Manjanews.com

ബീഫ് റോസ്റ്റ് എങ്ങനെ തയാറാക്കാം? How to make Easter Special Beef Roast?

2025-04-05T23:04:00.002+05:30

ബീഫ് റോസ്റ്റ് എങ്ങനെ തയാറാക്കാം എന്ന് നമുക്കിന്ന് നോക്കാം.

വേണ്ട ചേരുവകൾ

ബീഫ് (കഷ്ണങ്ങളാക്കിയത്) 1 കിലോ
ചെറിയ ഉള്ളി 1 1/2 കപ്പ്
ഇഞ്ചി വെളുത്തുള്ളി പേസ്റ്റ് 1 ടേബിൾസ്പൂൺ
സവാള 1 കപ്പ്
പച്ചമുളക് 4 എണ്ണം
തക്കാളി 3 എണ്ണം
കറിവേപ്പില ആവശ്യത്തിന്
മുളക്പൊടി 1 ടേബിൾസ്പൂൺ
മല്ലിപ്പൊടി 1 ടീസ്പൂൺ
മഞ്ഞൾപ്പൊടി അരടീസ്പൂൺ
ഗരം മസാല അരടീസ്പൂൺ
കുരുമുളക്പൊടി അരടീസ്പൂൺ
തേങ്ങാക്കൊത്ത് 1 ടേബിൾസ്‌പൂൺ
വറ്റൽമുളക് 3 എണ്ണം
വെളിച്ചെണ്ണ 4 ടേബിൾസ്പൂൺ
ഉപ്പ് ആവശ്യത്തിന്

തയാറാക്കുന്ന വിധം

ആദ്യം ബീഫ്, ഉപ്പ് , മഞ്ഞൾപ്പൊടി, കുരുമുളകുപൊടി, ഇഞ്ചിവെളുത്തുള്ളി പേസ്റ്റ് എന്നിവ ചേർത്ത് മാരിനേറ്റ് ചെയ്യുക.ഇത് ഒരു പ്രഷർ കുക്കറിൽ അരക്കപ്പ് വെള്ളമൊഴിച്ചു നാലോ അഞ്ചോ വിസിൽ വരുന്നത് വരെ വേവിച്ചെടുക്കുക.

ഒരു പാനിൽ വെളിച്ചെണ്ണ ഒഴിച്ച് ചെറിയ ഉള്ളി, സവാളയും, ഇഞ്ചി വെളുത്തുള്ളി പേസ്റ്റ്, പച്ചമുളക്, കറിവേപ്പില, ചേർത്ത് നന്നായി വഴറ്റിയെടുക്കുക. തക്കാളി ചേർത്ത് നന്നായി വഴന്നു വരുമ്പോൾ ഇതിലേക്കു മുളകുപൊടി, മല്ലിപ്പൊടി, മഞ്ഞൾപ്പൊടി, കുരുമുളകുപൊടി, ഉപ്പ്,ഗരം മസാലയും ചേർത്ത് കൊടുത്തു മസാലയുടെ പച്ചമണം മാറുന്നതുവരെ വഴറ്റിയെടുക്കുക.

ശേഷം ഇതിലേക്കു വേവിച്ചുവച്ച ബീഫ് ചേർത്ത് മൂടിവെച്ചു 15 മിനിറ്റ് നന്നായി വേവിച്ചെടുക്കുക. വെള്ളം വറ്റി മുകളിൽ എണ്ണ തെളിഞ്ഞു വരുമ്പോൾ തീ ഓഫ് ചെയ്യാം. മറ്റൊരു പാനിൽ കുറച്ചു വെളിച്ചെണ്ണ ഒഴിച്ചു ചൂടാകുമ്പോൾ തേങ്ങാക്കൊത്ത്, ചെറിയഉള്ളി അരിഞ്ഞത്, കറിവേപ്പില, വറ്റൽമുളകും ചേർത്ത് മൂപ്പിച്ചെടുടുത്ത് വേവിച്ചുവച്ച ബീഫ് ചേർത്ത് ഇളക്കുക. ഏതാ കിടിലൻ ബീഫ് റോസ്റ്റ് റെഡി.

How to make Easter Special Beef Roast?

പച്ചമാങ്ങ ജ്യൂസ് എങ്ങനെ ഉണ്ടാക്കാം? How to make green mango juice ?

2025-03-29T21:23:00.001+05:30

പച്ചമാങ്ങ വെച്ച് പഴുപ്പിക്കാൻ ഇനിയും സമയം കളയണ്ട. പച്ചമാങ്ങ വെച്ചു നല്ല രുചികരമായ ജ്യൂസ്‌ ഉണ്ടാക്കാം. ചൂടിനെ തടുക്കാൻ ശരീരത്തിന് തണുപ്പും ഊർജവും നൽകുന്ന നല്ലൊരു അടിപൊളി പച്ച മാങ്ങ ജ്യൂസ്‌ തയ്യാറാക്കി നോക്കാം.

ചേരുവകൾ

പച്ച മാങ്ങ - 1 എണ്ണം
പഞ്ചസാര - 2 ടേബിൾ സ്പൂൺ
പൊതിന ഇല - 5 എണ്ണം
ഇഞ്ചി - ചെറിയ കഷ്ണം
ഉപ്പ് - 1 പിഞ്ച്
തണുത്ത വെള്ളം - ആവശ്യത്തിന്
ഐസ് ക്യൂബ്‌സ് - ആവശ്യത്തിന്

ആദ്യമായി ഒരു പച്ചമാങ്ങ തൊലി കളിഞ്ഞ ശേഷം ചെറിയ കഷ്ണങ്ങളാക്കി ഒരു മിക്സിയുടെ ജാറിൽ ഇട്ട് കൊടുക്കാം. ശേഷം മധുരത്തിന് ആവശ്യമായ രണ്ട് ടേബിൾ സ്പൂൺ പഞ്ചസാര ചേർത്ത് അഞ്ചോളം പൊതിന ഇലയും ഒരു ചെറിയ കഷ്ണം ഇഞ്ചിയും കൂടി ചേർത്ത് കൊടുക്കാം. ശേഷം ഇതിലേക്ക് അര കപ്പ്‌ വെള്ളം ഒഴിച്ച് നന്നായി അരച്ചെടുക്കണം. ഇതിലേക്ക് കൂടുതൽ വെള്ളം ഒഴിച്ചാൽ ഇത് നന്നായി അരഞ്ഞ് കിട്ടില്ല. ഇത് നന്നായി അരച്ചെടുത്തതിന് ശേഷം ജ്യൂസിന് ആവശ്യമായ വെള്ളം ചേർത്ത് വീണ്ടും നന്നായി മിക്സിയിൽ അടിച്ചെടുക്കാം. തയ്യാറാക്കിയ ജ്യൂസ്‌ ഒരു അരിപ്പ ഉപയോഗിച്ച് അരിച്ചെടുത്ത് ആവശ്യത്തിന് ഐസ് ക്യൂബ് കൂടി ചേർത്ത് കുടിക്കാം. വളരെ എളുപ്പത്തിൽ തയ്യാറാക്കാൻ പറ്റിയ രുചികരമായ പച്ച മാങ്ങ ജ്യൂസ്‌ കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടുന്ന അടിപൊളി ജ്യൂസാണ്.

How to make green mango juice?

വെന്ത മുന്തിരി ജ്യൂസ് - How to Make Boiled Grape Juice ?

2025-03-19T11:14:00.001+05:30

മുന്തിരി അതുപോലെ തന്നെ മിക്‌സിയിലിട്ട് അടിച്ചെടുത്ത് ഉപയോഗിക്കുന്ന ജ്യൂസാണ് നമ്മള്‍ പൊതുവെ കാണുന്നത്. എന്നാല്‍ ഇപ്പോൾ ട്രെൻഡ് ആയികൊണ്ടിരിക്കുന്ന വെന്ത മുന്തിരി ജ്യൂസ് എങ്ങനെ ഉണ്ടാക്കാം എന്ന് നോക്കാം.

ആവശ്യമുള്ള സാധനങ്ങള്‍:

കറുത്ത മുന്തിരി- 1 കിലോ
വെള്ളം- 12 കപ്പ്
പഞ്ചസാര - 4 കപ്പ്
ഏലക്ക - രണ്ടോ മൂന്നോ പൊടിച്ചത്

തയ്യാറാക്കുന്ന വിധം:

മുന്തിരി അല്പം ചെറു ചൂടുവെള്ളത്തില്‍ ഉപ്പു ചേര്‍ത്തതിന് ശേഷം കുറച്ചു നേരം ഇട്ടുവെച്ച് വൃത്തിയാക്കിയെടുക്കുക. ഒരു പാത്രത്തില്‍ വെള്ളം വെച്ച് അത് തിളച്ചു തുടങ്ങുമ്പോള്‍ മുന്തിരിയും പറഞ്ഞിരിക്കുന്ന അളവില്‍ ഉള്ള പഞ്ചസാരവും ചേര്‍ത്തു തിളപ്പിക്കുക.

മുന്തിരി ചെറുതായി പൊട്ടി തുടങ്ങുമ്പോള്‍ തീയണച്ചു അടപ്പ് വച്ച് മൂടി രണ്ടു മണിക്കൂര്‍ വയ്ക്കുക. പിന്നീട് നല്ല വൃത്തിയുള്ള ഒരു നേരിയ തുണിയില്‍ കൂടി അരിച്ചെടുത്ത് തണുത്തതിനു ശേഷം ഉപയോഗിക്കാവുന്നതാണ്.

നഷ്ടപ്പെട്ട ഫോണ്‍ എങ്ങനെ ബ്ലോക്ക് ചെയ്യാം?

2025-03-04T10:21:00.006+05:30

നഷ്ടപ്പെട്ട ഫോണ്‍ ബ്ലോക്ക് ചെയ്യാന്‍ അടക്കം സഹായിക്കുന്ന സഞ്ചാര്‍ സാഥി എന്ന കേന്ദ്ര പോര്‍ട്ടല്‍ കേരളം അടക്കം എല്ലാ സംസ്ഥാനങ്ങളിലും പ്രവര്‍ത്തനക്ഷമമായി.

ഇനി വ്യക്തിക്ക് സ്വന്തം നിലയില്‍ ഓണ്‍ലൈനായി അപേക്ഷിക്കാം. നഷ്ടപ്പെട്ട ഫോണ്‍ ബ്ലോക്ക് ചെയ്താല്‍ മോഷ്ടാവിന് മറ്റു സിം കാര്‍ഡ് ഉപയോഗിച്ചും ഫോണ്‍ ഉപയോഗിക്കാനാവില്ല. ഫോണ്‍ തിരിച്ചുകിട്ടിയാല്‍ അണ്‍ ബ്ലോക്ക് ചെയ്യാനുള്ള സംവിധാനവും ഒരുക്കിയിട്ടുണ്ട്.

ബ്ലോക്ക് ചെയ്യുന്ന വിധം:

പൊലീസില്‍ പരാതി നല്‍കിയ ശേഷം അതിന്റെ പകര്‍പ്പെടുത്ത് സൂക്ഷിക്കുക
നഷ്ടപ്പെട്ട സിംകാര്‍ഡിന്റെ ഡ്യൂപ്ലിക്കേറ്റ് ഉടന്‍ എടുക്കുക
സഞ്ചാര്‍ സാഥിയില്‍ രജിസ്റ്റര്‍ ചെയ്യുമ്ബോള്‍ ഒടിപി ലഭിക്കും
ഡ്യൂപ്ലിക്കേറ്റ് സിമ്മിലേക്കാണ് ഒടിപി വരിക
www.sancharsaathi.gov.in എന്ന സൈറ്റില്‍ ബ്ലോക്ക് യുവര്‍ ലോസ്റ്റ്/ സ്‌റ്റോളന്‍ മൊബൈല്‍ എന്ന ടാബ് തുറക്കുക
നഷ്ടപ്പെട്ട ഫോണിലെ മൊബൈല്‍ നമ്ബറുകള്‍, ഐഎംഇഐ നമ്ബറുകള്‍ (*#06# ഡയല്‍ ചെയ്താല്‍ അറിയാം), പരാതിയുടെ പകര്‍പ്പ്, ബ്രാന്‍ഡ്, മോഡല്‍, ഇന്‍വോയിസ്, പൊലീസ് സ്റ്റേഷന്‍ വിവരം, ഐഡി പ്രൂഫ്, ഒടിപി അടക്കം നല്‍കി സബ്മിറ്റ് നല്‍കുക. ലഭിക്കുന്ന റിക്വസ്റ്റ് ഐഡി സൂക്ഷിക്കുക
പൊലീസ് വഴി നിലവില്‍ സമാനമായ റിക്വിസ്റ്റ് പോയിട്ടുണ്ടെങ്കില്‍ request already exist for... എന്ന മെസേജ് ലഭിക്കും
ഫോണ്‍ തിരികെ ലഭിച്ചാല്‍ unblock found mobile എന്ന ഓപ്ഷനില്‍ ബ്ലോക്കിങ് റിക്വിസ്റ്റ് ഐഡി അടക്കം നല്‍കുക
know your mobile connections എന്ന ടാബ് ഉപയോഗിച്ചാല്‍ നമ്മുടെ പേരില്‍ എത്ര മൊബൈല്‍ കണക്ഷന്‍ ഉണ്ടെന്ന് അറിയാം.

How to block a stolen mobile phone?

ജിപിയും ഗോപികയും ഒന്നാകുന്നു! വിവാഹനിശ്ചയായം കഴിഞ്ഞു

2023-10-22T16:13:00.002+05:30

നടനും അവതാരകനുമായ ഗോവിന്ദ് പദ്മസൂര്യയും നടി ഗോപിക അനിലും വിവാഹിതരാകുന്നു. വിവാഹനിശ്ചയ ചടങ്ങുകളുടെ ദൃശ്യങ്ങൾ ജി പി തന്നെയാണ് സോഷ്യൽ മീഡിയ വഴി പങ്കുവച്ചത്.

ഞങ്ങൾ വളരെ സന്തോഷത്തോടുകൂടിയാണ് ഇതു നിങ്ങളുമായി പങ്കുവെയ്ക്കുന്നത്. ഇന്ന് അഷ്ടമി ദിനത്തിൽ ശുഭമുഹൂർത്തത്തിൽ ഞങ്ങളുടെ വിവാഹ നിശ്ചയമാണ്. വീട്ടുകാരുടെ നിർദ്ദേശപ്രകാരം കണ്ടുമുട്ടിയ ഞങ്ങളുടെ ഹൃദയബന്ധം സാവകാശം പൂവിടുകയായിരുന്നു. നിങ്ങൾ എന്നും ഞങ്ങളെ സ്വന്തം കുടുംബാംഗത്തെപോലെ ആണ് ചേർത്തുപിടിച്ചിട്ടുള്ളത്.

നിങ്ങളുടെ ഈ സ്നേഹം തന്നെയാണ് ഞങ്ങളുടെ ഊർജ്ജവും. ഞങ്ങളുടെ ഒരുമിച്ചുള്ള ഈ കാൽവെപ്പിൽ നിങ്ങളുടെ എല്ലാവിധ പ്രാർത്ഥനയും അനുഗ്രഹവും ഉണ്ടായിരിക്കും എന്ന വിശ്വാസത്തോടെ,

സസ്നേഹം, ഗോവിന്ദ് പത്മസൂര്യ, ഗോപിക അനിൽ.

For Engagement Photos Click Here

ബാന്ദ്ര ഒഫീഷ്യൽ ടീസർ പുറത്തിറങ്ങി

2023-10-17T20:04:00.002+05:30

രാമലീലയ്ക്ക് ശേഷം ദിലീപിനെ നായകനാക്കി അരുൺ ഗോപി സംവിധാനം ചെയ്യുന്ന ബാന്ദ്രയുടെ ടീസർ പുറത്തിറങ്ങി. അലൻണ അലക്സാണ്ടർ ഡൊമിനിക്ക് എന്ന കഥാപാത്രമായി മാസ് ലുക്കിലാണ് ദിലീപ് ടീസറിലെത്തുന്നത്. തമന്നയാണ് നായിക. ബോളിവുഡ് താരം ദിനോ മോറിയയും ചിത്രത്തിലുണ്ട്. 1.49 മിനിട്ട് ദൈർഘ്യമുള്ള രണ്ടാമത്തെ ടീസർ ആണ് പുറത്തിറങ്ങിയത്. ശരത് കുമാ‌ർ. ലെന, രാജ്‌വീർ അങ്കുർസിംഗ്, ധാരാസിംഗ് ഖുറാന, അമിത് തിവാരി തുടങ്ങിയവരാണ് മറ്റ് താരങ്ങൾ.

ഉദയകൃഷ്ണയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഛായാഗ്രഹണം ഷാജികുമാർ, അജിത് വിനായക ഫിലിംസിന്റെ ബാനറിൽ വിനായക അജിത്ത് ആണ് നിർമ്മാണം. സംഗീതം സാം സി.എസ്. ആക്ഷൻ ഡയറക്ടർ അൻപറിവ്, നൃത്തം പ്രസന്ന മാസ്റ്റർസ പ്രൊഡക്ഷൻ ‌ഡിസൈനർ സുഭാഷ് കരുൺ,, ചീഫ് അസോസിയേറ്റ് ഡയറക്ടർ രതീഷ് പാലോട്, വസ്ത്രാലങ്കാരം പ്രവീൺ വർമ്മ, മേക്കപ് രഞ്ജിത്ത് അമ്പാടി, സൗണ്ട് ഡിസൈൻ രംഗനാഥ് രവി.

Bandra Official Teaser 2 Released

V court വെബ്സൈറ്റിൽ ഓൺലൈനായി പിഴ അടയ്ക്കുന്നതെങ്ങനെ ?

2023-08-26T20:08:00.000+05:30

ഗതാഗത നിയമലംഘനങ്ങളുടെ പിഴ E-Challan വഴി അടയ്ക്കാൻ വൈകിയാൽ അത് കോടതിയിൽ അടയ്ക്കേണ്ടി വരും. V - court വെബ്സൈറ്റിലൂടെ ഓൺലൈനായി കോടതിയിൽ പിഴ അടയ്ക്കാവുന്നതാണ്.

ഇതിനായി https://vcourts.gov.in/virtualcourt/
വെബ്സൈറ്റ് സന്ദർശിക്കുക. പോലീസ് നൽകിയ ചില ആളുകൾക്ക് പിഴ അടയ്ക്കാനായി Kerala (Police Department) എന്ന ഓപ്ഷൻ തിരഞ്ഞെടുക്കുക. എം വി ഡി നൽകിയ ചെയാൻ അനുസരിച്ച് പിഴ അടയ്ക്കാൻ Kerala (Transport Department) എന്ന ഓപ്ഷൻ തിരഞ്ഞെടുക്കണം.
ഇതിൽ മൊബൈൽ നമ്പർ, വാഹന നമ്പർ, ചെല്ലാൻ നമ്പർ, പിഴ അടയ്ക്കുന്ന ആളുടെ പേര് ഇവയിൽ ഏതെങ്കിലും ഒന്ന് ഉപയോഗിച്ച് വെരിഫൈ ചെയ്ത് വിവരങ്ങൾ പരിശോധിക്കാം.
തുടർന്ന് “I wish to pay the proposed fine” എന്നത് ക്ലിക്ക് ചെയ്യുക.
ശേഷം “Generate OTP” ക്ലിക്ക് ചെയ്ത് OTP നൽകുക.
“Terms and Conditions” ടിക്ക് ചെയ്യുക .
Payment method തിരഞ്ഞെടുത്ത് ക്രെഡിറ്റ്/ഡെബിറ്റ് കാർഡ്, ഇന്റർനെറ്റ് ബാങ്കിങ്, UPI എന്നീ മാർഗങ്ങളിലൂടെ പണം അടയ്ക്കാവുന്നതാണ്.

How to pay Vcourt Challan Online?

IMO ഉൾപ്പെടെ 14 മൊബൈൽ ആപ്പുകൾ നിരോധിച്ച് കേന്ദ്രസർക്കാർ

2023-05-01T17:38:00.003+05:30

രാജ്യത്ത് IMO ഉൾപ്പെടെ 14 മൊബൈൽ ആപ്പുകൾ കൂടി കേന്ദ്രസർക്കാർ നിരോധിച്ചു. തീവ്രവാദ പ്രവർത്തനത്തിന് ഉപയോഗിക്കുന്നതായി കണ്ടെത്തിയതിനെ തുടർന്നാണ് 14 ആപ്പുകൾ നിരോധിച്ചത്. ഈ ആപ്പുകൾ പാക്കിസ്ഥാനിൽ നിന്നും സന്ദേശങ്ങൾ സ്വീകരിക്കാൻ ഉപയോഗിച്ചു എന്ന് കണ്ടെത്തിയതിനെ തുടർന്നാണ് നടപടി. ജമ്മു കശ്മീരിലെ ഭീകരർ ഈ സന്ദേശം പ്രചരിപ്പിക്കുന്നതിനും ആപ്പുകൾ ഉപയോഗിച്ചതായി കണ്ടെത്തിയിട്ടുണ്ട്. ഇത്തരത്തിൽ ഉപയോഗിക്കുന്ന ആപ്പുകളിൽ നടക്കുന്ന പ്രവർത്തനങ്ങൾ ട്രാക്കുചെയ്യുന്നത് എളുപ്പമല്ല.

ഇതോടെ ഇന്ത്യൻ നിയമങ്ങൾ പാലിക്കാത്തതും ദേശീയ സുരക്ഷയ്ക്ക് വെല്ലുവിളിയാകുന്നതുമായ ആപ്പുകളുടെ പട്ടിക തയ്യാറാക്കുകയായിരുന്നു. പട്ടിക തയ്യാറാക്കിയ ശേഷം, ഈ മൊബൈൽ ആപ്ലിക്കേഷനുകൾ നിരോധിക്കണമെന്ന അപേക്ഷ ബന്ധപ്പെട്ട മന്ത്രാലയത്തെ അറിയിച്ചു. ഇതിന് ശേഷമാണ് 14 ആപ്പുകൾ നിരോധിക്കാൻ കേന്ദ്രം തീരുമാനമെടുത്തത്. 2000 – ലെ ഇൻഫർമേഷൻ ടെക്‌നോളജി ആക്‌ട് സെക്ഷൻ 69 എ പ്രകാരമാണ് ഇത്തം മൊബൈൽ ആപ്പുകൾ ബ്ലോക്ക് ചെയ്‌തതെന്ന് ഉദ്യോഗസ്ഥർ വ്യക്തമാക്കി. കേന്ദ്ര സർക്കാർ നിരോധിച്ച ആപ്പുകൾ ചുവടെ

Crypviser
Enigma
Safeswiss
Wickrme
Mediafire
Briar
BChat
Nandbox
Conion
IMO
Element
Second line
Zangi
Threema

India blocks 14 mobile apps used by terrorists in Pakistan

സാമൂഹ്യ സുരക്ഷ/ക്ഷേമനിധി പെൻഷൻകാർ ബയോമെട്രിക് മസ്റ്ററിംഗ് നടത്തണം

2023-04-04T09:31:00.006+05:30

2022 ഡിസംബർ 31 വരെ സാമൂഹ്യ സുരക്ഷ/ ക്ഷേമനിധി ബോർഡു പെൻഷൻ അനുവദിക്കപ്പെട്ട എല്ലാ ഗുണഭോക്താക്കളും 2023 ഏപ്രിൽ 1 മുതൽ ജൂൺ 30 വരെയുള്ള കാലയളവിനുള്ളിൽ അക്ഷയ കേന്ദ്രങ്ങൾ വഴി ബയോമെട്രിക് മസ്റ്ററിംഗ് നടത്തണം.

ശാരീരിക / മാനസിക വെല്ലുവിളി നേരിടുന്നവർ, കിടപ്പു രോഗികൾ, വൃദ്ധ ജനങ്ങൾ എന്നിങ്ങനെ അക്ഷയ കേന്ദ്രങ്ങളിൽ എത്തിച്ചേരാൻ കഴിയാത്തവർ വിവരം അക്ഷയ കേന്ദ്രങ്ങളിൽ അറിയിക്കണം. അക്ഷയ കേന്ദ്രം പ്രതിനിധി പ്രസ്തുത ഗുണഭോക്താക്കളുടെ വീട്ടിലെത്തി മസ്റ്ററിംഗ് നടത്തും.

ആധാർ ഇല്ലാതെ സാമൂഹ്യ സുരക്ഷ പെൻഷൻ അനുവദിക്കപ്പെട്ട 85 വയസു കഴിഞ്ഞവർ, 80 ശതമാനത്തിലധികം ശാരീരിക വൈകല്യമുള്ളവർ, സ്ഥിരമായി രോഗശയ്യയിലുള്ളവർ, ആധാർ ഇല്ലാതെ പെൻഷൻ അനുവദിക്കപ്പെട്ട ക്ഷേമനിധി ബോർഡ് ഗുഭോക്താക്കൾ, ബയോമെട്രിക് മസ്റ്ററിംഗ് പരാജയപ്പെടുന്നവർ എന്നിവർ ബന്ധപ്പെട്ട പ്രാദേശിക സർക്കാരുകളിൽ/ക്ഷേമനിധി ബോർഡുകളിൽ ലൈഫ് സർട്ടിഫിക്കറ്റ് സമർപ്പിച്ച് മസ്റ്ററിംഗ് പൂർത്തിയാക്കണം.

2024 മുതൽ എല്ലാ വർഷവും ജനുവരി 1 മുതൽ ഫെബ്രുവരി 28/ 29 നകം തൊട്ടു മുൻപുള്ള വർഷം ഡിസംബർ 31 വരെ പെൻഷൻ അനുവദിക്കപ്പെട്ട ഗുണഭോക്താക്കൾ അക്ഷയ കേന്ദ്രങ്ങൾ വഴി ബയോമെട്രിക് മസ്റ്ററിംഗ് നടത്തേണ്ടതാണ്. നിശ്ചിത സമയപരിധിക്കുള്ളിൽ മസ്റ്ററിംഗ് പൂർത്തിയാക്കിയവർക്കു മാത്രമേ തുടർന്നും പെൻഷൻ ലഭിക്കുകയൂള്ളൂ.

നിശ്ചിത സമയപരിധിക്കുള്ളിൽ മസ്റ്ററിംഗ് പൂർത്തീകരിക്കാത്തവർക്ക് തുടർന്ന് എല്ലാ മാസവും 1 മുതൽ 20 വരെ മസ്റ്ററിംഗ് നടത്താം. എന്നാൽ അവർക്ക് മസ്റ്ററിംഗ് ചെയ്യാത്ത കാലയളവിലെ പെൻഷന് അർഹതിയുണ്ടായിരിക്കുന്നതല്ല. മസ്റ്റർ ചെയ്തവർക്ക് മാത്രമേ മസ്റ്ററിംഗിനുള്ള നിശ്ചിത കാലാവധിക്കു ശേഷം പെൻഷൻ വിതരണം നടത്തുകയുള്ളൂ. യഥാസമയം മസ്റ്റർ ചെയ്യാത്തതിനാൽ കുടിശ്ശികയാകുന്ന പെൻഷൻ തുക കുടിശികക്കായി പണം അനുവദിക്കുമ്പോൾ മാത്രമേ വിതരണം ചെയ്യുകയുള്ളൂ.

അക്ഷയ കേന്ദ്രങ്ങളിലെത്തി മസ്റ്റർ ചെയ്യുന്നതിന് ₹30, ഗുണഭോക്താക്കളുടെ വീടുകളിൽ പോയി മസ്റ്റർ ചെയ്യുന്നതിനായി ₹50 എന്നിങ്ങനെയാണ് ഗുണഭോക്താവ് അക്ഷയ കേന്ദ്രത്തിന് നൽകേണ്ട ഫീസ്.

ആധാർ-പാൻ ലിങ്ക് ചെയ്തിട്ടുണ്ടോഎന്ന് എങ്ങനെ നിങ്ങൾക്ക് പരിശോധിക്കാം?

2023-02-27T21:51:00.003+05:30

ആധാർ കാർഡും പാൻ കാർഡും തമ്മിൽ ലിങ്ക് ചെയ്യാൻ സാധിക്കുന്ന അവസാന തീയതി 2023 മാർച്ച് 31-ാണ്. പലരും ഇതിനോടകം തന്നെ ആധാർ കാർഡും പാൻ കാർഡും തമ്മിൽ ബന്ധിപ്പിച്ചിരിക്കും. എന്നാൽ ചിലർക്കെങ്കിലും ഇവ ബന്ധിപ്പിച്ചിട്ടുണ്ടോ എന്നൊരു സംശയം ബാക്കി ഉണ്ടാകാം. അങ്ങനെ ഉള്ളവർക്ക് ആധാർ-പാൻ ലിങ്ക് ചെയ്തിട്ടുണ്ടോ എന്ന് പരിശോധിക്കാനായി ഒരു വഴിയുണ്ട്.

ആദായ നികുതി വകുപ്പിന്റെ വെബ്സൈറ്റ് (https://www.incometax.gov.in/iec/foportal/) സന്ദർശിച്ച് ‘ലിങ്ക്-ആധാർ പാൻ സ്റ്റാറ്റസ്’ എന്ന ടാബ് ക്ലിക്ക് ചെയ്ത് ആധാർ കാർഡ് നമ്പർ, പാൻ നമ്പർ എന്നിവ നൽകിയാൽ ഇവ രണ്ടും ബന്ധിപ്പിച്ചിട്ടുണ്ടോ എന്ന് അറിയാൻ സാധിക്കും.

ലിങ്ക്-ആധാർ പാൻ സ്റ്റാറ്റസ് ലിങ്ക്: https://eportal.incometax.gov.in/iec/foservices/#/pre-login/link-aadhaar-status

How to Check Link Aadhaar Status

ആക്സിഡന്റ് ആയ വാഹനത്തിന്റെ ജി ഡി എൻട്രി പോലീസ് സ്റ്റേഷനിൽ പോകാതെ എങ്ങനെ എടുക്കാം?

2023-02-20T20:32:00.004+05:30

വാഹനങ്ങൾ അപകടത്തിൽ പെട്ടാൽ ഇൻഷുറൻസ് ലഭിക്കാൻ ചിലപ്പോഴൊക്കെ പൊലീസിന്റെ ജി‍ഡി എൻട്രി ആവശ്യമായി വരാറുണ്ട്. പലപ്പോഴും പൊലീസ് സ്‌റ്റേഷനുകളില്‍ ജനറല്‍ ഡയറി എന്‍ട്രി (ജി.ഡി എന്‍ട്രി)ക്ക് വേണ്ടി കയറിയിറങ്ങേണ്ടി വരാറുണ്ട് പലർക്കും. വാഹനം അപകടത്തില്‍പ്പെട്ടാല്‍ ഇനി പൊലീസ് സ്റ്റേഷനില്‍ പോകാതെ ജിഡി(ജനറല്‍ ഡയറി) എന്‍‍ട്രി നിങ്ങളുടെ മൊബൈല്‍ ഫോണില്‍ ലഭിക്കും. അതെ എങ്ങനെ എന്ന് നമുക്ക് ഇവിടെ നോക്കാം.

കേരള പൊലീസിന്റെ മൊബൈല്‍ ആപ്പായ പോല്‍ ആപ്പിലൂടെയാണ് വിവരങ്ങള്‍ രേഖപ്പെടുത്തി ജി ഡി എന്‍‍ട്രി ഡൌണ്‍ലോഡ് ചെയ്യാൻ സൗകര്യം ഒരുക്കിയിരിക്കുന്നത്.

ഈ സൗകര്യം ലഭിക്കാൻ കേരള പോലീസിന്റെ മൊബൈൽ ആപ്പായ പോൽ ആപ്പ് ഫോണിൽ ഇൻസ്റ്റാൾ ചെയ്യണം.

Click Here to Install Pol App

പോൽ ആപ്പ് ആപ്ലിക്കേഷനില്‍ പേരും മൊബൈല്‍ നമ്പറും, മൊബൈലില്‍ വരുന്ന ഒ.ടി.പി.യും ആധാര്‍‍ നമ്പറും നല്‍കി റജിസ്ട്രേഷന്‍ പൂര്‍ത്തിയാക്കാം. ഒരിക്കല്‍ റജിസ്ട്രേഷന്‍‍ നടത്തിയാല്‍ പിന്നെ, പോലീസുമായി ബന്ധപ്പെട്ട ഏതു സേവനങ്ങള്‍‍ക്കും അതു മതിയാകും.

വാഹനങ്ങളുടെ ഇന്‍ഷൂറന്‍‍സിന് GD എന്‍ട്രി കിട്ടാന്‍ ഇതിലെ Request Accident GD എന്ന സേവനം തെരെഞ്ഞെടുത്ത് അതില്‍ അപേക്ഷകന്റെയും, ആക്‌സിഡന്റ് സംബന്ധമായതുമായ വിവരങ്ങള്‍ ഫോട്ടോ സഹിതം രേഖപ്പെടുത്തി സബ്മിറ്റ് ചെയ്യാവുന്നതാണ്. അപേക്ഷയിന്മേല്‍ പോലീസ് പരിശോധന പൂര്‍ത്തിയായ ശേഷം നിങ്ങൾക്ക് ജി ഡി എന്‍‍ട്രി ഡൌണ്‍ലോഡ് ചെയ്ത് പ്രിന്‍റ് എടുക്കാവുന്നതാണ്.

How to take Accident GD Entry Without Going to Kerala Police Station

ഗൂഗിൾ പേ യിൽ പണമിടപാടുകൾ ചെയ്യുമ്പോൾ ഈ കാര്യങ്ങൾ ശ്രദ്ധിക്കൂക

2022-04-17T15:06:00.004+05:30

ഇന്ന് പണമിടപാടുകൾ നടത്താൻ ഭൂരിഭാഗം ആളുകളും ഡിജിറ്റൽ പേയ്മെന്റ് ആപ്പായ ഗൂഗിൾ പേ തെരഞ്ഞെടുക്കുന്നത്. എന്നാൽ ഓൺലൈൻ വഴി പണമടയ്ക്കുമ്പോൾ നിരവധി പ്രശ്നങ്ങൾ നേരിടാറുണ്ട്. ഉദാഹരണത്തിന് ഗൂഗിൾ പേയിൽ ചില സമയങ്ങളിൽ പേയ്മെന്റ് നടത്തുമ്പോൾ പരാജയപെടാറുണ്ട്. പേയ്മെന്റ് പരാജയത്തിന് കാരണം ഇന്റർനെറ്റ് കണക്ഷൻ ഇല്ലാത്തതോ ആപ്പ് തകരാറുകളോ ആകാം.

പണമടയ്ക്കുന്നയാളുടെയോ സ്വീകർത്താവിന്റെയോ തെറ്റുകൾ കാരണം ഓൺലൈൻ പേയ്‌മെന്റിൽ പ്രശ്‌നങ്ങൾ നേരിടേണ്ടി വന്നേക്കാം. ഗൂഗിൾ പേ ഉപയോഗിക്കുമ്പോൾ തടസം നേരിട്ടാൽ പരിഭ്രാന്തരാകാതെ ചില കാര്യങ്ങൾ ശ്രദ്ധിച്ചാൽ ഈ പ്രശ്നങ്ങൾ പരിഹരിക്കാവുന്നതാണ്.

ഗൂഗിൾ പേ പേയ്മെന്റ് പരാജയപ്പെടാതിരിക്കാൻ ശ്രദ്ധിക്കേണ്ട കാര്യങ്ങൾ

പണം അയയ്‌ക്കുന്ന വ്യക്തിയും സ്വീകരിക്കുന്ന വ്യക്തിയും ബാങ്ക് അക്കൗണ്ട് ഗൂഗിൾ പേയുമായി ലിങ്ക് ചെയ്തിട്ടുണ്ടോ എന്ന് ഉറപ്പ് വരുത്തുക.
നിങ്ങൾ വലിയ തുകയാണ് ഗൂഗിൾ പേ വഴി അയക്കാൻ ശ്രമിച്ചത് എന്നുണ്ടെങ്കിൽ തുക കുറയ്ക്കാൻ ശ്രദ്ധിക്കുക.
പണമയക്കേണ്ട ഫോൺ നമ്പർ ശരിയാണോയെന്ന് ഉറപ്പുവരുത്തുക.
പ്രതിദിന ഇടപാട് പരിധി കഴിഞ്ഞിട്ടില്ല എന്ന് ഉറപ്പ് വരുത്തുക.
നിങ്ങളുടെ ഇന്റർനെറ്റ് കണക്ഷൻ പരിശോധിക്കുക.
ഗൂഗിൾ പേ ആപ്പ് അപ്ഡേറ്റ് ചെയ്യുക.
ഗൂഗിൾ പേ ആപ്പിന്റെ 'cache ' ക്ലിയർ ചെയ്യുക
നമ്പറിലേക്ക് പണം അയക്കുന്നതിൽ പ്രശ്‌നമുണ്ടെങ്കിൽ, QR കോഡ് സ്കാൻ ചെയ്തു പണം അയക്കാൻ ശ്രമിക്കുക.

How to avoid transaction problems with google pay?

മോട്ടോ ജി 22 ഇന്ത്യയില്‍ വില്‍പ്പന ആരംഭിച്ചു

2022-04-15T21:53:00.002+05:30

ലെനോവോയുടെ ഉടമസ്ഥതയിലുള്ള മോട്ടോ ദിവസങ്ങള്‍ക്ക് മുമ്പ്അ വതരിപ്പിച്ച മോട്ടോ ജി22 ഇന്ത്യയില്‍ വില്‍പ്പന ആരംഭിച്ചു.

ഇതൊരു മീഡിയാടെക്ക് ഹീലിയോ ജി37 പ്രോസസ്സർ ഫോൺ ആണ്. 6.6 ഇഞ്ച് എല്‍സിഡി ഡിസ്പ്ലേ, 5000 എംഎഎച്ച് ബാറ്ററി, പിന്‍ഭാഗത്ത് ക്വാഡ് ക്യാമറ സജ്ജീകരണം എന്നി സവിശേഷതകള്‍ ഇതിനുണ്ട്.

മോട്ടറോള ബ്രാന്‍ഡിംഗ് ഉള്ള പിൻ പാനലില്‍ ചതുരാകൃതിയിലുള്ള ക്യാമറ മൊഡ്യൂളില്‍ സ്ഥാപിച്ചിരിക്കുന്ന നാല് ക്യാമറ സെന്‍സറുകളും ഉണ്ട്. 50എംപി പ്രൈമറി സെന്‍സര്‍, 8എംപി അള്‍ട്രാ വൈഡ് ആംഗിള്‍ ലെന്‍സ്, മാക്രോ ലെന്‍സ്, ഡെപ്ത് സെന്‍സര്‍ എന്നിവ ഉള്‍പ്പെടുന്ന പിന്‍ഭാഗത്ത് ക്വാഡ് ക്യാമറ സജ്ജീകരണമാണ് മോട്ടോ ജി22 അവതരിപ്പിക്കുന്നത്. മുന്‍വശത്ത്, സെല്‍ഫികള്‍ക്കായി 16-മെഗാപിക്‌സല്‍ ക്യാമറയുണ്ട്.

4GB+ 64GB സിംഗിളിന് 10,999 രൂപയ്ക്കാണ് ജി22 പുറത്തിറക്കിയിരിക്കുന്നത്. സൈഡ് മൗണ്ടഡ് ഫിംഗര്‍പ്രിന്റ് സെന്‍സറും ഫോണിന്റെ സവിശേഷതയാണ്. ബജറ്റ് ഫോണായ മോട്ടോ ജി22 ആന്‍ഡ്രോയിഡ് 12 ൽ ആണ് വരുന്നത്.

ആലിയ രൺബീർ വിവാഹം നാളെ

2022-04-13T22:54:00.001+05:30

ആലിയ-രൺബീർ എന്നിവരുടെ താരവിവാഹത്തിനായുള്ള കാത്തിരിപ്പിലാണ് ബോളിവുഡ്. ദീർഘനാളത്തെ പ്രണയത്തിനൊടുവിൽ രൺബീർ കപൂറും ആലിയ ഭട്ടും നാളെ വിവാഹിതരാകും. വിവാഹ തിയതിയുടെ കാര്യത്തിലെ അഭ്യൂഹം അവസാനിപ്പിച്ച് , നാളെ ഇരവരും ഒന്നാകുമെന്ന് രൺവീറിന്റെ അമ്മ നീതു കപൂർ അറിയിച്ചു.

വൻ ഒരുക്കങ്ങളാണ് കഴിഞ്ഞ ഏതാനും നാളുകളായി ആലിയ-റൺബീർ വിവാഹത്തിനായി നടക്കുന്നത്. 450 അതിഥികളാകും വിവാഹത്തിൽ പങ്കെടുക്കയെന്നാണ് വിവരം. ഷാരൂഖ് ഖാൻ, ദീപിക പദുകോൺ, സഞ്ചയ് ലീല ബൻസാലി, സൽമാൻ ഖാൻ തുടങ്ങി ബോളിവുഡിലെ മുൻനിര താരങ്ങളും സംവിധായകരും വിവാഹത്തിൽ പങ്കെടുക്കും.

ബോളിവുഡിലെ മോസ്റ്റ് സെലിബ്രിറ്റി ഡിസൈനറായ സഭ്യ സാച്ചി തന്നെയാണ് ആലിയയ്ക്കും വിവാഹ വസ്ത്രങ്ങൾ ഒരുക്കുന്നത്. അനുഷ്ക ശർമ, ദീപിക പദുകോൺ, പ്രിയങ്ക ചോപ്ര, കത്രീന കൈഫ് എന്നീ താരങ്ങളെല്ലാം വിവാഹ ദിനത്തിൽ ഉപയോഗിച്ചത് സഭ്യ സാച്ചി തയ്യാറാക്കിയ വസ്ത്രമായിരുന്നു. വിവാഹ ദിനം ലെഹങ്കയായിരിക്കും ആലിയയുടെ വേഷം. സംഗീത്, മെഹന്ദി ചടങ്ങുകൾക്ക് മനീഷ് മൽഹോത്ര ഡിസൈൻ ചെയ്ത വേഷങ്ങളായിരിക്കും ആലിയ ധരിക്കുക.

ഏറെ നാളത്തെ പ്രണയത്തിനൊടുവിലാണ് രൺബീറും ആലിയയും വിവാഹിതരാകുന്നത്. രണ്‍ബീറിനെ ആലിയ ആദ്യമായി കാണുന്നത് 2005ല്‍ പുറത്തിറങ്ങിയ ബ്ലാക്ക് എന്ന സിനിമയ്ക്കായി ഓഡിഷന്‍ ചെയ്തപ്പോഴായിരുന്നു. രണ്‍ബീര്‍ ചിത്രത്തിന്റെ സംവിധാകന്‍ സഞ്ജയ് ലീല ബന്‍സാലിയുടെ അസിസ്റ്റന്റായി പ്രവര്‍ത്തിക്കുകയായിരുന്നു ആ സമയത്ത്. വര്‍ഷങ്ങള്‍ക്ക് ശേഷം ആലിയയും സിനിമയില്‍ അരങ്ങേറി. രണ്ടു പേരും സൂപ്പര്‍ താരങ്ങളായി മാറുകയും ചെയ്തു.

2017ല്‍ രണ്‍ബീറിനേയും ആലിയയേയും നായകനും നായികയുമാക്കി അയാന്‍ മുഖര്‍ജി സിനിമയൊരുക്കാന്‍ തീരുമാനിക്കുകയായിരുന്നു. ബ്രഹ്‌മാസ്ത്രയെന്ന ചിത്രത്തിന്റെ ചിത്രീകരണത്തിനിടെയാണ് രണ്‍ബീറും ആലിയയും അടുക്കാന്‍ ആരംഭിക്കുന്നത്. ബള്‍ഗേറിയയിലെ ചിത്രീകരണ സമയത്തിനിടെയായിരുന്നു രണ്‍ബീറും ആലിയയും അടുക്കുന്നത്. അധികം വൈകാതെ തന്നെ രണ്‍ബീറും ആലിയയും പ്രണയത്തിലാണെന്ന വാര്‍ത്ത സോഷ്യല്‍ മീഡിയയിലും മാധ്യമങ്ങളിലും നിറയുകയായിരുന്നു. പിന്നീട് 2018 ല്‍ രണ്‍ബീറും ആലിയയും സോനം കപൂറിന്റെ വിവാഹത്തിന് ഒരുമിച്ച് എത്തിയതോടെ ആ പ്രണയം അവര്‍ പരസ്യമാക്കുകയും ചെയ്തു.

Alia Bhatt and Ranbir Kapoor wedding will be on tomorrow

കുട്ടികളുടെ ഫോൺ ഉപയോഗം നിയന്ത്രിക്കാൻ രക്ഷിതാക്കൾക്ക് ഒരു ആപ്പ്

2022-04-12T20:36:00.005+05:30

കുട്ടികളുടെ ഫോൺ ഉപയോഗം നിയന്ത്രിക്കാൻ രക്ഷിതാക്കൾക്ക് ഒരു സൗജന്യ ആപ്പ്. നിങ്ങളുടെ കുട്ടികൾ ചെറുപ്പമോ കൗമാരക്കാരോ ആകട്ടെ, അവർ ഓൺലൈനിൽ പഠിക്കുമ്പോഴും കളിക്കുമ്പോഴും പര്യവേക്ഷണം ചെയ്യുമ്പോഴും നിങ്ങളുടെ മൊബൈലിൽ നിന്ന് അവരെ നിയന്ത്രിക്കുന്നതിന് ഈ ആപ്പ് നിങ്ങളെ അനുവദിക്കുന്നു. 13 വയസ്സിന് താഴെയുള്ള കുട്ടികൾക്ക് (അല്ലെങ്കിൽ നിങ്ങളുടെ രാജ്യത്തെ സമ്മതത്തിന്റെ ബാധകമായ പ്രായം), മിക്ക Google സേവനങ്ങളിലേക്കും ആക്‌സസ് ഉള്ള ഒരു Google അക്കൗണ്ട് സൃഷ്‌ടിക്കാനും ഈ ആപ്പിലൂടെ നിങ്ങൾക്ക് സാധിക്കുന്നു. ഈ ആപ്പിന്റെ പേരാണ് ഗൂഗിൾ ഫാമിലി ലിങ്ക്.

ഗൂഗിൾ ഫാമിലി ലിങ്ക് ഉപയോഗിച്ച് നിങ്ങൾക്ക് എന്തൊക്കെ ചെയ്യാനാകും എന്ന് നോക്കാം.

കുട്ടികളുടെ മൊബൈലിലെ ആപ്പുകളുടെ പ്രവർത്തനം നിരീക്ഷിക്കാൻ സാധിക്കും

കുട്ടികൾ അവരുടെ പ്രിയപ്പെട്ട ആപ്പുകളിൽ എത്ര സമയം ചിലവഴിക്കുന്നുവെന്ന് കാണിക്കുന്ന റിപ്പോർട്ടുകൾ കാണാൻ കഴിയും. നിങ്ങൾക്ക് പ്രതിദിന, പ്രതിവാര അല്ലെങ്കിൽ പ്രതിമാസ റിപ്പോർട്ടുകൾ കാണാൻ കഴിയും.

കുട്ടികളുടെ മൊബൈലിലെ ആപ്പുകൾ മാനേജു ചെയ്യാൻ സാധിക്കും

നിങ്ങളുടെ കുട്ടി Google Play സ്റ്റോറിൽ നിന്ന് ഡൗൺലോഡ് ചെയ്യാൻ ആഗ്രഹിക്കുന്ന ആപ്പുകൾ അംഗീകരിക്കാനോ തടയാനോ നിങ്ങൾക്ക് ഈ ആപ്പിലൂടെ സാധിക്കും. കുട്ടികളുടെ മൊബൈലിലെ ആപ്പുകൾ മറയ്ക്കാനും കഴിയും നിങ്ങളുടെ സ്വന്തം മൊബൈലിൽ നിന്ന്.

സ്ക്രീൻ സമയം നിരീക്ഷിക്കാൻ സാധിക്കും

നിങ്ങളുടെ കുട്ടിക്ക് എത്ര സ്ക്രീൻ സമയം അനുയോജ്യമാണെന്ന് തീരുമാനിക്കേണ്ടത് നിങ്ങളാണ്. നിങ്ങളുടെ മേൽനോട്ടത്തിലുള്ള ഉപകരണങ്ങൾക്കായി സമയ പരിധികളും ഉറക്ക സമയവും സജ്ജീകരിക്കാൻ നിങ്ങൾക്ക് പറ്റും.

കുട്ടികളുടെ മൊബൈൽ ലോക്ക് ചെയ്യൻ സാധിക്കും

പുറത്ത് പോയി കളിക്കാനോ അത്താഴം കഴിക്കാനോ ഒരുമിച്ച് സമയം ചെലവഴിക്കാനോ ഉള്ള സമയമായാലും, വിശ്രമിക്കാൻ സമയമാകുമ്പോഴെല്ലാം നിങ്ങൾക്ക് കുട്ടികളുടെ മൊബൈൽ വിദൂരമായി ലോക്ക് ചെയ്യാൻ സാധിക്കും.

കുട്ടികളുടെ ലൊക്കേഷൻ അറിയാൻ സാധിക്കും

നിങ്ങളുടെ കുട്ടി യാത്രയിലായിരിക്കുമ്പോൾ അവർ എവിടെ ആണെന്ന് കണ്ടെത്താൻ സഹായകരമാണ് ഈ ആപ്പ്.

Google Play-യിൽ നിന്ന് നിങ്ങളുടെ കുട്ടിയുടെ ഡൗൺലോഡുകൾ മാനേജ് ചെയ്യാൻ ഈ ആപ്പ് നിങ്ങളെ സഹായിക്കുമെങ്ക്കിലും ആപ്പ് അപ്‌ഡേറ്റുകൾ തടയാൻ സാധിക്കില്ല. നിങ്ങൾ മുമ്പ് അംഗീകരിച്ച ആപ്പുകൾ അല്ലെങ്കിൽ ഫാമിലി ലൈബ്രറിയിൽ പങ്കിട്ട ആപ്പുകൾ എന്നിവ ഇൻസ്‌റ്റാൾ ചെയ്യാൻ അനുമതി ആവശ്യമില്ല. അതിനാൽ മാതാപിതാക്കൾ ഈ ആപ്പിലൂടെ നിങ്ങളുടെ കുട്ടിയുടെ ഇൻസ്റ്റാൾ ചെയ്ത ആപ്പുകളും ആപ്പ് അനുമതികളും പതിവായി പരിശോധിക്കണം.

നിങ്ങളുടെ കുട്ടിയുടെ ഉപകരണത്തിലെ ആപ്പുകൾ നിങ്ങൾ ശ്രദ്ധാപൂർവ്വം അവലോകനം ചെയ്യുകയും താൽപ്പര്യമില്ലാത്തവ പ്രവർത്തനരഹിതമാക്കുകയും വേണം. മുൻകൂട്ടി ഇൻസ്റ്റാൾ ചെയ്ത ചില ആപ്പുകൾ നിങ്ങൾക്ക് പ്രവർത്തനരഹിതമാക്കാൻ കഴിഞ്ഞേക്കില്ല എന്നത് ശ്രദ്ധിക്കുക.

നിങ്ങളുടെ കുട്ടിയുടെ ലൊക്കേഷൻ കാണുന്നതിന് മൊബൈൽ പവർ ഓൺ ആയിരിക്കണം. അതുപോലെ ഇന്റർനെറ്റുമായി കണക്‌റ്റ് ചെയ്‌തിരിക്കുകയും വേണം.

An app that allow parents to control their children phones - Google Family Link

ദാമ്പത്യം സന്തുഷ്ടമാക്കി നിലനി൪ത്താ൯ ശ്രദ്ധിക്കേണ്ട കാര്യങ്ങള്‍

2022-04-10T20:53:00.003+05:30

കോവിഡ്‌ പ്രതിസന്ധികളെ തുടര്‍ന്ന്‌ ദമ്പതികള്‍ ഒരുപാട് സമയം ഒന്നിച്ചു കഴിഞ്ഞ കാലമാണ്‌ കടന്നു പോയത്‌. ഈ പ്രതിസന്ധി കാലഘട്ടം പരസ്പരമുള്ള ബന്ധം ദൃഡമമാക്കാന്‍ ഉപയോഗിച്ചോ? സമയം വെറുതെ കളയുകയുന്നതിനു പകരം പരസ്പരം അറിയാന്‍ ശ്രമിച്ചോ? ഒന്നിച്ചു പാചകം ചെയ്യുക, കളികളില്‍ ഏര്‍പ്പെടുക, വീട്ടുകാര്യങ്ങള്‍ നോക്കുക, പ്രണയത്തിനായി സമയം കണ്ടെത്തുക എന്നിവ ബന്ധങ്ങള്‍ വളര്‍ത്താന്‍ സഹായകമാവും. നല്ല പങ്കാളികളാകാന്‍ ചിലപ്പോള്‍ കാലങ്ങളെടുത്തുള്ള അധ്വാനം ആവശ്യമായി വരും. അതിനുള്ള കുറച്ചു ടിപ്പുകളാണ്‌ ചുവടെയുള്ളത്‌.

പരസ്‌പരം വികാരങ്ങള്‍ മനസ്സിലാകുക

ഈ കാലഘട്ടത്തില്‍ ഒരുമിച്ചു കഴിയുന്ന ദമ്പതികള്‍ തങ്ങളുടെ വികാരങ്ങള്‍ പരസ്പരം പങ്കുവയ്ക്കാനും പങ്കാളിയുടെ വികാരങ്ങളെയും അനുഭവങ്ങളെയും മനസ്സിലാക്കാനും ശ്രമിക്കണം. മോശം വികാരങ്ങളില്‍ നിന്നു കരകയറാന്‍ വ്യക്തികളെ പ്രേരിപ്പിക്കാന്‍ ശ്രമിക്കും മുന്‍പ്‌ അത്‌ മുഴുവനായും മറക്കാവുന്ന സാഹചര്യത്തിലേക്ക്‌ അവര്‍ എത്തിയിട്ടുണ്ടോ എന്ന്‌ അറിയണം.

അര്‍ഥവത്തായ സംഭാഷണങ്ങള്‍ക്ക് സമയം കണ്ടെത്തുക

കുറഞ്ഞത്‌ 30 മിനിറ്റെങ്കിലും ദിവസവും സംസാരിക്കാനായി പങ്കാളികള്‍ മാറ്റിവയ്ക്കണം. വീട്ടിലെ ചെയ്തുതീര്‍ക്കേണ്ട കാര്യങ്ങളല്ല മറിച്ച്‌ ബാല്യം, കരിയര്‍, ഭാവി എന്നിങ്ങനെ പരസ്പരം മനസ്സിലാക്കാന്‍ സഹായിക്കുന്ന കാര്യങ്ങളെപ്പറ്റി സംസാരിക്കാം വര്‍ഷങ്ങള്‍ ഒരുമിച്ചു ജീവിച്ചവര്‍ പോലും ഇത്തരം കാര്യങ്ങള്‍ സംസാരിക്കുന്നതില്‍ പരാജയപ്പെടാറുണ്ട്‌.

വ്യായാമം ചെയ്യാം

ഒറ്റയ്ക്കോ, പങ്കാളിയോട്‌ ഒപ്പമോ വ്യായാമം ചെയ്യുന്നത്‌ തലച്ചോറിൻറെ പോസിറ്റിവിറ്റി നിലനിര്‍ത്താന്‍ സഹായിക്കും. പുറത്തേക്ക്‌ ഒന്ന്‌ നടക്കാന്‍ പോകുന്നതു പോലും ബന്ധങ്ങള്‍ക്ക്‌ ഉണര്‍വ്‌ നല്‍കും. കൂട്ടികളെയോ, ഓമന മൃഗങ്ങളെയോ കൂട്ടി പുറത്തേക്ക്‌ ഇറങ്ങുന്നത്‌ പങ്കാളികള്‍ക്ക്‌ പരസ്പരം സംസാരിക്കാന്‍ അവസരം ഒരുക്കും.

ഇലക്ട്രോണിക്‌ ഉപകരണങ്ങള്‍ ഒഴിവാക്കാം

എല്ലായ്‌പ്പോഴും ഫോണിലോ മറ്റോ നോക്കിയിരിക്കുന്നത്‌ പരസ്പരമുള്ള ബന്ധത്തെ ബാധിക്കും. ഇവ ഒഴിവാക്കി കുറച്ചുസമയം പരസ്പരം സംസാരിക്കാന്‍ മാറ്റിവയ്ക്കുന്നത്‌ ബന്ധങ്ങള്‍ ദൃഢമാവാൻ സഹായിക്കും.

പരസ്പരം ജോലികള്‍ പങ്കുവയ്ക്കാം

ജോലികള്‍ പകുത്തെടുത്ത്‌ ചെയ്യുക. പങ്കാളിക്ക്‌ വയ്യെങ്കില്‍ അവരുടെ ജോലികളില്‍ സഹായിക്കുക എന്നിങ്ങനെ ആവശ്യങ്ങള്‍ കണ്ടറിഞ്ഞു പെരുമാറുന്നത്‌ ബന്ധം ശക്തമാക്കും. വിവാഹ ബന്ധങ്ങളില്‍ വിദഗ്ദരായ തെറാപ്പിസ്റ്റുകളുടെ സഹായംതേടുന്നവരുടെ എണ്ണം കൂടിവരുകയാണ്‌. നിങ്ങള്‍ പ്രശ്നങ്ങള്‍ അനുഭവിക്കുന്ന ദമ്പതികള്‍ അല്ലെങ്കില്‍ പോലും വിദഗ്ധരായ ആളുകള്‍ക്ക്‌ സന്തോഷവും സ്‌നേഹവും നിറഞ്ഞ ഒരു ബന്ധം കെട്ടിപ്പടുക്കാന്‍ നിങ്ങളെ സഹായിക്കാനാവും.

Things help in keeping your relationship happy

കണിക്കൊന്നയിൽ അടിമുടി പൂത്തുലഞ്ഞ് സീതു ലക്ഷ്മി

2022-04-09T21:24:00.004+05:30

സോഷ്യല്‍ മീഡിയയില്‍ വിഷു സ്പെഷ്യല്‍ ഫോട്ടോ ഷൂട്ടുമായി സീതു ലക്ഷ്മി. വിഷു പ്രമാണിച്ച് കണിക്കൊന്ന ദേഹമൊത്തം ചുറ്റി വെറൈറ്റി ഫോട്ടോഷൂട്ട് നടത്തിയിരിക്കുകയാണ് പ്രശസ്ത മോഡലും സിനിമാ താരവുമായ സീതു ലക്ഷ്മി. നിമിഷ നേരം കൊണ്ടാണ് ചിത്രങ്ങൾ സമൂഹമാധ്യമങ്ങളിൽ വൈറലായി മാറിയത്. പതിവ് പോലെ കണികൊന്ന കൊണ്ട് തന്റെ ശരീരം മറച്ച് കിടിലൻ ലുക്കിലാണ് താരം ചിത്രങ്ങളിൽ പ്രത്യക്ഷ പെട്ടിരിക്കുന്നത്.

വിഷുക്കാലമായതോടെ സോഷ്യല്‍ മീഡിയയില്‍ ഏറ്റവും കൂടുതല്‍ കാണാന്‍ സാധിക്കുന്നത് വിഷുവുമായി ബവന്ധപ്പെട്ടുള്ള ഫോട്ടോഷൂട്ടുകളാണ്. സുന്ദരികള്‍ കേരളത്തനിമയില്‍ സാരിയുടുത്ത് എത്തുമ്പോള്‍ അതില്‍ നിന്നെല്ലാം തികച്ചും വെറൈറ്റി ഫോട്ടോ ഷൂട്ട് ആണ് സീതു ലക്ഷ്മി നടത്തിയിരിക്കുന്നത്.

സീതുവിന്റെ വൈറൽ ചിത്രങ്ങൾ കണ്ടു നോക്കു.

Seethu Lakshmi Vishu Viral Photos, Seethu Lakshmi Photoshoot, Seethu Kanikonna Photos,

എല്ലാത്തിനും ഒരു ആപ്പ്: ടാറ്റ ന്യൂ

2022-04-09T07:57:00.004+05:30

ടാറ്റ ഗ്രൂപ്പിലെ എല്ലാ ബ്രാന്‍ഡുകളുടെയും ഉല്‍പന്നങ്ങളും സേവനങ്ങളും ഉള്‍പ്പെടുത്തിയ സൂപ്പര്‍ ആപ്‌ “ടാറ്റ ന്യൂ” (Tata Neu) പുറത്തിറക്കി. ഓണ്‍ലൈന്‍ വാണിജ്യ രംഗത്ത്‌ വന്‍ കുതിപ്പു ലക്ഷ്യമിട്ടുള്ള നീക്കമാണിത്‌. വിവിധ ഉല്‍പന്ന വിഭാഗങ്ങളിലെ ബ്രാന്‍ഡുകള്‍ ഒറ്റ ആപ്പില്‍ ആക്കുന്ന സുപ്പര്‍ ആപ്‌ ഇന്ത്യയില്‍ ആദ്യമാണെന്ന്‌ ടാറ്റ ഗ്രൂപ്പ്‌ അവകാശപ്പെട്ടു.

നിത്യോപയോഗ സാധനങ്ങള്‍ വിൽക്കുന്ന ബിഗ് ബാസ്കറ്റ്, മരുന്നു വില്‍ക്കുന്ന 1എംജി, ഇലക്ട്രോണിക്‌ ഉപകരണങ്ങള്‍ക്കായുള്ള ക്രോമ, താജ്‌ ഉള്‍പ്പെടെയുള്ള ഹോട്ടല്‍ ബിസിനസ്‌ നടത്തുന്ന ഐഎച്ച്‌സിഎല്‍, സ്റ്റാര്‍ബക്സ്‌ ഫുഡ്‌ ബ്രാന്‍ഡ്‌, ടാറ്റ ക്ലിക്‌, വെസ്റ്റ് സൈഡ് ഫാഷന്‍, എയര്‍ എഷ്യ ഇന്ത്യ എയര്‍ലൈന്‍ എന്നിവയൊക്കെ ഈ ഒറ്റ്‌ ആപ്പില്‍ ലഭ്യമാകും.

വിസ്താര, എയര്‍ ഇന്ത്യ എന്നി എയര്‍ലൈനുകള്‍, ടാറ്റ മോട്ടോഴ്‌സ്‌, ടൈറ്റന്‍, തനിഷ്ക്‌ എന്നിവ ഉടന്‍ ആപ്പില്‍ ഉള്‍പ്പെടുത്തുമെന്നും ടാറ്റ സണ്‍സ്‌ ചെയര്‍മാന്‍ എന്‍. ചന്ദ്രശേഖരന്‍ പറഞ്ഞു, ആപ്‌ വഴി നടത്തുന്ന ഓരോ ഇടപാടിനും റിവാര്‍ഡ്‌ പോയിന്റ്‌ ആയ സ്യൂ കോയിന്‍ ലഭിക്കും. ഇത്‌ പിന്നീടുള്ള ഇടപാടുകളില്‍ പണത്തിനു പകരമായി ഉപയോഗിക്കാനാകും. യൂട്ടിലിറ്റി ബില്‍ തുക അടയ്ക്കാനും ആപ്‌ ഉപയോഗപ്പെടുത്താം. ആന്‍ഡ്രോയ്‌സ്‌ പ്പേസ്‌റ്റോറിലും ആപ്‌ സ്റ്റോറിലും ടാറ്റ ന്യൂ ഡൌണ്‍ലോഡിനു ലഭ്യമാണ്‌.

Tata Neu app launched, New UPI app by tata - Tata Neu

യൂറിനറി ഇൻഫെക്ഷൻ വരാതെ എങ്ങനെ ശ്രദ്ധിക്കാം?

2022-04-08T22:51:00.006+05:30

പല ആളുകളും നേരിടുന്ന പ്രശ്നമാണ് യൂറിനറി ട്രാക്റ്റ് ഇൻഫെക്ഷൻ അഥവാ മൂത്രാശയ അണുബാധ. പുരുഷന്മാരെ അപേക്ഷിച്ച് സ്ത്രീകളിൽ ആണ് ഇത് കൂടുതലായി കണ്ടുവരുന്നത്.

കൃത്യമായി മൂത്രം ഒഴിക്കാതെ ദീർഘ നേരം മൂത്രം പിടിച്ച് വെക്കുന്നത് അണുബാധയുണ്ടാകാൻ ഒരു പ്രധാന കാരണമാണ്. ശുചിത്വക്കുറവും മൂത്രാശയ അണുബാധയ്ക്ക് കാരണമാകും. വെള്ളം കുടിക്കാത്തത് ആവശ്യത്തിന് വെള്ളം കുടിക്കാതിരിക്കുന്നതും യൂറിനറി ട്രാക്റ്റ് ഇൻഫെക്ഷൻ ഉണ്ടാകാനുള്ള മറ്റൊരു കാരണമാണ്. ദിവസവും കുറഞ്ഞത് എട്ട് ഗ്ലാസ് വെള്ളമെങ്കിലും കുടിക്കാൻ മറക്കരുത്. ശുചിത്വക്കുറവ് വൃത്തിരഹിതമായ അടിവസ്ത്രങ്ങൾ ധരിക്കുന്നത്, ഒരേ സാനിറ്ററി പാഡ് ദീർഘനേരം ഉപയോഗിക്കുന്നത്, വൃത്തിയില്ലാത്ത പൊതു ശൗചാലയങ്ങൾ ഉപയോഗിക്കുന്നത് എന്നിവയെല്ലാം അണുബാധയുണ്ടാക്കാം.

മൂത്രമൊഴിക്കുമ്പോൾ അനുഭവപ്പെടുന്ന കഠിനമായ വേദന, മൂത്രത്തിൽ രക്തത്തിന്റെ അംശം, അടിവയറ്റിൽ വേദന, മൂത്രത്തിൽ നിറവ്യത്യാസവും ദുർഗന്ധവും, ഇടയ്ക്കിടയ്ക്കുള്ള മൂത്രശങ്ക, പനി എന്നിവയൊക്കെ ലക്ഷണങ്ങളാണ്.

മൂത്രത്തിലെ അണുബാധയുടെ ലക്ഷണങ്ങൾ ശ്രദ്ധയിൽ പെട്ടാൽ സ്വയം ചികിത്സയ്ക്ക് നിൽക്കാതെ ഉടൻ തന്നെ വൈദ്യസഹായം തേടുക. ചികിത്സിച്ചില്ലെങ്കിൽ ഇത് മറ്റ് പല ആരോഗ്യ പ്രശ്നങ്ങൾക്കും കാരണമാകും. അണുബാധ ഗുരുതരമായാൽ വൃക്കകളുടെ പ്രവർത്തനത്തെ ദോഷകരമായി ബാധിക്കാം. അതുകൊണ്ട് തന്നെ അണുബാധ അകറ്റാൻ ഡോക്ടർ നിർദ്ദേശിക്കുന്ന ആന്റിബയോട്ടിക്കുകൾ കൃത്യമായി കഴിക്കുക.

അണുബാധ പിടിപെടാതിരിക്കാൻ വേണ്ട മുൻകരുതലുകൾ സ്വീകരിക്കുക. മൂത്രം പിടിച്ച് വെക്കുന്ന ശീലം ഒഴിവാക്കുക, മൂത്രമൊഴിക്കാൻ തോന്നുമ്പോൾ ഉടൻ തന്നെ അത് ചെയ്യുക. ഇറുകിയ വസ്ത്രങ്ങൾ ധരിക്കുന്നത് ഒഴിവാക്കുക. അടിവസ്ത്രങ്ങൾ വൃത്തിയുള്ളതായിരിക്കണം. ഇവ ദിവസവും മാറ്റുകയും വീണ്ടും ഉപയോഗിക്കുന്നതിന് മുമ്പ് കഴുകി വെയിലത്ത് ഉണക്കുകയും വേണം.

Urinary tract infection causes, Urinary tract infection Symptoms, Urinary tract infection treatment

ആലിയയ്ക്കും രണ്‍ബീറിനും ഈ മാസം കല്യാണം

2022-04-05T21:05:00.003+05:30

നാലു വര്‍ഷമായി ആലിയ ഭട്ടിന്റെയും രണ്‍ബീര്‍ കപൂറിന്റെയും കല്യാണം കാണാന്‍ കാത്തിരിക്കുന്ന ആരാധക ലക്ഷങ്ങള്‍ക്ക്‌ ആഹ്ലാദ വാര്‍ത്തയെത്തി. സൂപ്പര്‍താര വിവാഹം ഈ മാസം തന്നെയെന്നാണ്‌ റിപ്പോര്‍ട്ടുകള്‍. ഏപില്‍ രണ്ടാം വാരം എന്നല്ലാതെ തീയതി പുറത്തു വിട്ടിട്ടില്ല.

മുംബൈയിലെ കപൂര്‍ തറവാട്ടില്‍ സ്വകാര്യ ചടങ്ങായി നടത്താനാണ്‌ ഇരുവിട്ടുകാരുടെയും തീരുമാനം. ബോളിവുഡ്‌ ഇതിഹാസം രാജ്‌ കപൂറിന്റെ മകന്‍ ഋഷി കപൂറിന്റെ മകനാണ്‌ രണ്‍ബിര്‍, ബോളിവുഡ്‌ താരമായിരുന്ന ഋഷി കപൂര്‍ 1980 ല്‍ നടി നീതു സിങ്ങിനെ വിവാഹം ചെയ്തതും ഇവിടെ വച്ചായിരുന്നു.

പ്രശസ്ത സംവിധായകന്‍ മഹേഷ്‌ ഭട്ടിന്റെയും നടി സോണി റസ്ദാന്റെയും മകളാണ്‌ ആലിയ. ആലിയയും രണ്‍ബീറും ഒരുമിച്ച്‌ അഭിനയിക്കുന്ന പൂതിയ ചിത്രമായ ബ്രഹ്മാസ്ത്രയുടെ ഷൂട്ടിങ്‌ വിവാഹത്തെ തുടർന്ന് നിര്‍ത്തിവച്ചിരിക്കുകയാണ്‌.

Ranbir Kapoor and Alia Bhatt to get married on April 2022.

ബിഗ്ഗ്‌ബോസ് മലയാളം സീസൺ 4 മത്സരാത്ഥികൾ ആരൊക്കെ?

2022-03-27T19:23:00.018+05:30

ബിഗ്ഗ്‌ബോസ് മലയാളം സീസൺ 4 മത്സരാത്ഥികൾ ആരൊക്കെ?

മോഹൻലാൽ ആതിഥേയത്വം വഹിക്കുന്ന ബിഗ്ഗ്‌ബോസ് മലയാളം സീസൺ 3 ഷോ മാർച്ച് 27 തീയതി ആരംഭിച്ചു. നവീൻ അറക്കൽ, എന്നീ മത്സരാത്ഥികൾ പങ്കെടുക്കുന്നു.

1. നവീൻ അറക്കൽ

ടെലി പ്രേക്ഷകർക്ക് പരിചിതമായ മുഖമാണ് നവീൻ അറക്കൽ. സീരിയലുകളിലൂടെയും സെലിബ്രിറ്റി ഷോകളിലൂടെയും താരം ടിവി രംഗത്ത് സജീവമായിരുന്നു. 'സീത', 'പടാത്ത പൈങ്കിളി' തുടങ്ങിയ ഷോകളിൽ താരം മാംസളമായ വേഷങ്ങൾ ചെയ്തിട്ടുണ്ട്. പടാത്ത പൈങ്കിളിയിൽ , അന്തരിച്ച നടൻ ശബരി ആദ്യം ചെയ്ത അരവിന്ദ് എന്ന കഥാപാത്രത്തെയാണ് നവീൻ അവതരിപ്പിച്ചത്. എന്നിരുന്നാലും, 'സ്റ്റാർ മാജിക്' എന്ന സെലിബ്രിറ്റി ഷോയിലേക്കുള്ള പ്രവേശനത്തോടെ നവീൻ കൂടുതൽ ജനപ്രീയനായി മാറി. ഷോയിലെ അദ്ദേഹത്തിന്റെ ചാരുതയും സ്പോർട്സ് സ്പിരിറ്റും ആരാധകർക്ക് ഏറെ ഇഷ്ടമായിരുന്നു. അടുത്തിടെ 'കനകൺമണി'യിലെ അതിഥി വേഷത്തിലൂടെ താരം ശ്രദ്ധ നേടിയിരുന്നു.

2. ജാനകി സുധീര്‍

യുവ നടിയായി മലയാളത്തില്‍ ശ്രദ്ധേയയായ ജാനകി സുധീറാണ് ബിഗ് ബോസില്‍ മത്സരാര്‍ഥിയായി എത്തിയിരിക്കുന്നത്. സീരിയലിലും ജാനകി സുധീര്‍ വേഷമിട്ടുണ്ട്. ബിഗ് ബോസ് തന്റേതാക്കി മാറ്റാമെന്ന് ഉറച്ച വിശ്വാസത്തോടെയാണ് ജാനകി സുധീര്‍ എത്തിയിരിക്കുന്നത്. ഒമര്‍ ലുലുവിന്റെ സംവിധാനത്തില്‍ എത്തിയ 'ചങ്ക്സി'ലൂടെയാണ് ജാനകി സുധീര്‍ വെള്ളിത്തിരിയില്‍ എത്തുന്നത്. ദുല്‍ഖര്‍ നായകനായ 'ഒരു യമണ്ടൻ പ്രേമ കഥ'യിലും ജാനകി സുധീര്‍ വേഷമിട്ടു. ഹോളിവൂണ്ട് ആണ് മറ്റൊരു പ്രധാന ചിത്രം. 'ഈറൻനിലാവ്', 'തേനും വയമ്പും' തുടങ്ങിയ സീരിയലുകളിലൂടെയും ജാനകി സുധീര്‍ പ്രേക്ഷകര്‍ക്ക് മുമ്പിലെത്തി.

For Janaki Sudheer Photo Click Here

3.ലക്ഷ്‍മി പ്രിയ

ടെലിവിഷന്‍ മേഖലയില്‍ നിന്നും മലയാള ചലച്ചിത്ര ലോകത്തിലേക്ക് കടന്ന് വന്ന താരമാണ് ലക്ഷ്‍മി പ്രിയ. വളരെ ചുരുക്കം ചിത്രങ്ങള്‍കൊണ്ട് തന്നെ മലയാളികളുടെ പ്രിയങ്കരിയായി മാറാന്‍ ലക്ഷ്‍മി പ്രിയക്ക് സാധിച്ചു. മോഹന്‍ലാല്‍ നായകനായ 'നരനാ'യിരുന്നു ആദ്യ ചിത്രം. പിന്നീടിങ്ങോട്ട് ചെറുതും വലുതുമായ നിരവധി കഥാപാത്രങ്ങൾ ലക്ഷ്‍മി പ്രിയ പ്രേക്ഷകർക്ക് സമ്മാനിച്ചു. ഒരിടവേളക്ക് ശേഷം അഭിനയ രംഗത്ത് സജീവമായി തുടരുന്ന ലക്ഷ്‍മി പ്രിയ ഇനി മുതൽ ബിഗ് ബോസിൽ ഉണ്ടാകും. ഇന്ന് മുതൽ ആരംഭിക്കുന്ന ബിഗ് ബോസ് സീസൺ 4ലെ മത്സരാർത്ഥികൾ ഒരാളാണ് ലക്ഷ്‍മി പ്രിയ.

4. ഡോ. റോബിന്‍ രാധാകൃഷ്‍ണന്‍

മോട്ടിവേഷനല്‍ സ്‍പീക്കറെന്ന നിലയില്‍ ആയിരക്കണക്കിന് ആരാധകരുള്ള ഡോ. റോബിന്‍ രാധാകൃഷ്‍ണന്‍ സോഷ്യല്‍ മീഡിയയിലും പുറത്തും ഒരുപോലെ താരമാണ്. ഡോ. മച്ചാന്‍ എന്ന പേരില്‍ പ്രശസ്‍തനായ അദ്ദേഹം ഇന്‍സ്റ്റഗ്രാമിലൂടെ പോസ്റ്റ് ചെയ്യുന്ന വീഡിയോകള്‍ ആയിരങ്ങള്‍ക്ക് പ്രതീക്ഷയുടെ കിരണങ്ങളേകുന്നു. ആയിരക്കണക്കിന് പേരാണ് ദിവസവും മുന്നോട്ട് പോകാനുള്ള ഊര്‍ജം തേടി അദ്ദേഹത്തെ സാമൂഹിക മാധ്യമങ്ങളിലൂടെ സമീപിക്കുന്നത്. അരലക്ഷത്തിലധികം ഫോളോവര്‍മാരുണ്ട് അദ്ദേഹത്തിന് ഇന്‍സ്റ്റഗ്രാമില്‍. തിരുവനന്തപുരം ജി.ജി ആശുപത്രിയില്‍ എമര്‍ജന്‍സി മെഡിസിന്‍ വിഭാഗത്തില്‍ ഡ്യൂട്ടി മെഡിക്കല്‍ ഓഫീസറായി ജോലി ചെയ്യുന്ന റോബിന്‍ രാധാകൃഷ്‍ണന്‍‍‍, സോഷ്യല്‍ മീഡിയയിലൂടെയാണ് ഡോക്ടര്‍ മച്ചാന്‍ എന്ന പേരില്‍ താരമായത്. പിന്നീട് കൗമുദി ടെലിവിഷനില്‍ ചാറ്റ് വിത്ത് ഡോക്ടര്‍ മച്ചാന്‍ എന്ന ഷോയിലൂടെയും പ്രേക്ഷകര്‍ക്ക് മുന്നിലുമെത്തി. അഭിനയ രംഗത്തും തിരക്കഥയിലും സാന്നിദ്ധ്യമറിയിച്ചിട്ടുണ്ട്. ചിദംബരം ഗവ. മെഡിക്കല്‍ കോളേജിലാണ് മെഡിക്കല്‍ പഠനം പൂര്‍ത്തിയാക്കിയത്. 31 വയസുകാരനായ ഡോ. റോബിന്‍ രാധാകൃഷ്‍ണന്‍ അവിവാഹിതനാണ്.

5. ധന്യ മേരി വർഗീസ്

വാശിയേറിയ മത്സരത്തിൽ ഇത്തവണ മാറ്റുരയ്ക്കാൻ സിനിമ-സീരിയൽ നടിയായ ധന്യ മേരി വർഗീസും ബിഗ്ബോസ് വീട്ടിലുണ്ട്. തിരുടി എന്ന ചിത്രത്തിലൂടെയാണ് 2006 -ൽ 'ധന്യ മേരി വർഗീസ് സിനിമാലോകത്തേക്കുള്ള തന്റെ അരങ്ങേറ്റം കുറിച്ചത്. മലയാളത്തിൽ ആദ്യമായി അഭിനയിക്കുന്നത് 'നന്മ' എന്ന ചിത്രത്തിലാണ് എങ്കിലും 'തലപ്പാവ്' എന്ന ചിത്രമാണ് ശ്രദ്ധിക്കപ്പെട്ടത്. അഭിനയത്തിലേക്ക് വരുന്നതിന് മുമ്പ് തന്നെ മോഡലിംഗിലും നിരവധി പരസ്യചിത്രങ്ങളിലും ധന്യ സാന്നിധ്യമറിയിച്ചിട്ടുണ്ട്. അഭിനേത്രിയും മോഡലും നർത്തകിയുമായ ധന്യ 'സീതാകല്യാണം' എന്ന സീരിയലിൽ 'സീത'യെന്ന പ്രധാന കഥാപാത്രത്തെ അവതരിപ്പിച്ചു. ഒരുപാട് ആരാധകരുള്ള സീരിയലായിരുന്നു 'സീതാകല്യാണം'. 'വൈരം', 'ദ്രോണ', 'റെഡ് ചില്ലീസ്', 'നായകൻ', 'കേരള കഫെ' തുടങ്ങിയ ചിത്രങ്ങളിലും ധന്യ അഭിനയിച്ചിട്ടുണ്ട്. കൂത്താട്ടുകുളം ഇടയാറിൽ വർഗീസിന്റെയും ഷീബയുടെയും മകളാണ് ധന്യ മേരി വർഗീസ്. ജോൺ ജേക്കബ് ആണ് ഭർത്താവ്.

6. ശാലിനി നായര്‍

പല മേഖലകളില്‍ പ്രവര്‍ത്തിക്കുമ്പോഴും ടെലിവിഷന്‍ അവതാരക എന്ന മേല്‍വിലാസത്തെയാണ് ശാലിനി തന്നോട് കൂടുതല്‍ ചേര്‍ത്ത് നിര്‍ത്തുന്നത്. വി ജെ ശാലിനി നായര്‍ എന്നാണ് തന്‍റെ സോഷ്യല്‍ മീഡിയ പ്രൊഫൈലുകളില്‍ ശാലിനി നല്‍കിയിരിക്കുന്ന പേര്. കഠിനാധ്വാനത്തിനു പകരം വെക്കാന്‍ ജീവിതത്തില്‍ മറ്റൊന്നുമില്ലെന്ന് വിശ്വസിക്കുന്ന ശാലിനി പ്രമുഖ ടെലിവിഷന്‍ ചാനല്‍ പ്രോഗ്രാമുകളുടെയും ചാനല്‍ അവാര്‍ഡ് നിശകളുടെയുമൊക്കെ അവതാരകയായി ശോഭിച്ചിട്ടുണ്ട്. അഭിനയരംഗത്തും ഒരു കൈ നോക്കിയിട്ടുണ്ട് എന്നു മാത്രമല്ല, ആ മേഖലയോട് അതീവ താല്‍പര്യവുമുണ്ട്.

7. ജാസ്‍മിന്‍ മൂസ

ജീവിതസാഹചര്യങ്ങളില്‍ നിന്ന് സ്വന്തം പ്രയത്നത്താല്‍ സ്വയം അടയാളപ്പെടുത്തിയ ഒരു വനിത ഇത്തവണത്തെ ബിഗ് ബോസ് മലയാളത്തില്‍ മത്സരാര്‍ഥിയാണ്. ജിം ട്രെയ്‍നറും ബോഡി ബില്‍ഡറുമായ ജാസ്‍മിന്‍ എം മൂസയാണ് അത്. ഏതൊരു മനുഷ്യനും പ്രചോദനമാവുന്ന ജാസ്‍മിന്‍റെ ജീവിതകഥ മാധ്യമങ്ങളിലൂടെ നേരത്തേ ജനശ്രദ്ധ നേടിയിട്ടുള്ളതാണ്. ഒരു യാഥാസ്ഥിതിക കുടുംബത്തില്‍ പിറന്ന ജാസ്‍മിന്‍ രണ്ട് തവണ വിവാഹിതയാവുകയും ആ രണ്ട് ബന്ധങ്ങളും വേര്‍പിരിഞ്ഞ ആളുമാണ്. സ്വന്തം ഇഷ്ടപ്രകാരമല്ലാതെ 18-ാം വയസ്സിലായിരുന്നു ആദ്യ വിവാഹം. രണ്ടാം വിവാഹബന്ധത്തില്‍ നേരിടേണ്ടിവന്ന കടുത്ത പീഡനങ്ങളാണ് ജാസ്‍മിനെ ഒരര്‍ഥത്തില്‍ സ്വയം കരുത്തയാവാന്‍ പ്രേരിപ്പിച്ചത്.

8. അഖില്‍ ബി എസ് നായര്‍

ബിഗ് ബോസിലെ സഹ മത്സരാര്‍ഥികളെയും പ്രേക്ഷകരെയും ഒരുപോലെ ചിരിപ്പിക്കാൻ എത്തുന്നത് കുട്ടി അഖിലാണ്. വെറും ചിരിത്താരം മാത്രമല്ലാതെ ഒരു ഗംഭീര മത്സരാര്‍ഥിയാകാനാകും കുട്ടി അഖിലിന്റെ ശ്രമം. കുട്ടി അഖിലിന്റെ കോമഡി തന്ത്രങ്ങള്‍ ബിഗ് ബോസ് പ്രേക്ഷകരെയും ആകര്‍ഷിക്കുമോ എന്ന് കണ്ടറിയാം. കുട്ടി അഖില്‍ എന്ന അഖില്‍ ബി എസ് നായര്‍ 'പ്രീമിയര്‍ പദ്‍മിനി' വെബ്‍ സീരിസിലൂടെയാണ് പ്രേക്ഷക ശ്രദ്ധ ആകര്‍ഷിക്കുന്നത്. കോമഡി എക്സ്‍പ്രസ് ഷോയിലൂടെയായിരുന്നു അഖില്‍ മിനി സ്‍ക്രീനിലെത്തുന്നത്. ഏഷ്യാനെറ്റ് സപ്രേഷണം ചെയ്‍ത കോമഡി സ്റ്റാഴ്‍സ് സീസണ്‍ ടു അഖിലിനെ താരമാക്കി. നെയ്യാറ്റിൻകര പോളിടെക്നിക് കോളേജില്‍ നിന്ന് തുടങ്ങിയ അഖിലിന്റെ കലാപ്രവര്‍ത്തനം ഇന്ന് സിനിമയിലും എത്തിനില്‍ക്കുന്നു.

9. ഡെയ്‍സി ഡേവിഡ്

ആ മേഖലയിലെ പുരുഷന്മാരെ അപേക്ഷിച്ച്. അതേസമയം ഫോട്ടോഗ്രഫിയില്‍ തന്‍റേതായ അടയാളം സൃഷ്‍ടിച്ച സ്ത്രീകളും ഉണ്ട്. പുതുതലമുറയില്‍ നിന്നുള്ള അത്തരത്തിലെ ഒരാള്‍ ഇത്തവണത്തെ ബിഗ് ബോസ് മലയാളത്തില്‍ മത്സരാര്‍ഥിയായി ഉണ്ട്. ഡെയ്‍സി ഡേവിഡ് ആണത്.

വിവാഹ ഫോട്ടോഗ്രഫിയിലും ഫാഷന്‍ ഫോട്ടോഗ്രഫിയിലും ഇതിനകം തന്‍റേതായ വ്യക്തിമുദ്ര പതിപ്പിച്ചിട്ടുള്ള ഡെയ്‍സി കേരളത്തിലെ അറിയപ്പെടുന്ന സെലിബ്രിറ്റി ഫോട്ടോഗ്രാഫറുമാണ്. സെലിബ്രിറ്റി ഫോട്ടോഗ്രഫിയില്‍ ഡെയ്‍സിയെപ്പോലെ പേരെടുത്ത അധികം വനിതകള്‍ ഇല്ല. വെഡ്ഡിംഗ് ഫോട്ടോഗ്രഫിയില്‍ എപ്പോഴും തന്‍റേതായ പരീക്ഷണങ്ങള്‍ നടത്താറുള്ള ഡെയ്‍സി നാരീസ് വെഡ്ഡിംഗ്സ് എന്ന പേരില്‍ ഒരു സ്ഥാപനം നടത്തുന്നുണ്ട്. വിവാഹ ഫോട്ടോഗ്രഫിയില്‍ വനിതാ ഫോട്ടോഗ്രാഫര്‍മാരുടെ ഒരു സംഘത്തെയാണ് ഡെയ്‍സി നയിക്കുന്നത്.

10. റോൺസൺ വിൻസെന്റ്

പ്രമുഖ ടെലിവിഷന്‍ താരവും മോഡലുമാണ്‌ റോണ്‍സണ്‍ വിന്‍സെന്റ്‌. ഏഷ്യാനെറ്റില്‍ സംപ്രേഷണം ചെയ്‍ത 'വിഗ്രഹണം' എന്ന പരമ്പരയിലൂടെയാണ് ടെലിവിഷന്‍ സീരിയല്‍ രംഗക്കേത്ത് റോൺസൺ എത്തിയത്. തുടര്‍ന്ന് 'ഭാര്യ', 'സീത', 'അനുരാഗം', 'കൂടത്തായി' തുടങ്ങി നിരവധി ടെലിവിഷന്‍ സീരിയലുകളില്‍ അഭിനയിച്ചു. ഇത്തരം പരമ്പരകളിലൂടെയും ഷോകളിലൂടെയും ടെലിവിഷന്‍ പ്രേക്ഷകരുടെ ഇഷ്ട താരമായി മാറുകയായിരുന്നു റോണ്‍സൺ. സീത, ഭാര്യ, അരയന്നങ്ങളുടെ വീട് തുടങ്ങിയ പരമ്പരകളായിരുന്നു താരത്തിന് ശ്രദ്ധ നേടിക്കൊടുത്തത്. മലയാളത്തിന് പുറമെ അന്യഭാഷകളിലും സജീവമായിരുന്നു റോൺസൺ. പോസിറ്റീവ് മാത്രമല്ല നെഗറ്റീവ് കഥാപാത്രങ്ങളും തന്നില്‍ ഭദ്രമായിരിക്കുമെന്ന് തെളിയിച്ച് മുന്നേറുന്നതിനിടയിലാണ് ബിഗ് ബോസിലേക്കുള്ള താരത്തിന്റെ എൻട്രി.

11. സുചിത്ര നായര്‍

ബിഗ് ബോസ് മലയാളം സീസണ്‍ 4 മത്സരാര്‍ഥികളില്‍ ഒരാളായി മിനിസ്ക്രീന്‍ പ്രേക്ഷകരുടെ പ്രിയതാരം സുചിത്ര നായര്‍. സ്വന്തം പേരിനേക്കാള്‍ അവതരിപ്പിച്ച ഹിറ്റ് കഥാപാത്രത്തിന്റെ പേരില്‍ അറിയപ്പെടുന്ന അഭിനേത്രി കൂടിയാണ് സുചിത്ര. നടിമാരില്‍ ചിലര്‍ക്കു മാത്രം ലഭിക്കുന്ന ആ ഭാഗ്യം സുചിത്രയ്ക്ക് സമ്മാനിച്ചത് വാനമ്പാടി എന്ന പരമ്പരയാണ്. ഏഷ്യാനെറ്റിന്‍റെ ജനപ്രിയ പരമ്പരയായിരുന്നു വാനമ്പാടിയില്‍ പദ്മിനി (പപ്പി) എന്ന കഥാപാത്രത്തെയാണ് സുചിത്ര അവതരിപ്പിച്ചിരുന്നത്. വാനമ്പാടി സംപ്രേഷണം അവസാനിപ്പിച്ചതിനു ശേഷവും പ്രേക്ഷകരുടെ മനസില്‍ നിന്ന് മായാത്ത കഥാപാത്രമായി ഇത്.

വാനമ്പാടിക്കു മുന്‍പ് സുചിത്ര അവതരിപ്പിച്ച മറ്റൊരു കഥാപാത്രവും പ്രേക്ഷകശ്രദ്ധ നേടിയിരുന്നു. കൃഷ്ണകൃപാ സാഗരം എന്ന പരമ്പരയിലെ കഥാപാത്രമായിരുന്നു അത്. ദുര്‍ഗ്ഗാ ദേവിയായാണ് സുചിത്ര ഈ പരമ്പരയില്‍ എത്തിയത്. എന്നാല്‍ സുചിത്രയ്ക്ക് കരിയര്‍ ബ്രേക്ക് നല്‍കിയത് വാനമ്പാടിയിലെ പപ്പി ആയിരുന്നു.

12. നിമിഷ

മിസ് കേരള 2021 ഫൈനലിസ്റ്റാണ് നിമിഷ. നിയമവിദ്യാര്‍ഥിയായ നിമിഷ ആര്‍ട്ടിസ്റ്റും മോഡലുമായും ശ്രദ്ധ നേടിയിരുന്നു. അത്യധികം ഊര്‍ജ്വസ്വലതയോടെയാണ് നിമിഷ ബിഗ് ബോസിലേക്ക് എത്തിയിരിക്കുന്നത്.

13. അപർണ മൾബറി

തൊരു മലയാളിയെയും അത്ഭുതപ്പെടുത്തുന്ന രീതിയിൽ മണിമണിയായി മലയാളം പറയുന്ന അപർണ ബിഗ് ബോസ് സീസൺ 4ല്‍ എത്തിയിരിക്കുകയാണ്. മലയാളം ബിഗ് ബോസിൽ അപർണ എത്തുന്നത് പുതു ചരിത്രം കൂടി രചിച്ചു കൊണ്ടാണ്. ഷോയിലെ ആദ്യത്തെ വിദേശ വനിതയാണ് ഈ താരം. ആത്മീയത, യോഗ, ധ്യാനം തുടങ്ങിയവയില്‍ താൽപര്യം ജനിച്ച് അമേരിക്കയിൽ നിന്നും ദക്ഷിണേന്ത്യയിൽ എത്തിയവരാണ് അപർണയുടെ മാതാപിതാക്കൾ. അച്ഛനും അമ്മയും കേളത്തിൽ എത്തുമ്പോൾ അപർണയ്‍ക്ക് പ്രായം മൂന്ന്. മാതാ അമൃതാനന്ദമയിയുടെ ആശ്രമത്തിലായിരുന്നു താമസം. അമൃത വിദ്യാലത്തിലായിരുന്നു സ്‌കൂൾ കാലം.പതിനഞ്ച് വയസുവരെ കേരളത്തിലായിരുന്നു അപര്‍ണയുടെ പഠനം. ഇതിനിടയിലാണ് മലയാളം അപർണയുടെ ഹൃദയത്തിലേക്ക് ആഴ്ന്നിറങ്ങുന്നത്. പിന്നീട് കേരളത്തെയും ഇവിടുത്തെ ജീവിത രീതികളെയും അപർണ സ്വായാത്തമാക്കി. മലയാളികൾ പേലും കേട്ടാൽ അമ്പരക്കുന്ന തരത്തിൽ അവർ മലയാളം പറയാൻ തുടങ്ങി.

14. സൂരജ് തേലക്കാട്

ആന്‍ഡ്രോയ്‍ഡ് കുഞ്ഞപ്പന്‍' എന്ന വന്‍ വിജയമായ ചിത്രം ഇറങ്ങിയ കാലത്ത് കേരളീയര്‍ക്കെല്ലാം മനസില്‍ ഉയര്‍ന്ന ചോദ്യമായിരുന്നു ആരാണ് ആ നടൻ എന്നത്. സൂരജ് തേലക്കാടാണ് ആ നടൻ എന്ന് വെളിപ്പെട്ടപ്പോള്‍ ആരാധകരും അമ്പരന്നു. 'ആന്‍ഡ്രോയ്‍ഡ് കുഞ്ഞപ്പന്‍' റോബോട്ട് ആകും മുന്‍പ് തന്നെ മലയാളിക്ക് സുപരിചിതനാണ് ഈ കലാകാരന്‍. ടിവി പരിപാടികളിലെ 'വലിപ്പമേറിയ' പ്രകടനങ്ങള്‍ സൂരജിനെ മലയാളിക്ക് പരിചയമുള്ള മുഖമാക്കിയിരുന്നു.

15. ദില്‍ഷ പ്രസന്നന്‍

മലയാള ടെലിവിഷന്‍ പ്രേക്ഷകര്‍ക്ക് പ്രിയങ്കരിയാണ് ദില്‍ഷ പ്രസന്നന്‍. ഡി ഫോര്‍ ഡാന്‍സ് റിയാലിറ്റി ഷോയിലൂടെ നൃത്ത രംഗത്ത് തന്റെ ഇടം രേഖപ്പെടുത്തിയ ദിര്‍ഷ പിന്നീട് ഏഷ്യാനെറ്റില്‍ സംപ്രേക്ഷണം ചെയ്‍ത 'കാണാകണ്‍മണി'യിലെ മാനസയായി പ്രേക്ഷക ശ്രദ്ധയാകര്‍ഷിച്ചു.

കോഴിക്കോട് ജനിച്ചു വളര്‍ന്ന ദില്‍ഷ പ്രസന്നന്‍ കൊയിലാണ്ടി ജിഎംവിഎച്ച്എസ്എസ്, ഫ്രാങ്ക്ഫിന്‍ ഇന്‍സ്റ്റിറ്റ്യൂട്ട് എന്നിവിടങ്ങളിലാണ് പഠനം പൂര്‍ത്തിയാക്കിയത്. അമ്മ - ബീന, അച്ഛന്‍ - പ്രസന്നന്‍. 29കാരിയായ ദിര്‍ഷയുടെ സ്വപ്‍നം എയര്‍ഹോസ്റ്റസ് ആവുകയാണ്. ഇപ്പോള്‍ ബാഗ്ലൂരില്‍ അഡ്‍മിന്‍ കോര്‍ഡിനേറ്ററായി ജോലി ചെയ്യുന്നു. അവിവാഹിതയാണ്.

16.ബ്ലെസ്‍ലി

മലയാളത്തിലെ സംഗീതലോകത്തെ സശ്രദ്ധം വീക്ഷിക്കുന്നവര്‍ ഇതിനകം ശ്രദ്ധിച്ചിട്ടുള്ള പേരാണ് ബ്ലെസ്‍ലിയുടേത് (Blesslee). ഗായകനായും സംഗീത സംവിധായകനായുമൊക്കെ വെറും 21 വയസ്സിനുള്ളില്‍ സംഗീത പ്രേമികള്‍ക്കിടയില്‍ ശ്രദ്ധിക്കപ്പെടുകയെന്നത് ചെറിയ കാര്യമല്ല. അതുതന്നെയാണ് ഈ യുവകലാകാരനെ മറ്റുള്ളവരില്‍ നിന്ന് വ്യത്യസ്‍തനാക്കുന്നതും. ഇപ്പോഴിതാ ജീവിതത്തിലെ ഒരു പ്രധാന നേട്ടത്തിലേക്കും ചുവടുവെക്കുകയാണ് ബ്ലെസ്‍ലി. ബിഗ് ബോസ് മലയാളം സീസണ്‍ 4ലെ (Bigg Boss Malayalam Season 4) ഒരു മത്സരാര്‍ഥിയായി പ്രേക്ഷകരിലേക്ക് എത്തുകയാണ് അദ്ദേഹം.

17.അശ്വിൻ

അശ്വിൻ വിജയ് എന്ന പേര് കേട്ടാൽ പലർക്കും തിരിച്ചറിയാൻ സാധിച്ചേക്കും. ചെറുപ്പത്തിൽ തന്നെ നിരവധി നേട്ടങ്ങൾ സ്വന്തമാക്കിയ, ഇരുണ്ട ഭൂതകാലത്തെ വകഞ്ഞ് മാറ്റി കരുത്തുറ്റ പോരാട്ടത്തിലൂടെ വെളിച്ചത്തിലേക്ക് നടന്നടുത്ത പ്രതിഭ. അങ്ങനെയറിയണം അശ്വിനെ. ജാലവിദ്യകളുടെ ലോകത്ത് അസാമാന്യ പാടവമുള്ള അശ്വിൻ, ഏഷ്യൻ ബുക്ക് ഓഫ് റെക്കോർഡ്‍സിലും ഇന്ത്യ ബുക്ക് ഓഫ് റെക്കോർഡ്സിലും സ്ഥാനം കരസ്ഥമാക്കിയിട്ടുണ്ട്

ബിഗ് ബോസ് മലയാളം സീസൺ 4 മാർച്ച് 27 ന് തുടങ്ങും

2022-03-13T22:15:00.002+05:30

ലോകമെമ്പാടും ആരാധകരുള്ള ഗെയിം ഷോയായ ബിഗ് ബോസിന്റെ മലയാളം സീസൺ 4 മാർച്ച് 27 മുതല്‍ ഏഷ്യാനെറ്റിൽ തുടങ്ങും. മോഹന്‍ലാല്‍ തന്നെയാണ് ബിഗ് ബോസ് മലയാളം സീസൺ 4 ന്റെ അവതാരകൻ. ഷോ ആരംഭിക്കുന്ന കാര്യം പ്രേക്ഷകരെ അറിയിച്ചിരിക്കുന്നത് മോഹൽലാൽ തന്നെയാണ്.

ചർമ്മ സംരക്ഷണത്തിന്‌ അറിയേണ്ട കാര്യങ്ങൾ

2022-03-13T20:18:00.000+05:30

ആര്‍ക്കും ഒന്നിനും സമയമില്ലാത്ത കാലത്തിലൂടെയാണു നാം കടന്നു പോകുന്നത്‌. ജീവിതത്തിലെ പ്രധാ നപ്പെട്ടപലതും മറന്നു പോകുന്നു. ഇക്കൂട്ടത്തില്‍ പ്രധാനപെട്ട ഒന്നാണ്ചര്‍മസംരക്ഷണം. മുഖക്കുരു, കറുത്തപാടുകള്‍, കണ്ണിനു ചുറ്റിലുമുള്ള തടിപ്പ് എന്നിവ ഇല്ലാത്തവരുടെ എണ്ണമാണ്‌ കുറവെന്ന്‌ പറഞ്ഞാലും അദ്ഭുതമില്ല. ഇതൊക്കെ വലിയ കാര്യമാണോ എന്നു ചിന്തിക്കുന്നവരുണ്ടാകാം. എന്നാല്‍ മറ്റേതിലുമെന്ന പോലെ ചര്‍മസംരക്ഷണം പ്രധാനപ്പെട്ടതാണ്‌. ചര്‍മസംരക്ഷണത്തിനായി ചെയ്യാവുന്ന കാര്യങ്ങള്‍ ഇതാ.

വിറ്റാമിന്‍ സി

ചര്‍മത്തിന്റെ യുവത്വം നിലനിര്‍ത്തുന്നതില്‍ വിറ്റാമിന്‍ സിക്ക്‌ വലിയ പങ്കുണ്ട്‌. ഒരു നല്ല വിറ്റാമിന്‍ സി സീറം ഉപയോഗിക്കാം.

സീസണുകള്‍ മാറുന്നത്‌

സീസണുകള്‍ മാറുമ്പോള്‍ അത്‌ നമ്മുടെ ചര്‍മത്തിലും മാറ്റങ്ങള്‍ സൃഷ്ടിക്കും. അതിനാല്‍ ഓരോ സീസണുകള്‍ മാറി വരുമ്പോഴും സ്‌കിന്‍ കെയര്‍ റൂട്ടിനിലും ആ മാറ്റം വരുത്തേണ്ടതാണ്‌. മഞ്ഞുകാലത്ത്‌ ഹൈ ഡ്രേറ്റിങ്‌ പ്രൊഡക്ടുകളും വേനല്‍ക്കാലത്ത്‌ നോണ്‍ സ്റ്റിക്കി പ്രൊഡക്ടുകളുമാണ്‌ ഉപയോഗിക്കണ്ടത്‌.

ചുണ്ടുകളെ മറക്കരുത്‌

മുഖ ചര്‍മത്തിന്‌ കൂടുതല്‍ ശ്രദ്ധ കൊടുക്കുമ്പോള്‍ ചുണ്ടുകളെ മറന്ന്‌ കളയരുത്‌. ഒരു മോയിസ്‌ച്യുറൈസിങ്‌ ലിപ്‌ ബാം ഉപയോഗിക്കുന്നത്‌ ചുണ്ടുകള്‍ക്ക്‌ നല്ലതാണ്‌. ഇതോടൊഷം ചുണ്ട്‌ കടിക്കുന്നു സ്വഭാവ മുണ്ടെങ്കില്‍ അതു മാറ്റുകയും വേണം.

നല്ല ഉറക്കം

നല്ല ഉറക്കത്തിന്‌ നമ്മുടെ മുഖ സൌന്ദര്യത്തിലും സ്ഥാനമുണ്ട്‌. സ്കിന്‍ കെയര്‍ റൂട്ടിനുകള്‍ ഫലവത്താക മെങ്കില്‍ നല്ല ഉറക്കും കൂടിയെ തീരൂ. മാത്രമല്ല സമാധാനപൂര്‍ണമായ ഉറക്കം കണ്ണിന്‌ ചുറ്റുമുള്ള തടിപ്പും കറുത്ത നിറവും ഇല്ലാതാക്കും. 8 മണിക്കുറെങ്കിലുമുള്ള കൃത്യമായ ഉറക്കം ശരീരത്തിന്‌ അത്യാവശ്യമാണ്‌.

മുഖം ശ്രദ്ധിക്കാം

വൃത്തിയില്ലാത്ത കൈകള്‍ കൊണ്ട്‌ മുഖത്ത്‌ തൊടാതിരിക്കുക. അതു കൈകളിലുള്ള സൂക്ഷ്മജീവികള്‍ മുഖത്തെത്താനും അണുബാധ ഉണ്ടാക്കാനും സാധ്യതയുണ്ട്‌. അതുകൊണ്ട്‌ കൈകള്‍ വൃത്തിയായി സൂക്ഷി ക്കുന്നതും ചര്‍മ്മ സംരക്ഷണത്തിന്റെ ഭാഗമാണ്‌.

ബിഗ്ഗ്‌ബോസ് നാലാം സീസണിൽ വീണ്ടും ലാലേട്ടൻ തന്നെ അവതാരകൻ

2022-03-06T21:10:00.004+05:30

വളരെയധികം ജനപ്രീതിയുള്ള റിയാലിറ്റി ഷോയായ ബിഗ് ബോസ് മലയാളം സീസൺ നാലിൽ മോഹൻലാൽ തന്നെ അവതാരകനായി എത്തും. പ്രഖ്യാപനം ഏഷ്യാനെറ്റ് നടത്തിയത്.

ബിഗ് ബോസ് മലയാളം സീസണിൽ അവതാരകനായി എത്തിയ മോഹൻലാലായിരുന്നു. താരരാജാവ് അവതാരകനായി എത്തിയ പരിപാടി വലിയ സ്വീകാര്യതയോടെ ആണ് പ്രേക്ഷകർ ഏറ്റെടുത്തിരുന്നത്. എന്നാൽ ബിഗ് ബോസിൻറെ നാലാം സീസൺ എത്തുമെന്ന് പ്രഖ്യാപനം ഏഷ്യാനെറ്റ് നടത്തിയത്. ലോഗോയും ചാനൽ പുറത്തുവിട്ടിരുന്നു. എന്നാൽ ഇത്തവണ മോഹൻലാൽ ആയിരിക്കില്ല അവതാരകൻ എന്ന് അറിയാൻ സാധിക്കുന്നത്.

ബറോസ് ഉൾപ്പെടെയുള്ള ചിത്രങ്ങളുടെ തിരക്കിൽ ഒരുവർഷക്കാലം മോഹൻലാലിന് ഡേറ്റില്ല, അതിനാൽ മറ്റൊരു താരം ആയിരിക്കും ബിഗ് ബോസിൻറെ അവതാരകനായി എത്തുന്നത് എന്നുമായിരുന്നു പുറത്തുവന്ന റിപ്പോർട്ടുകൾ.

ഇപ്പോൾ ആശങ്കകൾക്കെല്ലാം വിരാമമിട്ടുകൊണ്ട് ഏഷ്യാനെറ്റ് വീഡിയോ പുറത്തുവിട്ടിരിക്കുന്നത്. ബിഗ് ബോസ് നാലാം സീസണിൽ അവതാരകനായി എത്തുന്നത് മോഹൻലാൽ തന്നെയാണെന്ന് അതിൽ സൂചിപ്പിക്കുന്നത്. ഇപ്പോൾ എല്ലാം ബ്ലഫിങ് ആയിരുന്നു എന്ന് പറഞ്ഞു കൊണ്ട് ലാലേട്ടൻറെ നേരിട്ടു എത്തിയിരിക്കുകയാണ് വിഡിയോയിൽ.

Bigg Boss Malayalam Season 4 host Mohanlal

The Complete Boss Mohanlal BIGG BOSS Malayalam Season 4 Host

ബിഗ് ബോസ് മലയാളം തിരിച്ചെത്തുന്നു

2022-02-26T20:47:00.001+05:30

മലയാളത്തിലെ ജനപ്രിയ ടെലിവിഷന്‍ റിയാലിറ്റി ഷോ ആയ ബിഗ് ബോസ് വീണ്ടും പ്രേക്ഷകരിലേക്ക് എത്തുന്നു. ബിഗ് ബോസ് സീസണ്‍ 4 വൈകാതെ പ്രേക്ഷകരിലേക്ക് എത്തും. ഇന്ന് ഏഷ്യാനെറ്റ് യൂട്യൂബ് ചാനൽ കൂടിയാണ് മെഗാഹിറ്റ് ഷോ ആയ ബിഗ് ബോസ് തിരിച്ചെത്തുന്നു എന്ന് പ്രഖ്യാപിച്ചിരിക്കുന്നത്.

Bigg Boss Malayalam Season 4 Going to start soon.