Ajansi Wllat

لیستی دابەش کردنی مووچە بڵاوکرایەوە.

2026-05-12T17:04:00.003+03:00

بەپێی خشتەکە، دابەشکردنی مووچە لە رۆژی چوارشەممە 13-05-2026ـەوە دەستپێدەکات و لە سێ رۆژدا کۆتایی دێت.

بەپێی زانیارییەکانی رووداو، پرۆسەی دابەشکردنی مووچە بەم شێوەیەی خوارەوە دەبێت:

رۆژی یەکەم: چوارشەممە 13-5-2026

خانەنشینی شارستانی.

زیندانیانی سیاسی + بەرکەوتوانی کیمیاباران.

کەسوکاری شەهیدان و ئەنفالکراوان.

وەزارەتی خوێندنی باڵا و توێژینەوەی زانستی.

وەزارەتی پەروەردە.

وەزارەتی تەندروستی.

رۆژی دووەم: پێنجشەممە (١٤-٥-٢٠٢٦)

وەزارەتەکانی

خانەنشینی پێشمەرگە

خاوەن پێداویستی تایبەت

مافی مرۆڤ

دەستەی دەسپاکی

دەستەی وەبەرهێنان

دەستەی ژینگە

دەزگای مین

ناوچەکانی دەرەوەی هەرێم

کۆمیسیۆنی باڵای هەڵبژاردن، دیوانی چاودێری دارایی

کاروباری شەهیدان، ئاوەدانکردنەوە

دارایی و ئابووری، ناوخۆ، داد

پلاندانان، بازرگانی، سامانە سروشتییەکان، گواستنەوە

کشتوکاڵ، شارەوانی، کار و کاروباری کۆمەڵایەتی، ڕۆشنبیری، کارەبا، ئەوقاف و ئەنجوومەنی دادوەری.

رۆژی سێیەم: شەممە 16-5-2026

لە کۆتا رۆژی دابەشکردنی مووچەدا، هێزە ئەمنییەکان و سەرۆکایەتییەکان مووچە وەردەگرن:

هێزی زێرەڤانی و فەرماندەیی بەرگری فریاکەوتن.

سەرۆکایەتی هەرێم، سەرۆکایەتی پەرلەمان، سەرۆکایەتی ئەنجوومەنی وەزیران.

وەزارەتی پێشمەرگە (دیوان و لیواکان)، یەکەکانی 70 و 80.

پۆلیسی دامودەزگا نەوتییەکان.

ئەنجوومەنی ئاسایش و دەزگای ئاسایش.

بەپێی خشتەکە، رۆژی هەینی هیچ فەرمانگەیەک مووچە وەرناگرێت و دابەشکردنی مووچە لە رۆژی

شەممەدا کۆتایی پێدێت.

سەرچاوە کەناڵی ڕووداو

دزیان لە تڕەمپیش کرد و نەتەوەیەکی خاوەن هەزاران شەهیدیان بێ‌سوومعە کرد.!

2026-05-12T16:53:00.001+03:00

مامۆستا دڵشاد میرانی ، نوێنەری مامۆستایانی ناڕازی : دزیان لە تڕەمپیش کرد و نەتەوەیەکی خاوەن هەزاران شەهیدیان بێ‌سوومعە کرد

کاتێک گەورەترین دەسەڵاتداری جیهان، بەو شێوەیە باس لە میللەتێک دەکات کە ساڵانێکە خۆی بە هاوپەیمانی ستراتیژی دەزانێت، دەبێت بزانین کە کار لە "کار ترازاوە". 

قسەکانی ئەم دواییەی دۆناڵد تڕەمپ تەنها گوزارشت نین لە ڕای کەسێکی سیاسی، بەڵکو پەردە لادانن لەسەر ڕاستییەکی تاڵ کە کۆمەڵێک بازرگانی سیاسی دۆڕاوی ئێکسپایەری بەرژەوەندیخواز بەسەر ئەم میللەتەیاندا هێناوە

هەرئێستە ترەمپ بەڕاشکاوی وتی :

کورد تەنها دەڵێت بێنە! ئەوان چەکەکانیان دزین و منیان نائومێد کرد من هەر لە سەرەتاوە لەگەڵ ئەوە نەبووم چەکیان بدەینێ 

ئەم گوتانە زەنگێکی مەترسیدارن کاتێک کارەکتەرێکی وەک تڕەمپ، کورد وەک لایەنێک دەبینێت کە تەنها "داواکاری پارەیە" و تەنانەت دەست بۆ "دزینی چەک" دەبات، 

ئەمە سوکایەتییەکی گەورەیە بە مێژووی خەبات و قوربانییەکانی نەتەوەیەک. بەڵام پرسیارە جەوهەرییەکە لێرەدایە: کێ وای کرد سوومعەی کورد بەم ئاستە بگات؟

ئەوانەی کە لە ناوخۆدا خەریکی تاڵانکردنی سەروەت و سامانی ئەم وڵاتەن، تەنها گیرفانی خۆیان پڕ نەکرد، بەڵکو شکۆی نەتەوەیەکیان لە ناوەندە نێودەوڵەتییەکاندا وردوخاش کرد. کاتێک سیاسەتی کوردی لە "دۆزی ڕەوا"وە دەگۆڕدرێت بۆ "بزنس و بازرگانی چەک و نەوت"، 

ئەنجامەکەی ئەوە دەبێت کە دۆستەکانیشیان لە واشنتۆن و پایتەختەکانی تری جیهانەوە بە چاوی "دز و مشەخۆر" سەیریان بکەن

ئەم قسانەی تڕەمپ برینێکی قووڵە. نائومێدکردنی هاوپەیمانەکان و تێوەگلان لە دۆسیەی گوماناوی، کوردستانی لە "پێگەی قوربانی و خەباتگێڕ"ەوە گواستەوە بۆ "پێگەی تاوانبار" ئەوەی تڕەمپ وتی، تەنها شکاندنی کەسایەتی سیاسییەکان نییە، بەڵکو بێ‌سوومعەکردنی نەتەوەیەک بوو کە باجەکەی نەوەکانی داهاتوو دەیدەن

کاتێک سەرکردایەتی سیاسی نەتوانێت متمانەی نێودەوڵەتی بپارێزێت و تێوەگلانیان لە دزی و گەندەڵی بگاتە ئاستێک کە لە کۆشکی سپییەوە باس بکرێت، ئیدی هیچ پاساوێک بۆ مانەوەیان نامێنێت. 

ئێمە تەنها خاکمان نەدۆڕاند، بەڵکو خەریکە "ناو و ناسنامە"شمان لەپێناو پاره و چەکی دزراودا دەدۆڕێنین

بەڵام دڵنیابن کە تڕەمپ، مامۆستایان و فەرمانبەران نییەو پێویستە ئەو تاقمە بازرگانەی کە بە ناوی سیاسەتەوە دەستیان خستووەتە بینەقاقای ئەم میللەتە، باش بزانن: تڕەمپ نە مامۆستایەکی دڵسۆزە و نە فەرمانبەرێکی بێدەنگ!

 ئەگەر فەرمانبەران و مامۆستایانی ئەم نیشتمانە لە ئاست دزینی مووچە و قوتی منداڵەکانیاندا دانبەخۆداگرتنیان هەڵبژاردبێت و لەژێر هەڕەشەو کوشتن و بڕیندا دەنگی ڕەوایانتان کپکردبێت ئەوا تڕەمپ و ئەوانەی وەک ئەو بیردەکەنەوە، بیرۆکەیەکی تریان هەیە لەگەڵ "دزەکان". 

تڕەمپ ئەو کەسە نییە کاتێک چەکی لێ دەدزرێت یان قوتی پێ سپێردراو تالان دەکەن، بێدەنگ بێت؛ ئەو لە چاوتان دەری دێنێت و لە ناوەندە جیهانییەکاندا پەردە لەسەر ڕووە قێزەونەکەتان لادەبات

ئەوانەی وایانزانی وەک چۆن یاری بە چارەنووسی هەزاران خێزانی ئەم وڵاتە دەکەن، دەتوانن بە هەمان عەقڵیەتی "تاڵانی" یاری لەگەڵ هێزە جیهانییەکانیش بکەن، ئێستا باجەکەی دەدەن.

 سوکایەتیکردن بە ناوی کورد لەسەر زاری سەرۆکێکی وەک تڕەمپ، تەنها سەرەتایەکە؛ چونکە کاتێک "دزی و بێوەفایی" دەبێتە ناسنامەی دەسەڵاتێک، ئیدی کەس وەک هاوبەش سەیریان ناکات، بەڵکو وەک "باندێکی مافیایی" مامەڵەیان لەگەڵ دەکرێت کە شایستەی توندترین سزان و لەئایندەی زۆرنزیک بەپشت بەستن بەسکاڵاکانی ڕابردومان لە واشنتۆن سزاکان جێبەجێدەکرێن و گەندەڵکاران بەسزای گەل دەگەن و دەچنە زبڵدانی مێژوو.

بۆچوونی قوباد تاڵەبانی لەبارەی ترەمپ و ڕێککەوتن لەگەڵ ئێران

2026-05-11T00:52:00.004+03:00

بۆچوونی قوباد تاڵەبانی لەبارەی ترەمپ و ڕێککەوتن لەگەڵ ئێران

قوباد تاڵەبانی، جێگری سەرۆکی حکومەتی هەرێمی کوردستان، لە چاوپێکەوتنێکی
تایبەتدا لەگەڵ ماڵپەڕی برێیتبارت نیوز باسی لەدوایین گۆڕانکارییەکانی ناوچەکە و جیهان کردووە و  ڕایگەیاندووە دۆناڵد ترەمپ، سەرۆکی
ئەمریکا، شارەزای ڕێککەوتنە و دەتوانێت ڕێککەوتنێکی گەورە لەگەڵ ئێراندا ئیمزا بکات کە ببێتە هۆی کۆتاییهێنان بە شەڕ و دامەزراندنی بووژانەوەیەکی ئابووری لە
سەرانسەری جیهاندا.
ماڵپەڕی برێیتبارت نیوز ئاماژەی بە لێدوانی پێشتری قوباد تاڵەبانی لە میانی بەشداریی لە کۆڕبەندی ئابووری دێلفی لە یۆنان کردووە کە تێیدا ئاماژەی بەوە کردبوو ترەمپ ئەگەر پشت بە بەرژەوەندییەکانی ئەمریکا ببەستێت و سیاسەتی "سەرەتا
ئەمریکا" پەیڕەو بکات، دەتوانێت بگاتە ڕێککەوتنێک کە لە بەرژەوەندی ئەمریکا و ئێرانیشدا بێت.
هەر لەچاوپێکەوتنەکەیدا لەگەڵ ماڵپەڕی برێیتبارت نیوز ، قوباد تاڵەبانی باسی لەچەند پرسێکی گرنگ کردووە ، لەوانە باسی لە ڕێککەوتنی ڕاستەوخۆی ئێران و ئەمریکای کردووە و تەئکیدیکردۆتەوە کە پێویستە ڕێککەوتنەکە تەنها لەنێوان ئەمریکا و ئێراندا بێت و نابێت ڕێگە بە لایەنی سێیەم بدرێت ئەو ڕێککەوتنە تێکبدات.
سەبارەت بە پرسی  لایەنی ئابووری قوباد تاڵەبانی رایگەیاندووە  پێویستە ڕێککەوتنەکە تەنها لەسەر پرسی ئەتۆمی و
ئاسایش نەبێت، بەڵکو لایەنی ئابووری و وزە بگرێتەوە ، کۆمپانیا گەورەکانی ئەمریکا لە بواری وزەدا بچنە ناو ئێران و پەرە بە کێڵگە نەوتی و گازییەکان بدەن کە بەهۆی سزاکانەوە فەرامۆش کراون.
سەبارەت بە گەرووی هورمز قوباد تاڵەبانی رایگەیاندووە کردنەوەی گەرووی هورمز تەنها لە ڕێگەی ڕێککەوتنێکی کۆنکرێتییەوە دەبێت و ناتوانرێت بە هێزی سەربازی بکرێتەوە.
لە بەشێکی تری دیدارەکەیدا لەگەڵ ماڵپەڕی برێیتبارت نیوز، قوباد تاڵەبانی باسی لەدۆخی ناوخۆی ئێران کردووە و رایگەیاندووە  ئێران وەک وڵاتانی عیراق و
سوریا نییە کە بە نەمانی سەرۆکەکەیان دەوڵەت بڕووخێت، بەڵکو ئێران خاوەنی دامەزراوەی بەهێزە (سەربازی، دیپلۆماسی و ئایینی) و لە ئێستادا ئەو
دامەزراوانە زۆر یەکگرتوون.
سەبارەت بە پرسی پڕچەککردنی هێزەکانی رۆژهەڵاتی کوردستان قوباد تاڵەبانی دەستخۆشی لە بڕیارەکەی ترەمپ کرد کە نەیویستووە کورد وەک ئامرازێک بۆ گۆڕینی ڕژێم بەکاربهێنێت، چونکە پێی وایە ئەگەر ئەوە ڕوو
بدایە، کورد کۆمەڵکوژ دەکران.
سەبارەت بە کاریگەری جەنگ لەسەر هەرێمی کوردستان قوباد تاڵەبانی رایگەیاندووە هەرێمی کوردستان و عیراق زیانی زۆریان لەم شەڕە و داخستنی گەرووی هورمز بەرکەوتووە، چونکە داهاتی
کوردستان پشت بە فرۆشتنی نەوت و بازرگانی لەگەڵ ئێران دەبەستێت، بۆیە ئەوان
زۆر پەرۆشی گەیشتنن بە ڕێککەوتن.
لە کۆتاییدا، قوباد تاڵەبانی هیوای خواست کە ترەمپ بتوانێت ئەم دەرفەتە بقۆزێتەوە و
ڕێککەوتنێک بکات کە ئاشتی بۆ ناوچەکە و گەشەی ئابووری بۆ جیهان بەدەست بهێنێت.

قوباد تاڵەبانی: ئامادەین لەگەڵ پارتی کۆبینەوە

2026-05-10T21:06:00.006+03:00

قوباد تاڵەبانی، جێگری سەرۆكی حكومەتی هەرێم ڕایگەیاند، ئامادەن لەگەڵ پارتی کۆبنەوەو جەختیشی كردەوە كە دەبێت یەکێتی لەحكومەتی نوێی هەرێم هاوبەشی ڕاستەقینە بێت.

قوباد تاڵەبانی، جێگری سەرۆكی حكومەتی هەرێم لەكۆنگرەیەكی ڕۆژنامەوانیدا ڕایگەیاند، ئەوان لەیەكەم ڕۆژەوە لەگەڵ ئەوەدا بون كە بەخێرایی حكومەتێك پێكبهێنرێت و وتی،" بڕوامان وابوە كە بەزویی حكومەتێك پێبكبهێنرێت كە لەخزمەتی هەموو ناوچەو ئیدارە سەربەخۆكان و قەزاو ناحیەكان و كۆمەڵی خەڵكی كوردستاندا بێت".

قوباد تاڵەبانی جەختیشی كردەوە، كە دەبێت حكومەتی نوێی هەرێم حكومەتێك بێت كەیەكێتی هاوبەشی ڕاستەقینە بێت.

لەبارەی هەنگاوەكانی داهاتوو بۆ كۆبونەوە لەگەڵ پارتی و لایەنەكانی دیكە، جێگری سەرۆكی حكومەتی هەرێم ئاماژەی بۆ ئەوەكرد، كە وەك یەكێتی داوایەكی ڕاست و دروستیان هەبوەو وتیشی،" هەموو كات و ئێستاش ئامادەین بۆ گفتوگۆ".

فاروق ڕەفیق پرسیاری سۆکراتی و فۆبیای مەعریفە.

2026-05-05T20:01:00.002+03:00

فاروق ڕەفیق ، پرسیاری سۆکراتی و فۆبیای مەعریفە

د. ئەمیر حسێن 

لە پێناسە باو کلاسیکیەکانی قۆناغەکانی سەرەتاییدا هەمیشە نیشتیمان کورت دەکرایەوە لە جوگرافیایەک بۆ پێکەوە ژیان، یان زمانێکی هاوبەشی گفتوگۆ و لێکتێگەیشتن، لەگەڵیدا یادەوەری هاوبەش و بەشداری لە تۆمارکردنی مێژویەکی سیخناخ بە سەرکەوتن و، گێڕانەوەی حیکایەتی پاڵەوانی درۆزنانە، هەر بۆیە بەیانیان هەمومان بەپێوە دەوەستاین، لە حەوشەی قوتابخانەکانمان بە حەماسەتەوە سرودی خوایە وەتەن ئاواکەیمان بە کۆرس دەگوتەوە، دوای ئازادی کوردوستان و تێپەڕبونی زیاتر لە سێ دەیە، لەباشترین حاڵەتدا پێناسەکە گۆڕانێکی کەمی بەسەردا هاتوە، ئەوەتا ئەم ڕستەیەی خراوەتە سەر : (نیشتیمان ئەو شوێنەیە کەرامەتی تێدا پارێزراوبێت) . بەڵام ئێستا و لە کاتێکدا، دوبارە مانا کردنەوە بەبەرچەمکەکاندا، یان پێناسەکردنەوەیان بەپێی پێویستی سەردەم و گۆڕانە خێراکان، نیشتیمان مانایەکی قوڵتری فەلسەفی لەخۆ دەگرێ:( نیشتیمان بریتیە لە فەزای ئازاد) ، فەزایەک، عەقڵ بتوانی ئازادانە بەناو قوڵای ئاسماندا بفڕی، هەورەتریشقەی پرسیارە بێ کۆتاکانی، وەک هەوری سۆپەرسێڵی بەهاری مەعریفە، بەردەوام بگرمێنێ و دواجار بە خوڕ دابکات، بە سەر جەهل و خورافەی نەزانیندا . بۆ ئەوەی بوون، لە سێبەری ئازادی و پاراستنی ماف و کەرامەت و دادپەروەریدا، جارێکیتر خۆی بدۆزێتەوە ، چونکە ناکرێ چیتر نیشتیمان، تەنها لە زەین و ئەندێشەو بیرکردنەوەماندا ئامادەیی هەمیشەیی هەبێت، یان وەکو فانۆسێکی ئەبەدی، لە تاریکای ڕوحماندا ببریسکێتەوە، بەڵام ئێمە نەتوانین بە ئاسودەیی و ئارامی لە ناویدا بحەسێینەوە، یان بە ئازادی لە سوچێکیدا بژین و بە بێدەنگی بمرین.

کاتێک ئەم نیشتیمانە، لەلایەن دەستەبژێرێکی گەندەڵی دەسەڵاتداری ئۆلیگارشیەوە، دەستبەسەر دەکرێ ، ئیتر لە هەمو پێناسەیەکی کلاسیکی و مۆدێرن دادەماڵرێ، دەبێتە سێگۆشەیەکی ترسناکی بەرمۆدەیی، (دەسەڵاتی ستەمکار ، کۆمەڵگەی ترادسیۆنی ، فۆڕمێکی دینداری بناژۆخوازی) ، لێرە بەدواوە، ئەم نیشتیمانە دەبێتە ژینگەیەکی نا تەندروست، بۆ پێکەوە ژیان و یەکتری قبوڵکردن ، بەتایبەت بۆ نوسەرو ڕۆشنبیران، بۆ ڕوناکبیرو توێژەران، دەبێتە تەنها سەکۆی نمایشی تراژیدیای مەعریفی ، کە بەردەوام دەکەونە بەر نەفرەت و تەکفیرکردن ، سوکایەتی و پەلاماری نابەرپرسانە، تا وای لێدێت نیشتیمان دەبێتە تاراوگەی ناچاری، بۆ بیرکردنەوەی ئازاد ، پێویست ناکات فیزە و پاسپۆرت، بۆ تێپەڕاندنی سنورەکانی بەدەست بێنی، تەنها ئەوەندە بەسە، وەکو ئەوانیتر بیر مەکەوە، ئیتر حەواڵەکردنت بۆ ئەودیو چەپەرەکانی قەڵەمڕەوی، لە زۆنی دەسەڵاتی ستەمکار بەسەر نیشتیمانەوە، بە خێرایی دەچێتە بواری جێبەجێکردنەوە، دواتر نەفرەتی عەوام، لە پێناو تێک شکاندن و نابوتکردن دەستپێدەکات، تادەگاتە فتوای بێشوماری ئیماندارانی جنێو فرۆش، لە پشت دونیای گریمانەیی سۆسیال میدیای ئامێرە زیرەکەکانی سیکولاریزمەوە، هێدی هێدی نیشتیمان لە ئاسمانی فراوانی ئازادیەوە، دەگۆڕێ بۆ تاراوگە، تاراوگەیەک وەک قەدەر، تەنیای لەبەردەمتدا ڕادەخا، بۆ ئەوەی ڕۆژانە پێنج فەرزە نوێژی غوربەتی لەسەر دابەستی.

بیرکردنەوەی عەقڵانی، بە میتۆدی فەلسەفی و لۆژیکی ڕەخنەیی، پێش هەموشتێک بەڕەی وەهم و خورافات، لەژێرپێی ئەو هێزانە ڕادەکێشێت، بەدرێژایی مێژو لەسەر گەوجاندنی ئەوانیتر دەلەوەڕێن . لەچوارچێوەی ئەم کۆنتێکستە ترسناکە سەپێنراوەدا. ئاین لە ئەزموونێکی پاک و بێگەردی ڕۆحییەوە، گۆڕاوە بۆ ئامرازێکی سیاسی و کۆمەڵایەتی، لەپێناو فەلاقەکردنی هەمو ئەوانەی عەقڵانی و جیاواز بیر دەکەنەوە، تەنانەت شوێنکەوتوانی ڕەوت و گروپە ئاینیە جیاوازەکان، نەک هەر یەکتر قبوڵ ناکەن، بەڵکو بەردەوام یەکتر بە بێباوەڕو خەواریج تاوانباردەکەن ، بە ئەندازەیەک ئیمانداری ڕاستەقینە، کە هەڵگری بەهای بەرزی کۆمەڵایەتی و مۆڕاڵیە بزربوە، یان لە ترسی پەلامارو سەرکۆنەی پۆپۆلیستان، خۆی شاردۆتەوە، لەبەرامبەردا توێژەرو نوسەرو ڕۆشنبیران، توشی نامۆبونێکی وجودی بوون ، کاتێک بە زمانی عەقڵ و لۆژیک گفتوگۆ دەکەن، ڕەخنە دەگرن، لە کاتێکدا کۆمەڵگە، توشی پەتای قورسی هەژمونی ساختەچیەکانی بزوێنەری سۆزو غەریزە بوە ، ئەم دابڕانە بژاردە نیە، بۆ ئەوەی ئیرادە هەڵاوێردی بکا، بەڵکو پشت ئەستور بە دەسەڵاتی گەمژەو عەوامی ڕەدوکەوتو، مینبەری دەستبەسەرکراوی ئایدیۆلۆژیای پەڕگیر، خۆی سەپاندوە، نیشتیمانی لە بەهەشتی پێکەوە ژیانەوە، گۆڕیوە بۆ جەهەندەمی تۆڵە سەندنەوە. 

ئەوەتا ( فاروق ڕەفیق ) ، تەنانەت دوای مردنیشی، باجی تۆڵە سەندنەوە بەرامبەر بۆچون و بیرکردنەوە ڕەخنەییەکانی دەدات، بەڵام تۆڵەی مەعریفی و فکری نا، بەڵکو پەلامارێکی ترسنۆکانەی نا ئەخلاقی ، هەوڵدان لە پێناو دورخستنەوەی، یان سنورداشت کردنی، وەک توێژەرو نوسەرێکی خاوەن دونیابینی تایبەت، لە ناو کایەی ڕۆشنبیریدا، تەنیا خواستی گۆڕغەریبکردنی نیە، بەڵکو تیرۆری ئەوفۆڕمەیە لە بیرکردنەوە، بەردەوام بەپرسیارە سۆکراتیەکانی، خەوی قوڵی دونیای تاریکی ئەوان، دەرزی ئاژن دەکات ، یان هەوڵێکی بێ هودەی نەزانانەیە، بۆ ناشیرینکردن و لەکەدارکردنی بەهای ڕەمزی دونیای نوسین وتوێژینەوەی مەعریفی، لەگەڵیدا تۆقاندنی ڕەخنەگرانی جدی و گومانی میتۆدی پرسیارە بێ وەڵامەکان، لە بەرامبەر خەیاڵ پڵاوی هەندێک خۆ بە فریشتەزانی گەمژە، کە پێیان وایە قیامەتیان وەکو دونیا مسۆگەرکردوە.

شـــــــــــەرواڵ"

2026-05-04T18:41:00.005+03:00

شەرواڵ

‎بۆ پیاوان شەرواڵ بەكاردێنین، بۆ ژنان (هاوەڵكراس، ئاوەڵكراس، ئەوەڵكراس)، لە شەرمنیی زمانی كوردیەوە، ژێرەی جلی ژنانە بەناوی ئاشكرا ناوترێت و نانوسرێت، بەڵكو ئاوەڵناو و سیفەت و جێگرەوەی بۆ دانراوە..

شەرواڵ تایبەتمەندیەكی باشی هەیە بۆ ناوچەی شاخاوی و جوڵەی زۆر و كارئاسانی رێكردن و سەركەوتن و باخداری و جوتیاری و راووشكار، ئێجگار نموونەییە، لەبەری پیاواندا هەستێك و خۆبەشت زانیی تێدا دەبینرێت، لە ئەدەبیات و نووسیندا كەڵەگەتی و كەڵەقامەتی و گەورەیی، لە شۆڕشدا شانازیی، لە گەنجاندا مێژوو سەروەری باپیرانی هەیە.. ئەم پارچە قوماشە كرۆكێكی قوڵی بیركردنەوەی بە خۆیەوە هێناوە، وابزانم ئێمە لەهەموو میللەتەكان زیاتر باسمان لە شەرواڵ و جلی میللی خۆمان كردوە و وەك رەمز لێمان روانیوە.

گەنجێتی خۆمم لە هەڵەبجە تەواو كرد، لە پێنج ساڵیەوە تا هەژدە ساڵیم لەو شارەدا ژیاوم، جگە لە شەرواڵ و چۆغە و رانك هیچ بەرگێكی ترم نەپۆشی، پانتۆڵ لای ئەو نەوەیەی ئێمە بەرگێكی بەعس پۆشین بوو، لە خوێندنگەش دەیانویست بە زۆرەملێ جلی رەسمیمان بكەن بە پانتۆڵ و كراس و چاكەت، بەڵام لەبەرئەوەی چوبوە مێشكمان كە ئەمە بەرگی بەعسیانە ملمان بۆ ئەو بڕیارە نەدەدا، بۆیە چەند بەسەرهاتێكی سەیرتان لەسەر شەرواڵ و پانتۆڵ بۆ باس دەكەم.

تەمەنم تەنها 10 ساڵان بوو، بەیانییەك بەعسیەكان شەرواڵێكی خوێناویی پێشمەرگەیەكیان بە دیواری گازینۆ شنروێ دا هەڵواسیبوو، لە چالاكی شەوی رابردوودا گوللە بەر سكی كەوتبوو (بەنەخوێن- دووخوێن)ەكەی قرتاندبوو!!چەند گریام چەند توڕە بووم چەند ناخۆش بوو.. كە لە زانكۆی موسڵ وەرگیرام، چوار هاورێی ئامادەیی بڕیارمان دا بۆ تەواوكردنی كارەكانمان پێكەوە سەردانی موسڵ بكەین، هەندێكمان لە زەرفێكی عەلاگەدا پانتۆڵمان هێنا و كە لە هەڵەبجە دەرچووین هەر لەناو ئۆتۆمبێلەكەدا پانتۆڵمان گۆڕی و شەرواڵەكانمان لابرد، چونكە بەراستی شەرممان دەكرد پانتۆڵ لەپێ بكەین، شەویش كە هاتینەوە بەهەمان شێوە هەر لەناو ئۆتۆمبیلەكەدا پانتۆڵمان كردەوە بە شەرواڵ.. واتە بە شەرواڵەوە لە هەڵەبجە دەرچووین و بە شەرواڵەوە هاتینەوە ناو هەڵەبجە.

نازانم ئێستا ئەم رووداوە چۆن هەڵبسەنگێنم، هەرچەند بیر دەكەمەوە كۆمەڵێك شیكاری دەروونی و كۆمەڵایەتی و شەرم و یاخی بوون و ترس لە دابونەریت لەخۆ دەگرێت، بۆیە ئێوە قسەی لەسەر بكەن باشترە تا منی شەرواڵ لەپێ.

روداوێكی تری زۆر ناخۆشیش لە مێشكۆلەمدا ماوەتەوە، ئەویش لەساڵی 1988 لە گەرمەی ئەنفال و كوردقڕاندا بوو، لە موسڵەوە دەگەڕامەوە بۆ سلێمانی چونكە ئەوكاتە هەڵەبجەمان وێران بوو، گەشتینە چەمچەماڵ، بارودۆخ زۆر ئاڵۆز بوو، پێش ئێمە تەقوتۆق ببوو، شار نیمچە چۆڵ بوو، پرسیارمان كرد، وتیان: ئیڤا و زیلە سەربازیەكان، ئەنفال كراوەكانیان بەناو چەمچەماڵدا هێناوە و چەند ئاوەڵكراسێكی ژنانەیان هەڵواسیوە بە ئیڤاكاندا، وەك ئەتك و شەرم تكاندنی كورد، بۆیە جاشەكانی چەمچەماڵ ئەمەیان پێ قبوڵ نەكراوە و تەقەیان بە ئاسماندا كردوە تا هێزە سەربازیەكە ئەوەڵكراسەكان لە ئیڤاكان بكەنەوە..

كەواتە داواكاریی جاشەكان لەسەر ئەوە نەبوو كە كەسوكاریان ئەنفال نەكرێن، بەڵكو تەنها بۆ ئەوەبوو شەرواڵ یان پانتۆڵ یان ئەوەڵكراسە ژنانەكان لە زیل و ئیڤاكان بكەنەوە و ئیتر خاوەن شەرواڵەكان ببەنە نوگرەسەلمان بۆ زیندە بەچاڵكردن ئاسایی بێت. ئەم روداوەش جەدەلێكی ئەسبەرتی زۆر قووڵ هەڵدەگرێت.

راستە جار جار لە خۆێڕیەكانیش هەندێك رەفتار دەوەشێتەوە كە دوولایەنەیە، نازانین دەستخۆشییان لێبكەین و پێبكەنین، یان بۆیان بگرین!!؟؟

ئەمەش لە سێگۆشەی خڕ دەچێت.

‎كاروان ئەنوەر

(سێگۆشەی خڕ)ھەموو دووشەممەیەک لە رۆژنامەی (کوردستانی نوێ) بڵاودەبێتەوە..

پــــەهـــلەوی بازان، خێزانی کوردیان لێك هەڵوەشاندو وئادابی گشتیان خاپوور کردو ئەمنی قەومیشیان خستە مەترسیەوە!

2026-05-03T00:17:00.010+03:00

بەچە ئێرانی…. مستەڕ پڕیندت ئای لۆڤ یوو!
بــــــــــــۆچی؟
کاتێك دـــرۆن بەئاسمانی هــەرێم دا دەسوڕێتەوە 
کاتێك هێزە ئەمنیەکان باندێکی مادە هۆشبەرەکان دەستگیر دەکات.
کاتێك ژن پیاوێك لێك جودا دەبنەوە
کاتێك کەسێك دەبێتە قومارچی وئیفلاس دەکات
کاتێك کێشەی خێزان زیاد دەبێت وڕێژەی تەڵاق وجیابوونەوەو تاوان بەرز دەبێتەوە ڕاستەوخۆ  فۆکستان دەچێتە سەر کچەمۆدێلی ئێرانی وڕۆژهەڵاتی؟

ئەم پڕٶژەیە لەبەرواری  1404/2021 بەهاوکارئ هاوڕێ کاك  هاوبیر عومەر  ڕٶژنامەنووسی پێشووی کەناڵی گەلی کوردستان چەند بەڕێزێکی دیکە ئامادەم کرد.


ڕٶژهەڵاتیەکان بوونە هۆکاری ئەوەی زیاتر لەدووسەد جار هێرشی درۆنی بکرێتە سەر هەرێمی کوردستان،ئەدی ئەمانە زیانیان بۆ ئەمنی قەومی نیە!؟لەبەشی خوارەوە هۆکاری هەڵکشانی ڕێژەی تاوانکاری وجیابوونەوەو نەمانی ئادابی کۆمەڵایەتی  بەووردی ئاماژەی پێدراوە

من باوەڕم وایە چۆن کەچووی بۆ چاینا ناکرێ بە شارەزووری قسە بکەی تا لێگ تێ بگەن، بۆیە دەبێ هەر چین و هەر جێگە و هەر کەسێک بەو زمانە لەگەڵی بدوێی… کە گوێی پێی کراوەتەوە .
لای خۆمان فەرخە عیراقی و لە تورکیا کورمانج ئابێ و لە ئێرانیش بەچە ئێرانی… زۆر زۆرن لەم سەردەمە.
دەقیقەن، دە بۆ پازدە ساڵ ئەبێ هەرچی ساقیت و بەرەڵا و بێ ساحێب هەیە لەو ئێرانەوە کردیانن بەم دیودا و هەموو لایەکیش دەزانن ئەو خێزان و کەسانەی کەلە موسیبەتی ئەمانە تا ئێستا پارێزراون، بەراستی شوکرانە بژێری دەوێ! 
ئەم بیچم و بۆدیە ناقۆڵایەی کەخەریکی دڵدارییە لەگەڵ سەرۆکی ئەمریکا یەکێکە لەوموسیبەتانەی کە بووە بە مایەی سەر ئێشە بۆ کوردی باشور، بە فیعلیش ئەو پەندە کاڵا بەقەد باڵا بۆ ئەم ناموبارەکە ووتراوە کە؛ نانخۆری سفرە دڕڕە! 
دوو رۆژە دەگەڕێم بۆ نمونەیەکی هاوشێوە، نەم دۆزیەوە لە مێژووی نزیکەی سەد ساڵدا، میدیاکار یا رۆژنامەنووس دەستەواژەی (I Love You)بۆ سیاسیەک یا سەرۆک یا میوانێکی رۆژنامەوانی بەکاربهێنێ. 
ئەم فاحیشەیە لەگەڵ ئەوەی زمانی ئینگلیزیەکەی زۆر زۆر وێران وخراپە و لەگەڵ دەم دەکاتەوە فاوڵێک ئەدا، کوردیەکەشی دووکەڵ دەکا… بەچەی لچ خوار! 
ئێمەی سلێمانی پەندێکی جوانمان هەیە بۆ ئەم بێ حەیسێتانە؛ ئەلێین:کە ئێرانی هاتە سەر بەڕەکەت، دوائ ئەوەی ڕۆیشت شوێن دانیشتنەکەی ببڕە و فڕێی بە!
هاوڵاتیانی ڕٶژهەڵاتی کوردستان سەرەڕای ئەوەی لەباشوور هەموو ڕێزێکی زۆریان لێ دەگیرێت و هاوکارو پشتیونیان دەکەن  بەڵام جێگای داخە  بوونەتە بارگرانیەکی زۆر قورس بەسەر شانی خەڵکەوە 
خاڵ بەخاڵ پێتان دەلێم بارگرانی ڕٶژهەڵاتیەکان چیە بەسەر شانی خەڵکی بێ کار وستەم لێکراوی کوردستانەوە:
"لەدروست کردنی ئەزمەی بێ کاری بۆ کرێکارانی باشوورەو تامیدیا کارو بەناو ڕٶژنامەڤان و شایەرو هونەرمەندان
"سەرەتایی دروست بوونی بەربەرەڵایەکی شۆکدار لەلایەن ئافرەتانی ئێرانی و ڕۆژهەڵاتیەوە دەستی پێکرد
"چوومە لای دکتۆرێکی دان خانمێك لەوێ کاری دەکرد پرسیارم لێکرد کەی بێمەوە وچی بکەم قورئان بەحەقت ئەتووت قسە لەگەڵ کەسێکی نامۆو خەڵکی ووڵاتێکی تردا  ئەدوێت  ووتم خاتوون بۆخاتر خوا ووتمان قەرزدارتانین بەڵام بەم شیوەش نا !زۆر بێ شەرمانە ووتی:تۆچیت وکێیت من بەئارەزوی خۆم چیم بوێت ئەیکەم!

ووتم باشەو ماڵئاوایم کرد دواتر دکتۆرەکە تەلەفۆنی بۆ کردم ووتی دیارنەبوویت ووتم کاکە تۆ مافیات ڕاگرتووە بەخوا نایەمەوە  دکۆترەکە زۆر هەوڵی دا  نەچوومەوە پاش ماوەیەك تەلەفۆنی کردوو ووتی کاكە وەرە ئەو ژنەم دەکردووە ووتم کاکە بۆ لەبەر من ئەوەت کرد ووتی ناوەڵڵە بەڵام کێشەیەکی گەورەی بۆ ماڵی هاورییەکم دروست کردوو بەهۆی ئەوەوە ٣مناڵ لەنازی باوك بوون وژن وپیاوەکە لێك جیابوونەوە 
ئەمەتەنها نموونەیەکی چەند هەفتەیی بوو کە بەپراکتیەكەڵ بەسەر خۆما هات  ئیتر لەوە گەڕێن لەسەر چنارو قومارخانەو گوندەکانی لوبنانی وئیتالی چی ئەگوزەرێت
پاش پرۆسەی ئازادی عێراق هەرچی زبڵ وخاشاکی تاران تامەریوان خۆیان خزاندە ناو هەرێمی کوردستانەوەر  ڕێژەی تەڵاق وکێشەی کۆمەڵایەتی ڕۆژە بەڕٶژ بەرەو هەڵچوون...تائاستێك ئێرانی"بوون بوو بەعەیبە
"ئەوەنیە بەناو هونەرمەند دێتە ئیرە وئەڵێت ئێرە بۆ خۆدەرخستن وپارە پەیداکردن لەلەندەن وئەمریکاش باشترە
خۆ دوێنێ بوو سەنا بەرزنجی لەهەولێری پایتەختەوە  هەل هەلەی بۆ کوشتنی جخامینەئی لێ ئەدا،بەڕێزان هێچ پێتان سەیر نەبێت ئەو ڤیدیویانە لەمیدیاکانی ئێران وحشدی شەعبی عێراقی دەیان جار لێ دراوەتەوە کەواتە ئەمانە بەڵابوون بۆگیانی ڕٶژهەلاتیە ڕەسەنەکانی پێشوو کەچەندین ساڵە لەم هەرێمەن وهیچ زیانێکیان بۆ کەس نەبوو بەپێچەوانەوە لێیان سودمەندووین
بەڵام کاتێك هەولێر وسلێمانی درۆن باران دەکرێت هۆکاری ئەمانەن دواتر میدیاکانی پارتی بێ هێچ زانیاریەك هەواڵی میزاجی دژی ئێران ولەبەرژەوەندی ئیسرائیل دادەڕێن 
ئەوەتا کاکم لێرە میوانە کەچی لەپێش سەرۆك ترەمپ ئەڵێت:ئای لۆڤی یوو پڕیزیسندت ئەزانی زانیاری هەیە چەکەکانتان لەسلێمانی دزراوون ئایا باجێکی قورسان دەدەیت وەک چۆن بەڵێنت دابوو!!
سوێند بەخوا من تەریق دەبوومەوە لەوزمانەوە لەو جوڵە نامۆڕالیەی ئەو پەیامنێرە  ئیتر دنیا ئاوایە خەڵك هەیە هیچی نیە بەڵام خاوەنی ئەخلاقە خەڵکیش هەیە زۆر دەوڵەمەندەو زەڕەیەك ئەخلاقی تێدانیە هەرلەم  ووڵاتەش منی تیا ئەژیم  خەڵكمان هەیە بەپارەی کولیچەو سۆسیجی بەرازو جگەرە بووە بەملیونێر و ساڵی دوو تاسێجار دەچیتە عەمرە ئیتر هەرچۆن بێ ئەیەوێ بیحەڵاڵێنێت!!!
تەنیا لەپێش ئەوانە سەر هەڵئەبڕن کەنایان ناسن و کاریان پێیانە پێچەوانەی ئەمە شەرم دەیانگرێ ئەگەر کەسێ بەرامبەریان دابنیشێ...
هەرچۆن بێت کاتی خۆی ئێمە پڕۆژەیەکمان پێشەکەش پەرلەمان کرد  سوپاسی حەمەی حەمە سەعید دەکەم کەزۆر مەردانە هات بەدەممانەوە ١٣٢ ڕێکخراوی کۆمەڵگایی مەدەنی وکەسایەتی پشتیوانمان بوو بۆ سنوردار کردنی كچەمۆدێلی ئێرانی و ڕۆژهەڵاتی!
هەربۆزانیاری جلی ئای پاد :جاران ئەگەر لەگەڕەکێك کەسێك یان دوو  خەڵك دەیان ووت ئەمانە ئارەق خۆران کەچی ئیستا بەداخەوە ڕۆژهەڵات بۆتە مەنبەعی ساغ کردنەوی مادە بێ هۆشکەرە ترسناکەکان وزۆر خێزانی ئیفلاس وموفلیس و ماڵ وێران کردووە.

عطا حاجی"ئەم بابەتە بەشێکی وەرگیراوەو سیاغە کراوەتەوە  لەکۆتایی دا ئەمەوێت بڵێم زۆر سوپاسی ئەو خێزانە بەڕێزانەی ڕۆژهەڵات دەکەم جگە لەسوود هیچ زیانێکی بۆ باشوور نەبووە نەلەئیستاو نەلەڕابردووش دا دووبارە دەڵێم /ئەم بابەتە پەیوەست نیە بەسەرجەم هاوڵاتیانی ڕٶژهەڵاتی کوردستان 

تێبینی/ ئەم بابەتە تەعبیر لەنوسەری بابەتەکە دەکات.

غالب محەمەد، ناوەڕۆکی کۆبوونەوەی ڕەوتی هەڵوێست وکۆمەڵی دادگەری لەگەڵ علی زەیدی ئاشكرا کرد.

2026-05-02T23:01:00.003+03:00

بەناوی خوای گەورەو میهرەبان

تێڕوانینی ڕەوتی هەڵوێستی نیشتمانی وکۆمەڵی دادگەری کوردستان بۆ کارنامەی حکومەت.

ڕەوتی هەڵوێستی نیشتیمانی کۆمەڵی دادگەری کوردستانی گوژمەیەک لەداواکاری پێشکەش دەکەن کە بەپێویستی دەزانن بخرێتە ناو کارنامەی حکومەتی عێراقی داهاتوو ، کە دەڕبڕی ڕاستەوخۆی پێداویستی وداواکاری هاوڵاتیانی هەرێمی کوردستانی عێراقە .

یەکەم : جێبەجێکردنی بڕیاری دادگای باڵای فیدڕاڵی ژمارە ٢٢٣ و هاوتاکەی ٢٦٩ ساڵی ٢٠٢٣ دەربارەی تەوطین کردنی موچە و شایستەکانی هەرێم ،لەگەڵ دوبارە کارکردن ودەستپێکردنەوەی سەرموچە و زیادە موچەی ڕاگیراو تایبەت بە فەرمانبەرانی هەرێم

دووەم: دەرکردنی یاسای نەوت وگاز و بەبازاڕکردنی نەوتی هەرێم لەڕێگەی کۆمپانیای سۆمۆ ،لەپێناو کۆتاییهێنان بەململانێی نەوتی و گەرەنتی کردنی مافەکانی گەلی کورد بەشێوەیەکی هەمیشەیی .

سێهەم : بەیەک چاو تەماشای پارێزگاکانی هەرێم و پارێزگاکانی تری عێراق بکرێت لە بواری دابینکردنی دەرماندا ، بەجێبەجێکردنی بودجەی حاکیمە بۆ دابینکردنی دەرمان بۆ هەرێم بێ جیاکاری

چوارەم : دەستەبەرکردنی سوتەمەنی نەوت وبەنزین و گاز بەنرخی پاڵپشتیکراوی دەوڵەت لەچوارچێوەی یاسا کارپێکراوەکان .

پێنجەم : کردنەوەی لقی بانکەکانی ڕافیدەین وڕەشید لەشارەکانی هەرێم و پێشکەشکردنی ئاسانکاری بۆ پڕۆژە پێشەسازی وکشتوکاڵی و نیشتەجێبونەکان و پڕۆژەی ئابوری تر .

شەشەم : یەکخستنی هێزەکانی پێشمەرگە هەتاببێتە هێزێکی نیشتیمانی پیشەیی ،دوور لە ئینتیمای حزبی ، لەناو سیستمی بەرگری نیشتمانی عێراق بەمەرجێک موچەو شایستەکانیان هاوتای سەرباز وپلەدارەکانی سوپای عێراق بێت .

حەوتەم : کردنەوەی نوسینگەی فەرمی حکومەتی هەرێمی کوردستان لەناو باڵیۆزخانەکانی عێراق نوێنەرایەتی هەرێم بکات،نەک کردنەوەی نوسینگەی حزبی بەناوی نوێنەرایەتی هەرێمەوە ، لەژێر ڕۆشنایی ماددەی ١٢١ی دەستوری عێراقدا .

هەشتەم : سەرلەنوێ کاراکردنەوەی ڕێکارەکانی جێبەجێکردنی ماددەی ١٤٠ ی دەستور بەمیکانیزمێکی نوێ کە زامنی بەشداری کارای هەموو پێکهاتەکان بکات لەڕێگەی گفتوگۆی ڕاستەوخۆ و لەماوەیەکی دیاریکراودا .

نۆهەم : جێبەجێکردنی بەنداوەکان وپڕۆژە ستراتیژیەکان لەهەرێم ، هاوتای شارەکانی تری عێراق .

دەهەم : بەستنەوەی هەرێمی کوردستان بە نەخشەی گەشەپێدانی نیشتمانی بۆ زامنکردنی دابەشکردنی وەبەرهێنان وپڕۆژه حکومیەکان .

یازدەهەم : گۆڕینی ڕێکاری دەنگدانی کارمەندانێ وەزارەتی ناوخۆ بۆ دەنگدانی گشتی لەپێناو شەفافیەت و پالپشتی خاوێنی هەڵبژاردنەکان .

دوازدەهەم : پەیڕەوکردنی سیاسەتێکی ئابوری نوێ کە پشتبەستوبێت بە بەرهەم هێنان و کشتوکاڵ وپیشەسازی لەجیاتی پشتبەستن بە ئابوری تاکلایەنە و بونیاتنانی ئابوری هەمەچەشن و بەردەوام .

سیانزەهەم : سەپاندنی کارپێکردنی دەستی کاری ناوخۆیی لە کۆمپانیا بیانیەکان ، گرنگیدان بەهەلی کار بۆگەنجان و بەرزکردنەوەی ئاستی کارپێکردنی کرێکاری ناوخۆیی .

چواردەهەم : دەرچواندنی یاسای سەرپەرشتی منداڵ child benefit لەپێناودابینکردنی ژیانێکی شایستە بۆ منداڵانی هەرێمی کوردستان وعێراق ، لەڕێگەی پێشکەشکردنی پاڵپشتی دارایی و خزمەتگوزاری ڕاستەوخۆی کۆمەڵایەتی .

پازدەهەم : دەستەبەرکردنی هەلی یەکسان بۆ سەرجەم کۆمپانیاکان وڕێگرتن لەقۆرخکاری وپاڵپشتی کردنی کومپانیا هاوبەشەکان بەتایبەت لەبوارەکانی پەیوەندی وئەنتەرنێتدا .

شانزەهەم : پاڵپشتیکردنی پاراستنی ژینگە و هاندانی پڕۆژەکانی وزەی خاوێن و نوێ بوەوە .

حەڤدەهەم : گرنگیدان بە مافەکانی مرۆڤ وڕێگری کردن لە ڕاگرتنی زیندانیکراوان بەبێ دادگایی کردنێکی دادپەروەرانە بەپێی دەستور و بنەما نێودەوڵەتیەکان .

هەژدەهەم :پاڵپشتیکردنی سیستمی دڵنیایی تەندروستی وپەرەپێدانی خزمەتگوزاری تەندروستی بەجۆرێک بگاتە دەست سەرجەم هاوڵاتیان .

نۆزدەهەم : گەرەنتیکردنی مافەکانی جوتیاران و پیشەسازکاران وبازرگانانی هەرێمی کوردستان وەک سەرجەم پارێزگاکانی تر .

بیستەم : دابینکردنی ڕێژەیەکی دادپەروەرانە لە دامەزراندن بۆ فەرمانبەرانی گرێبەست و یەکەمی زانکۆکان و خاوەن پیشە تەندروستیەکان ، وەک هاوشێوەکانیان لەسەرجەم پارێزگاکانی تر .

ئەوپەڕی ڕێز و پێزانینمان،قبوڵ بکەن .

ڕەوتی هەڵوێستی نیشتیمانی

کۆمەڵی دادگەری کوردستان

تیــری" پەیامنێرەکەی نزیك کۆشكی سپی ڕوو لەسلێمانی بوو بەڵام پێچــەوانە بوویەوە خۆی وحیزبـەکـەی پێکا.

2026-05-02T22:03:00.003+03:00

سەرسمی پەیامنێرێک

کبوة مراسل

کە پەیامنێرێک رۆڵی لیژنەکانی لێکۆڵینەوەو دەزگا ھەواڵگرییەکان ببینێت، نیشانەی ھیچ نیە، بێ مۆراڵی ھەندێک میدیا و میدیاکار و کارەکەرانی ناو میدیا نەبێت..
کە پەیامنێرێک شوێن و کات و کاریگەریی و مانای پرسیارەکەی نازانێت، ھەموو رۆڵێک دەبینێت کاری میدیا نەبێت، کە شەقامی کوردستان گلەیی و گازندە لە میدیا و رۆژنامەنووسان دەکات، لەم حاڵەتانەوە سەرچاوەی گرتوە، بۆیە تەڕو وشکمان پێکەوە دەسووتێین..
ئەوەی لە رەحیم رەشیدی وەشایەوە لەبەردەم سەرۆکی ویلایەتە یەکگرتوەکانی ئەمریکا، رەفتارێکی ناجۆر و نا شایستە بوو، کوردانی ھەر چوار پارچەو بەتایبەت باشوری کوردستان و لە باشوریش خەڵکی سلێمانی بێزارو نیگەران کرد.. ئێمە لە لقی سلێمانی سەندیکای رۆژنامەنووسانی کوردستان، ئەم رەفتارەی رەشیدیی و پۆزش نەھێنانەوەی کەناڵەکەی بۆ خەڵکی سلێمانی، لە خۆڵدانی میدیای نابەرپرس دەخەمڵێنین و بە خەڵکی کوردستان و سلێمانی (پایتەختی رۆشنبیریی) دەڵێین:
ئەو رەفتارە لەسەر میدیا ئەژمار مەکەن، چونکە رەنگدانەوەی بچوکیی و خۆبەکەمزانیی کەسانێکە لەبەردەم گەورەیی و خۆڕاگریی و خەبات و شۆڕشەکانی شارێک کە پێی دەڵێن سلێمانی..
ھێشتا ئێوەمانان زۆرتان ماوە، لە قەڵبەزەی گیانفیدایی و (نا) کانی ئەم شارە بگەن..
بەناوی ھەموو خەڵکی سلێمانی و ھەموو کوردێکی دڵسۆزی شۆڕش و کوردایەتی، دەڵێین دەریای سلێمانی زۆر لەوە گەورەترە بە دەمی چۆلەکە پیس ببێت..

لقی سلێمانی 
سەندیکای رۆژنامەنووسانی کوردستان
2/5/2026

ترەمپ میدیاو خەڵکی ،بەریتانیای تووشی شـۆك کردووە.

2026-05-01T17:24:00.009+03:00

میدیاکانی بەریتانیای بەهۆی هەڵس وکەوتە نەشیاوەکانی ترەمپ بەرامبەر  سەردانی شاو شاژن تووشی هیستریا بوون.
عطا حاجی

میرەر نوسیویەتی ترەمپ بە ئەنقەست گاڵتەخاڕی بەپاشاکەمان کردووە وجرتی بۆ لێداوە

بێ بی سی نیوز دەڵێت:پاشا چارلس بۆ ساڵتادی ڕزگار کردنی ئەمریکا چوون و شا بۆئەوە چوو بەئەمریکا بڵێت ئێمە ئێوەمان ئازاد کرد وخاوەندارێتیتان دەکەن 

سکای نیوز جیاواز لەمیدیاکانی بەریتانیا دەڵێت:پاشاو شاژن واچوون ئەمریکیەکان وبەتایبەت ترەمپ وەك ڕزگارکەری ئەمریکا  هاتووەو وبەئەمریکیەکانیان ووتووە ئێمە ڕێچکەی ذیموکراسی ومافی مرۆڤمان بۆ ئێوە شکاند دەبێت ڕێزمان لێ بگرن وەک ڕزگارکەری خۆتان سەیری شانشینی بەریتانیا بکەن

سەردانەکەی شاو شاژن بۆتە باسی  هەرە گەرمی میدیاکانی بەریتانیا و بەشێك لەمیدیا دژەکانی ئەمریکا بەتایبەت سی ئێن ئێن لەلاپەڕەی دوێنێ پێنج شەمە بەمانشێتێکی گەورە نوسیوویەتی کە "دەبوو سەرۆك ترەمپ وەك خاوەن ماڵ هەڵس وکەوتی لەگەڵ شاوشاژن بکردبایە بەڵام ترەمپ هەموو سنورێکی بەزاند و تەنانەت نەیئەهێشت وەك پێویست لەمیدیاکانەوە دەربکەون لەچەند جووڵەیەك ترەمپ بەئەنقەست ئەچیتە پێشی شاژن ولەبری ئەو تەوقە لەگەڵ ئەمریکیەکان دەکات 

سکای نیوز جارێکی تر ئەمڕۆ لەسەر سەردانەکە نوسیویەتی "ترەمپ وەك گەمژەیەك لەپێش پاشاکەمان خۆی دەرئەخست،لەسەردانی پێشووی سەرۆك وەزیران  کێر ستارمەر ترەمپ ئەوکاتەش بەنەنقەست هەندێك پەڕاوی بەردایەوە بۆ ئەوەی ستارمەر دابنوێتەوەو بۆی هەڵبگرێتەوە ئەمەش  پێشتر قسەمان لەسەرکردووە وشارەزایانی زمانی جەستە دەڵێن هەرئەوکات ترەمپ گاڵتەجاڕی بەبەریتانیەکان کرد کە سەری سەرۆك وەزیران کەوتە ئاستی خوار ئەژنۆی دۆناڵد ترەمپ

بەم دوایانە میدیاکانی بەریتانیا هەوڵ ئەدەن ئەم بەرگێکی دیکە بکەن بەبەری سەردانە قەباحەتبارەکەی شاو شاژنەکەیان بەڵام هەروو فۆکس نیوز لەڕاپۆرتێکی ٢٠ خولەکی دا هەموو شتێکی ئاشکرا کرد.

فۆکس نیوز دەڵێت:بەریتانیا تائێستاش وادەزانن ئەمریکا لەسەردەم "ڕۆبنسوون کروز"دایەو  هەربۆیە سەرۆك ترەمپ ئەم بیرکردنەوەی بەریتانیەکانی ستۆپ پێکرد.

ترەمپ جارێکی تر شەڕی نۆرماندی بەگوێی پاشادا داوە کە سەربازەکانی ئێمەو کەندا بوون هاتین ئێوەمان لەهێتلەر ڕزگار کرد.تاڕادەیەك لۆمەی  سەرۆك چەرچلی بەوە کردووە کە هنی بۆ گەورە دیکتاتۆری ئەوکاتە ستالین" بردووە

چەند میدیایەکی ناوخۆیی بەریتانیا دەڵێن ترەمپ داخی ئەوەی بەپاشاکەمان ڕشتووە کەهاوکاری سەربازیمان لەشەڕی ئێران دا نەکردووە چوونکە بەریتانیەکان بۆیان دەرکەوت ئەو دووکەسەی لەئیمارات دەستگیر کران کارمەندی موسادی ئیسرائیلی بوون بەچەکی ئێران بنکەکانی بەریتانیایان بۆردومان کردبوو

ئەم بابەتە کۆکراوەی بەشێك لە میدیاکانی ئەمریکا وبەریتانیایە وتائەم ساتەش  میدیاکانی بەریتانیا لەشٶکێکی گەورەدان وپێیان وایە شکۆی پاشاکەیان لەلایەن کەسێکی شێت ئاسای وەك ترەمپ:ەوە شکاوە.

عطا حاجی  ١/٥/٢٠٢٦

تێبینی/ئەم نوسراوە تەعبیر لەنوسەری بابەتەکە دەکات.

مەحمود یاسین:بەختیار سەعید لەخۆیەوە چیرۆكی میزاجی دەهۆنێتەوە.

2026-04-30T03:56:00.011+03:00

ترێندی درۆ!

کێشەکە ئەوەیە بەهۆی خراپی هەڵسوکەوتی هەندێک بەرپرسی پارتی ویەکێتی هەموو قسەیەک بکەی دژیان تەنانەت درۆش بێت خەڵک بڕوات پێدەکات و هەر کەسێکش بەرگری بکات یان روونکردنەوە بدات بە بەر نەفرەتی سۆشیالمیدیا دەکەوێ…

بۆ نموونە من و بەرپرسێکی ئەو دوو حیزبە دوو قسەی جیاواز لە سەر یەک بابەت بکەین.
قسەکەی من هەڵە بێت (جا بە درۆ بێت یان بەبێ زانیاری) قسەی بەرپرسەکە راست بێت و لە سەر بنەمای زانیاری بێت خەڵک بروا بە من دەکات نەک ئەو… 
تەنانەت ئەگەر من کەسێکی درۆزنیش بم خەڵک لە بەرامبەر ئەو دوو حیزبە هەر بە من بروا دەکات، ئەمەش هەڵەیە!

ئەمە دووجار کارەساتە، چونکە حەقیقەت ون دەبێ، وەکو مەوزوعی مەلەوانە درۆزنەکەی لێدێت…

بۆ نموونە چەند رۆژێک (کاک بەختیار سەعید) چیرۆکێکی دروستکردووە کە گوایە بەرپرسانی کوردستان داوایان لە ئاوازدانەرێکی ناسراو کردووە کچە گۆرانبێژێیان بۆ بدۆزنەوە کە گۆرانی بە سەر عەشیرەتەکان دەڵێ (ناوی نەسرین)ـە ئەویش گوتوویەتی : ئەو کچە AI و راستی نییە…

ئەم چیرۆکە هیچ بنەمایەکی نییە و دروستکراوە، بەڵام لەبەر ئەوەی بەرامبەر دەسەڵاتە خەڵک شتی خراپی زۆر لێیان بینوە بڕوا دەکەن، ئەگەر کەسێک بڵێ وا نییە زوو تۆمەتی بۆ دروست دەکەن!

بەس من پێتان دەڵێم ئەو چیرۆکە راست نییە، ئەمە قسەو زانیارییەکی گیرفانی کاک بەختیارە و ئەسڵ و ئەساسی نییە، ئێمە هەواڵی زۆر ناراستمان لە کاک بەختیار بیستووە، ماوەیەک پێش ئێستا خەریک بوو تەڵاق بخوات دەیگوت: (قـ،ـەیس خـ،ـەزعـ،ـەلی) کوژراوە… کەچی وا نەبوو.

من منداڵ بووم کاک بەختیار سەعید بەرنامەی لە تەلەفزیۆنی هەرێم هەبوو، ئەزموونێکی درێژی لە ناو میدیا هەیە بەرنامەی شەهیدان و پێشمەرگەی لە میدیاکانی پارتی پێشکەش دەکرد، رێزم بۆ مێژووی رۆژنامەگەری هەیە مرۆڤ نابێ بەرامبەر لە خۆی گەورەتر بێ رێز بێت بەس حەقیقەتێک هەیە (کاک بەختیار سەعید) سەرچاوەی هەواڵی فەیک و بێ بنەماو ناراستە… 

حەیف ئەو پیاوە جوانە لە جیاتی خەریکی نووسین و شرۆڤەی جوان بێت، خەریکی بابەتی ترێندو لایک و ڤیوە…

بەشێک لە بەرپرسانی هەرێمی کوردستان ئیشی قـ،ـۆڕیان زۆرە هەندێکیان بنووسم هەر دۆستەکانی خۆم بڕوام پێ ناکەن، بەڵام هەندێک شت راست نییە، ئەوان لە (ئۆکڕانیا، دوبەی، تورکیا، ئێران و مۆڵدۆڤیا …کچی جوان بهێنن یەعنی نازانن کچی راستەقینەو AI جیا بکەنەوە؟!

ئەگەر ئەوەندە گـ،ـێل بن بۆچی 30 ساڵ حاکمی ئەو میللەتن؟!

من لەگەڵ ئەوەم هەر هەواڵ و زانیارییەک بڵاودەکرێتەوە، دەبێ لە کەسانی متمانەپێکراو وەری بگرین و پاشان پشتراست بکرێتەوە، دروستکردنی چیرۆک و شتی خەیاڵی خراپە زەرەر لە بینەر دەدات.

شتی خراپ زۆر کەوتووتە نێو میدیاو رۆژنامەنووسان، بۆ نموونە تەقەکردن لە درۆن، گریاندنی بێژەرەو پێشکەشکار بە بابەتی لاواز، چاوپێکەوتن لەگەڵ منداڵ، بڵاوکردنەوەی ڤیدیۆی کۆن و AI …
لەواڵی فەیسبووکی 

مەحمود یاسین کوردی    وەرگیراوە
تێبینی/ئەم نوسینە تەعبیر لەڕاو بچوونی نوسەری بابەتەکە دەکات.

پیاوێك هاوسەرەکەی خۆی بە چـ ــــەقۆ کـــ ــــــوشت.

2026-04-29T14:46:00.005+03:00

پۆلیسی دوبز و پردێ رایگەیاند، بەهۆی كێشەیەكی كۆمەڵایەتیەوە، لە ناحیەی پردێ پیاوێك بە چەقۆ هێرش دەكاتە سەر هاوسەرەکەی و دەیكوژێت.ئەمڕۆ چوارشەممە ٢٩ـی نیسانی ٢٠٢٦، پۆلیسی دوبز و پردێ بڵاویکردەوە، بەهۆی کێشەی خێزانییەوە پیاوێک بە چەقۆ هاوسەرەکەی دەکوژێت، هاوکات، پۆلیس گەیشتووەتە شوێنی رووداوەكە و لێكۆڵینەوە بۆ دەستگیركردنی تۆمەتبارەكە دەستیپێكردووە.ئاماژەی بەوەشکرد، رێلارە ئاسائئەلان گیراونەتە بەر و پۆلیس بە چەند قۆناغێک کار دەکات بۆ یەکلاکردنەوەی دۆسیەکە، لەرێگەی پزیشکی دادوەرییەوە بەڵگە پزیشکییەکان کۆدەکاتەوە و وتەی شایتحاڵەکان تۆمار دەکەن.

مێژوویەکی شەرمەزارکەرو تـ ـــاڵانــ ـــچێتی ئێستای پارتی،بە بەلەشکریك لەکچەمۆدیل و حیکایەتخوان پینە ناکرێ! پارتی بۆ وای لێهات؟

2026-04-29T01:38:00.019+03:00

پارتی کەی و لەچی حاڵەتێك دا خیانەت ناکات!؟

"عطا حاجی

بەمێژووی سیاسی تەمەنی پارتی لەهیچ کاتێك دا هێندەی ئێستا نەکەوتوونەتە ئەم حاڵەی کەنەیارانیشیان تەبەنی ناکەن!

-لەئێستادا ولەسەردەمی عەولەم وئەی ئای پارتی سیاسەتی سەردەمی قیادە موەقەتە پەیڕەو دەکات!

کورتەیەك: خەڵك بەگشتی لەئیستادا زۆر زیاتر لەوە هۆشیارترن کەپارتی و پێی وایە تاسەر ئەتوانێت موریدو لایەنگرانی بەشیعاری درۆینەی کوردایەتی بگەوجێنێت،

پارتی تاکە حیزبە کە مێژووەکەی تك تك خیانەتی لێ ئەچۆڕێت،بۆیە ناتوانن خەڵکی سەردەمی ژیری دەست چەواشە بکەن

پانۆڕامای پارتی وبارزانی

- بۆ ڕازی کردنی دڵی ئێران ومانەوەی بنەماڵەی بارزانی شـــــــەڕی کوردانی ڕۆژهەڵات شەهید کردنی پێشمەرگەکانی کۆمەڵەو دیموکرات ئەنجام دا

-ئاشـبەتاڵی ساڵی 1974

-خیانەتی کارەساتی هەکاری یان خوڵقاند

-پاش ئەوەی وەك ێ=ئێستا لەهەولێر وسلێمانی وەدەر نران بۆمانەوەی خۆیان خیانەتی نیشتمانی31ـــی ئاب،یان ئەنجام دا

-3٣ــی ئاب پارتی بەئاشكرا بازرگانی نەوت وچەکی لەگەڵ داعــــــــــــ ش دا دەکرد و بەڕێکەوتنی پێش وەختە لەگەڵ تیرۆریستانی داـــــعش کوردانی ئێزیدی خستە پێش حەرەبەو قامەی تیرۆریستان وخەڵتانی خوێن کران.

-پارتی ئەو پێشمەرگانەی پـــە کــە کەی کە بەبەڵێنی شەرەف خۆیان تەسلیم کردەوەو ڕادەستی تورکیای کردن وئەوانیش بەستنیان بەدوای دەابەوە تا پێش پەیکەرری ئەتاتورك وشەهید کران.(بەبەڵگەوە ئەمە لەخوارەوە دائەنیم)

-هەر پاش ٣ئاب پارتی ویستی شاری هەولێر بەدەردی شەنگال بەرێت بەپێی زانیاریەکانی من لەکۆشکی سەدام ولەموسڵ دەستمان کەوت بەغدادی لۆمەری داعـــــــ شە کوردەکانی کردبوو پێی ووتبون ئێوە هیچیتان پێ نەکرا و نەتان توانی هیچ شوێنێکی هەرێم داگیر بکەن یەکێك لەوانە هەڵدەستێت دەڵێت:من کاتی خۆی کۆمەڵەی ڕەنجدەران بووم یەکێتی شەڕكەرێکی پارتی زانە بەئاستەم ئەتوانین پێشڕەوی بکەین ئەوەبوو لەدەڤەری گەرمیان بەتایبەت جەلەولا ل پێشمەرگەکانی یەکێتی سینگیان نابوو بەئاگر وئاسنی داعــــــــ شەوە پارتیەکان لەسەنگەرەکانیان خەریکی کلیپ دەرکردن و ساز لێدان بوو پاش بەرگریەکی قارەمانانەی هێزەکانی دژەتیرۆر وپێشمەرگەو کۆماندۆ ئاسایش ١٢ پێشمەرگە شەهید بوون پارتیەکان زۆر بێ شەرمانە لە سۆشیال میدیاکانیانەوە دەیان ووت "یەکێتی دانەنیشت تا ١٢ پێشمەرگەی دابەکووشت" هەندێك لەپارتیەکان لەم هەڵس وکەوتەی میدیاکانیان نیگەران بوون خودی مسعود بارزانی ووتی ئێمە شەڕ ناکەین ولەسەنگەری خۆمانداین هەتا نەیەنە سەرمان ئێمە شەڕناکەین وتەنها بەرگری دەکەین هەمووشتان بینیتان بەهێزی زێڕڤانی دەوترا هێزی ڕاکەڤانی

ئەوە شەوی بڕیار بوو هێرش بکرێتە سەر هەولێر پارێزگاری ئەو کاتە کاک نەوزاد هادی شاهیدی ئەوە دەدات هەموو

بەرپرسە سەربازی وحیزبیەکانی پارتی لەهەولێر هەڵهاتبوون بڕیارەکەش بەم شیوەیە بوو(داعــــــــ ش هەزار قامە بەدەستی ئامادەکردبوو لەگەڵ داخڵ بوونی شاری هەولێر قەتڵ وعام دەست پێبکەن بەشێوەیەك کە خەڵکی شارەکانی سلێمانی وکەرکوك هەڵبێن) بەڵام کاتێك مسعود بارزانی ونێچیر بارزانی پەیوەندی بەیەکێتی یەوە دەکەن داوا دەکەن دژە تیرۆر بنێرن تاهەولێر نەکەوێت پاش گەیشتنی دژە تیرۆری یەکێتی داعش لەمخمور تێك شکێندراو پاش ڕگار کردنی مەخوور فەرماندەکان گەڕانەو بەئاڵای پارتیەوە بەناو شارەرزگار کراوەکەدا هوتافی بژی م"ماڵا بارزان"یان دەوتەوە

ئێستا سەردەمی قیادە موقەتە وشاخ نیە خەڵك زۆر هۆشیارە تەنانەت هەندێك جار مێزگریەکی چاخانەی شەعب زۆر بەسود ترە لەمیدیا زەبەلاحەکانی پارتی زیاتر لەوە هەندێك ڕاو بۆچوون هەیە میدیای پارتی پەی ۆێ نابات و لەوەش سەیرت حەکایەخوانێك یان داناوە بەمیزاجی خۆی بەبێ بوونی زانیاری هەواڵ دادەڕێژێت

تەنانەت پارتیە ڕەسەنەکان ئەم ڕاستیانە دەزانن کەپارتی هۆکاری نەناردی مووچەو بێ گوزەرانی خەڵکی کوردستانە ئەوەش ە ئەزانن کەپارتی لەمل ملانێی لەگەڵ یەکێتی توشی شکستێکی کەمەر شکێن بۆتەوە هەروەك پافڵ تاڵەبانی لەڕابردوودا ووتی"بەبێ ئۆکەی یەکێتی پارتی ناتوانێت مودیر عامێک دیاری بکات"

ئێستا ئەگەر یەکێتی جارێکی تر پارتی لەم نەهامەتیە رزگار نەکات بێ دوودڵی دەلێم بەشیوەیەك کەوتوون بێ گاچۆنی

هاوکاری ناتواننن بکەونەوە سەرپێی خۆیان.،

پارتی زۆر هەوڵ ئەدات جیلی نوێ بەسیاسەتەکانی ئاشنا بکات ئەویش چەند حەدەسەێکەوە لەسەر یەك ودووبارەی دەکەنەوە وەك لە ووتاری پێشوودا ئاماژەم پێ دا ،بێ گوێندانە شعوری بنەماڵەی شەهید هاوکار جاف برینەکانیان دەکولێننەوە وکەیسی لاهور جەنگی دەجوڵێنن وهەرئەم چەند شتەی هەیە پارتی هەرجارە بەشیوازێك باسی دەکات.بەڵام خەڵك ئەو ڕاستیە دەزانێت شەهید هاوکار جاف لەناودڵی هەولێردا شەهید کراو پارتی بۆخۆی عەرابی لەناوبردنی لاهور بوو خوا هەڵناگرێت میدیاکانی ئێستای کاک لاهور لەگەڵ ئەوانەی پارتی وپاراستن بەئاستەم لێك جودا دەکرێنەوە.

بۆیە لەپانۆڕامای ئەو حیزبەدا دەرکەوتووە (پارتی تەنها خیانەت لەب دزینی داهاتی خەڵکی کوردستان دا ناکات)

عطا حاجی عەبدووڵڵا.

29/04/2026

تێبینی/

ئەم بابەتە گــــــوزارشت لەڕای نوسەر دەکات هەروەك چۆن نوسەرەکانی پارتی چی لەسەر یەکێتی دەڵێن گوزارشت

لەڕاو بۆچوونی خۆیان دەکەن

مێژووی وێنەکە بازگەکانی نەقشبەندی لەگەڵ لیوای یەکی پاراستنی سلێمانی پلەی گەرما ٥٢پلە بوو

کاتێک پارتی تەنگەتاو دەبێت دەست بۆچی دەبات؟

2026-04-27T18:14:00.017+03:00

کاتێک پارتی تەنگەتاو دەبێت دەست بۆچی دەبات؟

عطا حاجی

هەرکات پارتی تەنگەتاو دەبێت ودەکەوێتە حاڵەتێکی شپرزەوبوونەوە ودەسەڵاتی هیچی نامێنیت پەنا بۆ ئەم شتانە دەبات کەخۆی خۆلقێنەری بووە.

-کەیسی هاوکار جاف،لەناو دڵی پارتی وشاری هەولێری دەستە خوشکەکەی پاریسی بووکی فەرەنسا ڕووی دا!

-کەیسی لاهور جەنگی کەبەڕەزامەندی خودی پارتی ونێچیرەڤان بارزانی لاهور دەرکراو هێرشی کرایە سەر!

-کەیسی قەومی وەک ئەوەی کەس کورد نەبێ پارتی نەبێت!؟ لایەنگرانیان بەوە چەواشە دەکەن پارتی کوردایەتی دەکات بۆیە لایەنەکان دژایەتی دەکەن!!

-کەیسی 16ـی ئۆکتۆبەر بەبێ ئەوەی ئاماژە بەدەرهاویشتەی ڕیفراندۆمەکەیان بکەن.

سەرەتا دەچنەوە لای بنەماڵەی هاوکار جاف وجارێکی تر خوێ دەکەنەوە بەبرینیانا بەداخەوە لەناو قوڵایی دەزگا ئەمنیەکانی پارتی دا شەهید کرا ئیتر ئەگەر ئەم کەیسە هەرکەس بووبێت تائیستا ناتوانن بەڵگەیەکی موقنیع بڵاو بکەنەوە کەخەڵکی سەردەمی تەکنەلۆژیا ىڕوای پێ بکات.

کەیسی لاهور جەنگی ئەمانە خۆیان بووون هاتن لاهوریان لەیەکێتی دەرکرد وهەرخۆشیان بوون لەئاست لاهور بێ دەنگیان هەڵبژارد خێرە ئیستا شین وشەپۆڕی درۆینەی بۆ دەکەن؟لەهەمان کات دا کاتێك کێشە لەنێوان یەکێتی لەگەڵ پارتی دروست ئەبێت میدیاکانی کاك لاهور ومیدیاکانی پارتی جوداناکرێنەوەلەکاتێک دا کاک لاهور لەڕابردوودا دوژمنی سەرسەختی سیاسیەتە چەوتەکانی پارتی بوو

کاکی برا هەرکەس کوردایەتی بکات پارتی نایکات و بەچاوی خۆتان ئەبینن دەیان بنکەی تورکیای پەلکێشی هەرێم کردووە یەکەم بۆ کووشتنی کوردەکانی باکور دووەم بۆ چاوترسێن کردنی نەیارەکانیان بەڵام ئەم جارە لۆیان ناچیتە سەر چوونکە ئەمجارە عێراق و ئێران وئەمریکاو تەنانەت تورکیای هاوسۆزیشی تێ کەوت وپینەی ئەم هەموو کونەیان پێ ناکریت.

ئێوە بەمانای ووشە دزی لەخەڵکی کوردستان دەکەن شەرمە کە کوڕی مەسرورو نیچێر هەفتانە ملیارەها دۆلاریان دەست دەکەویت بەڵام هێندە لەئەخلاق شۆراونەتەوە کە تەنانەت ئامادەنی 120ملیاری بەغدا بدەن بۆئەوەی مووچەی خەڵك بنێریت.

ئیتر چی ترماوە بەسەر خەڵکی بهێنن.

ئێستا پارتی سوینێك شك نابات و قوڕی تیابگرێتەوە بیکا بەسەر خۆی موریدەکانی بارزانی دا.

تاڕادەیەکی باش گەشبینین لەوەی ئەم بنەماڵە بەرەو ئیفلیج چوون ئەبرێت وبەدوری نازانین کۆتاییان بێ یاخود لەبلەو بارزان دا بچووك بکرێنەوە..

27/04/2026

عطا حاجی.

تێبینی/ئەم بابەتە تەعبیر لەڕاو بۆچوونی نوسەر دەکات.

داواكارم میدیاكانی یەكێتی بەڕێزەوە مامەڵە بکـەن.

2026-04-27T16:43:00.003+03:00

من و ئیمان

‎ئەقڵتان بۆ ئەملاولا نەڕوات، مەبەستم لە ئیمان و ئیمانداری و پێنج فەرزەكەی ئیسلام نیە، بەڵكو مەبەستم لە خاتوو ئیمان دەرباس ـ ە كە پێشكەشكارە لە كەناڵی ئاسمانی K24.. لە رۆژی 19 ی نیسان، ئەم خاتوونە دیدارێكی لەگەڵ بەرێز فازڵ میرانی (بەرپرسی دەستەی كارگێڕی مەكتەبی سیاسی پارتی دیموكراتی كوردستان) سازدا، لەم گۆشەیەدا باس لە ناوەڕۆكی دیدارەكە ناكەم، بەڵام كاك فازل وەك سیاسەتوانێكی شارەزا بە شارەزایی دەیان ساڵەی، خۆی لە چەند تەڵەیەكی میدیایی پێشكەشكار لادا، تا كار گەیشتە ئەوەی سیاسەتمەدار ئامۆژگاری میدیاكار بكات بەوەی تۆ بە كاردانەوە (انفعال) ئیش دەكەیت.

ئەو بەراوردەی دەمەوێت لێرەدا بۆ ئێوەی باس بكەم پەیوەستە بە دوو حاڵەتی لێكچووی من و خاتوو ئیمان، زمانی میدیاكار و شێوازی دەربڕینی پرسیار و پابەندبوون بە پرۆتۆكۆڵ و ئەتەكێتی ناوبردن و ناوهێنان، هەموو میدیاكارێك دەزانێت كە پێشكەشكاری سەركەوتوو دەبێتە بەشێك لە ئامێری گەیاندن و هەموو هەست و نەستی خۆی وەلا دەنێت و وەك رۆژنامەنووسێك گەر ناوی هەر كەسێك بهێنێت لەبەر رێزی بینەران و ناوو ناوبانگی كەناڵەكە، پێشگرێك یان پاشگرێك یان نازناوێك یان پۆستێك یان وەك ئەوەی لەدنیادا باوە و هەیە، وشەی (بەرێز) یان (كاك) لە دیالێكتی سۆرانی، وشەی (سەیدا، هێژا، رێزدار....) لە كرمانجی ژوروو بەكاردێن، بەڵام كە خاتوو ئیمان چەند جارێك وتی (بافڵ) بەبێ دانانی هیچ وشەیەكی ئەتەكێتی میدیا، تەنانەت (كاك ـ بەرێز ـ رێزدار ـ هێژا...هتد) كە ئەمانە (پێشگرناوی ناو میدیان)، هیچ لەم وشانەی بەكارنەهێنا، من دڵنیابووم و گومانم نەبوو كەK24 رۆژی داهاتوو پۆزش یان رونكردنەوەی رەسمی یان داوای لێبوردن لە سەرۆكی یەكێتیی نیشتمانیی كوردستان و ئەندامانی ئەو حزبە دەكات، چونكە حاڵەتێكی لەمجۆرە لە مانگی 8 ی ساڵی 2022 لە كەناڵی رەسمی یەكێتی روویدا، هەرچەندە هەرگیز وەك ئەوەی خاتوو ئيمان زەق و كراوە و ناشیرین نەبوو، بەڵام چی روویدا؟ ئەوكاتە من لێپرسراوی كەناڵەكە بووم و تەمەنی خزمەتی یەكێتی بوونیشم 40 ساڵ بوو، خزمەتی ناو میدیای حزبەكەشم 30 ساڵ بوو، خۆشم 56 ساڵ تەمەنم بوو.

لەسەر ئەم رستەیە (سەرۆك بافڵ تاڵەبانی و مەسعود بارزانی) لەبەرئەوەی تەنها نازناو دانرابوو، وشەی سەرۆك لەبەردەم ناوی كاك مەسعود دانەنرابوو، سەرۆك بافڵ بە فرمانی خۆی جارێ‌ ئێمەی كارەبا كرد و ئەم سزایەش تەنها لەسەر من وەك سەرنووسەر و بەرپرسی سایتی رەسمی نەوەستا، بەڵكو بۆ ماوەی یەك مانگیش كەناڵەكەی داخست.

جا بنواڕنە ئەم جیاوازیە لە ئەتەكێتی زمان و داڕشتنی تایتڵ (ناونیشان)، تەنها وشەی سەرۆك بۆ جەنابی كاك مەسعود دانەنرابوو نازناوی بارزانی دانرابوو لانەدرابوو، بەپێی هەندێك بۆچوونی زمانەوانیش وترا كە وشەی سەرۆك لەو رستەدا بۆ هەردوو كەسایەتیەكە دەبێت.

گرنگ لەم بەراوردەدا ئەوەیە كە ئیمان دەرباس و K24 كەسیان سزا نەدران، دیارە من هەڵە بووم لەچاوەڕوانیەكەمدا، وامدەزانی بیركردنەوەی میدیایی و پرۆتۆكۆلی ناوهێنان لای هەموو كەناڵەكان وەك یەكە، بۆیە ئێستاش هیوادارم و داواكارم میدیاكانی یەكێتی هەر بەڕێزەوە بەو زمانەی كە فێركراون، بەو ئەتەكێت و جوانیەی كە پێی ناسراون بەردەوام بن، ئەگەر ناوی سەرۆكی یەكێتیش بە ناوی تاقو تەنهای خۆی بوترێت، ئێوە لە ریتمی قوتابخانەی زمانەوانی خۆتان لامەدەن و نازناوی هیچ بەرپرس و سەرۆكێك دەستكاری مەكەن، چونكە میدیاش پرۆتۆكۆڵی زمان و ئەتەكێتی ناوبردن و ئاخاوتنی لێدابماڵیت، دەبێتە میدیای (فاڵتۆ).

ئەمەش لە سێگۆشەی خڕ دەچێت.

كاروان ئەنوەر

2026-04-25T20:25:00.004+03:00

لەکاتێك دا لوئەی محەمد تەلەفۆن بۆ برای هاوکار جاف دەکات سەرەتا داوای لێ دەکات کە قسەی زبرو جنێو بەکار نەهێنیت ئەمەش نیشانەی ئەوەیە کە دەیەوێت کەسی بەرامبەر گوێی بۆ بگرێت ولێی تێبگات

لەپەیوەندیەکی تەلەفۆنی برایەکی هاوکار جاف وعەقید لوئەی بەئاشکرا بێ تاوانی بەقسەکانی یەوە دەبینرێت بەڵام ئەوەی جێگای سەرنجە براکەی هاوکار جاف ڕێگا نادات وتەحەداکانی تەواو بکات و هێرشی دەکاتە سەر لوئەی محەمەد.

شەڕی یەکێتی وپارتی گەیشتە ئاستی بەرپرسانی سەربازی وحیزبی!

بەم دواییانە شەڕی پارتی ویەکیتی ڕٶژ بەڕٶژ گەرمتر دەبێت.

کاتێك دەڵێت کەلام شەرەف ئەگەر هەر لەئێستاوە تاوەکو سەد ساڵی تر بۆت ئاشکرا بوو من کوشتووە خۆم دەکوژم ودووبارەی دەکاتەوە دەڵێت:بەڵگەیی تەواوم لایەو ئەتوانم بیسەلمێنم کەمن من بەشدارینم لەکوستنی هاوکار جاف دا نەکردووە ئەگەر نەم سەلماند دەمانچەکەی خۆم ئەدەمە دەستی تۆو خۆت فیشەکێک بنێ بەسەرمەوە ئەمەش ئاشکرای دەکات کەلوئەی بێ تاوانە. بەڵام لەکۆتا قسەکانی دا دەڵێت خۆتان مەدەن بەکوشت ئەمەش نیشانەیە بۆ ئەوەیە کە براکەی هاوکار جاف لەدڵ پڕی خۆی قسەی دیکە دەکات !کاتێك دەڵێت جخۆتان مەدەن بەکووشت وادەر دەکەوێت لوئەی وا هەست دەکات کە بنەماڵەی هاوکار جاف ئەویان کردۆتە ئامانج و لەم حاڵەتە وەک ئەوە دەبینرێت کە لوئەی دڵنییایی دەدات بەوەی ئەگەر هەرکات من بکەنە ئامانج یاخود هەوڵی کوشتنم بدەن دیفاع لەخۆم ئەکەم بۆیە خۆتان بەخۆڕایی بەکوشت مەدەن......

.تێبینی گرنگ....//دوورو نزیك لوئەی ناناسین ن وئەم ڕوونکردنەوەش پاڵپشت بەشیکاری زمانی جەستە بۆ کراوە هەرکەسێکیش خوێندنەوەی دیکەی بۆ بکات ئاساییەو بەڕێزەوە لێی وەر دەگرین. خەڵکی سەردەمی ئیستا زۆر زیاتر لەوە هۆشیارترە بە بڕین وزیاند کردنی ئەم بڵاوکراوەیە تەنها بۆچوونی خۆمانە وپەیوەندی بەلایەنگری یەکێتی وهیچ کەسێکەوە نیە.

لەسۆنگەی دڵسۆزیمان وکاری پیشەیی خۆمان ئەوم ڕوونکردنەوەمان بڵاو کردۆتەوەو هەرگیز لەگەڵ کوشتن وئازاردانی هیچ مرۆڤێك دانین،لەهەمان کاتیش پێویستە بزانرێت کێ تاوانباری سەرەکی بکوژی هاوکار جافەو هەڵە بەسەر بنەماڵە بەڕێزەکەیان دا تێ نەپەڕیت '

لەگەڵ ئەو پەڕی ڕێزدادەنگێك خەڵك چەواشە ناکرێت

تایبەت : بەدەزگایی میدیای ئاژانسی ووڵات.

وەزارەتی دادی ئەمریکا دەستی بەسەر موڵکێکی گرانبەهای بەرپرسێکی باڵای پارتی دا گرت.

2026-04-25T02:51:00.001+03:00

وەزارەتی دادی ئەمریکا ڕاگەیەنراوایکی بڵاوکردەوە و ئاماژەی بەوەداوە، لە دادگای ناوچەیی ئەمریکا بۆ ناوچەی ناوەڕاستی کالیفۆرنیا، سکاڵایەکی دەستبەسەرداگرتنی مەدەنی تۆمار کرد، بۆ دەستبەسەرداگرتنی کۆشکێک لە کالیفۆرنیا کە خاوەندارێتییەکەی بۆ مەنسور مەسعود بارزانی دەگەڕێتەوە.

وەزارەتی دادی ئەمریکا لە ڕاگەیەنراوەکەیدا باسی لەوەکردووە، وا باس دەکرێت کە ئەم کۆشکە کڕدراوە و نۆژەن کراوەتەوە بە نزیکەی 30 ملیۆن دۆلار کە بەمامەڵەیەکی فێڵکردن بووە لە ئاژانسی لۆجستی بەرگری سەر بە وەزارەتی بەرگری ئەمریکا، هەروەها بۆ پێدانی بەرتیل بە بەرپرسێکی هەرێمی کوردستانی و پێشێلکردنی یاساکانی سپیکردنەوەی پارەی ئەمریکا.

وەک لە سکاڵاکەدا هاتووە و وەزارەتی دادی ئەمریکا بڵاویکردوەتەوە لە ساڵی 2016 تا 2020، بەڵێندەرێک بنکە لە ڤێرجینیا و کەسانی دیکە بەشدارییان کردووە لە پلانێکی گەندەڵیدا بۆ بەدەستهێنانی زیاتر لە 700 ملیۆن دۆلار لە ئاژانسی لۆجیستی ئەمریکا بۆ گەیاندنی سوتەمەنی بە سوپای ئەمریکا لەکاتی ئۆپەراسیۆنی ئەمریکا دژی داعش، فڕۆکەخانەی نێودەوڵەتی هەولێر کە دەکەوێتە کوردستان و هێزەکانی پێشمەرگەی کوردستان ئاسایشی ناوخۆییان دەپاراست و کۆنترۆڵی چونەژورەوەیان بۆ دامەزراوەکە دەکرد، وەک خاڵێکی سەرەکی گەیاندنی سوتەمەنی کاری کردوە کە لەلایەن سوپای ئەمریکاوە لە عێراق و سوریا لە کاتی هەڵمەتەکەدا بەکار دەهێنرا.

سکاڵاکارەکە بانگەشەی ئەوە دەکات کە بەرپرسانی کۆمپانیا بەڵێندەرەکە ڕێککەوتوون لەسەر پێدانی بەرتیل بە بڕی 0.25 دۆلار بۆ هەر لیترێک بە مەنسور بارزانی، کە بەرپرسێکی باڵای پێشمەرگەیە، لە بەرامبەر دەستڕاگەیشتنی تەنها بۆ گەیاندنی سووتەمەنی فڕۆکە لە هەرێمی کوردستانەوە بۆ سوپای ئەمریکا و هێزەکانی هاوپەیمانان، و سەدان ملیۆن دۆلاریان لەژێر گرێبەستەکانی ئاژانسەکە وەرگرتووە. لە هەمان ماوەدا، ڕێگری لە ڕکابەرەکانی ئەو بەڵێندەرە کراوە کە بگەنە فڕۆکەخانەی نێودەوڵەتی هەولێر بۆ گەیاندنی سووتەمەنی فڕۆکە.

وەزارەتی دادی ئەمریکا دەڵێت، نزیکەی 30 ملیۆن دۆلار لەو پارانە لە هەژمارەکەی بارزانییەوە گواستراوەتەوە بۆ کڕینی کۆشکەکەی بێڤەرلی هیڵز و هەروەها نۆژەنکردنەوە و باشترکردنی خانووەکە لە ساڵی 2019 تا 2022.

لەکۆتایدا وەزارەتی داد باسی لەوەشکرد، ئەم کەیسە لەلایەن نوسینگەی واشنتۆنی ئێف بی ئای خزمەتگوزاری لێکۆڵینەوەی تاوانکاری بەرگری، و لێکۆڵینەوەی تاوانکاری، لێکۆڵینەوەی تێدا کراوە.

دژە تــ ـیـــــ ــــــر*ۆر ڕوونکــردنەوەیەکی بڵاو کردەوە.

2026-04-24T23:59:00.000+03:00

ڕوونکردنەوەیەک لە بەڕێوبەرایەتیی گشتیی دژەتیرۆر

کۆمەڵێک میدیای دەستلەپشتدراوی جێگری دووەمی سەرۆکی پارتی دیموکرات بە بڵاوکردنەوەی ڤیدیۆیەک دەیانەوێت دەستە چەورەکەیان بە بەڕێوبەرایەتی گشتیی دژەتیرۆر و یەكێتی نیشتیمانیی کوردستان بسڕن.

دیمەنی ژمارەیەک ئۆتۆمبێلی بارهەڵگری سەربازیی بڵاوکراوەتەوە کە گوایا ئەمانە ئەو چەکانەن لەلایەن ئەمریکاوە نێردراون بۆ ئێران و ئێستا لەلایەن دژەتیرۆرەوە دەستی بەسەرداگیراوە.

تەنها کەمێک شارەزایی سەربازیی پێویستە تا بزانرێت ئەو چەکانەی لەپشتی ئەو بارهەڵگرانە دەردەکەوێت ڕووسین و لەجۆری موشەکی گرادن کە ئەمریکی نین، تەنانەت گەر ئەمریکیش بن شتێکی ئاساییە بۆ بەڕێوبەرایەتیی گشتیی دژەتیرۆر کە هاوپەیمانێکی بەردەوامی ویلایەتە یەکگرتووەکانی ئەمریکایە لە چوارچێوەی شەڕی دژ بە تیرۆر.

پێویستە ئەوەش بوترێت نەک چەند بارێکی گەورەی چەک، بەڵکو دەرزییەکیش لەم هەرێمە دیارنەمێنێت مەسرور لێی بەرپرسە چونکە بە ناخێری سەرۆکی حکومەتە، ئەم سیناریۆ و درۆ بەتاڵانە کە بووەتە پیشەی ڕۆژانەی مەسرور و چواردەورەکەی نابێتە هۆی داپۆشینی فەزاحەت و سکانداڵی براکانی کە ئێستا لەلایەن وەزارەتی دادی ئەمریکاوە لێکۆڵینەوەی لێدەکرێت و ملیۆنان دۆلاریان دەستیبەسەرگیراوە بەهۆی فێڵ و تەڵەکەبازی و بەرتیلخۆری بەرامبەر سوپای ئەمریکا، وەک هەمیشە بوونەتە پەڵەیەکی ڕەش بە نێوچەوانی کوردەوە.

لە کۆتایشدا هەمووان ئێمە دەناسن و ئێوەش دەناسن.

لە خۆمان پاراستن

لە ئێوەش درۆ و تەڵەکەبازی و هەڵهاتن

بەڕێوبەرایەتیی گشتیی دژەتیرۆر CTG

24-4-2026

وۆڵ ستریت جۆرناڵ، ئیدارەی ترەمپ سزایــەکی قورســــــــــی بەسەر عێـــراق دا سەپاند.

2026-04-22T11:24:00.002+03:00

واشنتۆن فشارەکانی بۆ سەر بەغداد گەیاندە لوتکە و بە ڕاگرتنی ناردنی نەختینەی دۆلار و سڕکردنی هاوکارییە سەربازییەکان، داوای کۆتاییهێنان بە چالاکییەکانی ئەو گروپە چەکدارانە دەکات کە لەلایەن ئێرانەوە پاڵپشتی دەکرێن.

ڕاگرتنی 500 ملیۆن دۆلاری نەختینە

رۆژنامەی وۆڵ ستریت جۆرناڵ-ی ئەمریکی ئەمڕۆ 22ـی نیسانی 2026 ڕایگەیاند ئیدارەی دۆناڵد ترەمپ، سەرۆکی ئەمریکا، ڕەوانەکردنی بارێکی نەختینەی دۆلاری بۆ عێراق ڕاگرتووە کە بڕەکەی نزیکەی 500 ملیۆن دۆلارە. ئەم پارەیە داهاتی فرۆشی نەوتی عێراقە کە لە ئەژمارەکانی ئەو وڵاتە لە بانکی یەدەگی فیدراڵی لە نیویۆرک پاشەکەوت کراوە و بەرپرسانی وەزارەتی خەزێنەی ئەمریکا بڕیاری ڕاگرتنیان داوە.

سڕکردنی هاوکارییە سەربازییەکانی واشنتۆن

حکومەتی ئەمریکا بە فەرمی بەغدادی ئاگادار کردووەتەوە کە پاڵپشتی دارایی بۆ چەندین بەرنامەی تایبەت بە دژە تیرۆر و مەشقی سەربازی سوپای عێراق سڕ کردووە. واشنتۆن بەردەوامیی ئەم هاوکاریانەی بەستووەتەوە بەوەی کە دەبێت هێرشی میلیشیاکان بە تەواوی کۆتایی بێت و دەسەڵاتدارانی عێراق هەنگاوی کردەیی و جدی بنێن بۆ هەڵوەشاندنەوەی ئەو گروپە چەکدارانە.

هۆکاری توندکردنی فشارەکان

ئەم هەنگاوە توندانەی ئەمریکا دوای ئەوە دێت کە لە سەرەتای ئەم مانگەدا هێرشێکی درۆنی کرایە سەر ناوەندێکی گرنگی دیپلۆماسی ئەمریکا لە بەغداد. دوای ئەو ڕووداوە و زنجیرەیەک هێرشی دیکە، واشنتۆن باڵیۆزی عێراقی بانگهێشت کرد و پەیامی توندی ئاڕاستەی حکومەتی عێراق کرد

مسعود بارزان،لەساڵیادی ڕۆژنامەگەریی كوردی دا پەیامێکی بڵاو کردەوە.

2026-04-22T11:12:00.001+03:00

ەناوی خودای بەخشندە و میهرەبان

بەبۆنەی ڕۆژی ڕۆژنامەگەریی كوردی و سەد و بیست و هەشتەمین ساڵیادی دەرچوونی یەكەم ڕۆژنامەی (كوردستان) لە لایەن میر میقداد مەدحەت بەدرخان كە هاوكات ساڵیادی دامەزراندنی سەندیكای ڕۆژنامەنووسانی كوردستانە، پیرۆزباییەكی گەرم لە ڕۆژنامەنووس و میدیاكارانی كوردستان و ئەندامانی سەندیكای ڕۆژنامەونووسانی كوردستان دەكەم.

لەویادەدا هیوای سەركەوتن بۆ هەموو ڕۆژنامەنووس و میدیاكارە خۆشەویستەكانی كوردستان دەخوازم و پشتیوانی لە ئەرك و ڕۆڵی گرنگی ڕۆژنامەنووسانی كوردستان دەكەم بۆ بەرگریكردن لە دۆزی ڕەوای گەلەكەمان و قووڵتركردنی

فەرهەنگی ئاشتیخوازی و پێكەوەژیان و هەروەها پاراستنی بەها بەرزەكانی كۆمەڵگای كوردستان.

مسعود بارزانی

سەرۆکایەتی هەرێمی کوردستان ڕاگەیەندراوێکی سەبارەت بەدەستگیرکراوانی لالەزار بڵاوکردەوە.

2026-04-21T19:21:00.002+03:00

دڵشاد شەهاب، گوتەبێژی سەرۆکایەتیی هەرێمی کوردستان لە روونکردنەوەیەکدا لەبارەی گیراوانی لالەزار رایگەیاند، هەڵوێستی سەرۆکی هەرێمی کوردستان "دووپاتکردنەوەی ئەوەیە کە دوور لە هەموو دەستتێوەردان و گوشارێک، پێویستە هه‌موو کەیسێک بە رێڕەوی یاسایی خۆی و لەسەر بنەما دروستەکانی دادگاییکردن بەڕێوەبچێت".

دەقی روونکردنەوەی گوتەبێژی سەرۆکایەتیی هەرێمی کوردستان:

ماوەیەکە لە دەزگاکانی ڕاگەیاندنەوە دەربارەی ڕووداوەکانی مانگی ئابی ساڵی ڕابردوو کە لە لاله‌زارى شاری سلێمانی ڕوویان دا، هەندێک بابەت سەبارەت بە هەڵوێستی جه‌نابى سەرۆکی هەرێمی کوردستان لە پرۆسەی دادگاییکردن و یەکلاکردنەوەی چارەنووسی ئەو تۆمه‌تبار و گیراوانەی لە دەرەنجامی ڕووداوەکان دەستگیر کراون، ورووژێندراون.

لێرەوە دەمانەوێت بۆ هەموو لايه‌ك ڕوونی بکەینەوە، دوای ئەوەی ئەم بابەتە لە دەزگاکانی ڕاگەیاندن باسکرا، ئێمە لە سەرۆکایەتیی هەرێمی کوردستان لەگەڵ دەسەڵاتی دادوەری پرسوڕا و بەدواداچوونی پێویستمان کرد. دیاره‌ که‌ به‌پێی یاسا بڕیاردان لە داوای گواستنەوەی کەیسێک لە دادگایەکەوە بۆ دادگایەکی تر، پرسێکی تەواو دادوه‌رييه‌ و لە تایبەتمەندییەکانی دەسەڵاتی دادوەرییە و دادگا پەیوەندیدارەکان یەکلای دەکەنەوە.

ئەوەی پەیوەستە بە هەڵوێستی بەڕێز سەرۆکی هەرێمی کوردستانه‌وه‌، دووپاتکردنەوەی ئەوەیە کە دوور لە هەموو دەستتێوەردان و فشارێک، پێویستە هه‌موو کەیسێك بە ڕێڕەوی یاسایيی خۆی و لەسەر بنەما دروستەکانی دادگاییکردن بەڕێوە بچێت و پێویستە دەرفەتی بەرگریکردن و پاراستنی مافی تۆمه‌تباران و گیراوان بەپێی یاسا پارێزراو بێت. هەروەها دووپاتی دەکەینەوە کە ده‌بێ لە كاتى ياساييى خۆيدا و بەپێی ڕێکارە یاسایییەکان، دادگاکان بڕیاری خۆیان لەبارەی ئەم پرسەوە یەکلایی بکەنەوە.

پێشەوا هەوارامانی،سەرۆك حیزبێك خۆی لەچەکەکانی ئەمریکا بێ بەری دەکات.!

2026-04-21T00:25:00.001+03:00

لێدوانێک لە وتەبێژی حکومەتی هەرێمی کوردستانەوە

لەمیدیاکانەوە سەرۆکی حزبێک باسی ئەوەی کردووە کە هەرێمی کوردستان دوو ئیدارەییەو هەروەها لەپەیوەندی بە دەنگۆی ناردنی چەکی ئەمەریکی کۆمەڵێک چەواشەکاری کردوون.

لای هەمووان ڕونە حکومەتی هەرێمی کوردستان حکومەتێکی دەستوری دانپێدانراوی فیدراڵییەو بەرهەمی خوێنی شەهیدان و خەبات و ڕەنجی خەڵکی کوردستانە. هەرچەندە هەوڵی بەردەوام هەبوون بۆ  بەدوو ئیدارەیی کردنی، بەڵام ڕێگا بەوە نادەین و ئەو هەوڵە سەرناگرێت.

لە بارەی ئەو چەکانەی گوایە باس دەکرێت لە لایەن ئەمریکاوە بە لایەنێکی کوردی دراوە سەرۆکی ئەو حزبە خۆی بێ بەری دەکات و لایەنی دیکە تاوانبار دەکات و لەڕاگەیاندنەکانییانەوە خەریکی چەواشەکارین. 

ئەگەر ئەمەریکییەکان چەکیان بە لایەنێک دابێت خۆیان دەزانن بە چ لایەنێکیان داوە و درەنگ یان زوو  ڕاستییەکەی بۆ هەموو لایەک ڕوون دەبێتەوە و پێویست بەو هەموو چەواشەکارییە نیە. 

سەرۆکی ئەو حزبە مافی ئەوەی نیە لە جیاتی دەزگا فەرمیەکان قسە بکات و قسەکانیشی ناڕاست  بن و چاوەرێ بێت بەم شێوەیە گومان لە سەر خۆی و دارو دەستەکەی لا ببات.

پێشەوا هەورامانی
وتەبێژی حکومەتی هەرێمی کوردستان

بڕیارە ئەمشەو بەفەرمی کاندیدی سەرۆك کۆمار رابگەیەنرێت.

2026-04-20T22:28:00.001+03:00

سەرچاوەیەکی باڵا لەچوارچێوەی هەماهەنگی بۆ شارپرێس ئاشکرایکرد، لەکۆبونەوەی ئەمشەوی هاوپەیمانێتییەکە باسم بەدری وەک کاندید بۆ پۆستی سەرۆک وەزیران دیاریکرا، بڕیاریشە ئەمشەو بەفەرمی رابگەیەنرێت.

سەرچاوەیەک لە چوارچێوەی هەماهەنگی بە شارپرێسی راگەیاند، بە زۆرینەی دەنگی سەرکردەکانی چوارچێوەی هەماهەنگی، بڕیادرا باسم بەدری وەک کاندیدی سەرەکی بۆ پۆستی سەرۆک وەزیران دیاری بکرێت.

شارپرێس زانیویەتی، تا ئێستا کۆبونەوەکە بەردەوامەو بڕیارە لەچەند کاتژمێری داهاتودا بەفەرمی کاندیدبونی باسم بەدری رابگەیەنرێت.

ئێستا دوکانەکانی سەنتەری بازرگانی ئێم جەی تاوەرز ئامادەن بۆ فرۆشتن!

2026-04-20T21:35:00.001+03:00

ڕیکلام

ئێستا دوکانەکانی سەنتەری بازرگانی ئێم جەی تاوەرز ئامادەن بۆ فرۆشتن!

لەسەر شەقامی سەرەکیی هەواری شار، لە ناوچەیەکی بازرگانیی پڕ جووڵە، لێرەوە بزنسەکەت بخەرە بەرچاوی هەمووان و داهاتوویەکی گەورە بۆ براندەکەت مسۆگەر بکە.

📍 ناونیشان: سلێمانی، دووسایدی هەواری شار، بەرامبەر دەرگای پارکی هەواری شار.

📞 پەیوەندیمان پێوە بکە: 07703349000 – 07704199000

شیلان شەق.

2026-04-20T15:46:00.005+03:00

شیلان شەق

ناوی یارییەکە، بە منداڵی چەند کەسێک کۆدەبووینەوەو دەبووە شەڕەشەقێکی بێسەروبەرو ھەرکەسێک لە کەسێکی تری دەدا، بەرەی ئەمبەرو ئەوبەر نەبوو، رۆحیەتی تیم و بەرگریی کردن لە یەکتر نەبوو، تەنھا ھێرشبردن ھەبوو. ھەردوو وشەی شیلان و شەق، ھیچ پەیوەندییەکی رۆحی و زمانەوانی و ئەپستمۆلۆژیی لە نێوانیاندا نیە، بەڵام چۆن پێکەوە بوون بە ناوی گەمەیەکی مناڵانە، چی خستنیە پاڵ یەک.. نازانم ؟؟

رەنگە شیلان لە شێلانەوە وەرگیرابێت، ئێ شەقیش ھەر شەقە، شەقی کوردی و شەقی بەزەبرو پانە شەق و شەقازلەو شەقاوو لەقەو شەقشەقێن و شەقاوەو جوتە وەشێن و ھەڵتیزان و کۆتاییەکەشی بە سوڕاندنی کورتان و تا فڕێدانی کورتانەكەش دەڕوات..

ئەم گەمەی ئێمە دەمانکرد شەڕەشەقێکی ناماریفی بوو، تا قۆڕبوونی ناوگەڵ سنوری نەبوو، هەموان دەیانخواردو کەسیش بەرگریی لەکەس نەدەکرد، شیلان شەق یارییەکی زۆر سەیر بوو، چونكە منداڵەکان نەدەبوون بە دوو تیمەوە، وەک ھەر بەزمێکی تر، رکابەریی و بردنەوەو دۆڕاندن نەبوو، ھەمووی تێھەڵدانی دەخوارد و لە کۆتاییدا شەکەتی و ماندوێتی و ئازارێکی زۆر بەولاوە ھیچی تر نەبوو!! بۆیە ئەمە تاکە یارییەکە کە براوەی تێدا نیە..

جەنگی نێوان وڵاتان جۆرێکە لەم یاریانە و لە کۆتاییدا کەس براوە نابێت، بەنموونە جەنگی عەرەب ئیسرائیل 75 ساڵی پڕ شیلان شەقی تێپەڕاند، سەرباری ئەنجامدانی پەیماننامەی ئۆسلۆی یەكەم 1993 ئۆسلۆی دوەم 1995بەڵام هێشتا چوارچێوەی گشتیی جەنگەكە وەك ساڵی 1948 وایە، جەنگی ئێران عیراق ھەشت ساڵی خایاند، سەرباری كێشانەوەی نەخشەی سنور و دەیان دانیشتن و بڕیارەكانی ئەنجومەنی ئاسایش 598 وەک چۆن ئاگربەست راگەیەنرا بەوجۆرە ماوەتەوە، جەنگی ھیندستان و پاکستان چەندین گەڕو گێم کراو تا ئێستاش کێشەی کشمیر وەک خۆیەتی، جەنگی هەردوو كۆریا لە ناوەڕاستی سەدەی پێشوودا بەهەمان چەشنە، هێشتا سنوری نێوان هەردوو دەوڵەت لە توندترین سنورەكانن، جەنگی ئێران -ئەمریكا – ئیسرائیل، بەهەمان شێوە بەردەوام دەبێت..

لە باشوری كوردستانیش سلێمانی زۆربەی شەق و مستی حزب و هاوڕێ و دۆست و برادەرەكانی خۆیی بەركەوتوەو بەردەكەوێت، هەموو دەزانین لە 35 ساڵی رابردوودا تەنها سلێمانی بوو كە ببوە چەترو لانكەی ئۆپۆزسیۆن و چادری كوردایەتی بۆ هەموو پارچەكانی تر، لە كوچەو كۆڵان و گەڕەكەكانی شاردا پاروەنانیش دەكرا بە چەند پشكێكەوەو پێكەوە نۆشدەكران، دایكێكی بەسۆز بۆ هەر سێ پارچەكەی تری كوردستان.. دەرئەنجام بێشومار زەرەرو زیانی زۆر و باجی قورس و بچوككردنەوەو بێبازاڕی و لێدانی درۆن و موشەك و تۆپی دوور هاوێژ و تیررۆركردن بە چەكی بێدەنگ و ماتۆڕ، ژیانی ئەم شارەبوو لە 35 ساڵی رابردوودا، بۆیە لێدان لە سلێمانی و ناشیرینكردنی مێژوو كوردایەتی و بەسەرهاتی خەباتی دەیان ساڵەی ئەم شارە، تەنها بۆ سڕینەوەی سەروەریی و شانازیەكانیەتی، لەهەموو حاڵەتەكاندا دەنگی نەشاز تەنها (نا-نەخێر) دەكات و نا ی سەرزار لە بەڵێنی راستیی وتن زۆر زیاترن، بۆیە ئەوەی ئێستا لەگۆڕەپانی سیاسەت و حزبایەتی دەستقەڵەمی کوردیدا دەگوزەرێت، جۆرێکە لە شیلان شەق، وەشاندنی شەق و گورزو مست بۆ نێوچاوانی سلێمانی، بە بێ نیەتی چاکەو چاکسازیی و راستکردنەوەی فیکریی، خراپترین گێمی شیلان شەقە، لەسەر شێوازی بیرکردنەوەی ئەمانە، قسەكەی رێنیە دیکارت دەڵیمەوە (من بیردەکەمەوە کەواتە من ھەم)، لای ھەندێك گروپ و تاقمی کوردەواری لە دانان نەخێر لە لادان هەر نەخێر، بوە بە (من دەڵێم نەخێر کەواتە من ھەم).

ئەمەش لە سێگۆشەی خڕ دەچێت..

كاروان ئەنوەر

(سێگۆشەی خڕ )ناونیشانی گۆشەیەکی ھەفتانەیە, رۆژانی دووشەممان لە رۆژنامەی (کوردستانی نوێ)بڵاودەبێتەو