PGBWU

PGBEA - PGBWU இணைப்பு மாநாடு!

2014-07-16T15:23:00.000+05:30

13.7.2014,!
ஞாயிற்றுக்கிழமை!!

நமது தொழிற்சங்க இயக்க வரலாற்றில் மிக முக்கியமான நாளாகி விட்டிருந்தது. மாநாடு நடந்த ‘ஆரியாஸ் மஹாலின்’ ஒவ்வொரு பகுதியிலும் சந்தோஷமும், நட்பும் ததும்பி இருந்தது. ஏக்கங்கள் எல்லாம் கலைந்து, ஒரு கனவு மெய்ப்பட்ட சிலிர்ப்போடு தோழர்கள் அனைவரும் காணப்பட்டனர்.

’ஒற்றுமையின் திருவிழாவாக’ நடந்த நம் இணைப்பு மாநாடு அதற்குரிய எழுச்சியோடு விளங்கியது. நானூறுக்கும் மேற்பட்ட தோழர்கள் நிறைந்த அந்த மாபெரும் சபையில் 2008க்குப் பிறகு பணிக்குச் சேர்ந்த தோழர்கள் அதிகமாக கலந்துகொண்டு உற்சகாகமாக இருந்தனர். அவர்களே இந்த மாநாட்டின் அர்த்தமாகத் திகழ்ந்தனர். எதிர்காலம் நம்பிக்கையோடு தெரிந்தது.

மாநாட்டிற்கு தோழர்.S.பாலசுப்பிரமணியன் தலைமை தாங்கினார். தோழர்.S.சங்கரசீனிவாசன் முன்னிலை வகித்தார். நமது அழைப்பை ஏற்று வங்கியின் சேர்மன் திரு.கார்த்திகேயன், பொதுமேலாளர் திரு.ராமசுப்பு ஆகியோர் வந்திருந்தனர். AIRRBEAவின் அகில இந்தியத் தலைவர்கள் தோழர்.வெங்கடேஷ்வரரெட்டி, தோழர் நாகபூஷண்ராவ் ஆகியோரும், AIRRBEA-TN ஆலோசகரும், BEFI -TN மாநிலப் பொதுச்செயலாளருமான தோழர். சி.பி.கிருஷ்ணன் மற்றும் AIRRBEA-TN தலைவர் தோழர்.டி.கிருஷ்ணனும் வந்திருந்தனர். மேலும் நமது சகோதரத் தொழிற்சங்கங்களின் சார்பில் நமது அழைப்பை ஏற்று தோழர்.சங்கரலிங்கம் (GS - PGBOU), தோழர்.போஸ்பாண்டியன் (Vice President - PGBOU), தோழர்.இலக்குவன் (GS - PGBOA), தோழர்.ஐ.சுப்பிரமணியன் (President - PGBOA), தோழர்.ராஜேந்திரசோழன் (GS - PGBSEWA) ஆகியோரும் வந்திருந்தனர். இணைப்பு குறித்து பேசுவதற்கு தோழர்.மாதவராஜும் தோழர்.பாலாஜி பாலகிருஷ்ணனும் இருந்தனர். அனைவரையும் தோழர்.விவேகானந்தன் வரவேற்று மேடையில் வந்து அமருமாறு அழைப்பு விடுத்தார்.

மாநாட்டின் சில காட்சிகள்...

(மாநாட்டில் புகைப்படம் எடுத்த போட்டோகிராபர் தந்த புகைப்படங்கள் இவை. பல காட்சிகள் விடுபட்டிருக்கலாம். மன்னிக்கவும்.)

உற்சாகத்தோடு தோழர்கள் மாதவ்ராஜ், பாலசுப்பிரமணியம், சி.பி.கிருஷ்ணன்

நம் தோழர்கள்

இணைப்புத் தீர்மானங்கள் நிறைவேற்றப்படுகின்றன

நம் தோழர்கள்

தோழர். ஐ.சுப்பிரமணியம் வாழ்த்துகிறார்

தோழர்.போஸ்பாண்டியன் வாழ்த்துகிறார்

நம் தோழர்கள்

தோழர்.மாதவராஜ் இனைப்பு குறித்து.....

நம் தோழர்கள்

தோழர்.பாலசுப்பிரமணியன் இணைப்பு குறித்து.....

தோழர்.சி.பி.கிருஷ்ணன் வழிகாட்டுகிறார்

தோழர்.நாகபூஷண்ராவ், AIRRBEA குறித்து விளக்குகிறார்

தோழர்.வெங்கடேஸ்வரரெட்டி, AIRRBEA வில் இணைந்தமைக்கு பாராட்டுகிறார்

நம் தோழர்கள்

சேர்மன் திரு.கார்த்திகேயன் வாழ்த்துகிறார்!

நம் தோழர்கள்!

பத்திரிகையாளர் சந்திப்பில் தோழர்கள் பாலசுப்பிரம்ணியன், மாதவராஜ்

PGBEA, PGBOU மாநாடுகள்- 2013

2013-07-08T10:48:00.000+05:30

மேடையில் தன் விரல் உயர்த்தி ஒரு இயக்கத்தின் துடிப்பாக தோழர்.முகர்ஜி நின்று கொண்டு இருந்தார். தோழர்கள் மாநாட்டு அரங்கிற்குள் நுழைந்துகொண்டு இருக்க, ஒருவரையொருவர் நலம் விசாரித்து, தேனீர் அருந்தி, அங்கங்கு பேசிக்கொண்டு இருந்தனர்.

சனிக்கிழமை சாயங்காலம், கொடிகள், பேனர்கள் என அலங்கரிக்க மாநாட்டின் அரங்கிற்குள் நுழைந்த கணத்திலிருந்து ஒவ்வொரு தருணத்தையும் துளித் துளியாய் சேகரித்து, நினைவு படுத்தி பார்க்கும்போது உற்சாகமும், நம்பிக்கையும் நம்மை ஆட்கொள்கின்றன.

மாநாட்டில் மறைந்த மகத்தான தலைவர் தோழர்.முகர்ஜி அவர்கள் குறித்த ஒரு படக் கண்காட்சி வைக்கப்பட்டு இருந்தது. திரும்பிய பக்கமெல்லாம் முகர்ஜி, நம்மை பார்த்துக் கொண்டு இருப்பதாக உணர்வு ஏற்பட்டது.

AIRRBEA- TN தலைவர், கொடியேற்றி வைக்க, தியாகிகளுக்கு அஞ்சலி செலுத்த, ஜூலை 6ம் தேதி குறிப்பிட்ட தோழர்களோடு மாநாடு துவங்கியது. ஐ.ஓ.பியில் இருக்கிற, ஒரு நேர்மையான, எளிமையான ச்ங்கத்தின் தலைவர் என- IOBSF தலைவர் தோழர்.ஜீ.பாலச்சந்திரனை மாநாட்டை துவக்கிவைத்து பேச அழைத்த போது மாநாடு ஆரவாரித்தது.

இரவு உணவுக்கு கலைந்து, அடுத்த நாள் மாநாட்டு நிகழ்வுகளுக்கு தயாரானோம்.

காலையிலேயே, கல்கத்தாவிலிருந்து நமது அகில இந்திய பொதுச் செயலாளர் தோழர்.சையத் கான் வந்துவிட்டார். சிறப்பு பேச்சாளர்கள் தோழர்கள். சி.பி.கிருஷ்ணன் (பொதுச்செயலாளர் -BEFI,TN), எஸ்.வி.வேணுகோபால் (IBEA-TN) அவர்களும் சிறிது நேரத்தில் வந்தனர். தொலைதூரங்களில் இருந்து நம் அருமைத்தோழர்கள் வந்து கொண்டே இருந்தனர். அந்த பெரிய ஹால் முழுவதும் நம் தோழர்களாய் இருந்தனர். நம் சங்க மாநாடுகளில், முதன் முறையாக நாற்பதுக்கும் மேற்பட்ட பெண் தோழர்கள் வந்திருந்தனர். சில வாரங்களுக்கு முன்பு பணிக்குச் சேர்ந்த தோழர்களில் இருபதுக்கும் மேற்பட்டவர்கள் வந்திருந்தனர். நமது வங்கியின் இரு பொது மேலாளர்களும் வந்து வாழ்த்தினர். மாநாடு களை கட்டியிருந்தது. மேடைகளில் தலைவர்களின் பேச்சை அமைதியாகவும், கைதட்டி ஆமோதித்தும், அவ்வபோது கோஷங்கள் எழுப்பி உயிரோட்டம் கொண்டதாய் சிறப்பித்தனர் நம் தோழர்கள்.

மதிய உணவுக்கு பிறகு இரு சங்கங்களின் பிரதிநிதிகள் மாநாடு தனித்தனியாக நடைபெற்றன. பொதுச்செயலாளர் அறிக்கைகள், பொருளாளர் அறிக்கைகள் முன்வைக்கப்பட்டு விவாதங்களுக்குப் பிறகு ஏற்றுக்கொள்ளப்பட்டன.

அடுத்து- இரண்டு சங்கங்களின் புதிய செயற்குழுக்கள் தேர்ந்தெடுக்கப்பட்டன.

பாண்டியன் கிராம வங்கி ஊழியர்கள் சங்கம் - செயற்குழு

1. தோழர். சங்கர சீனிவாசன், உப்பத்தூர் - தலைவர்
2. ” சோலைமாணிக்கம், கொத்தடி - உதவித்தலைவர்
3. ” சுப்பிரமணியன், பழையபேட்டை    - ” ”
4. ” சங்கர், சங்கரலிங்கபுரம்   - ” ”
5. ” மாதவராஜ், சாத்தூர்   - பொதுச்செயலாளர்
6. ” அருண் பிரகாஷ் சிங், வி.எம்.சத்திரம் - இணைப் பொதுச் செயலாளர்
7. ” அருளானந்தம், பொட்டகவயல் - துணைப் பொதுச்செயலாளர்
8. ” வரலட்சுமி, எட்டையபுரம்   - ” ”
9. ” சந்தான செல்வம், கீழக்கரை - ” ”
10. ” சக்திவேல், தலைமையலுவலகம் - பொருளாளர்
11. ” சங்கரக்குமார்   - உதவிப் பொருளாளர்
12. ” சோமசுந்தரம்   - செயற்குழு உறுப்பினர்
13. ” நாசர், அடைக்கலப்பட்டினம் - ” ”
14. ” மகரபூஷணம், சிவந்திப்பட்டி   - ” ”
15. ” வைரவன், அன்னவாசல்   - ” ”
16. ” ராஜ்குமார், காரியாப்பட்டி   - ” ”
17. ” முனியசாமி, இராமநாதபுரம்   - ” ”
18. ” பாலசுப்பிரமணியன், பழங்காநத்தம் - ” ”
19.` ” சோபியா ஜோஸ்மின் மேரி, சிவகங்கை - ” ”
20. ” சாந்தி, அரசரடி - ” ”
21. ” சொர்ண சங்கரி, கமுதி - ” ”
22. ” கோபால் சுப்பிரமணியன், எஸ்.வி.கரை - ” ”
23. ” ராஜா கார்த்திகேயன், கன்னிவாடி - ” ”
24. ” சதீஷ், பழைய காயல்   - ” ”

பாண்டியன் கிராம வங்கி ஆபிசர்ஸ் யூனியன் - செயற்குழு

1. தோழர். சாமுவேல் ஜோதிக்குமார், திருப்பத்தூர் - தலைவர்
2. ” போஸ்.பாண்டியன், கல்குறிச்சி - உதவித்தலைவர்
3. ” லூர்து ஆரோக்கியரஜ், துவரங்குறிச்சி - ” ”
4. ” சங்கரலிங்கம், விருதுநகர்   - பொதுச்செயலாலர்
5. ” டி.கிருஷ்ணன், திருப்புவனம் - இணைப் பொதுச் செயலாளர்
6. ” பிச்சைமுத்து, ராயவரம் - இணைப் பொதுச்செயலாளர்
7. ” பரதன், தலைமையலுவலகம் - பொருளாளர்
8. ” நடராஜன், தி.டவுண் - உதவிப் பொருளாளர்
9. ” சண்முகநாதன், ஆலங்குளம் - செயற்குழு உறுப்பினர்
10. ” ராஜேந்திரன், இடைகாட்டூர் - ” ”
11. ” காமராஜ், இராமநாதபுரம்    - ” ”
12. ” சிவகாமி, எட்டையபுரம் - ” ”
13. ” அறிவுடை நம்பி, மங்கை நல்லூர் - ” ”
14. ” ரஜிதா,   - ” ”
15. ” மகாராஜன், காரைக்குடி - ” ”

மாநாட்டின் காட்சிகள் சிலவற்றை இங்கு வெளியிடுகிறோம். மாநாட்டில் தலைவர்களின் உரைகள் மற்றும் விரிவான செய்திகளை சுற்றறிக்கையில் வெளியிடுகிறோம்.

BEFI - TN 10th conference

2012-08-14T12:12:00.000+05:30

இந்திய வங்கி ஊழியர் சம்மேளனம் - தமிழ்மாநில மாநாடு (BEFI - TN) ஆகஸ்டு மாதம் 12 மற்றும் 13 தேதிகளில் சென்னையில், உ.ரா.வரதராஜன் அரங்கத்தில் (பத்மாராம் அரங்கம், கோடம்பாக்கம்) நடைபெற்றது. அதன் உறுப்புச் சங்கங்களில் ஒன்றாகிய PGBEA சார்பில் 10 பிரதிநிதிகளும் இரண்டு பார்வையாளர்களும் கலந்து கொண்டனர்.

மாநாட்டுக் கொடியை ஏற்றி வைத்து, மாநாட்டிற்கு சம்மேளன மாநில தலைவர் தி.தமிழரசு தலைமை தாங்கினார். வரவேற்புக்குழு தலைவர் எம்.துரைப்பாண்டியன் வரவேற்று பேசினார்.

சிஐடியு தமிழ்மாநில துணைப் பொதுச் செயலாளர் ஜி.சுகுமாரன் வாழ்த்திப் பேசினார். “புதிய சலுகைகள் பெறுவது என்பதற்கு மாறாக தற்போதுள்ள உரிமைகளை பாதுகாக்க போராட்டம் நடத்த வேண்டியுள்ளது. புதிதாக ஊதிய உயர்வு அளித்தாலும், வாழ முடியாத அளவிற்கு மத்திய மாநில அரசுகள் விலை வாசியை உயர்த்திக் கொண் டிருக்கின்றன. தொழிற்சங்கங்கள் தொழிலாளர்களின் கோபத்தை ஒருங்கிணைக்கும் மையமாக அமைய வேண்டும்.” என்றார்.

தமிழ்நாடு தீண்டாமை ஒழிப்பு முன்னணி நடத்திய போராட்டங்கள், சந்தித்த தாக்குதல்கள், பெற்ற வெற்றி கள் குறித்து மாநாட்டில் பேசிய அந்த அமைப்பின் மாநிலச் செயலாளர் சே.க. பொன்னுத்தாய், “தமிழகத் தில் 81 வகையான தீண்டாமை கொடுமை நிலவுகிறது. செல்போன் ரிங்டோன் வைத்துக் கொள்வதிலும், நாய் வளர்ப்பதிலும் கூட தீண்டாமை நிலவுகிறது. பள்ளி மாணவர்களுக்கு அரசு வழங்கிய இலவச சைக்கிள்களை ஓட்டிக் கொண்டு அல்ல, தள்ளிக் கொண்டுக்கூட ஊருக்குள் செல்ல முடியாத நிலை உள்ளது. மாணவர்களுக்கு வழங்கப்பட்ட சைக்கிள்கள் பள்ளியிலேயே நிற்கின் றன” என்றார். “தமிழகத்தில் அண்மை யில் 28 கவுரவ கொலைகள் நடந்துள்ளன. திண்டுக்கல்லில் ஒரு பெண் காவலரை கவுரவ கொலை செய்தவர்களை அரசு கைது செய்யாமல் உள்ளது. நுண்கடன் நிறுவனங்களால் பாதிக்கப் பட்டு, 68 பெண்கள் தற்கொலை செய்து கொண்டுள்ளனர். வங்கிகள் நேரடியாக சுய உதவிக்குழுக்களுக்கு கடன் வழங்காமல், நுண்கடன் நிறுவனங்கள் மூலம் கடன் வழங்குவதாலேயே இத்தகைய தற்கொலைகள் நடக்கின்றன. வங்கி ஊழியர்கள் தங்களது பொதுத்துறை பாதுகாப்பு, பொருளாதார கோரிக்கைகளோடு, சமூக ரீதியான கோரிக்கைகளையும் இணைத்து போராட வேண்டும்” என் றும் அவர் கூறினார்.

BEFI அகில இந்தியப் பொதுச்செயலாளர் தோழர் பிரதீப் பிஸ்வாஸ் பேசுகையில், “ புதிய பொருளாதாரக் கொள்கையை எதிர்த்து வங்கி ஊழியர்கள் கடந்த 20 ஆண்டுகளில் 29 வேலை நிறுத்தங்களை நடத்தியுள்ளனர். அனைத்து வேலை நிறுத்தங்களிலும் பெஃபி தனது பங்களிப்பை செய்துள் ளது. இதன் காரணமாக பொதுத்துறை வங்கிகள் தனியார்மயமாக்கப்படுவது தடுக்கப்பட்டுள்ளது. அதனால்தான் 2008ல் ஏற்பட்ட உலக நிதி நெருக்கடி இந்திய நிதித்துறையில் பெரிய தாக்கத்தை ஏற்படுத்த முடியவில்லை; எந்த வங்கியும் திவாலாகவில்லை என்றார். ஐக்கிய முற்போக்கு கூட் டணி அரசு, இடதுசாரிகளின் ஆதரவில் இருந்த போது, வங்கி சட்டத்தில் திருத்தங்களை செய்ய முடியவில்லை. தற்போது நிலைமை மாறிவிட்டதால் வங்கி சட்டத்தில் திருத்தம் கொண்டு வர துடிக்கிறது. நேரடி நியமனங்கள் மூலம் ஊதிய முரண்பாட்டை உருவாக்கி, சங்க உணர்வுகளை சீர்குலைப்பதே கந்தேல்வால் குழுவின் பரிந்துரையாக உள்ளது. இந்தச் சூழலில் வங்கி ஊழியர்கள் மக்களிடம் செல்ல வேண்டும். மக்கள் ஆதரவோடுதான் பொதுத் துறைகளை பாதுகாக்க முடியும். பத்தாவது இரு தரப்பு ஊதிய ஒப்பந்தத்திற்கான கோரிக்கை பட்டியலை இம்மாத இறுதிக்குள் ஐபிஏ-விடம் அளிக்கப்படும் ” என்றார். “வங்கி சீர்திருத்தம் என்ற பெயரால் நடைபெறும் சீர்குலைவு நடவடிக்கை களை எதிர்த்து அனைத்து தொழிற்சங்கங்களும் ஒன்றி ணைந்துஆகஸ்ட்22,23ஆகிய தேதிகளில் அறிவிக்கப்பட் டுள்ள வேலை நிறுத்தத்தில் அனைத்துத் தரப்பு ஊழியர்களும் பங்கேற்க வேண்டும்” என அறைகூவல் விடுத்தார்.

தொடர்ந்து பொதுச்செயலாளார் அறிக்கையும், வரவு செலவு அறிக்கையும் முன்வைக்கப்பட்டு பிரதிநிதிகள் விவாதம் தொடங்கியது. 43 மூன்று தோழர்கள் கலந்துகொண்டு ஆரோக்கியமான விவாதங்களை முன்வைத்தனர். தத்தம் அரங்கு சார்ந்த பிரச்சினைகள், பணி நெருக்கடி, ஆள் பற்றாக்குறை, இருதரப்பு ஒப்பந்தம், கண்டேல்வால் கமிட்டி பரிந்துரைகள் குறித்த கருத்துக்கள் முன்னுக்கு வந்தன. PGBEAவிலிருந்து தோழர்கள் அண்டோ கால்பட்டும், சட்டையப்பனும் விவாதங்களில் கலந்து கொண்டனர்.

இலங்கத் தமிழர் அதிகார பகிர்வு, அவர்கள் மீது நடத்தப்பட்ட தாக்குதல்களில் மீறப்பட்ட மனித உரிமைகள் குறித்த விசாரணைக்கு இந்திய அரசு ராஜீய ரீதியில் நிர்ப்பந்தம் செய்ய , கூட்டுறவு நிறுவனங்களுக்கு தேர்தல் நடத்த வலியுறுத்தி, கண்டால்வால் கமிட்டி பரிந்துரைகளை முற்றிலுமாக நிராகரித்து, நுண்கடன் நிதி நிறுவன மசோதாவை கைவிடக் கோரி, புதிய பணி நியமனங்கள் BSRB மூல நடத்தக் கோரி, தொழிற்சங்க உரிமைகளை பறிப்பதற்கு எதிராக தீர்மானங்கள் நிறைவேற்றப்பட்டன.

பொதுச்செயலாளர் தொகுப்புரைக்குப் பின் புதிய மாநிலக் கமிட்டி தேர்ந்தெடுக்கப்பட்டது. தலைவராக தோழர்.தமிழரசு அவர்களும், பொதுச்செயலாளராக தோழ.சி.பி.கிருஷ்ணன் அவர்களும், பொருளாளராக தோழர்.சண்முகம் அவர்களும் தேர்ந்தெடுக்கப்பட்டனர். PGBEAவிலிருந்து தோழர். மாதவராஜ் office bearerஆகவும், தோழர்.சுப்பிரமணியன், அண்டோ கால்பட் ஆகியோர் கமிட்டி மெம்பர்களாகவும் பரிந்துரைக்கப்பட்டுள்ளனர்.

Sikar - All India Conference 2010

2011-07-05T19:21:00.000+05:30

Gaya - All India conference 2007

2011-07-05T18:59:00.000+05:30

7.2.2010 - நமது அசாதாரணப் பொதுக்குழு!

2011-06-23T07:28:00.000+05:30

நிர்வாகத்தின் அராஜக நடவடிக்கைகளை எதிர்த்து, 10.12.2009 அன்று நாம் நடத்திய ஒரு நாள் lightning strikeஐ ஒட்டி, சஸ்பென்ஷன்களும், சார்ஜ் ஷீட்களும் நமது தோழர்களுக்கு கண்டபடி வழங்கியது நிர்வாகம்.

அவையனைத்தையும் முறியடித்து, எதிர்கால நடவடிக்கைகள் குறித்து திட்டமிட சாத்தூரில் நமது அசாதாரண பொதுக்குழு கூடியது.

அப்போது-

திரண்டிருக்கும் தோழர்களின் ஒரு பகுதி..

PGBEA பொதுச்செயலாளர் தோழர்.சோலைமாணிக்கம்...

நம் மக்கள்

தலைமை தாங்கிய PGBOU தலைவர். பிச்சைமுத்து...

வழிகாட்டும் BEFI தமிழ் மாநிலச் செயலாளர் தோழர்.கிருஷ்ணன்

நன்றியுரையாக PGBEA உதவிப்பொதுச்செயலாளர்

தோழர்.சுப்பிரமணியன்

வெப்பத்தோடும், உற்சாகத்தோடும் செல்லும் தோழர்கள்...

பெண் ஊழியர் மாநாடு 12.2.2011

2011-06-22T21:50:00.000+05:30

மாநாடு - 12.2.2011 - 13.2.2011

2011-06-22T21:00:00.000+05:30