Доктор од болницата констатирал смрт без траги на насилство, а од преземените мерки, утврдено е дека се работи за С.С.(20) од струшкото село Октиси.

Се преземаат мерки за целосно расветлување на настанот.

The post Пронајдено безживотно тело на 20-годишник од Октиси кај „Машка плажа“ appeared first on WebOhrid.

Годинава манифестацијата се одржа во знакот на два значајни јубилеи – 145 години од раѓањето на Климе Садило и 120 години од постоењето на такамот на Садиловци, симбол на охридската музичка традиција и автентичниот градски мелос.

Пред присутните  се обрати Претседателот на Советот на Општина Охрид, Перчо Божиноски  кој истакна дека кога ќе се спомене Охрид, покрај бисерот, езерото и вековните цркви, неизбежно се слуша и звукот на виолината што одекнувала низ калдрмисаните сокачиња, низ охридската чаршија и покрај езерскиот брег. Беше нагласено дека Климе Садило не бил само извонреден виолинист, туку чувар на охридскиот дух, човек кој преку музиката ги раскажувал приказните на градот и неговите жители. Оддавајќи му почит на Климе Садило и на Садиловци, беше истакнато дека се оддава почит и на едно време кога песната ги собирала луѓето околу софрата, кога серенадите се пееле под прозорците и кога секој празник имал свој препознатлив музички печат.

Во име на организаторот, Здружението за уметност и култура „Арт Вивенди”, се обрати академскиот музичар Ѓоко Алоски, кој потенцираше дека „Чалгиски звуци” претставува повеќе од концертна вечер – тоа е мисија за зачувување на охридската староградска песна и македонската чалгија како непроценливо културно наследство. Тој истакна дека делото на Климе Садило и богатото наследство на Садиловци остануваат трајна инспирација за сите генерации музичари и љубители на традиционалната музика.

Посебен белег на вечерта даде настапот на Универзитетскиот ансамбл „Македонија” при Универзитетот „Гоце Делчев” од Штип, под раководство на проф. д-р Владимир Јаневски. Ансамблот пред бројната публика изведе 40-минутна програма составена од бисери на македонската чалгиска музика, потврдувајќи ја својата улога како еден од најзначајните чувари и промотори на македонското музичко наследство. Со особен пиетет беше изведен и специјално подготвениот музички сплет посветен на Климе Садило, како музички омаж на неговото дело и неговиот немерлив придонес во македонската култура.

Содржините од културната манифестација за Садило беа потврда за негување на традицијата којашто  не е минато, туку живо наследство кое нè обединува, нè прави препознатливи и нè учи да бидеме горди на тоа кои сме. Со настанот  Охрид уште еднаш покажа дека знае да ги почитува своите великани и да го негува богатото културно наследство што со векови го прави препознатлив.

The post „Чалгиски звуци“ во чест на Садило appeared first on WebOhrid.

Донесено е и ново решение, по издаденото во ноември 2025 година, за забрана за спроведување на ваков тип неовластени активности, за кое во соработка со Министерството за внатрешни работи е утврдено дека возилото со кое се заловувале и дислоцирале бездомните кучиња, е истотото возило со кое и претходно се вршеле ваков тип недозволени активности, но, сега со променета регистарска табличка.

Вонредната контрола е спроведена по дојава на граѓани и доставени фотографии и видео докази до АХВ за неовластено заловување и дислоцирање на бездомни кучиња од страна на Општина Гостивар.

Агенцијата за храна и ветеринарство ќе продолжи со спроведување на инспекциски надзори за почитување на одредбите од Законот за заштита и благосостојба, во врска со заловувањето и третаманот на бездомните животни.

The post Општина Гостивар ќе плати 2.100 евра казна поради незаконско заловување и дислоцирање кучиња appeared first on WebOhrid.

Малопродажната цена на бензинот ЕУРОСУПЕР БС-95, се зголемува за 1,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.06.2026 година и со тоа малопродажната цена на ЕУРОСУПЕР БС-95 изнесува 87,50 ден/лит.

Малопродажната цена на бензинот ЕУРОСУПЕР БС-98, се зголемува за 2,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.06.2026 година и со тоа малопродажната цена на ЕУРОСУПЕР БС-98 изнесува 90,00 ден/лит.

Малопродажната цена на ЕУРОДИЗЕЛ (Д-Е V), се зголемува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.06.2026 година и со тоа малопродажната цена на ЕУРОДИЗЕЛ (Д-Е V) изнесува 87,50 ден/лит.

Малопродажната цена на Екстра лесното масло за домаќинство на (ЕЛ-1), се намалува за 2,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.06.2026 година и со тоа малопродажната цена на Екстра лесното масло за домаќинство на (ЕЛ-1) изнесува 86,50 ден/лит.

Малопродажната цена на Мазутот М-1 НС, се намалува за 1,074 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 08.06.2026 година и со тоа малопродажната цена на Мазутот М-1 НС изнесува 46,223 ден/кг.

The post Просечната цена на горивата се намалува, но бензините и дизелот поскапуваат appeared first on WebOhrid.

Овој светител беше родум од Антиохија и живееше во времето на царевите Диоклецијан и Максимијан. Се подвизувше крепко на Ливанската Гора и имаше од Бога голем дар на чудотворство.

Како архиереј тргна да го проповеда Евангелието. Кога дојде во Охрид, Еразмо го воскресна синот на некој човек по име Анастас и го крсти овој човек. Во таа прилика крсти и мнозина други незнабошци и ги разори идолските жртвеници во Охрид. За ова беше обвинет кај царот Максимијан, којшто во тоа време престојуваше во Илирија. Царот го изведе пред бакарната статуа на Ѕевс и му нареди да принесе жртва и да му се поклони на идолот. Свети Еразмо направи со благодатта, па од статуата излезе страшен змеј и го исплаши сиот народ. И пак направи светителот со благодатта и змејот пцовиса. Тогаш светителот Го проповедаше Христа и крсти дваесет илјади души. Огорчен царот нареди и ги заклаа сите овие дваесет илјади христијани, а Еразмо го стави на тешки маки, па потоа го фрли во затвор. Но му се јави ангел Божји, како некогаш на Светиот апостол Петар и го изведе Еразмо од затворот.

По ова овој Божји слуга отиде во Кампанија, каде што им го проповедаше Евангелието на луѓето, па повторно се врати во градот Хермелија, каде што се повлече во една пештера, во која се подвизуваше до смртта. Пред смртта трипати се поклони кон исток и со воздигнати раце Му се молеше на Бога, Бог да им ги прости гревовите и да им подари вечен живот на оние коишто со вера ќе го повикуваат неговото име. На крајот од молитвата се слушна глас од небото: „Нека биде како што се молеше, исцелителу мој Еразмо!“ Сиот радосен светителот погледна уште еднаш на небото и го виде венецот на славата кога се спушташе на него и виде хорови ангели, пророци, апостоли и маченици, кои приоѓаа да ја примат неговата душа. Најпосле самиот возвикна: „Господи, прими го духот мој!“ и издивна, во 303 година.

Пештерата со црквичката на Свети Еразмо и денес стои недалеку од Охрид и од неа и до денес се пројавува големата сила на овој Божји угодник, свештеномаченик Еразмо.

За многу години!

The post Светиот свештеномаченик Еразмо Охридски appeared first on WebOhrid.

Свети Еразмо Охридски како архиереј тргнал да го проповеда Евангелието и кога дошол во Охрид, тој го воскреснал синот на некој човек по име Анастас и го крстил овој човек. Во таа прилика крстил и мнозина други незнабошци и ги разорил идолските жртвеници во Охрид. За ова бил обвинет кај царот Максимијан, којшто во тоа време престојувал во Илирија. Царот го извел пред бакарната статуа на Ѕевс и му наредил да принесе жртва и да му се поклони на идолот. Свети Еразмо направил со благодатта, па од статуата излегла страшен змеј и го исплашила сиот народ. И, светителот со благодатта го погубил змејот. Тогаш светителот Го проповедал Христа и крстил дваесет илјади души. Огорчен царот наредил и ги заклале сите овие дваесет илјади христијани, а Еразмо го ставил на тешки маки, па потоа го фрлил во затвор.

The post Светите дваесет илјади маченици Охридски appeared first on WebOhrid.

Реалноста е дека добар дел од тие пари воопшто не се ваши. Зад тој „плус“ на екранот всушност се крие вашиот дозволен минус – пари кои банката ви ги позајмува, а не средства кои реално ги поседувате.

Повеќето банки во Македонија на своите банкомати и мобилни апликации намерно го прикажуваат вкупниот износ на средства што можете да ги повлечете. Во таа сума е пресметана вашата чиста плата, но и одобрениот дозволен минус (кој често е во висина на една, две или дури три плати). Физичките лица лесно посегнуваат по тие пари, заборавајќи дека нивното реално салдо е под нулата. Наместо да ве предупреди дека ги трошите парите на банката, системот ви покажува дека сè уште сте „во зелено“.

Маѓепсаниот круг на трошење пари од иднината

Вистинското соочување со реалноста се случува кога ќе пристигне следната плата. Таа автоматски оди за покривање на „дупката“ што сте ја направиле претходниот месец. Со ова влегувате во опасен круг: вие реално не живеете од тековната плата, туку постојано позајмувате од иднината за да го преживеете месецот.

Она што многумина го забораваат е дека дозволениот минус е еден од најскапите кредитни производи на пазарот. Каматните стапки во Македонија се движат блиску до законскиот максимум. Банката ви пресметува камата на секој денар што сте го повлекле, и тоа на дневна основа. Бидејќи сумата се одбива автоматски, граѓаните често не ни забележуваат колку пари губат секој месец.

Како да излезете од оваа банкарска замка?

Првиот чекор е промена на свеста. Доколку сте заглавени во овој круг, најдоброто решение е постепено кратење на лимитот. Побарајте од вашата банка: Да ви го намали дозволениот минус од две плати на една, или сосема да го затвори штом сте во можност; или секој месец постепено да ви го намалува лимитот за 10% или 20%.

На тој начин, за неколку месеци незабележливо ќе се вратите на вистинска нула и конечно ќе почнете да трошите само ваши, реално заработени пари.

The post Расположливи средства: Како дозволениот минус создава лажно чувство дека имаме пари? appeared first on WebOhrid.

Главна причина за оваа појава е невообичаено топлата езерска вода. Моменталната температура изнесува 22 степени Целзиусови, што е значително над просекот за месец јуни, кој изнесува 19.6 степени. Топлината и силното сонце само го забрзаа овој природен процес.

Погледнете го видеото:

The post Подводниот свет обоен во зелено: Топлата вода го забрза цветањето на алгите во Охридското Езеро appeared first on WebOhrid.

За да овозможи поголема споредливост на надоместоците што ги наплаќаат одделните даватели на платежните услуги, во согласност со член 184 став (5) од Законот за платежни услуги и платни системи, Народната банка на Република Северна Македонија објавува споредбени податоци на надоместоците поврзани со платежната сметка наведени во посебна листа на најрепрезентативни услуги.

„Најрепрезентативни услуги“ се најчесто користените услуги поврзани со платежната сметка за кои корисниците на платежните услуги плаќаат надоместоци. Согледувајќи ги навиките и потребите на корисниците, Народната банка на Република Северна Македонија пропиша стандардизирани термини и дефиниции за најрепрезентативните услуги дефинирани во листата. На овој начин се обезбедуваат воедначени информации за висината на надоместоците што давателите на платежните услуги ги наплаќаат за стандардизиран сет на најчесто користени услуги.

Надоместоците ги утврдуваат давателите на платежните услуги, при што се должни да ги почитуваат ограничувањата и обврските коишто произлегуваат од Законот за платежни услуги и платни системи.

Давателот на платежните услуги е должен на потрошувачот да му даде информација за надоместоците за најчесто користените услуги во форма на Информативен документ за надоместоците (ИДН), пред потрошувачот да се обврзе да ги користи неговите платежни услуги со склучување на рамковниот договор.

Приказот 1 ги содржи сите актуелни информативни документи за надоместоците во Република Северна Македонија. Приказот 2 овозможува споредбен преглед на надоместоците за најрепрезентативните услуги поврзани со платежната сметка.

 

Во случај на промена на некои од објавените податоци и информации, давателите на платежните услуги се должни веднаш да ја известат Народната банка на Република Северна Македонија, заради нивно навремено ажурирање. Давателите на платежните услуги се одговорни за точноста на податоците и информациите, како и за нивното навремено доставување. За неточните информации во врска со објавените надоместоци можете да известите на pretstavkifizickilica@nbrm.mk.

The post Која банка наплаќа најмалку за одржување сметка? appeared first on WebOhrid.

Еден од Седумдесеттемина. Се спомнува во Посланието на Павле до Римјаните (16, 14). Родум беше Грк, но долго време живееше во Рим. Беше епископ во Филипопол, а животот го заврши маченички. Според откровение од ангел Божји ја состави многупоучната книга „Пастир“. Ерма беше богат човек, но заради гревовите на своите синови западна во крајна сиромаштија. Еднаш на молитва му се јави човек во бела облека со стап во рацете и му рече дека е тој ангелот на покајанието којшто нему му е пратен за да го придружува до крајот на животот. Ангелот му даде дванаесет заповеди: 1) да верува во Бога; 2) да живее во простота и невиност, да не злослови и да му дава милостиња на секого што проси; 3) да ја љуби вистината и да ја одбегнува лагата; 4) да го чува целомудрието во помислите; 5) да се учи на трпение и великодушност; 6) да знае дека покрај секој човек е поставен еден добар и еден зол дух; 7) да се плаши од Бога и да не се плаши од ѓаволот; 8) да прави секакво добро и да се воздржува од секое зло; 9) да Му се моли на Бога од длабочината на душата со вера; 10) да се чува од тагата, која е сестра на сомнежот и гневот; 11) да ги испитува вистинитите и лажните пророштва; 12) да се чува од секоја зла желба.

Светиот маченик Ермиј

Остаре како царски војник и на старост пострада за Христа. Откако злобниот судија залудно го одвраќаше од верата во Христа и залудно го советуваше да им принесе жртви на идолите, нареди и забите му ги исчукаа со камења, а кожата од лицето му ја одраа со нож. Потоа го фрлија во огнена печка, но тој стана, сочуван од благодатта Божја. Потоа го испи најлутиот отров, којшто некој волх му го даде на наредба од судијата, но отровот воопшто не му наштети. Кога го виде тоа волхот толку се изненади, што јавно Го исповеда Христа, за што веднаш беше убиен со меч. Потоа на Ермиј му ги ископаа очите, но тој не жалеше, а му викна на судијата: „Земи си ги овие телесни очи што ја гледаат суетата на светот, јас имам очи на срцето, со коишто јасно ја гледам Светлината на Вистината“. Потоа беше главечки обесен, но тие што го обесија ослепеа и се тетеравеа околу него. Свети Ермиј ги повика кај себе, ги положи рацете на нив и со молитва кон Господ им го врати видот. Кога го виде ова судијата се разјари како лав, па извади нож и му ја отсече главата на Божјиот човек. Христијаните скришно го зедоа телото на Ермиј и чесно го погребаа. Неговите мошти им даваа исцеление на сите болни и неволни.

Светиот маченик Философ

Овој Христов маченик беше родум од околината на Александрија. За време на прогонствата на христијаните Свети Философ не сакаше да се одрече од Господ Христос пред незнабожните кнезови и судии. Заради ова незнабожците го удрија на лути маки. Откако беше мачен со најразлични маки, го положија најпосле во мека постела, му ги врзаа рацете и нозете и му пуштија една развратна жена да го наведе на грев. Кога Свети Философ почувствува дека во него се буди желба од допирот на женските раце, тој со заби си го стегна јазикот, со сета сила го откина и го плукна во лицето на блудницата. Од тоа похотта во него згасна, а блудницата толку се ужасна, што веднаш побегна од него. Потоа беше убиен со меч околу 252 година, на млади години, па се пресели во царството на вечната младост.

The post Светиот апостол Ерма, Светиот маченик Ермиј и Светиот маченик Философ appeared first on WebOhrid.