PGBWU

PGB Cricket!

2013-08-05T07:38:00.000+05:30

நம்மிடம் இருந்து பிறந்த சிறுபொறி, நேற்றைய தினத்தை பாண்டியன் கிராம வங்கியில் ஒரு பசுமையான நாளாக உருவாக்கியிருந்தது.

பாண்டியன் கிராம வங்கியில், ஒரு குதூகலமான, உற்சாகமான சூழலை உருவாக்குவதற்கு நாம் நிர்வாகத்திடம் சில யோசனைகள் சொன்னோம். அதில் ஒன்று, கிரிக்கெட் டீம்கள் ஆரம்பித்து, இங்கு பணிபுரிபவர்களை விளையாட வைப்பது. நமது சிந்தனையை உள்வாங்கிக்கொண்ட நிர்வாகம் சரியாக ஒரு வாரத்திற்குள் அதனை நடைமுறைப்படுத்தியிருக்கிறது.

கிரிக்கெட் விளையாட விரும்புகிறவர்கள் தங்கள் பெயரை பதியலாம் என அழைப்பு விடுக்கவும், ஏறத்தாழ 56 ஊழியர்களும், அலுவலர்களும் தங்கள் பெயர்களை பதிய, தலைமையலுவலகத்திற்கு வேகமும், ஆர்வமும் பற்றிக்கொண்டது

நிர்வாகம் உடனடியாக பணிகளைத் துவக்க, இதோ நேற்று திருநெல்வேலியில், பேட்டை இந்துக் கல்லூரியில், நான்கு டீம்கள் கலந்துகொண்ட இரண்டு 16/16 மேட்கள் நடந்து முடிந்திருக்கின்றன.

மைதானம் முழுவதும் காற்றோடும், இளம் வெயிலோடும் நம் தோழர்கள் நிறைந்திருந்தனர்.

2008க்குப் பிறகு இந்த வங்கியில் பணிக்குச் சேர்ந்த இளைஞர்களின் கொண்டாட்டம் இது. இவர்களின் துடிப்பு சீனியர்களையும் பற்றிக்கொண்டது.

நேற்றைய தினம், ’உலக நண்பர்கள் தினம்’. நட்பை கிரிக்கெட்டின் மூலம் பரிமாறிக்கொண்டார்கள்.

இதுபோன்ற நிகழ்வுகள் நெருக்கத்தையும், தோழமையையும் மேலும் வளர்ப்பதாகவே நாம் கருதுகிறோம்.

பங்கு கொண்ட அனைவரையும், பார்வையாளர்களையும் PGBEAவும், PGBOUவும் வாழ்த்துகின்றன. பாராட்டுகின்றன.

கிரிக்கெட் விளையாட்டின் சில காட்சிகள்:

PGB யில் தோழர்.முகர்ஜிக்கு அஞ்சலி!

2013-04-02T08:50:00.000+05:30

தலைமையலுவலகத்தின் முன்பாக தோழர்.முகர்ஜியின் மறைவையொட்டி ஒரு எளிய இரங்கல் கூட்டம் நம்மால் ஏற்பாடு செய்யப்பட்டது. ஏபரல் 1ம் தேதி மாலையில், வங்கியின் ஆண்டுக்கணக்கை ஆராய்கிற அந்த முக்கியமான நேரத்திலும் வங்கியின் சேர்மன் திரு.சேவியர் திலகராஜ் அவர்களும், பொதுமேலேளார்கள் திரு.ராமநாதன் மற்றும் ராமசுப்பு அவர்களும் இரங்கல் கூட்டத்தில் கலந்து கொண்டனர். நூற்றுக்கும் மேற்பட்ட நமது சங்கத்தின் தோழர்களோடு PGBOA, PGBWU, PGB SC/ST welfare Association மற்றும் BEFI, TNGEA விலிருந்தும் தோழர்கள் வந்து கலந்து கொண்டனர்.

PGBOU தலைவர் தோழர்.போஸ்பாண்டியன் இரங்கல் கூட்டத்தை தலைமை தாங்கி நடத்தி, தோழர்.முகர்ஜி ஆற்றிய பணிகளையும், அவரது தனித்தன்மையையும் நினைவு கூர்ந்தார். வங்கியின் சேர்மன், பொதுமேலாளர்கள், PAD SM தோழர்.சுரேஷ் குமார், PGBOA vice president தோழர்.மாணிக்க வாசகம், PGB SC/ST Welvare Association பொதுச்செயலாளர் தோழர்.ராஜேந்திர சோழன், PGBWU பொதுச்செயலாளர் தோழர்.பாலாஜி பாலகிருஷணன், AIRRBEA TN தலைவர் தோழர்.பிச்சைமுத்து ஆகியோர் தோழர்.முகர்ஜியை போற்றி தங்கள் அஞ்சலியை செலுத்தினர். PGBEA தலைவர் தோழர்.மாதவராஜ் நிறைவுரையாற்றினார். தலைமையலுவலகத்தின் வாயிலிலிருந்து, கலெக்டர் ஆபிஸ் வளாகத்தின் வாயில் வரை ஊர்வலமாக தோழர்கள் சென்றனர்.

“தோழர்.முகர்ஜி விட்டுச் சென்ற பணிகளை நிறைவேற்றுவோம். அவரது நினைவுகளை ஏந்தி பயணத்தைத் தொடருவோம்” என தோழர்.போஸ்பாண்டியன் அழுத்தமாகச் சொல்லிய வார்த்தைகளே
இனி நமது எதிர்காலம்.

ரெட் சல்யூட் காம்ரேட், திலிப் குமார் முகர்ஜி!

மகத்தான தலைவர்!

மலர் தூவி அஞ்சலி!

வந்திருந்த தோழர்கள்!

தலைமை தாங்கிய தோழர்.போஸ் பாண்டியன்

தோழர்கள்

PGB சேர்மன் திரு.சேவியர் திலகராஜ்

தோழர்கள்

பொதுமேலாளர் திரு.ராமநாதன்

பொதுமேலாளர் திரு.ராமசுப்பு

PAD SM தோழர்.சுரேஷ்குமார்

வங்கியின் உயரதிகாரிகள் தோழர்களோடு

PGBOA உதவித்தலைவர் தோழர்.மாணிக்க வாசகம்

PGB SC/ST Welfare Association பொதுச்செயலாளர் தோழர்.ராஜேந்திர சோழன்

தோழர்கள்

PGBWU பொதுச்செயலாளர் தோழர்.பாலாஜி

AIRRBEA TN த்லைவர் தோழர்.பிச்சைமுத்து

PGBEA தலைவர் தோழர்.மாதவராஜ்

தோழர்கள்

ஊர்வலம்

Red Salute to Com.D.K.Mukherjee!

PGB educational Awards 2012

2012-06-30T22:18:00.000+05:30

இன்று பாண்டியன் கிராம வங்கி தலைமையலுவலகத்தில், 2012 மற்றும் 2011ம் ஆண்டுகளில், பிளஸ் டூ தேர்வில் அதிக மதிப்பெண்கள் பெற்ற நமது ஊழியர்கள் மற்றும் அலுவலர்களின் குழந்தைகளுக்கு பாராட்டு விழா நடைபெற்றது. ஒரு நிறைவான, சந்தோஷமான குடும்பவிழாவாக அமைந்திருந்தது. நமது எதிர்காலமான குழந்தைகளின் வரவால், தலைமையலுவலகம் குதூகலம் கொண்டதாக காட்சியளித்தது.

வந்திருந்த அனைவரையும் தோழர் உமா (AIVD) அவர்கள் வரவேற்றார். இந்த விழாவின் சிறப்பு விருந்தினர், சமீபத்தில் நடந்த பத்தாம் வகுப்புத் தேர்வில் சாதனை (490 மார்க்குகள். ஆங்கிலத்தில் 100 மதிப்பெண்கள், திருநெல்வேலி மாவட்டத்தில் மூன்றாவது இடம்)படைத்திருந்த கணேஷ்வர். தொலைக்காட்சிகளில், குட்டிப் பேச்சாளராக பேர் பெற்றிருக்கும் இவர், இளம் விஞ்ஞானியாக இன்னொரு பரிணாமம் கொண்டு தேசீய அளவிலான அங்கீகாரமும் பெற்று வருகிறார். திசையன்விளை கிளையில் பணிபுரியும் நமது S.சுப்பிரமணியனின் மைந்தர் அவர். அவரை அறிமுகம் செய்து தோழர். சரஸ்வதி (Advances) அவர்கள் பேசினார்கள். தொடர்ந்து கணேஷ்வரை முன்வரிசைக்கு அழைத்து சேர்மன் அறிமுகம் செய்து வைத்து, அவரை உரையாற்றச் சொன்னார். மிக செறிவான ஆங்கிலத்தில் தனது அனுபவங்களை பகிர்ந்துகொண்டவிதம் பிரமிப்பூட்டியது. வந்திருந்த அனைவருக்கும் ஒருinspirationஆக அவர் இருந்தார்.

கணேஷ்வரையும், அதிக மதிப்பெண்கள் பெற்று வந்திருந்த குழந்தைகள் அனைவரையும் பாராட்டியும் வாழ்த்தியும் திரு.ஞானப்பிரகாசம் (RM, Tuticorin), தோழர்.மாதவராஜ் (President- PGBEA), திரு.அண்ணாமலை (SM, ARD), திரு.சங்கிலிப்பாண்டி (RM, Sivagangai)ஆகியோர் பேசினர்.

தோழர் மாதவராஜ் தனது பேச்சில், “இளஞர்கள்தாம் நம் நம்பிக்கை, அவர்களோடு இருக்கும் தருணங்கள் நமக்கும் புத்துணர்வைத் தருவதாக இருக்கிறது” என்றும், “இளைய தலைமுறை மீது நமக்கு அவநம்பிக்கைத் தேவையில்லை. அவர்கள் நம் தோள்களின் மீது நிற்பதால் நம்மைவிடவும் சிறப்பாக வருவார்கள்” என்றும் சொன்னார். “இந்தக் கல்வியைத் தாண்டியும் வாழ்வின் அற்புதங்களை புத்தகங்கள் நமக்குக் காட்டுகின்றன” என்று புகழ்பெற்ற அந்தோன் செகாவின் ‘பந்தயம்’ சிறுகதை பற்றி பேசினார். “அறிவினை விரிவு செய், அகண்டமாக்கு, விசாலப்பார்வயால் விழுங்கு மக்களை, மானிட சமுத்திரம் நானென்று கூவு” எனும் பாரதிதாசன் கவிதையைச் சொல்லி, அந்த மானுடசமுத்திரத்தின் புத்தம்புது அலைகளே இந்தக் குழந்தைகள் என வாழ்த்தினார்.

தொடர்ந்து, வந்திருந்த குழந்தைகள் தயக்கத்தோடு உரையாட ஆரம்பித்தனர். ஆனால் அவர்களது பேச்சில் வெளிப்படைத்தன்மை மிக இயல்பாக இருந்தது. தங்கள் பெற்றோர், ஆசிரியர்கள், நண்பர்களை அவர்கள் நன்றியோடு நினைவு கூர்ந்தனர். நமது வங்கியின் சேர்மன் மிகுந்த உற்சாகத்தோடு அவர்களோடு உரையாடியது சிறப்பான விஷயம். அடுத்து, குழந்தைகளின் பெற்றோர் பேச அழைக்கப்பட்டனர்.

குழந்தைகளுக்கு, Chairman, GM, RM மற்றும் தலைமையலுவலகத்தில் பணிபுரியும் SM கள் பரிசு வழங்கினர். இரண்டு பொதுமேலாளர்களும் வாழ்த்திப் பேசினர்.

வங்கியின் சேர்மன் திரு.சேவியர் செல்வராஜ் அவர்களின் உரை எளிமையானதாகவும், முக்கியமானதாகவும் இருந்தது. இதுபோன்ற விழாக்கள் அவசியம் என்றும், Regional office அளவில் நம் நம் வீட்டுக் குழந்தைகளின் cultural programmeகள் நடத்தப்படுவது ஆரோக்கியமானதாக இருக்கும் எனவும் தொடங்கினார். படித்துப் பட்டம் பெற்று, அவர்கள் PGBக்கு வேலைக்கு வரவேண்டும் என வேண்டுகோள் வைத்தார். Hardworkம், Honestyம் இருந்தால் நாம் நமது இலக்கை நிச்சயமாக அடையமுடியும் என நம்பிக்கையளித்தார்.

இறுதியாக, PAD, SM சுரேஷ், இந்த விழாவினை ஏற்பாடு செய்தது நமது தலைமையலுவலகத்தின் young blood என்பதைக் குறிப்பிட்டு அவர்களை பாராட்டினார். இனி இதுபோன்ற விழாக்கள் தொடர்ந்து இதுபோல் சிறப்பாக நடத்தப்படும் என தெரிவித்தார். வந்திருந்த அனைவருக்கும் நன்றி தெரிவித்தார்.

அனைவருக்கும் dinner ஏற்பாடு செய்யப்பட்டு இருந்தது. சந்தோஷமான விசாரிப்புகள், பரிமாற்றங்களோடு, தலைமையலுவலகத்தின் மொட்டை மாடி கலகலவென்று இருந்தது. சுகமான காற்று வீசிக்கொண்டு இருந்தது.

IOB MD visit to our Head Office

2011-08-25T22:26:00.000+05:30

ஸ்பான்ஸர் வங்கி ஐ.ஓ.பியின் MD 24.8.2011 அன்று நமது வங்கியின் தலைமையலுவலகத்திற்கு வந்து சென்றார்.

அவரது வருகையையொட்டி, 100% CBS, Mobile Banking வாகனத்தை கொடியசைத்து துவக்கி வைப்பது, NEFTவசதியை அறிமுகப்படுத்துதல் போன்ற முப்பெரும் விழாவை அறிவித்து பெரும் விமரிசையாக ஏற்பாடுகள் செய்திருந்தது நிர்வாகம்.

திரும்பிய பக்கமெல்லாம் ஐ.ஓ.பி MD திரு.நரேந்திராவின் டிஜிட்டல் உருவங்களாய் இருந்தன. சிவப்புக் கம்பளம் விரிக்கப்பட்ட தலைமையலுவலகம் நமக்கே புதிதாய் இருந்தது! அங்கங்கே நம் மக்கள் நின்று பேசிக்கொண்டும், விஷயங்களை பகிர்ந்துகொண்டும் நின்றிருந்தனர். ஒருவர், “இன்றைக்கு ஐ.ஓ.பி MD நமக்கு கம்ப்யூட்டர் இன்கிரிமெண்ட் announce பண்ணப் போறாராமே?” என ஆர்வத்துடன் கேட்டுக் கொண்டு இருந்தார்.

பாண்டு வாத்தியங்கள் முழங்க, சரவெடிகள் கொண்டாட, ஐ.ஓ.பி எம்.டி வரவேற்கப்பட்டார். Mobile Banking வாகனத்தில் ஏறி, உட்கார்ந்து, கலெக்டர் ஆபிஸ் வளாகத்தில் கொஞ்ச தூரம் சென்றார். பின் உள்ளே வந்து NEFT தொடங்கி வைத்தார். கம்ப்யூட்டர் திரையில் மத்தாப்புகள் மலர்ந்தன. பின் அவர் முன்னிலையில் MOU கையெழுத்திடப்பட்டது.

தொடர்ந்து மாடியில் கான்பரன்ஸ் ஹாலில் மீட்டிங் நடந்தது. நமது வங்கியின் சேர்மன் மிகுந்த உற்சாகத்தோடும் மன நிறைவோடும், இந்த சாதனைகளுக்குப் பொறுப்பான ஐ.ஓ.பி அதிகாரிகள், பி.எஸ்.என்.எல் அதிகாரிகளை பாராட்டினார். ஐ.ஓ.பி MD யின் வருகை, பாண்டியன் கிராம வங்கியின் வரலாற்றில் மிக முக்கியநாள் என்றும், அவரது முன்னிலையில் இக்காரியங்கள் சாத்தியமாகியிருப்பது பெருமையென்றும் குறிப்பிட்டார். தொடர்ந்து பேசிய ஐ.ஓ.பி எம்.டி, “பாண்டியன் கிராம் வங்கி மேலும் சாதனைகள் நிகழ்த்தும்” என்று வாழ்த்தியவர், “இந்தக் காரியங்கள், பாண்டின் கிராம வங்கியில் பணி புரிகிற அனைவராலும்தான் சாத்தியமானது” என்று மறக்காமல் குறிப்பிட்டார். பாண்டியன் கிராம வங்கி பொதுமேலாளர்கள் இருவரும் தொகுத்தும், நன்றி கூறியும் நிகழ்ச்சியில் பங்கு வகித்தனர்.

அந்தக் காட்சிகள்-

இது போன்ற விழாக்கள் மூலம், நமது வங்கியின் பேரையும், நடவடிக்கைகளையும் பொதுவெளியில் பிரபலப்படுத்துகிறோம் என்பதில் நமக்கு ஒன்றும் மாறுபட்ட கருத்து இல்லை. ஆனால், மார்ச் 2011 லேயே நமது வங்கி 100% CBS ஆனாலும், அதை ஐ.ஓ.பி MDயினால்தான் உறுதிசெய்யப்பட வேண்டும் என ஏறத்தாழ 5 மாதங்கள் காத்திருக்க வேண்டியதாயிற்று. இனி கம்ப்யூட்டர் இன்கிரிமெண்ட் கிடைக்க எத்தனை காலமோ?

சக தோழர்களையும், நம் மக்களையும் பார்த்ததில் சந்தோஷமிருப்பினும், இதுபோன்ற நிகழ்வுகளிலும், விழாக்களிலும் ஒரு வெற்றுப் புன்னகையோடுதான் நாம் நிற்க வேண்டியதிருக்கிறது!

விழா முடிந்து வெளியே வந்த போது எடுக்கப்பட்டது இந்தக் காட்சி!

Independence day at our Bank's Head Office

2011-08-15T11:08:00.000+05:30

நம் வங்கி ஆரம்பித்து இத்தனை வருடங்களுக்குப் பிறகு முதன்முறையாக, இந்த வருடம்தான் சுதந்திரதினம் கொண்டாடப்பட்டு இருக்கிறது. இது ஒரு ஆரோக்கியமான, நல்ல நடைமுறையாக நாம் பார்க்கிறோம்.

தியாகங்களாலும், துயரங்களினாலும் எழுப்பப்பட்ட இந்த தேசத்தின் நாள் இது. வருங்காலத்திற்கு சொல்ல வேண்டிய வரலாற்றின் தருணம் இது. இதனை நம் சிந்தையில் இருத்தவும், அனுபவங்களிலிருந்து நம்பிக்கையைப் பெறவும் இந்த நாளை நாம் கொண்டாடுகிறோம்.

வரலாறு என்பதை மக்கள் எப்போதும் மறந்து போகிறார்கள். அதனை மீண்டும் மீண்டும் நினைவு படுத்த வேண்டிய அவசியம் இருக்கிறது. அதுதான் சுதந்திரதினத்தின் முக்கியச் செய்தியாக எப்போதும் இருக்கிறது.

இனி சுதந்திரதினம் நம் தலைமையலுவலகத்தில்.....