mugtamapost

أعضاء الجسم مصدرًا للاشتقاق: معجم لغوي اشتقاقي | كتاب جديد من إصدار المركز العربي للأبحاث 2026

noreply@blogger.com (مجتمع بوست) — Wed, 07 Oct 2026 23:32:49 +0000

أعضاء الجسم مصدرًا للاشتقاق: معجم لغوي اشتقاقي

صدر عن المركز العربي للأبحاث ودراسة السياسات معجم أعضاء الجسم مصدرًا للاشتقاق: معجم لغوي اشتقاقي، لمؤلفَيْه مهدي عرار ورشيد بلحبيب، ويتكون من جزءين موزَّعَين على 1120 صفحة، ويشتملان على تصدير، ومهاد وتأسيس، ومراجع.

ينتسب هذا المعجم اللغوي إلى معجمات الألفاظ؛ فهو اشتقاقيّ لقيامه على مبدأ الاشتقاق وتولّد الكلمات من كلمة أمّ، بحيث تتوالد الكلمات فيه بعضها من بعض، وهو مختصّ لأنه اقتصر على ألفاظ الجسم الإنساني تحديدًا.

وبما أن هذا المعجم اللغوي الاشتقاقي يتغيّا استقراء أسماء أعضاء جسم الإنسان، فقد اقتصر على الكلمات المشتقة من أسمائها، والتي انتقلت إليها دلالات تلك الأعضاء، فأصبحت أسماؤها بمنزلة الجذور الاشتقاقية. فإذا كان الجذر في العربية أصلًا تُشتق منه الكلمات، فإن ثمّة أعضاء في الجسم غدت أسماؤها أصولًا اشتقاقية، ومن الكلمات المشتقة من أسماء تلك الأعضاء:

باشر، وترأّس، وتكاتف، وعضد، وجابه، وترجّل، وتوجّه، ودمَغ ... إلخ. وقد ائتلف المعجم من مداخل معجمية، يتصدر كل مدخل عنوانٌ رئيس هو اسم عضو من أعضاء الجسم، مشفوعًا بشواهد حيّة مستمَدّة من تداولات العرب اللغوية، ومأخوذة من معجم الدوحة التاريخي للغة العربية، ومدوّنته الواسعة.

لعل أول ما يميز هذا المعجم أمران: أوّلهما أنه يتناول ظاهرة الاشتقاق من أسماء أعضاء الجسم على وجه التحديد، وأسماء الأعضاء من قبيل أسماء الأعيان أو الذوات؛ ومن ثَمّ، يصحّ القول إن هذا المعجم يندرج ضمن باب الاشتقاق من أسماء الأعيان، أو أسماء الذوات. وثانيهما أنه معجم مختص، يُعنى بأسماء أعضاء الجسم، ويقتصر على الكلمات المشتقة من أسمائها.

قام بناء المعجم داخليًّا على ترتيب الأعضاء ترتيبًا أبتثيًّا (ألفبائيًا) ضمن أبواب، يشتمل كل باب على مجموعة من الأعضاء المتقاربة، ولكل عضو مدخل معجمي رئيس بعنوان مستقل، يليه تمهيد معجمي يتناول العضو وتعريفه وامتداده الدلالي في الكلمات الأخرى، وصولًا إلى إيراد مشتقاته مرتَّبةً ترتيبًا صرفيًّا؛ فيقدَّم المجرد ومشتقاته، ثم المزيد ومشتقاته.

والخلاصة أن المعجم يقوم على فكرة "المداخل المعجمية"، إذ يحمل كل مدخل عنوانًا رئيسًا هو اسم عضو من أعضاء الجسم، مثل اليد والرأس والعين والأذن، والبطن، والقدم ... إلخ. وكان كل مبحث منها يتألف من ثلاثة مباحث فرعية:

فالمبحث الأوّل هو "المهاد المعجمي"، وفيه يوضَّح الجذر الذي ينتسب إليه العضو، ويعرَّف وفقًا لضوابط الصناعة المعجمية، وأما المبحث الثاني، الذي يشكّل أساس كل مدخل معجمي فهو "التعريف وامتداداته"، والمقصود به تتبّع انتقال اسم عضو الجسم من معناه الأصلي في الاستعمال والتداول إلى دلالات أخرى، عن طريق التشبيه والتجوّز وعلاقة المشابهة؛ ومن ذلك "السنّ"، فقد انتقل معنى هذه الكلمة إلى الدلالة على أشياء أخرى، مثل سنّ القلم، وسنّ المنجل، وسنّ الثوم، كما استُعمِلت للدلالة على عمر المرء. وأما المبحث الثالث فهو "الاشتقاقات وشواهدها".

وجميع تلك الاشتقاقات المشفوعة بشواهدها مأخوذة من معجم الدوحة التاريخي، غير أنه أُعيد ترتيبها وفقًا لترتيب المشتقات وما يتصل منها بالعضو الذي أُفرِد له مدخل معجمي، واستُبعِد ما لا صلة له بالعضو، وإن وافقه في الاشتقاق.

وبهذا تكتمل بنية كل مدخل، إذ تقوم على ثلاثة عناصر:

أوّلها مهاد معجمي، وثانيها تعريف وامتداد، وثالثها مشتقات مشفوعة بشواهدها الاستعمالية، التي تكون، في الغالب، مأثورة عن العرب شعرًا ونثرًا، وأدبًا وفلسفة، وتاريخًا وطبًّا، قديمًا وحديثًا.

المصدر | المركز العربي للأبحاث ودراسة السياسات

عندما تُعيد العطور صياغة التاريخ: قراءة في كتاب "التاريخ المفقود للعطور" لعُلا سالم

noreply@blogger.com (مجتمع بوست) — Sun, 27 Sep 2026 14:48:02 +0000

"عُلا سالم" تعيد للعطر مكانته كإمبراطورية ناعمة، كانت ولا تزال أداة قوة وذاكرة وهوية

* الكتاب لا يروي تاريخ العطور فحسب، بل يكشف عن خريطة قوة عالمية طُمست فيها إسهامات الشرق في صناعة الروائح

* الكتاب رحلة استثنائية عبر التاريخ، تكشف أن العطر لم يكن يومًا نافلة عابرة في هامش الحضارة بل كان حجر الزاوية في نشوء الإمبراطوريات

تقف الحواس البشرية متساوية في الظاهر، لكن حاسة الشم تحتفظ بمكنون عصبي ووجداني يجعلها أبعد المدارك عن سلطة المنطق وأكثرها جسارة على استحضار الماضي. حينما نبصر مشهدًا أو نسمع نغمًا، تمر الإشارات الحسية عبر "المهاد" Thalamus — المركز الرئيسي لتنظيم المعلومات في الدماغ — لتدرك حسيًا وتحلل منطقيًا قبل أن تستثير أي انفعال.

أما الجزيئات العطرية، فتسلك مسارًا صادمًا في إعجازه؛ إذ تتجاوز ذلك التحليل المركزي لتفتح باب "الجهاز الحوفي" Limbic System مباشرة، وهو المقر العصبي المسؤول عن صناعة العواطف وتخزين الذاكرة العميقة في اللوزة الدماغية والهديل.

هذا المسار الفسيولوجي الفريد هو المنطلق الأساسي الذي تؤسس عليه الباحثة والكاتبة عُلا سالم سرديتها التاريخية والثقافية المتفردة في كتابها الذي سيصدر في إبريل 2027 والمعنون بـ: "التاريخ المفقود للعطور.. الرائحة، والقوة، والإمبراطورية" The Lost History of Perfume Scent, Power, and Empire.

تؤكد "عُلا" أن النفحة العطرية ليست مجرد خيار حسي جمالي أو تكملة للأناقة اليومية أو مجرد رفاهية أو إكسسوار تجميلي، بل هي عامل فيزيائي يعبر الزمان والمكان ليوقظ حنينًا غامضًا، ويعيد رسم ملامح الوجود.

انطلاقًا من هذه الحقيقة العلمية، تأخذنا الكاتبة في رحلة استثنائية عبر التاريخ، لتكشف أن العطر لم يكن يومًا نافلة عابرة في هامش الحضارة، بل كان حجر الزاوية في نشوء الإمبراطوريات، ومحركًا خفيًا للحروب، ورمزًا حاسمًا للصراع على السلطة والنفوذ.

كتاب "عُلا" لا يروي تاريخ العطور فحسب، بل يكشف عن خريطة قوة عالمية طُمست فيها إسهامات الشرق، خصوصًا العالم العربي ومصر، في صناعة العطور التي نعرفها اليوم.

من طقوس المعابد إلى مصانع كليوباترا: الجذور القديمة للعطر

تبدأ "عُلا سالم" رحلتها في أعماق التاريخ، مستعيدة دور العطر في الحضارات القديمة، حيث لم يكن مجرد وسيلة للتزيين أو الإغواء، بل أداة طقسية وروحية تربط الإنسان بالآلهة.

وتقف الكاتبة مطولًا عند مصر الفرعونية، مشيرة إلى أن المصريين القدماء كانوا روادًا في تقطير الزيوت واستخراج الروائح من الأزهار والأعشاب، وأن كليوباترا نفسها أشرفت على مصانع عطور استخدمت في المعابد والقصور.

هذا الإرث، كما تؤكد سالم، لم ينقطع، بل تحول عبر القرون إلى تقنيات متقدمة انتقلت من الإسكندرية إلى بغداد وقرطبة، قبل أن تصل إلى أوروبا عبر الأندلس وطرق التجارة العربية.

الشرق الذي صُنع منه العطر ثم مُسح من تاريخه

أحد المحاور المركزية في الكتاب هو تفكيك الرواية الغربية المهيمنة التي تختزل تاريخ العطر الحديث في فرنسا، وتحديدًا في مدينة غراس، مهد العُطور الفرنسية منذ القرن السادس عشر. فبينما تُنسب الثورة العطرية إلى "شانيل" و"غيورلان" و"توم فورد"، تغفل هذه الرواية أن مكونات مثل العود واللبان والمسك والياسمين المصري جاءت من الشرق، وأن تقنيات التقطير والتعطير تطورت أولًا في المختبرات العربية والإسلامية.

وتوثق "عُلا" كيف أن عطر "شاليمار" من "غيورلان"، الذي أطلق في عشرينيات القرن الماضي، استلهم من حكايات الشرق، بينما أعاد توم فورد تقديم عطر "Oud Wood" في 2007 كمنتج فاخر، دون الإشارة إلى جذوره العربية والآسيوية.

من غراس إلى الخليج | رحلة صحفية عبر أربع قارات

لا تعتمد "عُلا" على الأرشيف وحسب، بل تستند إلى تقارير ميدانية أجرتها على مدى أشهر في أربع قارات، من حقول الياسمين في مصر إلى أشجار اللبان في عمان، ومن معامل غراس في فرنسا إلى متاجر سيفورا في نيويورك.

هذه الرحلة تمنح النص نبرة سردية غنية بالتفاصيل الحسية، حيث تصف "علا" روائح الحقول والمعامل، وتلتقي بالمزارعين والصناع الذين يظلون مجهولين وراء العلامات التجارية الكبرى.

كما تستكشف الكاتبة صعود ظاهرة هواة العطور الذين يشكلون مجتمعًا رقميًا نشطًا على وسائل التواصل، مطالبين بالشفافية في المكونات وبتقدير أوسع للروائح غير الغربية.

العطر كأداة نفوذ | من القصور إلى الحملات الانتخابية

تتجاوز "علا" السرد التاريخي لتطرح سؤالًا سياسيًا: كيف استُخدم العطر كأداة قوة؟ فتستحضر أمثلة من التاريخ الحديث، مثل عطور البلاط الروسي التي سبقت ثورة 1917، وعطور الدبلوماسيين التي صُممت لنقل رسائل غير لفظية في المفاوضات. كما تشير إلى أن بعض القادة السياسيين استخدموا روائح محددة في حملاتهم الانتخابية لخلق ارتباط عاطفي مع الناخبين، مستفيدين من حقيقة علمية تؤكد أن الرائحة تتجاوز المراكز العقلانية في الدماغ لتصل مباشرة إلى الجهاز الحوفي المسؤول عن العاطفة والذاكرة.

احتكار العطر: من يملك الرائحة؟

يخصص الكتاب فصلًا مهمًا لتحليل احتكار صناعة العطر، حيث تسيطر شركات كبرى مثل LVMH وEstée Lauder وCoty على معظم العلامات التجارية العالمية، مما يحد من تنوع الروائح المتاحة ويهمش المنتجات المحلية في أفريقيا وآسيا والشرق الأوسط.

وتنتقد المؤلفة ما تسميه "احتكار الرائحة"، مشيرة إلى أن المكونات النادرة مثل العود والزعفران تُستخرج من دول نامية، بينما تُباع العطور النهائية بأسعار خيالية في باريس ونيويورك، دون عائد حقيقي للمجتمعات المنتجة. كما تطرح الكاتبة تساؤلات أخلاقية حول استدامة هذه الصناعة، خصوصًا مع تهديد التغير المناخي لبعض المحاصيل العطرية مثل الياسمين والورد البلغاري.

طرق البخور والجغرافيا السياسية: حينما أعادت العطور رسم الخريطة

لم تكن المواد العطرية القديمة — مثل المر، واللبان، والقرفة، والعود — متوفرة في كل المكان، بل كانت حكرا على جغرافية محددة كجنوب المملكة العربية (اليمن وعمان) وأجزاء من شرق إفريقيا والهند. ومن هنا، كشفت "علا سالم" كيف أدى الشغف العالمي بالمواد العطرية إلى صناعة واحدة من أعظم شرايين التجارة في التاريخ.

تسرد الكاتبة كيف نشأت ممالك عربية كاملة، مثل مملكة سبأ والمعينيين والأنباط، وازدهرت ثرواتها حصريا من خلال التحكم في القوافل المحملة باللبان والمر التي كانت تعبر الصحارى القاحلة لتصل إلى موانئ المنطقة ومنها إلى جهابذة الرومان والإغريق.

في هذا الصدد، تورد الباحثة شهادة حاسمة للمؤرخ الروماني "بليني" الأكبر Pliny the Elder، الذي كتب مشتكيًا من أن استهلاك الرومان للعطور والبخور المشرقية كان ينزف الخزينة الإمبراطورية ما يقارب 100 مليون سسترسي (Sesterce) من الذهب سنويا! كانت المواد العطرية توزن بالذهب، وصارت الرائحة النفاحة شعارا للأرستقراطية والسلطة المطلقة في روما.

وتشير المؤلفة إلى أن الرغبة في السيطرة على مصادر هذه الثروات العطرية كانت الدافع الممهد للحملة العسكرية الرومانية الشهيرة التي قادها "أيليوس غالوس" عام 24 ق.م للإغارة على "العربية السعيدة" (Arabia Felix)، مما يبرز دور العطر الجيوسياسي المفصلي في خياطة الصراعات العسكرية.

العصور الوسطى والعصر الذهبي للإسلام: المشرق كعاصمة لكيمياء العطر

تتحدث "عُلا سالم" في في كتابها عن حقبة مفصلية شهدت الانقلاب التقني الأكبر في تاريخ صناعة العطور، وذلك خلال العصر الذهبي للحضارة الإسلامية. فبينما كانت أوروبا ترمق في ظلمات العصور الوسطى وتتراجع فيها مفاهيم النظافة والعناية الحسية، كان العالم الإسلامي يهتم بالتعطر كجزء لا يتجزأ من الثقافة والدين والحياة اليومية.

تكشف المؤلفة كيف أحدث علماء المسلمين ثورة علمية حقيقية غيرت وجه هذه الصناعة للأبد مثل: جابر بن حيان الذي طور جهاز الألمبيق (Alembic) ووضع القواعد العلمية للتقطير التبخيري، محولا صناعة العطر من خلطات زيتية وشمعية بدائية إلى علم كيميائي دقيق.

وكذلك الكندي الذي ألف كتاب "كيمياء العطر والتصعيدات"، الذي ضم أكثر من 107 وصفات عطرية، ليشكل الدليل المعياري الأول لصناعة العطور والمستحضرات الصيدلانية.

وكذلك العالم الكبير ابن سينا والذي نجح بدوره في استخلاص زيت الورد الصافي عبر التقطير بالبخار وتطوير الكحول النقي، مما أطلق ثورة "ماء الورد"» وجعل حفظ العطور ونقلها عبر القارات أمرا ممكنا.

لم تكن هذه المواد مجرد مدركات شمية في القصور العباسية في بغداد أو الأندلسية في قرطبة، بل كانت أدوات للإفصاح عن الرفاهية والسلطان. وصارت المساجد يخلط ملاط جدرانها بالمسك ليفوح الشذى مع حرارة الشمس، وصار سلاطين المسلمين يرسلون زجاجات "ماء الورد" والعود كهدايا دبلوماسية فاخرة إلى ملوك أوروبا، مما نقل عدوى الشغف بالعطر إلى البلاطات الأوروبية مع بدايات عصر النهضة.

بلاطات أوروبا | الماء القاتل والعطر كدرع سياسي

تذهب بنا "علا سالم" في جولة مليئة بالتفاصيل الغريبة داخل البلاطات الأوروبية في القرنين السادس عشر والسابع عشر. في هذه الحقبة، ساد اعتقاد طبي خاطئ بين أباطرة أوروبا وأطبائهم يقضي بأن الماء والحمامات الساخنة تفتح مسام الجلد لتسمح بدخول الأمراض والأوبئة القاتلة كالطاعون!!.

نتج عن هذا الرعب عزوف شبه كامل عن الاستحمام، وهنا تبدلت وظيفة العطر مرة أخرى: لم يعد مجرد ترف، بل أصبح ستارًا شميًا ضروريًا لإخفاء روائح الأجساد الكريهة، ووسيلة للحماية الطبية المزعومة.

تشرح "علا" كيف نشأت مدينة غراس (Grasse) في جنوب فرنسا؛ حيث كانت في البداية مدينة لدباغة الجلود الشهيرة بروائحها الكريهة. ولكي يتمكن الدباغون من بيع القفازات الجلدية للأرستقراطيين، بدأوا في معالجتها بزيوت الزهور المحلية (كالتياسمين والورد). وبسرعة زامنية، تحولت المدينة، من مدينة للدبغ إلى العاصمة العالمية للعطور، وصارت الدبلوماسية الفرنسية تدار عبر زجاجات العطر والأناقة الحسية.

الحداثة والمواد الصناعية | ديمقراطية الشذى وميلاد صناعة بالمليارات

تصل "علا سالم" في المحطة الأخيرة من كتابها إلى منعطف القرن التاسع عشر والعشرين، حيث شهد العالم شرارة الثورة الصناعية في عالم الترتيب العطري. قبل هذه المرحلة، كان العطر حكرًا على النخب الحاكمة والأثرياء بسبب التكلفة الباهظة للاستخلاص الطبيعي (إذ يتطلب استخراج كيلوغرام واحد من زيت الورد جمع ملايين البتلات يدويا). إلا أن ثمة تحول حدث، هذا التحول الكيميائي سمح بـ "ديمقراطية العطر"؛ إذ انخفضت تكاليف الإنتاج، وأصبح بمقدور العامة اقتناء زجاجات العطر. وهنا تقاطعت صناعة العطور مع دور الأزياء المعاصرة؛ وتبرز الكاتبة الحدث الأيقوني عام 1921 عندما أطلقت كوكو شانيل (Coco Chanel) عطرها الشهير Chanel No. 5 بالتعاون مع صانع العطور «إرنست بو (Ernest Beaux).

كان هذا العطر الأول الذي يعتمد بشكل كثيف على الألدهيدات الصناعية، لينتقل العطر من مجرد محاكاة لرائحة زهرة واحدة في الطبيعة إلى بناء فني معقد يعبر عن هوية المرأة الحديثة واستقلالها.

الخلاصة:

تتجاوز "عُلا" الفكرة السائدة عن العطور باعتبارها مجرد رفاهية أو إكسسوار تجميلي، لتثبت عبر أبواب الكتاب أنها كانت محركًا اقتصاديًا وسياسيًا صاغ العلاقات بين الإمبراطوريات القديمة والحديثة.

1/ العطور كأداة للسلطة والنفوذ

تتبعت عُلا سالم كيف ارتبطت الروائح بالسياسة والدين منذ القدم:

مصر القديمة والشام: لم تكن العطور مجرد زينة، بل كانت عنصرًا مقدسًا في طقوس التحنيط والتواصل مع الآلهة، واستخدمها الفراعنة للاستعراض السياسي أمام الوفود الأجنبية.

البلاط الملكي الأوروبي: كان العطر يُستخدم لتمييز النبلاء عن عامة الشعب، والسيطرة على المساحات العامة للتغطية على روائح المدن القديمة قبل تطوير شبكات الصرف الصحي الحديثة.

2/ طرق البخور وشبكات التجارة العالمية

أضاءت الباحثة على "طريق البخور" الذي ربط شبه الجزيرة العربية والشرق الأوسط بالبحر الأبيض المتوسط:

كانت تجارة اللبان والمر والعود تُعادل في قيمتها تجارة الذهب والحرير.
أسهمت هذه التجارة في ثراء ممالك عربية قديمة ونشأة مراكز حضارية اعتمدت اقتصادياتها بالكامل على تصدير المكونات العطرية النادرة.

3/ الاستعمار وإعادة رسم خريطة الشم

أحد أبرز المحاور التي تناولها الكتاب هو "استعمار الروائح". خلال فترات التوسع الاستعماري الغربي، تسابقت القوى الأوروبية للسيطرة على المناطق المنتجة للمواد الخام مثل الفانيليا في مدغشقر، والنعناع الفلفلي في الهند، والورد في الشرق الأوسط.

تحولت صناعة العطور من حرفة تقليدية محلية قائمة على التقاليد الشفهية والتصنيع اليدوي إلى صناعة احتكارية ضخمة تُدار من عواصم العطور الغربية مثل "غراس" في فرنسا.

4/ استعادة التاريخ المفقود

استعرضت الكاتبة مساهمات الكيمياء الإسلامية والعربية في تطوير صناعة العطور، مثل ابتكار عمليات التقطير المتطورة على يد علماء مثل الكندي والجابر بن حيان، وكيف انتقلت هذه العلوم إلى أوروبا لتشكل النواة الأساسية لصناعة العطور الحديثة.

خاتمة | رائحة تُعيد كتابة التاريخ ورؤية "علا سالم" للمستقبل

وفي الأخير، كتاب "عُلا سالم" ليس مجرد كتاب عن العطور، بل هو مشروع استعادة تاريخية وثقافية تقوده صحفية تدرك أن الرائحة قد تكون أقوى من الكلمة في نقل الذاكرة والهوية.

فعبر سرد غني بالتفاصيل التاريخية والرحلات الميدانية، تعيد "علا" للعطر مكانته كإمبراطورية ناعمة، كانت ولا تزال، أداة قوة وذاكرة وهوية.

إن العطر، كما تختم الكاتبة، هو التجسد الأكثر شفافية للوجود الإنساني؛ فهو غير مرئي، ولكنه يمتلك القدرة على صناعة الذاكرة، وتهديد العروش، وتخليد الحضارات. وما زالت تلك القطرة العطرية المنسوبة على معصمك تعبر، دون أن تتكلم، عن قصة سلطة وحنين بدأت منذ فجر التاريخ ولن تنتهي أبدا.

يقدم الكتاب تجربة قراءة فريدة تُعيد الاعتبار لحاسة الشم كعنصر حاسم في تشكيل الثقافة والإمبراطوريات، مما يجعله إضافة مرجعية لمكتبات التاريخ الثقافي والدراسات الاستعمارية.

الكاتبة : عُلا سالم

المؤلفة في سطور:

عُلا سالم صحفية وكاتبة (مصرية/أميركية)، تشغل حاليًا منصب مديرة التحرير في مجلة "نيو لاينز (New Lines Magazine)، وهي مجلة رقمية ومطبوعة مستقلة تُعنى بالشؤون الثقافية والسياسية في الشرق الأوسط والعالم.

وُلدت سالم في إنجلترا، وعاشت سنوات مبكرة من طفولتها في البحرين والسعودية خلال تسعينيات القرن الماضي، قبل أن تستقر عائلتها في الإمارات العربية المتحدة.

درست الصحافة في جامعة الإمارات، وتخصصت في الإعلام مع تخصص فرعي في السينما، ثم انتقلت إلى الولايات المتحدة في 2016 لاستكمال دراساتها العليا.

مسار مهني عابر للحدود

بدأت عُلا سالم مسارها المهني في أبو ظبي، حيث عملت متدربة ثم مراسلة في صحيفة "ذا ناشيونال" (The National)، غطت خلالها الأخبار العاجلة وكتبت تقارير غلاف للملحق الثقافي للمجلة. بعد انتقالها إلى واشنطن، عملت منتجة حرة لقناة "الجزيرة الإنجليزية"، غطت من العاصمة الأميركية ملفات متنوعة تتراوح بين السياسة الأميركية والشؤون الدولية.

ثم التحقت بجامعة نيويورك لاستكمال رسالة الماجستير، حيث ركزت على الخطابة، وهندسة المعلومات، وتصميم المواقع، وكتابة أطروحتها عن المشهد الإعلامي في الشرق الأوسط.

من الفكرة إلى المجلة المطبوعة

تُعد "سالم" عضوًا مؤسسًا في فريق إطلاق "نيو لاينز"، حيث شاركت في بناء المجلة منذ مراحلها الأولى، وصممت موقعها الإلكتروني من الصفر، وطورت آليات عمل عن بُعد لضمان تماسك الفريق التحريري.

وفي 2023، قادت الانتقال من النسخة الرقمية فقط إلى إصدار مطبوع، وأشرفت على جميع جوانب العملية، من الطباعة والتوزيع إلى تصميم الغلاف والصفحات واختيار القصص في كل عدد.

وتكتب "علا سالم" بانتظام في المجلة عن ملفات سياسية وثقافية، كما تنشر مقالات رأي وتحليلات في صحف ومجلات دولية مثل "واشنطن بوست"، و"الغارديان"، و"فورين بوليسي"، و"ذا ناشيونال".

أسلوب وموضوعات

تتميز كتابات "عُلا سالم" بأسلوب سردي يجمع بين الدقة الصحفية والحساسية الثقافية، مع اهتمام خاص بقضايا الاجتماعية، والسياسة، والهوية في العالم العربي.

كما تعكس مقالاتها وكتابها الأول اهتمامًا عميقًا بإعادة كتابة الروايات المهيمنة من منظور شرقي، سواء في تغطية الصراعات أو في استعادة التاريخ الثقافي المنسي.

ببلوجرافيا:

اسم الكتاب: The Lost History of Perfume Scent, Power, and Empire

مؤلف: عُلا سالم

تاريخ النشر: 14/4/2027

عدد صفحات: 256

الناشر: Atria/One Signal Publishers

إعداد/ محمد أبو الوفا

التحول الرقمي، ما هو الربط الإلكتروني الشامل؟

noreply@blogger.com (مجتمع بوست) — Sun, 27 Sep 2026 10:17:29 +0000

السيستم ما لوش يمه ارحميني!

"تخيلوا يا جماعة.. زمان، كان الإنسان في مصر عشان يثبت حق، أو يطلع ورقة، أو يجدد ترخيص، كان بيلف كعب داير.. يروح من مصلحة لمصلحة، ويشيل 'الدوسيه' الورقي تحت إيده، وكل جهة حكومية كأنها عايش في بلد لوحدها، ما تعرفش حاجة عن اللي عملته الجهة التانية! الموظف يقولك: 'هات إيصال الكهرباء'، والتاني يقولك: 'هات شهادة من هناك'.. وكأن المواطن هو البريد البشري اللي بينقل الكلام بين الوزارات!

تخيلوا.. دلوقتي، الحكومة بقت 'عيلة كبيرة' قاعدة على طاولة واحدة، بتكلم بعضها في ثواني. السجل المدني يسلم على المرور، والمرور يكلم التموين، والتموين يبلغ القضاء.

بقيت وأنت قاعد في بيتك، كأن مصلحة حكومية كاملة بتقولك: 'أنا عرفت أنت محتاج إيه.. وخلصتهالك!'. بس زي كل حاجة حلوة في الدنيا.. هل السكة دي مفروشة ورد، ولا فيها مطبات وسيستم بيهنج؟ تعالوا نحكي الحكاية من أولها.. وببساطة شديدة!"

"زمان، كان عمرك بيضيع بين طوابير الحكومة، وكل مصلحة كأنها في بلد لوحدها! لكن النهاردة.. 'الرقم القومي' فتح كل الأبواب، والحكومة بقت تكلم بعضها في ثواني. فهل التحول ده ريحنا.. ولا عمل زحمة تانية؟ تابعونا نعرف الحكاية."

ما هو الربط الإلكتروني الشامل؟

"نيجي بقى للنقطة المهمة: إيه اللي يحصل لو على الشخص عليه أحكام قضائية أو تنفيذيّة؟

الربط الإلكتروني الجديد خلى صدور الأحكام مرتبط فوراً برقم البطاقة القومي. أول ما ينزل عليك حكم أو قرار منع أو حظر من النائب العام أو تنفيذ الأحكام: يحصل ايه ؟

1. توقف الخدمات الحكومية: لو جيت تجدد بطاقة الرقم القومي، رخصة قيادة، تكسر شهادة في البنك، تطلع توكيل في الشهر العقاري، أو تجدد جواز سفرك.. او أي تعامل مع الجهات الحكومية، السيستم فجأة يرفع لك أشاره حمراء ، دليل على وجود مشكلة؟

1. السجل المدني والمرور

زمان عشان تجدد رخصة العربية، لازم تقف طابور عشان تجيب شهادة مخالفات

اللي بيحصل دلوقتي: السيستم مربوط. وأنت واقف قدام شباك المرور، الموظف بيعمل "بحث" برقمك القومي، فيظهر له حالتك الجنائية، عنوانك، ومخالفاتك.. كله في ثواني!

2. التأمينات الاجتماعية والبريد والمدارس:

· بفضل الربط بين قاعدة بيانات الرقم القومي والتأمينات والبريد والبنوك، الفلوس بتنزل في الحساب أو الكارت الموحد مباشرة، والمدارس كمان بقت متربطة بحيث إن موقف ولي الأمر أو بيانات الطالب بتنتقل أوتوماتيك من وزارة التعليم للمنظومة الاجتماعية لو فيه دعم مستحق.

3. محكمة الأسرة والقضاء والأحكام

· تخيل قاضي محكمة الأسرة اللي بيحكم بنفقة أو رؤية، والزوج بيلف ويدور عشان يتهرب،

· اللي بيحصل دلوقتي الربط الرقمي بيخلي الأحكام القضائية الخاصة بالنفقة، تتربط تلقائيا بجهات التنفيذ والبنك، السيستم بيبعت تنبيهات أو بيسهل تجميد الحسابات بالبنك أو منع السفر للمتهربين، فالعدالة بقت "أسرع".

· القضايا مبقتش ورق ضائع؛ القاضي بيكتب الحكم، وعلى طول بيسمع في "قاعدة البيانات الموحدة".

· بيانات المرور والسجل المدني والتأمينات بقت تحت إيد القاضي (أو محضرين المحكمة) إلكترونياً. يعني لو الزوج هربان أو بيقبض مرتب معين، السيستم يكشفه!

· أحكام النفقة والمنع من السفر بتروح للجهات المعنية (زي مصلحة الجوازات والشرطة) في ثواني معدودة، مفيش "الملف ضاع في الأرشيف" دي تاني.

4. نقابة المحامين وجهات التقاضي: ("التقاضي الإلكتروني" على الأصول)

· المحامي كان بيقضي يومه كله طالع نازل على السلالم، واقف في طوابير جدول المحكمة عشان يرفع دعوى، أو ياخد شهادة عدم حصول استئناف، ويصرف ساعات في الزحمة.

· اللي بيحصل دلوقتي:

o ظهرت منصات "التقاضي الإلكتروني"، والمحامي يقدر يرفع الدعوى وهو قاعد في مكتبه، ويدفع الرسوم أونلاين.

o الكارنيه الرقمي للمحامي والربط مع سيستم المحاكم خلى قيد القضايا ومتابعة الجلسات يظهر أول بأول على الموبايل، والقرارات بتوصله وهو بيشرب الشاي في المكتب. بس طبعاً لسه فيه تحدي إن بعض المحاكم بتمشي بنظام "الورق مع السيستم" كنوع من الاحتياط، وده بيعمل شوية لخبطة.

5. مصلحة الجوازات والهجرة والجنسية:

· عشان تجدد جواز السفر، كنت تروح تقف طابور، وتجيب شهادة ميلاد وشهادة تجنيد.. ولو فيه أي "تشابه أسماء" أو منع من السفر قديم مش متشال، تروح في سكة تاني خالص!

· اللي بيحصل دلوقتي:

o الجوازات متربطة مباشرة بـ "السجل المدني" و"الأمن العام" و"النيابة العامة" و"التجنيد".

o وأنت واقف بتقدم، الموظف بيعمل سكان للبصمة أو الرقم القومي، السيستم بيكشف في ثواني: هل عليك قضايا؟ هل موقفك العسكري تمام؟ هل بطاقتك سرية ؟

o مشكلة "تشابه الأسماء" بدأت تختفي لأن المفتاح الأساسي هو "الرقم القومي" والبصمة.

6. خدمات التجنيد والتعبئة :

· شاب لسه متخرج، وعايز يطلع شهادة الإعفاء أو التأجيل للجيش، كان لازم يروح منطقة التجنيد،

· اللي بيحصل دلوقتي:

o منظومة خدمات التجنيد بقت أونلاين ومتربطة بـ "التعليم العالي" (الجامعات) و"السجل المدني".

o الكلية بتبعت نتيجة التخرج والتقديرات للسيستم أوتوماتيك، والشاب يقدر يطلب شهادة التجنيد وتجيله لحد البيت بالبريد، أو يتابع موقفه التجنيدي من غير ما يتحرك من مكانه، والربط بيخلي بياناته محدثة لحظة بلحظة مع الجوازات والمرور وباقي الجهات.

7. (بطاقة التموين والخبز):

o منظومة التموين متربطة بـ السجل المدني (عشان حالات الوفاة والمواليد بتنزل أوتوماتيك)، ومتربطة بـ المرور والتأمينات )عشان لو بتمتلك عربية فارهة أو مرتبك عالي، السيستم يلقطك ويطلعك من دعم التموين لوحدك).

o المواليد بتتسجل إلكترونياً، وصرف الخبز والسلع بقى بـ "كارت الذكي" المربوط بالشبكة القومية للمعلومات لحظة بلحظة.

8. الشهر العقاري والتوثيق (عقود الشقق والتوكيلات):

o الشهر العقاري بقى مربوط بـ السجل المدني (عشان التحقق من بطاقات الطرفين فوراً من غير ما الموظف يشك في صحتها)، ومتربط بـ المساحة والجهات الهندسية.

o فكرة التوثيق الرقمي ومنصة "مصر الرقمية" خلتك تقدر تحجز ميعاد، وتعمل توكيلات معينة، وبعض المعاملات بقت تتم إلكترونياً، والربط بيضمن إن الشقة متباعتش لواحد تاني في نفس اللحظة (منع ازدواجية البيع).

9. مصلحة الضرائب المصرية (الفاتورة والإيصال الإلكتروني)

· التاجر أو الشركة كانت بتقدم دفاتر ورقية، ومصلحة الضرائب تبعت لجان تفضل تعد الفواتير بالقلم الرصاص، وكان فيه "فهلوة" وتهرب ضخم جداً.

· اللي بيحصل دلوقتي:

o ربط منظومة الضرائب بالمصانع، والجمارك، والشركات من خلال "الفاتورة الإلكترونية والإيصال الإلكتروني".

o وأنت بتشتري حاجة من سوبر ماركت كبير أو محل، الفاتورة بتسمع في مصلحة الضرائب في نفس الثانية أوتوماتيك. الحكومة بقت شايفة حركة البيع والشراء أونلاين، وده قضى جزء كبير من التهرب وضبط السوق.

10. (التأمين الصحي الشامل والمنظومة الطبية): (الملف الطبي الموحد)

o جاري تطبيق "الملف الطبي الإلكتروني" المربوط بالرقم القومي، في إطار منظومة التأمين الصحي الشامل.

o لو دخلت أي وحدة صحية أو مستشفى، الدكتور بيدخل رقمك القومي، فيشوف تاريخك المرضي كله، والأدوية اللي بتاخدها، والعمليات السابقة. وده بيمنع صرف أدوية غلط أو تكرار تحاليل ملهاش لازمة.

11. الإدارات المحلية والأحياء (التراخيص ومخالفات البناء)

· تراخيص البناء والمحلات كانت "أرض فضاء" للروتين والرشاوى؛ المواطن يلف على الحي والكهرباء والبيئة والمحافظة، وكل جهة تطلع له عقدة.

· اللي بيحصل دلوقتي:

o مراكز التكنولوجيا الموحدة في الأحياء بقت متربطة بالجهات المعنية (المساحة، التخطيط العمراني، الشرطة)، وطلبات تراخيص المحلات أو البناء بتمشي في "سيستم رقمي" متابع من الوزارة مباشرة.

o حتى رصد المخالفات والتعديات بقى يتم عن طريق متغيرات مكانية بالأقمار الصناعية متربطة بالجهات التنفيذية، يعني لو حد بنى دور مخالف بالليل، السيستم والأقمار بتلقطه وتبعته للحي في ثواني!

2. مش هتقدر تبيع ولا تشري عقار أو عربية وتوثقها، لأن الشهر العقاري متصل بقاعدة بيانات تنفيذ الأحكام والضرائب.

3. بمجرد محاولة إجراء معاملة رسمية في موضع مميكن، الموظف بيظهر قدامه تنبيه فوراً، وبيتم إخطار الجهات المعنية لو الحالة تتطلب الضبط.

4. السيستم بيربط بين المعاملات المالية والمستحقات الحكومية، يعني مفيش تهرب ولا تزوير".

المميزات (الحلو في الموضوع إيه؟)

1. توفير الوقت والفلوس: مفيش مرواح ومجيء ومواصلات. بتخلص حاجتك من على الموبايل وأنت قاعد في البيت عبر منصة "مصر الرقمية".

2. القضاء على الروتين والرشوة: "الموظف الشبح" أو السمسار اللي كان بيخلص لك الورق تحت الترابيزة مبقاش له لزمة، لأن السيستم هو اللي بيخلص.

3. دقة البيانات: مفيش خطأ بشري؛ الرقم القومي هو مفتاح كل حاجة عنك.

4. مساعدة الدولة في التخطيط: الحكومة لما تعرف بالثانية كام عربية نزلت الشارع، وكم طالب دخل المدرسة، بتعرف توزع الميزانية صح.

عيوب ومطبات الربط في "القطاعات الثقيلة" دي:

1. الوقعة الكبيرة (لما السيستم يضرب في الجوازات أو المحاكم): لو سيرفر الجوازات أو المحاكم وقع يوم السفر أو يوم جلسة حرجة، الدنيا بتخرب وممكن طائرات تفوت ناس أو قضايا تتأجل، لأن البديل اليدوي مبقاش موجود بنفس الكفاءة القديمة.

2. رعشة التغيير (مقاومة التغيير من بعض الموظفين القدام): هتلاقي دايماً في مصلحة حكومية أو محكمة موظف قديم يقولك: "يا عم سيستم إيه! هات لي الملف الورقي أحسن، أصل الكمبيوتر بيخرف".. البيروقراطية القديمة أحياناً بتحارب التكنولوجيا عشان متعودة على الروتين.

3. أمن الحسابات والمستندات القضائية: قضايا محكمة الأسرة والأحكام الجنائية وبيانات التجنيد دي أسرار شخصية وأمنية خطيرة جداً؛ فـ "اختراق" أو تسريب أي جزء منها كارثة كبرى، وده بيخلي الحكومة تفرض حراسة مشددة (أمان سيبراني) بس بيكلف مليارات.

باختصار، ربط الجهات الحكومية في مصر ببعضها عامل زي 'العملة ذات الوجهين': من ناحية بيوفر علينا سنين من الضياع في الطوابير، ومن ناحية تاني محتاج تطوير دائم للبنية التحتية وحل لمشاكل السيستم المستمرة، وتدريب للموظفين والمواطنين على حد سواء.

صحيح المشوار لسه محتاج صيانة وشوية ضبط، ولسه فيه "كبوات" للسيستم، لكن الحقيقة الواضحة إن الحيطة اللي كانت بين المواطن وبين مصلحته بتوقع طوبة طوبة. حلم البيروقراطية الطويلة إنها تختفي مبقاش مستحيل، وبقى كل اللي نتمناه: سيستم دايم ما يقعش، وموظف بيبتسم،

أشوفكم على خير في الحلقة الجاية." والسلام

رمضان عبد المقصود

عندما يفكّر الكود.. هل انتهى عصر الإنسان؟

noreply@blogger.com (مجتمع بوست) — Sun, 20 Sep 2026 11:07:13 +0000

عندما يفكّر الكود.. هل انتهى عصر الإنسان؟

"لو قلتلك إن فيه كائن مش بيتنفّس، مش بينام، ومش بياكل.. بس بيتعلم في الثانية الواحدة أكتر من اللي أنت اتعلمته في حياتك كلها.. وهيكون هو اللي بيقرر بكره مين يشتغل، مين يتعالج.. ومين يعيش؟!

.. بتكلم عن حقيقة بتحصل دلوقتي تحت إيدينا.. الذكاء الاصطناعي! اللي بدأ كأداة بنلعب بيها ونطلب منها تكتبلنا مقال أو ترسم صورة.. ودلوقتي بقينا نسأل نفسنا بصوت واطي: هو مين اللي بيسيطر على مين؟"

"نبدأ بالخير.. الزراعة!

زمان كان الفلاح يبص للأرض ويقول: 'ربنا يستر من الدودة السنة دي'.. النهاردة الكاميرات والـ 'درون' المحملة بذكاء اصطناعي بتطير فوق الغيط، وتعمل مسح كامل للزرع!

البرنامج يقدر يقول للفلاح: 'الحوض ده عطشان، والمكان ده فيه بداية مرض في الورق محتاج رش بكرة الصبح!'

مش بس كده.. ده بيحدد كمية المية والأسمدة بالظبط على قد احتياج كل شجرة، يعني توفير في المية وتضاعف في المحصول.. زراعة بالمللي!"

الطب.. الطبيب اللي مش بينام

"من الأرض الخضراء.. نطلع على الطب وصحتنا!

تخيل إن فيه خوارزمية ذكاء اصطناعي تقدر تقرأ ألف أشعة مقطعية وأشعة سينية في ثواني معدودة، وتكتشف الأورام أو الأمراض في أول أيامها قبل ما تظهر حتى على المريض أو يلاحظها الدكتور!

في غرف العمليات.. فيه روبوتات طبية مدعومة بالذكاء الاصطناعي بتساعد الجراحين يعملوا عمليات دقيقة جداً في المخ أو القلب بدقة متناهية وبدون خطأ بشري واحد.

الصناعة.. مصانع بتشتغل من غير غلطة

في المصانع الكبيرة، الذكاء الاصطناعي هو المايسترو.. بيتنقل بين الماكينات ويراقب الصوت والاهتزازات.

قبل ما أي مكنة تعطل بأسبوع.. يبعت إشارة لمهندس الصيانة ويقوله: 'الحق المكنة رقم 5، الرولمان بلي بتاعها هيعطل كمان 48 ساعة!'.. حاجة اسمها الصيانة التنبؤية حماية خطوط الإنتاج من الوقوف وتوفر ملايين!

"ندخل على مجال الصيانة التنبؤية!

زمان كان لازم استنى لما سير الدينامو يقطع في العربية، أو الموتور يعمل صوت غريب عشان أروح للميكانيكي.. دلوقتي العربيات الحديثة والمصانع الكبيرة بقى فيها حساسات (Sensors) متوصلة بالذكاء الاصطناعي.

الذكاء الاصطناعي بيقيس اهتزازات الموتور، ودرجة الحرارة، ونمط قيادتك.. وفجأة ينزل لك إشعار على شاشة العربية يقولك: 'خلي بالك! قطعة الغيار دي باقي لها 500 كيلو وتبوظ، غيرها دلوقتي عشان متقفش بيك في الطريق!'.. يعني بالبلدي كده، الآلة بقت تحس بنفسها وتبلغك بمرضها قبل ما توقف حياتك!"

التصميم الداخلي والديكور

زمان عشان تشطب شقة، كنت تقعد مع مهندس الديكور أسابيع عشان يعمل لك رسمة 3D وتتخيل الألوان.. دلوقتي بتصور الأوضة بـ تلفونك وهي فاضية على بلاطها، وترفع الصورة على تطبيق ذكاء اصطناعي.

بتقول للتطبيق: 'عايز الأوضة دي بستايل مودرن، ألوانها بين البيج والأزرق، ومعايا ميزانية محدودة'.. في أقل من 5 ثواني، الذكاء الاصطناعي بيبني لك الأوضة متقسمة بالفرش، والسجاد، والبيوت النور، وبيقولك كمان تشتري كل قطعة منين وبكام! تقدر تتفرج على شقتك المستقبلية وتغير الألوان بلمسة صباع قبل ما تدفع جنيه واحد في النقاشة!"

المحاماة (المحامي الذي لا ينام)

ندخل في التقيل.. المحاماة والقضاء. تخيل محامي بيستلم قضية فيها 10 آلاف صفحة من العقود والمستندات. الطبيعي إنه محتاج فريق من المحامين المبتدئين وأسابيع عشان يقروا ويطلعوا ثغرة.

دلوقتي، المحامي بيرفع الورق ده على برنامج ذكاء اصطناعي، وفي أقل من 3 دقايق، البرنامج بيقرأ، يحلل، ويقول للمحامي: 'خلي بالك، في البند رقم 5 في الصفحة 400، في ثغرة قانونية تتعارض مع حكم محكمة النقض سنة 2015'!

المحاسبة والمالية (نهاية التلاعب)

"نسيب المحاكم ونروح للفلوس.. المحاسبة والمراجعة المالية. شغل المحاسب زمان كان تجميع فواتير، ترحيل قيود، ومراجعة ميزانيات بالورقة والقلم، وسهل جداً رقم يقع أو فاتورة تضرب.

الذكاء الاصطناعي قلب الطرابيزة! المراجع المالي دلوقتي بيستخدم أنظمة ذكية بتراجع ملايين العمليات الحسابية في جزء من الثانية. السيستم بيقدر يكتشف التلاعب لوحده.. يعني لو موظف متعود يصرف فاتورة غداء بـ 500 جنيه، وفجأة قدم فاتورة بـ 5000 جنيه، الذكاء الاصطناعي بيمسكها فوراً ويدي إنذار للإدارة. الذكاء الاصطناعي مابينساش، مابيتعبش، ومبيعرفش يجامل حد في الحسابات!".

التعليم (مدرس خصوصي تفصيل)

"نيجي بقى لأكتر حاجة بتوجع دماغ أي بيت مصري.. التعليم والمذاكرة. مشكلة المدارس إن المدرس بيشرح بطريقة واحدة لـ 40 طالب، مفيش وقت يراعي قدرات كل واحد. هنا بقى بيتدخل الذكاء الاصطناعي كـ 'مدرس خصوصي تفصيل'.

البرامج التعليمية دلوقتي بتدرس سلوك الطالب.. لو لقت ابنك بيفهم بالصور أكتر من الكلام، بتحول له درس التاريخ لقصة مصورة. لو لقته بطيء في استيعاب مسائل الرياضة، بتبسط له المسألة وتدي له أمثلة من اهتماماته (زي الكورة أو العربيات). يعني المنهج هو اللي بيتفصل على مقاس دماغ الطالب،

"الذكاء الاصطناعي مش شر مطلق، ومش خير مطلق.. هو أكبر تجربة خاضتها البشرية. السؤال الحقيقي مش هينتهي فين؟

السؤال هو: لما التكنولوجيا تبقى أذكى من الإنسان بمليون مرة.. هل الإنسان هيفضل هو السيد.. ولا هيبقى هو الشيء المستهلك؟

فكروا فيها.. ونشوفكم الحلقة الجاية".

رمضان عبد المقصود

رزق حلال | إزاي تعمل دراسة جدوى لمشروعك الصغير وأنت في بيتك؟

noreply@blogger.com (مجتمع بوست) — Thu, 27 Aug 2026 11:32:55 +0000

"رزق حلال" .. إزاي تعمل دراسة جدوى لمشروعك الصغير وأنت في بيتك؟

النهاردة في 'رزق حلال' مش جايين نقولك افتح مشروع وبس، إحنا جايين نقولك 'اتعلم الصنعة'. كتير بيبدأوا في تدوير المخلفات ويخسروا، والسبب؟ إنه فاكرها شوية كراتين وبلاستيك بيترموا فوق بعض. لا يا صاحبي، التدوير ده 'هندسة' ولو اتعلمت أصولها، هتبقى 'بريمو' في منطقتك."

· ليه بنقول تدريب مهني؟ بص يا سيدي، لو جالك طن بلاستيك وبعته زي ما هو، هتكسب 'قروش'. لكن لو اتعلمت إزاي تفرزه حسب 'الكود' (المثلث اللي ورا الإزازة)، وإزاي تشيل اللزق (الاستيكر) من غير ما تبوظ الخامة، وإزاي تشغل المكبس عشان تطلع 'بالة' بمواصفات المصانع العالمية.. هنا إنت بقيت 'صنايعي' وسعرك في السوق هيضرب في اتنين."

تتعلم فين في مصر؟ وكنا اتكلمنا قبل كدة في بعض أسماء المراكز في حلقات سابقة

· "دلوقتي في مصر، الموضوع بقى منظم جداً. عندك كذا طريق":

· مبادرات وزارة البيئة وجهاز تنظيم إدارة المخلفات: ودول بيعملوا ورش عمل للشباب بيعلموهم فيها إزاي يفرزوا من المنبع وإزاي يديروا مشروع صغير.

· الجمعيات الأهلية هناك فيه 'مدارس تدوير' حقيقية، بتعلمك الفرق بين أنواع البلاستيك السبعة، وإزاي تحول القماش القديم لشنط، وإزاي تصهر المعدن.

· التعلم الذاتي (Online): اليوتيوب فيه قنوات لمهندسين مصريين بيعلموك إزاي تعمل 'ماكينة تقطيع بلاستيك' يدوية في ورشتك.. يعني تتعلم الصنعة وتصنع المكن كمان!"

"السر في التخصص"

· التدريب المهني هيعلمك تخصصات مطلوبة جداً، زي:

· فني فرز إلكترونيات: (دي بقى منجم دهب!) إزاي تطلع الذهب والنحاس من بوردات الموبايلات والكمبيوترات القديمة.

· مشغل مكابس وخرامات: إزاي تتعامل مع المكن الكبير وتعمل له صيانة دورية.

· فني صناعات تحويلية: إزاي تحول خشب الطبالي القديم لقطع ديكور مودرن تتباع بآلاف.

. كتير مننا عنده فكرة مشروع تجنن، بس بيخاف يبدأ أو بيبدأ ويصطدم بالواقع.. ليه؟ عشان نسي يعمل 'دراسة الجدوى'. والكلمة دي مش صعبة زي ما أنتم فاكرين، يعني إيه دراسة جدوى أصلاً؟

ببساطة كده، دراسة الجدوى يعني بنسأل نفسنا: 'هل المشروع ده هياكل معانا عيش ولا هيخسرنا اللي ورانا واللي قدامنا؟'. ومن غير تعقيد، هي عبارة عن 3 أسئلة:

1. السوق محتاج إيه؟ الدراسة التسويقية

2. هعمله إزاي وبكام؟ الدراسة الفنية

3. هكسب منه إمتى؟ الدراسة المالية

خلونا ناخد مثال صغير.. لو هتعمل مشروع 'محل أكل بيتي' أو 'محل منظفات' في منطقتك، تعمل إيه؟

أولاً: شوف الناس اللي حوليك: ما تفتحش محل كشري وجنبك 5 محلات كشري! شوف إيه اللي ناقص المنطقة، ومين الناس اللي هتشتري منك؟ شباب؟ ستات بيوت؟ ده اللي بنسميه دراسة السوق.

ثانياً: احسبها بالمليم: المكان محتاج إيجار كام؟ الكهرباء؟ المكن أو المعدات؟ الخامات؟ والعمالة لو معاك حد؟ دي الدراسة الفنية.

ثالثاً: الفلوس هترجع إمتى؟: لو صرفت 50 ألف جنيه، هيرجعوا لك بعد سنة ولا سنتين؟ والمكسب الشهري المتوقع كام؟ دي الدراسة المالية.

نصيحة "ابن بلد"

· يا جماعة، في مصر عندنا ميزة عبقرية وهي 'روح المبادرة'. بس النصيحة الغالية: ابدأ صغير تكبر.. بلاش تحط كل تحويشة العمر في ديكورات ومظاهر وأنت لسه ما جربتش المنتج بتاعك في السوق. جرب في نطاق ضيق، وشوف رد فعل الناس، وبعدين وسع براحتك.

تعال نشوف مثلا مشروع "تجميع وكبس البلاستيك والورق

مشروع "إعادة التدوير" (Recycling) في مصر حالياً "بيجيب فلوس ذهب" لو اتنفذ صح، لأنك بتشتري "خردة" بسعر رخيص وبتبيعها "خامة صناعية" بسعر غالي.

الدراسة التسويقية (السوق محتاج إيه؟)

· مين زبونك؟: المصانع الكبيرة (بتاعة المواسير، الشماعات، الكراسي البلاستيك، أو مصانع الكرتون).

· المنافسة: فيه تجار كبار، بس السوق واسع جداً ومصر بتنتج آلاف الأطنان من المخلفات يومياً،

· التميز: ميزتك هتكون في "الفرز". لو طلعت خامة نظيفة ومفروزة (شفاف لوحده، ألوان لوحدها)،

الدراسة الفنية (محتاج إيه عشان تبدأ؟)

· المكان: محتاج مخزن (حوالي 50 لـ 100 متر) في منطقة مسموح فيها بالنشاط ده عشان الدوشة وسهولة دخول النقل.

· المعدات (الأساسيات):

· ميزان طبلية: عشان توزن اللي بتشتريه واللي بتبيعه.

· مكبس هيدروليك: (ده أهم قطعة) عشان يحول "جبل" البلاستيك أو الكرتون لـ "بالات" صغيرة سهلة النقل.

· تروسيكل أو عربية ربع نقل: (ممكن في البداية تعتمد على التروسيكلات اللي بتلف وتشتري منها مباشرة .

الدراسة المالية (الحصالة فيها كام؟)

· التكاليف الثابتة: (إيجار المخزن + ثمن المكبس والميزان). المكبس المستعمل ممكن يبدأ من 30 لـ 50 ألف جنيه (حسب الحالة وقوة الكبس).

· التكاليف المتغيرة: (كهرباء + يومية العمال + ثمن شراء الخردة) .

هامش الربح:

· عشان تحسبها صح وتعرف "القرش هيروح فين ويجي منين"، لازم تعرف الأسعار اللي ماشية في السوق دلوقتي (بداية 2026). طبعاً الأسعار دي "سوقية" يعني ممكن تزيد أو تقل شوية حسب التاجر وحسب المنطقة، بس دي الرينجات (المعدلات) اللي هتشتغل عليها:

· مثلا البلاستيك:

· بلاستيك شفاف (زجاجات المياه والبيبس): ده الأغلى، الكيلو بيعمل من 19 لـ 30 جنيه. (يعني الطن يوصل لـ 30,000 جنيه).

· بلاستيك خليط / مكسر: الكيلو في حدود 17 لـ 20 جنيه.

· بلاستيك ناشف: الكيلو بيبدأ من 4 لـ 7 جنيه.

· مثلا المعادن (الربح السريع)

· الكانز (الألومنيوم): الكيلو بيوصل لـ 85 - 100 جنيه (الطن ممكن يكسر الـ 100 ألف جنيه).

· الألومنيوم الخردة: من 66 لـ 98 جنيه للكيلو.

· الحديد الخردة: الكيلو من 18 لـ 20 جنيه (الطن بـ 18,000 - 20,000 جنيه) .

· النحاس: ده "الذهب الأحمر"، الكيلو بيبدأ من 280 ويصل لـ 450 جنيه حسب نوعه (أصفر ولا أحمر).

· الورق والكرتون

· الكرتون المستعمل: سعره حالياً بيتراوح ما بين 4000 لـ 7000 جنيه للطن

· هتشتري: طن بلاستيك "خردة" من السريحة (مثلاً الكيلو بـ 15 جنيه) = 15,000 جنيه.

· هتصرف: (نقل + عمالة فرز + كهرباء مكبس) = حوالي 2,000 جنيه لكل طن.

· هتبيع: الطن "مفرز ومكبوس" للمصنع (الكيلو بـ 25 جنيه) = 25,000 جنيه.

· صافي ربحك 8000 جنيه في الطن الواحد!

· غالباً مكسب الطن "الصافي" في البلاستيك أو الكرتون في مصر بيتراوح من 2000 لـ 5000 جنيه حسب نوع الخامة ونظافتها.

خطوات التنفيذ (تبدأ إزاي؟)

· اتفق مع "السريحة": دول الشباب اللي بيلفوا بالتروسيكلات، قولهم "أنا هشتري منكم بأعلى من السوق "، كده ضمنت الموردين.

· فرز يدوي: لازم تفصل البلاستيك بتاع ازايز الميه، عن بتاع ازايز الشامبو والمنظفات، لأن كل واحد له سعر.

· الكبس: اكبس الخامة عشان توفر في مصاريف النقل. (العربية اللي تشيل طن "منفوش" تشيل 5 طن "مكبوس").

· التوريد: ابني علاقة مع "وسيط" أو "مصنع" مباشرة وورد له بانتظام.

· المشروع ده سر نجاحه في "العلاقات". لازم تكون حريف في التعامل مع السريحة (عشان يوردوا لك) وحريف في التعامل مع أصحاب المصانع (عشان تاخد فلوسك كاش أو بمواعيد مظبوطة).

عشان تخلي أصحاب المحلات والمطاعم السوبر ماركت يوردوا لك الخردة (بلاستيك، كرتون، كانز) وهم مبسوطين:

زي : "ازايز الزيت الفاضية والكانز دي فلوس مرمية، أنت قوله انا هحط لك صندوق هنا وكل ما يتملي هتاخد قصاده [مبلغ كاش / أو منظفات للمطعم]."

· العب على "توفير المجهود والفلوس"

المطاعم والمحلات بيعانوا من تراكم الكراتين وازايز المية، وبيدفعوا فلوس عشان حد يشيلها أو يرموها.، إنت هتقول له بدل ما الكراتين والزجاجات زاحمة المكان عندك وبترميها، أنا هجيلك بمواعيد ثابتة أشيلها لك، وهنضف لك المكان من الكركبة دي، وكمان هدفع لك فيها مقابل."

· نظام "التبديل" أو "النقاط" (الفكرة الذكية)

بدل ما تدفع كاش بسيط ممكن ما يغريش صاحب المحل، اعمل نظام تبديل:

مثلاً: لو مطعم بيستخدم منظفات كتير، قوله "كل كمية كرتون أو بلاستيك هتجمعهالي، هجيبلك قصادها جركن صابون سايل أو كلور" (إنت بتشتريهم بالجملة فبيقفوا عليك رخيص، وهو بيستفيد بمنتج بيستخدمه يومياً ، الفائدة: كده إنت ربطته بيك بعلاقة منفعة متبادلة.

· وفر له "صناديق واكياس تجميع"

ما تطلبش منه يجمع لك الحاجة في الأرض.

اعمل إيه؟: وزع عليهم "اكياس" كبيرة أو "صناديق بلاستيك" وعليها لوجو مشروعك ورقم تليفونك.

الكلمة السحرية: "يا فندم، الصندوق ده خليه ورا المحل، ارمي فيه أي بلاستيك أو كرتون، وأنا هعدي كل يومين أفضيه وأوزنه قدامك." (ده بيخلي الموضوع "شيك" ومنظم وما يضايقش البلدية أو الزبائن).

· ميزة "المواعيد المقدسة"

صاحب المحل بيحترم جداً "الكلمة". ، لو قلت هعدي السبت الساعة 10 الصبح، يبقى 10 الصبح تكون هناك. لو اتأخرت، الكرتون هيتراكم عنده وهيرميه لأول حد يعدي. الالتزام هو اللي هيخليك "المورد المعتمد" ليه.

· العب على "البرستيج" (المحل الأخضر)

دلوقتي المطاعم والبراندات الكبيرة بتحب تظهر قدام الزبائن إنها "صديقة للبيئة".

اعمل له استيكر: "هذا المكان يساهم في حماية البيئة بالتعاون

مصر مليانة خير، بس الخير ده محتاج 'عقل يفكر' و'إيد تشتغل'. وبلاش تخاف من البدايات الصغيرة. ابدأ باللي معاك، ومن قلب منطقتك، وافتكر دايماً إن الجبل بيبدأ بحصوة، والمصنع الكبير بدأ بماكينة واحدة.

لو عندك أي سؤال في اللي قلناه، أو عايزنا نحسبلك حسبة مشروع معين، ابعت لنا على صفحتنا.. وإن شاء الله نرد عليك في الحلقة الجاية.

نهاركم سعيد ورزقكم واسع.. سلام!

رمضان عبد المقصود

القدر يبدع في تصفية الحسابات.. "فلا تحزنوا"

noreply@blogger.com (مجتمع بوست) — Sun, 23 Aug 2026 15:17:14 +0000

القدر يبدع في تصفية الحسابات.. "فلا تحزنوا"

ساعات بتبقى الحكاية مش مجرد موقف عدى.. بتبقى جرح من أقرب الناس. وتتفاجأ إن أول إيد اتمدت عشان تطعنك أو تنكر فضلك.. كانت إيد حد من دمك!

في اللحظة دي بالذات، بتحس بالحزن، وسؤال بيتردد جوه دماغك: " ليه الجحود؟".

"عمرك شفت حد ظلمك، كسر بخاطرك، أو أخد حقك.. وفي لحظة لقيت الأيام بتدور وبتجيبلك حقك لحد عندك؟

ساعات بنقعد نفكر ونقول: هي العدالة تأخرت ليه؟ هو الحق أصلًا بيرجع؟

سواء اتظلمت؟ نمت بدمعتك؟ إوعى تفتكر إن الموضوع انتهى.. الحكاية كلها إن القدر لسه بيرتب المشهد الأخير!"

"أغلبنا لما بيتظلم، بيبقى عايز يشوف الانتقام في ساعتها.. عايزه يدوق من نفس الكأس. بس الحقيقة إن البشر لما بياخدوا حقهم بإيديهم، بياخدوه بقلة حيلة وبغشم. لكن تصفية الحسابات الإلهية حاجة تانية خالص...

عارف لما تلاقي أخ شايف نفسه على أخوه لمجرد إن ربنا وسّع عليه في الرزق؟ معاه قرشين زيادتين، أو عنده عزوة وجاه، فيبص لأخوه الأقل منه بنظرة استعلاء، ويحسسه إنه ملوش قيمة ولا رأي!

جحود بعض الأقارب مش حاجة جديدة، ولا أنت أول واحد تدوق مرارته. التاريخ والقرآن حكوا لنا إن أشد أنواع الابتلاءات بتيجي أحياناً من جوه البيت.

· طب تعالى نرجع بآلة الزمن شوية.. وتعالى نشوف أعظم قصة جحود عائلي عرفها التاريخ، عشان تعرف إنك مش لوحدك، وإن اللي أنت فيه ده مش نهاية المطاف."

· افتكر معايا قصة سيدنا يوسف.. ولد صغير، بريء، معملش أي حاجة في دنيته غير إنه كان محبوب من أبوه. إخواته - اللي هما سنده في الدنيا - بدل ما يحموه، الغل والحسد أكل قلوبهم.

· عملوا إيه؟ اجتمعوا عليه، خططوا، ورموه في البئر وسابوه لمصير مجهول، ورجعوا لأبوهم بدم كذب، وبكل جحود قالوا: 'أكله الذئب'.

· تخيل معايا لحظة يوسف وهو في الضلمة جوه البئر؟ ولد صغير، أهله وإخواته هما اللي رموه! كمية القهر والحزن اللي كانت ممكن تقتله ؟

· بس ربنا سبحانه وتعالى كان ليه ترتيب تاني خالص.. البئر اللي رموه فيه.. كان بداية الطريق للقصور! والعبودية اللي عاشها.. كانت بداية الطريق عشان يبقى عزيز مصر! والسجن اللي دخله مظلوم.. كان المؤهل إنه ينقذ أمة كاملة من المجاعة!"

· "عارف إيه الجميل في القصة؟ إن إخوات سيدنا يوسف لما رموه، كانوا فاكرين إنهم أنهوا قصته، فاكرين إنهم طفوا نجوميته. بس هما في الحقيقة، ومن غير ما يقصدوا، كانوا بينفذوا إرادة ربنا إنه يرفعه فوقيهم كلهم!

· مرت السنين.. والجوع ضرب الأرض كلها. القحط والفقر بقى هو الحاكم. وفجأة.. نفس العشر رجالة دول، واقفين منكسين الرأس، بيستجدوا أكل وقمح من راجل قاعد على عرش أعتى مملكة في الوقت ده.. عزيز مصر.

· اللحظة دي مش مجرد لقاء عادي.. دي اللحظة اللي الذل والقهر والرجاء بيجتمعوا في عينين إخوة يوسف!

· إخوة يوسف داخلين البلاط الملكي.. مش داخلين كفرسان ولا كرجالة أصحاب نفوذ، الجوع والقحط كسر كبرياءهم،

· يوسف عليه السلام قاعد على العرش.. عرفهم من أول ثانية! أول ما شاف وجوههم، افتكر اللحظة اللي رموه فيها في البئر، افتكر دموع أبوه يعقوب اللي أبيضت عيناه من الحزن. لكن هما؟ ولا فاهمين أي حاجة. بالنسبة ليهم، ده حاكم مصر الصارم اللي بيده يطعمهم أو يموتهم جوع.

· القرآن لخص المشهد ده في كلمات تهز الوجدان: (يَا أَيُّهَا الْعَزِيزُ مَسَّنَا وَأَهْلَنَا الضُّرُّ وَجِئْنَا بِبِضَاعَةٍ مُّزْجَاةٍ فَأَوْفِ لَنَا الْكَيْلَ وَتَصَدَّقْ عَلَيْنَا)

· شوف حجم الذل في الكلام! "مسنا وأهلنا الضر".. إحنا بنموت من الجوع يا سيادة العزيز! "وجئنا ببضاعة مزجاة".. يعني جايبين شوية فلوس أو بضاعة رديئة وقليلة ما تسواش حاجة، مالهاش قيمة! "وتصدق علينا".. الإخوة اللي كانوا من شوية أصحاب كبرياء، بقوا بيطلبوا الصدقة!

· هنا يوسف عليه السلام بيبص لهم.. خلاص، الأمانة اتأدت، والدائر دارت، والدرس اكتمل. يوسف ما استخدمش سلطته عشان ينتقم ولا يسجنهم ولا يذلهم زيادة.. هو أراد يصحّي ضميرهم الميت.

· بص لهم ونطق بالجملة اللي نزلت عليهم زي الصاعقة: (هَلْ عَلِمْتُم مَّا فَعَلْتُم بِيُوسُفَ وَأَخِيهِ إِذْ أَنتُمْ جَاهِلُونَ؟)

· سكت المكان! الهواء اتجمد في الصالة! إيه ده؟ العزيز يعرف اسم "يوسف"؟ يعرف السر اللي مدفون من عشرات السنين وما يعرفوش حد في مصر كلها؟

· العيون اتوسعت.. النفس اتكتم.. بصوا في وشه كويس، ودققوا في ملامحه اللي غطتها السنين وتاجات الملك..

· أَئِنَّكَ لَأَنتَ يُوسُفُ؟) أنت.. أنت يوسف؟! الطفل اللي رميناه في الضلمة؟ العبد اللي اتباع بدراهم معدودة؟ هو أنت اللي بقيت بيدك قوتنا وحياتنا؟

· تخيل كمية القهر والكسرة اللي حسوا بيها في اللحظة دي.. موقف لا يحسدوا عليه. العجز التام أمام الشخص اللي ظلموه. كانوا مستنيين حكم الإعدام، مستنيين انتقام جبار.

· لكن يوسف.. أخلاق الأنبياء.. رد بمهابة وعزة من غير غرور

· الإخوة ما لقوش كلام يقولوه، غير الاعتراف الكامل بالهزيمة والذنب

· وفجأة.. ييجي العفو اللي يكسر أي كبرياء متبقي

· ده بالظبط اللي كان جواهم.. كانوا شايفين إنهم عصبة أقوياء، أصحاب مال وتجارة، ويوسف وأخوه مجرد ضعفاء مالهمش وزن ولا سلطة. التكبر بالدنيا زغلل عينيهم، ولغا عقولهم، وخلاهم يقنعوا نفسهم إن القوة والمال هما اللي بيعملوا قيمة للبني آدم، مش التقوى والأخلاق!

· نسوا إن القرش بيجي ويروح، وإن العزوة والسلطة في ثانية ممكن يطيروا زي الغبار.. ونسوا إن اللي رزقهم قادر في لحظة واحدة يقلب الآية، ويخلي الغني فقير يستجدى القوت، والضعيف المظلوم هو المالك والحاكم!

· عشان كده بقولك: لا تحزن.

· لما تشوف جحود من عيلتك أو قرايبك.. لا تحزن، وافتكر حديث النبي: 'عَجَبًا لأَمْرِ الْمُؤْمِنِ، إِنَّ أَمْرَهُ كُلَّهُ خَيْرٌ'.

· لما حفرتك تجيلك من أقرب الناس.. لا تحزن، يمكن الحفرة دي هي البئر اللي هينقلك للمكانة اللي تستاهلها.

· لما تتقفل الأبواب في وشك ويتخلى عنك الكل.. افتكر قوله تعالى: ﴿فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا﴾.

· ربنا مش بيسيب الظالم، ومش بينسى المظلوم. والمحنة اللي أنت شايفها دلوقتي وبتبكي عليها، بكرة الصبح هتكتشف إنها كانت أكبر نعمة في حياتك."

إخوة سيدنا يوسف رموه في البئر.. والسبب؟ لمجرد الحقد والغيرة! لكن النهاردة، في زمننا ده، الجحود أخد أشكال تانية:

· تعمل الواجب ، ويتقال عليك "ده بيعمل كده عشان المنظرة".

· تقف جنبه في أزمته، وأول ما يقف على حيله.. ينسى اسمك أو يقلل من قيمتك.

· تضحي بإنك تريحهم على حساب نفسك، وفي الآخر تسمع كلمة: "محدش طلب منك تعمل كده!".

شعور القهر ده صعب، والوجع لما ييجي من القريب بيبقى أضعاف.. بس السؤال المهم: هل يستاهل إنك تحرق دمك وصحتك عليه؟

الدكتور مصطفى محمود الله يرحمه قال كلمة تختصر الدنيا دي كلها لما قال: "بدل ما نندفع للحقد والثار والانتقام.. ده كلها ساعة! ربنا بيقول إن الحكاية كلها ساعة، طب ما نستحمل الساعة دي بحلوها ومرها.. المبتلى يصبر، والمنعم عليه يشكر".

أيوة.. هي الدنيا كلها على بعضها "ساعة"! ليه تخلي قسوة حد تسرق منك صفاء قلبك؟ وليه تخليهم يغيروك ويخليك تحقد أو تكره؟ لما تعمل الخير مع حد وينكره، افتكر إنك ما كنتش بتعمله علشانه هو.. أنت كنت بتعمله لله. والبضاعة اللي بتتسجل عند ربنا عمرها ما بتضيع ولا بتتنسى.

علشان كده.. "لا تحزنوا".

· لو قابلوا إحسانك بجحود: اعرف إن المشكلة في نفوسهم هما، مش في أصلك أنت.

· لو اتظلمت: قفل الصفحة واستعوض ربنا، وافتكر إن حسيبك هو رب القلوب.

· واعمل حدود صحية: صلة الرحم واجبة، بس مش معناه إنك تسلم رقبتك للي بيأذيك كل شوية. استحمل "الساعة" دي بكل ما فيها، وعيش بقلب أبيض وسليم.. عشان يوم ما نقابل ربنا، نروح له بوش أبيض، وقلب خالي من الغل والحقد.

القدر لما بيتصرف، مش بس بيرد الحق، ده بيبدع في الإخراج!

تلاقي الظالم يلف يلف، وتجيله الضربة من أكتر مكان كان مطمن له.. من نفس الباب اللي دخلك منه الأذى، يدخله هو الخيبة. .

علشان كده، لو خرجت من تجربة مكسور، أو سيبت حقك عشان مش قادر تجيبه.. لا تحزنوا.

عارف ليه؟ لأن سكوتك ده مش ضعف، ده تسليم للمحكمة الأكبر. وأي حساب بيتسجل فوق، مفيش فيه بند بيضيع ولا حق بيسقط بالتقادم".

افتكر دايماً: أصعب وأجمل تدبير.. هو التدبير اللي بيحصل في الخفاء وأنت نايم مطمن.

القدر مبينساش حد.. القدر فقط بيبدع في اختيار الوقت المناسب!"

القدر مابيردش الضربة بضربة زي البشر.. القدر بيبدع في الإخراج!

لا تحزنوا.. ربنا شايف، وعارف

اطمن.. ارمي حمولك على الله.. وقول لنفسك كل يوم: لا تحزنوا، إن الله معنا."، والسلام.

رمضان عبد المقصود

«المعجم الموسوعي لمصطلحات الوقف والعمل الخيري».. إصدار جديد للدكتور عطية الويشي عن أوقاف قطر

noreply@blogger.com (مجتمع بوست) — Thu, 13 Aug 2026 22:50:14 +0000

كتب | محمد أبو الوفا

شهدت الساحة المعرفية والحضارية إصدارًا علميًا فريدًا صدر عن وزارة الأوقاف والشؤون الإسلامية بدولة قطر، ممثلةً في مركز الدراسات الوقفية بالإدارة العامة للأوقاف، بعنوان: «المعجم الموسوعي لمصطلحات الوقف والعمل الخيري» من إعداد الباحث والدكتور عطية الويشي.

ويُعد هذا المعجم ثمرة رحلة علمية استمرت نحو عشرين عامًا من البحث والاستقراء؛ استهدف خلالها المؤلف تتبع لغة الوقف والعمل الخيري، واستخلاص مفرداتها من أمهات كتب التراث، ووثائق الأوقاف، والمصادر الفقهية، والتاريخية، والقانونية، والاقتصادية، والاجتماعية، إلى جانب التجارب المعاصرة والقديمة للعمل الخيري والإنساني.

أرقام ودلالات من داخل المعجم

الحجم: يقع المعجم في قرابة 1,000 صفحة.

المداخل الاصطلاحية: يضم نحو 1,738 مصطلحًا رئيسًا مفهرسًا.

التفاصيل: يحتوى على عدد كبير من الصور، والتفريعات، والمفاهيم المندرجة تحت المداخل الرئيسة؛ بما يعكس الثراء المفاهيمي الذي أنتجته الحضارة الإسلامية في مجالات البر، والتطوع، والإحسان عبر التاريخ.

أبعاد المشروع ورسالته الحضارية

يتجاوز المعجم فكرة الجمع اللغوي والتعريف التقليدي إلى استعادة لغة حقل حضاري كامل؛ بهدف ضبط مفاهيمه، وإعادة مصطلحاته إلى سياقاتها ودلالاتها الأصيلة، وبناء أداة مرجعية للتوافق المعرفي والعلمي بين الباحثين والمؤسسات العاملة في القطاع الثالث.

وأكد الدكتور عطية الويشي أن هذا المعجم، رغم جهده الشامل، يظل عملًا إنسانيًا مفتوحًا للتطوير والإضافة؛ نظرًا لضخامة الرصيد الحضاري للوقف والعمل الخيري، متوجهًا بالشكر والتقدير لوزارة الأوقاف والشؤون الإسلامية بدولة قطر، والإدارة العامة للأوقاف، ومركز الدراسات الوقفية على ما أولوه للمشروع من عناية وتحكيم وطباعة ونشر، داعيًا الله أن يحقق المعجم أهدافه في تجديد فاعلية الوقف في المجتمعات المعاصرة.

من هو الدكتور عطية الويشي؟

‏مفكر وكاتب وأستاذ جامعي، مهتم بقضايا فلسفة التاريخ والحضارة والفكر الإسلامي
دكتوراه الفلسفة في التاريخ والحضارة الإسلامية من جامعة بنها - مصر.
باحث وخبير متخصص في الدراسات الفقهية والوقفية وقضايا العمل الخيري والإنماء الاجتماعي.
يمتلك رصيدًا حافلاً من البحوث والدراسات العلمية المحكّمة التي تركز على استعادة المفاهيم الحضارية الإسلامية وتطبيقها في الواقع المعاصر.
له إسهامات بارزة في ضبط المصطلحات الوقفية وتأصيل أطرها التشريعية والمؤسسية.

منن الكود إلى الأوامر.. الذكاء الاصطناعي يعيد اختراع صناعة الألعاب

noreply@blogger.com (مجتمع بوست) — Wed, 12 Aug 2026 23:11:06 +0000

منن الكود إلى الأوامر.. الذكاء الاصطناعي يعيد اختراع صناعة الألعاب

من كتابة آلاف الأسطر البرمجية إلى صياغة بضعة أوامر نصية، تتغير الطريقة التي تبنى بها ألعاب الفيديو أمام أعيننا، فقد أتاح التطور المتسارع في نماذج الذكاء الاصطناعي التوليدي إمكانية تحويل فكرة مكتوبة إلى نموذج لعبة قابل للتجربة، في تحول قد يعيد رسم ملامح صناعة تقدر قيمتها بنحو 300 مليار دولار.

وتكشف موجة جديدة من التجارب، رصدتها وكالة "أكسيوس" (Axios)، عن مطورين ومستخدمين يوظفون نماذج لغوية متقدمة لإنشاء ألعاب تحاكي أنماطا معروفة في التصويب والسباقات والإستراتيجية، عبر توجيه الذكاء الاصطناعي بأوامر نصية بدلا من بناء كل مكونات المشروع يدويا، وهو ما يفتح الباب أمام مرحلة يصبح فيها امتلاك الفكرة والقدرة على صياغة الأوامر جزءا أساسيا من أدوات صناعة الألعاب.

لعبة بأوامر نصية

الفكرة تبدو بسيطة، يصف المستخدم اللعبة التي يريدها، ثم يطلب من النموذج إنشاء العناصر الأساسية لها، لكن خلف هذا الأمر القصير تعمل سلسلة معقدة من المهام البرمجية، تشمل بناء الواجهة، وكتابة منطق اللعبة، وإضافة الحركة والفيزياء، وإنشاء العناصر البصرية والصوتية، ثم تعديل النتيجة بناء على الملاحظات.

وتشير "أكسيوس" إلى أن ما يسمى "غاونتليت لوب" (Gauntlet Loop) أصبح أحد أساليب العمل البارزة في هذا المجال؛ إذ يقوم المستخدم بتوجيه النموذج لإنشاء اللعبة، ثم اختبار الناتج، وتحديد الأخطاء أو الأجزاء الضعيفة، وإعادة توجيهه لإجراء التحسينات. وبهذا يتحول المطور تدريجيا من شخص يكتب كل سطر برمجي إلى مدير للعملية يحدد المطلوب ويراجع النتائج.

ولا تقتصر هذه التجارب على الألعاب البسيطة الثنائية الأبعاد، فقد أظهرت تجارب حديثة مع نماذج مثل كلاود أوبوس 5 (Claude Opus 5) قدرة على إنتاج نماذج ثلاثية الأبعاد تتضمن الحركة والفيزياء والصوت، وهو ما يوضح مدى السرعة التي انتقلت بها تقنية "النص إلى اللعبة" خلال فترة قصيرة.

صناعة أسرع وأرخص

أكبر تأثير محتمل لهذه التقنية قد لا يكون في الألعاب التي ينشئها الهواة، وإنما في الطريقة التي تطور بها الاستوديوهات ألعابها، فتطوير الألعاب التجارية الكبرى يحتاج عادة إلى فرق متعددة التخصصات تضم مبرمجين وفنانين ومصممي مستويات وكتابا ومختصي صوت واختبار.

ويمكن لأدوات الذكاء الاصطناعي أن تختصر بعض مراحل العمل، خصوصا إنشاء النماذج الأولية وتجربة الأفكار وتوليد أجزاء من المحتوى.

وبحسب تقرير نشرته وكالة رويترز، تستخدم شركات الألعاب الذكاء الاصطناعي بالفعل في مجالات تشمل إنتاج الرسوم، وتسريع سير العمل، وإنشاء الحوارات، مع توجه الشركات والمطورين المستقلين إلى هذه الأدوات بهدف خفض التكاليف وتسريع الإنتاج.

وهذا قد يفتح الباب أمام فرق صغيرة وأفراد لتنفيذ أفكار كانت تتطلب موارد بشرية ومالية كبيرة، كما قد يسمح للمطورين بتجربة عشرات الأفكار بسرعة قبل اختيار المشروع الذي يستحق الاستثمار فيه.

لكن الإبداع لا يزال العقبة

رغم هذا التقدم، فإن القدرة على إنتاج لعبة قابلة للعب لا تعني أن الذكاء الاصطناعي أصبح قادرا على صناعة لعبة ناجحة من الصفر، وتشير أكسيوس إلى مفارقة مهمة، وهي أن النماذج الحالية تبدو أفضل في إعادة إنتاج تجارب ألعاب موجودة منها في ابتكار أفكار جديدة كليا. فقد تستطيع محاكاة عناصر مألوفة من ألعاب التصويب أو المنصات والسباقات، لكنها لا تزال تواجه صعوبة في بناء تجربة أصلية تمتلك عمقا وتصميما متماسكا وشخصية فنية يمكن أن تستمر سنوات.

وهنا يظهر الفرق بين "إنشاء لعبة" و"صناعة لعبة جيدة"، فالأول أصبح أسهل بكثير، أما الثانية فما زالت تحتاج إلى فهم تصميم اللعب، وسلوك اللاعبين، والسرد، والإيقاع، والتوازن، والاختبار المستمر.

أزمة الملكية الفكرية

هناك جانب آخر أكثر تعقيدا يتعلق بالمحتوى الذي تنتجه هذه النماذج، فكلما أصبحت أدوات الذكاء الاصطناعي أفضل في تقليد الألعاب والشخصيات والأساليب البصرية المعروفة، زادت الأسئلة المتعلقة بحقوق الملكية الفكرية.

وتشير رويترز إلى أن قوانين حقوق الطبع والنشر لم تتغير لمجرد دخول الذكاء الاصطناعي إلى صناعة الألعاب، وأن الحماية القانونية ترتبط عموما بالمساهمة البشرية الإبداعية، أما المحتوى الذي ينتجه الذكاء الاصطناعي وحده فقد لا يتمتع بالحماية نفسها، بينما يمكن أن تحظى العناصر التي يوجهها الإنسان ويعدلها ويضيف إليها بمستوى مختلف من الحماية.

وتزداد المشكلة تعقيدا عندما يكون الناتج قريبا جدا من لعبة موجودة، أو عندما تستخدم النماذج بيانات محمية بحقوق الملكية في عملية التدريب، لذلك ستحتاج شركات الألعاب إلى وضع سياسات واضحة بشأن استخدام هذه الأدوات وتوثيق كيفية إنتاج الأصول الرقمية.

المطور لن يختفي.. لكنه سيتغير

السيناريو الأكثر ترجيحا في المدى القريب ليس اختفاء مطوري الألعاب، بل تغير طبيعة عملهم، فبدلا من قضاء الجزء الأكبر من الوقت في تنفيذ المهام البرمجية المتكررة، قد يصبح المطور مسؤولا بدرجة أكبر عن تحديد الفكرة، وتصميم التجربة، وكتابة التعليمات، ومراجعة مخرجات الذكاء الاصطناعي وربط مكوناتها.

وفي المقابل، قد تواجه الصناعة مشكلة جديدة تتمثل في وفرة الألعاب، فإذا أصبح إنتاج نموذج قابل للعب متاحا للجميع تقريبا، فقد تمتلئ المتاجر والمنصات بآلاف الألعاب التي أنشئت بسرعة، لكن من دون الجودة أو الأصالة التي يبحث عنها اللاعبون.

وهكذا لا تبدو "شفرة الغش" الجديدة في صناعة الألعاب مجرد أداة لتسريع البرمجة، بل تحولا في السؤال الأساسي، وهو هل يحتاج صانع اللعبة مستقبلا إلى أن يعرف كيف يكتب آلاف الأسطر من الكود، أم أن المهارة الأهم ستكون معرفة ما الذي يجب أن يطلبه من الذكاء الاصطناعي؟

الإجابة لا تزال قيد التجربة، لكن التطور الحالي يشير إلى أن المسافة بين فكرة مكتوبة على الشاشة ولعبة قابلة للعب أصبحت أقصر من أي وقت مضى.

المصدر | الجزيرة نت

مصيدة الشاشات.. لما التكنولوجيا تسحب عمرنا | الإدمان الالكتروني

noreply@blogger.com (مجتمع بوست) — Sat, 11 Jul 2026 10:10:33 +0000

مصيدة الشاشات.. لما التكنولوجيا تسحب عمرنا .. الإدمان الالكتروني

· في زمنٍ تحولت فيه 'النقرة' إلى قيد، و'الشاشة' إلى جدارٍ عازل بين المرء ونفسه، وبين الابنِ وأهله.. نجدُ أنفسنا أمام أكبر عملية اختطافٍ علنية في التاريخ! اختطافٌ لا يُستخدم فيه السلاح، بل تُستنزف فيه العقولُ عبرَ شلالاتٍ من 'اللايكات'

· "بيقولوا إن السجن قيد وحديد وسور عالي.. بس الحقيقة إن ألعن أنواع السجون هو السجن اللي بتدخله برجليك، وتقفل على نفسك الباب، وتكون إنت السجان والمجني عليه في نفس الوقت!

· الإدمان الإلكتروني مش مجرد موبايل ماسكينه زيادة شوية، ده غول ناعم بيمص في عمرنا بالبطيء، بياخد مننا أحلى سنين الحياة، ويدينا مكانها 'لايك' مزيف و'كومنت' ملوش طعم.

· كان زمان الإدمان معناه مادة بتدخل الجسم وتغيب العقل.. لكن النهاردة، الإدمان مبقاش محتاج لسرنجة ولا حباية.. الإدمان بقى بيجي في غلاف شيك، ناعم الملمس، وبيلمع في الضلمة! شاشة صغيرة، بقينا عايشين بجسمنا في مكان، وأرواحنا وعيونا متكتفة جوه مستنقع افتراضي لا بيرحم ولا بيشبع.

· السوشيال ميديا والألعاب الإلكترونية مش معمولة بالصدفة، دي معمولة بذكاء شديد عشان تفرز في دماغك هرمون اسمه "الدوبامين" – هرمون السعادة السريعة. كل ما تعمل سكرول وتلاقي فيديو يضحكك، الدماغ تقولك: "الله.. هات كمان!". فتبص تلاقيك دخلت السرير بالليل عشان تنام، وتفوق تلاقي الساعة بقت 3 الفجر.

· النهاردة مش جاي أقولك إن الإنترنت شرير، ولا هعمل فيها عم الحج اللي بيقولك "سيب الزفت ده وقوم ذاكر". لأ خالص، الإنترنت ده أكل عيشنا وحياتنا.

إيه هو الإدمان الإلكتروني

الإدمان الإلكتروني مش معناه إنك بتستخدم النت عشان شغلك أو دراستك، لأ خالص. ده ببساطة هو حالة من الارتباط المرضي بالأجهزة والشاشات (زي الموبايل، اللاب توب، السوشيال ميديا، أو الجيمز). يعني تلاقي نفسك مش قادر تستغنى عن الموبايل ثانية واحدة، ولو سيبته يجيلك قلق وتوتر. باختصار كده: هو إن التكنولوجيا تتحول من 'وسيلة' بتساعدك في حياتك، لـ 'سيد' بيمشي حياتك ويتحكم في وقتك ومشاعرك."

طرق ووسائل الإدمان الإلكتروني (المصايد اللي بنقع فيها)

"طب هو إحنا بنقع في المصيدة دي إزاي؟ الشركات الكبيرة دي مش بتلعب ، دول بيستخدموا وسائل مخصصة عشان يخلوك 'مدمن':

خوارزميات السوشيال ميديا (الـ Scroll اللانهائي): تنزل تلاقي فيديو ورا فيديو، مفيش نهاية للصفحة، تحس إنك في ساقية بتلف فيها ومش عارف تقف.

الإشعارات (الـ Notifications): الصوت اللي بيعمل 'دينج' ده.. ده مش مجرد صوت، ده منبه بيلعب على هرمون الدوبامين في دماغك، بيخليك تجري تشوف مين عمل لايك أو مين بعت رسالة.

ألعاب الفيديو (الـ Gaming): الألعاب اللي متصممة بنظام المكافآت المستمرة.. تكسب جيم، تفتح ليفل جديد، تشتري سكن جديد.. فـ تلاقي الساعات بتجري وأنت مش داري.

فوبيا الفوتو (FOMO): أو 'الخوف من إن يفوتك حاجة'. تحس لو قفلت الموبايل ساعة، في تريند هيفوتك أو خناقة على الفيسبوك مش هتلحقها!"

مخاطر الإدمان الإلكتروني (الفاتورة الغالية اللي بندفعها)

"ولما بنقع في المصيدة دي، الفاتورة بتبقى غالية أوي على فكرة، وبتأثر علينا في كل حاجة:

مخاطر صحية: نظرك يضعف، رقبتك وضهرك يوجعوك (من قعدة القوس دي)، والأهم.. الأرق وقلة النوم لأن الضوء الأزرق بتاع الموبايل بيطير النوم من العين.

مخاطر نفسية: العزلة والاكتئاب. تلاقي نفسك وسط أهلك بس أنت غايب، وبتبدأ تقارن حياتك العادية بالصور 'المثالية والفلتر ' اللي بتشوفها على إنستجرام، فـ تكتئب وتكره عيشتك.

مخاطر اجتماعية ودراسية: العلاقات بتتدمر.. 'الخرس الزوجي والأسري' بقى بسببه. ده غير إن تركيزك في دراستك أو شغلك بيبقى في الأرض، لأن عقلك متشتت بـ مية حاجة في نفس الوقت".

· على الرغم من أن الدكتور مصطفى محمود توفي عام 2009 (قبل طفرة وسائل التواصل الحديثة مثل تيك توك وإنستغرام بالشكل الحالي)، إلا أنه خصص مساحات هامة في برنامجه الشهير "العلم والإيمان" وفي مقالاته للتحذير من هذا الفخ:

· حلقة "أثر التكنولوجيا على الأجيال/

· تحدث بوضوح شديد عن الأطفال والشباب الذين يجلسون أمام شاشات الكمبيوتر لساعات طويلة دون إدراك للوقت. ووصفهم بعبارة عبقرية قائلًا: "الولد يقعد مسحور، مخدر، متبنج أمام الشاشة". وتحدث في نفس الحلقة عن دراسات أُجريت في أمريكا عن جيل من الزوجات يُطلق عليهن "أرامل الكمبيوتر.

· الدكتور مصطفى محمود أيضا في نبوءة مذهلة كتبها عام 1966 : تنبئ بطغيان الهواتف تنبأ بأن الهاتف المستقبلي سيكون في حجم "علبة السجائر" ولن يفارق صاحبه أبدًا، ووصف بدقة مشهدنا الحالي: "سيصبح مظهرًا مألوفًا أن يجلس أكثر من شخص في غرفة واحدة، ويتحدث كلٌ منهم في تليفونه الخاص"؛ ليوضح كيف ستقطع التكنولوجيا الحوار الإنساني الداخلي في البيوت.

شخصيات أخرى تحدثت عن الإدمان الإلكتروني:

تحدث العديد من المتخصصين البارزين عن هذه المشكلة ووضعوا لها حلولاً عملية، ومنهم:

· د. أحمد عمارة (استشاري صحة نفسية): تحدث في عدة حلقات عن "ديتوكس السوشيال ميديا" وكيف تؤثر الشاشات على وعي الإنسان وجسده.

· المهندس مصطفى عثمان (برنامج دوبامين): قدم سلسلة حلقات تشرح كواليس صناعة التطبيقات لسرقة انتباهنا، وكيفية التحرر من إدمان الالكتروني.

· د. عبد الرحمن الذاكر (طبيب نفسي واستشاري تربوي): يركز كثيراً في محاضراته على أثر الشاشات والألعاب الإلكترونية على الأطفال والمراهقين وكيفية العلاج السلوكي لها.

· العلماء بيقولوا إن التكنولوجيا، والموبايلات، والإنترنت في حد ذاتهم "حلال وأصلها الإباحة"، يعني دي أدوات ومصالح بنستخدمها في الخير، والدراسة، والشغل. المشكلة مش في الجهاز، المشكلة في "الإدمان" اللي بيخلي الأداة دي هي اللي تتحكم فيك مش إنت اللي تتحكم فيها.

· العمر والوقت.. إنت محاسب عليهم بالثانية

في حديث كلنا حافظينه بس محتاجين نفتكره، النبي ﷺ ، لما تقعد بالـ 6 والـ 7 ساعات بتفر في الـ Reels والتيك توك من غير فايدة، ده اسمه "إهدار للعمر". الدين هنا بيقولك إن الوقت ده أمانة.

· قاعدة "لا ضرر ولا ضرار"

دي بقى القاعدة الذهبية اللي العلماء بنوا عليها حكمهم. الإدمان الإلكتروني بيجيب أضرار صحية (ضعف نظر، مشاكل في الظهر، قلة نوم)، وأضرار نفسية (عزلة واكتئاب)، وأضرار اجتماعية (خراب بيوت وجفاء بين الأهالي).

الشريعة الإسلامية بتقول: أي حاجة تثبت طبيًا أو نفسيًا إنها بتضر جسم الإنسان أو عقله، بيبقى حرام أو مكروه ، . يعني الإسراف اللي بيوصل للمرض.. ممنوع شرعاً.

· العلماء حذروا جداً من نوع معين من الإدمان الإلكتروني، وهو إدمان الألعاب اللي فيها شحن بفلوس كتير عشان تشتري حاجات وهمية، أو الألعاب اللي دخلت في حتة "المراهنات والقمار المقنع". ده طبعاً حرام لأنه تدمير مالي وتضييع للفلوس اللي ربنا هيحاسبنا عليها "من أين اكتسبه وفيما أنفقه".

· تضييع الواجبات (الصلاة والمسؤولية):

الدين مبيقولكش متتفرجش على فيديوهات أو متلعبش جيمز.. العب واتبسط، بس بشرط: متأخرش صلاة، ولا تقصر في حق بيتك أو عيالك أو مذاكرتك (يعني كفاية ذنب إنك تضيع الناس اللي إنت مسؤول عنهم). فـ لما الأب أو الأم يفضلوا ماسكين الموبايل وسايبين تربية ولادهم، أو الشاب يسقط في دراسته بسبب الـ Gaming.. هنا الإدمان بيبقى "ذنب" صريح.

طرق الحماية والتعافي

"طب والعمل؟ نسيب الموبايل ونروح نعيش في قوقعة؟ لا طبعاً.. الحل في 'الاعتدال والذكاء'، ودي روشتة سريعة هترجعلك حياتك:

1. صوم ديجيتال (Digital Detox): حدد ساعة واحدة في اليوم، أو يوم في الأسبوع (زي الجمعة مثلاً)، الموبايل ده يتقفل تماماً أو يتركن بره الأوضة.

2. اكتفِ بالأساسي وقفل الإشعارات: ادخل حالاً اقفل إشعارات التطبيقات اللي مش مهمة. مش لازم تعرف إن فلان ريكت على صورة علان في نفس اللحظة!

3. برامج التحكم في الوقت: نزل أبليكيشن بيقفل التطبيقات بعد وقت معين (زي ساعة في اليوم للسوشيال ميديا)، ولما تخلص، الأبليكيشن هيقفل لوحده.

4. . خطة الـ "رمادي" (Grayscale): .. ادخل على إعدادات موبايلك واجعل ألوان الشاشة "أبيض وأسود". الألوان المبهرجة هي اللي بتجذب عينك ودماغك، لما الشاشة تبقى كئيبة وأبيض وأسود، إنت نفسك هتزهق من الموبايل بعد خمس دقائق وتقفله.

5. اخرج للواقع : رجّع الهوايات القديمة.. اقرأ كتاب ورق، انزل اتمشى من غير موبايل، اقعد مع أصحابك واتفقوا اللي هيلمس موبايله وهو قاعد هيشيل هو الحساب!"

"في النهاية يا صديقي.. التكنولوجيا اتعملت عشان تخدمنا، مش عشان تستعبدنا. العمر بيجري، واللحظات الحلوة مع أهلك وأصحابك وأنت باصص في عينيهم، تسوى مليون لايك وكومنت على الشاشات الزائفة دي. فوق قبل ما تلاقي عمرك خلص وأنت لسه بتعمل 'Scroll دوان'. أشوفكم الحلقة الجاية على خير.. والسلام!".

رمضان عبد المقصود

جوجل يعرف عنك كل شيء.. أسرار جديدة يكشفها صانع المحتوى رمضان عبد المقصود

noreply@blogger.com (مجتمع بوست) — Mon, 06 Jul 2026 09:44:52 +0000

جوجل يعرف عنك كل شيء...

كلنا بنستخدم جوجل... بنسأله عن وصفة أكل، أو عن أقرب مكان، أو حتى عن أعراض مرض غريبة حسينا بيها في نص الليل.

جوجل بالنسبة لنا بقى زي الصديق الوفي اللي ما بيخبيش حاجة.

لكن... هل سألت نفسك قبل كده: إيه الثمن اللي بتدفعه مقابل "الخدمة المجانية" دي؟ الموضوع مش فلوس... الموضوع متعلق بـ"خصوصيتك"!

جوجل يعرف عنك كل شيء، وأكتر مما تتخيل!

كتير مننا فاكر إن جوجل مجرد محرك بحث... لكن الحقيقة إن جوجل ده نظام حياة متكامل، بيلم بياناتك من ألف طريق وطريق:

. البحث والتاريخ (Search & History): كل كلمة كتبتها في البحث، من أول "أفلام كوميدية" لحد "إزاي أعمل استقالة"... كل ده متسجل بالتاريخ والساعة.

. موقعك (Location History): لو بتستخدم موبايل أندرويد أو فاتح خاصية الموقع... جوجل عارف أنت كنت فين بالظبط، من ساعة ما فتحت موبايلك لأول مرة! عارف البيت، الشغل، النادي، حتى الكافيه اللي بتقابله فيه صديقك السري!

جوجل ممكن يرسم خريطة لحياتك اليومية أدق من اللي بتعملها لنفسك!

الإيميل والمستندات جوجل بيقرأ كل إيميل بيبعتلك، وبيعرف إيه هي مشاكلك البنكية، خطط سفرك، فواتيرك... حتى لو الإيميل ده لسه في المسودة.

. صوتك (Voice Commands): لو بتستخدم مساعد جوجل الصوتي (Google Assistant)... كل كلمة قلتها "Ok Google..." متسجلة عشان "تحسين الخدمة".

كل المعلومات دي مش متسجلة في ملف باسم "مستخدم رقم كذا"... لأ، دي مربوطة بيك، باسمك، وسنك، واهتماماتك... عشان كده الإعلانات اللي بتجيلك على يوتيوب أو الفيسبوك بتبقى دايماً بتتكلم عن الحاجة اللي كنت بتفكر فيها من شوية!

. الوجه المظلم: الخوف من "الأخ الأكبر

ممكن واحد يقول: "إيه المشكلة؟ خليهم يعرفوا أنا مش بعمل حاجة غلط." المشكلة مش في إنك بتعمل حاجة غلط دلوقتي، المشكلة في "المستقبل" وفي "من يملك هذه البيانات":

الاستغلال المالي: الشركات المعلنة بتدفع لجوجل عشان تستغل ملفك الشخصي ده... يعني أنت مش عميل... أنت المنتج اللي بيتباع!

الابتزاز والاختراق: لو البيانات دي كلها اتسرقت في عملية اختراق كبيرة، تبقى حياتك كلها في خطر... معلوماتك البنكية، خصوصيتك، وكمان صورك.

التحيز والتنبؤ: جوجل ممكن يتنبأ بقراراتك أو بأفكارك السياسية أو الدينية بناءً على بحثك... وده ممكن يستخدم ضدك في أي وقت، سواء في التوظيف أو حتى في قرارات حكومية.

الرقابة: لو في أي وقت، أي جهة طلبت من جوجل إنه يسلم سجلات موقعك أو بحثك... جوجل هيضطر يعمل كده. يعني ما فيش حاجة اسمها "سر شخصي" على الإنترنت.

تخيل إن كل كلمة قلتها في سرك، وكل مكان زرته وانت مش عايز حد يعرف، بقى متسجل في سيرفر ضخم ممكن حد يوصله في أي لحظة... ده مش فيلم خيال علمي... ده واقع حياتنا اللي بنعيشه كل يوم.

. إزاي تتحرر من سجن البيانات؟

مش معنى كده إننا نبطل نستخدم الإنترنت، لأ... لكن لازم نستخدمه بذكاء وحذر. فيه خطوات ممكن تعملها عشان تقلل سيطرة جوجل على حياتك:

1. مسح التاريخ (Delete History): روح على إعدادات حساب جوجل (Google Account) وادخل على قسم "البيانات والخصوصية". هتلاقي خيار "نشاطي" (My Activity). ممكن تمسح سجل بحثك كله.

. إيقاف تتبع الموقع: أهم خطوة... روح على إعدادات الموقع وأوقف خاصية "سجل المواقع الجغرافية" (Location History). بكده جوجل مش هيقدر يسجل تحركاتك.

3. التحول للمجهول (Incognito): استخدم وضع التصفح الخفي (Incognito Mode) لما تكون بتعمل بحث حساس ومش عايزه يتسجل على حسابك.

مراجعة الإذن (Permissions): شوف التطبيقات اللي مديها إذن الوصول للإيميل أو الكاميرا أو الميكروفون... واقفل الإذن ده عن أي تطبيق ما بتستخدموش.

استخدم البدائل: فيه محركات بحث تانية (زي DuckDuckGo) ما بتسجلش نشاطك أو تتبعك زي جوجل.

جوجل أداة عظيمة، بس زي أي أداة، ليها وجه خطر. الأمان والخصوصية بتاعتك أهم من أي "خدمة مجانية". الوعي هو أول خطوة عشان ترجع السيطرة على حياتك الرقمية.

اتمنى تكون حلقتنا النهارده فتحت عينك على حاجة مهمة. وإلى اللقاء..

رمضان عبد المقصود

بإشراف الكاتبة إيمان علي.. "دار الثقافة الجديدة" تطلق ناديًا للقراءة لإحياء النقاش الفكري في يوليو المقبل

noreply@blogger.com (مجتمع بوست) — Mon, 29 Jun 2026 09:11:56 +0000

"دار الثقافة الجديدة" تطلق ناديًا للقراءة لإحياء النقاش الفكري في يوليو المقبل

القاهرة – [محمد أبو الوفا]

في خطوة تهدف إلى إعادة الحراك الثقافي وتعزيز القراءة كفعل حيوي ومستمر، أعلنت "دار الثقافة الجديدة" عن إطلاق فعاليات "نادي القراءة"، والمقرر أن تنطلق أولى جلساته بداية من شهر يوليو المقبل.

وتأتي هذه المبادرة تحت إشراف وإدارة الكاتبة الصحفية إيمان علي، والتي ستتولى إدارة الأنشطة والحلقات النقاشية للنادي.

أهداف المبادرة: ما وراء السطور

تسعى المبادرة إلى تحقيق مجموعة من الأهداف الثقافية والتنويرية، ومن أبرزها:

تسليط الضوء على الإصدارات والكتب الجديرة بالاهتمام والاحتفاء بها وبمبدعيها.
فتح آفاق للحوار والاشتباك المعرفي مع الأفكار والقضايا الإشكالية التي تطرحها هذه الكتب.
خلق مجتمع تفاعلي يجمع بين القراء والمثقفين لتبادل وجهات النظر بمرونة وعمق.

موعد وآلية اللقاءات

تنظيمًا لأعمال النادي، استقرت الدار على تحديد جدول زمني ثابت ومتاح للجميع:

اليوم: السبت الأول من كل شهر

التوقيت: الساعة السابعة

المكان: مقر "دار الثقافة الجديدة"

الآلية: الإعلان عن الكتاب المختار قبل الموعد بوقت كافٍ ليتسنى للجمهور قراءته والمشاركة في النقاش.

دعوة للمشاركة وصناعة المحتوى

وفي لفتة تفاعلية، أكدت إدارة الدار ترحيبها الكامل بمشاركات القراء؛ حيث فتحت الباب لاستقبال ترشيحاتكم واقتراحاتكم للعناوين والكتب التي ترغبون في إدراجها ضمن خطة النادي الشاملة للفترة المقبلة.

يذكر ان دار نشر مصرية عريقة أسسها عام 1968 المناضل محمد يوسف الجندي، تُعنى بنشر الأعمال التقدمية والتنويرية.

للتواصل والمشاركة: ترحب "دار الثقافة الجديدة" بجميع المهتمين من القراء والمثقفين في لقائها الأول مطلع يوليو، والدعوة عامة ومفتوحة للجميع.

المهندس صلاح عطية.. الشريك العاشر" التجارة مع الله

noreply@blogger.com (مجتمع بوست) — Thu, 25 Jun 2026 09:17:30 +0000

المهندس صلاح عطية.. الشريك العاشر" التجارة مع الله

النهاردة هنتكلم عن 'مهندس الخير'، عن صاحب 'أعظم صفقة في العصر الحديث'.. اللي جنازته هزت مصر ومشى فيها نص مليون بشر.. هنتكلم عن المهندس/ صلاح عطية.

في زمن كل الناس فيه بتدور على المكسب الخسيس.. في زمن بقت لغة الأرقام والحسابات هي اللي سايقة العالم.. في زمن بنقيس فيه نجاح البني آدم برصيده في البنك، وعربيته موديل كام، وعمارته كام دور..

وسط كل الزحام ده، وكل الجري ورا الدنيا.. كان فيه راجل، بسيط بشكل ماتتخيلوهوش، قرر يكسر كل قواعد الاقتصاد البشري.. قرر يعمل معادلة رياضية مستحيلة!

كان فيه مهندس مصري بسيط، من قلب قرية صغيرة في الدقهلية.. الراجل ده فكر برة الصندوق تماماً، وعمل تجارة غريبة جداً.. تجارة حساباتها مش بالورقة والقلم بتاعة البشر.. حساباتها مع ربنا.

النهاردة هنتكلم عن الراجل اللي خلى قريته مفيهاش عاطل واحد، اللي عمل جامعة، ومدارس، ومحطة قطار، ووفر آلاف فرص العمل..

البداية كانت في أواخر السبعينات.. 9 شباب متخرجين من كلية زراعة، ومعاهم المهندس صلاح.. شباب زي أي شباب مصري، جيوبهم فاضية لكن طموحهم مالوش آخر.

جمعوا من بعض كل اللي حيلتهم، حوالي 2100 جنيه (أيام ما كان الجنيه ليه قيمة)، وقرروا يعملوا مزرعة دواجن. لكن هما وبيرسموا عقد الشركة، لقوا إنهم محتاجين شريك دايماً ينجح أي مشروع.. شريك عاشر..

الباشمهندس صلاح قالهم: 'إحنا هنطلع 10% من الأرباح للشريك العاشر ده، وهو اللي هيحمينا ويرزقنا'.. ولما سألوه مين؟ قالهم: 'ربنا سبحانه وتعالى'."

وتمر السنة الأولى.. والمفاجأة! المشروع نجح نجاح مذهل وغير متوقع.. الأرباح كانت خيالية. الشباب فرحوا، وهنا المهندس صلاح قالهم: 'الشريك العاشر عمل معانا الواجب وزيادة.. إيه رأيكم نزود نسبته؟'.. وفعلاً زادت النسبة لـ 20%..

وبعدها لـ 30%.. وفضلوا يزودوا لحد ما بقت نسبة الشريك العاشر 100%! الشركة كلها بمزارعها وأراضيها ومكاسبها بقت وقف لله..

المهندس صلاح وأصحابه بقوا مجرد مديرين بياخدوا مرتبات من المشروع، وكل الأرباح كانت بتروح في اعمال الخير.

تعالوا نشوف الراجل ده ساب إيه وراه؟ وإيه الإنجازات اللي غيرت خريطة محافظة الدقهلية بالكامل:
أول جامعة في قرية: عمل فرع لجامعة الأزهر في قريتة بدأ بكلية، والنهاردة بقوا 4 كليات (تجارة، تربية، شريعة وقانون، وأصول دين) بتخدم آلاف الطلاب.

مدارس لكل المراحل: بدأ الأمر بإنشاء معهد ديني ابتدائي، ثم إعدادي، ثم ثانوي (للأولاد والبنات).
بعدها فكر في إنشاء كليات جامعية تابعة لجامعة الأزهر لتوفير عناء السفر على الطلاب

وقام ببناء محطة قطار على نفقته الخاصة (أرصفة، ومكاتب تذاكر، واستراحات)، واشترت الشركة التابعة له تذاكر القطار لمدة شهور مقدماً لإثبات جدوى المحطة اقتصادياً للدولة، حتى وافقت وزارة النقل، وأصبح القطار يقف في "قريتة" لتوصيل آلاف الطلاب يومياً. كما تم بناء مدن جامعية مجانية تتسع لآلاف الطلاب والطالبات شاملة السكن والطعام.

بيت مال المسلمين: عمل نظام تكافل اجتماعي، القرية مابقاش فيها فقير ولا محتاج، وتكفل بتجهيز العرايس الأيتام ومساعدة الأرامل بشكل شهري ومستمر.

بفضل أرباح "الشريك العاشر"، أنشأ صلاح عطية مشاريع ومصانع داخل القرية لاستيعاب كل الشباب العاطلين عن العمل، حتى أُعلن رسمياً في الصحف أن قرية "تفهنا الأشراف" هي القرية الوحيدة في مصر التي تخلو تماماً من البطالة، ولا يوجد بها فقير واحد يستحق الزكاة، بل أصبحت القرية تستقطب عمالة من القرى المجاورة.

الباشمهندس صلاح عطية مكنش مجرد راجل غني بيطلع صدقة.. لأ، ده كان مهندس اجتماعي. كان بيحب البلد دي بجد.. كان بيمشي في الشارع جلابيته بسيطة، يقعد مع الفلاحين، ويسمع مشاكل الشباب.

لما توفى سنة 2016، جنازته حضرها أكتر من نصف مليون مواطن.. مش عشان هو وزير ولا مسؤول، عشان هو سكن في قلوب الناس دي كلها.

ماذا ترك صلاح عطية؟ هو مسبش قصر باسمه، ولا ساب أرصدة في بنوك سويسرا.. صلاح عطية ساب 'سيرة أطول من العمر'..

ساب آلاف الخريجين اللي بيتعلموا في كليات هو اللي بناها.. ساب بيوت مستورة وعائلات عايشة من خير المزارع والمصانع اللي سابها وقف..

والأهم من ده كله، إنه ساب لنا 'روشتة' نجاح لأي حد عاوز يبدأ مشروع: 'دخل ربنا معاك شريك.. عمرك ما هتخسر'".

جنازة تاريخية وصدمة تليفزيونية (يناير 2016)

في يناير 2016، رحل المهندس صلاح عطية عن عالمنا بعد صراع مع المرض، وتحولت جنازته إلى حدث إعلامي ضخم:

· غطت الصحف والقنوات مشهد الجنازة المهيب، حيث خرج أكثر من نصف مليون مشيع في قريته، ووصفت التقارير التليفزيونية المشهد بأنه "جنازة رسمية شعبية" حضرها كبار علماء الأزهر، والمسؤولين، وآلاف الطلاب الوافدين من مختلف دول العالم (من ماليزيا، وإندونيسيا، وإفريقيا) الذين كان يكفلهم ويوفر لهم السكن والطعام بالمجان.

في البرامج التليفزيونية ليلتها بكى الإعلاميون والمذيعون على الهواء وهم يستعرضون سيرته، وتساءلوا:

كيف لرجل بكل هذه الإنجازات العظيمة (جامعة، محطة قطار، مستشفيات، صفر بطالة) أن يعيش طوال حياته في شقة بسيطة، لا يملك سيارة فاخرة، ويرتدي جلباباً متواضعاً، رافضاً أي ظهور إعلامي أو أضواء طوال حياته؟

قصة المهندس صلاح عطية بنقولها النهاردة عشان نعرف إن الخير في مصر مبيخلصش، وإن الفكرة البسيطة لو نيتك فيها صادقة، ممكن تغير حياة ملايين الناس.. ياريت كلنا في أشغالنا، وفي حياتنا، نفتكر 'الشريك العاشر'.

رحم الله المهندس صلاح عطية، وجعل كل طوبة وكل شجرة وكل طالب بيتعلم في ميزان حسناته. نشوفكم الحلقة الجاية في حكاية جديدة.. تصبحوا على ألف خير."

[تنويه للمخرج: يُعرض في التتر النهائي صور لجنازته والجامعة التي بناها مع كتابة تاريخ وفاته وصورته الشهيرة بالابتسامة البسيطة].

رمضان عبد المقصود

"حكاية طبيب.. عاش للغلابة ومات في قلوبهم" الدكتور محمد مشالى

noreply@blogger.com (مجتمع بوست) — Thu, 18 Jun 2026 13:37:29 +0000

"حكاية طبيب.. عاش للغلابة ومات في قلوبهم" الدكتور محمد مشالى رحمه الله

في زمن بقينا بنقيس فيه النجاح بـ "رصيد البنك"، ونوع العربية، وفيلا في أحدث كومباوند.. في زمن الجري ورا المظاهر خطف قلوب ناس كتير.. لسه في حكايات بتجبرنا نقف قدامها، مش عشان نتفرج، لا.. عشان نتعلم إزاي نكون "بني آدمين".

اليوم.. إحنا مش بنتكلم عن دكتور عادي.. إحنا بنتكلم عن راجل اختار يكون "ملاك حارس" لقلوب اتوجعت من الفقر والمرض. راجل ساب الدنيا بملذاتها، وكتب اسمه بحروف من نور في دفتر الإنسانية.

"عاش في صمت.. ورحل في جلال. لم تفتنه أضواء الشهرة، ولم تغوه دنانير الأغنياء. سلك طريقاً غاب عنه الكثيرون.. طريقاً مفروشاً بآهات المتعبين ودعوات المساكين.

الدكتور محمد مشالي.. (طبيب الغلابة).رجلٌ تجرد من طمع الدنيا، فلبس ثوب القناعة، وتوّجته قلوب البسطاء ملكاً على عرش الرحمة. هو ليس مجرد طبيب مرّ على تاريخ مصر، بل هو أنشودة إنسانية ستظل تتردد في أزقة المحروسة، كلما نطق فقيرٌ بكلمة: 'يارب'."

النهاردة حكايتنا مش عن بطل في السينما، ولا عن حد معاه ملايين.. النهاردة حكايتنا عن راجل بسيط، كان بيلبس هدوم بسيطة، وعايش في عيادة أقدم من الزمن، بس كان جواه قلب يسع الغلابة كلهم.

كلامنا النهاردة عن الدكتور محمد مشالي، الراجل اللي اختار بإرادته إنه يكون "طبيب الغلابة". الراجل اللي لخص معنى الإنسانية في تذكرة كشف بـ 5 جنيه، وفضل لآخر نفس في عمره يداوي أوجاع الناس اللي مالهاش ضهر.

تعالوا نرجع بالزمن شوية.. الدكتور محمد مشالي اتولد في محافظة البحيرة، والده كان مدرس، وغرس فيه من صغره حب الخير.

اتخرج من كلية طب القصر العيني ، وتخيلوا.. كان متفوق وكان ممكن يفتح عيادة في أكبر أحياء القاهرة ويكسب ملايين!

لكنه اختار طريق تاني خالص.. راح الغربية، وفتح عيادته الشهيرة في ميدان السيد البدوي في طنطا. تفتكروا ليه؟ فيه موقف واحد قلب حياته، وهز كيانه، وهو اللي خلاه ياخد عهد على نفسه إنه ما ياخدش من فقير أكتر من طاقته.

الموقف ده الدكتور مشالي نفسه حكاه وهو بيعيط.. في بدايات تعيينه بالوحدات الريفية، جاله طفل صغير مريض بمرض السكر، الطفل كان بيبكي من الألم وبيقول لوالدته "عايز حقنة الإنسولين يا أمي".. الأم ردت بقلب مكسور وقالتله: "لو اشتريت الحقنة، مش هنلاقي ناكل باقي الإخوات".

ياااه.. الموقف ده كسر قلب الدكتور مشالي. الطفل ده رمى نفسه من فوق السطوح ومات في إيد الدكتور محمد، وهو بيقوله: "أنا ريحتك يا أمي عشان توفري تمن الإنسولين لإخواتي".

من اللحظة دي، الدكتور مشالي حلف يمين إنه يهب حياته لخدمة الفقراء، وقال جملته الشهيرة: "أنا لقيت نفسي بكتشف إن الطب رسالة مش تجارة.. وأنا هكون محامي الغلابة".

وعاش على العهد ده أكتر من 50 سنة! تخيلوا، الكشف في عيادته بدأ بقرش، وفضل يزيد ببطء شديد لحد ما وصل لـ 5 جنيه، وفي أواخر حياته بقى 10 جنيه! ومش بس كده، كان ساعات بيشتري العلاج للمريض من جيبه الخاص.

ومن المواقف اللي تدرس.. لما جاله برنامج تليفزيوني عربي شهير، وعرضوا عليه ملايين عشان يغير عيادته ويفتح مستشفى كبير ويغير عربيته البسيطة.. تفتكروا وافق؟

رفض بكل عزة نفس! وقالهم: "أنا مش محتاج فلوس، أنا عايش عشان الغلابة، ومبسوط كده".

ولما صمموا، طلب منهم يتبرعوا بالفلوس دي لجمعيات رعاية الأيتام والمحتاجين.
حلقة برنامج "قلبي اطمأن" (الإعلامي غيث):

دي الحلقة اللي بكت ملايين العرب، لما حاول يقدم له مساعدة مالية ضخمة والدكتور رفضها بعزة نفس تدرس، وطلب تبرعها للأطفال لقاء التليفزيون المصري بالعامية:

لقاء طويل وممتع جوه عيادته القديمة في طنطا، بيتكلم فيه عن روتينه اليومي وازاي كان بيصحى من الفجر يلف على عياداته التانية في القرى

الدكتور مشالي سابنا وراح لربنا في يوليو 2020، بس ساب وراه "مدرسة في الإنسانية". تفتكروا إيه أهم الدروس اللي ممكن نتعلمها منه؟

أولاً: الكنز الحقيقي هو الأثر: الدكتور مشالي مات وما سابش قصور ولا عربيات، بس ساب ملايين البشر بيدعوا له بالرحمة والمغفرة في كل صلاة.

ثانياً: المهنة رسالة قبل ما تكون سبوبة: سواء كنت دكتور، مهندس، مدرس، أو صنايعي.. اتقي الله في الناس وماتستغلش حاجتهم.

ورسالته اللي سابها للمجتمع المصري ولكل الأطباء: "أوصيكم بالغلابة خيراً.. الطب مهنة إنسانية، والفقير مش قادر يدفع تمن المرض، فكونوا ليهم عون وسند، والدنيا زايلة ومش هناخد معانا غير العمل الصالح".

في نهاية حلقتنا، بنقول الله يرحمك يا دكتور مشالي.. عشت بسيطًا، وميتًا كبيرًا في قلوبنا. ياريت كلنا في أشغالنا وحياتنا ناخد حتة صغيرة من إنسانية الراجل ده.

فكروا معايا: إيه البصمة اللي هنسيبها في الدنيا دي؟ مش لازم نكون دكاترة عشان نساعد، كل واحد فينا في مكانه يقدر يكون "مشالي" جديد في الرحمة والإنسانية.

شكراً ليكم ، ونتقابل في حلقة جديدة وحكاية جديدة .. والسلام.

رمضان عبد المقصود

اختراق السيارة | هكذا يخترق الهكر أنظمة السيارات

noreply@blogger.com (مجتمع بوست) — Tue, 16 Jun 2026 09:31:03 +0000

اختراق السيارة | هكذا يخترق الهاكر أنظمة السيارات

النهاردة موضوعنا مش عن أسعار البنزين ولا الزحمة في صلاح سالم.. النهاردة هنتكلم عن حاجة ممكن تخليك واقف قدام عربيتك وهي مش عايزة تفتح، أو.. تلاقيها بتفتح لوحدها وتمشي وتسلم عليك! هنتكلم عن اختراق السيارات.

حلقة النهاردة، بس حلقة "تقيلة" شوية.. هنتكلم عن أغلى حاجة بنملكها بعد بيوتنا.. عربياتنا

- زمان كان الحرامي آخره "طفاشة" أو يكسر الإزاز. دلوقتي الحرامي بقى لابس قميص وبدلة وقاعد بـ "لاب توب" أو جهاز صغير قد كف الإيد.

هو في حد بيخترق عربيات بجد؟

فيه ناس هتقول لي "يا عم إحنا في مصر، مين هيخترق الـ 128 بتاعتي؟".. خليني أقولك إن الموضوع مابقاش كدة. العربيات الجديدة دلوقتي عبارة عن "موبايل كبير بيمشي على أربع عجلات".

· أشهر طريقة حالياً للعربيات اللي بتفتح بـ "البصمة" (Keyless). الحرامي بيستخدم جهاز "بيقوي" إشارة المفتاح وأنت جوه بيتك، والعربية تفتكر إنك واقف جنبها.. تفتح وتدور، وفي ثواني العربية تكون طارت!

الاحتيال: ممكن حد يبعتلك رسالة وهمية إن "سوفت وير" العربية محتاج تحديث، ويخليك تضغط على لينك يسحب بيانات الـ GPS بتاعك.

السرقة الذكية: الأجهزة اللي بتنسخ إشارة "الريموت" (Relay Attack) وانتا قاعد بتشرب قهوتك، العربية تتفتح وتدور وتمشي في ثواني.

· تشويش الإشارة تبقى فاكر إنك دوست على الريموت وقفلت العربية، بس الحرامي معاه جهاز "بيشوش" على الإشارة، فالعربية متقفلش أصلاً.. وتمشي أنت وهو يدخل يسرق اللي فيها بروقان.

· تخيل تصحى الصبح تلاقي شاشة العربية مكتوب عليها "ادفع مبلغ كذا بالبيتكوين عشان الفرامل تشتغل تاني" أو "عشان نفتحلك لوحة التحكم".

ده مش فيلم خيال علمي، ده نوع من الابتزاز الرقمي اللي بدأ يظهر عالمياً. الهاكر بيستغل ثغرة في نظام الترفيه أو البلوتوث ويسيطر على أنظمة حيوية في العربية.

اربط الحزام، وجهز كوباية الشاي، وتعالى نشوف السيطرة دي حصلت إزاي بالظبط.

· تخيل كدة وأنت سايق عربيتك "الزيرو" وفرحان بيها، تلاقي فجأة الكلاكس اشتغل لوحده، أو السقف اتفتح، أو.. الموتور بطل!

· النهاردة هنحكي إزاي مجموعة من الهاكرز الأخلاقيين (Ethical Hackers) وعلى رأسهم Zveare، قدروا يسيطروا على أسطول عربيات كامل لشركات عملاقة زي "هيونداي"، "كيا"، "هوندا"، وحتى "فيراري".

· الموضوع مكنش إنهم راحوا فكوا مسامير العربية، بالعكس، هما اشتغلوا من ورا الشاشة. اللعبة كلها كانت في "الأنظمة الذكية" أو الـ Telematics. دي الأنظمة اللي بتخليك تفتح العربية بالموبايل أو تتبع مكانها.

· الهاكرز دول ملقوش "باب مفتوح"، هما لقوا "ثغرة في القفل نفسه". الحكاية بدأت لما اكتشفوا إن التطبيقات اللي على موبايلاتنا دي بتكلم "سيرفرات" الشركة، ولو السيرفر ده مش متأمن صح، الهاكر ممكن يضحك عليه ويقوله: "أنا صاحب العربية دي.. نفذ أمري!"
(إزاي الثغرة اشتغلت؟)

1. صيد الإيميل: الهاكر محتاج بس "الإيميل" اللي أنت مسجل بيه في شركة العربية.

2. خداع السيرفر: عن طريق التلاعب بطلب (Request) بسيط، الهاكر بيبعت للسيرفر يقوله "غيرلي الإيميل بتاع صاحب العربية دي لإيميلي أنا".

3. السيطرة الكاملة: السيرفر "الغلبان" كان بيوافق من غير ما يتأكد من هوية الشخص، وفجأة الهاكر بقى هو "المالك الرقمي" للعربية على السيستم.
يقدروا يعملوا إيه؟

لما Zveare وفريقه دخلوا السيستم، الموضوع كان مرعب:

· تحديد الموقع: يشوفوا العربية ماشية فين بالظبط على الخريطة.

· التحكم عن بُعد: يفتحوا الأبواب، يشغلوا المساحات، يضربوا كلاكس، أو حتى يشغلوا الموتور ويطفوه.

· بيانات العملاء: قدروا يوصلوا لبيانات أصحاب العربيات (اسمهم، عناوينهم، وأرقام تليفوناتهم).
طب وإيه النهاية؟ هل إحنا في خطر؟

الخبر الحلو إن Zveare وفريقه "ناس محترمة". هما مفرقوش البيانات دي ولا سرقوا عربيات، هما عملوا اللي بنسميه "Responsible Disclosure".

· بلغوا الشركات بكل الثغرات اللي لقوها بالتفصيل.

· الشركات قفلت الثغرات دي فوراً ونزلت تحديثات للأنظمة.

· الدرس المستفاد: مفيش سيستم "ميتخرقش"، المهم إن الشركات تفضل صاحية وتعمل اختبارات اختراق دايمة.
نصيحة

1. حدث تطبيق عربيتك: أول ما ينزل تحديث للأبلكيشن بتاع العربية على موبايلك، نزله فوراً.

2. استخدم Passcode قوي: ولو فيه خاصية الـ (2FA) أو التأكد بخطوتين،

إزاي تحمي "حديدة" قلبك؟

· مش عايز أخوفكم، بس الحذر واجب. عشان تحمي نفسك من الاحتيال ده،

: طب نعمل إيه يا جماعة؟ نرجع نركب عجل؟ طبعاً لأ.

بس فيه خطوات بسيطة لازم تعملها:

1. لو مفتاحك "بصمة"، حطه في جراب بيعزل الإشارة وأنت في البيت، عشان الحرامي ما يلقطش الإشارة من ورا الباب.

2. أوعى تنزل أي "تحديث" لنظام العربية من لينكات مجهولة على النت. التحديث يكون من الوكيل المعتمد.

3. قفل الـ OBD: الفتحة اللي الميكانيكي بيحط فيها جهاز كشف الأعطال، دي "باب خلفي" للهكرز. فيه أقفال حديد بتتباع للفتحة دي مخصوص.

4. الواي فاي والبلوتوث: لو مش محتاجهم، اقفلهم. وما تعملش "Pairing" لموبايلك مع أي شاشة عربية غريبة (زي العربيات الإيجار) لأن بياناتك وصورك ممكن تتسحب.

5. بلاش "الفهلوة": متخليش أي حد يركبلك شاشات أو أنظمة صوت مش أصلية وتلعب في "ضفيرة" العربية الكهرباء، لأن ده بيفتح ثغرات أمنية.

6. عالم الأمن السيبراني هو سباق بين اللي بيبني واللي بيفكك، والحكاية دي بتفكرنا إن "الراحة" اللي بتقدمها التكنولوجيا، لازم يدفع تمنها "أمان" قوي جداً.

التكنولوجيا سلاح ذو حدين، بتريحنا بس بتفتح علينا أبواب محتاجة ذكاء في التعامل. حافظوا على عربياتكم، وخليكم دايماً "أذكى من السيستم .. وطريقكم دايماً أخضر وأمان!

رمضان عبد المقصود

الخُلع.. طوق نجاة أم سكين في ضهر الأسرة؟ مجلس العيلة.. قبل ما نقول فركش"

noreply@blogger.com (مجتمع بوست) — Mon, 08 Jun 2026 17:56:56 +0000

الخُلع.. طوق نجاة أم سكين في ضهر الأسرة؟
مجلس العيلة.. قبل ما نقول فركش"

مع/ رمضان عبد المقصود

النهاردة بنطرح فكرة، هي مش جديدة علينا كعرب ومصريين، بس محتاجين نرجعها بشكل منظم ومن غير "تحيز".. فكرة "مجلس الأسرة الحكيم".

النهاردة هنتكلم عن موضوع بيوجع.. موضوع "الخلع/ أو الطلاق بين راجل شايف إنه اتظلم واتلوي دراعه واتحرم من أولاده، وبين ست شافت إن الخلع هو طوق النجاة الوحيد ليها من جحيم مفيش مفر منه.

- المشكلة مش بس في الكلمة اللي بتهز رجولة أي راجل، المشكلة في اللي بعد كده. أنا اترميت في الشارع، شقتي اللي طفحت الدم عشان أجهّزها راحت، وولادي مابشوفهمش غير ساعتين في أسبوع في نادي، كأني غريب عنهم!

- النهارده مش جايين نعمل معركة بين الراجل والست، ولا جايين نقول مين ظالم ومين مظلوم. احنا جايين نفتح قلوبنا لبعض في مشكلة بقت بتخبط على باب كل بيت مصري تقريبًا.. مشكلة "الطلاق والخلع" اللي أرقامهم بقت تخوف!

- موضوع بيوجع قلب كل أب وأم، وبيشرد أطفال ملهمش ذنب. هنتكلم عن "بيوت بتتخرب" و"عشرة بتهون في ثانية"..

- لما تفتح الإحصائيات الرسمية وتلاقي إن حالات الطلاق بقت بالآلاف كل شهر، وإن محاكم الأسرة مبقتش بتفضى.. لازم نقف ونفكر. هو إيه اللي جرى لبيوتنا؟ فين "المودة والرحمة" اللي اتربينا عليها؟

محطة "الخلع".. حق شرعي أم سلاح سريع؟

يا جماعة، القانون المصري لما شرّع الخلع، كان الغرض منه نبيل جدًا وشرعي 100%.. وهو إن الست اللي مفيش أي أمل في عيشتها، وبقت بتكره الحياة مع زوجها "، تلاقي مخرج يحميها ويحمي كرامتها.

لكن إننا نلف وندور ونستخدمه "سبوبة" أو وسيلة ضغط عشان ناخد الشقة والنفقة والعيال، ونخرب البيت بإيدنا عشان مصلحة مادية... لأ، هنا لازم نقف ونفكر كم ثانية!
1. الفلوس بتروح.. والبركة هي اللي بتدوم : الشقة الكبيرة، والنفقة اللي هتحاربي عشان تاخديها، والمكاسب المادية ". لو أخدتيها بالباطل أو بطرق فيها لوع وفهلوة وقضايا متبلة بـ "كلام مش حقيقي"، اعلمي إن البركة هتتنزع منها. هتلاقي نفسك معاكي قرشين بس مش متهنية بيهم، ولا حاسة بأمان.

2. العيال مش "ورقة ضغط" ولا "رهائن" : أكبر غلطة بتدفع ثمنها الست قبل الراجل، هي إنها تحول الولاد لـ "سلاح" تلوي بيه دراع جوزها. الولاد دول محتاجين أب سوي وأم عاقلة. لما بتشوهي صورة أبوهم أو تستغلي الخلع عشان تحرميه منهم أو تبتزيه مادياً، إنتي مش بتكسريه هو... إنزلي أرض الواقع وشوفي، إنتي بتهدي نفسية عيالك وبتطلعي جيل معقد، وده ذنبهم هيبقى في رقبتك ليوم الدين. والسؤال هنا للزوجة اللي بتستخدم القانون غلط: لما بتخلعي جوزك لسبب تافه وتضيعي هيبة الأب قدام ولاده، أنتِ كسبتي إيه؟ وللزوج اللي بيبخل بنفقته ويذل مراته لحد ما تضطر تخلعه: أنت فين من "وعاشروهن بالمعروف"؟

3. الحساب عند ربنا مفيش فيه "ثغرات قانونية" :المحامي الشاطر ممكن يظبطلك القضية، والقانون ممكن تلاقي فيه ثغرة تكسبي بيها جول في المحكمة.. بس خدي بالك، محكمة الآخرة مفيهاش ثغرات ولا فيها محامين شاطرين. ربنا مبيخفاش عليه خائنة الأعين وما تخفي الصدور. لو نيتك من الخلع هي "التطفيش والنصب" عشان الماديات، افتكري إن "الحرام مبيثمرش".

4. 4. كرامتك أغلى من أي شقة: الست المصرية معروفة بجدعنتها وأصلها. لما بتطلبي الخلع وأنتي مش مظلومة، بس طمعانة في "التمكين" والمكاسب، أنتي كدة بتبيعي أصلك وكرامتك. البيوت اللي بتتبني على العند والخراب، بتسقط على دماغ أصحابها في الآخر.

الواقع اللي بنعيشه

عارفين يعني إيه بقينا بنسمع كل كام دقيقة عن حالة طلاق أو قضية خلع في المحاكم؟ المحاكم اتمسحت من كتر القضايا، ومحاكم الأسرة بقت زحمة أكتر من مواقف الأتوبيسات!

"الخلع" مش تريند، ده خراب بيوت!

مخاطر السوشيال ميديا (جروبات الماميز والتوك شو)

السوشيال ميديا بقيت عاملة زي "النداهة"، بتخطف عقول الستات وتوديهم في داهية وهم مش حاسين، وده بيحصل كالآتي:

- جروبات "فضفضة" اللي بتتحول لخراب: تدخلي تقولي "جوزي زعقلي ومبيدينيش مصروف كفاية"، تلاقي مية كومنت يقولك: "ده مبيحترمكيش، اخلعيه واشتري دماغك، إنتي قوية وتقدرى تعيشي لوحدك!". كلام حماسي بياخدك في السكة الغلط، واللي بتسخنك دي قاعدة في بيتها ومتهنية مع جوزها!

- عقدة المقارنة: بتشوفي الفلوجرز والبلوجرز في أحسن حالاتهم، فتبصي لعيشتك وتقولي "أنا إيه اللي جابرني؟". السوشيال ميديا بتصدرلك "وهم المثالية" اللي مش موجود في الحقيقة.

- شحن الطاقة السلبية: المحتوى المنتشر بقى كله قايم على الندّية (أنا وهو، وراس براس). الجواز مودة ورحمة، مش خناقة مين هيكسب فيها في المحكمة.

اهدئي كدة وفكري في عواقب "الخلع الخاطئ"

قبل ما تروحي لمحامي يفرشلك الأرض ورد عشان "السبوبة"، فكري:

1. الخسارة المادية والمعنوية: الخلع معناه إنك بتتنازلي عن كل حقوقك الشرعية

2. دفع الثمن من صحة عيالك: العيال هم اللي بيكسروا وسطهم في المحاكم وفي النص. مفيش حاجة اسمها "هخلعه وأربيهم لوحدي وأبقى أم مثالية"، العيل محتاج أب وأم، والخلع العند بيبني جدار كره مش هينتهي.

· الخلع مش "موضة" ولا "لوية دراع": الجواز مش ماتش كورة مين فيه هيكسب ومين هيعلم على الثاني. الكل بيطلع خسران.

· خافي من الحرمانية: الخلع ده ليه شروط دينية واضحة، والنبي ﷺ حذر من إن الست تطلب الطلاق أو الخلع من غير سبب قوي وملجئ (من غير بأس)، وقال إنها "حرام عليها رائحة الجنة". فبلاش تستهيني بحدود ربنا وتفتكري إنها مجرد ورقة وقضية بتكسببيها في المحكمة.

· البيوت بتتبني بالصبر: مفيش جواز من غير مشاكل، والراجل والست بيمروا بظروف صعبة وضغوطات حياة. الشطارة والجدعنة إننا نستحمل بعض ونعدي المركب، مش أول ما يحصل دروب نجري على المحكمة.

بقينا بنشوف البعض تتممسك بأشياء بتفسد الحياة الزوجية:
الندية والعند: كلمة بكلمة،.. "زي ما بتعمل هعمل"، "ومحدش يكسرني".. الجواز مش خناقة في سوق،
تدخل الأهل في الصغيرة والكبيرة: تلاقي العروسة لسة متخانقة مع جوزها خناقة تافهة، ترفع السماعة على مامتها: "الحقيني يا ماما ده قالي وقالي".. والموضوع يكبر ويوصل للرجالة، والبيت يتخرب في قعدة عناد.

طب والعمل؟ هنفضل نتفرج على بيوتنا وهي بتهد؟ أكيد لأ.. الحلول موجودة وبإيدينا لو صفينا النوايا:

- خطوات تفادي الطلاق والخلع إزاي نطبقها في حياتنا؟

1. التأهيل قبل الجواز مش مهم الفستان والقاعة والنيش.. المهم نعمل كورسات بجد للشباب والبنات يفهموا يعني إيه "مسؤولية بيت" ويعني إيه "رجل" ويعني إيه "ست بيتها".

2. بلاش مقارنات: ارضي برزقك وبجوزك، البيوت أسرار ومحدش عارف البلاوي اللي ورا الصور الجميلة على الفيس بوك.

3. الكلمة الطيبة والتقدير/الراجل بكلمة حلوة بيبقى زي الطفل، والست بكلمة حنينة بتنسى تعب اليوم كله. بلاش بخل في المشاعر والكلام الحلو.

4. اقفلوا بابكم عليكم/مشاكلكم متطلعش برة باب الشقة. لا أمك ولا أمه.. حلوا مشاكلكم بالهدوء، ولما تصفوا اضحكوا عليها مع بعض.

5. التنازل مش ضعف/ لما تلاقي جوزك متعصب، لِمي الدور.. ولما تلاقيه هادي عاتبي بدلع. والراجل كمان لازم يستوعب ضغط البيت والأولاد على مراته.

روشتة سريعة لإنقاذ ما يمكن إنقاذه

عشان مانكونش بنشخص المرض من غير ما نقول العلاج، البيوت المصرية محتاجة شوية "فرملة".

أولاً للشباب والبنات اللي داخلين على الجواز: الجواز مش "فوتوسيشن" وفرح وفستان.. الجواز مسؤولية، وتنازلات من الطرفين، وصبر على الأيام الصعبة قبل الحلوة.

ثانياً للأهل: أرجوكم بلاش تشعلوها نار! لما بنتكوا أو ابنكوا يجيلكوا زعلان، صلحوا، بلاش كلمة "إحنا نوديه في داهية بالقانون" أو "ارمِ لها عيالها". خليكوا حكماء.

ثالثاً للزوجين: قبل ما تروح للمأذون أو تروحي للمحامي.. افتكروا اللحظات الحلوة، وافتكروا إن العناد مش مكسب، ومحدش بيخرج من المحاكم كسبان.. الكل خسران.

والراجل هنا بيحس فجأة إنه اتغفل! صحي الصبح لقى نفسه مخلوع، ومطالب يدفع نفقة صغار، وأجر مسكن، ومصاريف مدارس، وهو برا البيت! طب فين "حكم من أهله وحكم من أهلها"؟ فين القعدة العرفية أو الشرعية اللي بتدور على أصل المشكلة؟ عشان كدة إحنا بنطالب بـ "مجلس الأسرة المصري".

ليه ما يكونش عندنا "مجلس أسرة" متكامل، بدل ما يكون التركيز كله على جهة واحدة أو للمرأة بس؟ ليه مفيش جهة حقيقية على الأرض بتسمع للراجل والست بنفس الحيادية والاهتمام؟

عشان المجلس ده ينجح، لازم له شروط:

1. السرية التامة: اللي يدور جوه المجلس ما يطلعش بره، ولا حتى للأولاد.

2. الأب أو الأخ لازم ينسى إنه جاي يدافع عن بنته أو ابنه.. هما جايين يدافعوا عن "البيت".

3. بنقعد ونكتب: إيه اللي مضايقك بالظبط؟ وإيه اللي مضايقه؟ ونحط حلول والتزامات على الطرفين، ونديهم مهلة شهر مثلاً للتجربة.

4. بالظبط.. القرآن الكريم قالها من زمان: "وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُرِيدَا إِصْلَاحًا يُوَفِّقِ اللَّهُ بَيْنَهُمَا". النية لو إصلاح، ربنا بيفتح الأبواب المقفولة.

مجلس الأسرة معناه إننا بنحمي "الكيان الكلي" مش طرف ضد طرف. الست لما تلاقي مجلس بيسمع جوزها وبيقوله عيوبك واحد اتنين تلاتة ولازم تتصلح، والراجل لما يلاقي حد بيقول للست اتقي الله في بيتك وفيه حدود للطلب.. هنا ممكن بيوت كتير تترد من على حافة الهاوية.

لو اتطبق "مجلس الأسرة" ده بجد، وبقى فيه خبراء بيقعدوا مع الطرفين بـ "طولة بال" قبل ما القضية توقف قدام القاضي.. هل نسب الطلاق والخلع هتقل؟ وهل ده هيرجع للراجل هيبته وللست أمانها؟

أبرز مهام مقترح عمل "مجلس الأسرة":

· لا تقبل أي قضية خلع او طلب خلع اوطلاق ا بعد المرور على مجموعة من الاخصائيين في مجالات الاسرة (لجان نفسية واجتماعية إجبارية) قعدات حقيقية مع الزوج والزوجة لفهم سبب طلب الخلع او الطلاق.

· حماية حقوق الأب في الرؤية والاستضافة: زي ما بنضمن للست نفقة أولادها، نضمن للأب إنه يشوف ولادة ويربيهم، مش يبقى مجرد "ممول" ويكون تربية الأولاد منصفة بين الزوجين.

· صندوق تكافل أسري حقيقي: يضمن حياة كريمة للأولاد

· الخلع مش عيب في القانون، العيب في النفوس اللي بتستخدم القانون عشان تأذي بعضها. البيوت مابتبتديش بالمحاكم، والطلاق أو الخلع لازم يكون بـ "تسريح بإحسان". فكروا في أولادكم اللي بيدفعوا تمن العناد ده من صحتهم النفسية.

بيوتنا دي هي أمان بلدنا.. لما البيت بيتهد، المجتمع كله بيتهز. يا ريت نرجع لـ "أصلنا الطيب"، للست الأصيلة اللي بتستحمل وبتكبر بجوزها، وللراجل الشهم اللي بيصون مراته ويشيلها في عينيه. بلاش تسرع، وبلاش كلمة "طلقني" و"هخلعك" تبقى لبانة في البق.. الجواز ميثاق غليظ، حافظوا عليه.

حد هنا واجهته مشكلة وقدر يعديها بحكمة؟ شاركونا قصصكم على صفحة البرنامج..

نشوفكم على خير في حلقة جديدة، وبيوتكم دايماً عمرانة بالحب والستر.. سلام عليكم.

هوج بول.. وهم الثراء السريع!

noreply@blogger.com (مجتمع بوست) — Thu, 04 Jun 2026 19:09:33 +0000

هوج بول.. وهم الثراء السريع!

هوج بول (Hoogpool)

القصة دي واحدة من أكبر قضايا النصب والاحتيال اللي هزت الرأي العام في مصر واللي راح ضحيتها مئات الآلاف من المصريين، ووصلت قيمة الفلوس اللي اتسرقت لـ 6 مليار جنيه مصري.

النهارده هتورينا إزاي الطمع، والحلم بالربح السريع، ممكن يخلي الواحد ينسى عقله ويخسر شقى عمره. حكايتنا عن منصة اسمها "هوج بول" (Hoogpool)، اللي ظهرت فجأة واختفت فجأة، وسابت وراها آلاف الضحايا.

منصة "هوج بول" ظهرت في مصر في حوالي شهر أغسطس 2022. هي كانت بتقدم نفسها كـ شركة استثمار وأرباح عن طريق تداول العملات الرقمية زي البيتكوين، وتعدينها (Mining).

كانت بتقول للناس إنهم يشتروا آلات افتراضية لتعدين البيتكوين. الآلات دي بتيجي بأسعار مختلفة، تبدأ من مبالغ صغيرة زي 200 جنيه وتوصل لآلاف الجنيهات.

كانت المنصة بتوعد بأرباح يومية ثابتة وكبيرة جداً، وممكن تتضاعف في فترة قصيرة. يعني تحط مبلغ صغير، وتلاقيه بيزيد كل يوم بطريقة خيالية.

عشان يطمنوا الناس، المنصة دي عملت لنفسها سجل تجاري مصري ورخصة شركة (للأسف طلعت مزورة أو استخدمت في غير الغرض).

وده اللي خلى ناس كتير تثق فيهم، خاصة إنها كانت بتدفع الأرباح في الأول بشكل منتظم.

· في البداية، كل حاجة كانت ماشية زي الفل. أي حد يحط فلوس، يلاقي الأرباح بتنزل له في حسابه على المنصة، ولما يطلب يسحب جزء، المنصة كانت بتسحب له فعلاً عن طريق محفظة إلكترونية زي "فودافون كاش" أو غيرها. ده اللي كان بيخلي الناس تطمن أكتر وتستثمر مبالغ أكبر.

"هوج بول" اعتمدت على نظام اسمه "التسويق الهرمي" (Pyramid Scheme). يعني كل شخص يدخل معاه ناس تانية، يأخذ عمولات إضافية على استثماراتهم.

ده خلى الضحايا نفسهم يتحولوا لمسوقين للمنصة، وكل واحد يدخل صحابه وعيلته عشان يكسب أكتر.

المنصة كانت بتنظيم حفلات ومؤتمرات فخمة في محافظات مختلفة (زي بورسعيد والقاهرة) عشان تحتفل بالناجحين وتعلن عن "صناديق استثمار" جديدة بأرباح أكبر وأسرع. الناس، من كتر الطمع، باعوا اللي وراهم واللي قدامهم وحطوا كل فلوسهم، وحتى فلوس قروض، في الصناديق دي.

في شهر مارس 2023، حصل اللي محدش توقعه... بس هو في الحقيقة كان متوقع في أي عملية نصب من النوع ده.

فجأة، تطبيق "هوج بول" والموقع الإلكتروني بتاعه اتقفلوا ومش بيفتحوا تاني. حسابات الناس اللي كانت مليانة أرباح وهمية، كلها طارت. مفيش سحب، مفيش رد، ومفيش أي أثر للمسؤولين.

الحصر المبدئي: الضحايا اكتشفوا إن إجمالي المبلغ اللي اتسرق منهم وصل لحوالي 6 مليار جنيه مصري.

بداية البلاغات: مئات الضحايا اتجمعوا قدام مديريات الأمن والمحاكم عشان يقدموا بلاغات رسمية ضد المنصة بتهمة النصب والاحتيال.

الموقف القانوني والقبض على المتهمين

الأجهزة الأمنية المصرية تحركت بسرعة، ونجحت في القبض على عدد من المسؤولين والقائمين على إدارة المنصة، اللي كان بينهم مصريين وأجانب من الصين).

تم القبض على حوالي 29 شخص، بينهم 13 أجنبي، كانوا بيديروا النشاط ده من فيلات سكنية في القاهرة.

أمرت النيابة العامة أصدرت قرارات بالتحفظ على أموال المتهمين لمنعهم من التصرف فيها، وضماناً لحقوق الضحايا.

المحامين قالوا إن الضحايا ليهم حق في استرداد فلوسهم، لكنهم كمان ممكن يكونوا عرضة للمساءلة القانونية، وده لأن تداول العملات الرقمية محظور في مصر طبقاً لقانون البنك المركزي والجهاز المصرفي.

قصة "هوج بول" دي مش مجرد عملية نصب وخلاص. دي درس كبير لينا كلنا:

مفيش حاجة اسمها ثراء سريع من غير شغل ولا مجهود حقيقي. أي استثمار بيوعدك بأرباح خيالية في وقت قصير جداً، ده غالباً بيكون نصب واهي، وبيشتغل على طمع الناس".

لازم الناس تاخد بالها إن أي استثمار يكون عن طريق بنوك ومؤسسات مالية مرخصة ومعروفة، ومش عن طريق تطبيقات ومواقع مجهولة الهوية أو بتروج لنفسها بنظام الإحالة.

وبكده نكون وصلنا لنهاية حكايتنا النهارده. استنونا في حلقة جديدة الأسبوع اللي جاي مع حكاية نصب حديثة تانية... خلي بالكم من فلوسكم! إلى اللقاء.

رمضان عبد المقصود

حلقة: "ورا الشاشة".. السوشيال ميديا والواقع (مش كل اللي بتشوفه حقيقي)

noreply@blogger.com (مجتمع بوست) — Wed, 03 Jun 2026 20:55:12 +0000

حلقة: "ورا الشاشة"

السوشيال ميديا والواقع (مش كل اللي بتشوفه حقيقي)

يا رب يومكم يكون كله طاقة إيجابية.. بس إيجابية حقيقية مش بتاعة الفلاتر!

بصوا بقى.. خلونا نكون صرحاء مع بعض من أول دقيقة. كام مرة قمت من النوم، فتحت الفيسبوك أو الإنستجرام، ولقيت "ستوري" لواحد صاحبك بيتغدى في مطعم غالي، أو شوفتي واحدة صاحبتك جوزها جايب لها بوكيه ورد أو هدية غالية جدا.. فـ يجيلك هبوط حاد في التفاؤل وتبص لسقف أوضتك وتقول: "يا رب.. هو أنا ليه حياتي أبيض وأسود والناس دي عايشة في مارينا؟!"

عبارة بنقولها كتير.. بس الحقيقة المرة اللي لازم نواجه بيها بعض هي: مش كل اللي بتشوفه حقيقي!

يا جماعة، السوشيال ميديا في مصر بقت عاملة زي "صالة العرض". كل واحد فينا بينقي أحسن لقطة في يومه، يظبط الإضاءة، يحط الفلتر المتين، وينزلها.

· حد فينا بينزل صورته وهو قايم من النوم منكوش وشايل هم قسط الشقة؟ لأ.

· حد بينزل فيديو وهو بيتخانق مع السواق عشان الباقي؟!

إحنا بنشوف "المونتاج" بتاع حياة الناس، مش الفيلم الكامل. بتشوفي صاحبتك وهي بتضحك في الساحل، بس مابتشوفهاش وهي قاعدة مخنوقة وبتعيط بالليل عشان عندها مشاكل في الشغل. بتشوف "شخص" وهو راكب عربية بمليون جنيه، بس ماتعرفش هو مديون بكام عشان يعمل اللقطة دي!

· السوشيال ميديا هي "فترينة محل".. والفترينة دايماً بتعرض أحسن بضاعة، مش الكراكيب اللي جوه المخزن!

والخطورة هنا:

1. البنات بالذات بقوا يشوفوا معايير جمال وهمية وفلاتر بتغير الملامح، فتبص في المراية وميعجبهاش شكلها الطبيعي.

2. الهوس باللايكات والـ Views: بقينا بنشوف ناس مستعدة تعمل أي حاجة، حتى لو هتقلل من كرامتها أو تعرض حياتها للخطر، لمجرد التريند.

3. الفجوة الأسرية: مبقاش فيه لغة حوار في البيوت، كل واحد قاعد في جزيرة منعزلة مع موبايله.
فقرة: حكمة الكبار (أقوال تزن ذهب)

وعشان نوزن كلامنا بالعقل والحكمة، تعالوا نفتكر سوا كلمات لعملاقة الفكر والروح في مصر..

· نبدأ بـ الدكتور مصطفى محمود رحمة الله عليه، اللي كان دايماً بيبصرنا بالحقائق.. كان بيقول:"الحرية الحقيقية هي ألا تكون عبداً لشيء.. لا لعادة، ولا لرأي شخص، ولا لتقييم الناس لك." والسوشيال ميديا للأسف خلقت جيل كامل عبيد لـ "اللايك والشير" وتقييم الناس!

· اسم الحلقة: "حلقة الإشاعة والفتنة ومواجهة الكذب" -من برنامج العلم والإيمان.

· مضمون الحلقة: يتحدث فيها عن خطورة تزييف الحقائق وانتشار الأكاذيب بين الناس وكيف يضيع الإنسان دينه وعقله وراء المظاهر.

· ولو روحنا لإمام الدعاة، الشيخ محمد متولي الشعراوي، هتلاقيه بيعالج نقطة "المقارنة" والرزق بكلمات تريح القلب، لما قال:

"لا تقلق من تدابير البشر، فأقصى ما يستطيعون فعله معك هو تنفيذ إرادة الله." وقال كمان إن ربنا قسم الأرزاق بعدل، فما تبصش للي في إيد غيرك، لأنك مابتشوفش ربنا أخد منه إيه في المقابل.. "الرضا" هو المفتاح يا شباب.

· اسم الحلقة/الفيديو: "علاج حسد النعمة والنظر إلى ما في أيدي الآخرين" (متوفرة على القنوات الرسمية لتراث الشيخ الشعراوي).

· مضمون الحلقة: يشرح فيها الشيخ بالتفصيل مفهوم الرضا بالرزق، وكيف أن الله وزع الـ 24 قيراطاً بالعدل بين البشر، وهي كبسولة لعلاج مقارنة النفس بالآخرين على السوشيال ميديا.

ونختم بـ رائد التنمية البشرية، الدكتور إبراهيم الفقي، اللي كان دايماً يشجعنا نركز على نفسنا.. كان بيقول:

"عش كل لحظة كأنها آخر لحظة في حياتك، عش بالإيمان، عش بالأمل، عش بالحب، عش بالكفاح، وقدر قيمة الحياة." دكتور إبراهيم بيعلمنا إن الواقع بتاعنا إحنا اللي بنصنعه بأفعالنا، مش باللي بنتابعهم على الشاشات وبنضيع وقتنا وراهم.

· اسم الحلقة/المحاضرة: "قوة التحكم في الذات وكيف تبني واقعك" (من سلسلة محاضرات صناعة الهدف).

· مضمون الحلقة: يتناول فيها دكتور إبراهيم إكساب الشباب مهارة الانفصال عن المؤثرات الخارجية السلبية والتركيز على التطوير الذاتي الداخلي بدلاً من العيش في أوهام الآخرين.

حلقات وثائقية حديثة عن السوشيال ميديا (لإثراء الحلقة بالأرقام)

· اسم الفيلم الوثائقي: "معضلة وسائل التواصل الاجتماعي" (The Social Dilemma).

· مضمون الحلقة: فيلم يشرح كيف يتم تصميم خوارزميات السوشيال ميديا لسرقة وقت الشباب والتلاعب بمشاعرهم وجعلهم مدمنين على الشاشات.

الفخ النفسي (المقارنة)

· الخطورة فين بقى؟ الخطورة إننا من غير ما نحس، بنبدأ نقارن "كواليس حياتنا المكركبة" بـ "أفلام الناس المكتملة". المقارنة دي بتجيب إحباط، وبتخلينا مش شايفين النعم اللي في إيدينا.

تلاقي البيوت اتخربت بسبب "اشمعنى جوز فلانة جاب لها" و"اشمعنى خطيبة فلان بتعمله". يا فندم، فلانة دي ممكن تكون مأجرة الفستان، وفلان ده ممكن يكون واخد القرض عشان المنظرة!

المجتمع المصري بطبعه بيحب "الستر"، بس السوشيال ميديا خلتنا نحب "الشو" أو المظاهر. وعشان كده لازم نفرمل شوية.

طب والعمل يا كابتن؟ نقفل الأكاونتات ونعيش في قوقعة؟ لأ طبعاً، السوشيال ميديا فيها حاجات حلوة وبتسلينا وبتنفعنا. بس شغل "الوعي" عندك:

1. فلتر عينك قبل ما تفلتر صورتك: أول ما تشوف حاجة تبهرك بزيادة، قولي لنفسك: "ما شاء الله، ربنا يسعدهم، بس دي لقطة من ٢٤ ساعة كاملة أنا معرفش عنها حاجة".

2. أي صفحة أو "بلوجر" تحس إنه بيصدرلك طاقة سلبية، أو بيخليك تحس بنقص أو إحباط.. اعمل له إلغاء متابعة فوراً. ريح دماغك ونضف التايم لاين بتاعك.

3. جرب كدة تفصل يوم في الأسبوع.. يوم الجمعة مثلاً، اقفل الأبلكيشن دي خالص

4. ركز في ورقتك: عيش واقعك، اتبسط بأكل أمك، بلمة صحابك ، بضحكة حقيقية مش معمولة عشان "الستوري".

حبايبنا.. الحياة الحقيقية مش بـ "اللايكات"، ولا بـ "الـ Views". الحياة الحقيقية هي التفاصيل البسيطة اللي مابتتصورش. اتبسطوا بحياتكم زي ما هي، وافتكروا دايماً: "الجمال الحقيقي ملوش فلاتر".

الموبايل ده وسيلة للتواصل، مش سجن لـعقولنا وصحتنا النفسية. عيشوا الواقع بحلوه ومره، لإن المر اللي فيه بيعلمنا، والحلو بيفرحنا بجد. والسلام

رمضان عبد المقصود

يا خروف العيد.. ليه بتعمل فينا كده؟"

noreply@blogger.com (مجتمع بوست) — Tue, 26 May 2026 10:08:58 +0000

يا خروف العيد.. ليه بتعمل فينا كده؟

صباح الفل يا جماعة، وكل سنة وإنتوا طيبين! النهاردة حلقة خاصة جداً، حلقة ريحتها فتة ولحمة محمرة.. النهاردة هنتكلم عن عيد الأضحى المبارك، العيد الكبير، عيد الـ (أنا مش قادر أخد نفسي من الفتة)!".

"الكنز اللي بنضيعه.. فضل العشر من ذي الحجة"

"عيد الأضحى يا جماعة هو 'عيد التضحية'، مش بس تضحية بالمال أو بالأضاحي، لأ.. ده درس كبير في 'التضحية بالذات' وبالأنانية.

هو العيد اللي بيعلمنا معنى الوفاء لسيدنا إبراهيم عليه السلام، ومعنى التسليم المطلق لرب العالمين. هو فرصة لكل واحد فينا يراجع نفسه، يطهر قلبه من أي زعل، ويفتح صفحة جديدة."

· "عشان نحس بطعم العيد فعلاً، خلونا نعمل شوية حاجات بسيطة تفرق:

· صلة الرحم قبل أي حاجة: التليفون دلوقت بقى بيقرب البعيد، بس القعدة والمقابلة ليها طعم تاني. ابدأوا بأهل بيتكم، وبعدين قرايبكم، وماتنسوش اللي بقى لهم فترة ماكلمتوش حد فيهم.. العيد فرصة للصلح.

· جبر الخواطر: العيد ده فرحة للكل. حاولوا في الأيام دي تفتكروا جيرانكم، الناس اللي محتاجة، حتى بكلمة طيبة أو طبق لحمة يوصل لإيد حد مستحقه.. فرحتكم هتزيد لما تشوفوا فرحة غيركم.

· بلاش الإسراف: الفرحة مش في كتر الأكل واللحمة وبس، الفرحة في اللمة والضحكة. خلونا نعتدل ونفرح من غير تبذير، ونفتكر إن الهدف هو الشكر والحمد."

بصوا يا جماعة، قبل ما ندخل في 'الخناقة على الضاني'، فيه أيام بنمر عليها مرور الكرام وهي كنز! العشر الأوائل من ذي الحجة. دول مش مجرد أيام، دول 'أيام العمر'. النبي عليه الصلاة والسلام قال إن العمل الصالح فيهم أحب إلى الله من أي وقت تاني.

يعني لو عندك 'صيام' خفيف، 'ذكر'، 'صدقة'، أو حتى 'مساعدة ماما في المطبخ بدل ما تنزل تجيب الفحم وتضيع'.. كل ده في العشرة دول بوزن دهب! فبلاش نضيعهم في التجهيز للبس العيد بس، خلونا نلحق شوية رصيد حسنات قبل ما ندخل في معمعة العيد."

"طرائف العيد.. كواليس البيوت المصرية"

نيجي بقى للجد.. العيد في مصر ده مسلسل كوميدي ملوش نهاية! خلونا نشوف شوية لقطات من واقعنا:

خناقة (مين اللي هيشوي؟): تلاقي الأب لابس 'الفانلة الحمالات' وفارد إيده قدام الشواية، ومفكر نفسه 'شيف عالمي'، وأول ما اللحمة تتحرق، يتحول فوراً لـ 'ضحية' ويقولك: 'النار كانت عالية يا أم العيال!'.

خروف العيد في البلكونة: الظاهرة المصرية العريقة! إنك تلاقي الخروف 'بيأكل غسيل الجيران' أو 'بيعمل دوشة ليل نهار'، وصاحب الخروف متعايش جداً وبيعتبره فرداً من العيلة، لدرجة إنه بيصوره سيلفي قبل ما... (خلاص بلاش نكمل عشان الناس متزعلش!).

اختفاء 'الكبده' السري: الكبدة بتختفي فجأة من المطبخ.. السؤال المحير: راحت فين؟ هل هي 'عفاريت مطبخ'؟ لا، ده غالباً بابا أو الأخ الصغير عملوا 'عملية انتحارية' واكلوها نية أو نص سوا قبل ما الغدا يجهز!"

"نصائح العيد.. عشان نعدي بسلام"

"عشان نعدي العيد ده بأقل خساير (ومعاش):

1. اللحمة مش بتهرب: مش لازم تاكل كيلو في القعدة الواحدة، خلي عندك 'نفس طويل' عشان معدتك متعملش إضراب عام.

2. الصلة أهم من الأكلة: العيد مش بس أكل، العيد صلة رحم.. اسأل على قرايبك، حتى لو مكالمة تليفون، الكلمة الحلوة أحياناً بتبقى أحلى من فخدة الضاني.

3. العيدية: يا جماعة، العيدية دي مش 'دين' بنرده، دي 'علاوة' بتبسط الأطفال.. بلاش نظرات 'أنا مديون لكم من السنة اللي فاتت' للعيال الصغيرين!"

يا جماعة، قصة سيدنا إبراهيم وسيدنا إسماعيل كلنا عارفينها، بس فكروا فيها كده بمقياس الزمن ده. سيدنا إبراهيم شاف الرؤيا، وراح لابنه قاله "يا بني إني أرى في المنام أني أذبحك". رد فعل سيدنا إسماعيل كان بمنتهى الهدوء: "يا أبت افعل ما تؤمر".

بس طبعاً، هي قصة مليانة تسليم ويقين، لدرجة إن ربنا فداه بـ "ذبح عظيم". ومن هنا بدأت سنة الأضحية اللي مخليا كل أب مصري دلوقتي ماشي في الشارع وشه أصفر وهو بيحسب ميزانية الخروف اللي سعره بقى يعدي ميزانية جوازة في التسعينات!

الفراعنة واللحمة.. "الكنب" كان هو الأساس

طيب، هل المصريين القدماء كانوا بيحتفلوا بحاجة شبه كده؟ طبعاً! المصري القديم كان "كيّيف" لحمة. في عيد "أوبت"، كانوا بيذبحوا الذبائح ويوزعوها على الناس.

بس الفرق إن المصري القديم كان بيقدم اللحمة للآلهة الأول، وبعدين الكهنة ياكلوها.. يعني كان فيه "تنسيق" في التوزيع.

لو كنا في زمنهم دلوقتي، كان زمان وزارة التموين منزلة تطبيق "ابلكيشن تذبيح الأضاحي"، والكهنة هما اللي ماسكين خدمة العملاء، تخيلوا المنظر!

المماليك والفتة.. "التريند" اللي مبيخلصش

نيجي بقى لعصر المماليك. المماليك دول كانوا بيحبوا المهرجانات. كان فيه حاجة اسمها "موكب الأضحية". السلطان كان بيوزع اللحمة على الفقراء، وكان فيه ولائم بتتعمل في القلعة.

تخيل المملوكي اللي لابس الدرع بتاعه وماسك السيف، وقاعد قدام طبق فتة بالخل والتوم.. منظر مهيب بصراحة.

اللحظة التاريخية الحقيقية هي مين اخترع "الفتة"؟ هل هو شخص كان عنده بقايا رز وعيش ناشف وقرر يعمل "ميكس" عبقري؟ ده يستحق تمثال في ميدان التحرير، مش بس تكريم!

· لو الخروف بتاعك هرب منك في الشارع، حاول تمسكه بشياكة.. التاريخ مش هيسجل إنك كنت "سوبر مان"، هيسجل إنك كنت بتجري ورا خروف والناس بتصورك "تيك توك"!

· كل سنة وأنتوا طيبين، وعيد أضحى سعيد عليكم.. ومحدش ينسى يبعتلي طبق فتة، أنا صايم من دلوقتي!

قولي أكتر موقف كوميدي حصل معاك يوم الوقفة أو يوم العيد مع الخروف بتاعكم؟

"في النهاية، عيد الأضحى هو عيد الفرحة، عيد التضحية، وعيد اللمة. سيبكم من حرق الأعصاب، واستمتعوا بكل لحظة، واشبعوا من الناس اللي بتحبوهم،

وكل سنة وإنتوا طيبين، وعيد أضحى سعيد عليكم وعلى كل حبايبكم! استنوني الحلقة الجاية، ولو حد فيكم حصل معاه موقف مضحك مع الخروف، يكتبهولي في التعليقات عشان نضحك كلنا سوا!".

رمضان عبد المقصود

د. إبراهيم الفقي صانع الأمل ومطور القلوب

noreply@blogger.com (مجتمع بوست) — Sun, 24 May 2026 16:30:10 +0000

دكتور إبراهيم الفقي.. صانع الأمل ومطور القلوب
سر الروح التي لم تنطفئ

في حلقة النهاردة إحنا مش جايين نتكلم عن شخص عادي، إحنا جايين نتكلم عن "مغناطيس طاقة". شخص لما كان بيقعد في قاعة، كان قادر يخلي آلاف الشباب يقوموا يقفوا على رجليهم ويصقفوا بحماس من غير ما يحسوا.

"الناس نوعين.. نوع بيشتكي من الظلمة، ونوع بيولع شمعة. أنت مين فيهم؟ متقوليش معنديش وقت، معنديش فلوس. ابدأ باللي معاك، ومن المكان اللي أنت فيه، ربنا مش هيضيع أجر من أحسن عملاً!"

النهاردة هنتكلم عن الراجل اللي دخل بيوتنا كلها بابتسامته الساحرة ونبرة صوته اللي بتديك أمل غصب عنك.. الراجل اللي علّمنا يعني إيه "قوة التحكم في الذات"، وإزاي نعيش بالحب والأمل.. النهاردة حلقتنا عن رائد التنمية البشرية في العالم العربي.. الدكتور إبراهيم الفقي. رحمه الله

· كتير مننا بيشوف النجاح في لقطته الأخيرة.. يعني بنشوف الدكتور إبراهيم وهو لابس البدلة الشيك وبيتكلم في التليفزيون، بس قليل اللي يعرف "الخلطة" اللي اتكون منها الراجل ده.

· إبراهيم الفقي مكنش مولود وفي بوقه معلقة دهب. الراجل ده بدأ كشاب مصري طموح، وكان بطل مصر في تنس الطاولة ومثل مصر في بطولة العالم بألمانيا سنة 1969. تدرج في العمل الفندقي لحد ما وصل لمرتبة مدير فندق في مصر.. وفجأة، قرر يسافر كندا مع زوجته عشان يبدأ من الصفر.

تخيلوا.. مدير فندق في مصر، يسافر كندا ميعرفش حد، ولا معاه فلوس، واضطر يشتغل في أول حياته هناك "غاسل أطباق" وحارس عقار عشان يقدر يعيش!

تخيل الصدمة؟ من مدير لغاسل أطباق.. بس الفقي مكنش من النوع اللي يستسلم. كان بيغسل الأطباق بابتسامة، ويقول لنفسه: أنا هكون أحسن مدير فندق في البلد دي.. وفعلاً، في سنوات قليلة، درس، وكافح، لحد ما بقى مدير عام لأكبر الفنادق في كندا!"

· لما رجع الدكتور إبراهيم الفقي مصر في أواخر التسعينات وبداية الألفينات، مكنش مصطلح "التنمية البشرية" ده معروف أوي عند الناس. كان تخصص جديد وغريب، وفيه ناس كانت بتهاجمه وتقول "ده بيع وهم".

· بس دكتور إبراهيم عرف يدخل قلب الشباب المصري من أقصر طريق. ليه؟ لأنه مكنش بيتكلم كلام أكاديمي مكلكع.. كان بيتكلم بلغة الشارع، بأمثال مصرية، وبخفة دم مفيش زيها.

· أسس المركز الكندي للتنمية البشرية، وبدأت محاضراته تملى الصالات المغطاة في استاد القاهرة.. قاعات بتشيل 5 و 10 آلاف شاب! الشباب كانوا بيروحوا عشان يشحنوا طاقتهم.

أولاً: الثقة بالنفس (مفتاح كل حاجة)

الدكتور الفقي كان بيشوف إن الثقة بالنفس مش رفاهية، دي هي المحرك الأساسي لكل نجاح. لو مش واثق في نفسك وفي قدراتك اللي ربنا ادهالك، مش هتعرف تاخد خطوة واحدة.

الدكتور الفقي بيقول : ازاي تبني ألافكار :

1. راقب كلامك مع نفسك بطل تقول "أنا حظي وحش" أو "مش هعرف أعملها". استبدلها بـ "أنا هحاول وهتعلم". العقل الباطن بياخد كلامك ويحوله لحقيقة.

2. اكتب إنجازاتك: حتى لو كانت صغيرة جداً (زي إنك خلصت كتاب، أو ساعدت حد، أو التزمت بحاجة أسبوع). الإنجازات الصغيرة بتعمل تراكم وتديك دفعة قوية.

3. الدكتور دايماً كان يقول: "الفشل هو لوحة مكتوب عليها: ليس من هنا.. غير الاتجاه بس متوقفش".

ثانياً: التخطيط للمستقبل (إزاي تبدأ من الصفر؟)

من غير خطة، إنت عامل زي سفينة في وسط البحر من غير بوصلة، الموج هيوديك ويجيبك. الدكتور الفقي علمنا إن التخطيط بيبدأ برؤية واضحة ونية صادقة.

الخطوات العملية للتخطيط:

1.حدد إنت فين وعايز تروح فين؟:الرؤية والواقع.

اكتب وضعك الحالي بكل صراحة، وبعدين اكتب هدفك الواضح اللي عايز توصله بعد سنة أو 5 سنين. متسيبش الهدف عايم، خليه محدد.

2قسم الهدف الكبير لأهداف صغيرة:الفعل الاستراتيجي.

لو عايز تتعلم مهارة جديدة زي البرمجة أو الجرافيك، متقولش "هتعلم برمجة السنة دي". قول "النهاردة هشوف فيديو مدته نص ساعة، والأسبوع ده هخلص أول تطبيق عملي".

3.إدارة الوقت والالتزام اليومي:قوة العادات.

اصحى بدري، رتب أولوياتك. الدكتور كان بيقول إن النجاح بيبدأ من تنظيم يومك الحالي، مش من التفكير في بكره وبس. لو يومك منظم، مستقبلك هيكون منظم.

4. التحرك الفوري (قوة الفعل): ابدأ الآن.

أكبر عدو للتخطيط هو "التسويف" (بكره هبدأ، بعده هعمل). السر كله في إنك تاخد أول خطوة فوراً، حتى لو خطوة بسيطة جداً.

من حكم الدكتور إبراهيم الفقي:

"عش كل لحظة كأنها آخر لحظة في حياتك، عش بالإيمان، عش بالأمل، عش بالحب، عش بالكفاح، وقدر قيمة الحياة".

أشهر محاضراته اللي كسرت الدنيا:

1. قوة التحكم في الذات: إزاي متخليش الظروف هي اللي تمشيك.

2. المفاتيح العشرة للنجاح: الدستور اللي مشي عليه ملايين الشباب.

3. إزاي تعيد برمجة عقلك الباطن عشان تتخلص من الخوف والعادات السيئة.

التأثير على الشباب.. إرث مبيتمحيش]

تأثير إبراهيم الفقي على الشباب المصري مكنش وقتي.. يعني مش بتخرج من المحاضرة متحمس وبعدين تبرد.. لأ، الراجل ده ساب "منهج حياة".

هو اللي علم الجيل ده إن الفشل مش نهاية العالم، بل هو أول خطوة في طريق النجاح. علم الشباب يعني إيه "إدارة الوقت"، وإزاي تحط هدف ذكي (SMART Goal) وتسعى وراءه.

· كتبه زي: "إيقظ قدراتك / اصنع مستقبلك" / "سحر القيادة" – الأكثر مبيعاً في معارض الكتاب.

النهاردة، لو دخلت على السوشيال ميديا، هتلاقي فيديوهات الدكتور إبراهيم الفقي لسة بتجيب ملايين المشاهدات من شباب يمكن مكنوش اتولدوا أصلاً وهو عايش! وده دليل إن الطاقة الإيجابية الصادقة م بتموتش.

1. فكرة "أنت مش الشغلانة ولا الظروف" (قيمة الذات)

من أكتر الحاجات اللي الدكتور الفقي ركز عليها وسابت أثر، هي إن قيمتك كإنسان نابعة من كونك أفضل مخلوق عند ربنا سبحانه وتعالى. كان دايماً يقول للشاب: "لو أنت مدير أو غفير، دي وظيفتك مش أنت.. أنت قدراتك غير محدودة، لكن إمكانياتك هي اللي محتاجة تتطور (لغات، دراسة، مهارات)". الفكرة دي بتدي ثقة رهيبة للشاب اللي لسه بيبدأ ومش ملاقي شغل، أو حاسس إن الظروف مأثرة عليه.

2. إدارة الغضب والتحكم في الذات

في السن الصغير، العصبية والاندفاع بيبقوا هما اللي سايقين. الدكتور الفقي كان بيعلم الشباب إزاي "يتنفسوا صح" وقت الغضب، وإزاي يفصلوا بين الفعل ورد الفعل. كان بيقول إن الكلام بيعمل إدراك، والإدراك بيفتح ملفات عقلية، فلو ما لجمتش غضبك من الأول، هتخسر علاقاتك وأقرب الناس ليك عشان كلام فارغ.

3. قانون السعادة والألم (ديناميكية التكيف العصبي)

دي من الأفكار العبقرية بتاعته؛ المخ البشري مبرمج إنه يقرب من أي حاجة يربطها بالصداقة أو "السعادة"، ويبعد عن أي حاجة يربطها بـ "الألم". الشاب اللي بيربط المذاكرة أو التعب بـالألم، مخه بيبهّده عنها ويخليه يهرب للموبايل والسوشيال ميديا (السعادة المؤقتة). الفكرة هنا إنك تبرمج عقلك وتربط النجاح والالتزام بالسعادة الحقيقية، وتربط الكسل بالألم والخسارة.

4. ثلاثية النجاح: (الالتزام، الإصرار، والانضباط)

كتير من الشباب بيبدأوا "دايت" أو يتعلموا لغة جديدة بحماس كبير، وبعد أسبوع كله بيطفي! الدكتور الفقي كان بيسمي الالتزام والاصطبار والانضباط "القوة الثلاثية". كان بيقول: "امسك ورقة وقلم وخطط لحياتك، وأهم حاجة المرونة، عشان لو اتقابلت مع تحديات ما تتكسرش".

أجمل نصيحة كان دايماً يختم بيها: "عيش كل لحظة كأنها آخر لحظة في حياتك.. عيش بحبك لله سبحانه وتعالى، عيش بالتطبع بأخلاق الرسول عليه الصلاة والسلام، عيش بالأمل، عيش بالكفاح، عيش بالحب، وقدر قيمة الحياة".

· في فبراير سنة 2012، صحينا كلنا على خبر حزين جداً وصادم.. رحيل الدكتور إبراهيم الفقي إثر حادث حريق مؤلم في شقته.. صدمة هزت مصر والوطن العربي كله. الراجل اللي قضى حياته كلها يطفي حرايق اليأس جوة قلوب الناس، مات بسبب حريق.. مفارقة حزينة جداً.

لكن الدكتور إبراهيم ساب وراه ثروة حقيقية.. ساب تلاميذ، وكتب، ومحاضرات، والأهم من ده كله.. ساب "أمل" في قلوب ملايين الشباب.

عشان كده، وإحنا بنختم حلقتنا النهاردة، مفيش أحسن من إننا ننهي بأشهر كلماته اللي لسة بترن في ودن كل واحد فينا..

فيديو مسجل للدكتور إبراهيم الفقي وهو بيقول بصوته الحماسي:" تذكر دائماً.. عيش كل لحظة كأنها آخر لحظة في حياتك.. عيش بالإيمان، عيش بالأمل، عيش بالحب، عيش بالكفاح، وقدّر قيمة الحياة."

وقبل ما نختم حلقتنا، خلونا نجمع أهم نصايح الدكتور إبراهيم الفقي اللي لازم كل شاب يبروزها في أوضته وفي دماغه:

· احذر من لصوص الوقت: السوشيال ميديا والقعدات اللي ملهاش لزمة.

· صاحب الناجحين: الطاقة معدية، لو قعدت مع 5 محبطين هتبقى السادِس بتاعهم، ولو قعدت مع 5 ناجحين هتبقى السادِس برضه!

· قرب من ربنا: دي القوة الروحية اللي بتسندك لما كل الأبواب تقفل.

· "الله سبحانه وتعالى كرمك، خلقك وجعل الملائكة تسجد لآدم، وداخلك قدرات لا محدودة. متسمحش لأي حد يكسر مقاديفك، ومتسمحش لنفسك بالإحباط. افتكر دايماً.. أنت خطير!"

· دي كانت رحلتنا السريعة مع فيلسوف الأمل.. دكتور إبراهيم الفقي. قوموا دلوقتي، فكروا في أحلامكم، وابدأوا خدوا أول خطوة مهما كانت صغيرة. الله يرحم دكتور إبراهيم الفقي.. وبنقولكم لكل شبابنا: عيشوا بالكفاح، وقدروا قيمة الحياة.. نشوفكم الحلقة الجاية... والسلام.

رمضان عبد المقصود

الدكتور مصطفى محمود.. نور العقول والشباب

noreply@blogger.com (مجتمع بوست) — Sun, 17 May 2026 11:52:39 +0000

الدكتور مصطفى محمود.. نور العقول والشباب

النهاردة جايين نفتكر سوا الراجل اللي كان بيقعدنا كلنا قدام التلفزيون يوم الجمعة، بهدوئه المعروف وجملته الشهيرة 'أهلاً بيكم' مكنش مجرد طبيب، بس النهاردة مش هنتكلم عن برنامجه، إحنا هنتكلم عن 'نظراته للمستقبل'.. إزاي الراجل ده من سنين طويلة، كان شايف اللي إحنا عايشين فيه دلوقتي؟" انه الفيلسوف والكاتب الكبير الدكتور مصطفى محمود. رحمه الله

تخيلوا كدة شاب بيدرس الطب، لكنه مش بس مهتم بتشريح الجثث، ده مهتم بتشريح "الأفكار". مصطفى محمود مكنش مجرد دكتور شاطر، ده كان فيلسوف بيبحث عن الحقيقة في كل شيء. بدأ حياته بشك وبحث طويل، وانتهى بايمان عميق جداً مبني على العلم والمنطق، وده اللي خلاه يوصل لقلب كل شاب مصري.

مقدرش أتكلم عن دكتور مصطفى محمود من غير ما أقف عند أهم محطة في حياته، وهي رحلة "الشك" اللي استمرت 30 سنة.

· في فترة شبابه، انغمس في القراءات المادية والفلسفية، وده اللي خلاه يكتب كتابه الشهير "حوار مع صديقي الملحد".

· هو ملقاش الإيمان بالصدفة، هو لقاه "بالعلم". كان بيقول إن العلم كل ما بيتعمق، لازم يوصل للخالق.

· برنامج "العلم والإيمان": الإنجاز أكتر من 400 حلقة، قدر فيهم يبسّط أعقد النظريات العلمية (زي النسبية والثقوب السوداء) ويخلي "الرجل البسيط" في الشارع يفهمها ويقول "سبحان الله".

الإبداع: كان بيجيب أفلام علمية نادرة ويحللها بأسلوب أدبي وعلمي مبهر، وده اللي خلاه يتربع على عرش البرامج العلمية لسنين طويلة.

دكتور مصطفى محمود مكانش "ناقل" للعلم، كان "متأمل" فيه:

1. كان بيشوف إن المرض مش بس خلل عضوي، لكن فيه جانب نفسي وروحي كبير.

2. هاجم بشدة فكرة إن "المادة هي كل شيء"، وأثبت ببراعة إن الروح والعقل هما المحرك الأساسي للكون.

3. في كتبه زي "عصر القرود" و"المؤامرة الكبرى"، توقع تغول التكنولوجيا على المشاعر الإنسانية، وحذر من "نهاية العالم" الأخلاقية قبل المادية.

بعيداً عن الطب، دكتور مصطفى كان أديب من الطراز الرفيع:

كتب "رجل تحت الصفر" (اللي خدت جائزة الدولة)، ومسرحية "الإسكندر الأكبر"،
سافر بلاد كتير، من غابات أفريقيا (اللي كتب عنها "مغامرة في الأدغال") لبلاد الغرب،

الرجل ده مكنش بتاع كلام وبس، هو حول علمه لعمل:

بنى جامع مصطفى محمود بالمهندسين، اللي بقى صرح إسلامي وعلمي.
أسس المستشفى اللي بتخدم آلاف الفقراء، وكمان المركز الفلكي والمتحف الجيولوجي.
كان بيتبرع بكل عائدات كتبه وبرامجه للأعمال الخيرية.

يا شباب، الدكتور مصطفى محمود بيعلمنا النهاردة تلات حاجات:

1. اقرأ وابحث: متبقاش مجرد "مستقبل" للمعلومة، فكر وحلل.

2. هو كان طبيب، لكنه بقى أديب وفلكي وفيلسوف. متحبسش نفسك في شهادتك.

3. العلم من غير "أخلاق" ومن غير ما يخدم "الناس الغلابة" ملوش قيمة.

توقعاته: كان سابق عصره

· الدكتور مصطفى محمود في كتبه زي 'تأملات في عصر الرعب' و'نهاية العالم'، متكلمش عن غيب، لا ده كان بيقرأ الواقع بعين العلم. من أكتر الحاجات اللي حذر منها هي 'طغيان المادة'. كان دايمًا بيقول إن العلم لوحده لو ملوش قلب (إيمان)، هيتحول لأداة تدمير.

· تخيلوا إنه اتكلم عن التحكم في الجينات والتلاعب بالبشر من قبل ما نسمع عن الاستنساخ بشكل تجاري! كان خايف من اليوم اللي العلم فيه يحاول يغير فطرة ربنا، وقال إن ده هيؤدي لصراعات أخلاقية كبرى.. وده اللي بنشوفه دلوقتي في نقاشات الذكاء الاصطناعي وتعديل الجينات."

· عارفين إيه اللي يجنن فعلاً؟ إن دكتور مصطفى محمود تنبأ بشكل غير مباشر بـ 'التواصل المنقطع'. كان بيقول إن وسائل الاتصال الحديثة (اللي كانت وقتها راديو وتلفزيون وتليفونات بسيطة) ممكن تخلي الناس قريبة من بعض بالأسلاك، بس بعيدة جداً بالقلوب.

الخوف من الآلة: حذر إن الإنسان ممكن يتحول لترس في آلة كبيرة، ويفقد حريته بسبب التكنولوجيا اللي المفروض إنها بتخدمه.
هوس الاستهلاك: قال إن المستقبل هيتحول لسباق مجنون ورا الاستهلاك، والناس هتنسى روحها في وسط الزحمة دي."

الصراع العالمي والموارد

· لو فتحتوا كتبه السياسية، هتلاقوه كان بيتكلم عن 'صراع الموارد'. كان شايف إن الحروب الجاية مش هتكون بس على الأرض، دي هتكون على العلم، والمعلومات، والسيطرة على العقول.

· كان دايمًا بيقول إن القوة في المستقبل مش للي معاه سلاح أكتر، لكن للي معاه 'تكنولوجيا' ومعرفة أكتر. وقال إن العالم هينقسم لـ 'سادة' بيملكوا المعرفة، و'عبيد' بيستهلكوها بس.. وده تحدي كبير لينا ، كان بيحاول دايمًا يشجعنا إننا نكون صناع للعلم مش مجرد متفرجين."

لغز الطاقة.. من "تحت الأرض" لـ "فوق السحاب"

· "زمان كنا فاكرين إن اللي يملك برميل الزيت يملك العالم.. لكن الحقيقة إن ربنا مبناش الكون ده على "مورد واحد" يخلص ونموت. إحنا داخلين على عصر شمس لا تغيب. الطاقة مش هتكون محبوسة في باطن الأرض، الطاقة هتكون في الضوء، في الريح، وفي ذرة الهيدروجين اللي هي أصلاً وقود النجوم.

· البديل مش مجرد "موتور" جديد، البديل هو فلسفة جديدة.. إن الإنسان يستمد قوته من المصادر اللي ربنا جعلها مجانية ومتاحة للكل، مش محتكرة لجهة واحدة. الشمس بتطلع على الغني والفقير، وده قمة العدل الإلهي في موارد المستقبل."

الاستعمار بصورته الجديدة (استعمار العقول والبيانات)

· "خلونا نكون صرحاء.. الاستعمار القديم اللي بييجي بالدبابة والمدفع ده موضة قديمة وراحت. الاستعمار الجديد "ناعم".. استعمار بالريموت كنترول. اللي يملك المعلومة هو اللي هيقدر يوجه شعوب كاملة وهي قاعدة في بيوتها.

· المعركة الجاية مش معركة حدود وأرض، دي معركة "وعي". إزاي تفضل إنسان وليك إرادة، وسط طوفان من التكنولوجيا اللي عايزة تحولك لمجرد "رقم" أو مستهلك في ماكينة كبيرة. الاستعمار الحقيقي في المستقبل هو إنك تفقد هويتك وأنت فاكر إنك حر."

الموارد والماء.. المعركة الكبرى

· "بصوا يا إخواني.. الذهب الحقيقي مش الأصفر، الذهب الجاي هو "الأزرق". نقطة الميه هتكون أغلى من نقطة البترول. العلم هيتجه لتحلية مياه البحار بطرق رخيصة، وهيتجه لزراعة الصحراء.

· المستقبل محتاج "عقل" يدير الموارد، مش يد مبعثرة تضيعها. ربنا أعطانا العقل عشان نوجد البديل قبل ما تخلص الوسيلة. فاللي هيقعد يستنى القدر هو اللي هيخسر، واللي هيخطط بالعلم والإيمان هو اللي هيسود."

لو قريتوا مقالاته القديمة، هتتخضوا من دقة توقعاته:

1. حرب الأوبئة: اتكلم عن إن الحروب الجاية ممكن تكون بيولوجية (فيروسات ومعامل).

2. تكنولوجيا السيطرة: حذر من سيطرة المادة والتكنولوجيا على مشاعر الإنسان وروحه.

الصراع القادم: كان عنده رؤية سياسية ثاقبة عن اللي بيحصل في المنطقة والعالم دلوقتي.

الخاتمة.. "العودة للداخل"

"في النهاية.. مهما وصلنا للمريخ، ومهما ركبنا سيارات بتمشي بالكهرباء أو بالهواء، هيفضل السؤال الكبير: هل إحنا ارتقينا كبشر؟ التكنولوجيا دي وسيلة، مش غاية.

· يا ريت وإحنا بنبني ناطحات السحاب وبنخترع الذكاء الاصطناعي، مننساش نبني "الإنسان" من جوه. لأن العلم بلا إيمان هو "غول" هيدمر صاحبه، والإيمان بلا علم هو "عجز" مش هيوصلنا لبكرة.

· في آخر حلقتنا، لازم نسأل نفسنا: هو كان متشائم؟ الحقيقة لا، هو كان 'منذر'. كان بيقولنا إن الحل في كلمتين: العلم والإيمان. إننا ناخد بأسباب التطور من غير ما نبيع روحنا للمادة.

· الدكتور مصطفى محمود ساب لنا كنز من الأفكار، لو قريناها النهاردة هنحس إنه كان قاعد معانا في 2026 وشايف اللي بيحصل. يا ريت نرجع نقرأ 'رحلتي من الشك إلى اليقين' و'عصر القرود' عشان نفهم إحنا رايحين فين."

في نهاية حلقتنا، بنقول لروح الدكتور مصطفى محمود "شكراً".. شكراً إنك علمتنا إن الإيمان مش جهل، وإن العلم مش إلحاد. يا رب نكون جيل يقدر يكمل المشوار ويبني مصر بالعلم والإيمان فعلاً.

رمضان عبد المقصود

فخ الصور | طرق اصطياد الضحايا والابتزاز الالكتروني وطرق التخلص منه

noreply@blogger.com (مجتمع بوست) — Wed, 13 May 2026 21:54:22 +0000

فخ الصور.. لما الموبايل يتحول لسلاح

تخيل تبقى قاعد على النت عادي بتشوف فيديوهات، وتتفاجأ بأن لك فيديو جنسي كامل، أو بتدوري على صورة تلاقي صورتك عريانة.

الكارثة إن الحاجات دي بتتباع بـ 10 دولار بس، والمصيبة الأكبر لما حد يبعتلك يهددك يا تعمل اللي هو عاوزه يا يفضحك وسط أهلك وزمايلك. الصور بتبقى دقيقة جداً وبسببها ناس كتير خسرت شغلها وحياتها.

إحصائيات صادمة عن الابتزاز في مصر

40% من مستخدمي الإنترنت في مصر تعرضوا للابتزاز الجنسي.
تجارة "الدارك ويب" (Dark Web) حيث تُباع صور ومحادثات البنات بأسعار زهيدة

اصبحت "لوحة المفاتيح" في يد البعض إلى خنجر، وأصبح "الارتباط" فخاً، و"المشاركة" ثغرة. كيف يسقطن في بئر الابتزاز؟

وذلك بعد الفاصل، كونوا معنا

إحنا النهارده مش جايين نسليكم، إحنا جايين "نفوقكم". زمان كان الذئب بيستنى في الضلمة ورا شجرة.. النهارده الذئب قاعد في التكييف، ماسك موبايل بآلاف الجنيهات، ورا شاشة، ومستني " "لايك" ، أو "كومنت" ، أو "رسايل خاصة" تبدأ بكلمة "إزيك" وتنتهي بكارثة بتهد بيوت وبتكسر نفوس.

ممكن تبقى "سكينة" على رقبتك في لحظة غدر.

النهاردة مش هنتكلم عن تكنولوجيا وبس، إحنا هنتكلم عن "بيوت بتتخرب" بسبب صورة.. هنتكلم عن "صيادين" القلوب والعقول اللي بيستخبوا وراء شاشات الموبايل عشان يوقعوا بناتنا في فخ الابتزاز.

القصة بتبدأ بكلمة حلوة.. "لايك" على صورة.. "كومنت" فيه مجاملة.. وبعدين "شات" وكلام يجر كلام. الصياد بيبقى عارف هو بيعمل إيه كويس، بيلعب على المشاعر، بيبني ثقة وهمية، لحد ما يوصل لمرحلة "ابعتلي صورتك".

بص يا سيدي، الموضوع بقى "صناعة". الصياد ده مش واحد بيسلي وقته، ده بيبقى "محترف". بيبدأ بحاجة اسمها (الهندسة الاجتماعية)، يعني بيدخل يذاكر بروفايل البنت، يعرف هي بتحب إيه، زعلانة من إيه، ويبدأ يدخل لها من المدخل ده.

يعني مش مجرد "هكر" بيخترق الموبايل وخلاص؟

· البنات بتقول: والله دي كانت صورة عادية بفلتر.. أنا مش عارفة هو جاب الصور التانية دي منين! هو مركب وشي على جسم حد تاني؟ أنا حياتي بتدمر!

· اللي سمعتوه ده مش مشهد من فيلم، ده واقع بنعيشه كل يوم. "الابتزاز الإلكتروني" مبيفرقش بين ولد وبنت، والبداية دايماً بتبدأ بـ "صورة".

· الشقق المفروشة والفنادق الرخيصة: بعض أصحاب النفوس الضعيفة يزرعون كاميرات في المرايات أو الأباجورات

· الحمامات والجيم: زرع كاميرات في فتحات التكييف أو علب المناديل.

طب هما بيصطادوا ضحاياهم إزاي؟ خليني أقولكم "الروشتة" اللي بيمشي عليها النصابين:

إن المبتز الإلكتروني ليس مجرماً عشوائياً، بل هو مهندس اجتماعي يجيد العزف على أوتار العاطفة. إليكم أشهر طرقه في استدراج الضحايا:

1. (الاهتمام المزيف): الصياد ده "فنان" في سد الفراغ العاطفي. يبدأ كلام لطيف، بصور شخص وسيم وناجح،.. ويسمعها كلام حلو، لحد ما البنت تطمن له هيدخل لك من باب "أنا حاسس بيكي"، "أنتِ مختلفة"، "محدش فاهمك غيري". يبني ثقة على مدار أسابيع ، عشان يخليكي "تفكّي" وتتكلمي. ويطلب منك تبعتي صور خاصة أو تفتحي الكاميرا.

2. الحسابات الوهمية: ممكن المبتز يعمل حساب باسم بنت وصورة بنت، ويدخل يكلم البنات عشان يصاحبهم.

· الطريقة: بتبدأ "الصديقة المزيفة" تشجع البنت إنها تشاركها أسرارها وصورها الشخصية (بحجة إنهم بنات زي بعض)، وبعدين المبتز يكشف عن وجهه الحقيقي ويبدأ التهديد.
3. إعلانات الوظائف والتمثيل (الوهمية)

كتير من المبتزين بينشروا إعلانات عن شغل "موديلز" أو "بروموتر" أو حتى سكرتارية بمرتبات خيالية.، أو أكتشاف وجوة جديدة للتمثيل أو الإعلانات، او المشاركة في فيلم.

· الطريقة: بيطلب من البنت صور "بملابس معينة" عشان "التست" أو يطلب منها تعمل "Video Call" عشان يقيم مظهرها، ومن هنا بتبدأ عملية سحب الصور والفيديوهات.

4. الذكاء الاصطناعي (البعبع الجديد): دلوقتي مابقتش محتاج تبعت صور "خارجة".. النصاب بياخد صورتك العادية من البروفايل، وببرامج الذكاء الاصطناعي الـ (Deepfake)، بيركب الوش على فيديوهات وصور تانية.. ويبدأ يهددك بالفضائح.

5. الهدايا والخدمات: ممكن يبدأ يشحن لك رصيد، يبعت لك هدايا "أونلاين"، أو حتى يخلص لك مصلحة، عشان يحسسك بالدَيْن.. وإنك "لازم" تردي الجميل.

6. الروابط الملعونة (اللينك): "شوف شكلك وأنت عجوز" أو "اعرف مين زار بروفايلك".. مجرد ما بتدوس على اللينك، أنت بتفتح موبايلك "على البحري" للهكر.. بياخد صورك، رسايلك، وكل حاجة خاصة بيك.

أول ما بياخد اللي هو عاوزه (صورة خاصة، فيديو، مكالمة متسجلة)، الوش التاني بيظهر. "الحبيب الولهان" بيتحول لـ "وحش كاسر".

· "يا تدفعي.. يا أفضحك" "يا تيجي تقابليني.. يا الصور هتوصل لأبوكي"

· في اللحظة دي، الدنيا بتسودّ في وش البنت، وبتحس إن دي النهاية. بس الحقيقة؟ دي مش النهاية، ده الوقت اللي لازم تستقوي فيه.
إزاي تتعامل لو وقعت في الفخ ده لاقدر الله؟

1. اقطعي التواصل فوراً: المبتز "جبان"، وبيعيش على خوفك. لو قفلت معاه وما أديتوش رد فعل، بيفقد السيطرة.

2. ماتدفعيش فلوس: المبتز لو خد فلوس مش هيبطل، بالعكس هيطلب أكتر.

3. ماتمسحيش التهديدات والرسايل: خد "سكرين شوت" لكل كلامه ولحسابه، عشان ده الدليل اللي هيحبسه.

4. اتصلي فورا علي مباحث الإنترنت رقمهم (108) أو من خلال تطبيق "كلنا أمن" أو التوجه لمديرية الأمن التابع لها. الناس دي محترفة جداً وبيرجعوا الحق في سرية تامة وبدون فضايح.

5. أهلك هما سندك: لو الموضوع كبر، عرفي أهلك أو حد كبير بتثق فيه. "وجع ساعة ولا كل ساعة"، وسندهم ليك هيخلي المبتز يختفي

طيب، إيه الحل؟ لو خايف تقع في الفخ..

ماتبعتيش صور خاصة لأي حد: مهما كانت درجة القرب أو الوعود بالحب والجواز، الصور دي هي "سلاح" المبتز. لأن الحسابات بتتهكر والصور بتتسرب.
تأمين الحسابات: فعلي خاصية "المصادقة الثنائية على كل حساباتك.
تغطية الكاميرا: لو مش بتستخدمي الكاميرا، غطيها بـ "ستيكر"، لأن فيه برامج اختراق بتفتح الكاميرا من غير ما تحسي.
الشك في الغرباء: أي حد يطلب طلبات غريبة أو صور جريئة، "بلوك" فوراً من غير نقاش.
اقفل "بروفايلك".. متخليش صورك متاحة لأي حد "هب ودب" ياخدها ويعمل عليها "مونتاج".

كلمة أخيرة: "الموبايل مش خزانة أسرار".. الصور الخاصة مكانها مش على السوشيال ميديا ولا في الشات، لأن اللي بيخرج من موبايلك مبيبقاش ملكك!

يا جماعة، التكنولوجيا سلاح ذو حدين.. متخلوش "صورة" تكسر فرحتكم أو تضيع مستقبلكم.

صورتك هي كرامتك، متسلميهاش لواحد "مستخبي" وراء شاشة. والابتزاز مش نهاية العالم، ده مجرد "حرامي" وجبان، والقانون دلوقتي بقى بيجيب حقك في ثواني.

حفظ الله بناتنا، وحمى بيوتنا من كل سوء. ! دمتم بوعي، ودمتم بسلام.

رمضان عبد المقصود

"خلاصة القانون".. وعقوبة الابتزاز الالكتروني

noreply@blogger.com (مجتمع بوست) — Sat, 09 May 2026 10:15:24 +0000

"خلاصة القانون".. وعقوبة الابتزاز الالكتروني

النهاردة حلقتنا بتهم كل واحد فينا، لأن مفيش حد دلوقتى مبيستخدمش واتساب أو إيميل، وللأسف المشاكل فيهم كترت.

النهاردة حلقتنا مش مجرد كلام، دي رسالة لكل واحد فاكر إنه ورا شاشة الموبايل يقدر يكسر حد، أو يهدد بنت بصورة، أو يبتز راجل بكلمة..

لو حد شتمك على الواتساب، أو نصب عليك في قرشين، أو بعتلك إيميل تهديد.. هل حقك ضاع؟ هل 'سكرين شوت' كفاية عشان تحبسه؟ النهاردة هنعرف إزاي تخلي (رسالة) تبقى (حبل مشنقة) للمجرم، وإزاي تثبت حقك في محضر الشرطة بالطريقة الصح ع . ركز معايا يا صاحب الحق!"

السكرين شوت "مش دليل قاطع"

أول غلطة بنقع فيها كلنا هي إننا بنفتكر إن السكرين شوت (Screen Shot) هي الدليل النهائي. أحب أصدمك وأقولك إن السكرين شوت عند القاضي 'قرينة' مش 'دليل قاطع'.. ليه؟ عشان الفوتوشوب والبرامج مخلتش حاجة، وأي حد ممكن يضرب محادثة في دقيقتين.

أومال أعمل إيه؟ القانون المصري (قانون مكافحة جرائم تقنية المعلومات رقم 175 لسنة 2018) حط شروط عشان الدليل الإلكتروني يبقى معتمد."

(تروح فين وتعمل إيه؟)

لو حصلتلك مشكلة، متجريش على قسم الشرطة العادي اللي جنب بيتكم.. لا، ركز في الخطوات دي:

1. المكان الصح: تطلع على إدارة مكافحة جرائم الحاسبات وشبكات المعلومات (مقرها في وزارة الداخلية - التجمع الخامس) أو مكاتبها في مديريات الأمن بالمحافظات.

2. الاتصال على الخط الساخن 108 ده مخصص لجرائم الإنترنت لو عايز تستفسر).

3. ماتمسحش حاجة: أوعى تمسح الرسالة أو تعمل "Block" للشخص قبل ما تروح. سيب المحادثة زي ما هي على موبايلك.

4. الفحص الفني: هناك فيه مهندسين متخصصين، بياخدوا الموبايل منك، بيفحصوا الرسالة، وبيطلعوا حاجة اسمها (الرقم التعريفي - Header) للإيميل، أو بيأكدوا إن الرسالة طالعة من السيرفر الفلاني للموبايل الفلاني."

نصائح قبل ما تعمل المحضر

"قبل ما تروح تعمل المحضر، خد بالك من شوية تكات:
ميعاد المحضر: لازم تعمل المحضر خلال 3 شهور من وقت ما شوفت الرسالة أو عرفت بالواقعة (عشان ده حق الشكوى).
خد موبايلك معاك: واللاب توب لو الموضوع إيميل.
البطاقة الشخصية: لازم تكون معاك طبعاً".

شروط قبول الدليل في المحضر

عشان المحضر بتاعك يبقى 'حديد'، المهندس الفني لازم يتأكد من 3 حاجات:
سلامة الدليل: إن الرسالة محصلش فيها تلاعب أو تعديل.
الاتصال: إنها جاية من حساب المتهم فعلاً (برقم تليفونه أو إيميله).
القدرة على الوصول: إن الدليل ده متاح وموجود وسهل قراءته."

لو الرسالة اتمسحت من عندك، الموضوع بيبقى أصعب بكتير، بس مش مستحيل لو لسه موجودة على سيرفرات تانية.. بس الأضمن، سيبها مكانها!"

إيه هي العقوبة؟

· المادة 327 من قانون العقوبات: بتقولك لو بتهدد حد بكتابة (رسالة، إيميل، واتساب) إنك ترتكب جريمة ضده أو ضد ماله، أو تفشي أسرار تخدش شرفه.. العقوبة بتوصل لـ السجن لمدة تصل 3 سنين.

· ولو التهديد شفوي؟ (يعني مكالمة أو مقابلة): العقوبة ممكن توصل لـ الحبس سنتين وغرامة مالية.

· قانون 'جرائم تكنولوجيا المعلومات' (القانون 175 لسنة 2018): وده بقى اللي 'بيكهرب' المبتزين بجد.. لو انتهكت حرمة الحياة الخاصة، أو بعت رسائل فيها إزعاج، أو ركبت صور (فوتوشوب) عشان تشهر بحد.. العقوبة فيها حبس مدة لا تقل عن 6 شهور وغرامات بتوصل لـ 100 ألف و300 ألف جنيه!"

· "تلاقي الواحد من دول يبتز ويشتم ويهدد، ولما يتمسك يقول 'كنت بهزر' أو 'كنت بربيها'.. يا حبيبي القانون مفيش فيه هزار.

مجرد إنك تبعت رسالة فيها تهديد، دي جريمة كاملة الأركان. ولو الابتزاز ده غرضه إنك تاخد 'فلوس' أو 'منفعة'، هنا العقوبة بتشد أكتر وممكن توصل لـ الأشغال الشاقة في حالات معينة لو كان التهديد بالقتل!"

"في نهاية حلقتنا، عايز أقول لكل بنت ولكل شاب بيتعرض لابتزاز: 'متخافش'.. القانون في ضهرك، والتكنولوجيا اللي المجرم بيستخدمها عشان يداري وشه، هي هي اللي هتجيبه ، وبلغ فوراً.

"في الآخر يا جماعة، التطور اللي إحنا فيه خلى الجريمة سهلة، بس خلى كشفها كمان متاح. متسكتش عن حقك، والقانون والشرطة لديها القدرة على رجوع حقك ، بس المهم تمشي الإجراءات صح من الأول.

.. نشوفكم الحلقة الجاية، وخلي موبايلاتكم دايماً في أمان!"

رمضان عبد المقصود

شيطانة بورسعيد.. عندما تباع الأمومة بالدولار

noreply@blogger.com (مجتمع بوست) — Mon, 04 May 2026 16:30:32 +0000

شيطانة بورسعيد.. عندما تباع الأمومة بالدولار

هذه القضية ليست مجرد "جريمة"، بل هي زلزال هزّ وجدان المجتمع المصري كله، وخصوصاً بورسعيد الباسلة.

"يا بورسعيد يا حزينة، النهاردة الدموع مش على فراق حد، الدموع على ’فطرة‘ اتدبحت بدم بارد، وعلى طفل كان فاكر إن حضن أمه هو أأمن مكان في الدنيا، فكان هو المكان اللي فيه نهايته".

· "يا بورسعيد احزني.. ويا قلوب البشر اتفطري." اللي حصل ده ميتسكتش عليه، دي جريمة بتهز عرش ربنا، ومفيش عقاب في الدنيا يشفي الغليل من بشاعة المنظر وقسوة القلب دي.

· النهارده إحنا مش قدام قضية قتل عادية، ولا قدام حادثة ممكن العقل يستوعبها بمرور الوقت. إحنا قدام "لحظة انكسار" لكل معاني الرحمة اللي ربنا حطها في قلوب البشر. لما الأم—اللي المفروض تكون هي "الحضن والأمان" و"السند والضمان"—تتحول لمخلوق بيتاجر بوجع ضناها، يبقى العالم ده محتاج يقف وقفة مراجعة حقيقية.

· في قلب بورسعيد، وبدل ما نسمع صوت الضحكة واللعب، سمعنا عن "سيناريو أسود" ميتخيلوش أعتى مؤلفين الرعب. أم قررت تبيع "دم ابنها" بالدولار، ومش بس كده، دي حولت لحظات نزعه الأخيرة لفيلم سينمائي معروض للبيع في "دهاليز الإنترنت المظلم" (الدارك ويب).

· السؤال هنا: هو إزاي "الدم" بقى أرخص من "العملة"؟

· وإزاي: اللي شالت وهنت، تقدر تصور وهي بتقتل ببرود؟

حلقتنا النهاردة مش زي أي حلقة، والوجع اللي فيها مش وجع عادي. إحنا متعودين إن الأم هي "الحضن"، هي "الأمان"، هي اللي بتفدي ضناها بروحها. بس اللي حصل في بورسعيد كسر كل القواعد دي، وخلانا نسأل سؤال بيوجع: هو فيه شر ممكن يوصل لكده؟

قصة مُرعبة.. سيدة تخدر ابنها لاستخراج أعضائه من أجل أموال "الدارك ويب" في بورسعيد..

دي مش مجرد قضية جنائية، دي لحظة وقف فيها عقلنا كلنا.. إزاي؟ وليه؟!

إحنا بنسمع عن جرايم كتير، بس اللي حصل في بورسعيد كسر كل القواعد الإنسانية اللي نعرفها. إحنا قدام "أم" -بالاسم بس- قررت تبيع ضناها بالقطعة، مش عشان لقمة العيش، لا.. دي كانت بتصور "تمثيلية دبح" ابنها عشان تبيعها لمرضى النفوس على الدارك ويب!

وحش في هيئة بني آدم

تخيلوا الأم اللي المفروض تكون هي "الأمان"، هي اللي ماسكة السكينة وبتمثل إنها بتنهي حياة حتة منها، وكل ده والطفل مرعوب قدامها.. ليه؟ عشان شوية "دولارات" ملوثة جاية من قاع الإنترنت. إحنا هنا مش بنتكلم عن فقر، إحنا بنتكلم عن سواد في القلب وخلل في الفطرة يخلي الشياطين نفسها تستعيذ منه.

تجارة الموت "لايف"

المصيبة إن الحكاية مكنتش صدفة، دي كانت "بيزنس" منظم. الدار ويب اللي هو "مزبلة العالم الرقمي" كان المسرح، والضحية طفل بريء ملوش ذنب غير إن دي أمه.

الحكاية بدأت ببلاغ عن طفل مقتول في شقة في بورسعيد.. طفل زي الفل، ذنبه الوحيد إنه كان ابن الست دي.

في الأول الكل افتكرها جريمة قتل عادية، سرقة مثلاً أو انتقام. لكن لما النيابة بدأت تدعبس ورا 'التليفون' ورا 'السايبر'، بان الوش الحقيقي للكارثة."

الأم دي مكنتش بتقتل ابنها بس.. دي كانت بتمثل قتله! والجمهور؟ مكنش الجيران ولا القرايب، الجمهور كان ناس تانية خالص.. وحوش مستخبية ورا شاشات الكمبيوتر في العالم السفلي اللي بنسميه 'الدارك ويب' (Dark Web)."

"تخيلوا يا جماعة.. الأم كانت بتصور فيديوهات تعذيب لابنها، وبتمثل إنها بتنهي حياته بدم بارد، كل ده عشان خاطر 'الدولارات الرقمية'. كانت بتنفذ 'أوردرات' لمرضى نفسيين بره مصر، ناس بتدفع مبالغ خيالية عشان يشوفوا 'رعب حقيقي'.. وبطل الرعب ده كان حتة من قلبها!"

"التحقيقات كشفت إن الموضوع مكنش صدفة، دي كانت تجارة منظمة. الأم كانت بتدير 'بيزنس' قذر، بتبيع فيه صرخات ابنها بالثانية. الغريب والمؤلم في القصة، إن المحرض الأساسي كان شاب عايش في دولة تانية، هو اللي كان بيمشيها بالريموت كنترول ويقولها 'اعملي كذا وصوري كذا' عشان الفلوس تزيد."

"أنا عارف إن الكلام تقيل على السمع.. والواحد وهو بيشوف التفاصيل بيحس إن فيه غمة على قلبه. إزاي الفلوس تعمي العين للدرجة دي؟ وإزاي السوشيال ميديا والعالم الخفي ده قدر يوصل لبيت بسيط في بورسعيد ويحول أم لـ 'تجار أعضاء ومشاعر'؟"

"القضية لسه قدام القضاء، والقصاص العادل هو اللي هيبرد نار كل واحد سمع القصة دي. بس الدرس الحقيقي اللي لازم نطلع بيه.. إن الوحوش مش دايماً بيبقى ليها أنياب، أحياناً بيبقوا لابسين قناع أقرب الناس لينا. خدوا بالكم من عيالكم، وراقبوا تليفوناتكم، والأهم.. ادعوا ربنا يحفظ قلوبنا من القسوة."

نتقابل الحلقة الجاية على خير، ولو إن الخير مابقاش سهل نلاقيه الأيام دي.

ربنا يرحم الطفل البريء، ويصبرنا على بشاعة الواقع اللي بقينا بنسمع عنه. والسلام

رمضان عبد المقصود

Google AI Edge Eloquent .. أداة جوجل الجديدة للإملاء الصوتي 2026

noreply@blogger.com (مجتمع بوست) — Tue, 07 Apr 2026 12:31:00 +0000

Google AI Edge Eloquent: ثورة في الإملاء الصوتي بالذكاء الاصطناعي

مقدمة: وداعًا للأخطاء والترددات في الإملاء الصوتي

أطلقت شركة غوغل مؤخرًا تطبيقًا جديدًا يُحدث ثورة في مجال الإملاء الصوتي، وهو Google AI Edge Eloquent.

يهدف هذا التطبيق إلى سد الفجوة بين الكلام الطبيعي العفوي والنصوص الاحترافية الجاهزة للاستخدام، وذلك بفضل قدراته المتقدمة في تنقية الكلام وتحسينه باستخدام الذكاء الاصطناعي .

ما هو Google AI Edge Eloquent؟

Google AI Edge Eloquent هو تطبيق إملاء صوتي متقدم مصمم لتحويل الكلام المنطوق إلى نص مكتوب نظيف ودقيق. على عكس برامج الإملاء التقليدية التي تنسخ كل كلمة وحرف، بما في ذلك التلعثم والكلمات الزائدة، يستخدم Eloquent الذكاء الاصطناعي لالتقاط المعنى المقصود، ويقوم تلقائيًا بحذف كلمات التردد (مثل "امم" و "آه") والتصحيحات الذاتية في منتصف الجملة، ليُقدّم نصًّا أنظف وأكثر دقة .

مميزات Eloquent الرئيسية:

يتميز التطبيق بمجموعة من الخصائص التي تجعله أداة قوية للمحترفين وصناع المحتوى والطلاب وأي شخص يعتمد على تحويل الصوت إلى نص.

1. المعالجة المحلية والعمل دون اتصال بالإنترنت

أبرز ما يميز Eloquent هو اعتماده على نماذج لغة تعمل مباشرة على الجهاز (on-device). بعد تنزيل هذه النماذج، يمكن للمستخدم تحويل كلامه إلى نص بسرعة فائقة دون الحاجة إلى اتصال بالإنترنت، مما يضمن الخصوصية وسرعة الأداء في أي مكان وزمان .

2. تنقية الكلام وتحسين النص بالذكاء الاصطناعي

يقوم التطبيق تلقائيًا بتصفية الكلمات غير المرغوب فيها والتكرار والترددات، مما ينتج عنه نص مصقول واحترافي. هذه الميزة وحدها توفر على المستخدمين ساعات من التحرير اليدوي.

3. خيارات تحويل النص المتقدمة

لا يكتفي التطبيق بالتحويل الحرفي، بل يوفر خيارات لتحويل النص المكتوب إلى أنماط مختلفة. فبعد تسجيل المقطع الصوتي، يمكن للمستخدم اختيار تحويله إلى "نقاط رئيسية"، أو جعله "رسميًا"، أو "مختصرًا"، أو "طويلًا"، مما يمنح مرونة كبيرة في إعداد المحتوى النهائي .

4. التكامل المستقبلي مع أندرويد

على الرغم من إطلاقه مبدئيًا على نظام iOS، يشير وصف التطبيق إلى تكامل سلس قادم مع نظام أندرويد، حيث يمكن تعيينه كلوحة مفاتيح افتراضية للاستفادة من قدراته في أي حقل نصي داخل النظام .

التقنية وراء Eloquent: نماذج Gemma وGemini

يعتمد التطبيق في جوهره على عائلة نماذج "جيما" (Gemma) من غوغل، وهي نماذج مفتوحة الأوزان وفعالة مصممة للعمل بكفاءة على الأجهزة المحمولة. هذا هو سر قدرته على إجراء التعرف على الكلام محليًا. بالإضافة إلى ذلك، يتيح التطبيق وضعًا سحابيًا اختياريًا (Cloud Mode) للاستفادة من قدرات نماذج "جيميناي" (Gemini) الأكثر تطورًا في عمليات تحسين وتنقية النص عند توفر اتصال بالإنترنت .

الميزة	النموذج المستخدم	وضع التشغيل
التعرف على الكلام (ASR)	Gemma	محلي (Offline)
تحسين وتنقية النص	Gemini	سحابي (Online)

لماذا يُعد Eloquent إضافة مهمة؟

يأتي إطلاق هذا التطبيق في وقت تتزايد فيه شعبية أدوات النسخ الصوتي المعتمدة على الذكاء الاصطناعي. بتقديمه مجانًا، وبقدرات تعمل دون اتصال بالإنترنت، تضع غوغل نفسها في منافسة مباشرة مع تطبيقات مدفوعة مثل Wispr Flow وSuperWhisper، مما ي democratize الوصول إلى أدوات إنتاجية عالية الجودة .

الخلاصة: مستقبل الإملاء الصوتي أصبح هنا

يمثل Google AI Edge Eloquent نقلة نوعية في عالم تطبيقات الإملاء الصوتي. فمن خلال الجمع بين المعالجة المحلية السريعة والخاصة، وقدرات التنقية المتقدمة بالذكاء الاصطناعي، والمرونة في تحويل النص، يقدم التطبيق حلاً شاملاً يحول الأفكار المنطوقة إلى نصوص مصقولة واحترافية بضغطة زر.

إنه أداة لا غنى عنها لكل من يبحث عن الكفاءة والدقة في عمله اليومي.

السياحة السوداء: بين فضول الاكتشاف وحدود الأخلاق

noreply@blogger.com (مجتمع بوست) — Tue, 31 Mar 2026 22:36:00 +0000

السياحة السوداء: بين فضول الاكتشاف وحدود الأخلاق

في عالم السياحة الذي يتسع يومًا بعد يوم، لم تعد الرحلات تقتصر على الشواطئ الخلابة أو المدن التاريخية المضيئة، بل ظهر نوع جديد من السفر يثير الجدل ويشد الانتباه في آنٍ واحد، وهو السياحة السوداء.

هذا النوع من السياحة يأخذ الزائرين إلى أماكن ارتبطت بالمآسي والكوارث، مثل مواقع الحروب، والمجازر، والكوارث النووية، والسجون القديمة، وغيرها من المواقع التي تحمل في طياتها ذكريات مؤلمة من التاريخ الإنساني.

ورغم ما يبدو عليه هذا النوع من السياحة من غرابة أو حتى قسوة، فإنه يشهد إقبالًا متزايدًا من مختلف أنحاء العالم. فهل هو مجرد فضول بشري؟ أم محاولة لفهم التاريخ؟ أم تجربة نفسية مختلفة؟ هذا ما سنحاول استكشافه في هذا المقال الشامل.

ما هي السياحة السوداء؟

تشير السياحة السوداء (Dark Tourism) إلى السفر إلى أماكن ارتبطت بالموت أو المعاناة أو الكوارث. وقد صاغ هذا المصطلح الباحثان جون لينون ومالكولم فولي في تسعينيات القرن الماضي، لوصف هذا الاتجاه المتنامي في صناعة السياحة.

تشمل هذه السياحة مجموعة متنوعة من المواقع، مثل:

مواقع الحروب والمعارك
معسكرات الاعتقال
أماكن الكوارث الطبيعية أو الصناعية
المقابر الجماعية
السجون التاريخية
المدن المهجورة

أشهر وجهات السياحة السوداء في العالم

1. تشيرنوبل – أوكرانيا

تُعد منطقة تشيرنوبل واحدة من أبرز وجهات السياحة السوداء، حيث وقع انفجار المفاعل النووي عام 1986 في ما يُعرف بـ كارثة تشيرنوبل. اليوم، يمكن للزوار استكشاف المدينة المهجورة "بريبيات"، ومشاهدة آثار الإشعاع والدمار.

2. معسكر أوشفيتز – بولندا

يمثل معسكر أوشفيتز أحد أكثر الأماكن تأثيرًا في العالم، حيث كان موقعًا رئيسيًا خلال الهولوكوست. يزور هذا المكان ملايين الأشخاص سنويًا للتعرف على فظائع النازية وتكريم الضحايا.

3. هيروشيما – اليابان

تعرضت مدينة هيروشيما للقصف النووي خلال الحرب العالمية الثانية. اليوم، تضم المدينة متحف السلام وحديقة تذكارية تخلد ذكرى الضحايا وتدعو إلى نبذ الحروب.

4. جزيرة روبن – جنوب أفريقيا

كانت جزيرة روبن سجنًا سياسيًا شهيرًا، حيث قضى الزعيم نيلسون مانديلا سنوات طويلة من حياته.

5. موقع 11 سبتمبر – الولايات المتحدة

يقع نصب ومتحف موقع هجمات 11 سبتمبر في مكان هجمات 11 سبتمبر، ويعد من أكثر الأماكن زيارةً في نيويورك.

لماذا ينجذب الناس إلى السياحة السوداء؟

1. الفضول البشري

يميل الإنسان بطبيعته إلى استكشاف المجهول، خاصةً عندما يتعلق الأمر بالموت أو الكوارث.

2. التعلم من التاريخ

توفر هذه المواقع فرصة لفهم الأحداث التاريخية بشكل أعمق، بعيدًا عن الكتب.

3. التجربة العاطفية

يشعر الكثير من الزوار بتجربة إنسانية عميقة، تثير مشاعر التعاطف والتأمل.

4. التوثيق والتذكير

زيارة هذه الأماكن تساعد في الحفاظ على الذاكرة الجماعية ومنع تكرار المآسي.

الجوانب الأخلاقية للسياحة السوداء

رغم فوائدها التعليمية، تثير السياحة السوداء العديد من التساؤلات الأخلاقية:

هل من اللائق زيارة أماكن المآسي؟

يرى البعض أن زيارة هذه المواقع قد تكون نوعًا من استغلال الألم، خاصة إذا تم التعامل معها كوسيلة للترفيه.

التسويق التجاري للمأساة

تحول بعض المواقع إلى وجهات سياحية مربحة قد يُفقدها طابعها الإنساني.

احترام الضحايا

يجب أن يتم التعامل مع هذه الأماكن باحترام، وتجنب السلوكيات غير اللائقة مثل التصوير غير المناسب.

السياحة السوداء في العالم العربي

رغم أنها أقل انتشارًا مقارنة بالغرب، إلا أن هناك بعض المواقع في العالم العربي التي يمكن تصنيفها ضمن السياحة السوداء، مثل:

مواقع الحروب في سوريا
بعض المناطق المتأثرة بالصراعات في العراق
مواقع تاريخية مرتبطة بالمآسي في لبنان

وفي مصر، يمكن اعتبار بعض المواقع مثل السجون التاريخية أو مواقع الحروب القديمة جزءًا من هذا النوع، وإن لم يتم الترويج لها رسميًا بهذا الشكل.

الفرق بين السياحة السوداء والسياحة الثقافية

قد يختلط الأمر بين السياحة السوداء والسياحة الثقافية، لكن هناك فروقًا جوهرية:

السياحة السوداء	السياحة الثقافية
تركز على المآسي والكوارث	تركز على التراث والفنون
تحمل طابعًا عاطفيًا قويًا	تحمل طابعًا تعليميًا وترفيهيًا
قد تكون مثيرة للجدل	مقبولة اجتماعيًا بشكل عام

تأثير السياحة السوداء على الاقتصاد

تساهم السياحة السوداء في:

تنشيط الاقتصاد المحلي
توفير فرص عمل
الحفاظ على المواقع التاريخية

لكنها قد تؤدي أيضًا إلى:

تشويه الذاكرة التاريخية
استغلال المعاناة لأغراض تجارية

دور الإعلام في انتشار السياحة السوداء

لعبت الأفلام والمسلسلات دورًا كبيرًا في الترويج لهذا النوع من السياحة. على سبيل المثال، زادت شعبية تشيرنوبل بعد عرض مسلسل Chernobyl، مما أدى إلى زيادة عدد الزوار بشكل ملحوظ.

نصائح لزيارة مواقع السياحة السوداء

إذا كنت تفكر في خوض هذه التجربة، فإليك بعض النصائح:

احترم المكان وتاريخه
تجنب التصرفات غير اللائقة
اقرأ عن الموقع قبل زيارته
لا تتعامل مع التجربة كترفيه فقط
التزم بتعليمات السلامة

هل السياحة السوداء مفيدة أم ضارة؟

الإجابة ليست بسيطة. فهي من ناحية:

تعزز الوعي التاريخي
تنمي التعاطف الإنساني

ومن ناحية أخرى:

قد تُسيء لذكرى الضحايا
تُستخدم لأغراض تجارية غير أخلاقية

خاتمة

تظل السياحة السوداء ظاهرة معقدة تجمع بين الفضول الإنساني والرغبة في الفهم، وبين الجدل الأخلاقي والتجاري. فهي ليست مجرد زيارة لأماكن مظلمة، بل رحلة داخل النفس البشرية، تكشف عن حاجتنا لفهم الألم، وتذكّرنا بأهمية التعلم من الماضي.

وفي عالم يزداد اضطرابًا، ربما تكون هذه الرحلات وسيلة لتذكيرنا بقيمة الحياة، وأهمية السلام، وضرورة ألا ننسى ما حدث… حتى لا يتكرر.

mugtamapost

أعضاء الجسم مصدرًا للاشتقاق: معجم لغوي اشتقاقي | كتاب جديد من إصدار المركز العربي للأبحاث 2026

أعضاء الجسم مصدرًا للاشتقاق: معجم لغوي اشتقاقي

عندما تُعيد العطور صياغة التاريخ: قراءة في كتاب "التاريخ المفقود للعطور" لعُلا سالم

"عُلا سالم" تعيد للعطر مكانته كإمبراطورية ناعمة، كانت ولا تزال أداة قوة وذاكرة وهوية

التحول الرقمي، ما هو الربط الإلكتروني الشامل؟

السيستم ما لوش يمه ارحميني!

عندما يفكّر الكود.. هل انتهى عصر الإنسان؟

عندما يفكّر الكود.. هل انتهى عصر الإنسان؟

"نبدأ بالخير.. الزراعة!

الطب.. الطبيب اللي مش بينام

الصناعة.. مصانع بتشتغل من غير غلطة

"ندخل على مجال الصيانة التنبؤية!

التصميم الداخلي والديكور

المحاماة (المحامي الذي لا ينام)

المحاسبة والمالية (نهاية التلاعب)

التعليم (مدرس خصوصي تفصيل)

رزق حلال | إزاي تعمل دراسة جدوى لمشروعك الصغير وأنت في بيتك؟

"رزق حلال" .. إزاي تعمل دراسة جدوى لمشروعك الصغير وأنت في بيتك؟

"السر في التخصص"

نصيحة "ابن بلد"

الدراسة التسويقية (السوق محتاج إيه؟)

الدراسة الفنية (محتاج إيه عشان تبدأ؟)

الدراسة المالية (الحصالة فيها كام؟)

هامش الربح:

· الورق والكرتون

خطوات التنفيذ (تبدأ إزاي؟)

· العب على "توفير المجهود والفلوس"

· نظام "التبديل" أو "النقاط" (الفكرة الذكية)

· ميزة "المواعيد المقدسة"

· العب على "البرستيج" (المحل الأخضر)

القدر يبدع في تصفية الحسابات.. "فلا تحزنوا"

القدر يبدع في تصفية الحسابات.. "فلا تحزنوا"

«المعجم الموسوعي لمصطلحات الوقف والعمل الخيري».. إصدار جديد للدكتور عطية الويشي عن أوقاف قطر

أرقام ودلالات من داخل المعجم

أبعاد المشروع ورسالته الحضارية

من هو الدكتور عطية الويشي؟

منن الكود إلى الأوامر.. الذكاء الاصطناعي يعيد اختراع صناعة الألعاب

منن الكود إلى الأوامر.. الذكاء الاصطناعي يعيد اختراع صناعة الألعاب

لعبة بأوامر نصية

صناعة أسرع وأرخص

لكن الإبداع لا يزال العقبة

مصيدة الشاشات.. لما التكنولوجيا تسحب عمرنا | الإدمان الالكتروني

مصيدة الشاشات.. لما التكنولوجيا تسحب عمرنا .. الإدمان الالكتروني

إيه هو الإدمان الإلكتروني

مخاطر الإدمان الإلكتروني (الفاتورة الغالية اللي بندفعها)

· حلقة "أثر التكنولوجيا على الأجيال/

شخصيات أخرى تحدثت عن الإدمان الإلكتروني:

· العمر والوقت.. إنت محاسب عليهم بالثانية

· قاعدة "لا ضرر ولا ضرار"

طرق الحماية والتعافي

جوجل يعرف عنك كل شيء.. أسرار جديدة يكشفها صانع المحتوى رمضان عبد المقصود

جوجل يعرف عنك كل شيء...

جوجل يعرف عنك كل شيء، وأكتر مما تتخيل!

. الوجه المظلم: الخوف من "الأخ الأكبر

. إزاي تتحرر من سجن البيانات؟

بإشراف الكاتبة إيمان علي.. "دار الثقافة الجديدة" تطلق ناديًا للقراءة لإحياء النقاش الفكري في يوليو المقبل

"دار الثقافة الجديدة" تطلق ناديًا للقراءة لإحياء النقاش الفكري في يوليو المقبل

أهداف المبادرة: ما وراء السطور

موعد وآلية اللقاءات

دعوة للمشاركة وصناعة المحتوى

المهندس صلاح عطية.. الشريك العاشر" التجارة مع الله

المهندس صلاح عطية.. الشريك العاشر" التجارة مع الله

"حكاية طبيب.. عاش للغلابة ومات في قلوبهم" الدكتور محمد مشالى

"حكاية طبيب.. عاش للغلابة ومات في قلوبهم" الدكتور محمد مشالى رحمه الله

اختراق السيارة | هكذا يخترق الهكر أنظمة السيارات

اختراق السيارة | هكذا يخترق الهاكر أنظمة السيارات

إزاي تحمي "حديدة" قلبك؟

الخُلع.. طوق نجاة أم سكين في ضهر الأسرة؟ مجلس العيلة.. قبل ما نقول فركش"

الخُلع.. طوق نجاة أم سكين في ضهر الأسرة؟مجلس العيلة.. قبل ما نقول فركش"

محطة "الخلع".. حق شرعي أم سلاح سريع؟

الواقع اللي بنعيشه

"الخلع" مش تريند، ده خراب بيوت!

اهدئي كدة وفكري في عواقب "الخلع الخاطئ"

- خطوات تفادي الطلاق والخلع إزاي نطبقها في حياتنا؟

روشتة سريعة لإنقاذ ما يمكن إنقاذه

عشان المجلس ده ينجح، لازم له شروط:

أبرز مهام مقترح عمل "مجلس الأسرة":

هوج بول.. وهم الثراء السريع!

هوج بول.. وهم الثراء السريع!

الخُلع.. طوق نجاة أم سكين في ضهر الأسرة؟
مجلس العيلة.. قبل ما نقول فركش"

دكتور إبراهيم الفقي.. صانع الأمل ومطور القلوب
سر الروح التي لم تنطفئ