მხოლოდ ერთს დავწერ, რაც ჩემი აზრით ნებისმიერ ბლოგზე, ტექნოლოგიურ გაჯეტზე მეტია.

მე შვილი მყავს. სანდრიკო. და მხოლოდ ეს არის მნიშვნელოვანი. სხვა დანარჩენი მისი კუკებით დასვრილი საფენის ტოლფასიც კი არ არის.

მისი საშუალებით სწორდება 20-ზე მეტი შეცდომა, რომლებიც ეხება არა მარტო 4.0 ვერსიას, არამედ წინამორბედებსაც. ერთ-ერთი გასწორება ეხება XSS-მოწყვლადობას, რომელიც ბოროტმოქმედს საშუალებას აძლევს გუშვას ნებისმიერი JavaScript-კოდი 3.9 და უფრო ძველ ვერსიებზე. ეს კიდევ ერთხელ ადასტურებს, რომ WordPress (ისევე როგორც ნებისმიერი სხვა პროგრამული პროდუქტი), ყოველთვის დროულად უნდა განახლდეს.

მიუხედავად იმისა, რომ WordPress-ის დეველოპერების გუნდი მხოლოდ ბოლო ორი ვერსიის მხარდაჭერას ახორციელებს (დღეისათვის 4.0 და 3.9), მიღებული იქნა გადაწყვეტილება უფრო ძველი ვერსიებისათვისაც გამოსულიყო განახლება. შედეგად გამოვიდა 4.0.1, 3.9.3, 3.8.5 и 3.7.5 განახლებები.

სისტემის ფონური განახლებები ხელმისაწვდომია 3.7 ვერსიიდან და ამ დროისათვის ყველა საიტი, რომელიც ამ და ყველა შემდეგომ ვერსიაზე მუშაობს, უკვე განახლებული იქნება. თუ თქვენი საიტი ჯერ კიდევ არ განახლებულა, გირჩევთ ეს ხელით გააკეთოთ. ამისათვის შედით: Dashboard —> Updates სექციაში და დააჭირეთ განახლების ღილაკზე.

გამარჯობა მკითხველო,

აი ასე, ნელ-ნელა, ტაატ-ტაათითა და ჩოჩიალით მოვაღწიეთ ამ ბლოგის მეშვიდე დაბადების დღემდე. თუმცა, ეს თარიღი არა დღეს, არამედ 27 ივნისს იყო, ანუ სამი დღის წინ. შესაძლოა, ესეც იმის მაჩვენებელია, რომ ამ ბლოგის აქტუალობა სულ უფრო კლებულობს, ჩემს თვალშიც კი. რა გასაკვირია, რომ მკითხველიც ათაში ერთხელ თუ შემოივლის აქ, ისიც შემთხვევით, გზააბნეული.

არადა იყო დრო, როდესაც აქ სიცოცხელ დუღდა! ნუ როგორ დუღდა, ყოველდღიურად ათასობით ვიზიტორი არ ყოფილა, თუმცა თავისი მუდმივი და ერთგული მკითხველი ყოველთვის ჰყავდა ამ ბლოგს. როდესაც მე შორეულ 2007 წელს მისი შექმნა გადავწყვიტე, თემატიკის ძებნა დიდხანს არ დამჭირვებია — Apple იყო ჩემი ალფაც და ომეგაც! თანაც იმ პერიოდში ტექნოლოგიების თემაზე მომუშავე ბლოგიები ცალი ხელის თითებზე ჩამოსათვლელი თუ იყო.

მერე გადავედით თვისობრივად ახალ საფეხურზე. მე ადრე დავწერე (ოღონდ სხვა ბლოგის About Me-ში), რომ ყველა ჩემი ჰობი დროთა განმავლობაში პროფესიად იქცა. ვიყავი მოხალისე ლოკალიზატორი და ანაზრაურებად პროფესიად ვაქციე, გავხდი ბლოგერი და ამ შემთხვევაშიც ესეც პროფესიად იქცა 1.5 წლის განმავლობაში GO!Blog-ზე. Apple-ის სიყვარულმა კი დაახლოებით ამავე დროით ამ კომპანიის პროდუქტების ბრენდ-მენეჯერად მაქცია.

თქვენი არ ვიცი, მაგრამ როგორც პრაქტიკამ მიჩვენა, ჰობის პროფესიად ქცევის შემდეგ მე ერთვარად მინელდება მისადმი ვნება. როდესაც საქმე, რომელიც შენ უბრალოდ სიამოვნებას განიჭებს, სავალდებულო საკეტებელი ხდება, პირადად ჩემთვის ნაკლებ საინტერესო ხდება.

ასე მოხდა ლოკლაიზაციაშიც, ბლოგინგშიც და მენეჯმენტშიც.

შესაძლოა მე მაქვს ტვინი ისე მოწყობილი. ყოველთვის ასე ვიყავი, როგორც კი დასახული მიზნის რთულ ეტაპს უკან მოვიტოვებდი, ჩემთვის ნაკლებ საინტერესო ხდებოდა მისი გაგრძელება.

ფაქტია, რომ დღეისათვის არცერთი ზემოთ ჩამოთვლილი საქმიანობობა ისე აღარ მიტაცებს, როგორც ეს ადრე იყო. არ გამოვრიცხავ, რომ ეს ყველაფერი ჩემი იმ სულიერი მდოგმარეობის ბრალია, რასაც განვიცდი ბოლო 12 თვის განმავლობაში, ოჯახის დაშლის შემდეგ…

შარშან გაზაფხულზე ახალი გატაცება გამოჩნდა, აუფიო-პოდკასტინგი. საკმაოდ ბევრი გადაცემაც ჩავწერე, ზოგი საინტერესო, ძირითადში — ნაკლებად. ჩემს ჭიას ვახარებდი, მოკლედ. მაგრამ ბოლო სამი თვის განმავლობაში განვითარებული მოვლენების გამო (რაზეც ახლა არ ვისაუბრებ, იმედია ოდესმე), ამასაც შევეშვი.

მოკლედ ვართ მე, ლოკალიზაცია, ბლოგინგი და ეფლი ასე, ყურებჩამოყრილები და მოწყენილები. იმედს ვიტოვებ, რომ არა სამუდამოდ.

ამიტომ გეუბნებით არა მშვიდობით, არამედ ნახვამდის! მომავალ შეხვედრამდე!

:)

დავიწყოთ იმით, რომ Apple-ის სპეციალური ღონისძიებები უკვე მრავალი წელია რაც ტარდება, მათ შორის დეველოპერების ყოველწლიური კონფერენცია, რომელიც ერთ-ერთი ყველაზე მთავარი ღონისძიებაა. მასზე როგორც წესი წარმოადგენენ ხოლმე კომპანიის პროგრამული უზრუნველყოფის დიდ განახლებებს და ხანდახან აპარატურული უზრუნველყოფის განახლებასაც მიაშველებენ ხოლმე. ასეთი ღონისძიებების კოლექტიური ყურება მთელი მსოფლიოს მაშტაბით უკვე ტრადიციად იქცა და არც ქართული Apple-საზოგადოება ჩამორჩება მსოფლიოს.  2008 წლიდან, კერძოდ 1 აპრილიდან ჩაეყარა საფუძველი ჩვენს შეკრებას. ეს ხან რომელ კაფე-რესტორანში ხდებოდა და ხან — რომელში. მთავარია, ინტერნეტი ყოფილიყო გამართული. მერე ორიოდე წლით ჩავარდა შეკრების ტრადიცია, რაც ფრიად სამწუხაროა. მაგრამ აი, უკვე წლევანდელი წლიდან ჩვენ შევეცდებით აღარ ცავაგდოთ არცერთი ღონისძიება და რეგულარულად შევიკრიბოთ. ამჯერად შეკრების ადგილი არცერთი თბილისური საზ. კვების ობიექტი არ გამხდარა, არამედ ილიას სახელმწიფო უნივერსიტეტმა გვიმასპინძლა. ამ შეკრების ამსახველ ფოტოებს სხვა სტატიაში შემოგთავაზებთ, ამჯერად იმას გეტყვით, რომ სამწუხაროდ ხალხის ის ოდენობა, რომელმაც თავდაპირველად სურვილი გამოთქვა მოსვლაზე, ვერ/არ მოვიდა. მოკლედ, ოციოდე კაცი შევიკრიბეთ და დაველოდეთ ღონისძიების ვიდეო-ტრანსლაციის დაწყებას.

ჩვეულებისამებრ, კონფერენციის საკვანძო პრეზენტაცია კომპანიის ამჟამინდელმა აღმასრულებელმა დირექტორმა, ტიმ კუკმა გახსნა. ტრადიცია, CEO-ს მიერ პრეზენტაციის წაყვანისა, ჯერ კიდევ სტივ ჯობსისგან მოდის და უცვლელად ხორცილედება უკვე მრავალი წელია. ჩვენ მოგვიანებით, ან თუნდაც ცალკე სტატიაში ვისაუბრებთ იმაზე, თუ რითი იყო ეს კონფერენცია გამორჩეიული, განსხვავებული და რატომ აღარ არის Apple ის კომპანია, რომელსაც ჩვენ სტივ ჯობსის დროს ვიცნობდით. კარგია, თუ ცუდი, ამას ჩვენ ალბათ რამოდენიმე წლის შემდეგ გავიგებთ.

წელს იყო მოლოდინები, რომ პროგრამულთან ერთად, აპარატურულსიახლეებსაც მივიღებდით 2 ივნისს. თუმცა ეს არ დადასტურდა და 2 საათიანი პრეზენტაცია მხოლოდ საოპერაციო სისტემების საკმაოდ დიდ ცვლილებებს დაეთმო.

აქცენტი გადატანილი იყო იმ სიახლეებზე, რომლებიც დეველოპერებისათვის იქნება მნიშვნელოვანი და რომლებიც განსაზღვრავენ იმ კურსს, რომელიც Apple-მა აირჩია უახლოესი რამოდენიმე წლისათვის. ამის შეფასება ამ ეტაპზე ცოტა ძნელია, თუმცა ის ხელსაწყოები, რაც ღონისძიებაზე აჩვენეს, შესაძლებლობას მოგვცემს შექვმნათ ისეთი რამეები, რაც Android-ზე გაცილებით გვიან გამოჩნდება.

ახლა მოდი თანმიდევრულად მივყვეთ წარმოდგენილ სიახლეებს.

OS X 10.10 Yosemite

უკვე ისტორიას ჩაბარდა Apple-ის საოპერაციო სისტემების კატისებრთა ოჯახის წევრების სახელების მინიჭება. შარშან ჩვენ მივიღეთ OS X 10.9 Mavericks. წელს ამ თემას პრეზენტაციაზე რამდენიმე წუთიანი ხუმრობაც დაუთმო კრეიგ ფედერიგიმ და ბოლოს გვამცნო, რომ ახალ ვერსიას OS X Yosemite ერქმევა. ანუ უახლოესი ათწლეული საოპერაციო სისტემების სახელები აშშ-ს ცნობილი გეოგრაფიული ადგილების სახელებით განისაზღვრება.

ახალი დიზაინი, უფრო მეტად მრავალფეროვანი, უფრო ბრტყლი, უფრო გამჭვირვალე. საკმაოდ სიმპათიური და მომხიბლავი, მე მომეწონა. ახალი სისტემური შრიფტი, შესაძლებლობა მთავარი მენიუს გაშავებისა (ქართველებს მოეწონებათ).

შეტყობინების ცენტრის ახალი ვიჯეტები — დიდ სურპრიზებს არ ველოდი, უბრალოდ საინტერესო მისადევნებელია ის ტენდენცია, თუ როგორ გადაედინება ფუქნციები iOS -სა და OS X-ს შორის, იმისდა მიხედვით, თუ სად გაჩნდა ის.

ახალი Spotlight, რომელიც მე ძალიან მიყვარს და აქტიურად ვიყენებ. ის ახლა კიდევ უფრო მძლავრი გახდა. ფრიად შთამბეჭდავი დემონსტრაცია მოგვიწყეს. ეს უკვე მარტო ძებნის ხელსაწყო აღარ არის, არამედ ინეტრაქტიული დამხმარე, რომელიც საშუალებას გვაძლევს მოვიძიოთ ყველაფერი ის, რაც შეიძლება დაგვჭირდეს. არ შეიძლება ამ ფუქნციის მნიშვნელობის მიფუჩეჩება. როგორც მე მგონია, ეს არის Apple-ის პირდაპირი თავდასხმა Google-ზე, მის ყველაზე მნიშვნელოვან სერვისზე.

iCloud Drive — ემმ, მეგობრებო, ძმებო ეფლისტებო, შესაძლოა Dropbox მალე აღარ დაგვჭირდეს. შესაძლებლობა, ცივილურად შევინახოთ ჩევნი ფაილები ღრუბელში, თანაც Apple-ის ღრუბელში, ფრიად კარგი რამეა. იქვე შეიძლება წერილების დიდი დანართების გადატყორცნაც, ავტომატურად რათქმაუნდა და ადრესატი 5 გბაიტამდე დანართს უპრობლემოდ მიიღებს. მაგრამ ამაზე ცალკე სტატიაში ვისაუბრებ.

Mail-ზე საუბრისას, უნდა აღინიშნოს საფოსტო სერვერებთან გაუმჯობესებული სიქნრონიზაციის მექანიზმი. ამასთან გაჩნდა ახალი ფუნქცია, „annotate“ — გასაგზავნ წერილზე ტექსტური მინიშნებების, ისრებისა და სხვა გრაფიკული ობიექტების დამატება (აქ უკვე დაიძაბა Skitch).

მოწყობილობებს შორის მოქმედებების სინქრონიზაცია. მაგალითად, არედაქტირებ ფაილს კომპიუტერში, ღილაკის ერთი დაჭერა და — უკვე მუშაობ მობილურ მოწყობილობაში (ან პირიქით), AirDrop-ით გადაგზავნა iOS-სა და OS X-შ შორის (ამისთვის ერთი წელი დალოდებ დაგვჭირდა, მაგრამ ეს ამათ ღირდა) და მყისიერი Hot-Spot აიფონიდან, ყოველგვარი ზედმეტი მოძრაობის გარეშე — თითქოს უმნშვნელო დეტალებია, მაგრამ რეალობაში ძალიან სასარგებლო. რაც ყველაზე მეტად მომეწონა, შესაძლებლობა დარეკო პირდაპირ კომპიუტერიდან, უფრო სწორად, ზარი გადააგდო და გადმოაგდო ტელეფონიდან (აიფონი, რასაკვირველია) კომპიუტერში და ტაბლეტში. მუდმივი იმაზე ფიქრი, თუ სად დევს ტელეფონი, ჩანთაში, უჯრაში და ა.შ. წარსულს ბარდება. კიდევ ერთი სასიამოვნო სიახლე, iMessage-ში მობილური ოპერატორების SMS-ების სინქრონიზაცია, ესეც ჩემთვის ძალიან სასარგებლო ფუნქცია გახლავთ.

წელს OS X-ში ჩვენ ვერ ვიხილეთ ძალიან ბევრი განახლება და ეს გასაგებიცაა — OS X უკვე ზრდასრული, სერიოზული საოპერაციო სისტემაა, რომელიც ისედაც ძალიან ბევრ სასარგებლო ფუნქციას შეიცავს. ამ ეტაპზე ხდება არსებულის კიდევ უფრო გაუმჯობესება, დახვეწა და გალამაზება, რაც ძალიან მახარებს.

iOS 8

მობილური საოპერაციო სისტემის ახალმა ვერსიამ ბევრი სიახლე მოგვიტანა და კონკრეტულად ქართველ მომხმარებელს საფიქრალიც გაგვიჩინა. მცირე შესავალი, თუ რატომ და მერე გადავიდეთ სიახლეების განხილვაზე. Apple-ის პროდუქტებში ქართული ენის მხარდაჭერა ასე თუ ისე, ნორმალურად არის წარმოდგენილი. OS X-ში არ გაქვს არანაირი პრობლემა, კლავიატურის, შროიფტის და რეგიონალური პარამეტრების თვალსაზრისით. რასაც ვერ ვიტყვით iOS-ზე, სამწუხაროდ. ამ საოპერაციო სისტემის პირველ ოთხი თაობას საერთოდ არ ჰქონდა ქართული კლავიატურის მხარდაჭერა და მხოლოდ სისტემის შეტეხვის შემდეგ ხდებოდა შესაძლებელი მისი დაყენება, კუსტარული მეთოდებით. სამართლიანობისათვის, უნდა აღინიშნოს, რომ შრიფტის თვალსაზრისით არასოდეს არ ყოფილა რაიმე პრობლემა, დაწყებული სულ პირველი ვერსიებიდან (ხალხი ხშირად ურევს ერთმანეთში შრიფტსა და კლავიატურას. დაიმახსოვრეთ, შრიფტი არის ის, რისი საშუალებითაც შეგიძლიათ აღიქვათ ტექსტი ეკრანზე, ხოლო კლავიატურა — რისი საშუალებითაც შეგიძლიათ აკრიფოთ ეს ტექსტი). მეხუთე ვერსიაში მოხდა საოცრება — ბეტა ვერსიებში გამოჩნდა ქართული კლავიატურა. ამაში წვლილი რათქმაუნდა ქართველ ეფლისტებს მიუღვით, ისევე როგორც OS X-ის კლავიატურის შექმნაში. თუმცა მოგვიენებით მოხდა სამწუხარო ფაქტი — iOS 5-ის ფინალურ ვერსიაში კლავიატურა გააქრეს. მხოლოდ გარკვეული დროის შემდეგ, ერთ-ერთმა ქართველმა მომხმარებელმა, დათა მანიამ (აგრეთვე ცნობილი, როგორც Kilavagora) იპოვნა მეთოდი, რომლიც საშუალებას გვაძლევდა დამალული კლავატურა აგვემუშავებინა, სისტემის შეტეხვის გარეშე. ქართველებმა ვიზეიმეთ, ჭერშიც ვისროლეთ ჩეფჩიკები და დათას უამრავი მადლობას გადავუხადეთ! მე-5, მე-6 და მე-7 ვერსიებში ყველაფერი ასე ხდებოდა. კლავიატურა დამაულული იყო (ალბათ გარკვეული მიზნებით, რაზეც Apple სდუმს და არაფერს არ გვეუბნევა), მაგრამ მისი ამუშავება შესაძლებელი იყო. აი მერვე ვერსიის პირველივე ბეტაში მაგარად მოგვეხაზა ქართველ მომხმარებლებს. კლავიატურა გაქრა. დამალულიც კი. ან ჩვენ ვერ ვახერხებთ ძველი მეთოდით მის გამოჩენას.

საქმე იმაშია, რომ iOS-ის მერვე ვერსიიდან ფუნდამენტურად იცვლება კლავიატურების საკითხი ამ საოპერაციო სისტემაში. ის ე.წ. „გაფართოება“ ხდება სისტემის და არა მისი ძირეული შემადგენელი ნაწილი. დეველოპერს შესაძლებლობა ეძლევა დაწეროს რაგინდარა ტიპის კლავიატურა და App Store-ის საშუალებით გაავრცელოს. ჩვენ გვგონია, რომ სწორედ ამის გამო ქართული კლავიატურა გაქრა სისტემიდან და გუშინდელი დღიდან აქტიურად დავიწყეთ ორი მიმართულებით მუშაობა: Apple-ში ვაფრინოთ წერილი, აგვიხსნან რა ხდება და ჩვენით შევქნათ ახალი კლავიატურა. რომელი ვარიანტი გაამართლებს, ჯერ ძნელია რაიმეს თქმა, მაგრამ ჩვენ შევეცდებით შემოდგომამდე ერთ-ერთი მეთოდით მაინც აღავადგინოთ ქართული კლავიატურის საკითხი სისტემაში. ეს მოკლედ ამ საკითხთან დაკავშირებით, ახლა გადავიდეთ სხვა სიახლეებზე.

iOS 8-ში იცვლება დამოკიდებულება SMS-ებთან დაკავშირებით. თუ ადრე მობილური ოპერატორის ხაზების გავლით მოსული მტშ მხოლოდ ტელეფონში იყო და გამოყოფილი iMessage-ისაგან, ახლა ყველაფერი დასინქრონდება ყველა მოწყობილობას შორის. რაც მე ფრიად მახარებს. ვიანიდან აღარ ექნება მნიშვნელობა, დროს კონკრეტულ მომენტში რომელ მოწყობილობასთან ვმუშაობ: ტელეფონი, ტაბელტი, თუ კომპიუტერი — აბონენსტ ნებისმიერ შემთხვევაში მივერ პასუხს და მივიღებ კიდევაც. ასევე, შესაძლებელი გახდა არა მარტო ტექსტური და გრაფიკული გზავნილებისა, არამედ აუდიო და ვიდეოც მხარდაჭერილია ამიერიდან. მოკლედ, გულმშვიდად შეგიძლიათ გადაყაროთ სხვა IM-ები. მე ასე ვიზამ!

iOS-საც აქვს Spotlight ძებნის სისტემა. ახლა ის აგრეთვე iTunes Store-შიც ეძებს ტქვენი მოთხოვნის შესაბამისად, App Store-ში. ეს კარგია.

iCloud Drive სრულფასოვნად იქნება ინტეგრირებული სისტემაში, რაც მნიშვნელოვნად გაადვილებს ფაილების მიმოქცევას კომპიუტერსა და ტელეფონ/სმარტფონს შორის. ყოველშემთხვევაში, ვედროიდებს კიდევ ერთი „კოზირი“ გამოეცლებათ ხელიდან :D

კიდევ ერთი სიახლე, პასუხის გაცემა შეტყობინებაშივე. მაგალითად, Facebook-ის შეტყობინებაზე „დალაიქება“ ან პასუხის მიწერა. აგრეთვე მხარდაჭერილია მესამე კომპანიების ვიჯეტები. შედეგად შეტყობინების ცენტრისათვის მალე ვიხილავთ ვებრ საინტერესო სიახლეს.

თუ ოჯახში რამდენიმე iOS-მოწყობილობაა, ახალ ვერსიაში შესაძლებელი იქნება ვიქონიოთ წვდომა ერთმანეთის აპლიკაციებზე და შიგთავსზე, ასევე ზიარი წვდომა კალენდრებთან, ფოტოებთან, ადგილმდებარეობასთან და ა.შ. თუ ბავშვი გადაწყვეტს შეიძინოს აპლიკაცია, შეტყობინება მოვა თქვენთან და ან დარტვათ ნებას, ან — არა.

ფოტოებთან დაკავშირებით ბევრი სიახლეა, რაც მე ძალიან მომეწონა. შესაძლებელია ფოტოების სინქრონიზაცია, რედაქტირება სხვადასხვა მოწყობილობებზე. ამ თემას ცალკე დავურბუნდები სხვა სტატიაში.

TouchID. ამ სიახლემ შარშან დიდი მოწონება დაიმსახურა, თუმცა ის მხოლოდ სისტემური აპლიაკციებისა და სერვისებისათვის იყო ხელმისაწვდომი. ამიერიდან მას სხვა აპლიკაციებიც გამოიყენებენ. ეს ძალიან კარგია.

ახლა გადავიდეთ სხვა სიახლეებზე.

HealthKit

Apple-მა შექმნა ცნტრალიზირებული API, რომლის მეშვეობითაც უზრუნველყოფილი იქნება მომხმარებლის ჯანმრთელობის მდგომარეობის ცენტრალიზებული შენახვა. ამასთან Apple-მა გადაწყვიტა დაიპყროს ჯანდაცვის სფერო. მაგალითად, საავადმოყოს შეეძლება მიიღოს ინფორმაცია პაციენტზე ტელეფონიდან ავტომატურად. ეს ისეთი მიმათულებაა, რაც სერიოზულად განვითარდება უახლოეს მომავალში.

HomeKit

მართალია, ბევრი ელოდა Apple-ისგან რაიმე ჭკვიან გაჯეტს, რომლიტაც შეძლებდა სხალის სხვა გაჯეტების მართვას, მაგრამ სინამდვილეში ჩვენ კიდევ უფრო კარგი რამე მივიღეთ — API. რათქმაუნდა გასაგებია, რომ Apple არ აპირებს რაიმე მოწყობილობების წარმოებას „ჭკვიანი სახლისათვის“ — ნათურების, კარებების და ა.შ. ეს უაზრობა იქნებოდა. სამაგიეროდ ის რასაც აკეთებს Apple, საშუალებას აძლევს მას იყოს ამ სახლის მთავარი კომპონენტი, რომელიც კრავს ერთმანეთთან სხვა „ჭკვიან ნივთებს“. მერწმუნეთ, სულ ცოტა ხანში ბაზარი გავსება მოწყობილობებით, რომლებიც მჭიდროდ იმუშავებენ iOS-თან და ჩვენ ჩვენი ტაბელტის, ან სმარტფონის მეშვეობით შევძლებთ ამ ყველაფრის მართვას. ჭკვიანური ნაბიჯია Apple, ბრავო!

CloudKit

თუ სწორად მივხვდი, ეს დაახლოებით Amazon Web Services მსაგვსი რამ უნდა იყოს, მაგრამ iOS-ის დეველოპერებისათვის. CloudKit-ის მიერთებით, დეველოპერი ღებულობს წვდომას არა მარტო სისტემურ გამოძახებებთან, არამედ iCloud-ის ინფრასტრუქტურასთანაც. ავტორიზაცია, მონაცემებთან წვდომა, ძებნა, შეტყობინებები — ეს ყველაფერი უკვე არის CloudKit-ში. მოკლედ, დეველპერებო, აბა თქვენ იცით!

ურთიერთქმედება აპლიკაციებს შორის

iOS-ში sandboxing-ის პრინციპის ხისტად შემოტანამ დაიცვა ეს საოპერაციო სისტემა უსაფრთხოების თვალსაზრისით, თუმცა ფრიად ხელს უშლიდა აპლიაკციებს შორის ურთიერთქმედებას. ახლა Apple-მა როგორც იქნა მოიცალა ამ პრობლემის მოსაგვარებლად. შედეგად, ახალი ვერსიიდან აპლიკაციები სრულფასოვნად შეძლებენ მონაცემთა გაცვლას ერმანეთში, უსაფრთხოების დონის დაცემის გარეშე. მეორე „დედა-ბოძი“ ეცლება ხელიდან ვედროიდების ბანაკს! :D

Swift

სრულიად მოულოდნელად, Apple-მა წარმოგვიდგინა პორგრამირების ახალი ენა. ჯერ-ჯერობით ნაადრევია რაიმეზე საუბარი. თუმცა პირველი შეხედვით, საკამოდ კარგი რამე ჩანს. მე შევეცდები აქტიურად ჩავუღრმავდე ამ საკითხს და მოგახსენოთ ყველაფერი ისე, როგორც არის.

ახლა მოკლე რეზიუმეც. პრინციპში, ყველაფერი რაც მინდოდა, უკვე ვთქვი. ერთს დავამატებ:

WWDC 2014-მა გვიჩვენა — Apple საბოლოოდ გამოვიდა სტივ ჯობსის გარდაცვალების შოკიდან. მას ამისთვის სამი წელი დასჭირდა, მაგრამ ღირსეულად გაართვა თავი კომპანიის გადაწყობის საკითხს. 2 ივნისს ჩვენ სხვა Apple ვიხილეთ. არა სტვის კომპანია. სხვა.

რამდენად კარგია ეს, ან ცუდი, დრო გვიჩვენებს.

დიდი, ძალიან დიდი ხანია არ დამიწერია ჩემს ბლოგში არაფერი. უკანასკნელი რამდენიმე თვის განმავლობაში მხოლოდ აუდიო-პოდკასტების ჩანაწერებს ვდებდი ხოლმე ორშაბათობით. ბოლო რამდენიმე კვირაა ესეც არ გამიკეთებია, თუ არ ჩავთვლით Tbilisi StartUp Weekend-ისადმი მიძღვნილ ორ ჩანაწერს.

საბოლოო ჯამში, ისევ რაღაც განსაკუთრებული უნდა მოხდეს, რომ ადამიანმა ხელში კვლავ აიღო კალამი კი არადა კლავიატურა და წერა განაახლო.

დავიწყოთ იმით, რომ წლევანდელი წელი დიდად სახარბიელო არ გამოდგა ჩემთვის. ჯერ ერთი, რომ მეუღლეს დავშორდი. 3.5 წელი ერთად ცხოვრების შემდეგ. მძიმეგადასატანი და აღსაქმელი გამოდგა ეს ჩემთვის. თუმცა თქვენი ნებართვით, დეტალებისგან თავს შევიკავებ.

მერე მოხდა ის, რასაც ყველა მეტ-ნაკლებად ველოდით, მაგრამ ბოლომდე არ გვჯეროდა მაინც. მე და კიდევ რამოდენიმე ადამიანი წამოვედით GO! Electronics-იდან. ასე გადაწყვიტა კომპანიამ და ჩვენს ვფიქრობ ამოვწურეთ ჩვენი შესაძლებლობები ამ კომპანიაში. თუმცა გულზე ხელის დადებით შემიძლია ვთქვა, რომ ის 2 წელი, რაც ამ კომპანიაში გავატარე, ყოველთვის სასიამოვნოდ დაჩება ჩემთვის. ძალიან ბევრი რამე ვისწავლე, ბევრი კარგი ადამიანი გავიცანი და როგორც ყოველთვის, ჩემი ცხოვრების მდინარეში ახალ კვალს გავყევი.

უმუშევარი დიდხანს არ დავრჩენილვარ, აგერ უკვე 1 თვეა ვმუშაობ ილიას სახელმწიფო უნივერსიტეტში. ფრიად საინტერესო და საპასუხისმგებლო სამსახურში. და მე ეს მომწონს! მომწონს იმიტომ, რომ საინფორმაციო ტექნოლოგიების გარდა, შეხება მაქვს ჩემს ძირითად და პროფესიულ საქმიანობასთან, ფინანსებთან.

პარალელურად, ვმუშაობ გაზეთ ნავიგატორში და ყოველ ნომერში 1 გვერდი სრულიად ჩემია. ჰო მართლა, სამშაბათისთვის უნდა მოვასწრო მორიგი დიდი სტატია :)

ფულის საკითხშიც კარგად ვარ. ანუ იგულისხმება, რომ არავის ვალი მე არ მაქვს და არავის კიდევ ჩემი. რაც ფრიად მახარებს. ხელფასი რაც მაქვს, მყოფნის. მრჩება კიდეც :)

მაქვს რამდენიმე იდეა, რომელის განხორციელებასაც ვაპირებ უახლეს დროში. რათქმაუნდა ეს ეხება კვალვ საინფორმაციო საშუალებებს, რომლებაც ძალიან გამიტაცა.

მოკლედ, ვცოვრობ წყანარდ, მშვიდად. ვერთობი ისე, როგორც მე მინდა. ფულს ვხარჯავ იმაში, რაც მე მინდა. ანუ კარგად.

აი, ბედნიერება, რასაც ქვია, სად არის, არ ვიცი ჯერ…

სტატუსის სხვა რესურსში ჩადგმის ფუნქცია Facebook-მა ამ წლის ივლისში წარმოადგინა. თუმცა გამოშვების მომენტში ეს ფუქნცია სპეციალურად მხოლოდ რამდენიმე უმსხვილესი მედია-რესურსისთვის იყო შექმნილი: Bleacher Report, CNN, Huffington Post, Mashable და PEOPLE.

მაგრამ უკვე აგვისტოდან ამ ფუქნციის გამოყენება ნებისმერი პირწიგნაკელისათვის გახდა ხელმისაწვდომი. გთავაზობთ მცირე სახელმძღვანელოს, თუ როგორ უნდა გააკეთოთ Facebook-ის სტატუსის გაზიარება თქვენს ბლოგში.

იმისათვის, რომ მოხდეს სტატუსის გაზიარება ბლოგში, ჯერ დარწმუნდით, რომ ეს ფუქნცია თქვენ უკვე ჩაგერთოთ, ან ჩაერთო იმ ადამიანს, ვისი სტატუსის ჩადგმაც გადაგიწყვეტიათ. დიახ, მარტო საკუთარი კი, არა, სხვისი სტატუსის წაღებაც შეიძლება საკუთარ ბლოგში. ამისათვის თქვენს ნებისმიერ სტატუსში, ზედა მარჯვენა კუთხეში უნდა დააჭიროთ ჩამოსაშლელ მენიუს და ნახოთ, არის თუ არა პუნქტი „Embed Post“. თუ არის, მაშინ განვაგრძოთ.

ჩამოშლილ მენიუში აჭერთ „Embed Post“.

ეკრანზე გამოდის მოტივტივე სარკმელი, სადაც მოცემულია ის კოდი, რომელიც უნდა გადაიტანოთ ბლოგში:

დააკოპირეთ ეს კოდი, რომელიც სურათზე ცისფერად არის მონიშნული. ახლა გადადით თქვენს ბლოგში, შექმენით ახალი სტატია, დაარქვით თქვენი სურვილისამებრ, მიანიჭეთ ტეგები და კატეგორიები და ტექსტის შეტანის ველში გადაერთეთ Visual-იდან Text-რეჟიმზე:

სულ ესაა, პრინციპში. ძალიან ადვილად და მარტივად თქვენ Facebook-იდან გადმოიტანეთ თქვენი, ან სხვა ადამიანის სტატუსი თქვენს ბლოგში.

გისურვებთ წამრატებებს!

ზღვიდან ჩამოვაღწიე, გაიგებდით. გურია ჩავძირე, ესეც იცით. ახლა გამალებით ვემზადები 10 სექტემბრის ღონისძიების ტრანსლაციისათვის.

როგორც ალბათ უკვე იცით, 10 სექტემბერს Apple წარმოგვიდგენს ახალ პროდუქტებს. სავარაუდოდ iPhone-ის ორ ახალი მოდელს, 5S და 5C.

თუ რა იქნება, როგორ იქნება და რა ეღირება, ამას ჩვენ ღონისძიებიდან გავიგებთ.

მანამდე აქ დავდებ ბმულს, ჩემი YouTube-ის არხიდან, უშუალოდ ტრანსლაციის მომავალ ვიდეოზე.

სწორედ ამ ბმულზე შეძლებთ ნახოთ ცოცხალი ტრანსლაცია. დამატებით ინფორმაციას მოგვიანებით კიდევ მოგაწვდით.

[youtube]http://www.youtube.com/watch?v=VsxppR1PTZ0[/youtube]

ფიზიკა ერთ ადგილზე არ დგას. დიდ ადრონულ კოლაიდერზე განხორციელებულ ბოლო ექსპერიმენტში ლეპტონები ინტენსიურად დაბიბომბა მოლივლივე პროტონებით. შედეგად დაფიქსირდა გლუონური სიმის გაწყვეტა, რასაც მოჰყვა ადრე უცნობი ტიპის ორმაგი გამოსხივება. მეცნიერებს უჭირთ ამ მოვლენის იდენტიფიცირება.

***

კვლები გრძელდება. გრძელდება ფენომენის შესწავლა, რომელიც აღმოჩენილი იქნა ორიოდე თვის წინ კოლაიდერზე. მეცნიერებმა შეძლეს დაედგინათ, რომ გამოსხივებას, რომელიც გაწყვეტილი გლუონური სიმის ორივე მხრიდან გამოდის, გააჩნია ინტენსივობა 20-30 კაპელანოს შკალის მიხედვით და სხვადასხვამიმართული პოლუსები. სამეცნიერო სამუშაოთა ხელმძღვანელის, ჩარლი ბერტონსის განცხადებით, მის დაქვემდებარებაში მყოფი ფიზიკოსები ენთუზიაზმით ცდილობენ ამოხსნან ბუნების ეს საიდუმლო, მიუხედავად ერთგვარი დაძაბული მდგომარეობისა იმის გამო, რომ ტეროსტები მზად არიან ააფეთქონ დიდი ადრონული კოლაიდერი.

***

კოლაიდერი საიმედო დაცვის ქვეშაა. საფრანგეთისა და აშშ-ს სადესანტო ჯარებმა დაცვის ქვეშ აიყვანეს კოლაიდერი. აქცია მიზნათ ისახავს ობიექტის დაცვას ექსტრემისტული დაჯგუფებებისაგან.

***

ფიზიკოსები საიქიოს უკავშირდებიან. სპეციალურად მოწვეულ პრეს-კონფერენციაზე ჩარლი ბერტნოსი აცხადებს კაცობრიობაში უდიდესი აღმოჩენის შესახებ. „ჩვენ ეს გავაკეთეთ, — განაცხადა ბერტონსმა — მიუხედავად სერიოზული ტექნიკური სიძნელებიისა, ჩვენ შევძელით ორივე გამოსხივების კვლავწარმოება, უფრო სწორედ რომ ვთქვათ, მათთან მიერთება. ორივე მათგანი გაშიფრულია. სწორედ ეს გახლავთ სენსაცია. ვინაიდან გადამცემის იქითა მხრიდან ადამიანები არიან. ყოველ შემთხვევაში, ისინი გვაწვდიან ინფორმაციას, რომლიც ამტკიცებს მათ ოდესაღაც არსებობას ცოცხალი ადამიანების სახით. მე რომ მეცნიერი არ ვიყო, ვიტყოდი, რომ საიქიოს ვუკავშირდებით. არ ვიცი, როგორი ახსნა მივცე ამ ყველაფერს, მაგრამ ინფორმაცია დასტურდება ასობით ექსპერიმენტით“.

***

ეს ყვითელი პრესის მონაჩმახი არ არის. პეკინის კოლაიდერზე მსგავსი შედეგებია მიღებული. ჩინელმა მეცნიერებმა ასევე შეძლეს გლუონური სიმის გაწყვეტა, რის შედეგადაც წარმოიშვა მძლავრი, ორპოლუსიანი უცნობი გამოსხივება. არსებები იქეთა მხრიდან იძახიან, რომ ისინი მანჯურიელები არიან, რომლებიც იმპერატორ ცინის ეპოქაში ცხოვრობდნენ. საუბარი ორ საათზე მეტ ხანს გაგრძელდა.

***

მაჰმადიანები წინააღმდეგ გამოდიან. ეგვიპტესა და იემენში მასობრივი საპროტესტო აქციები დაიწყო იმასთან დაკავშირებით, რომ მეცნიერები გარდაცვლილებს ესაუბრებიან. მომიტინგეები მოითხოვენ ყველა ადრონული კოლაიდერის დახურვას და ყველა იმ ექსპერიმენტის აკრძალვას, რომლებმაც შესაძლოა გამოიწვიონ გარდაცვლილებთან ურთიერთობა, განსაკუთრებით მაჰმადიანებთან.

***

სტატია „Nature“-ში. პრესტიჟულ სამეცნიერო ჟურნალში გამოქვეყნდა ფიზიკის დოქტორის, ა. სვოდენბერგის სტატია. ავტორი ამტკიცებს, რომ ურთიერთობა გარდაცვლილებთან არ წარმოადგენს ფიზიკის პარადოქსს და დიდი ხნის წინ მის მიერ იყო ნაწინასწარმეტყველები. დოქტორის განცხადებით, ადამიანის სული — ეპსილონ-მატრიცას წარმოადგენს. „ჩვენ არაფერი არ ვიცით ეპსილონ-მატრიცების შესახებ, ეს სრულიად ახალი მოვლენაა ფიზიკაში, — განაცხადა დოქტორმა სვოდენბერგმა, — მაგრამ ის, რომ ჩვენ შევეჯახეთ სწორედ მას, ეჭვს არ იწვევს. ეგრეთწოდებული სიკვდილის შემდეგ გარდაცვლილის ეპსილონ-მატრიცა მისი კვარკული დაკალიბრების ხარისხიდან გამომდინარე მიიზიდება ან პლუსისკენ, ან — მინუსისკენ. ძველი რელიგიური წარმოდგენები ჯოჯოხეთის შესახებ, სადაც მოხვდებიან ცოდვილნი და სამოთხის შესახებ, სადაც მოხვდებიან წმინდანები, სრულიად დასტურდება ფუნდამენტალური ფიზიკის კანონებით“.

***

დიდ ადრონულ კოლაიდერს რომის პაპი ეწვია. ვიზიტის დეტალები არ მჟღავნდება. ვიზიტის შემდეგ პაპმა განაცხადა, რომ კათოლიკური ეკლესია წინააღმდეგი არ არის საიქიოსთან ურთიერთობაზე, ვინაიდან ეს არ ეწინააღდმეგება წმინდა დოგმატებს და რომ ის, რომის პაპი, უშუალოდ ესაუბრა ერთ-ერთ თავის წინამორბედს.

***

საიქიოსთან კავშირისათვის კოლაიდერი საჭირო არ არის. ტოკიოს უნივერსიტეტის სამეცნიერო ლაბორატორიაში გლუონური სიმის გაწყვეტა მიიღწევა კვანტოლაზერული ტექნოლოგიით, რაც შესაძლებლობას იძლევა მასოურად გამოვიყენოთ გლუონური ტელეფონი. პატენტი ამ ტექნოლოგიაზე გამოისყიდა კორპორაცია „Quantific“-მა, რომელიც გვპირდება საიქიოსთან კავშირის მოწყობილობის გამოშვებას უახლოეს დროში.

***

ამერიკა აღელვებულია. დაფიქსირდა პირველი გამოსვლები „Quantific“-ის ქმედებების წინააღმდეგ. „დაანებეთ მკვდრებს თავი!“ — სკანდირებენ მანიფესტანტები „Quantific“-ის ცენტრალური ოფისის მიმდებარე ტერიტორიაზე.

***

გსურთ დიდ ბებიასთან დაკავშირება? კორპორაცია „Quantific“-მა დაიწყო ახალი გაჯეტების გაყიდვა „Super-GLUON“, რომლის საშუალებითაც შეძლებთ საიქიოსთან კავშირს. გაყიდვების დაწყება არაერთხელ გადაიდო. მიუხედავად საკამოდ დიდი ფასისა (3500 დოლარი), გაყიდვების პირველსავე დღეს 5 მილიონი მოწყობილობა გაიყიდა.

***

პირველი რეკლამაციები. დაახლოებით 10000 გაჯეტი უკან დაუბრუნდათ გამყიდველებს პირველსავე კვირას. მყიდველები ჩივიან კავშირის დაბალ ხარისხზე ერთ-ერთი გლუონური ხაზით. საზოგადოებასთან ურთიერთობის სამსახურის უფროსი, ტომ რიჩმონდი ამაზე აცხადებს: „„Super-GLUON“-ის მომხმარებლემა უნდა გააცნობიერონ, რომ ჩვენ უბრალოდ კავშირს ვამყარებთ საიქიოსთან, მაგრამ არ შეგვიძლია იქ მიმდინარე პროცესებზე ზემოქმედება. რამდენადაც ჩემთვის ცნობილია, ჯოჯოხეთში საკმაოდ ცხელა და ცოდვილნი კავშირის დროს თავს ვერ იკავებენ ღრიალისაგან, რაც ნეგატიურად მოქმედებს კავშირის ხარისხზე. კორპორაცია „Quantific“ აქ არაფერ შუაშია. ჩვენ არ ვართ დამნაშავე, რომ თქვენი ნათესავები ჯოჯოხეთში მოხვდნენ და არა სამოთხეში“.

***

გლუონური კავშირის ფილტრი. იაპონურმა ფირმამ „Tomity“ განაცხადა სპეციალური ფილტრის გამოშვების შესახებ. მოწყობილობა ბლოკავს ღრიალს, რაც საშუალებას იძლევა ჯოჯოხეთში მყოფ ადამიანებთან დავამყაროთ ნორმალური კავშირი ხარვეზების გარეშე. მოწყობილობა USB-პორტით უკავშირდება „Super-GLUON“-ს და 29 დოლარი ღირს.

***

MarkTwain — წლის ბლოგერი. რესურსის popular-people.com ვერსიით წლის ბლოგერი გახდა MarkTwain, რომელმაც უახლოეს კონკურენტს, ბლოგერს Ciceron 4%-ით გადაუსწრო. კონკურსის წესების მიხედვით, მასში მონაწილეობის მიღება მხოლოდ გარდაცვლილ ადამიანებს შეეძლოთ.

***

სოციოლოგიური კვლევა. დამოუკიდებელი სოციოლოგიური სააგენტოს, NMA-ს მიერ ჩატარდა სტატისტიკური კვლევები საიქიოს მცხოვრებთა შორის. შედეგები სენსაციური აღმოჩნდა: თითქმის ყველა ცნობილი პოლიტიკოსი, მხედარმთავარი და პოპ-მუსიკოსი ჯოჯოხეთშია, მაშინ როდესაც მეცნიერები და ხელოვნების მოღვაწენი — სამოთხეში. დანარჩენი პროფესიის წარმომადგენლები ჯოჯოხეთსა და სამოთხეს შორის თითქმის თანაბრად ნაწილდებიან. ჩარლი ბერტონსი, კოლაიდერზე პროექტების ხელმძღვანელი ამ მონაცემებს გადაუმოწმებელსა და სასაცილოს ეძახის.

***

„Super-GLUON“-ები არავის სჭირდება. პირველად ვაჭრობის დაწყებიდან ექვსი თვის შემდეგ დაფიქსირდა მოთხოვნის კლება. გარდაცვლილებთან ურთიერთობა არც ისე გასართობი რამ აღმოჩნდა, თავის თავზე ცოტას ყვებიან, სამაგიეროდ ძალიან აინტერესებთ საფეხბურთო მატჩების შედეგები. „Super-GLUON“-ის მფლობელებს ერთი კითხვა აწუხებთ: ღირს კი დიდ ბებიასთან საიქიო კავშირი, მაშნ როდესაც ჯერ კიდევ ამ ცხოვრებაში უკვე ძალიან მოსაბეზრებელი ვინმე იყო? თუ ასე გაგრძელდა, გლუონური კავშირი მხოლოდ პროფესიული საქმიანობაღა იქნება.

***

ფიზიკოსოს, დოქტორ ა. სვოდენბერგის პრეს-კონფერენცია. სვოდენბერგმა  მოიწვია ჟურნალისტები, სადაც განაცხადა, რომ საიქიოს დაყოფას ჯოჯოხეთად და სამოთხეთ არანაირი საფუძველი არ გააჩნია. „მე არაერთხელ მითქვამს თქვენთვის, რომ სიკვდილის შემდეგ ესპილონ-მატრიცა მიიზიდება ერთ-ერთი პოლუსისაკენ ფიზიკის კანონების თანახმად, — განაცხადა ცნობილმა მეცნიერმა. — გარდაცვლილის ზნეობას არანაირი მნიშვნელობა არა აქვს. ზნეობა და მორალი საერთოდ არა-სამეცნიერო კონცეფციებია“. ჟურნალისტის კითხვაზე, მაშინ რატომ ხვდებიან პოლიტიკოსები ჯოჯოხეთში, დოქტორ სვოდენბერგმა უპასუხა, რომ აღნიშული შედეგი ერგება საერთო სტოქასტიკურ ცდომილებას.

***

ახალი აღნიშვნები. ამერიკის კონგრესმა მიიღო სენატორის ენდი ტომპსონის წინადადება სიტყვების „ჯოჯოხეთი“ და „სამოთხე“ აკრძალვის შესახებ, მათი ანტიმეცნიერული არსის გამო. აღნიშნული ტერმინები შეიცვლება სხვა ვარიანტებით, რომლებიც უკეთ ასახავენ ფიზიკურ რეალიებს და დანომრილია ქვმოდან ზემოთ: სქ-1 (საიქიო — ჯოჯოხეთი), მს-2 (მიწიერი სამყარო) და სქ-3 (საიქიო — სამოთხე).

***

ახალი ამბები. სქ-1-ში ტემპერატურა მერყეობს 230-იდან 250 გრადუსამდე. მს-2-ში გრძელდება მსოფლიო ფინანსური კრიზისი, პორტუგალიის ნაპირებთან ერთმანეთს შეეჯახა ორი გემი, მოხდა ტერაქტი ეგვიპტეში. სქ-3-ში ტემპერატურა სტაბილურად 21 გრადუსია, პოპულარობით სარგებლობს კლოდ დებუსის მელოდები არფისათვის.

***

სქ-1-ს ესაჭიროება დახმარება. ამომრჩევლებთან ყოველწლიურ შეხვედრაზე აშშ-ს პრეზიდენტმა რობ რობინსონმა განაცხადა, რომ ტემპერატურული სხვაობა სქ-1-სა და სქ-3-ს შორის დაუშვებელია ჰუმანური და დემოკრატიული საზოგადოებისათვის. პრეზიდენტის განცხადებით, ტემპერატურა სქ-1-ში ფრიად მაღალია ადამიანთა სულების ნორმალური არსებობისათვის. „მეცნიერებამ უნდა დაეხმაროს ამ საცოდავ ადამიანებს, — განაცხადა რობ რობინსონმა. — ისინი ამ ჯოჯოხეთურ ალში თავის ნებით არ მოხვედრილან, არამედ კაპელანოს შკალაზე პოლუსების სხვადასხვა მიმართულების გამო, როგორც მე მითხრეს. თუ ეს სიმართლეა, ჩვენი ვალია გავასწოროთ ბუნების ეს შეცდომა“. ამერიკის პრეზიდენტის განცხადებას მხურვალე მხარდაჭერით შეხვდა საერთაშორისო სამეცნიერო საზოგადოება.

***

კალიგულას ცილი დასწამეს. მსოფლიო საზოგადოებრიობა აგრძელებს გახმაურებული ინტერვიუს განხილვას, სადაც რომის ყოფილი იმპერატორი ადანაშაულებს გაიუს სვეტონიუს ტრანკვილუსს ისტორიული ფაქტების დამახინჯებაში. გაუს სვეტონიუსთან კავშირი ვერ მოხერხდა, თანაც უცნობია, სად იმყოფება პატივცემული ისტორიკოსი სქ-1-ში, თუ სქ-3-ში.

***

მიძებნა გაჭირვებულთა შველის გზა! ტოკიოს უნივერსიტეტის კვლევითი ლაბორატორია გვატყობინებს, რომ შესაძლებელია ტემპერატურის კლება სქ-1-ში არანაკლებ 40%-ით. თუმცა ტექნოლოგია ბევრი ენრგიის დახარჯვას მოითხოვს: საჭიროა დიდი სიმძლავრეები, დაახლოებით რამდენიმე მსხვილი ელექტროსადგურის. საფრანგეთისა და გერმანიის პრეზიდენტებმა განაცხადეს პროექტის მხარდაჭერის შესახებ, რათა ყოფა შეუმსუბუქდეთ მათ ყოფილ მოქალაქეებს, მიუხედავად ნებისმიერი ხარჯებისა. ევროპულ პარლამენტებში მიმდინარეობს გაცხოველებული დისკუსიები.

***

ახალი ამბები. სქ-1-ში ტემპერატურა 240 გრადუსია, ქვედა ფენებში — 250-255. მს-2-ში გრძელდება ფინანსური კრიზისი, საზოგადოებრივი ტრანსპორტის მძღოლების გაფიცვა, გრძელდება ბულგარეთის ავია-დაბომბვები, რომლემაც უარი განაცხადა სქ-1-ში ტემპერატური კლების გრანდიოზულ პროექტში მონაწილეობის მიღებაზე. სქ-3-ში ტემპერატურა კომფორტულია, კლოდ დებუსის მელოდიები არფისათვის კვლავ ინარჩუნებენ მაღალ ადგილებს რეიტინგებში.

***

დაბომბვის სხვერპლი ჩივის. დაახლოებით 3000 ბულგარელმა, რომლებიც ნატოს დაბომბვის მსხვერპლი გახდა, პროტესტს აცხადებენ მს-2-იდან სქ-1-სა და სქ-3-ში იძულებით გადასახლებაზე და აპირებენ სარჩელი შეიტანონ ადამიანთა უფლებების ევროპულ სასამართლოში. შესაძლოა, ამან გამოიწვიოს ეჭვები, ვინაიდან პოტენციური მოსარჩლეები დე-ფაქტო არ არსებობენ, თუმცა შეუძლიათ გამოხატონ საკუთარი ნება გლუონური კავშირის მეშვეობით. ბულგარელების საქმით დაკავებულია ცნობილი იურიდიული ფირმა „Terry&Terry“.

***

სქ-ში პრობლემები არ არის. დიდი ადრონული კოლაიდერის პროექტების ხელმძღვანელმა განაცხადა, რომ ტემპერატურის დაწევის პრობლემა თეორიულად გადაწყვეტილია. სქ-1-ში ტემპერატურის დაწევა შესაძებელია ან დიდი ენერგეტიკული მუხტის შეშვებით მს-2-იდან — გლუონური სიმების შემქნის გზით, რომლებსაც მიუონური ნეიტრინო მსხვილ კონაში აქვთ დაჭერილი, — ან ტემპერატურის პროპორციული გაზრდით სქ-3-ში, სქ-1-სა და სქ-3-ს შორის ე.წ. ოსცილაციური ტემპერატურული ხიდურის შექმნით. „ნებისმიერ შემთხვევაში, — აღნიშნა ბერტონსმა, — საშუალო ტემპერატურა სქ-1-სა და სქ-3-ში იქნება 100 გრადუსი“.

***

ნობელის პრემიის კომიტეტში. ნობელის კომიტეტმა მიიღი უპრეცენდენტო გადაწყვეტილება დაუშვან გარდაცვლილი მეცნიერები კონკურსის ყველა ნომინაციაზე. შეტყობინებაში მითითებულია, რომ გადაწყვეტილება მიღებულია სქ-1-სა და სქ-3-ის აღმოჩენის გამო. ამ გადაწყვეტილებამ გაცხოველებული დისკუსიები გამოიწვია ეროვნულ აკადემიურ წრეებში, ვინაიდან ძლიერ შეამცირა ჯერ კიდევ ცოცხალი აკადემიკოსების შანსები გახდნენ ნობელის პრემიის ლაურეატები. ბოლო-ბოლო, საღმა აზრმა გაიმარჯვა და პრემიაზე სიკვდილის შემდეგ წარდგენილი იქნენ: საბერძნეთის აკადემიიდან —არქიმედე, საფრანგეთის აკადემიიდან — ლავუაზიე, ინლისის აკადემიიდან — ნიუტონი.

***

ოსცილაციური ხიდურა მოქმედებს. პირველად განხორციელდა ენერგიის გადაადგილება სქ-3-დან სქ-1-ში ე.წ. ოსცილაციური ტემპერატული ხიდურის მეშვეობით. დაფიქსირებულია ტემპერატურის ხანმოკლე კლება 1 გრადუსით სქ-1-ში. „დიდი ექვსეულის“ ლიდერებმა ყოველწლიურ შეკრებაზე მოუწოდეს სამეცნიერო ორგანიზაციებს გააგრძელონ დაწყებული ექსპერიმენტები კლიმატური პიროების სრულ გათანაბრებამდე.

***

მწვანეების შეშფოთება. ეკოლოგიური ორგანიზაციები შეშფოთებას გამოთქვამენ, რომ ენრგეტიკული ნაკადების გადაადგილების გაუაზრებელმა ექსპერიმენტებმა შესაძლოან ეკოლოგიური კატასტროფა გამოიწვიონ.

***

ლენონი კვლავ ატარებს კონცერტებს. NBC-ის არხზე გამაოგნებელი წარმატებით გადაიცა ჯონ ლენონის გარაცვალების შემდგომი კონცერტი. ჯონი ვოკალს ასრულებდა, აკომპანიმირებას უწევდა ჯორჯ ჰარისონი. კონცერტის დასრულების შემდგომ ჯონ ლენონმა განაცხადა, რომ სულმოუთმენლად ელოდება იმ მომენტს, როდესაც ყოველგვარი გლუონური კავშირის გარეშე შეძლებს ურთიერთობას პოლთან და რინგოსთან, რათა საბოლოოდ კვლავ შეიკრას ოთხეული და აღორძინდეს „ბითლზი“.

***

„Quantific“-მა დათვალა და დანაღვლიანდა. კორპორაცია გრანდიოზულ ზარალს ნახულობს იმის გამო, რომ სქ-3-ის მოსახლეობა უარს აცხადებს ამ კომპანიის გაჯეტით სარგებლობაზე. უარი გამოწვეულია ტემპერატურის მკვეთრი მატებით 21 გრადუსიდან 37 გრადუსამდე. „Quantific“-ის საზოგადოებასთან ურთიერთობის დირექტორის ახსნაზე, რომ ტემპერატურის მატება სქ-3-ში გამოწვეულია ჰუმანიზმით, სქ-3-ის მცხოვრებლემა განაცხადეს: „ბოლო-ბოლო, ეს სამოთხეა და ჩვენ დავიმსახურეთ ნორმალური ტემპერატურა“. ტომ რიჩმონდმა ეს განცხადება კომენტარის გარეშე დატოვა. პრესა სავსეა გულისწყრომით იმის გამო, რომ სქ-3-ის მაცხოვრებლები ასე ეგოისტურად იქცევიან. ენერგიის გადაადგილება კვლავ გრძელდება, „Quantific“-ის აქციონერები პანიკაში არიან.

***

ყველა ადამიანი თანაბარია. ჰოლანდიის პარლამენტმა პირველმა ევროპულ სახელმწიფოებს შორის მიიღო კანონი, რომლიც უფლებებში გაათანაბრებს სქ-1-ის, მს-2-ისა და სქ-3-ის მაცხოვრებლებს. ჩეხეთში, სერბიასა და თურქეთში ჰოლანდიის საელჩოებთან ტარდება მცირერიცხოვანი მანიფესტაციები, მაგრამ ზოგადად მსოფლიო საზოგადოება აღტაცებით შეხვდა ჰოლანდიის ინიციატივას. ლოზუნგი „ყველა ადამიანი თანაბარია, მაშინაც კი, თუ გარდაიცვალნენ“, დღის ლოზუნგი ხდება.

***

პერსპექტიული წინადადება. საერთაშორისო სავალუტო ფონდმა გამოაცხდა ფულადი მიმოქცევის დაწყების შესახებ სქ-1-თან და სქ-3-თან. ჯერ ზუსტად არ არის ცნობილი, თუ როგორ შეძლებენ გარდაცვლილი პირები, რომლებიც ფიზიკური შრომით შოულობდნენ ფულს, მაგრამ ხელოვნების მუშაკები — მწერლები, მუსიკოსები და პროგრამისტები სახსრების გარეშე არ დარჩებიან. ჟერარ სავატიეს, სავალუტო ფონდის პასუხისმგებელი მდივნის განცხადებით, ნაღდი ფულადი სახსრების მიმოცვლა დღის წესრიგში არ დგას, ამის ფაქტიური შეუძლებლობის გამო.

***

ტემპერატურული პარიტეტი მიღწეული. პირველად მოხერხდა სქ-1-სა და სქ-3-ს შორის ტემპერატურული თანასწორობა. სქ-3-ის მოსახლეობის ბოიკოტი გრძელდება, თუმცა არარეგულარული: ცნობილია, რომ სქ-3-ის მაცხოვრებლები საიდუმლო მოლაპარაკებებს აწარმოებენ საყვარელ ნათესავებთან და ჩივიან არსებობის უჩვეულო პირობებზე.

***

აშშ-ს კონგრესში. სენატორმა ენდი ტომპსონმა კონგრესში შეიტანა წინადადება სქ-3-იდან სქ-1-ში ენერგეტიკული სიმძლავრეების გადასროლის ხუთმაგი მატების შესახებ. „ჩვენ უნდა ვიდგეთ ამერიკელი მოქალაქეების ინტერესების სადარაჯოზე, — განაცხადა სენატორმა, — ხოლო ამერიკული კორპორაცია სქ-3-ის მაცხოვრებელთა გამო ზარალს ნახულობს. ჩვენი ვალია მივიღოთ ზომები სამართლიანობის აღდგენის მიზნით, თუნდაც ამისათვის ძალის გამოყენება დაგვჭირდეს. წინადადება შემომაქვს ულტიმატუმით მივმართოთ სქ-3-ის მაცხოვრებლებს: ან ისინი შეწყევეტენ ბოიკოტს გაჯეტების გამოყენების საკითხში, ანდა ჩვენ ავწევთ სქ-3-ის ტემპერატურას 100 გრადუსიდან 150, ანდა სულაც 200 გრადუსამდე, სქ-1-ში ტემპერატურის დაწევის გზით. ღმერთი არს ჩვენთან! ვფიქრობ, რომ სქ-1-ის მოსახლეობა მხარს დაუჭერს ამერიკის მთავრობას მის წამოწყებაში“.

***

სქ-3-ის დაცვა შედრკა. დაფიქსირებულია პირველი ლტოლვილები სქ-3-იდან. რამდენიმე ადამიანი დაუკავშირდა ნათესავებს გლუონური კავშირით და სთხოვეს გაერკვიათ, თუ შეიძლება როგორმე სქ-1-ში გადაბარგება, სადაც კლიმატი უფრო ზომიერია.

***

პირველი გარდაცვლილი პრეზიდენტები. რამდენიმე ქვეყანაში თითქმის ერთდროულად ჩატარდა არჩევნები, სადაც კაცობრიობის ისტორიაში პირველად არჩევნებში გადაცვლილმა კანდიდატებმა მიიღეს მონაწილეობა. აშშ-ში რობ რობინსონის ნაცვლად პრეზიდენტად აბრაამ ლინკოლნი აირჩიეს, საფრანგეთში — შარლ დე გოლი. ზოგიერთ ქვეყანაში გარდაცვლილმა კანდიდატებმა ვერ შეძლეს გამარჯვება: კაზახეთში ჩინგიზ-ხანი ვერ გახდა პრეზიდენტი, ვინაიდან მას არ ქონდა ჩაწერა ამ ქვეყანაში.

***

კოლაიდერი საფრთხეში აღარაა. ტერორისტული აქტების საშიშროების გაუქმებასთან დაკაშირებით, საფრეანგეთისა და აშშ-ს ხელისუფლებამ უკან გაიწვიეს დამატებითი დაცვა.

***

დიდი ხნის ნანატრი პრეზენტაცია. კორპორაციამ „Quantific“ წარმოადგინა პირველი ბანკომატი, რომლის საშუალებითაც შესაძლებელია ტრანზაქციების განხორციელება საიქიოში. მოწყობილობას ჰქვია „Bank-GLUON“ და ძალიან წააგავს თანამედროვე ბანკომატს. ერთადერთი სხვაობა — ამ მოწყობილობით შესაძლებელია საიქიოდან სარგებლობა. სქ-1-ის მცხოვრებლებს ამიერიდან შეუძლიათ განახორციელონ უნაღდო ანგარიშსწორება ნათესავებთან, ან ჰონორარის სახით მიღებულ თანხებზე, ან საკუთარი თავისგან ანდერძით. გადასახადები ავტომატურად ჩამოიჭრება. სამწუხაროდ ჯერ კიდევ პრობლემად რჩება ტრანზაქციები სქ-3-თან, რომლის მაცხოვრებლები კვლავ აგძელებენ ბოიკოტს, რის გამოც სქ-3-ში ტემპერატურამ 250 გრადუსს გადააჭარბა. შემდგომი მატება შეუძლებელია, ვინაიდან ეს გამოიწვევს სქ-1-ში ტემპერატურის მკვეთრ კლებას.

***

ინტერვიუ ა. სვოდერგებრთან. სატელევიზიო ინტერვიუში ფიზიკოსმა განაცხადა შემდეგი: „ამჟამად ეპსილონ-მატრიცის გადასვლა არსებულ სამყაროებს შორის მხოლოდ ნაწილობრივ არის გადაწყვეტილი: თუ მს-2-იდან გადასვლა სხვა სამყაროებში სირთულეს არ წარმოადგენს, უკუკ გადასვლა ჯერ კიდევ საძნელოა.“ მე შევძელი იმის დამტკიცება, რომ ასეთი გადასვლა თეორიულად შესაძებელი არის. ამ მომენტში ეპსილონ-მატრიცის გადასვლა სქ-1-იდან და სქ-3-იდან მს-2-ში მხოლოდ დროისა და ფინანსური ინვესტიციების საქმეა. სახელგანთქმული ფიზიკოსის განცხადებამ საზოგადოებაში ფართო რეზონანსი გამოიწვია. რამდენიმე კომპანიამ უკვე გამოთქვა სურვილი ამ კვლევების დაფინანსებაზე.

***

ამერიკა ტრაურშია. უდროოდ გარდაცვლილი ექს-პრეზიდენტის, რობ რობინსონის დაკრძალვაზე გარდაცვლილმა განაცხადა, რომ კმაყოფილია სქ-1-ში არსებულ პირობებზე და ამაყობს იმით, რომ ძალა არ დაუშურებია აქ, სქ-1-ში ნორმალური კლიმატური პირობების შექმნისათვის. სიტყვის დასასრულს რობინსონმა მოკითხვა გადასცა ყველა ახლობელს და ნათესავს.

***

ბოიკოტი დასრულდა! ბოიკოტი, რომელიც ორგანიზებული იყო სქ-3-ის მაცხოვრებლებით გლობალური დათბობის გამო, როგორც იქნა დასრულდა. მრავალრიცხოვანი ინფორმაციის საფუძველზე შეგვიძლია ვთქვათ, რომ სქ-3-ის მაცხოვრებლები მზად არიან ისარგებლონ „Super-GLUON“ და „Bank-GLUON“-ით იმ პირობით, რომ ტემპერატურია თუნდაც 50 გრადუსით დაიწევს. ბოლო სიტყვა ამერიკის კონგრესს რჩება.

***

ახალი ამბები. სქ-1-ში ტემპერატურა 28 გრადუსია. მს-2-ში გაერომ ბოიკოტის დასრულების თარიღი კაცობრიობის უკვდავების თარიღად გამოაცხადა. სატელევიზიო ახალ ამბებში აჩვენებენ საზეიმო დემონსტრაციებს: ხალხი ქუჩაში გამოვიდა, ტირიან, ყვირიან ბედნიერებისაგან, რომ სიკვდილის შიში დაძლეულია და რომ უკვე არასდროს კაცობრიობის ისტორია არ იქნება დათრგუნული. სქ-3-ში ტემპერატურა სტაბილურია, დაახლოებით 180 გრადუსი, თუმცა დებუსის მელოდიები უკვე ისეთი პოპულარული აღარაა.

დღეს 10 ივნისია. ეს კიდევ ნიშნავს, რომ დღეს, თბილისის დროით 20 საათზე დაიწყება ეფლისტებისათვის დიდი ხნის ნანატრი ღონისძიება — WWDC 2013!

ამიტომ უპრიანად ჩავთვალე, რომ პოდკასტი ჩაწერა გავაკეთო ხვალ დილით და მიმოვიხილო დღეს საღამოს ნანახი სიახლეები.

ამასთან ერთად, შევეცდები ამ ბლოგში ვაწარმოო ღონისძიების პირდაპირი ტრანსლაცია.

დარჩით ჩვენთან!

გუშინ საღამოს ერთ სამწუხარო დასკვნამდე მივედი, რომელსაც ახლა გეტყვით.

ოთხი წელია არსებობს გემუგი, საქართველოში მაკის მომხმარებელთა ჯგუფი. ამ ხნის განმავლობაში უკვე იყო იმის მცდელობა, რომ ამ ორგანიზაციის საიტი გამემართა და შემექმნა ერთიანი სივრცე მაკის ყველა მოყვარულისათვის, როგორც ინფორმაციის მიღების წყარო (ახალი ამბები, გაკვეთილები, ე.წ. How-To და ა.შ.), ასევე ურთიერთობისათვის, ფორუმის სახით.

სამწუხაროდ თუ საბედნიეროდ, პირწიგნაკმა ფორუმის ნაწილი სრულიად თავისკენ გადაქაჩა. დღეისათვის ჩვენს ჯგუფში 585 წევრია. არანაირი პირი არ უჩანს იმას, რომ ხალხმა მიატოვოს ერთხელ მიჩვეული ადგილი და სხვაგან გადასახლდეს. ასე რომ შეგვიძლია ფაქტად ვაღიაროთ: პირწიგნაკის ჯგუფი არის ფორუმი! და თუ თქვენ დაინტერესებული ხართ მაკისტების ჯგუფში გაწევრიანებით, მოგვიკაკუნეთ ამ მისამართზე GeMUG — ჩვენი ჯგუფის კარი ყოველთვის ღიაა.

რაც შეეხება შიგთავსს, რომელიც უნდა დაეხმაროს ახალბედას მაკის სამყაროში. გემუგის საიტზე, პირველ საიტზე ერთი პერიოდი ვაქვეყნებდი ინფორმაციას. ორიოდე ადამიანმა მხარი ამიბა, თუმცა პირადი საქმეების სიდიდის გამო, იძულებულნი გახდენენ თავი დაენებებინათ. მე ერთი პერიოდი ინერციით განვაგრძობდი. თუმცა შემდგომში ოჯახური არეულობის გამო მეც შევეშვი. პარარელურად ასევე გემუგელმა ირაკლი ჩიტიშვილმა შექმნა საკუთარი საიტი, macdaily.ge. ირაკლი ხშირად არა, მაგრამ სტაბილურად აქვეყნებს სტატიებს თავის ბლოგში, რაც ფრიად კარგია. ერთი პერიოდი გემუგის საიტზე მისი ნებართვით გადმომქონდა კიდევაც სტატიები. მოკლედ, შიგთავსის შექმნის საკითხში დიდი ჩავარდნა გვაქვს.

შემდეგ ავდექი და წავშალე საიტი. სულ. და დიდი ხნის განმავლობაში გემუგის საიტზე ობლად იყო წარწერა, რომ აი აქ, სულ მალე კვლავ გაიხსნება გრანდიოზული რამ!

მაგრამ! მაგრამ, რა აზრი აქვს ახალი საიტის დიზაინზე მუშაობას, წვალებას, დროის ხარჯვას, თუ იქაც უსახელო უფლისციხელივით ვიქნები მარტო და მხარში არავინ ამომიდგება? ალბათ არა აქვს აზრი.

ამიტომ მე მივიღე გადაწყვეტილება. გადაწყვეტილება, რომელმაც რეალურად შვება მომგვარა. მე აღარ გავაკეთებ ამ საიტს. gemug.ge-ზე სტატიკურად განავთავსებ ინფორმაციას ამ ორგანიზაციის შესახებ, რომლის ბედი გარკვეული მომენტების გამო ამ ეტაპზე ბუნდოვანია. თუ რა ხდება, ამაზე სხვა სტატიაში მოგახსენებთ, როგორც კი ცოტა უფრო მეტ ინფორმაციას მივიღებ. სულ ეს იქნება მაგ საიტის დანიშულება.

სამაგიეროდ, ჩემს ბლოგზე კვლავ განვაახლებ ინფორმაციის დადებას ეფლის სამყაროდან. ვერ გეტყვით, რომ ძალიან ხშირად, მაგრამ შევეცდები ყველაზე საჭირბოროტო საკითხებს პასუხი გავცე.

…

P.S. ჰო, დავიღალე, ძალიან დავიღალე ყველაფრისაგან. ეს სტატიაც ალბათ ერთგვარი გამოძახილია იმ დაღლილობისა, რომელიც ჩემში ბოლო ათი წელია დაბუდებულა და გამოსვლას არ აპირებს…

CBS-ის 1984 წლის ინტერვიუში ჟურნალისტმა კონი ჩუნმა მილიარდერს შეეკითხა, შეუძლია თუ არა მას… სავარძელზე გადახტომა. რაზეც ბილმა უპასუხა, რომ შეუძლია, თუმცა ეს დამოკიდებულია სავარძლის საზურგის სიმაღლეზე. თუ რა გამოვიდა საბოლოოდ, თვითონ ნახეთ:

[youtube]http://www.youtube.com/watch?v=KxaCOHT0pmI[/youtube]

და თქვენ შეგიძლიათ ასე? ;)

მეგობრებო, დღეიდან ამ ბლოგში განვათავსებ გაკვეთილების სერიას WordPress-სთან დაკავშირებით.

დღეს პირველი გაკვეთილია, სადაც ვისაუბრებთ WordPress-ის ინსტალაციის შესახებ.

ამ გაკვეთლის მიზანია ვისწავლოთ WordPress-ის ინსტალაცია ჩვენს ჰოსტინგზე. მე გამოვტოვებ ჰოსტინგის არჩევისა და რეგისტრაციის მომენტებს, იმედია ეს უკვე გაკეთებული გაქვთ.

დავუშვათ, რომ თქვენ უკვე გაქვთ აღებული დომენური სახელი, მაგალითად sample.ge. ასევე დავუშვათ, რომ უკვე დარიგისტრირდით რომელიმე ქართულ, ან უცხოურ ჰოსტინგზე.

მნიშვნელოვანია, რომ ჰოსტინგზე WordPress-ის დასაყენებლად ჩართული იყოს PHP5 და MySQL5. თუმცა არ იდარდოთ — არ არსებობს პრაქტიკულად ჰოსტინგი, სადაც ეს ორი კომპონენტი არ იყოს ჩართული.

გადმოვქაჩოთ WordPress

პირველ რიგში ჩვენ უნდა გადმოვქაჩოთ WordPress-ის საინსტალაციო დისტრიბუტივი. ამის გაკეთება შესაძლებელია საიტიდან wordpress.org

ავტვირთოთ WordPress-ის დისტრიბუტივი საიტზე

ამისათვის საჭირო იქნება ჰოსტინგის cPanel-ის გამოყენება, ან ნებისმიერი FTP-კლიენტი. დამწყებთათვის ალბათ უკეთესი იქნება cPanel.

შევდივართ cPanel-ში და ვირჩევთ File Manager-ს Files-სექციიდან. გაიხსნება ფაილების მენეჯერი, სადაც უნდა გადახვიდეთ „public_html“ საქაღალდეში, ზუსტად ის გვჭირდება ჩვენ.

აქ უნდა ავტვირთოთ ადრე გადმოქაჩული WordPress-ის დისტრიბუტივი. ატვირთვის შემდეგ ეს არქივი უნდა გავხსნათ File Manager-ის მნეიუდან ღილაკზე Extract დაჭერით.

არქივის გახსნის შემდეგ დისტრიბუტივის ფაილი შეგიძლიათ წაშალოთ, ის აღარ გვჭირდება.

ვქმნით მონაცემთა ბაზას

ამის შედეგ საჭიროა cPanel-იდან შევქმნათ მონაცემთა ბაზა. ამისათვის ვირჩევთ MySQL Database Wizard:

ამის შემდეგ ვქმნით მონაცემთა ბაზას.

გადავდივართ ოსტატის შემდეგ ნაბიჯზე და შეგვყავს მომხმარებლის სახელი. შემდეგ ბიჯზე ამ მომხმარებელს ვანიჭებთ ყველა პრივილეგიას. მზადაა. ჩვენ შევქმენით ახალი მონაცემთა ბაზა და მისთვის მომხმარებელი. ეს მონაცემები ჩვენ შემდეგ ნაბიჯზე დაგვჭირდება. cPanel ჩვენ მეტი აღარ გვჭირდება, ასე რომ შეგიძლიათ დახუროთ.

WordPress-ის პირველადი პარამეტრების მორგება

გადავდივართ უშუალოდ ჩვენს საიტზე. ვკრიფავთ მისამართს და თუ ყველაფერი სწორად გავაკეთეთ წინა ეტაპზე, დავინახავთ შემდეგ სურათს:

ვაჭერთ ღილაკზე „Create a Configuration File“. რის შემდეგაც გადავდივართ შემდეგ გვერდზე, სადაც ვაჭერთ „GO!“ და გადავდივართ კონფიგურაციის მორიგ ეკრანზე:

შეგვყავს მონაცემთა ბაზის სახელი, მომხმარებლის სახელი და პაროლი, რომელიც ჩვენ ავირჩიეთ მომხმარებლის შექმნის პროცესში. ბოლო ორი ველი ხელუხლებელი რჩება. ვაჭერთ ღილაკზე „Submit“.

თუ ყველაფერი სწორად არის შეტანილი, მივიღებთ ეკრანს, სადაც შემოგვთავაზებენ ინსტალაციის დაწყებას. ვაჭერთ ღილაკზე და გადავდივართ შემდეგ ეკრანზე:

შეგვყავს ყველა საჭირო ინფორმაცია: საიტის სახელი, მომხმარებლის სახელი, პაროლი და ელფოსტის მისამართი. ვაჭერთ ღილაკზე „Install WordPress“. და აი, ყველაფერი მზადაა! თქვენ უკვე შეგიძლიათ შეხვიდეთ თქვენს საიტზე:

აი, სულ ეს არის. ადვილი ყოფილა, ხომ? :)

შემდეგ გაკვეთილებში ჩვენ WordPress-ის ინსტალაციის შემდგომ ნაბიჯებს განვიხილავთ.

სხვადასხვა საოპერაციო სისტემის ანალოგიების მიხედვით შედარება კომპიუტერულ ფოლკლორში ახალი თემა არ არის. ამიტომ ამ, ერთგვარად სახუმარო სტატიით ჩემს ბლოგშიც გავხსნა ახალი რუბრიკა. სადაც ვისაუბრებთ IT-სფეროზე, როგორც ისტორიულ ჭრილში, ასევე ნებისმიერ ჭრილში, როგორსაც ჩავთვლით საჭიროდ ;)

მაშ ასე, Windows. Windows — მეგაპოლისია. თავისი ჩვეულებრივი პრობლემებით. ეკოლოგია, საცობები, კრიმინალი და ა.შ. თუ პირველ სართულზე ცხოვრობთ, არ დაგავიწყდეთ ფანჯრებზე გისოსების დაყენება. ასევე არ გირჩევთ რამით ხეტიალს პერიფერიულ უბნებში — გაგძარცვავენ.

მეორე მხრივ, აქტიური ცხოვრებისათვის — ყველაზე ხელსაყრელი ადგილია. ბიზნესის წარმოება, საერთოდ სამსახურის შოვნა — აქ ყველაზე დიდი შესაძლებლობებია. ადამიანებისათვის განსაკუთრებული მოთხოვნებით მოიძებნება კლუბები, სექციები, კურსები, ჟურნალ-გაზეთები და ა.შ. ხოლო რაც შეეხება პერვერსიებს, დევიაციებსა და სქესობრივ გაუკუღმართობებს, აქ ამით ვერავის გააკვირვებ.

Mac OS X — გერმანული პატარა ქალაქი, სადაც ცხოვრება გამოზომილად მიედინება. მაცხოვრებლები ერთხმად ამტკიცებენ, რომ მეგაპოლისში ცხოვრება საშინელებაა, იქ ეკოლოგია მოშლილია, საცობებია და ასევე კრიმინალიც ბობოქრობს. ხოლო მეგაპოლისის მაცხოვრებლები უსულგულო, გაუკუღმართებულები არიან და რომ „ჩვენთან ასე არასოდეს იქნება“. სულიერებას რაც შეეხება, მართლაც კარგადაა საქმე — პორნო არ შემოდის (ქალაქის მერმა აკრძალა), გასართობიდან — მხოლოდ ყველა პროზაული, ფეხბურთის ყურება, მაგალითად და ორიოდე გოლფ-კლუბი.

თუმცა ბოლო დროს ქალაქში მეგაპოლისიდან ჩქაროსნული მატარებელი დადის, ამიტომ ზოგიერთი მაცხოვრებელი ჩუმ-ჩუმად დაძვრება გამოსასვლელ დღეებში ქალაქში, სიგარეტის მოსაწევად და „ნაშების“ ასაყრელად. მეორე მხრივ, მეგაპოლისის ბევრი მაცხოვრებელი, რომელიც უკვე ძალიან დაიტანჯა ეკოლოგიური პრობლემებით, ფიქრობს პატარა ქალაქში გადმოსახლებას, ზოგი გადმოვიდა კიდევაც.

Linux — სოციალისტური ბანაკი, მთელი თავისი „მშვენიერებით“. ლოზუნგები „პროლეტარებო ყველა ქვეყნისა…“ მიმობნეულია ყველგან. გარწმუნებენ, რომ მხოლოდ მათთან ადამიანს ექნება ყველა აუცილებელი რამ ცხოვრებისათვის და თანაც უფასოდ — საკვები, ბინა, მედიცინა და განათლება. სინამდვილეში საკვები იაფფასიანი და უხარისხო ძეხვია, ბინა — ე.წ. „ხრუშოვკა“, ხოლო სამედიცინო და საგანმანათლებლო სფეროებში ბიუროკრატები მოკალათებულან. ის, ვინც გაბედავს და ასეთ ცხოვრებაზე აუგს იტყვის, ბურჟუაზიის დამქაშის იარლიყს აარტყამენ და ამხანაგურ სასამართლოზეც გამოაჭენებენ.

უცხოურ სუპერმარკეტებში ძეხვის დიდ არჩევანს ჰკიცხავენ. „One task — one program“. ძეხვი უნდა იყოს ერთი, ყველიც — ერთი, პურიც. საჭმელს ყველა თვითონ იკეთებს. მზა კერძები — ზედმეტობაა. რესტორანი — საერთოდ საზიზღარი ადგილია, იქ ხომ კერძში ფული უნდა გადაიხადო!

მიუხედავად ამისა, ბევრს სახლში ჩუმად ვიდეო-მაგნიტოფონი შეუძენია და „პლეიბოის“ კოლექციაც აქვს. ზოგიერთი საზღვარგარეთ გასეირნებასაც ახერხებს. მაგრამ ეს მათ ხელს არ უშლის პარტიულ ყრილობებზე სიტყვით გამოსვლაში და კაპიტალისტური წყობის ძაგებაში. ყოველი სიახლე, სადაც მოთხრობილია ახალი, კიდევ უფრო მძლავრი ბირთვული ქობინის შექმნაზე, სიხარულით აღიქმევა, როგორც ბურჟუაზიული სამყაროს დასასრულის მომასწავებელი. და აი ასეა უკვე ოც წელზე მეტი ხანი.

iOS — კოტეჯური დასახლება, ბაპტისტების თემი. ისეთივე როგორც Mac OS, ოღონდ უფრო პატარა და კიდევ უფრო ეკოლოგიურად სუფთა. ყველა მაღაზია ქალაქის მერის საკუთრებაშია, ამიტომ მხოლოდ ის იყიდება, რასაც მერი ჩათვლის საჭიროდ. საქონონლის დიდი მრავაფერვონება არ გვხდება. არანაირი გაზიანი სასმელები — ისინი კბილებს აფუჭებს. ალკოჰოლსა და თამბაქოზე საუბარიც კი ზედმეტია. ზოგიერთმა მოახერხა და კონტრაბანდისტებისაგან დაიწყო აღნიშნულის შეძენა.

WordPress-ის ისტორია იწყება 2003 წელს, როდესაც პროგრამული უზრუნველყოფის პატარა კომპანიამ b2/cafelog შეწყვიტა არსებობა და მისმა პროდუქტმა არსებობა განაგრძო WordPress-ის სახით.

სულ თავიდანვე WordPress იქმნებოდა როგორც მოქნილი პლათფორმა ბლოგის სამართავად.

Wikipedia: ბლოგი (ინგ. blog, — web log — ინტერნეტ-ჟურნალი, ინტერნეტ-დღიური) — ვებ-გვერდი, რომლის ძირითადი შიგთავსი რეგულარულად განახლებადი ჩანაწერებია.

WordPress იდეალურია ამ მიზნებისათვის. ბლოგებისათვის დამახასიათებელია საშუალო სიგრძის ჩანაწერები, რომლებიც დახარისხებულია ქრონოლოგიურად (ყველაზე ახალი ჩანაწერი ზემოთ არის განთავსებული). ბლოგის განსხვავება ჩვეულებრივი ჟურნალისგან ის არის, რომ როგორც წესი ბლოგი საჯაროა და უცხო ადამიანებს საშუალებას აძლევს წაიკითხონ ამ ბლოგის შიგთავსი.

მაგრამ WordPress კარგია არა მარტო პირადი ბლოგის საწარმოებლად. ეს პლათფრომა საშუალებას გაძლევთ შექმნათ კორპორატიული, ბრენდი და ახალი ამბების ბლოგი.

WordPress-ის ოფიციალურ გვერდზე, იქ სადაც განთავსებულია სტატისტიკა, თქვენ შეგიძლიათ ნახოთ, თუ როგორ ახდენს საკუთარი თავის პოზიცირებას კომპანია. WordPress-ზე მუშაობს ისეთი ცნობილი საიტები, როგორებიცაა: TechCrunch, CNN, NBC Sports, UPS.

როგორც ხედავთ, WordPress-ის გამოყენების სფერო საკმაოდ ფართოა. თუმცა ეს ყველაფერი არ არის!

გამოდგება, თუ არა WordPress მაგალითად ბიზნესისათვის?

მოკლე პასუხია — კი.

WordPress-მა განვითარების გრძელი გზა გაიარა. ათი წლის განმავლობაში პლათფორმა გაიზარდა უბრალოდ ბლოგის ძრავიდან შიგთავსის მართვის სისტემამდე (CMS), რომელსაც პირველი ადგილი უკავია მსოფლიოში პოპულარობით. საიტების 10%-ზე მეტი ამ ძრავს იყენებს, რაც უკვე კრიტიკული მაჩვენებელია პოპულარობის საკითხში.

მოდი, წარმოვიდგინოთ ტიპიური საიტი მცირე ბიზნესისათვის. თუ თქვენ გსურთ რომელიმე კომპანიის შესახებ მიიღოთ ინფორმაცია ინტერნეტში, თქვენი ყურადღება მიმართული იქნება სამ ძირითად რამეზე:

• როგორ გამოიყურება საიტი (გარეგანი სახე, დიზაინი, ინდივიდუალური მომენტები)?
• რის შესახებ მოგვითხრობს ეს საიტი (შიგთავსი, ინფორმაციის მოწოდება)?
• როგორ მივიღო უფრო მეტი ინფორმაცია ამ ბიზნესის შესახებ სხვა წყაროებიდან (საკონტაქტო ინფორმაცია, უკუკავშირი)?

რათქმაუნდა, ყველა კომპანია განსხვავებულია, მაგრამ საიტზე შემოსულ სტუმარს ძირიტადად ეს სამი საკითხი აინტერესებს პირველ რიგში.

დიზაინი, გარეგანი სახე

ერთ-ერთი ყველაზე გავრცელებული პრეტენზია, რომელსაც წაუყენებენ ხოლმე WordPress-ზე აწყობილ საიტს — ვიზუალური გაფორმების თემების მსგავსებაა. ძალიან ბევრი მომხმარებელი უბრალოდ ფერს თუ შეცვლის საიტზე, დაამატებს რამდენიმე სურათს იმ იმედით, რომ ეს სრულიად საკმარისია უნიკალური დიზაინის მისაღებად. თუმცა აუცულებლად უნდა ავღნიშნოთ, რომ ეს უფრო იმ ადამიანების პრობლემაა, რომლებიც სათანადო ყურადღებას არ უთმობენ გაფორმებას. ინტერნეტში WordPress-ზე აწყობილი ათეულობით ათასი საიტია, რომლებიც რეალურად განსხვავდებიან ერთმანეთისაგან. ამის გარდა არსებობს ძალიან ბევრი ფასიანი ვიზუალური თემაც. მათი ფასი იმხელა ნამდვილად არ არის, რომ ვერ შევძლოთ შეძენა (20-60 დოლ.). თუ არ გსურთ, რომ თქვენით აკეთოთ დიზაინი, ფასიან თემას სპეციალურად დაქირავებული ადამიან(ებ)ი გადააკეთებს. სხვა სიტყვებით რომ ვთქვათ, ორიგინალური დიზაინის შექმნა არ წამროადგენს პრობლემას. ყველაფერი თქვენს ფანტაზიაზეა დამოკიდებული.

შიგთავსი

ყველა საიტს, რომელიც აწყობილია CMS-ის გამოყენებით, აქვთ საერთო ნაკლი — შიგთავსის განახლების სირთულე. თანამედროვე საიტების უდიდესი ნაწილი აწყობილია HTML + CSS + JavaScript-ის გამოყენებით, მაგრამ ეს ასე ყოველთვის როდი იყო. ძალიან ბევრი ძველი საიტი იყენებს ცხრილებს, რომლებიც ხისტად არის მიბმული და დიდი ენერგიის დახარჯვაა საჭირო მათ განსაახლებლად. და აქ უდიდესი უპირატესობა აქვს WordPress-ს. საჭიროა უბრალოდ მართვის ცენტრში შესვლა და სტატიის განთავსება. Microsoft Word-ში მუშაობაზე ძნელი არ არის ნამდვილად. შეგიძლიათ დაგეგმოთ სტატიის გამოქვეყნების დრო, არაა პრობლემა. გსურთ სტატიის განახლება? ესეც ძალიან მარტივია.

საკონტაქტო ინფორმაცია, უკუკავშირი

ბიზნესისათვის მნიშვნელოვანია ურთიერთქმედება პოტენციურ კლიენტებთან, ხელმომწერებთან და ა.შ. ბიზნესის ინტერნეტ-გვერდისათვის ამის გამოხატულებაა კომენტარების განთავსების მოხერხებული სისტემა, სიახლეების დაგზავნის სისტემაზე ხელმოწერის შესაძებლობა ელფოსტით, ან სიახლეების აგრეგატორით (ამაზე სხვა სტატიაში ვისაუბრებთ) და ადვილად დასამახსოვრებელი საკონტაქტო ინფორმაცია. ყველაფერი ეს ადვილად კეთდება WordPress-ის საშუალებით.

5 მიზეზი, რომ გამოვიყენოთ WordPress მცირე ბიზნესისათვის

SEO (საძიებო ოპტიმიზაციის სისტემა) — WordPress აქვს პარამეტრების საკმაოდ კარგი ნაკრები, რომლის საშუალებითაც შესაძლებელია თქვენი ბიზნესის წინ წაწევა საძიებო სისტემაში.

შიგთავსი — როოგრც ზემოთ უკვე დავწერე, WordPress საუკეთესოდ არის მომართული საიტის შიგთავსის სამართავად. სტატიის მომზადება და გამოქვეყნება რამდენიმე დაწკაპუნებით ხდება.

ჩადგმები (Plugins) — დამატებითი მოდულებისა და ვიზუალური თემების უზარმაზარი ბიბლიოთეკა საშუალებას მოგცემთ საიტი მოირგით როგორც თქვენ გაგიხარდებათ.

მხარდაჭერა — WordPress-ის გაუმჯობესებაზე მრავალი ათეული ათასი ადამიანი ზრუნავს. ეს ნიშნავს იმას, რომ ნებისმიერ პრობლემას მოგგვარებენ საკმაოდ სწრაფად და ეფექტურად.

ინსტალაცია — WordPress-ის ინსტალაციაზე სულ 5-ოდე წუთია საჭირო და დიდი გამოცდილება ამისათვის სულაც არ არის საჭირო. შემდეგ სტატიაში ჩვენ ზუსტად ამაზე ვისაუბრებთ.

რომ შევაჯეროთ დღევანდელი სტატია — WordPress იდეალური საშუალებაა როგორც პროფესიული, ასევე მცირე ბიზნესის საიტის შესაქმნელად.

თქვენ ჯერ კიდევ არ იყენებთ WordPress-ს?

მსოფლიოში ერთ-ერთი ყველაზე ცნობილი CMS, WordPress 10 წლის გახდა. დღეისათვის მას იყენებს ბლოგერებისა და პროფესიონალების უზარმაზარი არმია, მათ შორის ისეთი მსხვილი ორგანიზაციები, როგორებიცაა CNN, TechCrunch, Dow Jones, UPS, NBC Sports, TED და სხვა მრავალი.

ამ თარიღის არსანიშნავად მეტ მიულევენგმა (Matt Mullenweg), რომელიც WordPress-ის ავტორია და რომელსაც ეკუთვნის სავაჭრო ნიშანი, საკუთარ ბლოგში სტატია გამოაცხო. როგორც განვლილი ათი წელი ცხადყოფს, WordPress — კიდევ ერთი წარმატებული პროდუქტია, რომლის განვითარებაც მოხალისეთა დამსახურებაა.

WordPress-ის ისტორია რეალურად 2001 წელს იწყება, როდესაც b2-ძრავის ავტორმა მაიკლ ვალდიჰიმ (Michel Valdrighi) პირველი ჩანაწერი გააკეთა:

This is the first post.
Edit or delete it, then start blogging!: )
michel v @ 21:40:11 944

დაახლოებით ორი წლის შემდეგ b2-ძრავის განვითარებაზე ზრუნვას იწყებენ მეტ მიულევენგი და მაიკლ ლითლი და ახალ სახელს არქმევენ, WordPress. ხუთი დღის შემდეგ გამოვიდა WordPress-ის პირველი ვერსია 0.7.

როგორც ჩამოტვირთვების მრიცხველი გვიჩვენებს, WordPress-ის უახლესი ვერსია, 3.5 უკვე 21 მლნ.-ზე მეტჯერ ჩამოიტვირთა.

კიდევ ერთხელ ვულოცავ WordPress-ის დეველოპერთა მთელ გუნდს ამ თარიღს. აგრეთვე ვულოცავ ჩვენს თავსაც, ვიანიდან ჩვენ საშულება გვეძლევა ვისარგებლოთ ამ შესანიშნავი ძრავით!

წყარო: WordPress

აი დღეს ფრიად საინტერესო ინფორმაციას წავაწყდი. Star Trek Into Darkness-ის ეკრანებზე გამოსვლასთან დკაშირებით კომპანია IBM-მა ატომარულ დონეზე შექმნა ფოტოების სერია, რომლებიც ცალკეული ატომებისგან არის შექმნილი. მოკლედ, ბევრს არ გავაგრძელებ, თქვენ თვითონ ნახეთ:

წყარო: startrek.com

Twitter Cards დავამატე ჩემს ბლოგს. რამდენიმე დღეში დამიმტკიცებენ და მერე ლამაზი ხედით გამოჩნდება ტვიტერში ბლოგის სტატია. დეტალები ბლოგში.

—  Dimitri Gogelia  (@delphiknight) May 13, 2013

To boldly go where no man has gone before!

როდესაც „ვარსკვლავური გზა“ პირველად გამოვიდა ეკრანებზე 1966 წელს, ადამიანს ჯერ ფეხი არ დაედგა მთვარეზე, სამაგიეროდ ცივი ომი აქტიურ ფაზაში იყო, იღვრებოდა სისხლი ვიეტნამის ომში, ხოლო მომავალი აფრო-ამერიკელები იბრძოდნენ საკუთარი უფლებებისათვის. სერიალის სულის ჩამდგმელი, ჯინ როდენბერი იმ ეპოქისათვის დამახასიათებელი ჟანრის კანონების წინააღმდეგ წავიდა და მაყურებელს წარმოუდგინა მომავლის პოზიტიური ხედვა, რომელშიც კაცობრიობა უკეთესი გახდება, გადალახავს შინაგან წინააღმდეგობებსა და პრობლემებს და გაიაზრებს ბოლო-ბოლო, რომ აუცილებელია გაერთიანება უკიდეგანო სამყაროს წინაშე. „ვარსკვლავური გზა“ დაბეჯითებით აცხადებს, რომ უცხოპლანეტური რასები ჩვენს გალაქტიკაში ათობითაა და მრავალ მათგანთან დედამიწა არა მარტო კონტაქტში შევა, არამედ შექმნის გაერთიანებულ პლანეტათა ფედერაციას, რომელშიც როდენბერიმ კაცობრიობის საუკუნოვან ოცნებას მშვიდობიან თანაცხოვრებასა და ჰუმანისტურ წესრიგზე, ხორცი შეასხა.

სულ თავიდან „ვარსკვლავურმა გზამ“ ღირებულებათა მაღალი თამასა აიღო: უმაღლეს პრიორიტეტად ადამიანური ფასეულობები იქნა დაყენებული და არა ე.წ. „ექშენი“. ტყუილად კი არ იყვენენ მოწვეულნი სერიალის სცენარზე სამუშაოდ ფანტასიკური ჟანრის დიდი ოსტატები, თეოდორ სტარჯონი, ან ჰარლან ელისონი. ეს იყო ისეთი ფანტასტიკა, როგორიც უნდოდა დაენახა როდენბერის. ყოველი სერია, იმის გარდა, რომ საინტერესო კოსმიურ მოგზაურობას გვთავაზობს, ეხება აგრეთვე კონკრეტულ მიწიერ, აქტუალურ პრობლემებს, აიძულებს მაყურებელს დაფიქრდეს ამ ყველაფერზე. დასაშვებია, თუ არა მედიცინაში ცოცხალ ადამიანებზე ჩატარებული ცდების შედეგების გამოყენება? სად მდებარეობს ზღვარი, რომლის იქითაც ადამიანი არ უნდა ენდოს კომპიუტერს? როგორი შედეგები მოჰყვება ბიოლოგიური სახეობების სრულ განადგურებას? სერიალში ცოტაა ძალადობის ამსახველი სცენები, სამაგიეროდ მრავლადაა ისეთი სიტუაციები, რომლებიც ასახავენ ადამიანთა საუკეთესო თვისებებს — მეგობრობა, სიყვარული, ერთგულება, თვითშეწირვა. ძალიან კარგია აგრეთვე ის, რომ შემდგომი სერიელბის შემქმნელებმა არ გადაუხვიეს ამ ტრადიციას. და დღეისათვის ეს სამყარო რჩება სამეცნიერო ფანტასტიკის კლასიკურ ნიმუშად, მის ერთ-ერთ საუკეთესო ნაწარმოებად.

ფაქტები „ვარსკვლავური გზის“ შესახებ

მთელ მსოფლიოში ტრეკერები — „ვარსკვლავური გზის“ ფანებს ასე ჰქვიათ — გაერთოანებულნი არიან ათასობით კლუბში, მათმა რაოდენობამ დიდი ხანია გადააცილა მილიონებს. არ გეგონოთ, რომ ფანების ძირითად ოდენობას მოაზრდები შეადგენდნენ, სრულიად პირიქით. ცნობისათვის, NASA-ს პერსონალის 70% — ტრეკერია. მხოლოდ აშშ-ში მოსახლეობის ნახევარი საკუთარ თავს ამ სერიალის მოყვარულად აცხადებს.

ამერიკული ისტორიის ეროვნულ მუზეუმში (აშშ) წარმოდგენილია ლეგნედარული „ენტერპრაიზის“ მოდელი.

ფანების დამსახურებაა აგრეთვე ისიც, რომ სერიოზულად განვითარდა კლინგონური ენა — თავისი გრამატიკით, ლექსიკონით და გამოთქმის წესებით. კლინგონურ ენაზე ნათარგმნია ბიბლია, „ჰამლეტი“ და სხვა წიგნები.

სერიალის შემქმნელმა, ჯინ როდენბერიმ ღირსეულად დაიკავა ადგილი ვარსკვლავთა შორის. 1997 წლის 21 აპრილს თვითმფრინავის „ლოკჰიდ-1011“ ბორტიდან, 10 კილომეტრის სიმაღლეზე, სტარტი აიღო რაკეტამ „პეგასი“, რომელმაც კაცობრიობის ისტორიაში პირველად გაიტანა ორბიტაზე გარდაცვლილ ადამიანთა ნეშტი. მათ შორის იყო როდენბერიც.

ტრეკერების გარდა არსებობენ „ტრეკი“ — სერიალის მოყვარულები, რომლებსაც უბრალოდ კი არ უყვართ ეს სერიალი, არამედ საზრდოობენ ამ სერიალით. მათ შესახებ ორი დოკუმენტური ფილმია გადაღებული.

გზა წარმატებისაკენ

ჯინ როდენბერი დაიბადა 1921 წელს. მას არ მიუღია პროფესიული კინო-განათლება, მაგრამ მეორე მსოფლიო ომის შემდეგ გადაწყვიტა ტელე-სცენარისტი გამხდარიყო. თანდათანობით, ნაბიჯ-ნაბიჯ, ჯინმა გზა გაიკაფა და ბოლო-ბოლო იპოვნა თავისი გზა — სამეცნიერო-პოპულარული სერიალის იდეა, რომელიც მოგვითხრობს კოსმოსური ხომალდის ეკიპაჟზე, ახალი ცივილიზაციების აღმოსაჩენად რომ გაემგზავრა გალაქტიკაში. მთავარი სიუჟეტური მიმართულება, როდენებრის ჩანაფიქრით, უნდა გამხდარიყო არა თვითონ თავგადასავალი, არამედ ადამიანთა ქცევა, რომლებიც უჩვეულო სიტუაციებში აღმოჩნდებიან. 1964 წელს ეთერში გავიდა „ვარსკვლავური გზის“ სულ პირველი ეპიზოდი, მაგრამ შემდგომში სერიალის გადაღება შეწყდა და მთელი ორი წელი დასჭირდა ჯინ როდენბერის ჰოლივუდური კომპანიების გულის მოსაგებად. ცნობილმა „MGM“-მა უარი უთხრა. CBS თავიდან დაინტერესდა პროექტით, მაგრამ შემდეგ გადაწყვიტა საკუთარი ფანტასტიური სერიალი გადაეღო. საბოლოოდ სტუდია NBC-მ მიიღო გადაწყვეტილება საპილოტე ვერსიის გადაღებაზე და სერიალის პირველი სეზონი როგორც იქნა გავიდა ეთერში. თუმცა წარმატება დიდხანს არ გაგრძელებულა — სამი სეზონის გასვლის შემდეგ NBC-მ დახურა პროექტი. მიზეზი წმინდა კომერციული იყო: სერიალის გამოსვლას დიდი წარმატება არ მოჰყოლია. და თუმცა მესამე სეზონის გამოსვლა მთლიანად ფანების დამსახურება იყო, რომლებმაც წერილებით აიკლეს სტუდია მოთხოვნით გადაეღოთ გაგრძელება, პროდიუსერებს არ ჰქონდათ იმედი შემდგომი პოპულარობისა.

თუმცა მერე მოხდა პატარა სასწაული. სამოცდაათიანი წლების დასაწყისში, სერიალის განმეორებითი ჩვენებისას, მან მეორე სიცოცხლე შეიძინა. ამ მომენტიდან დაიწყო მისი ტრიუფალური სვლა ჯერ ამერიკაში, ხოლო შემდგომ უკვე მთელს მსოფლიოში. ორმოცზე მეტი წლის წინათ როდენებრის ოცნებაც არ შეეძლო ასეთ წარმატებაზე: არა მარტო ახალი სერიალები, არამედ მხატვრული ფილმები, ასობით რომანი, უამრავი თანმდევი სასუვენირო პროდუქცია. დღეს „ვარსკვლავური გზა“ — ჯინ როდენებრისა და მისი კაცობრიობისადმი რწმენის შთამბეჭდავი ძეგლია. რისი სწამდა ჯინ როდენბერის?

მესამე მსოფლიო ომის ფერფლიდან აღმდგარი

თანახმად „ვარსკვლავური გზის“ სიუჟეტისა, 21 საუკუნის პირველ ნახევარში NASA-მ ვარსკვლავური მოგზაურობის როგორც მინიმუმ სამი მცდელობა განახორციელა სინათლის სიჩქარემდელი კოსმიური ხომალდებით. ყველა ეს მცდელობა წარუმატებელი გამოდგა, ხოლო პროგრამის შემდგომ განვითარებას მესამე მსოფლიო ომმა შეუშალა ხელი. ის მოხდა 2053 წელს და 600 მილიონი ადამიანის სიცოცხლე შეიწირა. საყოველთაო ქაოსი და გაპარტახება თითქმის ათი წელი გრძელდებოდა, ხოლო „ატომური კოშმარის“ შედეგები მინიმუმ 22 საუკუნამდე გაგრძელდა.

კაცობრიობის აღორძინების გზაზე პირველი ნაბიჯი გახდა სინათლის სიჩქარის ზღვარის გადალახვა. 2063 წლის 5 აპრილს სტარტი აიღო პირველმა ხომალდმა ვარპ-ძრავით — „ფენიქსი“. მისი შემქმნელმა, მეცნიერ-გამომგონებელმა ზეფრამ კოქრეინმა ხომალდი საკონტინტთაშორისო რაკეტისგან ააწყო. „ფენიქსმა“, მიაღწია რა სინათლის სიჩქარეს, უზრუნველყო პირველი დოკუმენტურად დადასტურებული კონტაქტი ადამიანებსა და უცხოპლანეტელებს შორის: ხომალდის გაფრენა შეამჩნიეს ვულკანელთა ხომალდიდან, რომელმაც იმ მომენტში მზის სისტემას ჩაუარა გვერდით.

„ფენიქსის“ ისტორიულ გაფრენას სხვებიც მოჰყვა, მაგრამ კაცობრიობის მცელობა, მიეღწია ზესინათლის სიჩქარეებისათვის, მტკივნეულად ნელა ხორციელდებოდა. ტექნოლოგიურად გაცილებით უკეთ განვითარებული ვულკანელები უარს ამბობდნენ მიეცათ დედამიწელებისათვის თავისი ცოდნა და საერთოდ ზემოდან დაჰყურებდნენ კაცობრიობის მისწრაფებას ვარსკვლავთშორის ნაოსნობაზე. გასაკვირი არაა, რომ თითქმის ოთხმოცდაათი წლიანი დილპომატიური ურთიერთობის განმავლობაში ორი რასის დაახლოება დიდად არ წაწეულა წინ. კაცობრიობა ნელა, გაჭირვებით, მაგრამ მაინც ითვისებდა კოსმოსს.

2151 წელი. ორბიტალური დოკებიდან გამოდის „ენტერპრაიზი“ — დედამიწელთა პირველი ვარსკვლავთმფრენი, რომელიც იდეალურია კოსმიური კვლევებისათვის. მის ულტრათანამედროვე ძრავებს შეუძლიათ ხომალდის აჩქარება ვარპ-5 სიჩქარემდე, რაც ბევრად აღემატება სინათლის სიჩქარეს (ვარპ ტექნოლოგიაზე ჩვენ აუცილებლად ვისაუბრებთ მომდევნო სტატიებში). დედამიწელებს მიეცათ არაჩვეულებრივი შანსი გამოიკვლიონ გალაქტიკა. თუმცა ისინი არ შემოიფარგლნენ ახალი პლანეტების გაუაზრებელი კოლონიზაციით. დიპლომატიური ურთიერთობებისა და მოლაპარაკებების რამდენიმე ათეული წლის შემდეგ შეიქმნა პლანეტათა გაერთიანებული ფედერაცია — დამოუკიდებელ ცივილიზაციათა კავშირი, რომლის მიზანია ერთობლივი კვლევები, ვაჭრობა, კულტურული განვითარება, დიპლომატიური ურთიერთობა და რაღათქმაუნდა მხარდაჭერა თავდაცვის საკითხებში. ფედერაციის ტერიტორია გადაიჭიმა ასორმოცდაათ სინათლის წლის მანძილზე, მაგრამ ადამიანები უფრო შორსაც წავიდნენ. ვარპ-ძრავები სულ უფრო ძლიერდებოდა, 23 საუკუნეში პირველი „ენტერპრაიზი“ ნელ ხომალდათ ჩაითვლებოდა, მისი შემდგომი ვერსიები გალაქტიკის სულ უფრო მიყრუებულ ადგილებს აღწევდნენ და ადამიანების დასახლებები ძალიან შორეულ პლანეტებზეც გაჩნდა.

„ვარსკვლავური გზის“ სამყაროს ჩვენ ვარსკვლავნაოსნების თვალებით ვხედავთ. ხუთი ეკიპაჟი, ხუთი ვარსკვლავთმფრენი (უფრო სწორედ, ოთხი ხომალდი და ერთი კოსმოსური სადგური) — და მოვლენათა უამრავი რაოდენობა. ვარსკვლავთმფრენი „ვიაჯერი“ წარმატებულად ბრუნდება დელტა-კვადრანტიდან, ეს სამოცდაათი ათასი სინათლის წლის მანძილია. კოსმოსური სადგურის „ღრმა კოსმოსი-9“ ეკიპაჟი ღირსეულად უმკლავდება დომინიონის შემოტევას. ხომალდების „ენტერპრაიზი-D“ და „ვოიაჯერის“ ეკიპაჟები ხვდებიან უსულგულო ბორგებს და გამარჯვებულები გამოდიან მათთან ომში. დედამიწელებს მუდმივად უწევთ იმის დამტკიცება (პირველ რიგში — საკუთარი თავისათვის), რომ ისინი სრულიად დამოუკიდებელი რასაა, რომელსაც ხელეწიფება თანაბარ დონეზე იარსებობს სხვა გინიერი რასების გვერდით გალაქტიკაში.

კაცობრიობის განვითარების (ხოლო შემდგომ ფედერაციისაც) „ვარსკვლავური გზა“ სერიალებში გათვლილია ოცდამეოთხე საუკუნის ჩათვლით. ყოველი ასწლეული — გლობალური ცვლილებების და რყევების მომტანია. ოცდამეორე საუკუნე — ომები ზინდისა და რომულანთა რასებთან, ფედერაციის ჩამოყალიბება. ოცდამესამე საუკუნე — ფედერაციის ბობოქარი განვითარება, კონფლიქტი კლინგონებთან, რაც კინაღამ ომში გადაიზარდა და ათეულობით წლის შემდეგ დაზავების ხელშეკრულებით დასრულდა. ოცდამეოთხე საუკუნე — კლინგონების ფედერაციაში გაწევრიანება, სამი უსერიოზულესი კონფლიქტის დაწყება: ბორგებთან, კარდასიელებთან და დომინიონთან. მაგრამ მიუხედავად ამისა, კაცობრიობა ყოველთვის საკუთარ თავს საუკეთესოდ წარმოაჩენს.

რა და რამდენია საყურებელი

„ვარსკვავური გზა“ მცირეოდენი შესვენებებით 1966 წლიდან გადის ცისფერ ეკრანებზე. ამ პერიოდში გამოვიდა ხუთი ჩვეულებრივი და ერთი მულტიპლიკაციური სერიალი — საერთო დაჯმში 630 სერია, ასევე თერთმეტი სრულმეტრაჟიანი ფილმი და მეთორმეტე წელს, მაისში, ანუ ამ კვირებში გამოდის. თუ თქვენ მთლიანად გსურთ „ვარსკვავური გზის“ ყურება, ამაზე 500 საათზე მეტი დაგჭირდებათ.

ტელე-სერიალები

„Star Trek: The Original Series“ (TOS), 1966 — „კლასიკური“ სერიალი (3 სეზონი);
„Star Trek: The Next Generation“ (TNG), 1987 — „ახალი თაობა“ (7 სეზონი);
„Star Trek: Deep Space Nine“ (DS9), 1993 — სადგური „შორეული კოსმოსი 9“ (7 სეზონი);
„Star Trek: Voyager“ (VOY), 1995 — „ვოიაჯერი“ (7 სეზონი);
„Enterprise“ (ENT), 2001 — „ენტერპრაიზი“ (4 სეზონის შემდეგ გადაღება შეწყდა);
„Star Trek: The Animated Series“ (TAS), 1973 — მულტიპლიკაციური სერიალი (2 სეზონი).

მხატვრული ფილმები

„Star Trek: The Motion Picture” („ვარსკვლავური გზა“, 1979).
„Star Trek: The Wrath Of Khan” („ხანის რისხვა“, 1982).
„Star Trek: Search For Spock” („სპოკის ძიებაში“, 1984).
„Star Trek: The Voyage Home” („მოგზაურობა შინისკენ“, 1986).
„Star Trek: The Final Frontier” („ბოლო ზღურბლი“, 1989).
„Star Trek: The Undiscovered Country” („აღმოუჩენელი ქვეყანა“, 1991).
“Star Trek: Generations” („თაობები“, 1994).
„Star Trek: First Contact” („პირველი კონტაქტი“, 1996).
„Star Trek: Insurrection” („აჯანყება“, 1998).
„Star Trek: Nemesis” („შურსძიება“, 2002).
„Star Trek“ („ვარსკვლავური გზა“, 2009);
„Star Trek: Into Darkness“ („ვარსკვლავური გზა: სიბნელეში“, 2013).

ცოცხალი სამყარო

„ვარსკვლავურ გზაში“ რასები ბევრი კი არ არის, არამედ ძალიან ბევრია. აი მათი ძალიან არასრული სია: ადამიანები, ანდორიელები, ბეტაზოიდები, ბაჯორელები, ბორგები, დამაარსებლები, დენობულელები, ვორტები, ვულკანელები, კაზონები, კარდასიელები, კლინგონები, ოკამპა, ორგიანელები, ორიონოლები, რომულანები, სახეობა 8472, ტალაქსიანელები, ტრილები, ფერენგი, ჯიმ-ჰადარი, ქიუ… და ეს არ არის სრული სია (რასებზეც ცალკე სტატიათა ციკლი გვექმება აუცილებლად).

შესაძლოა, ბევრი მაყურებელი გაღიზიანდა იმ ფაქტით, რომ პრაქტიკულად ყველა სამყარო, სადაც ვარსკვლავური ფლოტის წარმომადგენლები ხვდებიან, დასახლებულია ჰუმანოიდური რასებით. ზოგიერთი ქილიკობს კიდევაც ამაზე: გადაღების დროს კოსტუმებსა და გრიმზე ეკონომიის მიზნით მოხდა ეს ყველაფერიო. მაგრამ ამ ფაქტს თავისი ახსნა აქვს „ვარსკვლავური გზის“ სამყაროში — მრავარიცხოვანი ჰუმანოიდური რასების არსებობა შედეგია პლანეტათა „განაყოფიერების“ პროგრამისა, რომელიც უხსოვარ დროს განახორციელეს გალაქტიკის უხუცესმა მაცხოვრებლებმა: ნათლიებმა, სარგონის მაცხოვრებლებმა.

სერიალის მოქმედება ჩვენს გალაქტიკაში, „ირმის ნახტომი“, ხდება. სწორედ იმ გალაქტიკაში, რომლის დანახვა ყოველ ღამით შეუიარაღებელი თვალით შეგვიძლია. რათა უფრო ადვილად მოვახდინოთ ათასობით ვარსკვლავს შორის ორიენტაცია, გალაქტიკა პირობითად ოთხ კვადრანტად არის გაყოფილი. ალფა-კვადრანტში განთავსებულია ფედერაცია და მზის სისტემა, ასევე ფერენგების სავაჭრო იმპერია და კარდასიანელები. ის ყველაზე უკეთ არის შესწავლილი ადამიანების მიერ. ბეტა-კვადრანტში კიდევ ორი იმპერიაა: კლინგონების და რომულანების. გამა-კვადრანტის შესწავლა ახალი დაწყებულია, მაში მოხვედრა განსაკუთრებული სივრცისმიღმული გვირაბით შეიძლება, რომელსაც იცავს სადგური „შორეული კოსმოსი 9“ და რომელიც ცოტა ხნის წინ გადმოეცა ფედერაციას. აქ განთავსებულია დომინიონის ალიანსი. და ბოლოდ დელტა-კვადრანტის შესახებ ძალიან ცოტა ინფორმაცია მოიპოვება. დასაბუთებულად ცნობილია მხოლოდ ის, რომ კვადრანტი თითქმის მთლიანად ბორგების ხელშია. ბორგებს საერთოდ არ გააჩნიათ ინდივიდუალურობა, გაერთიანებულები არიან კოლექტიურ ცნობიერებაში. ისინი ასიმილირებენ ნებისმიერს და თავის მსგავსად აქცევენ.

რა და რამდენია წასაკითხი

რომანებისა და მოთხრობების რაოდენობა, რომლებიც აშშ-ში გამოიცა ამ ბოლო ორმოცი წლის განმავლობაში, დიდი ხანია 600 გადასცდა, ხოლო მათმა საერთო ტირაჟმა 63 მილიონის ნიშნულს დიდი ხანია გადააბიჯა. იქმნება ისეთი შთაბეჭდილება, რომ ზუსტი რაოდენობა არავინ არ იცის, არც გამომცემლებმა, არც ფანატებმა. პრაქტიკულად თითოეული მსხვილი ფანტასტი მწერალი საჭიროს თვლის დაწეროს ერთო-ორი ნაწარმოები მაინც ამ თემის გარშემო.

ВЕАM ME UP, SCOTTY!

ამასინდელმა სოციოლოგიურმა კვლევებმა აჩვენა, რომ ბევრი ადამიანი მთელ მსოფლიოში თვლის, რომ ის არის ჰობიტი, ჯედაი, ან სხვა ფანტასტიური პერსონაჟი. „ვარსკვლავური გზა“ კიდევ უფრო შორს წავიდა: მას შეუძლია დაიკვეხნოს არა მარტო მილიონობით ფანით, არამედ უშუალო ზემოქმედებით კაცობრიობის ტექნიკური განვითარებაზე. კომპიუტერული „იურული პერიოდის“ განმავლობაში, როდესაც ელექტონულ-გამომთვლელი მანქანები მთლიან ოთახებს იკავებდნენ, ტელესერიალის გმირები ინფორმაციას იწრდნენ მოწყობილობებზე, რომლებიც ძალიან წააგავს თანამედროვე დისკებს, ერთმანეთან კაშირს ამყარებდნენ მოწყობილოებით, რომლებიც გაჭრილი ვაშლივით ჰგავს მობილურ ტელეფონებს. NASA-ს სპეციალისტებმა აღიარეს, რომ ზოგიერთი მოწყობილობა, რომელიც ნაცვენებია სერიალში, ათვლის წერტილი გახდა რეალური მოწყობილობების შექმნის პროცესში. აქ მაყურებელმა პირველად ნახა უნემსო ინექციის შპრიცები, ასევე სრული სამედიცინო თვალთვალის მოწყობილობები. რაც შეეხება მატერია-ანტიმატერიის თეორიას, ვერცერთ სხვა ფანტასტიურ ნაწარმოებში ვერ ნახავთ ამდენ ინფორმაციას.„ვარსკვლავური გზა“ ნადვილი წყარო გახდა მეცნიერთა და გამომგონებელთა იდეებისათვის.

„ვარსკვლავური გზის“ ერთგვარი სამეცნიერო დამსახურება გახლავთ ფაქტი, როდესაც NASA-ს მრავალჯერადი გამოყენების პირველ კოსმოსურ ხომალდს მიენიჭა სახელი „ენტერპრაიზი“. სერიალის ფანებმა ასობით ათასი წერილით აავსეს კოსმოსური კვლევის სამმართველო მოთხოვნით სწორედ ეს სახელი დაერქმიათ ხომალდისათვის.

რათქმაუნდა, მოუმზადებელი მაყურებლისათვის რთულია სერიალის გმირების დიალოგების მოსმენა იმ მომენტებში, როდესაც ისინი საუბრობენ, მაგალითად, გამოიწვევს თუ არა პლაზმოგენერატორის ზემოქმედება ტრანსმუტაციურ პროცესებს ორგანიზმში, რა მოხდება, თუ ინჟექტორულ აკუმულატორებს მივუერთებთ ანტიმატერიის დამგროვებელს, ან როგორ იმოქმედებს ნეიტრონული ვარსკვლავის გამოსხივება ძრავის გონდოლას შალითაზე და ხომ არ დააზიანებს ეს ტრანსპოტატორის მაგნიტურ რელეებს. მაგრამ ზუსტად ასეთი მომენტები აღძრავენ ავანტიურიზმის სულს, ახალი ცოდნის მიღების სურვილს — და აი ჩვენ უკვე დამოუკიდებლად ვიღებთ თაროდან სახელმძღვანელოს, ან ცნობარს და შემდეგ სერიებში ყურადრებით ვადევნებთ თვალ-ყურს სიუჟეტს და მეგობრებთან ერთად ვარჩევთ ტექნიკურ სიახლეებს.

სერიალში ნაჩვენები სხვადასხვა ტექნოლოგია, რათქმუნდა ჯერ კიდევ ელოდება რეალურ ხროცშესხმას. ჯერ კიდევ ძალიან შორია ვარპ-ძრავის შექმნამდე (თუმცა NASA-ში უკვე დაიწყეს ამ მიმართულებით მუშაობა), რომლის გარეშე უახლოეს ვარსკვლავებამდე მოგზაურობას წლები დასჭირდება, სინათლის სიჩქარითაც რომ ვიმოძრაოთ. ფიზიკოსები ჯერ მხოლოდ ზედაპირულად შეეხნენ ტრანსპორტატორის მუშაობის პრინციპს — მოწყობილობისას, რომლის საშუალებითაც შესაძლებელია გადაადგილება გარკვეულ მანძილზე „სხივის საშუალებით“: პლანეტაზე, სხვა ხომალდზე და ა.შ. და ეს კიდევ ყველაფერი არაა, სერიალის გმირები სარგებლობენ რეპლიკატორებით, ფაზერებით, ფოტონური ტორპედოებით, ტრიკოდერებით, ჰოლოდეკებით — ჩამოთვლა შორს წაგვიყვანს, მაგრამ „ვარსკვლავური გზის“ სამყაროში არსებული სამეცნიერო-ტენიკური პროგრესის შესახებ მოდი სხვა სტატიაში ვისაუბროთ.

რა და რამდენია სათამაშო

საყვარელი გმირების ტყავში ყოფნა — ნებისმიერი ფანტასიკური, ან ფენტეზი საგის მოყვარულის სანუკვარი ოცნებაა. ტრეკერები აქაც პირველები არიან: პირველი კომპიუტერული თამაში სამოცდაატაინი წლბის ბოლოს გამოვიდა, ხოლო საკოლექციო ბანქოს თამაში — სულ ცოტა ხნის შემდეგ.

ვირტუალური თავგადასავლები

1968 წელს ამერიკის კომპიუტერებზე გაჩნდა თამაში „Star Trek“. მისი ავტორი უცნობია, მაგრამ თავბრუდამსხმელი წარმატებისათვის ამას ხელი არ შეუშლია. მარტივი სიუჟეტისა და პრიმიტიული გრაფიკის მიუხედავად თამაში ფანტაზიის გაქანების დიდ შესაძლებლობას იძლეოდა. თავიდან თამაში სტრატეგიული თამაშების წინაპარს წარმოადგენდა. სათამაშო ველი — უჯრებად დაყოფილი კვადრატი, „კოსმოსის სექტორი“. ამ სექტორებში დაფრინავდა ლეგენდარული „ენტერპრაიზი“. ასევე სექტორებში განთავსებული იყო ვარსკვლავები, ვარსკვლავური ბაზები და რათქმაუნდა კლინგონები (ანუ მტრები), რომლებიც უნდა გაგვენადგურებინა. ხომალდს შეეძლოს ფრენა, ფაზერებიდან და ტორპედული აპარატებიდან სროლა.

ახლა არ არსებობს თითქმის არცერთი პლათფრომა, რომლისთვისაც არ არსებობს ამ სამყაროზე დაფუძნებული კომპიუტერული თამაში.

აი მხოლოდ ყველაზე ცნობილი კომპიუტერული თამაშები:

„Star Trek: The Next Generation—A Final Unity“ (1995)
„Star Trek Deep Space Nine: Harbinger“ (1996)
„Star Trek Generations“ (1997)
„Star Trek: Starfleet Academy“ (1997)
„Star Trek The Next Generation: Klingon Honor Guard“ (1998)
„Star Trek The Next Generation: Birth of the Federation“ (1999)
„Star Trek: Starfleet Command“ (1999)
„Star Trek: Armada“ (2000)
„Star Trek: Klingon Academy“ (2000)
„Star Trek: Voyager Elite Force“ (2000)
„Star Trek: Deep Space Nine: The Fallen“ (2000)
„Starfleet Command Volume II: Empires at War“ (2000)
„Star Trek Away Team“ (2001)
„Star Trek: Deep Space Nine: Dominion Wars“ (2001)
„Star Trek: Armada II“ (2001)
„Star Trek: Starfleet Command III“ (2002)
„Star Trek Bridge Commander“ (2002)
„Star Trek Elite Force II“ (2003)

სამაგიდე თამაშობები

საკოლექციო ბანქოს თამაშობის პირველი გამოშვება „Star Trek Customizable Card Game“ გამოვიდა 1994 წელს. მის შემდეგ თხუთემტამდე განახლება მიიღო ამ თამაშმა, ხოლო ბანქონს საერთო რაოდენობამ 1600 ცალს გადააჭრბა. მეორე რედაქცია გამოვიდა 2002 წელს.

თამაში აგებულია იმავე პრინციპით, რაც „ვარსკვავური გზის“ სერიები. ხომალდი მიფრინავს კოსმოსის რომელიმე ნაწილში და ეკიპაჟი ცდილობს მასზე დაკისრებული დავალების შესრულებას. პარარელურად წარმოიშობა პრობლემები, რომლებიც უნდა დაძლიო. მისიის შერულებისათვის მოთამაშეს ერიცხება ქულები. გამარჯვებისათვის საჭიროა 100 ქულის დაგროვება. მოთამაშეებს შეუძლიათ თავს დაესხნან ერთმანეთს, მოაწყონ ხომალდებისა და ეკიპაჟების შერკინება. შეგიძლიათ ითამაშოთ „შედეგზე“, ან — „ინტერესზე“.

ვარსკვლავთ-მოგზაურნი

როგორც ცნობილია, ჟანრის კანონების თანახმად სერიალისათვის სიუჟეტი მთავარი არ არის — ის იყოფა, ნაწილდება ცალკეულ ეპიზოდებად. სერიალის ყურადღების ცენტრში — მოქმედი პირები არიან, რომელთა, თუ გნებავთ ასე დავარქვათ, დამაჯერებლობაზე დამოკიდებულია სერიალის წარმატება და პოპულარობა.

„ვარსკვლავური გზის“ ეპოპეა არ გახდა გამონაკლისი ამ თვალსაზრისით და გმირი აქაც არის, უფრო სწორედ, გმირები. თავიდან, როგორც ცნობილია, არსებობდა ვარსკვლავთმფრენი „ენტერპრაიზი“, რომელსაც, როგორც ნებისმიერ ხომალდს ჰყავდა თავისი ეკიპაჟი. რათქმაუნდა ეკიპაჟის ყველა წევრი ვერ გახდება გმირი: მაყურებელს უბრალოდ თვალები გაექცევა. როდენბერიმ გონივრულად გამოჰყო ძირითადი ჯგუფი და „გააცოცხლა“ ისინი, მისცა რა თითოეულ მათგანს ხასიათის უნიკალური ნიშნები, თავისებურებები, ღირსებები და მანკიერებებიც კი. ასე მაგალითად, ჩვენს წინაშე წარსდებიან გაბედული ჯეიმს კირკი, ლოგიკური მისტერ სპოკი, თავქარიანი ლეონარდ მაკკოი. ეს მოქმედი პირები ძალიან დამაჯერებელნი აღმოჩნდნენ, მათ შეინარჩუნეს საკუთარი ინდივიდუალურობა, მიუხედავად სიუჟეტის მრავალგზის შემობრუნებისა. კაპიტანი კირკი (უილიამ შატნერი) კოსმოოპერების კლასიკური გმირია, გამოცდილი „კოსმიური მგელი“. მისტერ სპოკი (ლეონარდ ნიმოი), პლანეტა ვუკანის მკვიდრისა და დედამიწელი ქალის პირმშო, წვეტიანი ყურებითა და სრულიად ლოგიკური აზროვნებით. აუღელვებელი და ემოცებს სრულიად მოკლებული, ის კაპიტან კირკის სრულიად საპირისპირო პერსონაჟია. დოქტორი ლეონარდ მაკკოი (დეფორესტ კელი) — შესანიშნავი ქირურგია, გააჩნია არაჩვეულებრივი იუმორი გრძნობა. ერთ-ერთი გაბედული ნაბიჯი სამოციანი წლებისათვის გახლდათ შავკანიანი ქალი პერსონაჟის შეყვანა სერიალში — კავშირის ოფიცერი უჰურა. ასევე აშშ-სთვის არაორდინალური ნაბიჯი — რუსი პერსონაჟი — ნავიგატორი პავლე ჩეხოვი. არიან სხვა ერების წარმოამდგენლებიც: შოტლანდიელი მთავარი ინჟინერი მონტგომერი სკოტი, იაპონელი მესაჭე ჰიკარუ სულუ. ეკიპაჟის სწორედ ეს წევრები არიან მთავარი გმირები, სწორედ ისინი ხვდებიან კამერის ობიექტივში ყველაზე ხშირად, როდესაც საქმე არაჩვეულებრივ თავგადასავლებს ეხება.

მოგვიანებით, როდესაც „ენტერპრაიზის“ პირველი ეკიპაჟი შეიცვალა და მოვიდა „შემდეგი თაობა“, გმირების შემადგენლობა განახლდა. ახალი დრო — ახალი ხასიათები, ახალი ინტერესები. ანდროიდი დეიტა, მთელი სერიალის „შემდეგი თაობა“ განმავლობაში ცდილობს გახდეს ადამიანი, თუნდაც ერთი წამით. ის ვერც კი ხვდება, რომ ძალიან ბევრ სიტიაციაში უფრო ადამიანურია, ვიდრე ისინი, ვისაც უნდა რომ ჰგავდეს. კლინგონი ვორფი — ამ რასის პირველი წარმომადგენელია ვარსკვლავურ ფლოტში. კაპიტანი — ფარნგია, მრჩეველი — ტელეპატი ბეტაზოიდების პლანეტიდან. და კვლავ, ახალი ხასიათები, ახალი ვარსკვლავმფრენები. მოკლედ, ეკიპაჟი ყოველთვის მარავალნაციონალურია.

* * *

ერთი მოკლე სტატია სრულიად არ არის საკმარისი იმისათვის, რომ ჩემს მკითხველს გავუზიარო „ვარსკვლავური გზის“ უკიდეგანო სამყაროს ჩემი სიყვარული. აქ შევეცადე რაც შეიძლებოდა მოკლედ მომეთხრო, აქცენტები გამეკეთებინა ძირითად მომენტებზე. შევეცდები შემდეგ სტატიებში უფრო დეტალურად მოგიყვეთ ყველაფერის იმის შესახებ, რასაც ჰქვია „ვარსკვლავური გზის“ არაჩვეულებრივი სამყარო!

დარჩით ჩვენთან!

და, Live Long And Prosper!

როგორც ერთხელ უკვე ვთქვი სტატიაში, თუ ამ ბლოგს მკითხველი [მომკითხველი] კიდევ ყავს, ის აუცილებლად შეამჩნდევდა, რომ 5 მარტიდან ბლოგმა ფუნქციონირება შეწყვიტა. თავიდან დროის უკუამთვლელი დავაყენე, რომლის დასრულება ა.წ. 25 ივნისზე იყო დაგეგმილი, ხოლო მოგვიანებით სრულიად წავშალე ბლოგი.

შესაძლოა ზოგიერთი თქვენთაგანი მიხვდა, რომ ბლოგის ავტორის პირად ცხოვრებაში გარკვეული სახის კონკრეტული და ლოკალური კატასტროფა მოხდა.

საკითხი იმდენად პირადულია, რომ ჯერ-ჯერობით თავს შევიკავებ მის შესახებ საუბარს (საერთოდაც თუ ვისაუბრე).

როგორც ხედავთ დღეს, 2013 წლის 9 მაისს (წმინდა წყლის დამთხვევა) ბლოგმა კვლავ განაახლა ფუნქციონირება, მცირედი გაუმჯობესებით. არაფერი ისეთი, უბრალოდ დავამატე კომენტირების სისტემა Disqus, წაშალე ზედმეტი და არაფუნქცინირებადი ჩადგმები. პოდკასტის არხიც ამუშავდა და თქვენ კვლავ გექნებათ შესაძლებლობა ყოველ ორშაბათს მოისმინოთ ახალი გამოშვებები, მისი გამოწერა iTunes Store-ში შეგიძლიათ შემდეგ მისამართზე „დელფის ორშაბათის პოდკასტი“, თუ თქვენთვის უფრო მოსახერხებელი იქნება, შეგიძლიათ გამოიწეროთ პოდკასტის არხი პირდაპირი მისამართით აი აქედან.

ასევე გაცნობებთ, რომ გამომდინარე Google-ის უმსგავსო საქციელიდან, როდესაც მან ვერაგულად მოსაკლავად გაიმეტა Google Reader 2013 წლის 1 ივლისიდან, გადავწყვიტე აღარ ვანდო RSS-არხების აგრეგირების საკითხი არც Google FeedBurner-ს და პირდაპირ მოგაწოდოთ არხი შემდეგი მისამართიდან: RSS.

დიზაინს რაც შეეხება. მთელი ამ პერიოდის განმავლობაში გადავათვალიერე რამდენიმე ასეული თემა, მაგრამ ვერაფერი ვერ მოვიწონე. ამიტომ გადავწყვიტე წავიდე შემდეგი გზით: შევქმენი შვილობილი თემა, რომელიც ეფუძნება სისტემურ თემას Twenty Ten. დაფუძნებაც ხდება WordPress-ის წესების გათვალისწნებით, ანუ ჩემს თემაში მხოლოდ სამი ფაილია: style.css, functions.php და screenshot.png. შვილობილი თემა ბლოგის ვიზუალური გამოსახვის ყველა წესს ღებულობს მშობელი თემისგან, მაგრამ მე რაც ცვლილებასაც შევიტან ზემოჩამოთვლილ ფაილებში, თემაც შესაბამისად გადასხვაფერდება. ეს WordPress-ის გაკვეთილების ციკლის ერთ-ერთი სტატია გახდება უახლოეს ხანში.

აი, ძირითადად, რისი თქმაც მინდოდა ამ სტატიაში. დანარჩენ იდეებს შემდეგ სტატიებში განვავრცობ, ან მინიმუმ შევეცდები, რომ ასე გავაკეთო.

კიდევ ერთხელ, მადლობას გეუბნებით ყველას, ვინც ამ ბლოგზე შემოდიხართ და კითხულობთ ჩემი უხეირო ქართულით ნაწერს. მადლობა ყველას, ვინც კომენტარს ტოვებთ ბლოგის ამა თუ იმ სტატიაზე, მე ეს ძლიერ მიმაღლებს მოტივაციას, რომ განვაგრძო წერა.

დარჩით ჩვენთან!

განსაკუთრებული პოპულარობა მას 1960-იან წლებში გამოსულმა Letraset-ის ცნობილმა ტრაფარეტებმა მოუტანა, უფრო მოგვიანებით კი — Aldus PageMaker-ის ტიპის საგამომცემლო პროგრამებმა, რომლებშიც Lorem Ipsum-ის სხვადასხვა ვერსიები იყო ჩაშენებული.

2012 წელს CES-ზე დამსწრეთა საერთო რაოდენობამ 156 000 გადააჭარბა. სამომხმარებლო ელექტრონიკის ასოციაციის განცხადებით, რომელიც არის ამ გამოფენის ორგანიზატორი, ეს სარეკორდო მაჩვენებელი გახლდათ შოუს ჩატარების მთელი პერიოდის განმავლობაში. მიუხედავად ამისა, სხვა გამოფენების „კულისებში“ ყოველ წელს ჭორაობენ CES-ის სიკვდილის შესახებ და ასე გრძელდება ბოლო რამდენიმე წელია. უდაოა, რომ დარგში კრიზისია და ოდესღაც უმნიშვნელოვანესი პროდუქტების პრეზენტაციას ამჯერად იმხელა მნშვნელობა აღარ აქვთ, როგორც ადრე. მრავალმა კომპანიამ შეამცირა წარმოდგენილი პროდუქტების რაოდენობა, ხოლო ზოგიერთმა საერთოდ უარი განაცხადა მონაწილეობის მიღებაზე.

მიუხედავად ამისა, CES-ის 46 წლიანი ისტორიის განამვლობაში გამოფენაზე დამსწრეთა რაოდენობა მუდმივად მატულობდა და წელს ანალიტიკოსები მორიგ რეკორდს ვარაუდობენ. შოუ დღეს დაიწყო და უპრიანია, რომ გადავხედოთ ამ გამოფენის ისტორიას, ფოტოებში აღბეჭდილს.

1967

CES-ის პირველი გამოფენა ჩატარდა 1967 წლის ივნისში, ნიუ-იორკში. საერთო ჯამში მონაწილეთა რაოდენობა 14-ს შეადგენდა, მათ შორის LG, Motorola, და Philips. მაშინ CES წარმოადგენდა Chicago Music Show-ს ერთგვარ დანამატს.

გაგიკვირდებათ, მაგრამ 1967 წელსაც კი გამოფენაზე შეიძლებოდა გვენახა ფოტომოდელები, რომლებსაც „CES Guides“ ერქვათ. პირველი CES აღინიშნა იპაონური პროდუქციის დიდი მოზღვავებით.

1969

CES-69, რომელიც კვლავ ნიუ-იორკის სასტუმროებში ჩატარდა, ისევე როგორც წინა გამოფენა, პირველ რიგში დასამახსოვრებელი იყო Panasonic-ის კომპაქტური ტელევიზორის წარმოდგენით, რომელიც კილოგრამზე ნაკლებს იწონიდა, აგრეთვე FM-ყურსაცვამებით, რომლებშიც ადამიანი, New York Times-ის განცხადებით, უცხოპლანატელს ჰგავდა.

1969 წლის გამოფენაზე ძირითადში წარმოდგენილი იყო პროდუქტები, რომლებიც რადიოსა და ტელევიზიასთან იყო დაკავშირებული. ამის გარდა, აშშ-ს ფედერალური სავაჭრო კომისიის თავმჯდომარემ შეშფოთება გამოთქვა იმასთან დაკავშირებით, რომ დარგი სათანადო ძალისხმევას არ იყენებს მომხმარებლების მიმართ „არაპატიოსანი“ ხერხების წინააღმდეგ საბრძოლველად.

1971

1971 წელს CES ჩიკაგოში გადავიდა, სადაც ეს გამოფენა 1977 წლამდე დაიდებს ბინას. მთავარი სიახლე გახდა ვიდეომაგნიტოფონი Sony U-Matic, რომელიც გაყიდვაში იმავე წელს გამოდის.

1971 წლის სიახლეთა შორის მთავარი გახლდათ აუდიმოწყობილობები: რვაბილიკიანი კასეტები, ასევე ცარიელი, ჩაწერადი ფირი. კიდევ ერთი ჰიტი გახდა ყურსაცვამები, რომლებიც არა მარტო ზომებში შემცირდა, არამედ ასევე გაიაფდა კიდევაც. მიუხედავად ამისა, მათი ფასი კვლავაც მაღალი იყო: ჩვეულებრივი ყურსაცვამი 50 დოლარი ღირდა, რაც დღევანდელი კურსით 150 დოლარს შეადგენს. სხვათაშორის, 1971 წელს გამოფენაში უკვე 275 კომპანია იღებდა მონაწილეობას.

1972

1972 წელს დამსწრეთა რაოდენობამ 40 000 შეადგინა, რაც ორჯერ მეტი იყო პირველ წელთან შედარებით. რაც შეეხება მონაწილეებს, მათმა რაოდენობამ 300 მიაღწია. ყველაზე პოპულარული სიახლე გახდა ავტომაგნიტოლები. 1973 წლიდან CES წელიწადში უკვე ორჯერ ტარდებოდა.

1974

1974 წელს ლაზერული დისკების დამკვრელების დებიუტი იყო აშშ-ში, თუმცა გაყიდვები მხოლოდ ოთხი წლის შემდეგ დაიწყო. ამ წლის გამოფენა ასევე აღინიშნა იმით, რომ CES-მა პარტნიორობა გააფორმა აუდიჩანაწერთა რეალიზატორთა ეროვნულ ასოციაციასთან (NARM).

1975

1975 წელს CES-ის მთავარი თემა კვლავ მუსიკა გახლდათ, თუმცა არ შეიძლება არ აღინიშნოს სათამაშო სიახლეებიც — საშინაო სათამაშო კონსოლი Pong, რომელიც Atari-მ წარმოადგინა.

1977

1977 წელს CES-ზე დასწრებამ მორიგი ფსიქოლოგიური ნიშული გადალახა — 50 000 ადამიანი. ხოლო მონაწილეთა რაოდენობამ 500-ს გადააჭარბა. მთავარი ჰიტი გახდა იაფი ელექტრონული საათები: მათი ფასი 20 დოლარიდან იწყებოდა.

1978

1978 წელს CES პირველად ჩატარდა ლას-ვეგასში (ნევადას შტატი) და ამ წლიდან გამოფენა მხოლოდ ამ ქალაქში ტარდება. 1978 წლიდან 1995 წლამდე ზაფხულის გამოფენა ჩიკაგოში ტარდება, ხოლო უფრო მსხვილი ზამთრის — ვეგასში.

78 წლის ჩიკაგოს ზაფხულის გამოფენაზე კვლავ მუსიკალური ტექნოლოგიების მოზღავება იყო.

1979

1979 წლის ზამთრის CES-ზე კომპანიამ Atarri წარმოადგინა ორი რვაბიტიანი კომპიუტერი — Atari 400 და Atari 800.

1980

1980 წელს CES-ზე პირველად გაიხსნა სტენდი „რეკლამა“, რომლის მიზანი გახლდათ დარგის ინოვაციური სარეკლამო ხერხების გამონახვა რადიოსა და ტელევიზიაში.

1982

1981 წელს CES-ზე კომპაქტ-დისკისა და პერსონალური ვიდეო-კამერის პრემიერა შედგა, ხოლო 1982 წლის შოუზე გამოჩნდა კომპიუტერი Commodore 64 და სათამაშო კონსოლი Western Technogoies Vectrex.

1984

1984 წელს CES-ზე დასწრებამ ყველა რეკორდი მოხსნა: როგორც ზაფხულის, ასევე ზამთრის გამოფენაზე, თითოეულზე 100 000 დამსწრე. ჟურნალის InfoWorld რეპორტიორმა სკოტ მეისმა აღნიშნა, რომ გამოფენისადმი ინტერსმა ცოტთი იკლო. მან პირველმა იგრძნო უძრაობის ხანის დადგომა ამ გამოფენაზე. მეისმა აღნიშნა, რომ ამ წელს წარმოდგენილი იყო მხოლოდ „საშუალო“ დონის ტექნოლოგიები და თამაშები. მიუხედავად ყველაფრისა, 1984 წელს გამოფენაზე წარმოდგენილი იყო სახლის კომპიუტერი Amiga.

1985

1985 წლის CES ისტორიაში შევიდა როგორც ღონისძიება, სადაც წარმოდგენილი იქნა ეპოქალური სათამაშო კონსოლი Nintendo Entertainment System, თუმცა იმ დროს ამ მოწყობილობას Nintendo Advanced Video System ერქვა.

1988

1988 წლის ზამთარში CES-ზე წარმოდგენილი იქნა Tetris, რომელიც გამოსცა ჰენკ როჯერსმა. სწორედ ამ დროიდან დასახლდა Tetris Nintendo Game Boy-ს თითოეულ ეგზემპლარში.

1990

1990 წლისათვის, როგორც წერს ჟურნალი Popular Mechanics, ზამთრის CES-მა ლას-ვეგასში საბოლოოდ გადაასწრო ჩიკაგოს ზაფხულის შოუს. 1990 წლის გამოფენა 1600-ზე მეტმა ჟურნალისტმა მოინახულა. ამიერიდან CES-ის ძირითადი დამსწრეები პრესის წარმომადგენელბი არიან და არა უბრალო მოქალაქეები.

1993

1992 წელი მნიშვნელოვანი გახდა იმით, რომ CES-ში პირველად მონაწილეობა მიიღო Apple-მა. ოფიციალური პრეზენტაციის ფარგლებში კომპანიის მეთაურმა ჯონ სკალიმ წარმოადგინა ჯიბის კომპიუტერი Newton. 1993 წელს კომპანია Sony-მ MiniDisc-ის პრემიერა გამართა — ეს გახლდათ კომპაქტური დამკვრელი დისკით, რომელზეც მუსიკის 74 წუთი ეტეოდა (იმ დროს ეს ფანტასტიური შედეგი გახლდათ). MiniDisc წარმოებიდან ოფიციალურად 2011 წელს მოხსნა.

1995

1994 წელს CES-ის ოთხი გამოფენა ჩატარდა: ერთი ლას-ვეგასში, ორი ჩიკაგოში და ერთი მეხიკოში. ხოლო 1995 წელს გამოფენა ფილადელფიაში ჩატარდა.

1997

1997 წელს CES ლას-ვეგასში 100 000 კვადრატულ მეტრზე ჩატარდა, ხოლო შემდგომში ფართობი გაორმაგდა. ასევე შედარებით მომცრო ზომის გამოფენები ჩატარდა ატლანტაში და დალასში, ხოლო 1999 წელიდან დღემდე CES ტარდება მხოლოდ ერთხელ წელიწადში და ისიც ლას-ვეგასში.

2003

მას შემდეგ, რაც 1999 წელს CES-ის პოპლარობამ მატება იწყო, გამოფენაში მონაწილეობის მიღება დაიწყეს აგრეთვე მოწვეულმა ვარსკვლავებმა. 2003 წლის გამოფენა დაიწყო ხანგძლივი შოუთი, რომელშიც მთავარი ვარსკვლავი გახდა კორპორაცია Microsoft, ხოლო წამყვანის როლში ბილ გეითსი გახლდათ. 2003 წელს აგრეთვე წარმოდგენილი გახლდათ Blu-ray დისკი.

2005

2005 წელს CES გახდა ყველაზე მსხვილი ტექნოლოგიური გამოფენა მსოფლიოში 150 000 დამსწრეთი. ბლოგების განვითარებასთან ერთად, შოუდან ტრანსლაციების ჩატარება დაიწყო ბევრმა ადამიანმა.

2012

Microsoft-მა განაგრძო პრეზენტაციების ჩატარება 2012 წელსაც, ოღონდ ამჯერად ბილ გეითსის მონაწილეობის გარეშე. შარშანდელმა შოუმ, რომელმაც ყველა რეკორდი მოხსნა დამსწრეთა რაოდენობით, დაკავებული ფართობით, სიგნალი მისცა ყველას სამომხმარებლო ტექნიკის ბაზრის ცვლილებების შესახებ. ამასთან ერთად ცხადი გახდა, რომ ისეთი მსხვილი გამოფენა, როგორიც არის CES, მეტამორფოზებს განიცდის.

2013

და ბოლოს, მოდი გადავიხედოთ მომავალში. წელს CES გაიხსნება Qualcomm-ის ხელმძღვანელის, პოლ ჯეიკობსის გამოსვლით. თუ რას გვიჩვენებს წლევანდელი გამოფენა, ცოტა ხანში გავიგებთ. მაგრამ დარწმუნებული ბრძანდებოდეთ: ყველა სიახლის შესახებ, რომლებიც წლევანდელ გამოფენაზე იქნება წარმოდგენილი, ჩვენ ოპერატიულად მოგაწვდით ინფორმაციას ჩვენი ბლოგის საშუალებით.

დარჩით ჩვენთან!

წყარო: TheVerge.com

მრავალი წლის შემოქმდებითი მოღვაწეობის განმავლობაში ძმებმა სტრუგატსკებმა შექმნეს რამდენიმე ათეული ნაწარმოები, რომელთაგან ფანტასტიკის მოყვარულთათვის განსაკუთრებით გამორჩეულია შემდეგი: „Стажёры“, „Понедельник начинается в субботу“, „Трудно быть богом“, „Обитаемый остров“, „Отель «У Погибшего Альпиниста»“, „Пикник на обочине“, „Сказка о Тройке“, „Улитка на склоне“, „Жук в муравейники“. მრავალი ნაწარმოების მიხედვით ფილმებიც არის გადაღებული. სიცოცხლის ბოლო წლებში ბორის სტრუგატსკი რედაქტორობდა ჟურნალს „Полдень. XXI век“.

ჩემთვის, როგორც სამეცნიერო და ფილოსოფიური ფანტასტიკის მოყვარულისათვის ნამდვილად დიდი დანაკლისია ამ დიდებული ადამიანის წასვლა ამ ქვეყნიდან…

• ქუდის ნახატი არ არის გააქტიურებული ნაგულისხმევად. თემას აღარ აქვს რაიმე სტანდარტული ნახატი — მხოლოს საკუთარი ნახატი შეგიძლიათ გამოიყენოთ;
• თუ ვიჯეტები არ არის დამატებული, გვერდითა ზოლი არ ჩანს;
• ახალ თემაში არ არის ნახატები;
• შაბლონი Showcase, რომელიც იყო  Twenty Eleven-ში, აღარ არის, მის მაგივრად გვაქვს სტატიკური გვერდის შაბლონი ვიჯეტების ორი არეთი;
• თემის პარამეტრების მაგივრად არის Theme Customizer.

Twenty Twelve დამატებული იქნება WordPress-ის 3.5 ვერსიაში. ის გახდება ნაგულისხმევი თემა და აგრეთვე მაგალითი იმისა, თუ როგორ უნდა გაკეთდეს ხარისხიანი თემა. თუ გავითვალიწინებთ პასუხისმგებლობას, კანონზომიერი ხდება ფაქტი, რომ ეს თემა სრულიად შეესაბამება WordPress-ის სტანდარტებს, მარტივი გამოსაყენებელია და თემების დიზაინრებისათვის სასურველ ორიენტირებს აჩვენებს. აი Twenty Twelve-ის ძირითადი მახასიათებლები: 1. მთავარი გვერდის შაბლონი თუ სტატიკური ვებ-გვერდის გაკეთება გსურთ, შეგიძლიათ გამოიყენოთ სპეციალური შაბლონი, რომელიც Twenty Twelve-ს მოჰყვება. ეს შაბლონი საშუალებას მოგცემთ შექმნათ საწყისი გვერდი სტატიკური ინფორმაციით.

2. მინიმალისტური დიზაინი Twenty Twelve არ იყენებს სურათებს, უფრო მეტიც, თემაში არ არის არცერთი სურათი. სტილების რაოდენობა მინიმუმადეა დაყვანილი, რაც კარგია, თუ თემას იყენებთ, როგორც მშობელ თემას საკუთარი ორიგინალური თემისათვის. ეს კიდევ იმას ნიშნავს, რომ თქვენ ნაკლებად დაგჭირდებათ CSS-სტილების უკუგება. ნაგულისხმევად ქუდი არ არის ჩართული. ეს ფუნქცია მათთვის არის, ვისაც სურს მისი გამოყენება. მიუხედავად ამისა, წინა თემისაგან განსხვავებით, ქუდი არ ჩანს და თქვენ მისი ჩართვა დაგჭირდებათ. თუ ჩართავთ, ქუდი მენიუს ქვემოდან გამოჩნდება.

3. დამთმობი მიდგომა მობილურ მოწყობილობებთან WordPress-ში ეს პირველი ნაგულსხმევი თემაა, რომელსაც აქცენტი მობილურ მოწყობილოებზე აქვს აღებული და ეს თემა ყველა ტიპის ეკრანზე კარგად გამოისახება, მათ შორის Retina-ეკრანებზე.

4. დაკაბადონება კიდევ ერთი ფრიად მნიშვენლოვანი უპირატესობა — დაკაბადონება. სწორად გათვლილი ინტერვალები ელემენტებს შორის ზრდიან შიგთავსის წაკითხვის სიმარტივეს. Twenty Twelve ასევე პირველი სტანდარტული თემაა, რომელიც იყენებს ვებ-შრიფტებს Google-ის Web Fonts Directory-დან. თემა ასევე იყენებს გარნიტურას Open Sans. თემაში არის ასევე ფუქნცია, განსაზღვროს გამოყენებული ენა და გადართოს შესაბამის შრიფტზე.

5. სტატიების ფორმატები ნაგულისხმევად, სტანდარტული ფორმატის გარდა, ჩართულია სტატიის 5 დამატებითი ფორმატი (Aside, Image, Link, Quote и Status — ამ საკითხს ჩვენ შემდგომ სტატიებში დაწვრილებით შევეხებით). სტატიის თითოეული ფორმატი თავის სტილს მოიცავს. დასკვნა გუნდმა, რომელიც ამ თემაზე მუშაობდა, შესანიშნავი სამუშაო შეასრულა. თემა არაჩვეულებრივად მსუბუქი, ლამაზი და გამართული გამოვიდა. მე ნამდვილად მომეწონა და ვაპირებ ჩემს ბლოგზე დავაყენო უახლოეს დღეებში.

წყარო: Twenty Twelve

დღეს ერთი საინტერესო ამბავი მინდა მოგიყვეთ, რაც ათიოდე დღის წინ მოხდა (27 ნოემბერს) და რაც ჩემი ბლოგის თემატიკასთან ძალიან ახლოა. საქმე ეხება საქართველოში პირველად WordPress Meetup-ის ჩატარებას.

მოდი, ორიოდე სიტყვით შევეხოთ, თუ რაზეა საერთოდ საუბარი. როგორც ჩემი ბლოგის მკითხველი ხვდება, ეს ბლოგი მუშაობს WordPress-ის ძრავზე. სისტემაზე, რომელიც დღეისათვის ერთ-ერთი ყველაზე პოპულარულია ბლოგინგისათვის. მეტსაც გეტყვით, არა მარტო ბლოგინგისათვის, არამედ პრაქტიკულად ნებისმიერი საიტისათვისაც. მაგრამ ამაზე მოდი სხვა სტატიებში ვისაუბროთ.

ახლა რაც შეეხება თვითონ იმ ორგანიზაციას, რომელიც ქმნის ამ ძრავს. WordPress-მა 2012 წელი გამოაცხადა ე.წ. Meetup-ების წლად. ანუ შემოგვთავაზა ნებისმიერ მსურველს, რომ შევკრებილიყავით ჩვენ ჩვენს ქვეყნებში, ქალაქებში და გაგვეზიარებინა ერთმანეთისათვის გამოცდილება ამ ძრავის ცოდნის საკითხში. დეტალური ინფორმაციის ნახვა შეგიძლიათ აქ: WordPress Meetup ვერ ვიტყვი, რომ ძალიან მაგარი ვარ WordPress-ის დეველოპინგის საკითხებში, ჩემი ძირითადი სპეციალობა მაინც გაქართულებაა, მაგრამ საინიციატივო ჯგუფში შეიკრიბა ისეთი ხალხი, ვინც ამ საკითხში მართლა ძალიან მაგრები არიან.

• გიორგი მამადაშვილი — WordPress-ის ბირთვის ოფიციალური მხარდამჭერი, თემების დეველოპერი.
• ლაშა სიმონიშვილი — არტ-დირექტორი Leavingstone-ში, WEB/UI დიზაინერი. ერთ-ერთი ის იშვიათი ადამიანი საქართველოში, ვისი შემქნილი დიზაინიც ძალიან მომწონს.

ამ საკითხის დამუშავება სადღაც გაზაფხულიდან დავიწყეთ. მაგრამ ხან რამ შეგვიშალა ხელი და ხან — რამ. მერე მოვიდა ზაფხული, შვებულებების დრო და გადავწყვიტეთ, რომ შესაძლო დამსწრეთა დიდი ნაწილი დასასვენებლად იქნებოდა წასული. მერე მოვიდა შემოდგომა და არჩევნები. კვლავ გადავწყვიტეთ, რომ არ იყო იდეალური დრო რაიმე ღონისძიების ჩასატარებლად. როგორც იქნა არჩევნები გადავაგორეთ და გადავწყვიტეთ ეს საკითხიც დაგვეძრა.

ღონისძიების ჩატარების ადგილი უნდა მოგვეძებნა. ამ საკითხით მივმართეთ
განათლების მულტიმედია ცენტრს, რომლის ხელმძღვანელმა, თამარ კაკულიამ უდიდესი დახმარება გვავიწია ამ საკითხში. დაგვითმო მულტიმედია ცენტრის ტერიტორია, დაგვეხმარა აპარატურით, მოკლედ, მის გარეშე ეს პირველი შევხედრა ვერაფერით ვერ მოხდებოდა. ჩემდა სამარცხვინოდ, დაგვიანებით მინდა დიდი მადლობა გადავუხადო თამუნას დახმარებისათვის. მაგრამ საერთოდ ვერაფერი გამოვიდოდა, რომ არა ორი ადამიანის, გიგა პაიჭაძის და
მირიან ჯუღელის ფასდაუდებელი დახმარება. სწორედ მათი მხრიდან წამოვიდა წინადადება, რომ პირველი და შესაძლოა მომდევნო ღონისძიებები მულტიმედია ცენტრში ჩატარებულიყო. მირიანის დამსახურებაა ღონისძიების დღეს ტექნიკურ ნაწილზე ზრუნვა და ყველაფრის გამართვა. დიდი მადლობა მეგობრებო!

მოკლედ, დიდი ჯახირისა და მომზადების შემდეგ, 27 ნოემბერს შევიკრიბეთ მულტიმედია ცენტრში, მანამდე დაახლოებით ერთი კვირით ადრე ფეისბუკზე გავაკეთეთ ე.წ. ივენთი. არ ველოდი, რომ ბევრი გამოხმაურება იქნებოდა, მაგრამ შედეგმა ყოველგვარ მოლოდინს გადააჭარბა. პირველი ღონისძიების კვალობაზე საკმაოდ ბევრი ადამიანი მოვიდა, ბევრმა ვერც მოასწრო, ვინაიდან არ იცოდა, ან გვიან გაიგო. ეს ჩვენი ბრალია და შემდეგი ღონისძიებისათვის გამოვასწორებთ. პირველ შეხვედრაზე განხილული იყო შემდეგი საკითხები:

• რა არის WordPress – გიორგი მამადაშვილი;
• რა სიახლეებია WordPress-ის ბოლო, 3.5 Beta 1-ში;
• როგორ გავაქართულოთ WordPress;
• ჩანართები (რა არის ჩანართი, როგორ დავაყენოთ და ა.შ);
• რა არის თემა, როგორ მოვიძიოთ ხარისხიანი თემები, Child Themes.

დაინტერესება დიდი იყო თითქმის ყველა თემის მიმართ. მაგრამ ზოგადად ამ ღონისძიებამ დიდი რეზონანსი გამოიწვია დამსწრეებში. გვთხოვეს, რომ არ შეგვეწყვიტა შეხვედრების ციკლი, რასაც რათქმაუნდა არ ვიზამთ და ნოემბრის ბოლოსკენ (ზუსტი თარიღი ოდნავ მოგვაიანებით იქნება ცნობილი) მეორე შეხვედრაც ჩატარდება! ძვირფასო მეგობრებო, თუ დაინტერესდით ამ ღონისძიებით, თუ სურვილი გაქვთ დაესწროთ, მაშინ გთხოვთ მოგვწეროთ, თუ რა თემები იქნება თქვენთვის საინტერესო, ჩვენ შევეცდებით არცერთი თემა არ დავტოვოთ უყურადღებოდ! და ბოლოს, გთავაზობთ რამდენიმე ფოტოს ღონისძიებიდან:

ყველა ტრეკერს ვულოცავ! მალე 50 წლის იუბილეს მივაღწევთ!

Live long and prosper!

სამწუხარო ინფორმაცია გავიგე გუშინ — 87 წლის ასაკში გარდაიცვალა ჰარი ჰარისონი. სამწუხაროა.

დიდებული ადამიანები მიდიან ამ ქვეყნიდან, მათ ადგილზე კი არავინ არ მოდის, თუნდაც მიახლოებით რომ იყოს მათი დონის, ან მსგავსი.

R.I.P.

უახლოესი ნათესავის მოულოდნელი გარდაცვალების გამო, გასულ კვირას არ მეცალა ბლოგისათვის.

ხვალიდან კვლავინდებულად განვაგრძობ ახალი სტატიების გამოქვეყნებას.

საქმე ეხება დასკანირებული გვერდებიდან ქართული ტექსტის ამოცნობის პრობლემას, რომელიც მრავალი წლის განმავლობაში გადაუჭრელი იყო. არსებობს მსოფლიოში წამყვანი კომპანია ამ დარგში, OCR რომ ქვია — ABBYY. ეს კომპანია რუსეთში დაფუძნდა ძალიან დიდი ხნის წინ და რეალურად მისი პროდუქტი ABBYY FineReader ერთ-ერთი საუკეთესოა. ამ პროგრამით არაერთხელ მისარგებლია, როდესაც ინგლისური, ან რუსული ტექსტების ნახატიდან ტექსტად ქცევა დამჭირდა. ამოცნობის დონე მართლაც ძალიან კარგი აქვს, მაგრამ… არა აქვს ქართული ენის მხარდაჭერა. ჯერ კიდევ 2004 წელს მივწერე მათ თხოვნით, რომ ქართული ენა დაემატებინათ, მაგრამ უარით გამომისტუმრეს — 60 000 დოლარი გადაიხადეთ და დავამატებთო.

რა გაეწყობოდა, დავანებე თავი და დავიწყე უფასო, ალტერნატიული ვარიანტების ძებნა. ერთი პერიოდი ამავე FineReader-ის ბაზაზე ქართველებმა შემნეს დანამატი, რომელიც ასე თუ ისე ახრეხებდა რაღაცის ამოცნობას (ტექნოლოგია შემდეგი იყო: ლათინურ ასოებზე პროგრამას ეუბნებოდნენ, რომ ის ქართულია, მაგ. a — ა, b — ბ და ა.შ.), მაგრამ მაინც არ იყო ის, რაც გვჭირდებოდა.

და აი ცოტა ხნის წინ სრულიად შემთხვევით ვნახე, რომ ერთ-ერთმა ქართულმა კომპანიამ გამოუშვა OCR-პროგრამა, სახელად SunnyPage, რომელიც სპეციალურად ქართული ენის ამოცნობაზეა დაგეშილი, თუმცა არც ლათინური და კირილიცა ტექსტების ამოცნობაზე ამბობს უარს.

კომპანიას, რომელიც ამ საქმით არის დაკავებული, DayLight ქვია. მათ შესახებ ბევრ ვერაფერს მოგახსენებთ. უბრალოდ მივწერე და შევთავაზე მათი პროგრამის დეტალური მიმოხილვით თუ იყვენენ დაინტერესებულნი, რაც თანხმობა მივიღე და აი ამ სტატიასაც ვწერ. მოდი განვიხილოთ პროგრამა უფრო დეტალურად.

პროგრამის მთავარი ფანჯარა ძალიან წააგავს Microsoft Office-ის რომელიმე პროგრამას, რაც ჩემი აზრით ძალიან კარგია — მომხმარებელს არ გაუჭირდება ახალი პროგრამის ათვისება და ნაცნობ გარემოში იგრძნობს თავს.

პროგრამის გაშვების შემდეგ ეკრანზე გამოდის დამხმარე ასისტენტი, რომელიც გვთავაზობს შემდეგ ქმედებებს: ფაილის შეყვანა (იგულისხმება უკვე დასკანერებული ფაილი), დასკანირების რეჯიმი, როდესაც სკანირების შედეგები უშუალოდ ხვდება, დემო მაგალითის გამოყენება, პროგრამის პარამეტრების მოწყობა. ბოლო პუნქტი, პროგრამის შესახებ გვაწვდის ინფორმაციას პროგრამის შესახებ.

მე დემო მგალითის გამოყენება ვცადე თავიდან. დემოსათვის ავტორებს საკმაოდ ძველი ანაბეჭდი აუღიათ, რაც ფრიად კარგია (რაც უფრო ძველი და დაცხავებული წიგნების დასკანირება შეგვეძლება მაღალი ხარისხით, მით უკეთესია).

სკანირებას დიდი დრო არ დასჭირვებია, საკამოდ სწრაფად ჩაიტვირთა შედეგი. აქვე უნდა გაგაფრთხილოთ, რომ მე Windows-ით არ ვსარგებლობ, მაკი მაქვს. ამ ექსპერიმენტისათვის ვირტუალში დავაყენე და ამიტომ ტექსტის ამოცნობის რეალურ დროზე ვერაფერს მოგახსენებთ. სუბიექტური შეგრძნებით საკამოდ სწრაფი იყო, რეალურ სისტემაში (და არა ვირტუალურში) უფრო სწრაფი იქნება ჩემი აზრით.

როგორც ხედავთ სურათზე, მარცხნივ მოთავსებულია ტექსტი ნახატად დასკანრებული, ხოლო მარჯვნივ — უკვე ამოცნობილი ტექსტი, ქართულად და UNICODE-ში (ეს ფრიად მნიშვნელოვანია).

პროგრამას გააჩნია ასევე ამოცნობის სისტემა და ახლავე გეტყვით, თუ რა არის ეს. მაგალითად თქვენ გაქვთ რაიმე წიგნი, ქართული, რომელიც ჯერ ერთი ძველია, ცუდად შენახული და მეორეც, რაიმე მოძველებული შრიფტია გამოყენებული ბეჭდვისას. თქვენ შეგიძლიათ დაასკანეროთ რამდენიმე გვერდი და პროგრამას უბრძანოთ „შეისწავლოს“ ეს შრიფტი და ასევე ხარისხი. პროგრამა იწყებს ასო-ნიშნების ამოცნობას, თუ სწორად ამოიცნო, გადადიხართ შემდეგზე, თუ არა — უთითებთ სწორ ასო-ნიშანს. შედეგად უძველესი და უიშვიათესი წიგნების დასკანირებაც აღარ გახდება პრობლემა.

როდესაც დაასრულებთ ტექსტის ამოცნობის პროცესს, გაქვთ შესაძებლობა, რომ ის შეინახოთ .doc ფორმატში (გონივრული გადაწყვეტილებაა ამ ფორმატის არჩევა — ნებისმიერ პლთფორმაზე იხსნება უპრობლემოდ).

პროგრამის ფასიც გასაოცარია — 45 ლარი. დამერწმუნეთ, ABBY FineReader-ის ფასთან (120 აშშ დოლარი), სულ არ არის ძვირი.

ჩემი მოკრძალებული დასკვნა ამ პროგრამასთან დაკავშირებით: ძალიან, ძალიან კარგი და საჭირო აპლიკაცია ყველა მათგანისათვის, ვისაც სჭირდება ქართული წიგნების დასკანირება და ტექსტად გადაყვანა!

წყარო: sunnypage.ge

თემების ინტერაქტიული დათვალიერება

მორგებული სათაურები

Twitter-იდან ჩასმა

გაუმჯობესებული სურათის სათაურები

განახლებები ძრავში

მას არ ადარებენ პრუსტს, კაფკას, ან კამიუს. მისი სიუჟეტები მარტივია და კლასიკური, მხატვრული სამყარო მსუბუქი და სქემატური, მაგრამ გმირთა ქცევებსა და სურვილებში სიზიფეს შრომა და სიცოცხლეა ჩადებული.

ის იყო იმ დიად ფანტასტთა შორის, რომლებმაც შეძლეს თავის წიგნებში აღეწერად მრავალი წლით ადრე არა მარტო პლაზმური ეკრანები, MP3-დამკვრელები და სოციალური ქსელები, არამედ კაცობრიობის საშინელი ტრანსფორმაცია უსახური საქონლის მასად. თუმცა ჩვენ ჯერ კიდევ გზის ნახევარში ვართ: ჩვენ აგვიკრძალეს ემოციების გამოხატვა, ხოლო ბრედბერისთან უკვე მიღებული იყო კანონები, რომლებიც ამ ემოციების შეგრძნებასაც კრძალავდნენ…

სამწუხაროდ ფანტასტებს ჩვენი მხოლოდ გაფრთხილება შეუძლიათ მომავალი უბედურების შესახებ, მაგრამ არ შეუძლიათ ამ უბედურების აღმოფხვრა. მათი საქმეა — გვითხრან, ჩვენი საქმე — გავიგონოთ, გავიგოთ და დასკვნები გამოვიტანოთ.

IBM 726-ის ანონსი მოხდა IBM 701-ის — მასიურად წარმოებული კომპიუტერის გამოსვლიდან რამდენიმე კვირაში.

ეს კომპიუტერი ძირითადად მოიაზრებოდა როგორც „თავდაცვითი კალკულატორი“. IBM 726-ის ფირზე შვიდი ბილიკი იყო, აქედან ექვსზე მონაცემები ინახებოდა, ხოლო მეშვიდეზე — საკონტროლო მაჩვენებლები. ერთ ბობინაზე 400 მეტრი ფირი იყო, 1.25 სმ სიგანის. მონაცემთა გადაცემის თეორიული სიჩქარე — 12.5 ათასი სიმბოლო წამში; ჩაწერის სიმჭიდროვე — 40 ბიტი სანტიმეტრზე.

ლენტური დამგროვებლების ფართო გავრცელება დაკავშირებული იყო მსხვილგაბარიტულ ეგმ-ებთან (ელექტრონული-გამომთვლელი მანქანა, ასე ერქვა ადრე კომპიუტერს), კერძოდ IBM-ის მაინფრეიმებთან. 1964 წელს წარმოდგენილი IBM System/360-იდან დაწყებული, კომპანია IBM-ში მიღებული იყო 9-ბილიკიანი ფირის სტანდარტი ხაზური ჩაწერის პრინციპით. მოგვიანებით ეს სტანდარტი სხვა მწარმოებლების სისტემებშიც ფართოდ გამოიყენებოდა 1980-იან წლებამდე.

თანამედროვე ლენტური დამგროვებლები, როგორც წესი კომპიუტერს მაღალი წარმადობის SAS ინტერფეისით უკავშირდება და უზრუნველყოფს ინფორმაციის გადაცემას 3 ან 6 გბიტი/წმ სიჩქარით. შემუშავებულია ტექნოლოგია, რომელიც საშუალებას იძლევა ლენტურ კარტრიჯზე ჩავწეროთ 35 ტბაიტი მონაცემები.

იშვიათად მიწევს ეს ბოლო დროა ამ ბლოგში წერა, თანაც ბლოგი შეიძლება ითქვას, რომ დასრულებული არაა. დიზაინი დასარულებელია (ამ მიმართულებით ერთი კარგი იდეა მომივიდა თავში და ცოტა ხანში გაგაცნობთ), ბლოგის თემატიკაც მეტ-ნაკლებად მოსაფიქრებელი.

ახალ სამსახურში გადავედი. GO! Electronics-ში, თანაც ჩემთვის ძალიან საინტერესო და ვიტყოდი სანატრელ პოზიციაზე — Apple Brand Manager.

ასე ვთქვათ, ეფლის საკითხებში ახლა მე ზუსტად იქ  ვარ, სადაც უნდა ვიყო. რათქმაუნდა ვაცნობიერებდი, რომ საქმე ბევრი იქნებოდა, მაგრამ ალბათ ოდნავ მზად არ აღმოვჩნდი თავიდან. ამიტომ ბევრი რამ მომეყარა ერთბაშად და ამოსუნთქვის საშუალება არ მქონდა მთელი ეს პერიოდი. ახლა ცოტათი ამოვისუნქთე — გავანაწილე დროში საქმეები და ცოტათი დავლაგი. შესაბამისად ამ პოსტის დაწერის 10 წუთიც გამიჩნდა.

ხშირად შემოიარეთ ხოლმე ჩემს ბლოგში, ამიერიდან უფრო ხშირად დავწერ და უფრო დეტალურადაც მოგიყვებით ჩემი ყოველდღიური საქმეების შესახებ.

უსაფრთხოების მოსამატებლად განახლდა სამი გარე ბიბლიოთეკა, რომლებიც შედის WordPress-ის დისტრიბუტივში:

• Plupload (ვერსია 1.5.4), რომელიც WordPress-ში გამოიყენება ფაილების ასატვირთად;
• SWFUpload, რომელიც ადრე გამოიყენებოდა WordPress-ში ფაილების ასატვირთად და დღემდე ზოგიერთი ჩადგმა იყენებს;
• SWFObject, რომელიც ადრე გამოიყენებოდა WordPress-ში Flash-შიგთავსის ჩასასმელად და დღემდე ზოგიერთი ჩადგმა იყენებს.

მადლობას ვუხდით ნილ პულს და ნათან პარტლანდს Plupload-სა და SWFUpload-ში შეცდომების დროული გამოვლენისათვის, ასევე შიმონ გრუშეცკის SWFUpload- ში შეცდომის მოძიებისათვის.

WordPress 3.3.2 ასევე შეიცავს:

• პრივილეგიის შეზღუდული გაზრდის გასწორება, რომელიც ადმინისტრატორს საშუალებას აძლევს გამორთოს ჩადგმები, რომლებიც გააქტიურებულია მთლიანი ქსელისათვის;
• XSS- შეცდომის გასწორება URL-მისამართების ბმულებად გადაქცევისას;
• XSS-შეცდომის გასწორება კომენტარის გაგზავნის შემდეგ გადამისამართებისას, აგრეთვე URL-მისამართების გაფილტვრისას.

მაგრამ ყველაფერი დაიწყო 1993 წლის 30 აპრილს, როდესაც ბირთვული კვლევების ევროპულმა ორგანიზაციამ  ისტორიული გადაწყვეტილება მიიღო გადაეცა WWW საზოგადო საკუთრებაში (ესეც დოკუმენტი: გვ.1, გვ.2)

CERN-ის თანამშრომელმა ტიმ ბერნერს-ლიმ დაწერა მსოფლიოში პირველი ვებ-სერვერი, საიტი და ბრაუზერი, CERN-ში შეიქმნა ტექნოლოგიები URI, HTTP და HTML. პირველ ხანებში CERN ყიდდა ბრაუზერს 50 ეკიუდ (იყო ასეთი ვალუტა ევროპაში ევროს შემოსვლამდე) NeXT-ზე და Apple-ზე, ხოლო საწყისი კოდი 50 000 ეკიუ ღირდა (პრაის-ლისტი), თუმცა 1993 წლის 30 აპრილიდან მსოფლიო ქსელი ყველასათვის უფასო გახდა.

მაშინდელი აპლიკაციების საწყისი კოდი შეგიძლიათ მოიძიოთ აქ.

სულ ცოტა ხანში გამოდის WordPress-ის ბეტა ვერსია, 3.4, ხოლო აპრილის მეორე ნახევრიდან მოსალოდნელია ოფიციალური რელიზის მიღება. მასში ბევრი საინტერესო სიახლეა დამატებული. მოდი ვნახოთ, რა გველოდება ახალ WordPress-ში.

თემის მომრგები (Theme Customizer)

ერთ-ერთი ყველაზე საინტერესო სიახლე WP-ში არის თემის მომრგები. ის საშუალებას გვაძლევს ახლებულად მივუდგეთ შაბლონების დიზაინს, განასაკუთრებით ნაგულისხმევი შაბლონების შემთხვევაში. მორგების რეჟიმი საკმაოდ ადვილია და საშუალებას გვაძლევს დავამატოთ გამოსახულება საიტის ქუდში, შევცვალოთ ფონისა და ბმულების ფერი, შევცვალოთ მენიუ, სათაური, სლოგანი და სხვა კომპონენტები. და რაც ყველაზე მთავარია — ყველა ეს ცვლილება გამოჩნდება ვიზუალურად, ადმინისტრატორის პანელიდან გამოსვლის გარეშე.

გაუმჯობესობა მულტი-საიტებისათვის

ალბათ გაგონილი გაქვთ, რომ WordPress გააჩნია მულტი-საიტების შექმნის ფუქნცია. ჩემი ბლოგიც ამ სისტემაზე მუშაობს. ახალ ვერსიაში გაუმჯობესდება ქვე-საქაღალდეებთან მუშაობა. ამის გარდა, WordPress ცდილობს გააუმჯობესოს ძებნა მომხმარებლებსა და საიტებს შორის, რისთვისაც მომავალ ვერსიაში დამატებული იქნება ავტო-შევსება. მომხმარებელთა ძებნა ცალკეული საიტის ფარგლებში ასევე შესაძლებელი იქნება.

html-ტეგების მხარდაჭერა გამოსახულებების სათაურებში

ერთ-ერთი ყველაზე მოთხოვნილი ფუქნცია, რომელსაც ბევრი მომხმარებელი დიდი ხანია ელის — html-ტეგების დამატების შესაძლებლობა პირდაპირ ადმინისტრატორის პანელიდან. ახლა უკვე აღარაა საჭირო ზედმეტი ოპერაციები ამისათვის.

უფრო მეტი XML-RPC

XML-RPC — ეს ისეთი რაღაცაა, რაც ისეთ აპლიკაციას, როგორიცაა Android for WordPress, საშუალებას აძლევს იმუშაოს თქვენს საიტთან. ამ პროტოკოლის საშუალებით უცხო აპლიკაციები ახერხებენ საიტზე შიგთავსის განთავსებას, კომენტარების მართვას და ა.შ. ადმინისტრატორის პანელზე შესვლის გარეშე. ახალი მეთოდები საშუალებას მოგვცემს ვმართოთ მომხმარებლები, ტაქსონომია და მომხმარებელთა ბლოგები მულტი-საიტებზე.

ლოკალიზაციის საკითხების გაუმჯობესება

ასევე ახალ ვერსიაში დაემატება რამდენიმე ახალი მნიშვნელოვანი თვისება ლოკალიზაციის სფეროდან. მათ შორისაა სიტყვათა მთვლელი, თემებისა  და ჩადგმების სათაურების თარგმანი და RTL-ის გაუმჯობესებული მხარდაჭერა.

რედაქტირებად სტატიაში კომენტარის დამატება

შესაძლებელი იქნება კომენტარების მართვა უშუალოდ ჩანაწერის რედაქტირების რეჟიმში, აგრეთვე შესაძლებელი იქნება ახალი კომენტარის დამატება.

სხვა სიახლეები

• ათობით შეცდომის გასწორება;
• მუშაობის სიჩქარის მატება, მეხსიერების მოხმარების შემცირება;
• უსასრულო სია თემების ძებნისას;
• სრულიად ახალი API თემებისათვის, რომელიც საერთო ფუქნციონალს ეხება;
• Admin Bar-ზე მაუსის დაწკაპუნებას ეკრანის დასაწყისში გადავყავართ (100% გადმოღებულია iOS-ის ბრაუზერის ანალოგიური ფუქნციიდან);
• ვიჯეტში „Links“ შესაძლებელი იქნება ბმულების დახარისხება და დაფილტვრა.

რას ვერ ვიხილავთ

თემა „Twenty Twelve“

დიდი ხნის ნანატრი თემა Twenty Twelve არ იქნება დამატებული 3.4 ვერსიაში. უნდა ვივარაუდოდ, რომ მას მხოლოდ 3.5 ვერსიაში ვნახავთ. თემის შემუშავება დროებით გადატანილია GitHub-ზე. Favicon-ის ჩატვირთვის მხარდაჭერა არის მცირე შანსი, რომ ამ ფუქნციას 3.4 ვერსიაში დაამატებენ, დაველოდოთ.

საოპერაციო სისტემა RIM PlayBook-ის მეორე ვერსია, რომელიც პირველი მასშტაბური განახლება გახლავთ 2011 წელს გამოსული პლანშეტისათვის, როგორც იქნა მიწოდებული იქნა ერთ წლიანი ლოდინის შემდეგ. თავიდან კანადური კომპანია გვპირდებოდა, რომ მეორე ვერსიას 2011 წლის დეკემბერში ვიხილავდით.

ამასწინდელ განცხადებაში კომპანიის აღმასრულებელმა დირექტორმა ტორსტენ ჰეინსმა განაცხადა, რომ RIM გეგმავს გაყვეს დაგემილ კურსს და ბაზარზე წასწიოს თავისი პლანშეტი, მიუხედავად აშკარა ხარვეზებისა.

დღიდან გაყიდვების დაწყებისა, პლანშეტი RIM BlackBerry PlayBook-მა აჩვენა არაკონკურენტუნარიანობა, გახდა მრავალი კრიტიკული მიმოხილვის ობიექტი, ცუდად იყიდებოდა და გახდა „ზარალის ლიდერი“, მოუტანა რა კომპანიას 485 მილიონი დოლარი ზარალი.

ზოგადად, ინტერესის არქონა მოწყობილობისადმი შეიძლება აიხსნას შიგთავსის შეზღუდული ასორტიმენტით RIM BlackBerry App World-ში (ამ ეტაპზე ამ ელექტრონულ მაღაზიაში 60 000 აპლიკაციაა). შედარებსიათვის — Apple-მა გადალახა 25 მემილიარდე ჩამოქაჩვა თავის მაღაზიაში App Store, სადაც ამჟამად 550 000 აპლიკაციაა განთავსებული.

სხვაობა RIM-ისა და Apple-ის პლანშეტებს შორის იმდენად ცხადი გახდა, რომ ზოგიერთმა ანალიტიკოსმა ასეთი შედარება მოიყვანა — მთლიანად RIM უფრო ნაკლები ღირს, ვიდრე Apple-ის ციფრული შიგთავსის მაღაზია App Store.

ახლა RIM-ს იმედი აქვს, რომ ახალი საოპერაციო სისტემა „მეორე სიცოცხლეს შთაბერავს“ PlayBook-ში — თუმცა ანალიტიკოსები ეჭვობენ, რომ პროგრამულმა განახლებამ შესაძლოა მხოლოდ დაახლოვოს და ვერ გადაასწრებინოს PlayBook-ს კონკურენტებზე.

მოდით ახლა ცოტა ახლოს ვნახოთ, თუ რას გვთავაზობს RIM ახალს. განახლების ფაილი დაახლოებით 500 მბაიტს იწონის. მწარმოებელი გვარწმუნებს, რომ განახლება ასწორებს მთელ რიგ შეცდომებს სამომხმარებლო ინტერფეისში, თუმცა ყველაზე განხილვადი სიახლე გახლავთ „მშობლიური“ ელფოსტის პროგრამის დამატება. 2.0 ვერსიის შესაძლებობების მიმოხილვისას, RIM საუბრობს ერთიან საფოსტო ყუთზე, აპლიკაციების HTML-თავსებადობაზე და დანართების ჩამოტვირთვის შესაძებლობაზე.

ამის გარდა, ახალ ფუნქციებს მიეკუთვნება კალენდარი და კონტაქტები, რომლებიც უთიერთქმედებენ სოციალურ ქსელებთან (Facebook და Twitter). ურთიერთქმედების ფუქნცია სახელად BlackBerry Bridge ასევე შეცვლილია და ახლა შესაძებლობას იძლევა დისტანციურად ვმართოთ პლანშეტი სმარტფონიდან.
პროგრამული უზრუნველყოფის გაუმჯობესების გარდა, კომპანია RIM-მა გადაწყვიტა ფასები დაეკლო პლანშეტეზე — უმცროსი, 16 გბაიტიანი მოდელი ღირს 199 დოლარი. ფასის კლების შედეგად პლანშეტი იგივე კატეგორიაში ხვდება, როგორც Kindle Fire, თუმცა საეჭვოა, რომ PlayBook-მა ოდესმე მიაღწიოს Amazon-ის, ან Apple-ის გაყიდვების მოცულობას.

სიახლეები, რომლებიც განახლებასთან ერთად მოვიდა მოწყობილობაზე, შესაძლოა ბევრს მოეწონოს და მიუხედავად იმისა, რომ ამ განახლებებს კარდინალურს ვერ ვუწოდებთ, ისინი მაინც შემატებენ საჭირო ფუქნციონალს პლანშეტს, რომელმაც უკვე მოასწრო დაძველება.

არის მოლოდინი იმისა, რომ RIM გამოუშვებს სმარტფონებს BlackBerry OS 10-ის ბაზაზე, რომლის გამოსვლაც 2012 წლის მეორე ნახევარშია მოსალოდნელი. თუმცა ექსპერტები ეჭვობენ, საკმარისია თუ არა მხოლოდ პროგრამული უზრუნველყოფა, რათა კვლავ დაბრუნდეს კანადური კომპანიის ადრინდელი სიძლიერე.

კომპლექტაცია
ელწიგნი დიდ, მუყაოს კოლოფშია მოთავსებული, რომელიც შავი ფერისაა და მწვანე ჩადგმები აქვს გვერდებზე. თუ გავხსნით ყუთს, დავინახავთ კიდევ ერთ კოლოფს უფრო სქელი მუყაოსაგან და თეთრი ფერის. კომპლექტში შედის: USB-კაბელი, საგარანტიო ტალონი და მოკლე სახელმძღვანელო. შალითა კომპლექტაციაში არ შედის.

დიზაინი, ზომები და ინტერფეისი
დიზაინის თვალსაზრისით გვაქვს შემდეგი: ზომები — 263 х 190,3 х 11 მმ, წონა — 584 გრამი. მაგალითისათვის, iPad 2 იწონის 601 გრამს, ხოლო iPad 1 — 680 გრამს.

მოწყობილობის წინა მხარე დამზადებულია მუქი-ნაცრისფერი პლასტიკატისაგან, გარშემო კანტი — მოვერცხლისფრო პლასტიკატია, აგრეთვე ამ მასალით არის დამზადებული უკანა მხარის ზედა ნაწილი. უკანა, მოხსნადი ნაწილი დამზადებულია მაგნიუმ-ალუმინის შენადნობისაგან, რომელიც ასევე ღია ნაცრისფერია. ეკრანის დაცვისათვის გამოიყენება გლუვი შუშა — ათინათებს ნამდვილად ვერ დაინახავთ ეკრანზე.
კორპუსის ზედა წიბოზე განთავსებულია მოწყობილობის ჩართვა/გამორთვის ღილაკი, სტილუსის ბუდე და Wi-Fi-ს ჩართვა/გამორთვის ბერკეტი. მარჯვენა წიპოზე — მაშტაბირების ღილაკი-ბერკეტი, ხმის რეგულირების ღილაკი-ბერკეტი. ქვემოდან — მოწყობილობის სისტემურად ჩამოყრის პაწია ნასვრეტი, სტანდარტული 3.5 მმ აუდიო, microUSB, microSD-ბარათის სლოტი და მწვანე შუქ-დიოდი. აქვეა განთავსებული ორი სტერეო-სპიკერი.
წინა მხარეზე განთავსებულია ღილაკები „შინ“ და „მენიუ/ბიბლიოთეკა“, ოდნავ ქვემოთ — გვერდებზე გადასვლის ღილაკები. კიდევ უფრო ქვემოთ მოთავსებულია ოთხპოზიციური ჯოისტიკი, რომელსაც ცენტრში აქვს ღილაკი „Ok“, გვერდით — ღილაკი „უკან“.

ეკრანი
ეკარნის ზომა გახლავთ 9.7 დიუმი დიაგონალზე. ფიზიკური ზომები — 202х139 მმ, ეკრანის გარჩევადობა — 1200х825 წერტილი, სიმკვრივე — 150 პიქსელი დიუმზე. ეკრანი დამზადებულია მესამე თაობის E Ink Vizplex ტექნოლოგიით.
ეკრანი სენსორული და ინდუქციური ტიპისაა (EMR – E-Writing, pen touch module). მის შიგნით მოთავსებულია კოჭა და მგრძნობიარე სადენების ბადე, რომლებიც რეაგირებენ სტილუსით მიკარებაზე. მართვა საკმაოდ ადვილია.
მოწყობილობაში არის აქსელერომეტრი. ასე რომ თქვენი მოწყობილობა გადაბრუნებაზე რეაგირებს.

აკუმულატორი
PocketBook Pro 912-ში ჩადგმულია ლითიუმ-პოლიმერული აკუმულატორი 1520 მა/სთ მოცულობით. მის ამოსაღებად საჭიროა უკანა ხუფის ახდა და იმ ქანჩის ამოხრახვნა, რომლითაც აკუმულატორი დამაგრებულია კორპუსში. მწარმოებელის განცხადებით აკუმულატორის სრული მუხტი საკმარისია 7000 გვერდის წასაკითხად, მე ამის შემწომების საშუალება არ მქონდა,ა მიტომაც სიტყვაზე ვენდობი მწარმოებელს.

კომუნიკაციები
ფაილების კომპიუტერიდან მოწყობილობაში გადასაგზავნად გამოიყენება microUSB პორტი. ამის გარდა, შესაძებელია უსადენო WI-Fi კავშირის გამოყენება, აგრეთვე Bluetooth-ისაც.

წარმადობა, მეხსიერება, მეხსიერების ბარათი
მოწყობილობაში გამოიყენება Samsung-ის პროცესორი, სიხშირით 533 მჰც. ოპერატიულ მეხსიერებას რაც შეეხება, მისი მოცულობაა 256 მბაიტი. მუდმივი მეხსიერება 2 გბაიტია (აქედან ჩვენთვის ხელმისაწვდომია 800 მბაიტი). შეგიძლიათ შეიძინოთ 32 გბაიტიანი microSD-ბარათი და ამდენით გაზარდოთ მეხსიერება. ამ შემთხვევაში თქვენ მოწყობილობაში დაახლოებით 30 000 წიგნი ჩაეტევა.

პლათფორმა
ისევე როგორც ადრე, წიგნი მუშაობს Linux-ის ბირთვზე.
სამომხმარებლო ინტერფეისის განფორმება საინტერესოა: ზემოთ გამოისახება ადრე წაკითხული 4 წიგნი, ქვემოთ — მთავარი მენიუს მალსახმობები (ბიბლიოთეკა, შენიშვნები, აპლიკაციები, ლექსიკონი, მუსიკა, ფოტო, ძებნა, პარამეტრები, რეგისტრაცია). მარჯვნივ განთავსებულია საათის, კალენდრის, ლექსიკონისა და კალკულატორის ვიჯეტები. პარამეტრებიდან შეგიძლიათ შეცვალოთ ეს გაფორმება და აირჩიოთ ან „Modern“, ან „PocketBook 912“. ორივე საკმაოდ სიმპათიურია.

წიგნების კითხვა
მოწყობილობა მხარს უჭერს ელ. წიგნების უამრვა ფორმატს: FB2, FB2.ZIP, TXT, TXT.ZIP, PDF, PDF (ADOBE DRM), DJVU, DJV, IW44, IW4, RTF, RTF.ZIP, HTML, PRC, MOBI, CHM, EPUB, EPUB (ADOBE DRM), DOC, DOCX, TCR.

აპლიკაციები
მოწყობილობაში წარმოდგენილია პროგრამების სტანდარტული ნაკრები:
ბრაუზერი
კალკულატორი
ჭადრაკი
საათი
სოლიტერი
RSS-ლენტი
გველი
სუდოკუ

ფოტოების სანახავად შეგიძლიათ გამოიყენთ შემდეგი ფორმატები: JPEG, BMP, PNG, TIFF. შესაძლებელია ფოტოს გადიდება, აგრეთვე სლაიდ-შოუს მოწყობა. ინტერნეტში შესასვლელად გამოიყენეთ ბრაუზერი, რომელიც მართალია სწრაფად მუშაობს, მაგრამ როგორც ყველა სხვა ელწიგნში, საშინ;ად ძნელია გვერდებს შორის გადაადგილება.

მუსიკა
ელ. წიგნი მხარს უჭერს მუსიკალური ფაილების დაკვრას MP3 ფორმატში. ხმა სუფთა და საკმაოდ ხარისხიანია.

დასკვნა
ელ. წიგნი PocketBook Pro 912 აშკარად განკუთვნილია წიგნების კითხვის დიდი მოყვარულისათვის: ფორმატების უზარმაზარი რაოდენობის მხარდაჭერა, ეკრანის დიდი ზომა, მოსახერხებელი მართვა — ყველაფერი ეს ფრიად კარგგადაა წარმოდგენილი მოწყობილობაში.
მე ფრიად ვურჩევ ამ მოწყობილობის შეძენას სტუდენტებს, რომლებსაც ბევრი PDF-ფაილი უფროვდებათ ათასგვარი ინფორმაციით და მათი ერთ მოწყობილობაში მოქცევა მართლაც რომ ძალიან მოსახერხებელია!

დღეს სტივ ჯობსი 57 წლის გახდა. და არავითარი „გახდებოდა“. ბევრს არ დავწერ. ყველა ეფლისტმა იცის, უყვარს და პატივს სცემს მას.

დაბადების დღეს გილოცავ, სტივ…

მას შემდეგ ჩვიდმეტი წელი გავიდა. Delphi-მ გაიარა რამდენიმე აღმაფრენისა და ვარდნის პერიოდები დამფლობელიც არა ერთხელ გამოიცვალა. და აი წელს Embarcadero Technologies-მა, რომელიც შეიძინა Borland-ისაგან დეველოპინგის ეს ხელსაწყო, გადაწყვიტა საჯაროდ აღნიშნოს იუბილე.

ზეიმის მიზეზი მართლაც არსებობს. მონაცემების მიხედვით, როლებიც გამოქვეყნდა კომპანიის პრეს-რელიზში ამ რამდენიმე დღის წინ, 2011 წელს Delphi-ს გაყიდვებმა 54%-ით მოიმატა წინა წელთან შედარებით. ისიც უნდა აღინიშნოს, რომ კრიზისულ წლებშიც გაყიდვები მცირედ, მაგრამ მაინც ზემოთ მიიწევდა. 2010 წელს ზრდა იყო 15%. მსგავსი სტატისტიკა ქვას ქვაზე აღარ ტოვებს „Delphi-ს სიკვდილის“ შესახებ ჭორებისათვის.

რა გახდა მაჩვენებლების ზრდის მიზეზი და კანონზომიერია, თუ არა ეს წარმატება? რათქმაუნდა, შეიძლება ვისაუბროთ იმაზე, რომ Delphi XE2 ვერსიით კომპანიამ მომხმარებლებს მიაწოდა ის შესაძლებლობები, რაც დააკლო ადრეულ ვერსიებში. და XE2 ვერსია მართლაც რომ რევოლუციური პროდუქტია. სხვა მრავალი სიახლის გარდა, Embarcadero-მ წარმოადინა კროსპლათფორმული დეველოპინგის ახალი პლათფორმა — FireMonkey. კონკურენტების პროდუქტებისაგან განსხვავებით, FireMonkey ქმნის ბუნებრივ აპლიკაციებს თითოეული პლათფორმისათვის. ისინი ბუნებრივია როგორც ცენტრალური პროცესორის თვალსაზრისით, აგრეთვე გრაფიკული პროცესორისისაც. ეს ფრიად მნიშვნელოვანი თავისებურებაა. ამ ეტაპზე FireMonkey გარდა Windows-პლათფორმისა მხარს უჭერს Mac OS და iOS პლათფორმებსაც.

მომავალში გათვალისწინებულია Android-ის და სხვა საოპერაციო სისტემების მხარდაჭერა (ჩვენ აუცილებლად ვისაუბრებთ FireMonkey-ს საშუალებით კროსპლათფორმული აპლიკაციების შექმნაზე და ბევრი ცოცხალი მაგალითიც გვექნება). სწორედ ამ კროსპლათფორმული ბიბლიოთეკის გაშვება გახდა ბიძგი Delphi-ს მიმართ ინტერესის კვლავ გაღვიძებისა. მოკლედ, ჩვენ, Delphi-სტები კვლავ მწყობრში ვართ, განვაგრძობთ საყვარელი სისტემის საშუალებით კოდის წერას და მომავალს იმედით ვუყურებთ!

კიდევ ერთხელ, ყველა ნამდვილ Delphi-პროგრამისტს ვულოცავ დღევანდელ დღეს!

უპირატესობები

უფრო მარტივად რომ ვთქვათ, WordPress მსოფლიოში საუკეთესო პლათფორმაა ბლოგისათვის, ან ინტერნეტ-პროექტისათვის, სადაც ყოველდღიურად ქვეყნდება სიახლეები, ფოტოები, ვიდეო-რგოლები და სხვა სახის ინფორმაცია (შიგთავსი). რატომ საუკეთესო? მოდი ჩამოვთვალოთ 5 ძირითადი უპირატესობა:

• უფასო. დიახ, WordPress — უფასოდ ვრცელდება. ახალბედასათვის, რომელიც პირველად აკეთებს საკუთარ ბლოგს, ეს მნიშვნელოვანი მომენტი და დიდი უპირატესობაა. რატომ უნდა გადავიხადოთ ფული ფასიან სისტემებში, როდესაც საუკეთესო სისტემა უფასოა?
• დაყენებისა და გამოყენების სიმარტივე. დაყენების პროცესი 5 წუთი გრძელდება და სრულიად არ არის საჭირო რაიმე პროგრამისტული გამოცდილება ამ საქმისათვის. დეველოპერები შეეცადნენ შეექმნათ სისტემა, მაქსიმალურად მარტივი და მეგობრული მომხმარებლის მიმართ, რათა სრულიად ახალბედებისთვისაც კი იოლი ყოფილიყო ამ საკითხში გარკვევა.
• კროსპლატფორმულობა. WordPress ყენდება უშუალოდ თქვენს საიტზე (სერვერზე). კომპიუტერში არაფერი ზედმეტის დაყენება არ არის საჭირო. ეს ნიშნავს, რომ შეგეძლებათ საიტის მართვა ნებისმიერი კომპიუტერიდან. ერთადერთი სავალდებულო პირობა — ინტერნეტთან კავშირი.
• ჩადგმული ტექსტური რედაქტორი. WordPress-ით სარგებლობა ძალიან მარტივი და ადვილია ძიირთადად ჩადგმული ტექსტური რედაქტორის გამო. ერთხელ მაინც თუ გიმუშავიათ Microsoft Word-ში, WordPress-ის რედაქტორის ათვისება ძალიან მარტივი იქნება. ტექსტის დაფორმატება, სურათებისა და ვიდეოს ჩასმა — ეს ყველაფერი მაუსის ორიოდე დაწკაპუნებით ხორციელდება
• პოპულარობა. WordPress — შიგთავსის მართვის მსოფლიოში ყველაზე პოპულარული სისტემაა. ოფიციალური სტატისტიკის თანახმად, WordPress-ის საბაზრო წილი 55%-ზე მეტია. მსოფლიოში 58 მილიონი საიტი WordPress-ის ძრავზე მუშაობს. 297 მილიონი ადამიანი ყოველთვიურად 2,5 მილიარდ ვებ-გვერდს ათვალიერებს WordPress-ზე. ყოველი მეშვიდე საიტი შექმნილია WordPress-ის გამოყენებით. თუ რაიმე სახის ჩადგმა გჭირდებათ, პრობლემა არაა — 15 ათასზე მეტია. WordPress-ის ბოლო ვერსიას 7 მილიონი ჩამოტვირთვა აქვს. რას ნიშნავს ეს ყველაფერი? ეს ნიშნავს, რომ ინტერნეტში თქვენ იპოვნით უფასო თემებისა და ჩადგმების აურაცხელ რაოდენობას. ხოლო თუ რაიმე კითხვა გაგიჩნდებათ, პასუხის მოძებნაც ადვილი იქნება.

დამატებითი შესაძლებლობები

ეს WordPress-ის მხოლოდ ძირითადი უპირატესობებია. ამ სიას შეგვიძლია დავუმატოთ ფასიანი თემების, რომლებშიც უფრო მეტი ფუქნციონალია ჩადებული, ვიდრე უფასოებში, უზარმაზარი ბიბლიოთეკა; ვიჯეტებისა და სოციალური ჩადგმების მხარდაჭერა; სისტემის საიმედობა და უსაფრთხოება და ა.შ. თუმცა WordPress-ის მშვენიერებისა და მოხერხებულობის შეგრძნება შეიძლება მხოლოდ მაშინ, როდესაც ამ სისტემაში აქტიურად მუშაობ. კიდევ ერთი უპირატესობა გახლავთ საძიებო ოპტიმიზაციის სისტემების (Search Engine Optimization, SEO) მხარდაჭერა — ამის გარეშე ძნელია საიტის რეიტინგის ამაღლება ისეთ საძიებო სისტემებში, როგორებიცაა Google, Bing და ა.შ. ასევე უნდა აღინიშნოს სოციალურ ქსელებთან და RSS-არხებთან ურთიერთქმედების მხარდაჭერა. ეს მნიშვნელოვანია, თუ დაინტერესებული ხართ მკითხველთა და ხელმომწერთა მატებით და გსურთ უფრო პროგრესული უკუქმედება. კომენტარების მოხერხებული სისტემა დაგეხმარებათ მიიღოთ ადექვატური და სწრაფი გამოხმაურება გამოქვეყნებულ სტატიაზე. სურვილის შემთხვევაში შესაძლებელია გარე კომენტარების სისტემის მიერტება, მაგალითად Facebook-ის, ან Disqus-ის, რომლებსაც მთელი რიგი უპირატესობები გააჩნიათ. ზემოაღნიშნული ყველა ფაქტორი მხოლოდ ერთს გვეუბნება: WordPress — მოხერხებულია, მარტივია და ლამაზია! თუ სერიოზულად აპირებთ საკუთარი ბლოგის წარმოებას, ან გსურთ შექმნათ ინტერნეტ-პროექტი, მაგრამ ჯერ არ აგირჩევიათ შიგთავსის მართვის სისტემა — აირჩიეთ WordPress. ეს პირველი სტატიაა ციკლიდან WordPress-ის შესახებ. მომდევნო სტატიებში დეტალურად განვიხილავთ WordPress-თან მუშაობის ყველა ასპექტს.

როგორც ალბათ უკვე იცი, ბლოგზე რამდენიმე თემა იქნება ძირითადი (რაც სრულიად არ გამორიცხავს სხვა თემების არსებობასაც). ერთ-ერთი ძირითადი თემა WordPress არის და ეს სტატიაც შეიძლება ამ თემის შესავალ ნაწილად ჩავთვალოთ.

მე გამოვაქვეყნებ არა მარტო სასწავლო მასალებს ახალბედებისათვის, არამედ შედარებით რთულ სტატიებსაც მოწინავე მომხმარებლებისათვისაც. ჩემი მიზანია — რაც შეიძლება მეტი ინფორმაცია მივიტანო თითოეულ მკითხველამდე.

სტატიების პერიოდულობაზე ჯერ-ჯერობით ვერაფერს მოგახსენებთ, შევეცდები დიდი ინტერვალები არ გავაკეთო მათ შორის. რომ არ მოხდეს ამ კატეგორიის აღრევა, გადავწყვიტე სტატიები დავყო ქვე-კატეგორიებათ, ოღონდ ტეგების გამოყენებით. რატომ ტეგების? აბა შევხედოთ: WordPress-ის შესახებ სიახლე და Drupal-ის შესახებ სიახლე ცალ-ცალკე რომ იყოს, მგონია, რომ არასწორი იქნება. ამიტომაც ძირითადი თემები დაყოფილია კატეგორიებად, ხოლო მათ გამჭოლად მიჰყვება ტეგები. აქამდე ასე არ გამიკეთებია და მეც მაინტერესებს, რამდენად სწორი გადაწყვეტილებაა ეს. აი ეს ქვე-კატეგორიები:

• სიახლეები — აქ მოხვდება ყველა სიახლე WordPress-ის სამყაროდან;
• გაკვეთილები — ძირითადი ნაწილი, სადაც თავს მოიყრის სტატიები;
• თემები — ჩემი აზრით და გემოვნებით (სრულიად სუბიექტურით) შერჩეული თემები, რომლებსაც განვიხილავ;
• ჩადგმები (Plugins) — სასარგებლო, საჭირო და ძალიან საჭირო ჩადგმების მიმოხილვა;
• ჰაკები — იმ მომხმარებლებისათვის, ვინ კარგად იცნობს PHP-ის და სურს თავის ბლოგში უფრო სიღრმისეული ცვლილებები შეიტანოს, ეს განყოფილება მისწრება იქნება.

თუ რამე გაუგებარი იქნება რომელიმე სტატიაში, გთხოვ მკითხველო, რომ დატოვო კომენტარი, არ მოგერიდოს, მკითხე ყველაფერი და შევეცდები ამომწურავი პასუხი გაგცე. აბა, დავიწყეთ!

ჩემს ცხოვრებაში პირველი, იგივე ერთადერთი ბლოგი 2007 წლის მაისში გავხსენი. აგერ წელს უკვე 5 წელი შესრულდება. მისამართი ასეთი არ ჰქონდა, არამედ: blog.gogelia.ge ამ ბმულზე შესვლის შემთხვევაში სხვა მისამართზე გადაგიყვანთ სერვერი: www.gogelia.ge/apple. აქ დაიდებს ბინას ის, ძველი ბლოგი თავისი 1500 მეტი ჩანაწერით. პირველი სამი წელი ბლოგი აქტიურად ვითარდებოდა, ძალიან ბევრი და ჩემი აზრით სასარგებლო ინფორმაცია დავდე იქ. ბოლოს, 2010 წელს ჩემი მეგობრისაგან, აკა ხუხაშვილისაგან მიღებული არაჩვეულებრივი შემოთავაზების წყალობით შესაძლებლობა მომეცა ერთ-ერთი პირველს გამესინჯა Apple-ის უახლესი გაჯეტები და თქვენთვის, მკითხველისათვის მიმეწოდებინა ინფორმაცია. დიდი მადლობა აკა!

მაგრამ აი 2011 წლიდან რაღაცა მოიშალა ჩემს ბლოგერულ საქმიანობაში. სულ უფრო და უფრო მცირედ მიჩნდებოდა სურვილი რაიმე დამეწერა. ბოლოს დღეში 3-5 ჩანაწერიდან კვირაში ერთ ჩანაწარემადე ჩამოვედი, მერე თვეში ერთხელ ვწერდი, სანამ აგვისტოში საბოლოოდ არ მივხვდი, რომ არსებულმა ბლოგმა თავისი შესაძლებლობები ამოწურა. რა მექნა? როგორ გამომესწორებინა სიტუაცია. არ ვიცოდი. ბლოგის წაშლაზე ხელი ამიკანკალდა. ბოლო-ბოლო ოთხი წელი თავდაუზოგავი შრომის ნაყოფი იყო. ძველი მისამართიც მთელი რიგი ტექნიკური და ფსიქოლოგიური მომენტების გამო არ მომწონდა. მოკლედ, ბლოგი კომაში ჩავარდა. ამ დროს (აგვისტოს მიწურულია უკვე), როდესაც ბლოგი ტექნიკური გაუმართაობის გამო ხან ჩართული იყო, ხანაც გამორთული, ერთ-ერთ ძველ სტატიაში გაჩნდა კომენტარი, რომელშიც მთხოვდნენ დაკავშირებას ბლოგინგის შემოთავაზებით. დამაინტერესა და დავუკავშირდი. დავუკავშირდი და აი უკვე მეექვსე თვეა რაც GO! Blog-ის მთავარი რედაქტორი ვარ, ვართ არაჩვეულებრივი გუნდი თანამოაზრეებისა, რომლებსაც მოგვწონს, გვურს და ვქმნით კიდევაც მაღალხარისხოვან შიგთავსს ტექნოლოგიების საკითხებზე ქართულ ბლოგო-სფეროში. ჰო, ცოტა ტრაბახი გამომივიდა, მაპატიეთ, მაგრამ მე ძალიან მიყვარს ჩემი ახლანდელი სამუშაო.

კი მაგრამ რა დაემართა პირად ბლოგს, იკითხავს მავანი ცნობისმოყვარე მკითხველი? პირადი ბლოგი ისევ კომაში განაგრძობდა მთელი ეს პერიოდი ყოფნას. ახალ ბლოგს ძალიან ბევრი დრო მიჰქონდა დასაწყისში, არც ახლა სჭირდება ცოტა დრო. მაგრამ მოხდა ფაქტი, ერთი შეხედვით კომიკური, რამაც საბოლოოდ მიმაღებინა გადაწყვეტილება ბლოგის აღდგენისა. Facebook-ზე გავწევრიანდი „მკვდარი ბლოგერების საზოგადოებაში“ — Dead Bloggers Society.

თავიდან ხუმრობანარევი ეს ჩემი ნაბიჯი საბოლოოდ დაფიქრების მიზეზი გახდა. გეცინება ალბათ, არა? ჰო, მეც მეცინება ცოტათი ამაზე, მაგრამ ფაქტია, რომ არ მესიამოვნა ის, რომ ბლოგინგისათვის (პირად ბლოგს ვგულისხმობ) მე მკვდარ ადამიანიად ვითვლები. როგორც ზემოთ მოგახსენე მკითხველო, ძველი მისამართი რიგი მიზეზების გამო აღარ მომწონს. ამიტომ გადავწყვიტე ასე: ბლოგი გადადის ძირითად დომენზე gogelia.ge, ძველი ბლოგის ჩანაწერები გადაინაცვლებს აქ www.gogelia.ge/apple (ვეცდები ამ საღამოს იმპორტით გადმოვიტანო ჩანაწერები, ხოლო ფოტოებს მოგვიანებით გავასწორებ).

კი მაგრამ, კვლავ ჩამეძიება კირკიტა მკითხველი, რა თემატიკაზე დაწერ ამ ახალ ბლოგში? 100% გარანტიით გეტყვით, რომ ახალ ბლოგში პრაქტიკულად არ გვექნება საუბარი Apple-ზე (ამ თემაზე მე ვწერ go.ge-ზე და სულ მალე ხელახლა ავამუშავებთ ნახევრად ჩამკვდარ gemug.ge-ს). სამაგიეროდ აქ ვისაუბრებთ შემდეგ საკითხებზე:

• გაკვეთილები WordPress-ისა და Drupal-ის შესახებ. ჩემთვის ორივე ეს ვებ-ძრავი ძალიან საინტერესოა. პირველზე კერძო ბლოგი მუშაობს, ხოლო მეორეზე — ჩემთვის ფრიად მნიშვნელოვანი gemug.ge;
• გაქართულება. მიუხედავად იმისა, რომ პროფესიულად აღარ ვარ დაკავებული ლოკალიზაციებით (იგულისხმება Windows-ის გაქართულება), ეს თემა ჩემთვის ასევე ფრიად საინტერესოა. ორი პროდუქტის ლოკალიზაციის განახლებას ვაპირებ 2012 წელს: WordPress-ის და Drupal-ის;
• Delphi. ამ RAD-ის ბოლო ვერსიამ მე პირადად დიდი სიხარული მომგვარა, ვინაიდან უკვე შესაძლებელია კროს-პლათფორმული აპლიკაციების წერა, როგორც Windows-ზე, ასევე Mac-ზე;
• ელექტრონული წიგნები. თუ არაფერმა შემიშალა ხელი, კვირაში ერთ ქართულ ელექტრონულ წიგნს შემოგთავაზებთ ePUB-ფორმატში;
• IT-სფეროს გამოჩენილი პირების ისტორია. საკმაოდ დამიგროვდა ამის შესახებ მასალები და ვფიქრობ, რომ შენთვისაც საინტერესო იქნება.
• Star Trek-ის უკიდეგანო სამყარო. მე ამ სამყაროში ძალიან გვიან მოვხვდი. ვისაც გიყურებიათ თუნდაც ერთი სერიალისთვის მაინც, იცით რა დიდ სიამოვნებაზე ვსაუბრობ. ვინც არა — ვეცდები თქვენც გაგიზიაროთ, თუ რა მაგარი სამყაროა Star Trek.
• და სხვა. ძალიან ბევრ საკითხს არ მინდა მოვედო, ამიტომ აქ შევჩერდები და თუ რამეს დავამატებ, აუცილებლად დავამატებ.

აი ასეა საქმე მეგობარო. ბლოგი კვლავ იწყებს მუშაობას. და დიდი იმედი მაქვს, რომ ის კვლავაც საინტერესო იქნება შენთვის. ყოველშემთხვევაში, მე ამისათვის ენერგიას არ დავიშურებ!

2012 წელს ჩვენ ბევრ საინტერესო და ახალ მოდელს განვიხილავთ, მანამდე კი ნება მომეცით შემოგთავაზოთ უკრაინული კომპანიის, Pocketbook-ის ელ. წიგნის ძალიან საინტერესო ახალი მოდელი, PocketBook Basic 611.

PocketBook Basic 611 პირველივე შეგრძნებით ძალიან მსუბუქი ჩანს. და ეს მარტო შეგრძნება არაა, ის მართლაც ძალიან კომპაქტური და მსუბუქია, ანუ ჩემი აზრით ძალიან კარგად მოსახმარი.

მოწყობილობის კონსტრუქციაში გამოყენებულია ძალიან მაღალი ხარისხის პლასტიკატი, შეხებით 611-ე მოდელი სასიამოვნო შთაბეჭდილებას ტოვებს. როგორც წესი, მწარმოებლები იყენებენ ე.წ. Soft Touch დაფერვას პლასტიკატზე, რაც რეზინის შეგრძნებას ტოვებს და კარგად აღიქმება ხელის შეხებით. ამ შემთხვევაში ეს მეთოდი გამოყენებული არ არის, თუმცა ხელის სრიალი მოწყობილობაზე გამორიცხულია, ის კარგად ზის ხელის მტევანში და დისკომფორტს არ ქმნის. ამასთან Soft Touch-ისგან განსხვავებით, ამ მოწყობილობაზე საღებავის გადაცლა გამორიცხულია, რაც უთუოდ მისასალმებელი ფაქტია.

ცოტათი არ მომეწონა ჯოისტიკი, რომლითაც იმართება მოწყობილობა. ის ჩაძირულია კორპუსში, შედეგად ოდნავ მცირე გეჩვენება, ვიდრე არის.

მწარმოებელი კომპანიის ისტორია

კომპანია PocketBook-ის ისტორია 2007 წელს იწყება. ერთი წლის შემდეგ ბაზარზე გამოდის ამ კომპანიის პირველი პროდუქტი, PocketBook 301. 2008-2009 წლების ზამთარში ეს მოდელი პოპულარობას იხვეჭს მომხმარებლებს შორის (პოსტ-საბჭოთა ქვეყნების ბაზარზე, ძირითადად უკრაინა და რუსეთი).

2008 წელს კომპანია ხსნის ელექტრონული შიგთავსის საფირმო მაღაზიას BookLand-ს, ხოლო 2011 წელს კომპანია PocketBook იწყებს რებრენდინგს და შედეგად ვიღებთ ახალ სავაჭრო ნიშანს — Obreey. მაღაზიის ასორტიმენტში ასობით ათასი წიგნი, ჟურნალი და სახელმძღვანელოა. ჩვენთვის ფრიად საინტერესო ის გახლავთ, რომ ამ მაღაზიაში რამდენიმე ათეული ქართულენოვანი წიგნის მოძიებაც არის შესაძლებელი, ხოლო სულ ცოტა ხანში ქართული შიგთავსის მოცულობა გაზირდება. ამის შესახებ ჩვენ აუცილებლად შევატყობინებთ ბლოგის მკითხველებს.

2009 წლის გაზაფხულზე კომპანია უშვებს ახალ მოდელს, PocketBook 360°, რომელიც მომხმარებლებთან ერთად შეიქმნა, უფრო სწორედ, მათი სურვილების გათვალიწინებით.

2009 წლის ზამთარში კომპანია უშვებს პირველ სენსორულ მოწყობილობას — PocketBook 302-ს.

2010 წელს წარმოებაში ჩაშვებულია პრემიუმ-ხარისხის მოდელები — 602 Pro და 902 Pro, აგრეთვე აქედან ერთ თვეში ანალოგიური მოდელები სენსორული ეკრანით 603 Pro და 903 Pro. 2011 წელს გამოდის გაუმჯობესებული მოდელები 612 Pro და 912 Pro.
2010 წელს მზის შუქი იხილა PocketBook IQ 701 მოდელმა Android-ის საოპერაციო სისტემის ბაზაზე. ეს მოდელი თავის თავში მოიცავს ელ. წიგნების წამკითხველსა და უნივერსალურ პლანშეტურ კომპიუტერს და ჩვენს მას აგრეთვე განვიხილავთ 2012 წლის დასაწყისში.

2010 წლიდან PocketBook ხსნის საფირმო საცალო მაღაზიებს უკრაინასა და რუსეთში.
2011 წელს კომპანიამ გამოუშვა მთელი რიგი სრულიად განსხვავებული მოდელებისა — PocketBook 611 (ჩვენი დღევანდელი განხილვის საგანი) და პლანშეტური კომპიუტერი PocketBook A10 საფირმო პროგრამული უზრუნველყოფით.

კომპანიის წარმომადგენლობა განთავსებულია შემდეგ ქვეყნებში: შვეიცარია, უკრაინა, რუსეთი, აშშ, ბელარუსი, ლატვია, ბულგარეთი, საფრანგეთი, საბერძნეთი, უნგრეთი, მოლდოვა, ჰოლანდია, ესპანეთი, დიდი ბრიტანეთი, სამხრეთ აფრიკის რესპუბლიკა, არაბეთის საემიროები, ავსტრალია, ჩინეთი, ინდოეთი, კაზახეთი, ახალი ზელანდია, სინგაპური, ტაივანი, ისრაელი, აზერბაიჯანი და საქართველო.

ტექნიკური მახასიათებელები

ეკარნი: 6″ E-Ink VizPlex, 800×600 px, ნაცრისფერის 16 გრადაცია
პროცესორი: Freescale 800 მჰც
გრაფიკა: პროგრამული კონტროლერი
საოპერაციო სისტემა: Linux
ოპერატიული მეხსიერება: 128 მბაიტი
ჩადგმული მეხსიერება: 2 გბაიტი
გაფართოების ფოსო: microSD 32 გბაიტამდე
კავშირგაბმულობა: USB 2.0, Wi-Fi 802.11 b/g
წიგნის ფორმატები: EPUB (ADOBE DRM), PDF (ADOBE DRM), EPUB, PDF, TXT, DJVU, RTF, HTML, CHM, DOC, DOCX, TCR, FB2, FB2.ZIP
გრაფიკული ფორმატები: JPEG, BMP, PNG, TIFF
აკუმულატორი: ლითიუმ-პოლიმერული, 1000 მა/სთ.
ზომები: 122 x 174 x 9,5 მმ
წონა: 174 გრ. ყდის გარეშე

დიზაინი

მახასიათებლების ჯამური მაჩვენებლებით, კონსტრუქციული შესრულებით, პროგრამული უზრუნველყოფითა და სერვისით აღნიშნული მოწყობილობა საშუალოზე მაღალ კლასში გადის.

შეფუთვა მომეწონა, კოხტად არის შესრულებული და არც დიდი არაა.

კოლოფს წინა მხარეზე ამშვენებს PocketBook-ის ლოგოტიპი, მოდელის დასახელება და უშუალოდ ელწიგნის სურათი.

კოლოფის უკანა მხარეზე მოცემულია ყველა საჭირო ინფორმაცია და მოწყობილობის ტექნიკური მახასიათებლები, მათ შორის ქართულ ენაზეც.

მოწყობილობას კომპლექტში მოყვება USB-კაბელი, მცირე სახელმძღვანელო (ქართული აქაც არის წარმოდგენილი) და საგარანტიო ტალონი.

შალითა კომპლექტაციაში არ შედის, ცალკე უნდა შეიძინოთ. PocketBook 611-ის კორპუსზე არ არის გათვალისწინებული რაიმე სამაგრი შალითისათვის, სავარაუდოდ სპეციალური რეზინებით დამაგრდება (იმედია შალითას მალე მივიღებ და ამის შესახებ მოგვიანებით მოგახსენებთ).

გარეგანი სახე შესაძლოა ოდნავ უბრალო მოგეჩვენოთ, მაგრამ დამიჯერეთ, მოწყობილობის ხელში აღების შემდეგ მიხვდებით, რომ ის ძალიან კარაგდ არის შესრულებული, კარგად არის აწყობილი და საუცხოო მასალებია გამოყენებული.

ელწიგნის ამ მოდელში აკუმულატორის გამოცვლა შეუძლებელია. მისი შეცვლა შეგეძლებათ მხოლოდ სერვის-ცენტრში, თუ რათქმაუნდა ამის აუცილებლობა გახდება საჭირო. ჩემი აზრით მოწყობილობის მორალური ცვეთის ამოწურვამდე აკუმულატორი გაგიძლებთ და მერე შეცვლას ისედაც აღარ ექნება აზრი.

PocketBook 611-ში არ არის აუდიო ფაილების დამკვრელი, შესაბამისად — არც ყურსაცვამების ფოსოები არაა გათვალიწინებული.

მოწყობილობის წინა მხარეს, ეკრანის ქევმოთ განთავსებულია საფირმო ჯოისტიკი და მის გასწვრივ გვერდების გადაფურცვლის ღილაკები მარცხნიდან და მარჯვნიდან.
უკანა მხარეს PocketBook-ის ლოგოს ნაცვლად მოწყობილობას ამშვენებს ლოგო Obreey, ქვემოთ განთავსებულია სერტიფიცირების სხვადასხვა ნიშნულები და სერიული ნომერი.

ღილაკები საკმაოდ რბილად ეჭირება და სასიამოვნო შერგძნებას ტოვებს შეხებისას.

ჯოისტიკი არ მომეწონა, პატარაა. განსაკუთრებით ჩემი უშველებელი ზომის ხელებისათვის. მაგრამ პრინციპში სარგებლობა შეიძლება, სხვა გზა არ არის.

ცენტრალური მრგვალი ღილაკის ქვეშ განთავსებულია მწვანე შუქდიოდი. მისი ციმციმი მუშაობის სხვადასხვა პარამეტრზე მიუთითებს. კითხვისას ინდიკატორი მხოლოდ გადაფურცლვისას ინთება. ცოტა შემაცბუნა ამ შუქდიოდმა, მაგრამ მერე ნელ-ნელა შევეჩვიე. თუმცა ვთვლი, რომ ის ზედმეტია.

ჩართვის ღიალკი კორპუსის ქვედა ნაწილშია განთავსებული. ის საკმაოდ ჩაძირულია კორპუსში, ამიტომ ფრჩხილის მოშველიება დაგჭირდებათ, რომ დააჭიროთ.

ავტონიმური მუშაობის დრო 1 თვეა, ან 8000 გვერდის გადაფურცვლა, როგორც მწარმოებელი აცხადებს, რაც საკმაოდ კარგი მაჩვენებელია. ჩემი Sony PRS-650 ნაკლები ხანი მუშაობს (15-16 დღე) სრული დამუხტვის შემდეგ. დაბეჯითებით გირჩევთ გამორთოთ Wi-Fi, ამით მუშაობის ხანგძლივობას ნამდვილად გაზრდით.

სიმარტივის მიუხედავად, მოწყობილობა ღირსეულ კონკურენციას გაუწევს ბევრ სხვა კონკურენტ მოდელს.

ეკრანი

PocketBook Basic 611-ისათვის მწარმოებელმა აირჩია E-Ink VizPlex ტიპის ეკრანი. ეს გახლავთ ქაღალდისმაგვარი ეკრანი, განათების გარეშე. სხვათაშორის, ეს ბოლოს წინა მოდელია ამ ტიპის ეკრანებს შორის. უფრო უკეთესი ვარიანტია E-Ink Pearl ტიპის ეკრანი.

ეკრანის ფიზიკური ზომა 6 გოჯი გახლავთ. ეკრანის გარჩევადობა 800×600 წერტილია ნაცრისფრის 16 გრადაციით გრაფიკისათვის და 4 გრადაციით ტექსტისათვის. ამის ხარჯზე ილუსტრაციები უფრო კონტრასტულია. ეკრანის კონტრასტულობა შეადგენს 6:1 და ის ამ ტიპის ეკრანების ხარისხის უმაღლეს კატეგორიას, „A+“-ს შეესაბამება.

E-Ink VizPlex ტიპის ეკარნის გამოყენების გასასამართლებლად შეგვიძლია ის ვთქვათ, რომ გაუმჯობესებულია ეკრანის გადახატვის (ანუ გამოსახულების ცვლილების) სისწრაფე. მოწყობილობა საშუალებას გაძლევთ განსაზღვროთ გამოსახულების ხარისხი მისი სრული განახლების სიხშირის მითითების ხარჯზე. მწარმოებლებმა დაამატეს ხარისხის სამი საფეხური: ტექსტის ჩვენება დაგლუვების გარეშე, დაგლუვებით და გაჯერებული.

ბოლო თაობის E-Ink Pearl ეკრანებთან შედარებისას გამოსახულების ხარისხი და კონტრასტულობა უნდა ორ ნაწილად გავყოთ: ინტერფეისი და ტექსტის აღქმადობა.
ინტერფეისის შემთხვევაში ფონი საგრძნობლად ნაცრისფერია, ტექსტის შემთხვევაში — ნაკლებად. მითუმეტეს, თუ ჩართულია „გაჯერებული“ რეჟიმი. ტექსტის გადაფურცვლა მომენტალურად ხდება.

საბოლოო შთაბეჭდილება: ეკრანი ნადმვილად არაა ცუდი, თუმცა ცოტათი ჩამორჩება E-Ink Pearl ტიპის ეკრანებს. უდავო პლუსია ის, რომ გადაფურცვლა ძალიან სწრაფია და კომფორტული, რითაც საგრძნობლად განსხვავდება სხვა კომპანიების ელწიგნებისაგან.

პროგრამული უზრუნველყოფა

ტესტირებისას მოწყობილობაზე დაინსტალირებული იყოს მიკროკოდი: 15.4 20111013_170037

პროგრამული უზრუნველყოფას საფუძველად Linux-ი აქვს. პროგრამული კოდის ნაწილი გამოქვეყებულია თავსუფლად აქ.

თავიდანვე PocketBook Basic 611 განსაზღვრული იყო, როგორც საწყისი დონის მოწყობილობა. თუმცა მწარმოებლებმა მართლაც ძალიან საინტერესო პროდუქტი შექმნეს და ბევრ საკითხში სჯობნიან ყველაზე ცნობილ კონკურენტებს.

პროგრამული უზრუნველყოფის საბაზისო, ძირითადი ფუნქციების გარდა შეიცავს მთელ რიგ საინტერესო ფუნქციებს. კერძოდ, ელწიგნში ჩაკერებულია კომპანია ABBYY Lingvo-ს ლექსიკონები. თუმცა ქართული არ არის (იმედს ვიტოვებ, რომ ჩვენი უკრაინელი მეგობრები ამ საკითხს მალე მოაგვარებენ). ამის გარდა შესაძებლობა გეძლევათ იკითხოთ RSS-არხებით სიახლეები. თუმცა ჩემი ღრმა რწმენით ეს სრულიად ზედმეტია — წიგნი უნდა იყოს მხოლოდ წიგნი, Wi-Fi-ც არ არის საჭირო. თუმცა ეს ჩემი პირადი აზრია. მიკროკოდის შემადგენლობაში შედის რამდენიმე მცირე აპლიკაცია (ბრაუზერი, კალკულატორი, ჭადრაკი, საათი, რამდენიმე კაზუალური თამაში).

ძალიან მომეწონა, რომ შესაძლებელია ნებისმიერი ფიზიკური კლავიშის ფუნქციის ხელახალი განსაზღვრა. მაგალითად, ამ მიმოხილვის მომზადებისას ფრიად საჭირო გახდა ეკრანული სურათების გადაღება (ე.წ. Screenshots). ეს ფუქნცია ამ მოწყობილობაში არის, უბრალოდ არცერთ კლავიშზე არ არის „მიბმული“. ამიტომაც მე უბრალოდ ჩართვა/გამორთვის ღილაკზე დავსვი და მშვენივრად გადავიღე სურათები.
ამიტომ ალბათ ჯობია, რომ მოწყობილობის შესწავლა დავიწყოთ „პარამეტრების“ სექციიდან, სადაც ბევრი ნაგულისხმევი ფუნქციის შეცვლა არის შესაძლებელი.

მომხმარებელს შეუძლია არა მარტო მოირგოს მოწყობილობა როგორც მას სურს, არამედ შეინახოს ეს პარამეტრები მეხსიერების ბარათზე რამდენიმე მიზეზის გამო: გაუზიაროს მოწყობილობა სხვა მკითხველს (მაგალითად ოჯახში ერთი და იგივე წიგნს საზიაროდ იყოფენ ცოლ-ქმარი, თითოეულ მათგანს შეუძლია საკუთარი პარამეტრები ჰქონდეს), ანდა ჩადოს მეხსიერების ბარათი PocketBook-ის სხვა წიგნში და განაგრძოს წიგნის კითხვა სასურველი პარამეტრებით.

„პარამეტრების“ სექციაში კიდევ ბევრი საინტერესო რამ გახლავთ: ინტერფეისის ენის შეცვლა, მათ შორის ფრიად სასიამოვნოა, რომ ქართულიც არის წარმოდგენილი, რაც იმის მაჩვენებელია, რომ PocketBook უფრო ძველი ქართულენოვანი წიგნია, ვიდრე იოტა. ხოლო ორთავე რომ ჩინეთში იწყობა, ეს ალბათ ყველამ იცის. 3 კლავიატურის განლაგება, მომხმარებლების პროფილები, გარეგანი სახის შეცვლა, კლავიშების ხელახალი განსაზღვრა, თარიღი და დრო, Wi-Fi-ს პარამეტრები.

დამატებითი პარამეტრების სექციაში შეგიძლიათ ნახოთ: მიკროკოდის განახლება, პაკეტების წაშლა (არ გირჩევთ, თუ არ იცით რა შედეგს მიიღებთ), ლექსიკონების დაკონფიგურირება, შიდა მეხსიერების დაფორმატება, microSD-ბარათის დაფორმატება, მდგომარეობის გასუფთავება, კონფიგურაციის კოპირება და აღდგენა, განახლებების ავტომატური შემოწმება, ავტორიზაციის წაშლა.

მოწყობილობა მხარს უჭერს ელწიგნების ყველა გავრცელებულ ფორმატს.

ტესტირებისას მე გამოვიყენე ჩემო მეგობრის, ვასილ კეკელიას მიერ შექმნილი ქართული ელწიგნები ePUB ფორმატში, თუმცა წიგნს უკვე მოყვა რამდენიმე ათეული ელწიგნი სხვადასხვა ენაზე და ძირითადად FB2 ფორმატში, თუმცა აგრეთვე წარმდოგენილია PDF-ფორმატში არსებული წიგნებიც.

წიგნების კითხვის რეჟიმში მომხმარებელს შეუძლია თითქმის ყველაფრის მორგება. მოწყობილობა მხარს უჭერს ტექსტის ზომის, შრიფტის მოხაზულობის, სტრიქონთა შორის დაშორების შეცვლას, შესაძლებელია ტექსტის კოდირების ცვლილება საჭიროების შემთხვევაში, გამოსახულების მოტრიალება, ეკრანის განახლების ხარისხის მორგება და ა.შ.

ამას დავამატოთ ლექსიკონები, ანოტაციები, ჩანართები, ძებნა, შენიშვნები და ა.შ.

შედეგები

დადებითი მხარე: ხარისხიანი დამზადება და ხარისხიანი მასალები, მძლავრი პროგრამული უზრუნველყოფა, მრავალფეროვანი ფუნქციები, უამრავი ფორმატის მხარდაჭერა, კლავიშების ფუქნციების ხელახალი განსაზღვრა, Lingvo-ს ლექსიკონები, RSS-არხების მხარდაჭერა, მრავალმომხმარებლიანი გარემო, წიგნების კატალოგიზაციის მოხერხებული სქემა, ავტონომიური მუშაობის ხანგძლივი დრო.

უარყოფითი მხარე: მიკროკოდის მცირე შეცდომები (გამოსწორებადია შემდეგ ვერსიაში, რომლის დაყენებასაც თქვენთვითონ შეძლებთ), ელწიგნების მარაზიასთან წვდომის გართულებული სისტემა.

და აი, დიდი ხნის ლოდნის შემდეგ, ფოსტით მივიღე ნანატრი ტაბლეტი. გამოვიტანე, განვაბაჟე და ჩავუჯექი მის დეტალებს. არ მინდა მოვლენებს წინ გავუსწრო, მაგრამ ერთს ვიტყვი, ძალიან მომეწონა ეს ტაბლეტი, თითქმის ფანი გავხდი. თუ რატომ მომეწონა და რატომ თითქმის, ამაზე დღევანდელ მიმოხილვაში მოგიყვებით. თუმცა მოდი მივყვეთ დეტალურად.

კომპლექტაცია

კოლოფში (სხვათაშორის, ძალიან ხარისხიანად შესრულებულში) მოთავსებულია შემდეგი მაკომპლექტებელი ნაწილები:

• პლანშეტი;
• ელექტრო ქსელიდან დამტენი მოწყობილობა;
• USB-კაბელი კომპიუტერთან და ელკვების წყაროსთან მისაერთებლად;
• რბილი ნაჭერი ეკრანისა და კორპუსის გასაწმენდად;
• მცირე სახელმძღვანელო;

კოლოფი, როგორც უკვე მოგახსენეთ, ძალიან ხარისხიანია და iPad-ის კოლოფს არაფრით ჩამოუვარდება. ამას იმიტომ ვუსვამ ხაზს, რომ მე, როგორც Apple-ის პროდუქტებით განებივრებულ ესთეტს, ძალიან მაღიაზიანებს პროდუქტები, რომელთა შეფუთვა უგულისყუროდ და დაბალი ხარისხის მასალისგან არის შესრულებული (გამარჯობა, Amazon). ეს ისე, მცირე გადახვევა.

ტექნიკური მახასიათებლები:

საოპერაციო სისტემა: webOS;
პროცესორი/ჩიპსეტი: 1200 მჰც Qualcomm Snapdragon APQ8060, 2 ბირთვი;
ოპერატიული მეხსიერება: 1 გბაიტი;
მუდმივი მეხსიერება: 16 ან 32 გბაიტი;
ეკარნი: 9.7 გოჯი, გარჩევადობა: 1024×768, მატრიცა IPS, მოცულობითი, მალტითაჩი;
უსადენო კავშირი: Wi-Fi 802.11b/g/n, Bluetooth 2.1 EDR;
კამერა ფრონტალური, 1.3 მეგაპიქსელი;
ფოსოები: micro-USB, 3,5 მმ. აუდიო;
სენსორები: აკსელერომეტრი, ჰიროსკოპი, კომპასი, განათების სენსორი;
კუმულატორი: 6300 მა/სთ (9 საათი ვიდეოს ყურების რეჟიმში);
ზომები: 240x190x14 მმ.
წონა: 740 გრ.

დიზაინი [გარეგანი სახე]

გარეგანი სახე თავიდანვე მომეწონა. ზომა-ფორმით ძალიან წააგავს iPad-ს, თუმცა ამ უკანასკნელისაგან განსხვავებით გააჩნია კარგი და ცუდი მომენტები. ეკრანის ზომა შეადგენს იგივე 9,7 გოჯს, ეკრანის გვერდების თანაფარდობა იგივე 4:3 გახლავთ, ხოლო გარჩევადობა — 1024×768 წერტილი. კორპუსი დამზადებულია პრიალა პლასტიკატისაგან, რომელიც მართალია ძალიან სწრაფად ითითხნება ნათითურებით, მაგრამ მე პირდად ფრიად მესიამოვნა მასთან შეხება. რაღაც სასიამოვნო და რბილია, მოკლედ არ ვიცი, მე მომეწონა ძალიან. ყველა კუთხე მომრგვალებულია, რაც ასევე სასიამოვნოა. მართალია და ეს მინუსია, რომ TouchPad უფრო მძიმეა, ვიდრე iPad. წონისა და სისქის მიხედვით ის აშკარად ჩამორჩება iPad-ს, წამოწოლილ მდგომარეობაში საკმაოდ მოუხერხებელია მისი ხელში დაჭერა, უმჯობესია წიგნივით გვრდით დაიდოთ და ისე იმუშაოთ. თუ არა და წამოჯექით, მიეყრდენით რაიმეს და მუხლებზე დაიდეთ. ამ დროს არ შეგექმნებათ დისკომფორტი.

ღილაკები და ფოსოები კორპუსზე მინიმალური რაოდენობითაა წარმოდგენილი. წინიდან ჩანს მხოლოდ კამერის ნახვრეტი კორპუსის ზედა ნაწილში, ხოლო ქვემოთ — ერთადერთი ღილაკი. მარჯვნიდან ხმის ამწევ-დამწევი საქანელა. ზემოდან განთავსებულია ჩართვა-გამორთვის ღილაკი, მიკოფონის ნასვრეტი და ყურსაცვამების ფოსო. მარცხნიდან ორი სპიკერია ჩამონტაჟებული. მოწყობილობის კოლოფზე წერია, რომ პლანშეტში არის Beats Audio ტექნოლოგია, რაც ნიშნავს ხმის მაღალ ხარისხს. ქვემოდან განთავსებულია micro-USB ფოსო, რომლის საშუალებითაც შეგიძლიათ მოწყობილობის კომპიუტერთან მიერთება ან ელქსელიდან დატენვა. აქ უნდა სპეციალურად ავღნიშნო, რომ HP TouchPad-ი iPad-ისაგან განსხვავებით არ დაიტენება კომპიუტერისაგან, მხოლოდ ელკვებით. არ ყოფნის ძაბვა აშკარად კომპიუტერიდან. თანაც საკმაოდ დიდი ხანი იტენება.

ეკრანი

ეკრანზე ცოტა დეტალურად მინდა ვისაუბრო, ამიტომ გამოვყავი ცალკე პუნქტად. მისი დამზადებისას გამოყენებულია IPS მატრიცა, როგორც iPad-ებში. ხედვის კუთხეები, სიკაშკაშე, ფერთა გადაცემა — ძალიან მაღალ დონეზეა. რაც არ მომწონს — სიპრიალეა, რომელიც საერთოდ არცერთ ეკრანში არ მომწონს. თანაც ნათითურების რაოდენობით ძალიან, ძალიან გადაუსწრო iPad-საც კი. ასევე უნდა ავღნიშნო, რომ თითების შეხების დამუშავება საუცხოო დონეზეა, მცირედი მიკარებაც კი გადასარევად აღიქმება.

საოპერაციო სისტემა webOS

ისტორია

პირველად webOS წარდგენილი იქნა 2009 წელს კომპანია Palm-ის მიერ, როგორც ადრინდელი Palm OS-ის შემცვლელი. ძველი საოპერაციო სისტემა მორალურად მოძველებული იყო და საჭიროებდა სერიოზულ მოდერნიზაციას. ახალი მობილური საოპერაციო სისტემა ნულიდან შეიქმნა და ეს გადამწყვეტი ნაბიჯი გახლდათ, რამაც სერიოზული ძალისხმევა მოითხოვა დეველოპერებისაგან. კერძოდ, Palm OS-თან თავსებადობის შესანარჩუნებლად, web OS 1.0-ში, რომლის დებიუტიც Palm Pre-ზე შედგა, დამატებული იყო ემულატორი Classic. თუმცა, როგორც შემდგომში გაირკვა, ამის აუცილებლობა არ არსებობდა და webOS-ის შემდგომ ვერსიაში (2.0) ეს ემულატორი ამოიღეს. webOS-ის ისტორიაში კიდევ ბევრი საინტერესო მაგალითი შეგვიძლია ვიხილოთ: მაგალითად, მისი ნულიდან შექმნის ერთ-ერთი მოტივი გახლდათ მრავალამოცანიანობის უზრუნველყოფა, თუმცა როგორც ცნობილია, მობილური პლათფორმისათვის ეს არ არის კრიტიკული საკითხი.

Palm-მა მოასწრო კიდევ რამდენიმე მოწყობილობის გამოშვება ბაზარზე, კერძოდ Palm Pixi-ს და Palm Plus მობლური ოპერატორისათვის Verizon, ასევე შეგვიძლია დავასახელოთ ფლაგმანი მოდელი Palm Pre 2. თუმცა, დიდი წარმატება ამ მოდელების გამოშვებას არ მოჰყოლია. ამიტომაც 2010 წლის გაზაფხულზე კომპანია Palm შეიძინა HP-მ. ახალმა მეპატრონემ ენერგიულად მოჰკიდა ხელი საქმეს და 2010 წლის შემოდგომაზე ჩვენ მივიღეთ webOS 2.0 უკვე ახალი მარკით. 2011 წლის დასაწყისში წარმოდგენილი იქნა ახალი მოწყობილობები, HP Pre 3 და მინიატურული HP Veer, ხოლო 2011 წლის 1 ივლისს — პლანშეტი HP TouchPad ახალი საოპერაციო სისტემით webOS 3.0-ით. HP ვარაუდობდა გამოეყენებინა ეს საოპერაციო სისტემა პერსონალურ კომპიუტერებშიც (ალბათ მეორე, მსუბუქი ოს-ის სახით) და პრინტერებში. თუმცა სამწუხაროდ ამ გეგმებს აღსრულება არ ეწერათ. 2011 წლის 18 აგვისტოს HP-მ გამოაცხადა ამ დეპარტამენტის თავიდან მოშორების შესახებ და მართალია ორი თვის შემდეგ ეს გადაწყვეტილება გააუქმა, webOS-ის შექმნა მაინც შეწყდა. ამასთან HP არ აპირებს შეწყვიტოს პლანშეტების გამოშვება, მაგრამ… Windows 8-ის ბაზაზე. უკომენტაროდ…

არქიტექტურა

მაშ ასე, webOS ნულიდან შეიქმნა და საკმაოდ მოკლე პერიოდში, რაც არაორაზროვნად მიუთითებს Open Source ნამუშევრების გამოყენებაზე. მართლაც, webOS-ის საფუძველში Linux-ის ბირთვია: 1.x-2.1 რელიზში — 2.6.24 ვერსია, ხოლო შემდგომში — უფრო ახლები და ბოლოს 3.x-ში — 2.6.35. მხარდაჭერილია დრაივერების სტანდარტული არქიტექტურა, ფაილების სისტემა ext3 (სისტემური ტომისათვის) და fat32 (გარე მეხსიერებისათვის). გამოყენებული კომპონენტებისა და პაკეტების სია შეგვიძლია ვიხილოთ ამ გვერდზე. ქვემოთ მოცემულ სურათზე ნაჩვენებია webOS 2.0-ის არქიტექტურა — ამაზე ის მიუთითებს, რომ webOS 3.0-ში Mojo Framework-ის ნაცვლად გამოიყენება Enyo. ნებისმიერ შემთხვევაში ამ საოპერაციო სისტემისათვის აპლიკაციები იქმნება HTML/CSS/JavaScript-ის გამოყენებით, ხოლო შესრულება ხდება User Interface (UI) System Manager-ის საშუალებით, რომელიც, ძნელი მისახვედრი არაა, რომ ბრაუზერის WebKit-ის ბაზაზეა აგებული. ანუ მარტივად რომ ვთქვათ, ყველა პროგრამა ვებ-გვერდია.

თუმცა webOS-ში არსებობს საშუალება გავუშვათ აპლიკაცია, რომელიც დაწერილია C/C++ ენაზე. ამისათვის დეველოპერებს შეუძლიათ გამოიყენონ Plug-In Development Kit (PDK), რომელიც ემატება სტანდარტულ SDK-ს და საშუალებას გვაძლევს შევქმნათ ამ სიტყვის სრული მნიშვნელობით პლაგინები, ანუ კომპონენტები, რომლებიც უერთდება აპლიკაციებს ბრაუზერებში გამოყენებული მექანიზმების მეშვეობით. PDK-ში გამოიყენება GCC, OpenGLES 1.1/2.0, მულტიმედია ბიბლიოთეკა SDL (Simple DirectMedia Library) და მისი გაფართოება PDL (Palm Development Library), რომელიც უზრუნველყოფს წვდომას webOS-ის სპეციფიურ მოწყობილობებთან.

სამწუხაროდ, webOS ვერ დაიკვეხნის მრავალი აპლიკაციით. ერთი მხრივ, ხელსაწყოები და ტექნოლოგიები, რომლეთა საშუალებითაც შეგვიძლია დავწეროთ აპლიკაცია ამ პლათფრომისათვის, ერთ-ერთ ყველაზე მარტივს და ადვილად გასაგებს მიეკუთვნება, მეორე მხრივ, HTML/CSS/JavaScript — ჯერ-ჯერობით არაა საუკეთესო საშუალება შედარებით რთული აპლიკაციების შესაქმნელად. მაგალითად, სისტემურ აპლიკაციებში დამატებული Quickoffice, რომელიც განკუთვნილია საოფისე დოკუმენტებთან სამუშაოდ, მხოლოდ ამ ფაილების წაკითხვის ფუნქციით შემოფარგლება. Google, რომელიც ყოველმხრივ მხარს უჭერს HTML-გარემოს, დეველოპერების სტიმულს უჩენს საკუთარი მაგალითით, რასაც სამწუხაროდ ვერ ვიტყვით HP-ზე. სიტუაციას ვერ შველის ამ საოპერაციო სისტემის გარშემო გაჩენილი სტიქიური დეველოპერების საზოგადოება.

მალთიტასკინგი

როგორც უკვე მოგახსენეთ, webOS PalmOS-ის საქმის გამგრძელებელი გახლავთ, რომელიც რაღაცა მომენტიდან ძალიან ჩამორჩა კონკურენტებს. ამ უკანასკნელთა შორის გახლავთ Simbian და Windows Mobile. საინტერესოა შემდეგი, რომ Palm მიხვდა მალთიტასკინგის აუცილებლობას მაშინ, როდესაც Microsoft-მა მასზე უარის თქმა გადაწყვიტა. ახლა უკვე ყველა ხვდება, რომ ეს ფუქნცია მობილურ პლათფორმებში სპეციფიურად უნდა მოეწყოს და არა პირდაპირ, ნაჯახით ამოიჩეხოს როგორც სამაგიდე სისტემებშია. ჩემი მოკრძალებული აზრით, Palm-მა იპოვნა საკმაოდ წარმატებული გადაწყვეტილება.

ტექნიკური თვალსაზრისით, webOS საშუალებას იძლევა ერთდროულად შევასრულოთ რამოდენიმე აპლიკაცია, ამასთან თითოეული მათგანი სისტემისაგან მოიხმარს გამოთვლითი რესურსების აუცილებელ ოდენობას. ამ პროცესს System Manager ხელმძღვანელობს. მომხმარებელს შეუძლია ერთდროულად მხოლოდ ერთ აპლიკაციასთან ურთიერთქმედება, ყველა დანარჩენი ფონში გადადის, სადაც მათ ეზღუდებათ მრავალ სისტემურ სერვისთან და ენერგოტევად ფუნქციასთან ურთიერთქმედება, ხელოვნურად უმცირდებათ ქსელთან მიმართვის რაოდენობა და ა.შ. თუმცა საჭიროების შემთხვევაში, ფონურ აპლიკაციას შეუძლია აუცილებელი შეტყობინების გამოტანა მომხმარებლისათვის. ეს შეტყობინებები ძალიან კარგად არის მოფიქრებული, ხელს არ უშლის მომხმარებელს და ერთ, განსაზღვრულ ადგილას გროვდება.

არაჩვეულებრივადაა მოფიქრებული webOS-ში ფონურ აპლიკაციებთან წვდომა. სახელად ამ ფუქნციას ჰქვია „ბარათები“ — თითქოსდა მართლაც ბანქოს ქაღალდად იქცაო, აპლიკაცია ზომაში მცირდება და ერთი აპლიკაციის რამდენიმე ფანჯარა დასტად ეწყობა. იმისათვის, რომ აპლიკაცია ფონში გადაიყვანოთ, საკმარისია ეკრანზე აუსვათ თითი ქვემოდან ზემოთ (ეს ჟესტი როგორც გავარკვიე R.I.M BlackBerry PalyBook-ში გადაიტანა, ანუ მოიპარა), ან დააჭიროთ „Home“ ღილაკზე. თუ გსურთ აპლიკაციის მთლიანად დახურვა უბრალოდ გადაისროლეთ მისი „ბარათი“ თითით ეკრანის ზემოთ. გაქრება და დაიხურება, სულ ესაა. მოკლედ, მომეწონა გადაწყვეტილება ფრიად და რიგ შემთხვევაში iOS-ის ვარიანტს სჯობნის კიდევაც.

უნდა ითქვას, რომ webOS-ის ბარათების იდეა კარგად ჩანს Windows Phone 7.5-ის ფონური აპლიკაციების მართვის სისტემაში. თუმცა ბრმად გადატანილი არ არის.

Synergy

webOS-ის კიდევ ერთ განმასხვავებელ იდეას — სხვადასხვა ონლაინ-წყაროს გაერთიანება ერთიან საინფორმაციო ნაკადში — სახელად Synergy ჰქვია და პირდაპირი მნიშველობით შეგვიძლია გავიგოთ. რას წარმოადგენს ეს ტექნოლოგია? აი ახლავე მოგიყვებით. პლანშეტში სისტემურად აყენია ისეთი აპლიკაციები, როგორიცაა Contacts, Email, Calendar, Messaging. ეს აპლიკაციები წარმოადგენს ერთგვარ ჰაბს, ანუ შემკრებს, გარსს, რომლებსაც მიუერთდებიან სხვადასხვა ონლაინ-სერვისები: Google Aps, Facebook, Microsoft Exchange. შესაძლებელია თითოეული ანგარიშის მიბმა საჭირო აპლიკაციასთან, სადაც შემდგომ მოხდება ინფორმაციის თავმოყრა ერთ ადგილას — მაგალითად, ყველა წერილი ყველა საფოსტო ანგარიშიდან ერთ აპლიკაციაში ინახება და ერთად შეგიძლიათ ნახოთ. ყველა ანგარიშის ჩეტ-სისტემა ასევე ერთ აპლიკაციაშია მოქცეული, ყველა კალენდარი ერთადაა, ასევე ყველა კონტაქტი და ა.შ. პარამეტრების მინიჭების შემდეგ ინფორმაცია ავტომატურად დაიწყებს განახლებას: მაგალითად, მიუხედავად იმისა, თუ ვინ ჩაასწორა საკონტაქტო ინფორმაციას — თქვენ საფოსტო ანგარიშში, თუ თქვენი მეგობარი სოციალურ ქსელში — ყველა ჩასწორება მალე აისახება თქვენს ტაბლეტში. სია თავიდანვე ხელმისაწვდომი სერვისებისა პატარა ნამდვილად არაა, თუმცა ზოგიერთი სერვიი აკლია (Twitter და Microsoft Messanger, მაგალთად).

თუმცა Synergy-ს რეალიზაციას თავისი ნიუანსები გააჩნია — მაგალითად, რომელიმე ანგარიშის წაშლისას კონტაქტები შეიძლება მაინც დარჩეს თქვენს ტაბლეტში და შემდგომში მათი წაშლა სათითაოდ მოგიწევთ.

Just type

„უბრალოდ აკრიფე“ — ასე ქვია ჩაყენებულ, გამჭოლ საძიებო სისტემას, რომელიც საშუალებას იძლევა სწრაფად მოვიძიოთ ინფორმაცია როგორც მოწყობილობაში, ასევე ინტერნეტში. სახელი ძალიან ზუსტად არის შერჩეული: საკმარისია დაიწყოთ კლავშებზე დაჭერა, როდესაც იმყოფებით საწყისს გვერდზე (დოკუმენტაციაში ამ გვერდს ჰქვია Card View), რომ საძიებო სისტემა იმავწუთას დაიწებს მოქმედებას. ძებნა ხორციელდება ლოკალურად ბევრ ადგილას (კონტაქტები, ფოსტა, რჩეულები, ინფორმაცია მედია-ფაილებიდან). წერილებისა და დოკუმენტების შიგთავსის ინდექსაცია არ ხდება. ამის გარდა, ამ ფუქნციას შეუძლია იქონიოს სწრაფი წვდომა ზოგიერთ პოპულარულ მოქმედებასთან — მაგალითად Facebook-ის სტატუსის განახლებასთან.

მოკლედ, webOS-ში პრაქტიკულად ყველაფერია, რასაც მომხმარებელი მოელის მობილური პლათფრომისაგან, თუმცა როგორც წესი, ზოგიერთი ფუქნცია უკეთ არის შესრულებული, ზოგიც — უარესად. მაგალითად, ეს ტაბლეტი კომპიუტერს კაბელის საშუალებით უერთდება როგორც დიდი ვინჩესტერი, რაც უდავოდ დიდი პლიუსია, თუმცა ამ დროს მისი გამოყენება შეუძლებელია (ეკრანი იბლოკება).

როგორც ადრე ავღნიშნეთ, ბრაუზერისათვის გამოყენებულია Webkit-ძრავა და მხარდაჭერილია HTML5 და Flash. ამ უკანასკნელის შემთხვევაში გამოყენებულია აპარატურული ამაჩქარებელი.

აპლიკაციები და HP App Catalog

აი აქ სამწუხაროდ ცუდი სურათია. თან ფრიად ცუდი სურათი. აპლიკაციების ცოტა კი არ არის, კატასტროფულად ცოტაა. როდესაც ტაბლეტი მივიღე, პირველ ქმედება ჩემი მხრიდან გახლდათ დამატებითი აპლიკაციების ჩამოტვირთვა, კი ბატონო გადმოვიწერე Facebook, Angry Birds და პრინციპში მორჩა ჩემთვის საინტერესო აპლიკაციების სია. კი, არის რარაცეეი, მაგრამ სწორედ რომ რაღაცეები, პრიმიტიული ნაკლებ საინტერესო აპლიკაციები, რომლებიც არაფერს წარმოადგენენ რეალობაში.

წარმადობა

სიმართლე გითხრათ, ამ ტაბლეტის სიჩქარით დიდად მოხიბლული არ დავრჩენილვარ. მართალია მასში ჩაყენებულია 1.2 გჰც ორბირთვიანი პროცესორი, მაგრამ მაინც. პროგრამების გაშვება და ეკრანის ორიენტაციის შეცვლა პრინციპში ნორმალური სისწრაფით ხდება, ხოლო ანიმაცია ბრაუზერში წყვეტილია. Flash-იც საკმაოდ ნელა მუშაობს. ამასთან რაც ბევრი სარკმელი თუ გაქვთ გახსნილი, სიჩქარე სერიოზულად ვარდება. ინტერნეტში მოიძიება სპეციალური ინსტრუქცია, რომლის მიხედვითაც შესაძლებელი ხდება პროცესორის ოვერკლოკინგი 1.7 გჰც-მდე. აი მერე გაიხარე, სწრაფად იწყებს მუშაობას ტაბლეტი! მე არ გავაკეთე ეს გარკვეული მიზეზების გამო.

აუდიო-ვიდეოს დაკვრა

აუდიო-ვიდეოზე პრინციპში არ მაქვს პრეტენზიები. თუ გავითვალისწინებთ, რომ webOS-ში ფაილური სისტემა გახსნილია, კაბელით კომპიუტერთან მიერთების შემდეგ უბრალოდ შეგიძლიათ ჩაყაროთ მედია-ფაილები რომელიმე საქაღალდეში, ან ახალი საქაღალდე შექმნათ. შემდეგ შეხვიდეთ შესაბამის პროგრამაში ტაბლეტში და თქვენი მედია-შიგთავსი უპრობლემოდ გამოჩნდება. მოკლედ, ამ მხრივ ძალიან კარგად არის ყველაფერი გაკეთებული HP TouchPad-ში.

აკუმულატორი

ტაბლეტში ჩადგმულია 6300 მა/სთ მოცულობის აკუმულატორი, რომელიც ცოტათი ჩამოუვარდება iPad 2-ის აკუმულატორს ზომებით. HP აცხადებს, რომ მისი საშუალებით თავისუფლად შეძლებთ ინტერნეტში ძრომიალს 8 საათის განმავლობაში, ან 9 საათი უყურებთ კინოს, ან 3 დღე მოუსმენთ მუსიკას. მაგრამ ხომ გესმით, რომ ასეთი ხელოვნური მაჩვენებელი არაფერს გვეუბნება. აბა ვინ მოუსმენს 3 დღე განუწყვეტლივ მუსიკას, ან კინოს 9 საათი ვინ უყურებს? მე ჩემს შედეგებს მოგახსენებთ. მთლიანად დამუხტული აკუმულტორით სადღაც 1 დღე კარგად ვამუშავე. აქ შედიოდა კინოს ყურებაც, ცოტა მუსიკა, საკმაოდ ბევრი თამაში (ბრაზიანი ჩიტუნები) და ყველაზე მეტად ინტერნეტში ძრომიალი, ძირითადად Facebook-ზე.

დადებითი და უარყოფითი მომენტები [პლიუს-მინუსები]

+ შესანიშნავი ტექნიკური მახასიათებლები;
+ აწყობის ძალიან მაღალი ხარისხი;
+ მკვეთრი, მაღალი ხარისხის ეკრანი;
+ ავტონომური მუშაობს საკმაოდ დიდი დრო;
+ მედია-ფაილებთან პირდაპირი წვდომა;

– აპლიკაციების ძალიან მცირე რაოდენობა;
– არ გააჩნი მეხსიერების ბარათის სლოტი;
– ეკრანი და კორპუსი ძალიან სწრაფად ითითხნება ნათითურებით;
– დიდი წონა;
– ქართული ენის მხარდაჭერის არარსებობა ბრაუზერშიც კი;

დასკვნები

დასკვნების გამოტანა ჩემთვის ამ მოწყობილობის შემთხვევაში საკმაოდ ადვილია: მოწყობილობა მე მართლა ძალიან მომეწონა და ძალიან სამწუხაროა, რომ კომპანია HP-მ აბსოლუტურად არასწორად წაიყვანა საქმეები მასთან დაკავშირებით. მთლიანად შეწყვიტა აპარატურის წარმოება, ანუ უშუალოდ ტაბლეტის, ხოლო webOS ღია გახდება, ანუ ნებისმიერი შეძლებს მის ბაზაზე საკუტარი ტაბლეტის გამოშვებას. ვნახოთ რამდენად უშველის ეს საქმეს, თუმცა ჯერ ბედ-იღბალი ბუნდოვნად მოჩანს.

რეალურად, თუ კი ვინმეს აქვს უფლება ეწოდოს iPad-ის რეალური კონკურენტი, ეს HP TouchPad უნდა ყოფილიყო და არა ის საცოდაობა, რასაც ანდროიდი ჰქვია. HP-ის მხრიდან საქმეების ჭკვიანურად წაყვანის შემთხვევაში ამ ტაბლეტს ბაზრის საკმაოდ სერიოზული წილის დათრევის პერსპექტივა გააჩნდა. შეთქმულების თეორიების დიდად არ მჯერა, მაგრამ რატომღაც მგონია, რომ მისი ჩაძირვა ხელოვნურად მოხდა, „სიკეთის იმპერიის“ უშულო დახმარებით.

და სულ არ მიკვირს ეს.

უნდა ითქვას, რომ iPad-ის სხვა, მრავალ კონკურენტს შორის, რომლებიც უკვე გამოვიდა გაყიდვაში, ან სულ მალე გამოვა, PlayBook გამოირჩევა ერთი თავისებურებით: ის მუშაობს საკუთარი საოპერაციო სისტემით — BlackBerry tablet OS (რომელიც დაფუძნებულია QNX Neutrino-ზე). მომხმარებლისათვის ეს პლიუსიცაა და მინუსიც. ამაზე ოდნავ მოგვიანებით ვისაუბრებთ, მანამდე კი გეტყვით, რომ პლანშეტების ბაზარზე კიდევ ერთი ახალი საოპერაციო სისტემა გამოჩნდა. მეტსაც გეტყვით, ეს უბრალოდ სმარტფონის ოს-ის ნაირსახეობა კი არ არის, არამედ სრულფასოვანი საოპერაციო სისტემაა, თავისი უნიკალური შესაძლებლობებითა და პრინციპიალურად განსხვავებული ინტერფეისით.

კომპლექტაცია

BlackBerry PlayBook მოთავსებულია კვადრატული ფორმის ფრიად სიმპათიურ კოლოფში (ფორმ-ფაქტორი განსხვავდება ბაზარზე არსებული გადაწყვეტილებებისაგან და თავიდანვე იქცევს ყურადღებას). კოლოფში, გარდა უშუალოდ პლანშეტისა, შეგვიძლია დავინახოთ ბუკლეტები და სარეკლამო ფურცლები რამდენიმე ენაზე, Micro-USB — USB კაბელი, დამტენი მოწყობილობა და პლანშეტის შალითა.

შალითაზე ოდნავ დეტალურად მოგახსენებთ. ის ფრიად ხარისხიანი და ლამაზი რამ გახლავთ. დამზადებულია რბილი, მაგრამ არა თხელი ელასტიკური ნაჭრისაგან. კარგად იცავს პლანშეტის დარტყმებისაგან (თუმცა სიმაღლიდან ვარდნისაგან ვერ დაიცავს მოწყობილობას).

დიზაინი

BlackBerry-ს მოწყობილობები არასოდეს არ იყო ლამაზი (ეს ჩემი პირადი აზრია და გამყარებულია Apple-ის მოწყობილობების ულამაზესი დიზაინით). თუმცა უნდა აღვნიშნოთ, რომ ისინი ყოველთვის გამოირჩეოდნენ ორიგინალური დიზაინით და მათში ხარისხისა და გამძლეობის მომენტი ყოველთვის იგრძნობოდა. PlayBook ზუსტად ასეთი პროდუქტია. პირველი შეხედვით ნამდვილად ვერ მოვიხიბლე. მაგრამ, როგორც კი ხელში აიღებ მას, ცოტა ხანი იმუშავებ მასთან, მიხვდები, თუ რატომ უყვართ ამერიკელ ბიზნესმენებს კომპანია RIM-ის პროდუქტები: კორპუსის სასიამოვნო, რეზინა შერეული მასალა, აწყობის უმაღლესი ხარისხი, მკაცრი, „არაგლამურული“ გარეგანი სახე — ზუსტად ასეთი მოწყობილობის ნახვას ელოდები სერიოზული, სოლიდური მამაკაცის ხელში.

დიზაინის მნიშვნელოვანი მომენტი: ეკრანის მხარეს მოწყობილობას არ გააჩნია არცერთი ღილაკი. ამან თავიდან ფრიად გამაკვირვა და დამაბნია კიდევაც. სიმართლე ითქვას, დაახლოებით 10-15 წუთი დამჭირდა იმისათვის, რომ მივმხდარიყავი, თუ როგორ იმართება ფანჯრები ამ მოწყობილობაში. ამაზეც ოდნავ ქვემოთ მოგახსენებთ.

ყველა ღილაკი, რომელიც დაგჭირდებათ მუშაობისას, ატანილია პლანშეტის ზედა წიბოზე: ჩართვის პატარა, მრგვალი ღილაკი და ხმის მართვის სამი ღილაკი (ხმის დაწევა, დაკვრა/გაჩერება, ხმის აწევა).

სხვათაშორის, თუ ერთდროულად დავაჭერთ ხმის ორივე ღილაკს, პლანშეტი ეკრანს გადაუღებს სურათს (ე.წ. სკრინშოტს). აი პლანშეტის ჩართვა-გამორთვა კი უხეიროდ არის შესრულებული, ღილაკი იმდენად პატარაა, რომ ფრჩხილითაც კი ძნელია მასზე დაჭერა.

თუ გავითვალისწინებთ, რომ ამ ღილაკზე დაჭერა მაშინაც საჭიროა, როდესაც მოწყობილობის დაძინება გვსურს, გამოჩნდება მისი უდიდესი მინუსი. მეორე მხრივ, ეკრანის ზედა მარჯვენა კუთხეში განთავსებულია მოწყობილობის გამორთვისა და დაძინების პროგრამული ღილაკები. სიმართლე გითხრათ, მე მხოლოდ მათი საშუალებით ვაძინებდი ტაბლეტს. ბარემ აქვე ვიტყვი, რომ BlackBerry PlayBook-ის ძილის რეჟიმიდან გამოყვანა ხდება ეკრანზე ჰორიზონტალურად თითის გადასმით. ფრიად მოსახერხებელია, თუმცა შესაძლებელია მცდარი გამოღვიძება, თითის შემთხვევით შეხებითაც.

რაც შეეხება ფოსოებს (ანუ Jack-ებს), PlayBook-ში ამ მხრივ უკეთესი სიტუაციაა, ვიდრე iPad-ში: ტაბლეტში არის Micro-USB, რომლის საშუალებითაც ხდება მოწყობილობის სინქრონიზაცია კომპიუტერთან, აგრეთვე არის Micro HDMI, რომლის საშუალებითაც შეგიძლიათ გამოსახულება გარე ეკრანზე გამოიყვანოთ. მაგრამ არ არის არც MicroSD, არც USB.

სპეციფიკაციები

მოდით გადავხედოთ ცხრილს, სადაც მოცემულია BlackBerry PlayBook-ის ძირითადი მახასიათებლები. შედარებისათვის ავიღოთ HTC Flyer, Samsung Galaxy Tab და Nook Color.

ეკრანი

ეკრანი ფრიად საინტერსოა: ოფიციალურ მახასიათებლებში წერია, რომ ის დაფუძნებულია LCD ტექნოლოგიაზე LED-განათებით, მაგრამ არაფერია ნათქვამი უშუალოდ მატრიცის შესახებ (IPS თუ TN-film). სხვადასხვა წყაროები სხვადასხვა ინფორმაციას გვაწვდიან. მე მგონია, რომ PlayBook-ში TN-მატრიცაა, მაგრამ მაღალი ხარისხის. ეკრანი მართლაც ძალიან კარგად გამოიყურება და გარჩევადობა მართლაც მაღალი აქვს.

ისევე როგორც iPad-ს, ამ მოწყობილობის ეკრანიც მოცულობითია. შეხებაზე პრინციპში კარგად რეაგირებს, თუმცა არა ისე იდეალურად, როგორც iPad-ი.

ეკრანის მუშა სივრცე არის 15,3×9 სმ.

საოპერაციო სისტემა

როგორც ადრე გითხარით, PlayBook-ში გამოიყენება საკუთარი საოპერაციო სისტემა, რომელიც სპეციალურად ამ პლანშეტისათვის შემუშავდა. პლანშეტის გამოსვლამდე მუსირებდა ხმები, რომ გამოყენებული იქნებოდა BlackBerry OS. თუმცა დეველოპერებმა სრულიად სწორად გადაწყვიტეს, რომ სმარტფონი და პლანშეტი — ორი განსხვავებული მოწყობილობაა. კერძოდ, პლანშეტში ფრიად საჭირო რამ გახლავთ მალთიტასქინგი. ამის გარდა, BlackBerry-ს ტელეფონებზე ფიზიკური ღილაკები არის, ხოლო ტაბლეტზე — არა. მოკლედ, მხოლოდ ეს ფაქტებიც საკმარისია იმისათვის, რომ ცხადი გამხდარიყო დამოუკიდებელი ოს-ის არსებობა.

და დეველოპერებმა შექმნეს ასეთი ოს-ი. ჩემი აზრით, თავმკვდარი მაკისტის აზრითაც კი, ფრიად კარგი საოპერაციო სისტემა. ის ფრიად მოქნილია, უფრო მეტადაც კი, ვიდრე iOS და ზედმიწევნით „ენით ალოკილი“, უფრო მეტად, ვიდრე Android.

ამ ოს-ის მთავარი თავისებურება გახლავთ ეკრანის გარშემო არსებული ჩარჩოს მგრძნობიარობა. სიმართლე გითხრათ, თავიდან ძალიან დავიბენი, როდესაც პირველად ხელში დავიჭირე ეს ტაბლეტი. ბრაუზერი გავხსენი და უცებ აღმოვაჩინე, რომ უკან, მთავარ მენიუში ვერ გამოვდივარ. რამდენიმე წუთის უშედეგო ჯახირის შემდეგ უცებ აღმოვაჩინე, რომ ინტერფეისის მუშაობა დამყარებულია ორ ძირითად ჟესტზე: თითის ასმა ვერტიკალურად ზემოთ, ან ქვემოთ. თუ ზემოთ აუსმევთ თითს, აქტიური ფანჯარა დაპატარავდება და გამოჩნდება სამუშაო დაფა, ხოლო თუ ქვემოთ ჩამოუსვამთ — გაიხსნება პარამეტრების მენიუ.

ნამდვილად ვერ დავარქმევ ამ ჟესტებს ინტუიტიურად გასაგებს: თუ წინასწარ არ წაიკითხავთ PlayBook-ის სახელმძღვანელოს, გაგიჭირდებათ ჩემსავით ფანჯრების მართვის სისტემის გამოცნობა. თუმცა უნდა ითქვას, რომ ეს სისტემა ფრიად მოსახერხებელია და მე ძალიან სწრაფად მივეჩვიე მას.

ოს-ის მეორე თავისებურება — მალთიტასქინგის სრული და რეალური მხარდაჭერა, განსხვავებით სხვა ტაბლეტების საოპერაციო სისტემებისაგან. ყველა გახსნილი პროგრამა ტაბლეტის სამუშაო დაფაზე წარმოდგენილია მცირე ზომის მინიატურით: ბოლოს გაშვებული პროგრამის მინიატურა ოდნავ უფრო დიდი ზომისაა, დანარჩენები — ოდნავ ნაკლები.

ამ დროს, თუ რომელიმე ფანჯარაში მიმდინარეობს რაიმე დინამიური შიგთავსის ჩვენება (მაგალითად ფილმის, ან თამაშის), მის მინიატურად გადაქცევის შემდეგ შიგთავსის ჩვენება არ შეჩერდება. შესაძლოა, ეს არ არის ყველაზე მოთხოვნადი ფუნქცია, მაგრამ — ფრიად ეფექტურია.

BlackBerry-ს საოპერაციო სისტემაში არ არის წარმოდგენილი ქართული კლავიატურა. ს ფრიად სავალალოა. თუ iOS-ში, ანუ iPhone/iPad-ებში ჯეილბრეიკით ახლა და ცოტა ხანში უკვე ოფიციალურად ხელმისაწვდომი იქნება ქართული კლავიატურა (დიდი მადლობა GeMUG-ს [საქართველოში მაკის მომხმარებელთა ჯგუფს] ამისათვის!), PlayBook-ში ამის პერსპექტივაც არ ჩანს და ღმერთმა უწყის, როდის იქნება ჰაკერებისაგან რაიმე წინსვლა ამ საკითხში (R.I.M.-ისაგან რომ არ იქნება, ეს ფაქტია). ამის გარდა უდიდესი მინუსი, რომელიც ახასიათებს ამ და კიდევ ბევრ პლანშეტს, iPad-ისაგან განსხვავებით — ქართული შრიფტის არარსებობა სისტემაში! ძნელი დასაჯერებელია, მაგრამ 21 საუკუნეში კომპანიები ჯერ კიდევ უშვებენ მოწყობილობებს მასობრივი ბაზრისათვის, სადაც შრიფტებში არ არის წარმოდგენილი Unicode სრულიად. კარგი, გასაგებია, რომ ქართული ბაზრისათვის ცალკე ქართულს არ დაამატებენ, კი ბატონო. მაგრამ მოდით დავუშვათ, რომ მე ვარ ამერიკელი მეცნიერი, რომელიც მუშაობს აზიურ ტექსტებზე, მოკლედ ლათინური შრიფტის გარდა სხვა რამეც სჭირდება. ვერ მოგართვით! ვერაფერსაც ვერ მიიღებთ ამ მიმართულებით! ჩემთვის ეს ფაქტორი ერთ-ერთი ძირითადი გახდა რის გამოც მე არ მომწონს PlayBook (სხვების შესახებ ქვემოთ მოგახსენებთ).

BlackBerry Tablet OS — საოპერაციო სისტემაა ღია ფაილური სისტემით (iOS-ში დახურულია და ამის გამო უამრავი კრიტიკა გხვდება არა-Apple ფანებისაგან), მაგრამ ფაილების მენეჯერს ვერ ნახავთ სისტემაში. უცნაურია, არა? არა, იმიტომ, რომ თქვენ ის უნდა იყიდოთ ვირტუალურ მაღაზიაში App World-ში. სიტყვამ მოიტანა და ბარემ ამ მაღაზიაზე ვისაუბროთ.

აპლიკაციები და App World

სისტემურად დაყენებული პროგრამების სია შემდეგნაირია: Browser, Video, Music, Music Store, Podcasts, App World, Pictures, Camera, Video Chat, YouTube, Calculator, Bing Maps, Weather, Clock, Voice Notes და საოფისე პაკეტის, Documents To Go-ს სამი ძირითადი პროგრამა. რათქმაუნდა საოფისე პაკეტი ფრიად საჭირო რამაა, განსაკუთრებით საქმიანი ადამიანებისათვის. ხომ არ გვავიწყდება, რომ ეს პლანშეტი ძირითადად მათთვისაა?

მაგრამ ცუდი რა არის? პირველ რიგში, ისეთი ჩვეული რაღაცეების არარსებობა, როგორიცაა საფოსტო პროგრამა, კონტაქტები და კალენდარი. ძალიან უცნაურია, თუ რატომ არ დაამატეს ეს ყველაფერი სისტემურად. როგორც ამბობენ, უახლეს განახლებაში ეს შეცდომა გამოსწორდება. ვნახოთ.

ნაწილობრივ ამ ნაკლს კომპანია-მწარმოებელი ხსნის იმით, რომ PlayBook გახლავთ BlackBerry სმარტფონის კომპანიონი. მართლაც, პლანშეტის გათვალისწინებულია ფუნქცია BlackBerry Bridge, რომლის საშუალებითაც შესაძლებელია მისი დაკავშირება სმარტფონთან. აი იქედან უკვე შეძლებთ მიიღოთ კონტაქტები, კალენდრები და ელფოსტა. უცნაურია, არა? ჩემთვის ძალიან. და ამის მერე კიდევ Apple-ს ეძახიან დახურული პლატფორმის მოყვარულს. თუ მეხსიერება არ მღალატობს (და Apple-თან მიმართებაში მე ის არასდროს მღალატობს), iPad-ზე აბსოლუტურად არაა საჭირო რამე სხვა სმარტფონის არსებობა, რომ ელემენტარულად ელფოსტა შეამოწმო, კალენდარში შეხვედრა ჩაინიშნო, ან კონტაქტების სია ნახო. მოკლედ, ეს ის მეორე ფაქტორია, რამაც შრიფტის მსგავსად აღმაშფოთა ფრიად.

კიდევ ერთი იმედგაცრუება — Video Chat-პროგრამა. ამ პროგრამის საშუალებით მხოლოდ PlayBook-ზე შეგიძლიათ რომ დარეკოთ და ესაუბროთ აბონენტს. არადა Apple-ის FaceTime ბევრ მოწყობილობაზეა: iPhone, iPad, iPod Touch, Mac-კომპუტერები. შესაბამისად ამ პროგრამის გამოყენების არეალი საკმაოდ დიდია, რასაც ვერ ვიტყვით PlayBook-ის Video Chat-ზე. თანაც, ამ პლანშეტისათვის დრემდე არ არის Skype. ესეც კიდევ ერთი უცნაურობა ბიზნეს-პლანშეტისათვის, ან მოდი ასე ვთქვათ, უბრალოდ პლანშეტისათვის.

ახლა რაც შეეხება აპლიკაციების მაღაზიას App World, აქ სიტუაცია კიდევ უფრო სევდიანია და წინასწარმეტყველებას არ ექვემდებარება. ძალიან, ძალიან ცოტა აპლიკაციაა მაღაზიაში. არ გამოვრიცხავ, რომ დროთა განმავლობაში მათი რაოდენობა მოიმატებს, მაგრამ როდის დაეწევა App World-ი თავის კონკურენტებს, Apple App Store-ს, ან Android Market-ს, ძალიან ძნელი სათქმელია. შესაძლოა, რომ ვერც ვერასოდეს დაეწიოს. თანაც App World-ში პროგრამების უმეტესობა ფასიანია, უფასო პროგრამები ძალიან ცოტაა (პროგრამების ისედაც დიდი სიმცირის ფონზე განსაკუთრებით). არა, მე არაფერი მაქვს საწინააღმდეგო ფასიანი აპლიკაციების (რომლებიც ასევე უხვადაა წარმოდგენილი Apple App Store-ში), პირიქით, ვთვლი, რომ ამით დეველოპერების სერიოზული წახალისება ხდება და შედეგად ხარისხიანი აპლიკაციების რიცხვი მაღალი გამოდის (განსხვავებით Android Market-ისგან, სადაც აშკარა ხლამი უფრო მეტია, ვიდრე რაიმე ღირებული). მაგრამ App World-ში მართლა საცოდავად ცოტაა აპლიკაციები და ეს ფრიად სამწუხაროა.

აი მაგალითი. როგორც კი ეს ტაბლეტი მივიღე დასატესტად, პირველი „გულის მოჯერების“ შემდეგ გადავწყვიტე რაიმე პრაქტიკული დავალებით დამეტვირთა. ჩემთვის ელ. მოწყობილობიდან წიგნის კითხვა ყოველდღიური გართობის უცვლელი შემადგენელი ნაწილია. ამისათვის მე მაქვს Sony PRS-650, რომლითაც ფრიად კმაყოფილი ვარ (შევეცდები მალე მისი დეტალური აღწერაც მოგაწოდოთ). ამიტომ გადავწყვიტე ჩამომეტვირთვა რაიმე ელ. წიგნი და წამეკითხა PlayBook-ში. აი აქ მართლა კარგი რამ აღმოჩნდა ამ ტაბლეტის ღია ფაილური სისტემა. წიგნი უპრობლემოდ ჩამოტვირთა და განთავსდა Download-საქაღალდეში. მოვნიშნე ფაილი, დავაჭირე ღილაკზე „Open“, მაგრამ შენც არ მომიკვდე! ფაილი არ გაიხსნა! აჰა, ვიფიქრე მე, ტაბლეტში არ არის ნაგულისხმევად დაყენებული ელ. წიგნების წამკითხველი. შევედი App World-ში და დავიწყე ძებნა. მხოლოდ ერთი წამკითხველი ვიპოვნე უფასო, დანარჩენები ფასიანი იყო და მათი ყიდვის საშუალება მე არ გამაჩნდა (PlayBook-ის ანგარიშზე თანხის არარსებობის გამო). სხვა რა გზა მქონდა, ჩამოტვირთე უფასო. ჰოდა, ამ პროგრამამ გახსნით კი გახსნა, მაგრამ ვაი ამ გახსნას! წიგნში შეუძლებელი აღმოჩნდა შრიფტის ზომის შეცვლა და რაც ყველაზე სასაცილოა, უბრალოდ არც კი იფურცლებოდა! მოკლედ, ეს აღმოჩნდა ის მესამე ფაქტორი, რამაც კიდევ უფრო კრიტიკული გამახადა ამ ტაბლეტის მიმართ.

აუდიო-ვიდეოს დაკვრა

მოდი ვნახოთ, თუ როგორ მუშაობს ეს ფუნქცია PlayBook-ში. საბედნიეროდ, ეს ის იშვიათი მომენტია, სადაც ამ ტაბლეტს სიტუაცია კარგად აქვს. და საერთოდ, PlayBook-ში ეს ერთ-ერთი ყველაზე ძლიერი მომენტია.

ჯერ ერთი, ტაბლეტმა სრულიად მშვიდად გაუშვა მაღალი გარჩევადობის ვიდეო ფაილი (1080p). გასაგებია, რომ 7 გოჯიან ეკრანზე მაინც არ გამოჩნდება ამ ხარისხის ყველა ნიუანსი, მაგრამ PlayBook-ს გააჩნია HDMI ფოსო, საიდანაც შესაძლებელია მისი მიერთება ტელევიზორზე, ან მონიტორზე. ასე რომ სრულიად მშვიდად შეიძლება მისი მედია-კომბაინად გამოყენება.

PlayBook აღიქვამს სხვადასხვა ფორმატებს (H.264, MPEG4, WMV), თუმცა ყველა სახის კონტეინერს ვერ აღიქვამს.

აუდიოს რაც შეეხება, საქმე შემდეგნაირადაა: PlayBook-ს აქვს საკმაოდ კარგი აუდიო-დამკვრელი. ის მხარს უჭერს iTunes-ფორმატებს (AAC, ALAC). ასევე არაა პრობლემა mp3 და WAV ფორმატებთან.

მოკლედ, აუდიო-ვიდეო ნაწილი არაა ურიგო.

წარმადობა

ამოცანა გვეკითხება, თუ როგორი წარმადობა აქვს ამ ტაბლეტს. და უნდა ითქვას, რომ PlayBook არ ჩამოუვარდება ძირითად კონკურენტებს: ორბირთვიანი, 1 გჰც პროცესორი, ოპერატიული მეხსიერება 1 გბაიტი. საკმაოდ კარგი მაჩვენებლებია. ამის გარდა, გულზე ხელის დადებით შემიძლია ვთქვა, რომ ტესტირების მთელი პერიოდის განმავლობაში არ შემიმჩნევია რაიმე მუხრუჭები ინტერფეისში, ყველაფერი ფრიად ნარ-ნარად მუშაობდა. ეს, რაც შეეხება სუბიექტურ შეგრძნებებს. ამიტომ მე მოვიშველიე ინტერნეტში განთავსებული ტესტი — SunSpider 0.9.1. მისი შედეგები შევადარე iPad 2-ის შედეგებს:

და ვხედავთ, რომ PlayBook ცოტათი ჩამორჩა iPad 2-ს. სხვაობა არაა დიდი, მასზე შეეძლო ემოქმედა ნებისმიერ რამეს. მთავარი ისაა, თუ რამდენად სწრაფად იხსნება ვებ-გვერდები.

აკუმულატორი

BlackBerry PlayBook-ის აკუმულატორი საკმაოდ კარგ შედეგებს გვიჩვენებს. 10 საათი „გავაქაჩინე“ ინტერნეტში სერფინგის რეჟიმში, ჩემთვის ტაბლეტი და ინტერნეტი განუყოფელი მცნებებია. ზოგადად შემიძლია ვთქვა, რომ PlayBook ცოტათი ჩამორჩება iPad 2-ს. ის საკმაოდ სწრაფად იცლება ძილის რეჟიმში, რაც არ მომეწონა ნამდვილად.

კამერები

ისევე როგორც სხვა ტაბლეტებში, PlayBook-შიც ორი კამერა არის განთავსებული — ფრონტალური და ძირითადი. კამერებმა იმედები გამიცრუეს. პრინციპში, დღეისათვის არ არსებობს ტაბლეტი, რომელსაც კარგი ხარისხის კამერა ექნება და მე მგონი ეს არაა დიდი ტრაგედია. ტაბლეტით ფოტოს, ან ვიდეოს გადაღება ზედმეტ ფუნქციად მიმაჩნია. ერთადერთი, რაშიც ეს კამერებია საჭირო, ვიდეო-ჩეტია, რაშიც ყველა ტაბლეტის კამერა სრულიად კარგ შედეგს გვიჩვენებს.

ჰო, PlayBook-ს ციმციმა არა აქვს, შესაბამისად ოდნავ მეტად სიბნელეში გადაღებული კადრი მდარე ხარისხის გამოვა.

მოკლედ, ბევრს არ ვილაპარაკებ კამერებზე. ისინი ისეთივეა, როგორც ყველგან.

დასკვნები

მაშასადამე, ჩვენ მიმოვიხილეთ პლანშეტი BlackBerry PlayBook, საოპერაციო სისტემით BlackBerry Tablet OS. მოწყობილობა ერთი მხრივ ფრიად საინტერესოა და გააჩნია ბევრი დადებითი მომენტი: არაჩვეულებრივად ხარისხიანი ეკრანი, კორპუსის კარგი კონსტრუქცია, ფრიად საინტერესო საოპერაციო სისტემა. თუმცა აქვს აგრეთვე დასანანი მინუსები: ქართული ენის მხარდაჭერის არარსებობა სისტემურად, მნიშვნელოვანი დამოკიდებულება BlackBerry-ს სმარტფონებზე მთელ რიგ აპლიკაციებთან მუშაობისას, აპლიკაციების სიმწირე და დაბალი ხარისხი. ამის გარდა, პირადად ჩემთვის 7 გოჯიანი ტაბლეტი არ არის მისაღები იმ ძირითადი მიზეზის გამო, რომ ეკრანის ზომა ზღუდავს მთელი რიგი სამუშაოების შესრულებას, რაც რომ მე მჭირდება ტაბლეტზე.

დასკვნა ასეთია: ტაბლეტში შემოთავაზებულია მთელი რიგი ფრიად საინტერესო ნოვაციები, მაგრამ ეს ყველაფერი შეფუთულია უგერგილოდ, ნაუცბათევად. BlackBerry PlayBook დააინტერესებს BlackBerry-ს ტელეფონის მფლობელს პირველ რიგში, ვინაიდან ამ ტელეფონის გარეშე ეს ტაბლეტი მთლიანად ვერ ამჟღავნებს თავის შესაძლებლობებს. ჩემთვის, როგორც Apple-ის პროდუქციის მოყვარულისათვის, ეს ტაბლეტი სრულიად უსარგებლოა.

პროფილის გვერდის განვითარება

Facebook-ის არსებობის გარიჟრაჯზე, პროფილის გვერდზე მხოლოდ ძირითადი ინფორმაცია იწერებოდა — სახელი, ფოტო, სკოლაში შესვლის თარიღი და ა.შ. ანუ როგორც წესი ისეთი სახის მონაცემები, რომლებსაც მოუყვებოდით ახლად გაცნობილ ადამიანს თქვენს შესახებ.

დროთა განმავლობაში პროფილის გვერდი განვითარდა, რათა უფრო შესაბამისი გამხდარიყო თქვენი მეგობრებთან ურთიერთობისა. ახლა ამ გვერდზე თქვენ შეგიძლიათ გამოაქვეყნოთ გასული გამოსასვლელი დღეების ფოტოები და მოუყვეთ მეგობრებს, თუ როგორ ხასიატზე ხართ დღეს.

ვინაიდან აქცენტი კეთდება უკანასკნელ მოვლენებზე, მნიშვნელოვანი ინფორმაცია თანდათან იკარგება პროფილის გვერდიდან. სკოლის დამთავრების ფოტოების ადგილს იკავებს შეტყობინება, თუ რა მიირთვით დილით საუზმეზე.

წარმოიდგინეთ, რომ შემთხვევით შეხვდით მეგობარს, რომელიც დიდი ხანია არ გინახავთ. რისი გაგება უფრო მნიშვნელოვანია თქვენთვის, თუ როგორ მოიმზადა მან დილით ერბო-კვერცხი, თუ როგორ მიაღწია ოცნების სამსახურს დაუღალავი შრომით?

ამჟამინდელ სიტუაციაში ისტორიათა 99%, რომლებსაც აქვეყნებთ პროფილში, დროთა განმავლობაში ქვემოთ „იძირება“. ერტადერთი საშუალება მათ გამოსაჩენად არის, რომ აჭიროთ ბმულზე „ძველი ჩანაწერები“.

უბრალოდ წარმოიდგინეთ, რა კარგი იქნებოდა, მყისეულად რომ შეგვძლებოდა ჩანაწერების მოძიება და ყველაზე ძვირფასი მოგონებების ერთ ადგილას თავმოყრა.

წარმოგიდგენთ Timeline-ს — პროფილის გვერდის ახალი ტიპი

Timeline-ში ინახება თქვენი ყველა პუბლიკაცია, რომელიც რომ ოდესმე დაგიწერიათ თქვენს პროფილში. ამიერიდან ისინი აღარ გაქრება ახალი ჩანაწერების დამატების გამო.

[youtube]http://www.youtube.com/watch?v=hzPEPfJHfKU[/youtube]

Timeline-ი უფრო მეტ შესაძლებლობებს გაძლევთ და უფრო თვალსაჩინოა. პირველი, რაც მოხვდებათ თვალში, უზარმაზარი ფოტო გვერდის ზედა ნაწილში. ეს თქვენი გვერდის ყდაა და თქვენ თვითონ ირჩევთ, რომელ ფოტოს განათავსებთ.

ფოტოს ქვეშ იხილავთ ყველა თქვენს პუბლიკაციას და ფოტოებსს, რომლებიც ქრონოლოგიურად არის დალაგებული. შეგიძლიათ განსაკუთრებულად მონიშნოთ რომელიმე სტატუსი და აგრეთვე დამალოთ ის, რისი ჩვენებაც არ გსურთ.

შევავსოთ თეთრი ლაქები

თუ რომელიმე მნიშვნელოვანი მომენტი თქვენი ცხოვრებიდან ვერ მოხვდა ადრე თქვენს პროფილში, ახლა გაქვთ შესაძლებლობა დაამატოთ დროის ბილიკზე შესაბამის ადგილას თარიღით და აღწერით.

ასევე შეგიძლიათ ისარგებლოთ მოქმედებათა პერსონალური სიით. მასში გამოისახება ყველაფერი, რაც ოდესმე გამოგიქვეყნებიათ Facebook-ზე. დააწკაპუნეთ ნებისმიერ სტატისზე, მისი Timelne-ში გამოსაქვეყნებლად.

დაამატეთ Timeline-ში აპლიკაციების შეტყობინებები

ახალი პროფილის შემოსვლასთან ერთად გაჩნდება ახალი ტიპის აპლიკაციები, რომელთა საშუალებითაც შეგეძლებათ გამოაქვეყნოთ ყველაფერი, რაც თქვენი აზრის საინეტრესოა — მუსიკა, რეცეპტები და მარავალი სხვა.

[youtube]http://www.youtube.com/watch?v=q3b94kFBah8[/youtube]

ამ აპლიკაციების დახმარებით შეგიძლიათ გაიგოთ, თუ რა საკიტხები აინტერესებთ თქვენს მეგობრებს. ასევე შეგიძლიათ მიუერთდეთ მათ, მაგალითად ერთად მოუსმინოთ ერთი და იგივე სიმღერას, ან ერთად უყუროთ სატელევიზიო გადაცემას.

აპლიკაციებით სარგებლობა უკვე ახლავეა შესაძლებელი, Timeline-ი ცოტა ხანში ჩაირთვება ყველასათვის.

ახალი პროფილის მეშვეობით თქვენ და ტქვენი მეგობრები ერთად შეძლებთ შექმნათ ცხოვრების სხვადასხვა მომენტები — ყოველდღიური წვრილმანიდან დაწყებული, უმნიშვნელოვანესი ღონისძიებებით დამთავრებული.

Windows-ის სემდეგ ვერსიაში იქნება პროგრამული კოდის შესრულების ორი გარემო — .Net-ის ახალი ვერსია (ჯერ-ჯერობით აღინიშნება ნომრით 4.5) და კლასიკური C++ გარემო (ტექნიკური თვალსაზრისით, ეს არის COM, ან მისი ერთგვარი წარმოებული), ახალი სახელწოდებით WinRT. ასევე ვინდოუსის ახალ ვერსიაში გამოჩნდება ჩადგმული ბიბლიოთეკა სამომხმარებლო ინტეფეისების შექმნისათვის — DirectUI — რომელიც დაფუძნებულია Direct2D და DirectWrite API-ზე, რომლებიც უკვე წარმოდგენილია Windows 7-ში. Silverlight-ის ახალი ვერსია (კოდური სახელწოდება Jupiter), როგორც ჩანს, იმუშავებს DirectUI-ს დახმარებით. WinRT-ს და DirectUI-ს პირდაპირ .Net-იდან იქნება ხელმისაწვდომი.

WinRT წარმოადგენს თანამედროვე API-ს მრავალი ფუნქციისათვის, რომლებიც ადრე Win32 API-ს წარმოადგენდა. უხეშად რომ ვთქვათ, WinRT — ეს არის ახალი Win32, რომელიც დაპროექტებულია თანამედროვე C++-იდან გამოყენებისათვის და აგრეთვე იმისათვის, რომ ლამაზად ჩაჯდეს .Net-ის კონცეფციაში. რათქმაუნდა ნაკლებ სავარაუდოა, რომ WinRT მთლიანად შეცვლის Win32-ს, რომელიც იმდენად დიდია, რომ ადვილად არ ექვემდებარება მოდერნიზაციას, მაგრამ შემდგომ ვერსიებში ეს სრულიად შესაძლებელია. WinRT-ს პოზიცია ყოველი ახალი ანწყობის შემდეგ სულ უფრო მყარდება.

WinRT არა მარტო Win32-ის გაუმჯობესებული ვერსიაა — მაიკროსოფტი ასევე აფართოებს ფუქნციების რაოდენობას. მაგალითად, დაემატება ასინქრონული ოპერაციების ყოვლის მომცველი მხარდაწერა ფონურ პროცესებში ხანგძლივი ოპერაციების მარტივად შესრულებისათვის, ხოლო გაცვლის ბუფერის API გახდება კიდევ ურო მოქნილი და ადვილად გამოსაყენებელი.

DirectUI ეფუძნება WPF/Silverlight-ის მიმდინარე ტექნოლოგიის ქვესიმრავლეს და უზრუნველყოფს სამომხმარებლო ინტერფეისის დაკაბადონების მრავალფეროვან შესაძლებლობებს, რომლებიც Win32-ში არც არასოდეს ყოფილა. პროგრამები, რომლებიც დაწერილია C++-ზე, შეძლებენ DirectUI-ს გამოყენებას და ეს იქნება იგივე ხელსაწყო, რომელიც ექნებათ .Net-დეველოპერებს.

Jupiter — ფაქტობრივად Silverlight 6 — ხელსაწყოების სრულფუქნციური მოქნილი ნაკრებია აპლიკაციების შესაქმნელად. როგორ შეეთავსება ერთმანეთს DirectUI და Jupiter, ჯერ-ჯერობით უნცობია, შესაძლოა ისინი ასრულებენ ერთი და იგივე ფუნქციებს და DirectUI განვითარდება, სანამ არ მიაღწევს Silverlight-ის დონეს, შესაძლოა აგრეთვე, რომ DirectUI შითავსებს მხოლოდ საბაზო ფუნქციებს უფრო რთული ფრეიმვოკრებისათვის. ასევე შესაძლებელია სიტუაცია, რომ Jupiter-ი განკუთვნილია მხოლოდ სრულეკრანიანი, შეხებაზე ორიენტირებული აპლიკაციებისათვის.

სამომხმარებლო ინტერფეისების შექმნა XAML-ის, WPF-ისა და Silverlight-ის მსგავსი ხელსაწყოებით წარმოადგენს პრიორიტეტს Microsoft-ისათვის მომავალში. ამის დასტურია კომპანიის სტრუქტურული რეორგანიზაცია, რომელიც გასულ კვირაში დაიწყო. XAML-ის დეველოპერების ჯგუფი, რომლებიც ადრე DevDiv-ში იყვნენ შეყუჟულები, სამ ნაწილად გაიყო — Windows-ის XAML-ის ჯგუფი გადავიდა WinDiv-ში, ხოლო Windows Phone, XBox-ის ჯგუფი — Windows Phone-ში. თანამშრომელთა მხოლოდ ის ჯგუფი, რომლებიც უშუალოდ მუშაობდნენ ისეთ პროდუქტზე, როგორიცაა Visual Studio და Expression Blend-ი, დაჩნენ DevDiv-ში. მაიკროსოფტის შიდა წერილი განმარტავს, რომ XAML-ის ჯგუფი მუშაობდა WinDiv-თან წლების მანძილზე Windows 8-ზე და მიმდინარე ცვლილებებმა უბრალოდ ამ საკითხის ფორმალიზება მოახდინა.

ერთიანი, თანამედროვე, უნიფიცირებული Windows API

თუ ახლა Win32/C++ და .NET-ი სრულიად სხვადასხვა პლათფორმებია, თითეული მათგანი საკუთარი შესაძლებლობებით, ახლო მომავალში ისინი ერთნაირი უნდა გახდეს. თუ მაიკროსოფტი დაამატებს ახალ API-ს Windows-ის ბირთვში, ისინი ხელმისაწვდომი გახდება კოდიდან, რაც C++-ის ნიველირებას მოახდენს .Net-თან შედარებით. მეორე მხრივ არსებული აპლიკაციები, რომლებიც დაწერილია C++-ზე, შეძლებენ გამოიყენონ ახალი სამომხმარებლო ინტერფეისი ზედმეტი დაძაბვის გარეშე. ეს აქტუალურია აგრეთვე მაიკროსოფტისათვის: ორი პლათფორმის გათანაბრება კარს უღებს .Net-აპლიკაციებს, რომლებიც სისტემაში დაემატება.

მაგალითად ჩვენ შევძლებთ Office-ის ვერსიის ნახვას, რომლის ინტერფეისი პირვალდ ათწლეულის განმავლობაში დაწერილი იქნება Windows-ის სტანდარტული კომპონენტების გამოყენებით.

ჯერ-ჯერობით სრულად არ არის ცნობილი, თუ რა ბედი ელის WPF-ს. WPF-ი და Silverlight-ი მუშავდება ადამიანების ერთი ჯგუფის მიერ, მაგრამ ბაზარი Silverlight-ს აღიქვამს უფრო უკეთ, ვიდრე მის უფროსს ძმას. WPF-ს შეუძლია გააკეთოს ის, რაც არ შეუძლია silverlight-ს და სამწუხარო იქნება, თუ მის შესაძლებლობებს არ გამოიყენებენ Windows 8-ში. WPF და Silverlight ძალიან გაქვს ერთმანეთს და შესაძლოა Jupiter-მა გაერთიანოს მათი შესაძლებლობები.

მაიკროსოფტის ეკოსისტემის გათვალისწინებით WPF-ის მნიშვნელობის შემცირება და Silverlight-ის წინ წამოწევა სრულიად გამართლებულია. Silverlight-ი გამოიყენება Windows Phone-ის აპლიკაციების შექმნისას და არსებობს დაბეჯითებითი დამამტკიცებელი საბუთები იმის შესახებ, რომ Silverlight-ის ვერსია XBox-ისათვის უკვე წარმოებაშია. Silverlight-ის არსებობა Windows-ზე, Windows Phone-ზე და XBox-ზე ქმნის მაიკროსოფტის იდეოლოგიას „სამი ეკარნი და ღრუბელი“, რომელიც უზრუნველყოფს ერთიან გამოცდილებას.

თუმცა ჯერ არ არის ინფორმაცია იმის შესახებ, თუ რამდენად კარგად იმუშავებს ეს იდეოლოგია Windows 8-ში. Windows Phone-ის დეველოპერები ჯერ არ არიან დარწმუნებულები, რომ მათი პროდუქტები ადვილად გადავა Windows-პლანშეტებზე, განსხვავებით iOS და Android დეველოპერებისა. Windows-იც და Windows Phone-ის მხარს უჭერს Silverlight-ს, მაგრამ მობილური ტელეფონის სპეციფიკა მოითხოვს დამატებითი ფუქნციონალის არსებობას, რაც ჯერ არ არის დამატებული.

მომავლის არ გვეშინია

რამდენიმე კვირის წინ Windows 8-ის პრეზენტაციის შემდეგ ბევრს გაუჩნდა შეგრძნება, რომ აპლიკაციების შექმნა ახალი პლათფორმისათვის შესაზლებელი იქნება მხოლოდ HTML5 და JavaScript-ის მეშვეობით, რამაც შესაბამისად გამოიწვია მღელვარება Silverlight-დეველოპერებს შორის. Silverlight-ის ოფიციალურ ფორუმზე წარმოიქმნა რამოდენიმე თემა მრავალი მილიონი ნახვით. დეველოპერებს სურთ ახალი აპლიკაცების შექმნა ახალი ინტერფეისებისათვის, მაგრამ არ სურთ HTML5 და JavaScript-ის გამოყენება.

და მათ არც მოუწევთ. გსურთ ახალი აპლიკაციების წერა C++-ზე? უპრობლემოდ. გსურთ C# და Silverlight? ასევე ეს ტექნოლოგიებიც მხარდაჭერილია. იმის მაგივრად, რომ გადავყაროთ დეველოპინგის მთელი გამოცდილება წარსულში — ზუსტად ასეთი შთაბეჭდილება დარჩა ბევრს — Windows 8 გადააქცევს C++ და C# დეველოპინგის პირველხარისხოვან საშუალებებად.

რაც შეეხება HTML5 და JavaScript-ს, ისინიც იქნება მხარდაჭერილი. თუ კარგად გახსოვთ, მაიკროსოფტმა უკვე მოსინჯა ნიადაგი თავისი ტექნოლოგიით HTA (HTML Application). შესრულებადი HTA-ფაილები შედგება HTML, JavaScript, CSS და სხვა სახის შიგთავსისაგან და ეშვება განსაკუთრებულ სანდო რეჟიმში. ამის ხარჯზე ის შეზღუდვები, რაც ჰქონდა HTML-გვერდს (მაგალითად კომპიუტერის ლოკალურ რესურსებზე წვდომის შეზღუდვა), არა აქვს HTA-ს.

ახალი HTML5-აპლიკაციები არ ეფუძნება HTA-ს, მაგრამ პრინციპები ძალიან მსგავსია. როგორც HTA, HTML5-აპლიკაციები მიიღებენ უფრო მეტ შესაძლებლობას ჰქონდეთ ურთიერთქმედება ოპერაციულ სისტემასთან, ვიდრე ეს შეუძლიათ ჩვეულებრივ ვებ-გვერდებს — მათ შეეძლებათ გამოიყენონ Windows API და ჰქონდეთ ინტერფეისი, ძალიან მსგავსი ჩვეულებრივი აპლიკიციისა. საუკეთესო შემთხვევაში ისინი უნდა იყვნენ .Net-ისა და კლასიკური აპლიკაციების დონეზე, იმ განსხვავებით, რომ გამოიყენებენ HTML5-სა და JavaScript-ს დაკაბდონებისა და პროგრამირების ენად. შედეგად მივიღებთ პროგრამირების სახეს, რომელიც ზალზედ ნაცნობია ვებ-დეველოპრესებისათვის, მაგრამ ფუქნციური შეზღუდვების გარეშე.

Windows 8 — სულაც არ არის დეველოპერის კოშმარი, პირიქით, წინ გადადგმული ნაბიჯია: ნაბიჯი, რომელიც დეველოპინგს მოხერხებულს გახდის როგორც C++ და C#-ისტებისათვის, აგრეთვე ვებ-დეველოპერებისათვის. .Net-ისა და კლასკური კოდის უნიფიკაცია, სრული აპარატურული აჩქარება, თანამედროვე API, Avalon-ი, როგორც Windows-ის ინტერფეისის შექმნის ძირთადი გადაწყვეტილება — ეს ის ყველაფერია, რაც უნდა მიგვეღო Longhorn-ში და რაც შეიძლება, რომ მივიღოთ Windows 8-ში.

[youtube]http://www.youtube.com/watch?v=wODQVVVsqcg[/youtube]

ცოტა ისტორია

რათა გავიგოთ ზოგიერთი ჩახლართული მომენტი, ისტორიული ექსკურსის გაკეთება მოგვიწევს. სანამ სცენაზე .Net-ი გამოვიდოდა, Windows-აპლიკაციების შექმნა ორი სხვადასხვა გზით ხდებოდა. „დიდი“ აპლიკაციები, როგორიცაა ოფისი, ფოტოშოპი, ბრაუზერები და ა.შ. იწერებოდა Win32 API-სა და C++-ის საშუალებით. Win32 API გახლავთ ფუქნციების დიდი ნაკრები, რომლებიც ქვედა დონეზე გაძლევენ წვდომას ისეთ რამეზე, როგორიცაა სამომხმარებლო ინტერფეისის გრაფიკული გამოსახვა, მონაცემთა გადაცემა ქსელში, ფაილურ სისტემასთან წვდომა და მრავალი სხვა. Win32 API წყვეტდა მრავალ საკითხს, მაგრამ ზოგიერთ მათგანს მთლად კარგად ვერა, ზოგიერთს კი საერთოდ ვერ წყვეტდა. მგალითად, მონაცემთა ბაზებთან წვდომა, მიუხედავად იმისა, რომ მას ამის საშუალება ჰქონდა, ძალიან მოუხერხებლად იყო გადაწყვეტილი. მაგრამ კიდევ უფრო აქტუალური გახლდათ ის, რომ Win32 API-ს მხოლოდ საბაზისო ნაკრები ჰქონდა ვიზუალური ინტერფეისის ასაგებად და მასში არ იყო წარმგოდგენილი დაკაბადონების რაიმე საშუალება. თითოეული ღილაკის, ველის და ხელსაწყოთა ზოლის განთავსება ხელით ხდებოდა. თუ დეველოპერს სურდა ელემენტების მდებარეობის შეცვლა ფანჯრის ზომის შეცვლის გამო, მას უბრალოდ ხელახლა უნდა განეტავსებინა ისინი ყოველი ცვლილებისას. რათქმაუნდა, დროთა განმავლობაში გაჩნდა მრავალი ბიბლიოთეკა, რომლებიც ემსახურებოდნენ როგორც დამატებითი ფენა პროგრამისტსა და ოპერაციულ სისტემას შორის (მათ შორის MFC მაიკროსოფტისაგან), მაგრამ Win32 API-ში ჩაღრმავება ფრიად საჭირო იყო, თუ გინდოდათ რომ ყველაფერს ემუშავა. დეველოპინგის მეორე მეთოდი გახლდათ Visual Basic-ი. მისი დახმარებით ზოგიერთი საკითხი ძალიან ადვილად გადასაწყვეტი იყო — კერძოდ, მონაცემთა ბაზებთან წვდომა და სამომხმარებლო ინტერფეისის შექმნა. ყველაფერი ამის გამო Visual Basic-ი კორპორატიული სამყაროს მეფე გახდა, რომლისაგანც ბევრს არ ითხოვდნენ, მთავარია ბაზას მიერთებოდა, წამოეღო ჩანაწერები და ასევე დაემატებინა ახალი ჩანაწერები. ამ ყველაფერს Visual Basic-ი გადასარევად ართმევდა თავს. ყველა დანარჩენისთან მას პრობლემა ჰქონდა. ჰო, ისიც ნუ დაგავიწყდებათ, რომ Visual Basic-ს არ ჰქონდა OOP-ის მხარდაჭერა. და ამ დროს სცენაზე გამოჩნდა .Net-ი და ყველაფერი შეცვალა. .Net-მა დეველოპერებს მისცა Visual Basic-ის გამოყენების სიმარტივე, მაგრამ არასასიამოვნო ნაკლოვანებების გარეშე. ანალოგიურად ბეისიკისა, .Net-მა უზრუნველყო პროგრამისიტი მოსახერხებელი ხელსაწყოებით სამომხმარებლო ინტერფეისის შესაქმნელად და მონაცემთა ბაზებთან დასაკავშირებლად, ანუ ძალიან მოსახერხებელი იყო კორპორატიული აპლიკაციების შექმნისას. მაგრამ Visual Basic-ისაგან განსხვავებით, .Net-მა Win32-სთან წვდომა ერთ-ერთ ფუქნციად გაიხადა. ახალი პლათფორმა სწრაფად იკრებდა ძალებს კორპორატიულ სფეროში და მრავალი ახალი კომერციული პროექტი ზუსტად რომ მასზე დაფუძნდა. ოცნება, რომელსაც Longhorn ჰქვია Windows XP, რომელიც .Net-ის გაჩენამდე ერთი წლით ადრე გამოვიდა, არ იყენებდა ამ ტექნოლოგიას. მაგრამ PDC-ზე 2003 წლის ოქტომბერში მაიკროსოფტმა პირობა მისცა დეველოპერებს, რომ გამოასწორებდა სიტუაციას Windows Longhorn-ის გამოშვებით. ვინდოუსის ამ ვერსიას უნდა ჰქონოდა .Net-ი ბრითვის დონეზე, რაც თავის მხრივ ფართო გზას უხსნიდა ახალ პლათფორმას WinFX-ს — Windows Framework. ყველაფრის გარდა, WinFX-ი შეიცავდა თავის თავში ვექტორული, მაშტაბირებადი, აპარატურულად აჩქარებული სამომხმარებლო ინტერფეისების შექმნის ახალ მეთოდს, სახელად Avalon. თვითონ ვინდოუსიც უნდა დაწერილი ყოფილიყო WinFX-ის მეშვეობით სისტემური აპლიკაციებს დონეზე, როგორიცაა Windows Explorer, კალკულატორი და ა.შ., ხოლო .Net-ი უნდა გამხდარიყო აპლიკაციების შექმნის მთავარი საშუალება. Win32 დარჩებოდა უკუთავსებადობისათვის, მაგრამ გაიყინებოდა და დავიწყებას მიეცემოდა. Longhorn-ს უნდა დაესამარებინა პროგრამების დაწერის ყველა ძველი ხერხი და დაეწყო დეველოპინგის ახალი ერა, რომელიც არ იქნებოდა დამძიმებული მოძველებული არქიტექტურული გადაწყვეტილებებით. როგორც ვიცით, Longhorn-მა ვერ იხილა მზის შუქი. პროექტი გადაიქცა უზარმაზარ და მოუქნელ მონსტრად. ამასთან ერთად დაიწყო Windows XP-ზე თავდასხმები და მაიკროსოფტმა მთელი თავისი ძალები მიმართა XP-ის გაძლიერებაზე, რის შედეგადაც მივიღეთ Windows XP SP2, ხოლო შემდეგ დაიწყო სემდეგი ოპერაციული სისტემის შექმნა, სახელად Windows Vista. კურსის ცვლილების ერთ-ერთი მთავარი მხსვერპლი გახლდათ .Net-ი. Windows Vista, თუმცა შეიცავდა რამოდენიმე რადიკალურ ცვლილებას, WinFX-ის კონცეფცია არ გაიზიარა. Avalon-ი დაემატა სისტემას, მაგრამ არ გახდა ბირთვის შემადგენელი ნაწილი. .Net-კოდის ერთადერთი მნიშვნელოვანი მატარებელი გახდა Media Center-ი. ყველა დანარჩენი — Win32-ია, თანაც განახლებული და გაფართოებული. მასში დაემატა მრავალრიცხოვანი ქვედა დონის ფუქნციები, აგრეთვე ცვლილებები გრაფიკულ ქვესისტემაში. არცერთი ეს ფუქნცია ნორმალურად არ მუშაობდა. ამ ყველაფრის მიზეზი რამდენიმე გახლდათ და უპირველესად ის, რომ მაიკროსოფტი დაყოფილია ჯგუფებად. Windows-ი იქმნება ჯგუფში Windows Division (WinDiv), ხოლო .NET — ჯგუფში Developer Division (DevDiv), რომელიც თავის მხრივ არის ჯგუფის Server and Tools business ნაწილი. და მართალია ლოგიკურია ვიმსჯელოთ, რომ ეს ორი ჯგუფი მოქმედებდა შეთანხმებულად, მაგრამ ეს ასე არ ხდებოდა. რის ან ვის გამო კი არა — უბრალოდ მათ სხვადასხვა პრიორიტებები ჰქონდათ.

დაძაბულობის წერტილი

ზოგიერთ ამ პრიორიტეტს თავის დროზე განსაზღვრული აზრი ჰქონდა. ასე, WPF-ის გამოყენება შესაძლებელი იყო მხოლოდ .Net-პროგრამებში, რომლებიც C# ან Visual Basic.NET-ის იყო დაწერილი. მთელი მისი API მიუწვდომელი იყო პროგრამებისათვის, რომლებიც დაწერილია C++-ზე, რაც მნიშვნელოვანი წინააღნდეგობაა არსებული აპლიკაციების WPF-ზე გადატანის გზაზე. ამას აზრი ჰქონდა მხოლოდ იმ შემთხვევაში, თუ ყველა ახალი პროგრამა შეიქმნებოდა .Net-ის გამოყენებით, მაგრამ როდესაც გეგმები შეიცვალა და Win32 დაბრუნდა სცენაზე, ეს გახდა დიდი პრობლემა. მაიკროსოფტს არ შეეძლო გამოეყენებინა WPF ელეგანტური ვექტორული და ა.შ. ინტერფეისების შესაქმნელად თავის აპლიკაციებში. სხვა პრიორიტეტები არის შედეგი ბანალური არათავსებადობისა WinDiv-ისა და DevDiv-ის საქმიანობაში. DevDiv-ის მიზანი იყო გაეხადა .Net-ი მაქსიმალურად მოხერხებული დეველოპერებისათვის ახალი ფუქნციების დამატების გზით. WinDiv-ისათვის მნიშვენლოვანი იყო უკუთავსებადობის შენარჩუნება, საიმედოობა, აგრეთვე არსებული ტექნიკური შეცდომების შესწორება. ერთიც და მეორეც რათქმაუნდა მნიშვნელოვანია, მაგრამ DevDiv არ ექვემდებარებოდა WinDiv-ს და არ აქცევდა მას სატანადო ყურადღებას. შედეგად WinDiv-სათვის მოუხერხებელი იყო .Net-თან მუშაობა. .Net-ის შემდგომმა განახლებებმა გააუმჯობესეს სიტუაცია, მაგრამ ზარალი უკვე მიყენებული იყო. WinDiv-მა, უკმაყოფილო DevDiv-ის მუშაობით დააიგნორა ამ უკანასკნელის სამუშაო და Windows 7-ი, ისევე როგორც მისი წინამორბედი, იყენებს .Net-ს მხოლოდ Media Center-ში. ყველა ახალი API Windows 7-ში არის კლასიკური Win32 API და არა აქვს პირდაპირი წვდომა .Net-პროგრამებთან, ხოლო ჩვეულებრივმა Win32 აპლიკაციებმა ვერ მიიღეს შესანიშნავი ფრეიმვორკი სამომხმარებლო ინტერფეისების შესაქმნელად. Windows 8 ამ ყველაფერს ბოლოს მოუღებს. (გაგრძელება იქნება…)

და აი, 4 წლის თავზე მე ისევ ამ კითხვას ვუსვამ ჩემს თავს: საჭიროა კი ეს ბლოგი?

დაბადების დღეს გილოცავ, ჩემო ბლოგო…

შენი დოქტორი დელფიუსი.

უფლება OpenOffice.org-ის საწყისს კოდზე გადაეცა Apache Software Foundation-ს, ისევე როგორც პროექტთან დაკავშირებული ყველა ინტელექტუალური საკუთრება. ფონდი დატანხმდა კოდის მიღებაზე, თუმცა ეს გადაწყვეტლება სპეციალურმა კომიტეტმა უნდა დაამკიცოს.

დასაწყისისათვის საოფისე პაკეტი მოხვდება Apache-ის ინკუბატორში (ეს ამ ორგანიზაციის სტანდარტული პრაქტიკაა) კოდის ლეგალურობის შემოწმებისა და პროექტის გარშემო დეველოპერების შემოკრების მიზნით. ამის შემდეგ პროექტი საზოგადოებაში გადაინაცვლებს. სიახლემ ბევრი გაახარა — IBM-ის ვიცე-პრეზიდენტმა, კევინ კავანახმა განაცხადა მზადყოფნაზე მიუერთდეს ამ პროექტს და ამისაკენ მოუწოდა სხვა კომპანიებსაც. უნდა ვივარაუდოდ, რომ დაინტერესებული მხარეების მხრიდან დადებითი რეაქცია იქნება — კოდი გავრცელდება Apache 2.0 ლიცენზიის პირბებზე, რომელიც მისაღებია როგორც ენთუზიასტებისათვის, აგრეთვე კომერციული დეველოპერებისათვის.

Document Foundation-ის რეაქცია საოცრად განსხვავებული გამოდგა. ორგანიზაცია მთლიანობაში დადებითად აფასებს ორაკლის კურს, მაგრამ სინანულს გამოთქვამს იმის გამო, რომ კორპორაციის ძალისხმევა არ იყო მიმართული OpenOffice.org-ისა და LibreOffice-ის შერწყმის მიმართულებით. ანუ, ჩვენო, არ მოგვწონსო Apache Software Foundation-ში მიღებული წესებიო.

ეს სიატუაცია ძალიან ჰგავს სიტუაციას, რომელიც შეიქმნა XFree86-ის ფორკთან — X.Org (აქაც სალიცენზიო დაპირსპირება გახლდათ). რაღაც პერიოდი პროექტები პარარელურად ვითარდებოდნენ, მაგრამ შემდგომ X11-ის ოფიციალური რეალიზაცია გახდა X.Org-ი, ხოლო კონკურენტი ისტორიის წყვიადში ჩაიძირა. აქაც ასეთ განვითარებას უნდა ველოდეთ, ხოლო ვინ გაიმარჯვებს, ამას დრო გვიჩვენებს.

გარიგების ფასი გახლავთ 10 მილიონი დოლარი. Lockheed Martin-ის წარმომადგენლებმა მთელი წელი დახარჯეს, რომ გაცნობოდნენ 128-კუბიტიან პროცესორს D-Wave One, რომლის მუშაობასაც უზრუნველყოფს უზარმაზარი კრიოგენული დანადგარი, ფართობით 10 კვადრატული მეტრი. D-Wave Systems თანადამფუძნებელი, ჯორდი როუზი (Geordie Rose) გარიგებას საეტაპოს უწოდებს და აღნიშნავს, რომ კვანტური კომპიუტერები თანდათან გადადიან იმ ტექნოლოგიების სიაში, რომლებიც მზად არის სამრეწველო გამოყენებისათვის.

კვანტური ბიტები D-Wave One-ში იწყობა ზეგამტარი მარყუჟების ბაზაზე
ჯოზეფსონის ორი კონტაქტით. დენი აქ შეიძლება გადაედინებოდეს საათის ისრის მიმართულებით, ან პირიქით, რაც საშუალებას გვაძლევს განვსაზღვროთ „0“ და „1“.

წყარო: NewScientist

არ შემიძლია არ დავწერო იმის შესახებ, თუ რა მოხდა ამ ბოლო რამდენიმე თვის განმავლობაში. პირველ რიგში ძალიან დიდი ძალისხმევის შედეგად როგორც იქნა გაეშვა საქართველოში მაკის მომხმარებელთა ჯგუფის პორტალი www.gemug.ge, რაც მე ძალიან მახარებს. მართალია, ოჯახური პრობლემების გამო მისი ასე ვთქვათ „რასკრუტკა“ ასევე ნელი ტემპით წარიმართა, მაგრამ დღეიდან მას დიდ დროს დავუთმობ და იმედია ის გახდება ერთ-ერთი წამყვანი რესრუსი ქართულ ინტერნეტში მაკის თემატიკასთან დაკავშირებით.

მეორე ის, რომ ჩემს Macbook Pro (Early 2008)-ს დაუზიანდა გრაფიკული პროცესორი. ვინც გარკვეული ხართ საკითხში, იცით რომ 2008 წლის გაზაფხულზე გამოშვებულ ნოუთბუკებში nVidia-ს გამოისობით მოხდა ტექნოლოგიური პროცესის დარღვევა, რის გამოც ნოუთბუკის ჩემნაირ მოდელებში ხდება ეს სავალალო დაზიანება. მაგრამ ეფლმა გამოაცხადა 4 წლიანი პროგრამა, რომელიც ითვალისწინებს დედადაფის უფასოდ გამოცვლას მსოფლიოს მაშტაბით. ჰოდა სწორედ ამ პროგრამით უკვე შევუკვეთეთ ახალი დედადაფა და დაახლოებით ამ თვის ბოლოსათვის მივიღებ ჩემს გაცოცხლებულ ნოუთბუკს ;)

კი მაგრამ, იკითხავს გაოცებული მკითხველი, თუ მაკის შესახებ ინფორმაცია გინდა რომ მოგროვდეს ახალ პორტალზე www.gemug.ge, აქ რაღა უნდა წერო?

გეტყვით, ყველაფერს გეტყვით. ვინც ახლოს მიცნობს, იცის, რომ ეფლის კომპიუტერებით გატაცება ჩემი ერთ-ერთი და არა ერთადერთი ჰობია. კიდევ მე მაინტერესებს ლოკალიზაცია, ვორდპრესი, დრუპალი და ზოგადად ყველაფერი, რაც თანამედროვე ტექნოლოგიებს ეხება. ჰოდა ინფორმაცია ამ ყველაფრის შესახებ არის ზღვა! შევეცდები არ მოგაკლოთ როგორც სიახლეები, ასევე სტატიები ტექნოლოგიების სხვადასხვა დარგების შესახებ.

მოკლედ, ბლოგი ნელ-ნელა უბრუნდება ჩვეულ ფორმას. გთხოვთ არ დაიზაროთ და კომენტარის სახით დაწეროთ, თუ რა საკითხები იქნება თქვენთვის საინტერესო. დიდი მადლობა, რომ მიუხედავად ყველაფრისა ჩემს გვერდით დარჩით!

იმედს ვიტოვებთ, რომ კმაყოფილი დარჩებით ჩვენი ნამუშევარით. დარჩით ჩვენთან!

P.S. [1 იანვარს, სადღაც უკვე დილის 4 საათზე გახურებული ქეიფის დროს]: მოდით, ამ პატარა ჭიქით და დიდი გულით ჩვენს სტეფანეს გაუმარჯოს-ჯოს-ჯოს!

:)))

• მუშაობას იწყებს Mac App Store;
• Apple-ი წარმოადგენს iPad 2-ს – უფრო სწრაფს, უფრო თხელს და ორი კამერით აღჭურვილს. გაყიდვა დაიწყება აპრილში;
• Apple-ი იუწყება 1-ლი კვარტლის ფინანსური შედეგების შესახებ: Mac-ის, iPhone-ისა და iPad-ის გაყიდვები სულ  უფრო იზრდება;
• იწყება iWork 11-ის გაყიდვა App Store-ში;
• News Corp. გაყიდვაში უშვებს ელჟურნალს The Daily iPad-ისათვის.

თებერვალი

• Aperture მიიღებს განახლებას;
• ჩამოტვირთულია პირველი მილიონი აპლიკაცია Mac App Store-იდან. ყველაზე დიდი პოპულარობით სარგებლობს iWork-ი და უფასო თამაშები;
• გაცხადდება iAds-ის საგაზაფხულო პარტნიორების სია, თუმცა რეკლამიდან შემოსული თანხა საიდუმლოდ დარჩება;
• iTunes-ის განახლებულ ვერსიაში ტელეგადაცემების ტრანსლაციის შესაძლებლობა დაემატება. საკაბელო ტელეკომპანიების აქციები გადასაყრელი ხდება.

მარტი

• გაყიდვაში გამოდის iPhone-ის ვერსია Verizon-ისათვის;
• იწყება თეთრი iPhone-ის გაყიდვები, თუმცა რაოდენობა შეზღუდულია;
• iBookstore-ში გაჩნდება ვებ-სერვისების მხარდაჭერა;
• ეფლის გამოუშვებს სპეციალურ ხელსაწყოს iBookstore/iTunes Extra-ში შიგთავსის შესაქმნელად, მომავალში ეს ხელსაწყო iLife-ის ნაწილი ხდება.

აპრილი

• Apple-ი განაახლებს MacBook Pro-ებს, ზოგიერთ მოდელში აღარ არის ჩაყენებული ოპტიკური დისკწამყვანი და ხისტი დისკების ნაცვლად SSD-ებია გამოყენებული;
• Apple აქვეყნებს მეორე კვარტლის შედეგებს;
• iPad 2 გამოდის გაყიდვაში, პირველივე დღეს გაყიდვების რაოდენობა მილიონს აღწევს;
• Final Cut Studio განახლდება 64-ბიტამდე და იღებს მძლავრ ხელსაწყოებს iAd-ისათვის;
• iMac-ის ახალი ვერსია იყიდება Magic Trackpad-ით.

მაისი

• iPad 2-ის გაყიდვები პირველი ორი თვის განმავლობაში აჭარბებს 6 მილიონ ცალს;
• გამოდის Logic Studio-ს განახლება, რეალურ დროში მიქშირების დამატებითი ფუქნციებით.

ივნისი

• სტივი სიტყვით გამოდის WWDC-ზე;
• WWDC-ის ფარგლებში ხდება iPhone 5-ის პრემიერა;
• WWDC-ზე წარმოდგენლია OS X Lion-ის ბეტა-ვერსია;
• Safari 6 გვთავაზობს Flash-ის გაუმჯობესებულ მხარდაჭერას, მაგრამ ეს ტექნოლოგია ხდება ოფიონალური;
• OpenJDK Project წარმოგვიდგენს Java-ს სრულიად დატესტილ ბეტა-ვერსიას OS X Lion და Snow Leopard-ისათვის;
• წარმოდგენილია ოპერაციული სისტემა iOS 5, რომელშიც დამატებულია მრავალი ახალი ფუნქცია.

ივლისი

• იწყება iPhone 5-ისა და iPad 2-ის გაყიდვები აშშ-ს ფარგლებს გარეთ;
• Apple აქვეყნებს მესამე კვარტლის შედეგებს;
• წარმოდგენილია სამაგიდე სისტენების განახლებები. Mac Pro-ში დამატებულია LightPeak-ის მხარდაჭერა.

აგვისტო

• Apple-ი ატარებს მუსიკალურ ღონისძიებას და წარმოგვიდგენს ახალ პროდუქტებს, მათი გაყიდვები სექტემბერში იწყება (იხ. ქვემოთ);
• Apple-ი წარმოგვიდგენს Android-ის ემულატორს iPhone-ზე.;
• ჯოჯოხეთი იყინება: iTunes-ი საშუალებას აძლევს Android-ის მფლობელებს შეიძინონ მუსიკა iTunes Store-ში.

სექტემბერი

• გამოდის iTunes 11 ღუბელოვანი მუსიკალური სერვისების მხარდაჭერით. „ჩვენ ამაზე ძალიან დიდხანს ვიმუშავეთ“, აცხადებს ჯობსი ამ განახლების წარმოდგენისას;
• იწყება ახალი iPod touch-ის გაყიდვები, რომელიც დაფუძნებულია iPhone 4-ზე და გააჩნია უფრო დიდი მეხსიერება;
• iPod nano-ს ცვლის iPhone nano: მას აქვს პროცესორი A4, მხარს უჭერს ხმოვანი გამოძახების ფუნქციებს და გააჩნია კომპაქტური კორუსი;
• iPod classic იხსნება წარმოებიდან;
• Apple TV მიიღებს ახალ (A5?) პროცესორს.

ოქტომბერი

• გამოდის Mac OS X Lion-ის ფინალური ვერსია;
• iOS 5.1-ის დებიუტი — iOS/OS X გაფართოებული ინტეგრაციით;
• გამოდის iLife 12 რამოდენიმე ღრუბელოვანი ფუნქციით. ეს ქიქნება პირველი iLife, რომლის შეძენა მხოლოდ App Store-ში იქნება შესაძლებელი;
• Apple აქვეყნებს მეოთხე კვარტლის შედეგებს.

ნოემბერი

• გამოდის iOS 5.2;

დეკემბერი

• ჩამოტვირთვების რაოდენობა App Store აღწევს 5 მილიარდს;
• ჩამოტვირთვების რაოდენობა Mac App Store აღწევს 100 მილიონს;
• Apple ადასტურებს ინფორმაციას, რომ გაყიდულია 5 მილიონი iPhone nano და ფასებს აგდებს შობისათვის.

აი, ასეთი დატვირთული წელი გამოვიდა. როგორც ზემოთქმულიდან ჩანს, მომავალი ბოცვერის წელი რამოდენიმე სენსაციას გვპირდება: რად ღირს თუნდაც iPhone nano და Android-ის დაშვება iTunes-ში! მიუხედავად ამისა, ჩვენ კვლავ გაფრთხილებთ, ეს მხოლოდ ჭორებია, მეტი არაფერი!

როგორც უკვე შეატყვეთ, ჩემი სამსახურში დაკავებულობის გამო ბლოგისათვის ცოტა დრო მრჩება. მეტიც ამ ბოლო ორი თვის მანძილზე სულ რამოდენიმე ჩანაწერს მოვუყარე თავი. იმედს ვიტოვებ, რომ დღევანდელი ჩანაწერიდან ჩვენი (ის ხომ მარტო ჩემი არაა, თქვენიცაა!) ბლოგის მუშაობა აღსდგება და სტატიების გამოსვლის პერიოდულობა მოიმატებს.

მაშასადამე რაზე მინდა ვისაუბრო მე. როგორც სათაურიდან გაიგებდით, თემა ეხება აიპადებსა და აიფონებს, მაგრამ ოდნავ განსხვავებული კუთხით — მათთვის საქართველოში მოქმედმა კომპანიამ „Globalcell“-მა მიკრო-სიმები გამოუშვა მთელი რიგი დამატებითი სერვისებით.

მოდით, ჯერ გავარკვიოთ, თუ ვინ არის კომპანია გლობალსელი და რა შეხება აქვს მას ჩვენს საყვარელი ვაშლოვანის პროდუქციასთან.

კომპანია „გლობალსელი“ არის ვირტუალური მობილური ოპერატორი საქართველოში. „გლობალსელი“ ესტონური მობილური ოპერატორის პარტნიორი კომპანიაა, შესაბამისად, ის თავის აბონენტებს სატელეკომუნიკაციო მომსახურებას უწევს პარტნიორი ესტონური კომპანიის დახმარებით, რომელიც მუშაობს  მსოფლიოს თითქმის ყველა ქვეყანაში, როუმინგის პრინციპით და შესაბამისად კომპანიის აბონენტები სარგებლობენ საუკეთესო ევროპული ხარისხით მთელს მსოფლიოში.

ცნობისათვის, ქართულ ბაზარზე „გლობალსელის“ სიმ-ბარათები 2009 წელს შემოვიდა. კარგად მახსოვს, ამ ინფორმაცის მე მაშინ ქართულ ფორუმზე წავაწყდი და ფრიად დავინტერესდი. ცოტა ხანში მიწევდა საზღვარგარეთ გამგზავრება ერთ-ერთი კომპანიის დავალებით და იაფი ზარები ნამდვილად გამომადგებოდა. მერე სამწუხაროდ მივლინება ჯერ გადაიდო, ხოლო საბოლოოდ სულაც გაუქმდა. ჰოდა რაღაცა პერიოდით ეს თემაც ჩაიძირა ჩემს გონებაში.

აქვე დავესესხები „გლობალსელს“ და გეტყვით, რომ 2010 წლის სექტემბრიდან კომპანიამ „ბანკი ქართუსთან“ გაფორმებული ხელშეკრულების თანახმად, შექმნა ერთობლივი პროდუქტი და აბონენტებს შესთავაზა „ბანკი ქართუს“ VISA Platinum-ის ექსკლუზიური პაკეტი, რომლის მფლობელსაც სიმ-ბარათი სრულიად უფასოდ გადაეცემა და გამოირჩევა უნიკალური მომსახურებით — სიმ-ბარათის ავტობილინგით, ანუ ბალანსის ავტომატური შევსებით სატელეფონო ანგარიშის ზღვრულ ნიშნულზე მიახლოებისას.

კიდევ ერთი, არანაკლებ მნიშვნელოვანი სერვისი, რომლის მოწოდებაც შეუძლია „გლობალსელს“, არის ის, რომ მისი ბარათებით სარგებლობისას შეგიძლიათ მიიღოთ მობილური ინტერნეტი (GPRS/3G) თითქმის მთელ მსოფლიოში, რაც დამეთანხმებით საქმიანი ადამიანისათვის ძალიან მნიშვნელოვანია!

კიდევ იმასაც გეტყვით, რომ „გლობალსელის“ ქსელში დღეისათვის 5000-ზე მეტი აბონენტია ჩართული. კი მაგრამ ჩვენ რა, იკითხავს იჭვნეულად მავანი ვაშლოფილი. რა კავშირი აქვს ზემოთ ჩამოთვლილი ინფორმაციის კორიანტელს ჩვენთან, ღირსი სტეფანეს ადეპტებთან? მოთმინება მეგრობრებო, მოთმინება. საქმე იმაშია, რომ „გლობალსელმა“ მოამზადა და დააპროგრამა მიკრო სიმ-ბარათები ჩვენთვის საყვარელი აიპადისათვის. რათქმაუნდა ამ ბარათის გამოყენება აიფონშიც შეიძლება, მაგრამ მთავარი, ასე ვთქვათ მუღამი ისაა, რომ ამ ბარათის მეშვეობით თქვენ შეგიძლიათ სმს-ის გაგზავნა!

უკვე საინტერესოა? :) რაღათქმაუნდა! მოწყობილობით, რომელიც პრინციპულად არაა განკუთვნილი იმისათვის, რომ განახოციელოს მოკლე ტექსტური შეტყობინებების გაგზავნა საშტატო ფუნქციონალით, ამიერიდან შესაძლებელი ხდება ამ სერვისით სარგებლობა მსოფლიოს ნებისმიერი კუთხიდან! ოღონდ ეგაა, რომ აიპადი 3G მოდელი უნდა იყოს (სიმ-ბარათის ჩასადები ჭრილით).

ყველა ოპერაცია სრულდება სპეციალური მენიუდან, რომელიც განთავსებულია Setting-ების მენიუში. როგორც კი ჩადებთ ბარათს აიპადში, ეს მენიუ დაემატება მყისეურად და შესაძლებლობა გეძლევათ ჩაატაროთ ოპერაციები!

მე ავიღე ერთი ბარათი. ახლა ვტესტავ. სამწუხაროდ აიპადის უქონლობის გამო ჯერ-ჯერობით ვერ ვახერხებ ამ სერვისის სრულყოფილ ტესტირებას, იმედს ვიტოვებ, რომ ცოტა ხანში ეს დასანანი ხარვეზიც (ჩემი უაიპადობა :-]) გამოსწორდება. მაშინ კიდევ უფრო დეტალური ინფორმაციის მოწოდებასაც შევძლებ.

ახლა ვის შეილება დასჭირდეს ეს სერვისი, იკითხავს კვლავ მავანი? ძალიანაც ბევრ ადამიანს, ვუპასუხებ მე. ჩემთვის ყურმოკრული ინფორმაცია არაა ნამდვილად, თუ დაახლოებით რამდენი ათასი აიპადია რეალიზებული საქართველოში. თუ გავითვალისწინებთ მის ფასს, ლოგიკურია, რომ ძირითადად შეძლებულ ადამიანებს აქვთ ეს მოწყობილობა. ხოლო სადაც შეძლებაა (ღმერთმა ყველას მოგცეთ), იქ საზღვარგარეთ ხშირი მოგზაურობაც სადღაც ახლო დააბიჯებს. ჰოდა წარმოიდგინეთ სიტუაცია: თქვენ სადმე შუაგულ ევროპაში იმყოფებით, თან გაქვთ თქვენი საყვარელი აიპადი და მასში მოთავსებული „გლობალსელის“ მიკრო სიმ-ბარათი. ერთ მოწყობილობაში ექცევა მულტიმედია ტაბლეტი და ტელეფონი ყველაფერი ერთად, ზედმეტი მავთულებისა და წვალების გარეშე! განა ეს კარგი არ არის?

მე მგონი, რომ კარგია!

მაშ ასე, მოდით ვნახოთ რა არის ამ ნოუთბუქში ახალი და მნიშვნელოვანი!

ახალი მოდელი გამოვიდა გასულ თვეს. სიახლეები ბევრია მართლაც. ორი მოდელი გამოვიდა: 11 და 13 გოჯიანი ეკრანებით. წინა მოდელისაგან განსხვავებით, ახალში ორი USB პორტია, ახალი ვიდეო ბარათი Nvidia GeForce 320M, უფრო მძლავრი აკუმულატორები, ეკრანის გარჩვეადობამაც მოიმატა და ახლა არის 1440×900 პიქსელზე 13 გოჯიანისათვის (ჩემს 15 გოჯიან Macbook Pro-ზე ამდენია, ასე რომ იგრძენით განსხვავება!) და რაც მთავარია, უფრო სწრაფი ფლეშ-მატარებლით. 11-იანზე გარჩევადობა 1366×768-ზეა, წონით უფროს ძმაზე 300 გრამით ნაკლებია.

ამ ახალი მოდელების გამოსვლით Apple-მა თავისი სამოდელო რიგი კიდევ უფრო გააფართოვა და მომხმარებელს არჩევანის უფრო დიდი საშუალება მისცა. ახლა ჩვენ შეგვიძლია ავირჩიოთ თუ რა გვინდა, რა უფრო მნიშვნელოვანია: ზომა, წონა და პორტატულობა, თუ წარმადობა, ფუნქციონალურობა და უფრო ფართო შესაძლებლობები.

11 გოჯიანი Air-ი იგივე ფასი ღირს, რაც თეთრი Macbook-ი (ფასები აშშ-ში), მაგრამ პრინციპული სხვაობა იმაშია, რომ თეთრ მოდელში შესაძლებელია მეხსიერების შემდგომში გაზრდა, ამასთან დისკური სივრცეც უფრო მეტია. Air-ს როდესაც უკვეტავთ, რასაც შეუკევთავთ, ის დაგრჩევათ მუდამ — მეხსიერების გაზრდა შეუძლებელია.

არჩვენის მომენტია აგერეთვე ის, თუ რომელ მოდელს ავირჩევთ ამ ორ Air-ს შორის: 11 თუ 13 გოჯიანს. მე ტესტირებისათვის 11-იანი მერგო, რომელმაც არა მარტო მე, არამედ ჩემი თანამშრომელბიც ძალიან  მოხიბლა (რამოდენიმე მათგანი 10 გოჯიან ნეთბუქებს იყენებს ყოველდღიური საქმიანობისათვის ).

მეორე მხრივ, 13 გოჯიანი ვერსიას უფრო მაღალი გარჩევადობის ეკრანი აქვს. ამიტომაც ეს მოდელი Macbook Pro-ს რეალურ კონკურენტად შეგვიძლია წარმოვიდგინოთ. რაშიც ის სერიოზულად აგებს, ეს არის Ethernet-თან კავშირის არასებობა (მხოლოდ უსადენო კავშირია გათვალისწინებული).

MacBook Air-ი და iPad-ი

ახალი Air-ის გამოსვლისთანავე გაჩნდა მოსაზრებები, ხომ არ გახდება ის iPad-ის კონკურენტი. ისეთივე მცირე ზომის, მსუბუქი და კომპაქტური, მაგრამ აღჭურვილი სრულფასოვანი ოპერაციული სისტემით, ის შეიძლება ბევრისათვის კომპრომისული ვარიანტი აღმოჩნდეს. თეორიულად ახალ Air-ს შეუძლია iPad-ს მომხმარებელთა რაღაც ნაწილიც წაართვას.

მაშინ, როდესაც iPad-ი სენსორული ეკრანის მეშვეობით იმართება და მისი საშუალებით უფრო ადვილი და კომფორტულია ინფორმაციის მიღება და აღქმა, Air-ის ფიზიკური კლავიატურა და ტრეკპადი ამ ინფორმაციის შექმნას უფრო ადვილს ხდის. რათქმაუნდა ამ სიტუაციაში აიპედი აქებს. მოკლედ, როგორც ყოველთვის, არჩევანის მრავალფეროვნება კიდევ უფრო სასარგებლოა ჩვენთვის, მომხმარებლებისათვის.

კორპუსი და ეკრანი

რა სხვაობა Macbook Air-ის ამჟამინდელსა და წინა მოდელებს შორის? რათქმაუნდა კიდევ უფრო შემცირდა კორპუსის სისქე და წონა, გუმჯობესდა USB-პორტებთან წვდომა (წინა მოდელში საკმაოდ მოუხერხებელი იყო, უნდა ჩამოგეწია სპეციალური საფარი, მოკლედ მე არ მომწონდა). მოიმატა ეკრანების გარჩევადობამ, მაგრამ მინუსად შეგვიძლია ჩავთვალოთ, რომ კლავიატურას განათება არა აქვს, ტრეკპადი, როგორც უფროს მოდელებში მთლიანად შუშისაა და ძალიან მოსახერხებელია. 13 გოჯიან მოდელს აგრეთვე აქვს SD-ბარათების სლოტი. რაც ყველაზე საინტერესოა, არცერთ მოდელს არა აქვს სავენტილაციო ნახვრეტები!

ეკრანი ძალიან მკვეთრი და კაშკაშაა. მის შემდეგ სამსახურის HP-ის უდღეური ნოუთბუქი საშინელი საყურებელია :)

კორპუსი ისეთი თხელია, რომ თავიდან მეშინოდა კიდეც მისი ხელში აღება: არ გავტეხო-მეთქი. წონა 11 გოჯიან მოდელში 1.06 კგ-ია. ოფისში რომ მიმქონდა, ჩანთა უფრო მძიმე აღმოჩნდა, ვიდრე კომპიუტერი.

ტექნიკური დეტალები

MacBook Air-ში გამოიყენება ცოტა მოძველებული პროცესორი, Intel Core 2 Duo. მას სიხშირე აქვს შემცირებული ხელოვნურად, რაც ამცირებს სითბოს გამოყოფას და ენერგიის მოხმარებას ამცირებს.

აი გრაფიკული პროცესორი მართლაც კარგია — NVIDIA GeForce 340M. საკუთარი მიზნებისათვის ის 256 მეგაბაიტს იყენებს ოპერტიული მეხსიერებიდან .

ვინაიდან კომპიუტერს არა აქვს ქსელის კაბელის შესაერთებელი, ლოგიკურია გავარკვიოთ, მისი უსადენო შესაძლებლობები როგორია. ჩემი აზრით სრულიად ნორმალურია: AirPort Extreme Wi-Fi (ანუ, IEEE 802.11n, რომელიც თავსებადია IEEE 802.11a/b/g) და Bluetooth 2.1 + EDR.

რაც ყველაზე საინტერესოა: ისევე როგორც ბევრი სხვა რამ, Apple-მა საინსტალაციო დისკის მაგივრად შემოგვთავაზა საინსტალაციო ფლეშ-ჩიპი. 8 გიგაბაიტიანი, დაფორმატებულია მხოლოდ წაკითხვაზე და ძალიან, ძალიან ლამაზია!

მე დიდი იმედი მაქვს, რომ როდესაც გაისად WWDC 2011-ზე გამოცხადდება Mac OS X 10.7 Lion-ი, მისი დისტრიბუტივის გაყიდვა ამ ხერხით მოხდება.

დასკვნა

Air-ი არ არის განკუთვნილი მძიმე ამოცანების შესრულებისათვის. ეს არის მენეჯერის, კომპანიის ხელმძღვანელის კომპიუტერი. ეს არის სახლში დამატებითი ნოუთბუქი, რომლის წაღებაც შეიძება ყველგან, სადაც არ გსურთ მძიმე, სრულზომიანი ნოუთბუქის თრევა. ეს არის ჩემი თანამშრომლებისათვის ზედგამოჭრილი კომპიუტერი, რომლებიც დრეს ოფისში არიან, ხვალ ლექცია აქვთ ჩასატარებელი და პროექტორზე უნდა მიაერთონ პრეზენტაციის ჩასატარებლად. მოკლედ, მარავალი ადამიანი შეძლებს ახალი Macbook Air-ის გამოყენებას ყოველდღიურ საქმიანობაში.

ულტრაკომპაქტური ნოუთბუქი, Apple-ის არაჩვეულებრივი ტრეკპადით. ოდნავ ნაკლებად მობილური, ვიდრე აიპადი, სამაგიეროდ სრულფასოვანი ოპერაციული სისტემით.

კარგი რამეა.

მოკლედ შემოვიფარგლები. შემდეგ კვირაში გვექნება ახალი ნოუთბუქების მიმოხილვა.

დარჩით ჩვენთან!

როგორც ყოველთვის, არანაირი დეტალი არაა ცნობილი, თუმცაღა ლომი, რომელიც ეფლის ლოგოდან იწყიტება, გვკარნახობს, რომ ჩვენ გველოდება პირველი გაცნობა მორიგ “დიდ კატასთან” — Mac OS X-ის ახალ ვერსიასთან. არამგონია, რომ ის მაშინათვე გამოვა გაყიდვაში, ალბათ ეს იქნება პრევიუ და ბეტა-ანაწყობი დეველოპერებისათვის.

მაგრამ მარტო ერთი “ფისუნია” არაა საკმარისი ასეთი ღონისძიებისათვის. რას შეიძლება კიდევ ველოდოთ?

პროგრამული უზრუნველყოფა. რათქმაუნდა iLife-ის და iWork-ის ახალი ვერსიები. მათი განახლება არ მომხდარა უკვე ორი წელია და დიდი ალბოთაბაა, რომ ახლა გამოვა. შესაძლო ცვლილებების სიაში — MobileMe/iWork.com სოციალურ ქსელებთან უკეთესი ინტეგრაცია, MS Office-ის დოკუმენტების უკეთესი მხარდაჭერა, მობილური მოწყობილობების მხარდაჭერა.

ზაფხულში მორიგი კვარტალის შედეგების გაცნობისას Apple-ს უკვე ჰკითხეს უზარმაზარი დეითა-ცენტრის შესახებ, რაზეც პასუხი იყო, რომ ის წლის ბოლოს გაეშვებოდა. 20 ოქტომბერი კარგი თარიღია პრეზენტაციისათვის. ვნახოთ, იქნება და MobileMe-ც უფასო გახდეს…

აპარატურა. Apple-ი იშვიათად აკეთებს მხოლოდ პროგრამების ან აპარატურის პრეზენტაციას, ყოველთვის არის ძირითადი თემა, რომელიც გაჯერებულია საპირისპირო საკითხებით. მოსალოდნელი ღონისძიების შემთხვევაშიც არის ვარაუდი, რომ ნაჩვენები იქნება ახალი Macbook Air-ი.

მთავარი ინტრიგა — როგორი იქნება ახალი “ჰაერ-ბუკი”? არ ვიცი, შემიძლია მხოლოდ ვივარაუდო. ადრე Macbook Air-ის უპირატესობა იყო დიდი ხნით ავტონომიური მუშაობა და კომპაქტურობა. ახალმა მაკებმა, რომლებიც 10 საათი მუშაობენ ავტონომიურად ეარს წაართვეს ეს უპირატესობა, ხოლო აიპადებმა — კომპაქტურობა. რაღა დარჩა? დარჩა ის, რომ დროა ეფლმა იფიქროს ამ ნოუთბუკის ზომების შემცირებაზე, მაგალითად 11 გოჯამდე (პირადად მე მაქვს ეფლის ადრინდელი გამოშვებული PowerBook G4 12 გოჯიანი. მიუხედავად იმისა, რომ უკვე საკამოდ ძველია, ძალიან კარგად მუშაობს და ეკრანის ზომებიც არ ქმნის დისკომფორტს).

მოკლედ, თვალყური ადევნეთ ჩვენს ბლოგს და აუცილებლად პირველები გაიგებთ სიახლეებს!

მაიშ პატრაწუმ, კი არადა მზად იყავით! :)

კონსალტინგური კომპანიის Gartner ანგარიშგების მიხედვით, 2010 წლის მესამე კვარტალში აშშ-ს კომპიუტერული ბაზარი გაიზარდა 2.2 პროცენტით. მთავარი პრობლემები შეექმნათ სამ ძირითად მწარმოებელს: HP-მ მაინც შეძლო მოცულობის გაზრდა 2 პროცენტით, მაგრამ Dell-ს და Acer-ს დაუფიქსირდათ ვარდნა 5.8 და 21 პროცენტით. ამ დროს Apple-ს 13 პროცენტიანი ზრდა აღენიშნება გაყიდვებში, რამაც საშუალება მისცა დაეკავებინა აშშ-ს ბაზრის 10 პროცენტი. მეტიც, მესამე ადგილზე მყოფი Acer-ისაგან Apple-ს მხოლოდ 0.1 პროცენტი აშორებს.

მეორე რეკორდი კომპანიამ უოლ-სტრიტზე დაამყარა, სადაც აქციების ფასმა 300 დოლარს გადააჭარბა.

და მართლაც, ეს Apple-ის ამჯამინდელი მდგომარეობის ადექვატური შეფასებაა: iPhone-ები კვლავაც “ცხელ-ცხელ” საქონლად ითვლება და არაადმიანური სისწრაფით იყიდება, iPad-ი თავის სეგმენტში უსიტყვო ლიდერად რჩება, მაკების გაყიდვები მატულობს.

დღეს ჩვენ სიახლე შევიტანეთ ჩვენი პოდკასტების ფორმატში — გადაცემაში სტუმრად გვყავდა საქართველოს განათლების სამინისტროს საინფორმაციო ტექნოლოგიებისა და სტატისტიკის დეპარტამენტის უფროსი გიორგი გულუა. საუბარი ძალიან საინტერესო გამოდგა, გირჩევთ მოუსმინოთ, ბევრ საინტერესო სიახლეს გაიგებთ:

მაშ ასე, შევუდგეთ მიმოხილვას.

პირადად ჩემთვი iPod touch-ი არის იგივე აიფონი, ოღონდ მობილური კავშირის გარეშე. თუმცა ეფლის სმარტფონთან მისი მსგავსება საკმაოდ დიდია. ახალი მოდელი კიდევ უფრო დაუახლოვდა აიფონს პარამეტრებით.

როგორც ცნობილია, მე-4 თაობის iPod touch-ის პრეზენტაცია მოხდა მ.წ. 1 სექტემბერს, სპეციალურ მუსიკალურ ღონისძიებაზე. ახალი მოდელი მთელი რიგი პარამეტრებით ნამდვილად საინტერესო რამაა. და რომ არა უკვე არსებული ახალი აიფონი, აუცილებლად შევიძენდი მას.

ყუთიდან ამოღების შემდეგ (უნდა მოგახსენოთ, რომ როგორც ყოველთვის, ამ შემთხვევაშიც შეფუთვა ძალიან მაღალ დონეზეა) აშკარად შევამჩნევთ, რომ ახალი მოდელი კიდევ უფრო თხელი გახდა და ასე ვთქვათ უფრო „ოთხკუთხედიც“. კორპუსის უკანა ნაწილი ფოლადისგანაა დამზადებული. ერთი მხრივ არაჩვეულებრივად ლამაზია, მეორე მხრივ — საკმაოდ სწრაფად იფარება ცხიმიანი ნათითურებით. ძირითადში დიზიანი ისევ ისეთივეა.

თუ დამკვრელს პირდაპირ შეხედავთ, ვერ დაინახავთ მართვის ღილაკებს, რომლებიც უკანა კედელზეა ისე განტავსებული, რომ არ ჩანს. მთავარი სიახლე გახლავთ VGA-კამერა წინა მხრიდან, მეორე კამერა დამკვრელის უკანა კედელზეა დატანებული.

კორპუსის ქვედა ნაწილში განთავსებულია ყურსაცვამების შესაერთებელი და კომპიუტერთან სინქრონიზაციის (რომელიც ამავდროულად ელკვებისათვის გამოიყენება) კონექტორი. კორპუსი ძალიან მაღალ დონეზეა აწყობილი. მისი ზომებია: 111 x 58.9 x 7.2 მმ, წონა — 101 გრ.

ერთ-ერთი დიდი სიახლე არის აგრეთვე ახალი ეკრანი. პრინციპში არც ძველი ეკრანი იყო ცუდი, მაგრამ ახლა ის განსაკუთრებით მიმზიდველია — 960 x 640 პიქსელზე, ნუ მოკლედ Retina-დისპლეი. შედეგად გამოსახულება ზემკაფიოა და არაჩვეულებრივი.

ახალ მოდელში პროცესორც გამოიცვალა — ახლა მასში აყენია იგივე A4, რაც აქვს ახალ აიფონს. შედეგად წარმადობამ მოიმატა, თანაც მაგრად, ყველა ოპერაცია ძალიან სწრაფად სრულდება.

iOS 4.1-მა მოიტანა ის სიახლეები, რომლის საშუალებითაც შეგიძლიათ ისარგებლოთ FaceTime-ით. მე როგორც იქნა შევძელი და ჩემი აიფონ 4-ის შეძენის შემდეგ პირველად ავამუშავე ეს ფუნქცია. არაჩვეულებრივად ამუშავდა. სიგნალი გადაეცემა კარგად, შეყოვენებეი არ არის. გამოსახულება ძალიან მაღალი ხარისხისაა.

უკანა კედელზე განთავსებულმა კამერამ არაერთგვაროვანი შთაბეჭდილება დატოვა ჩემზე. ერთი მხრივ იღებს HD-ვიდეოს, თანაც საკმაოდ კარგად. მეორე მხრივ ფოტოგადაღებისას გამოდის შედარებით დაბალი ხარისხის (აიფონ 4-თან შედარებით).

iOS 4.1-ის კიდევ ერთი ფუნქცია — სერვისი Game Center, საშუალებას გაძლევთ ადვილად დაუკავშირდეთ მეგობრებს და ერთად ითამაშოთ სხვადასხვა თამაშები.

რაც შეეხება ამ ახალი მოწყობილობის ძირითად ფუნქციას, მუსიკალურ დამკვრელს, ის შეუდარებელია! ხმის ხარისხი ძალიან მაღალია, კომპლექტში შემავალი ყურსაცვამები პრინციპში დამაკმაყოფილებელ ხარისხს იძლევა, თუმცა შეგიძლიათ მიუერთოდ სხვა უფრო ძვირად ღირებული ყურსაცვამებიც.

დასკვნა: iPod Touch 4G — საუკეთესო მულტიმედია მოწყობილობაა ბაზარზე. ის ერთნაირად კარგად ასრულებს მუსიკალური დამკვრელის, ვიდეო დამკვრელის, სათამაშო კონსოლის და ჯიბის კომპიუტერის ფუქნციებს.

დღეს iphones.ge-მ ტესტირებაზე გადმოგვცა უახლესი iPod nano. მოდით ვნახოთ თუ როგორია ის!

ალბათ დამეთანხმებით, რომ iPod nano მუსიკალურ ბაზარზე ერთ-ერთი ბესტსელერია. 2005 წელს მან შეცვალა იმ დროისათვის უკვე მოძველებული
iPod Mini, რითაც საფუძველი ჩაეყარა ახალ პოპულარულ დამკვრელებს.

ამასწინდელ სპეციალურ მუსიკალურ ღონისძიებაზე სტივ ჯობსმა წარმოგვიდგინა iPod nano-ს მეექვსე ვერსია. ყველა წინამორბედთან შედარებით ის ყველაზე მცირე ზომისაა (37.5 x 40.9 x 8.78 მმ), ამასთან ძალიან მსუბუქიც (21 გრ).

მინიატურულ პლეერს გააჩნია 1.54 დუიმიანი ეკრანი „მალთითაჩის“ მხარდაჭერით, მისი გარჩევადობაა 240 x 240 პიქსელზე.

მოწყობილობის ქვედა ნაწილში განთავსებულია დოკ-შესაერთებელი კომპიუტერთან დასაკვშირებლად და 3.5 მმ-იანი ბუდე ყურსაცვამებისათვის. უკანა კედელზე დამაგრებულია კლიფსა ტანსაცმელზე მისამაგრებლად და კომპანიის ლოგო. ზემოდან მოთავსდა სამი ღილაკი — ორი ხმის რეგულირების და ძილის რეჟიმის ჩართვა/გამორთვის.

App Store-ის ან iTunes-ის მხარდაჭერა გათვალისწინებული არ არის. თუმცა ინტერფესი ძალიან მარტივია და მოსახერხებელია. ეკრანზე განთავსებულია 4 ხატულა და არის მენიუს 4 სექცია. სულ 16 ხატულა. როგორც აიფონში, აქაც საკმარისია თითი გადაუსვათ ეკრანს და მენიუს სექციებში ძალიან მარტივად გადახვალთ.

ეკრანის ზედა ნაწილში ნახავთ დამკვრელის მუშაონის სტატუსს და აკუმულატორის მუხტის ინდიკატორს. მართალია ნანოს არა აქვს მაღვიძარა, მაგრამ აქვს ტაიმერი და წამზომი.

მეექვსე ვერსიაში ნანოდან ამოიღეს ვიდეოს ჩაწერისა და დაკვრის რეჟიმი, სწორედ ამის გამო მოხერხდა ზომების შემცირება.

მე უკვე 10 საათია უწყვეტად ვსარგებლობ ახალი ნანოთი (სამწუხაროდ მხოლოდ ორიოდე დღით, მერე უნდა დავაბრუნო) და ძალიან მომწონს, რადიოს ვუსმენდი ახლა ტრანსპორტში და ხმის ხარისხით კმაყოფილი დავრჩი. თანაც აკუმულატორი 24 საათიანი მუშაობის რეჟიმზეა გათვლილი, რაც ფრიად კარგია.

მოკლედ ძალიან საინტერესო მოწყობილობაა! ვისაც გიყვართ ეფლის ტექნიკა და თანაც სიახლეები, ეს არ უნდა გამოტოვოთ. ხოლო ვისაც ჯერ-ჯერობით არ გაქვთ ამ საოცარი კომპანიის არცერთი პროდუქტი, დროა გაკეთოთ თქვენი არჩევანი!

ამ შაბათ-კვირას დავასრულებთ რამოდენიმე ტერმინის შეთანხმებას და ორშაბათიდან ნებისმიერი შეძლებთ თქვენს ბლოგზე მის დაყენებას:

პირველი რაც უნდა აუცილებლად აღინიშნოს ისაა, რომ პირველად 2004 წლიდან ეფლმა ღონისძების ვიდეო-ტრანსლაცია განახორციელა. ძალიან კარგია! ტექსტურ ტრანსლაციებზე მიჩვეულს, კიდევ უფრო გამიმძაფრდა შეგრძნებები, როდესაც პირდაპირ ვიდეო-ეთერს ვუყურებდი. არა, რათქმაუნდა წინა ღონისძიებების ვიდეო-ფაილები 1-2 დღეში იდებოდა ხოლმე iTunes Store-ში და შესაძლებლობა მქონდა ოდნავი დაგვიანებით მეცქირა სტივის გამოსვლისათვის, მაგრამ პირდაპირი ეთერი მაინც სულ სხვაა. თუმცა ეფლმა არც ახლა უღალატა თავის სტილს და ტრანსლაციის ყურების შესაძებლობა მხოლოდ ეფლისტებს მისცა: მხოლოდ მაკ-კომპიუტერზე 10.6 OS X-ით, ან აიფონ-აიპადებზე. სხვა დანარჩენი პლათფორმები გამოეთიშნენ თამაშს (ალო, ფანჯროუს!). თუმცა ლეოპარდიც ვერ მოხვდა რჩეულთა სიაში. ასეა თუ ისე, მე საღამოს 7 საათიდან მომზადებული ვიყავი და სულმოუთქმელად ველოდებოდი ტრანსლაციის დაწყებას.

ტრანსლაცია შესანიშნავად მიმდინარეობდა, ხარვეზების გარეშე. აი ბოლოსაკენ ალბათ ეფლის სერვერები ძალიან დაიტვირთა და რამოდენიმეჯერ სიგნალი გაწყდა. თუმცა პირველჯერისათვის არ იყო ურიგო. სხვათაშორის, ვინც ვერ უყურეთ პირდაპირ ეთერს, შეგიძლიათ გადმოიწეროთ ფაილი:

Apple Keynotes

ღონისძიება, როგორც ყოველთვის სტივ ჯობსმა გახსნა. მისი გამოსვლა დაიწყო საცალო მაღაზიების შესახებ ინფორმაციით. თურმე ნუ იტყვით და დღეისათვის ეფლს უკვე 300 მაღაზია აქვს მთელ მსოფლიოში. ყოველდღიურად ამ მაღაზიებში მილიონამდე მომხმარებელი შედის.

შემდეგ წამოვიდა სტატისტიკა — სტივის ინფორმაციით დღეისათვის გაყიდულია 120 მილიონი მოწყობილობა, რომელზეც აყენია iOS-ი, ანუ ესენია iPhone, iPod და iPad. ცოტათი გუგლსაც წაკბინა, რომელმაც ამასწინათ განაცხადა, რომ დღეში 200 ათასი მოწყობილობა აქტიურდება, რომელზეც ანდროიდია დაყენებული: სტივის ინფორმაციით 230 ათასი მოწყობილობა აქტიურდება მსოფლიოში ყოველდღიურად iOS-ით.

შემდეგ სტივი საქმეზე გადავიდა. ყველაზე მეტად რაც მე მესიამოვნა არის ის, რომ 8 სექტემებრს გამოვა iOS-ის 4.1 ვერსია, რომელშიც საკამოდ ბევრი შეცდომა იქნება აღმოფხვრილი. დამატებულია ახალი ფუქნციები, თან როგორი! აიფონს გაუჩნდება HDR-ფოტოების გადაღების ფუქნცია. შესანიშნავია! ვინც არ იცით, თუ რა არის ეს, იხილეთ ვიკის სტატია ამ
თემაზე. როგორც იქნა გაეშვება Game Center-ი, რომელიც საშალებას მოგვცემს ვეთამაშოთ მეგობრებს სხვადასხვა თამაშობები.

ამის მერე სტივმა გააჟღერა ინფორმაცია მიკროკოდის შემდეგ ვერსიაზე, 4.2-ზე, რომელიც აიპადისათვის იქნება და რომელიც როგორც იქნა გახდის ამ შესანიშნავ მოწყობილობას იმათ, რაც უნდა იყოს!

პროგრამული უზრუნველყოფის მიმოხილვის შემდგომ ჯერი მიდგა აპარატურაზე. ანუ რათქმაუნდა iPod-ებზე. დღეისათვის გაყიდულია 275 მილიონი ცალი. ცოტა არაა! სტივმა სურპრიზების მთელი კორიანტელი დააყენა: კვლავ შეცვალეს Shuffle-ის ფორმა, ისევ ოთკუთხედი გახადეს და დაუბრუნეს სამართავი ღილაკები. მიხვდა ეფლი, რომ უკონტროლო შაფლი დიდი ქლიავობა გამოვიდა. ფასი 49 დოლარი. ძალიან კარგი ფასია! აი აიპოდ ნანო რადიკალურად არის შეცვლილი: მას პირიქით მოაშორეს სამართავი ღილაკები, გახადეს კვადრატული, სამაგიეროდ ეკრანი გაუკეთეს თაჩ-სქრინაიანი და მართავამაც მანდ გადაინაცვლა. პირველად ეფლის ისტორიაში მის დამკვრელში დაემატა FM-რადიო! როგორც იქნა ამასაც მოვესაწრით! თუმცა ფასი ცოტა არ იყოს ძვირია — 149 დოლარი 8 გბაიტიან მოდელზე და 179 — 16 გბაიტიანზე. მოკლებითაც მოაკლდა ნანოს ფუნქციები: ვიდეოს ვეღარ იღებს და არც ვიდეოს დაკვრა არ შეუძლია ამიერიდან.

ბოლო განახლება გახლავთ iPod touch-ი, ის ისეთივე გახდა, როგორც iPhone 4, ანუ იგივე პროცესორი, ორი კამერა, გიროსკოპი, Retina Display, FaceTime, მოკლედ კარგი რამეა! ფასები: 8 გბაიტი — 229 დოლარი, 32 გბაიტი — 299 დოლარი, 64 გბაიტი — 399 დოლარი.

შემდეგ საუბარი წავიდა iTunes-ზე. გამოვიდა ამ დამკვრელის მე-10 ვერსია. ცვლილებებს შორისაა: ახალი ხატულა (ძველზე ეხტა კომპაქტ-დისკი — უკვე ანარქონიზმი ჩვენს დროში), ახლა ლამაზ წრეში ნოტია ჩახატული. შემდეგ, ჩანაწერების ნახვის ახალი ხედი და რაც ყველაზე მთავარია, ეფლის ახალი სოციალური ქსელი — მათთვის ვინც აქტიურად ყიდულობს მუსიკას iTunes Store-ში და სურს მეგობრობა გააბას მისთვის საყვარელი ჟანრის მოყვარულებთან და არტისტებთან. საქართველოში დიდი საჭიროება ამისა არ გახლავთ, ჩვენ მაინც არ გვაქვს საშალება მანდ რამე შევიძინოთ.

ღონისძიების ბოლოს გაისმა სტივის ცნობილი „One more thing…“ და წარმოგვიდგინეს… ახალი AppleTV. ჯერ წინა ვერსია დიდად არ მომწონდა და ახლანდელი საერთოდ არ მომეწონა. კორპუსის დიზაინი არ ვარგა, მაგრამ ეგ არ არის მთავარი. მთავარი ისაა, რომ მას ამოაცალეს ხისტი დისკი და ამიერიდან მომხმარებელს შეეძლება მხოლოდ სტრიმინგის ყურება, სხვა არაფერი. მოკლედ დიდი ვერაფერი შვილია ეს შენი AppleTV! ერთია რომ ფასი აქვს ძალიან სასაცილო, 99 დოლარი, ასე რომ მყიდველი უსათუოდ გამოუჩნდება!

პრეზენტაცია დაასრულა ჯგუფ Coldplay-ს სოლისტმა კრის მარტინმა, რომელიც საშინლად მღეროდა.

საერთო ჯამში ძალიან კარგი ღონისძიება გამოვიდა!

მიზეზი გახლავთ იმაში, რომ ჩემი ძირითადი საქმიანობიდან გამომდინარე (პროგრამული უზრუნველყოფის ლოკალიზაცია), ვამზადებ ორ პროდუქტს და ვაპირებ ორშაბათიდან შემოგთავაზოთ ისინი.

თუ რა პროდუქტებია, ამას ორშაბათს გაიგებთ ;)

New Mac Pro

პირველ რიგში ბოდიშს გიხდით, რომ ამდენ ხანს გაცდევინეთ. გასული კვირა სავსე იყო ვნებათა ღელვებით. ჯერ ერთი ჩემს სამსახურში პროექტის ერთ-ერთი სტადიის ფინალი იყო და მაგ დროს როგორც წესი საგიჟეთი მაქვს. მეორეც, გასულ ორშაბათს როგორც იქნა ჩამოაღწია ჩემმა პირადმა აიფონმა! ალბათ წარმოგიდგენიათ, რამდენად გამიხარდა! და ვითვალიწინებ რა მკითხველთა უდიდეს ინეტრესს ყბადაღებული სიგნალის კარგვის შესახებ, გადავწყვიტე მთელი კვირა დავკვირვებოდი ამ საკითხს, რათა სრულყოფილად მომეხერხებინა თქვენთვის ინ ფორმაციის მოწოდება ამ საკიტხის შესახებ.

მაშ ასე, დავიწყოთ!

ვინაიდან ეს არ იქნება ჩვენი მიმოხილვის ბოლო ნაწილი (ერთ კვირაში, როდესაც ზღვიდან ჩამოვალ, მე განვაგრძობ აიფონის დეტალურ მიმოხილვას) მოდით დღევანდელი პოსტი მთლიანად დავუთმოთ ანტენას და სიგნალის კარგვის საკითხს.

ანტენა და სიგნალის მიღება

რათქმაუნდა, აიფონის ყუთიდან ამოღებისთანავე გიჩნდება სურვილი დაუყოვნებლივ შეამოწმო სიგნალის მიღების პრობლემის არსებობა. ნუთუ საკმარისია თითი მივადოთ ტელეფონის გვერდითა მხარეს შავ ზოლს, რომელიც ორ ანტენას ყოფს ერთმანეთისაგან და სიგნალი დაიკარგება? მოდით გავერკვეთ.

მე ზუსტად ასე მოვიქეცი, სახლში მიტანისთანავე ვეცი ტელეფონს და მარტივი აქტივაციის შემდეგ (ამ პროცესში ყველაზე რთული იყო სიმ ბარათის კორექტულად შემოჭრა, მაგრამ ამასაც გავართვი თავი), პირველი რაც გავაკეთე ეს იყო ტელეფონის მტევანში მომწყვდევა. მოვიმწყვდიე და… სიგნალის ჯოხებმა ვარდნა იწყეს კატასტროფული სისწრაფით. პირკატა მეცა, გავშრი და უკვე გემრიელად უნდა შემეგინებინა სტივ ჯობსისთვისაც, ეფლის ინჟინრებისთვისაც და კიდევ ვინმეს მივაყოლებდი, რომ უცებ გამახსენდა — ჩემი ოთახი ხომ „რადიო ჩრდლიში“-ა! დიახ, გაუგებარი მიზეზით თუ მანქანებით, ჩემს ბინაში ზოგადად ცუდად იჭერს ნებისმიერი ტელეფონი, არა მარტო აიფონი. ეს ფაქტი ადრეც მქონდა შემჩნეული და ახლა ნერვიულობის გამო უცებ თავიდან ამომივარდა! ცოტა დავწყნარდი და ვეცი მეზობლის ბინას. ყვირილით შევვარდი: „არ შეგაწუხებთ დიდი ხნით, სიგნალი უნდა გავზომო“-მეთქი. მეზობელი ცოტა შეშინდა, მაგრამ მაინც შემიშვა ბინაში, თანაც რაღაც უცნაურად დამიწყო ყურება :D მე მეზობლის ბინა შემოვირბინე, სამივე ოთახი, მერე ლოჯიაშიც გავედი, აბაზანაც არ გამოვტოვე (ყველაზე „მკვდარი“ წერტილი სიგნალის მიღების თვალსაზრისით). შედეგი. რამდენიც არ ვიღონე, ვერ დავაკარგვინე სიგნალი ტელეფონს. ჯოხები ჯიუტად განაგრძობდნენ ხუთი დანაყოფის ჩვენებას ინდიკატორზე.

მეორე დღეს და საერთოდ მთელი კვირის განმავლობაში ინტენსიურად ვაგრძელებდი სიგნალის დაკარგვის მცდელობებს:

• ვაკის პარკთან  ვმუშაობ ახლოს, სიგნალი გადასარევია, არ იკარგება;
• საბურთალოზე, სამედიცინო უნივერსიტეტთან — არ იკარგება;
• ლესელიძის ქუჩა, სინაგოგასთან ახლოს — არ იკარგება;
• მეტროს ქვედა ბაქნები — არ იკარგება;
• ვაგზლის მოედანი —  არ იკარგება;

და ასე შემიძლია განვაგრძო უსასრულოდ, თუმცა ერთი უნდა ითქვას, სადაც სიგნალი მართლა სუსტია და სხვა ტელეფონებსაც აკლდებათ „ჯოხები“ ინდიკატორზე, აიფონსაც იგივე მოსდის. მაგრამ მოდით გულზე ხელიდ ავიდოთ და ვთქვათ, რატომ უნდა მოვთხოვოთ აიფონს იმაზე  მეტი, რაც სხვა ტელეფონს არ შეუძლია? მე მგონია რომ არ უნდა მოვთხოვოთ.

თანაც ერთი რამ გაითვალისწინეთ. როდესაც სიგნალდაკლებული აიფონიდან ვსაუბრობ, აბონენტებს არ გაჩენიათ დსიკომფორტი ჩემი ხმის გაგების გამო. მხოლოდ ერთხელ იყო რომ ჩემს მეუღელს არ ესმოდა, როდესაც ის ქალაქში იყო გასული, ხოლო მე ჩემს „რადიო ჩრდილის“ მქონე ბინაში ვიყავი.

რათა ერთხელ და სამუდამოდ ამოვწურო ეს თემა ვიტყვი შემდეგს: სიგნალის კარგვა და მასთან დაკავშირებული ისტერია არის მითი, რომელიც მხოლოდ ეფლის კონკურენტებს აწყობთ და პრაქტიკულად თითიდან არის გამოწოვილი.

[youtube]http://www.youtube.com/watch?v=WV1LNZLunas[/youtube]

არ იკარგება, არა!

დანარჩენს ოდნავ მოგვიანებით მოგახსებთ.

ვიცი ეს დღეები არაფერი დამიწერია. უნდა მაპატიოთ. გუშინ ჩემი აიფონის ჩამოსვლას ველოდებოდი სულმოუთქმელად. ძალიან დააგვიანდა ამანათის ჩამოსვლა და ერთი მომენტი ვიფიქრე ამ კვირაშიც ჩაიშალა-მეთქი. მაგრამ ბოლო-ბოლო ჩამოაღწია და აგერ ჩემს გვერდითაა!

მიმოხილვის მესამე ნაწილს ამ საღამოს შემოგთავაზებთ.

მანამდე ვისაც სიგნალის კარგვა აინტერესებდა… ორი სიტყვით ვერ დავწერ, მაგრამ არ იკარგება! უფრო დეტალურად ოდნავ მოგვიანებით ;)

მეგობრებო ჩემი შეცდომაა, რისთვისაც ბოდიშს გიხდით. არა 1.3 არამედ 0.3 მეგაპიქსელია წინა კამერა.

მაშასადამე განვაგრძოთ.

სიმ-ბარათი

ახალ აიფონში სიმ-ბარათი ზემოდან არ იდება, არამედ გვერდიდან. ამის გარდა სტივი რისი სტივია, რაიმე მაკვარანცხობა რომ არ მოეფიქრებინა. ჰოდა აიღო და ჩვეულებრივი სიმ-ბარათების მაგივრად ე.წ. მიკრო-სიმ ბარათები. სიმართლე გითხრათ, მატრაკვეცობაა და მეტი არაფერი. ნახევარ მსოფლიოს ახლა მოუწევს სასწრაფო წესით ამ სიმ-ბარათების დამზადება და შეძენა, ჩვენ ვიკითხოთ, თორემ იმათ რა უჭირთ? მე შენ გეტყვი და მაგთი, ჯეოსელი ან ბიალიანი ერთ ადგილს შეიწუხებენ, არიქა საქართველოში აიფონის მომხმარებლებს დავეხმაროთო! არ დაიჯეროთ. მე წინდაწინ დავიჭირე თადარიგი და ამაზონზე შევუკვეთე მიკრო-სიმის „ქათერი“, რომელსაც ორი ცალი მიკრო-სიმის ადაპტორი მოყვება (ეგ პირიქითაა საჭირო, როდესაც მიკრო-სიმ ბარათის ჩადება გჭირდება ჩვეულებრივი სიმის ჭრილში). სხვა მხრივ სიმის ჩასადები დიდად არ განსხვავედება ძველი მოდელებისაგან.

ეკრანი

აი რასაც ნაღდათ წუნს ვერ დაუდებ, ეს ეკრანია. Retina Displey იდეალურია. მკვეთრი, ნათელი ფერებით. რაც მთავარია, გამოსახულება იმდენად მკაფიოა, რომ მაგალიტად წიგნის კითხვისას სულ მიჩნდება შეგღძნება, რომ ფურცლიდან ვკითხულობ და არა ეკრანიდან. პიქსელების გარჩევა მართლა შეუძლებელია, ყოველ შემთხვევაში ჩემი თვალი ვერ არჩევს ნაღდათ.

აი ჩემი შეგრძნებები ახალი აიფონის ეკრანის პირველი დათვალიერების დროს: „მოიცა, ეკრანი ანათებს, როგორც ჩვეულებრივი, კი მაგრამ პიქსელები? სად არის პიქსელები? პიქსელები გამოუშვით, თქვე ფარჩ!..“ კხმ, უკაცრავად, გვერდითა განყოფილებიდან იყო ეს ფრაზა. განვაგრძოთ. ეკრანი და მისი დამცავი ზედა შუშა იმდენად ახლოა ერთმანეთთან, რომ ასე მგონია, თვითონ გამოსახულებას ვეხები.

ძალიან კარგად არის გაკეთებული სიკაშკაშის რეგულირება. სისტემა თვითონ ხვდება, როდის რა რეჟიმი გამოიყენოს. ხელით რეგულირება ჯერ-ჯერობით არ დამჭვირვებია.

პროგრამებს რაც შეეხება ეკრანის საკითხის ჭრილში. ის პროგრამები, რომელთა გადაწერა ჯერ ვერ მოასწრეს ავტორებმა, საკმაოდ ბუნდოვნად ჩანან. ხოლო აი სისტემური პროგრამები… აი უბრალოდ კამფეტია რა! განსაკუთრებით Safari! მოდით პატარა ნიმუშს გაჩვენებთ:

მოდით შევუდგეთ საქმეს და ვნახოთ, თუ რა ხილია ეს ახალი აიფონი, მართლა აქვს თუ არა ის „საშინელი“ ნაკლოვანებები, რომელზეც უცხოური ინტერნეტ-პრესა ამდენს გაჰყვირის, ხოლო ჩვენი ზოგიერთი პრაფანი ბრმად და უაზროდ იმეორებს. აქვე მინდა ავღნიშნო ერთი რამ. აკასთან როდესაც დავიწყე ურთიერთობა მიმოხილვების საკითხში, წინასწარვე ვთქვი, რომ თუ პროდუქტს ვუპოვნი ნაკლს, აუცილებლად დავწერდი. ანუ არ შემიძლია, არ მეხერხება ტყულის თქმა და ამით მკითხველის შეცდომაში შეყვანა. ჩემთვის ეს ფრიად მნიშვენოვანი საკითხია და არასოდეს არ გადავაბიჯებ ამ პრინციპს. შესაბამისად აუცილებლად მოგახსენებთ „ანტენაგეიტის“, ანუ სიგნალის კარგვის პრობლემის შესახებ დეტალურად.

მაგრამ მანამდე შევისაწვლოთ ახალი აიფონი და მისი ნაწილები:

კოლოფი

კოლოფი აკურატულადაა დამზადებული, როგორც ყოველთვის. მაღალი ხარისხის მუყაოსაგან. ძველი კოლოფებისაგან განსხვავდება ზომით და ფერით, ის თეთრია და შედარებით მომცრო ზომის. სიმართლე გითხრათ, ჩემი iPhone 2G-ის კოლოფი უფრო მომწონს. თანაც მე ეფლის პროდუქციის მომხმარებელთა იმ კატეორიას მივეკუთვნები, რომლებიც არ ყრიან კოლოფებს ნაგავში, არამედ სათუთად იანახავენ.

კოლოფს ქვედა მხარეზე ბლომად წარწერები აქვს, ტექნიკური ინფორმაციის მატარებელი. როგორც ყოველთვის შემკულია ვაშლის ლოგოთი და პროდუქტის დასახელების წარწერებით. აი ზემოდან გამოსახული აიფონი რა რაც ვერაა კარგად, არ მომეწონა. მაგრამ ჯანდაბას, ეს მხოლოდ კოლოფია, მეტი არაფერი. შევეშვათ მას და ვნახოთ რა დევს მის შიგნით.

შემცველობა ასეთია: ტელეფონი, რამოდენიმე ბროშურა (ინსტრუქციები და მისთანები), წებოვანი ვაშლის ლოგოები, სიმ ბარათის ამოსაძრობი საფირმო სკრეპი, დამტენი, სინქრონიზაციის (და ამავდროულად დამტენი) კაბელი და ყურსასმენები. სულ ესაა.

ტელეფონის კორპუსი

კორპუსი აბსოლუტურად განახლებულია, გექნებათ ნანახი ინტერნეტში უამრავ საიტზე. ჩემი პირველი შთაბეჭდილება: ჰმ, საინტერესოა! მერე, ხელში კარგად რომ მოვირგე და რამოდენიმე საათის განმავლობაში სკურპულოზურად ვატესტირე გამოვიტანე მარტივი დასკვნა — ეფლი როგორც ყოველთვის მაგარია! მე ამ სამი წლის განმავლობაში საკმაოდ მომბეზრდა აიფონის ეს მომრგვალებული ფორმები, მინდოდა რაიმე სრულიად ახალი. ჰოდა სტივმაც არ დააყოვნა და თხოვნა შემისრულა! :) კორპუსი უფრო თხელია, ვიდრე ძველი მოდელები და საერთოდ სოლიდური შესახედაობა გააჩნია. კოპრუსი სამი ძირითადი ნაწილისაგან შედგება: შუშის ეკრანი, ასევე შუშის ქვედა ნაწილი და ლითონის სალტე, რომელიც ერთდროულად კარკასიცაა და ანტენაც (დიახ, სწორედ ის ყბადაღებული ანტენა!). შუშა ახალ აიფონში სპეციალურია და დარტყმაგამძლეა, თუმცა მაინცადამაინც ნუ ეცდებით, რომ მანქანის ზემოდან გადავლას გაუძლოს :) კოპრუსზე გვერდიდან განთავსებულია ხმის რეგულირების ორი ღილაკი, ნაცვლად ძველ მოდელებში არსებული ქანქარა გადამრთველისა. ხმის გამორთვის ღილაკიც ოდნავ დაპატარავებულია. წყველა აპარატურული ღილაკის დაჭერას მცირედი ძალისხმევა სჭირდება, რაც კარგია. ალბათობა იმისა, რომ ჯიბეში შემთხვევით დაგეჭირებათ, ნულისაკენ მიისწრაფის.

მაგრამ სიახლე არის არა მარტო გარეგან სახეში. აპარატის შიგნითაც ბლომად ნახავთ (არა, თქვენ ვერ ნახავთ და არც გირჩევთ რომ დაშალოთ აიფონი. დიდი ალბათობაა, რომ დეტალები დაგრჩეთ :) ) სიახლეებს. ცნობისათვის, ეს ეფლის პირველი სმარტფონია, რომელიც საკუთარი წარმოების A4 პროცესორითაა აღჭურვილი. იგივე პროცესორი გამოიყენება iPad-შიც. პროცესორის სიხშირეა 1 გიგაჰერცი. როგორ არ უნდა გავიხსენო ამ შემთხვევაში, რომ ჩემს პირველ კომპიუტერს, რომელიც შორეულ 1999 წელს ვიყიდე, ჰქონდა 500 მეგაჰერციანი Pentium III პროცესორი (ჰო, მაკებისადმი ტრფობა აკვნიდან არ დამყოლია, მეც ოდესღაც ვინდოზავრი ვიყავი :) ). ტელეფონის ოპერატიული მეხსიერება შეადგენს 512 მეგაბაიტს, ფრიად კარგი მაჩვენებელია. რაც შეეხება მუდმივ მეხსიერებას, სადაც ინახება პროგრამები, მუსიკა, ფილემბი და ა.შ., ის გახლავთ 16 ან 32 გბაიტი.

სახეცვლილმა კორპუსმა ეფლს შესაძლებლობა მისცა დაეყენებინა უფრო დიდი ზომის და მოცულობის აკუმულატორი. შედეგად მიღწეულია მთავარი: ერთი დამუხტვით მუშაობის ხანგძლივობის ზრდა. მაგალითისათვის მოგიყვანთ, რომ მე 24 საათის განმავლობაში მეყო ტელეფონის მუხტი და არ ჩამირთავს დასატენად, თუმცა ექსტრემალურ პირობებში ვტესტავდი: მუდმივად ჩართული Wi-Fi, რამოდენიმე მძიმე თამაშის კარგა ბლომად გავლა. ვებ-ბრაუზინგი, მუსკია მოსმენა, YouTube-ი და ა.შ. ვფიქრობ, ჩველებრივად სატგებლობის პირობებში 2-3 დღე უნდა ეყოს მუხტი ტელეფონს. ეს დამაკმაყოფილებელი მოცულობაა, ჩემი აზრით.

მაგრამ! ამ ყველაფრის გარდა და კიდევ უამრავი სიახლის გარდაც, რომლებზეც ჩვენ აუცილებლად ვისაუბრებთ, ტელეფონს აქვს 2 ვიდეოკამერა, თანაც ძალიან კარგები: 5 მეგაპიქსელიანი ძირითადი და 1,3 მეგაპიქსელიანი წინა მხრიდან, ვიდეოზარების განსახორციელებლად. ასევე პირველად აიფონში ეფლმა დაამატა მეორე მიკროფონი, რომელიც საშუალებას გვაძლევს უკეთ გავაგონოთ აბონენტს ჩვენი ხმა. ტელეფონს აქვს გიროსკოპი, განათების სენსორი და სიახლოვის სენსორი. რაღათქმუნდა AGPS ჩიპი თანამგზავრული სიგნალის მისაღებად და ციფრული კომპასი.

ოღონდ ჩვენ ამაზე ვისაუბრებთ მიმოხილვის მეორე ნაწილში…

(გაგრძელება იქნება)

დღეს მივიღე ტესტირებაზე iPhone 4 აკა ხუხაშვილისაგან, რომლის მაღაზიაც მდებარეობს ლესელიძის 53 ნომერში. ხვალ საღამოს შემოგთავაზებთ ტესტირების შედეგებს.

აქვე შეგახსენებთ, რომ ჩვენი დღევანდელი მიმოხილვის სპონსორია Apple-ის პროდუქციის რეალიზატორი კომპანია iPhones.ge, რომლის ხელმძღვანელი გახლავთ აკა ხუხაშვილი და აღნიშნული კომპანია განთავსებულია ლესელიძის 53 ნომერში, სადაც შეგიძლიათ მიბრძანდეთ და შეარჩიოთ ძალიან ბევრი რამ კარგ ფასად.

ჩემი მაკბუქ პრო უკვე მოძველდა, ორი წელი სახუმარო საქმე არ გახლავთ. თუმცა კვლავაც ძალიან კარგად მუშაობს, ვერფერს ვიტყვი ცუდს მასზე. მოძველდა რომ ვიძახი, მორალურ სიძველეს ვგულისხმობ. ვინაიდან ტექნიკური პროგრესი ადგილზე არ დგას და სულ ვითარდება. ამ ორი წლის განმავლობაში მაკებში და ზოგადად კომპიუტერებში შეიცვალა პროცესორების თაობა, გაორმაგდა ოპერატიული მეხსიერების ოდენობა, ასევე ხისტი დისკების მოცულობამაც იმატა საგრძნობლად. მე კი ჩემი ძველი მაკით ოდნავ ჩამოვრჩები ამ ყველაფერს, თუმცა ჯერ-ჯერობით სხვა სტრატეგიული ხარჯებიდან გამომდინარე არ ვჩქარობ ძირითადი სამუშაო კომპიუტერის განახლებას. დავიცდი კიდევ ორიოდე წელი, შედეგად უკვე საფუძვლიანად მოძველებული კომპიუტერის მაგივრად ახლის ყიდვა გამართლებული იქნება ნებისმიერი ასპექტის გათვალისწინებით. მაგრამ მოდი დავურბრუნდეთ ჩვენს ძირითად საკითხს.

უნდა ითქვას, რომ Apple-ს კარგა ხანი დასჭირდა, სანამ წარმოებული კომპიუტრებიდან მთლიანად ამოიღებდა Core2Duo პროცესორებს. დადიოდა ხმები, თითქოს i5/i7 პროცესორებიან ნოუთბუკებს არ უშვებდნენ ამ უკანასკნელთა დიდი დეფიციტის გამო. მაგრამ აი დადგა 2010 წლის აპრილი, ინტელმა როგორც იქნა შეძლო ეფლისათვის საკმარისი რაოდენობის პროცესორების მიწოდება და 13 აპრილს Apple-მა გვაუწყა ახალი Macbook Pro-ს არსებობის შესახებ, რომლებიც i5/i7 პროცესორებზეა დაფუძნებული.

კორპუსი

როგორც პირველი თაობის Unibody, აქაც ყველაფერი ისევეა — კორპუსი პრაქტიკულად არ შეცვლილა. ალუმინის ერთიანი ნაჭრისაგან გამოჩარხული, ის არაჩვეულებრივად გამოიყურება! ჩემს ძველ ნოუთბუკთან შედარებით ახალი კორპუსი გაცილებით უკეთესია. რად ღირს თუნდაც ის, რომ ნოუთბუკის თავსახურს აღარ აქვს ჩამკეტი მექანიზმი. საკმარისია ოდნავ წამოწიოთ თავსახური და ის გაიხსნება. მარტივი და იოლი გადაწყვეტაა.

კლავიატურა

აქაც არაჩვეულებრივი უკეთესობაა აშკარად. ძველისაგან განსხვავებით, ახალ კლავიატურაში თითოეული კლავიში ცალ-ცალკე არის განთავსებული. ჩემთვის ეს განსაკუთრებულად მნჲშვნელოვანია: დიდი ხელიების გამო ხშირად მეჭირება რამოდენიმე კლავიშზე ერთდროულად (და ეს მარტო მაკს არ ეხება — ნებისმიერ კლავიატურაზე). ახალ ნოუთბუკში ასეთი რამ არ მომსვლია, რაც უთუოდ მახარებს.

ტაქტილური შეგრძნებით კლავიატურა გაცილებით უფრო რბილი გახდა, იკლო კლავიშზე დაჭერისას ხმამ.

ეკრანი

ამ ახალი მოდელის ერთ-ერთი მნიშვნელოვანი სიახლე ის გახლავთ, რომ პრიალა ეკრანის მაგივრად შეგიძლიათ შეუკვეთოთ გლუვი ეკრანი. ჩემს მოდელს პრიალა ჰქონდა, სიმართლე გითხრათ აქამდე არც კი მიმუშავია ასეთი ტიპის ეკრანთან, რაც ერთგვარად საინტერესოც კი იყო. ეკრანს წუნი არ დაედება, არაჩვეულებრივად ხასხასა და მკვეთრი ფერებია. ძალიან სასიამოვნო სამუშაო აღმოჩნდა. ასე რომ როცა დადგება დრო ახალი მოდელის შეძენისა, მომიწევს დილემის წინაშე დადგომა — გლუვი თუ პრიალა ეკრანი.

და სერთოდ ახალი MBP-ს ეკრანის ხარისხის შესახებ — პრინციპში უკეთესიც შეიძლებოდა რომ ყოფილიყო, განსაკუთრებით iPad-თან შედარებით. ამ უკანასკნელში ჩაყენებულია IPS-მატრიცა, რომელიც უზრუნველყოფს საუცხოო გამოსახულებას. ხოლო MBP-ში მატრიცა ოდნავ უფრო მარტივია, TN-ი. მიუხედავად ამისა, ის ჩემს მოდელზე გაცილებით უკეთესია, ფაქტობრივად ცა და დედამიწა.

სხვათაშორის, თუ შეუკვეთავთ გლუვ ეკრანიან მოდელს, არ დაგავიწყდეთ, რომ მას ეკრანის გარშემო ჩარჩო არა შავი ფერის, არამედ ალუმინისა აქვს. პრინციპში შავ ჩარჩოიანი პრიალა ეკრანი უფრო ლამაზად გამოიყურება.

ბატარეა

ჩემს ძველ MBP-ში ერთ-ერთი რაც მაკლდა დცა მაკლია, არის ავტონომიური მუშაობის დიდი დრო. აკუმულატორი არ არის ძალიან მძლავრი. დაახლოებით 2,5 საათი მიძლებს, ხოლო თუ Bluetooth-სა და Wi-Fi-საც გავთიშავ — უფრო მეტიც. შესაბამისად, როდეასაც Apple-მა გამოაცხადა, რომ ახალი მოდელის აკუმულატორი 9 საათი იმუშავებდა, ძალიან გამიხარდა და ცოტა დავეჭვდი კიდევაც. ვიფიქრე, სარეკლამო ფანდი ხომ არ არის-მეთქი. მართალია 9 საათი არ მიმიღია ტესტირების შედეგად, მაგრამ კომპიუტერმა პატიოსნად იმუშავა 6 საათი ავტონომიურ რეჟიმში, ყველა არსებული უსადენო ქსელების გამორთვის გარეშე. მოკლედ, მე კმაყოფილი ვარ ფრიად.

Windows

მე სამსახურებრივი მიზნებისათვის მეორე სისტემად სახლის კომპიუტრეზე Windows-ი მიყენია. და კიდევ ხანდახან რომ ვითამაშო რაიმე ძველი თამაში (ბოლო პერიოდში ჩემი საყვარელი თამაშები ავტორების მიერ უკვე პორტირებულია მაკზე. შესაბამისად მალე დადგება დრო, როდესაც სათამაშოდ ვინდოუსი აღარ დამჭირდება). ტესტირებისათვის ახალ კომპიუტერშიც „ჩავტენე“ Windows 7. უნდა გითხრათ, რომ შედეგებმა ყველა მოლოდინს გადააჭარბა. სიისტემა დადგა უპორბლემოდ და სუბიექტური შეგრძნებით ძალიან კარგი წარმადობა აჩვენა. ამას თუ დავუმატებთ მაკის მაღალგარჩევად ეკრანს (რომელიც ასე მაკლია სამსახურის ნოუთბუკზე), მივიღებთ ძალიან კარგი PC-პლათფორმას. მოკლედ, თუ თქვენ არ ხართ მაკის მოყვარული, მაგრამ გსურთ მაღალსიჩქარიანი სისტემა და თანაც ხარისხიანად აწყობილი, გირჩევთ ამ ნოუთბუკის შეძენას. ნამდვილად არ ინანებთ.

წარმადობა

წარმადობა არანაკლებ მნიშვნელოვანი ფაქტორია, რომელსაც ყურადღება უნდა მივაქციოთ ახალი ნოუთბუკის შეძენისას. სიხშირის მიხედვით ძველი და ახალი მოდელები დიდად არ განსხვავდებიან (2.4 გჰც ძველში, 2.66 გჰც — ახალში). რეალური და ვირტუალური ბირთვების რაოდენობა, კეშ-მეხსიერების მოცულობა, სისტემური სალტეს სიხშირე — ყველა ამ ფაქტორის მაჩვენებელი გაზრდილია ახალ მოდელში, რაც რეალურად ძალიან სწრაფს ხდის ამ ახალ ნოუთბუკს.

გაცხელება

როგორც კი გამოვიდა აღნიშნული მოდელი, ქსელში გავრცელდა ინფორმაცია, რომ ის საკმაოდ მძლავრად ცხელდებოდა. მოგახსენებთ, რომ სამდღიანი ექსპლუატაციის შედეგად საკმაოდ რთულ პირობებში (თბილისში ძალიან ცხელოდა, ოთაში სადაც ვატარებდი ტესტირებას, კონდენციონერის გარეშეა), არ დაფიქსირებულა იმაზე უფრო მეტი ტემპერატურა კომპიუტერში, ვიდრე ეს არის ჩემს ძველ მოდელში. ასე რომ შეგიძლიათ ამაზე არ ინერვიულოთ.

სიამოვნო სიახლე, რომელიც არის ამ მოდელში და არ არის მის წინა unibody-მოდელში — ეს გახლავთ ვიდეობარათებს შორის ავტომატური გადართვის რეჟიმი. ახალ ნოუთბუკში ორი ვიდეო ბარათია — Intel HD Graphics (ინეტგრირებული, რომელიც მსუბუქი ამოცანების შესარულებლად საკმარისია და რომელიც ოპერატიულ მეხსიერებას მოიხმარს) და Nvidia GeForce GT330M — მძლავრი ვიდეოპროცესორი, რომელიც რთულ გრაფიკულ ამოცანებს (თამაშებიდ ვტვირთავდი მე) უპრობლემოდ ასრულებს და გააჩნია საკუთარი, ავტონომიური მეხსიერება 512 მბაიტის სახით.

დასკვნა

ახალი Macbook Pro 15” ძალიან კარგი, დაბალანსებული და სწრაფი კომპიუტერია. სიამოვნებით შევიძენდი თუნდაც ახლა ჩემი ძველი ნოუთბუკისს ანაცვლოდ, მაგრამ iPhone 4-ის შეძენის გამო ამ ეტაპზე თავი უნდა შევიკავო. თუმცა ოდესმე აუცილებლად შევიძენ და თქვენც ამას გირჩევთ!

დიდი მადლობა ყურადღებისათვის.

არა ნაკლებ ცხარედ განიხილებოდა თექვსმეტი ივლისის ინტრიგა — კონკრეტულად რაზე ილაპარაკებს Apple-ი პრესასთან? ტელეფონების გამოთხოვნა გაყიდვიდან? უფასო “ბამპერები”? საჯარო ბოდიში? ახალი პროდუქტი, როგორც ყურადღების გადატანის იდეალური საშუალება?

ამასობაში დარბაზში ჟაზი უკრავდა…

ყველაფერი დაიწყო YouTube-იდან აღებული პაროდიული კლიპით
iPhone Antenna Song. ვიდეოს შემდეგ სცენაზე სტივ ჯობსი ავიდა: “ჩვენ არ ვართ იდეალურები. ტელეფონები — მითუმეტეს. მაგრამ ჩვენ მხოლოდ საუკეთესო გვინდა, დღეს ჩვენ ვისაუბრებთ იმაზე, თუ როგორ ვაპირებთ ამის მიღწევას, მაგრამ ნება მიბოძეთ ჯერ წარმოგიდგინოთ ცოტაოდენი სტატისტიკური მონაცემები”.

მაშ ასე, iPhone 4-ი — Apple-ის ყველაზე წარმატებული კომერციული პროექტია, სამ კვირაში რეალიზაციამ სამ მილიონ ეგეზმპლარს გადააჭარბა, მრავალრიცხოვანი რეიტინგების პირველი პიზიციების უცვლელი მფლობელი… და ამის მიუხედავად მრავალრიცხოვანი პრეტენზიები სიგნალის დაკარგვასთან დაკავშრებით. მაგრამ ჩვენ არ ჩავმალეთ თავები ქვიშაში და 22 დღის განმავლობაში ვმუშაობდით პრობლების გადასაწყვეტად. რა გაირკვა კვლევების შედეგად?

Antennagate (Watergate-ის გადამღერებაა) — მობილურ ტელეფონთან შეხებისას სიგნალის დონის ვარდნა — არ წარმოადგენს iPhone-ის პრეროგატივას და სხვა კომპანიების მოწყობილობებშიც გვხვდება: Nokia, Motorola და სხვა მრავალი. Apple-ის ინჟინრებმა კვლევების შედეგად მოახდინეს აღნიშნული პრობლემის ლოკალიზაცია ტელეფონებში BlackBerry Bold 9700, HTC Droid Eris და Samsung Omnia II — საკმარისია უხერხულად დაიჭიროთ ტელეფონი ხელში და სიგნალის დონე რადიკალურად ეცემა. შევუშვათ ხელი და სიგნალი მატულობს. რეზიუმე: თანამედროვე სმართფონები არაა იდეალური და ყოველ მათგანს გააჩნია საკუთარი აქილევსის ქუსლი. იგივე შეგვიძლია ვთქვათ Apple-ის პროდუქტზე.

კომპანიის მიერ ნაპოვნი გადაწყვეტილება — სიგნალის დონის შკალაზე დანაყოფების გაანგარიშების სრულიად ახალი ალგორთმი — უკვე დამატებულია მიკროკოდის ახალ, 4.0.1 ვერსიაში. მართალია განახლების შემდეგაც სიგნალი მაინც დაიკლებს, მაგრამ ამას არაფერი ეშველება —  Apple-ი უძლურია ფიზიკის კანონების წინაშე. სხვათაშორის, მობილური ტელეფონების სატესტო შენობის მშენებლობაში კომაპნიამ 100 მილიონი დოლარი ჩადო და ამ ეტაპზე გააჩნია 17 აბსოლუტური რადიო-სიჩუმის კამერა, იხილეთ ფოტო:

ხოლო რას გვიჩვენებს AppleCare-ის სტატისტიკა? რამდენი პრეტენზიაა დაფიქსირებული ამ სერვისში? სტატისტიკა შთამბჭდავია — 0.55%! ინფორმაციის სრულყოფის მიზნით მოდით გავისხენოთ AT&T-ის მიერ გათვალისწინებული წუნდებული პროდუქციის უკან დაბრუნების შესაძლებლობა. iPhone 3GS-ის დროს ასეთი დაბრუნების ხვედრითი წილი იყო 6%. იგივე მაჩვენებელი iPhone 4-ისათვის გახლავთ 1.7%!

კიდევ ერთი მნიშვნელოვანი მაჩვენებელი AT&T-ის სტატისტიკიდან — კავშირის წყვეტების რაოდენობა ყოველ ას ზარზე. აქაც iPhone 4-ი მოწოდების სიმაღლეზეა: 1 გაწყვეტაზე ნაკლები ყოველ ას ზარზე!

კვლავ რეცეპტები: iPhone 3GS-ის გაყიდვების დროს მომხარებელთა ოთხმოცი პროცენტი აგრეთვე ყიდულობდა დამცავ შალითას. ახალი მოდელის გამოსვლის შემდეგ ამ მაჩვენებელმა ოთჯერ იკლო: მწამრობელებმა ვერ მოახერხეს მოთხოვნის მიწოდებით უზრუნველყოფა.

შევაჯამოთ ზემოთქმული: “ანტენის პრობლემა” iPhone 4-ში მართლა არსებობს და თუმცა ეს შეეხო მოხმარებელთა უმცირეს ნაწილს, Apple-ს მხოლოდ კარგი სურს თავისი კლიენტებისათვის, ამიტომ მოვიდა დრო ვისაუბროთ პრობლემის გადაწყვეტის გზებზე. ჯერ ერთი, ეს არის უკვე ნახსენები iOS 4.0.1. მეორეც, დამცავი შალითები, რომლებსაც უფასოდ მიიღებენ მომხმარებლები. ერთადერთი პირობა — ტელეფონი 30 სექტემბრამდე უნდა იყის შეძენილი. და რათქმაუნდა სურვილის შემთხვევაში შეგიძლიათ უკან დააბრუნოთ ტეელფონი, ფულს 100%-ით აგინაზღაურებენ.

კიდევ რა? კომპანია საქმის კურსშია სიახლოვის სენსორის შეცდომების შესახებ და მუშაობს მის გასასწორებლად. iPhone 4-ის თეთრი ვერსიის გაყიდვები დაიწყება ივლისის ბოლოს. და დაემატება 17 ახალი ქვეყანა (საქართველო რაღათქმაუნდა არ არის ამ სიაში, დიდი მადლობა მაგთის, ჯეოსელს და ბილაინს :mad:).

“და ბოლოს… ორიოდე სიტყვა, თუ როგორ მივიღეთ ყველა ეს გადაწყვეტილება. ჩვენ გვიყვარს ჩვენი მომხმარებლები, თითოეული მათგანი, მათი გულისათვის მუხლჩაუხრელად ვმუშაობთ და 22 დღის განმავლობაში ვიკვლევდით პრობლემას. და როგორც ჩანს, ვიპოვნეთ მიზეზი. სამყაროში არაა სრულყოფლება და არ არსებობს სამყაროში პრობლემა, რომელსაც ჰქვია Antennagate. უბრალოდ არის iPhone 4-ის მცირე ხარვეზები და ჩვენი ამოცანაა მივიყვანოთ ანტენის დიზაინი ას პროცენტიან იდეალამდე”.

ამით სტივ ჯობსის გამოსვლა დასრულდა და დაიწყო კითხვა-პასუხის რეჟიმი. სტივთან ერთად კითხვებს პასუხობდნენ ტიმ კუკი და ბობ მანსფილდი.

— სტივ, როგორ ხართ? თავს როგორ გრძნობთ? — მე კარგად ვარ. ხოლო კვირის დასაწყისში უკეთ ვყავი, როდესაც ჰავაის კუნძულებზე ვისვენებდი.

— რამეს კიდევ თუ აკეთებთ ამ პრობლემის გადასაწყვეტად? მაგალითად თუ აპირებთ აპარატურული ნაწილის შეცვლას? — იცით, 3GS-საც ზუსტად ასეთი პრობლემა ჰქონდა. და ჩვენ გვაქვს მომხმარებელთა შეტყობინებები, რომლებიც ამტკიცებენ, რომ iPhone 4 უკეთ მუშაობს, ვიდრე 3GS. ამიტომ მე არ ვიცი, რამდენად უკეთესი იქნება ანტენის სხვანაირი კონსტრუქცია. წარმოდგენა არა მაქვს, როგორი იქნება ის შემდეგში.

— მე ახლა ვცდილობ ისე დავიჭირო ხელში ჩემი BlackBerry, რომ სიგნალმა იკლოს. ხომ ვერ მიჩვენებთ როგორ გავაკეთო? — ეს გამომჟღავნდება მხოლოდ გარკვეულ პირობებში.

— თვქენ აჩვენეთ ხალხი, რომლებიც თითქმის მთლიანად ფარავდნენ ხელით ტელეფონს, მაგრამ iPhone 4-ზე პრობლემები თავს იჩენს ხელის მცირედი შეხებითაც. შეგიძლიათ აგვიხსნათ სხვაობა? — როდესაც ხელით ეხებით ტელეფონს, თქვენ აღმოჩნდებით ტელეფონსა და სიგნალს შორის. ამან შეიძლება გამოიწვიოს სიგნალის სიმძლავრის შემცირება. ხოლო თუ თქვენ ხელს შემოხვევთ ტელეფონს მთლიანად, ეს კიდევ უფრო შეამცირებს სიგნალის დონეს. ჩვენ არ ვქმნით ტელეფონებს, რომელბსაც ანტენა ზემოდან აქვთ.

— თქვენ მოგიყვნენ ანტენის კონსტრუქციის შესახებ მანამდე, სანამ ტელეფონი გაყიდვაში გამოვიდოდა? — Bloomberg-ის სტატიას გულისხმობთ? სრული სისულელეა, ჩვენ უკვე მოვთხოვეთ მათ დამამტკიცებელი საბუთების წარმოდგენა. ვინმეს რომ ეთქვა, რომ ჩვენს iPhone-ს პრობლემები აქვს, ნამდვილად დამატებით ხალხს გამოვყოფდით პრობლემის მოსაგვარებლად.

— არ გაქვთ სურვილი ინვესტორებს ბოდიში მოუხადოთ? — იცით, ჩვენი კლიენტები ამბობენ, რომ ტელეფონი მათ მოსწონთ და მასზე მუსაობა ერთ რამედ ღირს. და ჩვენ დიდ ენერგიას ვხარჯავთ ნებისმიერი პრობლემის აღმოსაფხვრელად. რაც შეეხება ინვესტორებს… იცით, თქვენ ფულს იმავე კომპანიაში დებთ, რომელშიც ჩვენ. ასე რომ თუ აქციის ფასმა 5 დოლარით დაიკლო… არა მგონია, რომ ვალდებული ვარ ბოდიში მოვიხადო.

— თუ იქნება კომპანესაცია AT&T-თან გაფორმებულ ხელშეკრულებაზე? — ვფიქრობ, რომ კი.

— რა შეგეძლოთ გეთქვათ iPhone 4-ის პრეზენტაციაზე, ისე რომ ხალხის იმედები არ გაგეცრუებინათ? — სინამდვილეში არც არაფერი. ჩვენ შეგვეძლო გვეთქვა “თუ ასე დაიჭერთ ტელეფონს, სიგნალი გაქრება…” ჩვენ ყველანი ადამიანები ვართ. ჩვენ შეცდომებს ვუშვებთ და ჩვენ მათ ძალიან სწრაფად ვასწორებთ. აი ამიტომაც ჩვენ მსოფლიოში ყველაზე კარგი და ერთგული მომხმარებლები გვყავს.

— ისე ხომ არ მოხდება, რომ 30 სექტემბრიდან საჭირო გახდება შალითაში ფულის გადახდა? — არა. იქნება მანამდე უკეთესი იდეა მოგვივიდეს…

— იქნება თუ არა კომპენსირებული შალითის საფასური? — iPhone 4-ისათვის ძლიან ცოტა შალითაა გამოშვებული. ამიტომ არა.

— საინტერესოა, ახლა ცოტაა შალითები, ხოლო რაცაა — ძნელი საშოვნელია. მაგრამ თუ მყიდველი მოგიტანთ სალარო ჩეკ, რატომ არ აანაზღაურებთ? — ეს ხომ მარტივია. თუ ჩვენ ახლა ვაჩვენებთ შემდგომ როდუქტს, ახლანდელს არავინ იყიდის.

—თქვენ თუ სარგებლობთ შალითებით? — არ ვსარგებლობ. სიგნალის დაფარვის ხარისხს არ ვუჩივი, ხოლო როდესაც “სასიკვდილო შებყრობას” ვაკეთებ, სიგნალი არ იკარგება.

— წინდაწინ რომ გცოდნოდათ ყველაფერი, სხვანაირად მოიქცეოდით? — რათქმაუნდა, Consume Reports-ის დასკვნების წაკითხვა არასასიამოვნო იყო. მაგრამ ჩვენ ყოველმხრივი სტატისტიკა შევკრიბეთ. შევისწავლეთ. და პრობლემის გადაწყვეტა ისე დავიწყეთ, როგორც ინჟინრებმა. ალბათ ეს ერტადერთი სწორი ვარიანტია გადაწყვეტილებისა…არ მინდა ვთქვა, რომ ჩვენ არ შევცდით — ჩვე უბრალოდ არ ვიცოდით ამ პრობლემის შესახებ, არ ვიცოდით, რომ iPhone-ი უნებლიედ წითელ ნაჭერად გადავაქციეთ… ხოლო პრესამ ბზისაგან სპილო შვა. თუმცა იდეალური კომპრომისის მიღება მხოლოდ დროთა განმავლობაშია შესაძლებელი.

— ხომ არ იგეგმება iPhone 4-ის მიდინარე თაობაში რაიმე კონსტრუქციული ცვლილების შეტანა? — ქსელში შეგიძლიათ ნახოთ Nokia-ს ტელეფონები, რომლებსაც აქვთ წარწერა “აქ ხელი არ ახლოთ!” — ამის ნახვა YouTube-ზე შეგიძლიათ. დღეს ჩვენ გაჩვენეთ სამი ტელეფონი, კარგი ტელეფონები… და არცერთ მათგანში ეს პრობლემა არ არის მოგვარებული. გვინდა რომ Apple-მა შეძლოს ამის მოგვარება პირველმა? დიახ. შეგვიძლია ახლავე iPhone 4-ის გაუმჯობესება? ვნახოთ.

— და ტოტალური გამოთხოვა თუ განიხილება? — ამ პრობლემაზე ჩვენ გვეკითხებოდნენ მსოფლიოს სხვადასხვა კუთხიდან. ჩვენ მართლაც ძალიან სერიოზულად მოვეკიდეთ ამ საკითხს. ჩვენ მივედით ამ ხალხთან ტესტირებისათვის განკუთვნილი აპარატურით და ვიწერდით ლოგებს… პროტოკოლისათვის ჯერ ვურეკავდით მათ. და არცერთი კარი არ შეგვიმტვრევია.

[Engadget-მა ჰკითხა პრობლემის პროგრამული გასწორებს შესახებ, როგორც ამაზე წერდა New York Times]. — ბიჭებო, თქვენ ძალიან ბევრს უერთიერთობთ ერთმანეთთან. (ამის მერე სკოტ ფორსტალმა განაცხადა, რომ NYT-ის პუბლიკაცია დეზინფორმაციაა).

— როგორ აისახება iPhone 4-ის პრობლემები გაყიდვებზე? — საფინანსო შედეგები ცნობილი გახდება შემდეგ კვირას.

— ორი დღის წინათ თქვენ გამოუშვით iPhone-ის მიკროკოდის განახლება, რომელმაც გაზარდა სიგნალის ხარისხი. ახლა კი თქვენ იძახით, რომ პრობლემა კვლავაც მოუგვარებელია. როგორ ეწყობა ეს ორი რამ ერთმანეთს? — ნება მიბოძეთ ზოგიერთი რამ ვთქვა Apple-ის შესახებ. ჩვენ არ ვაპირებდით არცერთ სეთ ბიზნესში შეძრომას, სადაც ვერ შევძლებდით ძირითადი ტქნოლოგიის კონტროლს. ვინაიდან წინააღმდეგ შემთხვევაში, ტექნოლოგიის მფლობელი უბრალოდ შეგვჭამს. რვა წლის წინ ჩვენ გადავწყვიტეთ, რომ დგება დრო ძირითადი კომპონენტის წანაცვლებისა პროგრამული უზრუნველყოფის მიმართულებით. ეს კიდევ ჩვენ ძალიან კარგად გამოგვდის, რისი დასტურიცაა iPod-ი. სხვებსაც გამოსდით კარგი კოდი, მაგალითად Palm-ს. მაგრამ ჩვენ ჩვენი პროგრამული უზურნველყოფა გამოვიყენეთ სმარტფონების ნიშაში. ჩვენ შევძელით აიფონისათვის სერიოზული განახლებების შექმნა, გამოშვება და გავრცელება. დღეს ჩვენგან იღებენ მაგალითს, მაგრამ ჩვენ პირველები ვიყავით. თქვენს კითხვაზე პასუხად გეტყვით — ძველი ფორმულა გამოიყენებოდა თავიდანვე. და ახალი განახლება ასწორებს ამ ფორმულას. არ ვიცი, შევძელი თუ არა თქვენი კითხვის მეორე ნაწილის გაგება.

— ორი წლის წინ თქვენ უკვე გაასწორეთ ეს შეცდომა… — ალბათ ეს ურთერთ დამოკიდებული საკითხები არ არის. გეთანხმებით, ჩვენ იქ გავასწორეთ… მაგრამ ერთმანეთთან კავშირში ნამდვილად არაა.

— თქვენ აქტიური მიმოწერა გაქვთ მომხმარებლებთან ელფოსტით. როგორ იმოქმედა ამან თქვენს გადაწყვეტილებაზე? — მე ვპასუხობდი ელფოსტას, ვინაიდან ისინი მომდინარეობდა ჩვენი კლიენტებისაგან. ახლა კი ხალხმა ამ მიმოწერის ინტერნეტში დადება დაიწყეს… და ზოგ-ზოგიერთი ამით სარგებლობს. ასე რომ არ არის საჭირო ყველაფრის დაჯერება, რასაც ქსელში ნახავთ!

— შესაძლებელი იქნება უფასო შალითის შეძენა აშშ-ს გარეთ? — დიახ.

— 30 სექტემბრის შემდეგ? — ვნახოთ.

თუ რას მოვისმენთ დღევანდელ ღონისძიებაზე, ჯერ-ჯერობით რთული სათქმელია: პრობლემის რეალური მიზეზების განმარტებას, სტივის თვალსაჩინო პრეზენტაციას, თუ როგორ უნდა დავიჭიროთ ტელეფონი ხელში, უკვე გამოშვებული აპარატების უკან დაბრუნებას — ამოირჩიეთ რომელიც გნებავთ. როგორც ალტერნატივა, შეგვიძლია განვიხილოთ კომპანია Verizon-თან ხელშეკრულების გაფორმება.

მაგრამ რაც ყველაზე საინტერესოა, შესაძლებელი იქნება ამ ყველაფრის თვალყურის დევნება პირდაპირ ეთერში. დღეს თბილისის დროით 21 საათიდან შეგეძლებათ ამ ყველაფრის წაკითხვა პირდაპირ ეთერში შემდეგ საიტებზე:

http://www.engadget.com/2010/07/16/live-from-apples-iphone-4-press-conference/
http://arstechnica.com/apple/news/2010/07/liveblog-iphone-4-press-conference.ars
http://www.macworld.com/article/152732/2010/07/iphone4.html

ველოდებით პარასკევს და სიახლეებს.

UPDATED! გავრცელდა ინფორმაცია, რომ ეს პრეს-კონფერენცია შესაძლოა მიეძღვნას კომპანია Verizon-თან საპარტნიორო ხელშეკრულების გაფორმებას.

დღეს ჩემმა მეგობარმა და ჩვენი ეფლისტების ორგანიზაციის სპონსორმა აკა ხუხუაშვილმა, რომლის მაღაზია განთავსებულია ლესელიძის 53 ნომერში, ტესტირებისათვის გამომცა ამასწინათ გამოშვებული ახალი Macbook Pro Intel Core i7 პროცესორით.

ახლა ამ მცირე პოსტს ზუსტად ამ კომპიუტერიდან ვწერ.  ამ კვირის ბოლოს შემოგთავაზებთ სრულფასოვან მიმოხილვას ამ ნოუთბუკის შესახებ.

P.S. ჰო, არ დაგავიწყდეთ, რომ სანამ ჩემი ახალი iPhone 4-ი ჩამოაღწევს ლონდონიდან, მანამდე აკა ტესტირებისათვის გადმომცემს აღნიშნულ ტელეფონს. შემდეგ კვირაში იხილეთ პირველი ქართული მიმოხილვა iPhone 4-ის შესახებ!

დარჩით ჩვენთან ;)

რაღათქმუნდა იმწუთასვე ინტერნეტი აივსო უკმაყოფილო მომხმარებლების წუწუნით. რამოდენიმე ტიპმა წერილიც კი აფრინა სტივიკოსთან ელფოსტის საშუალებით. სტივის პასუხმა არ დააყოვნა (ჰეი, სტივ, რამდენი ხანია მოგწერე წერილი, მიპასუხე! :] ) — ჯერ იყო და სტივი უხსნიდა მომხმარებლებს, რომ მათ თურმე ტელეფონი არასწორედ უჭირავთ ხელში (ჰიჰი, გულიანად ვიცინე მაგაზე), შემდეგ, როდესაც ამან არ გაჭრა, სტივმა ახალი რჩევა გამოაცხო: „გამოიყენეთ შალითაო“ (ე.წ. Bumper-ი). არა, ეს შალითა მართლაც ლამაზი რამაა. მაგრამ იქნებადა მე სულაც არ მინდა მისი დაყენება, თანაც ამაში თითქმის 30 დოლარის გადახდა? ერთი მომენტი ქსელში გაჟონა ინფორმაციამ, რომ ალბათ ეფლი ეცდება ამ პრობლემის გამოსწორებას ამ შალითების მომხმარებლებზე უფასო ჩუქებით. მაგრამ აქაც სტივი ჩაერია და თავისი თანამშრომლები სასტიკად გააფრთხილა, არავის არ აჩუქოთო! იმწუტასვე გაჩნდა მოსაზრება, რომ ანტენის ასეთი ცუდი მუშაობა სპეციალურადაა მოწყობილი და ამ შალიტების გასასაღებლად არის გაკეთებულიო. მაგრამ არ მჯერა მე მსოფლიო შეთქმულებების, არც ამ ნაბოდვარისა არ მჯერა.

გაყიდვიდან ერთი კვირის შემდგომ გავრცელდა ახალი ჭორი, რომ თითქოს ანტენის ასეთი ცუდი მუშაობა პროგრამული უზრუნველყოფის გამართაობის გამო იყო და რომ ეფლი სასწრაფო წესით გამოუშვებდა მიკროკოდის (Firmware) განახლებას 4.01. არ ვიცი, მე ინჟინერი არ ვარ, მითუმეტეს სატელეკომუნიკაციო სისტემების, შესაბამისად ვერ ვიტყვი, უშველის თუ არა ეს განახლება ამ პრობლემას. სავარაუდოდ რომ ვერა. მე ჩემი გადაწყვეტილება მივიღე უკვე და აგერ მოთმინებით ველი, თუ როდის ჩამომივა ლონდონიდან ახალი აიფონის ჩემი ეგზემპლარი.

შემდეგ ქსელში გამოჩნდა სხვა მომხმარებლების ვიდეოები, სადაც აშაკარად ჩანდა, რომ ტელეფონის ხელში ნებისმიერი ფორმით დაჭერის შემთხვევაშიც სიგნალის არანაირი კარგვა არ ხდებოდა. ამან კიდევ უფრო ააჩოჩქოლა ხალხი. წამოვიდა იდეები, რომ ტელეფონების პირველი პარტია უბრალოდ წუნდებული იყო. ნეტამც ასე იყოს. და ნეტამც ჩემი ეგზემპლარი ახალი პარტიიდან აღმოჩნდეს :) ჰო ასევე პირველი მომხმარებლები იტყობინებოდნენ, რომ ტელეფონის ეკრანზე ჩანდა გაურკვეველი ხასიათის ყვითელი ლაქები. ეფლმა ამაზე განაცხადა, რომ ეს იყო ის წებო, რომლითაც შეწეპებულია ეკრანის ცალკეული ნაწილები და რომ ამ წებობ ვერ მოასწრო გაშრობა. და რომ რამდენიმე დღეში ეს ლაქები გაქრებოდა. ვითვალისწინებ, რომ უკვე აღარავინ წერს ამ ლაქების შესახებ, უნდა ვივარაუდო, რომ ეს სიმართლეა.

მოკლედ, ასეა თუ ისე, მაგრამ ეფლის ახალმა პროდუქტმა არაერთგვაროვანი გამოხმაურება ჰპოვა მომხმარებლებს შორის. არანაირად არ ვამართლებ ან არ ვებრძვი ეფლს, ვფიქრობ, რომ ანტენის ასეთი განლაგება არის კომპრომისი მომხმარებელთა ერთგვარ უხერხულობასა და სუპერ მაგარ დიზაინს შორის. იმ იდეის უარყოფა, რომელიც ანტენის ამდაგვარ მოწყობას გულისხმობს, ნიშნავს ტელფონის დიზაინის სრულ გადაკეთებას. ეს კიდევ დამატებითი ფულის და დროის ხარჯვაა. შედეგად მიღებული იქნა გადაწყვეტილება, რომ ასეთი დიზაინით შესაძლებელია პროდუქტის გამოშვება და რომ მომხმარებელთა დრტვინვა არ იქნება სასიკვდილო. თანაც უნდა გავითვალისწინოთ, რომ სამ დღეში გაიყიდა… 1 700 000 ტელეფონი.  აი ზუსტად ამიტომაც WWDC-ზე საფარის ახალი ვერსიის ჩვენების მაგივრად საკმაოდ დიდი ყურადღება სწორედ ამ Bumper-ებს დაეთმო. ტყუილად არ მომხადარა ეს ;)

რა არ ვეცადე, რა არ ვქენი, მაგრამ უშედეგოდ. ამ საღამოს ხელახლა ვცადე გასწორება და ჰოი საოცრებავ, ამუშავდა! ოღონდ FeedBurner-მა რატომღაც ახალი მისამართი მომანიჭა: http://feeds.feedburner.com/delphiknight

ბოდიშს გიხდით ამ გაუგებრობისათვის და თუ კვლავ გაინტერესებთ ჩემი ბლოგის კითხვა, გთხოვთ ჩაინიშნოთ ახალი მისამართი. დიდი მადლობა!

აი თვით ეს საიტიც:

http://thenextweb.com/apple/2010/07/04/appstore-hack-itunes/

ვნახოთ თუ რა ხდებოდა —

• iTunes Store-ს ბევრი ანგარიში გატეხილია და გამოიყენება პროგრაემების საყიდლად. ტიპიური შემთხვევა: რამოდენიმე ერთდოლარიანი პროგრამის ყიდვის შემდეგ თაღლითები ყიდულობენ 90 და უფრო ძვირ პროგრამებს;
• ცალკეულ მომხმარებელზე მიყენებული ზარალი აღირიცხება ასიდან რამოდენიმე ათას დოლარამდე:
• ფულის გადაქაჩვის ალტერნატიული ვარიანტი — გატეხილი ანგარიშიდან უფასო თამაშის გადმოქაჩვა და შემდგომში უშუალოდ თამაშში საყიდლების განხორიელება;
• თაღლითურ პროგრამათა უმეტესობა დარეგისტრირებულია სამხრეთ-აღმოსავლეთ აზიიდან, მათ შესახებ თითქმის არაფერია ცნობილი. ასეთი პროგრამების აღწერაში ბმულებს არსად არ მივყავართ.

არცთუ ისე ადვილი ტვირთი პანიკური ჭორების შეკავებს საკითხში თავის თავზე აიღო MacRumors-მა: “სრულიად შესაძლებელია, რომ ვინმე დეველოპერმა გადაწყვიტა სარეიტინგო სისტემის გაყალბება, მაგრამ ძალიან ძნელია იმის დაჯერება, რომ დარტყმა რამდენიმე ასეულ ანგარიშზე მეტ ოდენობას შეეხო”.

ჯერ მოდით დავფიქრდეთ იმ ფაქტზე, რომ ფასიანი აპლიკაციები კატეგორიაში “Books” ლიდერობენ მინიმალური ჩამოტვირთვების სიაში. შემდეგ, იმსათვის რომ აპლიკაცია პოპულარულ პროგრამათა პირველ ასეულში დარჩეს, საჭიროა დღეში 50-იდან 250-მდე ეგზემპლარის გაყიდვა — 100 მილიონი ანგარიშის ფონზე სამიოდე ასული გატეხილი ანგარიში ამინდ ვერ ქმნის. მაგრამ ეს არ გვაძლევს უფლებას რომ მშვიდად გვეძინოს, ყოველთვის რჩება ანგარიშების მასიური გატეხვის საშიშორება.

ვალაგებდი აზრებსაც და ბლოგსაც. და აი რატომ. სანამ მთელი ამ გაზაფხულის განმავლობაში გართული ვიყავი 1500 პოსტის მოგროვებით 3 წლის იუბილესათვის, ნაკლებ ყურადღებას ვაქცევდი ანალიტიკურ სტატიებს — ძირითადი ყურადღება გადატანილი მქონდა მცირე ზომის ახალი ამბების შემცველ სტატიებზე.

მაგრამ მარათონი დასრულდა და დროა ბლოგი ჩამოვაყალიბოთ კონკრეტული თემატიკის გარშემო. რაღათქმაუნდა Apple-ის თემა არსად გაქრება. ეს ერთ-ერთი ძიირთადი თემაა ჩემს ბლოგში. უახლოეს ხანში შემოგთავაზებთ iPhone 4-ის მიმოხილვას უცხოურ მასალებზე დაყრდნობით. ხოლო ამ თვის ბოლოს, როდესაც ჩემი აიფონი ჩამოაღწევს თბილიში, უფრო გაფართოებულად ვისაუბრებთ მასზე. პლუს ამისა, აიფონის თემიდან უახლოეს ხანში ასევე შემოგთავაზებთ მსოფლიოში ატეხილი ისტერიის ანალიზს. მართლა “გაბანძდა” თუ არა ეფლი ტელეფონის ახალი მოდელით? ამასაც გავარჩევთ აუცილებლად.

ვაშლების თემაში გვექნება კიდევ შემდეგი კატეგორიები:

• პროგრამული უზრუნველყოფის მიმოხილვა;
• პროგრამული უზურნველყოფის კატალოგი;
• სხვადსხვა ხრიკების მიმოხილვა;
• Apple-ის ისტორია: ჩამოყალიბება და განვითარება.

ახლა გადავიდეთ არავაშლურ თემებზე:

• WordPress-ის შესსახებ სტატიები;
• Drupal-ის შესახებ სტატიები;
• Delphi-ს პროგრამირების გარსზე სტატიები;
• Google: სერვისების მიმოხილვა და აგრეთვე საუბრები კომპანიის შესახებ;
• Microsoft-ის შესახებ გვექნება რამოდენიმე სტატია;
• და სხვა :)

მოკლედ, როგორც ხედავთ თემატიკა ფართოვდება, იმედია კმაყოფილი დარჩებით. :) გთხოვთ, თუ რაიმე სხვა საკითხი გაინტერესებთ, რაც არ არის მოყვანილი სიაში, მაცნობოთ ამის შესახებ კომენტარების საშუალებით. დღეისათვის სულ ესაა. ხვალიდან ვიწყებთ!

დღეს ბლოგზე ბევრი სიახლე გვაქვს.

პირველ რიგში გამოვიცვალე ჰოსტინგ-კომპანია: ახლა ჩემი ბლოგის ძრავი serv.ge-ზეა განთავსებული. ჩემი სხვა პროექტისც მანდ გადავიტანე და თქვენც გირჩევთ, ნამდვილად კარგი კომპანიაა (არა, რეკლამაში ფული არ ამიღია, მართლა კარგი ფირმაა!).

მეორე, განვაახლე ჩადგმების (პლაგინების) ნაკრები, რაზეც დეტალურად ოდნავ მოგვიანებით მოგახსენებთ.

მესამე, განვაახლე ძრავის ვერსია, ახლა ჩვენი ბლოგი WordPress-ის მესამე ძრავაზე მუშაობს.

თემა: საწყის ეტაპზე გადავწყვიტე გამოვიყენო WordPress-ის ახალი ნაგულისხმევი თემა 2010, რომელიც საკმაოდ სიმპათიურია თავისთავად, მაგრამ მაინც ოდნავ შევავლე ხელი და ჩემთვის სასურველი იერსახე მივეცი. ეს ჯერ მცირედი მცდელობაა. სავარაუდოდ საბოლოოდ მთლიანად ნულიდან დავწერ ჩემი ბლოგისათვის თემას.

ჯერ-ჯერობით სულ ესაა. ბლოგი არ შეიცვლის თემატიკას, ჩვენ ისევ ვაშლებზე ვისაუბრებთ, მხოლოდ გავაფართოვებთ სასაუბრო თემებს.

მოკლედ, განახლებული ძრავით და ენერგიით ჩვენი ბლოგი აგრძელებს მუშაობას!

დარჩით ჩვენთან!

დღეს თითქოს სასიამოვნო დღე უნდა ყოფილიყო ჩემთვის. ბლოგს იუბილე აქვს — 3 წლის გახდა და ეს უნდა ყოფილიყო პოსტი N 1500. მაგრამ…

მაგრამ ვერ ვარ მხიარულ ხასიათზე. მთელი რიგი პრობლემების გამო არათუ წინა სამი პოსტი ამასც რომ ვწერ, მიკვირს ძალიან. ახლა ვერ დავწერ, შესაძლოა მოგვიანებით, როდესაც რაღაც-რაღაცეები გაირკვევა. მანამდე…

მანამდე, მადლობას მოგახსენებთ ყველას, ვინც ამ სამი წლის განმავლობაში ყოველდღიურად კითხულობდით ჩემს ბლოგს, აქვეყნებდით კომენტარებს, მაძლევდით ძალას მეწერა ყოველდღე აქ თქვენთვის საინტერესო ინფორმაცია ეფლის სამყაროდან. მადლობა მინდა გითხრათ ყველას ყველაფრისათვის!

[youtube]http://www.youtube.com/watch?v=Go39QPudl1A[/youtube]

[youtube]http://www.youtube.com/watch?v=qo0q23lp7Ck[/youtube]

[youtube]http://www.youtube.com/watch?v=zirC0buBOqY[/youtube]

[youtube]http://www.youtube.com/watch?v=ugd8c6zDDQA[/youtube]

აქციების დაყოფის პროცედურა ყველაზე სასიამოვნო რამ არის კომპანიის ხელმძღვანელისათვის. ის წარმაოდგენს ნამდვილ დადასტურებას იმისა, რომ კომპანიის საქმეები კარგად მიდის. სუფთა ტექნიკურად დაყოფა ასე გამოიყურება: ყოველი აქცია იყოფა ორად (იშვიათად სამ ან მეტ ნაწილად), ფასიც იყოფა შესაბამისად. შედეგად აქციების რაოდენობა ორმაგდება, თუმცა კაპიტალიზაცია უცვლელი რჩება.

ეს პროცედურა ეფლმა მეორედ განახორციელა 2000 წლის 21 ივნისს. უნდა ითქვას, რომ დროულად მოასწრო — რამოდენიმე თვის შემდეგ მოხდა ამერიკული ფასიანი ქაღალდების ბაზრის ვარდნა, რამაც ხუთი წლით გადაწია ეფლის ინვესტორების ოცნება მორიგ დაყოფაზე.

[youtube]http://www.youtube.com/watch?v=N5As159pvDs[/youtube]

არ ვიცი ფოსტის შეცდომაა, თუ სხვა რამ, მაგრამ ფაქტია. რასაკვირველია ბედნიერმა მფლობელმა არ დააყოვნა და ინტერნეტში გამოაქვეყნა ფოტო-ვიდეო მასალა.

[youtube]http://www.youtube.com/watch?v=fNGj9oNWrlw&feature=player_embedded[/youtube]

[youtube]http://www.youtube.com/watch?v=KSvbZmGHGA0&feature=player_embedded[/youtube]

[youtube]http://www.youtube.com/watch?v=X2Ug7PuhPB0&feature=player_embedded[/youtube]

ყველაზე მოქნილები მაინც Amazon-ი და Barnes & Noble-ი აღმოჩნდნენ. პირველმა თავისი კინდლის (6 გოჯიანი ეკრანით) ფასი დაწია 190 დოლარამდე. მეორე კომპანიამ არათუ დაწია ფასი თავის Nook 3G-ზე 260-იდან 200 დოლარამდე, არამედ აგრეთვე გამოუშვა ახალი მოდელი 3G-ს გარეშე სულ რაღაც 149 დოლარად. ასეთმა ფასმა მოწყობილოსათვის რომელსაც ორი ეკრანი აქვს (მელნიანი და დამატებითი სენსორული) შეიძლება ბევერი დააინეტრესოს. რაღა დაგიმალოთ და მეც დავინტერესდი. YouTube-ზეც ვნახე მიმოხილვები. მაგრამ ცოტათი დამაფიქრა მოწყობილობის ოდნავმა სიზანტემ რეგირების საკითხში.

როგორც არ უნდა იყოს, აიპადმა დადებითი ზეგავლენა იქონია ბაზარზე ფასების დარეგულირების საკითხში.

ანალიკიტოკეების ვარაუდი გამართლა და კვარტალში 3 მილიონი გაყიდვა შესრულდა. ახლა ვნახოთ შესრულდება თუ არა მათი მოლოდინი ამ წლის განმავლობაში 3.5-10 მილიონი აიპადის გაყისვასთან დაკავშირებით. ქვედა ზღვარი უკვე თითქმის მიღწეულია.

Valve-მ ყველანი ძალიან გაგვახარა, როდესაც თავისი პლათფორმა Steam-ი გადაიყვანა Mac OS X-ზე და დაიწყო თამაშების პორტირება მაკისათვის. მაკის მომხმარებლები Windows-თან შედარებით უფრო სტაბილურად მომუშავე თამაშებით ტკბებოდნენ, სამაგიეროდ იძულებულნი იყვენენ უფრო დაბალი წარმადობით ეთამაშათ, რაც თამაშს პეწს უკარგავდა.

ახლა პრაქტიკული სიახლე. ამ დღეებში ფეისბუკმა განაახლა თავისი კლიენტი პროგრამა აიფონისათვის და დაამატა ფოტოების უფრო მაღალ გარჩევადობაში ატვირთვის ფუქნცია და დიდი ხნის ნანატრი ვიდეოს ყურების შესაძებლობა.

ჯერ ერთი, Macworld-მა ჩაატარა ახალი მოდელის სრულყოფილი ტესტირება საბაზო კონფიგურაციაში (პროცესორი 2.4 გჰც, 2 გბაიტი მეხსიერება) და აღმოაჩინა, რომ ის სულ ცოტათი თუ ჩამორჩება წინა თაობის უფროს მოდელს. თუ ამ ახალ ვერსიაში ჩავაყენებთ 4 გბაიტ მეხსიერებას, სრული უფლება გვაქვს ვივარაუდოთ, რომ ძველსა და ახალ მოდელბს შორის სხვაობა პრაქტიკულად გაქრება.

სრული მიმოხილვა შეგიძლიათ იხილოთ  აქ.

თუ ეს მონაცემები სწორია, მაშინ ისინი მოწმობენ გაყიდვების ძალიან დიდ დონეზე, რომელიც ანალიტიკოსების ყველაზე ოპტიმისტურ პროგნოზებსაც კი აჭარბებს.

პირველ ხანებში თვეში იწრამოებოდა 700 ათასი ცალი აიპადი.

FaceTime-ის წარმოდგენისას სტივ ჯობსმა განაცხადა, რომ შემდგომში შესაძლებელი იქნება ამ ტექნოლოგიის Wi-Fi ქსელების გარეშეც ამუშავება, თუმცა ამისათვის საჭიროა ცალკე მოცულობის სამუშაოთა ჩატარება მობილური კავშირის ოპერატორებთან. ამჟამად FaceTime ტექნოლოგია მხარდაჭერილია მხოლოდ iPhone 4-ში, თუმცა მასში გამოყენებულია ღია სტანდარტები — h.264, AAC და ა.შ., ხოლო თვითონ FaceTime-ი ეფლმა ასევე ღია გახადა.

განსხვავება ორ კონკურენტს შორის კიდევ უფრო ნაკლები ჩანს, თუ გადავხედავთ New York Times-ის ბესტსელერებს. ამ სიის ნახევარი ორივე მაღაზიაშია წარმოდგენილი, მაგრამ სულ ორი თვის შემდეგ გაყიდვების დაწყებიდან ეფლმა დაითრია 63% ამ სიიდან, მაშინ როდესაც ამაზონს დათრეული აქვს 88%. იმათ შორის, რაც არის წარმოდგენილი, 80%-ს ერთანირი ფასი აქვს ორივე მაღაზიაში და ის რაც ამაზონში უფრო იაფია, იაფია სულ 1 დოლარით.

ამის გარდა გასათვალიწინებელია ის ფაქტი, რომ არაოფიციალური მონაცემებით ამაზონმა 3 წელიწადში გაყიდა 3 მილიონი Kindle, მაშინ როდესაც ეფლმა ორ თვეში 2 მილიონის გაყიდვა მოასწრო და წლის ბოლოსთვის გაუსწრებს ამაზონს.

პრინციპში არც არაფერი განსაკუთრებული არ მომხდარა — კუპერტინოდან რეგულარულად იგზავნება ასეთი სახის წერილები FCC-ში, თუმცა წელს ამ ყველაფერს პიკანტურობის ელფერს ამატებს მაისის თვეში ეფლიდან საიდუმლო ინფორმაციის დიდი გადინება.

ნეტავ რა უნდა დამალოს ეფლმა ამ თვენახევრის განმავლობაში? პირველ რიგში ახალი მოდელის ოპერატიული მეხსიერების მოცულობა — ჭორების მიხედვით iPhone 4-ი იყენებს 512 მბაიტს, ორჯერ მეტს, ვიდრე წინა მოდელი. ასევე საიდუმლოთა სიაშია უშუალოდ პროცესორის მახასიათებლები და ჩარჩო-ანტენის შესაძლებლობები.

თუ კომპიუტერს მივუერთებთ SSD-დისკს, დავინახავთ პუნქტს „TRIM Support“, რომელიც არ იყო წინა მოდელის Macbook Pro-ებში.

TRIM-ი ითვლება ფრიად მნიშვნელოვნად მომავალში SSD-დისკებისათვის, ვინაიდან მას ექნება ასეთი დისკების მაქსიმალურ სიჩქარეზე მხარდაჭერის შესაძლებლობა და ექსპლუატაციის უფრო დიდი დროც. ძველი SSD-დისკები დროთა გნმავლობაში ნელდებოდნენ — როდესაც დაკავებულია სულ უფრო მეტი ადგილი დისკზე, სისტემა იძულებულია დაამუშაოს ბევრი „ნაგავი“, მაგალიტად წაშლილი ფაილები, რომ;ლებიც ფაქტიურად მაინც რჩება დისკზე. TRIM-ი იძულების წესით შლის ასეთ ადგილებს, რის გამოც ისინი მართლა ცარიელი ხდება და ახალი შიგთავსის ჩაწერა ადვილდება.

Windows 7 და Windows Server 2008 უკვე მხარს უჭერენ TRIM-ს, მაგრამ Apple-ს ჯერ კიდევ არ დაუმატებია ამ ტექნოლოგიის მხარდაჭერა ყველა პროდუქტში, რასაც ნულამდე დაყავს SSD-დისკების გამოყენების უპირატესობა.

Navigon-მა გვიჩვენა საკუთარ სანავიგაციო პროგრამებში მალთითასქინგის შესაძლებლობები.

[youtube]http://www.youtube.com/watch?v=35UuWv6JRYg&feature=player_embedded[/youtube]

გამოსვლისას, როდესაც ტომი ყვებოდა თუ როგორ მოენატრათ მის ბლენდერებს ეფლის ტექნიკა, მან აღნიშნა, რომ ახალი აიფონის შოვნა ძალიან რთული იყო. მას გაუმართლა, რამეთუ შემთხვევით შეხვდა ტიპს, ვინც მას მიყიდა ჯერ არ გამოსული აიფონი. მაგრამ უცაბედად გადამღებ მოედანზე შემოცვივდნენ სპეცრაზმელები. როგორც ტომი იძახის, ესენი იყვენენ ეფლის უსაფრთხოების თანამშრომელბი. მათ ძალით ამოიღეს აიფონი ტომისაგან, თვითონ ის მძიმედ Dაშავებული საავდამყოფოში გადაიყვანეს…

[youtube]http://www.youtube.com/watch?v=06O5rejU3ZU&feature=player_embedded[/youtube]

…როგორც ხედავთ ეს ხუმრობა იყო! მასში გათამაშებულია ისტორია, თუ როგორ დაკარგა ეფლის ერთ-ერთმა თანამშრომელმა აიფონ 4 ბარში ;)

ძვირფასო მყიდველო, ჩვენ ვერ შევძელით ავტორიზაციის პროცესის გატარება თქვენი შეკვეთისათვის. შედეგად იძულებული ვართ გავაუქმოთ თვენი შეკვეთა. შეძენის დასრულებისათვის გთხოვთ ეწვიეთ Apple Store-ს ან AT&T-ის მაღაზიას. ბოდიშს გიხდით წარმოქმნილი უხერხულობისათვის. პატივისცემით, Apple Online Store-ის გუნდი.

ეს საუკეთესო საშუალებაა მათთვის, ვისაც არ სურსტეფლენის გარეგანი სახის გაფუჭება საეჭვო წარმოშობის ნაკეთობებით, ამგრამ ამასთან ზრუნავს ტელფონის დაცვაზე.

ამის გარდა შალითა დაიცავს ტელფონის ეკრანს დაუკანა მხარეს, რომლებიც შუშისაა, ვინაიდან გააჩნია არანულოვანი გამონაშვერი.

ახლა გაყიდვების დაწყების თარიღად მითითებულია “მალე”, რაც მიუთითებს გაურკვეველ შეყოვნებას. Apple-მა შესაძლოა გადაწიოს ახალი ტელეფონის გაყიდვა სხვა ქვეყნებში, როგორც ეს მან გააკეთა iPad-ის შემთხვევაში, როდესაც ამერიკულ ბაზარზე საშინელი დეფიციტი წარმოიშვა.

იმის გათვალისწინებით, რომ ეფლმა პირველსავე დღეს 600 000 შეკვეთა მიიღო, მოვლენების განვითარების ასეთი სცენარი სრულიად შესაძლებელია.

მაგრამ ზოგიერთმა ჩათვალა, რომ ასეთი მიდგომა ზედმეტად სერიოზულია და ღირს ცოტათი გახუმრება.

მოდით ვნახოთ ახალი აიფონის ალტერნატიული სარეკლამო რგოლი:

[youtube]http://www.youtube.com/watch?v=26ELpS3Wc4Q&feature=player_embedded[/youtube]

როგორც გაირკვა, მარკმა ამასწინათ გადადო თავისი Blackberry და ერთი კვირით გადაწყვიტა აიფონის გამოყენება. ამის მიზეზი გახდა Blackberry-ზე qwerty-კლავიატურის არსებობა, რომელიც თითებს ძალიან სტკენს მარკს. მიუხედავად მისი წუწუნისა აიფონის აკუმულატორთან დაკავშირებით, მარკს მტკიცედ აქვს გადაწყვეტილი აუცილებლად შეიძინოს iPhone 4-ი, თუ მანამდე რაიმეს არ შეიძენს ანდოიდიანს.

მოდით შევადაროთ ვიდეოს გადაღების ხარისხი ორ ტელეფონს შორის: Apple და HTC Evo

შეგახსენებთ, რომ აიფონს 5 მეგაპიქსელიანი კამერა აქვს,ხოლო ევოს — 8 მეგაპიქსელიანი

ორი აზრი არაა, აიფონის მიერ გადაღებული ვიდეო უკეთესია!

[youtube]http://www.youtube.com/watch?v=gUwutoAeGlI&feature=player_embedded[/youtube]

ეს ნიშნავს, რომ iPhone 4-ის მფლობელები მიიღებენ აიპადის მსგავს პროცესორს და ორჯერ მეტ მეხსიერებასაც.

მეხსიერების ზრდა ლოგიკური ნაბიჯია მალთიტასქინგის მიმართულებით. მოიძებნება საკმაოდ ბევრი ადამიანი, რომლებიც მოინდომებენ ძალიან ბევრი პროგრამის გაშვებას.

არის მოსაზრება, რომ მიმდინარეობს ტექნიკური სამუშაოები ახალ ოს-თან iOS 4-თან თავსებადობის გასაუმჯობესებლად.

უფრო მეტიც, გრძელვადიანი პროგნოზით 2015 წლისათვის ტაბლეტი დაიკავებს ბაზრის 23%-ს.

ბოლო მონაცემებით 2 ივლისზე შეკვეთები არ მიიღება და შემდეგი თარიღი გახდა 14 ივლისი!

მოკლედ, რაღაც საშინელი ისტერია და სიგიჟე მძვინვარებს მთელ მსოფლიოში! ჩემი ვარაუდით უკვე შეკვეთილი უნდა იყოს (ანუ ფაქტობრივად გაყიდული) მილიონზე მეტი iPhone 4.

არადა ის ჯერ გაყიდვაშიც კი არ არის! ;)

ევროპაში ჯერ კიდევ არის შერჩენილი აიფონები და მათი მირება შესაძლებელი იქნება 24 ივნისს.

აშშ-ში აიფონის შეკვეთისას მყიდველს იმავწუთას სტავაზობენ ხელშეკრულების გაფორმებას AT&T-თან, მობილურ ოპერატორთან. ხოლო დიდ ბრიტანეთში, კანადაში, საფრანგეთში და სხვა ქვეყნებში ეკრანზე ჩანს წარწერა, რომ ტელეფონი მუშაობს ნებისმიერი ოპერატორის სიმ-ბარათით. ფასი რათქმუნდა უფრო მაღალია, ვიდრე აშშ-ში, მაგრამ ჯანდაბას ფასი!

საერთოდ თუკი შევხედავთ ეფლის მობილური მიმართულების განვითარების დინამიკას, კარგად დავინახავთ, რომ კომპანია პოულობს მუდმივად სუსტ ადგიულებს და აღმოფხვრის მათ.

როგორც განაცხადა რობ ბარისმა, ვალვეს ინჟინერმა, ახლა ისინი ძალიან მჭიდროდ თანამშრომლობენ Apple-თან, ATI-სთან და Nvidia-სთან. მთავარი ამოცანაა — თამაშის სიჩქარის გათანაბრება ერთიდაიგივე თამშებში მაკზეც და პისიზეც.

ბეჭდვის სისტემა CUPS, DesktopServices, Flash Player, Help Viewer, iChat, ImageIO, libcurl, Open Directory, SMB და ა.შ.

გადმოტვირთეთ (222 მბაიტი).

აი არასრული სია გასწორებებისა:

• ტრეკპადი და კლავიატურა არ რეაგირებენ მომხმარებლის ბრძანებებზე;
• Adobe Creative Suite 3-ის ზოგიერთი აპლიკაციის გაშვების პრობლემა;
• ფაილების კოპირების, გადარქმევისა და წაშლის პრობლემები SMB-სერვერზე;
• DVD-დამკვრელში ვიდეოს გაშვების პრობლემები;
• ფოტოს რედაქტირების პრობლემები iPhoto-ში და Aperture-ში სრულეკრანიან რეჟიმში;

ასევე აღინიშნება უფრო მაღალი საიმედოობა VPN-კავშირებზე.

პირველი რაც თვალში საცემია, ეს რათქმაუნდა ახალი კორპუსია. ის დამზადებულია ალუმინისგან და მთლიანად ჯდება კომპანიის ამდროინდელი დიზაინის ფარგლებში.

უნდა ავღნიშნოთ, რომ მინის დაშლა დამატებითი მეხსიერების და ვინჩესტერის დასაყენებლად გაადვილდა. სახრახნისები შეგიძლიათ გადაყაროთ — საკმარისია კორპუსის ფსკერზე მოახრახნოთ სპეციალური პანელი.

კიდევ არანაკლებ მნიშვნელოვანი შტრიხი — ახალი მინის როგორც იქნა აღარ აქვს მასიური კვების ბლოკი. ახლა ის ძირითად კორპუსშია განთავსებული.

ახლა ვნახოთ შიგნეულობა. ახალი მინის ბაზისია პროცესორი Intel Core 2 Duo 2.4 ან 2.66 გჰც სიხშირით. ნაგულისხმევად კომპიუტერი დაკომპლექტებულია 2 გბაიტი ოპერატიული მეხსიერებით, თუმცა მისი გაზრდა შესაძლებელია 8 გბაიტამდე.

გრაფიკული სისტემა აწყობილია NVIDIA GeForce 320M-ზე, რომელიც „ჭამს“ 256 მბაიტ მეხსიერებას ოპერატიულიდან. მთავარი კი ისაა, რომ ამ ახალ კომპიუტერს გააჩნია HDMI გამოსასვლელი!

სტანდარტულ კომპლექტაციაში მოყვება 320 ან 500 გბაიტი ხისტი დისკი, ოპტიკური დისკწამყვანი SuperDrive. ასევე გააჩნია SD-ბარათების მიმღები სლოტი, ოთხი USB 2.0 და ერთი FireWire 800.

„ეს არაჩვეულებრივია როცა გაქვს საშუალება მიიღო მონაწილეობა ლეგენდარული მოწყობილობის გაშვებაში“, — ამბობს შონ სკოური, Best Buy Mobile-ის პრეზიდენტი.

Best Buy კონკურენციაშია Radio Shack-თან, რომლებმაც ასევე დაადსტურეს აიფონზე წინასწარი შეკვეთების მიღებაზე მზაობა.

დამატებითი ბონუსის სახით Radio Shack-მა გადაწყვიტა გახსნას თავსი ზოგიერთი მაღაზია რამოდენიმე საათით ადრე, რათა უფრო მეტ მყიდველს მოემსახუროს.

3,5 დუიმი დიაგონალზე მისი გარჩევადობაა 960х640 წერტილი, ეს კიდევ თითქმის უტოლდება აიპადის გარჩევადობას, რომლის პარამეტრებია 1024х728 წერტილი.

როგორც გვატყობინებენ, აიპადის აპლიკაციების კატალოგი შეიცავს 2100 თამაშს, ხოლო დანარჩენი — სხვადასხვა ტიპის პროგრამებია.

დაახლოებით 78% ამ სიიდან ფასიანია, ხოლო აპრილში ეს რიცხვი 80%-ზე მეტი იყო. მაშინ აპლიკაციების საერთო რაოდენობა 3000 არ აღემატებოდა.

როგორც გამოირკვა, აიპადისათვის პროგრამულ უზურნველყოფას უფრო აქტიურად წერენ, ვიდრე აიფონისათვის. როდესაც გაეშვა App Store 2008 წელს, საჭირო გახდა 5 თვე, რომ პროგრამული უზურნველყოფის რაოდენობას 10 000 ნიშნული გადაელახა.

Android Market-ს საერთოდ 11 თვე დასჭირდა 10 000 ნიშნულის გადასალახად.

ეს გვაძლევს უფლებას ვივარაუდოთ, რომ ეფლი აპირებს მინიმუმ 9 მილიონი აპარატის რეალიზაციას სექტემბრის ბოლომდე, რაც 20%-ით მეტია ვიდრე გასულ წელს iPhone 3GS-ის მაჩვენებლები.

ჯამში ეფლმა შესაძლოა კვარტლის ბოლომდე 10 მილიონი ეგზემპლარი გაყიდოს, რაც სარეკორდო მაჩვენებელი იქნება.

ხოლო Windows-ის მოყვარულებს შეგვიძლია ვუთხრათ, რომ დადგა ახალი ერა. პირველად დაფიქსირდა Windows 7-ის მომხარებელთა რაოდენობა მეტი ვიდრე WIndows XP-ისა. ახალი ოს-ის მომხმარებელთა საერთო რაოდენობამ 35.9%-ს მიაღწია.

შესაძლოა, მაკზე ისეთი პოპულარული თამაშების გადატანა, როგორიცაა Left 4 Dead და Team Fortress კიდევ უფრო გაზრდის ამ პლათფორმის ხვედრით წილს.

მართალია ახალი წესები მთლიანად არ ხსნის პრობლემებს, ვინაიდან ასეთი არასტანდარტული კოდის გამოყენება შესაძლებელი იქნება მხოლოდ ეფლის წერილობითი ნებართვით.

როგორც ცნობილია, წლევანდელ კონფერენციაზე ძირითადი აქცენტი გაკეთდა iOS პლათფორმაზე, ხოლო სამაგიდე Mac OS X-ისათვის აღარ დარჩა დრო.

გამოითქვა წყრომა ორ ციკლიანი კონფერენციების გამო (ერთ წელს მობილური გადაწყვეტილებები, მეორე წელს — სამაგიდე), ეს ფრიად შეაფერხებს ორივე პლათფორმის განვითარებას. შესაბამისად გაჩნდა იდეა, რომ იანვარში ჩატარდეს WWDC რომელიც მხოლოდ Mac OS X-ს მიეძღვნება.

[youtube]http://www.youtube.com/watch?v=iGQ1Uk1GovA&feature=player_embedded[/youtube]

• სამუშაოდ iMovie-ს ესაჭირეობა iPhone 4. ვიდეო დასამუშავებლად დროის რეალურ რეჟიმში გამოდგება მხოლოდ პროცესორი Apple A4.
• iMovie-ს პროექტის ფაილების ექსპორტი შეუძლებელია Mac-ზე. მხოლოდ შექმნილი ფილმის გადატანაა შესაძლებელი.
• ვიდეო-რგოლები შეიძლება როგორც ტელეფონის მიერ იყოდ გადაღებული, ასევე იმპორტირებულიც, მთავარია რომ ეს იყოს H.264 ვიდეო.

მეორეც, გირჩევთ დააყელოთ გაფართოება SafariRestore, რომლის დანიშნულებაა — Safari-ის ბოლო სესიის აღდგენა. დავუშვათ გაშვებული გქონდათ 10 ჩანართი და მოგიწიათ საფარის დახურვა გადატვირთვის მიზნით. საფარის ხელახლა გაშვების შემდეგ დაინახავთ არა ცარიელ გვერდს, არამედ იმ 10 ჩანართს ხელახლა.

iOS 4 — ოს-ის ახალი სახელწოდებაა, ადრე მას ერქვა iPhone OS-ი. ის გამოიყენება ეფლის მობილურ მოწყობილობებში — აიფონში, აიპოდში და აიპადში. ახალი ვერსიის ოს-ში მრავალი სიახლეა — მაგალითად მულთითასკინგის მხარდაჭერა, საქაღალდეები აპლიკაციებისათვის, ახალი სარეკლამო ქსელის მხარდაჭერა და ა.შ.

ახალი ოს-ის გამოშვება 21 ივნისზეა დაგეგმილი.

პროგრამა განკუთვნილია აიფონზე გასაშვებად, iPhone OS 3-ზე, თუმცა შესაძლებელია მისი გაშვება ასევე აიპადზეც.

ამის კონკრეტულად გაგება შეგიძლიათ ფაილების მმართველის Raskin-ის მეშვეობით, რომელიც გენიოსმა შექმნა კომპიუტერის ეკრანზე ინფორმაციის გამოსახვის ძირითად იდეებზე დაყრდნობით.

ამ კონცეფციის თანახმად, თქვენ ხელთ უნდა გქონდეთ სრული წვდომა თქვენს დოკუმენტებთან და მეტიც — უნდა ხედავდეთ თუ რა დოკუმენტებია ეს. რეალიზაცია… ჩახუჭუჭებულია. ნაგულისხმევად Raskin-ი გვიჩვენებს მომხმარებლის ძირითად საქაღალდეებს, ალაგებს რა მათ ავტომატურად წინასწარი ხედის ფანჯრებში. ამ დროს თუ დოკუმენტებთან სიტუაცია გასაგებია, აპლიკაციების შემთხვევაში ცოტა უფრო ეშმაკურადაა საქმე — ნაჩვენები იქნება არა მარტო ხატულა, არამედ გახსნილი ფანჯრის წინასწარი ხედი. იდეაში, მოსახერხებელი უნდა იყოს, მაგრამ სუფთა სუბიექტურად — ძალიან ნელია და გრაფიკაც მოუხეშოა.

შეგვიძლია მარტო ის დავამატოთ, რომ Raskin-ის ინტერფეისში აქტიურად გამოიყენება მაშტაბირება და გადაცოცება, რაც ცოტა ხანში ღლის მომხმარებელს.

სისტემური მოთხოვნები: Mac OS X 10.6 და უფრო ახალი.

გადმოტვირთეთ (2,4 მბაიტი).

მაგრამ ერთია როდესაც თქვენ ღუნავთ რაიმეს საგანს და მეორეა — როდესაც მასზე ხორციელდება მკვეთრი წერტილოვანი დაჭერა. მაგალითად, ტელეფონის დავარდნისას მყარ ზედაპირზე. რამდენად ეფექტური აღმოჩნდება ახალი შუშა ასეთ სიატიაციაში?

კომპანიამ iFixYour გადაწყვიტა ეს შეემოწმებინა. ისინი ძირითადში დაკავებულნი არიან ეფლის მობილური ტექნიკის რემონტით და გააჩნიათ წვდომა შესაბამის მარაგ ნაწილებთან. 9 ივნისს მათ ხელთ მოხვდა ახალი აიფონის კორპუსები (შიგთავსის გარეშე). ერთ-ერთი მათგანი გამოიყენეს ქრეშ-ტესტისათვის: რამდენჯერმე დაახეთქეს იატაკზე დაახლოებით ერთი მეტრის სიმაღლიდან . შედეგი? პირველ ორ დავარდნას ტელეფონმა გაუძლო, ხოლო მესამეს…

როგორც iFixYour აღნიშნავს, ახალი მოდელის სუსტია დგილია არა თვითონ შუშა, არამედ აპარატის კონსტრუქცია. მასში შუშა განთავსებულია ალუმინის საფუძველს ზემოდან, რომელიც მას პრინციპში არაფრით არ იცავს. წინა მოდელებში შუშა ჩაძირული იყო კორპუსში, აკტომაც მისი გატეხვა მხოლოდ დამიზნებული დარტყმით შეიძლებოდა.

ამასთან, Microsoft Office 2011-ის ინტერფეისი „არაჩვეულებრივი იქნება“, მიუხედავად იმისა, დაწერილია თუ არა ის Cocoa-ში. სხვათაშორის, Outlook-ი მთლიანად cocoa-ზეა დაწერილი, ასე რომ შესაძლოა ის გახდეს პირველი 64 ბიტიანი აპლიკაცია.

მთავარი ის იქნება, რომ სრულიად გაუქმდება დაღუპული თანამშრომლის ოჯახზე კომპენსაციის გადახდა. Foxconn-ის ხელმძღვანელის ტერი გოუს განცხადებით, აქამდე ხდებოდა კომპენსაციის გადახდა, რომლეიც მუშის ათწლიანი ხელფასის ტოლი იყო. ჩინეთისათვის ეს უზარმაზარი თანხაა. ხშირ შემთხვევაში მუშები თვითმკველობით ასრულებდნენ სიცოცხლეს და უკანასკნელ წერილში ამხნევებდნენ ოჯახის წევრებს სიტყვებით: „ნუ იდარდებთ, Foxconn კომპენსაციას გადაგიხდით“.

მეორე ნაბიჯი სიტუაციის გამოსწორების მიზნით გახდა შეკვეთების ნაწილის გადასროლა ვიეტნამში, სადაც მალე გაეშვება მაღალავტომატიზირებული ფაბრიკა და ტაივანზე. ამის გარდა დაგეგმილია ხელფასის გაზრდა 132 დოლარიდან 176 დოლარამდე. თვეში.

ოფისების კარებები გაიღება 24 ივნისს ზუსტად დილის 7 საათზე. AT&T-ი მოუწოდებს თავის მომხმარებლებს, რომ არ დაუკავონ რიგი ამხანაგებსა და მეგობრებს, ხოლო ახალდ მოსულები რიგის ბოლოში უნდა ჩადგენენ. თვითონ რიგის სიგანე ერთ ადამიანს არ უნდა აღემატებოდეს (შეადარეთ თბილისში ნებისმეირ რიგშიხ ალხი როგორ დგას). ერთ პიროვნებაზე მხოლოდ ერთი აპარატტი გაიყიდება. ძველ აბონენტებს შეეძლებათ ერთი აპარატის შეძენა თავის ნომერზე.

ახლა, როდესაც ახალი ოს-ი გამოსულია მალთითასკინგით, კრიტიკოსებს ნაკლები ბერკეტები დარჩათ ეფლის საგინებლად, ამიტომაც ახალ სისულეელებს იგონებენ. მაგალითად, რომ კმაერას პიქსელები ცოტა აქვს და რომ 5 მეგაპიქსელი გუშინწინდელი რამაა — თუმცა მათ ავიწყდებათ, რომ მეგაპიქსელების ომი დიდი ხანია დასრულებულია არგუმენტით: ბევრი მეგაპიქსელი არ ნიშნავს უკეთ გამოსახულებას, უბრალოდ ცუდი სურათი დიდი ზომისა ზდება. ან რომ ახალ ტეელფონს არ გააჩნია სატელევიზიო სიგნალის მიღების საშალება. ხოლო ფრიად თხელი შუშის კორპუსის გამო მატულობს მისი ხელიდან გასხლტომის საშიშროება! ბოლო არგუმენტი, რათამუნდა მათი აზრით ყველაზე დამანგრეველია — არ არის Flash-ის მხარდაჭერა!!! :)

ინტერნეტ-სივრცეში კვლავ ვნებათა ღელვაა, მომხმარებლები სკურპულოზურად ადარებენ სხვადასხვა ციფრებს, მეგაჰერცებს და გიგაბაიტებს, ეკრანის ზომებსა და ავტონომიური მუშაობის დროს, ამათუიმ ინტერფეისული ელემენტების არსებობა/არარსებობას, პროტოკოლებს და სხვა პარამეტრებს. თუმცა ამ ყველაფერის მიღმა ერთ რამეს ვერ ამჩნევენ. ეფლი უკვე დიდი ხანია აღარ უკეთებს რეკლამას თავის პროდუქციას ციფრებით და მახასიათებლებით. დიახ, კომპიუტერების წარმოდგენისას მეხსიერების მოცულობა, ხისტი დისკის ზომა და პროცესორის სიხშირე კვლავაც გამოისახება პრეზენტაციისას, მაგრამ მობილური მოწყობილობების შემთხვვეაში თქვენ ამას ვერ გაიგებთ. პროცესორი? A4, ეს სრულად საკმარისია. ობივატელისათვის საერთ არა აქვს მნშვენელობა ტექნიკური მახასიათებლების კორიანტელს სცენიდან. მეხსიერება? საკმარისია იმის თქვა, რომ ის სრულიად ეყოფა თამაშებისა და პროგრამების გაშვებას. ერთადერთი პარამეტრი, რასაც სტივი აცხადებს ეს არის ფლეშ-მეხსიერების მოცულობა, ისიც იმიტომ რომ გავიგოთ თუ რამდენი მუსიკა და ფილმი ჩაეტევა ტელეფონში და რა ეღირება სხვადასხვა მოდელი. იცით სტივი ამას რატომ აკეთებს? იმიტომ რომ მომხარებელთა უმრავლესობისათვის არაფრის მთქმელია მთელი ეს ტექნოლოგიური აჯაბსანდალი.

მისთვის მნიშვნელოვანია პირველ რიგში იმის გარკვევა, თუ რა შეუძლია ამ მოწყობილობას. ვიდეოს აჩვენებს? ინტერნეტში შედის? ელფოსტის შემოწმება შეიძლება? ამ ტიპის კითხვებზე პასუხებით მომხმარებელთა უმრავლესობა კმაყოფილდება სრულიად. ერთ პატარა ციტატას მოვიშველიებ:

ტექნოლოგიური დარგი კიდევ ცოტა ხანი დაიკლაკნება მომავლის შიშით შეძრწუნებული. მრავალი ჩაებღაუჭება „iPad-ამდელი“ პერიოდის იდეებს იმის შესახებ, თუ რა არის „ნამდვილი სამუშაო“. ჩამოეკონწიალებიან იდეას, რომ ის რაც კეთდება კომპიუტერზე, არის „ნამდვილი სამუშაო“.

მაგრამ ეს ასე არ არის. ნამდვილი სამუშაო — ეს არ არის დოკუმენტის ფორმატირების გასწორება, ან პრინტერის დრაივერის დაყენება, ანდაც დოკუმენტის საიტზე განთავსება. არ არის არც PowerPoint-ის სლაიდ-შოუს მომზადება ანდა ოს-ის ხელახალი ინსტალაცია.

ნამდვილი სამუშაოა — ბავშვის აღზრდა, პაციენტის განკურნება, უძრავი ქონების გაყიდვა, საგზაო დეფექტების გასწორება, მანქანის რემონტი, სახლის დაპროექტება და ა.შ.

განა ეს რევოლუციაა, გეკითხებით მე თქვენ? და მე თვითონვე გიპასუხებთ, არა! სტივს არ გამოუგონებია ვიდეო ზარები. არც აიფონია პირველი ტელეფონი ამ ფუნქციით. უკვე რამდენიმე წელია ეს ფუნქცია გააჩნია ყველა მესამე თაობის ტელეფონს. მაგრამ გულზე ხელი დაიდეთ და სთქვით, ვინმე სარგებლობთ ამ ფუქნციით? არა, ალბათ ტელეფონის ყიდვისას, პირველი ეიფორიის ზეგავლენით რამდენიმე ვიდეო ზარს აუცილებლად გააკეთებდით, თანაც ქართველებს ვაი როგორ გვიყვარს ეს კუდაბზიკობა და მესამე თაობის ტელეფონით მარიაჟობა! მაგრამ გავიდოდა რამდენიმე დღე და თქვენ არც კი გახსოვდათ, აღარც იყენებდით ამ ფუქნციას. და ეს მარტო ჩვენთან არ ხდება. მთელს მსოფლიოში, სადაც 3G-ქსელებმა უკვე მყარად მოიკიდეს ფეხი ბაზარზე, ვიდეო-ზარების გამოყენება მიზერულია. რატომ? ფაქტორი ბევრია, დაწყებული ასეთი ტიპის ზარების ღირებულებით და ტელეფონებში სპეციალური პარამეტრების შეყვანის სირთულით დამთავრებული. ალბათ მეტყვით, კი მაგრან რა არის რთული რამდენიმე ათეული სიმბოლოს ტეელფონში შეყვანაში? კარგით რა! ჩემი თვალით რომ არ მქონდეს ნანახი თბილსში, აიფონის ერთ-ერთ რეალიზატორ მაღაზიაში როგორ მოვიდა ქალბატონი ორ პატარა გოგონასთან ერთად და დატოვა თავისი აიფონი და ბავშვების აიპოდ ტაჩები მხოლოდ იმისათვის რომ მაღაზიის ტექნიკოსს მათში პროგრამები ჩაეწერა, ალბათ ვერ დავიჯერებდი. შეიძლება მწარე სიმართლეა, მაგრამ ასეა, საშუალო სტატისტიკური მომხმარებელი ჩლუნგია. თანაც მაგარი ჩლუნგი. თუ არ დაუღეჭე მოწყობილობის მოხმარების წესები, გააფუჭებს. ტყუილად კი არ აქვთ ამერიკელებს, მიკროტალღოვანი ღუმელის ინსტრუქციაში რომ უწერიათ: ახლად დაბანილი ძაღლი არ გააშროთო (იყო ეტყობა მცდელობები, ძაღლისათვის სავალალოდ დასრულებული). მაგრამ დავუბრუნდეთ ეფლს.

ამ დროს სცენაზე გამოდის Apple-ი თავისი iPhone 4-ით, რომელიც გვიჩვენებს ვიდეო-რგოლს ასეთი ტიპის ზარების შესახებ და თუ როგორი მარტივია ეს — ვიდეო-ზარის განხორციელება. ეკრანზე ვხედავთ მშობლებს და შვილებს, ბებიებსა და ბაბუებს, რომლებიც შვილიშვილებთან საუბრობენ, დაქალოჩკებს, ერთმანეთს რომ ზიზია ტანისამოს აწონებენ, სმენადაქვეითებულებსაც კი — ეკრანზე ხო ჩანს ხელის მოძრაობები! გასაგებია, რომ ეს მსახიობები ასრულებენ ამ როლებს და რგოლის ძალიან კარგადაა გადაღებული. ისიც გასაგებია, რომ აიფონზე ვიდეო-ზარები ჯერ-ჯერობით მხოლოდ ორ ახალ აიფონს შორის იქნება შესაძებელი, თანაც მხოლოდ WiFi ქსელის გავლით (ანუ არა მობილური ოპერატორის მეშვეობით). მაგრამ ეს არაა მთავარი. ცოტა ხანში ყველა ალაპარაკდება ვიდეო-ზარებზე, თუ რა მაგარი რამეა, ყველას მოუნდება ასეთი ტელეფონი.

საქმის არსი იმაშია, რომ ეფლი, როდესაც ქმნის და რეკლამირებას ახდენს თავისი პროდუქტებისა, კარგად ხვდება, თუ შემდგომში ამ პროდუქტებს ხალხი როგორ გამოიყენებს. და ტექნიკური დეტალების ცოდნა/არცოდნა ვერც დაამატებს და ვერც მოაკლებს რაისმეს ამ მოწყობილობასთან მუშაობის გამოცდილებას. თავისი პროდუქტების რეკლამის დროს ეფლი უმიზნებს მომხმარებლის გულს, აწვება რა მის ემოციურ გრძნობებს. ეფლი კარგად ხვდება, რომ სრულიად არაა საჭირო მომხარებელზე ციფრებითა და ფაქტებით ზეწოლა, საკმარისია აჩვენო, რომ ეს შიგნიდან ურთულესი მოწყობილობები გეხმარებიან ცხოვრების გაუმჯობესებაში, გამარტივებაში და ა.შ. აი მოხმმარებელი კი თვითონ გააკეთებს არჩევანს. შესაძლოა ის ვერასოდეს გაიგებს იმას, რომ აიფონით შეუძლებელია ფაილების გადაცემა ბლუთუზის მეშვეობით, ან რომ ვერ შეძლებს მის გამოყენებას ე.წ. „ფლეშკასავით“. მთავარი ეს არ არის.

მთავარია — რომ ვიდეო-ზარები მუშაობდეს.

თუ რა სიახლეებია ამ ახალ ოს-ში ჩვენ მალე შემოგთავაზებთ გაშლილ მიმოხილვას ამ საკითხის გარშემო.

[youtube]http://www.youtube.com/watch?v=u5IzNy0184M&feature=player_embedded[/youtube]

[youtube]http://www.youtube.com/watch?v=ThdYOKnX6uk&feature=player_embedded[/youtube]

[youtube]http://www.youtube.com/watch?v=sqUXdHwgsKI&feature=player_embedded[/youtube]

[youtube]http://www.youtube.com/watch?v=M9XUpPcmMUI&feature=player_embedded[/youtube]

[youtube]http://www.youtube.com/watch?v=YI_f2a6eP8M&feature=player_embedded[/youtube]

[youtube]http://www.youtube.com/watch?v=CMvKWR3c1kY&feature=player_embedded[/youtube]

„Cisco თანახმაა ლიცენზიით გადასცეს კომპანია ეფლს სავაჭრო ნიშანი iOS მხოლოდ სახელად გამოყენების მიზნით. ლიცენზია ტექნოლოგიაზე არ გადაიცემა“.

ანუ საგანგაშო არაფერია.

პროდუქტს ერქვა Thunderscan (High Resolution Digitizer for Macintosh) და იყენებდა მოწყობილობას, რომელიც უკვე ჰქონდა რიგით მაკ-მომხმარებელს. რომელი? მატრიცული პრინტერი ImageWriter-ი. მისი საბეჭდი თავის სკანირების ელენეტით შეცვლის შედეგად, მომხმარებლებს შეეძლოთ დოკუმენტების იმპორტი მაკში.

ეს გადაწყვეტილება ვერ დაიკვეხნიდა დიდი სიჩქარით, მაგრამ სიიაფით მართალც რომ საუკეთესო ვარიანტი გახლდათ.

რა შუაშია აქ ეფლი? გენიალური პროგრამისტი ენდი ჰერცფილდი მიუერთდა ამ პროექტს 1984 წლის ივნისში, როდესაც მან კუპეტრინო დატოვა.

http://safariextensions.tumblr.com/

მე უკვე ორი დავაყენე ჩემთან:

GMail ანგარიშის შემოწმება და ბლოგში სტატიების დასამატებელი გაფართოებები.

ეს ფოტო ზუსტად რომ ახალი მოდელითაა გადაღებული. რა შეიძლება ამოვიკითხოთ მის EXIF-მონაცემებში?

დიაფრაგმა: 2,97 თარიღი და დრო: 2010/05/07 15:14 ექსპოზიცია: ავტომატური ფოკუსური მანძილი: 3,85 ISO: 80 თეთრის ბალანსი: ავტო

ფოტოს ხარისხი კარგი ჩანს, ხოლო თუ სხვა მობლილურებს შევადარებთ, ფერთა გადმოცემა უკეთესია.

სიმართლისათვის უნდა ითქვას, რომ გუშინდელ ღონისძიებაზე ნაჩვენები სიახლეები სხვადსხვა საიტებზე პროგნოზების სახით ადრეც გავრცელდა (კორპუსის ახალი ფორმა, ეკრანის ახალი გრჩევადობა და ა.შ.), ამიტომაც მოდით ახლა ვისაუბროთ იმაზე, რაც ჯერ არსად დაწერილა და არც არსად თქმულა და რაც სრული მოულოდნელობა იყო ყველასათვის.

სტივმა პრაქტიკულად დააიგნორა ყველა სხვა სიახლე (საფარი 5-იც კი არ აჩვენეს, უბრალოდ დადეს საიტზე სიახლის სახით) და მხოლოდ iPhone 4-ზე, iPhone OS 4.0-ზე და iAds-ზე ისაუბრა.

თავიდან როგორც ყოველთვის, ასეთი ტიპის პრეზენტაციას ჯობსი იწყებს სტატისტიკით, რომელიც მართლაც დიდი ძალაა. ეს 225 ათასი აპლიკაციაო, ეს 1 მილიარდი დოლარი დეველოპერებზე გადახდილიო, იქეთ კიდევ 5 მილიარდი ჩამოტვირთული აპლიკაციაო და ა.შ. და ა.შ. — ეს კეთდება რათქმაუნდა პლათფორმის უკეთ წარმოჩინებისათვის კონკურენტებთან შედარებით.

შემდეგ აჩვენეს განახლებული iBooks-ი, რომელიც ახლა უკვე იგებს PDF ფორმატს პლუს დაამატეს ნოუთების შენახვის ფუქნცია და გააუმჯობესეს ჩანართებთან მუშაობა. ამის მერე აჩვენეს აპლიკაცია Netflix-ი, რომელსაც ლამაზად შეუძლია ვიდეოს სტრიმინგი, Guitar Hero — გიტარაზე დაკვრის მოყვარულტათვის, ასევე საოფისე პლანქტონის საყვარელი თამაში — Farmville.

გადავდივართ უფრო მძიმე სიახლეებზე — ჯერ დაანონსეს ოპერაციული სისტემის რებრენდინგი და iPhone OS-ის ნაცვლად მას ერქმევა iOS-ი. მართალია ასეთი დასახელები ოს-ი არსებობს და მას Cisco უშვებს, მაგრამ როგორც გავიგე, ეფლმა და ცსიკომ უკვე მიაღწიეს შეტანხმებას და ცისკო ნებას რთავს ეფლს გამოიყენოს ეს სახელი. სხვათაშორის, სავაჭრო ნიშანი iPhone ასევე ცსიკოს ეკუთვნოდა თავის დროზე და ეფლმა მისგან ის შეიძინა. მაგრამ ამაზე სხვა დროს ვისაუბროთ.

და აი ბოლოს როგრც იქნა დადგა iPhone 4-ის დროც. ის მართლაც ძალიან ჰგავს იმ პროტოტიპს, რომელმაც ხან სად ამოყო თავი და ხან სად. გასაოცარი გახლავთ მისი მონაცემები:

• ძალიან თხელი კორპუსი (სულ 9.3 მმ)
• ლითონის ჩარჩო უჟანგავი ფოლადისაგან, რომელიც ამავდროულად ტელეფონის კარკასიცაა და ანტენაც
• შუშის პანელები როგორც წინიდან, ასევე უკანა მხრიდან (არ იფხაჭნებაო, ასე თქვეს)
• 40%-ით გაუმჯობესებული აკუმულატორი (10 საათი ვებ-ბრაუზინგი WiFi-თ ან ვიდეო ყურება, 7 საათი საუბარი და 300 საათი მოლოდინის რეჟიმში)
• პროცესორი A4, იგივე რაც აიპადს აქვს 1 გჰც სიხშირით
• ჩადგმული ჰიროსკოპი ტელეფონის მდებარეობის უფრო ზუსტი ჩვენებისათვის სივრცეში
• micro-sim ფაქტორის მხარდაჭერა (გაუგებარია რა საჭირო იყო ველოსიპედის გამოგონება)

ეკრანზე უმჯობესია ცალკე ვისაუბროთ — IPS-მატრიცა 960×640 გარჩევადობით, ანუ კვადრატულ დუიმზე 326 წერტილით — ახალი ტექნოლგია Retina, უზრუნველყოფს იმაზე მეტ გარჩევადობას, ვიდრე ამის აღქმა შეუძლია თვალს. ამის გამო, ჯობსის განცხადებით მიიღწევა გამოსახულების არაჩვეულებრივი ხარისხი, ხოლო კონტრასტულობა 800:1 ასევე ამატებს ხარისხს.

ამის გარდა ახალ iPhone-ს გაუუმჯობედა კამერა, რომელიც იღებს 5 მეგაპიქსელით. საკმაოდ კარგი სენსორია გამოყენებული ასე რომ ფოტო ძალიან კარგი ხარისხის გამოვა. კამერას აქვს ციმციმა (ე.წ. Flash, Вспышка), ამასთან ვიდეოს გადაღების ხარისხმაც მოიმატა და შესაძებელი ხდება HD-ხარისხის ვიდეოს გადაღება 720p, 30 კადრი წამში სიჩქარით. მაგრამ ეს ყველაფერი არ არის! Apple-მა წარმოგვიდგინა iMovie აიფონისათვის! წარმოიდგინეთ, თქვენ გადაიღეთ ვიდეო, უცებ ტელეფონშივე დაამონტაჟეთ, სპეც-ეფექტებით გაძეძგეთ და ააგდეთ YouTube-ზე ან სადმე სხვაგან!

პრეზენტაციის ბოლოს სტივმა გვაჩვენა ასევე ახალი ფუქნცია FaceTime, ვიდეო ჩატების პროგრამა, რომელიც ჯერ-ჯერობით მხოლოდ WiFi-თ იმუშავებს, მაგრამ როგორც კი მობ. ოპერატორები მიხვდებიან თავიანთ უძლურებას, ეფლი ამ შესაძლებლობას გახსნის ჩვეულებრივი ქსელებით გადაცემისათვის.

კიდევ სტივმა ისაუბრა iAds-ზე, სარეკლამო პლათფორმაზე, რომელიც გაეშევბა 1 ივლისიდან.

ამის შემდეგ საუბარი გადავიდა პრაქტიკულ საკითხებზე — „როდის და რა მდენად?“ iOS-ი ხელმისაწვდომი იქნება 21 ივნისიდან, ხოლო თვითონ ტელეფონი გაყიდვაში აშშ-ს ტერიტორიაზე იქნება 24 ივნისიდან იგივე ფასად რაც ძველი მოდელი — 16 გბაიტიანი 199 დოლარი, 32 გბაიტიანი 299 დოლარი. სექტემბრიდან ის გაყიდვაში იქნება კიდევ 88 ქვეყანაში. ჩვენ როგორც კარგად არ უნდა მოვიქცეთ, აუზში წყალს მაინც არ ჩაგვისხამენ, ასე რომ საქართველო ჩემი აზრით კიდევ დიდხანს დარჩება ოფიციალური აიფონის გარეშე.

„Safari აგრეძლებს პირველი პოზიციების შენარჩუნებას წარმადობაში, ინოვაციებში და სტანდარტების ხმარდაჭერაში“, აცხადებს ფილ შილერი, ეფლის ვიცე-პრეზიდენტი მარკეტინგის დარგში. „დღეს Safari მუშაობს 200 მილიონ მოწყობილობაზე მთელ მსოფლიოში, ხოლო მისი ღია ძრავა, WebKit-ი — ნახევარ მილიარდ აპარატზე“.

ძირითად სიახლეებს შორის გახლავთ: Safari Reader-ის ფუნქცია, უფრო მეტი წამრადობა, ძებნის ახალი ძრავი, Bing-ი, HTML5-ის გაუმჯობესებული მხარდაჭერა, ასევე ახალი პროგრამა Safari Developer Program, რომლის ფარგლებშიც დეველოპერები შეძლებენ ბრაუზერისათვის ახალი გაფართოებების წერას. Apple-ის მონაცემების თანახმად, კიდევ უფრო მეტი უსაფრთხოებისათვის ეს გაფართოებები იმუშავებენ ბრაუზერისაგან დამოუკიდებელ მეხსიერების სივრცეში, რაც ნიშნავს, რომ ცალკეული გაფართოების სტაბილურობა ვერაფრით ვერ იმოქმედებს ბრაიზერზე.

მაშ ასე, რა არის Safari Reader-ი. როდესაც ტვირთავთ ვებ-გვერდს და Safari 5 აღმოაჩენს მასზე ტექსტის მთლიან ნაწილს, მისამართის მელში გამოჩნდება ახალი ხატულა. მასზე დაწკაპუნებით მიიღებთ თქვენს ვებ-სტატიას „ცალკე ფანჯარაში უცხო ელემენტების გარეშე“, ანუ რეკლამის და ა.შ.

Safari 5 კიდევ უფრო სწრაფი მუშაობა მიღწეულია სამი გზით. ჯერ ერთი, გაიზარდა JavaScript-ის დამუშავების დრო 25 პროცენტით. მეორე — გაუმჯობესდა კეშირების სისტემა — ბრაუზერი კეშში იწერს მონაცემთა მეტ ტიპებს. და მესამეც — Safari 5-ში დაემატა DNS-ის წინსმწრები ამოკრეფა. ეს ნიშნავს, რომ როდესაც ხსნით რომლეიმე გვერდს, Safari ავტომატურად გაირბენს ამ გვერდზე არსებიულ ბმულებზე და მოახდენს მისამართების ძებნას. შედეგად, საკმარისია რომელიმე ბმულზე დააწკაპუნოთ, რომ Safari უკვე დაიწყებს მისი მონაცემების ჩამოტვირთვას.

უნდა ავღნიშნოთ აგრეთვე, რომ Safari 5 ახლა უკვე იყენებს გრაფიკული ბარათის რესურებს ფანჯრებისა და ჩანართების კიდევ უფრო სწრაფად საჩვენებლად.

HTML 5. Safari მხარს უჭერს ამ ვერსიის მრავალ ახალ ფუნქციას, ადგილმდებარეობის განსაზღვრის, ვიდეოს სრულეკრანიანი რეჟიმის, ვიდეოს სუბტიტრების, გვერდის სტრუქტურის ელემენტების, HTML 5 AJAX-ისტორიის და სხვა მრავალი ფუქნციის ჩათვლით.

ორიოდე ეკრანული სურათი წარმადობის საჩვენებლად/

ასე იყო…

…და ასე გახდა…

სხვა ცვლილებებიდან აღსანიშნავია: Bing-ის საძიები სისტემის დამატება, ინტელექტუალური მისამართების ველი (ველში ტექსტის შეტანისას ხდება ვებ-გვერდების მონახულების ისტორიის გადამოწმება და სათაურების შედარება), პარამეტრი „ჩანართები“ საშულებას გვაძლევს ავტომატურად გავხსნათ გვერდები ახალ ჩანართებზე და არა ახალ ფანჯრებში.

სისტემური მოთხოვნები: Mac OS X 10.5.8 და უფრო ახალი; Windows XP SP2 და უფრო ახალი.

ვრცელდება უფასოდ.

გადმოქაჩეთ.

ჰო, ძალიან კარგი წიგნით დამასაჩუქრეს!

ჟურნალისტი Matt Hickey, მისი განცხადებით ნამყოფია სტივ ჯობსის 5 ან 6 გამოსვლაზე მაინც. აი რას წერს იგი: „ეს ყველაფერი ძალიან მხიარული რამ გახლავთ, როდესაც თქვენ იქ არ იმყოფებით. ხოლო თუ იქ ხართ (როგორც ჟურნალისტი), თქვენ ზედმეტად კონცენტრირებული ხართ პრეზენტაციის სწორ აღქმაზე, სტატიის დაწერაზე, ფოტოების გადაგზავნაზე და ა.შ.

ამჯერად მე გართობას ვაპირებ, ვინაიდან არ ვესწრები WWDC-ის. მე გავაკეთე ლოტოს ეს ბარათი, რათა კიდევ უფრო მეტი სიამოვნება მივიღო პროცესისაგან. თქვენც შეგიძლიათ დაბეჭდოთ ის. უყურეთ პრეზენტაციას და შეეცადეთ შეავსოთ მთელი მწკრივი ვერტიკალურად, ჰორიზონტალურად ან დიაგონალზე.“

მაგრამ ამ ყველაფერში იმალებოდა ერთი დიდი მაგრამ! ეს მოდელი განკუთვნილი იყო მხოლოდ… საგანმანათლებლო ბაზრისათვის. თუ რითი იყო გამოწვეული ასეთი ნაბიჯი — საიდუმლოდ რჩება.

უარეს კაცი ვერ მოიფიქრებს — საზოგადოება ყმუოდა როდესაც ასეთ კარგ მოდელს ხედავდა, მაგრამ შეძენა არ შეეძლო. აი მერე კი დაიწყო…

მაკ-საზოგადოებას თვეზე ნაკლები დრო დასჭირდა იმისათვის, რომ კუპერტინოს გული გაელღო რაც 2002 წლის 4 ივნისს მოხდა.

დანარჩენი ფოტოების ნახვა შეგიძლიათ აქ.

ამაზე მიუთითებს მაკ მინის უჩვეულო დეფიციტი აშშ-ში, სადაც დაფიქსირდა მოწოდების ვადის გადაწევებიც კი.

ამის გარდა, რამოდენიმე ეგზემპლარის შეკვეთის მცდელობისას, მივიღეთ უარი განმარტებით: „არ გვაქვს საწყობში და არ ვიცით როდის გვექნება“.

ყველა ამ ფატორს ნარნარად მივყავართ მაკ მინის ახალ მოდელამდე, რომლებიც… ცოტა მოულოდნელია. საქმე იმაშია, რომ ეფლის ტრადიციულად ძალზედ იშვიათად ანახლებს ამ კომპიუტერს, თუთქოს ეზარება ხოლმე. ბოლო განახლებას, რომლეიც გასულ შემოდგომაზე მოხდა, ორი წელი ველოდით. ამიტომ 6 თვის მერე ახალი განახლება ცოტა არ იყოს და უცნაურია.

მოკლედ, ასეა თუ ისე, ან დღევანდელი WWDC გადაწყვეტს ამ საკითხს (რაც მეეჭვება), ან არადა უახლოეს ხანში ვიხილავთ ახალ მინის.

ჯერ-ერთი, ფოტოს თვისებებში შეგვიძლია გავიგოთ, თუ რომელი ფოტოაპარატით არის ის გადაღებული — მითითებულია აპარატი Hasselblad CF528-39 – Rollei Lens Control S. რამდენადაც მივხვდით ეს არის 22 ან 39 მეგაპიქსელიანი აპარატი. მეორეც, შეგვიძლია გავიგოთ ფოტოს გადაღების დროც, ამ სურათზე გამოსახული Macbook Air-ი ოფიციალურ გაყიდვებამდე 4 თვით ადრეა გადაღებული.

უკვე სამი წელია ამ ღონისძიებაზე გამოდის აიფონის ახალი ვერსია. 2007 წელს გამოვიდა iPhone 2G, 2008 წელს — iPhone 3G, ხოლო შარშან, 2009 წელს — iPhone 3GS.

რაც შეეხება iPod Touch-ებს, მათი გამოჩენა WWDC-ზე არ არის მოსალოდნელი. სავარაუდოდ ეს მოხდება It’s Only Rock ‘n Roll 2010-ზე სექტემბერში.

• ახალი ფუქნცია Reader ვებ-საიტების უფრო მოხერხებულად სანახავად.
• JavaScript-ის წარმადობა მომატებულია 25%-ით.
• საძიებო სისტემების სიაში დამატებულია Bing-ი.
• გაუმჯობესებულია HTML5-ის მხარდაჭერა — GeoLocation, Fullscreen, HTML5-ვიდეო, WebSocket, AJAX history, Forms Validation და სხვა.
• ახალი პანელი Timeline Panel დეველოპერებისათვის.

ამის გარდა დამატებულია ახალი ფუქნცია Private-ი, გაუმჯობესებული უსაფრთხოებით და ოპტიმიზირებული ინტერფეისით. გაუჯობესდება აგრეთვე ბრაუზერის Windows-ვერსიაც.

მკვლევარები ამ ფაქტს ხსნიან iPhone-ისა და iPad-ის პოპულარობის მატებით. ისევე როგორც iPod-ის შემთხვევაში, ეს პროდუქტებიც თავის გარშემო ქმნიან ცხოვრების წესს: როდესაც Windows-ის მომხმარებელი ყიდულობს ეფლის პორტატულ ტექნიკას, მისი გადასვლა ეფლის კომპიუტერებზე გაცილებით ადვილად ხდება.

თუ რას წარმოგვიდგენს კომპანია ამ ღონისძიებაზე ჯერ-ჯერობით ზუსტად არ არის ცნობილი, თუმცა ეფლი არ მალავს, რომ ძირითადი აქცენტი გადატანილი იქნება iPhone OS-ის პლათფორმაზე. იმის ალბათობა, რომ შევძლებთ ვიხილოთ Mac OS X 10.7 ძალიან დაბალია.

მანამდე კი მოდით ვნახოთ ზოგიერთი ფოტო.

აპლიკაცია არ არის საჯარო და ხელმისაწვდომია მხოლოდ დეველოპერებისათვის, ვინც შეიძინა WWDC-იზე დასაწრები ბილეთი.

ეს მოსალოდნელი ფაქტი იყო.

სამწუხაროა, რომ ჩვენ ვერ შევძლებთ მათი ბლოგის საშუალებით ღონისძიების პირდაპირ ეთერში ყურებას. თუმცა წყაროებს რა დალევს? უახლოეს ხანში მოგაწვდით იმ საიტების ბმულებს, სადაც შეგეძლებათ WWC 2010-ის ყურება.

ახალ განყოფლებაში წარმოდგენილია ახალი ტექნოლოგიის გამოყენების მაგალითები, რომლებიც მხარდაჭერილია მაკის მიერ, როგორც დესკტოპ კომპიუტერებით, ასევე მობილურებით.

და ეს ოპერატორების ბრალი არაა, არამედ Apple-ისა. გაურკვეველი მიზეზის გამო iPhone-ი მხარს უჭერს ინტერნეტის გაცემას მხოლოდ USB-ისა და Bluetooth-ის მეშვეობით.

iPad-საც გამორთული აქვს Bluetooth-კავშირი მოდემისათვის.

ეს გახლავთ შიდაკორპორატიული შეტყობინება, რომელიც გუშინ გავრცელდა თანამშრომლებს შორის:

ამ მომენტიდან iPhone 3G-ი აღარ გვაქვს. გთხოვთ შესთავაზოთ კლიენტებს iPhone 3GS 16GB და 32GB. კ: როდის მივიღებთ iPhone 3G 8GB-ს ხელახლა საწყობში? პ: ამ მომენტში არ ვიცით.

პირველი კანდიდატი გახლდათ IBM-ის ერთ-ერთი ტოპ-მენეჯერი, მაგრამ მოლაპარაკება ვერ წარიმართა და შემდეგი კანდიდატი აღმოჩნდა ჯონ სკალი.

ისტორიები იმის შესახებ, თუ როგორ აიყვანეს სამსახურში სკალი, ძალიან ბევრია, დაწყებული სტივის ცნობილი ფრაზიდან გაზიანი წყლის გაყიდვის შესახებ და მაკის ეკრანებზე მოხტუნავე პეპსის საცობებით დამთავრებული. მაგრამ გავრისკავთ და ვიტყვით, რომ ყველაზე დიდი არგუმენტი გახდა შემოტავაზებული ხელაფსის ოდენობა: მილიონი დოლარი ტანხმობაზე, მილიონი დოლარი ხელფასი წლიურად, 350 ათასი აქცია და იმდენი პეპსი, რამდენსაც მოერეოდა.

ოფიციალურად ჯონ სკალი თანამდებობაზე დაინიშნა 1983 წლის 8 აპრილს.

ამ ისტორიაში არსებობს მცირე ქვეტექსტი, რომლის არშემჩნევა არ შეიძლება. ვინც არა ხართ საქმის კურსში, შეგიძლიათ ნახოთ ჩემი ამასწინდელი ჩანაწერი ბლოგზე.

ახლა კი ნახეთ რას ამბობს Microsoft:

„როდესაც საუბარი მიდის უსაფრთხოებაზე, ჰაკერებიც კი აღიარებენ, რომ ჩვენ ყველაზე უკეთ ვმუშაობთ ჩვენი პროდუქტების დაცულობაზე. და არა მარტო ჰაკერები ამბობენ ამას, არამედ ბაზრის გავლენიანი მოთამაშენიც, ინდუსტრიის ლიდერები. InfoWorld-ის დღევანდელ სტატიაში განიხილება, თუ რამდენად არიან მაკ-კომპიუტერები დაუცველნი საშიში პროგრამული უზურნველყოფისაგან. Microsoft-ი მომხმარებელთა უსაფრთხოებას მთავარ პრიორიტეტად აყენებს“.

სულ ცოტა ხნის შემდეგ ეფლის აქციების მსხვილი პაკეტები საფონდო ბირჟაზე გამოვიდა 15 დოლარად თითო აქციაში. გაჩნდა ჭორები, რომ ეს სტივი იშორებდა თავიდან მის საკუთრებაში არსებულ აქციებს.

თავიდან სტივი უარობდა, მაგრამ მოგვიანებით მან აღიარა, რომ მაშინ მან დაკარგა ეფლისადმი რწმენა და ცდილობდა აქციებისაგან მალე გათავისუფლებას.

არსებობს სხვა თეორიაც: ამ გაყიდვებით ჯობსი ცდილობდა დაეგდო აქციების ფასი, რითაც უფრო სწრაფად მოიშორებდა თავიდან ეფლის იმჟამინდელ პრეზიდენტს ჯილ ამელიოს.

ჩინურ კომპანია Foxconn-ში (რომელიც ეფლის დაკვეთით ამზადებს მის პროდუქციას) მომხდარ თვითმკველელობებზე კომენტარის გაკეთებისას მან აღნიშნა, რომ თვითმკვლელობების ხვედრითი წილი უფრო დაბალია, ვიდრე აშშ-ში. ეფლის მეთაურმა აგრეთვე აცნობაჟურნალისტებს, რომ iPad-ის გამოშვება დაგეგმილი იყო აიფონის პირველ ტაობაზე უფრო ადრე და მუშა სახელი ჰქონდა Safari Pad-ი. სტივმა ფლეშზეც ისაუბრა, მან ფლეში შეადარა ფლოპი დისკწამყვანებს, რომლებიც მისმა კომპანიამ თავის დროზე ბაზარზე პირველმა შემოიყვანა და მანვე პირველმა თქვა უარი მასზე.

როგორც ხედავთ ტელეფონს გააჩნია ფრონატლური კამერა, ტვ-ანტენა, ჯავას მხარდაჭერა, mini-USB და ციმციმაც კი.

„სიახლეს“ კი უნდა რომ ძალიან წააგავდეს ნამდვილ პროტოტიპს, მაინც გააჩნია გერგანი განსხვაბები.

ანდროიდის წილმა მოიმატა 5,3%-იდან 6,2%-მდე. ცოტაა, მაგრამ მისი ზრდის ტემპი უფრო მაღალია, ვიდრე აიფონისა.

ტაბლეტის ანონსის შემდეგ სააგენტომ განაცხადა, რომ ეფლი შეძლებდა 4 მლნ. პლანშეტის რეალიზაციას 2010 წელს. ამ პროგნისზის 50% უკვე გაყიდულია. თუმცა არსებობს შემაფერხებელი მომენტი —  აიპადი კვლავაც ყველგან დეფიციტია და ეფლი ვერ აუდის შეკვეთების მიღებას.

[youtube]http://www.youtube.com/watch?v=zBIitccr7bw&feature=player_embedded[/youtube]

აღნიშნული ჟურნალი მომზადდა Adobe-ის საგამომცემლო პლათფორმის (Digital Publishing Platform) საშულებით. ეს გახლავთ InDesign CS5-ის სპეციალური კომპონენტი, რომელსაც შეუძლია მულტიმედიის ჩვეულებრივ დაკაბადონებაში ინტეგრაცია და სპეციალურად აიპადისათვის მისი აწყობა.

„მსოფლიოს ყველა კუთხეში მომხმარებლებმა დააფასეს და შეიყვარეს ჩვენი პროდუქტი. ჩვენ ფრიად ვაფასებთ ამ ყურადღებას და შევეცდებით ისე გავაკეთოთ, რომ iPad-ი ყველას ეყოს“, — განაცხადა სტივ ჯობსმა.

გუგლი აღარ შეიძენს მაიკროსოფტის პროდუქციას ადრეული რაოდენობით — კორპორაცია ირჩევს მაკს, ვინაიდან თვლის ამ ოპერაციულ სისტემას უფრო დაცულს და უსაფრთხოს. ჯერ-ჯერობით საუბარია სამაგიდე კომპიუტერებზე. გუგლის გეგმებშია ასევე საკუთარ ოს-ზე გადასვლა.

[youtube]http://www.youtube.com/watch?v=MvCcMa740EI&feature=player_embedded[/youtube]

[youtube]http://www.youtube.com/watch?v=ATpSPNIuj3M&feature=player_embedded[/youtube]

მაშ ასე, ეკრანის გარჩევადობა იქნება 960×640 წერტილზე, ორჯერ უფრო მეტი, ვიდრე ახლანდელ მოდელშია. უნდა აღინიშნოს, რომ პიქსელების რაოდენობა კვადრატულ გოჯზე არის 320, ფრიად დიდი სიმკვრივეა დღეისათვის, მაგალითად HTC HD-ს ეს ნიშNული აქვს 217 პიქსელი, ხოლო Google Nexus One-ს — 252 პიქსელი. შედეგად ეკრანზე მივიღებთ ძალიან მკვეთრ გამოსახულებას. ასევე მკვლევარები გვატყობინებენ, რომ ახალი ტელეფონის ეკრანის მატრიცა ისეთივეა, როგორც iPad-ში.

WebKit-ი ღია წყაროზე დაფუძნებული პროექტია, თუმცა Apple-ი გახლავთ მისი ავტორი და ამჟამად მის განვიტარებაში ყველაზე დიდ მონაწილეობას ღებულობს. ეფლის გარდა, ამ ძრავს იყენებს Google Chrome-იც და კიდევ რამდენიმე სხვა ბრაუზერიც.

სავაჭრო ნიშნის რეგისტრაცია ალბათ არ არის დაკავშირებული კოდის დახურვის მცდელობასთან, ამ შემთხვევაში ბრაუზერების სხვა მწარმოებლები იძლებულნი გახდებიან საკუთარი ვერსიები შექმნან. მიუხედავად ამისა, თუ ეს სავაჭრო ნიშანი დარეგისტრირდება, ეფლი შეძებს მის ექსკლუზიურ გამოყენებას.

რას გვთავაზობს ახალს ეს ვერსია?

გარდა რამოდენიმე მცირე ცვლილებისა და კოდეკის SILK გამოყენებისა, რომელიც ხმის ჟღერადობის Near CD ხარისხს იძლევა, არის კიდევ ერთი დიდი სიახლე: ახლა ზარები მხარდაჭერილია არა მარტო WiFi-ით, არამედ 3G ქსელების გავლითაც!

[youtube]http://www.youtube.com/watch?v=RSeagZHeN0I&feature=player_embedded[/youtube]

მაგრამ არის ერთი მომენტი: წლის ბოლომდე ზარების განხორცილება უფასო იქნება, ხოლო შემდგომ ეღირება ყოველთვიურად რაღაც თანხა, ჯერ-ჯერობით უცნობია რამდენი.

„მოწყობილობი ახალი არქიტექტურა პირდაპირ დაეფუძნება Iphone 4-ს, პროცესორის და ფლეშ-დისკის ჩათვლით, მაგრამ შეძლებს სრულფასოვანი HD-ს ჩვენებას! სიახლე მცირე ზომისა იქნება და მხოლოდ ორი პორტი ექნება — კვებისა და ვიდეოგამოსასვლელი. მაგრამ ყველაზე მთავარი ფასია — 99 დოლარი“.

„უდაოა, რომ ეფლი წარმოადგენს ახალ აიფონს, ხოლო 3GS მოდელი გაიყიდება 99 დოლარად“, — დარწმუნებით აცხადებს შო ვუ (Shaw Wu). მაგრამ ახალი აიფონის გარდა, ჯობსი წარმოადგენს Mac Pro-სა და MacBook Air-ს.

ახალი არაფერი არ უთქვამს ვუს — ყველამ კარგად ვიცით, რომ ეფლი პერიოდულად ანახლებს თავის პროდუქტებს და ჩვენც კარგად შეგვიძლია გამოვთვალოთ განახლების მიახლოებითი დრო. საინტერესო სხვა რამ გახლავთ: ანალიტიკოსის განცხადებით ეფლი წარმოგვიდგენს ახალ სერვისს iTunes.com. თუ რა იქნება ეს ზუსტად, ჯერ არავინ იცის.

ზოგიერთი მონაცმით მარტო ევროპაში წინასწარმა შეკვეთებმა 900 000 ცალს გადააჭარბა.

ინგლისში ყველაზე მეტი ადამიანი ლონდონში შეიკრიბა ეფლის მაღაზიასთან. მათ შორის შემჩნეულია ცნობილი მწერალი და მსახიობი სტივენ ფრაი. ფრაი ჩადგა რიგში და შეიძინა აიპადი, შემდეგ კი ამის შესახებ თავის საიტზეც განათავსა ჩანაწერი.

ამასთან მაღაზიების “შტურმა” ნგრევისა და მსხვერპლის გარეშე ჩაიარა. :)

გერმანიაშიც ასევე ყველაფერი საკამოდ ეფექტურად მოხდა.

იაპონიაში, ტოკიოს პრესტიჟულ უბანში გინზაში რიგი აიპადებზე გახსნის მომენტისათვის დაახლოებით 1200 ადამიანი იყო.

იაპონია საერთოდ ეფლისათვის ძალიან კარგი ბაზარია. იაპონელები ჭკუაშეშლილები არიან ყოველგვარ გაჯეტებზე, გაჯეტომანია სჭირთ. რა გასაკვირია, რომ ეფლის ყოველი ახალი მოწყობილობა ამ ქვეყანაში სუპერპოპუარობით სარგებლობს.

[youtube]http://www.youtube.com/watch?v=ratQJyZhgcU&feature=player_embedded[/youtube]

ცვლილებები მატულობს რელიზიდან რელიზამდე და ამჯერად შეიცავს შემდეგ: მაკის მხარდაჭერა, Steam Cloud-ის მხარდაჭერა, გაუმჯობესებული გრაფიკული ეფექტები. ფასები ძალიან ნორმალურია: Half Life 2 ეღირება 6,99 დოლარი, გაგრძელებები — 5,99 თითოეული.

მართალია სამივე ეპიზოდი არაერთხელ მაქვს დაღეჭილ-გადაღეჭილი, მაგრამ დიდი სიამოვნებით კიდევ ერთხელ გავივლი, ამჯერად უკვე ოფიციალურად ნაყიდი ვერსიებით. თანაც მაკზე! :)

მოკლედ, ბალმერი არ დაესწრება WWDC-ის. არაუშავს საინტერესო ისედაც ბევრი გველის 7 ივნისს.

მაშ ასე, სულ ერთი კვირის განმავლობაში გადაწერილია Portal-ის 1,5 მილიონი ასლი, რომელიც უფასოდ რიგდებოდა. საინტერესოა ფაქტი, რომ სტიმი საშალებას აძლევს მის ავტორებს იქონიონ სტატისტიკა თუ როგორ მუშაობს პროგრამა კომპიუტერში. ჰოდა მაკზე პორტალი ხუთჯერ ნაკლებად „იქრეშებოდა“, ვიდრე ვინდოუსზე.

არ ვიცი რას შეიძლება ეს დავაბრალოთ, ალბათ მაკი უკეთესია ვიდრე ვინდოუსი? ;) მაგრამ კიდევ უფრო საინტერესო ის არის, რომ მთელი ამ კვირის განმავლობაში გაყიდვების 11 პროცენტი მოვიდა მაკ-თამაშებზე. ფრიად შთამბეჭდავი შედეგია!

ცოტაოდენი ინფორმაცია მის შესახებ:

• სამომხმარებლო მენიუების დამუშავება დასრულდა.
• მულტისაიტინგის ფუნქცია დასრულებულია.
• საკონტროლო პანელის გარეგანი სახე ცოტა გამსუბუქებულია

შეტანილია მრავალი ცვლილება, ამიტომაც ჩადგმების ავტორებმა აუცილბლად უნდა შეამოწმონ საკუთარი ნაკეთობების თავსებადობა.

რელიზის გამოსვლა დაგეგმილია ივნისის შუა რიცხვებში. გადმოიწერეთ WordPress 3.0 RC1

Trip Chowdhry, Global Equities Research-ის ანალიტიკოსი ამტკიცებს, რომ მთელი 7 წუთი დაჯავშნულია Visual Studio 2010-ის პრეზენტაციისათვის.

ასევე ის ამტკიცებს, რომ VS-ის ახალი ვერსია საშუალებას მისცემს დეველოპერებს დაწერონ აპლიკაციები iPhone-ისათვის, iPad-ისათვის და Mac OS-ისათვის.

და ყველაზე მთავარი: Chowdhry თვლის, რომ პრეზენტაციას წაიყვანს თვით ბალმერი!!!

P.S. მოკლედ, ისედაც ძალიან საინტერესო კონფერენცია, რომლის ყურებასაც მე პირადად ჩემს მეგობრებთან ერთად ვაპირებ, კიდევ უფრო საინტერესო ხდება! არ გამოტოვოთ, დარჩით ჩვენთან!

აქვე უნდა შევიტანო ერთი დაზუსტება, რომ საბაზრო კაპიტალიზაცია — საკმაოდ ფარდობითი რამ გახლავთ და აჩვენებს კომპანიის მიერ გამოშვებული აქციების საერთო ღირებულებას. ხოლო ვინაიდან აქციების კურსს ახასიათებთ მერყეობა, ამიტომ კაპიტალიზაცია არ შეიძლება ჩაითვალოს ერთიპორვნულ ფინანსურ მაჩვენებლად.

მიუხედავად ამ ყველაფრისა უკვე ფაქტი, რომ ეფლმა გადაუსწრო მაიკროსოფტს, მრავლისმეტყველია. 12 წლის განმავლობაში სტივ ჯობსის გუნდმა შეძლო ამ ამჩვენებლის 4ჯერ გაზრდა და 150 მილიარდის დამატება.

„ყოველდღიურ ბრაუზერად ვიყენებ WebKit-ის ღამეულ ანაწყობებს, მაგრამ Chrome-ი კარგია და მე მინდა მას მეორე შანსი მივცე.

Safari-ს უკვე კარგა ხანია სჭირდება ბოლო სესიის განმავლობაში დახურული გვერდების ხელახალი გახსნის ფუნქცია. ეს სიგიჟეა, რომ ბრაუზერი ისევე იქცევა, როგორც შორეულ 1993 წელს Mosaic-ი. მე ვიცი, რომ არსებობს ბრძანება „ბოლო სეანსის ფანჯრების ხელახალი გახსნა“, მაგრამ მე მინდა რომ ეს ავტომატურად ხდებოდეს. სხვათაშორის, საფარიში დღემდე არ არის ბრძანება „ბოლოს დახურული ჩანართის გახსნა“.

და კიდევ სხვა დიდი საკითხი, რომელიც არ არის საფარიში — გაფართოებების ნორმალური სისტემა. აი Apple-ს რომ უწევდეს უახლოეს ხანებშ რაიმე კონფერენციის ჩატარება, სადაც ის შეძლებდა ამდაგვარი სიახლის ჩვენებას…“

მხოლოდ იმის დამატება გვრჩება, რომ Apple-მა ორჯერ გამოიყენა WWDC Safari-ს ახალი ვერსიების წარსადგენად: 2007 წელს ეს იყო Safari 3-ის პირველი ბეტა, ხოლო 2009 წელს — Safari 4-ის ფინალური ვერსია.

სისტემური მოთხოვნები: Adobe Photoshop CS4 ან Photoshop CS4 Extended გადმოწერა (36მბაიტი).

ყველაფერი ეს ძალიან გვაგონებს შარშანდელ სიტუაციას, როდესაც გაყიდვაში გამოდიოდა iPhone 3GS-ი და iPhone 3G-ის ფასმა დაიწია. სავარაუდოდ ახლაც ასე მოხდება — გამოვა ახალი მოდელი, ხოლო iPhone 3GS-ის ფასი დაიწევს 99 დოლარამდე.

დანარჩენი იხილეთ აქ.

„Apple-ი გახსნის ყოველწლიურ კონფერნციას სტივ ჯობსის გამოსვლით ორშაბათს, 7 ივნისს, ადგილობრივი დროით 10 საათზე. წელს კონფერენციაზე დასასწრები ხუთი ათასივე ბილეთი სულ რვა დღეში გაიყიდა“.

ერთ-ერთმა სულწასულმა მისწერა სტივის წერილი: „Google-ი გიტევთ, აქვს კი რაიმე ისეთი Apple-ს, რომ ჩაძიროს კონკურენტი?“, რაზეც სტივმა უპასუხა: „თქვენ იმედგაცრულებული არ დარჩებით“.

რაღათქმაუნდა ჩვენ ვერ დავდებთ თავს, რომ ეს არ არის „ფეიკი“, ამიტომ ცნობისმოყვარეობას ვიკმაყოფილებთ ამით და ოლიმპიური სიმშვიდით ველოდებით 7 ივნისს.

საპარტნიორო ფორუმზე პეიჯს ჰკითხეს, თუ რას გეგმავს კომპანია ტელეფონების მუშაობის მცირე დროსთან დაკავშრებით. რაზეც პეიჯმა მიუგო, რომ არაფერსაც არ გეგმავს და მეტიც, აკუმულატორს არც არაფერი არ ჭირს, განაცხადა პეიჯმა.

სხვა საქმეა, რომ აკუმულატორს სვამენ ის პალიკაციები, რომლებიც ფონურ რეჟიმში მუშაობენ, მაგრამ ეს უკვე გუგლის პრობლემა აღარ გახლავთ. „შესაძლოა ჩვენ შევძლებთ უფრო დიდი აკუმულატორის მოცემას. მოდით ცოტა გვიან შევხვდეთ ამ საკითხზე“, ასე „მოუყომარა“ პეიჯმა დამსწრეთ.

ისღა დაგვჩენია დავამატოთ, რომ სწორედ ამ მიზეზის გამო (ავტონომიურობის მცირე დრო) ამდენი ხანი იკავებდა თავს ეფლი ფონური პროგრამების აიფონში დაშვებაზე. ჰოდა სტივი ასე საქმეებს არ „აყომარებს“…

ამ ქვეყნების მოქალაქეებს ახლა შეუძლიათ თავისუფლად გადმოწერონ აპლიკაციები აიპადისათვის.

Windows Vista-ს წარმოება ძალიან გაიწელა, ალბათ უფრო იმის გამო, რომ Microsoft-ი ჯიუტად ცდილობდა დაენერგა გამჭოლი DRM-ი. ეს მართლაც ტიტანური შრომა გამოვიდა, რომელმაც ადექვატური აღიარება ვერ პოვა. მაშინ როდესაც Microsoft-ი ამ ამოცანაზე ტვინს ასხამდა, კონკურენტებმა Apple-ისა და Google-ის სახით დაიპყრეს ინტერნეტ-შიგთავსის ბაზარი. ბალმერის გამოსვლის ფრაგმენტები შეგიძლიათ ნახოთ 30-წუთიან ვიდეოში (Silverlight).

PowerBook 500-მა პირველად მიიღო სტერო-სპიკერები, პირველად აღიჭურვა PCMCIA-ბარათების მიმღები სლოტით, გახდა პირველი ნოუთბუკი ნიკელ-ლითონჰიდრიდიანი აკუმულატორის მფლობელი.

თუმცა ყველაზე მნიშვნელოვანია სხვა რამ — მას პირველს ჰქონდა სენსორული ტრექპადი. ის ჯერ კიდევ 1988 წელს გამოიგონა ჯორჯ გერფერდმა, მაგრამ ვერცერთმა მწარმოებელმა ვერ გაბედა მასზე გადასვლა.

ვერავინ, ეფლის გარდა.

ჯერ-ჯერობით დეტალები უცნობია. როგორც გავიგეთ ის ორი კომპონენტისაგან შედგება. პირველი ყენდება თქვენს მაკში, მეორე — უშუალოდ iPad-ზე. მათ შორის კავშირი ხედება WiFi-ს მე შვეობით.

რა არანაკლებ მნიშვნელოვანია, მეორე დისპლეი სენსორული იქნება.

[youtube]http://www.youtube.com/watch?v=CSLqIkBv81s&feature=player_embedded[/youtube]

გაყიდვების მატება აპრილში განმოწვეულია Macbook Pro-ს ახალი მოდელების შედეგად.

ისტორიის პიკანტურიბა იმაშია, რომ თავის დროზე სწორედ ამ მოდელმა უბიძგა პირველი მაკის წარმოშობას ხელი. როგორ? ძალიან მარტივად — ადრე ეს მოდელი ცნობილი იყო როგორც Lisa.

და მიუხედავად იმისა, რომ ლიზა არა ნაკლებ ფენომენალური კომპიუტერი იყო, ვიდრე მაკი, მას კიდევ უფრო მეტი პრობლემა ჰქონდა, ვიდრე Mac XL-ს. ძირითადად ეს იყო მისი საშნლად დიდი ფასი.

ეს პრობლემები ეფლმა თითქმის გადაჭრა, თუმცაღა მანქანის ბედი მაინც გადაწყვეტილი იყო: 1985 წლის 15 მაისს მისი წარმოება შეწყდა.

რევოლუცია — ეს პირველ რიგში თავისუფლებაა. თავისუფლება პროგრამებისაგან, რომლებიც გპარავენ კონფიდენციალურ ინფორმაციას. თავისუფლება პროგრამებისაგან, რომლებიც ბრიდავენ აკუმულატორს. თავისუფლება პორნოსაგან. დიახ, თავისუფლება. დრო იცვლება და ზოგიერთი ჩამჟავებული „ვინდოზავრი“ უკვე გრძნობს — მათი სამყარო წარსულში იძირება. ასეა ეს.

სხვა დანარჩენი მახასიათებლები უცვლელი დარჩა.

მაკ-ვერსიის გახსნის მომენტისათვის კატალოგში მოცემულია სამოცამდე თამაში, მათ შორის Portal, Torchlight და Civilization IV. ინტერესის მომატების მიზნით 24 მაისამდე შეგიძლიათ Portal-ი უფასოდ გადმოტვირთოთ. ამისათვის დააყენეთ პროგრამული უზრუნველყოფა აქედან.

მათი განცხადებით, დღეში საშუალოდ ხდება iWork-ის-ის 2,5 ათასი ასლის ჩამოტვირთვა, ხოლო გამოსასვლელ დღეებში — 7,5 ათასი ჩამოტვირთვა. მარტივი გაანგარიშება გვაძლევს წლიურ 43 მილიონ დოლარს.

რაღათქმაუნდა ეს ციფრი ძლიერ განსხვავდება რეალური მონაცემებისაგან, თუმცა ის თუნდაც მიახლოებით მონაცემებს მაინც გვაწვდის.

მაგალითად, როგორც გვატყობინებენ გაჩნდა ახალი თავისებურებები მარავალამოცანიანობის რეჟიმში. კიდევ ერთი სიახლე — გამოსახულების სავალდებულო ფიქსაციის ღილაკი.

კიდევ ერთი სიახლე, რომლის შესახებაც გაცხადდა პრეზენტაციაზე გახლავთ API-ის იმ გამოძახებებთან წვდომა, რომელიც ეხება ვიდეოკამერას. ახალ ვერსიაში მხარდაჭერილი იქნება 720p, რაც უდაოდ გასახარებელი ფაქტია.

BoyGeniusReport-ის ინფორმაციით, კიდევ ერთი თავისებურება გახდა ფაილების გაცვლის შესაძლებლობა აიფონსა და კომპიუტერს შორის iTunes-ის საშუალებით. ალბათ ეს შესაძლებლობა უფრო მეტად იქნება ნაჩვენები ივნისის კონფერენციაზე.

სენსაციური სტატისტიკის მიხედვით პირველი სამი ადგილი ასე ნაწილდება: 36% — Blackberry, 28% — Android-ი და 21% — iPhone-ი. მნიშვნელოვანი შენიშვნა: გამოკვლევაში გათვალისწინებული იყო მხოლოდ სმარტფონების გაყიდვები, რის გამოც სხვა მოწყობილობები, რომლებზეც არის iPhone OS-ი, კადრს მიღმა დარჩნენ.

როგორც განაცხადა ოპერას ანალიტიკოსმა, ფილიპ გრენვოლდმა, მათი ბრაუზერი ოპერა მინი ჯერ კიდევ ვალდებულია მხარს უჭერდეს Flash-ს, მაგრამ ეს მალე შეიცვლება. ტექნოლოგია გამოყენებადია დინამიური შიგთავსისათვის, მაგრამ უსუსურია როგორც ვიდეოს შესაფუთად პროცესორის რესურსების უაზრო გამოყენების გამო.

“დღევანდელი ინტერნეტ-შიგთავსი ფლეშზეა დამოკიდებული. მოაშორეთ ეს ტექნოლოგია და თქვენ არ გექნებათ დღევანდელი ინტერნეტი… თუმცა ჩვენ ვთვლით, რომ მომავალი ღია სტანდარტებს ეკუთვნით, ფლეში კიდევ არ არის ღია”.

ასევე გრენვოლდმა აღნიშნა, რომ ფლეშ-ვიდეოს დრო წავიდა.

“ფლეშის, როგორც ვიდეო-კონტეინერის გამოყენებას აზრი არა აქვს ენერგიის და პროცესორის დიდი ხარჯვის გამო — თვენ შეძლებთ ერბო-კვერცხის მომზადებას მობილურ მოწყობილობაზე, თუ მასზე გაუშვებთ ფლეშს”.

— რატომ არ არის iPad-ში ბეჭდვის ფუნქცია?

— იქნება.

სააპრილო ჭორებმა iPhone OS 4.0-ში ბეჭდვის არსებობის შესახებ ოფიციალური დასტური მიიღეს ეფლის ხელმძღვალენისაგან.

MobileMe-ს დახმარებით შესაძლებელია ელფოსტოს, კონტაქტების და კალენდრების სინქრონიზაცია რამოდენიმე კომპიუტერზე, მათ შორის PC-ზეც. ასევე მისი დახმარებით შეგიძLიათ შექმნათ ფოტო ალბომები, იპოვნოთ დაკარგული აიფონი და შეინახოთ მაკ-კომპიუტერის სხვადასხვა სახის მონაცემები.

ჯერ-ჯერობით ჭორი ჭორად რჩება. ველით.

[youtube]http://www.youtube.com/watch?v=VRTE0cQywgE&feature=player_embedded[/youtube]

ვიდეოზე აღბეჭდილი კომპონენტები ზუსტად იმეორებენ აიფონის იმ პროტოტიპის ელემენტებს, რომელიც გასულ თვეში ამდენი ვნებათაღლევის საგანი გახდა.

SmartPhoneMedic სპეციალიზირდება აიფონების რემონტზე. კომპანიის განცხადებით, მას ჰყავს საკუთარი მომწოდებლები. თუ მისი მომწოდებლები ახერხებენ მწარმოებელი ქარხნებიდან ნაწილების მოწოდებას, მაშინ დიდი ლაბათობით შეგვიძლია ვისაუბროთ რომ ეს ნამდვილი აიფონია.

http://ipad.hi-tech.ge/

ჯერ-ჯერობით აქ დევს მხოლოდ აიპადის ქართული ინტერფეისი. მაგრამ სულ მალე დაემატება ქართული კლავიატურა (sic!). რეპოზიტარიუმის შექმნელი გახლავთ ბატონი დავით მაჭახელიძე დიდი მადლობა მას ამ საქმისათვის!

ყველაფერი ეს რომ ადამიანურ ენაზე ვთარგმნოთ გამოდის შემდეგი — ნიკიამ აირჩია ყველაზე მტკივნეული ადგილები, რათა თავისი წვლილი შეიტანოს ეფლის „ლპობაში“. სარჩელს განიხილავს ვისკონსინის შტატის ფედერალური საოლქო სასამართლო, რომლეშიც შარშან ასევე მონაწილეობდა ამ ორ კომპანიას შორის დაპირისპირების საკიტხების გარკვევაში.

Wall Street Journal-ის შემთხვევაში ხელმომწერებს უფასო წვდომა აქვთ ყველაფერზე, რაც გამოქვეყნდა გაზეთის საიტზე, მაგრამ საჭიროა 18 დოლარიანი ხელმოწერა ზოგიერთ ექსკლუზიურ შიგთავსზე. მერდოკის განცხადებით, ამონაგების ასივე პროცენტი მიდის მათ ჯიბეში და ეს ძალიან დიდი პლუსია, ხოლო Kindle-ის შემთხვევაში Amazon-ი ხელმოწერის თანხიდან რაღაც ნაწილს თავისთვის იტოვებს.

[youtube]http://www.youtube.com/watch?v=ytqqR6oiT8U&feature=player_embedded[/youtube]

[youtube]http://www.youtube.com/watch?v=2wklrVOFMKA&feature=player_embedded[/youtube]

ახალგაზრდა პიანისტი დიდ სცენაზე გამოსვლისას დემონსტრირებას უკეთებს თავის მუსიკალურ შესაძებლობებს Apple iPad-ზე.

ამ მოწყობილობის შექმნა დაიწყო 1993 წელს British Telecom-თან ერთად. ვარაუდობდნენ, რომ მისი დამხარებით მომხმარებლები შეძებდნენ დსიტანციურ სერვერთან დაკავშირებას, იქიდან საჭირო მულტიმედიური შიგთავსის გადმოტვირთვას და მის გაშვებას საიჯახო სისტემებზე. 1994 წელს შედგა ამ მოწყობილობის საცდელი გაშვება, რომლის ფარგლებშიც ის მიიღო 2500 ოჯახმა. შედეგები ისეთი გამოდგა, რომ 1995 წელს პროექტი დაიხურა.

ტექნიკური თვალსაზრისით Apple Interactive Television Box-ი, ისევე როგორც მოგვიანებით Apple TV, წარმოადგენს მაკის შეკვეცილ ვერსიას: პროცესორი Motorola, 4 მბაიტი ოპერატიული ბეხსიერება, MPEG-ის აპარატურული დეკოდერი და სისტემა Mac OS-ი QuickTime და QuickDraw მოდულებით. მასთან ძშეიძლება მაუსის, დისტანციური პულტის და CD-ROM-ის მიერთება. ქსელში ის გადის Ethernet-ის საშუალებით.

სხვათაშორის, მაშინვე Apple-მა გამოუშვა თავისი მაკის ყველაზე ცუდი მოდელი, Macintosh TV. ეს იყო მონობლოკი, 14 გიჯიანი ეკრანით და ჩადგმული TV-ტუნერით. მისი ფასი იყო 2100 დოლარი და იყიდებოდა 1993 წლის ოქტომბრიდან 1994 წლის თებერვლამდე.

დრეს გასაგებია, რომ მაშინ Apple Interactive Television Box-ს ვერ ექნებოდა წამრატება. მაშინაც კი, როცა 2007 წელს კომპანიამ გამოუშვა Apple TV, განასაკუთრებული წარმატებას ვერც მან მიაღწია. ზუსტად ამიტომაც კუპერტინო ამ ბიზნეს ეძახის ჰობის და ელოდებიან, როდესაც შიგთავსის მომწოდებლები მზად იქნებიან ქსელში მის წარმოსადგენად.

კომპიუტერი დიდი ზარზეიმით წარადგინეს სან-ფრანცისკოში Apple II Forever Conference-ზე, სადაც პუბლიკა მას ფეხზე დგომით მიესალმებოდა.

მაშინ ყველა თვლიდა, რომ Apple II სერია სამარადისოდ იარსებებდა, მაგრამ არავინ არ იცოდა, რომ კუპერტინო უკვე კარგავდა მისამდი ინტერესს. მათ კიდევ შეეძლოთ გაყიდვების მოცულობით გაესწროთ მაკისათვის და „ლიზასათვი“, მაგრამ Apple II-ის ბედი უკვე გადაწყვეტილი იყო.

და ამის მერე მიწისძვრა, რომელიც მოხდა სან-ფრანცისკოში Apple II-ის ამ მოდელის წარგენის შემდეგ შეიძლება ჩავთვალოთ ნიშანის მატარებლად.

ანალოგიური სტანდარტებია უსადენო კავშირგაბმულობაზე მრავალ ევოპულ ქვეყანაში, თუმცა არცერთ მათაგანს არ გაუკეთებია ანალოგიური.

აკრძალვა დაიწყო აშშ-ში გაყიდვების დაწყებიდან ცოტა ხანში, როდესაც ისრაელის მოქალაქეებმა დაიწყეს აიპადის შეკვეთა ინტერნეტ-მაღაზიებში. როგორც კი საბაჟოზე შემოვიდა მოწყობილობა, მთავრობამ უცებ მიიღო გადაწყვეტილება, რომ ეს „არასწორი“ გაჯეტია. ამით რათქმაუნდა გამოიწვია მოსახლეობის გააფთრება.

„დიახ, ეს კარგი პიარი იყო“, — აღაიარა ისრაელის კავშირგაბმულობის სამინისტროს პრეს-მდივანმა იეჰიელ შაბიმ. მითუმეტეს, რომ შემოწმებამ ვერაფერი ცუდი ვერ გამოავლინა.

ამის ახსნა შემდეგშია: თურმე არსეობობს iTunes-ის ორი 9.1.1. ვერსია — 9.1.1 (11) და 9.1.1 (12), მოკლედ ეფლის დეველოპერებსაც მოსდით იაღლიშები :)

პიველი მათგანი ურევს, ხოლო მეორე უკვე გასწორებული ვარიანტია.

ასე რომ თუ თქვენ პირველი ვერსია გაქვთ, დაუყოვნებლივ გაასწორეთ შეცდომა და გადმოწერეთ უახლესი ვერსია:

http://www.apple.com/itunes/

რამდენიმე საინტერესო ფაქტი სტივ ვოზნიაკის შესახებ:

• ვოზნიაკს რამდენიმე ფსევდონიმი აქვს: „The Woz“, „Wizard of Woz“ და „iWoz“. „WoZ“ (შემოკლებული „Wheels of Zeus“-იდან) — იმ კომპანიის სახელია, რომელიც ვოზნიაკმა დააარსა.
• სტივმა ერთხელ თქვა: „არასოდეს ენდო იმ კომპიუტერს, რომლის ფანჯრიდან გადაგდება არ შეგიძლია“.
• iPhone-ის და iPad-ის გაყიდვების დაწყებისას ვოზნიაკი სხვა ადამიანებთან ერთად იდგა რიგში.

მას ასე, წარმოგიდგენთ საუკეთესო ვიდეო-რგოლების ათეულს:

[youtube]http://www.youtube.com/watch?v=aoiGJMZjs0o&feature=player_embedded[/youtube]

[youtube]http://www.youtube.com/watch?v=ul7NkLGtD84&feature=player_embedded[/youtube]

[youtube]http://www.youtube.com/watch?v=kDIBS8o8ULk&feature=player_embedded[/youtube]

[youtube]http://www.youtube.com/watch?v=XyJAX8F2jPg&feature=player_embedded[/youtube]

[youtube]http://www.youtube.com/watch?v=0eQI_NJa6o4&feature=player_embedded[/youtube]

[youtube]http://www.youtube.com/watch?v=y7GnTprtUZg&feature=player_embedded[/youtube]

[youtube]http://www.youtube.com/watch?v=UMRmG72LBU8&feature=player_embedded[/youtube]

[youtube]http://www.youtube.com/watch?v=jnI0ndIF6BI&feature=player_embedded[/youtube]

[youtube]http://www.youtube.com/watch?v=obW80HDtNE4&feature=player_embedded[/youtube]

[youtube]http://www.youtube.com/watch?v=lLkCiYCsBKY&feature=player_embedded[/youtube]

“მოთხოვნა მიწოდებაზე მეტია”, — აცხადებს ნატალი კერისი, Apple-ის წარმომადგენელი. მისი განცხადებით, კომპანია ყველაფერს აკეთებს იმსათვის, რომ დააკმაყოფილოს მომხმარებელთა სურვილები.

პრველი 28 დღის განმავლობაში გაიყიდა 1 მილიონზე მეტი აიპადი.

ანალიტიკოსების განცხადებით iPad 3G კიდევ უფრო პოპულარულია, ვიდრე WiFi ვერსია.

აღნიშნული ღონისძიება გაიმართება Moscone Center-ში სან-ფრანცისკოში. საგამოფენო ცენტრი 5000 კაცს იტევს.

ბილეთების გაყიდვიდან სულ 8 დღე გავიდა და ამ დროისათვის ყველა ბილეთი გაყიდულია. და ეს იმის გათვალსიწინებით, რომ შარშანდელთან შედარებით ბილეთის ფასმა მოიმატა, 1295-დან 1599 დოლარამდე

შეგახენებთ, რომ WWDC 2009-ის ბილეთების გაყდვას ერთი თვე დასჭირდა. გამოდის, რომ ყოველწლიურად ინტერესი იზრდება დეველოპერების მხირდან და რომ გაისად ფასმა შეიძლება კიდვ უფრო მოიმატოს.

ავსტრალია

iPad wi-fi

• 16Gb – AUS$629
• 32Gb – AUS$759
• 64Gb – AUS$879

iPad wifi + 3G

• 16Gb – AUS$799
• 32Gb – AUS$928
• 64Gb – AUS$1049

კანადა

iPad wi-fi

• 16Gb – $549
• 32Gb – $649
• 64Gb – $749

iPad wifi + 3G

• 16Gb – $679
• 32Gb – $779
• 64Gb – $879

საფრანგეთი და იტალია

iPad wi-fi

• 16Gb – 499 €
• 32Gb – 599 €
• 64Gb – 699 €

iPad wifi + 3G

• 16Gb – 599 €
• 32Gb – 699 €
• 64Gb – 799 €

ესპანეთი

iPad wi-fi

• 16Gb – 479 €
• 32Gb – 579 €
• 64Gb – 679 €

iPad wifi + 3G

• 16Gb – 579 €
• 32Gb – 679 €
• 64Gb – 779 €

ინგლსი

iPad wi-fi

• 16Gb – £429
• 32Gb – £499
• 64Gb – £599

iPad wifi + 3G

• 16Gb – £529
• 32Gb – £599
• 64Gb – £699

ამ დრეს აიპადები გაყიდვაში გამოვა 9 ქვეყანაში: ავსტრალია, კანადა, საფრანგეთი, გერმანია, იტალია, იაპონია, ესპანეთი, შვეიცარია და დიდი ბრიტანეთი. 10 მაისიდან შესაბამის ინტერნეტ-მაღაზიებში წინასწარი შეკვეთის ფუნქცია ამუშავდება.

კიდევ უფრო პიკანტურობას ამ სიტუაციას ის მატებს, რომ AdMob-ის მიერ გამოქვეყნებული მონაცემებით Android-ი უსწრებს ეფლის პროდუქტებს. ნაწილობრივ ეს შეიძლება იმას დავაბრალოთ, რომ AdMob-ი იყიდა გუგლმა, ნაწილობრივ — შეფასების მეთოდებს. პრინციპში Chitika-ს მხარს უმაგრებს comScore-ის მონაცემები, რომლის მიხედვითად Apple iPhone-ის წილად სმარტფონების ბაზროს 25% მოდის.

ხოლო Android-გაჯეტების წილად მხოლოდ 5.2%.

— როდისთვის აპირებს Apple-ი HTML5-ის სრულფასოვანი მხარდაჭერის უზრუნველყოფას Safari-ში, გეოლოკაციის API-ს ჩათვლით?

ჯობსის პასუხი როგორც ყოველთვის ლაკონური იყო:

— მალე.

ამ ეტაპზე Safari-ში HTML5-იდან მხარდაუჭერელ შესაძლებლობებს შორისაა Geolocation API, Drag and Drop, Form Features, Inline SVG და ა.შ. ამ დროს Google Chrome-ს ამის მხარდაჭერრა უკვე აქვს. ზუსტად ამიტომაც სტივის ლაკონური პასუხი არა ბანალური თავის არიდებაა პასუხისაგან, არამედ იმის მაჩვენებელი, რომ კომპანია მართლა მუშაობს ამ საკითხის გამოსწორებაზე.

მისი განცხადებით, HTML5-ზე მათ დიდი გეგმები აქვთ, მიუხედავად იმისა, რომ ზოგიერთი ამ სტანდარტს განიხილავს როგორც Flash-ის კონკურენტს. „Adobe შექმნის პროგრამირების საუკეთესო ხელსაწყოებს მათთვის, ვინც მოისურვებს საკუთარი შიგთავსის HTML5-ში შექმნას. საუბარი არაა HTML5-ისა და Flash-ის დაპირისპირებაზე. ისინი ურთიერთხელსაყრელია ორთავესათვის. ყველაზე მნიშვნელოვანი საკითხი — ქსელში არჩევანის თავისუფლებაა“.

ბოლო ორი კვირის განმავლობაში Apple-მა აიღო ორი საინტერესო პატენტი, რომლებიც გვიჩვენებენენ სტივის კომპანიის მუშაობას ამ მიმართულებით.

პირველ პატენტში ეფლი გვთავაზობს პირდაპირ დავუკავშიროთ სამუშაო დაფის ელემენტები მიმდინარე განათების წყაროსთან. პრაქტიკაში ეს ძალიან მარტივია: Apple-ის კომპიუტერები უკვე დიდი ხანია აღჭურვილია განათების სენსორებით, ახლა კომპანიას სურს ასევე სინათლის წყაროს მიმართულების გამოცნობაც. ამაზე დამოკიდებულებით შეიცვლება სამუშაო დაფაზე შუქ-ჩრდილების მიმართულებაც.

ზუსტად ასევე ეფლი გვპირდება, რომ შეცვლის ეკრანის საერთო სურათის პარამეტრებს, ფერთაგადაცემის ჩათვლით.

ძირითადი იდეა მაინც იმაშია, რომ კიდევ უფრო შემცირდეს სხვაობა რეალობასა და ვირტუალურ სამყაროს შორის. თქვენი საქაღალდეები და დოკუმენტები სამშაო დაფაზე უნდა გახდნენ თქვენი ჩაის ფინჯანის გარგძელება, რომელიც რეალურ მაგიდაზე დგას.

მეორე პატენტში კომპანია აღწერს სამგანზომილებიანი ვიჯეტების ახალ სისტემას, რომელთა წახნაგებზე შეიძლება ინახებოდეს სხვადასხვა ინფორმაცია. მომხმარებელს შეუძლია ატრიალოს ეს ვიჯეტები რეალურ დროში და მიიღოს საჭირო ინფორმაცია.

დავამატებ, რომ Mac OS X 10.7 ჯერ არის წარმოდგენილი. იქნება და მაგ ვერსიაში გვაჩვენებს ეფლი ახალ, სამგანზომიელბიან Finder-ს?

AVCaptureSessionPreset640x480 AVCaptureSessionPreset1280x720

ტრადიციულად აიფონი ვიდეოს იღებს VGA ხარისხით, გარჩევადობით 640X480. ახლა როგორც ჩანს მოტანილი მაგალითიდან შესაძლებელი იქნება ვიდეოს უფრო მაღალი ხარისხით გადაღება.

დღეისათვის Microsoft-ის პროგრამით სარგებლობს მომხმარებელთა 59,95 პროცენტი. ორი წლის წინ ეს მაჩვენებელი 80 პროცენტი იყო.

დიდი ნაწილი გადავიდა Firefox-ზე, რომლესაც დღეისათვის ბაზრის 25 პროცენტიანი წილი აქვს. Google Chrome-ს — 6,7 პროცენტი, ხოლო Apple Safari-ს — 4,72 პროცენტი. Opera როგორც ყოველთვის აუტსაიდერია — 2,3 პროცენტი.

იგივეა ipad-ის შემთხვევაშიც. თუ ჯერ არ გიყიდიათ ესეთი მშვენიერი პატარა დამხარე, ან ძალიან გეჩქარებათ, შეგიძლიათ მოიქცეთ როგორც ეს ამ კლიპშია ნაჩვენები:

[youtube]http://www.youtube.com/watch?v=4YE8rGuLCtU&feature=player_embedded[/youtube]

თუმცა როდესაც ბაფეტმა თქვა, რომ iPad მართლაც რევოლუციური მოწყობილობაა, რომლესაც თავისუფლად შეუძლია შექმნას ახალი დარგი, გეიტსმა უპასუხა, რომ Microsoft-ს მრავალი საინტერესო პროექტი აქვს, რომლებშიც ის ჯერ კიდევ პიონერია და რომ მომავალში მათგან უნდა ველოდოთ ინოვაციებს.

Dashboard-ის გადმოწერა შესაძლებელია ModMyi რეპოდან.

[youtube]http://www.youtube.com/watch?v=NBIlyC71oeo&feature=player_embedded[/youtube]

გუშინ გახდა ცნობილი, რომ LG Display-მ წააგო სასამართლო პროცესი ტაივანურ კომპანია AU Optronics-თან ამ საპატენტო დავაზე. ახლა AU Optronics-ს გააჩნია ყველა უფლება რომ მოითხოვოს წარმოების გაჩერება, ეს კიდევ აისახება iPhone HD/4G-ის წარმოებაზე.

ოფიციალური კომენტარები ჯერ არ გალეთებულა არც Apple-ისაგან და არც AU Optronics-ისაგან.

თეორიულად ჯობსის გამოჩენა ამ ღონისძიებაზე ფართო მასებს მისცემს საშუალებას არა მარტო კიდევ ერთხელ დარწმუნდნენ მისი ჯანმრთელობის გაუმჯობესებაში, არამედ გაარკვიონ ზოგიერთი კომპანიასთან დაკავშირებული საკითხები, როგორიცაა Apple-ისა და Adobe-ს კონფლიქტი.

“ყველა ვიდეო კოდეკი დაცულია პატენტებით. საპატენტო ნაკრები გროვდება ამ მომენტში, რომ ერთ ადგილას მოვსვათ Theora და სხვა “ღია წაყაროს” კოდეკები. სამწუხაროდ, თუ ვინმე თავის თავს უწოდებს open source-ს, ეს არ ნიშნავს, რომ ის არ არღვევს სხვის პატენტებს. ღია სტანდარტი — ეს ცოტა სხვა რამეა, ვიდრე royalty free ან open source”.

გარიგება, რომლის ღირებულებაც არ სახელდება, დასრულდა გასული თვის ბოლოს. “ამით მათ თავიანთ საისრეს მეორე ისარი დაამატეს”, ამბობს ანალიტიკოსი ტომ ჰალფილი. მისი შეფასებით, ამდაგვარი შენაძენი ეფლს დაახლოებით 120 მილიონი დაუჯდებოდა. “კუპერტინოსათვის ეს მზესუმზირის ფულია, ხოლო მოგება ამ შენაძენიდან ძალიან დიდი”.

დაუზუსტებელი ინფორმაციით Intrinsity მუშაობდა Apple-თან ერთად ახალ პროცესორზე  A4. ზუსტად მათი ტექნოლოგიების დამსახურებაა პროცესორის 1 გჰც-მდე გაქაჩვა ელკვების დიდი მატების გარეშე.

ალბათ ეფლს იმდენად მოეწონა ამ კომპანიის მუშაობის შედეგები, რომ გადაწყვიტა აღარავისათვის არ გაეყო მათი თავი.

ipa-ფორმატის აპლიკაციების დასაყენებლად ჩვენ დაგვჭირდება ფაილი mobileinstallation-ი, ამისათვის გავუშვათ cydia და დავამატოთ cydia.hackulo.us:

ავირჩიოთ პროგრამა AppSync 3.2 ვერსისათვის და დავაყენოთ:

დავამატოთ საჭირო აპლიკაცია iTunes-ში, დავასინქრნიზიროთ და ეგაა!

კარგად ცნობილი Szenchuan-ი აპირებს დაიწყოს ფრიად საინტერესო კლონის გაყიდვა, რომელიც ალბათ ზოგერთს მართლაც მოეწონება. გარეგნულად ის ძალიან წააგავს iPad-ს, შიგთავსიც საკმაოდ მსგავსია: პროცესორი ARM Cortex-A8 1გჰც, ოპერატული მეხსიერება 512 მბაიტი, 10 გოჯიანი ეკრანი 1024×600 გარჩევადობით და 2400 მა/ს აკუმულატორით. ყველაზე საინტერესო კი ისაა, რომ მოწყობილობის ოს-ი იქნება Android 2.1.

გაყიდვების დაწყების ვადების შესახებ ჯერჯერობით არ გვატყობინებენ.

„ერთი მილიონი პლანშეტი 28 დღეში — ეს ორჯერ ნაკლები დროა, ვიდრე ის ცნობილი 74 დღე, რომელიც საჭირო გახდა თავის დროს iPhone-ის პირველი მოდელის გაყიდვისათვის”, ამბობს სტივ ჯობსი. “მოთხოვნა ჩვენს საწარმოო შესაძლებლობებს აღემატება და ჩვენ ვმუშაობთ ამ საკითხის გადაწყვეტაზე“.

Apple-ის სტატისტიკის მიხედვით, დღეისათვის App Store-დან ჩამოტვირთულია 200 ათასი აპლიკაცია, რომელთაგანაც ხუთი ათასი სპეციალურად iPad-ისთვისაა დაწერილი.

კიდევ ორი საინტერესო ფაქტი. iPad-ის მფლობელებმა 3 კვირაში ჩამოტვირთეს აპლიკაციების 12 მილიონი ასლი და 1,5 მილიონი წიგნი.

ამ ინფორმაციის შემდეგ Apple-ის აქციების ფასმა 2 პროცენტით მოიმატა 266,35 დოლარამდე.

ბიჯი 2 განვაახლოთ iTunes ბილო ვერსიამდე (9.1.1): http://www.apple.com/itunes/download/

ბიჯი 3 გავუშვათ Spirit Jailbreak.

ყურადღება! Windows 7-ის მომხმარებლებო: აუცილებელია Spirit-ის გაშვება Windows 98-თან თავსებადობის რეჟიმში.

ბიჯი 4 მივუერთოთ iPad 3G ან iPad WiFi კომპიუტერს USB კაბელით. მიერთებისას, Spirit-ი ამოიცნობს მოწყობილობას. ვაჭერთ ღილაკზე Jailbreak.

ბიჯი 5 Spirit-ი მოახდენს აიპადის Jailbreak-ს.

ბოლოს გამოჩნდება შეტყობინება, რომ პროცესი დასრულდა წამრატებით. ვაჭერთ ღილაკზე Exit.

ყურადღება!!! მე არ ვაგებ პასუხს, თქვენი მოწყობილობის დაზიანების შემთხვევაში. ყოველივე ზემოაღნიშნულს თქვენ აკეთებთ საკუთარი ნება-სურვილით. ;)

• პროგრამას შეუძლია მიუბმელი ჯეილის გაკეთება iPhone 3G/3GS, iPod Touch და iPad-ისათვის მიკროკოდი: 3.1.2, 3.1.3 და 3.2;
• Spirit-ი მუშაობს iTunes-ის ყველა ვერსიაზე (9.1.1-ის ჩათვლით);
• თქვენი მოწყობილობა უნდა იყოს გააქტიურებული სანამ გაუშვებთ Spirit-ს.
• Spirit-ი არ  არის ანლოქი, მხოლოდ ჯეილბრეიქი;
• თუ თქვენი მოწყობილობა განბლოკილია სხვა მეთოდით, ჯერ უნდა გაუკეთოთ Restore.

გადმოქაჩეთ სამარჯვი: http://spiritjb.com/ — საიტზე არის როგორ Mac, ასევე Win ვერსია.

მოწყობილობის გააქტიურებისათვის სხვა ოპერატორის ქსელში საკმარისია უბრალოდ მოჭრათ სიმ-ბარათი microSIM-ის ზომებამდე და ჩადოთ აიპადში. ამ დროს, როგორც გამოცდილება გვიჩვენებს, აიპადი მუშაობს არა მარტო 3G ქსელში, არამედ EDGE-ს გამოყენებითაც.

დეტალები იხილეთ ვიდეოში:

[youtube]http://www.youtube.com/watch?v=3utzPkUA9Ok&feature=player_embedded[/youtube]

SMS-ები იგზავნება AT+CMGS ბრძანების მეშვეობით. დაბალდონიანი ბრძანებების გამოყენება იძულებითი ხერხია, ვინაიდან აიფონის MobileSMS.app არაკორექტულად მუშაობს აიპადზე.

[youtube]http://www.youtube.com/watch?v=Q1P7Cya9wmM&feature=player_embedded[/youtube]

ტესტის პირობები: განათება დაყენებულია 50%-ზე, “მძიმე” ვებ-გვერდის მუდმივი განახლება (1 წუთში ერთხელ).

• Wi-Fi მოდელი, ჩართული 802.11n ქსელის პირობებში, 10 საათის და 21 წუთი.
• 3G მოდელი, გამორთული Wi-Fi-თ, 8 საათი და 38 წუთი.

ძალიან კარგი შედეგია.

ცხადია, რომ ამ სიაში არ შეიძლებოდა არ მოხვედრილიყო სტივ ჯობსი. თანაც რაც საინტერესოა, თავფურცელზე სტივი ორჯერაა გამოსახული. ყველა პიროვნება, ვინ სიაში მოხვდა, გაყოფილია ოთხ ჯგუფად: “ლიდერები”, “გმირები”, “არტისტები” და “მოაზროვნენი”. ჯობსი რასაკვირველია მოხვდა მოაზროვნეთა კატეგორიაში. კიდევ ერთი საინტერესო მომენტი: მოკლე შენიშვნებს პერსონების შესახებ წერენ სხვა ცნობილი ადამიანები. ჯობსის შესახებ ინფორმაცია მოამზადა სახელგანთქმულმა თანამედროვე მხატვარმა ჯეფ კუნსმა.

მოდით ვნახოთ რას წერს იგი:

„ძირითადი მიზანი Apple-ისათვის ყოველთვის იყო ის, რომ გაეხადა ადამიანისა და კომპიუტერის ურთიერთობა მაქსიმალურად მოსახერხებელი და რომ ადამიანს ამით სიამოვნება მიეღო. ჯერ კიდევ ყმაწვილკაცობისას სტივ ჯობსმა გადაწყვიტა გამხდარიყო Beatles კომპიუტერულ სამყაროში.

მე ერთხელ ვთქვი, რომ ჩემს ხელოვნებაში ვაკეთებ იმას, რასაც გააკეთებდნენ Beatles, მოქანდაკენი რომ ყოფილიყვნენ ისინი. ამიტომ მე შემიძლია გავუგო, თუ როგორ იყენებს სტივი ჯგუფის ოპტიმიზმს მუშაობაში. ის ხელსაწყოები, რაც მან ჩვენ მოგვცა, ჰგვანან სუფთა და ახალ ფანჯრებს, რომლებიც ელეგანტურადაა ჩასმული ჩვენსა და ჩვენს სამუშაოს შორის.

ძალიან სასიამოვნოა, რომ წლებთან ერთად სტივი კვლავინდებულად რჩება საკუთარი თავისა და მსოფლმხედველობის ერთგული.

მე შემიძლია წარმოვიდგინო თანამედროვე მხატვრები, რომლებიც ამბობენ: “მე ვაკეთებ იმას, რასაც გააკეთებდა სტივ ჯობსი, მოქანდაკე რომ ყოფილიყო“.

ამასწინათ ცნობილი გახდა, რომ Microsoft-ი უარს ამბობს Courier-ზე. თურმე იმის გამო, რომ სურს მთელი ძალების კონცენტრირება სხვა პროდუქტებზე, კერძოდ კი Windows Phone-ზე. კომპანიაშ აცხადებენ, რომ ამ პროექტის ზოგიერთი პრინციპი და იდეა გამოყენებული იქნება სხვა პროექტებში.

ნუთუ პაწარბილი ისე დაჩაჩანაკდა, რომ რამდენიმე პროექტის მართვაც აღარ შეუძლია?

კომპანიის განცხადებით, WWDC-ის დღეებში საგამოფენო კომპლექსში Moscone West იმუშავებს კომპანიის 1000-ზე მეტი ინჟინერი, რომლებიც კონსულტაციებს გაუწევენ დეველოპერებს.

ერთ-ერთი ყველაზე მნიშვნელოვანი მომენტი იქნება iPhone-ის ახალი ვერსიის წარმოდგენა.

ბოლო წლებში Apple-ი აიფონების წარმოდგენას ყოველთვის ახდენდა WWDC-ზე, ოღონდ გაყიდვები რამდენიმე კვირის შემდეგ იწყებოდა. ერთ-ერთი ირიბი მტკიცებულება იმისა, რომ წელს აიფონი ოდნავ ადრე გამოვა გაყიდვაში არის AT&T-ის თანამშრომლების შვებულებების შეზღუდვა ივნისის თვეში.

უკვე ახლავე შეიძლება ითქვას, რომ წლევანდელი WWDC არ ჰგავს წინებს. გარდა იმისა, რომ აქცენტი Mac OS X-იდან გადატანილია iPhone OS-ზე, შეგვიძლია ავღნიშნოთ კონფერენციის გვიანდელი ანონსი — ადრე ეს თებერვალ-მარტში ხდებოდა. გამორიცსული არაა, რომ ეფლი კონფერნეციის ჩატარებას უფრო გვიან გეგმავდა, მაგრამ ინფორმაციის არნახულმა გაჟონვამ აიძულა ეფლი გადმოეტანა WWDC-ის ჩატარების დრო.

[youtube]http://www.youtube.com/watch?v=YP6lIcScVh0[/youtube]

Apple-ის ოფიციალური მონაცემებით გაყიდვების პირველ დღეს გაიყიდა 300 000 ეგზემპლარი, პირველი ხუთი დღის განმავლობაში — 450 000 ცალი, ხოლო პირველი კვირის განმავლობაში — 500 000 ცალზე მეტი.

აპლიკაციები პირობითად შეგვიძლია გავყოთ ორ ჯგუფად: სისტემური, რომლებიც აიპადს მოყვება და დამატებითი, რომელთა გადმოტვირთვაც და დაყენებაც შეგიძლიათ.

სისტემური აპლიკაციები

დასაწყისისათვის უნდა ავღნიშნო, რომ აიპადს იმაზე ნაკლები სისტემური აპლიკაცია მოყვება, ვიდრე ეს იყო აიფონის შემთხვევაში — პროდუქტის გამოშვების სიჩქარის გამო, თუ სხვა რამ მიზეზით ამ ეტაპზე სისტემაში არ მოხვდნენ შემდეგი აპლიკაციები:

• ამინდი
• აქციები
• კალკულატორი
• საათი.

საბედნიეროდ პირველი ორი პუნქტი ადვილად გადასაწყვეტია — App Store-ში მრავლადაა ამინდისა და აქციების საცქერი პროგრამები, ასე რომ პრობლემა მარტივად წყდება. კალკულატორებიც ბლომადაა, ესეც არაა პრობლემა.

საათს რაც შეეხება, მართალია აიპდს აქვს თავისი სისტემური საათი, რომელიც ზედა ზოლში ჩანს, მგარამ ცალკე პროგრამის სახით, სადაც შესაძლებელი იქნებოდა სხვადასხვა ქალაქების დროის ნახვა, არ არის წარმოდგენილი. შესაბამისად არ გვაქვს მაღვიძარას ფუნქცია. პრობლემა სხვა რამეშია: სანამ აიპადს არ დაემატება მრავალამოცანიანი რეჟიმი, მაღვიძარაზე ფიქრიც არ ღირს. მაღვიძარა, რომელიც მარტო მაშინ მუშაობს, როცა ის გაშვებულია, მაღვიძარა არაა.

თავიდანვე არ მომეწონა ერთი რამ. აიპადის დოკზე მხოლოდ 4 ხატულაა განთავსებული, თუმცა კიდევ ორი ნებისმიერის ჩამატება არის შესაძლებელი. ამასთან სამუშაო დაფაზე ხატულები ერთმანეთისაგან საკამოდ შორიშორსაა განთავსებული. ეს მაფიქრებს იმას, რომ მიკროკოდის შემდეგ ვერსიაში შესაძლოა ეს სქემა შეიცვალოს. კარგი იქნებოდა, რომ ეფლმა შემოიღოს ე.წ. ვიჯეტების პრინციპი, საჭირო ინფორმაციასთან ადვილი წვდომისათვის. აგრეთვე ვფიქრობ, რომ ახალ მიკორკოდში რეალიზებული იქნება Folders-ების პრინციპი, როდესაც ერთგავროვანი აპლიკაციები ერთად იქნება თავმოყრისლი, რაც საშუალებას მოგვცემს 2160 აპლიკაცია ვიქონიოთ ერთ მოწყობილობაში (დედა, არ გინდა გაერკვე ამხელა ოდენობაში!?).

სხვა დანარჩენი სისტემური აპლიკაციები აიფონიდან გადმოვიდა აიპადში. მათი სრული ნუსხა და ეკრანის ანაბეჭდების ნახვა შეგიძლიათ
Apple-ის საიტზე. მოდით ცოტ-ცოტა თითოეულ მათგანზე ვისაუბროთ (უფრო ვრცლად არ გამოვა, ყოველ მათგანს მინიმუმ ერთი სტატია მაინც უნდა დაუთმო, რასაც მოგვინებით გავაკეთებ):

Maps — მიუხედავდ GPS-ის არარსებობისა, ძალიან კარგი გამოყენება აქვს. მართალია მე ვერ შევძელი Wi-Fi ქსელში ჩემი ადგილმდებარეობის მოძიება, მაგრამ სამაგიეროდ დიდ ეკრანზე ერთი სიამოვნებაა რუკის თვალიერება.

Video — ძალიან კარგად აჩვენებს ვიდეოს, არ უჭირს HD-ვიდეოს ჩვენება. თუმცა უნდა აუცილებლად გავითვალსიწინოთ, რომ Apple-ის პროდუქტები მუშაობენ მხოლოდ მშობლიორ ფორმატთან, ასე რომ Divx-ებით და მისთანებით დაკონვერტირებული ვიდეო უნდა გადააკონვერტიროთ, რომ შეძლოთ მისი გადატანა აიპადში.

Photos — ძალიან მომეწონა. ყველამ, ვისაც ვანახე აიპადი, დიდი ინტერესით „ითამაშა“ ფოტოებით.

Mail — აი რაც ყველაზე მეტად მომეწონა და აქტიურად ვიყენებდი, ეს პროგრამა იყო. როგორც კი მივიღე აიპადი, იმავწუთს დავამატე ჩემი MobileMe-ს და GMail-ის ანგარიშები. ასევე რათქმაუნდა ჩავრთე Notification-ები. წერილის მოსვლა არ გამოგრჩებათ რაღათქმაუნდა. თუმცა კვლავაც ქართული კლავიატურის არარსებობა მაფერხებდა. იძულებული ვხდებოდი გადავმჯარიყავი ჩემს Macbook Pro-სთან პასუხის ქართულად მისაწერად. მე უკვე დიდი ხანია აღარ ვიყენებ ლათუნურ შრიფტს ქართული ტექსტის ასაკრეფად, რასაც ვერ ვიტყვი ზოგიერთ ჩემს რესპოდენტზე. ჰო, ბარემ სიტყვამ მოიტანა და აქვე დავწერ, გთხოვთ არ მომწეროთ ლათუნურად ქართული ტექსტი, თუ რათქმაუნდა სხვა გზა არ გაქვთ, მასეთებს როგორც წესი არ ვკითხულობ ხოლმე. ჯობსმა ბოლო პრეზენტაციაზე ახალი მიკროკოდის ერთ-ერთ ფუქნციად გვაჩვენა ერთიანი Inbox-ი. აიპადის ახლანდელ მიკროკოდში ეს ჯერ არ არის, შემოდგომაზე იქნება. მე მიყვარს, როცა შემიძლია ყველა წერილი ერთ საქაღალდეში ვნახო, ასე რომ ჩემთვის ეს საჭირო ფუნქციაა.

Safari — ეს რაღაც არაჩვეულებრივია! ისევ სტივს დავესესხები ფრაზას, რომელიც მან წარმოთქვა აიპადის პრეზენტაციისას: „iPad-ს გააჩნია რევოლუციური შესაძლებლობები და მათ შორისაა ვებ-საიტების დათვალიერება!“. ამაზე ბევრმა ირონიული ხუმრობების მთელი წყება გამოუშვა: ვებიოს ნახვა ახლა ხომ ყველაფერზეა შესაძლებელი. მაგრამ შეგძნებები 100%-ით გეცვლება, როდესაც ინტერნეტს ათვალიერებ აიპადით და ხვდები თუ რამდენად მოსახერხებელია. ამას ალბათ ვერ გადმოქცემთ, ეს უნდა ნახოთ. ძალიან სწრაფი ბრაუზერი, რომელიც მყისიერად ტვირთავს გვერდებს, მყისიერად გადაადგილდება გვერდის ფარგლებში. აიპდის შემდეგ დიდ კომპიუტერზე საიტების ნახვის სურვილი გიქრება. და Flash-ი? მკითხავს ამ ტექნოლოგიების მოყვარული მკითხველი. ჩემო ძვირფასო მეგობარო, დაივიწყე, დაივიწყე როგორც კოშმარული სიზმარი ეს საძაგლობა! ფლეშის გარეშე ინტერნეტი გაცილებით უკეთესია! ;) აიპადის ორდღიანი სარგებლობის განმავლობაში არცერთხელ (ხაზს ვუსვამ ამას!) არ დამჭვირვებია ამ სისაძაგლის გამოყენება. არადა დამერწმუნეთ ძალიან ბევრ საიტზე მოვასწარი შესვლა (ჩემი სანშნეების სია 1028 ერთეულს ითვლის :D).

დამატებითი აპლიკაციები

აღსანიშანავია, რომ აიპადის გაყიდვაში გამოსვლამდე დეველოპერებს არ ქონდათ საშუალება ჩაეტარებინათ საკუთარი აპლიკაციების ტესტირება ამ მოწყობილობაზე. ისინი SDK-ში ჩადგმულ სიმულატორს იყენებდნენ. აიფონის შემთხვევაში ჯერ ტელეფონი გამოვიდა და მხოლოდ ერთი წლის გასვლის შემდეგ გამოვიდა SDK. შესაბამისად აპლიკაციების პირველი ტალღა ვერ გამოვიდა უნაკლო, ზოგოერთ მათგანში შეიმჩნევა მცირე ზომის „ხოჭოები“, რომელთა გასწორებაც დეველოპერებმა უკვე დაიწყეს.

მავანი მკითხავს, რატომაა მნიშვნელოვანი კონკრეტულად აიპადისათვის აპლიკაციების დაწერა, აიფონსი 170 000-ზე მეტი აპლიაცია ხომ მიდის მასზე? კი ბატონო, მიდის, ეშვება, მაგრამ საცოდავად გამოიყირება. ე.წ. „ძველი“ აპლიკაციებიდან მე ვტესტავდი ორს, Skype-ს და Facebook-ს. ორივე ემუალაციის რეჟიმში მუშაობდა (ანუ როდესაც უნდა დააჭირო ეკრანზე სპეციალურ ღილაკს, რომ აპლიაციამ აიპადის მთლიანი ეკრანი დაიჭიროს). ამ მდგომარეობაში გამოსახულება არის საშინლად უხარისხო, მაგალითად პირწიგნაკში ტექსტის კითხვა საერთოდ შეუძლებელია, ასოები დაკბილული და გონჯი ჩანს. სკაიპიც ულამაზოა, ტექსტი ვერ იკითხება კარგად (მე ცოტა ცუდად ვხედავ და მითუმეტეს გამიჭირდა). ამიტომაც იძულებული გავხდი ორივე პროგრამა დამებრუნებინა საწყის ზომაზე, როგორც ისინი ჩანს აიფონში. რამაც რათქმაუნდა ტექსტი აღქმადი გახადა, მაგრა ამხელა ეკრანზე ეს პაწუა ეკრანები ძალიან სასაცილოდ ჩანდა. სამაგიეროდ სპეციალურად აიპადისათვის დაწერილ აპლიკაციებში მუშაობა ისეთი სიამოვნებაა, რომ ალბათ თითოეული თქვენგანი, ვინც შეიძენთ აიპადს, კარგა ხანი ვერ მოწყდებით ამ მოწყობილობას. დროთა განმავლობაში კი გაგივლით ეს საწყისი ეიფორია, მაგრამ თავიდან… ჰო თავიდან ჩათვალეთ, რომ სამყაროდან ამოვარდებით სრულიად!

ერთ-ერთი ძირითადი კითხვა, რასაც მისვამენ ნაცნობები — როგორ ხდება სხვადასხვა ტიპის ფაილების მიმოცვლა აიპადში. თუ გგონიათ, რომ შეძლებთ აიპადის მიერთებას კომპიუტერთან, როგორც ფლეშკისა, ძალიან ცდებით. Apple-ი ამის უფლებას არ გაძლევთ. ჯერ უნდა დააყენოთ სპეციალური აპლიკაცია, რომელიც საშუალებას მოგცემთ ფაილებთან  იმუშაოთ. მაგალითად საოფისე ფაილებთან სამუშაოდ უნდა შეიძინოთ პროგრამები Pages, Numbers, Keynote. ამის მერე iTunes-ში გაჩნდება ფუნქცია File Sharing-ი. თქვენ იქ დაამატებთ საჭირო ფაილს და მოახდენთ აიპადის სინქრონიზაციას კომპიუტერთან. ფაილი გადავა აიპადში.

იმ ანეკდოტისა არ იყოს, მეგრელს რომ ჰკითხეს ყური სად გაქვსო და იმანაც იმის მაგივრად მარჯვენა ხელით მარჯვენა ყურზე მიეთითებინა, მარცხენაზე რომ მიუთითა მკლავუკუღმა, ეფლსაც ასე მოსდის. მართალია მე ძალიან, ძალიან მიყვარს ეს კომპანია და მისი პროდუქტები, მაგრამ არ შემიძლია არ გამოვხატო ჩემი აღშფოთება ფაილების გაცვლის ასეთი ჩახუჭუჭებული ფუნქციის გამო. კარგი, დავუშვათ არ სურს ეფლს, რომ მომხმარებელს წვდომა ჰქონდეს მოწყობილობის მთლიან ფაილურ სისტემასთან. მეც ასეთი აზრისა ვარ პრინციპში (თუმცაღა სულმოუთქმელად ველი, როდის გაქცევენ ციხიდან (ე.წ. jailbreaking) აიპადს, რომ ქართული კლავიატურის კეთება დავიწყო), მაგრამ შეკაიდედამიშვილო, გააკეთე რა საქაღალდე Public, მაგალითად და მოგვეცი საშუალება ფლეშკის პრინციპით შიგნით ჩავყაროთ ფაილები და მერე კონკრეტული აპლიკაციით გავხნათ. არა, ეფლი ისევ ველოსიპედს იგონებს!

Pages-ი საკმაოდ კარგად ხსნის ტექსტურ დოკუმენტებს, Word-ისასაც კი, თუმცა დაფორმატების ელემენტები ეკარგება რაღაც ოდენობით. მე არ მქონდა დრო რომ გამერკვია, თუ რამდენად იცვლება ფორმატირება რთულ დოკუმენტებში. პრინციპში რაც მაკზე გადავედი, ახლად შექმნილი ყველა დოკუმენტი Pages-ის ფორმატში მაქვს და შესაბამისად თავსებადობის პრობლემაც ამ მხრივ მოხსნილი მაქვს.

ექსპორტიც ასევე საოცრად ხდება. როცა მორჩებით დოკუმენტზე მუშაობას, გაქვთ რამდენიმე გზა მისი კომპიუტერში გადატანისათვის: ან iWorks.com-ზე ატვირთვა (ეს Google Docs-ების ანალოგია, ოღონდ ეფლის მიერ შექმნილი), ან ესქპორტი რომელიმე ფორმატში (PDF, Word, Pages) და მხოლოდ ამის მერე ის შეინახება სპეციალურ საქაღალდეში, რომლიდანაც ისევ iTunes-ის საშუალებით გადმოიტანთ კომპიუტერში.

იმედს ვიტოვებ, რომ ეფლი ახალი მიკროკოდის გამოსვლისათვის რაიმე ახალ ვარიანტს მოიფიქრებს. ტყულიად კი არ გადადეს შემოდგომისათვის მისი რელიზი!

კითხვა iPad-ზე

მიმოვიხილოთ აიპადი და არ ვისაუბროთ მის ისეთ ფუქნციაზე, რომელიც ყველაზე მეტად აინეტრესებთ მომხმარებლებს, კონკრეტულად კი ელწიგნის ფუნქციაზე, ნამდვილად დანაშაული იქნებოდა. ძირითადი აპლიკაცია (იმედი მაქვს, რომ მალე სხვა, ალეტერნატიული წამკითხველებიც გამოჩნდება) ახლა არის iBooks. ის უფასოა და მისი ჩამოტვირთვა შესაძლებელია App Store-დან. იმის გარდა რომ ეს წამკითხველი პროგრამაა, ის ასევე ინტერფეისია აიპდსა და ეფლის წიგნების გაყიდვის ახალ სერვისთან.

პროგრამას მოყვება ერთი უფასი წიგნი, „ვინი-პუჰი“, ძალიან ლამაზად აკინძულ-დაკაბადონებული საბავშვო წიგნი, რომლის კიტხავამაც ისე გამიტაცა, რომ ორიდე საათით გადამავიწყა აიპადის სხვა ფუნქციების ტესტირებაც.

ელწიგნები აიპადში იკითხება EPUB- ფორმატში. ასეთი წიგნები მრავლადაა ინტერნეტში „უფასოდ“. შეგიძლიათ ჩამოტვირთოთ და ისევ და ისევ iTunes-ის საშუალებით სინქრონიზაციით „გადაღვაროთ“ აიპადში. ქართულ წიგნებთან პრობლემაა. უფრო სწორედ პრობლემაა მათი არარსებობა. აკამ თვითონ დააკონვერტირა EPUB-ფორმატში რამოდენიმე ქართული წიგნი და ტესტირების დროს მომეცა საშუალება წამეკითხა ილია, სულხან-საბა, გოგებაშვილი. დიდი იმედი მაქვს, რომ ქართული რესურსები, სადაც იდება ქართველი ავტორების ტექსტები და უცხოურიდან ნათარგმნებიც, ყურებს გამოიჩიჩქნიან დროულად და მოგვაწვდიან პროფესიულად დაკონვერტირებულ წიგნებს. ასევე მინდა მივმართო გამომცემლობებს, ყურადღება მიაქციეთ აიპადს! და შექმენით მისთვის სრულყოფილი შიგთავსი წიგნების სახით!

მთლიაობაში რომ ვისაუბროთ აიპადზე, როგორც ელწიგნზე ვიტყვი მხოლოდ ერთს, ძალიან, ძალიან მაგარი რამეა! რამდენიმე საათი შეუსვენებლივი კითხვის შემდეაც კი არ შემქნია თვალების დაღლის მომენტი (თუმცა თვალები საკმაოდ სუსტი მაქვს), უბრალოდ წიგნიდან შეგიძლიათ ჩაუწიოთ ეკარნის სიკაშკაშეს სასურველ დონემდე და ეგაა!

მიმოხილვის ამ ნაწილის დასარულს მინდა ავღნიშნო რამდენიმე მომენტი:

• აიპადის აპარატურული ნაწილი ძალიან კარგადაა შერჩეული;
• ეკრანის ნათითურებით დასვრის მომენტი ძალიან მიშლის ნერვებს;
• არააიპადისათვის დაწერილი ძველი აპლიკაციები არ უნდა გაუშვა აიპადზე, საშინელებაა, სამაგიეროდ აიპადის აპლიკაციები გამოიყურება საუცხოოდ;

და ბოლოს, ჩემი მოკრძალებული აზრით ეს არის საუკეთესო მოწყობილობა, რაც კი მე ოდესმე მინახავს. რაღათქმაუნდა მას აქვს უარყოფითი მომენტებიც, მაგრამ საერთო ფონზე ისინი ფერკმთალდებიან.

საერთოდ ვიტყოდი ერთ რამეს. Apple-ს არ გამოუგონია ტაბლეტ-კომპიუტერი, მაგრამ ზუსტად რომ Apple-მა შექმნა ის ისეთი, როგორიც ის უნდა იყოს! წერტილი!! განაჩენი საბოლოოა და გასაჩივრებას არ ექვემდებარება!!!

კიდევ ერთხელ შეგახსენებთ, რომ ამ მოწყობილობის შეძენა შეგიძლიათ თბილისში, ლესელიძის 53 ნომერში, კომპანია iPhones.ge-ში

ოპერაციული სისტემა და შთაბეჭდილებები

თუ გაქვთ აიფონი, არანაირი სირთულე არ გექნებათ აიპადის შესწავლისას — ფაქტობრივად ეს ერთი და იგივე სისტემაა, უბრალოდ დიდი ეკრანით. სისტემის მიკროკოდის ვერსიაა 3.2 (iPhone-ში ჯერ-ჯერობით 3.1.3).

მნიშვნელოვანი მომენტი, რომელიც კარგად უნდა გავიაზროთ — დიდი ეკრანის (9,7 გოჯი, აიფონის 3,5 გოჯთან შედარებით) დამსახურებაა ის, რომ ეს მოწყობილობა წარმოადგენს მუშა და მარავალფუნქციურ მოწყობილობას. ხოლო ინტერფეისის ახალი ელემენტები, როგორებიცაა pop-over (მენიუ, რომელშიც შეიძლება იყოს როგორც ბრძანებები, ასევე სხვადასხვა შიგთავსი) და split-screen (ეკრანის გაყოფის შესაძლებლობა, როდესაც მარცხნივ ელფოსტის წერილებია, ხოლო მარჯვნივ — ამ წერილების შიგთავსი) ხაზს უსვამ ფაქტს, რომ ახლა აიპადის გამოყენება შესაძლებელია გაცილებით უფრო სერიოზული საკითხების სამართავად.

აიპადის მუშაობის სიჩქარემ მართლაც გამაოცა. კი მქონდა წაკითხული ინტერნეტში ამიშ შესახებ, მაგრამ სანამ შენ თვითონ არ მოსინჯავ საქმეში, მანამდე ძნელია სხვისი შეგძრძნებების გათავისება. აი ახლა ალბათ თქვენც ჩემსავით დაეჭვებულები ხართ, ამას რომ კითხულობთ. დამიჯერეთ, როდესაც თვითონ გამოცდით ამ მოწყობილობას, დარწმუნდებით ჩემი სიტყვების სიმართლეში. პროგრამები ძალიან სწრაფად იხსნება, მონაცემების დამშავებაც ძალიან სწრაფად ხდება და საერთო შეგრძნება ფრიად პოზიტიურია. საბოლოოდ მიდიხარ იმ დასკვნამდე, რომ ამ სიჩქარისა და სენსორული მართვის სისტემის წყალობით მოწყობილობას აღიქვამ ბუნებრივად, ვინაიდან არ გეხარჯება დრო დალოდებაზე, ყველა ხელით შეხება ეკრანზე მყისიერად იწვევს ბრძანების შესრულებას და გიჩნდება შეგრძნება, რომ ყველაფერი ასეც უნდა ხდებოდეს.

კიდევ ერთი მომენტი — ტექსტის აკრეფა აიპადზე. წაკითხული მქონდა უცხოურ რევიუებში და ზოგიერთი აქაურიც მეუბნებოდა, რომ ვირტუალური კლავიატურა მოუხერხებელია ბრმა, ათთითიანი აკრეფისათვის. ვერ გეტყვით როგორ იკრიფება ათი თითით ტექსტი თუნდაც ჩვეულებრივ კომპიუტერზე, მე ვერ/არ ვფლობ ამ მეთოდს. და სიმართლე გითხრათ, ჩემი კომპიუტერებთან მუშაობის 21 წლიანი გამოცდილების გადასახედიდან, არც არასდროს დამჭვირვებია ეს მეთოდი. მე შემიძლია გითხრათ ჩემი შეგრძნებების შესახებ აიპადის კლავიატურასთან მუშაობისას. თავიდანვე გეტყვით, რომ შეგრძნებები არ იყო სრულფასოვანი, ვინაიდან არ მქონდა ხელთ ქართული კლავიატურა, ხოლო ლათინურ/კირილიცა კლავიატურებზე საკმაოდ სწრაფად ვკრიფე ტექტსი. აქ არის მნიშვნელოვანი მომენტი: როდესაც მაგიდაზე მედო აიპადი და ისე ვკფრეფდი, საკმაოდ სწრაფად დამეწყო თვალების დაძაბულობა. არცაა გასაკვირი, ადამიანის თვალები არაა ასეთ რეჟიმში სამუშაოდ განკუთვნილი, ჩემია ზრით. სწორედ ამიტომ გამოუშვა ეფლმა აი ეს მოწყობილობა.

ამ დოკის საშუალებით მშვიდად და კოფორტულად იქნება შესაძლებელი ტექსტის დამუსშავება აიპადში. ოდესმე, როდესაც აიპადს შევიძენ, პირველი აქსესუარი, რასაც მივაყოლებ, ზუსტად ეს იქნება. რაც შეეხება ჩემს საყვარელ მდგომარეობას (ტახტზე წამოკოტრიალებული :)), ამ პოზაში ტექსტის კრეფა პირადად ჩემთვის ყოველგვარი პრობლემის გარეშე მოხდა. მუხლებზე მიბჯენილ აიპადზე (რომელსაც ნოუთბუკისგან განსხვავებით არ სჭირდება იმის კონტროლი, რომ ამ რეჟიმში არ დაეცოს სავენტილაციო ნახვრეტები) მშვიდად და კომფორტულად ავკრიფე რამდენიმე გვერდი ტექსტი ჯერ ინგლისურად, ხოლო შემდეგ რუსულად. აკრეფის სიჩარის გაზომვა არ მომიხდენია, ვინაიდან ჩემთვის ამას არა აქვს გადამწყვეტი მნიშვნელობა.

აიპადს აქვს კიდევ ერთი შესაძლებლობა, მიიერთოდ ბლუთიზის საშუალებით გარე, ჩვეულებრივი კლავიატურა, ოღონდ ეფლის წარმოების. მე მაქვს კლასიკური, პლასტმასის, სრულზომიანი ბლუთუზ-კლავიატურა, მაგრამ მისი მიერთება ვერ შევძელი. აიპადი პოულობდა მას ქსლეში, იდენტიფიცირებასაც კი ახდენდა, რომ ის კლავიატურა იყო, მაგრამ არ უერთდებოდა. ბოლოს დავასკვენი, რომ აიპადი „სცნობს“ მხოლოდ ახალ, ალუმინის კლავიატურებს და შევეშვი ამ ექსპერიმენტს.

ახლა მოდით ვისაუბროთ მარავალ ამოცანიან რეჟიმზე ანუ ე.წ. „Multitasking“-ზე. ამ მომენტში, აიპადის მიკროკოდში ამ ფუნქციის მხარდაჭერა არ არის რეალიზებული. ეფლი გვპირდება, რომ შემოდგომაზე გამოსულ განახლებაში დაემატება. მანამდე ჩვენ უკვე ვიხილეთ 8 აპრილის სპეციალური ღონისძიების ფარგლებში ეს ფუნქცია. სიმართლე უნდა ითქვას, ეფლმა ამჯერადაც დაამტკიცა, რომ არაჩვეულებრივად შეუძლია უკვე არსებული ტექნოლოგიების ახლებურად და რაც მთავარია საუკეთესო ჭრილში წარმოჩენა. განა სხვა მობილურ პლათფორმებზე არ არსებობდა მალთითასკინგი მანამდე? უბრალოდ ეფლის რეალიზაცია ჩემი აზრით საუკეთესოა. იგივენაირად იქნება გადაწყვეტილი ეს ფუნქცია აიპადში. მანამდე კი უნდა დავჯერდეთ ამ ფუქნციის არარსებობას. აქ კვლავაც უნდა ხაზი გავუსვათ იმას, რომ სისტემურ პროგრამებში ეს მრავალამოცანიანი რეჟიმი წარმოდგენილია, მაგალითად iPod-ი აიპადშიც მშვენივრად უკრავს მუსიკას ფონურ რეჟიმში, ელფოსტის პროგრამა იღებს წერილებს. აიფონშ მე არასდროს გამჩენია დისკომფორტი აპლიკაციებს შორის ერთდროული მუშაობის არქონის გამო. აი აიპადი უკვე სახვა რამეა. კი, აპლიკაციები ძალიან სწარაფად იხნება და იხურება, რაც გიქმნის შთაბეჭდილებას, რომ ვითომ გაქვს მალთთასკინგი, მაგრამ არსებობს „მაგრამ“. ჯერ ერთი, ყველა პროგრამაში არ არის რეალიზებული მდგომარეობის შენახვის ფუნქცია — აკრეფილი, მაგრამ გაუგზავნელი ტვიტი დაიკარგება, მაგალითად. არის კიდევ უფრო მნიშვნელოვანი მომენტები. სკაიპში პარტნიორთან საუბრისას და რაღაცა დოკუმენტის განხილვისას ნამდვილად საჭიროა, რომ ეს დოკუმენტი თვალწინ გქონდეს. აიპადზე ეს ჯერ-ჯერობით ვერ მოხერხდება. ასე რომ შემოდგომის განახლება ძალიან-ძალიან გააუმჯობესებს ამ მოწყობილობის შესაძლებლობებს.

დღეისათვის ამით შემოვიფარგლები. ვიცი, რომ საკმაოდ დამღლელია დიდი ტექსტების კითხვა ეკრანიდან. ხვალ შემოგთავაზებთ მიმოხილვის მესამე ნაწილს, სადაც ვისაუბრებთ სისტემურ აპლიკაციებზე. ასე რომ დარჩით ჩვენთან და არ გამოტოვოთ მესამე (და არა უკანასკნელი) ნაწილი!

მოკლედ, ყველფერი იმით დაწყო, რომ პარასკევს ჩვეულებისამებრ მივედი სამსახურში და დავიწყე ჩვეულებრივი რუტინული საქმეების კეთება. დღე არაფერს საინტერესოს არ მოასწავებდა. ვიჯექი და სამუშაოს დაწყებამდე ყავას მივირთმევდი.

ამ დროს გაისმა ის სატელეფონო ზარი, რომლემაც არა მარტო პარასკევი დღე, არამედ მთელი შაბათ-კვირაც მთლიანად შემიცვალა. მირეკავდა ჩემი კარგი მეგობარი და ჩვენი მაკისტების ასოციაციის სპონსორი, კომპანია iphones.ge-ს დირექტორი აკა ხუხაშვილი (ადრე ბლოგში მქონდა განთავსებული Magic Mouse-ის მიმოხილვა, რომელიც აგრეთვე აკამ მომაწოდა). საბრის შინაარსი ასეთია: აკა მირეკავს და მეუბნება, რომ დღეს კვლავ უნდა მივიღო მონაწილეობა რუსთავი 2-ის გადაცემაში “ბიზნეს-კურიერი”. შეგახსენებთ, რომ პარასკევს, 23 აპრილს აღინიშნებოდა წიგნის საერთაშორისო დღე. ჰოდა გადაცემაში ვიყავი მიწვეული iPad-ით და მასში ჩატვირთული ქართული წიგნებით.

ჩემთვის უფრო საინტერესო ის აღმოჩნდა ამ ისტორიაში, რომ გადაცემის შემდეგ აიპადი მე დამრჩებოდა… არა სულ არა, ორშაბათამდე. ;) ღმერთს მადლობა ვუთხარი ასეთი საჩუქრისათვის და დავიწყე მომზადება. აქვე უნდა ითქვას, რომ წვერს კვირაში ერთხელ ვიპარსავ და რაღათქმაუნდა ეს დღე პარსაკევი არ არის. ამიტომ საკმაოდ გაბურძგნული გავემართე რუსთავი 2 ოფისისაკენ. მანამდე გავიარე აკას მაღაზიაში, რომელიც ლესელიძის 53 ნომერშია განთავსებული აიპადის ასაღებად.

ჩემთვის გამზადებული ჰქონდათ 64 გბაიტიანი, ტოპ-მოდელი. უამრავი აპლიკაციებით გაძეძგილი პლუს რამდენიმე ქართული ელექტრონული წიგნიც ჩაეწერათ უკვე.

რუსთავი 2-დან დაბრუნებულს გულმა ვერ მომითმინა, ჩემი აიფონით აიპადს გადავუღე სურათი და ფეისბუკზე დავდე.

აქ დაიწყო დიდი ისტერია, რომ იტყვიან, ძალიან ბევრს სურვილი ჰქონდა რომ ენახა აიპადი. ჰოდა საღამოს ჩვენი ოფისი გაივსო მომსვლელებით.

[youtube]http://www.youtube.com/watch?v=5_OrylTOM6w[/youtube]

გადავიღეთ სურათები, ვიდეოც და ყველანი დავიშალეთ დანაღვლიანებულები. ვინაიდან არ დარჩენილა არცერთი ადამიანი, ვისაც არ მოეწონა აიპადი. მაგრამ მოდი მოვლენებს წინ ნუ გავუსწრებთ, მივყვეთ თანმიმდევრობით.

შეფუთვა და კომპლექტაცია

შეფუთვა Apple-ის სტრადიულ სტილშია გადაწყვეტილი — ძალიან ხარისხიანად და მინიმალსტურად. კოლოფში დევს თვითონ აიპადი, USB-კაბელი, დამტენი, მცირე ზომის ბროშურა, საგარანტიო ფურცლები და ტრადიციული ვაშლის ლოგოიანი სტიკერები.

იმისათვის, რომ iPad-მა მუშაობა დაიწყოს, ის უნდა მიაერთოთ კომპიუტერთან, სადაც გიყენიათ პროგრამა iTunes-ი — გაეშვება სტანდარტული პროცედურა, სადაც მოწყობილობას დაარქმევთ სახელს და iTunes Store-ს ანგარიშს გაყწერთ. ამის მერე iTunes-ი შემოგთავაზებთ კომპიუტერთან სინქრონიზაციას — შეგეძლებათ მიუთითოთ, თუ რისი გადატანა გსურთ აიპადში (ჩემს შემთხვევაში ეს ბიჯები უკვე გავლილი იყო, მაღაზიაში მოხდა ამ პროცედურის დასრულება). სინქრონიზაციის შემდეგ აპარატ მზადაა სამუშაოდ.

გარეგანი სახე

iPad-ი გარეგნულად ისეთივე აღმოჩნდა, როგორც ეს სურათებზე მქონდა ნანახი და როგორსაც მოველოდი. პარასკევს არ მომხადარა ჩემი მათან პირველი შეხვედრა. 13 აპრილს მივიღე ის ორიოდე საათით (გაგეცინებათ და მაშინაც ტელეკრანზე აღმოვჩნდი! :D). ეკრანის გარშემო შავი ჩარჩო, რომელსაც ამდენი მითქმა-მოთქმა და ბუზღუნი მოყვა, სრულად ლოგიკურია და აუცილებელიც. წინააღმდეგ შემთხვევაში ეკრანის მგრძნობიარე ნაწილს შეეხებით მუდმივად, რითაც გამოიწვევთ მოწყობილობის ცრუ რეგირებას. ასე რომ ჩარჩო საჭიროა და როდესაც შეიძენთ აიპადს, მიხვდებით რომ ეს სწორი გადაწყვეტილება იყო.

მიუხედავად მცირე ზომებისა, აიპადი ფრიად კაპიტალური რამ არის — ძირითადად ეს გამოწვეულია უკანა ალუმინის მხარით, რომელიც მთლიანი ნაჭრიდანაა გამოხარატებული, როგორც ბოლო მოდელის Macbook Pro-ები (აი კიდევ ერთი მივიწყებული ქართული სიტყვა, ხარატი. მამაჩემი ხარატი იყო, სანამ უმაღლესში სწავლას დაიწყებდა). საერთოდ ტენდენცია იმისა, რომ ეფლის ყველა მოწყობილობა ე.წ. Unibody-ს სტილში გადადის, აშკარაა. სულაც არ გამიკვირდება, რომ Gizmodo-ზე ნაჩვენები iPhone-ი ნამდვილი აღმოჩნდეს, ან მიმსგავსებული მაინც იყო. მაგრამ მოდით აიფონზე სხვა დროს ვისაუბროთ. აიპადი არც მძიმეა და არც მსუბუქი, პირადად მე მომეწონა, არ დამამძიმა. ძალიან კარგადაა დაბალანსებული წონის მხრივ. თავიდანვე მინდა გაგაფრთხოლოთ ყველა, რომ აუცილებლად შეიძინეთ სილიკონის დამცავი შალითა აიპადისათვის! საქმე იმაშია, რომ კორპუსი ძალიან სლიკინაა და არის დიდი შანსი, რომ ხელიდან გაგივარდეთ! პირველად როცა მქონდა აიპადი, 13 აპრილს, შალითის გარეშე იყო და ორჯერ კინაღამ გამოსხლტა ხელიდან. ამჯერად iPad-ი პირდაპირ დახლიდან მომცეს, სადაც უნდა დავაბრუნო ორშაბათს. შესაბამისად არ მოვხსენი დამცავი ფირი კორპუსს. ამის გამო აიპადი არ სხლტება ხელიდან, თუმცა დამცავი ფირით საკუთარი აიპადით სიარული გოიმობა იქნება ;) მოკლედ იყიდეთ რა შალითა, 20-ოდე დოლარი არავის გააღარბებს და რამდენიმე ასეული დოლარის მოწყობილობას კი აგარიდებთ დამსხვევრივასგან.

iPad-ით სარგებლობის პირველივე წუთებიდან ყურადღებას იქცევს ეკრანი — არაჩვეულებრივად კაშკაშა, მსუყე ფერებით გაჯერებული, კარგი კონტრასტულობით და მზერის ფანტასტიური კუთხით (გვერდით მჯდომიარე, მწოლიარე, მდგომიარე ადამიანი ყველაფერს კარგად გაარჩევს ეკრანზე). გადაჭარბება არ იქნება, თუ ვიტყვი, რომ ეს ერთ-ერთი საუკეთესო ეკრანია მობილური მოწყობილობებისათვის. გამოსახულების ხარისხით მას სრულად მშვიდად შეუძლია ჭიდილი Nexus One-ის OLED-ეკრანთან, თანაც საკმაოდ ხარისხიანია კაშკაშა მზის სხივებშიც კი. მაგრამ არის ერთი მომენტი, რაც მე პირადად მიფუჭებს გუნება-განწყობას — მიუხედავად ეკრანის სპეციალური დაფერვისა, თითიების ანაბეჭდები საშინალად ეტყობა! და გიწევს მუდმივად ჯიბით პატარა ჩვრის ტარება მის გასაწმენდად. ამიტომ აედან გამომდინარეობს ჩემი მეორე რჩევა: აუცილებალად შეიძინეთ დამცავი ფირი და დააკარით ეკრანზე (ჯობია, თუ ამას სპეციალურ მაღაზიაში გამოცდილ სპეციალისტებს გააკეთებინებთ).

კორპუსის ზედა ნაწილში განთავსებულია ყურსაცვამების შესარჭობი ნახვრეტი (ყურსაცვამები კომპლექტაციაში არ შედის, გაითვალისწინეთ) და აიპადის/ეკრანის გამოსართავი ღილაკი. ეკრანიდან მარჯვენა მხარეს განთავსებულია ეკრანის ორენტაციის შეცვლის დამბლოკავი ღილაკი და ხმის მარეგულირებელი ღილაკი. ქვემოდან განთავსებულია ხმამაღლამოლაპარაკეები, ასევე დოკ-შესაერთებელი.

არანაირი USB შესაერთებლები ან SD-ბარათების შესარჭობი ღრიჭოები აიპადს არა აქვს. თუმცა სურვილის შემთხვევაში შეგიძლიათ ადაპტერების მთელი წყება, რომლითაც მაგალითად მიაერთებთ ფოტოაპარატს აიპადთან, ან SD-ბარათებს. ყველაფერს აგვირგვინებს მოწყობილობის უკანა, ალუმინის ხარეზე განთავსებული შავი მოკბეჩილი ვაშლი.

აპარატურული ნაწილი

მობილური მოწყობილობის ფრიად მნიშვნელოვანი ნაწილი გახლავთ აკუმულატორი. მე წაკითხული მქონდა ინტერნეტში ცნობილი უცხოელი ბლოგერების მიმოხილვები და მათი გახარებული კომენტარები აიპადის მუშაობის ხანგძლივობასთან დაკავშირებით. მაგრამ ის რაც მე ვნახე, ყოველგვარ მოლოდინს გადააჭარბა! სპეციფიკაციების მიხედვით iPad-ს შეუძლია მუშაობა 10 საათის განმავლობაში და ეს არ არის მარკეტინგული ხრიკი, როდესაც ასეთი ხაგძლივობით მუშაობის გარანტიას გაძლევენ მხოლოდ “ძლიერ ჩამუქებული ეკრანით, გამორთული WIFI-ით” და ა.შ. ჩემს კონკრეტულ შემთხვევას მოგახენებთ. პარასკევს, დაახლოებით დილის 11 საათზე მივიღე აიპადი, წავედი ტელევიზიაში, მერე ოფისში მივუერთდი ლოკალურ უსადენო ქსელს და რამოდენიმე საათი შდეუსვენებლივ დავძრომიალობდი ინტერნეტში. მერე მოვიდნენ ჩემი მეობრები, მათაც ბლომად ნახეს, დასუნეს, დაკბიჩეს აიპადი. მერე როგორც იქნა სახლში გავაღწიე და აი აქ დაიწყო ძირფესვიანი ტესტირება! მოკლედ რარა ბევრი შეგაწყინოთ. ჩემს ხელში აიპადმა საკმაოდ ინტენსიური დატვირთვით გაძლო 14 საათი დატენვის გარეშე!!! და ამის შემდეგაც კი დარჩენილი იყო მუხტის 33%!!! მეტი რაღა გინდათ ხალხო! ახლა საცივს ვერ მოგიმზადებთ და ისე აიპდი მაგარია! ერთი რამ უნდა გაითვალისწინოთ ოღონდ: ვინაიდან აიპადის აკუმულატორი ასეთი მძლავრია, აუცილებელია, რომ USB-პორტი, საიდანაც ის იღებს დენს, იყის მაქსიმალურად მძლავრი. მაკების მფობელებს არაფერი აქვთ სანერვიულო, თუ რასაკვირველია არ გაქვს მოძველებული მოდელები (Power პროცესორებზე) — ყველა თანამედროვე მაკს საკმაოდ მძლავრი USB-პორტები აქვთ, აი ზოგიერთი PC-კომპიუტერი ამით ვერ დაიკვეხნის, ამიტომ მარივი რჩევა — დამუხტეთ აიპადი დენის წყაროდან და არა კომპიუტერიდან. მე ზუსტად ასე გავაკეთე.

რაც შეეხება iPad-ის შიგნეულობას — არა მგონია, რომ ის საინტერესო იყოს მომხმარებელთა უმეტესობისათვის (თუმცა ჩემნაირი გიკებისათვის უდაოდ საინტერესო იქნება). ამიტომაც მოგახსენებთ დეტალებს: პროცესორი აიპადს საკუთარი წარმოებისა აქვს, A4 1 გიგაჰერცი სიხშირით, რომლის შიგნიტაც განთავსებულია ერთი ბირთვი Cortex A8 გრაფიკულ ამაჩარებელთან PowerVR SGX ერთად. ასევე აიპადში განთავსებულია 256 მეგაბაიტი ოპერატიული მეხსიერება, იმდენი, რამდენიც აქვს iPhone 3GS-ს. შიგნით ასევე ჩამოტნაჟებულია WiFi, Bluetooth-ი, კომპასი და აქსელომეტრი. GPS-ი ამ მოდელში არ არის, ის ხელმისაწვდომი იქნება აიპადის 3G-იან მოდელში, რომელიც აშშ-ში გაყიდვაში 7 მაისს გამოდის.

როდესაც ვპალაპარაკობთ მოწყობილობის მახასიათებლებზე, არ შემიძლია გვერდი ავუარო მასტან მუშაობის მომენტებს. მოწყობილობის ფორმა საშუალებას გვაძლევს გამოვიყენოთ ის როგორც მჯდომიარე, ასევე მწოლიარე რეჟიმში. პირადად ჩემთვის, როგორც სუპერ ზარმაცი ადამიანისათვის, იდეალური ვარინატი გახლავთ წამოწოლილ მდგომარეობაში, მუხლებზე მიყრდნობილი აიპადი. ამ პოზაში ტექსტსაც ვკრიფავ არაჩვეულებრივად სწრაფად, ვთამაშობ და ინტერნეტშიც დავძრომიალობ. თუმცა ფუმფულა სავარძელში, ზამთარში თუ ბუხრის პირას არა, ოთახის მყუდრო კუთხეში ტორშერთან მაინც ჯდომა და აიპადით მუშაობა საამური განცხრომის ტოლფასი იქნებოდა ჩემთვის! :)

უნდა ავღნიშნო მოწყობილობის მართლაც არაჩვეულებრივი სისწრაფე. ვებ-გვერდები ელვისუსწრაფესად იხსნება, საოფისე პროგრამები მუშაობს ძალიან მაგრად და თამაშები! ოოო, ეს უნდა ნახოთ! ეს უნდა შეიგძრძნოთ! ავტორბოლების თამაში აიპადზე ერთი სიამვნებაა! თუმცა სტრატეგიული ან არკადული თამაშებიც მაგრად მიდის!

მაგრამ მოდით პროგრამულ უზურნველყოფაზე მიმოხილვის მეორე ნაწილში მოგიყვებით, თორემ სტატია ისედაც ძალიან დიდი გამოვიდა.

რაოდენობრივი მონაცემები ასეთია: გაყიდულია 2,94 მლნ. მაკი (გაყიდვებმა წლის განმავლობაში 30%-ით იმატა), 8,75 მლნ. აიფონი (131%-იანი ზრდა) და 10,89 მლნ. აიპოდი — დამკვრელების გაყიდვები შემცირდა 1 პროცენტით. კომპანიის მარჟამ შეადგინა 41,7%. უცხოური გაყიდვები საერთო ჯამში წარმოდგენილია 58%-ით.

საქმე იმაშია, რომ Agnilux-ი დააარსეს PA Semi-დან წასულმა თანამშრომლებმა — ეს ის კომპანიაა, რომელიც ეფლმა შეიძინა და რომელიც აიპადისათვის პროცესორებს ქმნის.

მაგრამ PA Semi-ს ეფლის კონტროლის ქვეშ გადასვლა რბილად არ მომხდარა. რამოდენიმე თანამშროემლი, მათ შორის PA Semi-ს დამფუძნებელი დენ დობერფალი, კომპანიის ხელმძღვანელი ამრჯიტ ჯილი და აღმასრულებელი დირექტორი მარკ ჰეიტერი ვერ ჩაჯდა ეფლის სუბკულტურაში და დატოვა კომპანია.

მათ დააარსეს კომპანია Agnilux, რომლის საქმიანობის სფერო ყველასათვის უცნობია. New York Times-ი ვარაუდობს, რომ ინჟინრებმა გადაწყვიტეს ახალი სერვერული ტექნოლოგიების ათვისება, თუმცა ეს არ არის დადასტურებული ინორმაცია.

Agnilux-ის Google-ის კონტროლქვეშ გადასვლა განსჯის ფართო საშუალებას გვაძლევს. პირველი რაც თვალში საცემია — გუგლმა გადაწყვიტა ეფლის გზით იაროს და საკუთარი პროცესორის დამზადებას მიყო ხელი. სრულიად ლოგიკური ნაბიჯია.

ტრადიციულად მსოფლიოში უმსხვილესი კონფერენციის გამართვის ვადები ცნობილი ხდება უკვე გაზაფხულზევე: როგორც წესი მარტში კომპანია ოფიციალურად აცხადებს, რომ ივნისის ხუთი სამუშაო დღე დაეთმობა მაშტაბურ ღონისძიებას Moscone Center-ში, სან-ფრანცისკო, კალიფორნია.

რა არის ცნობილი აპრილის ბოლოსათვის? ქსელში მოძრაობს ჭორი, რომ ახალ iPhone-ს გვიჩვენებენ 22 ივნისს სპეციალურ პრეზენტაციაზე, რომლისთვისაც კუპერტინომ უკვე იქირავა Yerba Buena Center.

ამავდროულად Apple-ის პრეს-სამსახური სდუმს პარტიზანივით, რის გამოც იქმნება შთაბეჭდილება, რომ კუპერტინოს არ სურს დეველოპერების მოსვლა WWDC-ზე. მაგრამ რატომ?..

კვირის დასაწყისში დიდი ხმაურის მომტანი სიახლე კვლავინდებულად არ ასვენებს მაკ-პრესას: ოთხშაბათს საიტზე Mac Rumors დაამატეს სიახლეები თემის გარშემო — ეფლის აწ უკვე დათხოვნილი თანამშრომელი ყვება კომპანიის მიერ ახალი გაჯეტების გამოცდის ნიუანსებს:

სტივ ჯობსი უშუალოდ აკონტროლებს პროტოტიპებთან დაშვებული თანამშრომელბის სიას, რომლებსაც უფლება აქვთ გაჯეტი გაიტანონ ოფისს გარეთ. ეს თანამშრომლები ხელწერილს დებენ გაუთქმელობის შესახებ.

ცოტა ისტორია: 2007 წელს, პირველი აიფონის გაყიდვების დაწყებამდე, კომუნიკატორის ტესტირებაზე დაშვებული იყვნენ AT&T-ის ორასამდე თანამშრომელი. სამი წლის შემდეგ კუპერტინო რადიკალურად ამცირებს დაშვებულთა რაოდენობას. ახალი გაჯეტის ნახვა მხოლოდ ტოპ-მენეჯერებს შეუძლიათ.

და ასე მანამ, სანამ არ მოხდება მოწყობილობის პრეზენტაცია.

ჯერ-ჯერობით მხოლოდ პლათფორმა, გემრიელობების გარეშე, მაგრამ უკცე შესაძლებელია ელმაღაზიაში ძრომიალი, მეგობრებთან ჩეტაობა და ა.შ. ცოტაც უნდა მოვითმინოთ და სრულფასოვანი სათამაშო პლათფორმა ჩვენც გვექნება!

ვაშა!

ტელეფონი დაშალილია! მაგრამ დახეთ რა სამწუხაროა, ყველა მნიშვნელოვანი ნაწილი დაფარულია ლითონის ფირფიტებით, რაც შეუძლებელს ხდის დეტალურად გავეცნოთ მოწყობილობას (აბა რა, გიზმოდომ ხომ უნდა დააბრუნოს აპარატი ეფლში, ასე რომ გატეხვა არ შეიძლება!).

მთლიანობაში აწყობის პრინციპმა არავინ გააკვირვა. აიფონის ერთი მოდული მეორეზე მაგრდება, ყველაფერი კარგად არის მორგებული ერთმანეთზე, ცარიელი სივრცეები დატოვებული არ არის.

დამატებითი ფოტოები შეგიძლიათ იხილოთ აქ.

Gizmogo-ს პასუხი:

Bruce, thanks. Here’s Jason Chen, who has the iPhone. And here’s his address. You two should coordinate a time. [Address] Happy to have you pick this thing up. Was burning a hole in our pockets. Just so you know, we didn’t know this was stolen [as they might have claimed. meaning, real and truly from Apple. It was found, and to be of unproven origin] when we bought it. Now that we definitely know it’s not some knockoff, and it really is Apple’s, I’m happy to see it returned to its rightful owner. P.S. I hope you take it easy on the kid who lost it. I don’t think he loves anything more than Apple.

მაგრამ ამ რამდენიმე დღის წინ მოხდა ის, რასაც შეგვიძია ვიწოდოთ ეფლიდან ინფორმაციის უდიდესი გაჟონვა მთელი ისტორიის მანძილზე. გაჟონა არა უბრალოდ ინფორმაციამ — არამედ მთლიანმა მოწყობილობამ.

როდესაც ინტერნეტში პირველი ფოტოები გამოჩნდა, ბევრმა უბრალოდ არც დაიჯერა, რომ მათზე გამოსახულია ზუსტად რომ ახალი iPhone. თავიდან უფრო დამაჯერებელი ჩანდა მოსაზრება, რომ ეს უბრალო ჩინური ნაკეთობაა, თუმცა მალე გასაგები გახდა, რომ ეს ასე არ არის.

ფოტოების ნამდვილობის პირველი დამამტკიცებელი საბუთი მიიღო ჟურნალისტმა ჯონ გრუბერმა, ბლოგიდან Daring Fireball. Apple-ის ანონიმურმა წყაროებმა აღიარეს, რომ ეს მოწყობილობა მართლაც ახალი თაობის აიფონია. გრუბერს მართლაც აქვს კავშირები კუპერტინოსთან, ამიტომ მისი დაჯერება შეიძლება.

მალე ამოტივტივდა თვითონ ფოტოები. მოწყობილობა სოლიდური ანაზღაურების საფუძველზე შეიძნა სხვა ტექნო-ბლოგმა — Gizmodo-მ. საიდან მოხვდა მათ ხელში ის?

18 მარტს ეფლის ინჟინერი გრეი პოუელი პატარა რესტორანში ატარებდა დროს და ლუდს წრუპავდა. მიზეზი ნადმვილად ჰქონდა — დაბადების დღე ჰქონდა ყმაწვილს. მან თან წამოიღო ტელეფონი, რომელიც ერთი შეხედვით iPhone 3GS-ს წააგავდა.

პიროვნება, რომელიც შედეგად შემთხვევით გახდა აიფონის პროტოტიპის მფლობელი, პოუელის გვერდით იჯდა. მას მერე, რაც ინჟინერი წავიდა ბარიდან, სიტუაციამ კომიკური სახე მიიღო. თუ ანონიმს დავუჯერებთ, მას მხარზე ხელი დაუტყაპუნა ვიღაცა შეზარხოშებულმა ტიპმა და მიუთითა გვერდითა სკამზე დარჩენილ აიფონზე, თუ ვისი იყო ტელეფონი. მიუხედავად ანინიმის მცდელობისა უერყო ტელეფონის მფლობელობა, მას მაინც ხელში შეაჩეჩეს ის სიტყვებით: „შენს ძმაკაცს დარჩა ალბათ და არ ესიამოვნება რომ დაკარგოსო“.

მეორე დღეს ახალმა მფობელმა ყურადღებით დაათვალიერა მოწყობილობა. ტელეფონში დაყენებულ Facebook-ის აპლიკაციაში მითითებული იყო ეფლის ინჟინრის ანგარიში. აპარატი მაინცადამინც არ ჰგავდა ეფლის არსებულ პროდუქტებს, ხოლო ოპერაციულ სისტემაში დამატებული იყო ისეთი შესაძლებლობები, რაც ახლა არა აქვს აიფონს. რამოდენიმე საათის შემდეგ ტელეფონი დისტანციურად დაბლოკეს და მან შეწყვიტა მუშაობა.

ანონიმი ირწმუნება, რომ მან მრავალჯერ სცადა კომპანიაში დარეკვა, რათა დაებრუნებინა ნაპოვნი ნივთი, მაგრამ მას არავინ მოუსმინა. მაშინ მან ინტერნეტში გამოფინა მოწყობილობის ფოტოები და მაშნვე იპოვნა ხალხი, ვინც დაინტერესდა ტელეფონის შეძენით. ბლოგი Gizmodo დათანხმდა 5000 დოლარის გადახდას.

რა მოუვა გრეი პოუელს? ეს ჯერ ცნობილი არ არის. უცნობია, უკვე დაითხოვეს თუ არა პოუელი, თუმცა ალბათ არა. როდესაც მას დაუკრეკეს Gizmodo-დან, ხმის მიხედვით თუ ვიმსჯელებთ, ის დათრგუნული იყო და ვერ გასცა პასუხი კითხვაზე მუშაობს თუ არა კვლავ ეფლში, რაც შეიძლება ნიშნავდეს „დიახ“-ს. წინააღმდეგ შემთხვევაში ამის დამალვა მას არ დასჭირდებოდა.

აიფონის პროტოტიპი მაინც დაბრუნდა ეფლში. ბრაიან ლემმა, Gizmodo-ს ერთ-ერთმა ავტორმა მიიღო წერილი, რომელშიც ეფლის იურისტი მას ეკითხება თუ სად და როდის შეუძლია ეფლს მიიღოს თავისი მოწყობილობა. Gizmodo-ს რედაქციაში გადაწყვიტეს თავი არ აიტკივონ და დააბრუნეს მოწყობილობა.

დღეს ვტესტავთ, მოკლედ.

პრინციპში ამაში არაფერი საოცარი არც არის. სტივი ახლოს ცხოვრობს Apple Store-ს ერთ-ერთ მაღაზიასთან, ის იქ ხშირად შედის. ალბათ ამჯერადაც ასე იყო.