O Nemeton do Galaicum

Rexo Camiñar

noreply@blogger.com (Unknown) — Mon, 18 Feb 2019 17:29:00 +0000

Cada chanzo un latexo,

cada avance satisfacción,

na escada da vida

perseveranza locomotriz

e firmeza no pisar,

sen perder o norte

nas cotiás andanzas

para a boa volta ao sitio propio.

© Poesía creada por Xurxo M. Gago Chao

Tecendo

noreply@blogger.com (Unknown) — Mon, 18 Feb 2019 16:33:00 +0000

Tecer acotío

novas esperanzas

cos fortes fíos do ser

entrenzando quefaceres

con breves ratos de lecer.

© Poesía creada por Xurxo M. Gago Chao

Doce máis doce

noreply@blogger.com (Unknown) — Mon, 18 Feb 2019 16:19:00 +0000

Hai días de mel,
días apegadizos
de mornas latexadas,
agarimos e sorrisos,
de parénteses pactadas,
sen enredos,
sen compromisos.
Hai días de mel gozosos,
sen aditivos,
sen axendas saturadas
e sen queixumes engadidos,
vinte e catro horas pegañentas
de maiolas e aloumiños.

© Poesía creada por Xurxo M. Gago Chao

Voo breve

noreply@blogger.com (Unknown) — Mon, 18 Feb 2019 16:02:00 +0000

O entusiasmo
que se vai voando
tenta motivos e ilusões
e quando as tem
vai regressando
com perseverança
e com emoções.

© Poesía creada por Xurxo M. Gago Chao

Mundiais cobizas

noreply@blogger.com (Unknown) — Mon, 18 Feb 2019 15:53:00 +0000

Están a construír
un mundo para ricos
enchido de desigualdades
onde os egos de uns
converten aos outros vulgares
e onde as mentiras
xa superan ás verdades
mentres a cobiza
secuestra necesidades
encarecendo a vida
e reprimindo liberdades.

© Poesía creada por Xurxo M. Gago Chao

Emprender vida

noreply@blogger.com (Unknown) — Mon, 18 Feb 2019 15:48:00 +0000

Comezar unha digna ousadía
e viaxar no tren da esperanza
apreixando cada día
novas benaventuranzas,
novos designios na travesía,
novos albores e novas luadas
cara á estación da túa propia soberanía.

© Poesía creada por Xurxo M. Gago Chao

Girando

noreply@blogger.com (Unknown) — Wed, 28 Nov 2018 00:42:00 +0000

Um dia,
de repente,
tudo muda
e é diferente,
nada já é igual;
são os giros da vida,
que surpreende
com a sua corrente,
com seu bem
e com seu mal.

© Poesía creada por Xurxo M. Gago Chao

Vida de outono

noreply@blogger.com (Unknown) — Wed, 28 Nov 2018 00:35:00 +0000

Días de outono
nos camiños vellos,
alfombras de follas,
asubíos do vento,
pingas de chuvia,
ceo gris e negro.
Lecturas caseiras,
estufas de ferro,
son días de ánimas,
noites de misterio.
Esperanzas novas,
tempada de retos,
degoxadas rebuscas
e fecundos desvelos.

© Poesía creada por Xurxo M. Gago Chao

Impulsos sobranceiros

noreply@blogger.com (Unknown) — Wed, 28 Nov 2018 00:22:00 +0000

Ás veces;
de súpeto,
gústame asubiar,
gústame rir e cantar,
gústame soñar,
así, ao bruto.

Ás veces;

así, ao bruto,

gústame lembrar,

gústame evocar

e regresar,

gústame aproveitar

cada eterno minuto.

Así, de súpeto,

ao bruto!

© Poesía creada por Xurxo M. Gago Chao

É o tudo

noreply@blogger.com (Unknown) — Wed, 28 Nov 2018 00:13:00 +0000

Tu, não queres poesia
mas a poesia é o tudo
e por ela caminhas,
e também a respiras,
pois és parte dela
com a rima ou sem a rima.

© Poesía creada por Xurxo M. Gago Chao

Saber nivelar

noreply@blogger.com (Unknown) — Wed, 28 Nov 2018 00:11:00 +0000

Hai que soltar lastre
para se manter en ristre,
para se alixeirar,
para que non vaia ao traste
o plan que existe
para poder voar,
e todo por sobrecargar.

© Poesía creada por Xurxo M. Gago Chao

Vermes, no canto de neuronas

noreply@blogger.com (Unknown) — Wed, 28 Nov 2018 00:06:00 +0000

Hai razóns pailanas
enchidas de xenreira
querendo vender fumes
con garfos de ferro.
Carautas prepotentes
que feren, ás bravas,
esparexendo odio,
infundindo medos;
mentes inmorais
coas linguas podres
e cos cerebros infectos.

O Teu Leme

noreply@blogger.com (Unknown) — Tue, 27 Nov 2018 23:57:00 +0000

Este dirache que non vales,
aquel que todo o fas mal,
estoutro que non sabes,
aqueloutro que vas a errar.
Ese dirache que non podes,
esoutro que non vas chegar,
sempre haberá quen free
ou quen intente frear,
mais tan só ti tes o leme
e a liberdade para avanzar.

© Poesía creada por Xurxo M. Gago Chao

Falando coa Alma

noreply@blogger.com (Unknown) — Fri, 26 Oct 2018 23:36:00 +0000

Pódese dicir todo
sen unha soa palabra
tan só cun leve xesto
e sen verbas pronunciadas,
falando só cos ollos
e cos xogos das miradas,
co dicir dun silencio
ou dunha aperta dada,
cun afecto morno
ou cunha man entrenzada,
dicíndoo todo
mais sen dicir case nada.

© Poesía creada por Xurxo M. Gago Chao

As viaxes do cavilar

noreply@blogger.com (Unknown) — Fri, 26 Oct 2018 23:30:00 +0000

Vaise o pensamento
a un mundo paralelo,
nin entre o chan
nin entre o ceo,
fica nun limbo etéreo
como bobo, parvo,
preguiceiro e lelo
e cando volve
xa non é o mesmo.

© Poesía creada por Xurxo M. Gago Chao

A iniquidade dunhas células

noreply@blogger.com (Unknown) — Fri, 26 Oct 2018 23:25:00 +0000

Unha doenza, unhas bágoas,
un inferno no interior,
escuridade asolarante
nas noites de insomnio,
medias lúas negras
nas olleiras,
sorrisos forzados
e indiferenzas que doen,
unha loita contra o tempo
cun ánimo de cristal.
Os bicos e as apertas
menciñas para curar!

© Poesía creada por Xurxo M. Gago Chao

Noxento Supremacismo Castelán

noreply@blogger.com (Unknown) — Fri, 26 Oct 2018 23:18:00 +0000

Galegofalantes da matria
sufrindo supremacismos
dos galegocalantes de España,
rancorosos e insubmisos
da real fala galaica
que latexa ante os cinismos
e sorrí sendo acosada;
que segue o seu camiño
a pesar das moitas trabas
dos boubexos sombríos,
hexemónicas mentes planas.

© Poesía creada por Xurxo M. Gago Chao

O Nosso yīn e o noso yáng

noreply@blogger.com (Unknown) — Fri, 26 Oct 2018 23:10:00 +0000

Se no yīn há yáng
no yáng também há yīn,
se há muito yīn
também há muito yáng,
eu são muito yáng
mas tenho yīn por mim
e os meus sentimentos
vêm e vão.
Se no yīn há yáng
no yáng também há yīn
entre os dois complementarão
o florescimento do nosso jardim.

© Poesía creada por Xurxo M. Gago Chao

Poesía Interna

noreply@blogger.com (Unknown) — Fri, 26 Oct 2018 23:04:00 +0000

Cada persoa

leva dentro un poeta

que ama,

que admira,

que soña,

que cavila,

que conversa,

que vai e que chega,

que recita;

que versa,

que cofa,

que anima,

que cura,

que apaga,

que debuxa,

que alumea,

que aconsella,

que gaba,

que investiga,

que sementa,

que colleita.

Que Não!

noreply@blogger.com (Unknown) — Fri, 26 Oct 2018 00:55:00 +0000

Que não derrubem
as muralhas da tua estima.
Que não pisem
a tua colheita de ilusões.
Que não te afundam
na lagoa da preguiça.
Que não silenciem
o teu som.
Que não apaguem
a tua escrita.
Que não ceguem
o teu próprio sol.
Que não te freiem
na vida.
Que não, caralho,
que não!

Instantes de Outono

noreply@blogger.com (Unknown) — Fri, 26 Oct 2018 00:26:00 +0000

Sen reloxo

pasa igual o tempo,

sen cautela

sen miramento

molla a chuvia

venta o vento,

xoga a meniña

chora o neno;

que se

unha doce aperta,

que se

un agarimo tenro,

castañas asadas

co seu arrecendo,

o pasar das páxinas

deste libro vello,

cousas miudiñas,

momentos sinxelos.

Os Ciclos do Ánimo

noreply@blogger.com (Unknown) — Fri, 26 Oct 2018 00:19:00 +0000

O ánimo crécese,
énchese, fártase,
escúdase, elévase,
xáctase, afúndese,
agóchase, deprímese,
alédase, báixase,
sáese, aférrase,
é e pretende ser.

A función rutineira

noreply@blogger.com (Unknown) — Fri, 26 Oct 2018 00:10:00 +0000

Cada día un novo pano
unha nova obra na vida,
unha nova función ilusión
e unha nova expectativa.
Baixo a mesma dirección,
distinto guión cada día
mais sempre a mesma rutina,
dramaturxia e escenografía,
sempre cos mesmos histrións
e coas mesmas bambolinas.

Que fazer

noreply@blogger.com (Unknown) — Fri, 26 Oct 2018 00:05:00 +0000

Há cordas invisíveis
que sujeitam,
cordas que amarram,
ligaduras de merda,
umas baraças etéreas
que freiam
e se querermos voar
não nos deixam.

#Quefazer

Revitalizando Neuronas

noreply@blogger.com (Unknown) — Thu, 25 Oct 2018 23:59:00 +0000

Darlle á mente
vitaminas nutritivas de constancia,
reguladoras proteínas de intrepidez,
para non caer na estupidez
nin afogar na torpe ignorancia.