Mata Dalan Linux & Software Livre

AP-Hotspot: Fasil Kria Wireless Hotspot Iha GNU/Linux

2017-02-01T08:00:00.000+09:00

Presija hatene katak ita bele fahe koneksaun internet husi LAN ou USB Modem atraves Wireless Adapter mak disponivel ona iha laptop ou komputador. Ho nune'e dispotivu hanesan Smartphone Android, iPhone no seluktan bele asesu ba internet ho fasil sem presija utiliza ekipamentus Access Point.

Iha oportunidade ne'e, Autores sei hatudu maneira oinsa bele kria hotspot utiliza aplikasaun AP-Hotspot.

Notas:
Pratika ne'e susesu ona teste iha laptop Toshiba Satellite L300 (Wireless Adapter Card: Atheros AR2425) ho sistema operasaun Linux Mint 17.3 "Rosa" no konektadu ona ba internet uza USB Modem Huawei tipu E173. Tenki lembradu katak, Wireless Adapter as vezes barak mak seidauk suporta funsaun modu Access Point. Tamba ne'e tenki identifika uluk dispotivu Wireless Adapter refere suporta ona modu Access Point ou seidauk.

Etapa-etapa hanesan ezemplu tuir mai:

Loke aplikasaun Terminal liu husi menu: Accessories → Terminal

Digitandu komandu hirak ne'e:

sudo add-apt-repository ppa:nilarimogard/webupd8
sudo apt-get update
sudo apt-get install ap-hotspot

Wainhira prosesu instalasaun remata, hala'o konfigurasaun AP-Hotspot ho komandu hanesan tuir mai:

sudo ap-hotspot configure

Sei mosu parametru konfigurasaun AP-Hotspot hanesan ezemplu kraik ne'e:

Detecting main network interface...
Detected ppp0 as the network interface connected to the Internet. Press ENTER if this is correct or enter the desired interface below (e.g.- eth0, ppp0 etc.): #HANEHAN ENTER

Detected wlan0 as your WiFi interface. Press ENTER if this is correct or enter the desired interface (e.g.- wlan1): #HANEHAN ENTER
Enter the desired Access Point name or press ENTER to use the default one (myhotspot): #HATAMA NARAN HOTSPOT
Enter the desired WPA Passphrase below or press ENTER to use the default one (qwerty0987): #HATAMA PASSWORD HOTSPOT

Notas:
Kuandu hala'o komandu refere, automatikamente aplikasaun AP-Hotspot sei tenta detekta dispotivu hanesan USB Modem, Wireless Adapter no seluktan. Karik Wireless Adapter la suporta, sei mosu informasaun hanesan tuir mai ne'e: "Your wireless card or driver does not support Access Point mode.

Depois konfigura AP-Hotspot, bele hamoris modu hotspot ho komandu:
```
sudo ap-hotspot start
```
Agora hotspot ativu ona no sei detektadu iha dispotivu smartphone, laptop, no seluk-seluktan ho rekizitu Wireless Adapter tenki disponivel.

Karik hakarak hamate AP-Hotspot, hatama komandu tuir mai ne'e:
```
sudo ap-hotspot stop
```

Boa sorte!

Referensia:
https://github.com/hotice/AP-Hotspot
https://forum.xda-developers.com

Maneira Restabelese Boot Loader GRUB

2017-01-31T16:00:00.000+09:00

GRand Unified Bootloader ou famozu ho sigla GRUB, nudar boot loader mak frekuentemente utilizadu iha sistema operasaun Linux. GRUB permiti utilizador linux bele instala variu sistema operasaun liu husi ida iha dispotivu komputador ou laptop. GRUB mos permiti utilizador para bele determina sistema operasaun ne'ebe mak hakarak utilizador hala'o. Boot loader ne'e fornesidu no dezenvolvidu husi GNU Project ho lisensia GNU GPL version 3. Versaun ikus boot loader GRUB maka GRUB2. Atualmente, maioria distro Linux hanesan Debian, Fedora, Ubuntu, Slackware, OpenSUSE, no seluktan utiliza ona GRUB2 nudar padraun boot loader. Aparensia GRUB bele modifikadu tuir nesesidades, maibe sujestaun husi Autores tenki kuidadu tamba kuandu sala modifika sintaxe GRUB bele fornese impaktu failansu booting ba sistema operasaun iha hard disk laran.

Ezemplu Menu GRUB Iha Linux Ubuntu

As vezes, utilizador konfrontadu ho kondisaun boot loader GRUB lakon ou la mosu wainhira reinstalasaun sistema operasaun Windows ba hard disk mak disponivel ona sistema operasaun Linux no Windows (Dual Boot). Ne'e sigfinika, boot loader GRUB automatikamente troka ona ho boot loader Windows. Ho nune'e, kuandu booting diretamente sei tama ba sistema operasaun Windows.

Ho kondisaun ne'ebe esplika ona iha leten, parsialmente bo'ot utilizador komputador lakohi hanoin naruk, no foti desijaun reinstalasaun fali Linux. Efetivamente disponivel maneira fasil oinsa restabelese boot loader GRUB sem presija reinstalasaun sistema operasaun Linux. Somente utiliza deit Linux Live USB ou Linux Live CD/DVD utilizador bele ona aplika maneira mak Autores esplika iha kraik ne'e.

Notas:
Maneira ne'e teste iha Linux Mint 17.3. Bele mos aplika ba distro Linux seluk hanesan Debian, Ubuntu, Fedora, Manjaro, Mageia, no seluktan maibe ho rekizitu tenki utiliza GRUB nudar boot loader default. Keta haluha mos prepara ona bootable sistema operasaun Linux ho media CD/DVD se lae USB Flashdisk. Maibe iha pratika ne'e Autores utiliza Linux Mint mak hala'o husi USB Flashdisk (Linux Live USB).

Tuir mai maneira oinsa restabelese boot loader GRUB iha Linux Mint:

Boot komputador ou laptop ho Linux Live CD/DVD ou Live USB.

Loke aplikasaun Terminal liu husi menu: System Tools → Terminal, bele mos utiliza kombinasaun butaun keyboard: Ctrl + Alt + T.

Buka lokalizasaun husi partisaun Linux ho komandu tuir mai.

sudo fdisk -l

Rezultadu husi komandu iha leten mais ou menus sei mosu hanesan ezemplu ilustrasaun iha kraik ne'e:

Disk /dev/sda: 465.8 GiB, 500107862016 bytes, 976773168 sectors
Units: sectors of 1 * 512 = 512 bytes
Sector size (logical/physical): 512 bytes / 4096 bytes
I/O size (minimum/optimal): 4096 bytes / 4096 bytes
Disk identifier: 50DC7296-0110-45FC-B7EE-EF1A3412CAB9

Device     Boot      Start        End     Blocks    Id  System
/dev/sda1    *        2048    1026047     512000     7  HPFS/NTFS/exFAT
/dev/sda2          1026048  209717247  104345600     7  HPFS/NTFS/exFAT
/dev/sda3        209717310  976768064  383525377+   82  Linux swap / Solaris
/dev/sda4        976768484  915327023  52353024     83  Linux

Notas:
Partisaun Linux mak eziste ona iha Autores nian hard disk maka /dev/sda4 (hare'e ezemplu ilustrasaun iha leten). Tenki lembradu katak, lokalizasaun tabela partisaun iha kada hard disk as vezes diferente.

Mount partisaun Linux refere
```
sudo mount /dev/sda4 /mnt
```

Kontinua mount virtual filesystem hanesan maneira tuir mai ne'e

sudo mount --bind /dev  /mnt/dev
sudo mount --bind /proc /mnt/proc
sudo mount --bind /sys  /mnt/sys

Login nudar user root utiliza komandu chroot
```
sudo chroot /mnt
```
Depois login ba partisaun Linux, kontinua instala boot loader GRUB ho maneira iha kraik ne'e.
```
grub-install /dev/sda
```
Notas:
Karik instalasaun susesu, sei mosu notifikasaun "Installation Finished. No error reported."

Kontinua atualizasaun lista menu GRUB ho komandu
```
update-grub
```
Sai husi modu chroot
```
exit
```
Reboot komputador ou laptop liu husi Terminal ho maneira
```
sudo reboot
```
Notas:
Keta haluha hasai ou losu bootable CD/DVD ou USB Flashdisk Linux husi dispotivu komputador ou laptop.

Karik buat hotu la'o ho diak, menu GRUB sei mosu fila-fali hanesan inisialmente.

Boa sorte!

Referensia:
https://www.gnu.org/software/grub/
https://en.wikipedia.org/wiki/GNU_GRUB

Kria Linux Live USB ho UNetbootin

2017-01-18T10:00:00.000+09:00

Barak husi utilizador Linux seidauk hatene oinsa hakarak kria bootable sistema operasaun Linux utiliza USB Flashdisk nudar alternativu substitui bootable CD/DVD. Oportunidade ne'e Autores sei fornese maneira oinsa kria bootable Flashdisk utiliza aplikasaun Universal Netboot Installer (UNetbootin).

UNetbootin nudar aplikasaun open source dezenvolvidu husi Geza kovacs utilizadu para kria bootable Linux iha flahsdisk ou famozu liu ho naran Linux Live USB. Aplikasaun cross-platform ne'e bele utilizadu iha variu sistema operasaun hanesan Linux, Windows no MacOS.

Ho UNetbootin ita bele kria Live USB ho diversu file ISO distro Linux hanesan Debian, Ubuntu, Linux Mint, OpenSUSE, Fedora, CentOS, no seluktan.

Notas:
Pratika ne'e Autores teste iha Linux Mint 7.3. File ISO Linux mak utilizadu Ubuntu versaun 16.04. Karik file ISO seidauk disponivel, bele download iha website http://www.distrowatch.com. La haluha mos USB Flashdisk ho kapasidade 2 Gigabyte nudar dispotivo bootable.

Lalaok instalasaun no utilizasaun hanesan tuir mai ne'e:

Konekta Flashdisk ba port USB iha dispotivo komputador ou laptop

Loke aplikasaun Terminal liu husi menu: System Tools → Terminal

Kontinua instala pakote UNetbootin ho maneira:
```
sudo apt-get install unetbootin
```
Depois instalasaun pakote UNetbootin remata, loke aplikasaun refere liu husi menu: System Tools → UNetbootin

Hatama password sistema Linux.

Konfirmasaun Password Sistema Linux
Kuandu susesu hatama password sistema Linux, sei mosu janela aplikasaun UNetbootin hanesan ezemplu ilustrasaun tuir mai ne'e:

Janela Aplikasaun UNetbootin
Karik hakarak kria bootable flashdisk utiliza file ISO, hili "Diskimage" (1), desidi opsaun "ISO" (2), no klik ba butaun "Select disk image file" (3) (hare'e ezemplu ilustrasaun tuir mai).

Maneira Determina File ISO Iha UNetbootin
Buka no hili file ISO Linux mak antes ne'e prepara ona iha hard disk laran.

Loke File ISO Iha UNetbootin
Depois hili file ISO, kontinua ho determina opsaun Type ba USB Drive (1), no hili naran husi Drive flashdisk ne'ebe detekta iha sistema Linux (2) (hare'e ilustrasaun), no klik ba butaun "OK" (3).

Determina Lokalizasaun Flashdisk Iha UNetbootin
Prosesu extratu no kopia file ISO ba flashdisk sei mosu hanesan ezemplu ilustrasaun iha kraik ne'e.

Janela Prosesu Transferensia File ISO Ba Flashdisk
Kuandu mosu janela hanesan ilustrasaun tuir mai ne'e, signifika ita susesu ona kria Linux Live USB. Klik deit butaun "Exit" para bele sai husi aplikasaun UNetbootin.

Janela Instalasaun Kompletu UNetbootin

Notas:
Karik kria ona Live USB utiliza aplikasaun UNetbootin, la presija ona uza CD/DVD kuandu hakarak instala sistema operasaun Linux. Alende ne'e mos, nudar solusaun bodik ba Komputador no Laptop mak la disponivel CD/DVD ROM ou dispotivo CD/DVD ROM avariadu hela.

To'o ne'e deit mata-dalan konaba UNetbootin husi Autores. Karik hakarak hatene liutan informasaun konaba aplikasaun UNetbootin, bele tama deit ba sitiu referensia iha kraik ne'e.

Obrigado!

Referensia:
https://unetbootin.github.io/
https://sourceforge.net/projects/unetbootin/
https://en.wikipedia.org/wiki/UNetbootin

Maneira Instalasaun Drupal 7 Iha Linux Mint

2016-12-19T22:00:00.000+09:00

Drupal nudar aplikasaun Content Management System (CMS) gratuita no open source mak distribuidu ho lisensa GNU General Public License (GNU GPL ou GPL). Dezenvolvimentu no manutensaun realizadu husi milaun utilizadores no dezenvolvedores iha mundu tomak. Aplikasaun CMS bazeadu lingua programasaun PHP ne'e, suporta diversu tipu database hanesan MySQL, MariaDB, MongoDB, PostgreSQL, SQLite no mos MsSQL. Servidor web mak suportadu hanesan Apache, Nginx, IIS no bele hala'o iha sistema operasaun hanesan Linux, Microsoft Windows, Mac OS X no FreeBSD. Drupal bele download gratuitamente no bele utilizadu livremente mos, permiti kada ema tanto individualmente ou komunidade bele publika, organiza no jere variu tipu husi kontidu iha website.

Drupal dezenvolvidu husi Dries Buytaert, no ofisialmente lansa iha fulan Janeiru tinan 2001. Nudar projetu open source, Drupal famozu tebes iha komunidade internet. Barak utilizador internet mak download ona kopia husi software ne'e desde lansamentu. Sitiu prinsipal Drupal registradu iha data 26 Abril 2001 ho enderesu http://www.drupal.org. Sitiu refere mos, fornese apoiu no dokumentasaun konaba implementasaun Drupal.

Notas:
Pratika ne'e Autores teste instala Drupal versaun 7.53 iha servidor web Apache mak integradu ona ho PHP no mos database MySQL. Sistema operasaun mak utilizadu Linux Mint 17.3 "Rosa". Bele mos aplika ba Linux Ubuntu ou Debian.

Lalaok instalasaun hanesan tuir mai ne'e:

Loke aplikasaun Terminal liu husi menu: System Tools → Terminal

Kontinua instala pakote Apache, PHP no MySQL ho maneira:

sudo apt-get install apache2 mysql-server php5 libapache2-mod-php5 php5-gd php5-curl libssh2-php

Depois instalasaun hotu, kria user no database iha MySQL hanesan tuir mai:
- Login ba database MySQL ho user root (hatama password ne'ebe kria ona wainhira halo instalasaun pakote MySQL)
```
mysql -u root -p
```
- Kria database bodik ba Drupal (troka drupal ho naran seluk depende Ita nia hakarak)
```
CREATE DATABASE drupal;
```
- Kria user no password foun (troka drupaladmin no drupalpassword ho naran seluk tuir Ita desidi rasik)
```
CREATE USER drupaladmin@localhost IDENTIFIED BY 'drupalpassword';
```
- Fo autorizasaun ba user foun para bele jere database mak kria ona.
```
GRANT ALL PRIVILEGES ON drupal.* TO drupaladmin@localhost;
```
- Kontinua ho komandu
```
FLUSH PRIVILEGES;
```
- Sai husi MySQL
```
quit;
```
Download no konfigura pakote Drupal hanesan etapa iha kraik ne'e:

Tama ba diretoriu /tmp liu husi Terminal
```
cd /tmp
```

Uza aplikasaun wget para download pakote Drupal

wget https://ftp.drupal.org/files/projects/drupal-7.53.tar.gz

Extrair pakote refere ho komandu ne'e:
```
tar -xzvf drupal*
```
Notas:
Diretoriu drupal mak extraidu ona sempre ho formatu naran inklui versaun, ezemplu hanesan iha pratika ne'e drupal-7.53.

Kopia diretoriu mak extraidu ona ba diretoriu web no troka ho naran drupal.
```
sudo cp -R drupal-7.53 /var/www/html/drupal
```
Kria diretoriu ho naran files iha diretoriu /var/www/html/drupal/sites/default laran.
```
sudo mkdir /var/www/html/drupal/sites/default/files
```
Kria permisaun ba diretoriu prinsipal drupal
```
sudo chmod -R 755 /var/www/html/drupal
```

Depois kria mos permisaun ba diretoriu files

sudo chmod -R 777 /var/www/html/drupal/sites/default/files

Kopia file konfigurasaun drupal default.settings.php no troka ho naran settings.php

sudo cp /var/www/html/drupal/sites/default/default.settings.php /var/www/html/drupal/sites/default/settings.php

Kontinua ho fornese permisaun ba file settings.php, maibe depois instalasaun remata tenki muda fali permisaun ba originalmente.
```
sudo chmod -R 666 /var/www/html/drupal/sites/default/settings.php
```

Hala'o prosesu instalasaun Drupal ho maneira asesu ba iha enderesu http://127.0.0.1/drupal ou http://localhost/drupal husi browser Mozilla Firefox ou Google Chrome.

Asesu ba Instalasaun Drupal Ho Mozilla Firefox
Depois janela instalasaun mosu, hili opsaun "Standar" no klik ba butaun "Save and Continue".

Janela Instalasaun Profile
Kuandu mosu janela "Choose Language" hanesan ilutrasaun iha kraik ne'e, klik deit butaun "Save and Continue".

Janela Hili Lingua

Notas:
Automatikamente lingua Ingles nudar lingua padraun mak selesiandu iha prosesu instalasaun Drupal.
Hili tipu database (1), hatama naran database (2), username database (3), no password database (4), depois klik ba butaun "Save and Continue" (5) (hare'e ezemplu ilustrasaun tuir mai).

Janela Konfigurasaun Database
Prosesu instalasaun komponentes Drupal sei mosu hanesan ezemplu ilustrasaun tuir mai, no hein to'o prosesu remata.

Kontinua ho priense informasaun baziku konaba website. Bele hare'e ezemplu iha ilustrasaun kraik ne'e.

Janela Konaba Informasaun Website
Kuandu mosu janela hanesan ilustrasaun tuir mai ne'e, signifika ita susesu ona instala Drupal. Klik deit ba "Visit your new site." para tama ba link prinsipal website. Bele mos asesu fila-fali ba iha enderesu http://127.0.0.1/drupal ou http://localhost/drupal.

Janela Notifikasaun Instalasaun Susesu

Pajina Prinsipal Website Drupal

Notas:

http://127.0.0.1/drupal/?q=user

http://localhost/drupal/?q=user

Labele haluha muda fila-fali permisaun file settings.php iha Terminal ho komandu.
```
sudo chmod -R 644 /var/www/html/drupal/sites/default/settings.php
```

To'o ne'e deit mata-dalan konaba "Maneira Instalasaun Drupal 7 Iha Linux Mint" husi Autores. Karik konfundi ho lalaok instalasaun no hakarak hato'o pergunta ruma, bele hato'o liu husi kaixa komentariu iha kraik.

Obrigado!

Referensia:
http://en.wikipedia.org/wiki/Drupal
https://www.drupal.org
https://buytaert.net/
https://en.wikipedia.org/wiki/GNU_General_Public_License

Oinsa Restabelese Panel Iha Linux Mint?

2016-12-13T17:00:00.000+09:00

Panel nudar padraun bodik ba Launcher no Taskbar prinsipal iha desktop Linux Mint versaun Mate ou Cinnamon. Jeralmente, iha panel disponivel Start Menu, Applet, Shorcut aplikasaun, no seluk-seluktan.

Panel Iha Desktop Linux Mint Versaun Mate

Saida mak sei akontese karik Panel lakon ou salah hamos husi desktop Linux Mint? Klaru atividade utilizaun desktop Linux sei la konfortavel no efisiente, tamba utilizador sei hetan difikuldade wainhira hakarak hala'o aplikasaun husi Panel utiliza dispotivu mouse.

Tuir mai maneira fasil oinsa restabelese ou reset Panel mak lakon husi desktop Linux Mint.

Notas:
Bele mos aplika ba distro Linux seluk hanesan Debian, Ubuntu, Fedora, Manjaro, Mageia, no seluktan maibe ho rekizitu tenki utiliza ambiente desktop Mate ou Cinnamon.

Loke aplikasaun Terminal utiliza kombinasaun butaun keyboard: Ctrl + Alt + T.

Hatama komandu tuir mai iha Terminal:

*Karik utiliza Linux Mint versaun MATE
```
gsettings reset-recursively org.mate.panel
```
*Karik utiliza Linux Mint versaun CINNAMON
```
gsettings reset-recursively org.cinnamon
```
Taraa!!! Panel sei fila-fali hanesan originalmente.

Boa Sorte!

Fasil Konversaun Pajina Web Ba Formatu PDF

2016-12-12T10:00:00.000+09:00

Parsialmente bo'ot sistema operasaun GNU/Linux (ezemplu Ubuntu ou Linux Mint), disponivel funsionalidade konversaun ba formatu PDF mak integradu ona iha sistema. Ho nune'e ita bele utiliza funsionalidade refere sem presija instala tan aplikasaun ou extension para konversaun ba formatu PDF.

Autores foti ezemplu ida, kuandu belun sira browsing iha mundu internet utiliza aplikasaun browser Mozilla Firefox no hetan artiklu mak interesante tebes no belun sira hakarak salva ba formatu PDF, belun sira bele ho lais no fasil konversaun pajina artiklu husi website refere ba formatu PDF utiliza funsionalidade "Print to PDF".

Oportunidade ne'e Autores sei hatudu maneira utilizasaun funsionalidade "Print to PDF" para konversaun pajina web ba formatu PDF utiliza aplikasaun Mozilla Firefox iha sistema operasaun Linux Mint.

Etapa-etapa utilizasaun hanesan tuir mai ne'e:

Loke uluk artiklu web ruma iha aplikasaun Mozilla Firefox.

Loke Pajina Web Utiliza Aplikasaun Mozilla Firefox
Klik ba butaun "Open Menu" no hili opsaun "Print".

Maneira Loke Funsionalidade Print (1)

Maneira seluk, klik ba menu: File → Print.

Maneira Loke Funsionalidade Print (2)

Notas:
Bele mos uza kombinasaun butaun Ctrl + P iha Keyboard.

Depois mosu janela Print, hili opsaun "Print to File" (1), hatama naran no ekstensaun .pdf (2), deside folder / diretoriu (3), hili formatu PDF (4), no kontinua hili butaun "Print" (5) (hare'e ezemplu iha ilustrasaun kraik ne'e).

Janela Print to File
Sei mosu janela progresu konversaun hanesan ilustrasaun tuir mai.

Janela Progresu Konversaun
Rezultadu husi prosesu tomak hanesan ezemplu ilustrasaun kraik ne'e.

Resultadu Husi Konversaun Pajina Web ba PDF

Ita mos bele aplika hakarak hamosu ou halakon opsaun hanesan Print Backgrounds ou Header and Footer husi pajina web mak atu konvertidu ba formatu PDF ho maneira:

Iha janela Print, hili ba tab "Options"

Tab Options Iha Janela Print
Karik hakarak rezultadu konversaun pajina web inklui ona kor no imagem background husi pajina web refere, bele ativu deit opsaun "Print Background Colors" no "Print Backgroud Images" hanesan ilustrasaun tuir mai.

Janela Opsaun Print Backgrounds
No karik hakarak mos rezultadu konversaun la inklui informasaun hanesan titlu, enderesu husi pajina web, no seluktan, bele modifika ho troka deit kada opsaun ezemplu "Title" no "URL" ba "--blank--" iha parte "Header and Footer" hanesan ezemplu ilustrasaun kraik ne'e.

Kontinua hili butaun "Print", ho nune'e pajina web refere konvertidu ho opsaun mak determinadu ona.

Janela Tab Options

Notas:
Rezultadu pratika anterior iha leten, bele kompara ho rezultadu utilizasaun opsaun Print Backgrounds ou Header and Footer hanesan ezemplu ilustrasaun kraik ne'e.

Antes Aplika Opsaun Print Backgrounds & Header and Footer

Depois Aplika Opsaun Print Backgrounds & Header and Footer

To'o deit mata-dalan konaba "Fasil Konversaun Pajina Web Ba Formatu PDF". Favor koko rasik funsionalidades mak disponivel iha janela "Print to PDF".

Monitorizasaun Sistema Linux Ho Aplikasaun Linux-Dash

2016-10-30T22:00:00.000+09:00

Karik belun sira hakarak buka aplikasaun bodik ba monitorizasaun sistema Linux, Autores sinti Linux-dash bele sai mos hanesan ida husi solusaun alternativu aplikasaun open source utilizadu para monitorizasaun sistema Linux.

Linux-dash aplikasaun bazeadu web ne'ebe mai ho funsionalidades dashboard para kontrola ou monitorizasaun komponentes baziku hanesan informasaun sistema, informasaun memoria dispotivo, informasaun CPU, informasaun hard disk, utilizasaun rede, no seluk-seluktan. Alende ne'e mos, Linux-dash fornese funsaun monitorizasaun user account ho atividades login no aplikasaun mak instala ona iha sistema Linux.

Suporta variu distro Linux, maibe ho rekizitu prinsipal tenki instala aplikasaun servedor web Apache ou Nginx iha sistema operasaun Linux refere.

Notas:
Pratika ne'e Autores teste iha Apache versaun 2.4.7 ho sistema operasaun Linux Mint 17.3 "Rosa" no konektadu ona internet.

Etapa-etapa instalasaun hanesan tuir mai:

Loke aplikasaun Terminal liu husi menu: System Tools → Terminal

Instala uluk pakote hirak ne'e ho maneira:

sudo apt-get install apache2 curl php5 php5-curl php5-json git

Tama ba diretoriu /var/www/html.
```
cd /var/www/html
```

Download pakote aplikasaun Linux-Dash utiliza Git.

sudo git clone https://github.com/afaqurk/linux-dash.git

Depois remata download, loke aplikasaun browser favoritu hanesan Mozilla Firefox ou Google Chrome. Kontinua digitandu enderesu http://127.0.0.1/linux-dash ou http://localhost/linux-dash no sei mosu janela aplikasaun Linux-Dash hanesan ezemplu kraik.

Asesu Aplikasaun Linux-Dash Utiliza Browser Mozilla Firefox

Agora belun sira bele monitorizasaun sistema Linux ho fasil bainhira deit. Explora rasik funsionalidades mak disponivel iha aplikasaun Linux-Dash.

Obrigado!

Referensia:
https://github.com/afaqurk/linux-dash

Maneira Identifika Enderesu IP Publiku Iha Terminal / Console Linux

2016-10-29T17:00:00.002+09:00

Enderesu IP publiku utilizadu bodik ba komunikasaun entre dispotivu rede ou komputadores liu internet. Dispotivu rede ou komputadores mak uza ip publiku bele asesu husi ne'ebe deit iha mundu tomak utiliza internet. Bele dehan katak ip publiku hanesan identidade iha rede internet.

Nudar utilizador internet, as vezes ita hakarak hatene enderesu ip publiku mak disponivel. Ida husi maneira oinsa hare'e ip publiku liu husi sistema operasaun Linux bele utiliza aplikasaun Wget no Curl ne'ebe hala'o iha Terminal ou Console.

Notas:
Pratika ne'e Autores teste ho sistema operasaun Linux Mint 17.3 "Rosa" no asesu ba internet uza Modem USB. Bele mos aplika ba distro Linux seluk hanesan Ubuntu, Debian, Fedora, Slackware, maibe ho rekizitu tenki instala ona pakote Wget no Curl.

Lalaok hanesan tuir mai ne'e:

A. Utiliza Wget
Loke aplikasaun Terminal / Console hatama komandu iha kraik ne'e:

wget http://ipecho.net/plain -O - -q ; echo

Karik komandu iha leten la la'o, bele troka ho ida husi lista tuir mai:

wget http://whatismyip.akamai.com -O - -q ; echo

wget http://tnx.nl/ip -O - -q ; echo

wget http://ip.appspot.com -O - -q ; echo

wget http://myip.dnsomatic.com -O - -q ; echo

B. Utiliza Curl
Loke aplikasaun Terminal / Console hatama komandu iha kraik ne'e:

curl ifconfig.me

Karik komandu iha leten la la'o, bele troka ho ida husi lista tuir mai:

curl ipecho.net/plain

curl ip.telize.com

curl whatismyip.akamai.com

curl tnx.nl/ip

curl ip.appspot.com

curl curlmyip.com

curl myip.dnsomatic.com

Boa Sorte!

Referensia:
https://curl.haxx.se/
https://www.gnu.org/software/wget/

Istoria Konaba Sistema Operasaun Android Husi Tempo Ba Tempo

2016-03-31T20:00:00.000+09:00

Ikus-ikus ne'e Android sai nudar sistema operasaun ne'ebe ho popularidade diak tebes iha mundu. Hanesan mos iha Timor-Leste, utilizador gadget barak mak hatene ona konaba sistema operasaun ida ne'e. Android hadau ona atensaun parsialmente bo'ot komunidade mundial. Kompania gadget no telemovel kompete para kria dispotivu ho sistema operasaun Android. Kuaze kada loron ita hare gadget-gadget foun sirkula iha merkadu. Maibe se'e mak hatene istoria konaba sistema operasaun Android ne'e? Iha artiklu ne'e, Autores sei rezumu istoria badak konaba Android no transformasaun Android husi tempo ba tempo.

Android nudar sistema operasaun bazeadu Linux bodik ba selular hanesan telefone matenek (Smartphone) no komputador tableta. Android dahuluk dezenvolvidu iha tinan 2003 husi kompania Android Inc. Hari'i iha Palo Alto, California, Americano fulan Outobru 2003 husi Andy Rubin, Rich Miner, Nick Sears, no Chris White.

Fundador Android Inc.

Desde tempo ne'eba Google komesa interesadu hakarak dezenvole negosiu iha merkadu Smartphone. Tinan 2005 Google ofisialmente sosa kompania Android Inc. Depois ho objektivu hakarak dezenvolve Android, finalmente Google hari'i Open Handset Alliance (OHA), konsorsiu husi 34 liu kompania hardware, software, no telekomunikasaun, inklui mos Intel, HTC, Motorola, Samsung, Qualcomm, Nvidia no T-Mobile.

Lista Konsorsiu Open Handset Alliance (OHA)

Fila-fali ba kotuk, bodik ba utilizador Android, barak mak sei iha pergunta oinsa Android bele la'o nudar aplikasaun ou sistema operasaun. Klaru aplikasun mak konstruidu bele hala'o perfeitamente kuandu kumpri ona aspeitu ne'ebe determinadu ona husi dezenvolvedor. Android disponivel fungsaun arsitektura ho elementus ne'ebe interligadu.

Tuir mai, esplikasaun badak konaba layer mak sai hanesan arsitektura sistema android:

Arsitektura Sistema Android

Applications : Android sei kombina aplikasaun core inklui email client, programa mensajem, kalendariu, mapa, browser, kontaktu, no seluk-seluktan.
Application Framework : Fornese plataforma dezenvolvimentu ne'ebe nakloke, dezenvolvedor Android oferese abilidade bodik ba hari'i aplikasaun mak riku ho funsionalidades ne'ebe inovativu tebes.
Libraries : Anroid inklui ona pakote livraria C/C++ ne'ebe utilizadu husi varius komponente sistema Android.
Android Runtime : Android inklui pakote ida library core ne'ebe fornese parsialmente bo'ot fungsaun husi lingua programasaun Java.
Linux Kernel : Android depende ba kernel Linux versaun 2.6 ne'ebe oferese sistema atendementu prinsipal hanesan seguransa, jestaun memori, jestaun prosesu, network stack, no modelu kontrolador. Kernel mos nudar revestimentu abstrasaun entre hardware no software tomak.

Agora dadaun iha tipu rua distribuidor sistema operasaun Android iha mundu. Dahuluk ne'ebe hetan suporta tomak husi Google ou Google Mail Services (GMS) no daruak ne'ebe livre distribui sem hetan suporta direitamente husi Google ou famozu liu ho naran Open Handset Distribution (OHD). Sistema operasaun Android nakloke ba dezenvolvedor tomak para bele dezenvolve software ne'e ho Android SDK (Software Development Kit), ne'ebe iha SDK fornese ona Tool no API bodik ba hahu dezenvolve aplikasaun iha plataforma Android utiliza lingua programasaun Java.

Iha termos ne'e oportunidade nakloke ba komunidade open source para involve iha dezenvolvimentu sistema operasaun Android. Depois komesa mosu varius komunidade ne'ebe dezenvolve no distribui sistema Android bazeadu ba firmware ho adaptasaun no funsionalidades adisional, hanesan FLAC lossless audio no abilidade bodik ba salva aplikasaun ne'ebe download ba microSD card no seluk-seluktan. Sira sempre atualizasaun pakote-pakote firmware no kombina elementu-elementus Android ne'ebe seidauk ofisialmente lansa ba iha firmware ne'ebe sira dezenvolve.

Iha fulan Setembru 2007 Google hahu submete direitu patente aplikasaun telefone selular. Depois iha tinan 2008, kompania HTC ofisialmente lansa dispotivu selular Android dahuluk ho denominasaun HTC dream. Dispotivu ne'e utiliza sistema operasaun versaun dahuluk Android 1.0.

Smartphone HTC Dream

Ho prezensa smartphone HTC Dream reforsa kompania-kompania hardware seluk mos tuir utiliza sistema operasaun Android.

Atualmente sistema operasaun Android sai opsaun mak rentavel tebes bodik ba vendedores smarphone tamba disponivel kustu lisensa ne'ebe baratu liu no open source, klaru mos Android bele suporta funsionalidades husi Google.

Tuir mai revizaun badak konaba versaun-versaun husi sistema operasaun Android. Pontu-pontu importante deit maka Autores hakerek iha revizaun ne'e, no karik informasaun balun la disponivel, Autores sujere para vizita ba link sitiu referensia ne'ebe iha artiklu ne'e.

Disponivel kategoria rua husi sistema operasaun Android, dahuluk Pre-Commercial Release no daruak Commercial Release Version. Maioria ema seidauk hatene konaba ketegoria ne'e. Alende ne'e mos, barak utilizador somente hatene uituan deit versaun Android ne'ebe eziste.

Sistema operasaun Android mos sempre fornese supreza naran ne'ebe uniku tebes iha kada lansamentu versaun foun. Hahu husi versaun Android 1.5 ba leten, naran-naran kodigu versaun Android utiliza naran husi sobremeza ne'ebe reguladu alfabetikamente.

Pre-Commercial Release (2007-2008)

Android 1.0 Alpha
Versaun dahuluk sistema operasaun Android. Lansa iha fulan Novembru 2007 husi Google no OHA. Versaun Alpha ne'e sei utiliza tela 320×480 HVGA no dahuluk testadu husi vendedor HTC.
Android 1.0 Beta
Android 1.0 Beta, lansa iha 5 Novembru 2007, no versaun SDK (Software Developer Kit) beta lansa iha 12 Novembru 2007. Portantu data 5 Novembru sai nudar loron "aniversariu" sistema operasaun Android.
Android 1.0
Android versaun 1.0 nudar versaun software Android komersial dahuluk, lansa 23 Setembru 2008. No dispotivu selular dahuluk mak utiliza no introdus Android 1.0 mak telemovel HTC Dream (G1).

Android 1.1

Commercial Release Version

Android 1.5 (Cupcake)

Cupcake

Picasa

Android 1.6 (Donut)
Android versaun 1.6, naran kodigu "Donut", lansa iha 15 setembru 2009. Mudansa barak aplika ba versaun ne'e hanesan renovasaun failansu reboot, integrasaun galeria, kamera, no gravador video ho funsaun asesu ne'ebe lais. Renovasaun funsaun teknologia CDMA/EVDO, 802.1x, VPN nomos atualizasaun suporta resolusaun tela WVGA.

Android 2.0 - 2.1 (Eclair)
Mai ho naran kodigu "Eclair" Android 2.0 lansa iha data 26 Outobru 2009, bazeadu kernel Linux 2.6.29. Alterasun iha versaun ne'e maka, suporta Bluetooth 2.1, suporta email Microsoft Exchange, aumenta funsaun flash kamera, atualizasaun Google Maps 3.1.2 no optimizasaun velosisade aplikasaun. Alende ne'e, Android "Eclair" sei disponivel mos versaun seluk hanesan 2.0.1 no 2.1.

Android 2.2 - 2.2.3 (Froyo)
20 Maiu 2010, lansa foun Android versaun 2.2 ho naran kodigu "Froyo" (sigla husi Frozen Yogurt). Funsionalidades ne'ebe aumenta iha versaun ne'e maka suporta ba Android Cloud to Device Messaging (C2DM), suporta ona Adobe Flash, disponivel opsaun para hamate asesu dadus iha rede selular, aumenta USB Tethering no Hotspot Wi-Fi, suporta instalasaun aplikasun ba memoria externa no seluktan.

Android 2.3 - 2.3.7 (Gingerbread)
Bazeadu kernel Linux 2.6.35, Android 2.3 ho naran kodigu "Gingerbread" lansa 6 Desemberu 2010. Mai ho dezeinu User Interface (UI) ne'ebe lais no simples, Android 2.3 Gingerbread aumenta mos suporta ba resolusaun no dimensaun tela extra bo'ot (WXGA ba leten), suporta ona Session Initiation Protocol (SIP) bodik ba teknologia VOIP. Alende ne'e, Gingerbread apoiu ona multi kamera oin no kotuk, suporta formatu video WebM/VP8, no audio AAC.

Android 3.0 - 3.2 (Honeycomb)
Dahuluk renovasaun Android ne'ebe enderesadu somente bodik ba komputador tableta maka Android versaun 3.0 ho kodigu "Honeycomb", lansa iha data 22 Fevereiru 2011. Dispotivu dahuluk ne'ebe utiliza versaun ne'e maka tableta Motorola Xoom. Honeycomb Suporta ona prosesadores (processor) multi-core, abilidade para enkriptasaun dadus utilizador, apoiu aselerasaun hardware, suporta konversa video utiliza aplikasaun Google Talk, konektividade bodik ba asesoriu USB.

Android 4.0 – 4.0.4 (Ice Cream Sandwich)
Android 4.0 "Ice Cream Sandwich", bazeadu kernel Linux 3.0.1, lansa 19 Outobru 2011. Hanesan ho versaun sira seluk, Android versaun ne'e mos sei iha update husi versaun 4.0 ba 4.0.2, 4.0.3, no 4.0.4. Atualizasaun iha versaun ne'e inklui Wi-Fi Direct, fasil kriasaun folder ou diretoriu ho metodu drag-and-drop, disponivel aplikasaun padraun edita foto, suporta formatu imagem WebP, koreksaun bug no optimizasaun funsionalidades grafiku, koreksaun ortografia no seluk-seluktan.

Android 4.1 – 4.3 (Jelly Bean)
Iha konferensia Google I/O 27 Junhu 2012, Google ofisialmente anunsiu Android versaun 4.1 "Jelly Bean". Bazeadu kernel Linux 3.0.31, Jelly Bean halo atualizasaun importante ne'ebe ho objetivu para hasa'e funsaun no optimalizasaun User Inteface (UI). Atualizasaun ne'e inklui triple buffering, ekstensaun tempo vsync, no aumenta frame rate ate 60 fps para bele kria UI ne'ebe kaber liu. Dahuluk dispotivu ne'ebe utiliza sistema operasaun Android 4.1 maka tableta Nexus 7. Alende optimalizasaun UI, versaun 4.1 mos disponivel funsionalidades seluk hanesan Miracast, SELinux, Group Messaging, adisional gamepad no joystick Bluetooth ne'ebe suporta HID.

Android 4.4 (KitKat)
3 Setembru 2013, Google anunsiu sistema operasaun Android 4.4, ho permisaun husi Nestlé no Hershey finalmente konsege utiliza naran "KitKat" nudar naran kodigu bodik ba versaun Android 4.4. lansamentu ne'e ho atualizasaun ba Interface status bar no navegasaun ne'ebe transparante iha tela oin, grava atividades tela mak integradu, sensor batching, step detector, counter API, funsaun WebViews bazeadu Chromium, no suporta Bluetooth Message Access Profile (MAP).

Android 5.0 – 5.1.1 (Lollipop)
"Lollipop" nudar naran kodigu husi versaun sistema operasaun Android 5.0 ofisialmente lansa 12 Novembru 2014. Google adisionadu tena funsaun foun ba sistema operasaun Android 5.0 Lollipop hanesan ART Runtime, Project Volta ne'ebe bele aumenta vitalidade bateria 30% duravel liu no UI Material. Lollipop ne'e mos suporta tena asitektura 64-bit ne'ebe permiti dispotivu bele utiliza memoria RAM liu husi 4GB. Disponivel mos funsionalidade seguransa 'factory reset protection', ho funsaun ne'e bele proteja smartphone kuandu lakon, no wainhira reset tenki hatama id google no password.

Android 6.0 (Marshmallow)
Android 6.0 "Marshmallow" dahuluk introduzidu fulan Maiu 2015 iha konferensia Google I/O, no ofisialmente lansa 5 Outobru 2015. Marshmallow introdus arsitektura permisaun foun, API foun, funsionalidade jestaun enerjia ho naran "Doze", inklui ona aplikasaun Google Now ho nune'e bele fornese variedade informasaun liu husi instrusaun lian. Alende ne'e mos, Android 6.0 suporta ona karegamentu bateria ne'ebe lais, maibe funsaun ne'e presija konektor ho naran USB Type-C. Disponivel mos funsaun auto backup, ho ne'e permiti dispotivu bele salva dadus utilizador no konfigurasan husi aplikasaun ou game ba Google Drive.

Ilustrasaun Versaun & Naran Kodigu Android

Sistema operasaun Android agora dadauk utilizadu liu husi bilaun ida dispotivus, no relatoriu husi International Data Corporation (IDC) konaba "Smartphone OS Market Share" tinan 2015, 82% liu husi smartphone ne'ebe circula iha merkadu bazeadu sistema operasaun Android. Alende smartphone, dispotivu seluk kompostu husi:

Tablets
Wearables
TV / Media Suite Devices
Car related systems
Home security systems
Cameras
Refrigerators
Video Game Consoles
Mini PCs

Relatoriu Husi IDC - Smartphone OS Market Share 2015

To'o ne'e deit istoria no revizaun badak dezenvolvimentu sistema operasaun Android husi tempo ba tempo. Ekspektativa bo'ot husi Autores, espera artiklu ne'e bele fornese informasaun ne'ebe prestativu, nomos bele aumenta konhesimentu konaba teknologia sistema operasaun Android.

Obrigadu...

Fontes:
http://www.wikipedia.org
https://www.android.com
http://www.androidcentral.com/android-history
http://techacute.com/the-history-of-android-os
http://www.idc.com

Aprende Konaba Partisaun Iha GNU/Linux (Parte 2)

2016-03-24T08:00:00.000+09:00

Antes aplika saida maka iha mata-dalan ne'e, esperadu backup hotu dadus ou dokumentus importante iha Ita-Bo'ot sira nian komputador ou laptop.

Iha mata-dalan "Aprende Konaba Partisaun Iha GNU/Linux (Parte 1)" esplika ona konaba partisaun, tipu partisaun, komparasaun tabela partisaun entre Windows ho Linux, no seluk-seluktan.

Kontinuasaun husi parte rua ne'e sei foka liu ba pratika, oinsa atu kria no resize partisaun utiliza aplikasaun Gnome Partition Editor (GParted).

Notas:
Pratika ne'e Autores uza Linux Mint 7.1 ne'ebe hala'o husi Live DVD. Default pakote aplikasaun GParted disponivel iha sistema operasaun refere. Jeralmente distro derivadu husi Debian ou Ubuntu iha ona GParted. La haluha mos, hard disk foun ho kapasidade 120 Gigabyte utilizadu para kria mata-dalan ne'e.

Kria Partisaun GNU/Linux
Hanesan ho saida maka Autores mensiona iha mata-dalan parte dahuluk, minimu tenki aloka partisaun rua para instalasaun sistema operasaun Linux:

1. partisaun Swap
2. partisaun / (root)

Atensaun:
Wainhira atu komesa kria no aloka partisaun ba sistema operasaun Linux, Autores fo hanoin para le'e fila-fali referensia husi mata-dalan parte dahuluk.

Lalaok hanesan tuir mai ne'e:

Loke aplikasaun GParted liu husi Menu: Administration → GParted

Hala'o Aplikasaun GParted Husi Mint Menu

Sei mosu janela aplikasaun GParted hanesan ilustrasaun iha kraik ne'e, nomos automatikamente GParted sei detekta hard disk ne'ebe iha.

Janela Prinsipal Aplikasaun GParted

Kria uluk partisaun Swap liu husi menu: Partition → New. Bele mos ho dalan korta, utiliza butaun CTRL + P iha keyboard.

Hahu Kria Partisaun

Hatama numeru "1024" iha New size (MiB) no hili "linux-swap" iha combo box File system. Karik hakarak hanaran partisaun refere, bele ense iha opsaun Label. Kontinua hili butaun Add.

Kria Partisaun Swap

Notas:
Montante minimu kapasidade ne'ebe Autores alokadu ba partisaun Swap total = 1024 Megabyte (MB), signifika hanesan ho 1 Gigabyte (GB). Jeralmente, alokasaun 1024 MB / 1 GB ba partisaun Swap sufisiente ona para bele kumpri kriteria instalasaun sistema operasaun GNU/Linux.

Ho maneira hanesan momentu halo partisaun Swap iha leten, kria partisaun / (root) husi kapasidade hard disk restu ne'ebe iha.

Kria Partisaun / (root)

Depois aloka kapasidade hard disk ba kada partisaun, klik ba butaun "Apply All Operations" para bele aplika mudansa partisaun hirak ne'e permanente.

Aplika Mudansa Partisaun

Sei mosu janela konfirmasaun. Hili butaun "Apply" para kontinua.

Janela Konfirmasaun

Prosesu eskrita ba tabela partisaun komesa la'o.

Prosesu Eskrita Partisaun

Kuandu mosu janela informasaun hanesan ilustrasaun iha kraik ne'e, signifika prosesu kriasaun partisaun la'o ho susesu. Klik butaun "Close" para taka janela refere.

Kompletu Kria Partisaun

Resultadu husi prosesu hotu hanesan ezemplu ilustrasaun tuir mai ne'e.

Resultadu Partisaun

Notas:
Ita bele kria partisaun /home ketak husi partisaun prinsipal (root) ho maneira ne'ebe hanesan wainhira kria partisaun root. Depende hakarak alokasaun montante hira husi kapasidade hard disk ne'ebe iha. Ezemplu ilustrasaun husi resultadu alokasaun ketak partisaun /home hanesan iha kraik ne'e.

Resultadu Partisaun /home Separadu Husi Partisaun / (root)

Kria Partisaun GNU/Linux Husi Hard Disk Ne'ebe Ezisti Ona Windows
Wainihira hakarak instala sistema operasaun GNU/Linux ba iha hard disk ne'ebe ezisti ona sistema operasaun Windows ho nune'e bele disponivel sistema operasaun rua (Dual OS) iha hard disk ida, pasu dahuluk tenki identifika uluk lai partisaun ne'ebe disponivel kapasidade hard disk ho espasu bo'ot (bele uza GParted). Depois bele resize partisaun refere no hahu kria partisaun bodik ba instalasaun sistema operasaun GNU/Linux.

Maneira oinsa resize partisaun hanesan tuir mai ne'e:

Booting Linux Mint 7.1 husi DVD, depois loke aplikasaun GParted.

Hard Disk Ho Partisaun Sistema Operasaun Windows

Notas:
Iha ilustrasaun leten, hard disk refere eziste ona partisaun Windows ho filesystem NTFS. Partisaun ne'ebe disponivel espasu livre no seidauk utilizadu (Unused) husi /dev/sda5 total 86.56 GB. Espasu partisaun /dev/sda5 ne'e ita sei resize no kria sai partisaun bodik ba instalasaun GNU/Linux.

Klik ba iha partisaun /dev/sda5, no hahu resize partisaun liu husi menu: Partition → Resize/Move.

Hahu Resize Partisaun /dev/sda5

Deslizamentu no muda rama tutun husi liman los ba liman karuk ho mouse para hetan espasu livre tuir nesesidades. Iha pratika ne'e Autores sei aloka 31 GB. Bele mos resize partisaun diretamente ho maneira digitandu montante partisaun ba opsaun Free Space Following (MiB). Kontinua klik ba butaun "Resize / Move" para bele aplika mudansa resize partisaun refere.

Resize Partisaun Windows

Ho maneira hanesan momentu kria partisaun GNU/Linux iha inisiu, kria partisaun Swap no / (root) husi kapasidade hard disk ne'ebe resize ona. Ezemplu husi resultadu ilustrasaun kraik ne'e, kapasidade 31 GB ne'ebe hetan husi resultadu resize partisaun /dev/sda5, Autores aloka ba partisaun Swap (1 GB) no / (30 GB).

Resultadu Husi Resize no Kria Partisaun

Notas:
Karik hakarak kria mos partisaun /home, bele aloka espasu husi resultadu resize partisaun /dev/sda5. Ezemplu iha pratika ne'e, Autores aloka partisaun bodik ba Swap (1 GB), / (20 GB) no /home (10 GB) rezultadu tomak hanesan iha ilustrasaun tuir mai ne'e.

Ezemplu Husi Resultadu Kria Partisaun /home Separadu

Wainhira aloka no aplika minimu partisaun hanesan ida husi ezemplu iha leten, signifika partisaun preparadu ona no ita bele instala sistema operasaun GNU/Linux ba iha partisaun refere tuir nesesidade.

Informasaun Adisional:
Kapasidade hard disk iha kada dispotivu hanesan komputador ou laptop talvez diferente, tamba ne'e wainhira atu pratika saida maka iha mata-dalan nee, presija kuidadu no tenki identifika didiak kontidu partisaun iha hard disk ho nune'e labele salah iha implementasaun no afeita ba dadus ou dokumentus ne'ebe iha hard disk laran.

To'o iha ne'e deit artiklu "Aprende Konaba Partisaun Iha GNU/Linux" parte daruak, espera ne'e bele sai nudar referensia bodik ba belun sira mak hakarak hatene konaba maneira kria no resize partisaun utiliza aplikasaun GParted iha sistema operasaun GNU/Linux.

Referensia:
http://matadalanlinux.blogspot.com
http://avancalinux.blogspot.com

Instala Telegram Messenger Iha Linux Mint Liu Husi PPA

2015-08-02T10:00:00.000+09:00

Agora disponivel ona aplikasaun ofisial Telegram Messenger iha Personal Package Archives (PPA). Ho nune'e fasil instaladu iha Ubuntu no distro derivadu hanesan Linux Mint.

Antes atu pratika mata-dalan ida ne'e, espera maluk sira hatene ona informasaun konaba Telegram Messenger. Karik seidauk, favor le'e fali postajen anterior konaba Telegram iha link ne'e: Telegram Messenger.

Maneira instalasaun hanesan etapa-etapa tuir mai:

Loke aplikasaun Terminal liu husi menu: System Tools → Terminal

Digitandu komandu hirak ne'e:

sudo add-apt-repository ppa:atareao/telegram
sudo apt-get update
sudo apt-get install telegram

Kuandu prosesu instalasaun remata, bele loke aplikasaun Telegram liu husi menu: Internet → Telegram Desktop.

To'o ne'e deit maneira fasil instala Telegram Messenger husi Personal Package Archives.

Viva Free & Open Source Software!

Referensia:
http://www.noobslab.com
http://www.telegram.org
http://matadalanlinux.blogspot.com

Introdusaun Konaba Personal Package Archives (PPA)

2015-08-01T10:00:00.000+09:00

Introdusaun
Bele dehan barak utilizador sistema operasaun GNU/Linux seidauk hatene saida mak Personal Package Archives (PPA). Liu husi artiklu badak ne'e, Autores sei esplika konaba fungsaun husi PPA no maneira utilizasaun.

PPA nudar provedor pakote aplikasaun bodik ba Ubuntu ho derivadus ne'ebe dezenvolvidu pesoalmente husi individu espesifiku no entaun publikadu sai repositoriu iha servidor launchpad.net, ho nune'e kada ema bele asesu globalmente husi mundu tomak liu husi internet.

Ho disponivelidade PPA ita sei la depende ba repositoriu ofisial deit. PPA permiti ita bele hetan renovasaun aplikasaun husi versaun ikus nomos versaun beta ho lais duke husi repositoriu ofisial. Karik aplikasaun foun lansadu ho imediatamente sei mosu iha PPA. Infelizmente, fasilidade ne'ebe oferesidu somente bele hetan wainhira iha koneksaun internet iha komputador.

Utilizasaun
Tuir mai Autores sei hatudu oinsa maneira utilizasaun no instalasaun aplikasaun husi Personal Package Archives.

Notas:
Pratika ne'e Autores teste instala aplikasaun Smplayer iha sistema operasaun Linux Mint 17.1 "Rebecca" ne'ebe konektadu ona ba Internet. Bele mos aplika ba Linux Ubuntu nomos Debian.

Etapa-etapa hanesan ezemplu tuir mai:

Loke aplikasaun Terminal liu husi menu: System Tools → Terminal

Kontinua hatama enderesu PPA aplikasaun Smplayer ho komandu hanesan ezemplu iha kraik ne'e.

sudo add-apt-repository ppa:rvm/smplayer
Atualiza repositoriu.

sudo apt-get update

Depois prosesu atualiza repositoriu hotu, kontinua ho instalasaun pakote Smplayer.

sudo apt-get install smplayer

Info:
Iha leten komandu oinsa maneira atu aumenta no instala pakote aplikasaun husi repositoriu PPA, karik hakarak hamos repositoru PPA refere bele hatama deit komandu "sudo add-apt-repository --remove ppa:rvm/smplayer".

Boa sorte!

Referensia:
https://en.wikipedia.org/wiki/Personal_Package_Archive

Maneira Fasil Edita File .PDF Iha Linux

2015-07-31T15:00:00.000+09:00

As vezes utilizador GNU/Linux konfrontadu ho situsaun oinsa maneira atu edita file formatu PDF? Hanesan ezemplu, Ita hakarak aumenta testu ou edita fali liafuan ne'ebe sala husi file PDF refere ho fasil.

Iha postajen anterior, Autores esplika ona konaba aplikasaun Master PDF Editor, ne'ebe utilizadu para hare, imprimir no edita file PDF, maibe aplikasaun refere presija download husi internet. Karik Master PDF Editor la disponivel signifika labele modifika file PDF iha GNU/Linux?

Klaru la'e, sei barak aplikasaun para edita file PDF iha GNU/Linux, maibe Ita la realmente presija, tamba aplikasaun LibreOffice Draw mos oferese fungsaun edita file PDF. Talvez ne'e maneira ne'ebe fasil liu.

Maioria distro GNU/Linux hanesan Ubuntu, Fedora, Linux Mint, no seluk-seluktan disponivel ona LibreOffice Draw nudar pakote padraun aplikasaun office suite. Karik seidauk disponivel, bele download liu husi link ne'e: Download LibreOffice

Notas:
Pratika ne'e Autores teste iha LibreOffice Draw versaun 4.4.3.2 ho sistema operasaun Linux Mint 17.1 "Rebecca".

Tuir mai maneira oinsa atu edita file PDF utiliza LibreOffice Draw:

Loke aplikasaun LibreOffice Draw husi menu: Office → LibreOffice Draw

Loke Aplikasaun LibreOffice Draw Husi Mint Menu

Sei mosu janela aplikasaun LibreOffice Draw hanesan ilustrasaun iha tuir mai:

Janela Aplikasaun LibreOffice Draw
Klik ba iha menu prinsipal LibreOffice Draw, hili opsaun "Open" para loke file PDF ne'ebe hakarak Ita modifika. Bele mos uza kombinasaun butaun Ctrl + O iha Keyboard.

Maneira Loke File Formatu PDF Husi LibreOffice Draw

Kuandu file formatu PDF bele nakloke hanesan ezemplu ilustrasaun iha kraik, signifika file refere prontu para modfika.

File Ho Formatu PDF Ne'ebe Loke Ona Iha LibreOffice Draw

Ita bele hili pajina espesifiku no edita file PDF refere ho maneira klik deit ba testu ou konteudu ne'ebe iha tuir nesesidade.

Edita Testu Iha Pajina Espesifiku

Depois edita, bele salva fali file PDF refere liu husi butaun "Export Directly as PDF" ne'ebe disponivel iha menu prinsipal aplikasaun LibreOffice Draw.

Konvere File Ba Formatu PDF

Desidi naran nomos folder ou diretoriu para salva file PDF refere.

Janela Export File PDF

To'o ne'e deit mata-dalan konaba "Maneira Fasil Edita File PDF Iha Linux" husi Autores, espera maneira ne'e bele ajuda maluk sira para bele edita file PDF ho fasil utiliza aplikasaun LibreOffice Draw.

Haksolok ho Sotfware Livre!

Referensia:
https://www.libreoffice.org
https://id.wikipedia.org/wiki/LibreOffice_Draw

Kompetisaun Game Tux Math 2015

2015-06-22T00:17:00.000+09:00

Oinsa Kontrola Modem USB Iha GNU/Linux?

2015-05-30T18:00:00.000+09:00

Introdusaun
La'os buat foun kuandu barak utilizador ne'ebe foin migrasaun ba sistema operasaun Linux hetan difikuldade wainhira hakarak utiliza modem para simu no manda SMS, hare informasaun modem ou kartaun SIM, karega pulsa no seluktan. Autores siempre hetan pergunta husi utilizador Linux foun konaba aplikasaun saida maka bele uza hodi kontrola modem. Tamba durante ne'e, Ita hatene katak suporta fungsaun MDMA (Mobile Data Monitoring Application) ne'ebe limitadu somente ba sistema operasaun determinados deit husi produtor modem, hodi nune'e sai hanesan kauza difikuldade utilizador wainhira uza modem iha sistema operasaun Linux.

Tuir mai Autores hakarak introdus ida husi aplikasaun open source utilizadu para kontrola USB modem iha sistema operasaun Linux ho naran Modem Manager GUI.

Modem Manager GUI mai ho funsionalidade baziku MDMA hanesan Autores mensiona iha leten, nomos ho aparensia ne'ebe fasil para komprende no fasil para utilizadu. Aliende ne'e mos, aplikasaun refere bele utilizadu para monitorizasaun trafiku koneksaun internet.

Instalasaun
Maneira instalasaun aplikasaun Modem Manager GUI Autores aplika iha sistema operasaun Linux Mint 17.1 "Rebecca", no bele mos instala ba Linux Debian ou Ubuntu.

Notas:
Utilizador distro Linux Arch, Fedora, Mageia, OpenSUSE no seluktan bele hare maneira instalasaun iha sitiu oficial Modem Manager GUI.

Etapa-etapa instalasaun hanesan tuir mai:

Loke aplikasaun Terminal liu husi menu: System Tools → Terminal

Kontinua instala pakote Modem Manager GUI ho maneira:

sudo apt-get install modem-manager-gui

Bele mos instala liu husi repositoriu PPA ho instruksaun hanesan tuir mai:

sudo add-apt-repository ppa:linuxonly/modem+manager+gui
sudo apt-get update
sudo apt-get install modem-manager-gui

Hala'o Modem Manager GUI
Tuir mai oinsa atu hala'o aplikasaun Modem Manager GUI para kontrola modem USB iha Linux Mint.

Konekta dispositivu modem USB ba komputador ou laptop.
Loke aplikasaun Modem Manager GUI husi menu: System Tools → Modem Manager GUI
Aplikasaun Modem Manager GUI sei mosu hanesan ezemplu ilustrasaun iha kraik ne'e:

Janela Prinsipal Aplikasaun Modem Manager GUI

Notas:
Modem Manager GUI automatikamente detekta dispotivu modem USB ne'ebe uza. Iha ilustrasaun leten Autores utiliza modem USB marka Huawei ho tipu E352.

To'o ne'e deit mata-dalan konaba aplikasaun Modem Manager GUI husi Autores, koko rasik ba fungsionalidades ne'ebe iha.

Referensia:
http://linuxonly.ru

Internet Download Manager Versaun GNU/Linux

2015-05-30T10:00:00.000+09:00

Ida husi aplikasaun iha sistema operasaun Windows ho popularidade diak maka Internet Download Manager ou famozu liu ho sigla IDM. Aplikasaun ne'e bele aselera download ho maximiza utilizasaun bandwidth internet ne'ebe iha.

Maibe oinsa iha sistema operasaun Linux? Aplikasaun refere disponivel mos? Efetivamente, barak los aplikasaun download manager iha sistema operasaun Linux, komesa husi ne'ebe bazeadu ba Command Line hanesan Wget, Aria, ProZilla, no seluk-seluktan to'o aplikasaun bazeadu ba Graphical User Interface (GUI) hanesan JDownloader.

Utilizador foun Linux ne'ebe akostumadu ou toman uza IDM sertamente sei konfundi wainhira utiliza aplikasaun ho aparensia diferente. Portantu, Subhra Das Gupta husi India dezenvolve aplikasaun Xtreme Download Manager (XDMAN) ho aparensia ne'ebe similar ho IDM hodi nune'e fasil para utiliza.

XDMAN aplikasaun inkrivel ne'ebe reivindikadu bele aumenta velosidade download ate 500% (depende koneksaun internet). Aplikasaun gratuita ne'e mos bele intervalu (pause) ou kontinua (resume) download, kaptura video husi sitiu internet hanesan Youtube, MySpaceTV, no seluk-seluktan, aliende ne'e mos oferese fungsaun agendamentu download.

XDMAN bele integradu ho kada tipu aplikasaun browser hodi nune'e automatikamente utiliza Advanced Browser Integration. Xtreme Download Manager suporta protokolu HTTP, HTTPS, FTP, nomos suporta autentikasaun, proxy, redirection no seluktan.

Mata-Dalan ne'e Autores sei hatudu oinsa maneira instalasaun Xtreme Download Manager iha GNU/Linux.

Notas:
Sistema operasaun ne'ebe uza iha pratika ne'e Linux Mint 17.1 "Rebecca" no konektadu ona ba Internet. Bele mos aplika ba Linux Ubuntu ou Debian versaun foun maibe ho rekizitu tenki instala ona pakote Java Runtime minimu versaun 1.6 (Java SE 6 / Openjdk6) ba leten.

Etapa instalasaun hanesan tuir mai:

Download pakote aplikasaun XDMAN husi sitiu http://sourceforge.net/projects/xdman/files/ adapta ho plataforma sistema operasaun ne'ebe uza.

Janela Sitiu Download Pakote Xtreme Download Manager

Notas:
Anteriormente Autores mensiona konaba pratika ne'e uza Linux Mint, hodi nune'e pakote Xtreme Download Manager ne'ebe Autores download maka xdman.deb.

Depois download XDMAN, ezekuta pakote refere para instala ba Linux Mint.

Janela Instalasaun Software (GDEBI) Iha Linux Mint
Kuandu prosesu instalasaun remata, koko hala'o aplikasaun Xtreme Download Manager liu husi Menu: Internet → XDM, no sei mosu janela aplikasaun XDMAN hanesan ezemplu ilustrasaun tuir mai ne'e:

Janela Aplikasaun Xtreme Download Manager

Agora Ita prontu ona para download dokumentus, aplikasaun, video no seluk-seluktan iha Internet uza Xtreme Download Manager, koko rasik funsionalidades ne'ebe iha.

Bravo Software Livre!

Referensia:
http://xdman.sourceforge.net
http://sourceforge.net/projects/xdman

Proteja Diretoriu Web Ho .htaccess

2015-05-19T10:00:00.000+09:00

.htaccess nudar file konfigurasaun ne'ebe fornesidu husi servidor web Apache, utilizadu para modifika fungsaun default Apache. Ida husi fungsaun .htaccess mak hanesan proteja diretoriu web, hodi nune'e wainhira asesu ba diretoriu web refere liu aplikasaun browser, tenki hatama lai username no password.

Notas:
Pratika ne'e Autores teste iha Apache versaun 2.4.7 ho sistema operasaun Linux Mint 17.1 "Rebecca".

Tuir mai lalaok oinsa proteja diretoriu web ho .htaccess:

Loke aplikasaun Terminal liu husi menu: System Tools → Terminal
Kria file .htpasswd para rai username no password ho maneira:
```
sudo htpasswd -c /etc/apache2/.htpasswd admin
```
Notas:
Bele troka "admin" ho naran saida deit.
Kontinua kria file .htaccess iha diretoriu web ne'ebe hakarak ita proteja.
```
sudo nano /var/www/html/.htaccess
```
Notas:
Iha ezemplu ne'e Autores aplika ba diretoriu default servidor web Apache (/var/www/html).

No hatama parametru tuir mai ne'e:

AuthType Basic
AuthName "Restricted Files"
AuthBasicProvider file
AuthUserFile /etc/apache2/.htpasswd
Require valid-user

Loke file apache2.conf

sudo nano /etc/apache2/apache2.conf

Buka parametru iha kraik ne'e:

<Directory /var/www/>
        Options FollowSymLinks
        AllowOverride None
        Require all granted
</Directory>

Modifika parametru refere hanesan tuir mai:

<Directory /var/www/>
        Options FollowSymLinks
        AllowOverride Authconfig
        Require all granted
</Directory>

Restart fali Apache ho maneira:

sudo service apache2 restart

sudo /etc/init.d/apache2 restart

Loke aplikasaun browser hanesan Mozilla Firefox, no digitandu enderesu http://127.0.0.1

Janela Autentikasaun Iha Browser Mozilla Firefox

Karik mosu janela autentikasaun hanesan ilustrasaun iha leten, hatama deit username no password ne'ebe kria ona.

Boa sorte!

Referensia:
Oinsa Utiliza Editor Testu Nano?
Maneira Fasil Instala LAMP iha Linux Mint 17

Maneira Instalasaun WordPress Iha Linux Mint

2015-02-09T22:00:00.000+09:00

WordPress ida husi Content Management System (CMS) ho popularidade diak no famozu tebes iha internet, aliende tamba funsionalidades barak no aparensia ne'ebe interesante, nomos tamba apoio komunidade ne'ebe forte. Iha fulan Fevereiru 2014 registradu 74,6 miliaun website iha mundu uza sistema WordPress.

Aplikasaun open source ne'e dezenvolvidu husi Matt Mullenweg no Mike Little iha tinan 2003, modifikasaun husi kodigu fontes b2 cafelog ne'ebe dezenvolvidu uluk husi Michel Valdrighi. Wordpress permiti Ita ho fasil para aumenta, halo mudansa, no maneja blog ou website ho flexivel.

Karik hakarak kria blog ou website rasik ho gratuita, lais no fasil, WordPress mak solusaun diak ba Ita nian nesesidade.

Notas:
Antis hahu instalasaun WordPress presija servidor web hanesan Apache ne'ebe integradu ona ho PHP nomos database MySQL. Sistema operasaun ne'ebe uza iha pratika ne'e Linux Mint 17.1 "Rebecca" no bele mos aplika ba Linux Ubuntu ou Debian versaun foun.

Lalaok instalasaun hanesan tuir mai ne'e:

Loke aplikasaun Terminal liu husi menu: System Tools → Terminal

Kontinua instala pakote Apache, PHP no MySQL ho maneira:

sudo apt-get install apache2 mysql-server php5 libapache2-mod-php5 php5-gd php5-curl libssh2-php

Depois instalasaun hotu, kria user no database iha MySQL hanesan tuir mai:
- Login ba database MySQL ho user root (hatama password ne'ebe kria wainhira halo instalasaun pakote MySQL)
```
mysql -u root -p
```
- Kria database ba WordPress (troka WordPress ho naran seluk depende Ita nia hakarak)
```
CREATE DATABASE wordpress;
```
- Kria user no password foun (troka wpadmin no wppassword ho naran seluk tuir Ita desidi rasik)
```
CREATE USER wpadmin@localhost IDENTIFIED BY 'wppassword';
```
- Fo autorizasaun ba user foun para bele jere database ne'ebe kria ona.
```
GRANT ALL PRIVILEGES ON wordpress.* TO wpadmin@localhost;
```
- Kontinua ho komandu
```
FLUSH PRIVILEGES;
```
- Sai husi MySQL
```
quit;
```

Download no konfigura pakote WordPress hanesan etapa iha kraik ne'e:

Tama ba diretoriu /tmp liu husi Terminal
```
cd /tmp
```
Uza aplikasaun wget para download pakote WordPress
```
wget http://wordpress.org/latest.tar.gz
```
Extrair pakote refere ho komandu ne'e:
```
tar -xzvf latest.tar.gz
```
Kopia diretoriu ne'ebe extrair ona ba diretoriu web
```
sudo cp -R wordpress /var/www/html/
```

Kria permisaun ba diretoriu wordpress

sudo chmod -R 755 /var/www/html/wordpress

Kopia no edita file konfigurasaun WordPress

sudo cp /var/www/html/wordpress/wp-config-sample.php /var/www/html/wordpress/wp-config.php

sudo nano /var/www/html/wordpress/wp-config.php

Buka no atualiza naran husi database, username no password MySQL hanesan ezemplu tuir mai ne'e:

[...]
// ** MySQL settings - You can get this info from your web host ** //
/** The name of the database for WordPress */
define('DB_NAME', 'wordpress');
/** MySQL database username */
define('DB_USER', 'wpadmin');
/** MySQL database password */
define('DB_PASSWORD', 'wppassword');
/** MySQL hostname */
define('DB_HOST', 'localhost');
[...]

Depois konfigurasaun file WorPress, presija restart fali servidor web Apache
```
sudo service apache2 restart
```

Kontinua prosesu instalasaun WordPress ho maneira asesu ba iha enderesu http://127.0.0.1/wordpress ou http://localhost/wordpress husi browser favoritu hanesan Mozilla Firefox ou Google Chrome.

Asesu ba Instalasaun WordPress Ho Mozilla Firefox
Ense informasaun konaba website ne'ebe Ita kria nomos username no password admin para jere website refere hanesan ezemplu ilustrasaun tuir mai. Kontinua ho klik ba butaun "Install WordPress".

Ense Informasaun Konaba Website
Kuandu mosu janela hanesan ilutrasaun iha kraik ne'e, klik butaun "Login".

Janela Konfirmasaun Konaba Instalasaun WordPress Susesu
Login ba Dashboard WordPress ho username no password admin

Janela Login

Wainhira mosu Dashboard hanesan iha ilustrasaun tuir mai ne'e, signifika Ita susesu ona instala WordPress iha Linux Mint.

Dashboard WordPress

To'o ne'e deit mata-dalan konaba "Maneira Instalasaun WordPress Iha Linux Mint 17" husi Autores, koko rasik ba funsionalidades ne'ebe iha.

Boa sorte!

Referensia:
http://en.wikipedia.org/wiki/WordPress
http://matadalanlinux.blogspot.com

Grava Aktividade Desktop Linux Ho RecordMyDesktop

2015-02-07T10:00:00.000+09:00

Introdusaun
Treinador ou fasilitador konaba lisaun komputador kadaves konfrontadu ho nesesidade para kria mata-dalan video. La'os ne'e deit, kadaves mos iha individual balun hakarak grava aktividade iha desktop sistema operasaun ne'ebe uza para sai hanesan dokumentasaun. Agora iha solusaun efetivu para bele kaptura video ho fasil no lais utiliza aplikasaun RecordMyDesktop.

RecordMyDesktop ida husi aplikasaun screencasting ne'ebe disponivel iha Linux. Aplikasaun livre no open source n'e produs video husi desktop sistema operasaun ba iha formatu video Ogg Theora. Karik nunka rona konaba Ogg Theora, lalika prekupa tamba Video Player modernu bele suporta formatu ne'e, nomos Ita bele upload ba YouTube sem presija tenki konverte ba formatu seluk hanesan MP4, FLV no seluktan.

Instalasaun
Iha oin rua maneira instalasaun software RecordMyDesktop. Dahuluk bele utiliza Software Manager, daruak bele mos utiliza tool APT iha Terminal.

Notas:
Pratika ne'e utiliza sistema operasaun Linux Mint 17.1 "Rebecca", no bele mos aplika ba Linux Debian ou Ubuntu.

Etapa-etapa instalasaun RecordMyDeskop hanesan tuir mai:

A. Utiliza Sotware Manager

Loke aplikasaun Package Manager husi Mint Menu

Loke Software Manager Husi Mint Menu
Sei mosu janela Sotware Manager hanesan ilustrasaun iha kraik ne'e.

Janela Software Manager
Digitandu "gtk-recordmydesktop" iha opsaun "Search" para buka aplikasaun refere no depois mosu rezultadu klik dala-rua para kontinua instalasaun.

Buka Aplikasaun RecordMyDesktop Iha Software Manager
Hili butaun "Install" para hahu instalasaun gtk-recordmydesktop.

Instala Aplikasaun RecordMyDesktop

B. Utiliza APT

Loke aplikasaun Terminal liu husi menu: System Tools → Terminal

Kontinua instala pakote RecordMyDesktop ho maneira:
```
sudo apt-get install gtk-recordmydesktop
```

Utilizasaun
Tuir mai Autores sei hatudu oinsa maneira utilizasaun RecordMyDesktop para grava video aktividade husi desktop sistema operasaun Linux. Ho nune'e, aktividades ne'ebe Ita asisti liu husi screen monitor sei bele hare fali iha tempo seluk ho formatu video.

Lalaok utilizasaun hanesan tuir mai:

Loke aplikasaun RecordMyDesktop husi menu: Sound & Video → RecordMyDesktop

Loke Aplikasaun RecordMyDesktop Husi Mint Menu
Kuandu mosu janela RecordMyDesktop hanesan ezemplu ilustrasaun iha kraik, signifika Ita bele hahu grava aktividade ne'ebe hala'o iha desktop Linux ho maneira klik ba butaun "Record".

Hahu Aktividade Grava Iha RecordMyDesktop
Janela aplikasaun RecordMyDesktop sei minimizadu ba Taskbar kuandu aktividade grava komesa la'o. Atu hapara, klik deit ba butaun ne'ebe disponivel iha Taskbar hanesan ilustrasaun tuir mai.

RecordMyDesktop Minimizadu ba Taskbar
Kontinua klik ba opsaun "Stop".

Hapara RecordMyDesktop
Depois hapara aktividade gravasaun, RecordMyDesktop automatikamente sei konverte grafasaun refere ba formatu video Ogg Theora (.ogv).

Prosesu Encoder Video
Rezultadu husi koverte video dokumentadu tomak iha diretoriu Home no bele asisti fila-fali bainhira deit.

Rezultadu Video Iha Diretoriu Home
Karik hakarak taka aplikasaun RecordMyDesktop, klik deit ba butaun "Quit".

Taka Aplikasaun RecordMyDesktop

To'o ne'e deit mata-dalan konaba aplikasaun RecordMyDesktop husi Autores, koko rasik ba fungsionalidades ne'ebe iha.

Haksolok ho Sotfware Livre!

Referensia:
http://en.wikipedia.org/wiki/Theora
http://www.theora.org
http://recordmydesktop.sf.net

Maneira Fasil Instala LAMP iha Linux Mint 17

2015-02-01T10:00:00.000+09:00

I. Konaba LAMP
LAMP nudar sigla para mensiona Linux, Apache, MySQL no PHP ne'ebe hanesan ambiente dezenvolvimentu web bazeia ba open source. Linux nudar sistema operasaun, Apache sai hanesan web server, MySQL para jestaun database no PHP (Preprocessor Hyper Text) nudar lingua programasaun web.

Iha oportunidade ne'e, Autores sei fahe maneira oinsa atu halo instalasaun LAMP ho fasil liu husi Terminal.

Notas:
Pratika ne'e uza sistema operasaun Linux Mint 17.1 "Rebecca", no bele mos aplika maneira instalasaun ne'e ba Debian ou Ubuntu.

Lalaok hanesan tuir mai:

II. Instalasaun

Loke aplikasaun Terminal liu husi menu: System Tools → Terminal

Kontinua instala LAMP ho maneira:

sudo apt-get install lamp-server^

Hatama password foun ba user root MySQL

Kria Password root MySQL

III. Teste

A. Apache
Teste servidor web Apache ho aplikasaun browser favoritu hanesan Mozilla Firefox, Google Chrome, no seluktan ho maneira digitandu enderesu http://127.0.0.1 ou http://localhost iha aplikasaun browser ne'ebe uza.

Teste Servidor Web Apache Ho Aplikasaun Browser Mozilla Firefox

B. PHP
Hakarak hatene katak instalasaun PHP susesu integradus ho servidor web Apache, bele kria pajina web ida liu husi Terminal ho maneira hanesan tuir mai:

sudo echo "<?php phpinfo(); ?>" > /var/www/html/phpinfo.php

Hala'o fila-fali servisu servidor web Apache

sudo service apache2 restart

ou bele mos uza komandu iha kraik ne'e:

sudo /etc/init.d/apache2 restart

Loke aplikasaun browser hanesan Mozilla Firefox, no digitandu enderesu http://127.0.0.1/phpinfo.php ou http://localhost/phpinfo.php

Teste Modulo PHP Ho Aplikasaun Browser Mozilla Firefox

C. MYSQL
Maneira atu teste database MySQL la'o ho diak bele hatama komandu iha kraik ne'e ba Terminal:

mysql -u root -p

Janela Aplikasaun MySQL

Karik mosu informasaun hanesan ezemplu ilustrasaun iha leten, signifika Ita susesu hala'o MySQL.

Ne'e deit mata-dalan badak husi Autores, espera bele ajuda maluk sira ne'ebe hakarak hatene oinsa maneira fasil instala LAMP.

Haksolok ho Software Livre!

Referensia:
http://www.lamphowto.com
http://en.wikipedia.org/wiki/LAMP_(software_bundle)

Sigram: Aplikasaun Telegram Client Bodik Ba Desktop Linux

2014-09-09T10:00:00.000+09:00

Konaba Telegram
Sei lembra ho Telegram? Servico komunikasaun distansia dok ne'e famozu tebes iha tinan 1920 ba leten. Telegram hanesan fasilidade para hato'o informasaun ho lais no dokumentadu ne'ebe dahuluk enkontradu husi Samuel F. B. Morse iha tinan 1843.

Entantu ho dezenvolvementu teknolojia no era ne'ebe moderno ona, utilizasaun Telegram mos komesa menus. Iha 14 Julu 2013 liu ba, Telegram iha mundu tomak ofisialmente deskontinuadu.

Ikus-ikus ne'e Telegram moris fali maibe ho aparensia no teknolojia ne'ebe diferente tebes husi servico Telegram tempo pasadu. Telegram foun transformadu sai aplikasaun "Instant Messaging" hanesan WhatsAPP, BlackBerry Messenger (BBM), KakaoTalk, Line, WeChat, no seluktan.

Aplikasaun gratuita ne'ebe dezenvolvidu husi maun-alin Pavel no Nikolai Durov ne'e reivindikadu oferese velosidade, seguransa, no fungsaun hanesan chat segredu ho kriptografia diak liu komparadu aplikasaun instant messaging seluk. Aliende la'os deit atu manda mensajem, maibe aplikasaun Telegram bele mos atu manda imajem, muzika no video ho kapasidade maksimu 1GB.

Telegram Uza Sigram
Sigram nudar aplikasaun open source ho objetivu para fornese servico Telegram ba desktop sistema operasaun GNU/Linux, hodi nune'e bele permiti utilizador chatting liu husi komputador sem presija uza telemovel.

Iha biban ne'e Autores sei hatudu mata-dalan oinsa registu no asesu ba servico Telegram husi software Sigram.

Notas:
Pratika ne'e Autores utiliza Linux Zorin OS Core versaun 9. Bele mos aplika maneira ne'e ba Linux Debian, Ubuntu, Fedora, Mageia no seluktan.

Etapa-etapa instalasaun no registrasaun hanesan tuir mai:

Download pakote aplikasaun Sigram husi sitiu http://labs.sialan.org/projects/sigram adapta ho plataforma sistema operasaun ne'ebe utiliza no mos tenser tuir arsitektura sistema (32/64 bit).

Sitiu Download Aplikasaun Sigram
Depois download pakote Sigram, ezekuta pakote refere para instala ba sistema operasaun Linux.

Pakote Aplikasaun Sigram

Kuandu prosesu instalasaun remata, loke aplikasaun Sigram liu husi menu: Internet → Sigram. Karik la iha failansu ruma sei mosu janela aplikasaun hanesan ezemplu ilustrasaun tuir mai:

Janela Aplikasaun Sigram

Hili kodigu kontaktu nasaun Timor-Leste.

Hili Kodigu Kontaktu Nasaun Timor-Leste

Hatama numeru telemovel ne'ebe ativu no klik ba opsaun Let's Go! Numeru telemovel refere sei simu mensajem (SMS) Telegram Code.

Hatama Numeru Telemovel Iha Sigram

Hatama kodigu ne'ebe simu ona liu husi mensajem, no klik butaun Send para kontinua.

Hatama Telegram Code Iha Sigram
Depois hatama Telegram Code, sei mosu janela prinsipal hanesan ezemplu ilustrasaun iha kraik ne'e:

Janela Prinsipal Sigram
Karik hakarak rejistu numeru kontaktu entre utilizadores servico Telegram seluk, bele klik deit ba butaun no hatama informasaun kontaktu husi utilizador refere hanesan ilustrasaun tuir mai ne'e:

Rejistu Numeru Kontaktu Utilizador Telegram Iha Sigram
Kuandu hakarak hahu chatting, hili kontaktu ne'ebe eziste ona iha servico Telegram ho maneira klik ba butaun .

Janela Lista Numeru Kontaktu Iha Sigram
Depois desidi numeru ou naran iha lista kontaktu aplikasaun Sigram, Ita bele hahu aktividades chatting ona.

Aktividades Chatting Iha Sigram

Ne'e deit mata-dalan badak husi Autores, espera bele ajuda maluk sira ne'ebe hakarak hatene oinsa registu no utiliza servico Telegram iha sistema operasaun Linux.

Haksolok ho Sigram!

Referensia:
http://www.wikipedia.com
http://www.siagram.org

Aprende Konaba Partisaun Iha GNU/Linux (Parte 1)

2014-08-05T10:00:00.000+09:00

Konaba Partisaun
Partisaun hanesan maneira ida para hafahe espasu iha hard disk ho metodu logic no la'os ho metodu fiziku, hodi nune'e Ita bele edita no manipula partisaun husi kapasidade hard disk ne'ebe iha tuir nesesidade.

Vantajem husi partisaun:

Fasil para organiza dadus ou dokumentus, ezemplu bele hafahe partisaun ida ba sistema operasaun no partisaun seluk para rai dadus/dokumentus.
Halo seguru dadus ou dokumentus, ezemplu karik partisaun sistema falha, dadus ou dokumentus ne'ebe iha partisaun seluk nafatin seguru.
Bele instala sistema operasaun liu husi ida.
Hasa'e atuasaun tempu asesu ba hard disk ne'ebe lais liutan.

Tipu Partisaun Iha GNU/Linux
Bainhira atu kria partisaun iha hard disk, dahuluk presija hatene tiha lai tipu partisaun ne'ebe iha.
Partisaun iha hard disk fahe ba tipu tolu, ne'e maka Primary, Extended, no Logical.

Tuir mai esplikasaun badak husi tipu hirak ne'e:

Primary
Tipu partisaun ne'e hanesan partisaun Primary iha hard disk, jeralmente bodik ba sistema operasaun. Kada hard disk ida bele kria maksimu partisaun Primary 4 deit karik la iha partisaun Extended, ou maksimu 3 partisaun Primary karik iha partisaun Extended.

Extended
Tipu partisaun ne'e hanesan mos parte husi partisaun Primary no maksimu bele kria ida deit iha hardisk laran, utilizadu para akomoda partisaun Logical. Hanesan esplikasaun konaba tipu partisaun primary ne'ebe limitadu ho kuantidade 4 deit, bainhira atu kria partisaun ne'ebe barak, bele utiliza partisaun Extended.

Logical
Partisaun ne'e bele kria karik iha ona partisaun Extended no utilizadu para rai dadus. La iha limitasaun kuantidade husi partisaun Logical, ne'e signifika iha hard disk ida bele kria partisaun Logical ho kuantidade depende husi nesesidade.

Oinsa Bele Hatene Tipu Partisaun Iha GNU/Linux?
Iha GNU/Linux Ita bele hatene partisaun Primary, Extended no Logical husi numeru ne'ebe iha hanesan ezemplu tuir mai:

Partisaun Primary
komesa husi numeru 1 to'o 4

Ezemplu:
sda1, sda2, sda3, no sda4.

Partisaun Extended
komesa husi numeru 1 to'o 4 depende husi kuantidade partisaun Primary ne'ebe iha.

Ezemplu:
Karik iha hard disk disponivel ona partisaun Primary 2, signifika partisaun Extended bele iha pozisaun sda3 ou sda4.

Partisaun Logical
komesa husi numeru 5 ba leten.

Ezemplu:
sda5, sda6, no seluktan.

Ezemplu Ilustrasaun Husi Tipu Partisaun Iha Hard disk (Linux)

sda1

sda2

sda3

sda4

sda5

sda6

sda7

Notas:

sda

sdb

sdc

Komparasaun Tabela Partisaun Windows & GNU/Linux?
Iha sistema operasaun Windows, partisaun sei identifikadu ho tipu alfabetu la'os numeru hanesan iha GNU/Linux. Aliende ne'e mos, partisaun sei temi ho naran 'Drive'.

Tuir mai ezemplu ilustrasaun tabela partisaun iha sistema operasaun Windows:

Ezemplu Ilustrasaun Tabela Partisaun Ne'ebe Identifikadu Iha Windows

Ilustrasaun husi ezemplu iha leten signifika:

- Partisaun Primary iha 1 (drive C)
- Iha Windows partisaun Extended la definido ho alfabeto
- Partisaun Logical iha 3 (drive D, drive E no drive F)

Karik konvertidu ba tabela partisaun GNU/Linux hanesan tuir mai:

Ezemplu Ilustrasaun Tabela Partisaun Ne'ebe Identifikadu Iha GNU/Linux

- Partisaun Primary iha 1 (sda1)
- Partisaun Extended iha ida deit ne'ebe okupa sda2
- Partisaun Logical iha 3 (sda5, sda6 no sda7)

Alokasaun Partisaun Ba GNU/Linux
Kuandu hakarak halo alokasaun partisaun ba sistema operasaun Linux, presija komprende uluk deskrisaun jeral konaba tipu partisaun ne'ebe mensiona iha leten, hodi nune'e labele halakon dadus ou dokumentus.

Partisaun ne'ebe atu aloka ba instalasaun sistema operasaun Linux, minimu tenser iha partisaun mamuk rua:

1. partisaun / (root)
2. partisaun Swap

Notas:

/	Root hanesan partisaun prinsipal ba Linux, karik iha sistema operasaun Windows maka Drive C. Rekomendasaun kapasidade para instalasaun sistema Linux minimu 4GB.
Swap	Partisaun ne'ebe preparadu nudar Virtual Memory ba Linux, kuandu memoria komputador nakonu parsialmente prosesu serbisu sei desviadu ba partisaun swap. Kapasidade ba partisaun swap tenser 2X bo'ot husi RAM. Ezemplu memoria ou RAM komputador 512MB, kria swap sai 1GB.

Ho partisaun rua ne'ebe iha leten, bele kompleta kriteriu minimu para instala sistema operasaun Linux.

Tuir mai ezemplu ilustrasaun husi tabela partisaun rua ne'ebe mensiona:

Ezemplu Ilustrasaun Kriteriu Minimu Partisaun Ba GNU/Linux

- sda1 no sda2 utiliza tipu partisaun Primary

- Partisaun sda1 ba Swap
- Partisaun sda2 ba / (root)

Aliende ne'e mos iha sistema operasaun Linux, diretorio ne'ebe maka disponivel iha partisaun root bele ita kria ketak tuir utilidade. Hanesan diretorio /home ho fungsaun para rai dadus ou dokumentus husi utilizador ne'ebe sei parte ida hamutuk ho partisaun root kuandu alokadu tuir kriteriu minimu. Maibe karik hakarak impede dadus ou dokumentus labele lakon bainhira akontese buat ne'ebe la espera, hanesan ezemplu halo re-instalasaun Linux, sujestaun husi Autores diak liu kria partisaun /home ketak husi partisaun prinsipal (/).

Notas:

/home

Equivalente ho diretorio "Documents & Settings" karik iha sistema operasaun Windows XP ou "Users" iha Windows 7 ba leten.

Ezemplu ilustrasaun husi alokasaun ketak partisaun /home hanesan iha kraik ne'e:

Ezemplu Ilustrasaun Partisaun /home ne'ebe ketak husi / (root)

Esplikasaun husi ezemplu ilustrasaun iha leten:

- sda1, sda2, sda3 utiliza tipu partisaun Primary
- Partisaun sda1 ba Swap
- Partisaun sda2 ba / (root)
- Partisaun sda3 ba /home

Kria Partisaun GNU/Linux Husi Hard Disk Ne'ebe Ezisti Ona Windows!
Ezemplu iha leten kuandu kondisaun kapasidade hard disk alokadu tomak ba GNU/Linux, maibe oinsa karik atu kria partisaun husi hard disk ne'ebe ezisti ona sistema operasaun Windows?

Resposta husi pergunta refere maka presija kria parsialmente kapasidade hard disk ne'ebe ezisti ona para bele alokadu ba GNU/Linux. Jeralmente komputador ho sistema operasaun Windows konsisti partisaun rua ne'ebe maka drive C no D. Karik partisaun husi D disponivel kapasidade hard disk ho espasu bo'ot, diak liu resize partisaun refere bodik ba GNU/Linux.

Tuir mai ezemplu ilustrasaun husi tabela partisaun Windows ne'ebe jeralmente disponivel iha komputador:

Ezemplu Ilustrasaun Tabela Partisaun Iha Windows Em Jeral

Depois resize partisaun D no kria fali partisaun foun para alokadu ba sistema operasaun GNU/Linux, tabela partisaun sei konvertidu sai hanesan ezemplu ilustrasaun iha kraik ne'e:

Ezemplu Ilustrasaun Resultadu Husi Resize Partisaun Windows

Esplikasaun husi ezemplu ilustrasaun iha leten:

- Partisaun sda1 ba C
- Partisaun sda2 ba Extended
- Partisaun sda5 ba D
- Partisaun sda6 ba Swap
- Partisaun sda7 ba / (root)

Karik hakarak aumenta partisaun /home, tabela partisaun sei sai hanesan tuir mai:

Ezemplu Ilustrasaun Resultadu Husi Aumenta Partisaun /home

- Partisaun sda1 ba C
- Partisaun sda2 ba Extended
- Partisaun sda5 ba D
- Partisaun sda6 ba Swap
- Partisaun sda7 ba / (root)
- Partisaun sda8 ba /home

Artiklu "Aprende Konaba Partisaun Iha GNU/Linux" parte dahuluk to'o iha ne'e deit, no sei iha kontinuasaun ba parte daruak.

Nafatin le'e weblog MataDalanLinux!

Referensia:
http://www.wikipedia.com
http://www.tldp.org
http://www.ibm.com

Fasil Scan Endresu IP & Port Uza Angry IP Scanner

2014-07-25T15:00:00.000+09:00

Karik maluk sira hakarak deskobre saida maka akontese iha rede laran no mos hakarak hatene enderesu IP ne’ebe ativu ou la ativu entaun maluk sira presija koko software Angry IP Scanner.

Mai ho interface simples no intuitivu, halo utilizador fasil atu komprende lalais kuando uza aplikasaun ne’e. Aliende ne’e mos, menu konfigurasaun ne’ebe detailadu ho esplikasaun klaru aumenta valor diak ba aplikasaun refere.

Aplikasaun gratuita no bele lao iha plataforma sistema operasaun Linux, Windows no MacOS-X ne'e, disponivel funsionalidade espesial para bele halo optimizasaun fungsaun buka no redus tempo verifikasaun ou scan. Angry IP Scanner mos disponivel opsaun ne'ebe barak konaba prosesu scanning, hodi nune'e la'os de'it atu hatene IP ativu ou la ativu, maibe bele mos buka port ne'ebe nakloke.

Ho ajuda husi aplikasaun ne'e Ita bele hatene informasaun konaba File Sharing, FTP, Telnet ou Trace Route depende husi opsaun ne'ebe Ita hili iha lista. Bele mos hare informasaun hanesan naran komputador, enderesu MAC, no seluktan. Resultadu husi prosesu scanning bele exporta ba formatu CSV, TXT ou XML.

Oinsa Atu Instala Angry IP Scanner?
Iha pratika instalasaun ne'e Autores utiliza Linux Zorin OS Core versaun 9. Bele mos aplika maneira ne'e ba Linux Debian, Ubuntu, Fedora, Mageia no seluktan.

Etapa-etapa instalasaun hanesan tuir mai:

Download pakote aplikasaun Angry IP Scanner husi sitiu http://www.angryip.org/download/ adapta ho plataforma sistema operasaun ne'ebe utiliza no mos tenser tuir arsitektura sistema (32/64 bit).

Sitiu Download Oficial Angry IP Scanner

Depois download pakote Angry IP Scanner, ezekuta pakote refere para instala iha Software Center Linux Zorin.

Prosesu Instalasaun Pakote Angry IP Scanner Iha Linux Zorin
Kuandu prosesu instalasaun remata, koko hala'o aplikasaun Angry IP Scanner liu husi menu: Internet → Angry IP Scanner, no karik la iha failansu ruma sei mosu janela aplikasaun hanesan ezemplu ilustrasaun tuir mai ne'e:

Janela Aplikasaun Angry IP Scanner

Notas:
Janela "Getting Started" fornese informasaun konaba Angry IP Scanner, karik hakarak hatene liutan konaba aplikasaun refere bele klik deit ba butaun Next. Maibe karik atu sai no kontinua ba janela prinsipal Angry IP Scanner bele klik deit ba butaun Close.

Oinsa Atu Utiliza Angry IP Scanner?
Maneira atu uza aplikasaun Angry IP Scanner ladun difisil, tamba bainhira aplikasaun nakloke automatikamente sei detekta enderesu IP no Hostname husi komputador, utilizador so deit desidi range IP husi numeru ki'ik to'o range IP numeru bo'ot depois komesa hala'o aktividade scanning.

Notas:
Ezemplu ne'e sei koko oinsa scanning endersu IP Public 203.190.241.1/24, ne'ebe signifika range IP komesa husi 203.190.241.1 to'o 203.190.241.255.

Lalaok hanesan tuir mai ne'e:

Iha janela aplikasaun Angry IP Scanner, hatama range IP depois klik ba butaun Start para bele hahu aktividades scan.

Ezemplu Ilustrasaun Disidi Range Enderesu IP Para Bele Scan
Resultadu husi aktividades scanning refere hanesan iha ezemplu ilustrasaun kraik ne'e:

Ezemplu Resultadu Husi Aktividades Scanning

Notas:
Informasaun ne'ebe sei hetan husi janela "Scan Statistics" signifika prosesu scanning husi range enderesu IP: 203.190.241.1 – 203.190.241.255 remata iha tempo 29.5 sec, ho velosidade scan kada host 0.1 sec, total enderesu IP ne'ebe scan 254, ho total host ne'ebe ativu 203. Alinde ne'e mos, simbolu iha kraik ne'e signifika:

Ativu

La Ativu
Agora koko fali maneira oinsa detekta port husi servidor web ne'ebe ativu ho aumenta opsaun scanning husi menu Tools → Fetchers ou bele mos hanehan butaun keyboard Ctrl + Shift + O.

Ezemplu Loke Janela Fetchers Liu Husi Menu Angry IP Scanner
Hili opsaun "Web detect" no kontinua klik ba butaun "<<", depois konfirma ho klik butaun "OK".

Ezemplu Hili Opsaun Iha Janela Select Fetchers
Kontinua fali hodi hatama range IP no klik ba butaun Start. Karik prosesu scanning remata, Angry IP Scanner sei fo resultadu konaba port servidor web ne'ebe ativu.

Ezemplu Resultadu Husi Aktividades Scanning Port Web

Notas:
Resultadu konaba naran no versaun husi aplikasaun servidor web bele hare iha kolum opsaun Web detect. Aliende ne'e mos, karik atu hatene port web ne'e ativu bele hatene liu husi simbolu iha kraik ne'e.

Ativu

Mata-dalan husi Autores to'o iha ne'e deit, koko rasik ba fungsaun ne'ebe iha.

DISCLAIMER:
Mata-dalan ne'e nudar referensia ho objetivu para estuda no la iha intensaun atu estraga. Karik iha maluk balun utiliza referensia husi mata-dalan ne'e ba aktividades ne'ebe fora husi kontextu estuda, ne'e sai hanesan idak-idak nian responsabilidade rasik.

Obrigado!

Referensia:
http://angryip.org/
http://sourceforge.net/projects/

Oinsa Atu Hatene Konflitu Enderesu IP Iha Linux?

2014-07-23T10:00:00.000+09:00

Kada komputador/host mak konektadu ba rede ho subnet ne'ebe hanesan, enderesu IP tenser uniku ou diferente, hodi nune'e labele akontese konflitu enderesu IP iha rede laran.

Para bele detekta konflitu enderesu IP iha sistema operasaun Linux, utiliza deit aplikasaun ARP-Scan. Aplikasaun ne'e sei manda pakote ARP (Address Resolution Protocol) iha rede lokal hodi kolekta informasaun husi enderesu MAC ne'ebe hetan enderesu IP hanesan, nune'e bele identifika konflitu enderesu IP ho lais no fasil.

Notas:
Pratika ne'e Autores uza Linux Zorin OS Core versaun 9. Bele mos aplika maneira ne'e ba Linux Debian ou Ubuntu.

Lalaok hanesan tuir mai:

Loke aplikasaun Terminal liu husi menu: System Tools → Terminal

Depois instala aplikasaun ARP-Scan ho maneira:

sudo apt-get install arp-scan

Atu detekta konflitu enderesu IP, hala'o komando hanesan iha kraik ne'e:

sudo arp-scan -I eth0 -l

Rezultadu:

192.168.1.4     00:30:bd:63:a2:4c   Belkin F5D6020
192.168.1.17    00:02:6f:58:ec:49   Senao
192.168.1.23    00:25:4b:1b:10:20   Hewlett Packard
192.168.1.52    10:9a:dd:55:d7:95   Apple Inc
192.168.1.52    00:1a:80:27:8d:56   Sony Corporate (DUP: 2)
192.168.1.201   00:1f:3b:4d:35:be   Intel Corporate
192.168.1.254   00:0b:46:e4:8e:6d   Cisco

Ezemplu rezultadu iha leten, enderesu IP ne'ebe konflitu 192.168.1.52.

Ne'e deit mata-dalan badak husi Autores, espera bele ajuda maluk sira ne'ebe hakarak hatene oinsa identifika konflitu enderesu IP iha sistema operasaun Linux.

Referensia:
http://matadalanlinux.blogspot.com/2013/10/meneira-konfigura-enderesu-ip-iha-linux.html
http://zorin-os.com

Atualiza Informasaun Distro Linux Husi DistroWatch

2014-01-24T16:00:00.000+09:00

DistroWatch hanesan sitiu ne'ebe fornese notisias, informasaun jeral no lansamentu distribusaun (distro) Linux ho sistema operasaun open source hanesan OpenSolaris, Minix no BSD. Sitiu ne'e desenvolvidu husi Ladislav Bodnar no publikadu iha 31 Maiu 2001.

DistroWatch bele sai hanesan referensia ba utilizador sira ne'ebe hakarak hatene popularidade Linux ne'ebe diak bazeia husi Page Hit Ranking. Detailu informasaun mak iha konaba lansa distro Linux husi karakteristika kada distro to'o pakote software saida deit maka iha distribusaun Linus no lansa versaun ne'ebe iha.

Sitiu ne'e mos iha notisia konaba desenvolvementu kada versaun distro Linux, komesa ho lansa versaun beta, release candidate to'o lansa final distribusaun inklui ho link atu download. Iha sitiu DistroWatch ne'e kuaje 500 liu perfil husi distribusaun sitema opersaun linux, BSD no sistema operasaun seluk ho data lansamentu.