Thursday, October 18, 2007

Հայութիւնը որպէ՞ս քաւութեան նոխազ


Այս օրերին հայկական բոլոր շրջանակներում խօսւում է ԱՄՆ-ի Կոնգրեսի արտաքին հարաբերութիւնների յանձնաժողովի կողմից ընդունւած Հայոց Ցեղասպանութեան բանաձեւի մասին:
Կան պարզամիտ ու երբեմնի մտաւորականներ, որ անսարձակ ուրախ են ասելով թէ ճշմարտութիւննը ի վերջոյ յաղթեց:
Նախ պիտի ասեմ թէ ՎԱՅ այն ժողովրդին որ իր պատմական ճշմարտութեան յաղթանակը կախւած է գերուժերի քմահաճոյքներից: ՎԱՅ այն ժողովրդին, որ իր ինքնահաստատումը կախեալ է օտարներից:
Ինչպէս տեսանք լուրերում, երբ այդ բանաձեւը հաստատւեց տւեալ յանձնախմբի կողմից, Թուրքիայի բանակը ներխուժեց Իրաքի Քիւրդստանի շրջանը: Դրան յաջորդեց սենատում Ցաղասպանութեան բանաձեւին աջակցող սենատորների թւի նւազումը (
+):
Բայց թէ ինչո՞ւ ԱՄՆ-ն անբարենպաստ իր այս օրերին առաջ է քաշում Հայկական հարցը, որը խանգարելու է հարաբերութիւնները դաշնակից Թուրքիայի հետ: Սա այն հարցն է որ առհասարակ չի խօսւում մասին, որովհետեւ ճշմարտութիւնը յաղթում է, ասում են պատասխանատուները եւ նրաց կապկող մասսան:
ԱՄՆ-ի պայքարը 21-րդ դարում ընթանում է էներգիայի շուրջ:
Իրաքի Քիւրդստանը հարուստ է այդ նիւթով, եւ այդ պատճառով արժանացել է գերուժերի ուղադրութեանը:
Եւրոպան ու վերազգային ընկերութիւնները իրենց տնտեսական շահերն ապահովելու նպատակով ճնշում են բանեցնում ԱՄՆ-ի վրայ թէ մուտք չգործէ Իրաքի Քիւրդստանի շրջանը, բացատրելով թէ այնտեղ կայուն վիճակ է տիրում:
Եւ այս օրերին ԱՄՆ-ն մտածում է ամեն գնով ներխուժել այդ շրջանը ու դա կատարեց Հայկական հարցի բարձրացմամբ: Երբ Թուրքիան հակազդելու համար ներխուժի Իրաք, այն փայլուն պահն է, որ ԱՄՆ-ն առիթ կ՛ունենայ Իրաքը «պաշտպանելու» համար ներխուժել Քիւրդստան: Պիտի չմոռանալ որ Իրաքը մասնատելու Ամերիկեան նախագիծը նաեւ խօսում է անկախ Քիւրդստանի ստեղծման մասին:
Նորէն հայերը դառնում են քաւութեան նոխազ ինչպէս որ եղանք առաջին աշխարհամարտի օրերին:
Կարելի է այդ բանաձեւի ընդունումը որակել որպէս Հայկական հարցի յաջողութիւն արտաքին ճակատում, բայց թէ ներքին ճակատում նաեւ ի՞նչ աշխատանքներ պիտի իրականացնել, ոչ ոքու չի հետաքրքրում:
Հայկական հարցի լուծումը գտնւում է Հայաստանում եւ ոչ այլուր:


Արթին

-------------------------------------------------------------
Արտաքին յղումներ այս թեմայի շուրջ
-------------------------------------------------------------
***

1 Պատգամ:

Anonymous said...

Բաւական հետաքրքրական մօտեցում մըն է, նկատի ունենալով շրջանին քալիք տագնապները:
Վստահ բոլորս տեղեակ ենք որ ԱՄՆը Հայոց Ձեղասպանութեան ճանաչումէն կ՛ուզեր օգտուիլ, եւ այնպէս մը բերին քաղաքական պայմանները, որ ԱՄՆ կը տեսնէ թէ ինք կրնայ օգտուիլ Հայոց Ձեղասպանութեան ճանաչումէն:

Post a Comment

Twitter Delicious Facebook Digg Stumbleupon Favorites More

 
Բլոգը պատրաստել է Արթին Առաքելյանը