SIREUM ATEUL

SIFAT-SIFAT AQOID ILAAHIYYAT

othoy9@gmail.com (Sireum Ateul) — Sun, 12 Mar 2017 06:50:00 +0000

Assalaamu'alaykum wa rohmatullohi wa barokaatuh...

Wilujeng patepang deui, wileujeng ngopi sinambi Nyufi sareng jisim abdi.

Meungpeung aya waktos rada senggang, sumangga ayeun urang lajengkeun deui bahasan anu katunda dina BAB AWWAL FIL-ILAAHIYYAT kumargi da sayaktosna teu acan beres namung sim kuring kabujeng tunduh.

Dina danget ayeuna urang coba dibuka hiji-hiji naon bae atuh anu ka asup kana Aqoid Ilahiyyat teh...? Cenah dugi ka Opat puluh Hiji sifat.

SIFAT ANU WAJIB DI ALLOH

Sumangga urang uningakeun heula anu pang payunna dina Aqoid Ilahiyyat nyaeta "Sifat anu wajib di Alloh" .

Dupi sifat anu wajib di Alloh, nyaeta :

Sifat Wujud = Aya.
Sifat Qidam = Tiheula, Teu aya Mimitian.
Sifat Baqo = Langgeng, teu aya tungtungna.
Sifat Mukholafatun Lil-Hawaditsi = Ngabedaan Alloh Ta'ala ka sakabeh anu anyar.
Sifat Qiyamuhu Binafsihi = Sugih Alloh sabab Dzatna.
Sifat Wahdaniyyat = Tunggal Dzatna, Tunggal Sifatna, Tunggal Af'alna.
Sifat Qudrot = Kawasa.
Sifat Irodat = Keresa.
Sifat 'Ilmu = Uninga.
Sifat Hayat = Hirup.
Sifat Sama' = Ngarungu.
Sifat Bashor = Ningali.
Sifat Kalam = Ngadawuh.
Sifat Kawnuhu Qodiiron = Buktina Alloh Kawasa.
Sifat Kawnuhu Muriidan = Buktina Alloh Anu Keresa.
Sifat Kawnuhu 'Aliiman = Buktina Alloh anu Uninga.
Sifat Kawnuhu Hayyan = Buktina Alloh Anu Hirup.
Sifat Kawnuhu Samii'an = Buktina Alloh anu Ngarungu.
Sifat Kawnuhu Bashiiron = Buktina Alloh Anu Ningali.
Sifat Kawnuhu Mutakalliman = Buktina Alloh Anu Ngadawuh.

Tah eta rincian tina sifat anu wajib di Alloh secara singkatna wungkul, anapon perincian sareng dalil-dalil hiji-hijina mah insya Alloh dina bahasan anu bakal dongkap.

Salajengna ayeuna urang nguningakeun lalawanan nana sifat anu Wajib di Alloh, nyaeta "Sifat Anu Mustahil di Alloh".

SIFAT-SIFAT ANU MUSTAHIL DI ALLOH

Dupi sifat-sifat anu Mustahil di Alloh oge, eta sami aya Dua puluh rupi. Wincikan Aqoid ilahiyat anu ka lingkup dina sifat-sifat anu Mustahi di Alloh teh nyaeta :

'Adam = Euweuh.
Huduts = Anyar, Aya mimitian.
Fana = Ruksak.
Mumatsalatun Lil-Hawaaditsi = Nyarupaan kana perkara anu Anyar.
Ihtiyaajuhu Ilaa Mahalin Aw Mukhosh-shoshin = Mikabutuh kana Dzat, atawa ka anu ngaya keun.
Ta'addudun = Bingbilangan.
'Ajzu = Apes atawa Lemah.
Karohah = Ka paksa.
Jahlun = Bodo.
Maut = Paeh.
Shomamun = Torek, atawa Budeg.
'Umyun = Lolong atawa Buta.
Bukmun = Pireu atawa Bisu.
Kawnuhu 'Ajizan = Buktina anu Apes.
Kawnuhu Kaarihan = Buktina anu Kapaksa.
Kawnuhu Jaahilan = Buktina anu Bodo.
Kawnuhu Maytan = Buktina anu Maot.
Kawnuhu Ashomma = Buktina anu Torek.
Kawnuhu A'maa = Buktina Anu Lolong.
Kawnuhu Abkama = Buktina anu Pireu (Bisu).

Maha Suci Alloh tina Sifat-sifat anu Mustahil ka Anjeunna.

Sakitu tah wincikan nana sifat anu Mustahil di Alloh teh, anu iyeu oge insya Alloh kapayun baris ka bahas secara rinci.

Ayeuna kantun anu terakhir dina Aqoid Ilaahiyyat, nyaeta sifat-sifat anu Jaiz atanapi Wenang di Alloh.

SIFAT-SIFAT ANU JAIZ ATANAPI WENANG DI ALLOH

Saparantosna urang nguningakeun Aqoid Ilahiyyat perkawis sifat anu Wajib di Alloh sareng sifat anu Mustahil di Alloh, sumangga ayeuna suang di ulas sakedik naon atuh ari sifat anu Wenang di Alloh teh....??

Dupi sifat anu Wenang di Alloh, eta ngan aya Hiji nyaeta :

فِعْلُ كُلِّ مُمْكِنٍ اَوْ تَرْكُهُ

FI'LU KULLI MUMKININ AW TARKUHUU

Hartosna : Ngadamel sagala Mumkin atawa henteu Ngadamelna.

Dupi anu di sebat Mumkin teh nyaeta sakur-sakur perkara anu sah Ayana jeung sah oge Euweuhna.

Tegesna anu aya jeung euweuhna teh eta dibenerkeun ku Akal.

Dupi ngaran Sifat nyaeta :

اَلْاَمْرُ الثَّابِتُ لِلْمَوْصُوْفِ

AL-AMRUTS-TSAABITU LIL-MAWSHUUFI

Hartosna : Perkara anu tetep dina Dzat anu di sifatan nana.

#313

Tah sakitu nu kapihatur sakedik uraian dina medar Aqoid Ilaahiyyat mudah-mudahan ku ulasan anu sakedik iyeu ngajantenkeun langkung kandel tur pancegna ka Imanan urang sadaya.

Aamiin...

والله اعلم

الباب الأوّل فى الإلٰهيّات AL-BAABUL AWWAL FIL-ILAAHIYYAT

othoy9@gmail.com (Sireum Ateul) — Sun, 12 Mar 2017 03:38:00 +0000

Bismillaahirrohmaanirrohiim...

Sateu acanna panjang-lebar ngabahas Bab per Bab anu aya dina iyeu seratan, sumangga urang uningakeun heula naon bae anu baris diwincik diwiji-wiji.

Anu bakal diguar teh nyaeta :

"BAB AWAL FIL-ILAAHIYYAAT" Bab anu kahiji bakal mertelakeun 'Aqoid anu berhubungan sareng ka Pangeranan, anu eusina katerangan-katerangan Sifat-sifat anu Wajib, Sifat anu Mustahil, jeung Sifat anu Wenang di Alloh, jeung Asma_ul Husna.
"BAB TSANI FIN-NUBUWWAT" Bab anu kadua mertelakeun 'Aqoid anu patali sareng Sifat para Rusul, anu eusina Sifat-sifat anu Wajib, Sifat anu Mustahil, sareng Sifat anu Jaiz (anu Wenang di para Rusul.
"BAB TSALITS FIS-SAM'IYYAAT" Bab anu katilu mertelakeun 'Aqoid anu kaRungu ti Rosul Alloh, tina al-Qur'an atawa Hadits, anu eusina nerangkeun Iman ka para Malaikat, Kitab-kitab, Poe Qiyamah, jeung perkara anu kakurung ku Poe Qiyamah.
"BAB AR-ROBI'U FII KALIMATISY-SYAHAADAT" Bab ka opat eta mertelakeun Kalimah Syahadat, anu di eusi ku hasil-hasil tina Bab-bab anu tadi kasebat.
"BAB KHOMIS KHOTIMATUN" Bab kalima nyaeta panungtungan, anu bakal mertelakeun Wajibna ngaraksa tina sakur-sakur perkara anu nibakeun kana PaMurtadan. Tegesna anu matak ngaruksak kana ka Islaman.

Fa aquulu wa billaahi tawfiq wal hidayah wal 'inaayah :

الباب الأوّل فى الإلٰهيّات
AL-BAABUL AWWAL FIL-ILAAHIYYAT

Bab kahiji mertelakeun Sifat-sifat atawa masalah anu aya patalina jeung 'Aqidah anu berhubungan jeung Sifat-sifat Pangeran. Jeung bakal ngajelaskeun Sifat-sifat Pangeran .

Ku hal sakitu, mangka atuh Wajib pikeun sakabeh Jalma Mukalaf kudu Ma'rifat tegesna nyaho, apal, ngarti, jeung nekadkeun kana Sifat-sifat anu Wajib, anu Mustahil, jeung anu Wenang di Alloh sacara Ijmal jeung sacara Tafshil.

Ari hartina Ijmal nyaeta garis gedena atawa globalna. Ari hartina Tafshil nyaeta perincian nana, atawa wincikan hiji-hijina, atawa mendetil.

Ari nganyahokeun secara Ijmal nyaeta Nekadkeun sa enyana Alloh Ta'ala teh eta Wajib ka sifatan ku sagala sifat ka Sampurnaan ( Kamaalat ) jeung Mustahil ka sifatan ku sifat-sifat ka kurangan ( Naqo_ish ) jeung nekadkeun yen Alloh Wenang ngadamel Mumkin atawa tinggal ngadamel Mumkin.

Ari Iman secara Tafshiil, nyaeta kudu Ma'rifat kana Hiji-hijina sifat anu Wajib, anu Mustahil, jeung anu Wenang di Alloh ta'ala.

Ari sifat Ka sampurnaan anu wajib di Alloh Ta'ala, eta henteu aya wates wangenna. Sabab Ka sampurnaan kacida pisan seueurna, saperti : Maha Pangasih, Maha 'Adil, Maha Bijaksana, jeung sa bangsana.

Nya kitu deui sifat-sifat anh Mustahil ka Alloh ( Lalawanan sifat Ka Sampurnaan ) eta oge sami henteu aya watesan nana.

Jadi atuh guna na urang nganyahokeun secara Ijmal teh, nyaeta supaya Ngurung kana Nganyahokeun yen Alloh teh Wajib ka sifatan ku sagala sifat Ka sampurnaan, jeung Mustahil ka sifatan ku sagala sifat ka kurangan, anu ku urang moal bisa ka itung.

Dupi anu Wajib di kanyahokeun nana sacara Tafshiil ku sakur-sakur jalma anu mukalaf nyaeta :

Dua puluh (20) sifat anu Wajib di Alloh.

Dua puluh (20) sifat anu Mustahil di Alloh.

Jeung Hiji (1) sifat anu Wenang di Alloh.

Jadi jumlah sifat anu wajib dikanyahokeun nana supaya Ma'rifat ka Alloh teh eta aya Opat puluh Hiji (41) sifat.

Kangge pembabaran nana insya Alloh urang ngadamel judul enggal bae supados teu paburantak dina bahasan nana.

والله اعلم

AL-MA'RIFAT

othoy9@gmail.com (Sireum Ateul) — Sun, 12 Mar 2017 03:32:00 +0000

Assalaamu'alaykum warohmatullohi wa barokaatuh...

Wilujeng wayah kiyeu saderek sadaya, hatur nuhun parantos kersa rurumpaheun ka palih dieu, mamanawian aya manfaat sinareng barokah kangge urang sadaya.

Sareng mudah-mudahan urang sadaya kabagean sakedik Elmu pikeun cacaang hirup, kangge nyukcruk laku tinu maha agung, ngalampahan qodrat tinu maha kawasa.

Ku hal sakitu sumangga ayeuna urang cobi nalungtik hiji kawajiban pikeun urang dina Masalah patekadan.

Dupi guaran anu bade dilarapkeun dina danget iyeu, nyaeta hiji bahasan tentang KA MA'RIFATAN.

Sabab Ma'rifat teh hukumna wajib ka tiap-tiap jalma anu Mukalaf.

Dupi anu di sebat Ma'rifat teh nyaeta Kenal atawa nyaho anu sabenerna ka Alloh Ta'ala. Karana Dawuhan Alloh :

فَاعْلَمْ أَنَّهُ لَااِلٰهَ إِلَّااللّٰه
FA'LAM ANNAHUU LAA_ILAAHA ILLALLOOH

Hartosna : Kudu nyaho anjeun yen sayaktosna henteu aya deui pangeran, anu wajib di ibadahan kalawan sabenerna anging Alloh Ta'ala. ( Surat: Muhammad : 19)

Ari Ma'rifat Hartina : Kenal,

Ari 'Ilmu Hartina : Nyaho.

Ari Ma'rifat jeung Ilmu dina iyeu Fan, ceuk Qaul anu Shohih mah eta sarua keneh, tegesna akur maknana nyaeta :

مُطَابِقٌ لِلْوَاقِعِ نَاشِئٌ عَنْ دَلِيْلٍ
MUTHOOBIQUN LIL-WAAQI'I, NAASYI_UN 'AN DALIILIN

Hartosna : Ari ngaran Ma'rifat teh, nyaeta kapengkuhan atawa patekadan anu kukuh anu akur jeung buktina sarta kanyaho eta teh cukul(muncul) tina Dalil atawa alesan.

Syaratna Ma'rifat

Walhasil, atuh ari anu disebut Ma'rifat teh, eta kudu kumpul atawa kudu aya anu Tilu (3) rupa.

Anu Tilu rupa teh nyaeta :

Jazim tegesna Kayakinan anu jauh tina ragu-ragu anu moal ingkah balilahan.
Eta kapengkuhan teh kudu Mufaqoh jeung Waaqi'na, tegesna akur jeung buktina anu aya dina Lawh Mahfudh, anu akur jeung Ilmu na Alloh Ta'ala.
Timbulna ka yaqinan anu bener teh, tina Dalil anu Qoth'i, tegesna Dalil anu pasti benerna, nyaeta Dalil 'Aqli sareng Dalil Naqli Qur'an sinareng Hadits anu Shohih.

Mangka atuh tiasa dikanyahokeun tina Ta'rif anu nembe, jadi aya genep (6) rupa anu anu kaluar tina Ma'rifat, anu genep eta anu henteu keuna kana harti Ma'rifat hiji-hijina anu genep teh nyaeta :
1. ظَنْ ( Dhon) = Sangkaan anu gede

2. شَكْ ( Syak ) = Mang-mang, akur kaditu kadieu (ragu-ragu ).

3. وَهْمٌ ( Wahmun ) = Sangka anu meueusan.

Iyeu anu Tilu (3) kaluar tina Jazim.

Contona :" Saperti aya hiji jalma ningali anu ngagunduk ti kajauhan, ceuk pikirna : Naha eta teh Batu atawa Munding?"

Panyangkana anu gede nyaeta nyangka kana Batu, tah eta nu kitu teh namina Dhon, ari panyangkana anu saeutik (nyangka yen eta teh Munding), eta disebut Wahm, lamun tea mah sangkaan nana teh akur atawa sarua, antara batu jeung munding, eta anu kitu namina Syak (ragu-ragu).

4. تَقْلِيْد صَحِيْح (TAQLID SHOHIH)

Nyaeta kapengkuhan anu mufaqat atawa akur jeung buktina(bener) tapi hanteu make alesan (dalil), ngan sakadar manehna teh Tuturuti kana kecap batur anu ngarti.

Saperti Jalma anu ngayaqinkeun kana ayana Alloh jeung Rosul-Rosulna, sarta nyaho kana sifat-sifatna tapi henteu nyaho kana Dalil-dalilna. Tah anu kitu teh disebutna Taqlid Shohih.

5. جَهْلٌ مُرَكَّبْ ( JAHLUN MUROKKAB )

Nyaeta anu kayaqinan jeung kapengkuhan nana teh henteu Mufaqat jeung buktina atawa sulaya jeung sabenerna, bari make Dalil alesan anu henteu bener.

Saperti Kaum Nashoro nekadkeun kana yen pangeran aya Tilu, jeung maranehan nana yaqin bari make Dalil, tapi salah sabab da ari pangeran mah Hiji.

6. تَقْلِيد بَاطِلْ ( TAQLID BAATHIL )

Nyaeta ka yaqinan anu salah, bari henteu make Dalil.

Saperti Musyrikin Jahiliyyah nyembah kana berhala bari sakadar tuturuti ka para Karuhunna, sarta hanteu make alesan naon-naon.

Tah iyeu anu genep (6) teh nyaeta :

Dhon
Syak
Wahm
Taqlid Shohih
Jahlun Murokkab
Taqlid Bathil

Eta kabeh oge henteu dingaranan Ma'rifat karana ari ngaran Ma'rifat mah

Kudu Yaqin.
Kudu Bener Mufaqat jeung buktina.
Kudu timbul tina Dalil, ulah tuturuti.

Mangka sing saha bae jalma anu ka sifatan ku salasahijina anu lima (5) nyaeta :

Dhon
Syak
Wahm
Taqlid Bathil
Jahlun Murokkab

Dina 'Aqidah anu Lima puluh (50), mangka eta jalma masih keneh Kufur , Kufur anu buat langgeng dina Naraka.

Anapon ari Taqlid Shohih, eta di Ikhtilafkeun (di pacek-cok keun) ku para Ulama. Ceuk sa Qaul : Kafir jeung ceuk sa Qaul deui mah : Mukmin bari doraka.

Tapi ceuk sa Qaul anu Shohih dina masalah 'Aqoid mah, eta Sah Iman na, tapi eta oge lamun seug manehna Ahli Mikir (Mampuh) kana mikir.

Terus manehna bakal nyandang Doraka lamun ninggalkeun mikir, tapi lamun manehna lain Ahli mikir mah eta kitu teh (Taqlid Shohih) mangka eta Sah Iman na bari hanteu Doraka.

PERKARA ANU WAJIB DI MA'RIFATKEUN

Salajengna dupi perkara anu wajib di Ma'rifatkeun ku sakur-sakur jalma Mukalaf (Urang sadaya) nyaeta :

Sifat-sifat anu Wajib di Alloh 20, sifat anu Mustahil ka Alloh, jeung hiji (1) sifat anu Wenang di Alloh.

Opat (4) sifat anu Wajib di para Rosul, opat (4) sifat anu Mustahil di para Rosul, jeung hiji (1) sifat anu Wenang di para Rosul. Jadi jumlah Lima puluh (50) sifat.

'Aqoid Sam'iyyat, nyaeta nekadkeun kana sagala perkara anu henteu bisa "nyorangan" dina nganyahokeun nana, kajaba nyaho nana teh ku katerangan anu di candak tina al-Qur'an sareng Hadits-hadits anu Shohih. Saperti Iman ka para Malaikat, para Rosul, Kitab-kitab, Poe Qiyamah, jeung anu ka kurung ku poe Qiyamah, jeung Iman kana Qodar jeung Qodlo.

Mangka atuh Wajib hukumna ka tiap-tiap jalma Mukalaf, kudu nganyahokeun atawa apal sarta ngarti kana 'Aqoid anu Lima puluh teh. Sarta di tafshil hiji-hijina jeung Dalil-dalilna.
Mangka Insya Alloh dina iyeu seratan anu di cutat tina Kitab

Bade di bagi kana Opat (4) BAB, sareng anapon BAB ka lima (5)na mah KHOTIMATUN.

والله اعلم.

Sakitu nu ka pihatur ti sim kuring anu ضعيف dina nyeratkeun Bab Ma'rifat secara garis gedena.

Wassalaamu 'alaykum warohmatullohi wabarokaatuh

TA'RIFNA AHLUS SUNNAH WAL-JAMA'AH

othoy9@gmail.com (Sireum Ateul) — Sat, 11 Mar 2017 02:26:00 +0000

Sumangga ayeuna urang lajengkeun deui ngaguar salasahiji kawajiban pikeun urang sadayana.

Ti salasawios kawajiban urang sadayana teh nyaeta, urang sadaya kudu ngagem pageuh kana patekadan Ahlus-sunnah wal-Jamaa'ah sabab ngan golongan iyeu anu bakal Salamet tina Naraka anu Lawas.

Margi numutkeun kana Dawuhan Kangjeng Nabi Muhammad Shollallohu 'alayhi wasallam, anu unggelna :

فَإِنَّهُ مَنْ يَعِشْ مِنْكُمْ مِنْ بَعْدِيْ فَسَيَرٰى اخْتِلَافًا كَثِيْرًا، فَعَلَيْكُمْ بِسُنَّتِيْ وَسُنَّةِ الْخُلَفَاءِ الْمُهْدِيًِيْنَ الرًَاشِدِيْنَ تَمَسَّكُوْا بِهَا وَعَضُّوْا عَلَيْهَا بِالنَّوَاجِذِ (رواه: أبو داود)
FA INNAHU MAN YA'ISY MINKUM MIN BA'DII FASAYAROO IKHTILAAFAN KATSIIRON, FA'ALAYKUM BISUNNATII WA SUNNATIL-KHULAFAA_IL-MUHDIYYIINAR-ROOSYIDIINA TAMASSAKUU BIHAA WA 'ADLDLUU 'ALAYHAA BIN-NAWAAJII ( H.R : Abu Dawud)

Hartosna : Mangka saenyana sing saha wae anu hirup ti antara Aranjeun sa enggeus Maot Kami, mangka bakal ningali kana perselisihan Faham anu loba. Dina nalika kitu, mangka kudu pada nyekel Aranjeun kana Sunnah Kami, jeung Sunnah Khulafaa_ur-roosyidin anu pada meunang Hidayah. Sing parageuh aranjeun nyekel eta sunnah, jeung gegel ku Careham. (Hadits Riwayat: Abu Dawud)

Jeung deui dawuhan kangjeng Nabi Muhammad Shollalloohu 'alayhi wasallam anu ka tampi ku Abu Hurayroh, Dawuhan nana :

تَفَرَّقَتِْ الْيَهُوْدُ عَلٰى إِحْدٰى وَسَبْعِيْنَ فِرْقَةً، وَالنَّصَارَى مِثْلَ ذَالِكَ، وَتَفَرَّقَتْ اُمَّتِيْ عَلٰى ثَلَاثٍ وَسَبْعِيْنَ فِرْقَةً. (رواه : الترميذي)
TAFARROQOTIL-YAHUUDU 'ALAA IHDAA WA SAB'IINA FIRQOTAN WAN-NASHOORO MITSLA DZAALIKA, WA TAFARROQOT UMMATII 'ALAA TSALAATSIN WA SAB'IINA FIRQOTAN.

Hartosna : Paburencay Yahudi kana Tujuh Puluh hiji golongan, Nasoro oge saperti kitu deui jadi Tujuh Puluh hiji. Jeung bakal paburencay umat Kami jadi Tujuh Puluh Tilu golongan. ( Hadits Riwayat : At-Turmudzi).

Jeung deui Dawuh Kangjeng Nabi Muhammad shollalloohu 'alayhi wasallam anu unggelna :

إِنَّ بَنِي إِسْرَائِيْلَ تَفَرَّقَتْ عَلٰى ثِنْتَيْنِ وَسَبْعِيْنَ مِلَّةً، وَتَفَرَّقَتْ اُمَّتِيْ عَلٰى ثَلَاثٍ وَسَبْعِيْنَ مِلَّةً، كُلُّهُمْ فِى النَّارِ إِلَّا مِلَّةً وَاحِدَةً. قَالُوْا : وَمَا هِيَ يَارَسُوْلَ اللّٰهْ..؟ قَالَ مَاأنَا عَلَيْهِ وَأَصْحَابِيْ (رواه: الترميذي).

INNA BANII ISROOIILA TAFARROQOT 'ALAA TSINTAYNI WA SAB'IINA MILLATAN, WA TAFARROQOT UMATII 'ALAA TSALAATSIN WA SAB'IINA MILLATAN, KULLUHUM FIN-NAARI ILLA MILLATAN WAAHIDATAN. QOOLUU : WA MAA HIYA YAA ROSUULALLOOH..??
QOOLA : MAA ANA 'ALAYHI WA ASH_HAABII.

Hartosna : Saenyana urang Bani Isroil eta paburencay kana Tujuh Puluh dua golongan(millah), jeung bakal paburencay Umat Kami kana Tujuh Puluh tilu golongan(millah) kabeh asup kana Naraka anging Hiji golongan. Mangka para Sahabat naroskeun, Hai Yaa Rosuulalloh, saha eta anu hiji golongan teh..?? Mangka waleran Kangjeng Rosul : Nyaeta Jalma - Jalma anu nyekel kana Sunnat Kami.

Jeung deui dina Hadits riwayat Imam Ath-Thabroniy mah kiyeu unggelna teh :

مَنْ هُمْ يَارَسُوْلَ اللًٰه..؟ قَالَ : أَهْلُ السُّنَّةِ وَالْجَمَاعَةِ

MAN HUM YAA ROSUULALLOOH..?
QOOLA : AHLUS-SUNNATI WAL-JAMAA'ATI

Hartosna : Saha Aranjeunna teh Ya Rosulalloh..? Rosul ngawaler : Nyaeta Ahlus-Sunnah wal-Jamaa'ah.

Jadi kasimpulan nana, lamun seug difaham tina Hadits-hadits eta teh : Yen aya firqoh (golongan² ) sa ba'da Kangjeng Nabi Pupus, sarta kabeh pada cilaka iwal anu hiji golongan nyaeta Ahlus-sunnah wal-jamaa'ah, nyaeta Jalma-Jalma anu patekadan nana akur nganut kana patekadan nana Kangjeng Nabi Muhammad Shollallohu 'alayhi wasallam. Jeung patekadan para Sohabat nyaeta, anu di agem ku Imam Abul-Hasan al-Asy'ariy jeung Abu Manshur al-Maturidiy.

Katerangan nana dina Kitab Ittihaafu saadiyyatil-Muttaqiin, syarah Ihyaa 'uluumuddiin. Juz 2 Shahifah 6 :

إِذَا اُطْلِقَ أَهْلُ السُّنَّةِ، فَالْمُرَادُ بِهٖ اَلْاَشَاعِرَةُ وَالْمَاتُرِدِيَّةُ
IDZAA UTHLIQO AHLUS-SUNNATI FAL-MUROODU BIHII AL-'ASYAA_'IROTU WAL-MAATURIDIYYATU.

Hartosna : Upama disebut Ahli sunnah, mangka anu di maksud ku eta ucapan(Ahli sunnah) teh nyaeta, Faham jeung Fatwa Imam Al-Asy'ari sareng Imam Al-Maturidi.

Jeung Golongan Ahli sunnah Wal-Jama'ah teh eta bakal langgeng ayana nepi ka Poe Qiyamah.

Nganut kana Dawuhan Kangjeng Nabi Muhammad Shollallohu 'alayhi wasallam, anu unggelna :

لَاتَزَالُ طَائِفَةٌ مِنْ اُمًَتِيْ ظَاهِرِيْنَ عَلٰى الْحَقِّ حَتّٰى يَأْتِيَهُمْ أَمْرُ اللّٰهِ وَهُمْ ظَاهِرُوْنَ. (رواه البخاري(
LAA TAZAALU THOOIFATUN MIN UMMATII DHOOHIRIINA 'ALAAL-HAQQI HATTA YA_TIYAHUM AMRULLOOHI WA HUM DHOOHIRUUN.

Hartosna : " Moal eureun-eureun sagolongan ti Ummat Kami, aya dina kaMeunangan atawa Bener. Sahingga datang Poe Qiyamah, bari maranehan nana aya dina Bener.

#KAUM-KAUM ANU CILAKA

Ari anu Tujuh puluh dua deui, anu kaluar tina tekad Ahli Sunnah wal-Jama'ah, eta diringkes dina Tujuh (7) Golongan.

Anu Tujuh (7) golongan teh nyaeta :

1. Kaum Syi'ah

Kaum syi'ah teh nyaeta, hiji Kaum anu leuleuwiheun muja ka Sayyidina 'Ali Karromallohu Wahjah, nepi ka maranehna henteu ngaku kana ka Kholifahan nana Sohabat anu tilu deui, nyaeta : Sayyidina Abu Bakar, Sayyidina Umar bin Khotob, jeung Sayyidina Utsman bin 'Affan Rodliyalloohu 'anhum.

Sedengkeun Ahli Sunnah wal-Jama'ah mah Shohabat anu opat teh di aku sebagai Kholifah sa ba'da Rosululloh Pupus, ti kawit Sayyidina Abu Bakar nepi ka Sayyidina 'Ali bergantian.

Tah eta Kaum syi'ah teh kapecah jadi 22 aliran.

2. Kaum Khowarij

Anu disebut kaum Khowarij nyaeta Kaum anu kacida ngewa na ka Sayyidina 'Ali Karromallohu Wajhah (Sabalikna tina kaum Syi'ah) malah sawarehna mah aya anu ngufurkeun ka Sayyidina 'Ali.

Firqoh anu iyeu mah ngabogaan tekad yen jalma anu ngalakukeun dosa gede, eta jadi Kufur.

Sayyidina 'Ali dina danget harita di bunuh ku Kaum Khowarij, jalma anu ngabunuhna ngaranna teh 'Abdul Rohman bin Muljam waktu Sayyidina 'Ali bade shalat Subuh, kaleresan ninggang kana Kaping 17 Romadon 40 Hijriyyah, teras dipendem di NAJAF BAGHDAD (IRAK).

Tah iyeu golongan Khowarij oge pecah nepi ka Dua puluh(20) aliran.

3. Kaum Mu'taziilah

Anu disebut Kaum Mu'tazilah mah nyaeta, hiji Kaum anu ngabogaan tekad yen Alloh henteu ngabogaan Sifat, Manusa nyieun pagawean sorangan, henteu di damel ku Alloh amalna, jeung jalma Mu'min anu di Surga moal ningali ka Alloh, jeung deui nekadkeun yen jalma anu migawe dosa gede, eta ditetepkeun dina hiji tempat di antara Surga jeung Naraka. Jeung maranehna nekadkeun yen kangjeng Nabi, Mi'roj na teh ku Ruh_na wungkul.

Tah iyeu kaum Mu'tazilah kabagi/pecah jadi Dua puluh (20) aliran.

4. Kaum Murji'ah

Ari anu disebut kaum Murji'ah nyaeta hiji kaum anu boga patekadan (nekadkeun) yen pagawean maksiat, eta henteu nanaon jeung henteu madarat asal geus Iman.

Seperti anu Kafir, henteu aya manfaat naon-naon dina pada migawe ka alusan.

Tah ari kaum Murji'ah mah eta pecahna teh ngan jadi Lima (5) aliran.

5. Kaum Najjaariyyah

Ari kaum Najjaariyyah mah nyaeta Hiji kaum anu ngabogaan patekadan yen Amal perbuatan manusa, eta didamel ku Alloh. Akur jeung pamadegan (ageman) Ahlus-sunnah wal Jama'ah.

Tapi maranehan nana ngabogaan tekad yen Alloh hanteu ngagaduhan Sifat Qodiim, oge cenah Kalm Alloh teh Hadits(anyar). Akur jeung pendapatna Mu'tazilah.

Iyeu kaum Najjariyyah oge pecah jadi Tilu (3) aliran.

6. Kaum Jabbaariyyah

Ari kaum Jabbariyyah mah, nyaeta hiji kaum anu nekadkeun yen Manusa teh Majbur tegesna kapaksa tur henteu boga ikhtiyar atawa pamilih naon-naon. Rek ibadah atawa henteu, kumaha Pangeran bae.

Tah golongan anu iyeu mah ngan ukur aya Sagolongan.

7. Kaum Musyabbihah.

Ari kaum Musyabbihah nyaeta Kaum anu boga patekadan yen Alloh teh seperti Makhluk, nyaeta ngagaduhan Jisim, sok diuk, sok turun, sok unggah(naek), boga leungeun, boga suku, boga beungeut, jeung bangsana nu aya di makhluk.

Tah Kaum anu kasebat iyeu sok disebut oge Kaum Mujasimah, sarta Kaum Musyabbihah/Mujasimah eta ngan aya Sagolongan.

Jadi anu kagolongkeun kana Ahli Bid'ah, tegesna anu lain Ahli Sunnah wal-Jama'ah, eta jumlahna aya Tujuh puluh Dua golongan ( Firqoh )

Kaum Syi'ah jadi 22 aliran

Kaum Khawarij jadi 20 aliran

Kaum Murji'ah jadi 5 aliran

Kaum Mu'tazilah jadi 20 aliran

Kaum Najjariyyah jadi 3 aliran

Kaum Jabbariyyah 1 aliran

Kaum Musyabbihah/Mujassimah 1 aliran.

Tah eta anu Tujuh kelompok,

( كُلُّهُم فِى النَّارِ، كَمَا فِي الْحَدِيْثِ الْمَذْكُرْ ) (Kabehan nana kana Naraka)

Jumlah sadayana aya 72 golongan.

Jadi lamun di tambah sa Firqoh nyaeta Ahlu Sunnah wal-Jama'ah, jadi jumlahna teh 73 golongan sakumaha anu aya dina Hadits Imam at-Turmudzi.

Anapon Kaum Qodariyyah, eta ka asup kana golongan (kelompok) Kaum Mu'tazilah.
Kaum Baha_iyyah jeung Ahmadiyyah, eta ka asup kana golongan Syi'ah.
Kaum Ibnu Taymiyyah, eta ka asup kana golongan Musyabbihah.
Kaum Wahabiyah/Wahabi, eta ka asup kana golongan anu nganut tur pelaksanaan tina fahamna Ibnu Taymiyyah.

KASIMPULAN NANA

Wal hasil, ari anu di sebat Ahlus-Sunnah wal-Jama'ah dina patekadan ( keyakinan ) nyaeta Jalma-Jalma anu nganut kana Madzhab Imam al-Asy'ariy sareng Imam Al-Maturidiy.

Anapon lamun dina Masalah Furu'iyyah / Fiqih

mah nyaeta anu nganut atanapi nga-Madzhab ka salasahijina Madzhab anu Opat (4), nyaeta :

Imam Abu Hanifah, Lahir Tahun 80 H. Di Kuffah. Wafat tahun 150 H. Di pendemna di Baghdad, yuswa_na ± 70 tahun.
Imam Maliki, Lahir tahun 93 H. Di Madinah. Wafatna tahun 179 H. Di pendemna di Baqi', Madinah. Yuswana 89 tahun.
Imam Asy-Syafi'i, lahir tahun 150 H. Di Ghozzah / Syam. Lajeng wafatna tahun 204 H. Di pendemna di Mishri, yuswana 54 tahun.
Imam Ahmad bin Hambal, lahir tahun 164 H. Di Baghdad, wafatna tahun 241 H. Di pendemna di Baghdad, yuswana 77 tahun.

Pikeun urang sadaya eta henteu meunang kaluar tina salasahijina Madzhab anu Opat (4), sabab Madzhab anu sejenna mah geus pareum alias henteu aya Catetan nana. Karana tos teu aya penerusna.

Ku hal sakitu, mangka atuh Wajib pakeun anu lain Ahli Ijtihad (urang sadaya) kudu Taqlid (ngikuti) ka salasahijina Madzhab anu Opat (4) dina masalah Furu'iyyah. Sabab henteu mampuh kana ngagali sorangan.

Anapon lamun dina Ilmu Tasawwuf mah, urang kudu turut kana tingkah-lakuna Abul-Qosim al-Junaydi anu make Syari'at, Thoriqot, sareng Haqiqat.

Karana dawuhan Kangjeng Nabi Muhammad Shollallohu 'alayhi wasallam :

فَعَلَيْكُم بِسُنَّتِيْ (اَيْ قَوْلًا وَفِعْلًا وَتَقْرِيْرًا) وَسُنَّةِ الْخُلَفَاءِ الرَّاشِدِيْنَ ( اَيْ فِي الْعَقَائِدِ )الدِّيْنِيَّةِ وَالْاَعْمَالِ الْبَدَنِيَّةِ وَالْاَخْلَاقِ الْقَلْبِيَّةِ

FA'ALAYKUM BISUNNATII (AY QOWLAN WA FI'LAN WA TAQRIIRON) WA SUNNATIL-KHULAFAA_IR-ROOSYIDIINA (AY FIL-'AQOOIDID-DIINIYYATI WAL-A'MAALIL-BADAANIYYATI WAL-AKHLAAQIL-QOLBIYYATI.

Hartosna : Aranjeun kudu turut atawa nyekel kana Sunnah Kami, (dina ucapan, pagawean, pangucap) jeung Sunnahna Khulafa_ir Rosyidiin (dina patekadan agama, dina Amal badan jeung Akhlak sarta Hatena).

Di alap cekap sakitu wae dina ngaguar garis gede na babagan Ahli Sunnah Wal-Jama'ah, sareng simkuring teu tiasa ngawincik ngawiji-wiji dina golongan-golongan anu kaluar tina Ahli Sunnah wal-Jama'ah.

Kumargi anu bade dibahas dina iyeu seratan mah bade ngaguarkeun babagan Ilmu Tauhid, sanes aliran-aliran eta.

Namung di cantumkeun soteh, pedah aya sangkut pautna sareng kayakinan, tur kangge nguningakeun wungkul. Sangkan urang sadaya henteu salah dina ngalengkah.

MASALAH-MASALAH ILMU TAUHID

othoy9@gmail.com (Sireum Ateul) — Wed, 08 Mar 2017 07:43:00 +0000

Dupi anu pungkasan dina Bab Mabadi Ilmu Tauhid nyaeta ngahokeun naon wae anu jadi Masalah-masalah anu aya dina Ilmu tauhid.

Supaya urang apal, Masalah-Masalahna teh nyaeta :

وَمَسَائِلُهُ قَضَايَاهُ الْبَاحِثَةُ عَنِ الْوَاجِبَاتِ وَالْجَائِزَاتِ وَالْمُسْتَحِيْلَاتِ

WA MASAA_ILUHU QODLOOYAAHUL-BAAHITSATU 'ANIL-WAAJIBAATI WAL-JAAIZAATI WAL-MUSTAHIILAATI.

Hartosna : Ari masalah-masalahna Ilmu Tauhid teh nyaeta, Qadiyah-Qadiyah anu ngabahas kana sifat anu Wajib, Wenang jeung Mustahil di Alloh sarang para Rosulna.

Dicekapkeun sakieu bae dina ngababar Mabadi Ilmu Tauhid anu sapuluh anu karangkum dina Nadhom tipayun.

Insya Alloh guaran anu bakal dongkap urang coba ngulas sareng nguningakeun sakedik anu aya patalina sareng

TA'RIF AHLI SUNNAH WAL-JAMA'AH

SALAM 313

HUKMUHU

othoy9@gmail.com (Sireum Ateul) — Wed, 08 Mar 2017 07:24:00 +0000

Ari anu nomer (9) tina bahasan Mabadi Imlu Tauhid nyaet HUKMUHU.

Ayeuna urang kanyahokeun kumaha atuh ari hukumna ngaji kana ilmu Tauhid teh...??
Ari hukumna ngaji kana Ilmu Tauhid teh nyaeta :

وَحُكْمُهُ اَلْوُجُوْبُ الْعَيْنِيُّ عَلٰى كُلِّ مُكَلَّفٍ مِنْ ذَكَرٍ وَاُنْثٰى

WA HUKMUHU AL-WUJUUBU 'ALAA KULLI MUKALLAFIN MIN DZAKARIN WA UNTSAA.

Hartosna : Ari Hukum Syara'na ngaji jeung ngarti kana Ilmu Tauhid teh, eta Fardlu 'ayn (tegesna hentu pilih bulu) kudu nyaho tiap-tiap sirah pikeun jalma-jalma Mukallaf (baligh tur boga akal) rek ka lalaki atawa ka awewe.

Mangka atuh doraka lamun henteu nyaho nana teh, malah bisa disebut masih keneh aya dina ka Kufuran nyaeta henteu sah Sholatna, shaumna, jeung sagalarupa amal ibadahna lamun seug acan Tauhid bari langgen deuih dina Narakana.

Tah iyeu pisan anu mantak Ilmu Tauhid teh eta anu kudu pangheulana di ajina ku tiap-tiap jalma Mukalaf, terus Ngaji Ilmu Fiqih, terus Nagji Ilmu Tashawwuf, tah anu tilu iyeu Fardu 'Ayn Di Ajina.

Ari anu disebat jalma Mukallaf teh nyaeta, jalma anu baligh tur boga akal oge salamet pancainderana, sok sanajan ngan ukur panon atawa pangdengena wungkul tur katepi ku salasahijina Rosul anu Da'wah, atawa ku jalma anu nepikeun kana syari'at anu di da'wahkeun ku Rosul ka manehna.

Jadi atuh hanteu ka sebut jalma anu Mukallaf lamun seug eta jalma teh :
Budak leutik
Anu gelo
Anu lolong bari torek( budeg) lamun lolong jeung torek nana teh ti sateuacan baligh.

Jeung teu ka asup kana golongan jamla Mukallaf jalma anu ahli Fatrah( tegesna jalma-jalma anu henteu ka tepi ku pangundang Rosul) sanajan manehna nyembah Berhala, karana dawuhan Alloj dina surat (Al-Isro : ayat 15 ) anu unggelna :

وَمَا كُنَّ مُعَذِّبِيْنَ حَتَّى نَبْعَثَ رَسُوْلاً

WAMAA KUNNA MU'ADZDZIBIINA HATTA NAB'ATSA ROSUULAN.

Hartosna : " Jeung moal nyiksa Kami ka kaum, sahingga Kami ngutus Rosul".

Malah Ibu Rama Kangjeng Nabi Muhammad Shollallohu 'alayhi wasallam oge, kalebetkeun kana Ahli Fatrah.

Mangka Atuh kagolong ka Jalma anu salamet, malah mah ka lebetkeun kana Ahli Islam, margi aya Hadits anu nerangkeun yen saparantosna Nabi di utus, teras Anjeunna nyuhunkeun ka Alloh supados Ibu- Ramana di hirupkeun deui.

Terus ku Alloh di hirupkeun deui, da gampil wae eta kitu teh pikeun Alloh mah. Komo iyeu mah enggal di Ijabah da Kakasihna, teras Ibu-Ramana IMAN. Geus kitu di Maotkeun deui.

Iyeu Hadits sanajan dloif ahli dhohir, tapi numutkeun Ahli haqiqat mah SHOHIH.

Sabab ari Ahli dhohir mah ngan sakadar naliti Rawi na sedengkeun Ahli Haqiqat mah MUKASYAFAH (terbuka).

Sahingga nalika Mukasyafah tiasa langsung berhadapan sareng Rosululloh, teras ditaroskeun.

Jadi keur urang mah, karana ngamulyakeun ka Kangjeng Nabi Muhammad, mangka kudu nekadkeun yen " Ibu-Rama na" Kangjeng Nabi teh, eta kalebet kana golongan Anu Salamet. Boh make alesan yen "Aranjeunna" kalebet Ahli Fatrah atawa numutkeun kana Hadits anu tadi kasebat.

ISTIMDADNA ILMU TAUHID

othoy9@gmail.com (Sireum Ateul) — Fri, 03 Mar 2017 08:05:00 +0000

Saparantosna urang nguningakeu naon bae ngaran atanapi julukan nana iyeu seratan, anu parantos di guar dina WASMUHU, ayeuna Sireum ateul bade ngalajengkeun deui kana bahasan anu salajengna dina Bab Mabadi Ilmu Tauhid anu nomer ka Dalapan (8) nyaeta ISTIMDADNA ILMU TAUHID.

Dupi Istimdadna Ilmu Tauhid teh nyaeta :

وَاِسْتِمْدَادُهُ مِنَ الْاَدِلَّةِ الْعَقْلِيَّةِ وَالنَّقْلِيَّةِ

WA ISTIMDAADUHU MINAL-ADILLATIL-'AQLIYYATI WAN-NAQLIYYATI.

Hartosna : Dupi pangalapan atanapi Sumber panyokotan nana. Pusatna Ilmu Tauhid nyaeta, tina Dalil 'aqli jeung dalil Naqli ( Ari dalil Naqli tegesna dalil anu alap/dicandak tina Al-Qur'an sareng tina Hadits-Hadits anu Shohih.

Bilih para Maos kabingungan milarian materi hiji-hiji, simkuring nyayogikeun tempat anu ngamuat per BAB. Mangga tiasa di tingali di Didieu da anapon eusina mah sami keneh.

WASMUHU

othoy9@gmail.com (Sireum Ateul) — Wed, 22 Feb 2017 07:35:00 +0000

Salajengna dina bahasan Mabadi Ilmu Tauhid anu nomer Tujuh (7) nyaeta, nganyahokeun Ngaranna eta kitab/tulisan eta Fan( cabang ilmu) anu bade dibahas.

Dupi ngaranna iyeu seratan, eta seueur pisan, dugi ka aya dalapan (8) ngaran, anu dalapan teh nyaeta :

Ilmu Ushuludin
Ilmu Tauhid
Ilmu Kalam
Ilmu 'Aqoid
Ilmu Shifat 20
Ilmu Ilahiyyah
Ilmu Ma'rifat
Ilmu Haqiqat

Tah ku lobana ngaran teh ngajadi tanda jeung nuduhkeun kana yen Mulya_na anu dingarannan.

Tah dina ngaguar WASMUHU mah dialap cekap sakitu wae, da dipanjang-panjang oge kadinya keneh kadinya keneh.

Ngan insya Alloh, dina seratan anu bakal karandapan mah tangtos tina sajudul-judulna teh bakal rada panjang.

Guaran anu bakal dongkap, nyeaeta nguningakeun naon nu disebat

ISTIMDADna Ilmu Tauhid.

Anu langkung simpel mah kamuat enggal didieu SIREUM ATEUL

WADLI'na ILMU TAUHID

othoy9@gmail.com (Sireum Ateul) — Fri, 03 Feb 2017 06:36:00 +0000

Salajengna guaran Mabadi dina ilmu tauhid anu nomer genep(6) Nyaeta : WADLI'na Ilmu tauhid.

Dupi anu disebat Wadli' ilmu tauhid teh nyaeta :

وَوَاضِعُهُ اَبُو الْحَسَنْ اَلْاَشْعَرِيُّ وَمُتَابِعُهُ وَاَبُو مَنْصُوْر اَلْمَاتُرِدِيُّ وَمُتَابِعُهُ

WA WADLI'UHUU ABUL-HASAN AL-ASY'ARIYYU WA MUTAABI'UHUU WA ABU MANSHUR AL-MAATURIDIYYU WA MUTAABI'UHUU.

Hartosna : Ari anu pangheulana nyusun kana Ilmu tauhid teh nyaeta : Imam Abul-Hasan al-Asy'ary jeung para panganutna/pengikutna. Oge Imam Abul-Manshur al-Maturidiy jeung para pangikutna.

Tapi sabenerna eta Elmu Tauhid teh ti kawit zaman Nabi Adam 'alayhis-salaam oge dugi ka Kangjeng Nabi Muhammad Shollallohu 'alayhi wa sallam parantos aya, da sadayana para Rusul pada nerangkeun elmu Tauhid, malah di utusna oge ku Alloh teh dipiwarang ngajak Tauhid.

Namung ku margi Abul-Hasan al-Asy'ary sareng Abul-Manshur al-Maturidiy anu pang masyhurna dina ngabuku_keun iyeu Elmu sareng ngadegkeun kana Dalil-dalilna pikeun nolak/nentang kana Aqidah-aqidah anu batal( sasar ).

Maka atuh Aranjeunna( Abul-Hasan al-Asy'ary sareng Abul-Manshur al-Maturidiy) anu katelah anu ngatur sareng nyusunna kana elmu Tauhid.

Dupi Abul-Hasan al-Asy'ariy lahirna teh taun : 260 Hijriyyah di Bashroh(Irak) sareng wafatna taun : 324.H.

Dupi Abul-Manshur al-Maturidiy lahir di Desa Maturid Samarqondi, kumargi teu aya qaul anu kuat anu ngajelaskeun kana waktos kelahiran nana, jadi didieu Sireum ateul oge teu wantun nyantumkeun nana. Dupi wafatna nyaeta taun 333 H.

Dupi penerusna eta seueur pisan anu dugi ka urang samudayana, mung tina sapalihna penerus eta bade di cantumkeun dina iyeu guaran, diantawisna nyaeta :

1. Imam Abu Bakar al-Qoffal, wafat taun : 365 H.

2. Imam Abu Ishaq al-Asfaroyiin, wafat taun : 411 H.

3. Imam al-Hafidh al-Bayhaqqi, wafat taun : 458 H.

4. Al-Imam al-Haromayn al-Juwayni, wafat taun : 460 H.

5. Al-Imam al-Qosim al-Qusyayri, wafat taun : 465 H.

6. Al-Imam al-Baqilaani, wafat taun : 403 H.

7. Al-Imamul-Ghozaali, wafat taun : 505 H.

8. Al-Imam Fakhrud-diin ar-Roozii, wafat taun : 606 H.

9. Al-Imam 'Izzuddiin bin 'Abdus-salaam, wafat taun : 660 H.

Iyeu sadayana panerus perjuangan Abul-Hasan al-Asy'ariy, dina faham Ahlis-sunnah wal-jama'ah.

Teras ka ayeunakeun nana seueur deui panerus-panerusna, ti antawisna :

1. Asy-Syekh as-Sanuusi, pengarang kitab As-Sanuusiyyah sareng kitab-kitab anu sanesna.

2. Asy-Syekhul-Islaam Syekh 'Abdulloh asy-Syarqowwi, anu wafatna taun : 1227 H. Nyaeta pengarang kitab anu mashur nyaeta : Asy-Syarqowwi.

3. Asy-Syekh Ibroohim al-Bajuuriy, anu wafatna taun : 1272 H. Pengarang kitab syarah as-Sanusi anu mashur, kitab Tahqiiqul-Maqom syarah Kifayatul-'Awaam, kitab Tuhfatul-Muriid Syarah kitab Jawhar Tauhid, sareng kitab-kitab anu sanesna.

4. Al-'Alaamah asy-Syekh Muhamad an-Nawaawi Banten, nyaeta Ulama Indonesia anu wafatna taun : 1315 H. Pengarang kitab syarah Tijanud-Darooriy, Fathul-Majid, syarah ad-Durorul-Fariid, sareng seueur deui penerus anu sanesna.

Kumargi heureut pakeun pungsat bahan,

Sireum ateul mung ngdugikeun sakitu ayana. Mudah- mudahan urang samudayana tiasa nguningakeun salasawios penyusun dina babagan Mabadi Ilmu Tauhid bagian Wadli'na ilmu tauhid.

Insya Alloh kanggo salajengna urang bakal ngalengkah kana bagian WASMUHU( ngaran kitab ).

NISBATNA ILMU TAUHID

othoy9@gmail.com (Sireum Ateul) — Wed, 01 Feb 2017 05:17:00 +0000

Salajengna dina bahasan Mabadi Ilmu Tauhid aya poin anu disebat NISBATNA ILMU TAUHID.
Tah dina ngaguar Nisbatna ilmu tauhid mah sireum ateul bade nyutat sa ayana dina kitabna wae.

Dupi palenggeran Nisbatna Ilmu Tauhid teh, nyaeta :

وَنِسْبَتُهُ اَنَّهُ اَصْلُ الْعُلُوْمِ وَمَا سِوَاهُ فَرْعٌ عَنْهُ

WA NISBATUHUU ANNAHUU ASHLUL-'ULUUMI WA MAA SIWAAHU FAR'UN 'ANHU.

Hartosna : Dupi Nisbatna ilmu tauhid di bandingkeun jeung elmu anu sejenna, eta elmu Tauhid teh lir ibarat tangkalna. Sedengkeun elmu anu sejenna mah lir ibarat dahan-dahanna anu matak ngaranna oge Ushuluddin anu hartina Pokokna agama atawa tangkalna agama.

Saolah-olah pandemen(pondasi) sedengkeun ari elmu anu sejenna mah kabeh oge numpang atawa nempel kadinya.

Tapi sanajan disebut pokok atawa pondasi, lain berarti elmu anu sejenna henteu penting....!!!

Ayeuna suang di ibaratkeun wae kana hiji bangungan imah, atuh tangtu ari bangunan imah teh aya Pondasi, adeg-adeg sapuratina, terus di cet mih beuki hade, tah eta kakara bisa disebut bangunan imah.

Tah dina Agama oge kitu, teu cukup ayeuna ku ngulik atawa ngaji kana elmu Ushuluddin wungkul, da kudu aya ilmu fiqih jeung Tasawwufna supaya cocok dina Iman, Islam jeung Ihsan.

Sakitu nu kapihatur dina ngaguar Mabadi Ilmu tauhid dina bab Nisbatna Ilmu tauhid. Kirang langkungna nyuhunkeun agunging pangapunten.

Sireum ateul

FADLOL (KAUNGGULAN) ILMU TAUHID

othoy9@gmail.com (Sireum Ateul) — Mon, 30 Jan 2017 05:45:00 +0000

Sireum ateul

Mangga suang lajengkeun deui dina ngaguar kana Mabadi Ilmu tauhid anu nomer opat(4) nyaeta Fadlol( ka unggulan) ilmu tauhid.

Dupi fadlol ilmu tauhid teh, nyaeta :

وَفَضْلُهُ اَنَّهُ اَشْرَفُ الْعُلُوْمِ

WA FADLLUHUU ANNAHUU ASYROFUL-'ULUUMI

Hartosna : Ari ka unggulan nana ilmu tauhid teh eta jadi pangutamana elmu, karana eta elmu teh hubungan nana jeung Dzat Alloh sarta hubungan nana jeung Dzat Rusul(utusan) nana.

Sedengkeun henteu aya anu leuwih mulya tinimbang Alloh oge para Rusul Alloh, eta kapan makhluk-makhluk anu di mulyakeun ku Alloh.

Atuh tangtu anu ngabahas sareng anu kersa ngaos kana sifat-sifatna oge bakal kabagean kaMulyaan nana.

Ku hal sakitu hayu urang leuwih soson-soson dina diajarna sangkan mundel tur berlipet dina hasilna. Da Sireum ateul (pirbadi)mah can katepi.

Tah sakitu garis gede tina bab ka unggulan Ilmu tauhid, mudah-mudahan jadi beuki sumanget kana muka bahasan anu salajengna, nyaeta Nisbatna Ilmu Tauhid.

TSAMROH ILMU TAUHID

othoy9@gmail.com (Sireum Ateul) — Sat, 28 Jan 2017 11:54:00 +0000

Alhamdulillaah dina danget ayeuna tiasa pajonghok deui sareng Sireum Ateul, anu bade ngalajengkeun catetan anu teu acan rengse dina ngaguar Mabadi na ilmu Tauhid.

Mabadi Ilmu Tauhid anu nomer tilu (3) nyaeta TSAMAROH (BUAH) ILMU TAUHID.

Dupi anu disebat Tsamaroh dina elmu tauhid teh, nyaeta :

وَثَمْرَتُهُ مَعْرِفَةُ صِفَاتِ اللّٰهِ تَعَالٰى وَرُسُلِهٖ بِالْبَرَاهِيْنِ

الْقَطْعِيَّةِ وَالْفَوْزُ بِالسَّعَادَةِ الْاَبَدِيَّةِ.

WA TSAMROTUHUU MA'RIFAT

SHIFAATILLAAHI TA'AALAA WA RUSULIHII BIL-BAROOHIINIL-QOTH'IYYATI WAL-FAWZU BIS-SA'AADATIL-ABADIYYATI.

Hartosna : Ari buahna atanapi faidahna ilmu tauhid teh nyaeta, ku ngaji na kana eta ilmu tauhid teh bisa nyaho kana sifat-sifatna Alloh sinareng Rosul-Rosulna, ku dalil-dalil anu pasti benerna.

Ka duana ku ngajina kana eta ilmu tauhid teh meunang ka bagjaan anu alus tur anu henteu aya tungtungna dipoe akherat.

Tah eta teh hasil (Tsamroh/buah) tina ngaji ilmu tauhid. Jadi atuh tos jelas ayeuna mah yen saupama urang hayang meunang ka bagajaan anu henteu aya tungtungna di akherat maka hayu atuh urang dileukeunan saeutik-saeutik ngaderes deui kana ngaji ilmu tauhid malah mandar leuwih kandel tur pageuhna patekadan urang sadayana

MAWDLU' ILMU TAUHID

othoy9@gmail.com (Sireum Ateul) — Sat, 28 Jan 2017 05:23:00 +0000

Anu parantos kasebat tur kasabit ku sireum ateul dina bahasan Mabadi pikeun ilmu tauhid, mangga ayeuna urang lajengkeun deui kana guaran anu salajengna nyaeta bagian MAWDLU'na ilmu tauhid.

Nu disebat Mawdlu teh nyaeta :

وَمَوْضُوْعُهُ ذَاتُ اللّٰهِ وَذَاتُ رُسُلِهٖ مِنْ حَيْثُ مَايَجِيْبُ وَمَا يَسْتَحِيْلُ وَمَايَجُوْزُ وَالْمُمْكِنُ مِنْ حَيْثُ اَنَّهُ يُسْتَدَلُّ بِهٖ عَلٰى وُجُوْدِ صَانِعِهٖ، وَالسَّمْعِيَّاتُ مِنْ حَيْثُ اِعْتِقَادُهَا

WA MAWDLU'UHUU DZAATULLOOHI WA DZAATU RUSULIHII MIN HAYTSU MAA YAJIIBU WA MAA YASTAHIILU WA MAA YAJUUZU WAL-MUMKINU MIN HAYTSU ANNAHUU YUSTADALLU BIHII 'ALAA WUJUUDI SHOONI'IHII WAS-SAM'IYYAATU MIN HAYTSU I'TIQOODUHAA.

Hartosna : Ari mawdlu'na atawa anu diolah ku ilmu tauhid teh nyaeta Dzat Alloh jeung Dzat Rosul-rosulna, tina palebahan sifat-sifatna anu wajib, anu mustahil, jeung anu wenang, jeung mumkin atawa makhluk tina palebahan bisa dipake Dalil kana ayana anu ngadamelna. Jeung katerangan anu karungu (kakuping) ti Alloh jeung ti Rosulna anu wajib ditekadkeun nana.

Jadi atuh anu dibahas ku elmu Tauhid teh nyaeta :

1. Sifat-sifat anu wajib di Alloh, anu mustahil di Alloh, jeung anu wenang di Alloh.

2. Sifat anu wajib, anu mustahil, jeung anu wenang dipara Rosul.

3. Makhluk, pedah sok dipake dalil kana ayana anu ngadamelna.

4. Sam'iyyat, tegesna katerangan anu karungu atanapi ka tampi tina Al-Qur'an jeung Al-Hadits anu shohih anu aya patalina jeung patekadan.

Sakitu dialap-cekap dina ngabahas Mabadi Ilmu tauhid anu kadua, nyaeta Mawdlu'.

Sireum ateul

HAD ILMU TAUHID

othoy9@gmail.com (Sireum Ateul) — Sat, 28 Jan 2017 03:23:00 +0000

Salajengna sakadang Sireum ateul bade ngawincik ngawiji-wiji Mabadi dina babagan ilmu Tauhid, kumargi kitu atuh pantes pisan dina ngabahasna teh kana Mabadina ilmu Tauhid anu sapuluh tea, nyaeta nomer kahijina HAD ilmu tauhid anu palenggeran nana teh nyaeta :

1. HAD na Ilmu Tauhid :

فَحَدُّهُ لُغَةً : اَلْعِلْمُ بِأَنَّ الشَّيْئَ وَاحِدٌ
وَشَرْعًا : بِمَعْنٰى فَنِ الْمَدُّوْنِ عِلْمٌ يُبْحَثُ فِيْهِ عَنْ اِثْبَاتِ الْعَقَائِدِ الدِّيْنِيَّةِ الْمُكْتَسَبُ مِنْ اَدِلَّتِهَا الْيَقِيْنِيَّةِ، وَبِغَيْرِ مَعْنٰى الْفَنِّ الْمُدَوَّنِ : اِفْرَادُ الْمَعْبُوْدِ بِالْعِبَادَةِ مَعَ اعْتِقَادِ وَاحْدَتِهٖ ذَاتًا وَصِفَاتٍ وَاَفْعَالًا

FAHADDUHU LUGHOTAN, AL-'ILMU BI_ANNASY-SYAY_A WAAHIDUN.
WA SYAR'AN, BI MA'NAA FANIL-MUDAWWANI 'ILMUN YUBHATSU FIIHI 'AN ITSBAATIL-'AQOO_IDID-DIINIYYATIL-MUKTASABU MIN ADILLATIHAAL-YAQIINIYYATI.
WA BIGHOYRI MA'NAL-FANNIL-MUDAWWANI : IFROODUL-MA'BUUDI BIL-'IBAADATI MA'A'TIQOODI WAHDATIHII DZAATAN WA SHIFAATIN WA AF'AALAN.

Hartosna : Ari Tauhid ceuk lughot (bahasa) mah nyaeta, nyaho kana yen perkara teh sahiji.
Ari tauhid ceuk Syara' mah lamun bae nurutkeun Fan Mudawwan (tegesna elmu anu dibukukeun) nyaeta, hiji elmu anu ngabahas kana netepkeun patekadan agama anu diusahakeun elmuna tina dalil-dalil anu yaqin, saperti Dalil 'aqli( dalil ceuk akal) jeung dalil Naqli anu Qoth'iyyi tina Hadits jeung Qur'an.
Ari tauhid ceuk Syara' mah, lamun nurutkeun kana Fan anu henteu di bukukeun mah nyaeta, ngawungkulkeun kanu di sembah, tunggal dzatna, sifatna, jeung af'alna.

Sakitu anu ka pihatur ti sakdang Sireum ateul dina penjelasan Palenggeran Had Ilmu tauhid secara garis gedena.
Upami hoyong langkung jelasna mah kedah di Majlis pangaosan da dibahas didieu mah teu kauntup ngetikna.

Sireum ateul

MABADI ILMU TAUHID

othoy9@gmail.com (Sireum Ateul) — Fri, 27 Jan 2017 08:13:00 +0000

Dina danget iyeu sakadang sireum ateul bade nyutatkeun naon anu aya dina moqoddimah tadi nyaeta ngadugikeun MABADI ILMU TAUHID.

Atuh peryogi ka uninga ka satiap-tiap jalma anu bade ngaos kana hiji Fan (cabang ilmu) naon bae, mangka kedah ngabahas heula kana mabadi na( dasar-dasar pokok jeung tujuan) tina eta elmu, malahmandar sangkan tambah teguh jeung semangat kana di ajarna.

Dupi Mabadi tina tiap-tiap elmu, eta aya sapuluh seueurna, sakumaha iyeu katerangan anu dikandung dina nadhom :

اِنَّ مَبَادِيَّ كُلِّ فَنٍ عَشَرَةٌ * اَلْحَدَّ وَالْمَوْضُوْعُ ثُمَّ ثَمَرَه

وَفَضْلُهُ وَنِسْبَةٌ وَالْوَاضِعُ * وَالْاِسْمُ الْاِسْتِمْدَادُ حُكْمُ الشَّارِعُ

مَسَائِلُ وَالْبَعْضُ بِالْبَعْضِ اكْتَفٰى * وَمَنْ دَرٰى الْجَمِيْعَ حَازَا الشَّرَفا

Hartosna : Saenyana Mabadi tiap-tiap elmu (pirang-pirang anu peryogi diuningakeun dina mimiti ngaji tiap-tiap Fan warna elmu) eta aya sapuluh rupa.

1. Had na (ta'rifna/palenggeran nana/ definisi na.

2. Mawdlu' na tegesna anu diolahna atawa anu digarapna ku eta elmu (obyekna).

3. Tsamroh na tegesna buahna atawa hasilna tina eta elmu.

4. Fadlilah na atawa kaunggulan nana tina eta elmu.

5. Nisbat na hubungan nana jeung elmu-elmu anu sejenna.

6. Waadli' na tegesna saha anu ngaturna jeung merenahkeun nana eta elmu ( subjekna).

7. Ismuhu tegesna ngaranna/julukan nana eta elmu.

8. Istimdad na tegesna sumber panyokotan nana atawa asal-usulna eta elmu.

9. Hukum syara'na ngaji eta elmu.

10. Mas_alah-mas_alah anu dibahas ku eta elmu.

Mangka sing saha wae anu apal, sanajan ngan ukur sawareh tina mabadi, mangka eta geus cukup, jeung saha bae jalmana anu apal kabeh kana Mabadi tiap-tiap elmu, mangka tangtu eta jalma bakal meunang kamulyaan(karomah).

Sireum ateul

Kanggo bubuka di alap cekap insya Alloh kapayun bakal diguar hiji-hijina mabadi anu sapuluh tea.

MUQODDIMAH ILMU TAUHID

othoy9@gmail.com (Sireum Ateul) — Fri, 27 Jan 2017 02:37:00 +0000

بسم الله الرحمن الرحيم

اَلْحَمْدُ لِلّٰهِ الْمَوْجُوْدِ لِذَاتِهٖ. الْقَدِيْمِ الْبَاقِى الْمُخَالِفِ لِلْخَلْقِ الْغَنِيِّ لِذَاتِهٖ. الْوَاحِدِ الْقَادِرِ الْمُرِيْدِ الْعَالَيْمِ ذِى الْحَيَاةِ وَالسَّمْعِ وَالْبَصَرِ وَالْكَلَامِ الْقَدِيْمِ

وَالصَّلَاةُ وَالسَّلَامُ عَلٰى أَفْضَلِ الرُّسُلِ الصَّادِقِيْنَ فِي دَعْوَاهُم وَاَحْكَامِهِمْ اَلْمَعْصُوْمِيْنَ مِنْ مَنْهِيَاتِ الظَّاهِرِ وَالْبَاطِنِ الْمُبَلِّغِيْنَ لِمَا عَلَيْنَا تَصْدِيْقُهُ وَعَلٰى اٰلِهٖ وَصَحْبِهٖ اَجْمَعِيْنَ ( اَمَّا بَعْدُ) فَهٰذِهٖ رِسَالَةُ فِى بَيَانِ الْعَقَائِدِ الَّتِيْ هِيَ اُصُوْلُ الدِّيْن

Mangka sateuacanna tumandang kana bahasan anu dimaksud, didieu simkuring (sireum ateul) bade ngamuat muqoddimah bahasan Ilmu Tauhid, sakumaha anu diserat ku Muallif.

Diantawis eusi dina bahasan iyeu nyaeta :

1. Mertelakeun Mabadi Ilmu Tauhid, nyaeta anu dimaksud supados urang anu maos kana iyeu kitab/tulisan tambih sumanget.

2. Mertelakeun ta'rif Ahlis-sunnah wal jamaa'ah jeung Luar ahlis-sunnah( selain ahlis-sunnah wal jamaa'ah ), mung sakadar pikeun ngabedakeun wungkul, jadi ngan garis gedena wungkul.

3. Mertelakeun Ma'rifat anu wajib diusahakeun nana ku tiap jalma Mukallaf ( baligh tur boga akal).

@sireum ateul

TANBIH

othoy9@gmail.com (Sireum Ateul) — Wed, 25 Jan 2017 07:12:00 +0000

Dina danget iyeu Sireum Ateul ka papancenan ngadugikeun hiji Peringetan ti Muallif iyeu seratan/kitab, kumargi bilih aya kakaliruan pikeun awam, margi dina Hukum Akal aya ucapan atanapi bahasan Wajib jeung wenang atawa Jaiz.
Nya kitu deui dina

Hukum Syara' oge kapendak deui eta ucapan Wajib sareng Wenang atawa Ibaahah.

Tah didieu ulah nepi ka pahili.
Dupi ucapan Wajib dina hukum akal mah maksudna nyaeta, sakur-sakur perkara anu misti ayana (kudu aya) jeung Mustahil euweuhna, nyaeta sabalikna tina Mustahil,
Contona saperti ucapan/kecap : Alloh Wajib ka Sifatan ku Sifat Qudrot, ( Alloh Misti kawasana tur henteu kaharti ku Akal lamun henteu kawasa, jadi mustahi Apes/lemah.

Dupi kecap Wajib dina Hukum syara' mah nyaeta, anu misti di pigawena atawa dilaksanakeun nana sabalikna tinu Haram.
Saperti conto : Wajib Shalat, tah maksudna eta shalat teh nyaeta kudu di pigawe, mangka bakal disiksa lamun ditinggalkeun nana atawa teu di pigawena.

Dupi kecap Wenang dina hukum Akal, nyaeta anu kaharti ayana jeung euweuhna.
Saperti ucapan : Wenang Alloh ngadamel iyeu Alam, tah didieu maksudna eta ucapan teh, Alloh ta'ala ngayakeun jeung ngeuwueuhkeun nana kana iyeu Alam teh eta kaharti jeung dibenerkeun ku Akal.

Dupi kecap Wenang dina hukum Syara' mah nyaeta, perkara anu di pigawena atawa henteu migawena, eta henteu jadi ganjaran jeung henteu ngajadikeun siksaan.
Contona saperti : Wenangna dahar, sare, sareng anu sanesna.

Jadi dimana anjeun/paramaos manggih kecap Wajib, Wenang( Jaiz) atawa Mustahil dina nyipatan Alloh atawa Rosulna, tah eta teh tangtu anu dimaksudna teh ceuk hukum Akal.
Jeung upama manggih kecap : Wajib ka sakabeh jalma Mukalaf kudu nganyahokeun Rukun Iman, atawa Wajib ka sakur-sakur jalma anu mukalaf, kudu ngalakonan shalat lima(5) waktu, tah tangtu eta mah anu dimaksud teh Wajib ceuk hukum syara', nyaeta lamun dipigawe diganjar, jeung lamun ditinggalkeun bakal disiksa.

Tah dugi ka dieu TAMMAT ( والله أعلم )
Tammat dina Muqoddimah iyeu kitab/ seratan. Tegesna tamat nerangkeun bahan-bahan pikeun nempuh dina nganyahokeun atawa ngambah kana ilmu Ushuluddin.

Salajengna bade ngabahas anu ngarupakeun pokokna anu di maksud, nyaeta ( Ilmu Ushuluddin) atawa ilmu Tauhid.

والله ولي الهداية والتوفيق

sireum ateul

KASIMPULAN

othoy9@gmail.com (Sireum Ateul) — Tue, 24 Jan 2017 08:08:00 +0000

Kasimpulan hukum Syara' :

Wal hasil, ari anu disebut hukum Syara' teh nyaeta, kabagi kana dua (2) nyaeta :

1. Khithob Taklif

2. Khithob Wadl'i

Anu dua (2) iyeu, eta masing- masing aya lima cabang, sarta hiji-hijina Khithob Taklif, eta di aturna ku khithob Wadl'i anu lima.

Jadi jumlah hukum syara' teh aya duapuluh lima(25), nyaeta hasil tina nikelkeun (ngali keun) lima khitob taklif (×) lima khithob wadl'i.

Supados kahartos iyeu dihandap kangge gambaran nana :

٥×٥=٢٥

Gambaran hukum syara'

FASAD

othoy9@gmail.com (Sireum Ateul) — Tue, 24 Jan 2017 07:00:00 +0000

Khithob Wadl'i anu ka lima (5) nyaeta FASAD atawa BUTHLAN.

Ari ta'rifna Fasad atawa Buthlan teh nyaeta :

وَالْفَسَادُ اَوِ الْبُطْلَانُ هُوَ مُخَالَفَةُ ذِى الْوَجْهَيْنِ الشَّرْعَ

WAL-FASAADU AWIL-BUTHLAANU HUWA MUKHOLAFATU DZIL-WAJHAYNISY-SYAR'I.

Hartosna : Ari fasad atanapi buthlan teh nyaeta, nyulayaan nana pagawean anu ngabogaan dua jalan kana syara' dina tumibana.

Tegesna henteu nyumponan syarat rukun, ngan aya Maani' (anu ngahalang/nyegah).

Jadi tiap-tiap ibadah atawa mu'amalah anu henteu nyumponan, atawa aya Maani' mangka eta ibadah atawa muamalah teh disebut Faasid atawa Buthlan/ Batal.

SHIHAH

othoy9@gmail.com (Sireum Ateul) — Tue, 24 Jan 2017 05:42:00 +0000

Khithob Wadl'i anu ka opat (4) nyaeta SHIHAH( SAH ).

Ari ta'rifna Shihah nyaeta :

وَالصِّحَةُ هِيَ مُوَاقَفَةُ ذِى الْوَجْهَيْنِ الشَّرْعَ

WASH-SHIHATU HIYA MUWAAQOFATU DZIL-WAJHAYNISY-SAR'A.

Hartosna : Ari shihah teh nyaeta anu shohih, nyaeta ngamufakatan pagawean anu boga dua jalan kana aturan syara'.

Tegesna eta pagawean teh nyumponan syarat jeung rukunna, ngajauhan anu ngabatalkeun.

Jadi tiap-tiap ibadah saperti Sholat, zakat jeung liyanna anu nyumponan sarat jeung rukunna jeung bari aya Sabab tur euweuh Maani'( ngahalang/nyegah), mangka eta ibadah atawa mu'amalah teh di ngaranan Shihah (Sah) /Shohih.

MAANI'

othoy9@gmail.com (Sireum Ateul) — Mon, 23 Jan 2017 08:01:00 +0000

Khithob Wadl'i anu ka tilu nyaeta MAANI'.

Dupi ta'rifna Maani' teh nyaeta :

وَالْمَانِعُ هُوَ وَصْفٌ وُجُوْدِيٌّ ظَاهِرٌ مُنْضَبِطٌ مُعَرٍّفٌ نَقِيْضَ حُكْمِ السَّبَبِ

WAL-MAANI'U HUWA WASHFUN WUJUUDIYYUN DHOOHIRUN MUNDLOBITHUN MU'ARRIFUN NAQIDLO HUKMIS-SABABI.

Hartosna : Ari ngaran Maani' teh nyaeta, sifat anu bangsa aya, tur dohir. Anu ka palenggeran sarta mere nyaho kana lalawanan hukum sabab.

Contona saperti Haid jadi Maani' ( Ngahalangan ) kana hukum wajib sholat, sanajan aya bukti saban. Atawa contona saperti Lingsirna panonpoe(matahari) dina waktu lohor.

Tah conto anu kitu teh disebatna Maani'( nyegah/ngahalangan).

SYARAT

othoy9@gmail.com (Sireum Ateul) — Sun, 22 Jan 2017 07:16:00 +0000

Khithob Wadl'i anu kadua (2) nyaeta SYARAT.

Ari anu disebat Syarat teh nyaeta :

وَالشَّرْطُ هُوَ مَايَلْزَمُ مِنْ عَدَمِهٖ الْعَدَمْ وَلَايَلْزَمُ مِنْ وُجُوْدِهٖ وُجُوْدٌ وَلَا عَدَمٌ لِذَاتِهٖ

WASY-SYARTHU HUWA MAA YALZAMU MIN 'ADAMIHIL-'ADAM, WA LAA YALZAMU MIN WUJUUDIHI WUJUUDUN WA LAA 'ADAMUN LIDZATIHI

Hartosna : Ari ngaran syarat teh nyaeta perkara anu misti tina euweuhna eta perkara teh euweuhna Masyruth ( anu disyaratan nana), ngan henteu misti tina buktina eta syarat teh kudu buktina anu di syaratan nana ( henteu buktina).

Contona saperti Wudu, tah eta wudu teh ngajadi syarat kana sholat ( kana sah na sholat) jadi lamun euweuh wudu, atuh tangtu euweh sah (teu sah sholatna), tapi can tangtu ku ayana wudu teh ayana sholat (kadang wudu teh karana rek maca Qur'an, atawa rek thowwaf sareng nu sanesna).

Dupi syarat teh eta kabagi kana tilu bagian, nyaeta :

1. Syarat ceuk akal, saperti HIRUP JADI SYARAT KANA AYANA 'ILMU.

2. Syarat ceuk syara', saperti susuci (wudu, tayamum, adus) eta jadi syarat kana sah na sholat.

3. Syarat ceuk adat, saperti nangtungna sigay(taraje/tangga) eta jadi syarat kana gampangna naek kana tangkal kawung (aren).

SABAB

othoy9@gmail.com (Sireum Ateul) — Sat, 21 Jan 2017 05:47:00 +0000

Ayeuna urang ta'rifan(kanyahokeun) hiji-hijina Khithob Wadl'i anu lima (5) tea, nyaeta anu nomer hiji SABAB.

Ari ta'rifna Sabab nyaeta :

جَعْلُ وَصْفٍ ظَاهِرٍ مُنْضَبَطٍ مَنَاطًا لِوُجُوْدِ الْحُكْمِ اَيْ مَا يَسْتَلْزِمُ وُجُوْدُهُ وُجُدَ الْحُكْمِ

JA'LU WASHFIN DHOOHIRIN MUNDLOBATHIN MANAATHON LI WUJUUDIL-HUKMI AY MAA YASTALZIMU WUJUUDUHUU WUJUUDAL-HUKMI.

Hartosna : Ari ngaran sabab teh nyaeta, ngajadikeun shifat anu dohir, tur ka palenggeran/ ka cangreud jadi percantelan kana eta hukum.

Penjelasan nana, saperti jalma Zina. Alloh ta'ala ngajadieun dua hukum dina eta zina, nyaeta :

1. Hukum Taklif, nyaeta wajib Had.

2. Wadl'i, nyaeta zina teh jadi sabab kana wajibna Had.

Karana ari Dzatna zina mah henteu ngawajibkeun kana Had, tapi di jadieun Had mah ku hukum syara', atawa hukum taklif.

Jeung ari sabab, eta oge kabagi kana dua(2) bagian, nyaeta :

1. SABAB WAQTIYYAH, tegesna sabab anu patali jeung waktu, contona saperti : Ari lingsirna panonpoe teh eta ngajadi sabab kana wajibna sholat Dzuhur.

2. SABAB MA'NAWIYYAH, tegesna sabab anu patali jeung makna, contona saperti : Weureu( mabok), eta jadi sabab kana haramna anu matak ngaweureukeun( memabukkan).

Oge maksiat jadi sabab kana siksaan, jeung sabangsana.

[BABAGIAN KHITHOB WAD'I]

othoy9@gmail.com (Sireum Ateul) — Thu, 19 Jan 2017 07:59:00 +0000

Salajengna dupi babagian khithob Wad'i, eta kabagi kana lima (5) bagian, nyaeta :

1. Sabab

2. Syarat

3. Maani'

4. Shihhatun

5. Fasad/Buthlaanuun

Ari eta anu lima ngatur kana hiji-hijina Khithob Taklif anu lima tea.

Jadi jumlahna hukum syara' teh upama diperinci mah aya salawe (25) hasil tina nikelkeun lima Khithob Taklif kana lima khithob Wadl'i.

{ KHITOBUL-WADL'IYYI}

othoy9@gmail.com (Sireum Ateul) — Thu, 19 Jan 2017 03:53:00 +0000

Ari ta'rif khithob wadl'i nyaeta :

وَالْخِطَابُ الْوَضْعِيُ هُوَ كَلَامُ اللّٰهِ تَعَالٰى اَلْمُتَعَلِّقُ بِفِعْلِ الشَّخْصِ مِنْ حَيْثُ الْوَضْعُ

WAL-KHITHOOBUL-WADL'IYU HUWA KALAAMULLOOHI TA'ALAA AL-MUTA'ALLIQU BIFI'LISY-SYAKHSHI MIN HAYTSUL-WADL'U.

Hartosna : Ari khithob wadl'i teh nyaeta dawuhan Alloh ta'ala anu patali kana pagawean jalma anu mukallaf (baligh tur boga akal) tina palebahan ngatur Khithob taklif.