مدونة أحمد م. أبوزيد‏‫!‏

الجزء الثاني: كيف تكتب Cover Letter مثالياً للسيرة الذاتية؟ (زاش)

2023-05-05T01:30:00.048+03:00

المقال ده كتبته في 2015 على موقع Xash.me بعنوان " كيف تكتب Cover Letter مثالياً للسيرة الذاتية؟" لكن الموقع كان مش شغال فترة فنقلته هنا. المقال كان في جزئين: جزء عن الـ Cover Letter (المقال ده) جزء عن السيرة الذاتية Resume/CV.

ها نحن ذا نكمل المكون الثاني من أصل ثلاثة مكونات رئيسية وهن:

السيرة الذاتية (CV/Resume).
الخطاب التعريفي (Cover letter).
المقابلة الشخصية (Interview).

والجدير بالذكر في هذا السياق بأن المقصود بالمقابلة الشخصية هو “السلوك” وليس مستواك الوظيفي أو المعلومات التي تعرفها بشأن عملك! فالسلوك لا شأن له إن لم يكن لديك خبرة سابقة عن العمل أو تعمل في المجال منذ سنين طويلة!

على أي حال نعود لموضوعنا الأصل هنا، وهو … الخطاب التعريفي أو ما يعرف باسم Cover Letter!
ربما يولي الكثيرون اهتماماً بالسيرة الذاتية (CV/Resume) ولكنهم يغفلون الخطاب التعريفي لأبعد حد! ربما لن تحصل على عمل فقط بناء على خطابك التعريفي ولكنه بالتأكيد يحسن من فرص حصولك على عمل مميز في مكان مميز! فإذا كنت جيداً حقاً لما تضيع عليك فرصة جيدة بسبب تفصيلة صغيرة مثل هذه؟! ما سنتحدث عنه مجرد Guidelines ليس أكثر.

1. ما الهدف من الخطاب التعريفي؟

لنبدأ بالهدف من الـ Cover letter؟ حسناً، المعنى الحرفي لـ “Cover letter” هي رسالة مختصرة تشرح أو تعطي نبذة عن رسالة أخرى أطول. والرسالة الأخرى هنا هي سيرتك الذاتية.

وعملياً هي رسالة توضح فيها أن الشخص المناسب والمثالي للوظيفة التي تقدم عليها وهي غالباً التي ترسلها كمتن للبريد الإلكتروني الذي يحتوي سيرتك الذاتية (في شكل ملف PDF كما ذُكِر في المقال السابق).

2. أخطاء شائعة.

هناك عدد من الأخطاء الشائعة التي أراها تتكرر مراراً وتكراراً. أهمها ما يلي:

أن ترسل سيرتك الذاتية بدون أي رسالة تعريفية! (حقاً لا تفعل! هذا أسوأ شيء قد تفعله!)
أن تستعمل خطاً غير احترافياً وغير مناسب للعمل مثل Comic Sans (لقد أصبحنا في الألفية الثالثة ومازال الناس يقعون في هذا الخطأ!)
أن يكون عنوان الرسالة غير واضحاً. يفضل دائماً أن تكتب اسمك بالإضافة للمسمى الوظيفي في عنوان الرسالة.
أن لا تحاول الوصول لاسم الشخص الذي تخاطبه. (إن لم تجد ربما تستخدم اسم القسم أو اسم الشركة أو الهيئة).
أن تبدأ رسالتك بصيغ عامة أو مبهمة مثل Sir أو Madam (خصوصاً هذه، نحن الآن في الالفية الثالثة، لا تستخدم صيغ عتيقة إذا لم تعرف من تخاطب تحديداً).
أن لا تحتوي بداية الرسالة اسم الشخص أو الشركة التي ترسل إليها رسالتك.
أن لا تحتوي بداية الرسالة اسم الوظيفة الذي تقدم عليها. ويفضل أن تكتب أين رأيت الإعلان عن الوظيفة.
أن تستخدم نفس الـ Cover letter لكل الوظائف التي تقدم عليها (سنتعرف لاحقاً أن هناك جزء في رسالتك لابد أن يتغير بحسب كل وظيفة تقدم عليها!).
إرسال نفس الرسالة لأكثر من بريد في نفس الوقت أو حتى إرسالها بشكل عشوائي! (بل وحتى يضعونها في خانة CC وليس BCC وبالتالي يراها كل من أرسلت لهم الرسالة).
أن تكون الرسالة طويلة جداً!

3. محتوى الخطاب التعريفي.

الخطاب التعريفي المثالي يتكون من 3 فقرات صغيرات بعد الفقرة التقديمية التي تعرف بها عن اسمك وتوضح لماذا ترسل هذه الرسالة كما سبق ووضحنا:

الفقرة الأولى: نبذة مختصرة جداً عنك وعن خبراتك في المجال الذي تعمل به، وأهم ما يميزك في هذا المجال.
الفقرة الثانية: وهي الفقرة المتغيرة حيث تتغير جذرياً بحسب كل وظيفة تقدم عليها، حيث يجب أن تظهر لماذا أنت الشخص المثالي لهذا العمل. (من المهم جداً أن تشير هنا لمعرفتك بالأشياء المذكورة في إعلان العمل).
الفقرة الثالثة: يمكن أن تكتب فيها أي شيء ذي صلة ولكن غير مباشرة بالعمل الذي تقدم له، ربما يكون مشروع جانبي عملت عليه، أو دورة تدريبية ذات صلة أو غيرها، أو أحد المهارات ستفيدك في العمل.

وبالطبع لا تنس إرفاق السيرة الذاتية باسم واضح كما ذُكر في المقال السابق.

—————

هذا هو الحد الأدنى لما يجب عليك معرفته حين عمل وإرسال الـ Cover Letter، وذلك للحصول على أفضل فرصة حين التقديم على عمل.
إذا كنت ترى أنك لست جيداً بهذه الأمور، يفضل أن تأخذ رأي شخص آخر قد يكون لديه خبرة أكبر، أو حتى أن تسندها لأحد الخبراء في هذا المجال.

السيرة الذاتية CV/Resume والخطاب التعريفي Cover Letter هما أول لقاء بينك وبين المكان الذي تقدم فيه، لذا أحرص على أن يكون اللقاء الأول مثالياً لأبعد درجة :-)

الجزء الأول: 10 أخطاء شائعة في كتابة السيرة الذاتية Resume/CV! لا تفعلها أبداً! (زاش)

2023-05-05T01:30:00.047+03:00

المقال ده كتبته في 2014 على موقع Xash.me بعنوان "10 أخطاء شائعة في كتابة السيرة الذاتية! لا تفعلها أبداً!" لكن الموقع كان مش شغال فترة فنقلته هنا. المقال كان في جزئين: جزء عن السيرة الذاتية Resume/CV (المقال ده) وجزء عن الـ Cover Letter.

الواقع العملي يثبت دائماً أن السيرة الذاتية CV/Resume تساهم بوضوح في حصول الشخص على العمل المناسب، سواء في شركة أو مؤسسة أو حتى كمستقل! إن سيرتك الذاتية هي أول معرفة بينك وأي شركة أو مؤسسة، سيرتك الذاتية هي بمثابة اللقاء الأول والانطباع الأول يدُم طويلاً! في الواقع، إن الحصول على العمل المثالي لك يساعدك كثيراً في حياتك كلها! العمل الجيد والذي تستمتع بالقيام به، يجعلك مُلهماً سواء في عملك أو خارجه، لذا يجب عليك الاهتمام بالعمل الذي ستعمله كثيراً.

مؤخراً كانت هناك إحدى فرص العمل في المكان الذي أعمل فيه، قمنا بالإعلان عن الأمر وتلقينا الكثير من السير الذاتية للأشخاص الراغبين في العمل. لكن وبشكل غريب، وجدنا نفس الأخطاء تتكرر، سواء الأشخاص حديثي التخرج أو حتى ممن لديهم خبرات عمل سابقة! لذا جاء هذا المقال لتوضيح بعض النقاط الهامة التي يجب عملها/تلافيها حين كتابة سيرتك الذاتية. ولن نتكلم هنا عن المسائل العملية المتعلقة بالخبرة وما إلى ذلك، بل إلى التفاصيل الخاصة بشكل السيرة الذاتية والأخطاء الشائعة بها!

في الواقع للحصول على عمل مميز في مكان مميز، هناك ثلاثة مكونات رئيسية يجب مراعاتها:

السيرة الذاتية (CV/Resume).
الخطاب التعريفي (Cover letter).
المقابلة الشخصية (Interview).

دعنا نبدأ مع السيرة الذاتية CV/Resume! هذه الملاحظات العشر، من واقع متكرر، وآراء أكثر من شخص تعامل مع مسائل التوظيف، وهي ملاحظات عامة تنطبق على أغلب الناس والمجالات، لكن في النهاية ليس بالضرورة أن تناسب الكل! على سبيل المثال قد يجادل شخص في مسألة تصميم السيرة الذاتية حيث يجب أن يكون بسيطاً قدر المستطاع وبدون ألوان كثيرة أو استخدام لون واحد على الأكثر، لكن الأمر قد يختلف بالنسبة لفئات معينة، مثل مصممي الجرافيك! سأتوقع أن تكون سيرة مصمم الجرافيك إبداعية أكثر من مجرد الأبيض والأسود. في الواقع يمكنك الخروج عن كثير من هذه القواعد لكن في النهاية المهم أن تتأكد من أن المكان الذي سترسل له سيرتك الذاتية يقبل السير الذاتية غير الاعتيادية.

في البداية لنتفق على نقطة هامة، ما الهدف من كل هذه النصائح؟ ببساطة هو تلميع سيرتك الذاتية وجعلها قابلة للقراءة بشكل سريع للغاية من طرف الشركة التي تقدم فيها، وإبراز مميزاتك بشكل واضح لتزيد فرص قبولك في العمل الذي تقدم عليه. فعلياً أي شخص مسئول عن مراجعة السير الذاتية لا يقرأ السيرة الذاتية بين يديه كما يقرأ الكُتب! هو فقط يمرر عينه عليها ويبحث فيها عن ما يهمه ويلفت انتباهه. لذا يجب أن تكون السيرة الذاتية منظمة ومقروءة بشكل جيد.

حسناً، كيف يمكنك تحسين سيرتك الذاتية؟ الخبر الجيد أن الأمر يتوقف عليك بشكل كبير! الخبر السيئ أن هناك الكثير من الأخطاء التي يقع فيها كم هائل من الناس، والتي سنتعرف عليها الآن. تلافي هذه النقاط يعني أن فرصك في العمل ستكون أكبر؛ لذا انتبه لها جيداً.

١. طريقة كتابة الاسم والبريد الإلكتروني.

اسمك وبريدك الإلكتروني هو أول ما يقع عليه عين من يقرأ سيرتك الذاتية، لذا يجب أن يكون الاسم مكتوباً بشكل سليم سواء كان باللغة العربية أو الإنجليزية! إذا كنت تقرأ سيرة ذاتية لشخص لا يراعي الدقة في كتابة اسمه، فما الذي ستتوقعه بشأن باقي الأمور؟!

من أكثر الأخطاء الشائعة على الإطلاق كتابة الأسماء الإنجليزية بأحرف صغيرة أو كل الحروف كبيرة، لذا لا تكتب أبداً ahmed muhammed! أو حتى AHMED MUHAMMED! أول أي اسم يجب ولا بد أن يُكتب بأحرف كبيرة وباقي الأحرف صغيرة، مثل: Ahmed Muhammed.
كذلك الأمر بالنسبة للغة العربية، التزم بالكتابة الصحيحة للأسماء! مثلاً “أحمد” يكتب بهمزة قطع وليس بألف وصل كما يخطئ الكثير به ويكتبه “احمد”، أيضاً التاء المربوطة في آخر الكلام مثل “آية” وليس “ايه” إلى آخره.

اكتف بكتابة اسمك الثلاثي وهو اسمك واسم والدك وجدك أو لقب عائلتك (بعض البلدان تعتمد نظام الاسمين فقط)، صدقني لا يوجد من يود معرفة اسم جدك وجد جدك وجد جد جدك .. هذا ليس سجلاً مدنياً!

خطأ شائع آخر بالنسبة لاسم البريد الإلكتروني، تذكر أن هذا عمل رسمي وليس نشاط ترفيهي! لذا عندما تكتب اسم بريدك الإلكتروني في سيرتك الذاتية تأكد من حصولك على بريد إلكتروني باسم جيد، فلا تستعمل بريد إلكتروني عبارة عن اسم مستعار مثل “the.last.one” أو toty أو hacker_man، أو hamody1991! بريدك يجب أن يعبر عنك بشكل واضح، ولا داعي للأرقام إلا في أضيق الحدود، لذا من المفترض أن يكون بريدك يشبه هذا Ahmed.AbouZaid@gmail.com (هذا مجرد مثال، ليس بريدي الفعلي)، إذا لم يكن الاسم متاحاً يمكنك تجربة توليفات مختلفة حتى تصل إلى الاسم المناسب، مثلاً اسمي أحمد محمد أبوزيد ولم أجد Ahmed.AbouZaid متاحاً، سأجرب مثلاً Ahmed.M.AbouZaid أو AAbouZaid أو AM.AbouZaid وهكذا … المهم أن يحتوي اسمك وما يعبر عنك فقط لا غير.

٢. التنسيق العام.

السير الذاتية المبهرجة غالباً ما تُوضع في آخر قائمة المراجعات، لا أحد يود أن يفقد تركيزه أثناء مراجعة أي سيرة ذاتية، لذا يجب أن تحافظ على بساطة السيرة الذاتية.

ابق التنسيق العام للملف بسيطاً وواضحاً. التنسيق البسيط يساعد على إظهار النقاط المهمة في سيرتك الذاتية.
لا تستخدم أكثر من خطين، خط للعناوين الرئيسية وخط لباقي النص، والأهم أن يكون الخط سهل القراءة خصوصاً في الأحجام الصغيرة.
استعمل خطاً رسمياً لا تستعمل مثلاً خطاً خاصاً بالرسوم الهزلية مثل Comic sans.
لا تستعمل ألواناً، وإذا أردت إضفاء بعض الحداثة على سيرتك الذاتية استخدم لون واحد فقط بجانب الأسود.
تذكر دائماً أن هناك الكثير من الشركات ما زالت تطبع السير الذاتية التي تأتيها حتى لو وصلتها بصيغة إلكترونية.
استخدم قالباً Template للسيرة الذاتية ولا تقم بعمل الملف من الصفر إلا إذا كنت تعرف ما تعمل تماماً، هذا سيختصر عليك الكثير من الوقت والمجهود وسيضمن أن يظهر الملف بشكل مميز! تجدهم على الإنترنت بسهولة بمجرد البحث على Resume template و CV template أو ما شابه.

٣. الشكليات.

هناك دائماً من يقول أن المضمون أهم من الشكل، لكن لا أحد سيجد صندوقين الأول جديد لامع براق والآخر قديم مكفهر يعتليه التراب من كل جانب .. ثم تتوقع أن يبدأ بهذا الأخير! في الواقع إن الصياغة الجيدة تساعد في إبراز المحتوى بشكل مميز! لذا إليك بعض النقاط التي يجب عليك أن تراعيها:

ابتعد تماماً كتابة فقرات طويلة متلاحمة، اكتب دائماً المعلومات في السيرة الذاتية على شكل نقاط، هذا أسهل بشكل كبير في القراءة.
أظهر النقاط المهمة وضعها في البداية.
رتب الوظائف السابقة من الأحدث للأقدم (أي آخر وظيفة لك في أعلى القائمة)، من يراجع سيرتك الذاتية مهتم أن يعرف أين كنت تعمل خلال السنتين الماضيتين أكثر من خمس سنوات مرت.
قلل عدد الصفحات قدر المستطاع، إذا كانت سيرتك الذاتية أكثر من ٣ صفحات -ومهما كانت خبرتك في سن مبكرة- فهناك بالتأكيد الكثير من الحشو عديم الأهمية!
اكتب دائماً في مكان ما في سيرتك الذاتية آخر تحديث لها، هذه النقطة هامة لتقييم وضعك في أي وقت.
إذا كانت بيانات المراجع مطلوبة أو مزيد من التفاصيل، ارفقها دائماً في ورقة منفصلة، وغالباً ما تكون آخر ورقة.

٤. المضمون.

حسناً، اتفقنا أن الشخص سيفتح الصندوق البراق اللامع، بالتأكيد ستكون آماله كبيرة ويتوقع أن يرى شيئاً مميزاً حقاً في هذا الصندوق المبهر من الخارج! وقطعاً سيصاب بخيبة أمل كبيرة إن لم يجد ما توقع، لذا احرص دائماً على المضمون. في الواقع لن أتحدث عن المضمون نفسه، فهذا يعود إليك كلياً وما أنجزته ومعرفتك وخبراتك السابقة، لكن سأتحدث عن أمور حول المضمون.

مرة أخرى لا تكتب في شكل فقرات طويلة، اكتب في شكل نقاط وحاول عدم الاسهاب قدر المستطاع.
رتب محتوى سيرتك الذاتية بما يتناسب مع العمل الجديد الذي تقدم فيه، إذا كان لديك بعض الخبرات تتعلق بالعمل الجديد وخبرات آخر أقل صلة به، قدّم التي تتعلق بالعمل وركز عليها واجعلها أوضح، الغ من تفكيرك مسألة القالب الموحد، إنما شكل المحتوى بحسب المكان الذي سترسل له سيرتك الذاتية.
وازن بين كتابة المسئوليات Responsibilities وبين الإنجازات Accomplishments … الجميع يحب رؤية ما قمت بإنجازه أكثر مما أنت مسئول عنه، لكن بطبيعة الحال هناك بعض الإنجازات في أعمالك السابقة لن تستطيع إعطاء الكثير من التفاصيل عنها حفاظاً على سرية معلومات الشركات الأخرى.
هناك توجه عام لاستبدال خانة الـ Objective المملة في بداية السيرة الذاتية إلى ملخص عنك يوضح ما هو عملك وخبراتك بشكل مختصر، حيث في كثير من الشركات الكبيرة لا تذهب الملفات مباشرة لشخص متخصص في مجالك لذا يجب أن يظهر تخصصك ومعرفتك العامة من أول فقرة.
الكلمات المفتاحية Keywords ومهاراتك Skills في الأشياء التي تعرفها عن مجال عملك مهمة جداً، لا أعرف لماذا لكن أجد الكثيرين ينسونها أو يكتبونها بشكل مقتضب جداً، إنها حقاً مهمة! خصص قسم أو فقرة تضم المهارات والأشياء التي تعرفها في شكل مبسط.
اكتب التواريخ بشكل سليم وواضح جانب كل وظيفة، على الأقل الشهر والسنة، يمكن أيضاً كتابة إجمالي الفترة التي قضيتها في كل وظيفة بجانب التاريخ .. هذا مهم حقاً.
وازن جيداً بين الاسهاب والاختصار.

٥. الأخطاء الكتابية.

الأخطاء الكتابية وخصوصاً الإملائية منها، هي أخطاء عديمة المعنى حقاً، وجودها وتكرارها يعني أن صاحب ملف الذي أمامي لا يهتم حتى بأبسط الأمور البديهية التي يمكن التعامل معها بكل سهولة! أداة تدقيق إملائي Spell Checker ويمكن تلافي أغلب الأخطاء الكتابية! مرة أخرى التزام بالقواعد سواء باللغة العربية أو الإنجليزية واستعمل مدققاً إملائياً وراجع النص المكتوب جيداً.

هناك نقطة أخرى يمكن ضمها إلى مسألة الأخطاء الكتابية، وهي كتابة التواريخ، راعي الدقة في كتابة التواريخ في سيرتك الذاتية (يفضل أن تضع التواريخ بجانب العناوين في أقواس مستقلة لتكون ظاهرة بوضوح)، مثلاً ليس منطقياً أن تستعمل صيغة التاريخ الأمريكية MM/DD/YYYY (من اليسار: الشهر ثم اليوم ثم السنة) في حين أن كل المنطقة العربية وأغلب العالم يستخدم الصيغة القياسية للتاريخ DD/MM/YYYY (من اليسار: اليوم ثم الشهر ثم السنة).

٦. الإضافات عديمة المعنى.

أجد دائماً إضافات ليست ذات معنى، إن لم تكن تضر فهي قطعاً تؤثر على الأشياء الأكثر أهمية وتضيعها وتشوش عليها! إليك بعض منها:

لا تضع صورة! حقاً، لا تفعل! لماذا بالأساس تضع صورة في السيرة الذاتية؟ هل ستوظفك الشركة بسبب شكلك أم بسبب خبراتك ومهاراتك؟ في أغلب الأحيان الصورة تعطي انطباعاً مسبقاً، وقد يكون هذا الانطباع سيئاً! لا تضع صورة في السيرة الذاتية إلا إذا طلبت الشركة التي تُقدم فيها ذلك صراحةً، أو إذا كنت ستعمل كعارض أزياء أو مذيعاً لنشرة التاسعة! (حسناً، هناك بعض البلدان جرى العرف فيها على إرفاق صورة في السيرة الذاتية، لكن أغلب الدول لا تفعل ذلك).
اكتب معلومات شخصية أقل عنك! أنت ترسل سيرتك الذاتية لشركة للعمل فيها لا لمناسبتها! ركز على الأشياء التي تميزك في مجال عملك لا أي شيء آخر.
لماذا يكتب أحدهم اسم مدرسته الإعدادية أو حتى الثانوية؟ لما تكتب مجموعك قبل الكلية؟ بما ستفيد هذه المعلومات في مسألة عملك؟ لا شيء! لا شيء حقاً!
لا داعي لأي أيكونات أو صور في السيرة الذاتية، ستشوش على من يقرأ من دون داع، وتذكر أن السير الذاتية كثيراً ما تُطبع حتى لو كانت مرسلة إلكترونياً.
هناك أيضاً مجموعة من الإضافات ليست ذات معنى حقاً، مثل ذكر الراتب السابق أو المُتوقع من العمل، كتابة كلمات مثل المراجع متوفرة تحت الطلب (بديهي جداً وطبيعي أن المراجع وإثبات أي شيء كتبته في السيرة الذاتية هو تحت الطلب! هل أنت مُزور مثلاً؟)، أو كلمات شكر في مكان ما في الملف … إلخ.

٧. عنوان الرسالة واسم ملف السيرة الذاتية.

في الغالب يكون هناك كود لكل وظيفة لأجل تنظيم الرسائل، وحينما يرسل شخص الرسالة التي تحتوي سيرته الذاتية يكتب فيها هذا الكود، على مستوى البريد يكون من السهل إدارة الرسائل.

مع ذلك تجد الكثيرين رسائلهم التي تحتوي السيرة الذاتية بعنوان غير واضح! الكود قد يكون مفيد في الفلترة والتجميع، لكن الرسالة يجب أن تعبر محتواها دون الحاجة لفتح الرسالة نفسها (وخذ هذا الأمر كقاعدة عامة ليس في هذه الجزئية فقط)، إذا كان عنوان الرسالة غير واضح هذا يعني أن الشخص مضطر لفتح الرسالة ليفهم محتواها، وهذا يعني مضيعة للوقت دون داع!

مع ذلك، الإشكالية الحقيقية دائماً تحدث عند تحميل ملفات السيرة الذاتية على الحاسوب! يجد الشخص المسئول عشرات الملفات على شاكلة My CV – resume – ahmed cv – ahmed last update!! وأشياء من هذا القبيل! وهذا يعني أن المسئول سيكون مضطر لفتح كل الملفات إذا احتاج احدها مرة أخرى أو الذهاب إلى البريد والبحث عن هذا الشخص والذي قد لا يكون اسم مذكور بشكل واضح!

لذا احرص دائماً على كتابة اسمك في الرسالة وكود الوظيفة إن وجد، والأهم كتابة اسمك بشكل واضح في ملف السيرة الذاتية ويفضل أن تكتب أيضاً في اسم الملف آخر تحديث لسيرتك الذاتية (هذا يعمل بمثابة ترقيم لملفك للتفريق بينه إذا كان هناك أكثر من نسخة).

بناءً على ذلك، إذا أرسلت سيرتي الذاتية لأحد ما في الغالب ستكون بالشكل التالي: “Ahmed M. AbouZaid Resume 2014-12-01.pdf“.

٨. هيئة ملف السيرة الذاتية.

من النقاط الهامة جداً والتي يقع بها الكثير من الناس! دائماً وأبداً ارسل سيرتك الذاتية بصيغة PDF (ما لم يُطلب غير ذلك)، لا ترسلها odt أو doc أو docx أو أي صيغة تتغير بحسب البرنامج الذي تُفتح به، أنت لا تعرف إذا كان الشخص الذي سيفتح سيرتك الذاتية سيستخدم أي برنامج؟ MS Word 2003؟ MS Word 2007؟ MS Word 2010؟ أو Open/LibreOffice؟ أو حتى أي برامج آخر مثل التطبيقات السحابية مثل Google Docs؟ أضمن طريقة لكي تظهر سيرتك الذاتية عند أي شخص آخر مهما كان البرنامج الذي سيستعمله هو استعمال صيغة PDF، حيث أن أهم مميزاتها أنها ثابتة لا تتغير.

نقطة أخرى، يجب أن يكون محتوى ملف السيرة الذاتية نصي Text حتى وهو PDF! فابتعد تماماً عن أن يكون ملف سيرتك الذاتية عبارة عن “صورة” مكتوب عليها النص وليس نص حقيقي قابل للنسخ! هذا يجعل الملف عديم الفائدة (كأنه فارغ تماماً من أي محتوى) للبرامج التي تقوم باستخراج البيانات من الملفات أو ما تعرف باسم ATS ـ (Applicant Tracking System) والتي تستخدمها الكثير من الشركات والمؤسسات.

وفي نفس السياق، يجب عليك ألا تستخدم الجداول Tables في ملف السيرة الذاتية حيث أن هذا يسبب مشاكل أيضاً مع هذه البرامج! وهذه النقطة هامة جداً حقاً! لاتغفلها! فلا تستعمل ‎2-columns style في ملف سيرتك الذاتية أبداً، فقد يجعلك هذا لا تجتاز حتى مرحلة فلترة الملفات!

٩. التفاصيل! دائماً تصنع فرقاً!

أنا مؤمن تماماً بأن التفاصيل دائماً تصنع فرقاً! التفاصيل الصغيرة هنا وهناك في ملف سيرتك الذاتية قد تميزك عن غيرك إذا تساوت القدرات والخبرات! الانطباع الأول لأي شيء يدم طويلاً، لذا كلما كانت سيرتك الذاتية دقيقة ومنمقة كلما كان انطباعها لدى من يقرأها أكبر وأقوى بشكل لا إرادي. حسناً مثل ماذا؟

الاقتباسات وعلامات الترقيم، محاذاة النصوص وتسلسل الفقرات، كتابة أسماء البرامج أو التقنيات أو المهارات التي تعرفها كما يجب أن تُكتب (كما تكتبها الشركات والمؤسسات المسئولة عنها)، مثلاً TOEFL وليس Toefl! كذلك MySQL وليس Mysql! في الواقع قد يبدوا هذا من قبيل المبالغة، لكن صدقني كلما كنت دقيقاً كلما تركت انطباعاً -لا إرادياً- بأنك شخص مميز!

التزم بتسلسل منطقي شجري حيث يساعد على تسلسل عملية القراءة بسهولة ويسر. مثل:
عنوان رئيسي:
– عنوان فرعي.
– عنوان فرعي.
١. فقرة فرعية من عنوان فرعي.
٢. فقرة فرعية من عنوان فرعي.

١٠. أخطاء أخرى!

لنتفق أن الأخطاء تقع دائماً، لكن هناك بعض الأخطاء قاتلة حقاً، تخيل أن الشركة وجدت سيرتك الذاتية ممتازة للغاية، وهمت بالتواصل معك لتجد أن رقم الهاتف الموجود في ملفك لا يعمل أو ينقصه رقماً! أو أن بريدك الإلكتروني مكتوب بطريقة خاطئة؟ أو أن يكون رقم الاعتماد أو الشهادة (Certificate) ليس مضبوطاً، أو وجود رابط مهم لا يعمل … في رأيك ماذا سيكون موقف الشركة تجاهك؟

لذا راجع بشكل دقيق البيانات الأساسية بنفسك، وكذلك اعرض سيرتك الذاتية من وقت لآخر على شخص آخر لم يرها من قبل (مثلاً أخوك أو أحد أصدقاؤك) واستمع لملاحظاته، ستتفاجأ حقاً من الملاحظات التي قد يخبرك بها.

نقطة أخرى بما أن أغلب الناس أصبحت تستعمل موقع LinkedIn بمثابة سيرة ذاتية أونلاين (إذا لم تفعل يجب عليك حقاً أن تبدأ في ذلك!) لكن هذا لا يعني أنها تُغني عن السيرة الذاتية عندما تراسل شركة ما! لا تستطيع إرسال رابط حسابك على لينكدإن وحسب! بياناتك لا تظهر لغير الأشخاص ضمن دوائر اتصالك! لا رقم الهاتف ولا بريد إلكتروني والعديد من البيانات الأخرى!

أخيراً، استعمل الكلمات المناسبة أثناء كتابة بياناتك خصوصاً على الإنترنت لكي يصل إليك الناس بسهولة، مثلاً إذا كنت تعمل كمدير نظام System Administrator الأفضل أن تكتب الاسم كامل لا أن تكتب الاختصار المشهور له System Admin (وفي كل مجال هناك اختصارات أو أسماء شائعة)، لماذا؟ لأن من سيبحث على “System Administrator” سيجد الاسم الكامل ولن يجد المختصرة، على العكس إذا قام بالبحث عن “System Admin” سيجد من يستخدم الكلمتين! وهذا يعني أن من يستعمل الاسم الكامل لديه فرص ظهور ضعف الشخص الذي يستخدم الاسم المختصر.

أنت!

لدينا الآن سيرة ذاتية منمقة، تخطف أنظار أي شخص بمجرد أن تقع عينه عليها! ستساعد حقاً سيرتك الذاتية الجديدة بعد التنظيم وتلافي الأخطاء، لكن كل هذا مجرد صفر على اليسار إذا لم تكن أنت جاهزاً تماماً!

لتكون لك ميزة تفضيلية، يجب أن تكون مُلماً بكل سطر مكتوب في سيرتك الذاتية، يجب حتى أن تراجع وتبحث عن الأشياء التي تعتقد أنك تعرفها، ستجد في كثير من الأحيان أن بعض الأمور ليست كما تظن تماماً. كذلك يجب أن تتابع آخر المستجدات في مجالك وألا تكتفي بما عرفته في فترة ما.

كذلك مسائل المقابلة الشخصية Interview، لا نحتاج للكلام عن المسائل الشكلية مثل الحضور في الوقت المتفق عليه، وكذلك ارتداء ملابس مناسبة (بعض الشركات تتطلب ملابس معينة، وبعض الشركات لا، لكن يجب أن تكون ملابسك مهندمة ومناسبة لمقابلة عمل وليس عشاء مع اصدقائك في المطعم القريب من بيتك!)، كذلك المسائل العملية مثل أن تقوم بعمل مراجعة سريعة قبل المقابلة على أهم النقاط في مجالك، وكذلك أن ترتب أفكارك جيداً، وما إلى هذه الأمور.

أخيراً، تذكر أنك إذا لم تكن تتعلم شيئاً جديداً في عملك من وقت لآخر وخصوصاً في سن مبكرة، هذا يعني أن خبراتك الحقيقية ستكون مجرد سنة أو اثنين مكررة في إجمالي عدد السنين التي عملتها وليس أكثير!

————

إذن، هل أنهيت عمل الـ CV الخاص بك؟ انتقل إلى الخطوة التالية وهي الرسالة التي سترسلها مع سيرتك الذاتية (لا تقم أبداً أبداً بإرسال سيرتك الذاتية دون Cover Letter!)
إذا لا كنت تعرف كيف، إليك كيف تكتب Cover Letter مثالياً؟!

كما ذكرت سابقاً، هذه النقاط عامة وتناسب أغلب الناس في مجالات العمل المتنوعة، لكن بالتأكيد ليس كلهم! هل لديك أي نصائح أخرى تعتقد أنها مهمة أيضاً؟

على الهامش، دائماً يواجه الخريجون الجدد مشكلة عدم وجود خبرة عملية، ويسألون ما أفضل طريقة لكتابة سيرتهم الذاتية وإبراز المميزات الأخرى بخلاف مسألة الخبرات؟ أعتقد أن هذا سيكون موضوعنا التالي!

مدونة تقنية بالإنجليزية

2015-05-21T21:32:00.000+02:00

سنة جديدة، مدونة جديدة! بدأت التدوين التقني باللغة الإنتجليزية على العنوان التالي: tech.aabouzaid.com.

جزء من السيرة الهلالية

2015-03-02T10:49:00.000+02:00

جيناكي يا بيضة جيناكي ... عشانك تعبنا الهجينَ.
وعاوزين منك غدا بلا نار ... ولا تتعبيش في عجينه.

قالت أنا أجيبلك العيش مطبق ... فوق منه السمن سايح.
دا الغدا اللي بلا نار ... يجيب لأهله الفضايح.

- ‫من ‏السيرة الهلالية‬.

ملخص سبتمبر، وأكتوبر 2014.

2014-12-27T02:29:00.001+02:00

مرة تانية، تسليط الضوء على بعض الأحداث من الفترة اللي فاتت، كانوا شهرين رائعين فعلاً، يمكن أهمها حصولي على شهادة RHCE :-)

- السنة الأولى لموقع "كتب عربية حرة"! (١ سبتمبر ٢٠١٤).

موقع كتب عربية حرة اللي أنشأته في ٢٠١٣ كمل سنته الأول! كانت سنة مليئة بالإنجازات، وسعيد جداً إن الموقع حقق سريعاً جزء من الأهداف اللي اتعمل عشانها :-)

كل تفاصيل السنة في المقال على مدونة الموقع "سنة على موقع كتب عربية حرة!".

- شجرة غريبة؟ (٢٣ سبتمبر ٢٠١٤).

شجرة كنت بشوفها كتير وفي أماكن مختلفة، من القاهرة لحد شرم الشيخ ودهب في سينا! وبلاحظ إن الناس بتقطعها على طول، في حد قالي إنها ممكن تكون بتنتج مخدر أو حاجة زي كدا وبالتالي الناس بتقطعها، بس مكانش منطقي بالنسبة ليا.

بعد الكثير من السؤال والفحص والمحص، أخيراً عرفت نوع الشجرة، طلع اسمها الدارج "عشر" أو "أشخر" ... وطلعت سامة جداً عشان كدا الناس بتحرقها أو بتقطعها أول بأول! كويس إني ملعبتش فيها لإني من النوع اللي بيحب يستكشف الحاجات الجديدة والغريبة! D:

عشار باسق - Calotropis procera - صحة أونلاين: نباتات سامة! - موسوعة النباتات الطبيعية: العشر

- وثيقة تعريفية عن موقع LibreBooks.Org (٢٦ سبتمبر ٢٠١٤).

في شهر مايو اللي فات، عملت ملف تعريفي Brochure عن مشروع "كتب عربية حرة" للمشاركة في مسابقة أفضل المواقع العربية للويب واللي فزنا فيها بالمركز الأول.

ومع الذكرى السنوية الأولى للمشروع، قررت تحديث الملف ونشره على الموقع "وثيقة تعريفية حول مشروع كتب عربية حرة."

الملف ده مش مجرد ملف تعريفي وشامل، لأ كمان فيه كل الأدوات اللي استعملناها في عمل الموقع! واللي كلها برمجيات حرة مفتوحة المصدر! :-)

- زيارة مرسى مطروح لأول مرة (٥ أكتوبر ٢٠١٤).

أخيراً، في عيد الأضحى سنة 1435 رحت مدينة مرسى مطروح! المدينة ظريفة جداً مياه نقية، وشواطئ بيضاء رائعة ... كانت تجربة عظيمة مع ناس ظريف :-)

وللعلم عشان الناس ديماً بتقع في الغلطة دي، مرسى مطروح وإن كانت مدينة ساحلية، فهي في الأصل ذات طابع بدوي، يعني الأكل البحري هناك على قده جداً، إنما الشوي واللحوم رائعة، ولازم تجرب لحوم المراعي اللي هناك ... من أفضل النوعيات اللي جربتها في حياتي على الإطلاق!

صورة التقطها أول ما وصلت :-)

الجدير بالذكر، إني كسرت الرقم القياسي بتاعي في القفز في الماء D: وقفزت من فوق صخرة حوالي ٦ متر في المية، أعتقد ده أعلى ارتفاع وصلتله في البحر بعد القفز من فوق اليخت في شرم الشيخ السنة اللي فاتت. الصخرة بتاعت شاطئ الغرام ... أيوة بتاع فيلم ليلى مراد D:

الصخرة ملهاش مطلع، يعني بتتسلق عليها كيف السحالي DDD: ولما بتطلع ملهاش منزل، يعني لو معجبكش الوضع فوق مفيش حل مينفعش تنزل لازم تنط، لقيت كذا حد بينطها وفي مكان عميق بما فيه الكفاية عشان تنط من الارتفاع ده بأمان (هو حواليه شوية صخور بس بمسافة آمنة يعني)، وعليه قررت أتسلق وانط من فوق D:

لما طلعت المنظر يبدوا أصعب ومختلف، كان في شوية رهبة يعني، بس أنا كدا كدا طلعت يعني ومفيش نزول، فمفيش فايدة من الخوف D:

الظريف في الموضوع إني من النوع اللي بيحب يحلل الأمور قبل ما ياخد أي خطوة، بس المرة دي أخدت كل القرارات في أسرع وقت عشان قررت أبقى أحمق وواثق أفضل من حكيم ومرتاب D: (ماشي ماشي حسبتها بعقلانية بردو مش فاتح الموضوع على البحري يعني D:)

- الحصول على شهادة RHCE (٩ أكتوبر ٢٠١٤).

كانت عيدية سادس يوم العيد D:

نتيجة امتحان Red hat Certified Engineer - RHCE ظهرت وجبت 100% كمان :-)
الـ ID بتاعي هو: 140-128-760 ...الحمد لله :‑)

- زيارة الغردقة لأول مرة (٢١ أكتوبر ٢٠١٤).

مكان جديد الواحد يجربه! أخيراً زرت الغردقة لأول مرة، البلد ظريفة وأرخص بكتير مقارنة بشرم الشيخ ودهب ... ومليانة روس -روسيين يعني- بالهبل D:

قعدت أربع أيام في منطقة الدهار، الفندق ظريف، والمية جميلة، وطبعاً كان لازم أجرب مطعم مميز هناك .. أصل مينفعش أقطع كل المسافة دي (حوالي 530 كيلومتر من القاهرة) ومجربش مطعم مميز D:

جربت أشهر مطعم في المدينة وهو مطعم أسماك المينا، كان حلو جداً، وأعتقد إني هجرب المرة الجاية -إن شاء الله- مطعم Starfish :-)

صورة من مركز بحوث الطاقة المتجددة قبل الغردقة
دي غير مزرعة المولدات الهوائية اللي عند الزعفرانة).

يمكن أكتر الحاجات اللي خلتني سعيد بالرحلة دي هي إني أخيراً شوفت طواحين الهواء اللي موجودة في الزعفرانة (قبل الغردقة بحوالي 265) ... واللي كانت جزء من بحث شاركت فيه في سنة 2010 عن الطاقة البديلة وفزنا بالمركز التالت.

منظر بديع جداً!

- الانتهاء من كورس M102: MongoDB for DBAs (٢٧ أكتوبر ٢٠١٤).

في الواقع ده أول MOOC ليا D: ( مجربتش قبل كدا أتعلم من الـ MOOCs عشان مش بقدر أتفرج على الفيديوهات D: )

سجلت في كورس M102: MongoDB for DBAs اللي بدأ ٣٠ سبتمبر (سبع أسابيع هيخلص ١١ نوفمبر)، لكن شوفت نسخة من نفس الكورس اتعملت قبل كدا وخلصته في عشر أيام منفصلين، يعني كل أخلص شوية (كان ممكن يكون أقل من كدا بس مفيش أي مكسب من ضغط المدة حالياً).

مكنتش اتعاملت مع مونجو أكتر من مجرد عمل dump من الداتا بيز على أحد السرفرات، ويادوبك أعرف يعني إيه NoSQL. إنما دلوقتي من بكرة لو حبيت أشتغل إنفيرومنت شغالة بـ MongoDB (حتى لو scale كبير) معنديش أي مشكلة D:

وعرفت الفروق بين الـ SQL والـ NoSQL بشكل أفضل، وطريقة شغل الـ NoSQL databases عموماً وتفاصيل شغل MongoDB وكتير من الحاجات الظريفة. كنت بفكر أدخل الامتحان بتاع C100DBA بس للأسف آخر معاد للتسجيل كان قرب وأعتقد هزنق نفسي على الفاضي ... فممكن لاحقاً في أي وقت :‑)

المهم، ليه ده إنجاز عظيم بالنسبة ليا؟ D:

كنت بحاول أثبت لنفسي إني أقدر أتعلم حاجة معينة حتى لو معرفش عنها أي حاجة في مدة قصيرة ... يعني from zero to hero في مجرد كام يوم : )
مش محتاج أكرس كل وقتي لأي حاجة بتعلمها جديد، يعني في شغل، ومواصلات، والتزامات تانية كتير، وده مكنتش بعمله كتير قبل كدا.
إني أقدر أعمل الحاجات بشكل منفصل عن بعض، يعني العشر أيام دول مكانوش ورا بعض وفي كذا حاجة ما بينهم، وده في حد ذاته شيء كويس وإنك تفضل محافظ على تركيزك.
آخر حاجة أنا واحد مش بيعرف يتفرج على فيديوهات على الكمبيوتر نهائياً، الفيديو لو ١٢ دقيقة يبقى طويل جداً D: عشان كدا كل الحاجات اللي اتعلمتها كانت من كتب أو تناقل خبرات، وأقل حاجة اتعلمت منها كانت الفيديوهات. كون إني أقدر أخلص الكم ده من الفيديوهات شيء عظيم حقاً من ناحية الالتزام حتى بحاجة مش بحبها.

الظريف إن من فترة صغيرة واحد عامل سكربت بـ scrape المواقع ويعملها في داتابيز NoSQL ـ (JSON) ... وكنت سعيد إني فاهم كل الحاجات اللي بيعملها وبيتكلم عنها :‑)
الحمد لله :‑)

- تجربة مطعم Viking (٣٠ أكتوبر ٢٠١٤).

مطعم فايكنج من المطاعم اللي كنت حابب أجربها من فترة طويلة، بس كل مرة بيحصل حاجة تأجل الموضوع، فايكنج من مطاعم مشويات الـ Tex-Mex ... من أفضل المطاعم اللي جربها في القاهرة، هو غالي شوية عن أغلب المطاعم لكنه رائع فعلاً وتجربة مميزة وأعتقد إني هروح تاني قريب :-)

أين أشيائي؟ D:

2014-11-13T15:48:00.003+02:00

من فترة كبيرة وأنا عاوز أجمع أهم الحاجات اللي عملتها في صفحة واحدة :‑)
من كام يوم كنت رايق قعد ظبطت صفحة على المدونة HTML/CSS جمعت بعض أفضل الحاجات اللي عملتها على مدار آخر كام سنة.

رابط الصفحة

الحاجات مترتبة بحسب الموضوعات والسنة اللي عملتها فيها، مع بعض التعديلات الخاصة في الـ CSS ... هحاول أحدثها من وقت للتاني :-)
أخيراً جمعت أشيائي ... أنا سعيد DDD:

ملخص يونيو، يوليو، أغسطس 2014

2014-11-07T20:22:00.000+02:00

همممم كانت فترة كبيرة المرة دي مكتبتش فيها! طيب إيه أهم الحاجات خلال ما يقرب من ٣ شهور؟

- تجربة الـ Reverse bungee لأول مرة (٢٥ يونيو ٢٠١٤).

بما إني من هواة المغامرات، قررت أجرب الـ Reverse Bungee مع أحد الأصدقاء البرنسيين D:
في شهر يونيو اللي فات أنا و Islam A. Hassan سمعنا إن في Reverse Bungee اتعمل في مول العرب في ٦ أكتوبر ورحنا نجرب. لو مش عارف تحديداً إيه هو الريفيرس بانجي مكن تشوف لينك ويكيبيديا (فيه فيديو بالمناسبة).

كانت تجربة ظريفة الانطلاق على ارتفاع زي ده مع كتير من الأدرنالين، أهي تصبيرة لحين تجربة Bungee حقيقي! D:

- الملتقى الأول لوضع خارطة طريق "استراتيجية البرمجيات الحرة مفتوحة المصدر" (٢٦ يونيو ٢٠١٤).

حضرت مؤتمر عن تفعيل البرمجيات الحرة مفتوحة المصدر في مصر سواء على مستوى الحكومة أو القطاع الخاص. بالفعل أصبح عندنا استراتيجية معتمدة من وزارة الاتصالات (حمل وثيقة الاستراتيجية).
المؤتمر كان كويس وواعد جداً، وشيء ممتاز إن الواحد يشوف التقدم ده وإن كانت الخطوات بطيئة، لكن لسه في أمل :-)

- حضور سيشن عن OpenStack (٤ يوليو ٢٠١٤).

سيشن ظريفة ويوم لطيف عن OpenStack عمله ضياء رضوان كمقدمة عن أوبن ستاك، السيشن كانت ممتازة واليوم نفسه كان رائع، كان فيه إفطار لمجموعة كبيرة من الناس المهتمين بالتقنية والنشطين على أرض الواقع بشكل كبير!

- مقال عن Kano (٧ يوليو ٢٠١٤).

كتبت مقال عن Kano على موقع زاش، كانو، الحاسوب الذي يمكن لأي شخص صُنعه! هو عبارة عن Kit مبنية على حاسوب راسبري باي Raspberry Pi المصغر، كانو معمول لحل مشكلة انفصال الجيل الجديد عن فهم التكنولوجيا بشكل عميق ... أظن إن الاقتباس ده هيوضح الفكرة أكتر:

جهاز Kano والذي يعرف نفسه بأنه "A computer anyone can make"، وربما يكون "كانو" أحد أكثر المشاريع اتصالاً وتكميلاً لفكرة راسبيري باي الأصلية، وهي أن يمكن لأي شخص أن يصنع حاسوبه بالشكل الذي يريد وأن يتعلم عليه ويعدله بالشكل الذي يريده، ببساطة أن يتحول الشخص من مجرد مستهلك للتكنولوجيا إلى صانع ومشارك حقيقي. هذا الأمر مثالي جداً للشباب في المراحل المختلفة حيث يمكنهم التعرف على التكنولوجيا عن قرب، وليس فقط بطريقة استهلاكية.

مع أدوات مثل راسبيري باي وكانو والبرمجيات الحرة مفتوحة المصدر، يمكن الوصول لاستفادة عظيمة من شغف وحماس الشباب الصغير، فمن كان يتخيل حاسوب بـ ٣٥ دولار؟ من كان يتخيل وصول موسوعة ويكيبيديا الحرة لأدغال أفريقيا دون إنترنت حتى؟ في الحقيقة إن تعلم التكنولوجيا في عمر صغير ولكل الطبقات بغض النظر عن البلد أو اللغة سيفتح مجالاً واسعاً للابتكار ولتحسين حياة الكثيرين حول العالم.

- سكربت fixparts بواجهة رسومية (١٨ يوليو ٢٠١٤).

في مشكلة بتتكرر من وقت للتاني لما واحد بيجي يسطب أوبنتو عنده، برنامج التسطيب بتاع أوبنتو بيشوف الهارد كله كأنه مش متقسم، أو بمعنى أصح مش بيشوف البارتشنات. المشكلة في الواقع مش بسبب أوبنتو، المشكلة بسبب بعض برامج التقسيم الغبية اللي بتحسب البارتشنات بشكل غلط، فيجي أوبنتو المحترم بيحاول يقراها بشكل مظبوط فمش بيعرف! المشكلة بتكون في الـ partitions table اللي اتعمل غلط. حل الموضوع ده كان برنامج صغير بيشتغل عن طريق الـ command line اسمه fixparts ... يعني ملهوش GUI الوحد يستعمله منها.

كان عندي ساعة فاضية وعاوز أروش فيها شوية، قولت أعمل bash script على السريع وأعمله GUI ببرنامج Zenity واللي بييجي مع أوبنتو افتراضياً. عملت سكربت بياخد باكب من الـ partitions table، ويعملها restore، وأخيراً بيصلح المشكلة بتاعت البارتشنز تيبول.

هتدخل Live CD وتشغل السكربت وبعد الريستارت المفروض إن المشكلة تكون اتحلت. البرنامج جربته على Ubuntu 14.04، وجربته كذا مرة واتأكدت إنه شغال بشكل كويس لكن في النهاية ده مجرد سكربت اتكتب واتجرب في ساعة وبالتالي مفيش ضمان إنه يشتغل عند فخلي بالك. السكربت على GitHub:

https://github.com/AAbouZaid/repair_partitions_table_zenity_script.sh

- زيارة دهب لأول مرة (٢٩ يوليو ٢٠١٤).

في أجازة عيد الفطر، قررت أروح "دهب" مع بعض الأصدقاء، مدينة دهب بتقع على خليج العقبة! بتبعد حوالي ٦٠٠ كيلومتر عن القاهرة يعني حوالي ٨ ساعات بالأتوبيس! دهب مكان بديع جداً، سواء الصحرا أو البحر أو ما بينهما، تكوينات صخرية آسرة وبحر وشعب مرجانية وبيئة بحرية لسه شابة ... كانت رحلة خزعبلية في الحقيقة :‑)

صور تانية مميزة للرحلة

- الحصول على شهادة RHCSA (١٧ أغسطس ٢٠١٤).

نجحت في RHCSA ـ (Red Hat Certified System Administrator) بحمد الله وبنسبة 100% ^_^
وفي شهر أكتوبر حصلت على RHCE ـ (Red Hat Certified Engineer) الحمد لله بنفس النسبة. Certification ID: 140-128-760

- يوم تدريبي في Orange Labs (١٩ أغسطس ٢٠١٤).

عملت يوم تدريبي عن البرمجيات الحرة مفتوحة المصدر وأساسيات لينوكس ديسكتوب و CLI في Orange Labs في القرية الذكية Smart Village.
التدريب لحوالي 14 شخص في internship تبع شركة Orange، نصهم من الأكاديمية العربية والنص التاني حاسبات القاهرة ... وكانوا برنسيين جداً ومتجاوبين وحابين يتعلموا يعني ... كان يوم لطيف وممتع.

- تجربة مطعم Mr.Wok الصيني (٢٣ أغسطس ٢٠١٤).

مطعم تيك أواي صيني في الزمالك، للأسف معجبنيش خالص عشان هو مخصص للتيك أواي الصيني! كويس إني كنت جربت أكل صيني حقيقي قبل كدا في كذا مكان وإلا كنت حكمت على الأكل كله إنه وحش!

- بطيخ أصفر لأول مرة! (٢٩ أغسطس ٢٠١٤).

كانت تجربة ظريفة D:
الطعم مش مختلف كتير، مفتقد بس المذاق المميز للون الأحمر! لكن ظريف يعني D:

تغييرات مخفية :-)

2014-09-23T23:22:00.000+03:00

أظرف حاجة ممكن تحصل للواحد هي الناس اللي ممكن يغيّروا حاجات كتير في حياته بسبب ملحوظة صغيرة قالها لك أو خلاك تاخد بالك منها.

قد تكون ملحوظة فعلاً صغيرة، ممكن تكون مجرد حديث عابر، ممكن تكون أي حاجة صغيرة لأبعد حد ممكن.

لو أخدت بالك منها، ممكن تعمل تغيير صغير جداً جداً جداً، مجرد نص درجة تغيير، لكن مع الوقت، كل ما بتتقدم لقدام، الزاوية بتكبر أكتر، لحد ما في يوم لما تبص لورا كدا، تكتشف أد إيه التغيير ده كان عظيم

الناس دي فعلاً ببقى ممتن ليهم جداً، حتى لو مكانوش عارفين إنهم عملوا ده حتى :‑)

ملخص مارس، أبريل، مايو ٢٠١٤.

2014-07-24T17:59:00.000+02:00

ونعود مرة أخرى لتدوينة سريعة جداً فيها ملخص لأهم الحاجات اللي حصلت. مارس، أبريل، مايو ٢٠١٤.

- حضور سيشن عن Hadoop (٢ مارس ٢٠١٤).

أول مرة أتعمق في هادوب بالشكل ده، والسيشن كانت ظريفة جداً، والمحاضر كمان.

- إتمام ترجمة سندات رخص المشاع الإبداعي للغة العربية (٣ مارس ٢٠١٤).

أخيراً اتممنا ترجمة سندات رخص المشاع الإبداع Creative Commons deeds، وبناء على ده اللغة العربية قفزت من المركز الـ ٤٢ تقريباً إلى لغة مترجمة بنسبة ١٠٠٪ (الظريف دلوقتي عشان اسم اللغة العربية بيبدأ بحرف A ف بقى على أول القايمة D: زي ما بتوضح الصورة).
ده كان إنجاز رائع، ومحتاجين نعمل مراجعات أكتر الفترة الجاية.

- كراش كورس Regex ـ (14 مارس ٢٠١٤).

عملت كراش كورس (كروس مصغر مكثف لمدة يوم واحد) عن ريجكس، لو متعرفش إيه هي ممكن تاخد معلومة سريعة عنها.
الريجكس كانت من الحاجات اللي استعملها بكثافة على مدار السنين اللي فاتت، وحبيت إني أعرف ناس أكتر عليها واستخدامتها.
دي كانت المواضيع اللي شرحتها.

Regular expressions, What? Why? How?
Basic regex.
Extended regex.
Character Classes.
Back References.
Greedy and Lazy regex.
Unicode.
Tips and Tricks.

- احتفالية Varnish 4.0 ـ (٢٩ أبريل ٢٠١٤).

كان يوم جميل وقضيت وقت لطيف وقابلت ناس ظريفة : )

- الفوز بمسابقة أفضل المواقع العربية (٤ مايو ٢٠١٤).

موقع كتب عربية حرة فاز بالمركز الأول في مسابقة أفضل المواقع العربية في مصر، قبل حتى إتمام عامه الأول :-)
تفاصيل أكتر على مدونة موقع كتب عربية حرة.

الصورة في المقال من حفل تسليم جوائز مسابقة المواقع العربية في AUC يوم 4 مايو 2014 وفاز موقع "كتب عربية حرة" بالمركز الأول في المسابقة.
المقال من جريدة الشروق عدد 19 مايو 2014 الصفحة رقم 11.

- المشاركة في ندوة اكتشف رُخَص المشاع الإبداعي في مكتبة الاسكندرية (٥ مايو ٢٠١٤).

يوم لطيف آخر :-)

- جولة تجارب مطاعم (٢٠ مايو ٢٠١٤).

آخر يوم قبل إكمال سنتي الـ ٢٥ ... كان يوم خزعبلي حقاً D:
مع صديقين جربنا مطاعم كتير في اسكندرية سواء أكل أو حلو، أكبر اكتشاف لينا اليوم ده كان محل اسمه "ألبان سويسرا" رهييييب! أي حد ينزل اسكندرية لازم يجربه D:

- اليوبيل الفضي، ٢٥ سنة على الأرض (٢١ مايو ٢٠١٤).

هنا كنت كملت ٢٥ سنة على كوكب الأرض :-)

- مطعم يمني لأول مرة. (٢٧ مايو ٢٠١٤).

مطعم لطيف في الدقي، بس بما إن مطاعم حضرموت منتشرة في مصر فالتجربة مكانتش مختلفة كتير.

- مطعم أسماك الحوراني (٨ يونيو ٢٠١٤).

محتاج أجرب المكان تاني عشان أقدر أحكم عليه، مش عارف إذا معجبنيش ولا بس اليوم ده اللي مكانش مظبوط.

ملخص ١٣\٢\٢٠١٤

2014-02-13T23:00:00.000+02:00

هممممم مكتبتش بقالي فترة، انهاردة رايق وأعتقد إنه فرصة كويسة للكتابة :-)

- لقاء لينكساوي جداً (17 ديسمبر 2013)
يوم كان مميز جداً، روحت فيه قفير لابز (وقبل ما حد يسألني هو إيه قفير لابز ده شوف الفيديو في الموقع بتاعهم)، قابلت عدد من الأصدقاء وقابلت ضياء رضوان لأول مرة، واللي كان واحد من الناس اللي عرفهم عن طريق الإنترنت فعلاً حابب إني أقابلهم على أرض الواقع.

التجمع كان لنقاش تقني عام ولإطلاق النسخة الجديدة Fedora 20 خصوصاً (ومش عارف مين اللي مفهم الناس إن توزيعات لينوكس ضد بعد D:)
وكان لابد من تذكار مميز ليوم مميز زي ده :-)

صورة جماعية للمشاركين، بالإضافة لفلاشة ريد هات ودبوس وستيكر فيدورا :-)

- إيفنت Mozilla Power '13 ـ (20 ديسمبر 2013)
يوم 20 و 21 ديسمبر 2013 كانوا يومين مميزين جداً، قامت فيه مجموعة Mozilla Egypt بعمل احتفالية عن موزيلا الرائعة من نشاطات وبرمجيات مميزة في الجامعة البريطانية في مدينة الرحاب/القاهرة.

اليوم الأول كان لكل الناس، اليوم التاني كان للمطورين بشكل خاص وفيه كلام عن تقنيات الويب ونظام Firefox OS الرائع.

كنت من ضمن المتحدثين في اليوم الأول، كان في فقرات عامة بيحضرها كل الناس في قاعة كبيرة، وبعد كدا مجموعات (ما بين 5 لـ 8) بتشتغل على التوازي، أنا كان ليا مجموعة بتتكلم عن البرمحيات الحرة وموزيلا كنموذج لها.

باقي الصور على فيس بوك.

كان يوم مميز جداً بالنسبة ليا، استمتعت وقابلت عدد كبير من الناس لأول مرة، بالرغم من إننا نعرف بعض على الإنترنت من فترة طويلة بعضهم تمتد لسنين! مثلاً زي البرنس الكبير مصعب اللي قعدنا نخطط 20 مرة إننا نتقابل وكل مرة منعرفش نظبط يوم مشترك D: وطبعاً الثلاثي البرنس زي ما بحب أسميهم D: ـ عمرو صبحي، عبد الله ضياء، ومحمد الشرنوبي.

خلصنا اليوم ورجعنا لوسط البلد وطبعاً ميتين من الجوع، قولنا نجرب مطعم جديد، ووقع الاختيار على "Pastaweesy" في المهندسين، المكان صغير وحميمي، وبيعمل مكرونات مميزة جداً ... أنا مش هتكلم كتير بس فعلاً لازم يتجرب!

- أكل ماليزي وشهادة عضوية أوبنتو .. رائع! (24 ديسمبر 2013)
كان يوم مزدوج، قررنا أنا وصديق العزيز محمود طاهر إننا نجرب مطعم ماليزي -وكان أول مرة نجرب أكل ماليزي في الحقيقة- كان في محل قريب مننا في الحي السابع في مدينة نصر اسمه Mutiara، موتيارا هو زيه زي كتير من محلات الأكل الشرق آسوية في المنطقة دي، غالباً بيكون نتيجة طلاب جايين يدرسوا في جامعة الأزهر وبيفتحو محل لمساعدتهم في المصاريف.

موتيارا أقرب لمطعم شعبي منه للمطاعم في المنطقة ده، لكن في الحقيقة أكله جميل وطعمه رائع! أكلنا شوربة تام يام وجمجوم وشوية حاجات تانية أنا مش فاكر اسمها لكن كانت لذيذة D:

في آخر اليوم لقيت حد بيتصل بيا من البيت وبيقولي إن في مغلف جاي ليا من انجلترا! قعدت أفتكر كدا شوية، وافتكرت إن في يوم 6\9\2013 طلبت شهادة عضوية أوبنتو اللي كنت أخدتها يوم 4\1\2013 (واللي اكتشفت دلوقتي إني نسيت أكتب عنها في المدونة!)

Ubuntu Official Ubuntu Membership means recognition of significant and sustained contribution to Ubuntu and the Ubuntu community.

عضوية أوبنتو الرسمية (Official Ubuntu Membership) هي عضوية بتمنح للأشخاص اللي ليهم نشاط أو مساهمات مميزة لأوبنتو وخصوصاً مجتمعياً وبيتم منحها بعد مقابلة على الإنترنت مع بعض أعضاء مجلس أوبنتو. وقدمت ليها السنة اللي فاتت وأخدتها :-)

ودي صور الطرد والشهادة ^_^

- تابلت 7 بوصة! (31 ديسمبر 2013)
في آخر ساعات في سنة 2013 قررت أنزل أشتري تابلت بعد عدة محاولات لشراء Nexus 7 2013 واللي كنت قررت شراؤه من أمريكا لإن سعره في مصر مبالغ فيه بشكل كبير! لكن كالعادة تأتي الرياح بما لا تشتهي السفن ... بعد ما كان من الممكن من كام شهر ألاقي 5 من أصدقائي برا البلد وراجعين قريب، اللي رايح أمريكا واللي رايح أوروبا واللي رايح الصين، مش لاقي ولا واحد جاي قريب D:

في النهاية بعد عدة مقارنات قررت شراء Lenovo IdeaTab A3000 واللي كان بيحقق أفضل إمكانيات في مقابل السعر.

الجهاز كدا بقاله أكتر من شهر معايا، جهاز كويس جداً في الأداء، عيبه الوحيد الإكسسوارات الخاصة بيه مش متوفرة في السوق!! طبعاً الحل استعمال إكسسوارات منتجات أخرى (أقرب جهاز ليه هو Samsung Galaxy Tab 2 7.0 P3100) بس هيبقى في مشاكل زي الكاميرا هتبقى متغطية وأشياء من هذا القبيل ... لدرجة إني كنت بفكر أطلب حاجاته من أمازون أنا وعدد من الأصدقاء!
عموماً، كنت عملت جزء عن بعض أفضل البرامج اللي جربتها على الأندرويد ... الشيطان بيعلب في عقلي دلوقتي إن على غرار كتاب "دليل البرمجيات الحرة مفتوحة المصدر لويندوز" أعمل كتاب تاني اسمه "دليل البرمجيات الحرة مفتوحة المصدر لأندرويد" D:

- ريجكس وسوشي! (8 يناير 2014)
يوم مزدوج آخر، عملت سيشن سريعة في الشغل عن Regex (كنت كتبت قبل كدا مقال بعناون "استخدام Regular Expression في تهيئة النصوص." مفيد جداً لأي حد حابب يبدأ يتعلم الريجكس.)، بعدها بليل قبلت بعض الأصدقاء اللينوكساويين في مطعم ياباني، وجربنا قدر مهول من السوشي D:

المطعم اسمه Tsunami Sushi في الزمالك بالقرب من مكتبة ديوان، يعتبر أول مرة أجرب سوشي بشكل فعلي وبالتنوع ده، وطبعاً كما أغلب مطاعم السوشي كمية الأكل قليلة والسعر كبير، بس كانت تجربة ممتازة والأكل كان ظريف جداً.

- البرنس ومقابلة صديق قديم جديد (14 يناير 2014)
لإن رضا البطن أهم من رضا الناس .. ولإنك لما بتطلع من عنده بتحس بسعادة غامرة بغض النظر عن تضاعف حجم معدتك مرتين أو تلاتة .. ولإن برنس ليه احترامه D:

كانت تجربة مطعم "البرنس" (اسمه كدا للي ميعرفهوش) المشهور في امبابة مع عصابة الشر السابقة من اللينكساويين D:
أعتقد إن أي واحد يعرف مطعم البرنس هيكون عارف إنه مش محتاج كلام كتير يعني D:

لكن المميز في اليوم ده بالإضافة لمقابلة الأصدقاء اللينكساويين والأكل في البرنس، إن قابلت إبراهيم محمود بدون أي تخطيط، وهو واحد من اللي عرفتهم لسنين على الإنترنت ونظراً لإنه ساكن في مدينة الأقصر فمكانية لقائنا كانت محدودة جداً، لكن كان مؤخراً كان في القاهرة وجه اللقاء اللينكساوي البرنسي ده D: وده كان شيء ممتاز جداً في الحقيقة، وعقبال المرة الجاية لما أقابله في الأقصر :-)

- في المنصورة (21 يناير 2014)
للتوثيق يعني، كنت في المنصورة اليوم ده بغض النظر كنت بعمل إيه :-)

- ٣ شهور على كتاب دليل البرمجيات الحرة مفتوحة المصدر (23 يناير 2014)
يوم 23 يكون عدى 3 شهور على الإصدار التالت من كتاب "دليل البرمجيات الحرة مفتوحة المصدر" واللي كان واحد من الحاجات اللي أنا سعيد إني عملتها :)

أكتر من 8000 تحميل مباشر، أكتر من 2000 شير الشبكات الاجتماعية المتنوعة زي فيس بوك، تويتر، جوجل بلس، يعني بواقع حوالي 22 شير في اليوم، وتقييم 4.44 من أصل 5 نقط على جودريدز ... والأهم إشادة من قطاعات واسعة من الناس سواء مختصين أو قرّاء عاديين :‑)

بجانب الأهداف الرئيسية للكتاب، في هدف مهم في كل الكتب اللي بعملها، إن البرمجيات الحرة مفتوحة المصدر قادرة تنافس في كل المجالات، العبرة ديماً بالشخص اللي بيستعملها أكتر من البرامج نفسها، برمجيات مميزة قادرة تطلع مواد مميزة :)

- لقاء على موقع أضف (12 فبراير 2014)
امبارح اتنشر حديث ليا على موقع أضف، نقدر سميه لقاء صوحفي صغير كدا D:

كل يوم، يختار المزيد والمزيد من الأشخاص الانتقال لاستخدام البرمجيّات الحرّة مفتوحة المصدر بدلًا من تقيدهم ببرمجيات مغلقة باهظة الثمن وخاضعة لشروط الشركات الكبرى التي تنتجها. وهناك من يذهبون أبعد من ذلك بأن يقوموا أنفسهم بنشر هذه البرمجيات الحرّة عبر الكتابة عنها وزيادة المحتوى المعرفي العربي حولها لتقديمها للجمهور العربي؛ حيث تتيح لهم حرية الاستخدام وحرية النسخ والتوزيع والاشتقاق والتعديل عليها بما يتناسب واحتياجاتهم أيًا كانت درجة التعقيد التي يحتاجونها من نفس البرامج والتطبيقات.

وضمن اهتمامنا في أضِف - مؤسسة التعبير الرقمي العربي بالبرمجيات الحرّة مفتوحة المصدر ومساهمتنا في نشرها وتطويرها، أجرينا هذا الحديث مع أحد الأشخاص المهتمين مثلنا بهذه القضية وهو أحمد محمد أبوزيد ليخبرنا عن تجربته في استخدام البرمجيات الحرّة ونشر المعرفة عنها من خلال المقالات والكتب التي صدرت له حولها.

باقي التفاصيل على اللينك: عن تجربة مستخدم وكاتب تقني واختياره للبرمجيات الحُرّة.

- المركز التالت في مسابقة التدوين التانية (13 فبراير 2014)
انهاردة تم الإعلان عن نتيجة مسابقة التدوين التانية اللي عملها الأخ عبد الله المهيري، والإنفوجرافيك اللي كنت مشارك بيه "تعرف على المشاع الإبداعي في 3 دقائق." فاز بالمركز التالت ^_^

شيء ممتاز، واﻷفضل إن جالي عدد من الرسايل وكلمني كذا شخص قالي إنه بعد ما شاف الإنفوجرافيك فهم فكرة كرييتف كومونز بشكل أحسن وعرف إيه الفرق بين الرخص المختلفة بشكل أفضل ... وده الغرض الرئيسي من الإنفوجرافيك، تبسيط وتوضيح بعض الأمور اللي ممكن تكون غامضة بعض الشيء :-)

كفاية كدا لحد هنا :-)

إنفوجرافيك - تعرف على المشاع الإبداعي في ٣ دقائق.

2014-02-06T21:55:00.003+02:00

على مدار معرفتي بالمشاع الإبداعي Creative Commons دائماً كانت هناك مشكلة في توضيح فكرته على المستوى العربي، وذلك بسبب قلة المواضيع التي تتحدث عنه فضلاً عن عدم وجود مرجع واحد بسيط يوضح الفكرة.

من المهم دائماً وجود مرجع مبسط، مختصر وصغير قدر المستطاع، ومنسق بشكل جيد يوضح فكرة ما لأي شخص لم يسمع بها من قبل، مثل موقع العديد من الأشياء التي عملت عليها من قبل لنفس الهدف، كتب عربية حرة، كتاب أوبنتو ببساطة، كتاب دليل البرمجيات الحرة مفتوحة المصدر، وغيرهم فقط تعطه هذا المرجع وأنت تعرف أنه بعد قراءته سيكون الأمر أوضح بكثير قبل أن يفعل، وأردت أن يكون هناك شيء مماثل عن المشاع الإبداعي.

من مدة وأنا أريد عمل شيء كهذا لكن كل مرة أنشغل ببعض الأمور، لكن مؤخراً مسابقة الأخ عبد الله المهيري حفزتني لإنهاء هذا العمل، وقد فكرت في أفضل طريقة لعمله، وجدت أن الإنفوجرافيك سيكون مثالي لهذا، فالجميع يحبون الإنفوجرافيك :-)

إنفوجرافيك للتعريف بما هو المشاع الإبداعي، توضيح رخص المشاع الإبداعي وبنودها، التوافق بين الرخص، البحث عن مواد مرخصة برخص المشاع الإبداعي وبعض الأشياء الأخرى.

هذا العمل حر، أُنتج باستخدام برنامج التصميم Inkscape وعدد آخر من البرمجيات الحرة مفتوحة المصدر (حتى الخطوط المستخدمة)، ومرخص برخصة المشاع الإبداعي النسبة - الترخيص بالمثل، الإصدار 4,0، وهو ضمن مسابقة التدوين الثانية.

يمكن مشاهدة الإنفوجرافيك كامل عن طريق الضغط على الصورة التالية، ومصدره متوفر بصيغة SVG، فهذا عمل حر ويمكنك التعديل عليه بما ينساسب احتياجاتك ;)

ونظراً لأني أفضل دائماً ملفات PDF حيث الحروف المصقولة والحجم الصغير (وفي الواقع الآن العديد من المتصفحات لديها عارض PDF مدمج) فقد قمت بعمل نسخة من الإنفوجرافيك بصيغة PDF وقد جربته على أكثر من شاشة خصوصاً الشاشات الصغيرة (تابلت ٧ بوصة فما فوق) وكان يعمل بشكل ممتاز (~~عدا مشكلة صغيرة في تعامل بعض البرامج مع الشفافية سأقوم بضبطها لاحقاً~~ قمت بضبطه ويعمل الآن بشكل ممتاز مع جميع البرامج التي جربتها)، وكالعادة استعملت البرنامج الرائع PDF Chain في ضبطت الميتاداتا للملف، فكما أقول دائماً ملف PDF من غير ميتاداتا ليس الأفضل :-)

استمتعوا، ولا تنسوا مشاركة الإنفوجرافيك ليعرف أكبر قدر من الناس عن المشاع الإبداعي وأهميته :-)

ملخص ١١\١٢\٢٠١٣

2013-12-11T12:56:00.000+02:00

بقالي كتير مكتبتش، لكن ديماً التوثيق مهم، خليني أكتب بعض الحاجات اللي حصلت في التلات شهور اللي فاتو ... إنت عارف بقى ٣ شهور يعني بوست طويل، لو عندك حاجة روح اعملها وتعالا تاني :-)

- إطلاق موقع "كتب عربية حرة" (29 أغسطس 2013)
في الحقيقة فكرة الموقع نفسها مكانتش في بالي في أول السنة، ومكانش مخطط ليه إنه يتعمل السنة دي خالص، لكن لقيت إني لو كل حاجة هتسنى لحد ما أفضى ليها هتاخد وقت كتير وممكن متخلصش أساساً.

ربما يكون من أهم النظريات اللي تأكدت منها إن "اللي بيحاول يعمل كل حاجة بنفسه في الأغلب هيفشل"، عشان كدا الموقع ده مكانش هيبقى موجود غير بمساهمات أكتر من شخص فيه، المسألة مسألة توزيع أعمال وإدارة المهام بالشكل السليم، ابدأ وبعد كدا هتلاقي ناس تساعدك عشان لو دورت على الناس الأول ممكن متبدأش خالص!

هبة فريد قامت -ومازالت بتقوم في الحقيقة- بمجهود أكتر من رائع بخصوص تصميم وتطوير الموقع، كريم عبد المجيد بأسلوبه المميز في الكتابة والتلخيص، عبد الرحيم الفاخوري اللي للأسف مقدرش يشارك بسبب ظروف سفره لكنه على الأقل كان محفز لإطلاق الموقع.

موقع كتب عربية حرة الهدف منه تجميع الكتب الحرة في مكان واحد وتصنيفها وترتيبها والأهم تقديم الدعم لأي شخص حابب يكتب كتب حرة خصوصاً فيما يتعلق بمسألة إخارج المحتوى في شكل كتاب مميز.

الموقع حالياً فيه 29 كتاب بجودة عالية، لـ 26 مؤلف، حوالي 32 ألف زائر فريد، وأكتر من 95 ألف مشاهدة للموقع.

www.LibreBooks.org

- تنسيق كتاب "دليل Upverter" ـ (6 سبتمبر 2013)

كان أول الحاجات اللي موقع كتب عربية حرة ساهم فيها بشكل مباشر، هو كتاب "دليل Upverter للطامحين في بدء مشاريع عتادية" اللي قام بترجمته الشباب في مجموعة "العتاد مفتوح المصدر والتصنيع الشخصي"، الكتاب يعتبر فريد من نوعه ومحتواه قيم جداً، ومع إنتشار منصات التمويل المصغر والـ crowdfunding زي Kickstarter و Indiegogo أي حد دلوقتي ممكن يبدأ ينفذ المشروع اللي بيحلم بيه أو حتى لمجرد الشغف والاستمتاع.

الكتاب يعتبر من أظرف الحاجات اللي قمت بتنسيقها واشتغلت عليها، وفيه خلاصة كذا سنة من الشغل باستخدام البرمجيات الحرة مفتوحة المصدر حصراً.

- بروفايل على LinkedIn ـ (23 سبتمبر 2013)
في الحقيقة مكنتش مهتم أوي إن يكون لينا بروفايل على لنكدإن، بس مؤخراً قررت أعمله، وطلع الموضوع يستحق يعني D:
بغض النظر عن الرسايل الجاهزة اللي بتتبعت على أساس البيانات اللي كاتبها في البروفايل D: (أعتقد يعني أي واحد سيستم أدمين أكيد وصلتله الرسالة بتاعت أمازون اللي عاوزين سيستم أدمنز في أمازون في جنوب أفريقيا). جالي عرضين شغل من ناس حقيقيين من خلال لينكد إن :)
يلا مش هيخسر D:

www.Linkedin.com/in/AAbouzaid

- وفاة جدتي (24 سبتمبر 2013)
في الحقيقة أنا عندي مشكلة في مسألة الموت، خصوصاً موت الأم -أم والدي-، بقعد كتير عشان أقدر أستوعب إن حد مات فعلاً، زي ما تكون حالة إنكار، مش عارف، مش عاوز أتكلم في الموضوع، لكنه شعور غريب جداً إنك تشيل نعش حد بتربطك بيه علاقة دم، شعور بيخترقك من قمة رأسك لأطرافك.

لكن سبحان الله، ربنا بييسر لكل في حياته وفي مماته بطرق مختلفة. جدتي عاشت طول عمرها على رجلها وتوفت على رجلها، يادوبك تعبت شوية في آخر كام يوم ليها عشان كل الناس تروحلها وتزورها وتسلم عليها قبل ما تقابل ربها حتى الناس اللي مشافوهاش بقالهم كتير. متعبتش كتير ومتعبتش حد معاها. الناس بتيجي الدنيا وسط أهلها وتمشي من الدنيا وسط أهلها وفي النهاية كل واحد بيتحاسب لوحده :) اللهم استرها تحت الأرض كما سترتها فوقها. ربنا يرحمها ويغفرلها ويدخلها جنته ... ادعولها ... بس أهم حاجة بصدق :)

- المشاركة في يوم عن أوبنتو في بيت الرصيف (28 سبتمبر 2013)
في مجموعة أوبنتو مصر قمنا بعمل يوم عن أوبنتو والبرمجيات الحرة مفتوحة المصدر في بيت الرصيف في المعادي، بيت الرصيف هو عبارة عن فيلا قديمة مكانتش مستغلة، وقرر بعض الشباب التواصل مع المسئولين عنها للاستفادة منها كمان ثقافي يقدروا يساهمو في إفادة وتنمية الشباب.

اليوم كان عبارة عن الآتي:

البرمجيات الحرة ومفتوحة المصدر Free/Libre and Open Source Software.
مقدمة لأوبونتو Introduction to Ubuntu.
تصميم الرسوميات بإستخدام البرامج الحرة ومفتوحة المصدر Graphics design using Free/Libre and Open Source Software.
التطوير على أوبونتو Development on Ubuntu.
مناقشة مفتوحة Open discussion.

تحميل العرض التقديمي

أنا أخدت الفقرة بتاعت التصميم باستخدام البرمجيات الحرة مفتوحة المصدر، السيشن مكانتش بتاعتي في الأساس، لكن نظراً لإن صاحبها (الصديق محمد رفعت) كان في الجيش ومعرفش ينزل أجازة في اليوم ده فأنا ألقيتها بدل منه، وكانت لطيفة يعني.

- إطلاق الإصدار التالت من كتاب "دليل البرمجيات الحرة مفتوحة المصدر" (24 أكتوبر 2013)

بعد ما يقرب من أربع سنين (النسخة اللي فاتت كانت في شهر 11 سنة 2009) الكتاب حقق نجاح وانتشار ممتاز وعجب قدر كبير جداً من الناس سواء لمحواه أو إخراجه الفني.
أنا فعلاً سعيد بالكتاب ده لإنه بردو فيه خلاصة كذا سنة من استخدام البرمجيات الحرة مفتوح المصدر، لإن ديماً بدون البدايات الصغيرة مش بتيجي النهايات الكبيرة.

الكتاب موجه بشكل أساسي للناس اللي بتستعمل ويندوز ومش عارفين لسبب أو آخر يغيروا للينوكس ... بالإضافة لإنها تعتبر خطوة إنتقالية لإن أغلب البرامج بتشتغل على أكتر من نظام تشغيل ... أكتر من 180 برنامج حر مفتوح المصدر لويندوز بيغطوا كل المجالات تقريباً. مفيش عذر للسريال أو كراك أو برامج متقلبة. الميزة في النسخة دي من الكتاب بجانب الاهتمام بالإخراج بتاعه إنه مش بس عملي زي النسخة اللي فاتت (قايمة برامج وبس) إنما كمان بيقدم جانب نظري مهم وبيوضح يعني إيه برمجيات حرة مفتوحة المصدر، وإيه أهميتها لينا على المستوى العربي وكل ده بأسلوب بسيط وسلس بدون الدخول في تفاصيل كتيرة. استمتعوا ومتنسوش تعملوا شير وتعرفوا كل الناس : )

حمل الكتاب دلوقتي واستمتع باستخدام البرمجيات الحرة مفتوحة المصدر!

www.FreeOpenSourceGuide.com

- زيارة شرم الشيخ لأول مرة (26 أكتوبر 2013)
للأسف الشديد أجزاء كتير من مصر المصريين نفسهم مش قادريين يروحوها! سواء بسبب بعدها أو المستوى الاقتصادي أو حتى الأمني! كذا مرة روحت البحر الأحمر بس دي كانت أول مرة أروح فيها شرم الشيخ في أقصى جنوب سيناء، هناك البحر الأحمر والشعب المرجانية والأسماك الملونة كما تذكر في الكتب :-)

كتبت سابقاً:

مع إني فعلياً كل مرة بعدي على سينا بتعكنن عشان بفتكر الهبل اللي بيحصل في البلد دي وطريقة تعامل الدولة مع سينا والسيناوية. بس بصراحة كانت تجربة جديدة وجميلة إن الواحد يروح لأقصى جنوب سيناء ... شرم الشيخ.

فعلياً هي أول تجارب كتير أول مرة أروح شرم الشيخ، أركب مركب وانزل في نص البحر، أجرب الـ snorkeling وأشوف الشعب المرجانية والأسماك الملونة عن قرب.

لأ وعرفت إني ممكن أعوم في نص البحر ومفيش تحتي أي أرض DD: لإن فعلياً مكنتش جربت ده.
وكمان شيء كويس عشان عرفت إني معنديش دوار بحر D: (وحتى الناس اللي عندها مشاكل في دوا بيتاخد قبل ركوب المركب)

وطبعاً كانت فرصة مناسبة لعمل جميع الحركات اللوبية والبهلوانية والقفز من ارتفاع (فوق المركب) بدون الخوف من الاصطدام بأي حاجة D:

الطريق طويل فحت بس كان شيء ظريف بردو إن الواحد يشوف بعض الكائنات الحية الجديدة والتكوينات الصخرية المتنوعة.
كانت رحلة جميلة مع مجموعة ظريفة، وعدد من التجارب الجديدة المميزة تضاف للذاكرة :‑)

كانت تجربة رائعة مع مجموعة أشخاص رائعين.

- كورس Inkscape مكثف لمدة يومين (6,7 نوفمبر 2013)
من الحاجات الل أسعدتني جداً إن البرمجيات الحرة مفتوحة المصدر مبقتش مجرد نظرية أو حتى تطبيق على مستوى شبكة الإنترنت، إنما كمان نزلت على أرض الواقع! الشباب في قفير Qafeer عملوا كورس مكثف رائع عن برنامج الفيكتور إنكسكيب، الكورس مش شرح للبرنامج إنما شرح الاستخدامات العملية ليه والمفاهيم الأساسية في التصميم.

كنت كتبت سابقاً عن الكورس والتجربة الرائعة دي:

طيب في الحقيقة خليني أعترف الكروس ده مش رائع خالص!! .... ده رائع جداً! جامد فحت! خلال الـ 12 شهر اللي فاتوا عدد الحاجات القادرة على إبهاري بقت في تضاؤل مستمر ... مش عشان بتبقى حاجات وحشة إنما عشان متوقعة. المرة دي فعلاً التجربة كانت مميزة جداً وغير متوقعة ... استمتعت جداً أخدت بالي من تفاصيل صغيرة في حجمها لكن بتفرق كتير فعلاً. كورس مكثف لمدة يومين، مش مجرد كورس نظري بيشرح البرنامج، إنما بيشرح مفاهيم أساسية وأساليب مستخدمة فعلياً في الويب أو الطباعة والتصميم بشكل عام (وعجبتني جداً طريقة الربط دي بالمناسبة). متشوق جداً للجزء التاني بتاع بكرة ^_^

وكان في نهاية اليوم التاني مطلوب عمل شعار لشركة ما (أي شركة تخيلية يعني)، وأنا اختارت شركة عن الطاقة البديلة، ودي كانت النتيجة.

- محاضرة في كلية الهندسة جامعة المنصورة (30 نوفمبر 2013)
ضمن نشاط الفريق الرائع CAT Reloaded في جامعة القاهرة، اتعمل هاكثون فيه فقرات متنوعة، ومن ضمنها فقرة عن البرمجيات الحرة مفتوحة المصدر، إيه هي وأهميتها بالنسبة لينا.

كتبت سابقاً:

ممكن تكون الفترة اللي فاتت سمعت كتير عن الأوبن سورس والبرمجيات الحرة، وشوفت كتير من الشركات والمؤسسات بدأت تستعملهم أكتر من أي وقت عدى.

هنعرف ليه البرمجيات الحرة مفتوحة المصدر مش بس حاجة رائعة بل كمان مهمة لينا على المستوى العربي، وإنها مش بتفيد المبرمجين بس إنما نفعها بيعود على كل مستخدمي التكنولوجيا.

معادنا بكره مع سيشن "Why Open source".
جهزوا نفسكم ومتنسوش إن "Open source, open world" ;‑)

تحميل العرض التقديمي

كنت عيان شوية يومها بس الأداء كان مقبول يعني، بس كله كوم وسواقين المنصورة دول كوم تاني! الموقف الوحيد في البلد اللي شوفت فيه سواقين بتحمل على بعض! كذا مايكروباص وكذا عربية بتحمل في نفس الوقت، وكلهم مش مكتملين وكلهم مستنين! مش قادر أفهم إيه ده لحد دلوقتي (دي مش أول مرة بالأسلوب ده!) يعني نزلت بدري وفي نفس الوقت وصلت متأخر لإني قعدت في الموقف بتاع ساعة وشوية بدون أي معنى!!

على العموم كان يوم لطيف، واتعرفت على عدد من الشخصيات الجميلة في المنصورة خصوصاً الأشخاص اللي معرفهمش غير على الإنترنت وقابلتهم لأول مرة هناك.

- أكل هندي لأول مرة (4 ديسمبر 2013)
على غرار شهر أكتوبر 2012 لما أجربت الأكل الصيني لأول مرة، خليني أوثق كمان المرة دي، اللي فيها جربت أكل هندي لأول مرة، مطعم اسمه نواب (Nawab) في الزمالك، الأكل كان لذيذ والمكان ظريف، أعتقد إني هجرب أروح تاني، بس أتمنى المرة الجاية ألاقي الأكل مشطشط عن كدا ده هندي يعني رمز التوابل والأكل الحريف D:

الصورة ليحيى.

أنا مش فاكر أسماء الأكلات بس لو شوفتها تاني هعرفها يعني، المرة الجاية تايلاندي بقى إن شاء الله D:
يوم رائع آخر مع مجموع أصدقاء رائعين :-)

- محاضرة في كلية الهندسة مودرن أكاديمي (10 ديسمبر 2013)
امبارح كان يوم لطيف آخر، روحت هندسة مودرن أكاديمي في المعادي، اليوم تنظيم MIG وكان عن أوبنتو مع تعريف بالبرمجيات الحرة مفتوحة المصدر وأهميتهم. اليوم كان لطيف والتنظيم والحضور جميل.

تحميل العرض التقديمي

أعتقد إن الإيفنت ده وبتاع المنصورة -واللي زيه عموماً- بيثبت ديماً إن الطلاب قادرين على عمل اللي الخريجين مش بيقدروا يعملوه :-)

----------

لحد كدا أعتقد دي كانت أهم الحاجات، لسه فاضل حوالي 19 يوم في سنة 2013، محدش عارف إيه تاني ممكن يحصل :-)

نسيت أقول إن هناك حدث رائع في القاهرة يوم 20 و 21 ديسمبر ... عن إيه؟ عن موزيلا الرائعة طبعاً المؤسسة القائمة على متصفح الإنترنت الرائع فايرفوكس ^_^

اللي مسجلش يلحق يسجل بسرعة لإن التسجيل محدود بوقت! (أعتقد هيخلص بعد بكره)

Mozilla Power '13

السعادة وما بعدها!

2013-09-10T11:43:00.001+02:00

يمكن من أكتر الحاجات المثيرة للسخرية على الإطلاق اللي قابلتها خلال حياتي القصيرة على الأرض ... إن تلاقي إتنين بيحسدوا بعض (حسد بالمعنى الجيد) على نفس الحاجة!

يعني كل واحد من الطرفين بيعتقد إن الشخص التاني عنده ميزة -نفس الميزة!- لو كانت معاه حياته كانت هتتغير كتير للأفضل وكدا يعني.

ساعتها بس بتعرف إن المشكلة في الانسان مش أي حاجة تاني ... وعلى الأغلب هتعيش سعيد بقية عمرك لما تدرك ده :‑)

تحليل لوج الويب سرفر باستخدام Piwik

2013-08-20T17:13:00.000+02:00

بستعمل Piwik من فترة كبيرة ومكنتش أعرف إن فيه الموضوع ده، كنت ديماً بستعمل AWStats فيما يتعلق بالـ log analytics. من على موقعهم: Server Log Analytics with Piwik

كنت كتبت سابقاً عن بيويك: إطلاق Piwik 1.8 - وادي التقنية.

البحث مضني.

2013-08-11T16:04:00.000+02:00

البحث مضني ... لكن فيه الخلاص!

لقد كبرنا.

2013-06-17T06:49:00.000+02:00

لقد كبرنا يا أمي ... لقد كبرنا وأصبح لدينا incomplete projects
:‑)

#plans #projects #life

عن قضية النوبة والمجموعات العرقية في مصر - الجزء الأول.

2013-06-03T14:23:00.006+02:00

الخميس اللي فات (٣٠\٥\٢٠١٣) حضرت حفل إحياء ذكرى الفنان المصري النوبي "حمزة علاء الدين" في بيت السناري بحي السيدة زينب في القاهرة، الحفل كان رائع وحضره عدد ممتاز من الناس والشخصيات المشاركة في الحفل، اليوم كان جميل فعلاً وعجبني جداً المجهود المبذول من بيت السناري وهو يعتبر مركز ثقافي تحت اشراف مكتبة الاسكندرية، وكمان المساهمين في تنظيم الحفل زي مجموعة فرسان النوبة "Nubian Knights" وكل الناس اللي شاركت في تنظيم الحفل سواء من المؤسسات أو الأفراد.

الشيء المؤسف في الموضوع إن شخصية زي حمزة علاء الدين مش معروفة لأغلب المصريين (وأنا شخصياً مكنتش أعرفه غير في بداية السنة دي ٢٠١٣!) بالرغم من إنه يعتبر من الشخصيات العالمية وليه صيت ذائع بداية من أوروبا، لأمريكا وحتى لليابان! حمزة علاء الدين استطاع مزج بين العود الشرقي والفن النوبي اللي كان بيعتمد بشكل أساسي على آلتين فقط وهما الدف وطنبورة! ده غير موهبته الرائعة عشان كدا قدر يحقق نجاح كبير جداً في الغرب.

في الحقيقة المسألة مش متعلق بحمزة علاء الدين بس، المسألة متعلقة بقضية أكبر من كدا بكتير، أغلب الناس في مصر متعرفش حاجة عن النوبة والنوبيين، مش عارفين مشاكلهم ولا إيه اللي اتعرضوا ليه على مدار أكتر من قرن! يمكن أقصى ما يعرفه أغلي المصريين عن النوبيين إنهم أشخاص ذو بشرة سمراء عايشين في جنوب مصر وإن لغتهم (اللغة النوبية) استخدمت كشفرة في حرب أكتوبر ١٩٧٣ واللي كانت فكرة عبقرية بحق ... ويعني المثقف شوية تلاقيه عارف بعض المعلومات العامة عن فنونهم وعاداتهم وتقاليدهم وشكراً على كدا.

الشيء اللافت إن النوبيين أو ذوي البشرة السمراء عموماً في مصر محبوبين وديماً يرمز ليهم بالطيبة والأخلاق الحميدة، لكن للأسف ده مش مفيد للقضية النوبية ومش مستغل من ناحية النوبيين نفسهم! أتذكر إني قريت عن النوبة وأنا في عمر صغير (إعدادي تقريباً) من باب المعلومات العامة ولحبي للجنوبيين، وقريت عنها في لما كنت في الكلية كذا مؤلف من مؤلفات "معهد البحوث والدراسات الأفريقية" الموجود في جامعة القاهرة، والعديد من مؤلفات أساتذة ودكاترة كلية الآداب (قسمي التاريخ والجغرافيا غالباً) في جامعة القاهرة بخصوص المسائل المتعلقة بأفريقيا والدول الأفريقية.

في أغلب الأحيان الأحاديث المتداولة حول النوبة بتكون بتدور حول المشاكل القائمة هناك ومشاكل النوبيين بشكل عام، ويظهر من وقت للتاني كلام عن إنهم بيدعوا للانفصال عن مصر والتلميح إلى إنهم مش مصريين ومش عارف إيه كدا، وفي الأغلب الأعم إن أصلا محدش بيجيب سيرتهم ولا كأنهم موجودين أصلاً أو كأنهم معندهمش أي مشاكل والحياة جميلة معاهم!

قبل استكمال الكلام عن الموضوع ده، خليني بس أشير إلى نقطتين مؤسفتين جداً في نظري، الأولى إن شيء مؤسف جداً عدم معرفة كتير من الشعب المصري بمشاكل فئات المجتمع المصري وعلى وجه الخصوص الشباب اللي المفروض إنه يعتبر اللبنة الأساسية للمثقفين، النقطة التانية يكون ارتباط المطالبة بالحقوق بمدى شعبية فئة ما، يعني على سبيل المثال الناس اللي بتعرف مشاكل النوبيين بيكون عندهم تعاطف أكبر بكتير من لما يعرفوا مشاكل مجموعات تانية زي الأمازيغ في الواحات غرب مصر، أو البدو في سيناء وغيرهم، لإن زي ما قولت سابقاً النوبيين محبوبين لإنهم ذو طابع مسالم وأخلاق طيبة وكمان عشان اندمجوا في جموع المصريين (ويمكن ده يكون من أهم الأسباب)، على عكس مثلاً البدو في سيناء المعروف عنهم شراسة طبعهم ودمهم الحامي! (وبعيداً يعني عن نظرية أهل الوديان وأهل الصحارى والكلام اللي أنا مش مقتنع بيه ده).

طيب نرجع تاني لموضوع النوبة والنوبيين، إيه المشكلة بقى؟ المشكلة إن كان في قيود كتيرة قبل الثورة بخصوص مسألة النوبة والتوعية بيها، لكن مش منطقي يتم التعامل مع الأمر (وعن طريق النوبيين نفسهم!) بنفس الأسلوب القديم! المشكلة إن مفيش توعية كافية بخصوص مشاكل النوبة والنوبيين، مفيش تقدير للتضحيات اللي قدمها النوبيين لكل فرد في مصر! (بالرغم إنهم مش محتاجين لتقديم أي تضحيات للحصول على حقوقهم!) مفيش معرفة أو تقدير إن النوبيين ببساطة هما مصريين دفعوا التمن المباشر لأمن مصر المائي، بيوتهم غرقت، أراضيهم غرقت، قراهم وتراثهم الممتد لآلاف السنين غمرته مياه النيل بسبب خزان أسوان والسد العالي.

في الحقيقة مش دي المشكلة تماماً، المشكلة الحقيقية في رأيي إن مفيش حد أصلاً بيساعد في تحقيق الوعي ده! ولا الحصول على المساندة المجتمعية! حتى النوبيين نفسهم!

أنا عارف تماماً إن مصر حالياً مش في أفضل حالاتها، وعندنا مشاكل وتحديات كتير بتأثر على كل المصريين بما فيهم النوبيين سواء مشاكل اقتصادية أو إدارية أو سياسية، لكن ديماً النقطة الأولى في حل أي مشكلة هي الاعتراف بيها وتحديد العناصر الأساسية لحلها حتى لو مفيش إمكانية إنها تتحل لحظياً، خليني أكتب بعض النقاط عن المسألة دي من وجهة شخص قاهري أو من سكان العاصمة! خلينا نكمل الموضوع في جزء التاني :-)

بعض من الشهرة!

2013-06-01T19:36:00.001+02:00

توثيقاً لحدث مميز حصل معايا مؤخراً كنت كتبت عنه في الفيس بوك الأسبوع اللي فات :-)

ﻷ معلش أنا مش متعود على كدا D:
أنا بقيت مشهور وكدا بقى يا جدعان ههههههههههههههههه D:

وأنا في المواصلات شاب كان قاعد جنبي في الميكروباص بيقولي أنا حاسس إني شوفتك قبل كدا، ف ضحكت وقولته أنا حاسس إني شوفت نفسي كتير قبل كدا برده D:
فبيقولي لأ بجد شكلك مألوف، فديماً أول كلمة بقولها للي بيقولي السؤال ده، ساكن في الهرم؟ قالي ﻷ!
قعدنا تكلم شوية ف بيقولي شغال فين ومش عارف إيه، فبقوله شغال لينوكس تكنيكال سبورت، ولسه بكمل الاسطوانة بتاعت كل مرة حد يسألني إنت شغال إيه عشان أفهمه أنا شغال إيه أصلاً ... طلع عارف لينوكس D:

ف بيقولي وعلى كدا شغال أوبنتو ولا فيدورا؟ ف بقوله ما شاء الله وكمان عارف أوبنتو وفيدورا؟ ده شيء عظيم جداً D:
قالي إنه حاول يجرب مع فيدورا من كام سنة بس رجع لويندوز تاني، لحد من سنة لقى كتاب اسمه "أوبنتو ببساطة" هو اللي خلاه يقدر يحول ولينوكس بقى النظام الأساسي بتاعه!

في اللحظة دي قلبي كان هيقف xD
بس مرضتش أقوله إن أنا اللي مألف الكتاب وقعدت اتكلم معاه شوية، قعد يفخم لي في الكتاب ويقولي ده كتاب ملهوش حل وتصميمه حلو وأسلوبه بسيطة وشوية كلام كله أحلى من بعضه D:
اتكلمنا شوية عن لينوكس والبرامج اللي بيستعملها وإيه اللي ناقصه أو يتمنى يكون فيه ... وفي الآخر قولتله أنا بقى أحمد أبوزيد اللي عامل الكتاب ده DDDDD:

الراجل بصلي جامد كدا ... وعين ما تشوف إلا النور هههههههههه DDDDD:
قعد يتكلم بانفعال وحماسة ... أيوة أنا حاسس إني شوفتك قبل كدا، دا كتاب جامدة وملهوش حل وكلام كتير زي اللي قاله من شوية بس بكل حماسة عنده D:
يا ابني اسكت بلاش فضايح إحنا في مواصلات عامة ههههههههه

اتكلمنا شوية عن الكتاب وإن إن شاء الله في نسخة جديدة في الطريق وشوية كلام كتير كدا لحد ما نزلت المحطة بتاعتي : )

--------------

حاسس إني عندي طاقة انشكاحية تكفيني لمدة ٣ شهور قدام D:

بالرغم من إن الموقف ده حصل معايا كذا مرة بس في أماكن تجمع ناس مهتمة بالكمبيوتر أصلاً (مؤتمر، ندوة، محاضرة ... إلخ) بس دي أول مرة تحصل معايا في مكان عام كدا من واحد لا يعرفني ولا أعرفه D:

موهاهاهاااا تجربة جديدة لطيفة أستهل بيها سنتي الجديدة D:

معضلات السنة الـ ٢٤!

2013-05-28T20:15:00.002+02:00

اممممم، كل سنة وعلى مر السنين، بحاول اطور نفسي أكتر، أصقل مهاراتي وأنمي مميزاتي وأتخلص من عيوبي أو على الأقل أحطها في حدها الأدنى. الحمد لله قدرت أعمل ده خصوصاً في الكام سنة اللي فاتوا، وأنا راضي بنسبة كبيرة عن أدائي العام، لكن مع كل سنة بعيشها على الأرض بتنشأ -أو بتظهر- مشكلات جديدة يجب التعامل معها!

المشكلات أنواع، يعني بعضها بيكون مشكلات جديدة تماماً والبعض الآخر كان مستتر ليس إلا، بعضها بيكون مسألة وقت ليس أكثر وبعضها لازم له العمل على حل جذري ليه لإنها ببساطة مش هتختفي من تلقاء نفسها، وبرده في مشكلات قصيرة المدى ومشكلات طويلة المدى!

بغض النظر عن كل التصنيفات دي أهم شيء في الموضوع زي ما بيقولوا تحديد المشكلة والاعتراف بيها، لإن ببساطة لو الشخص مش معترفش بالمشكلة أو ملاحظهاش عمره ما هيعرف يحلها لإنها في نظره مش موجودة أصلا!

في قعدة مع النفس كدا، لقيت إن في سنتي الأخيرة في حوالي ٤ مشاكل أساسيين عليا التعامل معاهم في أسرع وقت بشكل جذري!

- تحويل المميزات لفوائد!
على مر السنين، كل فترة حد يقولي إنت شخص مميز، ويسرد لي عدد من المميزات، الغريب إن أغلب الناس بتقول نفس الكلام وبالفعل حاجات واقعية وأنا بعمل على تطويرها ويذكرلي أمثله عليها! يعني مش مجرد كلام عام اللي يتقال لأي يحد ويمشي!

أيوة إيه المشكلة بقى؟ المشكلة إني مش حاسس إني بحصل على مقابل للمميزات دي! أو في كلمات أخرى اني مش قادر أحول المميزات دي لحاجة تفيدني بشكل مباشر! للأسف مش متذكر غير مرات قليلة قدرت أحصل على فايدة مباشرة من المميزات دي! ماشي أنا عارف إن طبيعي في مميزات طويلة المدى وبتظهر نتائجها بعد فترة بس مش الطبيعي إن كل المميزات تكون طويلة المدى!

كفاية لحد كدا أبقى عامل زي الدكتور اللي بيعالج كل الناس ومش قادر يعالج نفسه! من الآن فصاعداً أي حاجة مش بتفيدني بشكل مباشر ف هي مش ميزة! ممكن نسميها أي حاجة تانية لكنها بالنسبة ليا مش ميزة عليا إني أهتم بيها!
وزي ما قال الدكتور مصطفى محمود: «مشكلتك ليست سنواتك التي ضاعت، ولكن سنواتك القادمة التي ستضيع حتماً إذا ما واجهت الدنيا بنفس العقلية». وفعلياً ده اللي كان حاصل لسنين طويلة، أنا ديماً بحاول اصلح وأعدل، لكن أعتقد جه الوقت لهدم بعض الأجزاء تماماً بغض النظر عن حجمها!

- الحدود الأبوية!
في الفترة اللي فاتت دي اكتشفت بعض الأشياء في أهلي مكنتش أعرفها قبل كدا! مفيش شك إني أعتقد إن أهلي رائعين، ومش عشان هما أهلي ولا حاجة D: إنما فعلاً عشان هما تركيبة غريبة بتبعد عن التركيبة النمطية لكتير من الأهالي المصريين، وده بالتأكيد كان ليه فضل كبير عليا وفي تكويني الشخصي. قطعاً مفيش حد متوافق مع أهله على طول الخط، وبالرغم من إن أغلب نقاط اختلافي مع أهلي كانت في التفاصيل، لكن المرة دي يبدوا إن الموضوع أكبر من المعتاد!

كنت أعتقد إن أهلي قدمولنا قدر كويس من حرية الاختيار على مدار السنين السابقة، لكن يبدوا إن لما الواحد بيكبر بتبدأ حدوده تنفصل بشكل واضح عن حدود أهله، بس بيبقى بعض أجزاء الصراع بين الطرفين اللي كل طرف بيكون شايف أحقيته بيها! الأهل بيكونوا شايفين إن أصلاً دي منطقتهم والأبناء بيشوفوا إنهم منطقتهم، ومن هنا بتبدأ المشاكل، لحد في وقت من الأوقات طرف من الأطراف هيكتشف إنها مش بتاعته.
ويبدوا كدا إني هعاني من النقطة لفترة من الزمن لحد ما يقتنعوا بده، خصوصاً كوني الإبن الأكبر (ويادي النيلة على الابن الأكبر اللي بيتجرب فيه كل حاجة ده -_-) يعني هما فعلياً مش مستوعبين المبدأ من قبل كدا!

المشكلة الحقيقية في المعارك الخاسرة اللي حصلت واللي هتحصل الفترة الجاية، معارك الجميع فيها بيخسر وأنا أول المتضررين! لكن للأسف لابد منها عشان الأمور تستقيم لاحقاً.

- التأخر خطوة دائماً!
يمكن على عكس باقي المشاكل، أنا فعلاً مش عارف تماماً هعمل إيه في الموضوع ده، شعور سخيف جداً إني ديماً حاسس إني ديماً متأخر خطوة! مهما عملت ومهما بذلت من مجهود ف أنا ديماً متأخر خطوة! حتى مع بعض النجاحات اللي حققتها ولله الحمد، والخطط اللي عملتها وقدرت انفذها، مازال عندي الشعور ده!

أنا فاهم برده إن في ناس خطوتها أطول من ناس، بس الموضوع مش كدا تماماً، إحساس إن الواحد كل ما يروح لجزيرة يلاقي حد أخدها قبله، وإنه عاوز يعمل حاجة يلاقي حد أخد مكانه! متأكد إني ممكن أبذل مجهود أكتر بس إذا مكنتش في تناسب مع المجهود اللي ببذله حالياً فهل هيكون في أي فكرة؟! ديماً الشخص المناسب في الوقت غير المناسب!

فعلاً مش متأكد من الحل، ومش متأكد حتى إذا كان ده حقيقي تماماً! لكن اللي متأكد منه إني لو حاولت أتعامل مع الموضوع بنفس الأساليب القديمة فمش هوصل لنتيجة جديدة!

- المزيد من مفترق الطرق!
بالرغم من إني فعلاً اتحسنت كتير في التعامل مع مفترق الطرق والخيارات المتعددة خصوصاً المصيرية منها في السنتين اللي فاتوا دول، لكن ديماً الوقوف على مفترق الطرق شيء مزعج، وأنا عارف إني هقابل المزيد منه السنة دي، وهحاول يكون أدائي أفضل، عن طريق حسم بعض الأمور اللي من شأنها تؤدي إلى التعامل بشكل أفضل مع الأمور اللي زي دي :)

على أي حال أتمنى إني أأدي بشكل أفضل السنة دي على جميع المستويات،و إن شاء الله هيكون في تغييرات جذرية لإني اكتفيت، ممكن نقول إنه حان وقت الإصدار التاني من أحمد أبوزيد، ومع ذلك أنا مش متضايق من الإصدار القديم، كان كويس جداً لكن كل ما في الأمر إنه مبقاش مناسب للفترة الحالية مش أكتر :-)

السنة الرابعة بعد العشرين!

2013-05-25T22:41:00.001+02:00

إيييييه، دنيا : )
يوم التلات اللي فات ٢١\٥\٢٠١٣ أكون أكملت ٢٤ سنة على هذه الأرض :-)
في الحقيقة المرة دي ممكن تكون مميزة أكتر من أي مرة تانية، في المجمل كانت سنة رائعة، بحلوها ومرها. حصل فيها حاجات كتير جداً، حاجات مكنتش أفكر حتى إنها ممكن تحصل. عملت حاجات كتير جديدة السنة دي، تجارب جديدة تماماً، حاجات مفكرتش فيها يوماً.

الشيء المميز بقى في يوم ميلادي الـ ٢٤، إني لأول مرة مكونش بذاكر، ولا عندي امتحانات، وخلصت جيش، والحمد لله كمان شغال، إحساس ظريف جداً فعلأً :-)

في الواقع شهر خمسة ده ديماً يا إما كنت بذاكر أو بمتحن أو بحضّر للامتحانات! بقالي ٢٤ سنة عايش على الأرض وأول مرة أجرب شهر خمسة بالطريقة دي وكأني أول مرة أعرفه! الناس اللي يوم ميلادها بيكون ديماً في فترة امتحانات وعلى الأخص امتحانات آخر السنة ديماً مظلومين D: الشهر ده طلع جميل فعلاً :-)

من الحاجات الظريفة بقى، إن عدد الناس اللي بقى عندها فكرة متأصلة إني جامد وذكي وموهوب بقى ومش عارف إيه كدا بقوا أكثر، وهما مش عارفين الحقيقة المرة، وإن أنا ضعيف في حاجات كتير جداً، كل ما في الأمر إني بحاول مراراً وتكراراً عشان أعمل شيء ما أو أوصل لنتيجة معينة، بتوقف عن التذمر والكلام اللي لا بيقدم ولا بيأخر وبكون أرخم من المشاكل، مش أكتر ولا أقل.

امممممممم خليني أكتب بعض النقط الرئيسية اللي طلعت بيها في السنة دي.

الجميع يحصل على فرصة، الجميع!
في ناس كدا مش بتقدر تعمل الحاجة صح من أول مرة، لكن في الواقع الوقت اللازم عشان الواحد يعمل الحاجة صح من أول مرة أكبر بكتير من إنه يحاول مرة واتنين وتلاته حتى لو كانت التجارب دي مش مثالية تماماً.
محدش بيكسب غير لما يتعلم ميخافش من الخسارة! ... اللي بيخافوا يخسروا عمرهم ما بيكسبوا!
الغيرة والحقد والكراهية ليهم طاقة رهيبة، طاقة أكبر من أي حاجة تانية، لكنها طاقة سوداء بتاكل من الروح، بس مفيش مانع من استعمالهم لفترة صغيرة في شيء مفيد!
كنت فاكر إن الواحد وهو صغير بيرتكب أخطاء كبيرة والأمر بتعكس لما يكبر، لكن اكتشفت إن كل من الإنسان بيكبر بيرتكب أخطأء أكبر! ممكن أقل لكن هي قطعاً أكبر!
أسوء حاجة في الدنيا إن نظرياتك تستخدم ضدك! الأسوء خفوت شغفك الداخلي لبعض الحاجات والأشخاص، الشغف ده كان ممكن يتحول لشيء مميز فعلاً.
أهبل وسعيد، بدل مش أهبل وتعيس :-)
يبدوا إن السعادة مش مرتبطة أبداً بالحظ :-)
لما توقفت عن البحث والانتظار بقيت أفضل بكتير.
اكتشفت إن في حاجات كتير أنا مش هقدر أفهمها في الدنيا دي.
حاول متغلطتش نفس الغلطة مرتين، وده مش بالسهولة اللي الجميع متوقعها يعني :)
معرفش ليه الشعور ده بس مازلت حاسس إني ديماً متأخر خطوة! مهما عملت ومهما بذلت من مجهود ف أنا ديماً متأخر خطوة!
محدش عاوز الحقيقة والصراحة، الجرعة الخالصة منهم ديماً صعبة، عاملين بالظبط زي الكوي بالنار ممكن يكون حل ممتاز بشكل طبي بحت لكنه مؤلم جداً للمريض، فديماً لازم يكون ممزوج بحاجة تانية تقلل من أثره الموجع.
وتبقى الحكمة القائلة "لو عاوز متغلطش متعملش حاجة!" هي من أعظم الحكم على الإطلاق، لو خايف تغلط يبقى متعملش حاجة أحسنلك! :-)
في النهاية ديماً علينا فعل ما يجب فعله :)

من أظرف الحاجات اللي تعرضت ليها السنة دي، لما كتبت بعض الملاحظات عن محاضرة حضرتها في بيت السناري، الملاحظات كتبتها على الفيس بوك وكتبت فيها الإيجابيات والسلبيات اللي لقيتها، لكن يبدوا إن الشخص اللي ألقى المحاضرة أخد الموضوع بشكل شخصي بدل ما يحاول يحسن النقط المذكورة ويتلافي العيوب، دخل يبرر بأي كلام، وفي الآخر يقولي أنا مش كمل نقاش (يقصد جدال؟) عشان إنت كاتب الكلام ده بدافع الغيرة!
ههههههههاااا هههههههييي غيرة؟ أنا لما بغير من حد مش بتكلم! أنا بروح أعمل حاجة أحسن من اللي هو عملها عشر مرات على الأقل! لكن الأمر وما فيه إني ديما بكتب ملاحظاتي للناس عشان يحسنوا من نفسهم يحسنوا من أداؤهم، وبكون سعيد جداً لما أتلقى أي ملاحظات بغض النظر مين بيقولها ولا بيقولها ليه!
المشكلة إنه شاب كبير مش صغير عشان يفكر بالطريقة دي ولا يقول الكلام الأهبل ده! بس تقريباً الناس كل ما بتكبر كل ما بتاخدها الجلالة أكتر!

ومازلت كل ما أفتكر الموضوع ده أموت على نفسي من الضحك، بس من ناحية تانية ده يخليني أفتكر ديماً إن مش معنى إني أكبر في السن إن مش هيكون عندي أخطاء والمفروض أتلافاها :-)

أأمل إني السنة دي أخوض تجارب أكبر ومتنوعة أكتر، ويمكن كمان متطرفة D:
أعتقد كفاية لحد كدا بالنسبة لسنتي الـ ٢٤ :-)

فريق كاتيوس للغواصات الآلية.

2013-02-24T18:57:00.000+02:00

بقالي كتير مكتبتش! مش دي المشكلة على أد إني عاوز أكتب عن بعض الموضوعات (وللأسف أنا المرة دي اتأخرت أكتر من اللازم).

المهم،
في نوفمبر من السنة اللي فاتت (٢٠١٢)، أحد الأصدقاء على تويتر عملي منشن بخصوص فريق طلابي من جامعة المنصورة بيحضروا عرض Proposal لرعاية فريقهم.

وكالعادة، نفس القصة المتكررة كل مرة عندنا في مصر، عقول رائعة ونشاط مميز لكن ديماً عنق الزجاجة في الموارد! يعني تلاقي مكونات المشاريع الفرق من الدول التانية حوالي عشر أضعاف (وأكتر كمان) من سعر المكونات اللي الفرق المصرية بتستعملها!

في الحقيقة أنا شخصياً مش من أنصار فكرة إننا عندنا في مصر عقول قوية ومش عارف إيه بس المشكلة ديماً في الموارد! الذكاء مش إنك تعمل إنجاز كبير وكل الظروف معاك، الذكاء إنك تقدر تعمل إنجاز وكل الظروف ضدك! إنك تقدر تحقق حاجة والظروف كلها مش مناسبة مش العكس.

فريق كاتيوس (Caetus يعني سمكة قرش باللغة اللاتينية)، عبارة عن مجموعة من طلاب/خريجي هندسة المنصورة كونوا فريق للغواصات الآلية المتحكم فيها عن بعد (ROV - Remotely Operated Vehicle) وحققوا المركز الأول في مسابقة الغواصات الآلية في مصر سنة ٢٠١٢، وبالتالي تأهلوا لمسابقة الغواصات الآلية على مستوى العالم وحققوا المركز الـ ١٦.

هما حالياً بيحضروا لخوض مسابقة سنة ٢٠١٣ في مصر، وللوصول لمركز أفضل على مستوى العالم، وده مش هيتحقق إلا من خلال تمويل مناسب بحيث يقدروا ينافسوا الفرق من الدول التانية.

كنت عملت تصميم البروبوزال (وكالعادة ببرمجيات حرة مفتوحة المصدر، أوبنتو، ليبر أوفيس، إنكسكيب، جيمب)، العرض عبارة عن ٩ صفحات فيهم كل المعلومات عن الفريق، زي أعضاء الفريق، أهدافهم، إنجازاتهم، والمقالات والأخبار المكتوبة عنهم في الإعلام.

لتحميل ومشاهدة الملف: Caetus Team Proposal For ROV 2013 - PDF.

الشيء الجميل إني سمعت مؤخراً إنهم تواصلوا مع عدد من الرعاة :-)
إذا كنت تعرف حد مهتم أو ممكن يكون راعي للفريق متترددش في التواصل مع الفريق بالخصوص ده (البيانات في البروبوزال).

أتمنى ليهم كل خير ويحققوا مركز متقدم في المسابقات القادمة : )

تذكار من الجزائر - عملة نقدية

2013-01-07T05:00:00.001+02:00

زي ما بقول ديماً الفيس بوك الشبكات الاجتماعية المركزية ملهاش أمان، وبفضل ديماً الاحتفاظ بنسخة تانية في مكان تاني، وإني ديماً بحب أوثق اللي بعمله على المدونة.

الحفل كان يوم ١٤\١٢\٢٠١٢ ... كان يوم مميز واستمتعت بيه جداً :-)

-----------

لإني مقتنع تماماً إن الحبر الخفيف أكثر ثباتاً من الذاكرة القوية، فأنا ديماً من وقت للتاني بحب آخد تذكار بخصوص أي مناسبة بالذات إذا كانت مناسبة فريدة :-)

وبما إني بشكل عام مهتم بالمواد التراثية وثقافات الشعوب، طلبت من عبد الحق فارح وهو جاي من الجزائر عشان يحضر حفل ختام ملتقى المشاع الإبداعي، طلبت منه أي عملة نقدية جزائرية كتذكار : )

وبما إنه نسي يجيبها يوم الحفل وتاني يوم الطيارة كانت الساعة ٨ الصبح، سابها مع شخص مغربي من ضمن الحاضرين للمهرجان، اللي بدوره سلمها لصديق فلسطيني، واللي بدوري قابلته امبارح وأخدتها منه :-)

حصلت على عملة جزائرية فئة ٢٠٠ دينار ... بغض النظر عن إنها صغيرة نوعاً ما بالنسبة للفلوس اللي في مصر (تعادل ٢.٥ دولار يعني حوالي ١٥ جنيه مصري طبقاً لسرع الصرف مؤخراً) بس ظريفة، وعجتني جداً الزخارف اللي فيها ^_^

شكراً يا عبد الحق على التذكار الرائع ^_^

خمسة أسباب تجعل "المصادر الحرة مفتوحة المصدر" أولوية لنا.

2012-12-29T05:51:00.000+02:00

لغرض الأرشفة والنشر على الويب، لقيت إن الأفضل إني أنشر النص بتاعه وعدم الاكتفاء بالصورة من المجلة، ده نص مقالي المنشور في مجلة لغة العصر الصادرة عن مؤسسة الأهرام، عدد أكتوبر ٢٠١٢ صفحة ٤٤.

خمسة أسباب تجعل «المصادر الحرة مفتوحة المصدر» أولوية لنا على المستوى الوطني والعربي.

ربما قد تكون سمعت مؤخراً بمصطلح "برمجيات حرة" أو "مصدر مفتوح"، الشركة الفلانية تدعم البرمجيات الحرة مفتوحة المصدر، أو البلد الفلاني بدأ في اعتمادها في مؤسساته، والكثير من الزخم حول البرمجيات الحرة والمصدر المفتوح، وربما تود أن تعرف أنت أيضاً لماذا كل هذا الاحتفاء؟ ولماذا البرمجيات الحرة والمصادر المفتوحة ليست رائعة فحسب بل هي أولوية بالنسبة لنا على المستوى العربي؟

في البداية ما هي البرمجيات الحرة مفتوحة المصدر؟ ببساطة شديدة تعريف البرمجيات الحرة (Free Software) والمصادر المفتوحة (Open Sources) وفقاً لموسوعة ويكيبيديا هو: «البرمجيات الحرة برمجيات حاسوبية يمكن استخدامها ودراستها وتعديلها لأي غرض دون قيود، وكذلك نسخها وتداولها مُعدّلة أو غير مُعدّلة بلا قيود. أو بقيود تضمن أن متلقيها ستكون لهم الحقوق ذاتها. البرمجياتُ الحرةُ عموما مجانية، إلا أن بعضها قد يكون بمقابل.»

قد تكون لاحظت أنه هناك مصطلحين، الأول Free Software والآخر Open Source، حدث ذلك بسبب مشكلة في اللغة الإنجليزية حيث كلمة free تعني "مجاني" وتعني أيضاً "حر"، فظهرت حركة تدعى مبادرة المصدر المفتوح Open Source Initiative وجاءت هذه المبادرة بالدعوة لاستخدام مصطلح Open Source عوضا عن Free لأن الكثير من الأشخاص يختلط عليهم الأمر وخصوصاً قطاع الأعمال.

في الوقت الحالي قد يكون المصطلحان وجهان لعملة واحدة (ولذلك غالباً ما يرمز لهما اختصاراً بـ FOSS أي Free/Open Source Software) وبالطبع في لغتنا العربية الرائعة لا نعاني من أي مشاكل في المعاني والمترادفات فالحر حر والمجاني مجاني، وحتى في اللغة الانجليزية بتوضيح بسيط يمكن إزالة هذا الالتباس بقول "Free as in freedom".

في الواقع، قد تكون تستعمل برمجيات حرة مفتوحة المصدر دون أن تدري بذلك! هل تستعمل متصفح الإنترنت الشهير فَيرفُكس Firefox؟ مشغل الوسائط الرائع VLC؟ عميل التورنت السريع Azureus؟ وأخيراً عميل البريد القوي ثاندر بيرد Thunderbird؟

نكتفي بهذه المعلومات البسيطة دون الدخول في التفاصيل، من ذلك نستنتج أن هذه البرمجيات تتيح حريات أكثر من البرمجيات الاحتكارية الأخرى، وهذه الحريات نتج عنها العديد من المميزات الرائعة والتي تفيدنا كثيراً على المستوى العربي لجب الفجوة الرقمية بيننا (كدول نامية) وبين الدول المتقدمة. نتعرف الآن على بعض هذه المميزات التي تجعل البرمجيات الحرة مفتوحة المصدر مميزة حقاً، ونكتفي حالياً بخمس مميزات أساسية كالتالي:

الحرية.
الحرية هي الميزة الجوهرية والرئيسية للبرمجيات الحرة مفتوحة المصدر، هذه الميزة تعتبر المزية الأم حيث تنبثق منها كل المزايا الأخرى بشكل أو بآخر، الحرية التي تتيحها البرمجيات الحرة مفتوحة المصدر تجعلنا قادرين ليس فقط على قراءة الأكواد البرمجية بل أيضاً دراستها وتعديلاها بالشكل الذي يلائم كل بيئة، هذه الميزة هي التي تطلق العنان للإبداع البشري للوصول لمداه الأقصى دون أي قيود، هي التي تجعل حياتنا أفضل.

الأمان.
تمتاز البرمجيات الحرة مفتوحة المصدر بدرجة عالية جداً من الأمان ويمكن لأي جهة أن تقوم بمراجعة أمنية لأكواد أي برنامج مفتوح المصدر وهذا غير متوفر في البرمجيات المغلقة المصدر الاحتكارية، وهذا مفيد بحق في حالة اعتماد أحد البرمجيات في المؤسسات الحكومية والرسمية الحساسة.

الجودة.
هناك حكمة تقول "عقلان أفضل من واحد" فما بالك بآلاف العقول المبدعة من كل أنحاء العالم؟ بسبب توفر المصدر البرمجي للجميع يقوم المئات من الأشخاص سواء المبرمجين أو المستخدمين العاديين بقراءة ومراجعة وتجربة الأكواد البرمجية وإفادة المطورين بأي ملاحظات مما يزيد من جودة هذه البرمجيات بشكل ملحوظ عن غيرها، وهذا ينعكس أيضاً على سرعة تطورها حيث تتطور بشكل أسرع كثيراً من غيرها.

التكلفة.
بسبب اعتماد البرمجيات الحرة مفتوحة المصدر على نموذج أعمال مختلف عن أغلب البرمجيات الموجودة حالياً فإن تكلفتها تكون منخفضة جداً وتكاد تقترب من الصفر، وهذا يمنحها ميزة اقتصادية هائلة بالمقارنة بغيرها من البرمجيات، وهناك العديد من الدول والمؤسسات التي استطاعت خفض نفقاتها والتخلص من ملايين الدولارات باستخدامها البرمجيات الحرة مفتوحة المصدر. هذا لا يعني أن البرمجيات الحرة غير قادرة على الربح، بل على العكس فبسبب مميزاتها والأساليب غير التقليدية في الربح فهي تحقق أرباح عالية، أحد أفضل الأمثلة لهذا هي شركة ريدهات حيث تخطت مؤخراً قيمة أسهمها في البورصة العديد من الشركات الكبرى!

المرونة.
البرمجيات الحرة مفتوحة المصدر ليست كغيرها من البرمجيات التي تأتي في قوالب جامدة غير قابلة للتشكيل يجب عليك التاقلم معها، بل على العكس هي أشبه بالصلصال تستطيع تشكيلها بالشكل الذي يلائمك ويلائم بيئتك لا العكس. من ناحية أخرى لكل بيئة متطلبات مختلفة لا يمكن استخدام نفس القالب مع كل منها فالبيئة التعليمية تختلف عن البيئة الإنتاجية تختلف عن البيئة الترفيهية، لهذا السبب تعتبر البرمجيات الحرة مفتوحة المصدر هي الأفضل من ناحية المرونة حيث يمكن تطويعها بالشكل الملائم لأي بيئة كانت.

الاستقلالية.
في البرمجيات الاحتكارية مغلقة المصدر أنت تكون مرتبط بمصدر واحد فقط لا غير وهي الشركة أو المؤسسة المطورة للبرنامج الذي تستعمله، أنت مضطر لانتظار الشركة لتطوير برنامجها وإصلاح أي علل قد تظهر فيه وهذا ما يعرف بـ Vendor Lock-in، على العكس في البرمجيات الحرة أنت فعلياً غير مرتبط بشركة واحدة تستطيع أي شركة تقديم دعم وحلول بأفضل الطرق التي تناسبك. هذا يفتح المجال أمام استقلال الدول والهيئات الرسمية للدولة، ودعم والاعتماد على الشركات المحلية عوضاً عن الاعتماد على شركات أجنبية وبالتالي صبح هناك نوع من التبعية التقنية.

ربما لاحظت أنني ذكرت ستة أسباب وليس خمسة، اعتبره هدية مجانية، حيث البرمجيات الحرة مفتوحة المصدر لها من المميزات ما يصعب حصره في مقال. لكن إليك سبب أخير؛ لماذا يجب أن نكون في المؤخرة دائماً؟ إذا كانت كل دول العالم سواء الدول المتقدمة أو الدول الناهضة أو حتى الدول النامية بدأت تلتفت إلى البرمجيات الحرة مفتوحة المصدر وتستفيد منها بأفضل طريقة سواء على المستوى العام أو الخاص، هل يجب علينا التأخر أكثر من ذلك؟ اترك لك الاجابة على هذا السؤال.

إذا أثارت هذه البرمجيات الرائعة حقاً فضولك، ابدأ بالبحث والتعرف أكثر على مميزاتها وابدأ بتفكير جدياً في التخلص من برامجك القديمة واستعمال برمجيات تزيد من قدراتك الانتاجية والابداعية، فالأشخاص الأكثر قدرة على التغيير هم الأكثر نجاحاً.

-----

لاحقاً، كتبت كتاب دليل البرامج الحرة مفتوحة المصدر، وهو يستعرض أشهر البرامج الحرة مفتوحة المصدر Free Open Source Software التي تعمل على نظام ميكروسوفت ويندوز وذلك للتسهيل على المستخدمين الراغبين في استعمال البرمجيات الحرة مفتوحة المصدر دون تكبد العناء وتوفير الكثير من الوقت والمجهود.

يوفر الكتاب مصدراً متكاملاً لكل من يود البدء في استخدام البرمجيات الحرة مفتوحة المصدر على نظام ويندوز، ويتكون من ستة فصول ويحتوي على أكثر من 190 برنامج حر مفتوح المصدر تغطي الاحتياجات المختلفة للمستخدمين.

ملخص ٢٥\١٢\٢٠١٢

2012-12-25T21:32:00.001+02:00

طيب طيب، أنا بقالي كتير مكتبتش، وعاوز أكتب عن كام حاجة كدا، عن أهم اللي تم في الفترة اللي فاتت (بدون ترتيب) كان كالتالي:

- كتاب تعرف على البرمجيات الحرة.

قمت بتنسيق كتاب صغير (٦٩ صفحة) بعنوان "تعرف على البرمجيات الحرة"، كتبه الصديق "فهد السعيدي" عن البرمجيات الحرة من حيث تعريف بيها وبعض الملعومات المفيدة عنها وتجربة بعض الدول في استخدام البرمجيات الحرة زي ماليزيا، البرازيل، ألمانيا.
المميز في الكتيب ده إن أسلوبه سهل وبسيط ومش بيدخل في أي تفاصيل معقدة ... الكتاب مميز لدرجة إنه عميل أكتر من ١٠٠٠ تحميل خلال كام يوم من إطلاقه، فعلاً أنا أنصح أي حد عاوز يعرف عن البرمجيات الحرة والمصادر المفتوحة إنه يقراه.

الكتاب تم إخراجه باستخدام البرمجيات الحرة حصراً، استخدمت فيه أوبنتو كنظام تشغيل، وليبر أوفيس كمحرر نصوص، وإنكسكيب وجمب كمحرري صور، وحتى الخطوط كانت حرة!

من ناحية تانية المميز في الكتاب ده إني اتعلمت فيه استخدام التعبيرات النمطية (Regular Expressions) وكيفية استخدامها في تهيئة النصوص، وفعلاً وفرت عليا وقت كبير جداً. وبرده اتعلمت شوية حاجات ممتازة في برنامج sed. وكتبت عنها مقال خفيف وطريقة الاستفادة منها: استخدام Regular Expression في تهيئة النصوص.

- إنفوجرافيك موزيلا في ٢٠١٢.

موزيلا من المؤسسات اللي بحبها جداً في عالم البرمجيات الحرة، لإن ليها فكر ممتاز جداً ونشاط رائع يخلي الواحد ينبهر بيها، موزيلا مش مجرد فايرفوكس وثاندربيرد والبرامج اللي بتعملها، موزيلا ليها نشاطات تانية كتيرة بتساهم بيها في جع الويب مكاناً أفضل للجميع.

كنت اكتشفت موزيلا بشكل أعمق لما عملت تحدي لتصميم مبتكر للتابز في ٢٠٠٩.
مؤخراً نشرت إنفوجرافيك لأهم إنجازاتها في سنة ٢٠١٢، فلقيتها فرصة كويسة عشان أكتب عن موزيلا تاني ... نشرت النسخة العربي واللي لاقت تفاعل كويس جداً على النت، موجودة هنا "إنفوجرافيك عربي: موزيلا في ٢٠١٢".

الظريف في الموضوع إني أعدت انتاج الإنفوجرافيك بالكامل على إنكسكيب، مفيش غير تلات صور بس هما اللي راستر، لقيت إني أسرع أعمله من أول وجديد على إنكسكيب من إني أراسل حد من موزيلا اللي مراسلتهم مش هتاخد وقت أصلا D:

- دراسة عربية عن البرمجيات الحرة.

من فترة أطول شوية، كنت برده قمت بتنسيق دراسة عن استخدام البرمجيات الحرة والمصادر المفتوحة، أهميتها، مزاياها، إيه الفوائد اللي هتعود علينا (الدول العربية)، المزايا التقنية، الاقتصادية، الأمنية، وحتى السياسية! الدراسة دي قامت بيها شركة "".

بصراحة، في رأيي الشخصي إذا كنا عاوزين نتحول لاستخدام البرمجيات الحرة والمصادر المفتوحة، يبقى لازم يكون عندنا شركات زي دي! شركات قادرة على إدارة عمليات الهجرة من الأنظمة والتكنولوجيا القديمة! مفيش أمل من الحكومات والدول، مفيش أمل من مؤسسات ماسكينها عواجيز بتفكير قديم معندهم نية (وعلى الأغلب ولا حتى القدرة) على الانفتاح والاستفادة من الفرص المتاحة، والتكنولوجيا المبتكرة!

كنت كتبت عن الدراسة هنا "دراسة عربية: الأبعاد الاستراتيجية للبرمجيات الحرة ومفتوحة المصدر"، والشيء المميز فعلاً فيها إنها موجهة لأشخاص معندهمش خلفية تقنية قوية، وده حال أغلب متخذي القرار في بلادنا! وطبعاً تم الإخراج ببرمجيات حرة تماماً :-)

- مقالي في مجلة لغة العصر.
في أكتوبر اللي فات، مجلة لغة العصر المصرية (وهي تعتبر أكبر المجلات التقنية انتشاراً على مستوى مصر والدول العربية) نشرت ليا مقال بعنوان "خمسة أسباب تجعل «المصادر الحرة مفتوحة المصدر» أولوية لنا على المستوى الوطني والعربي".

المقال وضحت فيه ليه البرمجيات الحرة والمصادر المفتوحة مهمة لينا على المستوى العربي!! وإيه مزاياها وإيه اللي ممكن تقدمه لينا. وهكتفي بالاقتباس ده:
«إليك سبب أخير؛ لماذا يجب أن نكون في المؤخرة دائماً؟ إذا كانت كل دول العالم سواء الدول المتقدمة أو الناهضة أو حتى النامية بدأت تلتفت إلى البرمجيات الحرة مفتوحة المصدر وتستفيد منها بأفضل طريقة سواء على المستوى العام أو الخاص ... هل يجب علينا التأخر أكثر من ذلك؟»

هنا نسخة نصية من المقال.

طبعاً مقدرش أنسى دينامو البرمجيات الحرة والمصادر المفتوحة في مصر، أنس عماد! وباقي الشباب الرائعين في الفريق المحلي لأوبنتو في مصر "أوبنتو إيجي" على اللي بيقدموه من وقتهم وجهدهم (وفلوسهم كمان D:) لدعم البرمجيات الحرة والمصادر المفتوحة في مصر والدول العربية!

كفاية لحد كدا وهبقى أكمل لاحقاً! :-)

استفتاء الدستور المصري.

2012-12-22T17:29:00.001+02:00

استفتيت من ساعة تقريباً الحمد لله :)

لا مع بعض الأسف!
دستور كويس بس نستحق دستور أفضل، المشكلة الحقيقة مش في كدا المشكلة فعلاً إن "كتير" (وحاططها ما بين علامتين اقتباس عشان ملاقيش حمار عمال ينهق في البوست) من المعترضين على الدستور مش قايلين ﻷ عشان الدستور وحش إنما لأسباب تانية (كارهين الاخوان، معترضين وخلاص، بيتكلموا عن نقط هبلة ... إلخ) فأنا مش ضامن تماماً إن المواد اللي فيها مشكلة هتتغير فعلاً! (وده نفس السبب السبب اللي خلاني مقولش نعم، على أساس إن الدستور ممكن يتعدل بعد كدا ويتحسن ... مفيش أي ضمان برده!!)

لكن في كل الأحوال كن لازم تطبيق مبدأ "طظ في الجميع" واختار اللي أنا مقتنع بيه فعلاً، ومخليش موضوع "الاستقرار" و "كفاية تضيع وقت" و "مؤسسات الدولة اللي بتقع" و "الخوف من المستقبل عموماً" وغيرهم يخلوني أميل لنعم مثلا!

-----------------

- عموما يعني كان عملية الاستفتاء كانت كويسة جداً، نفس مكان لجنة انتخابات الرئاسة.

- بس كان في المرة دي طابور أطول شوية، بس الكويس إنه كان بيمشي، الطابور بس كان تنظيمي لإن بمجرد دخولي المدرسة اللي فيها لجنتي الموضوع مأخدش غير خمس دقايق.

- المشكلة بتاعت كل مرة، لجنة ٢٧، ٢٨ و٢٩ تقريباً هي اللي عاملة الزحمة لإن فيها ناس كبيرة في السن كتير وبالتالي بياخدوا وقت كبير في العملية (وتقريبا ده كان السبب الرئيسي في الزحمة)، وده نفس اللي حصل في انتخابات الرئاسة اللي فاتت بالظبط، نفس اللجان ونفس المشكلة.

- التفاعل كان ظريف جداً وناس من فئات مجتمعية مختلفة وآراء وأسباب متنوعة لاختارهم في الاستفتاء.

- حتى الشباب السيس قرر يشارك أو حتى كان عاوز يشارك لما شاف اقبال الناس (الشباب السيس ترمز هنا إلى شباب ولاد ناس ومستواهم كويس لكن مش في دماغهم أي مشاكة إجابية أو سلبية فيما يخص أي حاجة ... مقضينها يعني)

- حتى الشباب المتكحرت شاركوا أو كانوا عاوزين يشاركوا لنفس السبب، كان في كام واحد واقفين وواحد منهم كان عاوز يروح يشارك بس واحد منهم بيقوله فيما معناه كبر دماغك (الشباب المتكحرت ترمز هنا إلى شباب مستواهم الاجتماعي أقل من المتوسط وبرده مقضينها)

- تفاعل سواقين الميكروباص ظريف ومتباين جداً D:

- شارع الهرم شبه ميت من الزحمة!! زحمة جداً لدرجة إني عشان أوصل لجنتي اللي هي بعدينا بتلات محطات تقريبا ومش بتاخد أكتر من ١٠ دقايق بالميكروباص في أسوء الأحوال، أخدت فوق النص ساعة وأنا رايح، وأكتر وأنا راجع! (الزحمة بتزيد أكتر كل ما الليل يليل).
بس عموماً ده شيء كويس مش وحش يعني، وشايف إن في تفاعل كويس من الناس ... نفسي بس أعرف نسبة المشاركة وصلت كام :‑)

الحمد لله :‑)