Jaribu kuzungumzia wanamuziki wa muziki wa kizazi kipya kisha usimtaje Marlaw(pichani) usikie jinsi mashabiki wake watakavyoguna.Hiyo ni kutokana na mafanikio ambayo Marlaw amefikia,sauti aliyonayo na jinsi anavyojua kuimba na mashabiki.Hivi karibuni Marlaw alikuwa kivutio cha aina yake katika Tamasha la Fiesta kama anavyoonekana pichani.BC inaandaa mahojiano na Marlaw.Ungependa kumuuliza nini kijana Marlaw?Kama una swali litume kwa bongocelebrity at gmail.com

Zikiwa zimebakia siku chache kabla ya uchaguzi mkuu wa Rais wa Marekani kwa mwaka 2008,wanamuziki wengi wamezidi kujitokeza na kuwaunga mkono wagombea wawapendao kwa kutumia sanaa ya muziki.Hili sio huko nchini Marekani tu bali pia barani Afrika.Miongoni mwa wanamuziki hao ni Samba Mapangala,mwanamuziki mwenye asili ya Democratic Republic of Congo(zamani Zaire) na mwenye makazi ya kudumu nchini Kenya.Huyu huwa anatamba na kundi lake maarufu la Orchestra Virunga.

Kama ambavyo unaweza kuhisi,Samba anamuunga mkono na kumtakia kila la kheri Mgombea kupitia Chama Cha Democrat,Seneta kutoka jimbo la Illinois,kipenzi cha wengi,Barack Hussein Obama.Wimbo unaitwa Obama Ubarikiwe.Usikilize hapo chini.Shurkani Subi kwa wimbo huu.

Pichani ni wasanii wa Nyumba ya Vipaji Tanzania maarufu kama THT au kwa kirefu Tanzania House of Talent wakiwa jukwaani kwenye tamasha la Fiesta Jirambe 2008 ndani ya uwanja wa Mkwakwani mjini Tanga mwishoni mwa wiki.Tamasha hilo la Fiesta ndio kwanza limeanza wikiendi iliyopita na linaendelea mwisho wa wiki hii huko A-Town au ukipenda Arusha.

Pongezi kwa wote mliofunga na kutubu wakati wa mwezi mtukufu wa Ramadhan.Kufunga sio mchezo ati.Yataka imani sahihi na uvumilivu kamili ili kuzikwaa hizo thawabu.Sikukuu ilikuwaje?Ulienda kuifaidia wapi?Ile mialiko wanayopeana wana BC ilikamilika?

Hapa kwetu ni wikiendi nyingine.Wakati wa zilipendwa.Wakati wa kuserebuka kidogo kwa burudani ili sio tu kuenzi miziki ya kwetu bali kukumbushana kwamba muziki sio lazima uwe na maneno “mbofu mbofu” bali yawezekana kabisa kuongea na kuelewana kupitia muziki.Penzi linaweza kudumishwa kupitia muziki.

Leo tunao tena Maquis Original.Wimbo wa leo ni “Ni Wewe Pekee“.Mtindo ulikuwa ni Zembwela.Wimbo huu ni kwa wote wanaopendana.Pata burudani.Wikiendi Njema.

Hivi karibuni msanii maarufu wa Hip Hop nchini Tanzania,Professor Jay amekuwa akizuru nchini Ghana mara kwa mara ikiwa ni kufuatia kuteuliwa kwake na MTVbase katika ile project maarufu ya “The MTV Making of The Video Part II“.Hiyo ni kutokana na kukubalika kwa Prof.Jay miongoni mwa wana-Hip Hop wa barani Afrika.

Huko Ghana,pamoja na kufanya maonyesho mafupi mafupi kadhaa,Prof alikwenda kutengeneza video iitwayo “Who You Be” akiwa ameshirikiana na msanii maarufu wa nchini Ghana aitwaye Kwaw Kesse(pichani juu ni Prof na Kaw Kesse).Video hiyo itaonekana hivi karibuni kupitia MTVbase na TBC.Stay Tuned!Hongera Prof Jay kwa kuwakilisha Tanzania na mafanikio yako katika muziki.

Prof Jay(kushoto) akiwa na Director maarufu wa video,Anthony ambaye ndiye ame-direct “Who You Be’

Pichani ni Jenerali Ulimwengu.Huyu ni miongoni mwa waandishi wa habari nchini Tanzania walio na uwezo wa aina yake katika kujenga na kubomoa hoja iwe ni katika maandishi au maongezi.Makala zake siku hizi zinapatikana katika gazeti la Raia Mwema.

Photo/Bob Sankofa

Tunawatakieni nyote sikukuu njema.

Wimbo uliomtoa ulikuwa ni ule uliokuwa ukiinadi rangi ya blue.Pengine ndicho chanzo cha yeye baadaye kuja kujulikana kama Mr.Blue.Pamoja na hayo wimbo wake ulioitwa “Mapozi” ndio ulikuja kutamba kwa staili ya aina yake.Baada ya hapo ikawa ni mapozi nawe,mapozi nawe.Lakini kwa mashabiki wa muziki wa kizazi kipya anabakia kuwa Mr.Blue.Hivi karibuni alikuwa katika ziara ya muziki nchini Uingereza.Ni miongoni mwa vijana walioko katika fani ya burudani kupitia muziki nchini Tanzania ambao wanaweza kusema “wanafanya vizuri” katika wanachokifanya.

Mcheki hapa chini katika wimbo wenye ahadi nzito nzito za kurejea kulifuata penzi.

Photo courtesy of Abdallah Mrisho

Jinsi miaka inavyokwenda ndivyo hata mipangilio ya mwisho wa wiki inavyobadilika. Kuna nyakati watu walitumia muda mwingi wa mwisho wa wiki wakiwa feri wakijipanga vyema kwa mipango kabambe kuhusu namna ya namna ya kuzamia melini wakaibukie Greece kusaka maisha.

Hizo ndio nyakati ambazo nchi kama Marekani zilionekana za wazee na wenye pesa (kama alivyosema Sugu) huku vijana wakiamini kuwa maisha yanaanzia kwenye nchi ambazo zinafikika kwa meli hasa Greece. Bahati mbaya wapo walioishia majini na wengine kuteseka mpaka kufa kwa kukosa chakula. Unakumbuka nyakati hizo? Nyakati za kuamini kuwa huwezi ku-win maisha Bongo?

Hapa tunao Vijana Jazz Band enzi za “Pambamoto Shambulia” wakiwa na safu kamili na stadi ya kina Hayati Hemedi Maneti “Chiriku” , Eddie Sheggie “Fast Mover”, Shabani Yohana “Wanted”, Super Sax Rashid Pembe na wengineo wakielimisha jamii juu ya athari za uzamiaji kama aliokuwa akitaka kuufanya Ngapulila.Wimbo unaitwa Ngapulila.Pata Burudani,wikiend njema.

Ujumbe na burudani ya leo imeletwa kwenu na blogger mwalikwa,Mubelwa Bandio, anayeblog kupitia www.changamotoyetu.blogspot.com.Mtembelee.

It is every designers dream to be part of the London Fashion Week, and this year Ally Rehmtullah, a 22 year old Tanzanian designer was given this honour. On the 19th of September Ally Rehmtullah launched his new African Couture at the Museum of London during the London Fashion Week. Ally was also part of fashion diversity whereby as an established designer he was an inspiration to the young and upcoming designers in London. Ally Rehmtullah’s couture was modelled by MAHOGANY MODELS from London.Here are some images.

BC would like to congratulate Ally Rehmtullah for his achievements. Kazi nzuri kaka!