Cine Clube Carballiño

Filmoteca dos domingos. Ciclo David Lynch - domingo, 1 Marzo 19:00 e 19:00

Falecido fai pouco máis dun ano (o 15 de xaneiro de 2025), David Lynch é sen dúbida un dos grandes directores dos últimos 50 anos. Dende o seu debut con Eraserhead no ano 1977, a súa carreira está chea de grandes filmes, unha boa morea de curtametraxes e varias series de TV, onde destaca sen dúbida a mítica Twin peaks dos anos 90. Nomeado en tres ocasións aos premios Oscar como mellor director (que nunca acadou) as súas películas foron creando pouco a pouco un estilo claramente definido e conseguindo a ceptación dun público cada vez máis maioritario, así como o aplauso de unha grande parte da crítica. Dende o Cine Club Carballiño decidimos facerlle a nosa pequena homenaxe en colaboración coa programación da Filmoteca de Galicia, escollendo tres das súas obras máis aclamadas (e tamén as nosas favoritas dentro da súa filmografía). As tres consideradas por moitos como tres obras mestras. Empezaremos con Terciopelo azul, do ano 1986, que lle valeu a súa primeira nominación como mellor director nos Premios Oscar. Unha película onde Lynch emprega xa os seus habituais recursos e historias de cine negro impregnadas de intriga e misterio que caracterizarán unha boa parte da súa obra. O segundo filme escollido foi o grande éxito de Lynch, cunha historia que se escapa do seu universo habitual para convertirse nunha das películas máis fermosas e emotivas dos anos 90, con esceas que xa están por mérito propio na historia do cinema. Una historia verdadera é unha delicia, como dixo Boyero, "un regalo impagable a los espectadores y a la historia del cine". E pecharemos este ciclo con unha película de comezos do século XXI, Mulholland drive, coa que gañou a Palma de Ouro á mellor dirección no festival de Cannes de 2001, e onde volve aos esquemas xa clásicos do seu cinema, cunha historia enigmática e perturbadora. As datas de proxección serán os domingos 1 e 22 de marzo e o domingo 12 de abril, sempre ás 19:00 horas no auditorio Manuel María do Carballiño. O prezo das entradas é de 3 euros.

Jone, a veces - venres, 27 Febreiro 20:00 e 22:30

Cine Clube Carballiño

Bilbao, pleno agosto. Jone, 20 anos, vive co seu pai e a súa irmá pequena, Marta. Aitor, o seu pai, tivo que deixaro seu traballo debido ao Parkinson. Empezan as festas da semana grande de Bilbao, nas que Jone namorará por primeira vez. Durante este verán, vivirá entre a sensación de inmortalidade que transitacon Olga, a chica da que namora, e o medo a quedarse soa debido á enfermidade do seu pai.

Programación xaneiro-febreiro - venres, 27 Febreiro 20:00 e

Cine Clube Carballiño

Los tortuga - venres, 20 Febreiro 20:00 e 22:30

Cine Clube Carballiño

Anabel ten 18 anos e vive coa súa nai, Delia, unha taxista chilena emigrada ao barrio de Colblanc fai vinte anos. Estuda primeiro de comunicación audiovisual en Barcelona. Custoulle moito esforzo entrar na carreira, pero agora o seu futuro está a piques de cambiar. E é que, aínda que Anabel non o saiba, unha carta está a punto de chegar.

Maspalomas - venres, 13 Febreiro 20:00 e 22:30

Cine Clube Carballiño

Tras romper coa súa parella, Vicente, de 76 anos, leva a vida que lle gusta en Maspalomas: o seu día a día pásoa tombado ao sol, de festa e buscando o pracer. Un accidente inesperado obrígao a regresar a San Sebastián e a reencontrase coa súa filla, a quen abandonara anos atrás. Vicente terá que vivir nunha residencia onde se verá empurrado a volver ao armario e a ocultar unha parte de si mesmo. Neste novo entorno, deberá preguntarse se aínda está a tempo de reconciliarse cos demais... e consigo mesmo.

La voz de Hind - venres, 6 Febreiro 20:00 e 22:30 VOS

Cine Clube Carballiño

29 de xaneiro de 2024. Os voluntariosa da Media Lúa Vermella reciben unha chamada de emerxencia: unha nena de 6 anos está atrapada nun coche baixo o fogo en Gaza, suplicando por ser rescatada. Mentres intentan manter contacto con ela, fan todo o posible para enviarlle unha ambulancia. O seu nome: Hind Rajab.

FATHER MOTHER SISTER BROTHER - venres, 30 Xaneiro 20:00 e 22:30

Cine Clube Carballiño

Película dividida en tres actos ao redor dun mesmo feito: o reencontro de membros dunha familia. Uns irmáns xa adultos vólvense a xuntar despois de anos sen verse, forzados a enfrontarse a tensións non resoltas e a reevaluar as súas tensa relacións cuns pais emocionalmente distantes.

Kontinental ´25 - venres, 23 Xaneiro 20:00 e 22:30

Cine Clube Carballiño

Orsolya é unha alguacil en Cluj, a principal cidade de Transilvania en Romanía. Un día ten que desafiuzar a un home sen teito que vive no soto dun edificio. Un suceso inesperado creará unha crise moral que intentará resolver o mellor que poida.

Tres amigas - venres, 16 Xaneiro 20:00 e 22:30 VOS

Cine Clube Carballiño

Joan xa non está namorada de Victor e sofre por non estar sendo honesta con el. Alice, a súa mellor amiga, tranquilízaa asegurándolle que ela mesma non sente paixón por a súa parella, Eric, e porén a relación vai vento en popa. Ela ignora que el ten unha aventura con Raquel, a amiga común da dúas. Cando Joan decide deixar definitivamente a Victor e este desaparece, as vidas e as historias das tres amigas dan un xiro

On falling - venres, 9 Xaneiro 20:00 e 22:30 VOS

Cine Clube Carballiño

Aurora é unha muller portuguesa inmigrante que traballa nun gran almacén de Escocia. Atrapada entre os muros do seu centro de traballo e a soidade do seu piso compartido, trata de resistir ao illamento, á alienación e á charla trivial que comezan a ameazar a consciencia de si mesma, nun entorno dominado por unha economía baseada en algoritmos e deseñada para manternos separados