Cineclubes de Galicia

Premio «PrimeirOlhar»

noreply@blogger.com (Feciga) — Fri, 04 Mar 2022 11:00:00 +0000

Como todos estes últimos anos, no primeiro trimestre do ano ábrese o prazo para inscribirse (consultar data) para o certame «PrimeirOlhar», promovido pola Associação de Produção e Animação Audiovisual «Ao-Norte» de Viana do Castelo (Portugal), e no que as Federacións de Cineclubes de Portugal e Galicia, outorgan un premio de 1.000 € , para o gañador consonte ao dítame do xurado; a celebración acontence no mes de maio, dentro dos «Encontros de Cinema» en Viana do Castelo (Portugal).
Neste encontro de cineclubes de Galicia e Portugal, xunto cos profesionais de cinema, alumnos e alumnas das escolas (participan tamén escolas internacionais de xeito non competitivo) no que amosan os seus traballos e as maneiras que desenvolven no eido formativo.

O obxectivo, é promover o documental entre os alumnos e alumnas das escolas de cinema, audiovisual e comunicación das escolas de Galicia, Portugal, Brasil e países lusófonos. Podes consultar o regulamento e cumprimentar o formulario (consultar data) no sitio da Asociación «Ao Norte».

A duración máxima do traballo fílmico debe ser inferior a 30 minutos (excepcionalmente poderíanse presentar traballos que superen dita duración), podendo participar con cantos traballos desexen.

Máis información e ficha de inscrición en http://www.encontrosdecinema.pt/primeirolhar.php

Encontro de cineclubes 2020

noreply@blogger.com (Feciga) — Mon, 14 Sep 2020 19:03:00 +0000

Fai 50 anos que o cineclube Padre Feijoo fundouse en Ourense, en setembro de 1970 na Escola de Maxisterio, da que recolleu o seu nome.

Para dita ocasión, queríamos realizar un «Encontro» festivo dos Cineclubes de Galicia e doutras partes da península ibérica, porén a prudencia e circunstancias actuais, aconsellan unha celebración moito máis austera do que tiñamos pensado celebrar, será o vindeiro sábado 19 de setembro (2020) e deseguido tedes a programación.

Gostaríanos contar coa presenza de todas as persoas cineclubistas, en particular do Padre Feijoo para conmerorar o seu 50 aniversario, compartindo as vosas experiencias, ilusións e os nosos retos e impericias, degoirados con aprender todos e todas das vosas e nosas vivencias.
A capacidade para as diferentes localizacións (restaurante e cinema), pola situación da Covid-19, son limitadas, polo que precisamos formalices a reserva (e acompañante/s que desexes convidar) no seguinte formulario; calquera suxestión, solicitude ou preferencia (no menú, necesidades especiais…), non dúbides en facelo constar no campo das observacións.

Programa «Encontro de cineclubes» (1970–2020: 50 anos do CCPF)

venres 18 de setembro

21:00 h. Proxección do primeiro filme (que coñezamos) que proxectou o cineclube Padre Feijoo

«Nueve Cartas a Berta» (Nove Cartas a Berta) de Basilio Martín Patino (España, 1966) · VO / castelán

O primeiro filme do director castelán únese ao chamado «novo cinema español», un movemento renovador que ao final non tivo a merecida continuidade. A fita comeza cos versos do poeta Antonio Machado: «Esta é a historia dun español que quere vivir e comezar a vivir».
Acadou a Cuncha de Prata no Festival Internacional de Cinema en Donostia.

Fotografía: Luis Enrique Torán
Guión: Basilio Martín Patino
Música: Carmelo A. Bernaola & Gerardo Gombau

Reparto: Emilio Gutiérrez Caba, Montserrat Blanch, Mary Carrillo, Antonio Casas, José María Casaux, Manuel Domínguez Luna, María Elena Flores, Rosa Fúster…

Premios: Festival de San Sebastián: Cuncha de prata á mellor ópera prima (1966)

Sipnose: Anos cincuenta. Lorenzo é un estudante salmantino que acaba de pasar un verán en Inglaterra, onde descubriu outras formas de vida e outros horizontes, ademais de coñecer a Berta, filla dun exiliado, pola que sente atraído. Ao seu regreso, o ambiente tradicional da súa familia, os seus amigos e a súa noiva resúltanlle atafegantes. Agudízanse as súas inquietudes en cartas dirixidas a esa Berta que quedou no estranxeiro

Evento de balde e limitado no aforo (capacidade máxima: 40 persoas). ~~RESERVA A TÚA BUTACA~~

sábado 19 de setembro

11:30 h. Presentación das actividades relativas ao 50 aniversario do cineclube Padre Feijoo

No salón de actos da casa da Cultura, rúa Concello 11 (Ourense); evento de carácter aberto, con prioridade e limitación no aforo, polo orde de acceso sería xornalistas, convidados/as e público en xeral e con capacidade máxima de 40 persoas.

12:00 h. Homenaxe aos cineclubistas e amigos/as do CCPF

No salón de actos da casa da Cultura, rúa Concello 11 (Ourense); evento de carácter aberto, con prioridade e limitación no aforo, polo orde de acceso sería xornalistas, convidados/as e público en xeral e con capacidade máxima de 40 persoas.

14:00 h. Xantar de confraternidade

No Liceo, rúa Valentín Lamas Carvajal 5 (Ourense); evento de carácter restrinxido, para convidados/as con reserva previa e limitación no aforo, seguindo as pautas sanitarias marcadas polas autoridades por mor da Covid–19.

16:00 h. Tertulia café «Historias de Cinema na Auria»

No Liceo, rúa Valentín Lamas Carvajal 5 (Ourense); evento de carácter aberto, con limitación no aforo, seguindo as pautas sanitarias marcadas polas autoridades por mor da Covid–19.

18:00 h. Despedida. Non pechamos a luz! Proxección do CCPF

«Talking About Trees» de Suhaib Gasmelbari (Francia-Sudán-Chad 2019) · VOSPt / francés

Coa colaboración do Institute Français. O filme segue os esforzos do «Sudanese Film Club», representado polos cineastas xubilados Ibrahim Shadad, Manar Al Hilo, Suleiman Mohamed Ibrahim e Altayeb Mahdi por reabrir un cinema ao aire libre na cidade de Omdurman ante décadas de censura islamista e burocracia ineficiente.

Fotografía: Suhaib Gasmelbari
Guión: Suhaib Gasmelbari
Xénero: documental

Reparto: Ibrahim Shadad, Manar Al Hilo, Suleiman Mohamed Ibrahim e Altayeb Mahdi

Premios: Berlinale: Premio do documental orixinal e premio do público (2019)

Sipnose: Catro homes falan á luz das candeas, xa que a compañía eléctrica nacional cortou a subministración na zona, nunha especie de rexeitamento metafórico do propio cinema, as imaxes saltan por un estudo de radio. Ibrahim di que o cinema é un heroe «que pode morrer por morte natural ou ser asasinado por un traidor». A polémica aínda rodea o réxime ditatorial islamista, mentres que a paixón pola industria do cinema segue a ser forte. Viaxando nunha antiga e enferruxada caravana, os catro amigos chegan á praza dunha cidade e estenden un pano sobre a muralla dun edificio. Logo, homes, mulleres e nenos veñen; sen patrocinadores nin publicidade, sen discursos nin ministros de goberno, só contan coa autorización do dono deste improvisado anfiteatro (chamado Revolution Cinema) para restauralo.

ATENCIÓN: Todos os eventos están ao abeiro da evolución e pautas sanitarias marcadas pola administración pola Covid–19, polo que dita programación pode verse afectada.
Consulta o protocolo de seguridade do cineclube Padre Feijoo.

Ligazón relacionada:
Páxina do cineclube Padre Feijoo: 50 anos, 50 filmes

Festival (expandido) de Cans · 2020

noreply@blogger.com (Feciga) — Fri, 04 Sep 2020 11:00:00 +0000

A Federación de Cineclubes de Galicia «Feciga» en concerto coa Asociación Cultural Arela, organizadora do Festival de Cans na parroquia do mesmo nome en Porriño, programan un circuito de proxeccións coas curtas seleccionadas a concurso na edición deste ano; será catro días despois de rematar o certame, entre os días 9–13 de setembro (de mércores a domingo), nos cineclubes —ordeados pola data de proxección— seguintes:
Ádega (mércores 9) en Vilagarcía de Arousa, Lumière (mércores 9) en Vigo, Cangas (mércores 9 e xoves 10) na vila do Morrazo, Groucho Marx (xoves 10) no Barco de Valdeorras, Os Papeiros (venres 11) en Garabelos, Val Miñor «Alice Guy» (sábado 12) en Nigrán, Padre Feijoo (sábado 12) en Ourense e Carballiño (sábado 12 e domingo 13) na vila do Arenteiro.

Cartaz do Festival de Cans 2020. Dereitos Reservados AC. Arela

O prezo (da cota de acceso) é de 4 euros en tódolos cineclubes participantes e a recadación vai integramente destinada a unha das curtametraxes, escollida por un xurado entre os cineclubes da «Feciga» (e que nomeadamente forma un galardón con este mesmo acrónimo), aínda que, gañadoras/es deberían ser todas/os as/os participantes, agardamos que unha sóa curta obteña dito premio.

Perante a nova normalidade que nós toca vivir, é posíbel que o acceso se vexa restrinxido tanto na capacidade do lugar como na necesidade de realizar unha reserva previa, consulta nos sitios web e redes sociais dos devanditos cineclubes, o horario e o protocolo de seguridade ao respecto obrigadas pola Covid-19, máis subliñar que, aparte das normas xerais expostas á entrada, é obrigatorio utilizar a máscara correctamente colocada durante toda a proxección.

Ademáis dos pases nos cineclubes citados nas provincias de Lugo, Ourense e Pontevedra, tes a oportunidade tamén de velos traballos da selección oficial do festival (talvez, o máis popular de Galicia), no Centro Galego de Artes da Imaxe «CGAI» da Coruña, proxectando a escolma competitiva nun par de sesións: o xoves 10 e venres 11 de setembro (2020) ás 19:30 h. (CUT+2) do serán e con acceso de balde.
Tamén está previsto a exhibición en liña, a partires do día 17 de setembro e durante 4 días, na modalidade de pagamento por visión en Vimeo.

Curtas a concurso na sección oficial da XVII edición do «Festival de Cans»

Velaquí tedes uns traballos con moito talento (ordeados por orde alfabética), representativos das tendencias actuais no eido audiovisual galego, que optan ao premio da «Feciga» e difundidos na rede principal dos cineclubes de Galicia

«16 de Decembro» é unha curta dirixida por Álvaro Gago Díaz e producida por Ringo Media e Sombriza Films. Protagonizada por Cris Iglesias. Estréouse no Cinema Jove de Valencia e no Locarno Film Festival (ámbito nacional e internacional respectivamente).

Sipnose: Sábado. Cae a noite. O balón móvese rápido dun lado a outro. Os corpos buscan introducirse nos ocos que deixa a defensa. Lucía, vinte e cinco anos, sae de adestrar a balonmán e vai buscar ao seu irmán en moto baixo as luces dunha cidade que cre coñecer.

14 min. VO (galego/castelán). Disponíbel en: Filmin.

«Badaladas de Amor e Morte» é unha curta dirixida por Iria Ares e producida polo Estudio Momento. Protagonizada por Iria Ares, Xoán Carlos Mejuto e Manuel Lourenzo (narrador).
Iria Ares volve ser finalista en Cans, por segunda vez, con esta singular curta en branco e negro seleccionada na competición oficial do Medina Film Fest.

Sipnose: Unha homenaxe ao cine de Orson Welles e a dramaturxia de Roberto Vidal Bolaño. Unha historia romántica cunha única protagonista: a morte. Conta a lenda que o último día do ano, cando soan as 12 badaladas de medianoite, acoden ao cemiterio as almas dos que van morrer ao ano seguinte. Serás ti un deles?

19 min. VO (galego).

«Blacks or Whites» é unha curta dirixida por Anita Pico e producida pola propia realizadora e Aakash Meshram. Protagonizada por Sara Galvin e Matthew Marcelis.
Estréouse en Cans (ámbito nacional). A coruñesa Anita Pico graduouse con esta curta na UCA (University Creative Arts). Este ano foi seleccionada pola BBC no programa New Creatives para novos talentos.

Sipnose: Levan a un mozo chamado Jerry a unha sala completamente branca para sometelo a un interrogatorio que comeza cunha estraña partida de xadrez. Segundo o tempo e as xogadas avanzan, Jerry decátase de que ten moito máis que perder do que pensaba.

11'35 min. VOSE. Disponíbel en: Vimeo.

«Conte Trencat» é unha curta dirixida por Miguel Gago Caamaño e producida por Ringo Media. Protagonizada por Duna Molera, Rosalía Omil, Òscar Rabadán, Pol Fernández, Dafnis Balduz e Pol Nubiala.
Estréouse en Cans (ámbito galego). Ópera prima do arousán Miguel Gago que estivo a concurso no Medina Film Fest. Coproducida polo seu curmán Álvaro Gago, co que curiosamente competirá por primeira vez nun festival.

Sipnose: Perseguindo ao seu primo Salvador, a pequena Luci caerá no feitizo dun bosque que a guiará e protexerá para que poida escapar dun enfrontamento entre a Guardia Civil e un grupo de maquis comandados por unha misteriosa muller.

18 min. VOSE.

«El Gran Corelli» é unha curta dirixida por Abel Carbajal e producida pola ESCAC Films. Guión de Abel Carbajal e David Gascón. Estréouse no Festival de Sitges (ámbito nacional). Este director mozo, nado na Estrada, é unha das grandes promesas internacionais da animación. Traballa habitualmente en Laika Studios, en Portland (EE.UU), unha das factorías de stop motion máis importantes do mundo.

Sipnose: O gran Corelli é un novo e exitoso mago no cénit da súa carreira. Pero, na actuación máis importante da súa vida, comete un erro na execución do número que lle deu máis sona, «A cadeira flotante». Ese inesperado fracaso marcará o seu futuro, onde só o alcohol lle axuda a saír a escena.

7'42 min. VO (castelán).

«Hijos del Cuerdo» é unha curta con dirección, guión, fotografía, son e montaxe de Borja Santomé Rodríguez. Estrea mundial (en Cans). Con «El Reloj», Borja Santomé ganou en 2018 en Cans o Premio do Xurado á Mellor Curta de Animación. Despois dunha estadía en París presentanós a súa nova obra.

Sipnose: A través de dous personaxes e a súa viaxe ás montañas, cóntase un estraño intento de conexión coa natureza que remata na confusión, mergullándonos nun calidoscopio de imaxes e experiencias oníricas que falan do desexo de fuxir da vida urbana.

6 min. Muda con lendas en castelán.

«Mare» é unha curta con dirección, guión, fotografía e montaxe de Guille Vázquez. Protagonizada por Ede e Hugo Aja. Estréouse en Cans (ámbito galego).

Sipnose: Unha moza busca a alguén que entrou na súa casa cando intentaba durmir, aínda entre o soño e a vixilia. Baseado no cadro «The Nightmare», de Johann Heinrich Füssli (Henry Fuseli).

7'48 min. SD. Disponíbel en: Vimeo.

«Mentres Iso Pasa» é unha curta dirixida por Nacho Ozores, con produción e guión do mesmo director. Protagonizada por Denís Gómez. Estrea mundial (en Cans).

Sipnose: Nico é un mozo con teimas e compulsións que lle privan de facer unha vida normal. Precisa que pase ese inferno na súa cabeza, pero hoxe volveu chegar tarde a un adestramento. Por sorte, hai alguén que o pode axudar.

8 min. VO (galego). Disponíbel en: Vimeo.

«Papá, Por Que Quitas a Música?» é unha curta con guión e dirección de Ariadna Cordal. Protagonizada por Víctor Mosqueira, Manuel Estévez e Olga González. Estrea mundial (en Cans). Por segunda vez, unha obra desta realizadora cambadesa é seleccionada no Festival de Cans. Esta curta chega despois de que Ariadna avanzase na súa formación como cineasta no Eckerd College de Florida (EE.UU).

Sipnose: Por mor dunha situación económica adversa, un pai perde o traballo e cae nunha depresión. Cando a relación coa súa familia vai a peor, a muller e o fillo intentan axudalo.

11 min. VO (galego).

«Reality» é unha curta con dirección, guión, produción, animación, dirección de arte, montaxe, música, son e dobraxe de David Fidalgo Omil. Emprega a técnica de animación en acrílico. Estrea mundial (en Cans). Despois de ser finalista dos Goya á mellor curta de animación con Homomaquia, Mención Especial do Xurado en Cans, David Fidalgo volta de novo ao festival para presentar a súa curta máis nova.

Sipnose: Tomando como punto de partida momentos de actualidade relevantes dos anos 2019 e 2020, «Reality» é unha reflexión crítica e irónica sobre os programas da chamada telerrealidade.

8 min. VO (castelán).

«Season» é unha curta dirixida por Giovanna Lopalco e producida por Insolence Productions. Animación de Dalia Rovazzani e Giulia Landi. Estrea en Cans (ámbito galego).

Sipnose: Tres misteriosos homes vestidos de branco acompañan unha muller nunha estraña procesión. Logo de soterrar un ameazante niño de avésporas, a muller queda soa a velar o lugar. Esa paisaxe escura agocha un universo biolóxico en perpetuo movemento que transformará para sempre o corpo da protagonista.

7 min. SD.

«Todo el Mundo se Parece de Lejos» é unha curta dirixida por Rafa de los Arcos e producida por Boogaloo Films. Protagonizada por Bruna Cusí, Pep Ambròs, Dolores Santiago, Xantal Gabarró, Marina Font. Estréouse na Seminci de Valladolid, no ámbito galego é en Cans.

Sipnose: Celia volveu ao barrio. Non sabe moi ben que pasou, nin como, para que todo fose á merda en tan pouco tempo. Pero non renuncia a recuperar a su vida como sexa.

15 min. VO (castelán).

«Xoves de Comadres» é unha curta dirixida por Noemi Chantada e producida por Islandia Producciones. Protagonizada por Aurora Maestre e Noelia Castro. Estrea en Cans (ámbito galego).

Sipnose: O mundo de Aurora era coma un formigueiro vacío, ata que chegou un grilo, para revolucionar a súa soidade.

19 min. VO (galego). Disponíbel en: Vimeo.

Follas de sala: ND.

Protocolo de seguridade nos cineclubes de Galicia pola Covid-19

noreply@blogger.com (Feciga) — Tue, 01 Sep 2020 10:00:00 +0000

En base á información e ás recomendacións das autoridades sanitarias, os cineclubes de Galicia elaboraron un esquema de boas prácticas para un retorno seguro a súas actividades. Esta guía ten por finalidade informar, previr, e minimizar a incidencia da Covid–19 no noso público e as persoas que traballamos de xeito voluntario e altruista.
Deseguido detallamos o protocolo, un compendio das normas realizado pola Federación de Cineclubes de Galicia «Feciga» e que algunhos dos diferentes cineclubes utilizan xa, agardando que sirva de guieiro para outras asociacións ou cineclubes que non dispuxesen de dito documento.

– Información básica
– Recomendacións e medidas preventivas
– Medidas organizativas
– Medidas hixiénicas
– Xestión de residuos
– Medidas para o persoal voluntario/a ou traballador/a

Últimas actualizacións: 31/03/2022 ¹ · 18/12/2021 ²

1.– Información básica

O SARS–CoV–2 é un novo tipo de coronavirus que pode afectar ás persoas causándolles a enfermidade Covid-19. O período de incubación medio é de 5–6 días, variando de 1 a 14 días. O 97,5 % dos casos sintomáticos desenvólvense nos primeiros 11 días e medio tras a exposición.

Transmítese por contacto directo coas pingas respiratorias que se emiten coa tose ou o esbirro dunha persoa enferma. O seu contaxio depende da cantidade do virus nas vías respiratorias. Estas pingas infectan a outra persoa a través do nariz, os ollos ou a boca directamente; tamén podes infectarte ao tocar ditos órganos coas mans que previamente tocaran superficies contaminadas por estas pingas. Parece pouco probable a transmisión polo aire a distancias maiores de 2 metros. Actualmente considérase que a transmisión da infección comeza 1–2 días antes do inicio de síntomas. A maioría das persoas adquiren a Covid–19 doutras persoas con síntomas.

Non se sabe con certeza canto tempo sobrevive o virus causante da Covid–19 nunha superficie, pero semella comportarse como outros coronavirus. Os estudos realizados (incluída a información preliminar dispoñible sobre o virus da Covid–19) indican que os coronavirus poden subsistir nunha superficie desde unhas poucas horas até varios días. O tempo pode variar en función das condicións (por exemplo, o tipo de superficie, a temperatura ou a humidade ambiental).

Os síntomas máis comúns son febre, perda do gusto e olfato, tose, dores (musculares, cabeza e gorxa), debilidade, diarrea, vómito e/ou sensación de falta de aire. A maioría dos casos presentan síntomas leves e pode haber persoas que non presenten síntomas (asintomáticos). En casos máis graves a infección pode causar pneumonía, dificultade importante para respirar, fallo renal e mesmo o falecemento.

Os principais grupos vulnerábeis son as persoas con diabetes, enfermidade cardiovascular, incluída hipertensión, enfermidade pulmonar crónica, inmunodeficiencia, cancro en fase de tratamento activo, embarazo e maiores de 60 anos.

O maior risco de contaxio céntrase no persoal sanitario asistencial e non asistencial que atende un caso confirmado ou en investigación con síntomas, cun contacto estreito. En xeral, débense considerar de maior risco aquelas profesións nas que se poida producir un contacto estreito con persoas infectadas.

En tanto non exista un tratamento eficaz, a mellor maneira de previr a enfermidade é evitar o contacto entre persoas e cumprir coas medidas de hixiene e limpeza, sempre apelando á responsabilidade individual e colectiva para evitar a transmisión.

Se tes algún dos síntomas (febre, tose, perda do gusto, dificultade para respirar…) ou manter contacto con persoas infectadas —aínda que non teñas os devanditos síntomas—, en primeiro lugar ponte en contacto co teléfono habilitado pola Xunta de Galicia (900400116 ou co 061, só no caso de emerxencia ou gravidade), ademáis dos servizos médicos do teu traballo, aparte de NON ires a traballar, TAMPOUCO podes vir ao cineclube, terás que gardar corentena no mellor dos casos e ler un/s libro/s por exemplo.
Se tes dúbidas e pensas que podes ter a doenza, proba a facer este pequeno autotest do Sergas e sigue as súas indicacións.

2.– Recomendacións e medidas preventivas

Evita os costumes sociais que poidan facilitar a transmisión da enfermidade de persoa a persoa (por exemplo: apertón de mans, bicos, abrazos… etc)
Lava as mans con frecuencia, preferiblemente con auga e xabón ou, na súa falta, con xel hidroalcohólico. Deste xeito elimínanse os virus que poidan estar nas túas mans; sigue as indicacións sobre como debes lavar ou limpar as mans para acadar que sexan «mans seguras»
Ao tusir ou esbirrar, cúbre a boca e o nariz co cóbado flexionado ou cun pano (nese caso, tira o pano inmediatamente e lava as mans), dese xeito evitas a propagación de xermes e virus. Se esbirras ou toses cubríndote coas mans, podes contaminar os obxectos ou as persoas aos que toques
Na medida do posible, garda distancia entre ti e as demais persoas, particularmente aquelas que tusan, esbirren ou fumen (recoméndase dous metros). Cando alguén cunha enfermidade respiratoria tuse ou esbirra, proxecta pequenas pingas que conteñen o virus. Se estás demasiado preto, podes inhalar o virus e contaxiarche.
Evita tocar os ollos, o nariz e a boca, xa que as mans, no noso día a día, están en contacto con superficies e obxectos (por exemplo: os pomos das portas, mesas, bandexas…) que poden estar contaminadas co virus. Se tes que tocar obxectos, procura facelo coa man non dominante, por acto reflicto ao tocarnos a cara realizámolo coa man dominante. Se te tocas os ollos, o nariz ou a boca coas mans contaminadas, podes contaxiarche do virus.
É obrigatorio o uso da máscara hixiénica ou FFPP2/3 (sen válvula exhalatoria) en todo momento (DOG 126), estas só son eficaces se se combinan co lavado frecuente de mans con auga e xabón ou cunha solución hidroalcohólica na súa falta. Aprenda a poñela e eliminala correctamente.
Non está permitido fumar no interior do local ou salón de actos (lei 42/2010 ^{[.pdf · 164 kB]}, artigo 7) , máis se o fas no exterior restrínxese, a menos que haxa unha distancia mínima de dous metros (DOG 161 bis), pois o fume dun/ha fumador/a pode ser máis contaxioso, ao conter unha maior carga vírica polo esforzo espiratorio que este/a realiza; procura que o teu fume non se espalle pola zona de acceso ou entrada e na beirarrúa por onde circulan os peóns.
Non se permite o acceso ao salón de actos ou local, a ningunha persoa que presenten os síntomas vencellados á Covid–19 e aínda sen preséntalos, estivese agardando un diagnóstico por caso probábel ou sospeita de infección, xa que debería permanecer illado/a e gardar corentena. O cineclube, da cordo cos seus Estatutos, poderá propoñer a expulsión dun/ha asociado/a no caso dunha acción que prexudique gravemente o seu interese.

3.– Medidas organizativas

Control da capacidade do local ou salón de actos en función das súas dimensións e capacidade, a ser posíbel con persoal que vixile o límite e o acceso e saída ordeada e tamén para garantir a distancia de seguridade; no interior limítase a ocupación das butacas, alternando 2 baleiras en cada fila por cada unha que se ocupe e, variando dito reconto na fila anterior e posterior, para que non coincida sempre na mesma columna a ocupación desas butacas.
Organizárase o percorrido de entrada e saída para dirixir o fluxo de persoas, que entran e saen do local ou salón de actos, co fin de evitar o contacto; o idóneo sería organizar a entrada e saída dos/as asistentes por quendas e respectar a distancia estipulada de dous metros durante a espera, requerindo para dita tarefa de persoal voluntario para exercer dito control ou no seu caso, de cartaces coas instruccións precisas e indicativos (cinta adhesiva no chan ou postes separadores) delimitando tanto a circulación do público como a distancia mínima de separación para quenes agárdanse na cola de acceso.
O control de acceso de asociados/as e non asociados/as, sempre que sexa factíbel, fomentárase o rexistro previo e pagamento das cotas por medios electrónicos (como poideran ser Bizum, Entradium, Eventbrite…) e, no caso de non ser posíbel, o cineclube pode requerir a reserva anticipada para cada sesión, artellando un formulario web para solicitar unha quenda e obter a cota de acceso á sesión (ou entrada). Todo elo co fin de facilitar o rastrexo pola autoridade sanitaria no caso de ser preciso, para advertir dalgún posible contaxio entre os asistentes. A recolección dos datos persoais, como é o nome e teléfono, son tratados consonte ao estipulado no regulamento de protección de datos e recábase a súa autorización ao público concorrente, para que poidan ser cedidos á autoridade sanitaria se esta o requírise.
Conforme á disposición da Xunta de Galicia – Consellería de Sanidade, publicada no DOG 241 o 17 de decembro de 2021, dispón na súa orde de data 14/12/21 (medida 3ª ⅟ₐ ∙ 2), a necesidade de control no acceso aos recintos pechados, con capacidade superior a 200 persoas (500 no exterior), mediante a acreditación por parte do/a asistente dun certificado consonte ten recibido unha vacina coa pauta completa contra a Covid–19; faise preciso contar cun trebello móbil e a aplicación «PassCovid», dispoñibel para os móbiles Android e Iphone, para verificar a lexitimidade do certificado presentado á sesión ou actividade organizada. Dita medida estará en vigor até o 26/02/2022 (agás que houbese unha resolución ampliando dito prazo) segundo a autorización do TSXG.
Axustárase, reducindo ou espaciando o horario das sesións, para permitir a ventilación e renovación do aire, asemade da entrada e saída coincidente e sen aglomeracións do público á sala de proxección.
A apertura das portas de acceso, realizárase con tempo suficiente para permitir un acceso gradual, procurando establecer quendas para o noso público, que debería coñecer con dabonda anticipación.
No caso de ter máis dunha sesión, o cineclube tentará establecer un horario de atención preferencial para as persoas maiores de 65 anos nunha das súas sesións, sempre e cando, dentro das súas posibilidades organizativas e de voluntariado llo permitan.
A distribución das follas de sala, procurarase facer por medio electrónico, expoñendo para tal fin de varios cartaces (ben iluminados, de gran tamaño e espaciados para evitar aglomeracións) cun código QR, para facilitar a súa lectura coa cámara do móbil e descarga ou lectura no seu trebello. O idóneo sería facilitar ao público, no blogue do cineclube (aos que teñen dispoñíbel dita opción), no mesmo acto de publicación da programación do cineclube (polo tanto de xeito previo á proxección), dunha ligazón cara a folla de sala para a súa descarga (e impresión persoal se o creen necesario).
O foro de debate, sobre o filme proxectado, organizárase exclusivamente por medios telemáticos no blogue, web ou as redes vencelladas ao cineclube.

4.– Medidas hixiénicas

Disposición de produtos para a hixiene das mans, solución hidroalcohólica para uso público no acceso/saída do local ou salón de actos e xabón e panos desbotables no cuarto de aseo (ou secador automático no seu defecto).
Reforzar as tarefas de limpeza e desinfección do local e das superficies que se tocan máis, como pode ser o mostrador no acceso, os pomos de portas, os reposabrazos das butacas, a computadora, os aseos…). Limpar a área utilizada cando hai trocos no persoal voluntario e ao finalizar a xornada. Empregar só produtos recomendados polas autoridades sanitarias.
Ventilar con máis frecuencia, ao menos durante 15 minutos, abrindo as portas e xanelas de par en par, ou no seu defecto con equipos suficientes de ventilación. No caso de dispor dun sistema de climatización, verificar o correcto funcionamento (por parte do servizo técnico compentente) e que empreguen filtros especiais para a renovación do aire, evitando a recirculación e os equipos equipos de recuperación da calor.

5.– Xestión de residuos

Xestionar os residuos ordinarios de modo habitual, separando para reciclar no contedor correspondente.
O material de hixiene persoal (luvas, máscaras ou panos) desbotaranse en papeleiras ou contedores con tapa, pedal e bolsa recambiables sen necesidade de separar para reciclar. Despois de pechala adecuadamente, debe de introducirse nunha segunda bolsa de lixo. Inmediatamente despois realizarase unha completa hixiene de mans, con auga e xabón, polo menos 40-60 segundos.
Depositarase no recolector de lixo fracción resto (ou orgánicos) agás os envases baleiros de hidroxel, que se poderán tratar como os residuos ordinarios e botar no contedor amarelo (se é de plástico).

6.– Medidas para o persoal voluntario/a ou traballador/a

Identificar ao persoal voluntario/a especialmente sensíbel, é dicir, persoas con doenzas previas de diabetes, hipertensión, cardiovascular, inmunodeficiencia, cancro en tratamento activo, mulleres grávidas, maiores de 60 anos e tamén doenzas crónicas de pulmón, hepática e/ou renal, adoptando as medidas pertinentes para minimizar o risco de contaxio, restrinxido á atención directa co público.
Facilitar, máscaras para a súa protección e para a limpeza e desinfección, aparte do xel hidroalcohólico ou/e xabón, deterxente habitual, lixivia ou outros produtos autorizados, luvas desbotables e colocar contedores con tapa, pedal e bolsas de resposto.
Evitar compartir material como a computadora, o lector de código de barras, o teléfono móbil, o proxector ou calquera outro, sen limpalo previamente.
Evitar xuntanzas presenciais, fomentando a utilización da videoconferencia, como puidese ser a solución tecnolóxica de JitSi ^{[.pdf · 3,7 MB]}.

O presente protocolo, en función da evolución favorábel da infección pola Covid–19 no noso país, estivo en revisión permanente até o mes de marzo do 2022, data na que se considera non aplicar a meirande parte das medidas expostas, agás que empeorase esta situación.

Última actualización: marzo 2022

Ligazón relacionada:
Portal informativo do Sergas: coronavirus.sergas.gal

Documentos relacionados:
Cartaz da «Feciga» Pautas Covid-19: .pdf ^· [2 MB] | .png ^{· [1'2 MB]}
Protocolo de seguridade ^{[.pdf • 1'2 MB]}

Suspensión temporal das actividades dos cineclubes de Galicia

noreply@blogger.com (Feciga) — Sun, 15 Mar 2020 20:00:00 +0000

O comunicado ^{[.pdf · 87 kB]} da Federación de Cineclubes de Galicia «Feciga» en relación á Covid–19 enviado aos medios o 15 de marzo de 2020.

Tras a declaración do estado de alarma por parte do Goberno (RD 463/2020 do 14 de marzo), a «Feciga» e os seus cineclubes asociados interromperon temporalmente a súa actividade.

Queremos mostrar o noso maior agradecemento público a cuantos están a dedicar os seus maiores esforzos para prestar os servizos esenciais e condolencias a familiares e amigos pola perda dos seus seres queridos.

A noso público pedímoslle comprensión e trasladámoslles a mensaxe de responsabilidade persoal e colectiva ao que están permanentemente apelando as autoridades sanitarias e administrativas.

Pola túa saúde e a dos demais, Queda na casa!.

Moito ánimo e forza!

Todo volverá!

Nuncha choveu que non escampe

Tarde ou cedo todo pasará,
e lembraremos a primavera de 2020
como aquela época na cal descubrimos
a importancia das pequenas cousas,
as que nos fan ser como somos.

Lembraremos as prohibicións,
lembraremos as estatísticas,
lembraremos o medo,
lembraremos as perdas humanas (e tamén as económicas),
lembraremos aquelas persoas que traballaron sen descanso
para coidarnos e sacarnos adiante,

Lembraremos como nos unimos
todos os días ás 8 da noite.

Tarde ou cedo sairemos desta…
E todo volverá!

25N Cineclubes en Negro

noreply@blogger.com (Feciga) — Fri, 15 Nov 2019 10:00:00 +0000

A Federación de Cineclubes de Galicia «Feciga», súmase á campaña «En negro contra as Violencias», co gallo do día Internacional contra a violencia de xénero o 25 de novembro (25N).
Os cineclubes entenden que a loita contra as violencias e a procura da igualdade real entre homes e mulleres é unha cuestión de educación e que vai máis aló das campañas institucionais da Administración; por iso, coa colaboración e complicidade do director Álvaro Gago, programa as curtametraxes «Suc de Síndria» de Irene Moray e «16 de Decembro» de Álvaro Gago Díaz, nas datas, cineclubes e lugares que deseguido se detallan:

18 de novembro:

Ás 20 h., No cineclube Carballiño, Auditorio Municipal Manuel María, O Carballiño (Ourense)

21 de novembro:

Ás 20 h., No cineclube Valle–Inclán, Auditorio Vello Cárcere, Lugo (Lugo)

22 de novembro:

Ás 21 h., No cineclube Cangas, Auditorio Municipal, Cangas (Pontevedra)

24 de novembro:

Ás 20 h., No cineclube A Lanterna, Casa da Cultura, Viana do Bolo (Ourense)

25 de novembro:

Ás 18 h., No cineclube Padre Feijoo, Casa da Cultura, Ourense (Ourense)
Ás 18 h., No cineclube Os Papeiros, Cinema Palleiriso, Garabelos (Lugo)
Ás 20:30 h., No cineclube Lumière, Auditorio Municipal, Vigo (Pontevedra)

O acceso á sesión dos cineclubes participantes, en todas as localizacións, é de balde até completar a capacidade do lugar.

Cartaz deseñado por SusoPB (cineclupePF)

As curtametraxes

«Suc de Síndria» é unha curta dirixida por Irene Moray e producida por Distinto Films. Protagonizada por Elena Martin e Max Grosse. Estréouse na Belinale.

Sipnose: Bárbara e Pol vanse uns días de vacacións. Rodeados de natureza e amigos, buscan pasalo ben e á vez atopar un espazo tranquilo para gozar da súa intimidade. Co apoio de Pol, no medio da natureza, entre bágoas e risas, Bárbara aprende a soltarse, sanar vellas feridas e redefinir a súa sexualidade.

22 min. VOSE.

Folla de sala: ND.

Manifesto 25 de novembro

En Negro Contra as Violencias

Nesta edición de «En negro contra as violencias» todos os axentes implicados na implementación da campaña aunamos as nosas voces nunha mensaxe común de rexeitamento das violencias machistas, ao longo de todo o ano, pero moi especialmente neste 25 de novembro, Día Internacional para a Eliminación das Violencias Contra As Mulleres. Deste xeito, amosamos públicamente o noso compromiso na loita contra todo tipo de violencias exercidas contra as mulleres, comprometéndonos a sensibilizar neste senso no ámbito administrativo, comercial, de ensino e no tecido asociativo.

«A violencia de xénero non é un problema que afecte ao ámbito privado. Pola contra, maniféstase como o símbolo máis brutal da desigualdade existente na nosa sociedade. Trátase dunha violencia que se dirixe ás mulleres polo feito mesmo de selo, por ser consideradas, polos seus agresores, carentes dos dereitos mínimos de liberdade, respecto e capacidade de decisión…»

Exposición de Motivos da LO 1/2004, de 28 de decembro de Medidas
de Protección Integral contra a Violencia de Xénero _{[BOE-A-2004-21760]}

A Federación de Cineclubes de Galicia «Feciga», xunto a outros cento vintecinco concellos, milleiros de establecementos, empresas e colectivos que están a tinguir Galicia, unímonos a esta acción social contra as violencias machistas para manifestar a máis absoluta repulsa ante todo tipo de violencias contra as mulleres, e de xeito máis enérxico, a súa consecuencia máis extrema, os asasinatos.

Este ano —segundo datos oficiais— foron asasinadas 51 mulleres en España, sen contar as mortes «colaterais», asasinadas por estar ao lado da vítima, por ser irmá, filla ou nai. No caso de Galicia o contador suma xa cinco. Cinco mulleres foron asasinadas a mans de homes dos que pretendían afastarse: Maria José, Sandra, Alba y María Elena en Valga e Mari Carmen en Vilalba. A rabia e o desconsolo fainos seguir avanzando nesta andaina, e empúrranos a vestir de negro como símbolo de loito, pero tamén de loita.

Sabemos que a morte é a última e máis extrema das violencias machistas, pero que son moitas máis e de moi diferentes formas as violencias que rodean e perseguen ás mulleres. Nos últimos meses atopámonos coa dobre agresión que sofren as mulleres vítimas de violacións en grupo e de sentenzas que subestiman a situación de indefensión ante os agresores. Para afrontar todas estas violencias, é preciso recoñecer as graves fendas de xénero existentes no ámbito social, económico, cultural; compre atallar as causas estruturais e sociais que sustentan estas desigualdades a través de políticas reais para a promoción da igualdade e a prevención das violencias, contemplar recursos humanos e económicos para o seu correcto desenvolvemento, no ámbito da educación, da xustiza, dos coidados… por iso, este ano, queremos precisamente incidir na prevención, facendo o chamamento de CONTRA AS VIOLENCIAS, EDUCACIÓN!

Tamén queremos denunciar a complicidade de quen acubilla e silencia estas violencias, porque quen actúa con complicidade e mirando para outro lado, tamén é culpable!

Desde a Federación de Cineclubes de Galicia «Feciga» queremos reiterar neste 25 de novembro, o noso compromiso na loita pola erradicación das violencias contra as mulleres e combatelas con todos os recursos ao noso alcance, e incluír a todas e a todos nesta loita, axentes sociais, institucións, cidadanía, medios de comunicación… recoñecendo a importancia do papel das entidades locais en tanto poderes públicos próximos ás realidades que viven as mulleres e as crianzas.

Xuntas, en rede, será máis doado seguir!

#EnNegro #ContraAsViolencias #GaliciaEnNegro

II edición «Cinema para coidar a Terra»

noreply@blogger.com (Feciga) — Wed, 04 Sep 2019 10:00:00 +0000

Cineclube Os Papeiros organizaou en Garabelos no cinema Palleiriso o pasado sábado 7 de setembro, unha nova xornada adicada ao medio ambiente, con obradoiros sobre ecoloxía e cinema, a segunda edición, onde contamos coa presenza de Bocixa, membros das plataformas contra a minería de Touro, Teo…, Belén Veleiro, o Señor Lili e Pulpiño Viascon (e de todos e todas os que nos queirades acompañar).
Haberá música, faladoiros e conversas, xantar campestre e roteiros co lema «Cinema para coidar a terra» II.

Deseguido tedes a programación celebrada nese día:

11:00 h. Recepción con bio-almorzo.

11:30 h. Presentación da xornada.

11:45 h. Proxección do traballo audiovisual «Cinema para coidar a terra 2018» e «Marcos» de Manuel Valcárcel.

12:00 h. O audiovisual e a divulgación ambiental na rede. Proxección de traballos ambientais e de patrimonio da canle Ribeira Sacra.

14:00 h. Xantar campestre

15:00 h. Café debate, o cinema como plataforma de acción ambientalista. Moderado por Bocixa con membros das plataformas de loita contra a contaminación (Touro, Teo…)

16:00 h. Actuación musical da Musicleta co Señor Lili e Pulpiño Viascon

17:00 h. Proxección e debate «Estruturas, Pel contra Pel» de Paco Gallego e Xosé Bocixa

18:30 h. Roteiro ambientalista e de gravación audiovisual até o Carballo Grande de Pousada —500 anos— (2 km. ida e volta)

20:00 h. Despedida coa proxección de «Miñoca» de Iago de Santa e estrea da curtametraxe rodada en Belesar «A Pescadora» de Edu Lavandeira

Actividades Infantís (para nenas e nenos, grandes e pequenos)

Obradoiro de stop-motión con material de refugallo, recortes… a cargo de Belén Veleiro
Banda sonora forestal con elementos da natureza
Proxección en super-8 no horreo de documentais de animación de Felix Rodriguez de la Fuente
Proxeccions «Árbores no Bandullo» coa Cinecleta

Podedes obter máis información no seguinte formulario ou ~~inscribirte~~ no enderezo de carballoconbotas[@]hotmail.com ou ben, no teléfono/WhatsApp [+34] 648 075 831.

Debuxo: Servando Barreiro

A xornada contou coa colaboración da Federación de Cineclubes de Galicia «Feciga»

Podedes ollar o álbum de fotos da xornada anterior e se o desexades, engadir as túas desta nova quenda. Lembra que utilizamos a licenza Creative Commons BY–NC–SA

«Primeirolhar» 2019

noreply@blogger.com (Feciga) — Fri, 15 Mar 2019 11:00:00 +0000

Como todos os anos, esta aberto o prazo de inscrición, ao premio «PrimeirOlhar», promovido pola Associação de Produção e Animação Audiovisual «Ao-Norte» de Viana do Castelo (Portugal), e no que os cineclubes de Galicia e Portugal, outorgan un premio de 1.000 € , para o gañador do dítame do xurado, a celebrar entre o 7—12 de maio de 2019, dentro dos «XIX Encontros de cinema de Viana do Castelo» (Portugal).
Neste encontro de cineclubes de Galicia e Portugal, xunto con profesionais de cinema, alumnos de escolas, participan tamén escolas internacionais, (de xeito non competitivo) no que amosan os seus traballos e xeito de formación.

O obxectivo, é promover o documental entre os alumnos e alumnas das escolas de cinema, audiovisual e comunicación das escolas de Galicia, Portugal, Brasil e países lusófonos. O prazo esta aberto até o 30 de marzo de 2019.

A duración máxima do traballo fílmico debe ser inferior a 30 minutos (excepcionalmente poderíanse presentar traballos que superen dita duración), podendo participar con cantos traballos desexen.

Máis información e ficha de inscrición en http://www.encontrosdecinema.pt/primeirolhar.php

A AGA concédenos o premio de honra «José Sellier» nos «Mestre Mateo»

noreply@blogger.com (Feciga) — Sat, 23 Feb 2019 12:00:00 +0000

A Academia Galega do Audiovisual (AGA) decidiu outorgarlle á Federación de Cineclubes de Galicia «Feciga» o premio de honra «José Sellier», que cada ano recoñece iniciativas salientables no sector audiovisual.

Premio «José Sellier» – XVII Mestre Mateo 2018

O actual presidente da «Feciga» Manuel Precedo (cineclube Padre Feijoo), recolleu o galardón na xuntanza cos finalistas da XVII edición dos premios Mestre Mateo 2018, que se celebrou (o pasado venres 22) no Palexco da Coruña e no que asistiron os/as finalistas de todas as categorías, a directora da gala Sonia Méndez, Ana Míguez e autoridades.
Con este premio, a Academia quere poñer en valor aos cineclubes, que son un dos principais promotores da cultura cinematográfica perante a sociedade, subliñando que no seu ámbito, o audiovisual convértese nun elemento de debate e estudo, forxándose espectadores receptivos e críticos ca sétima arte.

Este premio especial quere honrar a figura do fotógrafo Joseph Sellier Loup, nado en Givors (Auvergne-Rhône-Alpes, Francia) o 13 de agosto de 1850 e establecido na Coruña, procedente de Lyon (onde os irmáns Lumière dirixían a súa empresa foto-cinematográfica), por ser (segundo os xornais e revistas da época) o primeiro operador cinematográfico que rodou as primeiras imaxes en Galicia, na Coruña a partires de 1897, das que por desgraza ningunha non foi conservada.
Anteriormente, diversas entidades tamén recibiron o recoñecemento da AGA a súa traxectoria co premio «José Sellier» dentro da convocatoria anual dos premios do Audiovisual Galego «Mestre Mateo», como os Multicines Norte de Vigo, a sala Numax de Compostela e o cineclube Pontevedra.

A Academia Galega do Audiovisual (AGA) é unha asociación sen ánimo de lucro que agrupa a creadores e profesionais do audiovisual (cinema, televisión, multimedia, publicidade, vídeo…), cuxa función é fomentar o desenvolvemento das artes e das ciencias relacionadas directa ou indirectamente co audiovisual en Galiza, promovendo e defendendo a imaxe pública do conxunto dos profesionais do sector, destacando a súa organización anual (desde 2002) dos premios «Mestre Mateo».

O noso agradecemento polo galardón, que facemos extensíbel como merecedores de tal distinción a tódolos cineclubes de Galicia.

Galería de imaxes coa entrega do premio no Palexco da Coruña

Resultados da primeira enquisa nos cineclubes de Galicia

noreply@blogger.com (Feciga) — Wed, 13 Jun 2018 10:55:00 +0000

A primeira conclusión ao sondaxe efectuado pola Federación de Cineclubes de Galicia «Feciga» é que o público avalía cun notable a súa programación e nun 80% prefiren os filmes en versión orixinal subtitulada (VOS).

A nosa intención, con esta enquisa, era obter unha primeira aproximación ou percepción que ten o público, sobre o traballo que desenvolven os cineclubes. Así, sobre a base dunha vintena de cuestións e por medio dun formulario web, preguntábase aos/ás asistentes que desexaron participar, preguntas sobre a preferencia por datas e horarios, que estimaban mellor para as sesións dos cineclubes aos que asisten, a avaliación da súa programación, instalacións, coñecemento do sitio web e onde obteñen principalmente a información da programación, que lles motiva para a súa asistencia, se desexan participar nalgún foro, proxección de curtas, filmes en versión orixinal subtitulada (castelán ou galego), orixinal ou dobradas… e se estiman que estas debesen ser de balde ou con algunha cota de acceso.

O traballo de campo desenvolveuse durante algo máis dun ano e participou de xeito totalmente voluntario o público dunha ducia de cineclubes (dos 19 que compoñen a «Feciga»). Os/as socios/as e seareiros/as do cineclube ourensán Padre Feijoo e do lugués Valle-Inclán participaron activamente (e por conseguinte a marxe de erro da enquisa é menor); por contra a participación do cineclube na comarca do Deza foi minoritaria.

Por destacar algunhas das cuestións expostas, no caso da asistencia, a gran maioría dos que asisten ás sesións (73%) son socios ou socias, de xénero maioritario feminino (62%), un 57% asisten a todas as sesións (a media de sesións celebradas é de 4 ao mes) e destes aínda hai quen asistiría a máis (18%), sobre un 43% que o fan á metade delas. Inflúe sobre a súa asistencia ás sesións, a sipnose ou a dirección do filme (59% e 49% respectivamente) e o desmotiva, a data (47%) e a duración (30%).

Sobre as proxeccións, os filmes en versión orixinal subtitulada (VOS) teñen o apoio maioritario, un 54% prefíreas en castelán e un 35% en galego.

Ligazón relacionada:

Presentación dos resultados [.pdf • 170 MB]

Enquisa sobre o traballo dos cineclubes

noreply@blogger.com (Feciga) — Sun, 04 Dec 2016 22:00:00 +0000

Mediante a técnica da enquisa, nos permiten aos cineclubes de Galicia coñecer a opinión dos nosos espectadores/as, socios/as e cidadáns do traballo que estamos a desenvolver.

A principal vantaxe da enquisa fronte a outras técnicas é a súa versatilidade ou capacidade para recoller datos sobre unha ampla gama de necesidades de información. Con todo, tamén presenta certas limitacións ou inconvenientes como son:

A posible renuncia do/a enquisado/a a fornecer a información que se desexa obter.
O/A enquisado/a pode ser incapaz de achegar a información requirida por múltiples motivos (que non lembre feitos, non os coñeza, non distinga entre diferentes situacións, etc.)
O propio proceso de indagación pode influír nas respostas do enquisado por cansazo no interrogatorio cando a enquisa é excesivamente longa, por dar respostas socialmente aceptadas, etc.

Para tratar de reducir estas limitacións ou inconvenientes, deseñamos unha enquisa (nesta primeira fase) moi sinxela, controlando a información con respostas tipo, porén precisamos recoller un gran universo de persoas para tratar de reducir o marxe de erro e axustarnos de xeito fiable ao voso modo de pensar, como nos percibides e para mellorar naquelas cousas que non o estamos a facer ben.

Non só os pedimos información sobre o noso traballo, tamén que avaliedes os filmes proxectados nos cineclubes da túa bisbarra, os que acadaches ver, para elo, na axenda da «Feciga» podes atopar unha listaxe cos cineclubes asociados, que ao premer na ligazón correspondente, reflicte os filmes programados ao longo deste ano que remata. O siloxismo de coñecer como desenvolvemos o noso traballo e a avaliación dos filmes programados danos a inferencia necesaria para acadar a excelencia diante de expectadores/as esixentes coma a ti. Moitas grazas polo voso apoio e polo voso tempo.

Ligazóns relacionados:

Resultados da enquisa sobre o traballo dos cineclubes

Relatorio de asistencia e recadación na proxección solidaria

noreply@blogger.com (Feciga) — Mon, 16 May 2016 07:00:00 +0000

Do 10 ao 15 de maio de 2016 proxectouse en seis (dos 14) cineclubes adheridos á Federación de Cineclubes de Galicia «Feciga» (principalmente das provincias de Ourense e Pontevedra), o filme «Ma'a al-Fidda» (Silvered Water, Syria Self Portrait) de Wiam Bedirxan e Ossama Mohammed, unha proxección solidaria —grazas a colaboración de Paco Poch Cinema— co obxectivo de recadar fondos, e destínalos ás organizacións Médicos sen Fronteiras MSF e o Comité Español do ACNUR, apoiando (co noso pequeno gran de area) o traballo que desenvolven a favor dos refuxiados.

O importe da doazón estableceuse en SEIS EUROS para todos os asistentes ás proxeccións nos cineclubes participantes, con todo houbo aportacións que superaban dita cantidade e esta foi ingresada na fila CERO destinada ao efecto.

De seguido, reflíctese a asistencia e recadación obtida ordenada por localidade:

Asistencia e recadación por localidade
Localidade	cineclube	asistencia	recadación
Total 184 persoas 1.104 €
Barco, O (Ourense)	Groucho Marx	5	30
Cangas (Pontevedra)	Cangas	40	240
Carballiño, O (Ourense)	Carballiño	16	96
Ourense (Ourense)	Padre Feijoo	53	318
Vigo (Pontevedra)	Lumière	4	24
Vilagarcía (Pontevedra)	Ádega	66	396

Consonte ao noso compromiso, amosamos xustificantes das transferencias enviadas cara as organizacións Médicos Sen Fronteiras (MSF) e o Comité Español do ACNUR.

^{Xustificantes das transferencias efectuadas cara MSF e ACNUR}

Agradecer moitísimo ás persoas que se achegaron a nosa primeira proxección solidaria, aos cineclubes participantes polo seu esforzo e traballo desinteresado, de sempre porén especialmente nesta ocasión, e aos que non puideron asistir, teñen a súa disposición as páxinas de ditas organizacións, para colaborar economicamente na medida das súas posibilidades; de novo moitísimas grazas!.

Proxección solidaria

noreply@blogger.com (Feciga) — Wed, 04 May 2016 16:13:00 +0000

A Federación de Cineclubes de Galicia «Feciga» organiza, xunto cos cineclubes Ádega, Cangas, Carbaliño, Groucho Marx, Lumière e Padre Feijoo, a proxección solidaria do filme «Ma'a al-Fidda» (Silvered Water, Syria Self Portrait) de Wiam Bedirxan e Ossama Mohammed, co obxectivo de recadar fondos e destinalos integramente ás organizacións Médicos sen Fronteiras MSF e o Comité Español do ACNUR, na campaña que desenvolven a favor dos Refuxiados de Siria.

Dita proxección é posible, grazas á colaboración de Paco Poch Cinema.

Sobre o filme a crítica dixo:
Proposta inusual e emocionalmente devastadora (…) documental sobrecolledor, á marxe das normas fílmicas
(Lluís Bonet Mojica, La Vanguardia)
«Syria Self-Portrait» …queda para a posteridade como unha auténtica obra mestra que antepón a arte, como última esperanza, ás sanguentas derivas do ser humano
(Philipp Engel, Fotogramas)
Un documental necesario e a miúdo difícil de soportar que dá testemuño dos horrores da guerra civil
(Jay Weissberg, Variety)

As datas e cineclubes participantes da «Feciga» son:

(por data)

10 de maio, martes: cineclube Padre Feijoo (Ourense‬)
11 de maio, mércores: cineclube Cangas (Cangas‬)
13 de maio, venres: cineclube Ádega (Vilagarcía‬)
14 de maio, sábado: cineclube Lumière (Vigo)
15 de maio, domingo: cineclube Carballiño (O Carballiño)
15 de maio, domingo: cineclube Groucho Marx (O Barco‬)

(orde alfabético dos cineclubes)

cineclube Ádega: venres 13 de maio ás 21 h. no salón García, Vilagarcía
cineclube Cangas: mércores 11 de maio ás 21 h. no Auditorio Municipal, Cangas
cineclube Carballiño: domingo 15 de maio ás 19 h. no Auditorio Municipal, O Carballiño
cineclube Groucho Marx: domingo 15 de maio ás 19 h. na Casa da Cultura (Teatro Lauro Olmo), O Barco
cineclube Lumière: sábado 14 de maio ás 20:30 h. no Auditorio Municipal, Vigo
cineclube Padre Feijoo: martes 10 de maio ás 18, 20:30 e 23 h. na Biblioteca Pública, Ourense

A cota de acceso por sesión é a mesma para todos os cineclubes, 6 euros, que che lembramos destínase na súa totalidade para a campaña dos Refuxiados desenvolta por ‪MSF e ‪ACNUR, soportando os custes a «Feciga» e cineclubes participantes.
Ao rematar todas as proxeccións, publicarase neste mesmo blogue, o resultado da recadación e asistencia, asemade dos xustificantes de envío ás organizacións destinatarias.

Senón podes asistir, podes facer unha doazón en liña, nos seguintes sitios web:
Iniciativas Solidarias de MSF • Doazón a ACNUR

Sobre as organizacións destinatarias da nosa acción solidaria…

Médicos sen Fronteiras ao non poder establecer estruturas sanitarias estables dentro de Siria, debido á extrema violencia empregada contra os seus centros despregados e traballadores, apoia aos médicos sirios de xeito clandestino, en calquera dos sectores en conflito, con estruturas improvisadas e fornecendo asistencia técnica, material e de menciñas.
ACNUR fornece refuxio, axuda e asistencia nos países veciños á zoa en conflito, asistencia de emerxencia (económica para menciñas) e alimentos.
Desgraciadamente o conflito, lonxe de solucionarse despois de seis anos, precisa máis que nunca das organizacións humanitarias e elas, do teu/noso xeneroso apoio.

Agardámosvos a todos e todas nos cineclubes, e senón podes vir, colabora na medida das túas posibilidades, ben economicante ou axundando a espallar esta inciativa; infinitas grazas pola túa colaboración e/ou asistencia.

Velo avance

Silvered Water, Syria Self Portrait

Titulo orixinal:
Ma'a al-Fidda (Eau argentèe, Syrie autoportrait)

Lingua: Árabe e Francés · VOSE

Ano: 2014

País: Siria

Duración: 93 min.

Director: Wiam Bedirxan e Ossama Mohammed

Guión: Wiam Bedirxan e Ossama Mohammed

Música: Noma Omran

Fotografía: Wiam Bedirxan e Ossama Mohammed

Reparto: Wiam Bedirxan…

Produtoras:
ARTE / Les Films D’ici / Proaction film

Xénero: documental

Calificación: Film Affinity (7/10)

Sinopse: En Siria, os rapaces filman e morren todos os días. Namentras que outros matan e filman, en París, o director sirio Ossama Mohammed só pode filmar ao ceo e editar as imaxes de «You Tube». Da tensión que provoca a distancia do seu país e do encontro cunha nova cineasta kurda, Wiam Bedirxan, coa que parola, xurde a pregunta «Se estiveses en Homs ca túa cámara, que filmarías?». O filme conta a historia dese encontro.

Folla de sala: Silvered Water, Syria Self Portrait ^{[.pdf • 288 kB]}

Video: You Tube [. mp4 • 13 Mb]

Querería estar segura de que só estamos a celebrar o éxito da creación e a beleza. Mais non consigo quitar da cabeza o sentimento de que o que está a ser aplaudido é a nosa morte

Wiam Siam Bedirxan (Libération)

«Primeirolhar» 2016

noreply@blogger.com (Feciga) — Tue, 16 Feb 2016 19:00:00 +0000

Como todos os anos, esta aberto o prazo de inscrición, ao premio «PrimeirOlhar», promovido pola Associação de Produção e Animação Audiovisual «Ao-Norte» de Viana do Castelo (Portugal), e no que os cineclubes de Portugal e Galicia, outorgan un premio de 1.000 € , para o gañador do dítame do xurado, a celebrar entre o 10—15 de maio de 2016, dentro dos «XVI Encontros de cinema de Viana do Castelo» (Portugal).
Neste encontro de cineclubes de Galicia e Portugal, xunto con profesionais de cine, alumnos de escolas, participan tamén escolas internacionais, (de xeito non competitivo) no que amosan os seus traballos e xeito de formación.

O obxectivo, é promover o documental entre os alumnos das escolas de cinema, audiovisual e comunicación das escolas de Galicia, Portugal, Brasil e países lusófonos. O prazo esta aberto até o 31 de marzo de 2016.

A duración máxima do traballo fílmico debe ser inferior a 30 minutos, e pódese participar con cantos traballos desexen.

Máis información e ficha de inscrición en http://ao-norte.com/encontros/2016/primeirolhar.php

Convenio de colaboración · 2015

noreply@blogger.com (Feciga) — Thu, 12 Mar 2015 19:00:00 +0000

A Axencia Galega das Industrias Culturais «Agadic» e a Federación de Cineclubes de Galicia «Feciga» asinaron un convenio de colaboración para o desenvolvemento neste ano, dun programa de ciclos e semanas de cinema, nunha ducia de localidades en Galicia, mediante o que a Axencia da Consellería de Cultura, Educación e Ordenación Universitaria contribúe con 24.000 euros co obxectivo de contribuir ao mantemento dunha programación estable nos cineclubes galegos, e impulsando a súa labor de difusión cultural e da produción galega en particular.

O director da «Agadic» Jacobo Sutil e o presidente da «Feciga» Manuel Precedo no momento de asinar dito acordo. Imaxe: Agadic

A «Feciga» agrupa a práctica totalidade dos cineclubes existentes en Galicia, botou a andar en 1984 e, desde entón, vén funcionando como xestora destas asociacións, ao tempo que presta servizos de asesoramento e organiza proxectos de difusión cinematográfica con diferentes entidades públicas e privadas. Este labor de promoción é especialmente destacado no caso do cinema galego, que se exhibe tamén en Portugal en colaboración coa Federação Portuguesa de Cineclubes.

«Primeirolhar» 2015

noreply@blogger.com (Feciga) — Sun, 30 Nov 2014 23:01:00 +0000

Como todos os anos, esta aberto o prazo de inscrición, ao premio «PrimeirOlhar», promovido pola Associação de Produção e Animação Audiovisual «Ao-Norte» de Viana do Castelo (Portugal), e no que os cineclubes de Portugal e Galicia, outorgan un premio de 1.000 € , para o gañador do dítame do xurado, a celebrar entre o 4—10 de maio de 2015, dentro dos «XV Encontros de cinema de Viana do Castelo» (Portugal).
Neste encontro de cineclubes de Galicia e Portugal, xunto con profesionais de cine, alumnos de escolas, participan tamén escolas internacionais, (de xeito non competitivo) no que amosan os seus traballos e xeito de formación.

O obxectivo, é promover o documental entre os alumnos das escolas de cinema, audiovisual e comunicación das escolas de Galicia e Portugal. O prazo esta aberto até o 14 de marzo de 2015.

A duración máxima do traballo fílmico é de 30 minutos, e pódese participar con cantos traballos desexen.

Máis información e ficha de inscrición en http://www.ao-norte.com/encontros/2015/primeirolhar.php

30 aniversario da Federación de Cineclubes de Galicia «Feciga»

noreply@blogger.com (Feciga) — Sat, 21 Jun 2014 00:53:00 +0000

Trinta anos cúmprense no mes de xullo do 2014, da posta en marcha (en Vilagarcía) da Federación dos Cineclubes de Galicia «Feciga» e grazas á tenacidade de Sexismundo Bobillo Morgade, Ana Fernández, Miguel Anxo Fernández, Luis Rodríguez Taus, X. M. Rodríguez, Anxo Santomil e Marcos Valcárcel López, que por aquela época formaban parte dalgunho dos cineclubes que confluían na Federación en Galicia… (Adega, Barbanza, Cangas, Carballiño, Carballo, Os Chaos, Galiñeiro, «Groucho Marx», «Padre Feijoo», Pontevedra, Toma 3 e «Valle-Inclán»).
Temos moito que festexar e agradecer, sabemos que queda moito traballo por desenvolver, somos conscientes das tarefas que quedan por diante, da súa urxencia e importancia; así que celebrémolo hoxe e, mañán voltaremos ao noso traballo vital, de axudar a crear un mundo crítico co feito audiovisual.

Vídeo: You Tube ^{[. mp4 · 2'3 MB]}

Establecendo certa semellanza ca época de «Modern Times» (Tempos Modernos) de Charles Chaplin, nun tempo difícil como o contexto da crise actual, a pesares de todos os atrancos cumprimos trinta anos e vós trasladamos visualmente en imaxes esa analoxía, con este vídeo conmemorativo destos 30 anos; sírvete de espállalo por onde consideres convinte, agora é voso!

Tamén temos un bonito cartaz (deseño de Iñaki Nóvoa) para o «Encontro de cineclubes» e inauguración do «cinema Palleiriso» que imos celebrar o sábado 28 de xuño de 2014 en Chantada, por si queres imprímilo e colocalo en espazos públicos (autorizados); espállalo!.

Descargar cartaz ^{[.jpg • 7'3 MB]}

Encontro de cineclubes

Para conmemorar o trinta aniversario, faremos un encontro de cineclubes en Chantada, o sábado 28 de xuño de 2014.

Con dita xuntanza, a Federación de Cineclubes de Galicia «Feciga» aposta por dar un pulo ao cineclubismo rural; deste xeito non dúbidamos en axudar ao cineclube Papeiros e súa aposta polo «cinema Palleiriso», unha antigua palleira situada moi preto de Chantada, en Garabelos (parroquia de San Martiño de Mariz), reconvertida en sala de proxeccións.

De seguido, amosámosche o programa de actos previsto…

10:30 h. Recepción de participantes e cineclubes.

11:00 h. Campo de traballo no cinema Palleiriso.

14:00 h. Sesión vermú co «Trío Motobomba», composto polo dueto de Cristina Asenjo R. (acordeón) e Samuel S. Figueiras (guitarra e voz), agardando contar co acompañamento dos presentes, para cantar e tocar temas tradicionais ao máis puro estilo festivo-tabernario.
Cristina é habitual dos Sonoro Maxín, do que Samuel participou até hai ben pouco.

14:40 h. Xantar de leira.

16:15 h. Coloquio—debate sobre o cinema no rural.

18:30 h. Inauguración do «cinema Palleiriso» con música e cinema.
Haberá unha sesión de cinema en 16mm a cargo de Cris Lores (cineclube Pontevedra) e o cinema dixital aportado polos cineclubes; contaremos cunha escolma dos traballos feitos por Charlie Chaplin (para conmemorar o centenario do seu primeiro filme).

21:00 h. Remate da xuntanza.

«Primeirolhar» 2014

noreply@blogger.com (Feciga) — Fri, 07 Mar 2014 23:00:00 +0000

Como todos os anos, esta aberto o prazo de inscrición, ao premio «PrimeirOlhar», promovido pola Associação de Produção e Animação Audiovisual «Ao-Norte» de Viana do Castelo (Portugal), e no que os cineclubes de Portugal e Galicia, outorgan un premio de 1.000 € , para o gañador do dítame do xurado, a celebrar o 4 de maio de 2014, dentro dos «XIV Encontros de cinema de Viana do Castelo» (Portugal).
Neste encontro de cineclubes de Galicia e Portugal, xunto con profesionais de cine, alumnos de escolas, participan tamén escolas internacionais, (de xeito non competitivo) no que amosan os seus traballos e xeito de formación.

O obxectivo, é promover o documental entre os alumnos das escolas de cinema, audiovisual e comunicación das escolas de Galicia e Portugal. O prazo esta aberto até o 28 de marzo de 2014.

A duración máxima do traballo fílmico é de 30 minutos, e pódese participar con cantos traballos desexen.

Máis información e ficha de inscrición en http://www.ao-norte.com/encontros/2014/primeirolhar.php

proxección de «Entreparadas» na rede de cineclubes de Galicia

noreply@blogger.com (Feciga) — Tue, 07 Jan 2014 18:00:00 +0000

A historia de 16 persoas anónimas que atesouran experiencias vitais únicas é o pretexto de «Entreparadas»; así José, con parálise cerebral e Felisa, inmigrante invidente, que comparten unha experiencia que marcará as súas vidas con outras persoas provenientes de diferentes colectivos (asociación contra o cancro, centro psiquiátrico, unidade de violencia de xénero, vítimas de accidentes de tráfico, aula municipal do maior, discapacitados AIXIÑA, menores con medidas xudiciais e outros voluntarios/as).

Estos son os lugares e datas de proxección:

O Carballiño (cineclube Carballiño)
10 de xaneiro, sesións: 20 e 23 h. no Auditorio Municipal

Ourense (cineclube Padre Feijoo)
15 de xaneiro, sesións: 18, 20:30 e 23 h. na Biblioteca Pública Nodal.

O Barco de Valdeorras (cineclube Groucho Marx)
16 de xaneiro, sesións: 20:15 e 22:15 h. no teatro Lauro Olmo

Vigo (cineclube Lumiêre)
20 de xaneiro ás 20:30 h. no Auditorio da praza do Rei

Pontevedra (cineclube Pontevedra)
22 de xaneiro 2014, sesións: 20 e 22 h. no Teatro Principal

Ribadavia: Museo etnolóxico
24 de xaneiro ás 20:30 h. no propio Museo, na rúa de Santiago

Lugo (cineclube Valle-Inclán)
29 de xaneiro 2014 ás 20 h. no salón de actos da Deputación

Allariz na Fundación Vicente Risco
20 de febreiro 2014 ás 20 h. rúa San Lorenzo 3

Cambados
22 de febreiro 2014

Velo avance do filme: You Tube ^{[. mp4 • 15'1 Mb]}

Título: «Entreparadas»
Ano: 2012
País: Galicia, España
Director: Toño Chouza [+ info]
Guión: Toño Chouza
Música: Nico Casal e O Sonoro Maxín
Fotografía: Toño Chouza e Pablo Chouza
Reparto: Silvia Adán , Maguett Anne, Teresa Da Silva, Marisol Delgado, Beatriz Docabo…
Duración: 62 min.
Productores: PAT Galicia | Ébora Cast (Maxi Cid, María Liaño, Jorge Coira)
Exhibición: HDV 16:9 · Cor
Idiomas: castelán e galego · VOS (versión orixinal subtitulada)

Sipnose:
Esta historia conxuga teatro e inclusión social nun escenario diferente; as liñas dun autobús municipal. Conta unha experiencia e reflicte os momentos máis emotivos de 16 persoas que son heores reais da vida cotiá.

Premios e mencións:
2013 Collado Villalba · Fecidiscovi: Mellor filme

Crítica:
"A potencia das historias alí recollidas era tal que era imposible desconectar nin un segundo do que os protagonistas contaban. Un grupo de persoas con diversos problemas xúntanse para realizar varias pezas teatrais nun autobús. Historia de superación, de valor e, sobre todo, de optimismo. Un optimismo e unha vitalidade que provoca que sexa imposible non romper a chorar ante unhas historias que abraian en todos os sentidos. Agardo que o documental chegue ao maior número de pantallas posible, non só polo seu carácter narrativo senón polo seu alto valor didáctico. Non dubiden en ir a velo se teñen ocasión!…"
Brais Romero (Praza Pública)

Folla de sala: Entreparadas ^{[.pdf • 72 Kb]}

Non deixedes de comentarnos as impresións que vos suscita este filme, neste blogue ou en calquera dos blogues dos cineclubes onde proxéctase, ou ben nas redes sociais nas que participan, apreciamos os vosos comentarios.

Encontros de cineclubes 2013

noreply@blogger.com (Feciga) — Tue, 12 Nov 2013 01:26:00 +0000

Este é programa oficial:

sábado 16 de novembro:

10:30 h. Benvida.

11:00

h. Inauguración.

11:30 h. Actividades de cinema: Obradoiro didáctico de dobraxe de filmes.

Promovido polo IES Daviña Rei (Monforte de Lemos, rúa Doutor Casares 63)

12:30 h. Programación, distribución: «O fin dos 35mm».

con Emma Fernández, da equipa de difusión da Filmoteca de Catalunya.

14:30 h. Descanso para xantar

Lugar: Restaurante Los Goya, rúa Carud 68—70 — Monforte

17:00 h. Coloquio: Cineclubismo.

Interveñen representantes dos cineclubes de Portugal, Catalunya e Galicia.

19:00 h. Conferencia: «Imaxe e cine» polo produtor e documentalista freelance Manuel Valcarce.

20:00 h. Conferencia: «Produción» con Iván Patiño (cofundador de Amanita Films).

Proxección da súa curta «Deil»

21:30 h. Descanso para a cea

Lugar: Restaurante Los Goya, rúa Carud 68—70 — Monforte

domingo 17 de novembro:

11:30 h. Proxección: «Asolagados» de David Vázquez
(Galiza, 2013)

Nas augas dos ríos escóndense peixes, pedras, árbores… pero tamén camiños, lembranzas, vidas… asolagadas…
Grazas á colaboura da «Asociación Educativo-Cultural Airoá Comunicación», «Televinte» e «Chantada Comunicación S.L», o documental trata de recuperar a memoria dos pobos asolagados polo encoro de Belesar no ano 1963.
Filme procedente do convenio do OUFF coa «Feciga» para a distribución de filmes do festival ourensán pola rede dos cineclubes galegos.

Mencións: OUFF 2013 sección paralela, panorama Galicia.
Guión: Alfonso Eiré
Música: Chechu Carballido, A Quenlla

Sipnose: Documental sobre a xente e os seus pobos (Abideira, Porto, Castro Candaz, Santa marta, Pincelo, Ponte Fortes, A Samugueira, San Paio, Mourulle, Portomeñe, A Hermida, Ribó…), anegados polo encoro de Belesar en 1963. Imaxes e sons da Ribeira Sacra e do río miño: dos restos das casas, das ádegas, das árbores… e especialmente, das dez testemuñas que viviron nestes lugares antes da construcción do salto e que se viron obrigadas a deixalo todo.

Formato de exhibición: DVD · VO.

12:30 h. Visita guiada Museo do Viño.

14:30 h. Descanso para xantar

Lugar: Restaurante Los Goya, rúa Carud 68—70 — Monforte

17:00 h. Proxección: «Matisse se escribe con dos eses» de Alberto Lobelle
(España, 2010)

Certames e Festivais: Documenta Madrid 11, Aljazeera International Documentary Film Festival 2011, Cronograf 9, Cinestrat 2011, Medimed 2011, 43º Muestra Cinematográfica del Atlántico - Alcances.

Reparto: Grupo de cativos da Escola Aberta de Arte de Ferrol

Sipnose: en calquera lugar do mundo aparece, da forma máis natural, o prodixio da aprendizaxe, o asombro do descubrimento. O documental amosa a un grupo de nenos da Escola Aberta de Arte de Ferrol durante un ano, as primeiras emocións deslízanse ante a nosa mirada, momentos verdadeiros, únicos e precisos, nunha sucinta biografía da infancia.

Formato de exhibición: mov 16:9 HD · VO (español)

19:00 h. Remate e clasura dos «Encontros» 2013

· Monforte de Lemos.

Todas as actividades desenvolveranse no Centro do Viño da Ribeira Sacra, rúa do Comercio 6.

Ligazóns relacionadas:

Sitio web: http://ir.gl/Encontro-Cineclubes-2013

Programa de man Encontro Cineclubes 2013 - Monforte ^{[.pdf • 2'7 Mb]}

Relatorio sobre a situación do cine comercial en Galicia (2007-2012)

noreply@blogger.com (Feciga) — Sun, 01 Sep 2013 19:06:00 +0000

Evolución e comportamento dos cines en Galicia (período 2007—2012)

Data do relatorio: Agosto 2013
Universo: Galicia

Extracto: Estudo sobre como evolucionou a asistencia de espectadores, recadación, e número de salas no período que abranque do 2007—2012

Galicia perdeu 349.891 espectadores desde que comezou a crise.

Se consideramos o punto de partida da crise, no ano 2008, o comportamento da asistencia ao cine, desde o ano 2007—2012, é moi desigual.

Hai unha tendenza xeral de perda de espectadores, agás no ano 2009, coa estrea de «Avatar» (do mesmo xeito, sucedeu co filme de J. A. Bayona «Lo Imposible» (O Imposible) no 2012, que maquillou unha catástrofe de non ser pola citada fita).

A única provincia que se mantén actualmente, e que ten apenas un saldo positivo é (sorpresivamente) Ourense, que é a que menos salas de cine ten. Conflúen ademais os cineclubes máis activos e de máis alta participación de espectadores, sendo ademais o cineclube «Padre Feijoo», con 8.000 espectadores, un dos cineclubes con mais asistencia de todo o estado español.

Pola contra, a provincia que máis espectadores perdeu é Pontevedra, con 189.453 espectadores menos, desde o ano 2007; (a variación no resto das provincias é, A Coruña - 141.842, Lugo - 18.596, e Ourense + 123).

Porén a pesar dos valores negativos de asistencia, o incremento de recadación foi notable, debido sobre todo, a que o prezo das entradas subíu por encima do propio IPC. Nese aspecto chama a atención a provincia de Pontevedra, que no ano 2010 con menos espectadores que o ano anterior, recada moito máis (8.915.267,00 €)

A provincia con máis recadación é A Coruña, ao contar con máis salas, pero se calculamos o volume de espectadores, coa disponibilidade de salas, o ratio de asistencia ou competitividade das salas —no último ano— correspóndelle o liderazgo á provincia de Ourense, con 22.819 espectadores por cada sala. Síguelle Pontevedra con 21.268 espectadores, 19.522 en A Coruña, e pecha Lugo, con 15.298 espectadores.

Neste período, a provincia que máis incrementou o número de salas é A Coruña, e pola contra a que máis perdeu é Pontevedra.

Por iso, non necesariamente a pesar das reiteracións simplistas, o problema do cine non é soamente a piratería, nen a suba espectacular do IVE (que aínda que contribúen), cremos que ten máis relación no descenso, os continuos incrementos no prezo das entradas nun periodo de forte recesión económica e laboral.

Tampouco existe unha distribución do cine noutros formatos (agás nas grandes cidades coas infraestruturas de fibra estendidas, ou nos grandes centros comerciais, e só produtos mainstream), a labor das filmotecas sigue moi centralizada, e o apoio aos cineclubes —aínda que moi escaso— non permite chegar ás periferias rurais, para así espallar ou manter unha costume pola sétima arte. Neste panorama, hai que engadir un aínda máis ruín; a desaparición dos pequenos cines familiares e de barrio, que albiscan unha grella aínda máis pobre e sen competitividade.

Ao factor económico, pódense engadir varios matices subxectivos; pouca variedade ou calidade na grella cinematográfica, público obxectivo (target) dos multiplex, únicamente enfocado a públicos non formados e de consumo sinxelo, e pouco respecto á producción propia e alonxada das grandes produccións, que son ignoradas polos medios de comunicación xeral e incluso local (é lamentablemente que moitos medios, non informan da programación cultural, nin manteñen unha axenda do día da súa bisbarra).

Neste último aspecto, é salientable a labor que os medios de comunicación poden facer polo cinema, como foco non só indiustrial, senón tamén cultural e educativo. Porén, é habitualmente ninguneada e sistemáticamente oscurecida a programación que mesmo realizan os cineclubes a nivel local. As seccións culturais desapareceron, ou non existen para as actividades locais, para ocupar ese espazo preeminente, o deporte e as novas sociais sobre a vida de determinados personaxes, que son fabricadas por axencias de prensa.

Evolución no período 2007—2012 dos datos estadísticos dos cines por provincia
Datos polo miúdo

provincia de **A Coruña**
Ano	Espectadores	Salas	Recadación	Prezo ^*
2012	1.815.631	93	11.879.804,29 €	6'5 €
2011	1.787.499	85	11.788.923,71 €	6'6 €
2010	1.794.507	73	12.021.372,07 €	6'7 €
2009	2.003.592	74	12.167.209,65 €	6'1 €
2008	1.880.593	66	10.516.035,25 €	5'6 €
2007	1.957.473	72	10.399.163,90 €	5'3 €

^* Na cidade, o prezo é de 1 euro máis aproximadamente.
Variación global do IPC (2007—2012) en A Coruña: 17% (España: 16'4%)
Variación do prezo das entradas en A Coruña: 18'4%

provincia de **Lugo**
Ano	Espectadores	Salas	Recadación	Prezo ^*
2012	351.859	23	2.124.866,54 €	6 €
2011	357.045	23	2.086.671,20 €	5'8 €
2010	343.639	23	2.011.920,80 €	5'8 €
2009	386.645	24	2.135.853,80 €	5'5 €
2008	355.965	24	1.835.659,30 €	5'1 €
2007	370.455	25	1.888.218,80 €	5'1 €

^* Na cidade, o prezo é de 1 euro máis aproximadamente.
Variación global do IPC (2007—2012) en Lugo: 16'9% (España: 16'4%)
Variación do prezo das entradas en Lugo: 15%

provincia de **Ourense**
Ano	Espectadores	Salas	Recadación	Prezo ^*
2012	273.827	12	1.891.096,55 €	7 €
2011	268.778	12	1.791.414,30 €	6'6 €
2010	265.255	13	1.691.532,90 €	6'3 €
2009	285.310	12	1.701.864,00 €	5'9 €
2008	263.039	12	1.521.181,90 €	5'7 €
2007	273.704	16	1.569.643,50 €	5'7 €

^* Na cidade, o prezo é de 1 euro máis aproximadamente.
Variación global do IPC (2007—2012) en Ourense: 15'9% (España: 16'4%)
Variación do prezo das entradas en Ourense: 18'5%

A provincia que menos salas de cine posúe, destaca por un comportamento moi estable, e incluso cunha lixeira subida. Aínda que non estan tabulados datos do ano 2013, e non constan na grella oficial estatística do ICAA, o 5 primeiros meses do cineclube «Padre Feijoo», subíu a asistencia nun 30% máis con respecto ao mesmo periodo anterior.

provincia de **Pontevedra**
Ano	Espectadores	Salas	Recadación	Prezo ^*
2012	1.318.646	62	8.840.795,92 €	6'7 €
2011	1.298.712	62	8.691.167,43 €	6'7 €
2010	1.301.423	64	8.915.267,00 €	6'8 €
2009	1.488.812	65	9.156.349,45 €	6'1 €
2008	1.424.027	68	8.165.490,70 €	5'7 €
2007	1.508.099	73	8.427.388,31 €	5'6 €

^* Na cidade, o prezo é de 1 euro máis aproximadamente.
Variación global do IPC (2007—2012) en Pontevedra: 16'3% (España: 16'4%)
Variación do prezo das entradas en Pontevedra: 16'4%

No ano 2013, a cidade de Pontevedra, perdeu os seus únicos cines, mantidos polo grupo Ábaco, do que falaremos nun apartado especial. A asistencia aos citados cines, no ano anterior rondaba tan só os 104.000 espectadores

Fontes:
Memoria de datos de asistencia e recadación (Ministerio de Cultura)
Evolución IPC (Instituto Nacional de Estatística)
Evolución prezos e Datos cineclubes (Cineclubes de Galicia)

Premio «PrimeirOlhar» para alumnos e alumnas das escolas de cinema

noreply@blogger.com (Feciga) — Sun, 10 Mar 2013 22:37:00 +0000

Como todos os anos, esta aberto o prazo de inscrición, ao premio «PrimeirOlhar», promovido pola Associação de Produção e Animação Audiovisual «Ao-Norte» de Viana do Castelo (Portugal), e no que os cineclubes de Portugal e Galicia, outorgan un premio de 1.000 € , para o gañador do dítame do xurado, a celebrar o 11 de maio de 2013, dentro dos «XIII Encontros de cinema de Viana do Castelo» (Portugal).
Neste encontro de cineclubes de Galicia e Portugal, xunto con profesionais de cine, alumnos de escolas, participan tamén escolas internacionais, (de xeito non competitivo) no que amosan os seus traballos e xeito de formación.

O obxectivo, é promover o documental entre os alumnos das escolas de cinema, audiovisual e comunicación das escolas de Galicia e Portugal. O prazo esta aberto ata o 5 de abril de 2013.

A duración máxima do documental, é de 30 minutos, e pódese participar en cantos traballos se desexen.

Máis información e ficha de inscripción en http://ao-norte.com/primeirolhar.php

Resumo do ano 2012

noreply@blogger.com (Feciga) — Sun, 30 Dec 2012 23:00:00 +0000

Os cineclubes de Galicia, no seu conxunto, desenvolveron unha intensa actividade durante o pasado ano (periodo outubro 2011—2012).

Aparte dos incrementos de filmes proxectadores, 15 máis que o periodo anterior, sigue a destacar a varidade filmográficas dos países (+5) (en contraposición á programación dos multiplex de xeito case monográfico)

Destaca a provincia de Ourense, por canto coincide que, o cineclube que máis actividades propias realizou durante este periodo (2011—2012) foi o cineclube Carballiño con 111 produccións entre curtas e longametraxes, enchendo ademáis de cine, unha localidade carente de oferta privada.

Ademáis, o cineclube que destaca por enriba incluso dos cineclubes de Galicia, é o cineclube «Padre Feijoo» de Ourense, con 8.222 espectadores (222 espectadores de media por filme). Siguen en número de espectadores o cineclube «Groucho Marx» do Barco de Valdeorrras e Carballiño (O Carballiño, Ourense).

O Ministerio de Cultura, calcula unha media de 35 persoas por día, e o CGAI, recoñece (2009) 37 espectadores de media por sesión.

O filme que máis espectadores congregou foi «Carnage» (Un Deus Salvaxe) de Roman Polanski , con 471 espectadores do cineclube Padre Feijoo de Ourense.

As produccións máis exhibidas pola rede dos cineclubes de Galicia, foron dous filmes finlandeses «Sokkotanssi» (O baile a cegas) e «Eila», (froito dun acordo de colaboración co Instituto Iberoamericano de Finlandia) e a excelente cinta iraniana «Jodaeiye Nader az Simin» (Nader e Simin, Unha Separación).

O producción galega «Arrugas» sitúase en segunda posición, destacando este ano o volume de coproduccións españolas e francesas.

O nivel de financiamento dos cineclubes, atópase estable con relación á mesma cantidade —establecido en 24 mil euros— pactada coa Axencia Galega de Industriais Culturais (Agadic), e reducíuse considerablemente polos concellos, ocasionando compromisos municipais "ficticios" nas programacións, sen que se artelle unha estabilización orzamentaria.

Calcúlase un volume de negocio, que beneficia ás distribuidoras, produtoras, transportes, salas e publicidade, en cento un mil catrocentos euros (101.400 €)

Datos de filmes e espectadores por cineclube:

Número de filmes proxectados: 338

Número de espectadores: 25.020 espectadores

Variedade de produccións: 40 Países

Filmes máis proxectados: El Baile a Ciegas (5) , Eila (5) e Nader y Simin, Una Separación (5)
Filme galego máis proxectado: Arrugas (4)
Filmes con máis espectadores: Un Dios Salvaje (471) e Nader y Simin, Una Separación (442)

cineclube de Compostela
33 proxeccións · 1.155 espectadores

cineclube «Valle-Inclán»
18 filmes · 1.000 espectadores

cineclube Os Papeiros
12 filmes · 1.040 espectadores

cineclube A Calexa
13 filmes · 463 espectadores

cineclube «Padre Feijoo»
37 filmes · 8.222 espectadores

cineclube «Groucho Marx»
24 filmes · 3.754 espectadores estimados

cineclub Carballiño
111 filmes · 3.550 espectadores

cineclube Cangas
19 filmes · 855 espectadores estimados

cineclube Poleiro
10 filmes · 300 espectadores

cineclube Pontevedra
29 filmes · 2.150 espectadores

cineclube «Lumière»
32 filmes · 1.984 espectadores estimados

Este ano ademáis, xunto co cineclube «Valle-Inclán», organizouse un «Encontro de Cineclubes», no que participaron cineclubes de Galicia, Portugal e Castela León. (Lamentablemente de Euskadi non puido vir ninguén)

O encontro servíu para presentar 2 traballos documentais, que daran que falar no ano 2013; «Entreparadas» de Toño Chouza, e «A Última Viaxe do Afiador» de Aitor Rei, así como para presentar o proxecto de distribución, co Festival de Cine Internacional de Ourense (OUFF), que agardamos ultimar e concretar a primeiros do ano 2013.

Por último, só nos queda, desexar que o ano que ven, o bo cinema quente os desanxeados augurios…

Video: You Tube [. mp4 • 2 Mb]

Encontros de cineclubes 2012

noreply@blogger.com (Feciga) — Sun, 14 Oct 2012 22:00:00 +0000

Este é o programa oficial:

sábado 27 de outubro

10:00 h. Entrega de credenciais.

11:00 h. Inauguración.

11:30 h. Documentais galegos: Presentación «Entreparadas» de Toño Chouza.

Proxección do tráiler (producido por Jorge Coira e María Liaño). Coloquio coa equipa artística.

12:45 h. Documentais galegos: Presentación «A Última Viaxe do Afiador» de Aitor Rei.

Proxección do teaser (producido por Boneca Lareta). Coloquio co director.

14:30 h. Descanso para xantar

17:00 h. Tertulia: A situación do cineclubismo.

Interveñen representantes dos cineclubes de Asturies, Castilla y León, Euskadi e Galicia. Relatorio estadístico dos cineclubes 2011-2012 ^{[.pdf • 00 Kb]}

18:00 h. Proxección: «Cineastes Contra Magnats» (Cineastas Contra Magnates)
de Carlos Benpar (España 2005)

Ensaio cinematográfico en defensa dos dereitos morais dos cineastas fronte ás manipulacións que sofren os filmes desde os orixes do cinema ata hoxe. O documental ten a súa continuación en «Cineastas en Acción» (2005)

Fotografía: Xavier Camí & Tomás Pladevall

Reparto: Marta Belmonte, Arthur Penn, Liv Ullmann, Richard Fleischer, Stanley Donen, Jack Cardiff, Sydney Pollack, Woody Allen, Milos Forman

Premios: Goya mellor documental (2005)

Guión: Carlos Benpar & Ferran Alberich
Música: Xavier Oró & Pep Solorzano
Sipnose: Relata as alteracións acontecidas no medio audiovisual ao longo da historia, desde o troco de velocidade dos filmes mudos ata o coloreado electrónico de fitas rodados en branco e negro, unha loita que soe enfrontar o espiritu creador contra o manipulador e que, diante de todo, pretende ser un manifesto na defensa dos dereitos morais do autor cinematográfico sobre a súa obra diante das manipulacións ás que "obriga" o medio audiovisual.

19:45 h. Conversa con Carlos Benpar
(director de «Cineastas Contra Magnates» e «Cineastas en Acción»)

21:30 h. Descanso para a cea

domingo 28 de outubro

11:00 h. Conferencia de Martin Pawley «Os números do cinema», «Sempre nos quedarán os festivais (e os cineclubes)».

12:30 h. Visita turística guiada por Felipe Arias Vilas, Director do Museo do Castro de Viladonga.

14:30 h. Descanso para xantar

17:00 h. Proxección: «Bloedbroeders» —Blood Brothers— (Irmáns de Sangue) de Arno Dierickx
(Holanda, 2008)

Ópera prima do director, baseada en feitos reais.
Fita que procede do convenio do OUFF coa «Feciga» para a distribución de filmes do festival ourensán pola rede dos cineclubes galegos.

Premio: «Carlos Velo» mellor director (OUFF 2009).

Guión: Bert Bouma & Jan Bernard Bussemaker
Música: Johan Hoogewijs

Reparto: Erik van Heijningen, Matthijs van de Sande Bakhuyzen, Derk Stenvers, Sander van Amsterdam
Sipnose: Tres xoves agochan a seu amigo Ronnie, un criminal perseguido pola policía, no ático da inmensa vila na que viven dous dos rapaces. Ronnie se refuxia na casa sen que os pais dos rapaces nin o persoal da casa se percaten de nada. Ao principio, a situación divierte aos rapaces, ata o día en que Ronnie se convirte nunha carga e empeza a chantaxearlles. E xa non se atreven a bótalo.

Todas as actividades desenvolveranse no salón de actos da Deputación Provincial de Lugo, rúa San Marcos, n° 8.

Ligazóns relacionadas:

Sitio web: http://ir.gl/Encontro-Cineclubes-2012

Programa de man Encontro Cineclubes 2012 - Lugo ^{[.pdf • 6'32 Mb]}

Cartaz Encontros: tamaño A3 ^{[.png • 4'13 Mb]}

Tránsito á normalidade

noreply@blogger.com (Feciga) — Tue, 20 Mar 2012 23:00:00 +0000

Mentras a naturaleza fílmica nos convoca aos desastres, nun tenso e fermoso tránsito; a Administración con competenza en Galicia, nos resolve —pola fórmula do convenio— das necesidades e paixóns agochadas, por fenómenos «diplomáticos», tralo pasado encontro de cineclubes en Ourense.

Mentras, camiñaron con nós desalentos infructuosos, descubrimos amigos/as, cineclubes, e momentos máxicos, que algún día subiremos a este blogue.

Quedou para sempre a poesía de Lois Pereiro, o humor e a sabeduría de Julio, Fátima, Jorge…, encanto de Galicia, Portugal e Catalunya, e sobre todo alento dos espectadores que día a día enchen —en maior o menor medida— as salas dos cineclubes.

As conclusións dos encontros, encargáronnos establecer unha rede alternativa, da que poñemos a disposión 2, dos tres títulos achegados. («Mercado de Futuros» e «O poema o cadro o disco»)

^{Foto do cartaz de «Mercado de Futuros» Alberto Rodríguez © 2011}. ^{A dereita, imaxe de «El Poema El Cuadro El Disco» Fotografía: Pier Alonso}

Agardamos, entrar na normalidade, a pesar das nubes, e seguir fortalecendo espazos de proxección en Galicia.