Koha Shqiptare

Çuditë 100% shqiptare

2015-09-30T02:33:00.001-07:00

Askujt të mos i duket e çuditshme, por
banorët e fshatit Shkopet, në shekullin e XXI-të kanë vetëm një mënyrë
për t’u lidhur me njëri-tjetrin. Dikur kanë pasur një urë, ndërsa sot
kanë vetëm një varkë të improvizuar. Një varkë, me të cilën ata duhet të
komunikojnë çdo ditë. Fëmijë, gra, të moshuar...duke luajtur mes jetës e
vdekjes.

Nëse dikujt Tirana mund t’i duket larg,
edhe pse është jo më shumë se 60 minuta, apo qyteti i Laçit rreth 17
kilometra e Miloti vetëm 12 km, mjafton të përmendësh faktin se rruga
nacionale e pret në mes Shkopetin. Pra, ky realitet nuk ndodhet zonave
të thella e të humbura, që mund të shërbenin si justifikim, por aty tej,
ku kalojnë të gjitha makinat, qoftë edhe ato të zyrtarëve të lartë.

“Frikë
kemi, jo vetëm në dimër, por edhe në verë. Sepse kur lëshohen turbinat
me forcë të plotë, edhe në verë, e përlajnë varkën dhe njerëzit i çon
poshtë”, thotë Pashk Përgjoka, banor.

Problemi me urën në Shkopet
ka kohë që vazhdon. Ka mbi 5 vite, që banorët e tij duhet të mendojnë
si të hidhen në krahun tjetër. Me shpenzimet e tyre, ata e riparuan
njëherë në vitin 2009, por vetëm një vit më pas, prurjet e mëdha të ujit
e morën bashkë me gjithçka kishte, përfshirë edhe kavot e hekurta, mbi
të cilat ajo mbështetej.

Që nga ajo kohë, askush nuk është
kujtuar më për banorët e Shkopetit. Nga ana e tyre, ata e kanë të
pamundur ta rregullojnë sërish. Kjo, si pasojë e shpenzimeve të shumta,
që kërkojnë kavot dhe pjesa tjetër e strukturës. Tashmë, Shkopeti me
rreth 70 familje, thuajse 30 për qind të banorëve i ka në krahun tjetër,
të izoluar nga lumi Mat dhe me të vetmen mundësi për të kaluar një
varkë, nëse mund të quhet e tillë.

Shtëpitë duken të fshehura mes
gjelbërimit dhe maleve, që i japin një bukuri të rrallë. Të kalosh tej
është si të hidhesh në një botë tjetër. Thuajse të gjithë të moshuarit,
që jetojnë në këtë anë, kanë mbi 5 vite të izoluar. Ata nuk hipin në
varkë, kjo sepse, nëse do të binin në lumë, do ta kishin të pamundur të
shpëtonin. Thellësia e tij në këtë periudhë shkon rreth 6 metra, ndërsa
në dimër mbi 10 m, pa llogaritur sigurisht forcën e rrjedhës, që
ndryshon në varësi të motit.

“Këtu është shumë e vështirë. Dimrit
është e pamundur të dalësh. Verës ia bëjmë si ia bëjmë, sepse ka pak
ujë. Ndërsa dimrit është e pamundur. Disa nuk mund të dalin fare, kanë
frikë dhe rrinë në shtëpi”, thotë Emikled Malci, djali që drejton
varkën.

Gjithçka bëhet edhe më e vështirë, më e rendë, nëse kanë një të sëmurë, apo më keq, një mort. E raste të tilla nuk kanë munguar.

“Mua më ka vdekur xhaxhai dhe kam bërë varrimin në shtëpinë e tjetërkujt, jo në shtëpinë e tij”, thotë Zef Zefi.

“Kemi
pasur faktikisht një rast me një të sëmurë. Arritëm ta nxirrnim te
shtëpitë andej matanë, por edhe ai, për fat të keq vdiq. Ia kemi bërë
mortin matanë”, thotë Mark Deda.

Herët, Shkopeti ka pasur mjaft
aktivitet, që ofronte edhe punësim. Jo thjesht për banorët e zonës, por
edhe për të tjerë të ardhur nga e gjithë Shqipëria. Kjo, sepse veç
hidrocentralit, ishin edhe guroret, mirëmbajtja, miniera, sektori i
tregtisë, kooperativa e pyjorja. Një zonë e zhvilluar, nga e cila
banorët nuk kishin pse të largoheshin. Ndryshe ka ndodhur në këto 25
vite. Veç të mbeturve, një pjesë e madhe janë detyruar, pavarësisht
vështirësive të shumta ekonomike, të zbresin me qira nëpër qytetet
pranë. Një largim me kokën pas, nga ky vend ku kanë jetuar prej brezash e
brezash, çfarë dëshmohet edhe nga mbetjet e një kalaje ilire, që
fshihen sipër mbi tunelin e Shkopetit.

“Shumë njerëz kanë
braktisur vendin. Kanë ikur nga këtu, qoftë me shtëpi me qira, qoftë
jashtë në emigracion. Nuk mund të kthehen më këtu, sepse nuk kanë ku të
shkojnë, ku do t’i shkollojnë fëmijët. Është vënë në rrezik jeta”, thotë
Zef Zefi.

Shtëpitë, në masë dërrmuese janë rrënuar. Diku nga
largimi i njerëzve, e diku nga pamundësia për të sjellë këtu, qoftë edhe
mjetet më minimale për të bërë një riparim. Furnizimet në prag të
dimrit bëhen për më shumë se 6 muaj. Kjo, sepse fryrja e lumit e bllokon
këtë pjesë për një kohë të gjatë.

“Të vdesë dikush nga kjo
lagje, a nga familja jonë, veç kur ta shtiem në fund të arës. S’kemi nga
të kalojmë për ta dërguar deri në varreza. As për mort dhe as për dasma
s’kemi rrugë nga të shkojmë. Le të na ndihmojnë e ta bëjnë këtë urë, se
nuk ka edhe shumë punë. Duhet të na shpëtojnë, sepse të mbytet një derr
në ujë edhe bëhet gjëma, jo më të të mbytet një njeri”, thotë një
banore.

Ndoshta një pamje të tillë do të mund ta gjeje në çdo
kartolinë, nëse ky fshat do të ishte pjesë e alpeve zvicerane,
austriake, franceze a diku tjetër. Ndërsa në Shqipëri, ai bëhet pjesë e
çudirave 100 për qind shqiptare.

“Kjo është lënë në mëshirë të
fatit, asnjë lloj investimi. Vijnë të huaj. Rrinë dy-tri ditë, e shohin
që s’ka urë, s’ka as shërbimin më të vogël, atëherë ikin”, thotë Sandër
Malci.

Banorët e Shkopetit nuk po kërkojnë luks, dhurata, as që
dikush t’u japë parà. Ata kërkojnë veç një urë, që të lidhen me
njëri-tjetrin, një urë që të kalojnë e të jetojnë si njerëz normalë, pa
dashur të luajnë çdo ditë mes jetës e vdekjes.

Apo mos vallë duhet pritur më parë, që dikush të vdesë, e më pas të themi se “kjo urë duhej bërë”...

/ Top Channel

Kur arbitri u kundërpërgjigjet grushtave me armën e brezit

2015-09-30T02:26:00.001-07:00

Jemi mësuar shpesh me përplasje mes futbollistëve dhe gjyqtarëve, pas ndonjë vendimi qartësisht të padrejtë por edhe kur vendimet e tyre normale konsiderohen si të padrejta nga njëra palë në fushë.

https://youtu.be/GRkTScncsAQ

Por në Brazil, reagimi i një arbitri gjatë një ndeshjeje amatore ka lënë të shtangur të gjithë. Ai ka nxjerrë armën e tij të brezit gjatë një grindjeje me lojtarët e një ekipi në fushë, e për këtë arsye tashmë do të përballet edhe me masa disiplinore.

Gabriel Murta, që siç bën të ditur Federata braziliane e Futbollit është oficer policie, është goditur dhe rrahur gjatë një ndeshjeje amatore të fundjavës në periferitë e Belo Horizontes, ndërkohë që trajneri i njërit prej ekipeve kishte hyrë në fushë për t’i kërkuar llogari arbitrit për mosnxjerrjen e kartonit të kuq.

Pamjet tregojnë se gjyqtari, në shmangie e sipër nga sherri, nxjerr pistoletën nga të mbathurat e tij dhe ua drejton lojtarëve, por për fat ishin ndihmësit e tij që e ndalën.

Shefi i Shoqatës së gjyqtarëve lokalë, Giuliano Bozzano, tha se Federata e Minas Gerais do të shqyrtojë rastin e Murtas dhe për këtë ka punësuar edhe një psikolog.

Basha: Pres edhe Kolegjin

2011-05-24T09:16:00.000-07:00

I shpallur fitues, pas një mbledhjeje të gjatë maratonë mbrëmjen e djeshme në KQZ, Lulzim Basha ka dalë në një konferencë shtypi, i qeshur, por jo euforik.

Deklarata e zotit Basha ishte në sinkron të plotë, me ato që kryeministri Sali Berisha tha mesditën e djeshme, në mbledhjen e grupit parlametar, ku anoncoi fitoren e kandidatit demokrat.

"Tashmë duket qartë se ka shumë entuziasëm dhe unë jam brenda kësaj atmosfere. 81 qytetarë më shumë votuan për mua dhe këtë e tregoi rezultati i KQZ-së. Unë do të pres deri në përfundimin e procesit, që duhet të vazhdojë në përputhje me ligjin dhe me besim të plotë te institucionet dhe shteti ligjor. Pasi të jenë shqyrtuar të gjitha kërkesat, nga të gjithë palët do të kryhet certifikimi përfundimtar i rezultatit. Më pas ne të gjithë duhet të bashkohemi për ta cuar Tiranën shumë përpara, ashtu sic ajo e meriton", tha Basha.

Numërimin e cdo vote, zoti Basha e ka cilësuar, si një fitore të demokracisë, pasi sipas tij kjo përmbushi atë që mishërohet në Kushtetutën e Republikës së Shqipërisë dhe atë Europiane të Drejtave të Njeriut.

"Cdo votë është numëruar dhe është dëgjuar zëri i cdo qytetari. Kjo është një fitore e demokracisë, është një fitore e vërtetë. Dua të falenderoj të gjithë qytetarët që votuan në këto zgjedhje. Ju i dhatë zërin tuaj këtij procesi", tha Basha.

Butler: Rezultati eshte shqetesues

2011-05-24T08:30:00.000-07:00

Komisioni Europian pret rezultatin e procesit zgjedhor në Shqipëri. E pyetur nëse Komisioni do të njohë rezultatin përfundimtar për garën e Tiranës, zëdhënësja e Komisionerit Fule, Natasha Butler shpjegoi se do të merret parasysh dhe saktësia ligjore e vendimmarrjes nga KQZ.

"Pikë së pari, në lidhje me pyetjen se a do ta njohë Komisioni Europian rezultatin e këtyre zgjedhjeve lokale në Shqipëri. Sigurisht që në fillim ne mbajtëm shënim publikimin, dje, nga Komisioni Qendror i Zgjedhjeve të rezultatit për zgjedhjet për kryetarin e bashkisë së Tiranës. Por në vërejtëm gjithashtu çështjen e llogjikës ligjore të vendimeve të KQZ-së, për të numëruar të ashtuquajturat vota të hedhura gabimisht, eshte nje ceshtje shqetesuese. Procesi zgjedhor nuk ka përfunduar ende", tha Natasha Butler, zedhenese e KE-se per zgjerimin.

Procesi zgjedhor konsiderohet i paperfunduar, sepse sic sqaroi Butler, per komisionin eshte e rendesishme edhe menyra sesi do te trajtohen ankesat.

"Ne do të vazhdojmë të ndjekim nga afër plotësimin e procedurave të apelit dhe publikimin e rezultateve përfundimtare, megjithë vlerësimin e misionit të vëzhguesve të OSBE-së.Sigurisht që ne presim që procesi i apelit të zhvillohet në një mënyrë krejtësisht të ndershme, transparente si dhe të procesohet me pavarësi. Këtë thirrje ja kishim bërë edhe KQZ-së, e cila duhej të sillej si një institucion kyç dhe i pavarur. Presim gjithashtu që ky proces i apelit të përputhet plotësisht me kuadrin ligjor në Shqipëri. Është gjithashtu e rëndësishme që zgjidhje konsensuale dhe solide të gjenden për ato çështje të cilat nuk mbulohen në veçanti nga kuadri ligjor dhe qe lene hapesire për interpretime. Pra nga kjo pikëpamje ne i bëjmë thirrje liderëve politikë të gjejnë një zgjidhje për këto çështje. Interesi i vendit dhe vazhdimi i integrimit europian duhet te mbizoteroje perpara interesave partiake", tha Butler.

A i plotesoi Shqiperia standartet nderkombetare me keto zgjedhje? Komisioni Europian me cfare ka verejtur deri me sot, thote 'jo'.

"Në lidhje me pyetjen se a konsiderojmë ne që këto zgjedhje plotësuan standartet europiane, kjo është një pyetje shumë e rëndësishme, pasi siç e dini, kjo ishte dhe një nga 12 kriteret e Opinionit të vitit të kaluar. Pikë së pari duhet të them se nuk ka ende një vlerësim përfundimtar për zgjedhjet, pra ne po presim raportin përfundimtar të OSBE-së.Por sigurisht që të bazuar në raportin paraprak dhe në atë të ndërmjetmin, nga njëra anë pamë elemente pozitive, pasi dita e zgjedhjeve ishte disi e qetë dhe votimi shkoi në përgjithësi pa pengesa, përveç disa incidenteve të cilat ne i mbajtëm shënim.Gjithsesi, ngjarjet që ndodhën para ditës së zgjedhjeve dhe në veçanti ato në përiudhën post-zgjedhore, në veçanti ato që ndodhën këto ditët e fundit nuk përputhen me standartet e njohura ndërkombëtarisht për zgjedhje demokratike. Kjo është me të vërtetë për të ardhur keq, pasi siç jua përmenda standartet për zgjedhjet janë një prioritet kyç për vendin dhe një element thelbësor për përparimin e Shqipërisë në rrugën europiane", tha Butler.

Nga ky proces elektoral, Komisioni ka pergezuar vetem qytetaret shqiptare deri tani, per pjesemarrjen e larte dhe mbarevajtjen e verejtur vetem ne diten zgjedhore.
PERGATITI: Arta Tozaj

Finalja, Barca që sonte në Londër

2011-05-24T05:30:00.001-07:00

Barcelona do të shpërngulet që mbrëmjen e sotme në Londër, ku të shtunën do të takohet me Manchester United në finalen e Champions League.

Vendimi është marrë për të shmangur probleme eventuale në ditët e ardhshme për shkak të hirit vullkanik që ka coroditur trafikun ajror.

Lajmin e ka bërë të ditur vetë klubi katalanas në faqen e tij të internetit. Nisja për në Londër është parashikuar në orën 22, pas një stërvitjeje të fundit në tokë spanjolle.

Ditën e djeshme, duke folur për takimin e së shtunës, sulmuesi argjentinas Lionel Messi u shpreh se një finale e Champions nuk ka favoritë.

Ndërsa Sir Alex Ferguson, trajneri i Manchester United, u shpreh mëse i bindur në fitoren e ekipit të tij.

Butler: Standardet e zgjedhjeve, kusht për integrimin

2011-05-24T05:28:00.000-07:00

Zëdhënësja e Komisionerit të BE-së, Natasha Butler deklaroi se procesi elektoral në Shqipëri nuk ka përfunduar ende dhe se Kolegji Zgjedhor që do të shqyrtojë ankimimet duhet të funksionojë në mënyrë të pavarur.

Në një konferencë për mediat, Butler u shpreh se procesi i ankimimit duhet të zhvillohet në mënyrë të drejte dhe transparente dhe Kolegji Zgjedhor të funksionojë në kuadrin ligjor të Shqipërisë.

"Standardet e zgjedhjeve, kusht themelor për integrimin e Shqipërisë në BE", tha Butler.

Shkodër, përurohet ura mbi Bunë

2011-05-24T05:10:00.001-07:00

Kryeministri Berisha dhe ministri i Transportit, Sokol Olldashi, ishin sot paradite në përurimin e përfundimit të punimeve në urën e re mbi lumin Buna në Shkodër.

Në ceremoninë e përurimit merrnin pjesë edhe ministri i pakicave të Malit të Zi dhe kryetari i komunës së Ulqinit. Berisha në fjalën e mbajtur gjatë përurimit premtoi investime të tjera të këtij lloji në gjithë Shqipërinë dhe veçanërisht në këtë zonë, pasi siç u shpreh ai "ia kemi borxh Shkodrës sepse na ka votuar gjithmonë".

Ura mbi Bunë ka një sistem hapjeje dhe mbylljeje, i cili nuk pengon lundrimin në lumë. Me një gjatësi prej 2755 metrash dhe gjerësi 135 metër, ura ka hapësirë për dy drejtime lëvizjeje dhe dy trotuare anësore.

Punimet për ndërtimin e saj kanë nisur që në maj të 2008-s dhe ishin parashikuar të përfundonin në dhjetorin e 2010-s. Ura, e cila është cilësuar si një vepër me rëndësi të veçantë infrastrukturore, zëvendëson urën e vjetër të ndërtuar që në vitin 1911. Financuese e projektit është Banka Islamike për Zhvillim, ndërsa kontraktori është një firmë kuvajtiane.

Konferenca e Tokës, Berisha: 98% e qytetarëve kanë ujë të pijshëm

2011-05-24T05:09:00.000-07:00

Në Konferencën Ndërkombëtare të Tokës, e cila këtë vit zhvillohet në Tiranë, kryeministri Sali Berisha është shprehur se Shqipëria është një vend me nivel të ulët toke për frymë por tha se ajo është me potenciale të mëdha dhe bëri thirrje që kjo pasuri të mirëmenaxhohet.

"Shqipëria është një vend me tokë bujqësore për frymë, më të paktën në Evropë. Shqipëria ka rreth 1800 m2 për frymë, por toka e saj është një tokë e cilësisë më të lartë. Shqipëria është një vend plot ujë, është një vend plot diell, ndaj dhe shqiptarët nuk kanë arsye për tu ndjerë aspak skeptik mbi potencialet e jashtëzakonshme të tokës së tyre. Vendi nuk ka shumë tokë dhe duhet të shfrytëzojë me ambicie të madhe çdo sipërfaqe të mundshme, por vendi i ka të gjitha potencialet që në çdo m 2 që mund të mbillet të mbjellë dhe të marrë prodhimin. Toka është e cilësisë më të lartë , kushtet e tjera janë të shkëlqyera", u shpreh Berisha.

Më tej kreu i qeverisë duke folur për reformat e ndërmarra nga qeveria u shpreh se "sot rreth 98 % e shqiptarëve kanë akses në ujin e pijshëm nëpërmjet ujësjellësit, jo 24 orë por po ecim drejt saj". Në konferencë merrnin pjesë mbi 200 përfaqësues, lokalë dhe ndërkombëtarë, të organeve qeveritare, organizatave ndërkombëtare dhe atyre të shoqërisë civile, lëvizjeve sociale, instituteve kërkimore dhe agjencive të zhvillimit. Konferenca u organizua nga Koalicioni Ndërkombëtar i Tokës, në bashkëpunim me Shoqatën Kombëtare të Pyjeve dhe Kullotave Komunale të Shqipërisë.

Ristani emëron Bashën në Tiranë: Në kuti, më shumë vota se votues

2011-05-24T05:07:00.000-07:00

KQZ ka mbyllur pas 15 ditësh telenovelën e zgjedhjeve në Tiranë duke ndryshuar në tavolinë rezultatin por duke bërë një gabim trashanik në përllogaritje. Sipas shifrave zyrtare të KQZ-së, në Tiranë ka më shumë vota në kuti se sa njerëz që kanë votuar. Diferenca është jo e vogël, por 870 vota më shumë se sa votues, një shifër kjo që mund të ndryshojë disa herë rezultatin e zgjedhjeve. Edhe në zërin e votave të pavlefshme ka një mospërputhje, këtë herë me 238 vota.

Rasti i parë

Në orën 23.00 kryetari i KQZ-së Arben Ristani hodhi në votimin miratimin e rezultatit të ri pas ndryshimeve të bërë nga katër anëtarët e mazhorancës. Me gjithë kundërshtimet e opozitës, vendimi u miratua me katër vota pro dhe dy kundër. Sipas tij, rezultati i ri i zgjedhjeve në Tiranë është Edi Rama 124705 vota, Lulzim Basha 124786 vota dhe Hysni Milloshi 1394 vota. Sipas KQZ-së, kandidati Lulzim Basha ka marrë 81 vota më shumë se sa kandidati Edi Rama.

Në shpejtësi për të nxjerrë një rezultat ku fitues është kandidati i djathtë Lulzim Basha, katër anëtarët e KQZ-së dhe administrata e institucionit kanë përpiluar një tabelë me shifra duke detajuar gjithçka për zgjedhjet e 8 majit. Sipas shifrave zyrtare të KQZ-së, në Tiranë kanë votuar 256507 njerëz. Sipas shifrave zyrtare të KQZ-së, në kutitë e votimit të Tiranës janë gjendur 257377 vota. Diferenca: 870 vota më shumë se sa votues!. Dy prej anëtarëve të KQZ-së dhe përfaqësuesit e opozitës kërkuan që të shihnin tabelat përfundimtare të rezultateve të bëra nga KQZ, por përgjigjja e Ristanit ishte negative. Sipas tij, duhej miratuar rezultati dhe kaq!

Shpejtësia e hartimit të shifrave ka nxjerrë në pah edhe një tjetër mospërputhje, ndërmjet numrit të votave të gjetura në kuti dhe numrit të votave të pavlefshme. Diferenca mes këtyre shifrave është 238 vota më shumë. Kjo shkaktoi edhe debate në mbledhjen e KQZ-së:

Njazi Kosovrasti: ..Votat i vlerësuam dhe i lamë aty ku i gjetëm. Informacionin se ku i gjetëm u tha dhe u fiksua. Fakti që në atë kuti numri del 1 ose 2 numra më tepër se fletët e votimit, dimë që nuk është bërë ndonjë manipulim. Kjo është në vëmendje, të gjithë e dinë shumë mirë se çfarë është bërë. Asgjë s'ka ndodhur. Shifrat rakordojnë që të gjitha dhe s'ka as të voglin shqetësim.

Eridjan Salianji: Shifrat thonë në tabelën përmbledhëse 256557 vota, vota të vlefshme + 257615, 257367 fletë në kuti. Nëse këto shifra do të ishin të sakta, ata duhet të rakordonin. Janë 238 fletë më shumë se sa gjenden në kuti të votimit. Ju po nxirrni një rezultat nga vota të trafikuara nga bodrumet e KQZ-së.

Njazi Kosovrasti: Loja e shifrave është një gënjeshtër. Mos të krijojmë konfuzion.

Eridjan Salianji: Pra këtu solli ajo vendimmarrje, solli në këtë ngatërresë shifrash. Nuk do të zgjateshe, meqë s'po duron mbylljen, unë po ta them, është e vetmja KZAZ në Shqipëri që shpall një rezultat me fletë që nuk dihet se si janë në ato kuti. Nuk kundron. Kontrolli bëhet në bazë të këtyre 485 tabelave. Ju duke mos i plotësuar dot ato tabela, e keni të pamundur sepse nuk mund të ndryshoni dot tabelat e grupeve të numërimit. Ky është një akt nul. Ju i keni ndryshuar, por s'i pasqyroni dot. Nuk ju korrespondon asnjë shifër. Nëse ju do të sillni 485 tabela, nuk do t'ju dalë kjo llogari.

Arben Ristani: Po pusho dy minuta dhe do ta marrësh vesh se ku do të dalim...

Eridjan Salianji: Që ke dal mis buzëqeshja këto ditë e kemi kuptuar.

Idajet Beqiri: Akoma s'i kemi të qarta shifrat. Staticienët e botës do të çuditen nga raporti që kemi këtu, që megjithëse kanë votuar shqiptarët, rezultati i votimit del i barabartë 50% me 50%, ndërsa diferenca e gabimit është 68% për Lulzim Bashën. Ju po lini njollë të madhe krimi në këto rezultate që po nxirrni. Ju them, mbase është mirë që sot të kthjelloheni. Nesër këtu jemi prapë. Ju duhet tregonit paanshmëri, jo siç u treguat, 100% si anëtar i Partisë Demokratike.

Arben Ristani: Kemi dy vjet që këtë këngë dëgjojmë.

Genc Gjonçaj: Kjo është e vërteta...

Arben Ristani: Kush është dakord të shpallim zotin Lulzim Basha si fitues i Bashkisë së Tiranës? Vendimi hyn në fuqi menjëherë. Palët mund të ankimojnë këtë vendim brenda tre ditësh. Katër pro. Miratohet.

Numri i zgjedhësve që kanë votuar 256507
Fletë votimi të papërdorura 226205
Fletë votimi të dëmtuara 1680
Fletë votimi të gjetura në kuti 257377
Vota të pavlefshme 6730
Vota të vlefshme 250885

Shpërndarja e votave
Edi Kristaq Rama 124705
Hysni Jashar Milloshi 1394
Lulzim Xhelal Basha 124786
Gjithsej vota të vlefshme 250885

KQZ: Basha fitoi zgjedhjet me 81 vota diferencë

Komisioni Qendror i Zgjedhjeve ndryshoi në tavolinë rezultatin për Bashkinë e Tiranës duke nxjerrë tashmë fitues kandidatin e "Aleancës për Qytetarin" Lulzim Basha. Me katër vota pro dhe dy kundër, KQZ ka emëruar Lulzim Bashën si kryetarin e ri të bashkisë së Tiranës me një diferencë prej 81 votash.

E gjithë mbledhja e djeshme u shoqërua nga debate e forta midis anëtarëve të KQZ-së dhe përfaqësuesve të opozitës të cilët kërkuan anulimin e ndryshimit të rezultatit dhe shpalljen e tabelës përfundimtare në përputhje me rezultatet e grupeve të numërimit dhe jo sipas tabelave të ndryshuara nga ana e KQZ-së.

Fillimisht u miratua tabelave përmbledhëse e njësisë numër 5 për tu ndjekur më pas nga vendimi për tabelën përfundimtare. Për shkak edhe të nxitimit për miratimin e vendimit për të shpallur kandidatin fitues, administrata e këtij institucioni ka ngatërruar edhe emrin e koalicionit në të cilën i përket fituesi i ri i bashkisë. Kështu në vendimin përfundimtar i cili u miratua rezulton sipas KQZ-së se Lulzim Basha i përket koalicionit të majtë "Aleanca për të Ardhmen".

Mbledhja e djeshme zgjati për rreth gjashtë orë dhe përgjatë saj dy anëtarët e KQZ-së Artan Lazaj dhe Dëshira Subashi kërkuan shpalljen nul të rezultatit. E njëjta kërkesë u bë edhe nga përfaqësuesi i PS-së. Sipas tij, Ristani nuk duhet të shpallë vendimin përfundimtar për Tiranën pasi KQZ është e paditur në Gjykatën e Apelit dhe nuk mund të marrë një vendim për sa kohë që është në proces.

"Ky është një proces që ka sjellë shkelje flagrante të Kodit Zgjedhor se ka ndryshuar tabelat e rezultateve, është ndërhyrë pa procedurë ankimore duke ndryshuar tabelat e rezultateve të Tiranës dhe duke ndryshuar vendimet e tyre. Vendimmarrja e deritanishme është marrë me 4 vota pro, pa kuorumin e përcaktuar nga KQZ", tha Gjonçaj. I menjëhershëm ka qenë reagimi i kryetarit të KQZ-asë Arben Ristani i cili u shpreh se vendimmarrja e KQZ-së është vetëm një pasqyrim i realitetit duke vlerësuar vullnetin e votuesit.

Ristani, plan për evakuim me helikopter nga zyrat e KQZ-së

2011-05-24T05:05:00.000-07:00

TIRANË - Policia e Shtetit ka një plan sekret për evakuimin e kryetarit të KQZ-së dhe personelit mbështetës, nga godina e Pallatit të Kongreseve, ku janë të vendosura zyrat dhe administrata e Komisionit Qendror të Zgjedhjeve. "Shekulli" ka dokumentin që provon se një plan i tillë është përgatitur nga Policia e Shtetit dhe është parashikuar të realizohet nga forcat e repartit elitë të forcave speciale të Policisë së Shtetit, RENEA.

Planëzimi dhe kryerja e tij është urdhëruar nga Drejtori i Përgjithshëm i Policisë së Shtetit, Hysni Burgaj, me 20 maj. Urdhri mban numrin 492, dhe është protokolluar pikërisht në këtë datë në disa nga drejtoritë në varësi të Drejtorisë së Policisë së Shtetit, si Drejtoria e Forcave të Lëvizjes Operacionale dhe Operacioneve Speciale, Drejtoria e Policisë Rrugore, Drejtoria e Policisë së Qarkut të Tiranës, Drejtoria e Policisë së Rendit dhe Sigurisë.

Urdhri i Burgajt, mban titullin "Përgatitja e planit të operacionit për evakuimin e personelit të KQZ-së".
"Urdhëroj: Drejtuesit e drejtorisë së forcave lëvizëse operacionale dhe të repartit special RENEA, të marrin të gjitha masat për kryerjen e studimit të plotë të ambienteve të jashtme dhe të brendshme ku është vendosur KQZ dhe mbi bazën e këtij studimi të përgatitet plani i operacionit "Për evakuimin e personelit të KQZ-së", - thotë në urdhrin e tij të datës 20 maj, kreu i Policisë së Shtetit, Hysni Burgaj.

Në urdhër kërkohet që më së pari "të njihet kryetari i KQZ-së me planin operacional të evakuimit" dhe më tej sqaron se duhet të përcaktohen edhe mjetet e transportit që duhet të përdoren. Në këtë pikë thuhet: "në rrugë tokësore dhe ajrore", - duke përcaktuar kështu edhe përdorimin e helikopterëve. Në shumë raste, RENEA përdor evakuimet me litar e madje këto të fundit janë më se të zakonshme për njësinë elitë.

Në urdhër nuk lihen pa përmendur edhe detajet se cili do të jetë personeli që do të kryejë operacionin e deri te drejtuesit dhe zëvendësit e drejtimit të operacionit në planin përkatës.

Drejtori Burgaj flet në këtë urdhër edhe për "armatimin dhe pajisjet speciale që do të përdoren, rrugët e lëvizjes gjatë afrimit dhe largimit, mjetet e komunikimit dhe kodet që do të përdoren...". Po në këtë pikë, kreu i Policisë së Shtetit iu ka kërkuar strukturave në varësi të tij, edhe përcaktimin e vendit ku duhet të akomodohet personeli i KQZ-së, pas evakuimit. Në pikat 2, 3, 4 kreu i Policisë urdhëron departamentet dhe drejtoritë e tjera që "të marrin masat në mbështetje të operacionit", si drejtorinë e Policisë Rrugore, të Drejtorisë së Tiranës etj.

Ish-Kreu i Gardës: Ky urdhër djeg të gjitha etapat e vendimmarrjes në situatë emergjencash

TIRANË - Arjan Rugji, ish- drejtues i lartë i Policisë së Shtetit dhe të Gardës së Republikës, e ka quajtur dje për "Shekullin", urdhrin e para disa ditëve të drejtorit të Përgjithshëm të Policisë si antiligjor të pabazuar dhe tërësisht jashtë kompetencave të tij.

Sipas Rugjit, Drejtori i përgjithshëm i Policisë ka nxjerrë një urdhër kundër të gjithë kompetencave që atij i lejon dhe i adreson ligji. Rugji, në një intervistë të shkurtër, ka dhënë argumentet e tij duke kundërshtuar urdhrin e Burgajt, si dhe duke e cilësuar atë deri edhe antiligjor.

Z. Rugji, si ish-drejtues i Policisë dhe i Gardës së Republikës, si e cilësoni urdhrin e kreut të Policisë, për evakuimin e personelit të KQZ-së?

Urdhri bazohet në ligjin "Për Emergjencat Civile", por në të kundërt nga mënyra se si është formuluar të jep idenë se urdhri është formuluar dhe dhënë për një kohë kur në fuqi duhet të jetë një vendim që shpall gjendjen emergjencës, apo gjendjen e jashtëzakonshme. Për më keq, plani operacional të jep idenë e një evakuimi në kohë lufte.

Aktualisht nuk ka asnjë vendim të qeverisë, apo ligj të parlamentit, për shpalljen e gjendjes së jashtë zakonshme, të emergjencës civile e aq më pak të gjendje së luftës.
Përpara se të dal tek kjo mund të them se gjatë këtyre ditëve ka pasur angazhim të RENEA-s, në një tubim apo protestë si dhe atyre të Forcave të Ndërhyrjes së Shpejtë, çka bie ndesh me misionin e tyre dhe veçanërisht të RENEA-s që nuk ka mision garantimin e Rendit Publik, por vetëm zgjidhjen e situatave me elementë të armatosur dhe terroristë.

Misioni i RENEA-s, është e cilësuar edhe në emrin e saj, që do të thotë se është Repart i Neutralizimit të Elementëve të Armatosur. Për se duhet që RENEA të ndërhyjë në një operacion, ku nuk ka persona dhe njerëz të armatosur e aq më pak të ndërhyjë për të evakuuar njerëz nga institucione të ndryshme shtetërore?

Ju thoni se nuk ka gjendje të jashtëzakonshme, për një plan të tillë. Duhet të ketë një situatë për një operacion të tillë?

Sigurisht. Po të lexoni, edhe urdhri i kreut të Policisë ka bazë ligjore kryesore Ligjin e Emergjencave Civile. Në këtë rast mungon një ligj apo një vendim së paku, për shpalljen e gjendjes së jashtëzakonshme. Në rastin konkret nuk është kompetencë e Policisë të kryejë veprime të tilla dhe të shpallë dhe të cilësojë gjendje të jashtëzakonshme apo të zakonshme. Më parë duhet të ketë veprime nga institucione të tjera që duhet të kryejnë detyrën e tyre dhe më pas në fund në se ka një rrezik real, vendos policia, nëse duhet të ndërhyjë apo jo.

Ky urdhër jo vetëm që shkel në mënyrë të hapur ligjin, por është dhe tërësisht i pabazuar. Mund të them se ai djeg të gjitha etapat e vendimmarrjes në situatë emergjencash.

Drejtori i Përgjithshëm argumenton se jashtë godinës së KQZ-së ka pasur njerëz që protestojnë...

Po nuk është Drejtori i Përgjithshëm i Policisë që vlerëson, nëse ka një gjendje të jashtëzakonshme apo jo, pasi është jashtë kompetencës së tij. Nëse ka një tubim jashtë zyrave të KQZ-së, ai ka forcat e policisë që kryejnë detyrën. Ai nuk mund të bëjë shpallje të gjendjeve të tilla, pasi nuk ka tagër ligjor. Ky lloj evakuimi, është një planifikim, siç ju thashë i parashikuar për një situatë lufte.

Ai plan aty përdoret për evakuimin, e personaliteteve të larta shtetërore, si kryeministri, zv.kryeministri, Kryetari i Parlamentit, Presidenti i Republikës, Prokurori i Përgjithshëm. As kryetari i KQZ-së, as ndonjë person nga personeli i KQZ-së, nuk gëzon atribute të tilla.

Po nëse kërkohet futja e Gardës?

Nëse mund të jetë përllogaritur, apo kërkohet ndërhyrja e Gardës së Republikës, mund të them që shkeljet ligjore janë akoma më të rënda dhe më flagrante. Komisioni Qendror i Zgjedhjeve, është hequr me ligj nga lista e institucioneve, të cilat duhet të ruhen nga Garda e Republikës. Madje, edhe kryetari i KQZ-së, nënkryetari, apo anëtarët KQZ-së, nuk mbrohen nga Garda e Republikës, pasi edhe ata janë përjashtuar me ligjin e fundit të Gardës.

Vetëm nëse ka ndonjë rrezik për sigurinë kombëtare, duhet të mobilizohen të gjitha strukturat shtetërore për realizimin e një evakuimi, që parashikon mbrojtjen e institucioneve apo personaliteteve të larta shtetërore. Në rastin konkret, nga mënyra se si është organizuar ky plan operacional, të le përshtypjen e një rrëmbimi të anëtarëve të KQZ-së, se sa evakuim i tyre për faktin se iu rrezikohet jeta.

KQZ shpall rezultatin Lulzim Basha zyrtarisht kreu i ri i Bashkisë së Tiranës

2011-05-23T14:29:00.000-07:00

TIRANË- Në 8 maj kryeqytetasit iu drejtuan kutive të votimit për të zgjedhur kryebashkiakun e tyre, por u deshën plot 15 ditë me debate, protesta, kontestime e akuza për tu shpallur rezultati përfundimtar i Tiranës.

Më 23 maj në orën 23:04 KQZ i dha fund pritjeve duke shpallur fitues kandidatin Lulzim Basha me 81 vota më shumë se kandidati tjetër Edi Rama. Me 4 vota pro dhe 3 kundër KQZ i dha përfundimisht miratimin kandidaturës së Bashës.

Prej mbrëmjes së sotme Lulzim Basha është kryebashkiaku zyrtar, edhe pse PS e ka ankimuar cështjen në Kolegjin Zgjedhor, i cili pritet të japë verdiktin e tij, në favor të Bashës apo Ramës.

KQZ, SHPALL LULZIM BASHËN SI KREUN E RI TË TIRANËS
Ora 23:04 Me katër vota pro dhe dy kundër KQZ ka shpallur rezultatin përfundimtar për kreun e bashkisë së Tiranës. Kandidati demokrat Lulzim Basha është zyrtarisht kreu i ri i bashkisë së Tiranës me 81 vota me shumë se kandidati i PS Edi Rama.

REPLIKA GJONCAJ-RISTANI
Ora 22:51 Përfaqësuesi i PS Gensi Gjoncaj ka replikuar me kraun e KQZ Arben Ristani duke i thënë se tashmë cdo shqiptar është i lirë të kandidojë për kryetar bashkie pasi aim und të shpallet fitues nga tavolina e KQZ.
‘Pas kësaj që keni vendosur dhe do të vendosë pas disa minutash cdo kush në këtë vend ka të drejtë të kandidojë dhe të bëhet fitues jo me votën e popullit por në tavolinë. Gjithcka ca kishte synim në këto 5 ditë mbledhje ishte ndryshimi i vendimit për Tiranën.
Ndërkohë kreu i KQZ Arben Ristani tha se KQZ po përpiqet të pasqyrojë vetëm realitetin. ‘Marrja e rezutatit në tavolinë është kur përdoren truke procedurale për të ndryshuar realitetin, ne po pasqyrojmë realitetin, por ju nëpërmjet trukeve procedurale doni të ndryshoni rezultatin’,- theksoi Ristani

GJONCAJ: E VETMJA KOPETENCË E KQZ TË BËNTE SHUMATOREN E 11 KZAZ
Ora 22:40 Pas anullimit të kërkesës së PS për të shtyrë shüpalljen e rezultatit përfundimtar për Tiranësn përfaqëusesi i PS në KQZ Genci Gjoncaj ka marrë fjalën duke rënditur shkeljet që KQZ ka kryer me këtë vendim.
‘Jemi në përfundim të një procesi për përfundimin e tabelës për Tiranën. Ky proces ka ardhur në shkelje të hapur të ligjit dhe Kodit Zgjedhor. Teksa dëgjova diskutimet e anëtarëve të KQZ se tashmë në do bëjmë aritmetikën e rezultateve, kjo është detyra e KQZ, por pse nuk e bëtë kur duhet, kjo duhet të ishte bërë dhe kjo është ajo që kemi kërkuar, më së fundi KQZ u bind se duhet të bënte vetëm aritmetikën e rezultateve të 11 KZAZ’,- deklaroi Gjoncaj.
Ndërkohë që Gjoncaj renditi shkeljet që sipas saj gjatë këtij procesi ka kryer KQZ me vendimarrjen e saj.
“Ky është një process që nuk mund të marrë vendimin për një process të rregullt ligjor. Ai ka sjellë shkelje flagrante të Kodit Zgjedhor se ka ndryshuar tabelat e rezultateve, është ndërhyrë pa procedurë ankimore duke ndryshuar tabelat e rezultateve të Tiranës dhe duke ndryshuar vendimet e tyre, duhet të sjellë në veëmednje se vendimmarja e deri tanishme e KQZ është marrë me 4 vota pro pa korumin e përcaktuar nga KQZ që e bën të pavlefshme vendmimarrjen e saj . KQZ nuk ka pasur asnjë kopetencë për të ndryshuar vendimmarjen e KZAZ, pasi e vetmja kopetencëe ka qënë tabela përmbledhëse të madhe për Tiranën. E vetmja kopetencë e KQZ të bënte shumatoren e 11 kzaz. Ky vendim ka ardhur për arsye se KQZ përcaktoi rregullat për përgatitjen e rezultatit të Tiranës. Ju po ndryshoni rezutlatet e KZAZ. Ka ardhur përsëri me përcaktimëet ligjore se me vendimarrjen e saj janë rivlersuar sit ë vlefshme votat e shpallura të pavlefshme’,- theksoi Gjoncaj.

GJONCAJ: DUA TË RISHIKOJ MATERIALET QË KENI NDRYSHUAR NË TABELËN PËRMBLEDHËSE
Ora 22:37- Përfaqësuesi i PS-së Genc Gjoncaj kërkoi në mbledhjen e KQZ-së të rishikojë materialet e ndryshuara aktualisht në tabelën përmbledhëse, pasi sipas tij nuk i ka këto të dhëna që ia garanton ligji.
“Duke qenë se do shpallni rezultatin përfundimtar, duke qënë se janë bërë ndërhyrje në tabelën përmbledhëse dua të rishikoj materialin e ndryshimeve që keni bërë në tabelën përmbledhëse”, tha Gjoncaj.
Kryetari Ristani nuk e miratoi edhe këtë kërkesë.

KQZ , RRËZON KËRKESËN E PS PËR ANULLIMIN E SHPALLJES SË REZULTATIT PËRFUNDIMTAR
Ora 22:29 KQZ me 4 vote pro dhe 2 kundër ka rrëzuar kërkesën e përfaqësuesve të PS për të pezulluar vendimin për shpalljen e vendimit përfundimtar për kreun e bashkisë së Tiranës.
Sipas kreut të KQZ kërkesa e PS është e pabazuar në ligj dhe jo logjike.
‘Lidhur me kërkesën për pezullimin e shqyrtimit nuk mund të kemi një mendim tjetër, kërkesa është e pa bazuar në ligj dhe pa arsyetim logjik. Nuk po zgjidhim një mosmarrëveshje dhe ta zgjidhim, por po ushtrojmë vendimarrjen tonë. Kërkesa juaj është alogjike, pasi i keni kërkuar gjykatës të ndërpresim një vendim, ta ndërpresim shpalljen e rezultatit derisa gjykata ta marrë vendimin është alogjike’, -nënvizoi Ristani.

SUBASHI: KU JANË TABELAT PËR CDO QENDËR VOTIMI?
Ora 22:27- Teksa KQZ-ja pritet të shpallë rezultatin për Tiranën mbledhja shoqërohet me debate. Nënkryetarja Subashi deklaron se ajo nuk ka në tryezë ne saj rezultatet e 854 qendrave të votimit ashtu sic rekomandon neni 123.

“Neni 123 kërkon që të jenë të pasqyruara të gjitha qendrat e Tiranës, pra të pasqyrohen tabelat e cdo qendre votimi. Është hera e parë që KQZ shpall një rezultat pa pasur tabelat e grupeve të numërimit në KZAZ. Problemi është që unë dua të shikoj tabelat. Dua të shikoj këto materiale”, tha Subashi.

ZGURI: KA RRUGË LIGJORE PËR TË KUNDËRSHTUAR
Ora 22:24 Klement Zguri anëtar i KQZ tha se vendimi për shpalljen e Tiranës duhet të merret, më pas cdo subkjekt mund të ankimojë vendimin e KQZ.‘Merret një vendim kundër, por pasi vendimi merr formë nuk mund të kundërshtohet. Cdonjëri ka detyrim për ta kundërshtuar. Ka rrugë ligjore për tu ankuar në Kolegj. Në të kundërt jemi të detyruar për të respektuar vendimin e KQZ',- tha Zguri.

SUBASHI: DUA 24 ORË PËR TË PARË SHIFRAT
Ora 22:16 nëkryetarja e KQZ ka kërkuar 24 orë kohë për të parë tabletat e 11 njësive në kryeqytet nga të cialt do të shpallet rezultati përfundimtar për kreun e bashkisë së Tiranës.
“Pak ditë më parë kam kërkuar njerrjen e tabelës së KZAZ 49. Më cudit fakti se vetëm për gjysëm ore na vijnë tabelat për 11 njësi që askush nuk i ka parë. Shikohet njëanshmëria në rezultatin e Tiranës dhe në shqyrtimin e mbledhjeve, dua 24 orë për të parë shifrat’,- deklaroi Subashi.

GJOCAJ: KQZ ËSHTË PADITUR NE GJYKATË DHE NUK DUHET TË SHPALLË REZULTATIN
Ora 22:11 Përfaqësuesi ligjor i PS në KQZ në u kërkoi kreut të këtij institucioni që të mos shpallë vendimin përfundimtar për Tiranën pasi KQZ është e paditur në Gjykatën e Apelit dhe nuk mund të marrë një vendim të tij ndërkohë që ka një padi ndaj saj.
‘Jemi përpara faktin se KQZ është paditur në gjykatën e Apelit në Kolegjin Zgjedhor në Tiranë. Pra kjo cështje është objekt shqyrtimi dhe kj cështje nuk mund të vendoset ndërkohë që është në shqyrtim nga ana e gjykatës. Ekzistion ky moment procedurial dhe duhet të mbahet parasysh nga KQZ përderisa kjo cështje i është drejtuar gjykatës’,- deklaroi Gjocaj.

KQZ SHPALL TABELËN PËRMBESHËSE PËR TIRANËN, BASHA NË AVANTAZH ME 81 VOTA
Ora 22:00 KQZ ka ndryshuar tabelën e saj përmbledhëse të rezultateve për Tiranën në faqen e saj on-line. Kjo tabelë pritet që të miratohet në mbledhjen që KQZ ka parashikuar në orën 22:00. Nga kjo tabelë kandidati i PD Lulzim Basha ka marrë 124786 vota, kandidati I PS Edi Rama ka marrë 124705 vota, Hysni Milloshi I PKSh ka marrë 1394 vota. Në tabelën përmledhëse të KQZ Basha është në avantazh me 81 vota. Sipas KQZ ne kryeqytet ka gjithsej 250 880 vota të vlefshme për Tiranën, Nga këto vota KQZ pritet të miratojë vendimin për Tiranën.

KQZ MIRATON TABELËN PËR KZAZ 49
Ora 21: 34 KQZ pas shumë debatesh të cilë kanë shoqëruar jo vetëm mbledhjen e sotme ka miratuar tabelën përmlbedhëse të rezultateve për KZAZ 49, respektivisht njësia numër 5. Miratimi i tabelës së KZAZ 49 i hap rrugën miratimit të tabelës përmbledhëse të rezultateve për kreun e bashkisë së Tiranës e cila do të dalë nga shumatorja e 11 njësise të kryeqytetit. Nga rezultatet e kësaj KZAZ për 65 kutitë e numëruara kandidati i PS Edi Rama ka marrë 19154 vota, kandidati i PD Lulzim Basha ka marrë 14491 vota, Hysni Milloshi ka marrë 149 vota. Përfaqësuesit e PS-së në KQZ kundërshtuan miratimin e tabelës përmbledhëse të KZAZ nr. 49, me pretendimin se për këtë çështje duhet të shprehet më parë Kolegji Zgjedhor.
Përfaqësuesi ligjor i PS-së, Genci Gjoncaj i kërkoi KQZ-së të mos shpallë asnjë rezultat derisa pritet vendimi i Kolegjit Zgjedhor për tabelën përmbledhëse të KZAZ-së 49 dhe kërkoi që të pezullohet vendimi për këtë projekt deri sa të shprehet Kolegji Zgjedhor. Ky propozim u hodh poshtë nga kryetari i KQZ-së, Arben Ristani, i cili e konsideroi këtë kërkesë si "jo logjike".

GJONCAJ: TABELA E KZAZ 49, DUHET TË SHPREHET KOLEGJI ZGJEDHOR
Ora 21:20- Me rinisjen e mbledhjes së KQZ-së Përfaqësuesi ligjor i PS-së Genci Gjoncaj i ka kërkuar KQZ-së të mos shpallë asnjë rezultat përderisa pritet vendimi i Kolegjit Zgjedhor për tabelën përmbledhëse të KZAZ-së 49.
“Është paraqitur kërkesë padia që i përket palëve ku ka paditur KQZ. Vendimin për tabelën përmbledhëse për KZAZ 49 nuk mund ta marrë KQZ-ja pa u shprehur Kolegji Zgjedhor”.
Gjoncaj theksoi më tej se “Kërkojmë që të pezullohet vendimi i këtij projekt vderi sa të shprehet Kolegji Zgjedhor”.

SHIU NDËRPRET PROTESTËN E PS
Ora 20:22 Ka përfunduar edhe për sot protesta e Partisë Socialiste dhe mbështetësve të saj para KQZ. Kushtet e papërshtatshme atmosferike bënë që protesta e socialisteve të përfundojë më shpejt sec ishte parashikuar. NEWS24 rapoton se edhe gjatë kësaj proteste kanë folur mbështetës dhe deputetë socialist ku ka rënë në sa fjalë e deputetit Taulant Balla i cili ka deklaruar se nëse KQZ do e miratojë projekt/aktin do ketë një reagim ekstrem duke mos njohur qeverinë. Gjithashtu Balla ka theksuar se cdo vendim që merr KQZ është i paligjshëm. Protesta e PS ka mpërfunadur me thirrjen nga ana e PS për qytetarët që të mblidhen sërisht nesër në orën 10:00 para KQZ.

MIRATOHET PR/AKTI, KQZ MERR 20 MINUTA PUSHIM
Ora 20:10- Kryetari i KQZ-së Arben Ristani pas miratimit me debate të projekt/aktit për rezultatin e Tiranës ka kërkuar një pushim 20 minutësh për të rinisur më pas me miratimin e tabelës përmbledhëse për KZAZ-në 49. Projekt akti mori 4 vota pro dhe 3 kundër dhe u miratua pas 3 orësh debate.

ZGURI: VOTA SHPREH VULLNETIN E POPULLIT
Ora 19:28 Anëtari i KQZ Klement Zguri tha se problematika e hedhjes së votës në kutinë e gabuar është bërë dhe nga komisionerët socialist kështu që kj oështë një procedurë e saktë, pasi nuk mund të nxirret e pavlefashme një votë që shpreh vullnentin e qytetarëve.
‘Nuk mund të nxirret e pavleshme një votë që shpreh vullnetin e qytetarëve. 18 .5. 2011 ka kërkuar se procesi ka pasur një moment se qytetarët në momentin e hedhjes së votës së tyre kanë ngatëruar kutinë. Pra PS ju ka bërë më dije problematikën. Na duhet të njohim trajektoren e kërkesave dhe sot jemi para një problemi të tillë. Është vendosut një standart, në 2001 kemi numëruar vota për Dushkun, Paskuqanin, Dibrën dhe njësi administrative në Durrës dhe Tropojë. Është një procedurë që KQZ e ka vendosur me mirëkuptim’,- deklaroi Zguri.

SUBASHI: VENDIMET E KQZ TË NJËANSHME
Ora 19:00 Sipas nënkryetares së KQZ Deshira Subashi, vendimet e KQZ janëtë njëanshme dhe të parregullta.
‘Ky akt denoncon parregullshëmërinë e vendimmarjes së KQZ. Neni 33 I Kodit Zgjedhor flet për detyrat e KZAZ. Nuk ka asnjë lidhje me vendimarrejn e KQZ. Në të 10 njësitë zgjedhore të Tranës rezultati zgjedhor ka vendimmarrje. E vetmja që nuk ka është njësia 49 e cila i është referuar për vendimmarrjen KQZ . Kryetari nuk thirri mbledhjen për ta bërë këtë mbledhje, unë dhe kolegu im e kërkuam, por ende sot nuk është zhvilluar. A nuk është kjo një fakt i vendimmarrjes së një anshme.”,- tha Subashi.

PËRFAQËSUES TË PS PROTESTOJNE JASHTË KQZ-së
Ora 19:00- Teksa brenda KQZ-së po diskutohet pr/akti për rezultatin e Tiranës, jashtë ambinteve të saj përfaqësues të opozitës, të kryesuar nga deputetët e PS-së kanë nisur protestën, e cila kundërshton cdo vendim që merr KQZ-ja.

SUBASHI: KQZ KA NDRYSHUAR PROJEKTAKTIN
Ora 18:45 Nënkryetarja e KQZ në fjalën e saj tha se KQZ ka ndryshuar projektaktin që ai ka paraqitur anëtarëve të këtij komisioni, ndërkohë që theksoi se projektatkti është I deformuar në kontekstin ligjor.
“Kjo vendimmarje për Tiranën erdhi papritur, një projektakt që sot papritur u gjend në tavolinënë tonë. Akti thonte duhet të pezullohet nxjerrja e rezultatit për Tiranën dhe të bëhej numërimi i votave të gjendura në kutitë e gabura të cilat ishin të panumëruara,. Sot kemi një projektakt të ndryshuar që në kokën e tij se në aktin e parë u fol për vota për kryetarin e bashkisë së madhe sot ai përfshin gjithë njësitë e Tiranës.Ndryshimi i dytë është se projektakti i parë kishte me pak fjalë pjesën shpjeguese, ky është i vecantë. Në gjykimin tim vlerësoj se është një akt i deformuar në kontekstin ligjor dhe konfuz nga arsyetimi dhe kontradiktor nga mënyra si trajton problemet’,- deklaroi Subashi.

LAZE: PR/AKTI I KQZ DUHEJ TË ISHTE MIRATUAR MË PARË
Ora 18:34 Anëtari i KQZ, Laze theksoi se projektakti i paraqitur nga KQZ është akt normative dhe për këtë arsye duhet të ishte paraqitur më parë.
‘Ky projekvendim e ka kokën për vlerësimin e fletëve të votimit të pavlerësuara për kryetarin e bashkisë dhe për kryetar njësie dhe për këshillat baashkiak. Sa i përket debatit nëse është akt normative apo jo unë them se është normativ. Arsyeja është për mënyrën e paraqitjes së këtij akti. Si akt normativ që vendos rregulla të forta duhet të ishte miratuar 6 muaj para fillimit të ditës së votimit,- theksoi Laze.

PS PRITET TË NISË PROTESTËN
Ora 18:17 Teksa KQZ vijon debatet për projektaktin, mbështetës të shumtë të PS kanë nisur grumbullimin para KQZ për të protestuar vendimet e fundit këtij institucioni per rinumërimin e fletëve të kontestuara të cilat do të jenë vendimtare ne përcaktimin e rezultatit të Tiranës. Kjo është dita 6- të që qindra mbështetës socialist i përgjigjen thirrjes së Partisë Socialiste për të mbrojtur sipas saj cënimin e votës. Policia ka blinduar me forca të shumta KQZ si cdo protestë të mbajtur nga PS këto ditë.

MANJANI: VOTA TË SHKOJË NË DESTINACIONIN E DUHUR
Ora 17:53 Përfaqësuesi i LSI në KQZ Ylli MAnjani deklaroi se veprimi i KQZ për rinumërimin e fletëve të kontestuara ishte vendimi i duhur pasi në radhë të parë vjen interesi i votuesit.
‘KQZ kishte dy mundesi ose ta injoronte këtë fakt, duke shkelur barazinë e votës ose të gjente nje zgjidhje dhe ju zoti kryetar e gjetët një zgjidhje pavarësisht se u kundërshtua, vota meriton të shkojë në destinacionin e duhur. Në radhë të parë interesi i votuesit.’, - theksoi Manjani.

KOSOVRASTI: PS NË 2009 ‘DUA TË SHOH VOTËN TIME’, SOT NUK DO
Ora 17: 40 Sipas Njazi Kosovrastit KQZ vetëm ka bërë të mundur vlerësimin e votave të qytetarit në bazë të rregullave, pasi ajo ndodhi nga një gabim njerëzor. Ndërkohë që solli në vëmendje vitin 2009 ku PS ka bërë protesta që ajo të shihte votën e saj, tashmë sipas Kosovrastit ajo po bie në kundërshtim me ato që ajo vetë ka kërkuar.
‘Ne vendosem që vota të vlerësohet dhe numërohet, Kodi ka bërë kujdes për votën e qytetarit. Ai thotë që qytetari kur voton gabim vjen kthehet dhe i kërkon komisionit një fletë tjetër, po e bëri përsëri nuk ja jep. Vijmë në rastin konkret ashtu sic gabon në fletëtn e votimit kur shënon për kansdidatin ai gabon edhe në hedhjen e kutisë së gabuatr, pork y gabim nuk rregulohet në vend, ndaj meqënëse gabimi ishte njërëzor dhe fleta është në kuti dhe ka sigurinë që agjë e keqe nuk mund ti ndodhë. KQZ vendosi që vota e qytetarit të nuëmrohet. Zgjidhi dy problemet, kush e informonte dhe këto u morën nga KZAZ nga i cili erdhi informacioni. Si dhe kur u hap kutia nuk u prekën fletët e vleshme dhe u panë vetëm zarfët e fletëve të votimit të kontestuara dhe të pavlfshme,
Për dy vjet rrjesht në 2009 PS e coi vendin drejt situatave të pakëndshme në bazë të një këkese dua të shoh votën time, ndërkohë që sot thotë nuk e dua votën tim”,- solli në vëmendje Kosovrasti.

KOSOVRASTI: AKTI NUK ËSHTË NORMATIV
Ora 17:32- Përfshihet në debatet e nisura në KQZ për miratimin e projekt aktit edhe përfaqësuesi i PD-së Njazi Kosovrasti. Sipas tij përfaqësuesit e PS duan ta quajnë këtë akt normativ kur ai nuk është.

Përpjekje që akti të quhet normativ. Nuk ka konstatim ligjor që të thotë dicka të tjerë. Ka një element që lidhet me statusin e KQZ-zë, ajo funksionon si një KZAZ e madhe“, tha Kosovrasti.

GJOCAJ: PROJEKTAKTI I KQZ I PALIGJSHËM
Ora 17:15 KQZ ka nisur mbledhjen e mesidetes me diskutime rreth projektaktit të miratuatr nga kreu i KQZ Arben Ristani në lidhje me ndryshimin dhe përllogaritjen e fletëve të kontestara që KQZ ka numëruar gjatë kësaj jave.
Përfaqësuesi ligjor i PS Genci Gjocaj ka argumentuar se projektakti i propozuar ka probleme si në formë ashtu edhe në përmbajtje ku sipas tij KQZ ka kryer vendime të jashtëligjshme.
‘Më duhet që diskutimin tim ta ndaj në dy monmemente, sa i takon formës dhe përmbajtjes për aq kohë sa patëm në dispozicion për tu përgatitur. Sa i takon formës projekakti i prozuar kaloi në parim në datën 18 maj dhe ky vendim është i qartë se është akt normativ i KQZ. Kur u votua në 18.5.2001 mori vetëm 4 vota pro. Por ky është akt normative se ka për qëllim rregulllin e cështjes që lidhet me zgjedhjet. Bie në kundërshtim me aktin se nuk mund të miratohet një vendim se KQZ ka marrë vendim vetëm me 4 anëtarë për aktin e paraqitur dhe që për ne ka qënë i kundraligjshëm se keni urdhëruar ndryshimin e tabelave si për kryetarët ashtu edhe për këshillat’,- deklaroi Gjoncaj.
Ndërkohë që përsa sa i takon vërejtjeve të PS për përmbajtjen e projektaktit ai nuk është në përputhje me Kolegjin Zgjedhor.
Sa i takon përmbajtjes me projektaktin ka një përpjekje të KQZ të argumentojë me bazat historike dhe teorike, pra ka përpjekje të KQZ të argumentojë vendimmarrjen e tij, por vendimi ësthë konfuz dhe jo i vërtetë, projekakti që na praqitet sot është io ndryshëm nga ai që na paraqitet më 17. 5. 2011. Ky akt nuk është në përputhje me Kolegjin Zgjedhor, do e filloja me ndërhyrje pa një procedurë ankimore të KZAZ. Në KQZ janë ndryshuar tabelat ku numëruesit kishin firmosur dhe kjo bie ndesh me nenet 118 me radhë. Sipas Kolegjit Zgjedhor ndryshimi i tabelave kërkon një vendimarrje prej 5 votash, kjo përbën procedurë e KQZ të paligjshme se ka miratuar aktin 5 me 3 vota. Është KQZ që miraton tabelën përmbledhëse të numërimit dhe jo KQz. E vetmja detyrë e KQZ është të nxirte rezultatin përfundimtar nga ajo e tabelave të KQZ dhe e miraton jo më vonë se 48 orë’,- theksoi Gjocaj.

NIS MBLEDHJA E KQZ-së
Ora 17:08- Komisioni Qendror i Zgjedhjeve ashtu sic ishte parashikuar ka nisur mbledhjen e tij rreth orës 17:00. Pritet që gjatë kësaj mbledhje të shpallet rezultati për Tiranën.

KQZ SHTYN MBLEDHJEN, MBLIDHET NE 17:00 PER SHPALLJEN E REZULTATEVE
Ora 14:18: KQZ shtyn me 3 orë mbledhjen, do rinis në orën 17:00. PS kërkoi 24 orë kohë për shqyrtimin e materialit prej 60 faqesh, që ka të bëjë me aktin normativ dhe vendimin për fletët e palexuara dhe panumëruara. ( Ne aktin normativ nuk përmendet termi fletet e kontestuara). Mbi bazën e këtyre rezultateve do hartohet dhe tabela përmbledhëse për rezultatin në Tiranë. PS kërkoi 24 orë kohë për shqyrtimin e materiali, por u kundërshtua nga kreu i KQZ Ristani pasi jemi në afat e fundit të përcaktuar në ligj. Do diskutohet gjithashtu dhe tabela përmbyllëse e njesise 5. Në mbledhjen e orës 17:00 akti normativ do hidhet në votim.

KOSOVRASTI: AKTIN E DI GJITHË SHQIPËRIA, JU BËNI SIKUR NUK DINI GJË Ora 14:10- Anëtari i djathtë në KQZ Njazi Kosovrasti theksoi se akti normative është bërë I ditur dhe më parë dhe kërkon jo më shumë se 2 orë kohë për të shqyrtuar materialet. Sipas Kosovrastit, akti ka në brendësi vendime që janë marrë këto ditë nga KQZ.
“Janë vendime që janë marrë këto ditë dhe janë parë nga gjithë Shqipëria. Tani nuk kuptoj pse kërkoni kohë, kur kjo gjë mund të kërkojë më shumë se 1 ose 2 orë kohë për të akorduar me shifrat. Të mbarojmë këtë dhe kalojmë tek tabelat përmbledhëse se po zgjatimi kot”.

KQZ NIS MBLEDHJA, DEBATE PER AKTIN NORMATIV. RISTANI: MIRATOJENI! GJONCAJ DUAM KOHE TA SHQYRTOJME
Ora 13:40- Nis mbledhja e KQZ. KQZ propozon miratimin e një akti normative me vendime të KQZ për procesin e zgjedhjeve, por anëtarët socialistë në KQZ e kundërshtojnë.
Ristani theksoi se “akti ka një pjesë arsyetuese, dhe ka një pjesë vendimarrëse mme anekse për vendime që i kemi marrë ditë pas dite e orë pas ore që është miratuar nga orë të tëra për ju”.
Por përfaqësuesi juridik i PS, Genci Gjoncaj kërkoi të dijë se kush është axhenda për sot. Ai theksoi se nuk ka dijeni për aktin normative dhe kërkoi kohë 24 orë për të shqyrtuar këtë Akt normativ.

KQZ SHPALLI SOT ONLINE REZULTATIN PARAPRAK PËR TIRANËN, RAMA 10 VOTA PARA
Ora 12:50- Për herë të parë që pas numërimit të votave për Bashkinë e Tiranës, KQZ shpalli sot në eubsajtin online rezultatet paraprake për kryeqytetin.
Pas vlerësohet se ka perfunduar numërimi e 485 kutive gjtihsej, KQZ në rezultatet e prezantuara sot online, rendit paraprakisht kandidatin Edi Rama i Aleanca për të Ardhmen me 12 4623 vota ne krye te listës. I dyti poshte Ramës renditet Lulzim Basha me Aleanca për Qytetarin 124613 vota.
I treti ashtu Hysni Milloshi me 1391 vota.

ANËTARI I KQZ, LAZAJ: SITUATA KËTU KAOTIKE Ora 12:40- Anëtari i KQZ, Artan Lazaj e komentoi per TVNews24 si kaotike situatën e sotme në KQZ. “Jemi në një situatë esktraligjore. Është miratuar një akt në parim, ne nuk kemi asnjë akt në letra, pra me pak fjalë një situatë kaotike që nuk dimë si do vijojë.

SHTYHET PA AFAT MBLEDHJA E KQZ
Ora 12:30- Mbledhja e sotme e KQZ eshte shtyre per te treten here. KQZ nuk ka caktuar ende nje afat se kur do te nise mbledhja ne te cilen pritet te shpallet nga ana e KQZ dhe rezultati perfundimtar per Bashkine e Tiranes. Shtyrja erdhi menjehere pas takimit qe kreu i misionit te vezhguesve te OSBE-ODIHR kreu ne KQZ me drejtues te ketij Komisioni.

KQZ SHTYN MBLEDHJEN
Ora 12:20- Mbledhja e KQZ e parashikuar per ne oren 12:00 caktohet per ne oren 12:30.

STONESTREET NË KQZ: DISKUTOVA PËR RAPORTIN E ODIHR. KUTITË? PALËT TË ZBATOJNË LIGJIN
Ora 12:00- Kreu misionit të vëzhguesve të ODIHR Jonathan Stonestreet është gjendur sot paradite rreth ores 11100 në ambientet e brendshme të KQZ. Kreu i misionit të vëzhguesve të OSBE/ ODIHR-it Jonathan Stonestreet është takuar sot me kryetarin e Komisionit Qëndror të Zgjedhjeve, Arben Ristanin dhe nënkryetaren e këtij Komisioni, Dëshira Subashi.
Pas takimit, Stonestreet ka bërë një deklaratë të shkurtër për mediat ku ka shpjeguar se me Ristanin dhe Subashin ka biseduar rreth raportit të ODIHR për zgjedhjet. Ai u shpreh se ka marrë nga KQZ informacione të nevojshme për ti shtuar në raportin përfundimtar që do të nxjerrë pas dy muajsh OSBE-ODIHR.

I pyetur për fletët e kontestuara dhe zhvillimet post-zgjedhore në Shqipëri, Stonestreet u shpreh se ai nuk e ka prekur aspak këtë cështje në bisedën e sotme dhe se nuk mund të bëjë interpretime të ligjit përsa u takon këtyre kutive. Në deklaratën për mediat, Stonestreet theksoi se në silindo rast, palët duhet të zbatojnë ligjin dhe rregullat e lojës.
Takimi i Stonestreet me Ristanin e Subashin zhvillohet pikerisht disa ore para shpalljes se rezultatit zyrtar per zgjedhjet vendore te 8 majit.

PS PROTESTON QETËSISHT. MEKSI: VJEDHJA E VOTËS NDALI PROGRESIN
11:00- Deputetë dhe mbështetës të shumtë të PS janë mbledhur në sheshin para Komisionit Qëndror të Zgjedhjeve dhe kane kërkuar që ky institucion të shpallë drejt rezultatin për zgjedhjet vendore. Ermelinda Meksi theksoi se misioni I opozitës është shumë më i madh nga sa duket. Misioni për votën e lrië tha ajo është progress për vendin, por vjedhja e votës së lirë, deklaroi deputetja në fjalën e saj, ka ndalur progresin në vend.
Te tjere deputetë të PS-së, duke marrë fjalën në protestën e radhës, denoncuan, sipas tyre, "shkeljen flagrante të ligjit dhe përpjekjen për të ndryshuar në tavolinë rezultatin për kryeqytetin", i cili, sipas socialistëve, ka nxjerrë fitues kandidatin e PS-së, Edi Rama.

PROTESTA E PS, NMBUSHET SHESHI PARA KQZ
Ora 10:20- Ka nisur grumbullimi i njerezve jashte godines se KQZ per protesten e radhes se opozites. Ashtu sic ishte njoftuar nje dite me pare, rreth ores 10:00 nisen te mberrinin protestuesit e pare, kurse rreth ores 10:30 minuta protestuesit kane mbushur terriotirn para KQZ, ndersa ne numer te madh jane rreshtuar dhe efektive policie. Turma deri tani duket e qete, ndersa policet kane forcuar me kordona hyrjen para KQZ.

KQZ SHTYN MBLEDHJEN PER NE OREN 12:00Ora 10:00- KQZ shtyn mbledhjen qe kishte parashikuar rreth ores 10:00 te paradites se sotme. Burime nga KQZ bene te ditur per TVNEWS24 se mbledhja do te realizohet ne oren 12:00. Pritet qe ky institucion te shpalle sot rezultatin e zgjedhjeve vendore per Tiranen. Mbledhja do te nise me hartimin e tabeles permbledhese te rezultateve per kutite me vota te kontestuara te njesise bashkiake nr 5 te KZAZ nr 49 ne Tirane, te cilat u numeruar keto ditet e fundit. Pasdite, KQZ do beje tabelen me rezultatet permbledhese per Tiranen.

RISTANI: SOT REZULTATI
Ora 07:00- Rreth orës 22:40 të mbrëmjes së djeshme, Komisioni Qendror i Zgjedhjeve i dha fund procesit të numërimit të votave të kontestuara për Bashkinë e kryeqytetit.
Nga numërimi i 125 kutive në total, rezultuan 171 vota për kandidatin demokrat, Lulzim Basha dhe 83 për rivalin e tij socialist, Edi Rama.

Në një intervistë të dhënë për televizionin NEWS 24, kreu i KQZ-së, Arben Ristani konfirmoi se tashmë këtij institucioni nuk i mbetet gjë tjetër veçse të shpallë rezultatin përfundimtar për Bashkinë e Tiranës. "Nesër (sot) do të miratojmë në tërësi vendimin pasi ishte miratuar vetëm nen për nen. Më pas do të kalojmë në miratimin e tabelës përmbledhëse të rezultateve për KZAZ-në nr.49, që i përket njësisë bashkiake nr.5 dhe veprimi i tretë që do të ndërmarrë KQZ-ja do të jetë miratimi i rezultatit përfundimtar, pra miratimin e tabelave për 11 KZAZ-të e Tiranës. Këto nuk janë akte normative por vendime të KQZ. Janë vendime që sipas ligjit kërkojnë shumicën e thjeshtë që është 7 ose 4", - u shpreh ai. Sa i përket mos aprovimit nga opozita Ristani sqaroi se ajo është e lirë që të ankimojë vendimin e KQZ në institucionet përkatëse. "Nuk është e mundur bllokimi i procesit, pasi ligji i ka miratuar valvulat e sigurisë. I vetmi vendim që do kërkon vendim të caktuar do jetë për rezultatin në gjithë Shqipërinë. Sigurisht që procesi ankimor fillon menjëherë pasi marrim vendimmarrjen tonë, miratimi i tabelës përkatëse kalon në Komision Qendror më pas në Kolegjin Zgjedhor", - tha kreu i KQZ-së.
"Tashmë nuk bëhet fjalë për rezultate paraprake dhe për ne është përfundimtar duke marrë parasysh faktin e procesi të ankimimit, por vendimin përfundimtar mendojmë se do ta marrim deri nesër në mbrëmje vonë, - theksoi Ristani. (d.b/m.a/e.m/BalkanWeb)

Kupa e Shqipërisë, sfida sonte në Durrës

2011-05-22T04:56:00.000-07:00

Një finale e tillë meriton të quhet klasike, por kur e thua këtë fjalë në këtë fund sezoni, sikur të mbetet në grykë. Dinamo e Tirana do të diskutojnë kupën e Shqipërisë, sonte në orën 19:00 në “Niko Dovana” të Durrësit, ndërsa kanë qenë hija e vetvetes gjatë gjithë këtyre 9 muajve.

Madje, blutë dinamovitë janë errësuar shumë më tepër se një hije, sado e zezë që të jetë ajo, pasi ende është në pragun e greminës duke pasur në prag ndeshjen e plej autit ndaj Besëlidhjes. Pra, në prag të jetës dhe vdekjes për të qendruar në Superligë.

Dinamo e di se ajo ndeshje është kryesorja, gjithsesi presidenti Sulaj i ka premtuar tashmë 60 000 dollarë për skuadrën nëse e fiton Kupën e Shqipërisë, sepse skenari më i mirë do të ishte triumf në Durrës, pjesëmarrje në Ligën e Europës dhe qendrim në Kategorinë Superiore. Aq më shumë që në ndeshjen ndaj lezhjanëve shkohet me moral më të lartë nëse fitohet ndaj Tiranës.

Tek Tirana kanë më shumë besim, ndoshta edhe sepse skuadra bardheblu më shumë është forcuar sesa është dobësuar, ndryshe nga rivali i sotëm që ka humbur shumë emra të rëndësishëm që nga janari e deri tani.

Të dyja skuadrat duan të bëjnë histori pasi kanë nga 13 kupa secila, dy më pak sesa Partizani dhe ajo që fiton lë prapa tjetrën. Gjithçka është gati në Durrës, larg Tiranës së trazuar dhe në pritje për t’u qetësuar, veçse cilado që të fitojë, nuk do të mundet të shpëtojë një sezon kaq negativ. Të paktën, të fitojë një kupë dhe Europën.

Turizmi kulturor, prioritet i qeverisë per 2011

2011-05-22T04:53:00.000-07:00

Turizmi kulturor në Shqipëri është një nga prioritetet kryesore e Institutit të Monumenteve per vitin 2011.

Këtë gjë e theksoi drejtori i këtij instituti, Apollon Baçe, i cili theksoi se ky është edhe prioritet i qeverisë shqiptare e cila ka dhënë fonde të mjaftueshme për restaurimin dhe mirëmbajtjen e monumenteve të kulturës.

Restaurimi i radhës do të bëhet në kalanë e Lezhës ku sipas Baçes, do të ndërtohet një nga muzetë më të mirë arkeologjik që janë në vendin tonë si dhe shumë punime të tjera interesante. Gjithashtu do kete nje mirembajtje ne te gjitha monumented e kultures ne mbare shqiperine theksoi Baçe. Ky fond do promovoj kulturen shqiptare duke i afruar vizitoreve nje sherbim me te mire po ne te njejten kohe edhe do krijoje vende pune te reja.

Lufta kundër korrupsionit ndryshon imazhin e Shqipërisë në BE

2011-05-22T04:38:00.000-07:00

Kryeministri Berisha deklaroi të enjten gjatë takimit me ministrin e Jashtëm polak, Radoslaw Sikorski, se arritjet në luftën kundër korrupsionit kanë sjellë një shndërrim total të imazhit të Shqipërisë në vendet e Bashkimit Europian dhe me gjerë, çka është demonstruar dhe me rritjen e numrit të turistëve, të cilët në vitin 2010 shënuan një shifër prej 3,5 milion.

Zyra e shtypit e qeverisë bëri të ditur se Kryeministri Berisha vlerësoi mbështetjen e vazhdueshme që Polonia i ka dhënë Shqipërisë gjatë gjithë kësaj periudhe si për anëtarësimin në NATO, liberalizimin e vizave, apo dhe mbështetjen e vazhdueshme për ecjen me shpejtësi drejt integrimit evropian.

Ministri i Jashtëm polak, Sikorski, risiguroi se Polonia, e cila së shpejti do të marrë presidencën e radhës së BE, mbetet një mbështetëse e fuqishme e anëtarësimit të shpejtë të Shqipërisë në BE dhe do të vijojë të ndihmojë dhe përkrahë qeverinë shqiptare në të gjitha përpjekjet për integrim sa më të shpejtë në BE.

Ministri polak vlerësoi në këtë kontekst, arritjet e jashtëzakonshme dhe hapat e mëdha që Shqipëria ka hedhur gjatë viteve te fundit, duke theksuar se nga vizita e tij e fundit, para disa viteve, ndryshimet janë qartësisht të dukshme e jashtëzakonisht mbresëlënëse.
Gjatë takimit, të dy bashkëbiseduesit ripohuan dëshirën dhe vendosmërinë për të zgjeruar dhe thelluar bashkëpunimin në shumë aspekte, si atë tregtar, të turizmit, të investimeve të ndërsjella, etj.

Duke u ndalur në zhvillimin e zgjedhjeve vendore te 8 majit, në takim u vlerësuan reformat e rëndësishme dhe të suksesshme zgjedhore, si dhe infrastruktura nga më modernet në Evropë, siç është regjistri qendror elektronik apo dokumentet biometrike të identifikimit, por edhe sistemi unik i numërimit, i cili ka bërë të mundur që çdo votë e qytetarëve shqiptarë të numërohet dhe të regjistrohet me sigurinë dhe saktësinë më të lartë, duke garantuar një proces të saktë transparent e rigoroz të numërimit, i cili e rendit sistemin shqiptar të numërimit, në një ndër sistemet me garancinë më të lartë.

Në takim u rikonfirmua dëshira e të dy vendeve për të intensifikuar kontaktet në nivelet më të larta, si shprehje e ndjenjave më të ngrohta të miqësisë mes dy popujve dhe vendeve dhe angazhimit të dy qeverive për të ndërtuar një bashkëpunim të ngushtë në interesin më të mirë të dy popujve miq.

Berisha: Përgatitje për sezonin turistik

2011-05-22T04:31:00.000-07:00

Kryeministri i Shqipërisë, Sali Berisha, në një dalje për mediat theksoi se Shqipëria po e pret sezonin turistik si destinacioni kryesor në planet.

“Shqipëria ka hyrë në sezonin turistik dhe fluksi i turistëve po vjen në rritje. Në muajin prill qeveritë vendore dhe ajo qendrore kanë qenë të angazhuara në fushatë elektorale, por është punuar me një plan masash për parapërgatitjen për këtë sezon. U bëj thirrje qytetarëve shqiptarë, qeveritarëve vendorë dhe përfaqësuesve të qeverisë qendrore të ndjekin me angazhim të plotë finalizimin e përgatitjeve për sezonin turistik më të suksesshëm në historinë e vendit”, u shpreh Berisha.

“Jemi vlerësuar nga agjensitë më prestigjioze të botës si destinacioni kryesor turistik i planetit. Shqiptarët kanë meritë për ngjitjen në këto nivele të Shqipërisë turistike. Ky sukses i madh, i paimagjinueshëm 5-6 vjet më parë, ka qenë meritë e mikpritjes shqiptare”, shtoi kryeministri i vendit.

Më pas, Berisha u bëri thirrje të gjithë qytetarëve shqiptarë të mbajnë pastër mjedisin: “U bëj thirrje të gjithëve që të bëjnë gjithçka për të mbajtur një mjedis të pastër. Është rast i mirë për të krijuar përshtypje pozitive për vendin tonë. Së shpejti inaugurohen impiantet e përpunimit të ujrave të zeza, por asgjë nuk zëvendëson kujdesin e qytetarit për një ambjent më të pastër për vete dhe për turistët që kalojnë pushimet në vendin tonë.”

Kryeministri dhe njëkohësisht kreu i Partisë Demokratike nuk preferoi të komentonte gjatë aktualitetin politik të vendit.

“Shpreh mirënjohjen ndaj të gjithë stafit të KQZ-së, përfaqësuesve të forcave politike dhe efektivave të Policisë së Shtetit. Sot preferoj që tema e konferencës të mbetet turizmi. Gjithsesi, situata në vend nuk ndikon aspak në turizmin e Shqipërisë. Protestat janë dëshmi e një demokracie që funksionon”, përfundoi Berisha.

Italia: Kujdes në Shqipëri

2011-05-22T04:27:00.000-07:00

Ministria italiane e Punëve të Jashtme nëpërmjet faqes zyrtare të njësisë së krizës që kujdeset për italianët në udhëtim jashtë vendit dhe për ata që bëhen gati të udhëtojnë, ditët e fundit e fut edhe Shqipërinë në listën e vendeve me probleme.

Ftohen italianët që ndodhen atje ose që do të shkojnë së shpejti që të informohen sa më shpesh, të marrin të gjitha masat e nevojshme dhe të shmangin vendet ku ka grumbullime. Njoftimet e përditshme për gjendjen e kohëve të fundit në Shqipëri, ku përmenden bllokimet e akseve rrugore dhe protestat, shoqërohen nga ato të rreth 20 vendeve te tjera ku po kalohen gjendje krize si Libia, Tunizia apo Sierra Leone.

E si për ironi te fatit, përpara pak ditesh e përditshmja e madhe La Repubblica, në rubrikën e saj të udhëtimeve shkruante: “Nëse në mendjet tuaja ky vend ende ngjall kujtimin e anijeve të ngarkuara me refugjatë dhe luftën në Ballkan, duhet të ndërroni ide”.

Gazeta këshillonte Shqipërinë si një vend ku këtë verë mund të kalohen pushime të këndshme duke shpenzuar relativisht pak. Këshillë që bie ndesh me qëndrimin e Romës zyrtare.

Topi: KQZ te dale mbi partite

2011-05-22T04:01:00.000-07:00

Presidenti i Republikës Bamir Topi kërkoi nga liderët politikë shqiptarë që të mos krijojnë tension, por t'i kthehen ndërgjegjegjjes civile, duke vepruar sipas Kushtetutës dhe ligjit.

Pas një takimi për më shumë se një orë në Presidencë me ambasadorët Arvizu, Sequi dhe Wollfarth, kreu i vendit në një deklaratë për mediat theksoi se ligji është i detyrueshëm të respektohet nga të cilido, pa paragjykuar askënd.

"Njerëzit t'i drejtohen ligjit dhe vetëm ligjit. I bëjmë thirrje të gjithëve që të japin mesazhe për qetësi, t'i largohen cdo momenti tensioni", tha Topi, duke bërë me dije, se në qendër të takimit me diplomatët e akredituar në vendin tonë, ka qenë situata post zgjedhore dhe zhvillimet e fundit në Tiranë.

"Shtyrja e vizitës së presidentit të KE-së Barroso nuk është një shenjë e mirë, sepse kështu vonohet axhenda evropiane. Në Europë nuk shkojmë për disa politikanë, por për të gjithë popullin shqiptar. Jam i bindur që ky proces do të përfundojë në qetësi të plotë", tha Topi.

Kreu i vendit theksoi se detyrimi për përfundimin me sukses të procesit zgjedhor, nuk është një detyrim thjesht partiak, por është ligjor dhe moral para të gjithë qytetarëve që e kanë shprehur vullnetin e tyre.

Rama: Berisha, përpjekje për gjunjëzimin e opozitës

2011-05-22T03:57:00.000-07:00

Kryetari i PS-së, Edi Rama ka deklaruar se kryeministri Berisha me manipulimin e votës për Bashkinë e Tiranës, po përpiqet të gjynjëzojë opozitën.

Ai theksoi se një gjë e tillë nuk do të lejohet dhe protestat do të shtrihen dhe përshkallëzohen në të gjithë Shqipërinë.

“Berisha bën sikur nuk e dëgjon zërin e popullit dhe të partnerëve ndërkombëtarë. Nëse nuk ndalet maskarada që po bën KQZ, rezistenca qytetare do të përhapet në të gjithë Shqipërinë dhe qytetarët do të thirren për largimin e përfundimtar të kësaj qeverie”, tha Rama.

“Me dhunën antikushtetuese Saliu synon jo vetëm marrjen e Bashkisë së Tiranës, por nënshtrimin e opozitës. Mirëpo Shqipëria nuk është as Tunizi dhe as Bjellorusi dhe shqiptarët kanë ditur të ngrihen në këmbë kur duhet”, tha Rama.

“Shqipëria ka 20 vjet që vuan nga krizat e votës dhe kriza e kësaj radhe është një apel kumbues për ne të cilit do i përgjigjemi deri në fund. Saliu do detyrohet të mësoj se kush luan me detyrimin e popullit luan me nje fuqi që kur del në rrugë, nuk kthehet pa marrë të drejtën e vetë”, theksoi Rama.

Sezoni turistik, plazh dhe folk në Vlorë

2011-05-21T06:29:00.000-07:00

Ka qenë tepër e veçantë atmosfera e sezonit turistik në Vlorë. Një axhendë e ngjeshur aktivitetesh ka përshkruar këto ditë të fundit të javës në qytetin bregdetar. Ndërsa epiqendra u shënuar dje përgjatë rrugës kryesore, për t'u përqendruar më pas në sheshin e skelës me xhirrot motorrike e ritmet rock, parashutistët kanë shoqëruar thuajse gjithë orët e pasdites dhe ditës së sotme me fluturimet e tyre.

Sot gjithçka nisi nga sheshi i Flamurit, ku dhjetra ngjyra kostumesh, u bashkuan në Sheshin e Flamurit. Afrimi i përvjetorit të 100-të të Pavarësisë, duket se tërhoqi vëmendjen e pjesëmarrësve të Aulona Festival Internacional Folk, përfaqësues të grupeve folklorike të huaja, në Kosovë e Shqipëri, kanë nderuar me një homazh varrin e Ismail Qemalit, e më pas kanë ngritur flamujt e shteteve të tyre nën himnet kombëtare të secilit.

Ritmet popullore shqiptare kanë ftuar më pas të gjithë pjesëmarrësit të kapur përdore, duke kërcyer në sheshin e Flamurit. Gjithçka është kthyer në një festë të vërtetë, për tu zhvendosur më pas në ambientet e plazhit, ku u bë edhe çelja zyrtare e sezonit turistik të këtij viti. Kryebashkiaku i Vlorës ka patur këtë herë në krah veç deputetëve Isaraj dhe Deda, edhe kryekomunarin e Klinës (Kosovë), si dhe konsullin italian në Vlorë, Sergio Strozzi, e kreun e dhomës së tregtisë.
Nën një veshje sportive, Gjika ka kursyer fjalimet e gjata, duke thënë se do të vijojë të kontribuojë në mënyrë të dukshme në këto zhvillime, ndërsa ka uruar për një sezon të mbarë. Grupet festivaliste kanë vijuar të jehojnë edhe në skenën e vendosur tek moli, në zonën e plazhit, ndërsa shumë qytetarë sot kanë zgjedhur të frekuentojnë pikërisht zonën e Ujit të Ftohtë, ku edhe kanë vijuar aktivitetet sportive, kulturore. Dita me diellë ka favorizuar plazhistët, të cilët këtë të shtunë kishin mbushur plazhin publik, një zonë kjo që sot ka përjetuar një ditë të vërtetë festive

Përgjigje: Ministrit të Punëve të Jashtme të Serbisë, Z. Jeremić

2011-05-21T04:07:00.000-07:00

Z. Minisër,

Jam një qytetar i thjeshtë i Kombit Shqiptar. Ju sapo u kthyet nga O.K.B.-ja dhe me 8 gusht 2010, ora 21:00 dhatë një intervistë të transmetuar në televizionin anglez BBC News si dhe në CNN. Besoj se në Asamblenë e Përgjithshme të O.K.B.-së, ligjëratën tuaj për Kosovën si shovinist i bindur e kanë pritur me mospërfillje, bashkë me miliona shqiptarë, edhe shumë popuj të botës, sepse folët për Ali Babën me 40 hajdutë, përrallë që më ngjalli neveri në këtë rast.

Çfarë “xhevahire prej Dipllomati” i servisni opinionit anglez dhe atij ndërkombëtar me fjalët tuaja të padrejta?

…”Kosova duhet të kthehet pranë familjes së saj, mëmës Serbi? …Serbët
dhe Shqiptarët kanë probleme të brendshme si palestinezët dhe izraelitët që
duhet t’i zgjidhin vetë njëri me tjetrin?” …

Me deklarimet tuaja cinike, ju vazhdoni të fallsifikoni historinë ballkanike në mënyrë skandaloze, duke i dhënë botës të kuptojë që Serbia nuk pranon realitetin historik dhe identitetin shqiptar.

Për të qenë i sinqertë ndaj jush, kur po ju ndëgjoja, thashë me veten time, “Mos vallë është ringjallë Milloshevici, ish-pasues i denjë i Hitlerit?” Milloshevici, me esteri prej krimineli, është futur si diktator në historinë botërore dhe atë ballkanike dhe veçanërisht ndaj Kosovës. Ju dhe klani juaj “sozia e tij,” s’keni fuqi ta ringjallni për t’ja çuar amanetet deri në fund edhe pas vdekjes.

Ju uroj për gradën master në Harvard. Nuk e besoj të jetë Harvardi që të ketë prishur mendjen tuaj prej Dipllomati për gjenezën e njerëzimit dhe nocionin e shtetformimit. Po ashtu, edhe për të drejtat njerëzore të shqiptarëve dhe udhët e tyre që bëjnë të mundur vetëvendosjen popullit shqiptar me legjitimitet mbështetur në fakte historike.

Ju e dini fort mirë Z. Diplomat, po ashtu edhe akademikët dhe historianët e Beogradit dhe ata botërorë, se serbët janë fise sllave të ardhura nga Uralet dhe Kaukazi në mesjetën e hershme. Dalmacia (e cila sot përfshin pjesën perëndimore të gadishullit të Ballkanit si Mali i Zi, Slloveni, Kroaci, dhe Serbi) banohej nga fise autoktone iliriane, por duke qenë të paktë në numër u asimiluan nga pushtuesit sllavë. E kundërta ndodhi me Dardaninë, Kosovën e sotme, ku duke qenë shumicë, nuk i lejuan sllavët të okuponin vendin e tyre. Historia botërore dhe ajo ballkanike e njeh kufirin natyral të kombin shqiptar nga Veriu – Nishi e Novipazari dhe nga Jugu – Arta e Preveza. Këta janë kufinjtë mijra-vjeçarë, lënë nga Ilirianët, të parët e popullit shqiptar.

Këto realite janë vërtetuar dhe dëshmuar nga qindra e mijëra botime, libra historikë, harta, arkeologë, historianë dhe gjuhësorë, se banorët e këtyre trevave flisnin gjuhën iliriane dhe në shekullin IX-XI Iliria u emërua me ermin Arbëri-Shqipëri. Në, këto treva, edhe sot përdoret i njëjti fjalor si atëherë, ku fjalës ‘bukë’ i kanë thënë ‘bukë’ dhe fjalës ‘liri’ po ‘liri’.

Trojet shqiptare nuk kanë qenë pjesë ligjore e ish perandorisë Turke ashtu siç deklaronin sunduesit serb dhe maqedonas. Por Evropa, për qëllime shoviniste dhe kontradiktash, padrejtësisht nëpërkëmbi fatet e kombit shqiptar me traktake diskriminuese si në Shën Stefan 1877, në Berlin 1878, në Londër 1913 dhe 1915 dhe në janar 1919 në Paris. Këto forume Evropiane kishin për qëllim zhdukjen e Shqipërisë nga harta botërore, por e parealizuar në sajë të vendosmërisë të ish Presidentit Amerikan Z. Wilson, duke lënë në fuqi vendimet e vitit 1913.

Këto traktate skllavëruese kënaqën në mënyrë të tejskajshme shovinistët e Ballkanit, dhe në rradhë të parë serbët, gjë që ishte në dëm të tokave shqiptare. Si pasojë, ato lanë jashtë territorit të Shqipërisë mbi 60 përqind të sipërfaqes dhe popullsisë. Serbia me përkrahjen e cungimit rusomadh dhe evropian formoi më 1918 shtetin e Jugosllavisë me kombësi të ndryshme. Giithashtu dihet se njihet barbaria e serbëve me Nikoliçët, Karagjergjovicët, Titoja e Millosheviçi ndaj shqiptarëve. Këto sundimtarë gjakatarë kanë vrarë e shfarosur me qindra mijë shqiptarë duke përzënë me forcë me miliona prej trojeve stërgjyshore.

Por, ja që Zoti e bekoi tokën e Arbërit me banorët e saj, për të mos ia lëshuar shkjaut trojet shqiptare dhe as shovenistëve grekë, as fashistëve të Italisë e as nazistëve të Hiterlit gjatë luftës së dytë botërore. Dhe gjaku u derdh lum për të mbrojtur kombin shqiptar, ideal i Skënderbeut, vëllezërve Frashëri, Sylejman Vokshit, Isa Boletinit, Çerçiz Topullit, Ismail Qemalit, Mic Sokolit, Shote Galicës, Bajram Currit e Adem Jasharit.

Padrejtësitë historike ndaj shqiptarëve morën fund, por jo plotësisht. Me 17 Shkurt 2008 Kosova u shpall e pavarur, ku, deri tani e kanë njohur shumë vende të botës si shtetet e Bashkimit Evropian, SH.B.A., etj. Por edhe sot, shumë pjesë të territorit shqiptar ndodhen padrejtësisht nën vartësi të Greqisë, Malit të Zi dhe Maqedonisë, edhe në Serbi. Bota e di fort mirë se asnjë e keqe s’u ka ardhur fqinjëve, apo ndonjë populli tjetër nga shqiptarët. Përkundrazi, si popull liridashës që jemi, ndër më të vjetërit në Evropë kemi dhënë kontributin tonë në drejtim të kulturës dhe lirisë së popujve të tjerë.

Njihet historikisht trimëria dhe humanizmi i shqiptarëve në shekullin XV. Armët dhe gjaku i tyre, me legjendarin shqiptar Skënderbej, mbrojti qytetërimin Evropian ndaj sundimit osman. Mbi 2000 dijetarë historianë kanë shkruar dhe vazhdojnë të shkruajnë për këtë epope. Sulltan Murati i Turqisë, qe betuar se nuk do t’i dilte shpirti, pa i dhënë Papës çallmën (rrip i gjatë pëlhure me ngjyrë të bardhë, të zezë ose të gjelbër që e mbajnë në kokë klerikët myslimanë dhe burrat në disa vende) dhe kishës së Shën Pjetrit flamurin turk gjysëm hënëz mbi kupolë.

Ishin kryengritësit shqiptarë ata me Ali Pashë Tepelenën që u dhanë helenëve grekë me 1821 pavarësinë. Historikisht, Turqinë e kanë drejtuar mbi 70 kryeministra shqiptarë e deri tek Ataturku (Mustafa Kemali me gjak shqiptari), si dhe dijetarë me famë si Sami Frashëri, autor i mbi 60 veprave shqip dhe turqisht. Me shekuj kombi shqiptar i ka dhënë Austrisë, Italisë, Egjyptit, Sirisë, Libanit, etj, governatorë, dijetarë, kryeministra dhe dekanë fakultetesh. Edhe sot, ne vazhdojnë t’i japim kulturës, arsimit dhe civilizimit botëror.

Bota krenohet me kombin shqiptar, me figura të mëdha botërore si Aleksandër Moisiu (artist i skenës teatrale), Nënë Tereza me humanizmin e saj, dhe shkrimtarin e mirënjohur Ismail Kadare, veprat e të cilit janë përkthyer në shumë gjuhë të botës.
Që me 1946, ish-Presidenti i Serbisë, Josif Brestito, e njohi formalisht Kosovën si pjesë e Shqipërisë. Gjithashtu, forcat partizane të Shqipërisë, gjatë luftës së dytë botërore kanë luftuar përkrah forcave partizane jugosllave kundër nazismit, për lirinë e popujve të Jugosllavisë.

Por Brestito, si Kalë Troje midis Lindjes dhe Perëndimit, përdori politikën e shfarosjes dhe shpërnguljes me forcë ndaj shqiptarëve nga Kosova e Metohija. Gjatë viteve 1945-48, duke hymnizuar miqësinë me pansllavistët e Tiranës, me parrullën “Enver –Tito” Serbia i grabiti Shqipërisë dhjetra-mijë ton ushqime, ullinj, vaj, bereqet (drithëra si grur e misra). Gjithashtu, u boshatisën magazinat e ish-tregtarëve me manifraktura e mallra industriale. Gjatë kësaj periudhe, ish- Presidenti i Serbisë, Tito dëboi me dhunë qindra-mijëra shqiptarë për në Turqi dhe Evropë duke ia marrë pasurinë dhe tokat me qëllim çkombtarizimi. Ndësa në Kosovë, Tito ndaloi arsimin shqip, duke mbyllur shkollat dhe universitet shqiptare dhe duke internuar e vrarë mesues të gjuhës shqipe. Në Kosovë, fëmijët shqiptarë janë detyruar fshehurazi të mësojnë gjuhën shqipe nëpër shtëpi private nga frika e persekutimit.

Kosovarët që nuk pajtoheshin me regjimin serb, kalonin kufirin për të ardhur në Shqipëri, por vriteshin nga UDB-ja Jugosllave (Sigurimi famëkeq i Shtetit). Shqipëria komuniste lidhi miqësi me bollshevizmin Rus. Me parrullë të re “Enver-Stalin”, Shqipëria u bë bazë e sigurtë për Rusët kundër Përëndimit. Miqësia shqiptare-sovjetike u pagua nga shqiptarët me vrasje, burgime e internime ndaj kundërshtarëve të komunizmit.

Siç i rrëmbeu Sulltani Turk Ali-Pashë Tepelenës 25 milion monedha ari pas vdekjes së tij, komunistët e Tiranës, në emër të diktatorit Enver Hoxha i dhanë Moskës (kryeqytetit të Rusisë) peshqesh 475 milion monedha ari, pa llogaritur shufrat dhe kallëpet prej ari. Në këmbim të këtyre dhuratave Stalini i dhuroi Shqipërisë hekurishte të përdorura trenash, të kohës të Carit, si dhe një kombinat të vjetër.

Interesat e Millosheviçit ishin për shfrytëzimin e minierave të arit në Trepçe të Kosovës dhe fushave buqësore, ndër më të mëdha të Ballkanit. Por ëndrrat serbe mbeten vetëm ëndrra. Shqipëria nuk u bë Republikë e shtatë e Jugosllavisë. Edhe bazat Ruse ushtarake në Shqipëri u çmontuan sepse u prish miqësia me Stalinin. Por, sa keq, që kjo botë lind edhe përbindësha. Millosheviçi, kasapi i Ballkanit, e mbushi Kosovën, me spiunë e kriminelë, duke bërë veprime të papara në historinë botërore.

Reparte speciale para-militare serbe, paguheshin me bordero të veçanta, me paga 5-7 fish më tepër, me kusht që të vrisnin dhe të shfarosnin sa më shumë shqiptarë të Kosovës, t’u çanin barkun grave shtatzëna, të përdhunonin motrat dhe vajzat tona, të pushkatonin prindërit përpara syve të fëmijëve, dhe pastaj vetë fëmijët, të digjnin dhe grabisnin fshatra e qytete, të cilët e bënë realitet. Vetëm në Shqipëri u strehuan mbi 800,000 refugjatë kosovarë. Ndërsa dhjetëra mijëra të tjerë u strehuan në Evropë dhe Amerikë.

Këto masakra që tronditën botën janë të dëshmuara në pamjet televizive, varret masive dhe mijëra të zhdukur, që edhe sot nuk i dihet fati. Nuk mund të zhduket një popull prej 15 milion banorësh o Zoti Ministër, për arsyen e të qenurit shqiptar, duke banuar në trojet e veta. Për ne shqiptarët, ideali për kombin është vlera më e shenjtë. Ju nuk mund të turbulloni ujërat me zërin kasnec të një farë Carla Del Ponde, e cila me një shkrim plot mashtrime pa fakte barazon viktimën shqiptare me agresorin serb, hymnizon ujkun që gjoja i turbulloi ujin qingjit, i cili banonte pranë vathës së vet.

Po kështu vazhdoni të mashtroni disa vende arabe për të mos e njohur pavarësinë e Kosovës. Dihet se dikur Tito bëri miq disa sheikë arabë, sepse i pëlqenin shumë përrallat arabe, me një-mijë e një net që i dëgjonte me ëndje nga disa tregimtarë sheikë, hipur mbi deve. Ne shqiptarët, e çmojmë dhe e vlerësojmë lart kulturën arabe në të mirë të njerëzimit, kur ajo avanconte në mesjetë, si edhe sot. Dihet se ka disa fetarë të vetëquajtuar islamikë, që betohen mbi Kuranin për paqe, dhe nga ana tjetër pregatisin terroristë që vetë-safrikohen si dikur samurajët japonezë për të shfaqur besnikërinë ndaj perandorit të tyre. Këta terroristë rrëzojnë aeroplanë me gra e fëmijë, vendosin bomba mes grupesh njerëzish të pafajshëm, djegin ndërtesa shtetërore në vendet e tyre për të realizuar idetë e tyre anti njerëzore. Këto veprime bijnë në kundërshtim me vlerat universale të Kuranit dhe Biblës, sepse këto dy libra të shenjtë predikojnë paqe dhe vëllazërim.

Po ashtu ne na vjen keq kur shkatërrohen shtëpi apo vriten njerëz të pafajshëm nepër vendet arabe si pasojë e luftrave. Mënyrën e jetës dhe formën e regjimit çdo popull duhet ta vendosi vetë. Ne shqiptarët, kemi shtetin tonë ligjor dhe nuk mund të pranojmë shtet fetar, qoftë ai krishter apo islamik. Feja e shqiptarit është shqiptaria. Të gjitha komunitetet fetare në Shqipëri respektohen dhe vlerësohen duke e bërë kombin shqiptar me harmoni fetare më të lartë në botë. Ne shqiptarët çmojmë lartë veprën e klerikëve tanë nga të gjitha fetë si Papa Kristo Negovani, Atë Gjergj Fishta, Fan Noli, Ndre Mjeda, Hafiz Ali Korça, Hafiz Ibrahim Dalliu, Imzot Rrok Mirdita, dhe vëllezërit Frashëri.

Zoti Ministër, përparimet e njerëzimit duhen mbrojtur e çuar më përpara. Mos humbisni kohë me teori shoviniste, por predikoni paqe e bashkëpunim, duke punuar e jetuar të lirë. Mos u ndikoni nga Z. Lavrov, (Ministri i Jashtëm i Rusisë) për pansllavizëm, ish ëndërr e keqe e së kaluarës, si fashizmi dhe fantazma e komunizmit. Sepse këtyre u ka ikur koha. Tani popujt e sotëm nuk drejtohen më nga mbretër e diktatorë gjakatarë. Zoti krijoi jetën njerëzore që të jetojë në harmoni dhe paqe. Ne shqiptarët, miqësinë, bujarinë, trimërinë dhe ndershmërinë, i kemi parime bazë të jetës tonë. Pavarësia e Kosovës është e siguruar me legjitimitet. Mos kundërshtoni historinë e shqiptarëve, por punoni për miqësi mes popujsh, që eshtë edhe në të mirën e popullit serb.

PS do të qeverisë rreth 2.5 milionë shqiptarë, PD, rreth 650 mijë

2011-05-15T06:17:00.000-07:00

Socialistët në zgjedhjet e 2011 kanë fituar gjithsej 38 bashki ndërsa demokratët 28 prej tyre. Këto janë shifrat zyrtare e dhëna nga KQZ-ja. Bashkitë e fituara nga PS janë bashkitë me numër më të madh banorësh, pra bashkitë e mëdha të vendit me shumë
komunitet njerëzor. Bashkitë e fituara nga PD janë bashki të vogla. PS do qeverisë mbi 2.5 milionë shqiptarë, pas fitores së djeshme në Tiranë kurse PD rreth 650 mijë shqiptarë.

Rezultatet per PS
1. Berat PS
2. Ura Vajgurore PS
3. Kuçovë PS
4. Poliçan PS
5. Burrel PS
6. Shijak, PS
7. Maminas, PS
8. Fushë-Krujë PS
9. Gramsh PS
10. Fier PS
11. Patos PS
12. Lushnje PS
13. Divjakë PS
14. Ballsh PS
15. Gjirokastër PS
16. Kelcyrë PS
17. Përmet PS
18. Tepelenë PS
19. Memaliaj PS
20. Maliq PS
21. Ersekë PS
22. Pogradec PS
23. Krumë PS
24. Laç PS
25. Mamurras PS
26. Rrëshen PS
27. Rubik PS
28. Kavajë PS
29. Vlorë PS
30. Konispol PS
31. Sarandë PS
32. Himarë PS
33. Orikum PS
34. Selenicë PS
35. Korce PS
36. Durres PS
37. Elbasan PS
38. Tiranë PS

Rezultatet per PD
1. Çorovodë LSI+PD
2. Bulqizë PD
3. Peshkopi PD
4. Klos-Mat PD
5. Manëz PD
6. Sukth PD
7. Krujë PD
8. Belsh PD
9. Cërrik PD
10. Librazhd PD+PDIU
11. Përrnjas PD
12. Peqin PD
13. Roskovec, PD
14. Libohovë PD
15. Bilisht PD
16. Leskovik PD
17. Kukësi PD
18. Bajram Curri PD
19. Lezhë PD+LSI
20. Koplik PD
21. Fushë-Arrëz PD
22. Puke PD
23. Vau-Dejës PD
24. Rrogozhinë PD+PDIU
25. Kamëz PD
26. Vorë PD
27. Delvinë PD
28: Shkoder PD

Dalin rezultatet e para për Njësitë Bashkiake

TIRANË - Pas mbylljes së rezultatit për kryetarin e Bashkisë së Tiranës dhe këshilltarëve të saj, në Komisionet Zonale të Administrimit Zgjedhor në kryeqytet kanë nisur numërimet për krerët dhe këshilltarët e minibashkive. Gjashtë ditë pas zgjedhjeve vendore të 8 majit dhe një numërimi tepër të ngadaltë për kreun e Bashkisë së Tiranës, po dalin dhe rezultat e para për njësitë bashkiake. Deri mbrëmjen e djeshme nuk janë raportuar probleme dhe ecuria e procesit ka qenë tepër normale. Më poshtë do të paraqiten kutitë e numëruara dhe rezultatet që transmetohen nga Komisioni Qendror i Zgjedhjeve për çdo njësi bashkiake.

Njësia 1
Në Njësinë Bashkiake numër 1 në kryeqytet ka përfunduar procesi i numërimit për zgjedhjen e kryetarit të saj. Kandidatja e koalicionit "Aleanca për të Ardhmen" e propozuar nga Partia Socialiste, Lindita Nikolla, ka fituar betejën kundrejt kandidatit të koalicionit "Aleanca për Qytetarin" të propozuar nga Partia Demokratike, me një diferencë prej 1210 votash. Kandidatja socialiste ka marrë 9985, duke fituar në këtë mënyrë mandatin e tret për drejtimin e kësaj minibashkie, kundrejt rivalit demokrat me 8775.

Njësia 2
Kandidati i propozuar nga Lëvizja Socialiste për Integrim, Elez Gjoza, që garon nën siglën e "Aleancës për Qytetarit", kryeson garën kundrejt kandidatit socialist Artemon Cukalla. Ky i fundit, i cili garon nën siglën e "Aleaancës për të Ardhmen" është 1070 prapa rivalit të tij. Në këtë njësi vendore ku kanë mbetur dhe 9 kuti pa u numëruar, sipas rezultateve zyrtare të institucionit të administrimit të zgjedhjeve, kandidati i "Aleancës për Qytetarin" udhëheq garën.

Njësia 3
Një garë e fortë po zhvillohet në Njësinë Bashkiake numër tre në kryeqytet. Kandidati i Partisë Socialiste, Enver Sulollari pas tetë kutive të numëruara nga 32 gjithsej është 50 vota përpara kandidat të Lëvizjes Socialiste për Integrim, Ilir Kokona. Përfaqësuesit e të dyjave forcave politike kanë pasur një ulje ngritje të pozicioneve pas hapjes së disa kutive. Deri mbrëmjen e djeshme, kandidati i "Aleancës për të Ardhmen" udhëheq garën minimalisht kundrejt kandidatit të "Aleancës për Qytetarin".

Njësia 4
Kur s'janë numëruar rreth gjysma e kutive të votimit, kandidati i Partisë Demokratike, Hysen Xhura po kryeson garën kundrejt kandidatit të Partisë Socialiste. Sipas të dhënave të marra nga KQZ, garuesi nën siglën e "Aleancës për Qytetarin" ka 761 vota më shumë se rivali i tij i "Aleancës për të Ardhmen". Kur mbeten dhe 28 kuti për t'u numëruar, kandidati demokrat ka marrë 3934 vota, ndërsa kandidati socialist numëron 3173 të tilla.

Njësia 5
Komisioni Zonal i Administrimit Zgjedhor numër 49 në kryeqytet, ku ishin të fokusuar të gjitha mediat dhe sytë e opinionit publik, pasi ishte dhe zona e cila shpalli fituesin e kryetarit të Bashkisë së Tiranës. Në këtë njësi e majta ka fituar më shumë se 4 mijë vota ndaj të djathtës. Për Njësinë Bashkiake numër 5 garon kandidatja e Partisë Socialiste, Jeta Seitaj, kundrejt kandidates së Lëvizjes Socialiste për Integrim, Erisa Xhixho. Numërimi pritet të nisë ditën e sotme.

Njësia 6
Kryetarja aktuale e Njësisë Bashkiake numër 6, Luzhiana Abazaj, e cila garoi në zgjedhjet e 8 majit nën siglën e koalicionit "Aleanca për Qytetarin" është në dizavantazh kundrejt kandidatit të Partisë Socialiste Krenar Cenollari, që garon nën siglën e koalicionit "Aleanca për të Ardhmen". Nga 37 kuti të numëruara nga 51 të tilla, kandidati socialist ka marrë 8183 vota, ndërsa kundërshtarja e tij ka marrë 7260 të tilla. Kanë mbetur pa numëruar dhe 14 kuti votimi.

Njësia 7
Kur kanë mbetur pa numëruar dhe 14 kuti në Njësinë Bashkiake numër 5, kandidati i Partisë Socialiste, Erion Koka, kryeson garën me 793 vota ndaj rivalit të tij të Partisë për Drejtësi Integrim dhe Unitet, Krenar Alimehmeti. Nga të dhënat e Komisionit Qendror të Zgjedhjeve rezulton se për 36 kuti të numëruara nga 50, kandidati i koalicionit "Aleanca për të Ardhmen", Erion Koka, ka marrë 9774 dhe kandidati i "Aleancës për Qytetarin" ka marrë 8981.

Njësia 8
Kandidati i Partisë Republikane, Arben Tafaj, është pranë një mandatit të katërt në krye të njësisë Bashkiake numër 8. Nga 13 kuti të numëruar, garuesi nën siglën e koalicionit "Aleanca për Qytetarin" ka fituar 4112 vota ndërsa rivali i tij i kandidatit të Partisë Socialiste, Sadi Vorpsi, që garon për "Aleancën për të Ardhmen" ka marrë 2560. Në këtë njësi kanë mbetur për t'u numëruar 17 kuti. Nga rezultati paraprak, garuesi i Partisë Republikane është 1522 përpara.

Njësia 9
Në këtë Njësi Bashkiake gara sapo ka filluar. Kryetari aktual i kësaj bashkie, i cili përfaqëson Partinë Socialiste, Armond Halebi, është vetëm 60 vota përpara kandidatit që përfaqson Partinë Demokratike, Indrit Fortuzi. Për të numëruar kanë ngelur dhe 38 kuti votimi. Nga kutitë e para rezultatin se kandidati i "Aleancës për të Ardhmen" ka marrë 882 vota, ndërsa kandidati i "Aleancës për Qytetarin" ka marrë 822 vota. Këto janë të dhënat deri në orët e mbrëmjes së djeshme nga KQZ-ja.

Njësia 10
Një tjetër rezultat për minibashkitë e Tiranës është mbyllur. Kandidati i Partisë Demrokratike, Blendi Fuga, ka fituar betejën elektorale të 8 majit përballë kandidates të Partisë Socialiste, Enada Alikaj. Fituesi që garoi nën siglën e koalicionit "Aleanca për Qytetarin" ka marrë 6748 vota ndërsa kandidatja e koalicionit "Aleanca për të Ardhmen" ka marrë 5060. Deri mbrëmjen e djeshme nuk janë bërë të ditura kontestime apo të jenë denoncuar parregullsi të procesit.

Njësia 11 (26/55 kuti)
Kur janë kaluar më shumë se gjysma e kutive të votimit për t'u numëruar në Njësinë Bashkiake numër 11, kandidati i Partisë Demokratike, Haki Mustafa është në avantazh me 918 përpara. Kandidati i koalicionit "Aleanca për Qytetarin" garon për një mandat të katërt në drejtim të kësaj njësie vendore. Nga rezultati paraprak i publikuar nga KQZ, garuesi demokrat ka marrë 6117 vota ndërsa rivali i tij, kandidati i Partisë Socialiste, Naim Asllani, ka marrë 5199 vota.

Tabela e rezultateve për kandidatët e njësive bashkiake
Njësia 1 (E mbyllur)
Lindita Nikolla, PS 9985
Agron Seseri, PD 8775
Fiton kandidatja socialiste me 1210 vota diferencë.

Njësia 2 (45/54 kuti)
Artemon Cukalla, PS 12723
Elez Gjoza, LSI 13793
Mbeten dhe 9 kuti pa numëruar, Gjoza është 1070 vota përpara.

Njësia 3 (8/32 kuti)
Enver Sulollari, PS 2220
Ilir Kokona, PD 2070
Mbeten edhe 24 kuti pa numëruar, Sulollari është 50 vota përpara.

Njësia 4 (15/43 kuti)
Vahid Kalaja, PS 3173
Hysen Xhura, PD 3934
Mbeten edhe 28 kuti pa numëruar, Xhura është 761 vota përpara.

Njësia 5 (65/65 kuti)
Jeta Seitaj, PS -
Erisa Xhixho, LSI -
Procesi i numërimit nuk ka filluar për minibashkinë.

Njësia 6 (37/51 kuti)
Krenar Cenollari, PS 8183
Luzhiana Abazaj, PD 7260
Mbeten edhe 14 kuti pa numëruar, Cenollari është 923 vota përpara.

Njësia 7 (36/50 kuti)
Erion Koka, PS 9774
Krenar Alimehmeti, PDIU 8981
Mbeten edhe 24 kuti pa numëruar, Koka është 793 vota përpara.

Njësia 8 (13/30 kuti)
Sadi Vorpsi, PS 2560
Arben Tafaj, PR 4112
Mbeten edhe 17 kuti pa numëruar, Tafaj është 1552 vota përpara.

Njësia 9 (3/41 kuti)
Armond Halebi, PS 882
Indrit Fortuzi, PD 822
Mbeten edhe 38 kuti pa numëruar, Halebi është 60 vota përpara.

Njësia 10 (E mbyllur)
Enada Alikaj, PS 5060
Blend Fuga, PD 6748
Fiton kandidati i Partisë Demokratike me 1688 vota diferencë.

Njësia 11 (26/55 kuti)
Naim Asllani, PS 5199
Haki Mustafa, PD 6117
Mbeten edhe 29 kuti pa numëruar, Mustafa është 918 vota përpara.

Tirana akoma pa fitues, PS:Te shpalle rezultati, Ristani i KQZ: Do verifikojme tabelat

2011-05-15T06:14:00.000-07:00

TIRANE- Një javë nga 8 maji,kur rreth 250 mijë votues iu drejtuan kutive të votimit për të votuar, se kush do drejtojë bashkinë e kryeqytetit, ende nuk ka një rezultatet të çertifikuar nga KQZ nëse do jetë Edi Rama i PS-se apo Lulzim Basha i PD-së.

Sipas NEWS24 pranë Komisionit Qendror Zgjedhor kanë mbërritur tashmë 10 nga 11 procesverbalet e KZAZ-ve në Tiranë, ndërsa Komisioni Qendror Zgjedhor pritet të mblidhet sot pasdite për të përcaktuar dhe mënyrën dhe udhëzuesin si do bëhet verifikimi i rezultateve të procesverbaleve. Ristani: Tabela Permbledhese brenda 48 oreve nga mberritja e procesverbalit te fundit Majko i PS: KQZ te mos vonoje, Procesverbali i fundit i KZAZ 49 që i dha fitoren Ramës u firmos nga Numëruesit PD e PS, Basha ti respektoje firmëtarët. Berisha: Rama s'ka fituar zgjedhjet. Per Tiranen, fituesi del pas vleresimit te votave te kontestuara. Fakte se Basha ka me shume vota se 10-ta e Rames.

REZULTATI PER TIRANEN KQZ MBLIDHET SOT NE 18:00
Ora 14: 16 KQZ do të mblidhet sot pasdite për të përcaktuar dhe mënyrën dhe udhëzuesin si do bëhet verifikimi i procesverbaleve të 11 KZAZ-ve të Tiranës. Mbledhja është lënë të nisë në orën 18:00 ndërkohë që sipas NEWS24 në KQZ tashmë kanë mbërritur 10 nga 11 procesverbalet e KZAZ –ve në Tiranë. Në mbledhjen e mesditës së sotme kreu i KQZ, Ristani sqaroi se “Do kqyrim tabelat e KZAZ-ve, do kontrollojmë rezultatin e procesverbalit dhe do bëjmë hetim nëse përputhen rezultatet”

PS, MAJKO:RAMA FITUES NE KZAZ 49, NUMERUESIT PD-PS FIRMOSEN PROCESVERBALIN, BASHA T'I RESPEKTOJE
Ora 14:00 Partia Socialiste i bën thirrje Komisionit Qendror të Zgjedhjeve që “në një periudhë sa më të shpejtë të mbyllë e të deklarojë rezultatin e zgejdhjeve për Tiranën e për të gjithë Shqipërinë”. Nga selia rozë deputeti socialist Pandeli Majko iu drejtua të gjithë “publikut të kenë qetësinë e gadishmërinë për të ndjekur hap pas hapi i cili shpresoj të jetë sa më i shkurtër”

“Nga 485 kuti gjithsej në bashkinë e Tiranës,- tha Majko- jam këtu për tu treguar procesverbalin e fundit, e firmosur nga përfaqësuesit e PD e PS i cili i jep Ramës fitoren e postit të kryetarit.”
Sipas tij PS ka dokumentacion të plotë në respekt të ligjit e këto dokumente flasin qartë.”Shpresoj- vazhdoi Majko- se në respekt të ligjit KQZ do marrë një vendim sa më të shpejtë.”
Majko theksoi më tej se “Koha nuk pret. Si të majtët e të djathtët jemi të lodhur. Ka ardhur koha t’i japim fund lodrave të fjalëve. Fjalën e ka ligji dhe dokumentat e firmosur si nga komisionerët PD ashtu e PS.” Deputeti socialist i bëri thirrje PD që “së bashku me Bashën duhet të respektojnë firmat e numëruesve e komisionerëve të tyre.

RISTANI: DO VERIFIKOJME 11 TABELAT, REZULTATI,48 ORE ME VONE
Ora 11: 12 Kreu i KQZ-së në një pronocim për median deklaroi se “Procedurat ligjore janë parashikur në nenin 123 te Kodit Zgjedhor. Brenda 48 orëve do ketë tabelë përmbledhëse për Tiranën, nga momenti kur vjen tabela e fundit e KZAZ”. Ai informoi se deri tani ne KQZ kanë ardhur më shumë se gjysma e tabelave përmbledhëse nga 11 KZAZ-të e Tiranës, ndërsa sa i përket 15 fletëve te votimit për kryetar bashkie të gjetura në kutitë e kryetarëve për minibashkitë në njësinë numër 7, Ristani theksoi se është kopetencë e KZAZ-së për të vendosur në lidhje me këto fletë votimi.

KQZ NIS MBLEDHJEN
Ora 10: 19 KQZ nis mbledhjen me shqyrtimin e ankesave nga kandidatë që kanë marrë pjesë në zgjedhjet e 8 majit. Ende nuk ka nisur diskutimi për Tiranën.
Në fillim të mbledhjes, përfaqësuesi ligjor I PS-së, Genci Gjoncaj kërkoi që KQZ të përfundojë hedhjen e të dhënave sa I përket rezultateve të 11 minibashkive, të bëjë llogaritjet përfundimtare dhe më pas tu shpërndahen palëve. Kreu I KQZ nga ana e tij konfirmoi se do mblidhet tabela e rezultateve për gjithë KZAZ e Tiranës

Mbledhja nisi në orën 10:00 pas shtyrjes së mbledhjes së djeshme, e cila ishte e parashikuar rreth orës 18:00 dhe pritet të shoqërohet me diskutime të gjata, për të nxjerrë në fund rezultatin për kreun e ri të Bashkisë, nëse ky do të jetë Lulzim Basha apo Edi Rama.

SEQUI TAKON RISTANIN: BESIM SE KY PROCES DO PLOTESOJE STANDARDET
Ora 10: 03 Ambasadori i BE-së Ettore Sequi ka qenë sot paradite në KQZ për të zhvilluar një takim me Arben Ristan, kreun e këtij institucioni. Takimi ka zgjatur 30 minuta dhe është zhvilluar vetëm pak minuta para se të niste mbledhja për verifikimin e shifrave të procesverbaleve për të 11 minibashkitë në Tiranë. në një prononcim për median Sequi ka përsëritur apelin se zgjedhjet janë “test i rëndësishëm për BE-në” dhe ka shprehur “besim dhe mbeshtetetje tek institucionet“.

KQZ
Sipas rezultateve të 11 KZAZ-ve, ( te publikuara dje) Rama dilte fitues vetëm me 10 vota diferencë. Por KQZ tha dje se ka mospërputhshmëri mes rezultateve të procesverbaleve dhe asaj cka është pasqyruar në ekranin e madh të KQZ dhe urdhëroi mbledhjen e procesverbaleve të 11 minibashkive të Tiranës për të bërë verifikimin e rezultateve të tyre.
Sipas zëdhënësit të KQZ-së, në procesverbale mund të bëhen edhe gabime, prandaj KQZ-ja po i verifikon edhe njëherë. “Në bazë të nenit 123 të Kodit Zgjedhor, KQZ e shpall rezultatin pasi të ketë verifikuar të gjitha të dhënat e tabelave të qendrave të votimit, KZAZ”, - u shpreh dje zedhenesi i KQZ, Lushi. “Aktualisht, rezultati paraprak rezulton i pakuptimtë, pasi kandidatët u ndanë me një rezultat fare të ngushtë, flitet për 10 vota plus në favor të Ramës, por është njerëzore që të ketë edhe gabime gjatë hedhjes së rezultatit. KQZ po verifikon edhe njëherë procesverbalet e të gjitha qendrave të votimit në Tiranë”, - vazhdoi dje zëdhënësi i KQZ-së.

Sipas procesverbaleve të njësisë nr.5, KZAZ 49 e cila vendosi kufirin ndarës mes dy kandidatëve, Edi Rama e ka fituar garën me 10 vota plus, por ky procesverbal ende nuk është certifikuar nga KQZ.

Ndërkohë që PD nxjerr pretendime se janë nxjerrë si të pavlefshme fletë votimi në favor të kandidatit Lulzim Basha, në KZAZ e njësisë 7. Sipat tyre këto fletë janë nxjerrë të pavlefshme vetëm se ishin futur në një kuti tjetër nga ajo për votat për kryetar bashkie. por për PS kjo është në shkel

KZAZ 49 E NJESIA 5
Kutia e fundit e KZAZ 49 në njësinë 5 nxori në avantazh Ramën me 66 vota. Nga procesverbali i kësaj kutie rezultonte se kandidati Lulzim Basha kishte marrë 154 vota, kandidati Edi Rama kishte marrë 220 vota dhe Hysni vetëm 4 vota
Në total në njësinë 5 Rama mori 19107 vota kundrejt Bashës i cili mori 14442 vota, me një diferencë në favor të Ramës me 4465.

Nga përllogaritjet rezulton se diferenca e Ramës me Bashën në total është 10 vota, pasi në kutinë e parafundit te certifikuar ne KQZ Basha rezultonte me nje diference prej 56 votash më tepër. Ndërsa në kutinë e fundit te certifkuar nga KZAZ 49 Rama mori 66 vota. C’ka do te thote 10 vota më tepër se Basha në totalin e gjithë votave për kryeqytetin. Por rezultati i fundit i KZAZ 49 të njesise 5 për kutine 65 ende nuk është certifkuar nga KQZ i cili do bëjë verifikimin e gjithë procesverbaleve të 11 njësive në Tiranë.
(s.g/BalkanWeb)

25 Qershor, përkujtohet masakra ndaj popullsisë çame

2010-06-24T06:28:00.000-07:00

TIRANE - Nesër më 25 qershor, komuniteti shqiptar çam në Shqipëri, kujton masakrën ndaj popullsisë së saj të pafajshme, të kryer nga trupat e rregullta ushtarake greke të udhehequra nga Napolon Zerva.

Në Kllogjer të Sarandës, prehen 2700 persona të vdekur rrugës, gjatë eksodit të popullsisë së pafajshmë dhe të pambrojtur çame që ikte për ti shpëtuar genocidit dhe dhunës greke.

Fundi i luftës së dytë botërore, mbahet edhe si fillimi i kalvarit të vuajtjeve të kësaj popullsie, të cilës në vitin 1944 ju konfiskuan pronat dhe u përzunë me dhunë nga shtëpitë e tyre shekullore, nga trupat e rregullta greke.

Napolon Zerva ishte një nga gjeneralët grekë që bashkëpunoi me pushtuesin gjerman. Këta të fundit i lanë dorë të lirë për masakrat ndaj popullsisë çame. Në 25 qershor 1944, (datë, në të cilën komuniteti çam kujton viktimat e genocidit) forcat e Zervës ekzekutuan në mënyrë barbare 2000 çamë brenda një nate në qytetin e Paramithisë. Viktimat ishin kryesisht gra dhe fëmijë. Kjo ishte një nga masakrat më të egra të grekëve ndaj popullsisë autoktone Shqiptare, në luftën e dytë botërore.

Bëhet fjalë për një genocid, të pa dënuar akoma nga shteti Grek.

Shteti i atëhershëm Shqiptar, iu hoqi nënshtetësinë greke dhe i regjistroj si nënshtetas shqiptarë të gjithë komunitetin çam, duke i prerë kështu rrugën e kthimit në Çamëri. Në të njëjtën kohë nuk i dha zgjidhje kësaj katastrofe humane që po ndodhte në jug të Shqipërisë dhe nuk ndërmjetësoj që kjo popullsi shqiptare të kthehej sërisht në shtëpitë e tyre.

Këtij komuniteti i mohoet akoma e drejta për të vizituar shtëpitë dhe pronat e tyre. Në Greqi, atyre nuk ju është lejuar të ngrenë as përmendore në vendet ku janë kryer masakrat nga ushtria e rregullt greke.(E.K/BalkanWeb)

Dy peshkatarë të mbytur gjenden në liqenin e Shkodres

2010-05-21T03:26:00.000-07:00

SHKODËR- Paraditen e sotme në liqenin e Shkodrës janë gjetur dy trupa të pajetë. Sipas policisë viktimat janë identifikuar si Gjovalin Smajli, 40 vjec dhe Nikolin Shabi, 18 vjec.

Nga të dhënat e para mësohet se ata kanë qenë peshkatarë dhe dilnin në liqen për të peshkuar, por nuk dihet asgjë rreth rrethanave në të cilat ka ndodhur ngjarja.

Policia, e mbërritur në vendin e ngjarjes sqaron se trupat e tyre u gjetën në Hanin e Hotit, ndërkohë që peshkatarët ishin banorë të komunës Has.

Një grup ekspertësh po heton për të zbardhur shkaqet dhe rrethanat e mbytjes së tyre në ujërat e liqenit.

Nga familjarët është mësuar se dy peshkatarët ishin larguar nga banesa rreth orës 03. 00 të mëngjesit për të dalë për peshkim me varkë por nuk ishin kthyer më. Të shqetësuar familjarët kanë bërë denoncimin në polici, e cila ka kërkuar dhe ndihmën e policisë së Malit të Zi për të kërkuar gjurmët e dy peshkatarëve.

Kanë qenë pikërisht polumbarët nga Mali i Zi që kanë gjetur trupat e pajetë, 50 metra larg bregut të liqenit në vendin e quajtur livadi i Luk Smajlit në Han të Hotit. Një grup hetimor ka nisur punën për të zbuluar dhe shkaqet e mbytjes së peshkatarëve.

Rezoluta e OKI: Mbeshtetje Kosoves

2010-05-21T03:03:00.000-07:00

Organizata e Konferences Islamike miratoi dje, rezoluten e re "Mbi situaten ne Kosove". Kjo rezolute, e iniciuar nga Shqiperia dhe miratuar me unanimitet te plote nga 57 shtetet anetare te OKI-se, ka nje rendesi te jashtezakonshme dhe perben nje sukses te madh per Kosoven dhe njohjen e saj te metejshme. Miratimi i kesaj rezolute, u be ne seancen permbyllese te Ministerialit te Organizates se Konferences Islamike, mbajtur ne Dushanbe, Taxhikistan, ku mori pjese edhe zevendeskryeministri, njeheresh ministri i Puneve te Jashtme, Ilir Meta.

Organizata e Konferences Islamike i referohet ne dokumentin e saj, deklarates se pavaresise se Kosoves dhe permes kesaj rezolute, evidenton qarte se qe nga shpallja e pavaresise me 17 shkurt 2008, Kosova ka bere progres te dukshem ne ndertimin e institucioneve demokratike, forcimin e shtetit ligjor, zhvillimin ekonomik dhe integrimin ne familjen evropiane. Gjithashtu evidentohet se shteti me i ri ne Ballkan, eshte bere anetare e Fondit Monetar Nderkombetar dhe Bankes Boterore. Kjo rezolute reflekton gjithashtu zhvillimet me te fundit ne Kosove, vecanerisht zgjedhjet e 15 nentorit 2009, te administruara per here te pare nga institucionet e Kosoves dhe te vleresuara nderkombetarisht per klimen paqesore dhe rritjen e pjesemarrjes se pakices serbe ne to; angazhimin e autoriteteve vendore e nderkombetare per forcimin e sundimit te ligjit dhe te rendit ne te gjithe territorin e Kosoves, si dhe sigurimin e kushteve me te mira te jeteses per te gjithe qytetaret e saj.

Vendet anetare te OKI-se, per here te pare, mirepresin perpjekjet e vazhdueshme te Bashkimit Evropian, per avancimin e perspektives evropiane te Kosoves dhe te te gjithe Ballkanit Perendimor, si nje kontribut vendimtar per stabilitetin dhe prosperitetin rajonal. Gjithashtu permes ketij dokumenti te miratuar u behet thirrje vendeve anetare te Organizates dhe komunitetit nderkombetar, qe te vazhdojne te mbeshtesin forcimin e shtetit te Kosoves dhe ekonomise se saj. Rezoluta gjithashtu ngarkon Sekretarin e Pergjithshem te OKI-se, qe ne sesionet e radhes te Ministrave te Jashtem te Organizates, te raportoje mbi dinamiken e zhvillimeve ne Kosove duke e vendosur keshtu shtetin e ri, ne axhenden e perhershme te OKI-se.

Menjehere pas miratimit te dokumentit, zevendeskryeministri dhe ministri i Puneve te Jashtme, Ilir Meta, theksoi se "rezoluta "Mbi situaten ne Kosove", eshte deshmi e qarte e mbeshtetjes se fuqishme te vendeve anetare te OKI-se ndaj shtetit te ri te Kosoves, te cilet vleresojne se pavaresia e saj ka krijuar nje klime paqesore me ndikim pozitiv ne marredheniet nderetnike ne Kosove, dhe ka kontribuar ndaj ruajtjes se paqes dhe stabilitetit ne te gjithe rajonin". "Miratimi i kesaj rezolute, nga te gjitha vendet anetare te OKI-se, vecanerisht nga ata qe ende nuk e kane njohur pavaresine e Kosoves, deshmon per nje klime te re ne marredheniet e OKI-se me Kosoven, duke na forcuar besimin se vende te tjera te kesaj organizate, pritet ta njohin shtetin e ti ne te ardhmen e afert", tha nder te tjera kreu i diplomacise shqiptare, Ilir Meta. (Denis Dedej)