რამდენიმე დღის წინ ,,სინგულარმა” კიდევ ერთ მნიშვნელოვან აპლიკაციაზე დაასრულა მუშაობა. აპლიკაციას ,,ღია პეტიციები” ეწოდება და მისი მთავარი მიზანია, ფეისბუქის მომხმარებლებს საკუთარი ინიციატივების მთავრობასთან მიტანა გაუადვილოს. აპლიკაცია პრემიერ-მინისტრის, ნიკა გილაურის ფეისბუქ-გვერდზეა განთავსებული.
თანამედროვე სამყაროში იდეების სხვებისთვის გაზიარება სირთულეს არ წარმოადგენს. შეგიძლია ყველა მეგობარს აცნობო, რას შეცვლიდი საკუთარ ქალაქსა თუ ქვეყანაში. მაგრამ მეგობრებისთვის გაზიარება ყოველთვის ეფექტური არაა. დრო გადის, შენს ქალაქში კი “სტარბაქსი” მაინც არ იხსნება და არც პოკერის საერთაშორისო ტურნირი ტარდება.
საქმე ისაა, რომ მხოლოდ სურვილების დაფიქსირება არ კმარა. მთავარია ხმა მათ მიაწვდინო, ვისაც მათი განხორციელება შეუძლია. ” ღია პეტიციები” სწორედ ამ გზის გასამარტივებლად შეიქმნა.
{ 6 comments }