Xerezaderen Artxiboa

Etxez aldatu gara!

ana_isa_morales@yahoo.com (Xerezade) — Wed, 02 Nov 2016 09:56:00 +0100

Kaixo, Xerezadezaleok:

Albiste pila dakarkizuegu:

1) Etxe berri batera aldatu gara! Urte batzuk Blogak.com-en goxo-goxo eman eta gero, etxe bat, geurea, hartu dugu, handiagoa, eta izugarri polita. Beraz, aurrerantzean Xerezade.org gunean aurkituko dituzue gure podkasataren atalak, argazkiak, albisteak eta gauza gehiago. Oraindik ez ditugu blogak.com-en genituen atal guztiak blog berrira pasatu, baina apurka-apurka egingo dugu. Edozelan ere, aurrerantzean gure atal berri guztiak hortxe jarriko ditugu.

2) Gure bigarren nobedadea da Xerezaderen Youtubeko kanala ere badugula! Aurrerantzean, hor ere argitaratuko ditugu gure podkastaren atal berriak.

3) Hirugarren albistea, Xerezade Facebooken ere badagoela!

4) Eta, azkenik, baten batek oraindik ez badaki, laster datorrela gure 4. Xerezadejaia! 2016ko ekainean bost urte bete genituen, eta urtea amaitu orduko ospatu nahi dugu zuekin eta lagun ilustre pila batekin! Azaroaren 11n izango da iluntzeko 20:00etan, Bilboko Hika Ateneoan.

5) Azkenik, goian esandako tokietan (blog berrian eta youtube-n) daukazue gure azken atala, labetik atera berri-berria: Iban Zalduaren "Madrid-Roma 2646 hegaldia".

On egin!!

MARI GIZEN, Guy de Maupassant

ana_isa_morales@yahoo.com (Xerezade) — Mon, 13 Jun 2016 22:00:00 +0200

Xerezade isilago ibili da azken aspaldion, eta gaur, aurreko isilunea apur bat berdintzeko, XIX. mendeko ipuingile handienetako baten istoriorik famatuenarekin gatoz: «Mari Gizen», Guy de Maupassantena. Autoreak bi ataletan argitaratu zuen lehenengoz ipuin hau, eta guk ere bi zatitan emango dizuegu. Izan ere, ipuin luzea da, baina lasai: ez zaituztegu itxaroten edukiko, eta bi zatiak batera emango dizkizuegu podkasteko atal berean, bata bestearen ostean entzun dezazuen.

Frantzia eta Prusiaren arteko gerra, 1870 inguruan. Hamar pertsona zaldi kotxe batean abiatu dira bidaia arriskutsu eta luze batean, negu mineko paisaia elurtuan barrena, Rouanetik Le Havrera.

Itzultzailea: Matías Múgica

MARI GIZEN-1. ZATIA JAISTEKO, SAKATU HEMEN ESKUMAKO BOTOIAZ

MARI GIZEN-2. ZATIA JAISTEKO SAKATU HEMEN ESKUMAKO BOTOIAZ

MUSIKA

Musopen.org-tik hartua:

P.I. Txaikovski

1.- Concerto No. 2 in G, Op. 44 - II. Andante non troppo

2.- Suite No. 1 in D minor - III. Intermezzo

3.- Concerto No. 1 in B flat minor, Op. 23 - II. Andantino

4.- Allegro Moderato from Souvenir de Florence, Op. 70

5.- Symphony No. 3 in D major - III. Andante

6.- "Tendres reproches", No. 3 from 18 Pieces, Op. 72

7.- Souvenir d'un lieu cher, Op. 42 - 1. Meditation

8.- Souvenir d'un lieu cher, Op. 42 - 3.Mélodie

9.- Symphony No. 4 in F minor, Op. 36 - II. Andantino

Youtubetik hartua:

Heine-Schumann: «Two Grenadiers». Abeslaria: F. Chaliapin (Victrola 6057-A, 1912).

Xerezade Eremuz Kanpo: Joseba Breaking Basque

ana_isa_morales@yahoo.com (Xerezade) — Fri, 20 May 2016 12:07:00 +0200

Oraingoan Xerezade bere artxibotik atera da eta Bilbo Hiria Irratiko Eremuz Kanpo saioaren ardura duten bi izaki miragarriekin, Eneko Olazabal eta Xabier Landabidea jaunekin alegia, kolaboratzeko ohore handia izan du. Bertan, topo egin du, gainera, eremuzkanpotarren beste gonbidatu ilustre batekin, Oihan Vega jaun entzutetsuarekin.

Izan ere, Txoroen Batzarrak larrialdiko bilera egin behar izan du, kontua ez baita gutxiagorako. Honela dioskute Eneko Olazabalek eta Xabier Landabideak:

«[Beste gonbidatua] gaurko saioaren leit motifa bera da. Izpirituan ekarri duguna gurera, ez baikinen ausartzen fisikoki gonbidatzera. Euskal Harriaren ABDak filmetik irtendako Super Euskalduna. Bekadun erraria. Golema. Gure Zelig Iruritakoa. Euskal hitzaren atrakatzailea. Txandal laranjadun timadorea.

Zuekin, behingoz errealitatea baino sinesgarriagoa eta zentzudunagoa izan daitekeen saioa: Eremuz Kanpo 4×21: Joseba Breaking Basque».

Hementxe daukazu saioaren esteka. Ausartuko zara?

http://bilbohiria.eus/42245

"Hau ura da", David Foster Wallace

ana_isa_morales@yahoo.com (Xerezade) — Wed, 30 Mar 2016 10:28:00 +0200

ATALA JAISTEKO SAKATU HEMEN ESKUMAKO BOTOIAZ

Izan al duzu inoiz zeu protagonista ez zaren bizipenik? Ez? Guk ere ez. Ez al da bitxi xamarra, ni eta zu eta beste hura, denok izatea aldi berean unibertsoaren erdigunea? Eta hori egia ez bada? Eta zein da egia? David Foster Wallacek kontatzen dizu zein den bere ustez letra larriz idatzi beharreko Egia.

Entzun Xerezaderen Artxiboan David Foster Wallace-ren "Hau ura da".

Itz.: Danele Sarriugarte

"Gizonezkoekin", Xabier Montoia

ana_isa_morales@yahoo.com (Xerezade) — Sat, 27 Feb 2016 16:15:00 +0100

Euria da, haize zakarra dabil eta gu ere hala gaude barrutik. Xerezade triste dago, lagun bat joan zaiolako. Lagun horri esker jaio zen Xerezaderen Artxiboa, Bilbo Hiria Irratiko ateak eta bere besoak eskuzabal ireki zizkionean.

Eta Xerezadek badaki lagun horri gustatuko litzaiokeela guk lanean jarraitzea, beti aurrera, istorioak kontatzen, euskaraz kontatzen. Beraz, ez diogu huts egingo. Hemen gaude, kontatzen jarraitzeko prest, Mieltxo Monfort gure adiskidea gogoan. Eskerrik asko, Mieltxo: gure artxiboko ipuinik ederrenak zuretzat.

***

Gaurko atala berezia da, autoreak berak jarri baitio ahotsa bere narrazioari. Xabier Montoiak Hondamendia bere azken liburuko "Gizonezkoekin" ipuina irakurri digu.

Etxe batean neskato bat eta hiru gizon, zain. Zain.

Atala jaisteko sakatu hemen eskumako botoiaz.

MUSIKA:

Artista: Kitchen Cowboys

Albuma: Glaubst Du, dass es Liebe ist?

Abestiak:

"Falscher Ort, Falsche Zeit"
"Jacqueline"
"Umbekannt Verzogen"
"Glaubst Du, Dass Das Liebe Ist?"
"Wovon Du Träumst"
"Baby"

NEMESISEN JAIA, "Saki"

ana_isa_morales@yahoo.com (Xerezade) — Mon, 18 Jan 2016 18:20:54 +0100

Urte berriaren hasierakin, Xerezade Hector Hugh “Saki”rengana joan da hitz aspertu bat egitera. Bere lagun Clovis Sangrailekin aurkitu du tetxo bat hartzen portzelanazko kikaretan. “Aizue, zer moduz Gabonak?” galdetu die Xerezadek xalo-xalo. “Hara”, esan dio Clovisek, kikara platertxoan delikadeziaz utzi eta gero:

“Gabon Gauean New Yorken jatetxe batean afaltzen bazaude, zilegi da, eta horixe espero da, `Garai Zaharrengatik´ abesten hastea sekula ikusi ez dituzun eta berriz ikusi nahi ez dituzun ezezagunen eskutik helduta. Baina beste norabidean, aldiz, ez dago lizentziarik”.

Xerezaderen Artxiboan H. H. Munro, “Saki”ren “Nemesisen jaia”.

Itz.: Ana Morales

ATALA JAISTEKO SAKATU HEMEN ESKUMAKO BOTOIAZ

MUSIKAK (artista/abestia/albuma)

Scott Joplin / “Original Rags” (1900 piano roll) / Frog Legs: Ragtime Era Favorites
Scott Joplin / “Ragtime Dance” / Piano Rolls from archive.org
John H. Glover-Kind / “I Do Like To Be Beside The Seaside” / Frog Legs: Ragtime Era Favorites
Scott Joplin / “Pineapple Rag” (1908 piano roll) / Frog Legs: Ragtime Era Favorites
James Scott / “Frog Legs Rag” / Frog Legs: Ragtime Era Favorites
Scott Joplin / “The Entertainer” / Frog Legs: Ragtime Era Favorites

ELFOEN ERREGEA, Philip K. Dick

ana_isa_morales@yahoo.com (Xerezade) — Wed, 23 Dec 2015 17:01:51 +0100

Batzuetan, espero ez genituen eginkizunak gure gain hartzea tokatzen zaigu; ezohiko zirkunstantziek ezohiko jokabidea eskatzen omen dute. Baina, zer da ezohikoa?

Gaur, Xerezaderen Artxiboan Philip K. Dick eta "Elfoen erregea".

Itzultzailea: Aritz Gorrotxategi

Sarrera eta ahotsa: Ana Morales

Edizioa: Jasone Larrinaga

Atala jaisteko sakatu hemen eskumako botoiaz.

Doinu guztiak freesound. org webgunetik hartukoak, amaierako abestia izan ezik:

"Nigth Fairies", Brandon Fiechter. Albuma: Ancient Legends.

ENPERADORE EROA, Joseba Sarrionandia

ana_isa_morales@yahoo.com (Xerezade) — Thu, 12 Nov 2015 10:00:20 +0100

Gaur Xerezade antzinako Txina urrunera joan da Joseba Sarrionandiaren eskutik, "Enperadore eroa"ren istorioa entzutera. Bi indar aurrez aurre: enperadorea eta artista, boterea eta sormena, agintea eta askatasuna. Eta Su Tao, ehulea eta gidaria.

Atala jaisteko sakatu HEMEN eskumako botoiaz.

MUSIKA (kanta, artista)

1.- "Chinese Road", Olga Scotland

2.- "Chinese Market" (gong soinua), Square Meters

3.- "Oriental", Celestial Aeon Project

4.- "Sentimental", Celestial Aeon Project

5.- "Inspiring", Celestial Aeon Project

6.- "Oriental", Pamani

7.- "Blues for You", Pamani

EGUNERO ERABILTZEKO, Alice Walker

ana_isa_morales@yahoo.com (Xerezade) — Sun, 04 Oct 2015 23:27:12 +0200

Amerikako Estatu Batuak, XX. mendeko 70eko hamarkada. Bisita bat: aspaldi kanpora ikastera joandako alaba nagusia bere jaioterrira itzuli da ama eta ahizpa gaztea ikustera.

Bi belaunaldi, bi mundu, bi hizkera, eta nola eguneroko gauzek batzuetan eguneroko izateari utzi eta bestelako esangurez betetzen diren, ez beti onerako.

Xerezaderen Artxiboan Alice Walkerren "Egunero erabiltzeko".

Sarrera eta itzulpena.: Ana Morales

Edizioa: Jasone Larrinaga

Irakurleak: Danele Sarriugarte, Oihenart Garai eta Ana Morales.

ATALA JAISTEKO SAKATU HEMEN ESKUMAKO BOTOIAZ

MUSIKA (artista, kanta)

Odetta: "Hit or Miss".

Odetta: "Long Time Gone"

(Youtubetik hartua).

GORAIPAMENAK: Margaret Atwood, Angel Erro

ana_isa_morales@yahoo.com (Xerezade) — Tue, 11 Aug 2015 07:15:30 +0200

Udako egun luze, nagi eta urrekara hauetan Xerezaderen Artxiboan konplimenduak egiteko gogoa sortu zaigu, horrela, hargatik, eta laguntza eskatu diegu gure bi laguni: Margaret Atwood andreari eta Angel Erro jaunari.

Margaret Atwoodek “Emakume ergelak” izeneko testua eskuratu digu jentilki: zer antzekotasun daukate Evak, Txano Gorritxok eta Bibliako bost birjina tuntunek? Margaret Atwoodek horren argiak ez diren emakumeei egiten die gorazarre, haiekin omen dauzkagun zor handiengatik. Kontuz baina: makurtu burua, Atwood andreak norabide guztietara jaurtitzen baititu bere ironiaren geziak. Dena dela, zure heriotza goxoa izango da, Itziar Diez de Ultzurrunen itzulpenak eta ahotsak lagunduko dizute-eta zure azken minutuetan.

Bestalde, Angel Erroren “AP 12 8” poema dakarkigu. Izen misteriotsu horren atzean gutizia delizioso bat ezkutatzen da. Hori baino ez dizugu aurreratuko, eta aholku bat: entzuten duzun bitartean, atera hozkailuan gordeta daukazun bonboi edo txokolate hori eta sentitu nola desegiten den puska hotz bakoitza zure mihiaren laztan beroaren kontra.

ATALA JAISTEKO SAKATU HEMEN ESKUMAKO BOTOIAZ

ZUEK GUZTIOK, ZONBIOK: Robert Heinlein

ana_isa_morales@yahoo.com (Xerezade) — Mon, 06 Jul 2015 18:14:34 +0200

Gaur, Xerezaderen Artxiboan zientzia fikzioaren klasiko bat: "Zuek guztiok, zonbiok", Robert Heinlein-ena. Itzulpena: Jasone Larrinaga.

Tabernari bat eta gizonezko bezero bat hizketa intimoan tabernako txoko batean. Bezeroak bere aitorpena egin ahala, deskubrituko dugu ez dela inondik ere dirudiena. Baina agian ezta bere solaskidea ere.

Agente sekretu bat, denbora makina bat, mendeku bila dabilen eta istorio harrigarri bat kontatzen duen gazte bat, joan-etorriak denboran atzera eta aurrera. Eta bakardadea, bakardaderik erradikalena. Ausartzen bazara, lotu uhala, eta ongi etorri izenburuan "zonbi" hitza eduki arren zonbirik ageri ez den ipuin honetara.

Aizue... nik badakit ni nondik natorren, baina nondik etorri zarete zuok guztiok?

ATALA JAISTEKO SAKATU HEMEN ESKUMAKO BOTOIAZ

MUSIKA (artista, abestia, albuma).

("I'm my own grandpa" abestia www.youtube.com-etik hartuta dago. Gainerakoak, www.jamendo.com webgunetik).

1.- Alexander Lisenkov: Sci Fi Theme 1 (Documentary and SciFi)

2.- Alexander Lisenkov: Migration (Documentary and SciFi)

3.- Alexander Lisenkov: Background Theme 5 (Documentary and SciFi)

4.- Alexander Lisenkov: Background Theme 8 (Documentary and SciFi)

5.- Alexander Lisenkov: Background Theme 3 (Documentary and SciFi)

6.- Homer and Jethro: I'm my own grandpa

7.- Alexander Lisenkov: Background Theme 7 (Sad and Dark)

8.- Alexander Lisenkov: Dataflow (Documentary and SciFi)

OGIA ETA ARROSAK, James Oppeheim/Rose Schneiderman

ana_isa_morales@yahoo.com (Xerezade) — Sun, 28 Jun 2015 15:47:06 +0200

Gaur, Xerezaderen Artxiboan: “Ogia eta arrosak”.

Itziar Diez de Ultzurrunek euskaratu du, Xerezaderen Artxiboarentzat, James Oppenheimek Rose Scheidermanen hitzaldi batean oinarriturik 1911n idatzitako poema. Izenburuko esaldiak erreferentzia egiten dio baldintza material egokiak eta duintasuna biltzen dituen aldarrikapenari, eta lotuta dago 1912an Massachussettsen ehungintzako langileek, gehienak emakumeak, egindako greba arrakastatsuari.

Usoa Wyssenbachek ahotsa jarri dio poemarekin egindako kantu ezagunaren euskarazko bertsio honi. 31 eskutik blogean daukazue itzulpen honen historia, Itziar Diez de Ultzurrunek idatzia: http://31eskutik.com/2015/06/28/ogia-eta-arrosak/. Bertan dioenez,

"Ekain hondar honetan zabaltzea aproposa iruditu zaigu-eta, gaur mundu osoan barrena harro eta kokotsa goiti irtengo direnen oroimenez; hurrengo asteartean munduak Irun izena hartzen duen toki horretan harro eta kokotsa goiti irtengo diren emakumeen omenez, miresmenez". Harrotasuna eta aliantzak!!

EULIA, Katherine Mansfield

ana_isa_morales@yahoo.com (Xerezade) — Mon, 18 May 2015 09:51:10 +0200

Xerezaderen Artxiboan Katherine Mansfielden "Eulia", Itziar Diez de Ultzurrunen itzulpenean eta ahotsean.

Bi gizon aurrez aurre bulego batean, eta Heriok ostutako lagun maiteen oroimen eta desoroimena airean.

Boterearen dinamika, dominazioa, gerra. Eta haren emaitza: suntsipena eta sorgortasuna.

Euliak al gara tinta beltzezko tanta lodien pean?

ATALA JAISTEKO SAKATU HEMEN ESKUMAKO BOTOIAZ

MUSIKA

Artista, abestia, albuma (azken bietan ez dago albumik)

1.- Sergey Kovchik: Evening roofs (The sky and the roofs)

2.- Sergey Kovchik: Messenger (Little songs)

3.- Deimost: Sorrow (The ways not chosen)

4.- RoyaltyFreeMusic: Cinematic Sad Hopeless Sorrowful Grand Piano Pain Theme Soundtrack 001

5.- Alexey Pogorelov: Blue Rose

AKADEMIA BATENTZAKO TXOSTEN BAT, Franz Kafka

ana_isa_morales@yahoo.com (Xerezade) — Mon, 13 Apr 2015 23:23:41 +0200

Gaurko ipuineko protagonistak irtenbide bat aurkitu zuen preso zegoen

kaiolatik irteteko; bost urte igaro direnean, hitzaldi bat ematen dago jakintsuen aurrean bere lorpena azaltzeko.

Askatasuna? Nork aipatu du "askatasuna".

Xerezaderen Artxiboan Franz Kafkaren "Akademia batentzako txosten bat".

Itzultzailea: Naroa Zubillaga

ATALA JAISTEKO SAKATU HEMEN ESKUMAKO BOTOIAZ

MUSIKA (artista/kanta/albuma)

Free Music Archivetik:

Chris Zabriskie, "Oxygen Garden", Divider.

Jamendotik:

Kolokon, "Global Circus", Global Circus.

OINKADA MISTERIOTSUAK

ana_isa_morales@yahoo.com (Xerezade) — Sat, 31 Jan 2015 12:38:04 +0100

Euri, inetazi eta trumonada egun hauetan soinuz betetzen zaigu etxea: haizea uhurika zirrikituetatik, uraren tapa-tapa kristaletan... badirudi gauzek berba egin nahi digutela. Gaurko ipuinean ere garrantzi handia dute soinuek, zehatzago esanda, hotel bateko karraju batean entzuten diren oin hots harrigarriek. Zein lotura ote dute pauso estrainook Vernon Hotelean "Benetako Hamabi Arrantzaleen Klub"aren afari esklusiboan gertatutakoarekin?

Aita Brown abade detektibeak argituko dizu.

Xerezaderen Artxiboan, G. K. Chestertonen "Oinkada misteriotsuak".

Itzultzailea: Jasone Larrinaga

ATALA JAISTEKO SAKATU HEMEN ESKUMAKO BOTOIAZ

MUSIKA*

Egilea: Nicoco

Albuma: Qui va piano, va...

Abestiak:

1.- Goddess of Joy Piano

2.- Poulette Piano

3.- Catastring Piano

4.- Good Prospect Piano

5.- Smartview Piano

6.- Killing Joke Piano

7.- String Itches Piano

8.- Sweet Thought Piano

9.- Hoody Piano

YMAREN AMETSA, Thomas Meehan

ana_isa_morales@yahoo.com (Xerezade) — Thu, 01 Jan 2015 02:24:37 +0100

Afari, bazkari eta zintzur bustitze etengabeen sasoi honetan, guk ere gure xanpain kopatxoa jaso gura izan dugu gure entzule guztiekin soltizioa edo urte zaharra edo berria edo dena delakoa ospatzeko, irribarre batez ospatu ere.

Sozializazio destroyerreko egun hauetan sarri gertatzen zaigu jende berria ezagutu beharra, baita guk geuk bitartekari lana egitea eta ezezagunak elkarri aurkeztea ere. Anfitrioi lana ez da ez batere erraza batzuetan, eta halaxe erakusten digu gaurko ipuintxoak. Baina lasai, izenburuak dioen bezala, ametsa besterik ez da.

Urte berriko lehen egun honetan, barre egin dezagun apur bat elkarrekin Thomas Meehan-en “Ymaren ametsa” txantxa-ipuinarekin.

Itzultzailea: Ana Morales

ATALA JAISTEKO SAKATU HEMEN ESKUMAKO BOTOIAZ

MUSIKA*

Abestiak:

«2 to 2»
«4 or 5»
«Acehole»
«Admirat»
«Broadway Nite Lites-I Wanna Be Loved»

* Musika hau Internet Archiven gordeta dagoen Free 20s Jazz Collection albumetik aterea da.

ITZELHANDIEN LO KULUXKA, Pep Bruno/JACK ETA HERIOTZA, Tim Bowley

ana_isa_morales@yahoo.com (Xerezade) — Mon, 24 Nov 2014 22:26:11 +0100

Irudigilea: NATALIE PUDALOV

Gaur Xerezaderen Artxiboan atal berezi bat daukagu, gure ohituraz bestela haur ipuinak dakartzagu eta. Gure lagun Elaia Larrinagari eta Martin Roqueri eskaintzen dizkiegu, baina entzule helduok ere zuen etxeko edo inguruko txikiekin batera entzun ditzakezue disimulorako, eta disimulurako diogu, ze ondo baino hobeto dakigu zuen barruan oraindik ere bizi dela behinolako kakanarru piruletajale hori.

Beraz, zuentzat guztiontzat, Pep Brunoren "Itzelhandien lo kuluxka" eta Tim Bowleyren "Jack eta heriotza", Dorleta Kortazarren ahotsean eta itzulpenean.

ATALA JAISTEKO SAKATU HEMEN ESKUMAKO BOTOIAZ

Irudia: NATALIE PUDALOV

MUSIKA (kanta, egilea)

"Sunny Day", Addict Sound
"Feelgood Acoustic Ukelele", Akashic Records
"Free and Lucky", Deffective Contact
"Sunrise", Antle
"Daggerfallesque", Antle
"Happy Joyful Whistling", Akashic Records
"Litte Waltz", Alexander Franke
"Xylophone and Ukeleke Rival With Their Revelry", Kara Square
"Reb Davidl´s Nigun", Faerydae
"Tamzara", Faerydae
"Ajde Jano", Faerydae

APAIZA, HALAXE DEITZEN ZIOTEN, William Burroughs

ana_isa_morales@yahoo.com (Xerezade) — Tue, 04 Nov 2014 00:35:24 +0100

Gatazka konpon dezakeen bakarra maitasuna da...

Maitasuna? Zer da?

Inon den analgesikorik naturalena

Maitasuna.

Burroughsen egunerokotik (97/07/30)

Xerezaderen Artxiboan William S. Burroughsen «Apaiza, halaxe deitzen zioten».

Itzultzailea: Danele Sarriugarte

Ahotsa: Edu Lartzanguren

ATALA JAISTEKO SAKATU HEMEN ESKUMAKO BOTOIAZ

ORDUBETEAN, Kate Chopin

ana_isa_morales@yahoo.com (Xerezade) — Mon, 20 Oct 2014 23:07:39 +0200

Louisianara hurbildu gara berriz ere gure lagun Kate Chopin-i bisita egitera. Asti gutxirekin genbiltzala eta, apur bat lotsaturik galdetu genion ea kontatuko zigun ipuin laburren bat, ondo genekien-eta tamainak ez diola arduratzen, eta Chopin andreak ederto aseko zituela gure premia grinatsuak. Eta halaxe izan. «Denbora laburrean mundu bete gauza gerta daitezke», esan zigun. Ikusi bestela zer jazo zitzaion Mallard andreari «Ordubetean».

Itzultzailea: Garazi Ugalde

ATALA JAISTEKO SAKATU HEMEN ESKUMAKO BOTOIAZ

MUSIKA

Artista: Maya Filipic

Albuma: Between two worlds

Abestiak:

«Stories from Emona I»

« Stories from Emona II»

«Stories from Emona IV»

«Prelude in C# Minor»

ABUZTUKO BEROA, William Fryer Harvey

ana_isa_morales@yahoo.com (Xerezade) — Wed, 01 Oct 2014 01:04:36 +0200

Xerezaderen Artxiboan, William Fryer Harvey-ren "Abuztuko beroa".

...Gaur izan da, uste dut, nire bizitzako egunik harrigarriena, eta gertaerak oraindik ere buuran bizi ditudala, paperean jarri nahi ditut ahalik eta argien. Hasteko eta bat, esan dezadan nire izena dela James Clarence Withencroft...

Itz.: Ana I. Morales

ATALA JAISTEKO SAKATU HEMEN ESKUMAKO BOTOIAZ

MUSIKA (kanta, artista, albuma):

1.- "The Evil Sustained", Opus Vertigo, The Evil Sustained.

2.- "Soundtrack 01", RoyaltyFreeMusic, Cinematic Dark Mysterious Suspense Grand Piano Drama Pictures Theme.

3.- "Soundtrack 010", RoyaltyFreeMusic, Cinematic Thrilling Suspenseful Mysterious Documentary Movie Grand Piano Theme.

4.- "Smooth Horror", Graphs & Grooves, Cinematic Jazz & Classical 09

POST-IT BIZITZAK, Iolanda Zúñiga

ana_isa_morales@yahoo.com (Xerezade) — Tue, 09 Sep 2014 12:43:00 +0200

Bueltan gaude oporren ostean. Bidaian joateko aprobetxatu ohi dira bakantzak, eta guk ere halaxe egin dugu: Iolanda Zuñigaren eskutik, Post-it bizitzak liburuko lau toki deseroso bisitatu ditugu.

Izan ere, liburuaren hitzaurrean Idurre Eskisabelek dioenez, Arrazoi dute gizon jakintsuek diotenean bidaiatzeak buru-bihotzak zabaltzen dituela (…). Ez nabil, ordea, New Yorkera bidaiatzeaz taxuzko munduko hiritar izaten ikastera (…) Ez. Beste bidaia batzuez ari naiz, ausartagoez, urrunagokoez. Esate baterako, neguko goiz gautu batez aldirietako tren izoztua hartzeaz (…), albokoaren ukondoaren marruskadura sentitzeko beldurrik gabe.

Ipuinak: “…gravissimo…”; “…allegretto agitato…”; “…con fuoco…”; “…crescendo…”.

Itz.: Iñigo Roque.

ATALA JAISTEKO SAKATU HEMEN ESKUMAKO BOTOIAZ

MUSIKA:

...gravissimo...

Beethoven - Quartet No. 16, in F, Op. 135
     III. Lento assai
     IV. Grave, adagio, allegro
     II. Vivace

...allegretto agitato...

Brahms. 8 piano pieza, Op. 76
02. Capriccio. Allegretto non troppo (B minor)
05. Capriccio. Agitato, ma non troppo presto (C# minor)

...con fuoco...

Schubert. Fantasy in C, "Wanderer", D. 760
Op. 15 - I. Allegro con fuoco ma non troppo

...crescendo...

Ravel. Bolero

Azkena www.goear.com webgunetik hartua, beste guztiak www.musopen.org webgunetik.

"OINEZKOA", Ray Bradbury

ana_isa_morales@yahoo.com (Xerezade) — Mon, 07 Jul 2014 13:15:55 +0200

Gaur, Xerezaderen Artxiboan, Ray Bradburyren «Oinezkoa».

OHARRA: aste honetako atala eskaintza berezi batekin doa: Gipuzkoako Foru Aldundian lan egiten duen geologo zientzia fikzio zaleari, eskerrik anitzekin hain entzule fina izateagatik.

2052 urtea da. Krimena gainbeheran dago, ez dago poliziaren beharrik. Kaleak inoiz baino lasaiago daude eta Leonard Meadek hiritik ibiltzea maite du. Alabaina…

«Porlana desagertzen ari zen belar eta loreen azpian. Hamar urteko ibileretan, gauez edo egunez, milaka miliatan, egundo ez zuen beste ibiltaririk ikusi, ezta behin ere denbora hartan guztian».

Ausartuko zara gurekin paseatzera?

Itz.: Ana I. Morales

ATALA JAISTEKO SAKATU HEMEN ESKUMAKO BOTOIAZ

MUSIKA (kanta, artista, albuma)

1. “Something has broken down”, Saelyhn, The Last.

2. “Contemplation”, mmb digidesigns, Time Voyage.

WILLIAM TAVENERREN SENTIMENTALTASUNA, Willa Cather

ana_isa_morales@yahoo.com (Xerezade) — Mon, 16 Jun 2014 09:42:26 +0200

Gaur Amerikako Estatu Batuetako estepa aldera jo dugu, Nebraskara zehazki, Willa Cather andreari bisita egiteko. Han, bertako klima bezain latzak diruditen Tavener senar-emazteak ezagutu ditugu:

Umeak hazten hasi zirenetik, senarrarekin izaten zituen elkarrizketak ekonomiaren eta gastuen arloetako gaietara mugatzen ziren ia. Euren harremana negozioetako harreman bihurtu zen, ugazaba eta maizterraren artekoa bezalakoa.

Baina zirkua etorri da hirira, eta horrek iraganeko urak nahasiko ditu...

Xerezaderen Artxiboan, Willa Catherren "William Tavenerren sentimentaltasuna".

Itzulpena: Jasone Larrinaga

ATALA JAISTEKO SAKATU HEMEN ESKUMAKO BOTOIAZ

MUSIKA (atal honetakoa goear.com-etik hartua da)

Artista: The Carter Family

Abestiak:

1) "Keep on the sunny side"

2) "I'm thinking tonight of my blue eyes"

3) "My dixie darling"

Artista: Gene Autry

5) "You are my sunshine"

HAZIA, Eider Rodriguez

ana_isa_morales@yahoo.com (Xerezade) — Sun, 01 Jun 2014 19:34:25 +0200

ENTZUN ZUZENEAN

Atal honetan Xerezadek trena hartu eta Eider Rodríguezengana joan da bisitan, jakin duelako hark belarri fina daukala gauzen arteko krak hori entzuteko, eta are esku finagoa besteoi ere entzuten laguntzeko. «Hazia» ipuina kontatu digu, leihoan erretzen dagoen emakume erditu eta erdibitu baten istorioa.

Ausartuko zara krak hori entzutera?

ATALA JAISTEKO SAKATU HEMEN ESKUMAKO BOTOIAZ

MUSIKA (kanta, albuma, artista)

«Sweet Lullaby», Alexander Stamenkovic
«Instant fun», Storms A´Coming, Steve Capps

KALIFORNIA BERRIA, Lima Barreto

ana_isa_morales@yahoo.com (Xerezade) — Tue, 13 May 2014 09:22:19 +0200

ENTZUN ZUZENEAN

Gaurkoan Xerezade Brasilera joan da, Afonso Henriques de Lima Barreto jaunaren ahotik Tubiacanga hirian gertatutako jazoera harrigarrien berri entzuteko.

Hiri loti eta lasaia zen Tubiacanga… Zein haize zorok jo zituen, baina, hango herritar normalean patxadosoak, gero jokatu zuten moduan jokatzeko?

Auzo berri bat etorria zen hirira, bai, eta kimikaria izateak eta Flamel izena izateak argitxoren bat piztu beharko zien beharbada…

Gaur, Xerezaderen Artxiboan, Lima Barreto eta «Kalifornia berria».

Itzultzailea: Iñigo Roque

ATALA JAISTEKO SAKATU HEMEN ESKUMAKO BOTOIAZ

MUSIKA (“kanta”, albuma, artista)

1. «I love Brazil», Just Gittar, Ghela

2. «Misty (Garner cover)», Just Gittar, Ghela

3. «Nachtschatten», Still Playing Guitar, Still Playing Guitar

4. «Ciacona fam-Guitarra II », J. Pachelbel: Ciacona en fam, Re-lab

5. «Gloomy», 11 p. m. (soundtrack), J. C. Vogt

6. «Unnecessary man», The Breath, Sergey Kovchik

7. «Hora de la Re Minor», Marian Badoi, Marian Badoi

8. «Dark Metal», Black Harmony, SebuZ

9. «Pizzy Walk», Bidule, Nicoco

10. «Tvoy "da"(Maniac)», Satanic Melancholic