Natxo de Felipek proiektu berria aurkeztu du gaur Bilboko Arriaga Antzokian: NDF & Kuarteto Philiperenea / ABANDONATUAK. Proiektuaren barruan bi kontzertu eskainiko ditu urriaren 4an eta 5ean, Arriaga Antzokian. 2015ean Oskorrik agur esan zion 45 urteko ibilbideari, ehunka kantu atzean utzita. Taldeak 38 disko eta 500 abesti baino gehiago argitaratu zituen, baina grabazio eta maketa prozesuetan hainbat kanta argitaratu gabe geratu ziren. Horietako batzuk berreskuratzeko asmoa iragarri zuen orduan de Felipek, eta, hamar urte geroago, hitza betetzera itzuli da. Proiektuaren jatorria iazko Donostiako Musika Hamabostaldian dago. Arantzazun Alos Quartet taldearekin zenbait kantu interpretatu ondoren, Patrick Alfayak 2026ko kontzertu bat bere gain hartzeko erronka bota zion. Hasieran ezezkoa eman bazuen ere, Xabier de Felipe semearen bultzadak proiektua aurrera eramatera animatu zuen.

Deskargatu hemen.

Atzo Kafe Antzokian egindako agerraldian, helduen euskalduntze-alfabetatze sektoreko ordezkaritza zabal batek ikasturte berriko matrikulazio-kanpainaren atarian sektorearen estrategikotasuna nabarmendu eta herritarrei euskara eskura dezaten dei egin zieten. Kontseiluaren eskutik egindako agerraldian hitz egin zuten Aize Otaño AEK-ko Nazio Kontseiluko kideak eta Laida Begiristain Maizpideko ordezkariak. Halaber, sektoreko elkarteetako ordezkariak ere izan ziren bertan, besteak beste, Batuz elkarteko Ana Garmendia eta Bilboko Elkarlan euskaltegietako Isa Isazelaia.

Euskaltegien sektoreak eta Kontseiluak, 2022an doakotasunaren aldeko proposamena egin zutela gogoratu zuten, “Euskara ezagutzeko beharra helduengan sustatzeko proposamena” izeneko dokumentuan. Geroztik eta, aurtengo maiatzera arte, hainbat proposamen jarri ditu Kontseiluak mahai gainean, alderdi politikoei eta instituzioei arduraz jokatzeko eskatu eta elkarrizketarako eta lankidetzarako borondatea agertu zuten, helduen euskalduntzea politika sendoen bidez indartzeko helburuarekin.

Erronka berrien artean, Euskal Herrira kanpotik iristen diren herritarrak euskalduntzearen beharra azpimarratu zuten euskaltegiek. Hamar urtean 300.000 euskal hiztun berri lortzeko bidean, gogora ekarri zuten gaur egun milaka herritarrek egiten dutela euskara ikasteko hautua, baina oraindik ere milaka gehiago behar direla. Zentzu horretan nabarmendu zuten orain euskaltegietan hasi den iraileko matrikulazio garaiaren garrantzia, eta horretan laguntzeko, sektore guztien bultzada eskatu zuten.

Amaitzeko, euskaltegien sektoretik lanean jarraitzeko eta elkarlanean aritzeko konpromisoa berretsi zuten, euskaraz bizitzeko beharrezkoak diren baldintza guztiak lortzeko bidean.

Deskargatu hemen.

Petrologian eta geokimikan erabiltzen diren teknikak material arkeologikoen azterketan eta karakterizazioan aplikatzeak (erromatar edo erdi aroko zeramiken kasuan, esate baterako), funtsezko informazioa ematen du lehengaien jatorriari, fabrikazio-teknologiei edo haien merkataritzari buruz. Azterketa horiek historialariekin eta arkeologoekin garatutako diziplinaz gaindiko ikerketen oinarri dira. Lankidetza horri esker, giza migrazioei, merkataritza-dinamikei edo paleo-ingurumeneko testuinguruei buruzko azterlanak osa daitezke, besteak beste.

Ainhoa Alonso Olazabal azpeitiarra Geologian doktorea da (Euskal Herriko Unibertsitatea) eta Geologiako irakaslea EHUko Gipuzkoako Campuseko Kimika Fakultatean. Bere ikerketa kultura material arkeologikoaren azterketari lotuta dago; bertan, ezagutza eta teknika petrologikoak eta geokimikoak lagin natural zein antropogenikoetara aplikatzen dira. Ikerketa lanaz gain, dibulgazioa egiten du eta Kimika Fakultateko Berdintasun Batzordean ere parte hartzen du.

Kultura Zientifikoko Katedrak urtero antolatzen dituen Geologia olerkari, miope eta despistatuentzat geologia jardunaldietan, aurtengo martxoan, Ainhoa Alonsok hitzaldi-tailerra eman zuen, “Buztina, eskuak eta garraioa: iraganaren azterketa geologikoa” goiburupean.

Iraila musikaz beteko da berriro Zornotzako eliza eta ermitetan. Eleizetan zikloak sei kontzertu eskainiko ditu aurten, irailaren 5etik 20ra, eta askotariko musika-proposamenak ekarriko ditu udalerriko ondarearen txoko berezietara. Aitor Huergo sortzailearekin berba egin dugu Irailak 12an eskainiko du kontzertua. Folk-a, jazz-a, ganbera-musika, musika barrokoa… hainbat estilo eta artista izango dira aurtengo edizioan. Musikaz gain, ordea, ondarea ezagutzeko eta bertako espazio bereziez gozatzeko aukera ere eskaintzen du. Espliego Folk, Irati Bilbao, Aitor Huergo, Haria Laukotea (Musikene), Jou González eta Marta Cara, eta AMCB izango dituzue Espliego Folk, Irati Bilbao, Aitor Huergo, Haria Laukotea (Musikene), Jou González eta Marta Cara, eta AMCB izango dira.

Deskargatu hemen.

Bilboko Aste Nagusia ezin da ulertu konpartsrik gabe horregatik, aste osoan zehar konpartsa ezeberdinen bista izan dugu, euren nondik norakoak kontatzeko. Aida eta Aitor, hurrenez hurren Hontzak eta Pinpilinpauxa konpartsetako kideak hurbildu zaizkigu euren Aste Nagusia nola doan kontatzeko.

Deskargatu hemen.

Gure eguneroko bizitzarekin zerikusi zuzena duen gai batez hitz egingo dugu: etxebizitzaz. Pabellón 6eko Antzerki Laborategiak PELOTAZO! antzezlana aurkeztu du, umorea, ironia eta musika erabiliz gero eta kezkagarriagoa den errealitate bati heltzeko: etxea izateko eta bizitzeko eskubideari.Zortzi kontakizunen bidez, obra honek etxebizitzaren krisiaren aurpegi ezberdinak erakusten ditu; egoera absurdoak, barregarriak eta, aldi berean, oso gertukoak. Gaur, gainera, istorio horiek oholtzara eramaten dituzten bi aktorerekin izango dugu solasaldia: María Urcelay eta Leire Orbe.

Bilbo Hiria irratiaren eguna da gaurkoa ALGARAn, Indonesiako janaria prestatuko du Eric konpartsakide holandarrak. Aitziber eta Galder, irratikide eta irratizaleak ez eze, sukaldari laguntzaileak ere badira eta Eric-en aginduetara ari dira lapiko tartean.

Deskargatu hemen.

Zorrotzako Txinbotarrak konpartsa izan dugu hizpide Galder Segurolarekin, kidetzaz, ardurez zein transmisioaz jardun dugu eta, noski, bera tartean dabilen Bilbo Kantari ere izan dugu hizpide. Mario Grande txinbotar handia gogoan izan dugu.

Deskargatu hemen.

Gaurkoan hiru gonbidatu berezi ditugu gurekin: Txintxeta, Txorroskiloa eta Borragoma, “Ministro Pisto” antzezlaneko pailazo protagonista eta bihurriak. Oraingoan, abentura ez da nolanahikoa: munduko gerra guztiak amaitzea dute helburu. Horretarako, munduko ministro boteretsuena euren jatetxera gonbidatuko dute, gerra guztiak gelditu behar dituela konbentzitzeko. Baina, noski, hiru pailazo hauek tarteko… dena ez da hain erraza izango: urduritasuna, hanka-sartzeak, iskanbilak eta, batez ere, barre eta algara mordoa. Antzezlana amaitu berri dutenez, haiengana hurbilduko gara istorio honen atzean zer dagoen ezagutzeko: nola sortu zen abentura hau, zer gertatzen den ministroarekin topo egitean eta, batez ere, ea pailazo hauek baduten mundua bakean jartzeko sekreturen bat.

Deskargatu hemen.

Santurtziko Bihotz Gaztea Ikastolak hartu du Ibilaldiaren lekukoa. Euskara, euskal kultura eta auzolana. Horiek izango ditu ardatz 2027ko Ibilaldiak.Bagan boga lelopean egingo dute Bizkaiko ikastolen jaialdiaren 48. edizioa, maiatzaren 30ean. Santurtziko Bihotz Gaztea ikastolak antolatuko du, ikastetxearen proiektua bultzatzeko eta Santurtzin oraindik euskarak bizirik dagoela erakusteko helburuekin. Algara konpartsan izan dira Ibilaldiko materiala saltzen. Idurre eta Erika hurbildu zaizkigu, esku artean duten erronkaz jardun dugu haiekin.

Deskargatu hemen.