RSG http://www.rsg.co.za/podcast.asp?id=75 Podcast en 2020 RSG http://www.rsg.co.za/images/general/img-itunes.jpg http://www.rsg.co.za/podcast.asp?id=75 Business no Afrikaans, Radio, RSG Thu, 15 Oct 2020 10:59:00 +0200 http://blogs.law.harvard.edu/tech/rss ASP info@rsg.co.za (RSG) webmaster@rsg.co.za (RSG) http://www.rsg.co.za/programme_meerinfo.asp?id=321956 'n Luisteraar skryf: “Ek het gedurende inperking 'n maandlange aanlynkursus gedoen, maar is nou bekommerd oor die gelofwaardigheid daarvan. Ek het aanlyn geregisteer, nooit met enigeen gepraat nie en modules aanlyn voltooi. Daar is nou 'n fooi verbonde om die sertifikaat te kry. Indien ek dit wel doen, sal ek die kortkurses wat ek voltooi het, op my CV kan sit?” Na aanleiding hiervan het ons kenners nadergetrek om te praat oor die gevare en geleenthede van kortkursusse vir jou loopbaan en ontwikkeling. Wed, 14 Oct 2020 08:00:00 +0200 Podcast no http://www.rsg.co.za/images/upload/sound/klanke/20201014_PRAAT_SAAM.mp3 http://www.rsg.co.za/programme_meerinfo.asp?id=321955 Hulle gaan jou grond vat sonder vergoeding. 'n Burgeroorlog is op pad. Toelaes sal weggeneem word as 'n ander party regeer. 'n Stem vir 'n kleiner party speel in die ANC se guns. Verdeeldheid in die regerende party kan 'n president Malema tot gevolg hê. Hierdie is 'n paar dreiguitsprake wat die afgelope tyd deur politici gemaak is om vrees by kiesers te wek, want daar is aanstaande jaar plaaslike verkiesings. Hoe beïnvloed die politiek van vrees, kiesers se keuses? Tue, 13 Oct 2020 08:00:00 +0200 Podcast no http://www.rsg.co.za/images/upload/sound/klanke/20201013_PRAAT_SAAM.mp3 http://www.rsg.co.za/programme_meerinfo.asp?id=321954 Boere op Senekal in die Vrystaat sê betogings by die dorp se landdroshof verlede week is verkeerd vertolk, omdat dit nie oor wit boere en oor ras gaan nie. Die voorval het gebeur tydens die eerste hofverskyning van twee verdagtes in verband met die moord op die 21-jarige Brendin Horner. Betogers het die hofgebou binnegestorm en geëis om die twee verdagtes te sien. Die situasie het handuitgeruk en 'n polisievoertuig is omgekeer en aan die brand gesteek. Daar is teenstrydige berigte oor wat gebeur het en wie betrokke was. Ons kyk na mediaberiggewing tydens protesoptogte en wat die benadering moet wees. Mon, 12 Oct 2020 08:00:00 +0200 Podcast no http://www.rsg.co.za/images/upload/sound/klanke/20201012_PRAAT_SAAM.mp3 http://www.rsg.co.za/programme_meerinfo.asp?id=321953 Prof. Johan van der Merwe, 'n dosent in kerk¬geskiedenis aan die Universiteit van Pretoria, sê dis tyd dat kerke weer saam praat oor die diskoers in die land. Met kwynende bywoning en meer as 'n dekade se stilswye, het kerkleiers nog iets om te sê oor versoening? Fri, 9 Oct 2020 08:00:00 +0200 Podcast no http://www.rsg.co.za/images/upload/sound/klanke/20201009_PRAAT_SAAM.mp3 http://www.rsg.co.za/programme_meerinfo.asp?id=321952 Volgens die polisie in die Vrystaat het 'n groep boere glo Dinsdag die hofgebou bestorm en geëis dat Brendin Horner se vermeende moordenaars aan hulle oorhandig word. Tydens die betogings buite die hof is 'n polisievoertuig omgedop en aan die brand gesteek. Hofeiendom is ook beskadig. Teen hierdie agtergrond bespreek ons “burgerlike frustrasie” oor kwessies soos swak dienslewering, korrupsie en misdaad. Wat verwag jy van 'n vennootskap tussen burgers en die staat? Thu, 8 Oct 2020 08:00:00 +0200 Podcast no http://www.rsg.co.za/images/upload/sound/klanke/20201008_PRAAT_SAAM.mp3 http://www.rsg.co.za/programme_meerinfo.asp?id=321951 Oudpresident Jacob Zuma het versoek dat die voorsitter van die Staatskapingskommissie, adjunkhoofregter Raymond Zondo, hom as voorsitter van die kommissie moet onttrek omdat die regter na bewering bevooroordeeld is teenoor hom. Zuma se brief volg op Zondo se opdrag dat hy voor die kommissie moet kom getuig aangesien talle getuies hom by bewerings van staatskaping betrek het. Wat behoort die verhouding tussen poltici en regsbank te wees? Wed, 7 Oct 2020 08:00:00 +0200 Podcast no http://www.rsg.co.za/images/upload/sound/klanke/20201007_PRAAT_SAAM.mp3 http://www.rsg.co.za/programme_meerinfo.asp?id=321950 Die Minister van Hoër Onderwys, Blade Nzimande, sê daar is 'n mediumrisiko by sewe tersiêre onderwysinstellings dat hulle nie die akademiese jaar suksesvol sal kan voltooi nie. Negentien instellings het 'n lae risiko. Nzimande sê alle universiteite kan nou 100% van hulle personeel en studente, insluitende internasionale studente, terugverwelkom. Hoe gereed is universiteite om die akademiese jaar te voltooi? Tue, 6 Oct 2020 08:00:00 +0200 Podcast no http://www.rsg.co.za/images/upload/sound/klanke/20201006_PRAAT_SAAM.mp3 http://www.rsg.co.za/programme_meerinfo.asp?id=321949 Staatsdiensvakbonde het Vrydag 'n plan van aksie bekend maak oor hoe hulle die dooiepunt in salarisonderhandelings met die regering gaan hanteer. Die partye is tans in 'n geskil in die Arbeidshof nadat die regering besluit het om nie die salarisse van staatsdienswerkers vanjaar met sewe-persent te verhoog nie. Dit is strydig met 'n 2018-ooreenkoms van drie jaar. Vakbonde vra die hof om die regering te dwing om die salarisooreenkoms te eer. Ondertussen maan Sake-eenheid SA dat die jongste werkloosheidsyfers 'n wekroep is vir die regering, georganiseerde arbeid en die sakesektor om meer te doen op 'n oplossing vir die krisis te vind. Wat is die impak van die vakbonde se versoeke en druk op die staatskas en ekonomie, terwyl miljoene werkloos is? Mon, 5 Oct 2020 08:00:00 +0200 Podcast no http://www.rsg.co.za/images/upload/sound/klanke/20201005_PRAAT_SAAM.mp3 http://www.rsg.co.za/programme_meerinfo.asp?id=321948 Die plasingsproses van Graad 1 en 8 leerlinge in skole in Gauteng is gister hervat, en duur tot einde November. Ouers word per SMS in kennis gestel by watter skool hullw kinders geplaas is vir die 2021 akademiese jaar. Hulle het dan sewe dae om die plasingsaanbod te aanvaar, waarna dit verbeur word. Hoe suksesvol verloop hierdie registrasieproses? Fri, 2 Oct 2020 08:00:00 +0200 Podcast no http://www.rsg.co.za/images/upload/sound/klanke/20201002_PRAAT_SAAM.mp3 http://www.rsg.co.za/programme_meerinfo.asp?id=321947 Die VN se Kinderfonds, Unicef, waarsku dat 'n bykomende 6,000 kinders jonger as vyf jaar daagliks kan sterf aan voorkombare siektes, weens hulp wat vir die bestryding van die Coronavirus herlei word. Unicef sê kwesbare lande kan die swaarste getref word weens beperkte hulpbronne, en het 'n beroep op regerings wêreldwyd gedoen om na die welstand van kinders tydens die inperking om te sien. Ons praat oor die gesondheid van kinders en die sosio-ekonomiese redes wat bydra tot kindersterfes. Thu, 1 Oct 2020 08:00:00 +0200 Podcast no http://www.rsg.co.za/images/upload/sound/klanke/20201001_PRAAT_SAAM.mp3 http://www.rsg.co.za/programme_meerinfo.asp?id=321946 Die Minister van Kuns en Kultuur, Nathi Mthethwa, het 'n beroep op Suid-Afrikaners gedoen om 'n aktiewe rol te speel in die bewaring van hulle erfenis. Erfenismaand word vanjaar toegewy aan drie vroue wat as lewende erfenisskatte beskou word - die kunstenaar dr. Esther Mahlangu, die musikant Madosini Latozi Mphaleni en die taalaktivis Ouma Katrina Esau. Met Erfenismaand wat vandag tot 'n einde kom, bespreek ons die volhoubaarheid en toekoms van ons erfenis. Wed, 30 Sep 2020 08:00:00 +0200 Podcast no http://www.rsg.co.za/images/upload/sound/klanke/20200930_PRAAT_SAAM.mp3 http://www.rsg.co.za/programme_meerinfo.asp?id=321945 Die Ekurhuleni Water Care maatskappy, Erwat, is verlede jaar in Junie teen 'n koste van R170-miljoen aangestel om te verseker dat die Vaalrivier skoon bly, maar sy kontrak is nie hernu nie. Die Vaalrivierstelsel wat water aan Gauteng verskaf, word jare reeds besoedel deur onverwerkte riool van die Emfuleni Munisipaliteit. Erwat moes glo die rioolnetwerke wat die grootste bron van besoedeling is, prioritiseer maar het glo nie aan die Departement se vereistes voldoen nie. Wat is die impak van korrupsie op watervoorsiening? Tue, 29 Sep 2020 08:00:00 +0200 Podcast no http://www.rsg.co.za/images/upload/sound/klanke/20200929_PRAAT_SAAM.mp3 http://www.rsg.co.za/programme_meerinfo.asp?id=321944 Historikus dr. Lindi Koorts van die Universiteit van die Vrystaat en taalkundige dr. Donovan Lawrence van die Universiteit van die Wes-Kaap praat in 'n erfeniskonteks oor taalvooroordeel en taaldiversiteit teen die agtergrond van onlangse gesprekke oor Suid-Afrikaners se soms kwetsende taalgebruik teenoor mekaar. Mon, 28 Sep 2020 08:00:00 +0200 Podcast no http://www.rsg.co.za/images/upload/sound/klanke/20200928_PRAAT_SAAM.mp3 http://www.rsg.co.za/programme_meerinfo.asp?id=321943 Die boek, THE LIE OF 1652, het leke wat dit onder oë gekry het, aan die gons oor hoe Jan van Riebeeck gelyk het, wat ons weet oor die Engelse se aankoms aan die Kaap en wat die beweegredes was vir die verkenning van Kaap de Goede Hoop. Met Erfenisdagvieringe nog vars in ons geheue, praat ons oor die Britse invloed op Suid-Afrika se erfenisgeskiedenis. Fri, 25 Sep 2020 08:00:00 +0200 Podcast no http://www.rsg.co.za/images/upload/sound/klanke/20200925_PRAAT_SAAM.mp3 http://www.rsg.co.za/programme_meerinfo.asp?id=321942 Die voormalige uitvoerende direkteur van Kultuur by die Afrikaanse Taal- en Kultuurvereniging, dr. Danny Titus, se familie sê hulle betreur sy skielike afsterwe. Titus is verlede Vrydag op 63-jarige ouderdom in Johannesburg oorlede nadat hy vir langer as 'n maand in 'n koma was vanweë komplikasies ná 'n operasie. Hy was sewe jaar LANK 'n kommissaris by die Suid-Afrikaanse Menseregtekommissie. Die boorling van Worcester word oorleef deur sy twee dogters, Dalene en Neriska, twee broers en 'n suster. In die verlede het dr. Titus gereeld op Erfenisdag gepraat oor die waarde van taal, kultuur en menseregte, en op hierdie wyse wil ons hulde aan hom bring vir sy bydrae tot die bevordering van die Afrikaanse taal kultuurerfenis van alle Suid-Afrikaners. Thu, 24 Sep 2020 08:00:00 +0200 Podcast no http://www.rsg.co.za/images/upload/sound/klanke/20200924_PRAAT_SAAM.mp3 http://www.rsg.co.za/programme_meerinfo.asp?id=321941 Die Minister van Polisie, Bheki Cele, sê dit blyk dat die polisie die vermoorde seniorspeurder Charl Kinnear in die steek gelaat het. Die 52-jarige Kinnear, 'n lid van die teenbende-eenheid, is by sy huis in Bishop Lavis op die Kaapse Vlakte doodgeskiet. Kinnear wat wyd beskou word as een van die land se beste speurders ooit, se polisiebeskerming is in Desember verlede jaar opgeskort. Verlede Vrydag het ons die stand van polisiestasies bespreek, en vandag val die kollig op georganiseerde misdaad, en hoe die polisie dit hanteer. Wed, 23 Sep 2020 08:00:00 +0200 Podcast no http://www.rsg.co.za/images/upload/sound/klanke/20200923_PRAAT_SAAM.mp3 http://www.rsg.co.za/programme_meerinfo.asp?id=321940 Die Minister van Arbeid, Thulas Nxesi, sê sommige maatskappye trek geld van werknemers se salarisse af vir werkloosheidsversekering sonder om dit aan die Werkloosheidversekeringsfonds oor te betaal. Hy het die portefeuljekomitee oor Indiensneming en Arbeid, asook die komitee oor Handel en Nywerheid toegespreek. Die Covid-19 tydelike werknemer/werkgewer verligtingskema-uitbetalings is tot 15 September verleng omdat sekere bedrywe hulle inperkings tot 15 September verleng het. Volgens die departement is meer as R41-miljard aan sowat 800,000 werkgewers uitbetaal wat namens hulle werknemers aansoek gedoen het. Wat is die regsverpligtinge op werkers en werkgewers? Tue, 22 Sep 2020 08:00:00 +0200 Podcast no http://www.rsg.co.za/images/upload/sound/klanke/20200922_PRAAT_SAAM.mp3 http://www.rsg.co.za/programme_meerinfo.asp?id=321939 Sake-eenheid Suid-Afrika (BUSA) het die verslapping van die inperkingsregulasies na vlak 1 verwelkom, hoewel die Nasionale Kleinsake-kamer meen dit is te min, te laat vir klein besighede. BUSA sê hy het die regering gevra om die ekonomie weer oop te stel, maar om terselfdertyd na die publiek se gesondheid om te sien. Wat sê kleinsake-eienaars en -werkers oor die hoop of hopeloosheid vir die kleinsakesektor? Mon, 21 Sep 2020 08:00:00 +0200 Podcast no http://www.rsg.co.za/images/upload/sound/klanke/20200921_PRAAT_SAAM.mp3 http://www.rsg.co.za/programme_meerinfo.asp?id=321938 Die DA sê die Minister van Polisie, Bheki Cele, se ongekende haas om die kwartaallikse misdaadsyfers bekend te maak, is politieke opportunisme om die illusie te skep dat die stryd teen misdaad gewen word tydens die inperkingsmaatreëls. Die afgelope paar maande het ons verskeie gesprekke oor die polisie en die uitvoering van hulle pligte gehad. Vandag val die kollig op die stand van polisiestasies en die hulpbronne wat tot die diens en die speurders se beskiking is om misdaad te bekamp. Fri, 18 Sep 2020 08:00:00 +0200 Podcast no http://www.rsg.co.za/images/upload/sound/klanke/20200918_PRAAT_SAAM.mp3 http://www.rsg.co.za/programme_meerinfo.asp?id=321937 Talle internasionale glanspersoonlikhede het besluit om hulle Facebook- en Instagram-rekeninge tydelik te vries. Dit is deel van 'n wêreldwye veldtog om die aandag en teenkanting te vestig op die verspreiding van haat en propaganda op sosiale media. Die organiseerders van die Stop Haat vir Wins-veldtog sê waninligting ondermyn demokrasie en verkiesingsprosesse. Hulle moedig gebruikers van sosiale media aan om hulle Facebook- en Instagram-rekeninge vir 24 uur te sluit. Watter invloed en impak het sosiale media op gebruikers se besluite? Thu, 17 Sep 2020 08:00:00 +0200 Podcast no http://www.rsg.co.za/images/upload/sound/klanke/20200917_PRAAT_SAAM.mp3 http://www.rsg.co.za/programme_meerinfo.asp?id=321936 Dinsdag 15 September was Wêrelfdag van Demokrasie, wat in 2007 deur die Verenigde Nasies begin is. Die geskiedenis het ons geleer dat die grense tussen vryheid en anargie soms fyn en vlak lê, soms grys en ander kere soos 'n fakkel is wat nuwe hoop in donker tye van 'n diktatuur bring. Vandag doen ons 'n bestekopname van Suid-Afrika se demokrasie, en die uitdagings die afgelope twee dekades. Wed, 16 Sep 2020 08:00:00 +0200 Podcast no http://www.rsg.co.za/images/upload/sound/klanke/20200916_PRAAT_SAAM.mp3 http://www.rsg.co.za/programme_meerinfo.asp?id=321935 Die EFF het met hulle Clicks-protesoptrede daarin geslaag dat TRESemme-produkte vir tien dae van rakke verwyder is, studiebeurse aan vyf vrouestudente toegeken is, en sanitêre doeke geskenk is. Die politieke party het ook onderneem om met die polisie saam te werk om diegene wat by plundering betrokke was, aan te keer. Hoe lyk die nuwe generasie aktiviste, en hoe effektief en opbouend is hulle protes? Tue, 15 Sep 2020 08:00:00 +0200 Podcast no http://www.rsg.co.za/images/upload/sound/klanke/20200915_PRAAT_SAAM.mp3 http://www.rsg.co.za/programme_meerinfo.asp?id=321934 Die Khoisan-gemeenskap in die Noord-Kaap het die voorgestelde nasionale Khoi-en-San-erfenisroete verwelkom ná die goedkeuring van die kabinet. Hierdie roete sal die erfenis van die Khoi-, Nama-, Griekwa-, Korana- en San-gemeenskappe bewaar en bevorder, en volgens leiers bewusmaking skep oor die Khoi- en San-gemeenskappe se bydrae tot Suid-Afrika se inheemse nalatenskap. In die verlede het Khoi-gemeenskappe benadruk hulle is nie Bruin nie. Moet ons voortaan die twee erfenisse skei? Mon, 14 Sep 2020 08:00:00 +0200 Podcast no http://www.rsg.co.za/images/upload/sound/klanke/20200914_PRAAT_SAAM.mp3 http://www.rsg.co.za/programme_meerinfo.asp?id=321933 Namibië het beperkings op internasionale toeriste verder verslap in 'n poging om te verhoed dat die toerismesektor in duie stort. Die sektor is swaar getref deur kansellasies van meer as $6,8-miljoen nadat die land se grense in Maart gesluit is weens die coronavirus. Die ministerie van toerisme sê toeriste kan na hulle voorafbespreekte bestemmings reis en tot vyf dae aan bedrywighede deelneem, waarna hulle vir die virus getoets sal word. Indien hulle vir 'n korter tydperk as vyf dae by 'n bestemming bly, kan hulle na 'n volgende plek reis sonder om getoets te word. Plaaslik sê die Oos-Kaapse premier, Oscar Mabuyane, die skerp afname in Covid-19-sterftes en nuwe gevalle, stel die provinsie in staat om ekonomiese groei opnuut aan te wakker, veral in die toerismebedryf. Wat moet ons doen om die sektor te help herstel post Covid-19 as ons 'n teenmiddel het? Fri, 11 Sep 2020 08:00:00 +0200 Podcast no http://www.rsg.co.za/images/upload/sound/klanke/20200911_PRAAT_SAAM.mp3 http://www.rsg.co.za/programme_meerinfo.asp?id=321932 President Cyril Ramaphosa sê die reuse inkrimping in die land se ekonomie wat deur die coronaviruspandemie veroorsaak is, moet Suid-Afrikaners aanspoor om alles in hulle vermoë te doen om die ekonomie te herbou. In 'n vraesessie met plaaslike redakteurs het hy die benarde situasie so opgesom: Daar is nie geld nie, maar daar is drie prosesse aan die gang om groei te stimuleer. Wat is die sosiale implikasies as die ekonomie verder versleg? Thu, 10 Sep 2020 08:00:00 +0200 Podcast no http://www.rsg.co.za/images/upload/sound/klanke/20200910_PRAAT_SAAM.mp3 http://www.rsg.co.za/programme_meerinfo.asp?id=321931 Die EFF het vir 'n tweede dag by verskeie Clicks-winkels landswyd betoog oor 'n hare-advertensie wat hulle as rassisties bestempel. EFF-leier Julius Malema het ondersteuners op sosiale media aangemoedig om Clicks-winkels te sluit. Die DA het intussen aangedui dat aanklagte teen Malema ingedien gaan word vir aanhitsing tot geweld en beskadiging van eiendom ná gister se protesoptrede. Ons kyk na die verhouding tussen politici en die private sektor. Waar laat dit ons as die een in onguns by die ander val? Wed, 9 Sep 2020 08:00:00 +0200 Podcast no http://www.rsg.co.za/images/upload/sound/klanke/20200909_PRAAT_SAAM.mp3 http://www.rsg.co.za/programme_meerinfo.asp?id=321930 'n Landros in Kaapstad het onlangs 'n man onskuldig bevind aan die verkragting van twee dogtertjies. Die meisies, drie en vier jaar oud, se getuienis was volgens die regter nie voldoende om die oortreder skuldig te bevind nie. Sake van 'n seksuele aard verlang dat kinders so jonk as vier moet getuig oor wat met hulle gebeur het. Wat moet in plek wees vir ondersoeke om te verseker dat daar geregtigheid vir kinderslagoffers is? Tue, 8 Sep 2020 08:00:00 +0200 Podcast no http://www.rsg.co.za/images/upload/sound/klanke/20200908_PRAAT_SAAM.mp3 http://www.rsg.co.za/programme_meerinfo.asp?id=321929 Die regering oorweeg dit glo om openbare standbeelde, wat herinner aan die land se apartheid- en koloniale geskiedenis, na temaparke te verskuif sodat burgers meer oor die verlede kan leer. In 'n debat oor die transformasie van die land se erfenislandskap het die minister van sport, kuns en kultuur , Nathi Mthethwa, gesê ook plekname, straatname en openbare ruimtes wat volgens hom nog “apartheidstatus” geniet, moet getransformeer word om meer verteenwoordigend te wees. Daar is wel diegene wat glo dts is die regerende party se manier om alle tekens van die Afrikaner se erfenis en geskiedenis te verwyder. Hoe beskerm jy die Afrikaner se geskiedenis in 2020 sonder om mense van mekaar af te sonder? Mon, 7 Sep 2020 08:00:00 +0200 Podcast no http://www.rsg.co.za/images/upload/sound/klanke/20200907_PRAAT_SAAM.mp3 http://www.rsg.co.za/programme_meerinfo.asp?id=321928 Die Minister van Vervoer, Fikile Mbalula, sê strenger regulasies is nodig om te verseker dat mense nie onder die invloed van drank bestuur nie. Mbalula sê hy oefen druk op die regering uit om wetgewing in te stel dat daar geen alkohol in 'n motoris se bloed mag wees wanneer hulle bestuur nie. Die minister van Gesondheid, dr. Zweli Mkhize, dink ook dat Suid Afrika se drankgebruik onaanvaarbaar hoog is en dat strenger wetgewing nodig is. Sal strenger drankwetgewing die slagtings op paaie verminder, of moet die bestaande wette net beter toegepas word? Fri, 4 Sep 2020 08:00:00 +0200 Podcast no http://www.rsg.co.za/images/upload/sound/klanke/20200904_PRAAT_SAAM.mp3 http://www.rsg.co.za/programme_meerinfo.asp?id=321927 Cosatu sê die ANC moet minder praat en meer doen om korrupsie in eie geledere uit te roei. Dit volg nadat die regerende party aangekondig het hoe hy korrupsiebewerings en klagtes teen lede en skuldigbevindings van sy lede gaan hanteer. Cosatu se hoofsekretaris, Bheki Ntshalintshali, sê hulle is veral bekommerd oor die impak wat korrupsie kan hê op werkers se loopbane en hulle beroof van noodsaaklike dienste. Korrupsie en die wyse waarop die ANC dit hanteer oorheers ons nuus die afgelope paar weke. Hoe kry jy balans tussen politieke optrede sonder om die land se grontwetlike orde in gedrang te bring? Thu, 3 Sep 2020 08:00:00 +0200 Podcast no http://www.rsg.co.za/images/upload/sound/klanke/20200903_PRAAT_SAAM.mp3 http://www.rsg.co.za/programme_meerinfo.asp?id=321926 Dit lyk of die beloofde donderstorm van 'n konfrontasie oor korrupsie by die ANC se NUK-vergadering tussen die president Cyril Ramaphosa en die ANC se sekretaris-generaal, toe net 'n stofwolk was. Ramaphosa het sy standpunte wat hy in sy ellelange ope brief puntsgewys uitgestippel het, herhaal en die RET- faksie van Magashule se tjank afgetrap. Die plaaslike verkiesing wink en daar is politieke veranderinge en herposisionering. Wat beteken dit vir jou as kieser? Wed, 2 Sep 2020 08:00:00 +0200 Podcast no http://www.rsg.co.za/images/upload/sound/klanke/20200902_PRAAT_SAAM.mp3 http://www.rsg.co.za/programme_meerinfo.asp?id=321925 Volgens 'n bevinding van die Advertensie Beheerraad is dit onvanpas om die woorde piesang en doos in een sin, vroegaand op TV te gebruik. Dit kom nadat hulle hordes klagtes ontvang het van kykers oor 'n advertensie wat die woorde bevat. Die beheerraad sê: “Die adverteerder se gebruik van dubbelsinnige woordspeling word onregverdigbaar as mens die inhoud en oorwegende toon van die advertensie in ag neem, wat duidelik sinspeel op innuendo.” Dit noop ons om te praat oor die sensitiwiteit en trefkrag van woorde wat in die media gebruik word, maar ook in die volksmond val, en hoe 'n taal oorleef as sekere woorde taboe is. Tue, 1 Sep 2020 08:00:00 +0200 Podcast no http://www.rsg.co.za/images/upload/sound/klanke/20200901_PRAAT_SAAM.mp3 http://www.rsg.co.za/programme_meerinfo.asp?id=321924 Gedenkdienste is gister op talle plekke in Kaapstad gehou vir kinders wat op paaie of weens bendegeweld gesterf het, asook vir die 16-jarige Nathaniel Julies van Eldorado Prak in Gauteng, wat na bewering deur die polisie doodgeskiet is. Die Minister van Polisie, Bheki Cele, het tydens 'n besoek aan die seun se huis onderneem om op te tree indien daar bevind word dat polisiebeamptes verantwoordelik was vir sy dood. Die gemeenskap eis dat die polisielede aanspreeklik gehou word. Die Onafhanklike Polisieondersoekdirektoraat het reeds met 'n ondersoek begin. Mon, 31 Aug 2020 08:00:00 +0200 Podcast no http://www.rsg.co.za/images/upload/sound/klanke/20200831_PRAAT_SAAM.mp3 http://www.rsg.co.za/programme_meerinfo.asp?id=321923 Mosambiek se weermag probeer om beheer te kry oor die strategiese hawe, Mocimboa de Praia, in die noorde van die land nadat dit deur insypelaars oorgeneem is wat met die Islamitiese staatsgroep verbind word. Die hawe is 'n belangrike punt van toegang tot die Indiese Oseaan en is naby die gebied in die see waar Mosambiek besig is met eksplorasie vir olie. Die diplomatieke spanning tussen Botswana en Suid-Afrika loop ook hoog en plaas Suid-Afrika in 'n drukkoker oor hoe hy sy verhoudinge binne die SAOG-streek moet bestuur. Wat is die standpunt wat die land tans inneem? Fri, 28 Aug 2020 08:00:00 +0200 Podcast no http://www.rsg.co.za/images/upload/sound/klanke/20200828_PRAAT_SAAM.mp3 http://www.rsg.co.za/programme_meerinfo.asp?id=321922 Die polisie in Gauteng sê die inperkingsmaatreëls het bygedra tot 'n drastiese afname in misdaad in die provinsie. Ernstige misdade soos moord, seksuele misdrywe, roof en motorkaping het tussen April en Junie met 37,4% afgeneem. Inbrake by nie-residensiële persele het egter in dieselfde tydperk met bykans 13% toegeneem. Dit kom neer op sowat 500 meer sake. Luisteraars meen ons gee te min aandag aan stedelike misdaad. Wat is die strategie om stedelinge te beskerm? Thu, 27 Aug 2020 08:00:00 +0200 Podcast no http://www.rsg.co.za/images/upload/sound/klanke/20200827_PRAAT_SAAM.mp3 http://www.rsg.co.za/programme_meerinfo.asp?id=321921 Die burgerlike organisasie, Corruption Watch, sê korrupsie binne die ANC kan nie uitgeroei word solank die faksies in die party voortbestaan nie. Die organisasie het gereageer op president Cyril Ramaphosa se brief aan ANC-lede wat uitgereik is. In die brief van sewe bladsye neem Ramaphosa standpunt in teen korrupsie en gee toe dat die regerende party op groot skaal betrek word by die land se korrupsieprobleem. Volgens David Lewis, uitvoerende direkteur van Corruption Watch, sal korrupsie gedy solank die faksies teen mekaar werk. Watter daadwerklike aksies het die president geneem om korrupsie hok te slaan? Wed, 26 Aug 2020 08:00:00 +0200 Podcast no http://www.rsg.co.za/images/upload/sound/klanke/20200826_PRAAT_SAAM.mp3 http://www.rsg.co.za/programme_meerinfo.asp?id=321920 Suid-Afrika se beleërde wapenvervaardiger, DENEL, het Talib Sadik as tussentydse bestuurshoof aangestel. Sadik dien op DENEL se raad van direkteure. Die vorige bestuurshoof, Danie du Toit, het minder as twee jaar ná sy aanstelling bedank. Du Toit het onlangs aan Reuters gesê DENEL sal moontlik nog net 'n paar maande kan oopbly indien die regering nie met 'n reddingsboei vorendag kom nie. DENEL het die afgelope tyd gesukkel om salarisse te betaal weens 'n likiditeitskrisis en die COVID-19-pandemie. Ons praat oor die volgehoue lewensvatbaarheid van 'n staatsbeheerde wapenvervaardiger. Tue, 25 Aug 2020 08:00:00 +0200 Podcast no http://www.rsg.co.za/images/upload/sound/klanke/20200825_PRAAT_SAAM.mp3 http://www.rsg.co.za/programme_meerinfo.asp?id=321919 Die sekretaris-generaal van die SAKP, Blade Nzimande, het die regering se besluit om finansiële bystand vir die stryd teen die coronaviruspandemie by die Internasionale Monetêre Fonds te bekom, as 'n ernstige fout bestempel. Hy sê Suid-Afrika sal die lening teen 'n hoë rentekoers aan die IMF terugbetaal, terwyl dit reeds sleg gaan met die land se ekonomie. Verskeie fondse soos die Solidarity Fonds is gestig om Suid-Afrika se Covid-19-krisis te help verlig. Hoe deursigtig is die bestuur van die fondse, en het dit werklik gehelp? Mon, 24 Aug 2020 08:00:00 +0200 Podcast no http://www.rsg.co.za/images/upload/sound/klanke/20200824_PRAAT_SAAM.mp3 http://www.rsg.co.za/programme_meerinfo.asp?id=321918 Dwelmgebruik is 'n sosiale en gesondheidskwessie en nie 'n strafregtelike aangeleentheid of nasionale veiligheidskwessie nie, meen die voormalige regter in die konstitutionele hof, Edwin Cameron. Volgens hom is daar beter maniere om dwelmgebruik en afhanklikheid te hanteer. Wat is die beste manier of alternatiewe om dit te hanteer? Fri, 21 Aug 2020 08:00:00 +0200 Podcast no http://www.rsg.co.za/images/upload/sound/klanke/20200821_PRAAT_SAAM.mp3 http://www.rsg.co.za/programme_meerinfo.asp?id=321917 Daisy de Melker, Joey Haarhof, Nadjwa Peterson, Dina Rodriques en Thandi Maqubela is 'n paar van die land se vroue misdadigers wat die hooftrekke en verbeeldings aangegryp het, maar daar is duisende ander wat nie die mediaberigte gehaal het nie. Vrouemisdaad is en bly 'n komplekse sosiale verskynsel, sê een van ons gaste. Wat is die faktore wat lei tot 'n vrou wat moor? Thu, 20 Aug 2020 08:00:00 +0200 Podcast no http://www.rsg.co.za/images/upload/sound/klanke/20200820_PRAAT_SAAM.mp3