. அத்துடன் அடுத்த வங்கி ஏ.டி.எம்.,மில் கையிருப்பு எவ்வளவு என பார்த்தாலும், அதுவும் இலவச பரிமாற்றத்தில் ஒன்றாகவே கருதப்படும் என்றும் தெரிவித்துள்ளது.

இது தொடர்பாக ரிசர்வ் வங்கி வெளியிட்டுள்ள அறிக்கை விவரம் வருமாறு: வங்கி கணக்கு வைத்திருப்போர், தங்களின் வங்கி சார்ந்த ஏ.டி.எம்.,களில் மட்டுமல்லாது, பிற வங்கிகளின் ஏ.டி.எம்.,களிலும் பணம் எடுக்கலாம். அதாவது மாதத்திற்கு ஐந்து முறை மட்டுமே இப்படி பணம் எடுக்கலாம்.

அதற்கு மேல் பணம் எடுத்தால், ஒரு முறைக்கு 20 ரூபாய் என்ற வீதத்தில் கட்டணம் பிடித்தம் செய்யப்படும். அதே நேரத்தில், தங்களது வங்கி கணக்கில் எவ்வளவு இருப்பு உள்ளது என பார்த்தால், அதற்கு கட்டணம் எதுவும் கழிக்கப்பட மாட்டாது. மேலும், இலவசமாக அனுமதிக்கப்பட்ட ஐந்து பரிமாற்றங்கள் கணக்கிலும் இது வராது.

ஆனால், தற்போது இந்த நடைமுறையில் மாற்றம் செய்யப்பட்டுள்ளது. ஒருவர் தான் வைத்திருக்கும் வங்கி அல்லாது பிற வங்கியின் ஏ.டி.எம்.,யை மாதத்தில் ஐந்து முறை மட்டுமே இலவசமாக பயன்படுத்த முடியும்.

கணக்கில் எவ்வளவு பணம் உள்ளது என பார்த்தாலும், மினி ஸ்டேட்மென்ட் எடுத்தாலும் அது இலவச பரிமாற்றத்தில் கழிக்கப்பட்டு விடும்.

பணம் எடுப்பது, இருப்புத் தொகை எவ்வளவு என பார்ப்பது என, எந்த வகையில், அடுத்த வங்கி ஏ.டி.எம்.,யை பயன்படுத்தினாலும், அதற்கு ஐந்து முறை மட்டுமே இலவச அனுமதியுண்டு. அதற்கு மேல் பயன்படுத்தினால், 20 ரூபாய் கட்டணம் வசூலிக்கப்படும். அதே நேரத்தில், பணம் எடுக்காமல் மற்ற வகையான நடவடிக்கைகளை அதாவது கையிருப்பு பார்ப்பது, மினி ஸ்டேட்மென்ட் எடுப்பது, பின் நம்பரை மாற்றுவது போன்ற நடவடிக்கைகளை மேற்கொண்டால், அதற்கு ஒரு பரிமாற்றத்திற்கு ரூ.8.50 கட்டணம் வசூலிக்கப்படும்.

மேலும், இலவச பரிமாற்றங்கள், வங்கிகளில் சேமிப்பு கணக்கு வைத்திருப்போருக்கு மட்டுமே பொருந்தும். இந்த மாற்றங்கள் இன்று முதல், வங்கிகள் தங்களின் வாடிக்கையாளர்களுக்கு தெரிவிக்கும். இது மட்டுமின்றி, அடுத்த வங்கி ஏ.டி.எம்.,மில் பணம் எடுக்கும் போது, பணம் வராமல், தொகை மட்டும் கணக்கில் கழிக்கப்பட்டதால், அந்தத் தொகையை வாடிக்கையாளர் புகார் கொடுத்த 12 நாட்களுக்குள் அவரது கணக்கில் சம்பந்தப்பட்ட வங்கி வரவு வைக்க வேண்டும் என்பது தற்போதைய நடைமுறை.

அது மாற்றப்பட்டு, இனி புகார் கொடுத்த ஏழு நாட்களுக்கும் பணத்தை வாடிக்கையாளர் கணக்கில் வரவு வைக்க வேண்டும். பணத்தை வரவு வைக்க ஏழு நாட்களுக்கு மேல் ஆனால், வாடிக்கையாளருக்கு வங்கியானது 100 ரூபாய் செலுத்த வேண்டும். அதாவது, ஏ.டி.எம்.,மில் பணம் எடுக்க முற்பட்டு, பணம் வராமல் போய், 30 நாட்களுக்குள் புகார் கொடுத்தால் மட்டுமே இந்த விதிமுறை அமலாகும்.

மேலும், வாடிக்கையாளர்கள் ஒவ்வொரு முறை ஏ.டி.எம்., மூலம் பணம் எடுக்கும் போதும், அவருக்கு எஸ்.எம்.எஸ்., மற்றும் இ-மெயில் மூலம் வங்கி செய்தி அனுப்ப வேண்டும். தற்போது குறிப்பிட்ட அளவு பெரிய தொகைக்கு மேல் பணம் எடுப்பவர்களுக்கு மட்டுமே, இது போன்ற தகவல்கள் அனுப்பப்படுகின்றன. இனி, எந்த அளவு தொகை எடுத்தாலும் அனுப்பப்பட வேண்டும். இவ்வாறு ரிசர்வ் வங்கி உத்தரவில் தெரிவிக்கப்பட்டுள்ளது.

சி17 ராக்கெட் வரும் 15ல் விண்ணில் பாய்கிறது பி.எஸ்.எல்.வி

2011-06-30T18:59:00.000-07:00

பெங்களூரு : பி.எஸ்.எல்.வி.,-சி 17 ராக்கெட்டை, வரும் 15ம் தேதி விண்ணில் ஏவுவதற்கான பணிகள் தீவிரமாக நடந்து வருகின்றன. இந்திய விண்வெளி ஆராய்ச்சிக் கழக அதிகாரிகள் கூறியதாவது: பி.எஸ்.எல்.வி., -சி17 ராக்கெட், வரும் 15ம் தேதி, ஸ்ரீஹரிகோட்டாவில் உள்ள சதீஷ் தவான் விண்வெளி மைய ஏவுதளத்தில் இருந்து, விண்ணில் ஏவப்படவுள்ளது. இந்த ராக்கெட், இந்திய தொலைத்தொடர்பு செயற்கைக் கோளான சி.எஸ்.ஏ.டி.,-12 ஐ, ஏந்திக் கொண்டு, விண்ணில் பறக்கவுள்ளது. இந்த செயற்கைக்கோள், 1,410 கிலோ எடையுடையது. இந்த ராக்கெட்டை விண்ணில் ஏவும் நிகழ்வு, நான்கு கட்டங்களாக நடத்தப்படும்.

இதற்கான அனைத்து ஏற்பாடுகள் நடந்து முடிந்துள்ளன. ராக்கெட்டின் எலக்ட்ரிகல் தொழில்நுட்பம் தொடர்பான பணிகள் மட்டும், தொடர்ந்து நடந்து வருகின்றன. வரும் 3ம் தேதி, இந்த ராக்கெட்டுடன், செயற்கைக்கோள் இணைக்கப்படும். வரும் 10ம் தேதி, தற்போது வைக்கப்பட்டுள்ள இடத்திலிருந்து, ஸ்ரீஹரிகோட்டாவில் உள்ள இரண்டாவது ஏவு தளத்துக்கு கொண்டு செல்லப்படும். வரும் 13ம் தேதி முதல், 52 மணி நேர கவுன்டவுண் துவங்கும். இவ்வாறு விண்வெளி ஆராய்ச்சிக் கழக அதிகாரிகள் கூறினர்.

President Pratibha Patil ஜனாதிபதி பிரதிபா பாட்டீல் 6ம் தேதி திருப்பதி வருகிறார்

2011-06-30T18:56:00.000-07:00

ஜனாதிபதி பிரதிபா பாட்டீல், வரும் 6ம் தேதி திருப்பதி வருகிறார். டில்லியில் இருந்து, தனி விமானம் மூலம், வரும் 6ம் தேதி மாலை திருப்பதிக்கு வரும் பிரதிபா பாட்டீல், பத்மாவதி விருந்தினர் மாளிகையில் சிறிது நேர ஓய்வுக்குப்பின், மஹதி ஆடிட்டோரியத்தில் அதிகாரிகளின் அறிமுக நிகழ்ச்சியில் பங்கேற்கிறார். மாலை 6.45 மணிக்கு, திருப்பதியைச் சேர்ந்த ராஷ்டிரிய சேவா சமிதி (ராஸ்) ஏற்பாடு செய்யும் நிகழ்ச்சியில் கலந்து கொள்கிறார்.

இந்நிகழ்ச்சியில், மகளிர், குழந்தைகள் நலத்துறையின் சிறப்பு மலரை, ஆந்திர முதல்வர் கிரண்குமார் ரெட்டி வெளியிடுகிறார். பின், விவசாயம் தொடர்பான சிறப்பு மலரை, மாநில கவர்னர் நரசிம்மன் வெளியிட்டு, உரை நிகழ்த்துகிறார். இந்நிகழ்ச்சியில், மகளிர் சக்தி மற்றும் "ராஸ்' சமிதியின் சேவைகள் குறித்து பிரதிபா பாட்டீல் உரை நிகழ்த்துகிறார்.

இரவு 7.15க்கு திருமலைக்கு புறப்பட்டு செல்லும் பிரதிபா, இரவு அங்கு தங்குகிறார். 7ம் தேதி காலை 9.40க்கு திருமலை கோவிலுக்கு சென்று வெங்கடேச பெருமாளை தரிசிக்கிறார். பின், 10.20 மணிக்கு, திருமலையில் புதிதாக கட்டப்பட்டுள்ள அன்னதான வளாகத்தை திறந்து வைக்கிறார். 11.10 மணிக்கு திருமலை பத்மாவதி விருந்தினர் மாளிகையில் சிறிது நேரம் ஓய்வுக்குப்பின், திருப்பதி விமான நிலையம் சென்று, அங்கிருந்து டில்லிக்கு புறப்பட்டுச் செல்கிறார். ஜனாதிபதியின் இந்த சுற்றுப்பயண விவரங்களை, சித்தூர் மாவட்ட கலெக்டர் சாலமன் ஆரோக்கியராஜ் வெளியிட்டுள்ளார்.

மந்திரி பதவியில் இன்னும் எத்தனை நாள் தயாநிதியிடம் பிரதமர் மன்மோகன் சிங் விசாரணை

2011-06-30T18:50:00.000-07:00

ஸ்பெக்ட்ரம்' ஒதுக்கீடு விவகாரத்தில் குற்றச்சாட்டுக்கு உள்ளாகியிருக்கும் சூழ்நிலையில், பிரதமர் மன்மோகன் சிங்கை மத்திய ஜவுளித்துறை அமைச்சர் தயாநிதி நேற்று சந்தித்துப் பேசினார். இந்த சந்திப்பின்போது என்ன நடந்தது என்பது பற்றிய மர்மம் நீடிக்கிறது.
ஸ்பெக்ட்ரம் ஊழல் விவகாரம், தி.மு.க., வின் முக்கிய முகங்களாக இருந்த ராஜா மற்றும் கனிமொழி ஆகியோரை சிறைக்குள் தள்ளி அக்கட்சியை பெரும் இக்கட்டில் தள்ளிவிட்டது. இந்த ஊழல் வழக்கின் மூன்றாவது குற்றப்பத்திரிகையை விரைவில் சி.பி.ஐ., தாக்கல் செய்யவுள்ளது.இதில் தயாநிதியின் பெயர் இடம்பெறலாம் என்று சி.பி.ஐ., வட்டாரங்கள்கூறுகின்றன. இந்த சூழ்நிலையில், மத்திய அமைச்சரவையை மாற்றியமைக்க பிரதமர் மன்மோகன் சிங் முடிவு செய்துள்ளார். ஜனாதிபதியின் ஐதராபாத் பயணம் காரணமாக, வரும் 10 ம் தேதி வாக்கில் தான் அமைச்சரவை மாற்றம் நடக்கவுள்ளது. இந்த மாற்றத்தில் தயாநிதி தலை தப்புவது சிரமமே. இந்த சூழ்நிலையில்தான் நேற்று டில்லியில் பிரதமர் மன்மோகன் சிங்கை, தயாநிதி சந்தித்துப் பேசினார். ரேஸ்கோர்ஸ் சாலையின் பிரதமர் இல்லத்தில், மதியம் 12 மணியிலிருந்து 12.15மணிவரை இந்த சந்திப்பு நீடித்தது. பிரதமரை சந்தித்துவிட்டு வந்த தயாநிதி, நேராக தனது அமைச்சகத்திற்கு வந்தார். கடந்த சில நாட்களாகவே அமைச்சரவை பக்கம் வராமல் இருந்த அவர், பிரதமரை சந்தித்துவிட்டு உடனேயே அமைச்சகத்துக்கு வந்தது பலருக்கும் ஆச்சரியத்தை ஏற்படுத்தியது.

பிரதமருடனான சந்திப்பு குறித்து தயாநிதி தரப்பு கூறுகையில், "அமைச்சக ரீதியிலான விஷயங்கள்குறித்து பேசப்பட்டது. வழக்கமான சந்திப்பு தான் இது' என்று தெரிவிக்கப்பட்டது. இதே சந்திப்பு குறித்து பிரதமர் அலுவலகத்தை தொடர்பு கொண்டு கேட்டபோது, "சந்திப்பு நடந்தது உண்மை' என்று மட்டும் கூறி நிறுத்திக் கொள்ளப்பட்டது. இருப்பினும்,"ராஜினாமா செய்யச் சொல்லி 10 நாட்களுக்கு முன்பே பிரதமர் தரப்பில் இருந்து தயாநிதிக்கு அறிவுறுத்தப்பட்டிருந்தும், அதை செய்யாதது ஏன் என்பது குறித்து விளக்கம் கேட்பதற்காக அழைக்கப்பட்டார் என்றும் கூறப்படுகிறது. "தற்போது ராஜினாமா செய்யும்படி வலியுறுத்த வேண்டாம்; விரைவில் நடைபெறவுள்ள அமைச்சரவை மாற்றத்தின்போது தானாகவே பதவி போய் விடும்படி செய்து கொள்ளுங்கள்' என பிரதமரிடம், தயாநிதி கேட்டுக் கொண்டதாகவும் இன்னொரு செய்தி கூறுகிறது.

தயாநிதி மீது கூறப்படும் குற்றச்சாட்டு என்ன? ஸ்பெக்டரம் ஊழல் வழக்கின் மூன்றாவது குற்றப்பத்திரிகையை விரைவில் சி.பி.ஐ., தாக்கல் செய்யவுள்ளது.இதில் தயாநிதியின் பெயர் இடம்பெறலாம் என்று சி.பி.ஐ., வட்டாரங்கள்கூறுகின்றன.

தயாநிதி, முந்தைய ஆட்சியில் தொலைத்தொடர்புத் துறை அமைச்சராகவும் பதவி வகித்தவர். அப்போது, ஏர்செல் நிறுவனம் சார்பில் ஸ்பெக்ட்ரம் ஒதுக்கீடு கேட்டு விண்ணப்பம் செய்யப்பட்டது. என்ன காரணத்தினாலோ இந்த ஒதுக்கீடு அளிக்கப்படாமல் அலைக்கழிக்கப்பட்டது. பின், இந்த ஏர்செல் நிறுவனத்தை, மலேசிய கம்பெனி ஒன்று விலை பேசியது. அந்த குறிப்பிட்ட கம்பெனிக்கு ஏர்செல் நிறுவனத்தை விற்பனை செய்ய வேண்டுமென மறைமுக நெருக்கடி தரப்பட்டது. இதையடுத்து, ஏர்செல் நிறுவனம் தனது பங்குகளை மலேசிய கம்பெனிக்கு விற்றது. அவ்வளவு நாட்களாக அளிக்கப்படாத ஸ்பெக்ட்ரம் ஒதுக்கீடு, இந்த கம்பெனி விற்பனை நடந்து முடிந்ததும் அளிக்கப்பட்டது. இந்த ஸ்பெக்ட்ரம் ஒதுக்கீடு முடிந்த உடனேயே தயாநிதியின் சகோதரரான கலாநிதிக்கு சொந்தமான, "சன் டைரக்ட்' குழுமத்தில், ரூ.600 கோடி வரையில் அந்த மலேசிய கம்பெனி முதலீடு செய்தது. ஸ்பெக்ட்ரம் கேட்டு பலமுறை விண்ணப்பித்தும் வழங்காமல், வேண்டுமென்றே நெருக்கடி அளித்து கம்பெனியை விற்பனை செய்ய வைத்து, அதன் பிறகு உடனேயே ஸ்பெக்ட்ரத்தை வழங்கி, அதற்கு பிரதிபலனாக ரூ.600 கோடி பரிமாற்றம் நடந்துள்ளதாக குற்றம்சாட்டப்படுகிறது. இந்த குற்றச்சாட்டுக்கள் அனைத்தையும் தயாநிதி தரப்பு மறுத்து வந்தாலும், ஏர்செல் நிறுவனத்தின் சிவசங்கரன் தரப்பு உறுதியில் இருக்கிறது. நடந்த அனைத்து விவரங்களையும் சி.பி.ஐ.,யிடம் சிவசங்கரன் விரிவான வாக்குமூலமாக அளித்துவிட்டார். இதுதவிர, பி.எஸ்.என்.எல்., போன் இணைப்புகள் பலவற்றை தனது சொந்த பயன்பாட்டுக்கு பயன்படுத்தியதும் அம்பலமாகி தயாநிதிக்கு கடும் நெருக்கடியை அளித்துள்ளது.
Prime Minister Manmohan Singh Dayanidhi trial: Minister, how many more days in office

சைக்கிள் ஓட்டினால் துணிகளை துவைத்து விடலாம்

2011-06-26T19:25:00.000-07:00

இங்கிலாந்தின் சவுத்யார்க்ஷயர் நகரில் உள்ள ஷெபீல்டு ஹல்லம் பல்கலைக்கழகத்தில் பட்டப்படிப்பு முடித்திருப்பவர் ரிச்சர்டு ஹெவிட்(21). இவர் சூப்பர் வாஷிங் மெஷினை வடிவமைத்திருக்கிறார்.

பொதுவாக தண்ணீர், பவுடர், துணிகளை போட்டதும் என்ன செய்வார்கள். சுவிட்சை ஓன் செய்து சுழல விடுவார்கள். இந்த மெஷினுக்கு மின்சாரம், பற்றரி தேவையில்லை.

வித்தியாசமான முறையில் சைக்கிளுடன் இணைக்கப்பட்டிருக்கிறது வாஷிங் மெஷின். சைக்கிள் ஓட ஓட அதனுடன் இணைக்கப்பட்டிருக்கும் வாஷிங் மெஷினின் உள்பகுதி சுழல்கிறது.

துவைக்க வேண்டியதை போட்டதும் சைக்கிளை எடுத்துக் கொண்டு புறப்படுகிறார் ரிச்சர்டு. 10 நிமிடம் ரவுண்டு போய்விட்டு வீடு திரும்புகிறார். அவ்வளவு தான் முதல் ரவுண்டு தோய்க்கும் வேலை முடிந்தது. அழுக்கு தண்ணீரை கொட்டிவிட்டு நல்ல தண்ணீர் நிரப்புகிறார்.

சைக்கிளில் இன்னொரு ரவுண்டு. துணிகளை எடுத்து "டிரையர்" பகுதியில் போட்டுக் கொண்டு சைக்கிளில் மீண்டும் ஒரு சுற்று போய்விட்டு வந்தால் காய்ந்து விடுகிறது. இந்த ஐடியா உருவான பிளாஷ்பேக்கை பகிர்ந்து கொள்கிறார் ரிச்சர்டு.

இதுகுறித்து அவர் கூறியதாவது: ஆப்ரிக்க நாடான புருண்டிக்கு போன போது ஆதரவற்ற குழந்தைகள் இல்லத்துக்கு சென்றேன். சேவை செய்ய விரும்பி குழந்தைகளின் துணிகளை தோய்த்து போட்டேன். மொத்தம் 30 லோடு. கை அசந்துவிட்டது.

வாஷிங் வேலையை எளிதாக்க வேண்டும் என்று முடிவு செய்தேன். சைக்கிள் சக்கரத்தின் சுழற்சியிலேயே இயங்கும் வாஷிங் மெஷினை உருவாக்கியுள்ளேன். ஷெபீல்டு பல்கலைக்கழகத்தில் நடக்கவுள்ள "க்ரியேட்டிவ் ஸ்பார்க்" கண்காட்சியில் இதுவும் இடம்பெறுகிறது.

மெர்சிடிஸ் 2014ல் ஹைட்ரஜன் எரிபொருளில் ஓடும் கார்

2011-06-26T19:21:00.000-07:00

சுற்றுச்சூழலுக்கு துளியும் தீங்கு விளைவிக்காத வகையில் ஹைட்ரஜன் வாயுவில் ஓடும் காரை மெர்சிடிஸ் பென்ஸ் நிறுவனம் அறிமுகப்படுத்த உள்ளது.

மாற்று எரிபொருளில் ஓடும் கார்களை தயாரிக்க பல முன்னணி கார் நிறுவனங்கள் தீவிரமாக ஈடுபட்டுள்ளன.

இந்த நிலையில், ஹைட்ரஜன் வாயுவில் ஓடும் காரை தயாரிக்கும் பணியில் ஜெர்மனியை சேர்ந்த சொகுசு கார் நிறுவனமான மெர்சிடிஸ் பென்ஸ் தீவிரமாக ஈடுபட்டுள்ளது.

பொதுவாக, ஹைட்ரஜன் கார்களின் பாதுகாப்பு அம்சங்களில் பல அபாயங்கள் இருப்பதால், பல நிறுவனங்கள் இந்த வகை கார்களை தயாரிக்க தயக்கம் காட்டி வருகின்றன.

மேலும், ஹைட்ரஜன் பங்குகளில் ஸ்டோரேஜ் செய்வதிலும், கையாள்வதிலும் பல பிரச்னைகளும், வெடிக்கும் அபாயம் இருப்பதாலும் இந்த வகை கார்கள் சந்தையில் வெற்றி பெற வைப்பது என்பதும் கார் நிறுவனங்களின் தயக்கத்திற்கு காரணம்.

அதேவேளை, ஹைட்ரஜன் கார்களிலிருந்து வெளிப்படும் புகை எளிதில் ஆவியாகும் தன்மை கொண்டதால், சுற்றுச்சூழலுக்கு துளியும் தீங்கு ஏற்படுத்தாது என்பது இதன் மிகப்பெரிய பலம்.

இதனால், அதிக பாதுகாப்பு அம்சங்கள் கொண்ட பிரத்யேக உதிரிபாகங்களை பயன்படுத்தி ஹைட்ரஜன் காரை தயாரிக்கும் பணியில் மெர்சிடிஸ் பென்ஸ் வடிவமைப்பு வல்லுனர்கள் தீவிரமாக ஈடுபட்டுள்ளனர்.

வரும் 2014ம் ஆண்டுக்குள் இந்த காரை அறிமுகப்படுத்த திட்டமிட்டுள்ளதாக மெர்சிடிஸ் வட்டாரங்கள் தெரிவிக்கின்றன.

ஐஸ்வர்யா ராய்க்கு இரட்டை குழந்தை பிறக்கும்

2011-06-26T19:14:00.000-07:00

ஐஸ்வர்யா ராய்க்கு நிச்சயமாக இரட்டை குழந்தை தான் பிறக்கும் என்று பிரபல ஜோதிடர் பவித் ஷாங்காய் கருத்து தெரிவித்துள்ளார். முன்னாள் உலக அழகியும், பாலிவுட்டின் முன்னணி நாயகியுமான ஐஸ்வர்யா ராய்க்கும், அபிஷேக் பச்சனுக்கும் கடந்த 2007ம் ‌ஆண்டு திருமணம் நடந்தது. திருமணம் ஆன பின்னரும், குழந்தை வேண்டாம் என்று நடிப்பில் கவனம் செலுத்தி வந்தார். இந்நிலையில் ஐஸ்வர்யா ராய் கர்ப்பமாக இருப்பதாக, அவரது மாமனாரும், பாலிவுட் நடிகருமான அமிதாப் பச்சன் சில தினங்களுக்கு முன்னர் கூறினார். ஐஸ்வர்யா ராய், அம்மாவாக போவதை அறிந்து பாலிவுட் முதல் ரசிகர்கள் வரை பலரும் அவருக்கு வாழ்த்து தெரிவித்து வருகின்றனர்.

இந்நிலையில் பிரபல ஜோதிடர் பவித் ஷாங்காய் ஐஸ்வர்யாவுக்கு, இரட்டை குழந்தை தான் பிறக்கும் என்று கணித்து இருக்கிறார். இதுகுறித்து அவர் கூறியதாவது, ஐஸ்வர்யா ராய், 2011ம் ஆண்டு கர்ப்பம் அடைவார் என்று முன்கூட்டியே கணித்து இருந்தேன். அது இப்போது நிஜமாகிவிட்டது. அதேபோல் அவருக்கு நிச்சயம் பெண் குழந்தை அல்லது இரட்டை குழந்தை தான் பிறக்கும். ஏனென்றால், அபிஷேக் மற்றும் ஐஸ்வர்யாவின் ராசி எண் 5, ஆகையால் அவருக்கு கண்டிப்பாக இரட்டை குழந்தை தான் பிறக்கும் என்று அடித்து கூறுகிறார்.

விஜய்யின் போக்கிரி பட தயாரிப்பாளர் கைது(vijai)

2011-06-26T19:12:00.000-07:00

தமிழ் மற்றும் தெலுங்கு படங்களின் முன்னணி தயாரிப்பாளராக இருப்பவர் ரமேஷ். தமிழில் விஜய் நடித்த "போக்கிரி" உள்ளிட்ட படங்களை தயாரித்தவர். சமீபத்திய இவர் தயாரித்த படங்கள் எதுவும் சரியாக ஓடவில்லை. இந்நிலையில் தமிழில், டைரக்டர் சுசீந்திரன் இயக்கத்தில், விக்ரம், தீக்ஷா செத் நடிக்கும் "ராஜபாட்டை" என்ற படத்தை தயாரித்து வருகிறார். இந்நிலையில் சென்னை விமானநிலையத்தில் வைத்து ரமேஷை, ஆந்திர புலனாய்வுத்துறை அதிகாரிகளால் கைது செய்தனர்.

இதுகுறித்து விசாரித்த போது, ஆந்திராவில் வை‌ஜெயந்தி ரெட்டி என்பவரிடம் ரூ.18கோடி வரை கடன் வாங்கி‌ய ரமேஷ், ரூ.3.5 கோடியை மட்டும் திருப்பி செலுத்தியிருக்கிறார். மீதி தொகையை வைஜெயந்தி திருப்பி கேட்ட போது, பிரபல ரவுடி பானு கிரண் மூலம் அவரை மிரட்டியிருக்கிறார் ரமேஷ். பானு கிரண் மீது ஏற்கனவே சூரி கொலை வழக்கு உட்பட பல குற்றச்சாட்டுகள் உள்ளன. மேலும் பானு கிரணுக்கு, ரமேஷ் ரகசியமாக பல உதவிகள் செய்து இருப்பதாகவும் கூறப்படுகிறது. இதனால் ரமேஷை ஆந்திர புலனாய்வுத்துறையினர் கைது செய்துள்ளனர்.

தேசியகீதம் தேசப்பற்றை வளர்க்க புது முயற்சி தியேட்டர்களில் (New effort to develop)

2011-06-26T19:07:00.000-07:00

சேலம்: சேலத்தில், பெரும்பாலான தியேட்டர்களில், திரைப்படம் ஆரம்பிக்கும் முன், தேசிய கீதம் ஒலிபரப்பப்படுகிறது. தியேட்டருக்கு வரும் மக்கள், எழுந்து நின்று நாட்டுப்பற்றை வெளிப்படுத்துகின்றனர். இந்த புதிய முயற்சி, அனைத்து தரப்பிலும் வரவேற்பை பெற்றுள்ளது.சுதந்திர தினம், குடியரசு தினம் மட்டுமின்றி அரசு விழாக்களில் தேசிய கீதம் ஒலிபரப்பப்படுகிறது.தற்போது, தியேட்டர்களில் ஒ(ளி)லிபரப்பாகும் தேசிய கீதம், அனைத்து தரப்பினரிடத்திலும் சென்றடைந்துள்ளது. சேலம், கோவை, மதுரை, திருச்சி போன்ற நகரங்களில், நவீனமயமான தியேட்டர்களில், காலைக்காட்சி ஆரம்பிக்கும் முன் தேசிய கீதம் ஒலிபரப்பப்படுகிறது. ரசிகர்கள், பொதுமக்கள் அனைவரும் ஒத்துழைப்பு வழங்க வேண்டும், என்ற வாசகமும் ஒளிபரப்பாகிறது.தொடர்ந்து, ஜன கன மன பாடல் ஒலிக்க, அனைத்து தரப்பு மக்களும் எழுந்து நின்று இந்திய தாய்க்கு மரியாதை செலுத்தும் காட்சி, படம் பார்க்க வந்தோரை மெய்சிலிர்க்க வைக்கிறது. நாட்டுப்பற்றை வளர்க்கும் இந்த முயற்சி, அனைத்து தரப்பிலும் இருக்க வேண்டும்.சேலத்தில் தியேட்டர் நிர்வாகிகளிடம் கேட்டபோது, "தியேட்டர்களில் தேசிய கீதம் ஒளிபரப்ப வேண்டும் என்ற சட்டம் உள்ளது. தியேட்டர்களில், காலைக்காட்சி ஆரம்பிக்கும் முன் ஒளிபரப்புவோம். பொதுமக்களும் இதற்கு ஆதரவு தெரிவிக்கின்றனர்' என்றனர்.

மழைநீர் சேமிப்பு திட்டம் புத்துயிர் பெறுகிறது(Stormwater Storage Project)

2011-06-26T18:56:00.000-07:00

Stormwater Storage Project,

தமிழகத்தில் நிலத்தடி நீர் மட்டம், பாதாளத்திற்கு சென்றுவிட்டதால், மழைநீர் சேமிப்பு திட்டத்திற்கு புத்துயிர் கொடுக்க அரசு ஆலோசித்து வருகிறது.இந்தியாவில் தமிழகம், ராஜஸ்தானில் தண்ணீர் தட்டுப்பாடு அதிகமுள்ளது. தமிழகத்தில் நிலத்தடி நீர் ஒவ்வொரு ஆண்டும் குறைந்து வருகிறது. முன்பு 10 மீட்டர் ஆழத்தில் கிடைத்த தண்ணீர், இன்று 100 மீட்டர் ஆழத்தில் கூட கிடைப்பதில்லை. பொதுவாக, ஓராண்டில் எவ்வளவு மழை பெய்கிறதோ அந்த அளவு தான் நிலத்தடி நீரை பயன்படுத்த வேண்டும். ஆனால், 10 லிட்டர் மழைநீர் சேமித்தால், 12 லிட்டரை நாம் உறிஞ்சுகிறோம். இதை கருத்தில் கொண்டு, 2001-06 அ.தி.மு.க., ஆட்சியில் மழைநீர் சேமிப்பு திட்டத்தை அமல்படுத்தியது.

அரசு, தனியார் கட்டடங்கள், வீடுகளில் மழைநீர் சேமிப்பு தொட்டி கட்டாயமாக்கப்பட்டது. புதிதாக கட்டப்படும் கட்டடங்களில் மழைநீர் சேகரிப்பு அமைப்பு குறிப்பிடப்பட்டிருந்தால் மட்டுமே உள்ளாட்சிகள் அனுமதி வழங்க வேண்டும் என உத்தரவிடப்பட்டது. ஒரே நேரத்தில் மாநிலம் முழுவதும் முழு வீச்சில் போர்வெல், கிணறுகள் அருகே மழைநீர் சேகரிப்பு தொட்டிகள் அமைக்கப்பட்டன. சட்டம் போட்டு விட்டனரே என கருதிய சிலர், பெயருக்கு மழைநீர் தொட்டிகளை அமைத்தனர். அரசு கட்டடங்களில் அமைக்கப்பட்ட தொட்டிகளே இதற்கு சாட்சி. ஆயினும், அதிகளவு மழைநீர் சேமிக்கப்பட்டு, நிலத்தடி நீர் மட்டம் உயர்ந்தது.

கடந்த அ.தி.மு.க., ஆட்சியில், நிலத்தடி நீர் மேலாண்மைச் சட்டம் (2003) இயற்றப்பட்டது. நிலத்தடி நீரை உறிஞ்சி விற்பனை செய்தல் மற்றும் ஓரிடத்திலிருந்து மற்றொரு இடத்திற்கு கொண்டு செல்ல உரிமம் பெறுதல்; வீடுகளில் ஒரு எச்.பி., திறனுக்கு குறைவான மின்மோட்டார்களை பயன்படுத்துதல்; கிணறுகள், போர்வெல்களை குறிப்பிட்ட அளவிற்கு மேல் ஆழப்படுத்துவதை கட்டுப்படுத்துதல்; கண்காணிக்க நிலத்தடி நீர் மேலாண்மை ஆணையம் அமைத்தல்; தேவையான பகுதிகளில் மட்டும் சட்டத்தை அமல்படுத்துதல் என்பன உட்பட பல்வேறு விஷயங்கள் இச்சட்டத்தில் இடம் பெற்றன. சட்டம் அமலுக்கு வர தாமதமானது. 2006ல் ஆட்சி மாறியது.

தி.மு.க., ஆட்சியில் (2006-11) மழைநீர் சேமிப்பு திட்டம் கிடப்பில் போடப்பட்ட து. கட்டடங்களில் ஏற்படுத்தப்பட்ட மழைநீர் சேமிப்பு அமைப்புகள் பராமரிக்கப்படவில்லை. அவை மழைநீரை சேமிக்கும் சக்தியை இழந்தன. தமிழகத்தில் பல இடங்களில் நிலத்தடி நீர் மட்டம் பாதாளத்திற்கு சென்றுவிட்டது. மேலும், தி.மு.க., ஆட்சியில் நிலத்தடி நீர் மேலாண்மைச் சட்டப்படி ஆய்வு செய்யப்பட்டது. சிறு, குறு விவசாயிகள் 85 சதவீதம் கிணறு, போர்வெல்களை பயன்படுத்துகின்றனர். மீதி 15 சதவீதம் தொழிற்சாலைகள் பயன்படுத்துகின்றன என தெரியவந்தது. விவசாயிகள் மத்தியில் எதிர்ப்பு வரலாம் என கருதி சட்டம் கிடப்பில் போடப்பட்டது.

இந்நிலையில், ஏற்கனவே செயல்படுத்தப்பட்ட மழைநீர் சேமிப்பு திட்டம் பற்றி ஆராய்ந்து, அதை மேலும் சிறப்பாக செயல்படுத்த தமிழக அரசு பரிசீலித்து வருகிறது. மண்ணின் தன்மைக்கேற்ப முறைப்படி அமைத்தால் தான் நோக்கம் நிறைவேறும். மழையின் போது ரோடுகளில் வீணாகும் நீரையும் சேமிக்க திட்டமிட வேண்டும். நிலத்தடி நீர் மேலாண்மை சட்டத்தையும் அமல்படுத்த வேண்டும். நபார்டு மானியம்: தமிழகத்தில் 18 லட்சம் பாசன கிணறுகள் உள்ளன. இவற்றின் நீர் மட்டத்தை உயர்த்த மழைநீர் சேமிப்புத் தொட்டி அமைக்க, மத்திய அரசு நபார்டு மூலம் சிறு விவசாயிகளுக்கு 4,000 ரூபாய், பெரிய விவசாயிகளுக்கு 2,000 ரூபாய் மானியம் வழங்கியது. சிலர் பெயரளவிற்கு அமைத்ததோடு சரி. விவசாயிகளிடம் விழிப்புணர்வு இல்லாததால், இந்நிதியின் பெரும்பகுதி மத்திய அரசுக்கு திருப்பி அனுப்பப்பட்டது.

நன்றி
தினமலர்

பொது சமூக சேவையில் ஆர்வம் காட்டும் கார்த்தி(Actor Karthi)

2011-06-25T19:26:00.000-07:00

பருத்திவீரன் படத்தின் மூலம் அறிமுகமாகி தொடர்ந்து பையா, நான் மகான் அல்ல, சிறுத்தை என்று ஹிட் படங்களாக கொடுத்து முன்னணி நடிகராக மாறி, மிக குறுகிய காலத்திற்குள்ளேயே தமிழக ரசிகர்களின் இதயத்தில் இடம் பிடித்த கார்த்தி, இப்போது எல்.எஸ்.டி.எஸ்.எஸ்., அமைப்போடு சேர்ந்து, சமூக சேவை பணிகளில் தன்னை ஈடுபடுத்தி கொண்டுள்ளார். குறிப்பிட்ட நோயாளிகள் குழுவுடன் இணைந்து அவர்களுக்கு முறையான நோய் காரணி அறிதல் மற்றும் சிகிச்சை வழங்குதல் ஆகியவற்றுக்கு உதவ முன் வந்துள்ளார். புதிய மரபியல் நோயான திசு உள் செரிமானச் சேமிப்புக் கோளாறினால் பாதிக்கப்படும் நோயாளிகளுக்கான பிரத்யேக உதவி செய்யும் இந்த அமைப்பு சுருக்கமாக எல்.எஸ்.டி.எஸ்.எஸ்., என்று அழைக்கப்படும்.

இதுகுறித்து கார்த்தி செய்தியாளர்களிடம் கூறியதாவது, குழந்தைகள் தங்கள் சின்னஞ் சிறு வயதிலேயே இதுபோன்ற கொடுமையான நோயினால் பாதிக்கப்படுகின்றனர். இதை கண்டு என் நெஞ்சம் படபடத்தது. இவர்களுக்கு உதவும் நோக்கோடு இந்த அமைப்பில் என்னை இணைத்து கொண்டேன். இந்த நோய் குறித்த முறையான விழிப்புணர்வு, பரிசோதனை வசதிகள், சிகிச்சைக்கான நிதி உதவி ஆகியவை மிகவும் அவசியம். என்னுடைய ஆரோக்கியமான ஈடுபாடு மூலம், இந்த குழந்தைகளுக்கு இயன்ற உதவிகளை செய்ய முன்‌வருவேன். இதன்மூலம் இந்த குழந்தைகளின் வாழ்வில் முன்னேற்றம் ஏற்பட்டால் மகிழ்ச்சி அடைவேன் என்றார்.

இதுகுறித்து இந்த அமைப்பின் தலைவரும், பாம்ப் எனப்படும் ஒரு வகை எல்.எஸ்.டி., நோயினால் பாதிக்கப்பட்டுள்ள தனது 12வயது குழந்தையின் தந்தையான பிரசன்ன குமார் ஷிரோல் பேசுகையில், நோயாளிகளையும், அவர்களது குடும்பங்களையும் இணைத்து தேவையான ஆதரவை பெறுவதற்காக கடந்த ஆண்டு இந்த அமைப்பினை தொடங்கினோம். இந்த அமைப்பில் கார்த்தியும் சேர்ந்திருப்பது மிகுந்த மகிழ்ச்சியளிக்கிறது. பாதிக்கப்பட்ட குழந்தைகளின் வாழ்வு மேம்பட வேண்டும் என்ற எங்களின் நோக்கம் வெற்றி பெற இந்த இணைந்த செயல்பாடு ஒரு குறிப்பிடத்தக்க முனைவாகும் என்றார்.

எல்.எஸ்.டி., என்று அழைக்கப்படும் இந்தநோய் உடலியக்கத்தை பாதிப்பதுடன், உயிருக்கும் ஆபத்தையும் விளைவிக்க கூடியது. உடலில் உள்ள உயிர்வினை ஊக்கியின் செயலற்ற தன்மை காரணமாக இதுபோன்று 45விதமான எல்.எஸ்.டி.,க்கள் தோன்றுகின்றன. இதுகுறித்த விழிப்புணர்வு ஏற்படுத்தும் விதமாக கார்த்தி இந்த அமைப்போடு தன்னை இணைத்து கொண்டுள்ளார்.

10 பேர் பலி தற்கொலைப்படை தாக்குதல்

2011-06-25T19:16:00.000-07:00

இஸ்லாமாபாத்:இஸ்லாமாபாத்தில் போலீஸ்டேஷனில் நடந்த தற்கொலைப்படைதாக்குதலில் 10 போலீசார் பலியானார்கள். பாகிஸ்தான் இஸ்லாமாபாத்தில் உள்ள குலாச்சி அருகே உள்ள போலீஸ்டேஷனில் நேற்று தற்கொலைப்படை நடத்திய திடீர் தாக்குதலில் ‌10 போலீசார் பலியாயினர். இது குறித்து பாகிஸ்தான் போலீஸ் அதிகாரி ஜாவ்த் கான் ககூறியதாவது: தாக்குதல் நடத்தியவர்களில் 3 ‌பேர் இருந்தார்கள். அவர்களில் ஒருவர் பெண் ஆவார்.ஒசாமா கொல்லப்பட்டதற்கு பழிவாங்கும் நோக்கமாக இந்த தாக்குதல் இருக்கலாம் என்றார்.

பொக்கிஷம் கடல் வெள்ளரி எதிரிகளுக்கு உணவாக தன் குடலையே தரும் அரிய இனம்

2011-06-25T19:11:00.000-07:00

ராமநாதபுரம் : எதிரிகளிடமிருந்து தன்னை காப்பாற்றிக் கொள்ள, தன் குடலையே கொடுத்து விட்டு தப்பிக்கும் கடல் வெள்ளரி மீனினங்கள், மன்னார் வளைகுடா பகுதியில் காணப்படுகின்றன. கடலடியில் வாழ்வியல் பிரச்னைகள், உணவிற்கு போராட்டம், பாதுகாப்பின்மை என எத்தனையோ இன்னல்கள் வந்தாலும், அவற்றை தாக்கு பிடிக்கும் திறன்கள் பல உயிரினங்களிடம் இயற்கையாகவே அமைந்துள்ளன. இவைகளின் உத்திகள் நம்மை சிலிர்க்க வைக்கின்றன. உணவிற்கும், உயிர் பிழைக்கவும், இனப்பெருக்கம் செய்வதில் பல வினோதங்கள் மீனனிங்களிடம் உண்டு. உணவு, இடம் பாதுகாப்புக்கு ஒன்றையொன்று சார்ந்திருத்தல், இருபாலரும் உறவால் பலன் பெறுதல் என எத்தனையோ உறவு மலர்கள். அவற்றுள் சற்று வித்தியாசமானது கடல் வெள்ளரி. இவை தன் உடலினுள் மீனொன்று பதுங்கி வாழ அடைக்கலம் தருகிறது. சேற்றின் அழுக்கை தின்று, சுத்தப்படுத்தும் இயல்பு கொண்டது. இத்தகை சிறப்பு வாய்ந்த இந்த கடல் வெள்ளரி, ஆள் விழுங்கி மீனிடமிருந்து தப்பிக்க பல தந்திரங்களை கையாள்கிறது. அவற்றுள் ஒன்றுதான் தனது குடலையே வெளியேற்றி விடுவது. தாக்க வரும் இனம் அதை தின்று விட்டு போய்விடும். குடலில்லாத வெள்ளி மீனுக்கு மீண்டும் குடல் உருவாகிவிடும். இவை மன்னார் வளைகுடா பகுதி கடலடியில் காணப்படும் ஒரு அரிய வகை உயிரினம்.

அரசியல் கட்சி தலைவர்கள் கடும் கண்டனம்,பெட்ரோலிய பொருட்கள் விலை உயர்வு

2011-06-25T19:07:00.000-07:00

சென்னை : "பெட்ரோலிய பொருட்கள் மீதான விலை உயர்வை திரும்பப் பெற வேண்டும்' என, தமிழக அரசியல் கட்சித் தலைவர்கள், மத்திய அரசை வலியுறுத்தியுள்ளனர். ம.தி.மு.க., சார்பில், ஆர்ப்பாட்டம் நடத்தப்படும் என அறிவிக்கப்பட்டுள்ளது.

தலைவர்கள் வெளியிட்ட அறிக்கை: தே.மு.தி.க., தலைவர் விஜயகாந்த்: மண்ணெண்ணெய், காஸ் சிலிண்டர், டீசல் விலை உயர்த்தப்பட்டிருப்பது அதிர்ச்சி அளிக்கிறது. இந்த விலை உயர்வு, மக்களுக்கு கட்டுப்படியாகக் கூடியது என, மத்திய அமைச்சர் கூறியிருப்பது விந்தையாக உள்ளது. கூலி வேலைக்குப் போனால் தான் குடும்பம் நடத்த முடியும் என்ற நிலையில் உள்ள ஏழை, நடுத்தர மக்களுக்கு கூடுதல் செலவு ஏற்பட்டால், பற்றாக்குறையை ஈடுகட்ட எங்கே போவது? மக்கள் நல அரசுக்கு இலக்கணம், மக்களின் வாழ்க்கைத் தரத்தை உயர்த்துவதாக இருக்க வேண்டும். வறுமையில் வாட்டுவதாக இருக்கக் கூடாது.

தண்டச் செலவையும், தேவையற்ற திட்டங்களுக்கான செலவையும், இந்திய அரசு தவிர்த்தாலே, விலை உயர்வுக்கு அவசியம் ஏற்படாது. அதைவிட்டு, மக்களின் மேல் கூடுதல் செலவை சுமத்துவது கண்டிக்கத்தக்கது. தற்போது ஏற்பட்டுள்ள விலை உயர்வு மட்டுமின்றி, கடந்த காலங்களில் உயர்த்தப்பட்ட விலை உயர்வையும், திரும்பப் பெற வேண்டும். அரசின் பற்றாக்குறையை ஈடுகட்ட, மக்களை வாட்டி எடுப்பது உண்மையான ஜனநாயகம் ஆகாது.

ம.தி.மு.க., பொதுச்செயலர் வைகோ: இந்த விலையேற்றம், எண்ணெய் நிறுவனங்கள் மக்களை சுரண்டி கொள்ளை அடிப்பதற்கான அநியாய ஏற்பாடாகும். விலை உயர்வை திரும்பப் பெற வலியுறுத்தி, ம.தி.மு.க., சார்பில் 28ம் தேதி மாலை 3 மணிக்கு, அனைத்து மாவட்டத் தலைநகரங்களிலும், கண்டன ஆர்ப்பாட்டம் நடைபெறும். சென்னையில் நடைபெறும் ஆர்ப்பாட்டத்தில் நான் பங்கேற்கிறேன்.

பா.ம.க., நிறுவனர் ராமதாஸ்: ஏழை மக்கள் மீது, அரசுக்கு இரக்கம் இல்லையோ என்ற அளவிற்கு, விலை உயர்த்தப்பட்டிருப்பது கண்டிக்கத்தக்கது. உலக சந்தையில், கச்சா எண்ணெய் விலை உயர்ந்து வருவது, மறுக்க முடியாத உண்மை. இதை சமாளிக்க எத்தனையோ வழிகள் உள்ளன. மத்திய, மாநில அரசுகள் வரிகளை குறைத்துக் கொள்வது, தனியார் எண்ணெய் நிறுவனங்களிடம் கூடுதல் வரி வசூலிப்பது, ஆடம்பர வாகனங்கள் மீதான வரியை அதிகரிப்பது போன்ற நடவடிக்கைகளை மேற்கொள்ளலாம். அதை செய்யாமல், ஏழை மக்களின் மடியில் கை வைப்பது ஏற்றுக்கொள்ளத்தக்கது அல்ல.

இ.கம்யூ., மாநில செயலர் தா.பாண்டியன்: டீசல், காஸ் விலை உயர்வு, ஏற்கனவே விலைவாசி உயர்வால் அல்லல்படும் சாதாரண மக்கள் மீதான மூர்க்கத்தனமான தாக்குதல். முக்கிய பொருட்களின் விலைகள் வரலாறு காணாத வகையில் உயர்ந்துள்ள நிலையில், டீசல், காஸ் விலை உயர்வு, மீண்டும் அனைத்துப் பொருட்களின் விலையை உயர்த்தும். ஏழை, எளிய மக்களை பாதிக்கும் இந்த விலை உயர்வை, மத்திய அரசு உடனே திரும்பப் பெற வேண்டும். இவ்வாறு அறிக்கையில் தெரிவிக்கப்பட்டுள்ளது.

ஆன்ட்ராய்டுடன் டியூவல் சிம் போன் ஸ்பைஸ் புதிய அறிமுகம்(Android Mobile)

2011-06-25T09:27:00.000-07:00

டெல்லி: மொபைல்போன் உலகில் முன்னிலை வகிக்கும் ஸ்பைஸ் நிறுவனம், ஆன்ட்ராய்டுடன் கூடிய டியூவல் சிம் மொபைல்போனை அறிமுகப்படுத்தியுள்ளது.

ஸ்பைஸ் எம்ஐ270 என்ற பெயருடன் சந்தைக்கு வந்துள்ள இந்த புதிய போனில் வாடிக்கையாளர்களின் எதிர்பார்ப்புகளை பூர்த்தி செய்யும் வகையில் அனைத்து அம்சங்களும் உள்ளது.

ஸ்பைஸ் எம்ஐ 270 போனில் ஆன்ட்ராய்டு ப்ரோயோ 2.2 ஆப்பரேட்டிங் சிஸ்டம் அப்லோடு செய்யப்பட்டுள்ளது.

2.8 டச் ஸ்கிரீன் அப்ளிகேஷன்களை எளிதாக இயக்கும் வகையில் உள்ளது.

யுஎஸ்பி போர்ட், வை-பை, புளூடூத் உள்ளிட்ட கனெக்ட்டிவிட்டி வசதிகளையும், ஜிபிஎஸ் வசதியையும் பெறலாம்

இதில் 1000 எம்ஏஎச் திறன் கொண்ட பேட்டரி அருமையான பேக்கப்பை தருகிறது. 3 மணிநேரம் டாக்டைம் மற்றும் 320 மணிநேரம் பேக்கப்பும் தருகிறது.

ஸ்பைஸ் எம்ஐ 270 சிறப்பம்சங்கள்: (Android Mobile)

600 மெகாஹெர்ட்ஸ் ஏஆர்எம் பிராசஸர்

டியூவல் சிம்/ஸ்டான்ட் பை மோடு ஆப்சன்

2.8 இஞ்ச் தொடுதிரை (டச் ஸ்கிரீன்)

மோனோடைப் மைக்ரோபோன் மற்றும் ஸ்பீக்கர்

3.5மிமீ ஆடியோ அவுட்புட் ஸ்லாட்

எப் ரேடியோ மற்றும் ரெக்கார்டிங் வசதி

2 மெகாபிக்செல் கேமரா

16 ஜிபி வரை எக்ஸ்டன்டபிள் மெமரி கார்டு பொருத்தும் வசதி

ஆன்ட்ராய்டு ஓஎஸ் உள்ளிட்ட நவீன அம்சங்களுடன் ரூ.5,700 விலையில் ஸ்பைஸ் எம்ஐ 270 விற்பனைக்கு வந்துள்ளது.