BagYat

प्रदेश सरकारले निषेधाज्ञाको जरिवाना छुट गरी म्याद थप गर्यो

2020-09-21T20:00:00.003+05:45

बागमती प्रदेश सरकारले लकडाउनको अवधि तथा निषेधाज्ञाको अवधिका कारण म्याद नाघि जरिवाना लागेकाहरुलाई यही २०७७ कार्तिक मसान्त सम्म म्याद थप दिई जरिवाना नलाग्‍ने निर्णय गरेको छ । आर्थिक मामिला तथा योजना मन्त्रालयको मिति २०७७।६।५ को मा. मन्त्रीस्तरीय निर्णयले सो सुविधा उपलब्ध गराएको हो ।

निर्णयमा भनिएको छ " विश्वव्यापी रुपमा फैलिएको कोभिड १९ को संक्रमणको कारण नेपाल सरकारले मिति २०७६।१२।११ देखि बन्दाबन्दी घोषणा गरेको तथा यस बागमती प्रदेश भित्रका विभिन्न जिल्लामा मिति २०७७ श्रावण तथा भाद्र २६ गते सम्म निषेधाज्ञा जारी भएको हुँदा उत्पन्न असहज परिस्थितिका कारण प्रदेश सवारी तथा यातायात व्यवस्था ऐन एवं आर्थिक ऐन २०७७ को अनुसूची २ बमोजिमको कर तथा दस्तुर सो अवधिमा नविकरण गर्ने म्याद समाप्त भएकाको हकमा सवारी कर तथा गैर कर बुझाउन नपाएका करदाताहरुलाई प्रदेश आर्थिक ऐन २०७७ को दफा १३ बमोजिम सवारी साधन कर तथा गैरकर राजश्व दाखिला गर्ने २०७७ साल कार्तिक मसान्त सम्म म्याद थप गरिएको..."

यातायात कार्यालयहरुले यस प्रकार छुट प्रदान गरेपछि उक्त सवारी साधनहरुको विवरण आर्थिक मामिला तथा योजना मन्त्रालयमा पठाउन समेत भनिएको छ ।

सहकारी, बैंक वा बित्तिय संस्थाको नाममा रहेको सवारी साधन ऋणीको नाममा नामसारी गर्दा आवश्यक कागजात दस्तुर तथा प्रकृया

2020-09-21T08:37:00.002+05:45

तपाईले सवारी साधन खरिद गर्दा विभिन्न बैंक, बित्तिय संस्था वा सहकारी संस्थाहरुले फाइनान्स सुविधा उपलब्ध गराउन सक्छन् । यसरी खरिद गर्दा तपाईलाई ऋणी कायम गरेर फाईनान्स उपलब्ध गराउने बैंक सहकारी वा बित्तिय संस्थाकै नाममा सवारी साधन दर्ता गरेको हुन सक्छ । यस्तो सवारी साधनको ऋण चुक्ता भए पश्चात् ऋणीको नाममा नामसारी गर्दा आवश्यक पर्ने कागजात, दस्तुर तथा प्रकृयाको बारेमा यस पोष्टमा चर्चा गर्न गईरहेको छु ।

बैंक तथा बित्तिय संस्थाको नामबाट नामसारी गर्न आवश्यक कागजातहरु

१. सवारी धनीको रुपमा रहेको बैंकको दर्ता प्रमाणपत्र

२. संस्थाको करचुक्ता प्रमाणपत्र

३. ऋण चुक्ता भएको र ऋणीको नाममा नामसारी गर्न यातायात कार्यालयलाई अनुरोध गरि बैंकले लेखेको पत्र

४. दस्तखतको नमूना उल्लेख गरी बैंकको प्रतिनिधि तोकेको पत्र

५. बैंकको प्रतिनिधीको परिचयपत्रको फोटोकपी

६. ऋणीको सक्कल नागरिकता प्रमाणपत्र तथा सो को फोटोकपी

७. ऋणीको हालसालै खिचिएको पासपोर्ट साईजको ३ प्रति फोटो

८. सवारी साधनको ब्लूबुक

९. सवारी साधनको सम्बन्धित सवारी दर्ता फाईल

१०. नामसारी दस्तुर तिरेको रसिद

सवारी साधन साथमै ल्याई बैंकको प्रतिनिधि तथा ऋणी स्वयं कार्यालयमा जानु पर्छ ।

सहकारी संस्थाको नामबाट नामसारी गर्न आवश्यक कागजातहरु

१. सवारी धनीको रुपमा रहेको सहकारी संस्थाको दर्ता प्रमाणपत्र

२. संस्थाको करचुक्ता प्रमाणपत्र

३. ऋण चुक्ता भएको र ऋणीको नाममा नामसारी गर्न यातायात कार्यालयलाई अनुरोध गरि संस्थाले लेखेको पत्र

४. दस्तखतको नमूना उल्लेख गरी सहकारीको प्रतिनिधि तोकेको पत्र

५. प्रतिनिधीको परिचयपत्रको फोटोकपी

६. ऋणीको सक्कल नागरिकता प्रमाणपत्र तथा सो को फोटोकपी

७. ऋणीको हालसालै खिचिएको पासपोर्ट साईजको ३ प्रति फोटो

८. सवारी साधनको ब्लूबुक

९. सवारी साधनको सम्बन्धित सवारी दर्ता फाईल

१०. नामसारी दस्तुर तिरेको रसिद

सवारी साधन साथमै ल्याई सहकारीको प्रतिनिधि तथा ऋणी स्वयं कार्यालयमा जानु पर्छ । सवारी साधन खरिद गर्दा VAT बीलमा ऋणी नखुलेको भए सहकारी संस्थाले ऋण लगानी गर्ने विषयमा वा ऋण चुक्ता भई ऋणीको नाममा नामसारी गरिदिने विषयमा भएको बैठकको माइन्यूट संलग्‍न गर्नु पर्छ ।

नामसारी दस्तुर

नामसारी दस्तुरहरु सवारी धनी जो सुकै भएपनि फरक नपर्ने र सवारी साधनको किसिमका आधारमा तोकिएको हुनाले सहकारी, बैंक वा बित्तिय संस्थाको नाममा रहेको सवारी साधनहरुको नामसारी दस्तुर पनि अन्य सरहनै लाग्छ । आ.ब. २०७७।७८ को लागि तोकिएका दस्तुरहरु हेर्नको लागि यो पेजमा क्लिक गर्नुहोस् ।

नामसारी गर्ने प्रकृया

बैंक तथा वित्तिय संस्था वा सहकारी संस्थाको नाममा रहेका सवारीसाधनहरुको नामसारी गर्ने प्रकृया पनि व्यक्तिगत नामसारी प्रकृया सरहनै हो । व्यक्तिगत सवारी साधनहरुको नामसारी गर्ने प्रकृया यस पेजमा हेर्न सक्नुहुन्छ ।

सवारी साधनको नामसारी गर्दा लाग्ने खर्च आवश्यक कागजातहरु र प्रकृयाको सम्बन्धमा जानकारी

2020-09-19T08:59:00.004+05:45

तपाईको नाममा दर्ता रहेको सवारी साधन बिक्री गर्नुभयो भने स्वामित्व हस्तान्तरण गर्नको लागि यातायात व्यवस्था कार्यालयमा गएर नामसारी गर्नु पर्छ । यसरी नामसारी गर्नको लागि लाग्ने शूल्क, लिएर जानुपर्ने कागजातहरु तथा नामसारी प्रकृयाको बारेमा यस पोष्टमा छोटो चर्चा गर्न गइरहेको छु ।

नामसारी गर्दा कति खर्च लाग्छ?

प्रदेश आर्थिक ऐन २०७७ को अनुसूची २ मा सवारी नामसारी सम्बन्धी दस्तुरहरु तोकिएको छ ।

निजी मोटरसाईकल स्कूटरहरुको नामसारी गर्दा रु.२००।-

सार्वजनिक मोटरसाईकल स्कूटरहरुको नामसारी गर्दा रु.३००।-

निजी कार जिप भ्यान पिकअप टेम्पो पावरटिलर हरुको नामसारी गर्दा रु.५००।-

सार्वजनिक कार जिप भ्यान पिकअप टेम्पो पावरटिलर हरुको नामसारी गर्दा रु.८००।-

निजी मझौला सवारीको नामसारी गर्दा रु.६००।-

सार्वजनिक मझौला सवारीको नामसारी गर्दा रु.१०००।-

निजी ठूला सवारीको नामसारी गर्दा रु.८००।-

सार्वजनिक ठूला सवारीको नामसारी गर्दा रु.१५०००।-

पर्यटक सवारी र संस्थानको सवारी दस्तुत सार्वजनिक सवारी सरह लाग्नेछ । नामसारी गर्नु पूर्व चालु आर्थिक वर्ष सम्मको कर तिरेको हुनु पर्छ भने नविकरण अवधि बहाल रहेको हुनु पर्छ ।

नामसारी गर्दा आवश्यक कागजातहरुः

सवारीको नामसारी गर्न यातायात व्यवस्था कार्यालय जाँदा तल बताईए अनुसारका कागजातहरु तयार गरि लैजानु पर्छ ।

१. सवारी धनी र क्रेताको सक्कल नागरिकता प्रमाणपत्र

२. क्रेताको हालसालै खिचिएको ३ प्रति पासपोर्ट साईजको फोटो

२. सवारी साधनको सक्कल ब्लूबुक

३. सवारी दर्ता फाईल

४. नामसारी दस्तुर तिरेको रसिद

५. अवधि कायम रहेको कम्तिमा तेश्रो पक्ष बीमाको पोलिसी पेपर

६. नामसारी फाराम

सवारी धनी व्यक्ति नभई कुनै संस्था हो भने संस्थाको दर्ता प्रमाणपत्र, कर चुक्ता प्रमाणपत्र, सवारी साधन बिक्री गर्न प्रतिनिधि तोकिएको विषयको यातायात कार्यालयलाई लेखिएको पत्र र संस्थाको छाप लिई जानुपर्छ ।

व्यक्तिले नभई कुनै संस्थाले सवारी साधन किनेको हो भने पनि संस्थाको दर्ता प्रमाणपत्र, कर चुक्ता प्रमाणपत्र, सवारी साधन खरिद गर्ने निर्णयको माइन्यूटको प्रमाणित फोटोकपी तथा प्रतिनिधि तोकिएको विषयको यातायात कार्यालयलाई लेखिएको पत्र र संस्थाको छाप लिई जानुपर्छ ।

लिलाम बिक्री भई नामसारी गर्नु परेको अवस्थामा यस ब्लगमा छुट्टै पोष्टहरु छन्, ती समेत पढ्नु होलाः

लिलाम सम्बन्धि लेखहरु

नामसारी गर्ने प्रकृया

प्रदेश सवारी तथा यातायात व्यवस्था ऐन, २०७५ को दफा ४१ मा सवारीको नामसारी सम्बन्धी व्यवस्था गरिएको छ । उक्त दफामा "यस ऐन बमोजिम दर्ता भएको सवारीको धनीले आफ्नो सवारी अरु कसैलाई दान बकस दिई वा बिक्री गरी वा अन्य कुनै किसिमले स्वामित्व हस्तान्तरण गरेमा पैतीस दिनभित्र सो सवारीको नामसारीको लागि दर्ताको प्रमाणपत्र र सवारी साधन कर तिरेको प्रमाण समेत संलग्न राखी तोकिएको ढाँचामा अधिकार प्राप्त अधिकारी समक्ष दिवेदन दिनु पर्नेछ ।" भनी लेखिएको भएको छ ।

ऐनको सो व्यवस्था बमोजिम नामसारी गर्नको लागि तल बताईए अनुसार काम गर्नु पर्छ ।

१. नामसारी फाराम लिई त्यसमा किन्ने र बेच्ने दुबैले औठाछाप लगाई दस्तखत गरेर सोधिए बमोजिम सवारी धनी तथा क्रेताको विवरण तथा सवारी साधनको विवरण भर्नु पर्छ । फाराममा रु.१०।- को हुलाक टिकट टाँस्नुपर्छ ।

२. चालु आर्थिक वर्ष सम्मको कर तिरी नविकरण नगराएको भए सो वापतको समेत गरी नविकरण दस्तुर बैंकमा बुझाउने र बैंकबाट प्राप्त भौचर यातायात कार्यालयको लेखा काउण्टरमा दिई रसिद लिने ।

३. दस्तुर बुझाएको रसिदको तल नामसारी फाराम र त्यसको तल सवारी साधन लिने र दिने दुबैको नागरिकता प्रमाणपत्रको फोटोकपी र त्यो भन्दा मुनी बीमा गरेको पोलिसि पेपर स्टिच गरी सवारी दर्ता फाईलमा राखि सवारी साधनको प्राविधिक निरीक्षण गराउने ।

४. प्राविधिक निरीक्षण पश्चात् आफ्नो सवारीको लट अनुसार तोकिएको फाँटमा फाईल र ब्लूबुक दिने ।

५. फाँटबाट तपाईले दिनुभएको कागजातहरु रुजु गर्दा सबै ठिक छ भने नामसारी फाराममा दस्तखत गरी ढड्डा (रजिष्टर) तथा ब्लूबुकमा किन्ने मान्छेको फोटो टाँसी, अभिलेख जनाई फाँट प्रमुखकहाँ पेश गर्छन् ।

६. फाँट प्रमुखले सवारी धनी र बिक्रीको भुक्तानी भइसकेको एकिन गरी नामसारी फाराममा, दर्ता कार्डमा, ढड्डामा र ब्लूबुकमा दस्तखत गरी नामसारी प्रमाणित गरिदिन्छन् ।

७. यस पश्चात् ब्लूबुकमा दस्तखत गर्ने फाँटप्रमुख तथा कार्यालयको छाप लगाएपछि नामसारीको प्रकृया समाप्त हुन्छ ।

आषा छ यो पोष्टले सवारी साधनको नामसारी गर्ने सम्बन्धमा तपाईलाई केही जानकारी दियो नै होला । थप केही जान्न मन भए तल कमेन्ट बक्समा लेख्न सक्नुहुन्छ ।

आईतबार देखि यातायातका प्राय सबै सेवाहरु खुल्ला, जरिवानाको स्थिति के?

2020-09-11T19:11:00.006+05:45

यातायात व्यवस्था कार्यालयहरु आगामी आइतबार (२०७७ भाद्र २८ गते) देखि खुल्ने भएका छन् र नविकरण, नामसारी, सरुवा सहमती जस्ता अधिकाँश सेवाहरु पुनः सुचारु हुने भएका छन् । यातायात व्यवस्था कार्यालय ठूलो भर्याङ्गले गत बिहिबार देखि नै लाईसेन्स नविकरण सेवा शुरु गरिसकेको थियो भने यातायात व्यवस्था कार्यालय मोटरसाईलक गुर्जुधाराले आईतबार देखि सेवाहरु पुनः सञ्चालनको सूचना प्रकाशन गरेको छ ।

लकडाउनका कारण उक्त अवधि भित्र आर्थिक वर्ष २०७६।७७ को नविकरण गराउनु पर्ने सवारी साधनहरुको नविकरण गराउन नपाएको कारणले जरिवाना लागेको भए निजी सवारी साधनहरुको हकमा नविकरण गर्दा लाग्‍ने जरिवाना प्रदेश आर्थिक ऐन, २०७७ ले दिएको छुट अवधि यस बीचमा ब्यतित भईसकेको छ ।

काठमाडौँ उपत्यकामा निषेधाज्ञाको कारण छुट अवधि उपभोग गर्न नपाएका र निषेधाज्ञाको अवधिका कारण जरिवाना लागेका सवारी साधनहरुका सम्बन्धमा भौतिक पूर्वाधार मन्त्रालय हेटौँडाबाट पुनः म्याद थप वा जरिवाना छुट सम्बन्धमा नयाँ कुनै सूचना जारी नभएको हुँदा जरिवाना तिर्न पर्ने बाध्यता देखिन्छ ।

यस सम्बन्धमा उपत्यकाका यातायात व्यवस्था कार्यलयहरुले विषयको जानकारी गराई भौतिक पूर्वाधार मन्त्रालय तथा आर्थिक मामिला तथा योजना मन्त्रालय, हेटौँडालाई जरिवाना छुट अवथा म्याद थप गर्न अनुरोध गरी लेखि पठाइसकेको जनाएका छन् ।

राजश्व तथा जरिवाना छुट प्रदेश मन्त्रिपरिषद्‍बाट नै निर्णय हुनु पर्ने कारणले यस सम्बन्धमा नयाँ निर्देशन जारी हुन समय लाग्‍ने देखिन्छ ।

यदि तपाईको पनि जरिवाना लागिसकेको छ अथवा आ.ब. २०७६।७७ को नै कर तिर्न बाँकी छ भने तत्काल नविकरण नगराई केही समय कुरेर नै कर तिर्नु उपयुक्त हुने देखिन्छ । तत्काल नविकरण गराएपनि जरिवाना तिर्नु पर्ने हो भने नयाँ सूचना नआउँदै तिर्नु ठिक दर्खिँदैन ।

काठमाडौँबाट बागमती अञ्चल वा बागमती प्रदेशमा दर्ता रहेका सवारी साधन अरु प्रदेशमा ठाउँसारी गरी लैजाँदा लाग्‍ने शूल्क आवश्यक पर्ने कागजात तथा प्रकृया

2020-09-07T09:17:00.003+05:45

काठमाडौँबाट बागमती अञ्चल वा बागमती प्रदेशमा दर्ता रहेका सवारी साधन अरु प्रदेशमा ठाउँसारी गरी लैजाँदा लाग्‍ने शूल्क आवश्यक पर्ने कागजात तथा प्रकृयाका बारेमा यस पोष्टमा छोटो चर्चा गर्दैछु । आषा छ उपयोगी हुनेछ ।

काठमाडौँबाट केही वर्षको लागि अन्यत्र जाँदै हुनुहुन्छ वा बसाई सराई गरेर जाँदै हुनु हुन्छ ? बागमती प्रदेशमा वा बागमती अञ्चलको नम्बर प्लेटमा तपाईको नाममा दर्ता रहेको सवारी साधन ठाउँसारी गरी लैजान सक्नुहुन्छ । काठमाडौँको यातायात कार्यालयबाट सरुवा सहमती लैजाने र तपाई जाने प्रदेशको यातायात कार्यालयमा लगेर सरुवा दर्ता गर्ने । प्रकृया सजिलो छ र खर्चिलो पनि छैन ।

यसरी सरुवा सहमती लिएर आफु बसोबास गर्ने ठाउँकै यातायात कार्यालयमा दर्ता गर्नुभयो भने तपाईलाई केही कुराहरुमा सहज हुन सक्छः

१. कुनै समयमा यदि ब्लू बुक हरायो भने काठमाडौँ आइरहनु पर्दैन, त्यहीबाटै प्रतिलिपी पाईन्छ।

२. बर्षै पिच्छे कर तिर्न र नविकरण गर्न काठमाडौँ आइरहनु पर्दैन । फेरी अरु प्रदेशहरुको करको दर बागमतीको भन्दा कम छ ।

३. सवारी साधन बेच्‍न चाहनु भयो भने त्यहीँबाट नामसारी गर्न मिल्छ ।

४. कुनै बेला कारणबश ट्राफिक नियम उल्लंघन भयो र ट्राफिक प्रहरीले ब्लूबुक खिचेर चिट काटिदियो भने त्यसको जरिवाना तिर्ने तथा ब्लूबुक फिर्ता लिन काठमाडौँ आइरहनु परेन ।

कति खर्च लाग्छ सरुवा सहमती बनाउन ?

निशूल्क हो । सरुवा सहमती बनाई बाहिर लगेर दर्ता गर्ने की नगर्ने भन्नेमा खर्च कति लाग्छ भन्ने कुराले पनि पक्कै भूमिका खेल्छ । धेरै मित्रहरु त यस बारेमा अनभिज्ञ भएका कारण पनि ठाउँसारी गर्ने विषयमा सोच बनाउनु भएकै हुँदैन ।

सरुवा सहमतीको लागि कुनै राजश्व वा दस्तुर तोकिएको छैन, यो निःशूल्क हो ।

तर चालु आर्थिक वर्ष सम्मको कर तिरेर तपाईको ब्लूबुक नविकरण भएको भने हुनु पर्छ । सवारी कर र नविकरण क्लियर छ भने सरुवा सहमती लैजाँदा अन्य कुनै थप शूल्क लाग्दैन ।

कति समय लाग्छ सरुवा सहमती प्राप्त गर्न ?

कर तिरेर नविकरण भैसकेको हो भने धेरै समय लाग्दैन । सबै कागजात तयार गरेर सम्बन्धित फाँटमा लगेपछि फाँटका कर्मचारी अरु काममा व्यस्त नभएको अवस्थामा आधा घण्टामा नै काम सकिन्छ ।

सरुवा सहमती लिन सवारी साधन पनि यातायात कार्यालय लैजानु पर्छ?

पर्दैन । सरुवा दर्ता गर्ने कार्यालयमा दर्ता गर्दा सवारी साधन लैजानु पर्छ तर सरुवा सहमती लैजाँदा यातायात कार्यालयमा सवारी साधन लैजानु पर्दैन ।

आवश्यक कागजात के के हुन् ?

१. सक्कल सवारी दर्ता फाईल र त्यसमा भएका सबै कागजातहरुको एक प्रति फोटोकपी

२. चालु आ.ब. सम्म कर तिरेर नविकरण भएको सक्कल ब्लूबुक र त्यसको प्रतलिपी

३. सवारी धनीको सक्कल नागरिकता प्रमाणपत्र

(सवारी धनी आफैँ जानु पर्छ । अरुलाई नपठाउनु होला । यातायातको ढड्डाहरुमा अभिलेख नजनाईएको अवस्था भयो भने पछि कानूनी जटिलतामा पर्ने जोखिम हुन्छ ।)

के के गर्नु पर्छ? प्रकृया ?

१. आफ्नो सवारी साधनको चालु आर्थिक वर्ष सम्मको कर / नविकरण तिरेर ब्लूबुकमा जनाएको हुनु पर्छ । कर/नविकरण बाँकी भए पहिले त्यो काम सकाउनुहोस् ।

२. सवारी दर्ता फाइलको सबै कागजातहरुको फोटोकपी गर्नुहोस् । फाइल तपाईले बुझेर नलगेको भए कार्यालयमा फाइल खोज्‍न लगाउनुहोस् ।

फाइलमा भएका कागजातहरुमा सरुवा सहमती लैजाँदा देहायका कागजातहरु अत्यन्त महत्वपूर्ण छन् ।

दर्ता कार्ड,
भन्सार पज्ञापन पत्र,
भन्सार रसिद
इन्जिन चेसिसको फोटो
दर्ता फाराम
प्रत्येक विक्रीको भ्याट बील
प्रत्येक नामसारीको नामसारी फाराम
प्रत्येक रसिदहरु

३. ब्लू बुकको फोटोकपी गर्नुहोस् । ब्लूबुकको दर्ता पाना, सवारी विवरण पाना, प्रत्येक नामसारीको पानाहरु, प्रत्येक नविकरण जनाएको पानाहरु र कर जनाएको पानाहरुको फोटोकपी गर्नुपर्छ ।

४. सरुवा सहमती फाराम भरेर त्यसमा रु १०।- को हुलाक टिकट टासेर सबै फोटोकपीहरुलाई स्टिच गरी एकतृत राख्नुहोस् ।

४. माथि बताइएका सबै कागजातहरुको फोटोकपी र सक्कल लिएर सवारी धनी आफैँ सक्कल नागरिकताका साथ आफ्नो सवारी साधनको लागि तोकिएको सम्बन्धित फाँटमा जानुहोस् ।

५. फाँटका कर्मचारीले सबै कागजातहरु रुजु गरी, कर/नविकरण तिरेको एकिन गरी सरुवासहमती फाराममा दस्तखत गरी फाँटप्रमुखकहाँ पठाउँछन् ।

६. फाँटप्रमुले सरुवा सहमतीमा प्रमाणित गरिदिएपछि सबै कागजात लिएर पुनः फाँटमा वा दर्ता गर्ने ठाउँ जहाँ तोकिएको छ त्यहाँ लगेर चलानी गराउनुहोस् । चलानी गर्नेले सरुवा सहमती खामबन्दी गरी लाहा छाप लगाइ सिलबन्दी गरिदिन्छन् । उक्त सिलबन्दी खाम बुझेको दस्तखत गरी लैजान सक्नुहुन्छ ।

यस्तो सिलबन्दी खाम कसैले पनि कहीँ पनि खोल्‍न हुँदैन । सिलबन्दी अवस्थामानै सरुवा सहमती चलानी भएको ३५ दिन भित्र लगेर दर्ता गराईसक्नु पर्छ । अन्यथा जरिवाना लाग्छ वा अवधि धेरै भइसकेको छ भने दर्ता नगरी फिर्ता पठाइदिन सक्छन् ।

आषा छ यो पोष्टले तपाईहरुलाई सवारी साधनको सरुवा सहमती लिने बारेमा जानकारी भयो होला । तपाईले आफ्नो काम आफैँ गर्न सक्नुभयो अथवा कुनै ब्यक्तिहरुले तपाईलाई ठग्‍न सकेनन् भने यो लेखको उपादेयता भएको ठहरिनेछ ।

ब्लूबुकको प्रतलिपि लिँदा कस्तो बेलामा ट्राफिक सिफारिश लिनु पर्छ कस्तो बेलामा पर्दैन?

2020-09-03T08:12:00.002+05:45

ब्लूबुक हरायो, नासियो वा झुत्रो भयो भने यातायात व्यवस्था कार्यालयमा गई अर्को ब्लूबुक लिन सकिन्छ । यसरी ब्लूबुकको प्रतलिपि लिँदा कर/नविकरण र प्रतिलिपि दस्तुर तिरेको रसिदको अलाबा ट्राफिक प्रहरी कार्यालयको सिफारिश पत्र पनि आवश्यक पर्छ । यो पोष्टमा म कुन अवस्थामा ट्राफिक सिफारिश नभएपनि प्रतिलिपि प्राप्त गर्न सकिन्छ र कुन अवस्थामा अनिवार्य हुन्छ भन्ने विषयमा छोटो जानकारी दिन गईरहेको छु ।

ट्राफिक सिफारिश प्राप्त गर्न दिनुपर्ने निवेदन डाउनलोड गर्न यहाँ क्लिक गर्नुहोस्

ट्राफिक सिफारिश आवश्यक नपर्ने अवस्था

यदि तपाईको ब्लूबुकमा नामसारीको अभिलेख जनाउँदा र नविकरणको अभिलेख जनाउँदा जनाउँदा सबै पानाहरु भरिईसकेका छन् र अब नविकरण भएको जनाउने ठाउँनै छैन भएन भने ब्लूबुकको प्रतिलिपि लिनु पर्ने हुन्छ । यस्तो बेलामा ब्लूबुकमा सबै पानाहरु हुने हुँदा प्रलिपिलि लिँदा त्यही पुरानो ब्लूबुक दिएर अर्को नयाँ ब्लूबुक लिन सकिन्छ । यसको लागि ट्राफिक सिफारिश आवश्यक पर्दैन ।

तपाईको ब्लूबुक च्यातिएर वा भिजेर प्रयोग गर्न नमिल्ने अवस्थाको भएको छ तर ब्लूबुकमा दर्ता जनाएको पाना, सवारी साधनको नम्बर लेखिएको पाना, त्यस्तै सवारी विवरण पाना र तपाईको नाममा नामसारी भएको पाना पढ्न सकिने बुझिने खालको छ भने यस्तो अवस्थामा ब्लूबुकको प्रतिलिपि लिन पनि ट्राफिक सिफारिश आवश्यक पर्दैन । त्यो ब्लूबुकमा सवारी राम्रो सँग एकिन गर्न सकिने र तपाईको नाममा नामसारी भएको विश्वस्त हुन सकिने विवरणहरु सहज रुपमा पहिल्याउन सकिने छ भने यातायात कार्यालयहरुले त्यही ब्लूबुक खिचेर अर्को प्रतिलिपि जारी गरिदिन्छन । ट्राफिक सिफारिश माग्दैनन् ।

ट्राफिक सिफारिश अनिवार्य हुने अवस्था

तपाईको सवारी साधन र तपाईको नाममा नामसारी भएको विवरण स्पष्ट र सहज रुपमा पहिल्याउन नसकिने अवस्थामा ब्लूबुकको प्रतिलिपि लिनु पर्दा भने ट्राफिक सिफारिश अनिवार्य चाहिने हुन्छ ।

ब्लूबुक हरायो र प्रतिलिपि लिनु परेको हो भने त ट्राफिक सिफारिश नभई भएन ।

ब्लूबुक अत्यन्त झुत्रो भयो र यसमा लेखिएको सवारीको विवरण, तपाईको नाममा नामसारी भएको पाना र सवारी दर्ता गर्दाको पाना नै गायब भएको वा नबुझिने नै भएको अवस्थामा ट्राफिक सिफारिह अनिवार्य चाहिन्छ ।

ट्राफिक सिफारिश लिनको लागि काठमाडौँ उपत्यकाको हकमा महानगरिय ट्राफिक प्रहरी महाशाखा, रामशाहपथ गएर तल चित्रमा देखाइएको जस्तो निवेदन दिनु पर्छ। निवेदन डाउनलोड गरी आफैँ प्रिन्ट पनि गर्न सक्नुहुन्छ ।

निषेधाज्ञा अर्को १ हप्ता थपियो, खुल्लान् त यातायात कार्यालयहरु?

2020-09-02T19:28:00.005+05:45

काठमाडौँ उपत्यकाका सबै यातायात कार्यालयहरुले २०७७ भदौ २ गतेबाट अत्यावश्यक बाहेकका सबै सेवाहरु बन्द गरेका थिए । यसैबीच उपत्यकाका तिनवटै प्रमुख जिल्ला अधिकारीहरुले भदौ ३ गतेबाट लागु हुने गरी निषेधाज्ञा जारी गरेपछि यातायात कार्यालय खुल्ने विषय अझै अनिश्चित भएको थियो । उक्त निषेधाज्ञा गत भदौ १० गतेबाट अर्को एक साताको लागि थपिएको थियो भने आज पुनः अर्को एक साताको लागि लम्ब्याइएको छ । काठमाडौँ उपत्यकामा बढ्दै गएको संक्रमण र यसले थपेको जोखिमका कारण निषेधाज्ञाको यो अवधिमा समेत यातायात कार्यालयको सेवाहरु बन्द नै रहन जाने देखिएको छ ।

गत भदौ ८ गतेको यातायात व्यवस्था विभागको सूचना अनुसार लाईसेन्स नविकरण गर्ने म्याद भदौ मसान्त सम्म थप गरिएको थियो । तर यातायात कार्यालयहरुले सेवा बन्द गरिरहने र जिल्ला प्रशासन कार्यालयबाट निषेधाज्ञा थप गर्दै लैजाँदा उक्त म्याद त्यसै गुज्रने देखिन्छ । अब लाईसेन्स नविकरण गर्दा जरिवाना लाग्‍ने हो की भन्ने कुरामा सेवाग्राहीहरु चिन्ता व्यक्त गर्छन् भने यस बारेमा याताायत व्यवस्था विभागबाट म्याद थप सम्बन्धि पछिल्लो कुनै जानकारी प्राप्त भएको छैन ।

सातै प्रदेशका सबैखाले सवारी साधनहरुको आ.ब. २०७७।७८ को लागि तोकिएको करको दर

2020-09-01T19:37:00.001+05:45

आ.ब. २०७७।७८ को लागि सातैवटा प्रदेशहरुको सबैखाले सवारी साधनहरुको निम्ति तोकेको करको दरहरु यहाँ प्रस्तुत गर्दछु ।

ट्राफिक प्रहरीले काटेको चिट नै हरायो भने जरिवाना तिरी ब्लूबुक वा लाईसेन्स फिर्ता लिने प्रकृया (ट्राफिक कार्यालयमा दिनु पर्ने निवेदन डाउनलोड समेत)

2020-08-28T19:34:00.003+05:45

सडकमा सवारी चलाउने क्रममा तपाईबाट कुनै कसुर हुन गयो भने ट्राफिक प्रहरीले तपाईको कागजात (सवारी चालक अनुमतिपत्र - लाईसेन्स वा सवारी दर्ता प्रमाणपत्र - ब्लूबुक) खिचेर २४ घण्टे पुर्जी - ट्राफिक चिट जारी गरिदिन्छन् । यस्तो अवस्थामा प्रचलन बमोजिम करिब १ हप्त भित्र कसुर बमोजिमको जरिवाना तिरेर ट्राफिक प्रहरी कार्यालय (काठमाडौँको हकमा बग्गीखाना) बाट र केही लामो अवधि पछि चाहीँ सम्बन्धित यातायात व्यवस्था कार्यालयबाट कागजात पुनः फिर्ता लिन सकिन्छ ।

सम्बन्धित लेखः ट्राफिक प्रहरीलेले कहाँ चिट काटेपछि कागजात फिर्ता लिन कहाँ जानु पर्छ?

कुनै कारणले ट्राफिक प्रहरीले काटेको चिट नै हरायो भने के गर्ने भन्ने सम्बन्धमा यो पोष्टमा चर्चा गर्न गईरहेको छु ।

ट्राफिक प्रहरीले चिट काट्दा तपाईको सवारी कसूर, चिट काट्ने प्रहरी अधिकारीको नाम दर्जा, मिति, सवारी साधन नम्बर, चिट काटिएको स्थान लगायतका विवरणहरु जनाएर दिएको हुन्छन् । यसै चिटको आधारमा पछि तपाईको लाईसेन्स वा ब्लू बुक फिर्ता लिन जानु पर्ने हुन्छ ।

चित्र https://sankalpakhabar.com/2019/04/01/8560/ को पानाबाट साभार गरिएको

कुनै कारणले यदि यो चिट हरायो वा नष्ट भयो भने उल्लिखित अभिलेखहरु तपाईसँग नभएको कारणले केही असजिलो महशूस हुन सक्छ । तर यो चिट हरायो भने पनि संसार नै उथलपुथल भएको अनुभुती गर्नु चाहीँ आवश्यक छैन ।

ट्राफिक चिट हराएको भनी ट्राफिक प्रहरी कार्यालय (काठमाडौँ उपत्यकाको हकमा महानगरीय प्रहरी महाशाखा - बग्गीखानामा) निवेदन दिनु भयो भने महाशाखाबाट पत्र उपलब्ध गराइन्छ । यो पत्र पनि तपाईको कसूर बमोजिमको जरिवाना तिरी लाइसेन्स वा ब्लूबुक फिर्ता लिनको लागि काम लाग्छ ।

यो निवेदन डाउनलोड गरी प्रिन्ट गर्नुहोस्

यस सम्बन्धमा तपाईको कुनै अनुभव छ भने वा थप जानकारी छ भने तल कमेन्ट बक्समा लेखि अन्य यस्तै समस्यामा परेकाहरुलाई मदद गर्न सक्नुहुन्छ ।

सम्बन्धित लेखः ट्राफिक कारवाहीमा परियो भने तपाईको लाइसेन्स वा ब्लूबुक कसरी फिर्ता लिने

भदौ मसान्त सम्म जरिवाना नलनग्ने गरि लाइसेन्स नविकरण गर्ने म्याद थप

2020-08-26T22:13:00.004+05:45

नेपाल सरकारको २०७७।४।५ गतेको निर्णय बमोजिम लकडाउन अवधिको जरिवाना नलाग्‍ने सम्बन्धमा यातायात व्यवस्था विभाग, मीनभवनले आज २०७७ भदौ ८ गते सूचना जारी गरेको छ । नेपाल सरकारको उक्त निर्णय अनुसार सवारी चालक अनुमतिपत्रको नवीकरण गर्न म्याद बन्दाबन्दी (लकडाउन) को अवधिभित्र परेमा २०७७ भदौ समान्तसम्म गर्न सक्ने र सो कारणले ढिलो भएवापत/नविकरण म्याद नाघेबापत बुझाउनु पर्ने शुल्क जरिवाना मिनाहा गर्ने व्यवस्था गरेको थियो ।

सरकारबाट निर्णय भएपनि सफ्टवेयरमा अद्यावधिक गर्नु पर्ने कारणले हालसम्म व्यवहारमा भने उक्त निर्णय लागु गर्न समस्या भईरहेको थियो । "System Modification समेत भईसकेको हुँदा बन्दाबन्दीको अवधिमा सवारी चालक अनुमतीपत्र नविकरण म्याद सकिई जरिवाना लाग्‍नेहरुलाई भदौ मसान्त सम्म जरिवाना नलाग्‍ने" कुरा विभागको उक्त सूचना मा छ ।

भदौ मसान्त सम्म म्याद थप गरिएको भएता पनि भदौ १७ गते सम्म काठमाडौँमा निषेधाज्ञा जारी नै छ र नेपाल सरकारको श्रावण ५ गतेको निर्णयले प्रदान गरेको थप अवधि भित्रमा सवारी चालकहरुले आफ्नो लाइसेन्स रिन्यू गर्न भ्याउने हुन् वा होइनन् र निषेधाज्ञा जारी भई अझैसम्म पनि नविकरण गराउन जान नसकिने अवस्था रहेकोमा भदौ पश्चात् पुनः म्याद थप हुने नहुने बारेमा अन्यौल नै छ ।

मोटरसाईकल र चारपाङ्ग्रे गाडीको कर तिर्न कहाँ जाने

2020-08-26T11:42:00.002+05:45

बागमती प्रदेश भित्र दर्ता भएका मोटरसाईकलहरु (दुईपाङ्ग्रे सवारी साधन) र गाडीहरु (चारपाङ्ग्रे सवारी साधन) को कर तिरेर ब्लूबुक नविकरण कहाँ कहाँबाट गराउन सकिन्छ भन्ने जानकारी दिने उद्देश्यले यो पोष्ट लेख्‍दैछु । सवारी साधनको कर प्रत्येक वर्ष तोकिएको अवधि भित्र तिरेर ब्लूबुक नविकरण गराउनु पर्छ अन्यथा जरिवाना लाग्छ ।

सम्बन्धित लेखः ब्लूबुक नविकरण कहिले गर्ने र छुट तथा जरिवानाको हिसाब गर्ने तरिका

काठमाडौँ उपत्यका बाहिर

बागमती प्रदेश भित्र काठमाडौँ उपत्यका बाहिरका सवारी धनीहरुले कर तिर्न तथा ब्लू बुक नविकरण गर्नको लागि तल बताइएका कार्यालयहरुमा सम्पर्क गर्न सक्नुहुन्छ ।

यातायात व्यवस्था सेवा कार्यालय, हेटौडा, मकवानपुर

फोनः 057-526158

फेसबुकः https://www.facebook.com/yatayathetauda/

ईमेलः yatayathetauda@gmail.com

कार्यालय प्रमुखः श्री भक्त बहादुर भण्डारी (मोवाईल नंः ९८५४०२१४१०)

नक्साः

यातायात व्यवस्था सेवा कार्यालय, भरतपुर, चितवन

फोनः 056-531310

फेसबुकः यातायात व्यवस्था सेवा कार्यालय चितवन

ईमेलः yatayatchitwan@gmail.com

कार्यालय प्रमुखः श्री सुवास उप्रेती (मोवाईलः ९८४४१४०१७६)

नक्साः

काठमाडौँ उपत्यका भित्र

काठमाडौँ उपत्यका भित्र मोटरसाईकल स्कूटर जस्ता दुईपाङ्ग्रे सवारी साधनहरु तथा कार, जिप, बस‍ जस्ता चारपाङ्ग्रे सवारी साधनको कर तिरेर नविकरण गर्नका लागि तल बताइएका कार्यालयहरुमा सम्पर्क गर्न सक्नुहुन्छ ।

यातायात व्यवस्था कार्यालय, सानाठूला सवारी, एकान्तकुना
(४ पाङ्ग्रे सवारी साधनहरुको मात्र)

फोनः 01-5193714

फेसबुकः यातायात व्यवस्था कार्यालय, सानाठूला सवारी, एकान्तकुना

ईमेलः tmosanathula@gmail.com

कार्यालय प्रमुखः श्री यादवनाथ आचार्य (मोवाईलः ९८५११५९३२५)

नक्साः

यातायात व्यवस्था कार्यालय मोटरसाईकल, गुर्जुधारा, काठमाण्डौं
(२ पाङ्ग्रे सवारी साधनहरुको मात्र)

फोनः 01-4312311

फेसबुकः https://www.facebook.com/yatayatmosa

ईमेलः yatayatmosa@gmail.com

कार्यालय प्रमुखः श्री दीपक कुमार पोखरेल (मोवाईलः ९८५११५३४२११)

नक्साः

यातायात व्यवस्था सेवा कार्यालय, सानो भर्‍याङ, काठमाण्डौ

फोनः 01-4034875

फेसबुकः https://www.facebook.com/www.dotm.tax

ईमेलः kapali.rajkumar007@gmail.com

कार्यालय प्रमुखः श्री राज कुमार कपाली (मोवाईलः ९८४१३३८४१२)

नक्साः

यातायात व्यवस्था सेवा कार्यालय, सल्लाघारी, भक्तपुर

फोनः 01-6619564

फेसबुकः https://www.facebook.com/yaatayat.sallaghari.bhaktapur

ईमेलः yatayatbkt.salla@gmail.com

कार्यालय प्रमुखः श्री विमल प्रसाद भट्टराई

नक्साः

नोटः

मिति २०७७।५।१० गते अद्यावधिक गरिएको ।

श्रोतः

१. भौतिक पूर्वाधार विकास मन्त्रालय बागमती प्रदेशको वेवसाईट

२. सम्बन्धित कार्यालयहरुको फेसबुक पेजहरु

३. गुगल म्याप

सम्बन्धित भिडियोः

https://youtu.be/xbR3bRbrZjs

ट्राफिक प्रहरीलेले कहाँ चिट काटेपछि कागजात फिर्ता लिन कहाँ जानु पर्छ?

2020-08-24T19:24:00.002+05:45

सडकमा सवारी साधन चलाउँदा ट्राफिक नियम तथा सवारी तथा यातायात व्यवस्था ऐन नियमको पूर्ण पालना गर्नु सवारी चालकको कर्तव्य हो । कुनै अवस्थामा सवारी नियमको उल्लंघन भयो भने ट्राफिक प्रहरीको कारवाहीमा परिन्छ र ट्राफिक प्रहरीले कागजपत्र खिचेर २४ घण्टे पुर्जी काटिदिन्छन् । यस्तो अवस्थामा तपाई कुन ठाउँमा कारवाही परेको हो र कसुरको जरिवाना तिरी तपाईको कागजपत्र फिर्ता लिनको लागी कहाँ कहाँ सर्म्पर्क राख्‍नुपर्छ भन्ने विषयमा यस पोष्टमा चर्चा गर्न गईरहेको छु ।

ट्राफिक कारवाहीमा परेपछि कुन ठाउँमा कारवाहीमा परेको हो त्यस अनुसार निश्चित अवधि (सामान्यतया १ हप्ता भित्र) त्यस ठाउँ हेर्ने ट्राफिक प्रहरी कार्यालयमा जानु पर्छ भने उक्त अवधि सकिए पश्चात् महानगरीय ट्राफिक प्रहरी महाशाखा, रामशाहपथ जानु पर्ने हुन्छ । यदि तपाई कारवाही परेको लामो अवधि भईसकेको भए ट्राफिक प्रहरी महाशाखाबाट समेत सम्बन्धित यातायात व्यवस्था कार्यालय पठाइदिन सक्छन् ।

ट्राफिक प्रहरी प्रभाग कमलपोखरी

भाटभटेनी, नक्साल, ज्ञानेश्वर, कालोपुल, हाँडिगाउँ, गैरिधारा, छातेगणेश, भगवतीवहाल, ल्होत्से, डिल्लीबजार, नागपोखरी, रातोपुल क्षेत्रमा समातिएका सवारी साधन तथा कागजपत्र लिन समातिएको मितिले एक हप्ता सम्म घण्टा सम्म ट्राफिक प्रहरी प्रभाग कमलपोखरीमा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी बृत दरबारमार्ग

लैनचौर, खानिबिभाग, टुकुचा, जयनेपाल, दरबारमार्ग, केशरमहल,महेन्द्र शालिक,जमल, रत्नपार्क, भोटाहिटी क्षेत्रमा ट्राफिक प्रहरीले नियन्त्रणमा लिएका सवारी साधन र कागजपत्र लिन समातिएको मितिले तीन महिना सम्म ट्राफिक प्रहरी प्रभाग दरबारमार्गमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

ट्राफिक प्रहरी प्रभाग सोहृ्खुट्टे

गल्खुपाखा चोक,सोहृ्खुट्टे,नयाँबजार,खुसिबु,सामाखुसी क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग सोहृहखुट्टमा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नुपर्दछ ।

महानगरीय ट्राफिक प्रहरी बृत महाराजगंज

नारायणगोपालचोक, बसुन्धरा, बाँसवारी, चप्पलकारखाना, टिचिङ्ग, एकेडेमीमोड, पानीपोखरी, लाजिम्पाट, बालुवाटार, क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी बृत महाराजगंजमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्नु पर्दछ ।

महानगरीय ट्राफिक प्रहरी प्रभाग बुढानिलकण्ठ

हात्तीगौंडा,बुढानिलकण्ठ,टोखा क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग बुढानिलकण्ठमा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्पुटर शाखामा संपर्क राख्‍नु पर्दछ ।

महानगरीय ट्राफिक प्रहरी प्रभाग सुकेधारा

धुम्बाराही,सुकेधारा,निलोपुल,आकासेधारा,गोपिकृष्ण,हाँडिगाउ क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग सुकेधारामा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्कराख्‍नु पर्दछ ।

महानगरीय ट्राफिक प्रहरी बृत बौद्ध

चुच्चेपाटी,बौद्धगेट,पिपलबोट,जोपाटी,नारायणटार,थली,साँखु,गोकर्ण सुन्दरीजल अत्तरखेल,कपन,गौरिघाट क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी बृत बौद्धमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्कराख्‍नु पर्दछ ।

महानगरीय ट्राफिक प्रहरी प्रभाग गौशाला

ओमअस्पताल, चाबहिल, मित्रपार्क, उमाकुण्ड, कालोपुल, रातोपुल, मैतिदेबी, पुरानोबानेश्वर, तिलगंगा, फुलबारी , गौशाला चोक, सिफल क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग गौशालामा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी प्रभाग एयरपोर्ट

तिलगंगा,गोल्डेन गेट,सिनामंगल क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग एयरपोर्टमा सर्म्पर्क राख्ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी बृत कोटेश्वर

जडिबुटी, कोटेश्वर, तिनकुने, गैरिगाउँ, शान्तिनगर गेट,मिनभवन, बिजुलीबजार, पानि ट्याङकी,शंखमुल, बालकुमारी क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी बृत कोटेश्वरमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्कराख्नु पर्दछ ।

महानगरीय ट्राफिक प्रहरी प्रभाग थापाथली

खाद्य गोदाम अगाडी, थापाथली, प्रसुतिगृह, त्रिपुरेश्वर क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी प्रभाग थापाथलीमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी प्रभाग जनसेवा

आरएनएसि, बिरअस्पताल, न्युरोड गेट, जुद्धशालिक, हनुमानढोका, दरबार स्क्वायर क्षेत्र, सुन्धरा, महाबौद्ध, बाङ्गेमुडा क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग जनसेवामा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी बृत कालिमाटी

कालिमाटी चोक, बल्खु, टेकु, भोटेवहाल,कनक, परोपकार,सोल्टीमोड, ताहाचल, फर्पिङ, किर्तिपुर क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी बृत कालिमाटीमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी प्रभाग कलंकी

कलंकी चोक, खसिबजार, बाफल, ढुङ्गेअड्डा, स्वयम्भु, थानकोट,नागढुँगा, सितापाईला क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी प्रभाग कलंकीमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी परिसर सल्लाघारी

ठिमी नयाँबाटो, सल्लाघारी, सुर्यबिनायक, जगाती, नलिनचोक, पलासे, सागाँ,नगरकोट अगाडी क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग सल्लाघारीमा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्नु पर्दछ ।

महानगरीय ट्राफिक प्रहरी प्रभाग गठ्ठाघर

मनहरापुल, गठ्ठाघर चोक, सानो ठिमी, अगाडी क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले एक हप्ता सम्म ट्राफिक प्रहरी प्रभाग गठ्ठाघरमा सर्म्पर्क राख्‍ने र एक हप्ता पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

महानगरीय ट्राफिक प्रहरी परिसर सातदोबाटो

एकान्तकुना, कुपण्डोल,जावलाखेल, स्टार हस्पिटल अगाडी, पुरानो प्रभाग अगाडि, चापागाउँ अफिस, टिकाभैरव, लेले, कालो पुल कानदेवताथान, हरिहर भवन, कुमारीपाटी, चापागाउँमोड, ग्वार्को, सातदोबाटो, लगनखेल, पाटनअस्पताल, महालक्ष्मीस्थान, वालकुमारी, बाँडेगाउ , गोदावरी क्षेत्रमा ट्राफिक प्रहरीले नियन्त्रणमा लिएको सवारी साधन तथा कागजपत्र लिन समातिएको मितिले तीन महिना सम्म ट्राफिक प्रहरी परिसर सातदोबाटोमा सर्म्पर्क राख्‍ने र तीन महिना पश्चात महानगरीय ट्राफिक प्रहरी महाशाखा रामशाहपथ कम्प्युटर शाखामा संपर्क राख्‍नु पर्दछ ।

नोट: मा.प.से. तथा लेन कारवाहीमा उपत्यका स्थित जुनसुकै स्थानमा कारवाहीको लागी समातिएको कागतपत्रहरु फिर्ता लिनको लागी २४ घण्टा पश्चात महानगरीय ट्राफिक प्रहरी महाशाखा रामशाह पथमा सम्पर्क गर्नु हुन अनुरोध ।

श्रोतः ट्राफिक प्रहरी

प्रदेश आर्थिक ऐन २०७७ तथा ऐनमा गरिएका छुट तथा विशेष व्यवस्थाहरु

2020-08-23T12:13:00.002+05:45

बागमती प्रदेश सरकारले मिति २०७७ असार २५ गते प्रदेश राजपत्रमा संवत् २०७७ सालको ऐन नं ३ को रुपमा प्रदेश आर्थिक ऐन, २०७७ प्रकाशन गरेको छ । संग्रह तथा भविष्यको सन्दर्भको निमित्त उक्त ऐनलाई म यो पोष्टमा प्रस्तुत गर्दैछु ।

प्रदेश आर्थिक ऐनको अनूसूची २ मा सवारी साधन कर, प्रदेश सवारी तथा यातायात व्यवस्था ऐन २०७५ (संशोधित सहित) बमोजिमको विभिन्न दस्तुरहरु तोकिनुका साथै विविध शीर्षकमा देहायको विषयमा विभिन्न १७ वटा व्यवस्थाहरु समेत गरिएका छन् ।

१. सरकारी सवारी साधनहरुलाई भाडमा दर्ता भएको सवारी साधन सरह कर लाग्‍ने र पर्यटक तथा संस्थानको नाममा दर्ता रहेका सवारी साधहरुलाई नीजी सरह कर लाग्‍ने ।

२. भाडाका विद्यूतीय सवारीमा कर नलाग्‍ने र पेट्रोल बाहेकका अन्य इन्धनबाट सञ्चालित हुने सवारी साधनलाई करमा २० प्रतिशन छुट दिने ।

३.व्यापार मौजदातमा रहेका सवारी साधनको कर नलाग्‍ने र शूरु पैठारी मिति बाट १ वर्ष भन्दा कमअवधि भएमा दामासाहीले कर कट्टा गरिने ।

४. बिग्रेको भनी प्रदेश सरकारले ठहर्‍याएको सवारी साधनको कर नलाग्‍ने ।

५. १४ वर्ष भन्दा बुढो सवारी साधनलाई प्रतिवर्ष ५ प्रतिशतको दरले (अधिकतम १०० प्रतिशत सम्म) थप कर (बुढो कर) लाग्‍ने ।

६. भाडाका सवारीले विद्यार्थी ज्येष्ठ नागरिकअपाङ्गता सहुलियत दिएकोमा त्यस्ता सवारीको करमा ६०% छुट ।

७. ५ वर्षको एकमुष्ट कर तिरी नविकरण गराएमा करमा १०% छुट ।

८. २० वर्ष भन्दा पुराना म्युजियममा राखिएका सवारी साधनको कर नलाग्‍ने ।

९. दमकल एम्बुलेन्स शब वहानलाई कर नलाग्‍ने ।

१०. १० लाख भन्दा बढीको सवारी साधन खरिदमा एकाउण्ट पेयी चेकबाट मात्र भुक्तानी गर्नु पर्ने ।

११. १५० सीसी सम्मका अपाङ्गता भएका व्यक्तिले चढ्ने स्कूटरको कर नलाग्‍ने ।

१२. दश वर्ष भन्दा पुराना भैनसकेका ट्रकहरुलाई कन्टेनरमा परिणत गर्दा ५० हजार वा ४ वर्षको सवारी कर छुट ।

१३. प्रदेश सरकारले जफत गरेका सवारी साधन लिलामी समाप्त नभएसम्मको अवधिको कर नलाग्‍ने ।

१४. कोभिड १९ को कारण बन्दाबन्दी खुलेको ५० दिन सम्म ऐन तथा नियम बमोजिमको जरिवाना छुट गरी नविकरण थप गरिएको ।

१५. पुनःदर्ता वा लगत कट्टी प्रयोजनका लागि दर्ता खारेज भएका सवारीको मंसिर मसान्त सम्म जरिवाना छुट दिने ।

१६. सरुवा सहमती लिई बागमती प्रदेशमा दर्ता हुन आउने सवारीलाई करमा २५% र नपुग करको जरिवाना छुट दिने ।

१७. ट्राफिक प्रहरी कार्यालयहरुले संकलन गर्ने जरिवाना प्रदेश संचित कोषमा जम्मा गराउने ।

डाउनलोड

प्रदेश आर्थिक ऐन २०७७

आर्थिक वर्ष २०६०।६१ देखि २०७७।७८ सम्म मोटरसाईकलहरुकालागि तोकिएका करको दरहरु

2020-08-21T16:25:00.001+05:45

आर्थिक वर्ष २०६०/६१ देखि २०७७।७८ सम्म मोटरसाईकलहरुकालागि तोकिएका करको दरहरु सन्दर्भ सामग्रीको रुपमा यहाँ प्रस्तुत गरेको छु । पुराना आर्थिक वर्षहरुको तिर्नु पर्ने कर र जरिवाना तत्कालीन दर अनुसार हुने हुँदा हिसाब गर्न सजिलो होस् भन्ने अभिप्रायले ती दरहरु यहाँ प्रकाशित गरेको छु ।

डाउनलोड

ब्लूबुक नविकरण कहिले गर्ने, कसरी गर्ने र छुट तथा जरिवानाको हिसाब गर्ने तरिका

2020-08-21T11:09:00.006+05:45

प्रत्येक वर्ष सवारी साधनको दर्ताको प्रमाणपत्र (ब्लू बुक) नविकरण गर्नु पर्छ । ब्लूबुक नविकरण गर्नको लागि चालु आर्थिक वर्ष सम्मको कर तिरेको (हेर्नुहोस्ः आ.ब. २०७६।७७ का लागि तोकिएको सवारी कर तथा अन्य दस्तुरहरु) र (कम्तिमा तेश्रोपक्ष) बीमा गरेको हुनु पर्छ ।

कहिले सम्मको कर तिरिएको छ भन्ने कुरा ब्लू बुकमा जनाएको अभिलेख हेरेर थाहा हुन्छ । ब्लूबुकमा आर्थिक वर्ष, रसिद नम्बर, रकम र कर तिरेको मिति लेखी कर तिरेको अभिलेख जनाईदिएको हुन्छ ।

उदाहरणको लागि तलको तस्वीरमा देखाइएको ब्लूबुकको कर अभिलेख अनुसार मिति २०७७।३।३ गते कर तिरेको देखिन्छ । सो मितिमा आर्थिक वर्ष २०७६।७७ सालको लागि रसिद नं २००५९६९७ बाट रु २९५०।- रकम कर तिरेको देखिन्छ ।

यदि त्यस्तो अभिलेख जनाएको भेटिएन भने‍ पनि कार्यालयमा गई आफ्नो सवारी साधनको करप्रिन्ट माग्‍न सकिन्छ । कर प्रिन्टमा कुन मितिमा कुन रसिद नम्बरमा कति रकम तिरेको भन्ने विवरण हुन्छ ।

कहिले नविकरण गर्नु पर्छ भनी कसरी थाहा पाउने?

बागमती प्रदेशको प्रदेश सवारी तथा यातायात व्यवस्था ऐन ,२०७५ को दफा ३५ बमोजिम दर्ताको प्रमाणपत्र (ब्लूबुक) मा लेखिएको म्याद नाघेको ३ महिना भित्र नविकरण गराइसक्नु पर्नेछ भन्ने व्यवस्था छ ।

ब्लूबुकको "प्रमाण-पत्र नविकरण" भन्ने पानामा नविकरण गरेको मिति र नविकरण कायम रहने म्याद लेखिएको हुन्छ । लेखिएको म्याद नाघेको ३ महिनाभित्र प्रमाणपत्र नविकरण गराइसक्नु पर्छ ।

उदाहरणको लागि तलको चित्रमा देखाइएको ब्लूबुक मिति २०७७।३।३ गते नविकरण गरिएको थियो भने उक्त नविकरणको अवधि २०७७।९।१० गते सम्मको लागि दिइएको थियो । यस बमोजिम २०७७।९।१० गते पछि ३ महिना अवधि गणना गर्दा २०७७।१२।१० गते भित्र सो ब्लूबुक नविकरण गराइसक्नु पर्छ ।

नविकरण गर्दा अब नयाँ अवधि कति पाइन्छ?

प्रत्येक वर्ष कर तिरी नविकरण गर्दा अर्को १ वर्षको लागि नविकरण अवधि पाइन्छ ।

यस्तो अवधि गणना गर्दा कुन मितिमा कर तिरेको वा नविकरण गरेको भन्ने कुराले असर गर्दैन । जुनसुकै मितिमा नविकरण गरेको भएता पनि ब्लूबुकमा लेखिएको मितिको आधारमा यातायात कार्यालयले अर्को १ वर्षको लागि नविकरण अवधि जनाईदिन्छ ।

यातायात व्यवस्था कार्यविधि निर्देशिका, २०७४ मा पुनः दर्ता गर्दाको अवस्था बाहेक अन्य कुनै अवस्थामा सवारी दर्ता प्रमाणपत्रमा उल्लिखित म्याद समाप्त भएको मितिदेखि नै गणना गरी म्याद कायम गर्नुपर्छ भनी लेखिएको छ। त्यसकारण कर तिरेको मिति वा नविकरण गरेको मितिबाट १ वर्ष गणना गर्ने नभई ब्लूबुकमा लेखिएको मितिमा अर्को १ वर्ष थप गरी नविकरण कायम रहने गरी लेखिदिन्छन् ।

अवधि कटेको अवस्थामा जरिवाना कसरी हिसाब गर्ने?

ब्लूबुकमा लेखिएको म्याद कटेको ३ महिना भित्र नविकरण गराइसक्नु पर्छ । नविकरण नगराएको कारणले उक्त अवधि पश्चात् नविकरण र कर दुबैमा जरिवाना लाग्छ ।

नविकरणको जरिवाना गणनाः

म्याद नाघेको एक आर्थिक वर्ष सम्म नविकरण दस्तुरु रु.१००।- को अर्को रु.१००।- समेत गरी जम्मा रु.२००।-

दुई आर्थिक वर्ष सम्म नविकरण दस्तुर रु.२००।- को अर्को रु.२००।- समेत गरी जम्मा रु.४००।-

त्यसै गरी तीन आर्थिक वर्ष सम्मको लागि रु.६००।-

चार आर्थिक वर्ष सम्मको लागि रु.८००।-

र पाँच आर्थिक वर्ष सम्मको लागि रु.१०००।-

(श्रोतः प्रदेश सवारी तथा यातायात व्यवस्था ऐन, २०७५ को दफा ३५ को उपदफा ४)

पाँच आर्थिक वर्ष समेत नाघिसकेको हो भने त्यस्तो सवारी साधनको दर्ता खारेज हुन्छ । दर्ता खारेज भएको सवारी साधन पुनः दर्ता नगरी नविकरण गराउन मिल्दैन ।

दर्ता खारेज भएकोमा पुनः दर्ता कसरी गर्ने? कति लाग्छ?

साथै, हाल बागमती प्रदेशले दर्ता खारेज भएका सवारी साधनहरुको हकमा सम्बत् २०७७ मंसिर मसान्त सम्मको लागि छुट सहितको अफर ल्याएको छ । उक्त अवधि भित्रै पुनः दर्ता गरी फाइदा उठाउन नछुट्नु होला।

कर नतिरेका सवारी धनीको लागि प्रदेश सरकारको बम्पर अफर

करको जरिवाना गणनाः

म्याद नाघि जरिवाना लागिसकेको हो भने करको जरिवानाको हिसाब तल बताइए अनुसार गर्नु पर्छः

म्याद नाघेको पहिलो ३० दिन सम्म सवारी करमा ५% थप जरिवाना लाग्छ ।

त्यसपछिको ४५ दिन सम्म सवारी साधन करमा १०% थप जरिवाना

त्यसपछि सो आर्थिक वर्षको अन्त सम्मलाई सवारी साधन करमा २०% थप जरिवाना

त्यसपछिको ५ वर्ष सम्म प्रत्येक आर्थिक वर्षका लागि सवारी साधन करमा ३२% का दरले थप जरिवाना लाग्छ ।

(श्रोतः प्रदेश सवारी तथा यातायात (पहिलो संशोधन) ऐन, २०७६ को दफा ३४ )

यदि ५ वर्ष सम्म पनि कर तिरिएको छैन भने त्यस्तो सवारी साधन रोक्का गरी उक्त सवारी साधन लिलाम बिक्री गरी सो रकम असूल उपर गरिनेछ भन्ने कानूनी व्यवस्था छ (ऐनको दफा १७७(१))। तर कार्यालयले लिलाम वा अन्य सजाय कारवाही शूरु हुनुभन्दा अगाडिनै आफूलाई लाग्‍ने कर जरिवानाको रकम बुझाउन गयौँ भने ठहरेको रकमको १०% थप जरिवाना तिरेर पुनः दर्ता प्रकृयामा जानु पर्छ ।

५ वर्षको एकैपटक नविकरण गर्दा १०% छुट पाइन्छ

वर्षैपिच्छे नविकरण गराउनु पर्ने कारणले झण्झट महशूस गर्नु भएको छ र पटक पटक जरिवाना तिरेर झन धेरै रकम खर्च भईरहेको छ भने एकैपटक ५ वर्षको लागि नविकरण गरी सुरक्षित हुन सक्नुहुन्छ ।

प्रदेश आर्थिक ऐन २०७६ को अनुसूची २ को क्रम संख्या ९ बमोजिम "जुनसुकै सवारी साधनका धनीले चाहेमा लाग्‍ने सवारी साधन कर प्रचलित दरका आधारमा एकमुष्ट रुपमा पाँच वर्षसम्मका लागि एकैपटक भुक्तानी गरी नवीकरण गराउन सक्नेछन् । यसरी अग्रिम रुपमा पाँच वर्षको सवारी साधन कर एकमुष्ट बुझाई नवीकरण गराएमा लाग्‍ने सवारी साधन करमा दस प्रतिशत छुट हुनेछ ।" भन्ने व्यवस्था छ ।

यसरी अग्रीम रुपमा कर तिरी नविकरण गराउँदा विषेशतः तीन वटा फाइदाहरु हुन्छन्ः

१. तिर्नु पर्ने करमा १० प्रतिशतले हुन आउने रकम छुट पाइयो ।

२. प्रत्येक वर्ष सवारी कर बृद्धी भएता पनि हालको दरमा नै कर तिरे पुग्यो ।

३. नविकरण गराउन बिर्सेमा वा आफु बाहिर भएकोले भ्याइएन भने लाग्‍ने जरिवानाको चिन्ताबाट मुक्त भइयो ।

आषा छ यस पेजमा प्रस्तुत सामग्री पढेर सवारी साधनको दर्ता नविकरण गर्ने सम्बन्धमा जानकारी हासिल गर्नु भयो होला । कुनै जिज्ञासा भएमा वा अझ विस्तृत छलफल गर्नु परेमा तल कमेन्ट बक्समा लेख्‍न नहिचकिचाउनु होला ।

थाहा भयो भने आफैँ गर्न सकिन्छ । जानकार रहौँ अरुको भर नपरौ ।

सवारीधनी बाहिर वा विदेशमा भएको अवस्थामा नेपालमा रहेको सवारी साधन कसरी नामसारी गर्न सकिन्छ?

2020-08-20T12:50:00.004+05:45

सवारीधनी विदेशमा भएको र नेपालमा उसको नाममा रहेको मोटरसाईकल वा चारपाङ्ग्रे गाडी विक्री गर्नु पर्ने हुँदा नामसारी कसरी गर्ने भन्ने प्रश्न मैले प्राय नै भेट्ने गरेको छु । त्यसकारण उक्त प्रश्नलाई यस पोष्टमा जवाफ दिने कोशिस गर्दैछु ।

सवारी धनी नेपालमा नहुँदा पनि कर तिर्ने र ब्लूबुक नविकरण गर्ने कर्य अरु जसकसैले गरिदिन सक्छ । ती कामहरुका लागि यातायात व्यवस्था कार्यालयहरुमा सवारी धनीको खोजी हुँदैन तर तल बताइएका कामहरुमा भने सवारी धनीको भौतिक उपस्थिति आवश्यक पर्छ ।

सवारी दर्ता किताब - ब्लू बुक हरायो वा नष्ट भयो भने ब्लू बुकको प्रतिलिपी लिनको लागि
सरुवा सहमती ल्याएर नयाँ यातायात व्यवस्था कार्यालयमा दर्ता गर्नको लागि
सवारी साधनमा रंग लगायत कुनै हेरफेर गर्नु पर्ने भयो भने उक्त अनुमती वा कायम गर्नको लागि
५ वर्ष भन्दा बढी नविकरण नगराएको कारणबाट दर्ता खारेज भई पुनः दर्त गर्नको लागि
सवारी साधन बिक्री गरी नामसारी गर्नको लागि

यस्ता केही कामहरुका लागि सवारी धनीको यातायात व्यवस्था कार्यालयमा भौतिक उपस्थिति अनिवार्य हुन्छ ।

सवारी धनी विदेशमा हुने र नेपालमा नामसारी गर्नु पर्ने अवस्थामा उत्पन्न हुने यो समस्याको समाधान स्वरुप यातायात व्यवस्था कार्यविधि निर्देशिका २०७४ को निर्देशन ११.१.८ को बुँदा नं २८ मा व्यवस्था भएको छ ।

"सवारी धनी देशबाहिर वा भित्र बसोबास गरी सम्बन्धित कार्यालयमा उपस्थित हुन नसकेको अवस्थामा निजको प्रचलित कानून बमोजिम जारी भएको अधिकृत वारेसनामा पेश गरेपछि मात्र सवारी साधन विक्री वा नामसारी गर्न सकिनेछ । स्वदेश भित्रको हकमा सम्बन्धित अदालतबाट जारी भएको अधिकृत वारेसनामा हुनुपर्ने तथा विदेशमा रहेको सवारीधनीका हकमा विदेशस्थित नेपाली राजदुतावास, नियोग, महाबाणिज्य दूतावासबाट जारी भएको आधिकारिक अधिकृत वारेसनामा पेश गर्नुपर्नेछ ।"

माथि बताइए अनुसारको व्यवस्था बमोजिम सवारी धनी विदेशमा रहेको हो भने त्यो देशमा रहेको नेपाली राजदुताबासमा गई अधिकृत वारेसनामाको लागि निवेदन दिनु पर्दछ । राजदुतावासबाट वारेसनामा जारी भए पछि उक्त वारेसनामा नेपालमा पठाई तोकिएको वारेसले तपाईको तर्फबाट नामसारी दस्तखत गरिदिन सक्छ ।

सवारी धनी विदेशमा रहेको नभई नेपालभित्रै अन्यत्र कतै बसोबास गर्दै हो र नामसारी गर्नुपर्ने कार्यालयमा उपस्थिति हुन नसक्ने हो भने कुनै वकिलसँग परामर्श गरी अदालतबाट अधिकृत वारेसनामा जारी गर्न सकिन्छ र सो वारेसनामाको आधारमा सवारी साधनको नामसारी गर्न सकिन्छ।

यो पेजमा बताईएको जानकारी तपाईहरुका लागि उपयोगी हुनेछन् भन्ने अपेक्षा लिएको छु । थप जानकारी आवश्यक परेमा वा छलफल गर्न चाहनुहुन्छ भने तलको कमेन्ट बक्समा लेख्‍न नभूल्नु होला ।

लिलाममा उठाएको सवारी साधनहरु बागमतीमा कसरी दर्ता गर्ने?

2020-08-20T09:13:00.002+05:45

लिलाममा सवारी साधन उठाउँदै हुनुहुन्छ? सरकारी कार्यालयले वा वैदेशिक नियोगले अथवा अन्य कुनै पनि संघ संस्थाले लिलाम गरेका सवारी साधनहरु उठाई बागमतीमा दर्ता गर्न लागिरहनु भएको छ भने यो पेजको जानकारी तपाईका लागि उपयोगी हुनेछन् ।

लिलामका सवारी साधनहरु खरिद गर्दा केही कुराहरुमा ध्यान पुर्‍याउन सकियो भने पछि तिनको दर्ता, नामसारी गर्ने कार्य छिटो र झण्झट रहित हुन्छ ।

यातायात व्यवस्था कार्यविधि निर्देशिका २०७४ बमोजिम लिलामका सवारी भन्नाले प्रचलित नेपाल कानून बमोजिम बढाबढ वा घटाघट गरी विक्री गरेको सवारीलाई जनाउँछ । यस बाहेक लिलाम बिक्री भएको भनी उल्लेख भएका सवारी साधनहरु हुन् वा भन्सार प्रज्ञापनपत्रमा लिलाम भनी उल्लेख गरिदिएको सवारी साधनहरु हुन्, ती सबैलाई लिलामका सवारी भनिन्छ ।

देहायका अवस्थाहरुमा सवारी साधनहरु लिलाम हुन सक्छन्ः

१. भन्सार कार्यालय एवं राजश्व अनुसन्धान कार्यालयहरुबाट भन्सार चोरी पैठारी अन्तर्गत आएका सवारी साधनहरु

२. सरकारी कार्यालयहरु तथा अन्य निकाय एवं संघ संस्थाबाट पुरानो भई काम नलाग्ने अवस्थाका सवारी साधनहरु

३. बित्तीय संस्थाहरुबाट समयमा ऋण नतिरेको कारणबाट ऋणीबाट संस्थाले कब्जामा लिएका सवारी साधनहरु

तर, जुनसुकै कारणबाट आएको भएपनि यातायात व्यवस्था कार्यालयहरुले सबै लिलामका सवारीलाई एकै वर्गमा राखी कारवाही अगडि बढाउँने हुँदा लिलामको लागि आवेदन दिँदा यो विषय ख्याल गर्नु पर्छ ।

लिलामका सवारी साधन उठाउँदा ध्यान दिनु पर्ने कुराहरुः

क. लिलाम सकार गरेको सबै सवारी साधनहरु दर्ता गर्न मिल्ने नहुन सक्छन् । त्यसकारण कुन कुन सवारी साधन दर्ता गर्न मिल्ने हो भन्ने बारेमा लिलाम गर्ने कार्यालयले लिलामको सूचनामा नै खुलाईदिएको हुनु पर्छ । लिलामको सूचनामा नै त्यो विषय खुलाईएको छैन भने कार्यालयमा सम्पर्क गरी बुझ्नुपर्छ । देहायको अवस्थाका सवारी साधनहरु दर्त गर्न मिल्दैनन् र स्क्र्याफ गर्नुपर्छ ।

१. उत्पादन वर्षले २० वर्ष पुरा भएका सवारी साधनहरु

२. पहिले नै लिलाम दर्ता भएका र हाल फेरी लिलाम हुन लागेका सवारी साधनहरु

३. सरकारी तथा सरकारी स्वामित्वमा रहेका संघसंस्थाहरुले कर, शूल्क, जरिवाना बुझाई लगत कट्टा गरिसकेपछि पत्रुमा लिलाम बिक्री गरेका सवारी साधनहरु

ख. यदि कुनै संस्था/कार्यालयले पत्रुमा लिलाम गर्न लागेको छ भने ती सवारी साधनको कर, शूल्क, जरिवाना बुझाई लगत कट्टा गरिसकेको हो वा होइन भन्ने कुरा पनि बुझ्नु पर्छ । लगत कट्टा भईनसकेको भए त्यस्ता सवारी साधनहरुको बक्यौता कर/जरिवाना तिर्नु पर्ने हुन्छ ।

ग. लिलाम गर्ने निकायले लिलाम गरेको सवारीको च्यासिस नम्बर, इन्जिन नम्बर, मोडेल, सिट, रंग, कम्पनी लगायतका अन्य आवश्यक कुराहरु खुलाईदिनु पर्ने कानूनी व्यवस्था छ । त्यस्तै सवारी साधनको च्यासिस नम्बर, इन्जिन नम्बर र बडी समेटेको फोटो लिलाम गर्ने निकायबाट प्रमाणित गरिएको हनु पर्छ । तसर्थ यी कुराहरुको जानकारी राखी समयमै आवश्यक कागाजतहरु प्राप्त गर्न सकियो भने यातायात कार्यालयमा दर्ता/नामसारी गर्न सहज हुन्छ ।

घ. बागमती प्रदेशभित्र कुनैपनि कार्यालय/निकाय/संघ संस्थाहरुले लिलाम गरेका सवारी साधनहरुको दर्ता हेटौँडामा रहेको यातायात व्यवस्था सेवा कार्यालयमा मात्र दर्ता हुने कानूनी व्यवस्था छ । त्यसरी हेटौँडामा लिलामी दर्ता भएका सवारी साधनहरु फेरी काठमाडौँ वा अन्यत्रका यातायात व्यवस्था कार्यालयमा सरुवा दर्ता हुँदैनन् ।

(साविकमा यातायात व्यवस्था कार्यालय नारायणीमा दर्ता हुने गरेका लिलामका सवारी साधनहरु यातायात व्यवस्था विभागको (चलानी नं ११५७ मिति २०७६।०२।२० को पत्रबाट लेखि पठाइए बमोजिम) मिति २०७६।०२।१७ को निर्णयानुसार कार्यविधि निर्देशिका संशोधन गरी "साविक बागमती अञ्चलमा दर्ता भएको सवारी साधनको हकमा लिलामी भएका सवारी साधन यातायात व्यवस्था कार्यालय, हेटौँडामा लिलामी दर्ताको कार्य गर्नु पर्नेछ" भनी कायम गरिएको । )

आषा छ यो पेजमा भएका जानकारीहरु तपाईका लागि उपयोगी भए होलान् । थप छलफल केही गर्नु पर्ने भए तलको कमेन्ट बक्समा लेख्‍नुहोला ।

सवारी साधन लिलाम गर्दै हुनुहुन्छ ? यी कुराहरु थाहा पाएर मात्र प्रकृया शूरु गर्नुहोला

2020-08-20T06:52:00.002+05:45

सवारी साधन लिलाम गर्दै हुनुहुन्छ भने पहिले यो पेज राम्रोसँग पढेर मात्र लिलाम प्रकृया शूरु गर्दा तपाईलाई पछि प्रकृया या कागजात नपुगेको कारणले त्यस्तो सवारी साधन दर्ता गर्न वा लगत कट्टा गर्न झण्झटको सामना गर्न नपर्ने हुन्छ ।

सवारी साधनहरु पुरानो भएर काम नलाग्‍ने अवस्थाका भएमा तपाईको संस्था त्यस्तो सवारी साधनलाई लिलाम गरी छुटकारा पाउन सक्छ ।

त्यस्तै यदि तपाई बित्तिय संस्थाको तर्फबाट काम गर्दै हुनुहुन्छ र तपाईको संस्थाको ऋणीले समयमा ऋण नतिरेको कारणले लिलाम गर्दै हुनुहुन्छ भने पनि यो पेजको जानकारीहरु तपाईका लागि उपयोगी हुनेछन् ।

लिलामका सवारी

यातायात व्यवस्था कार्यविधि निर्देशिका, २०७४ को निर्देशन नं. ३.११ मा "लिलामका सवारी भन्नाले प्रचलित नेपाल कानुन बमोजिम बढाबढ वा घटाघट गरी बिक्रि गरेको सवारी लाई जनाउँछ भनी परिभाषित गरिएको छ । साथै सोही कार्यविधिको निर्देशन नं. ११.१.५ को बुँदा नं १ मा "कुनै पनि सरकारी निकाय वा संङ्गठित संस्थाबाट बढाबढ प्रकृयाबाट व्यक्तिको नाममा आएका सवारी साधनलाई सामान्यतया लिलामका सवारी भनेर बुझिन्छ ।" भनी अर्थ्याइएको छ ।

उक्त बुँदामा नै "लिलाममा बिक्रि भएको भनी उल्लेख भएका, भन्सार प्रज्ञापनपत्रमा लिलाम भनी उल्लेख भएका" सवारी साधनहरुलाई समेत लिलामका सवारी भनेर परिभाषित गरिएको छ ।

लिलामको सूचना

यातायात व्यवस्था कार्यविधि निर्देशिका, २०७४ को निर्देशन नं ११.१.५ को बुँदा नं ३ अनुसार लिलामको सूचना निकाल्दा नै लिलाम गरिने सवारी साधन दर्ता (पुनः प्रयोग गर्न) वा स्क्र्याप (पुनः प्रयोग नगर्ने) के प्रयोजनका लागि लिलाम गर्ने हो सो व्यहोरा स्पष्ट सूचनामा नै उल्लेख गर्नु पर्छ भन्ने व्यवस्था छ ।

तसर्थ लिलामको सूचना निकाल्दा "जे जस्तो अवस्थामा छ सोही अवस्थामा लिलाम बिक्रि गर्ने" मात्र नभनी लिलाम पश्चात् दर्ता गर्न मिल्ने हो वा स्क्र्याप गर्नु पर्ने हो भन्ने समेत खुलाउनु पर्छ ।

प्राविधिक प्रतिनिधी

सवारी साधन लिलाम गर्ने प्रकृयाको शूरु देखि नै सम्भव भए सम्म सम्बन्धित यातायात व्यवस्था कार्यालयको प्राविधिक प्रतिनिधिको उपस्थिति हुनु पर्नेछ भनी कार्याविधिमा उल्लेख छ ।

सम्बन्धित कार्यालय भन्नाले काठमाडौँ उपत्यकाको मोटरसाईकलहरुको हकमा यातायत व्यवस्था कार्यालय मोटरसाईकल, गुर्जुधारा र चार पाङ्ग्रे सवारी साधनको हकमा यातायात व्यवस्था कार्यालय साना ठूला सवारी, एकान्त कुनाको प्राविधिक प्रतिनिधिलाई सामेल गराउनु पर्छ ।

अनिवार्य स्क्र्याप गर्नुपर्ने

यातायात व्यवस्था कार्यविधि, २०७४ अनुसार एक पटक लिलाम दर्ता भएका सवारी साधनहरु पुनः लिलाम गर्नु पर्ने भएमा ती सवारी साधनहरु दर्ता प्रयोजनका लागि हुन सक्दैनन् अनिवार्य रुपमा स्क्र्याप गर्नु पर्छ ।

कार्यविधिमा पुनः लिलामी भएको सवारी साधनको दर्ता गरिनेछैन भनी स्पष्ट किटान गरिएको छ ।

सरकारी तथा सरकारी स्वामित्वमा रहेका संघसंस्थाहरुका सवारी साधनरु लिलाम बिक्री गर्दा २० वर्ष पुगेका सवारी साधनहरु समेत अनिवार्य स्क्र्याप गर्नु पर्छ । त्यस्ता सवारी साधनहरुको बुझाउनु पर्ने कर, शूल्क, जरिवाना बुझाई लगत कट्टा गरिसकेपछि मात्र पत्रुमा लिलाम विक्री गर्नुपर्छ ।

उत्पादन वर्षले २० वर्ष पूरा भएका लिलामबाट आएका सवारीहरुको दर्ताको लागि नभई लगतकट्टाको लागि निवेदन गर्नुपर्छ ।

लिलाम गर्नु अघिनै गर्नु पर्ने

१. दर्ता गर्न नमिल्ने स्क्र्याप नै गर्नु पर्ने सवारी साधनहरु लिलाम गर्नु अघिव सवारी साधनको कर, शूल्क, जरिवाना बुझाई लगत कट्टा गरिसकेपछि पत्रुमा लिलाम बिक्री गर्नु पर्छ ।

२. लिलामको सूचना निकाल्दा नै लिलाम गरिने सवारी साधन दर्ता वा स्क्र्याप के प्रयोजनको लगाि लिलाम गरिने हो सो को स्पष्ट व्यहोरा सूचनामा उल्लेख गर्नु पर्छ ।

३. लिलाम गर्ने निकायले लिलाम गरेको सवारीको च्यासिस नम्बर, इन्जिन नम्बर, मोडेल, सिट, रंग, कम्पनी लगायतका अन्य आवश्यक कुराहरु खुलाईदिनु पर्ने कानूनी व्यवस्था छ । त्यस्तै सवारी साधनको च्यासिस नम्बर, इन्जिन नम्बर र बडी समेटेको फोटो लिलाम गर्ने निकायले प्रमाणित गरिदिनु पर्छ ।

आषा छ यो पोष्टले तपाईलाई सवारी साधन लिलाम गर्न सहज पुर्याउने छ । अरु कुनै अन्यौल गुनासा वा सुझाव भएमा तलको कमेन्ट बक्समा लेख्‍न सक्नुहुन्छ ।

उपत्यकाका यातायात कार्यालयहरू अनिश्चित कालका लागि बन्द!!!

2020-08-17T16:07:00.005+05:45

उपत्यकामा कोरोनाको जोखिम बढ्दै गएपछि यातायात व्यवस्था कार्यालयहरुले सूचना जारी गरी सबै सेवाहरु बन्द गरेका छन् । मिति २०७७।४।२६ को नेपाल सरकार मन्त्रीपरिषद्को निर्णय कार्यान्वयन गर्दै अर्को निर्णय नभएसम्मका लागि सेवाहरु बन्द भएका हुन् ।

अनुमती नलिई मोटरसाईकलको स्वरुप परिवर्तन गरिसकेको भए के गर्ने?

2020-08-17T08:57:00.001+05:45

अनुमती नलिई सवारी साधनको रंग, सिट, स्वरुप, इन्जिन, चेसिस आदि केहीमा पनि परिवर्तन गर्नु हुँदैन । प्रदेश सवारी तथा यातायात व्यवस्था ऐन २०७५ ले यस्ता परिवर्तलाई अबैध बनाईदिएको छ र अनुमती नलिई परिवर्तन गरेको अवस्थामा सजायको भागी भईन्छ । (हेर्नुहोस्ः हेरफेरको अनुमती कसरी लिने)

जानीजानी अथवा थाहै नभई पनि यस्ता कुनै परिवर्तन गरिएको छ भने ट्राफिकले समातेर ब्लू बुक खोसी २४ घण्टे चिट काटिदिन्छन् । यस्तो अवस्थामा कारवाही भोगी सवारी साधनलाई पुरानै अवस्थामा फर्काई पुनः नियमित गराउनु पर्ने हुन्छ ।

सवारीको अन्य परिवर्तन भन्दा पनि इन्जिन र चेसिसमा भएको परिवर्तन अझ बढी सम्वेदनशील हुन्छन् । इन्जिन/चेसिसको नम्बर केरमेट भयो वा नबुझिने भयो वा बदलिन गयो भने यो अझ बढी गहन विषय बन्छ र सवारी साधन जफत सम्म हुन सक्छ ।

त्यसकारण कम्पनीले निर्धारण गरेको स्पेशिफिकेश र दर्ता प्रमाणपत्र / ब्लूबुकमा लेखिएको विवरणमा फरक पर्ने गरी कुनै प्रकारको हेरफेर गर्नु हुँदैन ।

यदि पहिलेनै हेरफेर भईसकेको छ भने त्यसलाई कसरी नियमित बनाउने भन्ने सम्बन्धमा तल बयान गरेको छु ।

स्वरुप परिवर्तनको जरिवाना

प्रदेश सवारी तथा यातायात व्यवस्था ऐन २०७५ को दफा ४३ मा अनुमती नलिई हेरफेर गर्न नहुने व्यवस्था गरेको छ भने सोही ऐनको दफा १९४ उपदफा (२)ख मा त्यस्तो कसूर गरेको जरिवाना तोकिएको छ ।

उक्त उपदफा बमोजिम अनुमती नलिई हेरफेर गर्नेलाई रु सात हजार देखि पन्ध्र हजार रुपैया सम्म जरिवाना तोक्नु पर्ने उल्लेख छ ।

के के गर्नु पर्छ?

१. ट्राफिक प्रहरीले स्वरुप परिवर्तन उल्लेख गरी काटिदिएको २४ घण्टे पूर्जी लिएर यातायात व्यवस्था कार्यालय मोटरसाईकल गुर्जुधारा जाने ।

२. कार्यालयको तोकिएको अधिकृतबाट पूर्जीमा जरिवाना तोक्न लगाउने । यस्तो जरिवाना मोटरसाईकलको सिसि, चिट काटिएको समय देखि हाल सम्मको अवधि, हेरफेरको सम्वेदनशीलता आदि कुराहरु बिचार गरी रु ७०००।- देखि रु १५०००।- सम्म हुन सक्छ ।

३. चिटमा जरिवाना तोक्न लगाएपछि कर तिर्ने ठाउँको सोधपुछमा गई आफ्नो मोटरसाईकलको चालु आर्थिक वर्ष सम्म कर चुक्ता भए/नभएको एकिन गर्ने र नभएको भए कति तिर्नु पर्ने हो सो एकिन गर्ने ।

४. बैंकको काउण्टरमा गएर जरिवाना वापतको र कर/नविकरण वापतको रकम तिरी भौचर लिने र उक्त भौचर सँगैको झ्यालमा दिई रसिद लिने ।

५. मोटरसाईकलक तेश्रोपक्ष बीमाको अवधि बाँकी छ भने सोही बीमाको पोलिसी पेपरले काम गर्छ अन्यथा बीमा कम्पनीको काउण्टरमा गई तेश्रोपक्ष बीमा गरी पोलिसी पेपर लिने ।

५. कर जरिवाना तिरेको रसिद लिएर कारवाहीको ब्लूबुक फाँटमा गई पूर्जी देखाई ब्लूबुक खोज्न लगाउने । उक्त फाँटबाट ब्लू बुकमा कारवाहीको अभिलेख तथा कर नविकरण जनाईदिए पछि फाँटका अधिकृतबाट सो अभिलेख प्रमाणित गरी लिई जाने ।

यसरी जरिवाना तिरेर सजाय भोगीसकेपछि मोटरसाईकललाई वास्तविक स्वरुपमै बदल्नु पर्छ, अन्यथा फेरी ट्राफिक प्रहरीले समात्यो भने फेरी यही प्रकृया दोहोरिन्छ र प्रत्येक पटक जरिवाना तिरी रहनु पर्ने हुन्छ ।

यदि हेरफेर गर्न पाउने बमोजिमकै परिवर्तन छ भने स्वरुप परिवर्तन कायम गराई लैजानु पर्छ ।

स्वरुप परिवर्तन अथवा हेरफेरको अनुमती लिने प्रकृया दस्तुर र आवश्यक कागजातहरु

2020-08-17T08:15:00.005+05:45

अनुमती नलिई आफुखुशी सवारी साधनको रंग फेर्न वा कुनै किसिमको परिवर्तन गर्न हुँदैन । यसरी परिवर्तन गरेकोमा ट्राफिक प्रहरीले २४ घण्टे पूर्जी काटी तपाईको ब्लूबुक नियन्त्रणमा लिएर कारवाहीको लागि यातायात व्यवस्था कार्यालयमा पठाइदिन्छन् । (हेर्नुहोस्ः स्वरुप परिवर्तनको कारवाहीमा परियो भने के गर्ने? )

स्वरुप परिवर्तनको निम्ति कसरी अनुमती लिने?

१. आफ्नो मोटरसाईकलको स्वरुप परिवर्तन गर्ने अनुमती पाउँ भनी निवेदन लेख्‍ने ।

२. सवारी साधन, सक्कल ब्लू बुक, सवारी दर्ता फाइल (पहिले नै फाइल बुझेर लगेको छैन भने कार्यालयमा फाइल खोज्‍न लगाउने) लिएर यातायात व्यवस्था कार्यालय जाने (मोटरसाईकलको हो भने गुर्जुधारा) जाने ।

३. चालु आर्थिक वर्ष सम्मको कर तिर्न बाँकी भए कर तिरेर नविकरण गर्ने ।

४. स्वरुप परिवर्तन गर्न अनुमती पाउँ भन्ने निवेदनमा कार्यालय प्रमुखको तोक लगाई प्राविधिक शाखामा गई मोटरसाईकलको प्राविधिक निरीक्षण गराउने ।

५. प्राविधिक शाखाबाट तपाईको निवेदनमा व्यहोरा खुलाई कार्यालयप्रमुख समक्ष पेश गर्छन् र कार्यालय प्रमुखबाट स्वीकृत भएपछि स्वरुप परिवर्तको अनुमती पाईयो ।

६. यसरी अनुमती प्राप्त भई सकेपछि मोटरसाईकलको स्वरुप परिवर्तन गर्न सकिन्छ र परिवर्तन गरिसकेपछि यो परिवर्तनलाई कार्यालयको अभिलेख तथा ब्लूबुकमा कायम गराउनु पर्दछ । कायम गराउने प्रकृयाको लागि तल पढ्दैजानुहोला ।

के हो स्वरुप परिवर्तन ? र कसरी थाहा हुन्छ

तपाईको सवारी कस्तो छ भन्ने ब्लू बुकको सवारी विवरण पानामा नै लेखिएको हुन्छ । त्यो विवरण पानामा भएको भन्दा फरक तपाईको सवारी साधन छ भने तपाईले अनुमती नलिई सवारी साधनको स्वरुप फेरेको हो भन्ने प्रहरीले बुझ्दछन् र यस्तो परिवर्तन सजायको भागी बन्दछ ।

सवारी साधनको स्वरुपको बारेमा ब्लूबुकका अलाबा कम्पनी बाट जारी भएको स्पेसिफिकेसनमा उल्लेख भएको हुन्छ । (उदाहरणको लागि यो लिंक हेर्नुहोला -> Triumph Street Triple R को स्पेशिफिकेशन) यस्तो उल्लिखित विवरणमा कुनै फेरबदल गर्नु पर्दा अनुमती लिएर मात्र गर्नु पर्छ ।

प्रदेश सवारी तथा यातायात व्यवस्था ऐन २०७५ को दफा ४३ बमोजिम अनुमती नलिई सवारीको हेरफेर गर्न रोक लगाइएको छ ।

स्वरुप परिवर्तनको स्वीकृतिको लागि उपदफा (२) बमोजिम मन्त्रालयको सहमती आवश्यक पर्नेमा यस ऐनको प्रथम संशोधनमा उक्त स्वीकृति कार्यालयबाट नै प्रदान गर्न सकिने व्यवस्था गरिएको छ ।

स्वरुप परिवर्तन कायम गराउने

१. मोटरसाईकलको स्वरुप परिवर्तन गरिसकेपछि जुन वर्कशपबाट गराइएको हो त्यसको पत्र, कार्यालय प्रमुखबाट स्वीकृती प्राप्त भएको पत्र, सक्कल ब्लूबुक, सवारी दर्ता फाइल र मोटरसाईकल लिएर फेरी यातायात व्यवस्था कार्यालय गुर्जुधारामा जाने ।

२. मोटरसाईकलको प्राविधिक निरीक्षण गराई स्वीकृती प्राप्त भएको पत्रमा प्राविधिक शाखाबाट अनुमति भए बमोजिम परिवर्तन गरी ल्याएकोले कायम हुन भनी कार्यालय प्रमुख समक्ष पेश हुन्छ ।

३. लेखा शाखाबाट हेरफेर दस्तुर रु २५०।- (सवारी दर्ता शूल्क को आधा रकम) तिरी रसिद लिने र प्राविधिक शाखाबाट पेश भएको कागजात कार्यालय प्रमुख समक्ष पेश गर्ने ।

४. कार्यालय प्रमुखबाट हेरफेर कायम हुन स्वीकृत भए पछि मोटरसाईकलको लट बमोजिम सम्बन्धित फाँटमा गई फाईल, ढड्डा र ब्लूबुकमा हालको परिवर्तनको अभिलेख जनाउन लगाई प्रमाणित गरे पछि तपाईको काम सम्पन्न भयो ।

तपाईलाई कुनै द्विवीधा भयो भने यातायात व्यवस्था कार्यालयका कर्मचारीहरुलाई सम्पर्क गरौँ । नियमपूर्वक काम गरौ सुरक्षित रहौँ ।

कोरोनाका कारण रोकिए यातायात कार्यालयका कामहरु

2020-08-15T19:29:00.003+05:45

यातायात सम्बन्धी काम छ भने हाललाई सबै सेवाहरु स्थगित भएको अवस्था छ । कर तिर्ने र नविकरण गर्ने काम जोर गते जोर नम्बर प्लेटका र बिजोर गते बिजोर नम्बर प्लेटका सवारी साधनहरुको मात्र भईरहेको अवस्था छ । त्यस्तै इम्बोस्ड नम्बर प्लेट लिन चाहने हरुका लागि पनि जोर बिजोर प्रणाली अनुसार नै सेवा पाउन सकिन्छ भने यी बाहेक अन्य कामहरुका लागि हाल यातायात व्यवस्था कार्यालयका सेवाहरु स्थगित भएका छन् । यो स्थिति अर्को सूचना जारी नभएसम्मका लागि जारी रहने छ भन्ने जानकारी प्राप्त भएको छ ।

उपत्यकामा बढ्दै गएको कोरोना संक्रमणका कारण सबै सेवाहरु १५ दिनका लागि बन्द गर्नुपर्ने धारणामा उपत्यकाका सबै यातायात व्यवस्था कार्यालयहरु छन् । सबै कार्यालयका कार्यालय प्रमुखहरुको बिहीबारको बैठकले कर तिर्ने म्याद बढाएर सेवाग्राहीसँग प्रत्यक्ष सम्पर्क हुनु पर्ने ‍ सबै सेवाहरु १५ दिनको लागि स्थगन गर्न भौतिक पूर्वाधार मन्त्रालयसँग अनुरोध गरी पठाएको छ।

सवारी धनीको मृत्यू भयो, उसको नाममा रहेको मोटरसाईकल नामसारी गर्न के के गर्ने?

2020-08-13T08:01:00.004+05:45

सवारीसाधनको किनबेच भए पश्चात् स्वामित्व हस्तान्तरण गर्न यातायात व्यवस्था कार्यालयमा गई नामसारी गरी अभिलेख प्रमाणित गराउनु पर्दछ । यसरी नामसारी गर्नको लागि सामान्यतया क्रेता र विक्रेता दुबैजना आफ्नो सक्कल नागरिकता प्रमाणपत्र, सक्कल ब्लूबुक र तेश्रोपक्ष बीमा गरेको कागज लिएर कार्यालयमा गए हुन्छ । तर सवारी धनीको मृत्यू भएको अवस्थामा भने के के कसरी गर्ने भन्ने सम्बन्धमा यस पोष्टमा प्रष्ट पार्न चाहन्छु ।

सवारी धनीको मृत्यू भई नजिकको हकवालाको नाममा नामसारी गर्दा

सवारी धनीको मृत्यू भएको र निजको नजिकको हकवालाको नाममा मोटरसाईकलको नामसारी गर्नको लागि सवारी धनीको मृत्यू भएको ९० दिन भित्र देहायको प्रकृया पुरा गर्नु पर्दछः

१. आफ्नो वडा कार्यालयमा गएर मोटरसाईकल नामसारीको लागि सिफारिश गर्न अनुरोध गर्ने । वडा कार्यालयबाट "सवारी धनीको मृत्यू भएको र उक्त मोटरसाईकलको नजिकको हकवाला फलाना भएकोले निजको नाममा नामसारी गरिदिन सिफारिश गरिन्छ" भन्ने व्यहोराको सिफारिश पत्र प्राप्त गर्ने ।

२. देहायको कागजात र मोटरसाईकल समेत लिई हकवाला यातायात व्यवस्था कार्यालयमा जानु पर्दछ।

क. नजिकको हकवालाको नाममा नामसारी गरिदिने विषयको स्थानीय निकायको सिफारिश पत्र

ख. सिफारिश भई आएको व्यक्ति सँग सवारीधनीको सम्बन्ध देखिने नाता प्रमाणपत्र

ग. मृत्यू दर्ता प्रमाणपत्र

घ. सक्कल ब्लू बुक

ङ. मोटरसाईकलको सवारी दर्ता फाईल

३. यातायात व्यवस्था कार्यालयमा गएर नामसारी फाराम भरी मोटरसाईकलको प्राविधिक निरीक्षण गराउनु पर्दछ ।

४. नामसारी दस्तुर तिरेको रसिद र माथि उल्लेख गरिएका सबै कागजात साथै राखी सवारी दर्ता फाइल लिएर सम्बन्धित फाँटमा जानु पर्दछ ।

५. फाँटबाट कागजात रुजु गरी नामसारीको अभिलेख फाइल ढड्डा र ब्लू बुकमा जनाई प्रमाणित गरिदिए पछि नामसारीको प्रकृया पुरा भयो ।

नोटः

क) नामसारी दस्तुर रु.२००।- तिर्नु पर्छ ।

ख) चालु आर्थिक वर्ष सम्मको कर/नविकरण चुक्ता भएको छैन भने सो समेत गर्नुपर्छ ।

ग) स्थानीय निकायको सिफारिशमा जसको नाममा नामसारी हुने भनिएको छ सो व्यक्तिसँग मृतकको नाता खुलेको नाता प्रमाणपत्र हुनु पर्छ ।

जानकारी राखौँ, आफ्नो काम आफैँ गरौँ । बिचौलियामुक्त सेवा प्रवाहमा सहयोग गरौँ ।

सवारी धनीले सनाखत गरेर छोड्ने भनेको के हो ? कति रकम तिर्नु पर्छ ?

2020-08-11T19:52:00.006+05:45

बिदेश वा बाहिर कतै जाँदै हुनु हुन्छ? आफ्नो नाममा भएको सवारी साधन किन्ने मान्छे भेट्नु भएको छैन ? अथवा, तपाईको नाममा भएको सवारी साधनको नामसारी गर्ने दिनमा तपाई उपस्थित हुन नसक्ने केही अवस्था छ?

यातायात व्यवस्था कार्यलयमा गएर सनाखत गरेर छोडिदिनुस् । किन्ने मान्छे भेटिए पछि नामसारी गरे हुन्छ । तपाईको अनुपस्थितिमा पनि तपाईको नाममा भएको सवारी साधनको नामसारी हुन्छ ।

यस पोष्टमा म मोटरसाईकल सनाखत गर्ने विषयमा लेख्दैछु तर अन्य सवारी साधनहरुको हकमा समेत प्रकृया तथा अन्य कुराहरु मेल खानेछन् ।

सनाखत गर्ने भनेको के हो?

सवारी साधन किनबेच गरिसके पछि कानूनी रुपमा सवारी साधनको स्वामित्व हस्तान्तरण गर्न नामसारी गर्नु पर्छ । नामसारी प्रकृया सहज र सरल छ ।

१. चालु आर्थिक वर्ष सम्मको कर चुक्ता भईसकेको छ भने रु २००।- को रसिद काट्ने

२. नामसारी फाराममा किन्ने बेच्‍ने मान्छेको विवरण भरी प्राविधिक निरीक्षण गराउने

३. बीमा नगरेको भए तेश्रोपक्ष बीमा गरी पोलिसी पेपर साथै राख्‍ने

३. सक्कल ब्लूबुक र क्रेताको ३ प्रति फोटो सहित किन्ने बेच्‍ने दुबै सक्कल नागरिकताका साथ उपस्थित हुने

यति भएपछि फाराम, फाइल, ढड्डा र ब्लू बुकमा नामसारीको अभिलेख चढाएर प्रमाणित गराए पछि नामसारी सम्पन्न भयो । तर कहिलेकाहीँ किन्ने बेच्‍ने दुबैको एकैसाथ समय नमिलेर, कहिले किन्ने मान्छे नभेटिँदै सवारी धनी बाहिर जानु पर्ने भएर वा अन्य कुनै कारणले तत्काल नामसारी गर्न मिलेन भने सवारी धनी स्वयं कार्यालयमा उपस्थित भई औँठाछाप, दस्तखत भिडाई पछि नामसारी भएमा आफ्नो सहमती छ भनी कबोल गरी छोडिदिने प्रकृया सनाखत हो ।

सनाखतका लागि आवश्यक कागजातहरुः

सवारीधनीले भविष्यमा नामसारी भएमा मन्जुर छ भनी सनाखत गरिदिनका लागि देहायका कागजातहरु आवश्यक पर्दछ ।

१. सवारी साधनको सक्कल फाइल
२. सवारी धनीको सक्कल नागरिकता
३. सवारी साधनको सक्कल ब्लू बुक
४. सनाखत फाराम

सनाखत गर्ने प्रकृया

१. माथि बताए बमोजिमका कागजातहरु लिएर आफ्ने सवारी साधनको सम्बन्धित फाँटमा जानुहोस् । सनाखत फाराममा सवारी धनीको विवरण र एक जना जिम्मा लिईदिने व्यक्ति रोहबरको विवरण भर्नु पर्छ ।

२. फाँटबाट तपाईका कागजातहरु रुजु गरेपछि सनाखत फाराममा पेश गरी फाँटप्रमुखकहाँ प्रमाणित गर्न पठाउँछन् ।

३. फाँटप्रमुखले तपाईको नागरिकता, दस्तखत रुजु गरी तपाई सवारी धनी भएको एकिन गरी सनाखत फाराम प्रमाणित गरिदिन्छन् ।

४. यसरी सनाखत फाराम प्रमाणित भएपछि लिई जान सक्नु हुन्छ ।

अब तपाईको रोहबर बस्‍ने व्यक्तिलाई प्रमाणित भएको सनाखत फाराम सहितको सवारी साधनको फाइल दिई छोड्नु भयो तपाईको अनुपस्थितिमा पनि सवारी साधनको नामसारी गर्न सम्भव हुन्छ ।

सनाखत गरेको दस्तुर कति तिर्नु पर्छ?

सनाखतको लागि कुनै दस्तुर तोकिएको छैन । सनाखत सवारी धनीको सुविधाको लागि राखिएको व्यवस्था हो र यो निःशूल्क हो । सनाखत गरेको कुनै दस्तुर वा राजश्व तिर्नु पर्दैन ।

सनाखतको अवधि कति हुन्छ ?

यातायात व्यवस्था विभागले २०७४ चैत्रमा जारी गरेको यातायात व्यवस्था कार्याविधि निर्देशिका, २०६० (संशोधित) को ११.१.८ को बुँदा नं ५ मा भएको व्यवस्था बमोजिम सनाखत हुने गरेको छ । उक्त बुँदामा तल तस्वीरमा देखाइए बमोजिम कार्यविधि तय गरिएको छ ।

यस कार्यविधि बमोजिम सनाखतको अवधि ३५ दिन तोकिएको छ ।

सनाखत गरिदिए पछि स्वामित्व हस्तन्तरण भयो?

सनाखत गरिदिए पछि सवारी साधनको नामसारी गर्ने दिनमा तपाईको उपस्थिति आवश्यक भएन । तपाई नहुँदा पनि नामसारी गर्न सम्भव हुन्छ । तर नामसारी नहुँदा सम्म उक्त सवारी साधन तपाईकै नाममा रहन्छ र सवारी साधनको कानूनी दायीत्व तपाईमाथि नै रहन्छ ।

आफैँ सकिन्छ आफैँ गरौँ । बिचौलिया मुक्त सेवा प्रवाहमा मद्दत गरौँ ।

आ.ब. २०७७।७८ को लागि तोकिएको सवारी साधन करको दर तथा दस्तुरहरु

2020-08-11T07:52:00.006+05:45

बागमती प्रदेश सरकारले दुई पाङ्ग्रे सवारी साधनहरुको लागि आर्थिक वर्ष २०७७।७८ को निम्ति तोकेको करको दरहरु तथा अन्य दस्तुरहरु जानकारीको लागि पोष्ट गरिएको छ ।

आ.ब. २०७७।७८ को लागि तोकिएको करको दर

मिति २०७७।४।१ देखि लागु

सवारी साधन कर

१२५ सिसि सम्म – रु.२,८००।–

१२६ देखि १६० सिसि सम्म – रु.४,५००।–

१६१ देखि २५० सिसि सम्म – रु.५,५००।–

२५१ देखि ४०० सिसि सम्म – रु.९,०००।–

४०१ देखि ६५० सिसि सम्म – रु.२०,०००।–

६५१ देखि माथि – रु.३०,०००।–

विद्युतीय सवारी साधनमा

३५० वाट देखि १००० वाट सम्म - रु.१५००।–

१००१ देखि १५०० वाट सम्म - रु.२०००।–

१५०१ वाट भन्दा माथि - रु.३०००।–

दस्तुरहरुः

सवारी दर्ता शूल्क

निजी/सार्वजनिक/पर्यटक/संस्थान सबैको - रु.५००।–

ब्लू बुक नविकरण दस्तुर

निजी - रु.१००।–

सार्वजनिक/पर्यटक/संस्थान - रु.५००।–

नामसारी दस्तुर

निजी - रु.२००।–

सार्वजनिक/पर्यटक/संस्थान - रु.३००।–

पुराना आर्थिक वर्षहरुमा तोकिएको करको दरहरु हेर्नका लागि तलको लिंकमा क्लिक गर्नुहोलाः

आर्थिक वर्ष २०६०।६१ देखि २०७७।७८ सम्मका तोकिएका करको दरहरु

BagYat

प्रदेश सरकारले निषेधाज्ञाको जरिवाना छुट गरी म्याद थप गर्यो

बैंक तथा बित्तिय संस्थाको नामबाट नामसारी गर्न आवश्यक कागजातहरु

सहकारी संस्थाको नामबाट नामसारी गर्न आवश्यक कागजातहरु

नामसारी दस्तुर

सवारी साधनको नामसारी गर्दा लाग्ने खर्च आवश्यक कागजातहरु र प्रकृयाको सम्बन्धमा जानकारी

नामसारी गर्दा कति खर्च लाग्छ?

नामसारी गर्दा आवश्यक कागजातहरुः

नामसारी गर्ने प्रकृया

आईतबार देखि यातायातका प्राय सबै सेवाहरु खुल्ला, जरिवानाको स्थिति के?

कति खर्च लाग्छ सरुवा सहमती बनाउन ?

कति समय लाग्छ सरुवा सहमती प्राप्त गर्न ?

सरुवा सहमती लिन सवारी साधन पनि यातायात कार्यालय लैजानु पर्छ?

आवश्यक कागजात के के हुन् ?

के के गर्नु पर्छ? प्रकृया ?

ब्लूबुकको प्रतलिपि लिँदा कस्तो बेलामा ट्राफिक सिफारिश लिनु पर्छ कस्तो बेलामा पर्दैन?

ट्राफिक सिफारिश आवश्यक नपर्ने अवस्था

ट्राफिक सिफारिश अनिवार्य हुने अवस्था

निषेधाज्ञा अर्को १ हप्ता थपियो, खुल्लान् त यातायात कार्यालयहरु?

सातै प्रदेशका सबैखाले सवारी साधनहरुको आ.ब. २०७७।७८ को लागि तोकिएको करको दर

भदौ मसान्त सम्म जरिवाना नलनग्ने गरि लाइसेन्स नविकरण गर्ने म्याद थप

मोटरसाईकल र चारपाङ्ग्रे गाडीको कर तिर्न कहाँ जाने

काठमाडौँ उपत्यका बाहिर

यातायात व्यवस्था सेवा कार्यालय, हेटौडा, मकवानपुर

यातायात व्यवस्था सेवा कार्यालय, भरतपुर, चितवन

काठमाडौँ उपत्यका भित्र

यातायात व्यवस्था कार्यालय, सानाठूला सवारी, एकान्तकुना (४ पाङ्ग्रे सवारी साधनहरुको मात्र)

यातायात व्यवस्था कार्यालय मोटरसाईकल, गुर्जुधारा, काठमाण्डौं(२ पाङ्ग्रे सवारी साधनहरुको मात्र)

यातायात व्यवस्था सेवा कार्यालय, सानो भर्‍याङ, काठमाण्डौ

यातायात व्यवस्था सेवा कार्यालय, सल्लाघारी, भक्तपुर

सम्बन्धित भिडियोः

ट्राफिक प्रहरीलेले कहाँ चिट काटेपछि कागजात फिर्ता लिन कहाँ जानु पर्छ?

ट्राफिक प्रहरी प्रभाग कमलपोखरी

महानगरीय ट्राफिक प्रहरी बृत दरबारमार्ग

ट्राफिक प्रहरी प्रभाग सोहृ्खुट्टे

महानगरीय ट्राफिक प्रहरी बृत महाराजगंज

महानगरीय ट्राफिक प्रहरी प्रभाग बुढानिलकण्ठ

महानगरीय ट्राफिक प्रहरी प्रभाग सुकेधारा

महानगरीय ट्राफिक प्रहरी बृत बौद्ध

महानगरीय ट्राफिक प्रहरी प्रभाग गौशाला

महानगरीय ट्राफिक प्रहरी प्रभाग एयरपोर्ट

महानगरीय ट्राफिक प्रहरी बृत कोटेश्वर

महानगरीय ट्राफिक प्रहरी प्रभाग थापाथली

महानगरीय ट्राफिक प्रहरी प्रभाग जनसेवा

महानगरीय ट्राफिक प्रहरी बृत कालिमाटी

महानगरीय ट्राफिक प्रहरी प्रभाग कलंकी

महानगरीय ट्राफिक प्रहरी परिसर सल्लाघारी

महानगरीय ट्राफिक प्रहरी प्रभाग गठ्ठाघर

महानगरीय ट्राफिक प्रहरी परिसर सातदोबाटो

प्रदेश आर्थिक ऐन २०७७ तथा ऐनमा गरिएका छुट तथा विशेष व्यवस्थाहरु

डाउनलोड

आर्थिक वर्ष २०६०।६१ देखि २०७७।७८ सम्म मोटरसाईकलहरुकालागि तोकिएका करको दरहरु

डाउनलोड

ब्लूबुक नविकरण कहिले गर्ने, कसरी गर्ने र छुट तथा जरिवानाको हिसाब गर्ने तरिका

कहिले नविकरण गर्नु पर्छ भनी कसरी थाहा पाउने?

नविकरण गर्दा अब नयाँ अवधि कति पाइन्छ?

अवधि कटेको अवस्थामा जरिवाना कसरी हिसाब गर्ने?

नविकरणको जरिवाना गणनाः

करको जरिवाना गणनाः

५ वर्षको एकैपटक नविकरण गर्दा १०% छुट पाइन्छ

सवारीधनी बाहिर वा विदेशमा भएको अवस्थामा नेपालमा रहेको सवारी साधन कसरी नामसारी गर्न सकिन्छ?

लिलाममा उठाएको सवारी साधनहरु बागमतीमा कसरी दर्ता गर्ने?

लिलामका सवारी साधन उठाउँदा ध्यान दिनु पर्ने कुराहरुः

सवारी साधन लिलाम गर्दै हुनुहुन्छ ? यी कुराहरु थाहा पाएर मात्र प्रकृया शूरु गर्नुहोला

लिलामका सवारी

लिलामको सूचना

प्राविधिक प्रतिनिधी

अनिवार्य स्क्र्याप गर्नुपर्ने

लिलाम गर्नु अघिनै गर्नु पर्ने

उपत्यकाका यातायात कार्यालयहरू अनिश्चित कालका लागि बन्द!!!

अनुमती नलिई मोटरसाईकलको स्वरुप परिवर्तन गरिसकेको भए के गर्ने?

स्वरुप परिवर्तनको जरिवाना

के के गर्नु पर्छ?

स्वरुप परिवर्तन अथवा हेरफेरको अनुमती लिने प्रकृया दस्तुर र आवश्यक कागजातहरु

स्वरुप परिवर्तनको निम्ति कसरी अनुमती लिने?

के हो स्वरुप परिवर्तन ? र कसरी थाहा हुन्छ

स्वरुप परिवर्तन कायम गराउने

कोरोनाका कारण रोकिए यातायात कार्यालयका कामहरु

सवारी धनीको मृत्यू भयो, उसको नाममा रहेको मोटरसाईकल नामसारी गर्न के के गर्ने?

सवारी धनीको मृत्यू भई नजिकको हकवालाको नाममा नामसारी गर्दा

यातायात व्यवस्था कार्यालय, सानाठूला सवारी, एकान्तकुना
(४ पाङ्ग्रे सवारी साधनहरुको मात्र)

यातायात व्यवस्था कार्यालय मोटरसाईकल, गुर्जुधारा, काठमाण्डौं
(२ पाङ्ग्रे सवारी साधनहरुको मात्र)